នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធាន​ក្រុមការងារ​ចុះមូលដ្ឋាន ប្រកាស​បញ្ចូលសមាជិកថ្មី​​គណបក្សប្រជាជនកម្ពុជាចំនួន ៦៩០០នាក់ ក្នុងស្រុកប្រាសាទបល្ល័ង្ក ខេត្តកំពង់ធំ
សម្ដេច​តេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន
ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី
ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ​ និង ការអភិវឌ្ឍន៍

កោះតៃវ៉ាន់អះអាងថា ក្រុមនាវាដឹកយន្តហោះចិន ស្ថិតនៅក្នុងសមុទ្រប៉ាស៊ីហ្វិកខាងលិច សម្រាប់ធ្វើសមយុទ្ធ

2023/09/11 01:58:46 pm        163
Facebook Telegram Linkin
ក្រសួងការពារជាតិកោះតៃវ៉ាន់ និយាយនៅថ្ងៃចន្ទនេះថា កងនាវានៃកងទ័ពជើងទឹកចិន ដឹកនាំដោយនាវាដឹកយន្តហោះ Shandong បានធ្វើដំណើរឆ្លងកាត់ដែនទឹកស្ថិតនៅចម្ងាយប្រហែល ១១១គ.ម ភាគអាគ្នេយ៍កោះតៃវ៉ាន់ និងបានចូលទៅកាន់សមុទ្រប៉ាស៊ីហ្វិកខាងលិច សម្រាប់ការធ្វើសមយុទ្ធ ។ ក្រសួងការពារជាតិកោះតៃវ៉ាន់ បន្តទៀតថា នៅវេលាម៉ោង ៥ និង ៤០នាទីព្រឹកថ្ងៃចន្ទនេះ ពួកគេបានប្រទះឃើញផងដែរ យន្តហោះយោធាចិនចំនួន ១១គ្រឿង រួមទាំងយន្តហោះចម្បាំង J-16 ស្ថិតនៅតំបន់កំណត់ដែនអាកាសកោះតៃវ៉ាន់ ហើយកងកម្លាំងរបស់ខ្លួន បានឆ្លើយតបដ៏ត្រឹមត្រូវវិញ ។ នាវាដឹកយន្តហោះ Shandong ដែលបានដាក់ឲ្យដំណើរការកាលពីឆ្នាំ ២០១៩ បានចូលរួមសមយុទ្ធយោធាចិន នៅជុំវិញកោះតៃវ៉ាន់ កាលពីខែមេសា ដោយប្រតិបត្តិការនៅក្នុងសមុទ្រប៉ាស៊ីហ្វិកខាងលិច ។ វាបានធ្វើដំណើរឆ្លងកាត់ច្រកសមុទ្រតៃវ៉ាន់ កាលពីខែមិថុនាផងដែរ ។ ដោយឡែក នាវាចម្បាំងសហរដ្ឋអាមេរិក និងកាណាដា បានធ្វើដំណើរឆ្លងកាត់ច្រកសមុទ្រតៃវ៉ាន់ កាលពីថ្ងៃសៅរ៍ ដើម្បីចាប់ផ្តើមបេសកកម្មរួមគ្នាជាលើកទី ២របស់ពួកគេ ចាប់តាំងពីខែមិថុនា ហើយនិងគាប់ជួនជាមួយក្រុមមេដឹកនាំប្រទេសទាំង ២ចូលរួមកិច្ចប្រជុំកំពូលប្រទេសមានសេដ្ឋកិច្ចរីកចម្រើន G20 នៅក្នុងប្រទេសឥណ្ឌា ។ ចិនដែលពុំធ្លាប់បោះបង់ចោលការប្រើប្រាស់កម្លាំងដើម្បីដណ្តើមកោះតៃវ៉ាន់ឲ្យមកស្ថិតក្រោមការគ្រប់គ្រងរបស់ខ្លួនវិញនោះ បានបង្កើនសកម្មភាពយោធារបស់ពួកគេនៅជិតកោះគ្រប់គ្រងតាមបែបលទ្ធិប្រជាធិបតេយ្យមួយនេះ ដើម្បីជាការឆ្លើយតបចំពោះអ្វីដែលពួកគេចាត់ទុកថាជា “ការឃុបឃិតគ្នា”រវាងកោះតៃវ៉ាន់ និងសហរដ្ឋអាមេរិក ៕

នាយករដ្ឋមន្រ្តីអ៊ីតាលីនិយាយថា ភាពជាដៃគូខ្លាំងជាមួយចិន សំខាន់គម្រោងផ្លូវមួយ-ក្រវ៉ាត់មួយ

2023/09/11 01:55:28 pm        152
Facebook Telegram Linkin
នាយករដ្ឋមន្រ្តីអ៊ីតាលី លោកស្រី Giorgia Meloni បាននិយាយកាលពីថ្ងៃអាទិត្យថា មាននូវទំនាក់ទំនងរបស់អ៊ីតាលីជាមួយចិន សំខាន់ជាងគម្រោងផ្លូវមួយ-ក្រវ៉ាត់មួយ(BRI) ដោយលោកស្រីបន្តថា ការសម្រេចចិត្តផ្តាច់ព្រ័ត្រថាតើអ៊ីតាលីត្រូវចាកចេញពីគម្រោងមួយនេះ នឹងត្រូវធ្វើឡើង ។ លោកស្រី Meloni បានជួបជាមួយនាយករដ្ឋមន្រ្តីចិនលោក Li Qiang (លី ឈៀង)កាលពីថ្ងៃសៅរ៍ នៅក្រៅកិច្ចប្រជុំកំពូលក្រុមប្រទេសមានសេដ្ឋកិច្ចរីកចម្រើន G20 ដែលរៀបចំឡើងនៅក្នុងរដ្ឋធានីញូវដែល្លី ប្រទេសឥណ្ឌា ហើយលោកស្រីបានចាត់ទុកជំនួបមួយនេះថា មានលក្ខណៈស្ថាបនា និងប្រកបដោយការគួរសម ។ សារព័ត៌មានអ៊ីតាលី បានរាយការណ៍កាលពីថ្ងៃអាទិត្យថា អ៊ីតាលីនឹងដើរចេញពីគម្រោង BRI ហើយផ្ទុយទៅវិញ ពួកគេនឹងព្យាយាមស្រោចស្រង់កិច្ចព្រមព្រៀងភាពជាដៃគូយុទ្ធសាស្រ្តជាមួយចិន ដោយមានគោលដៅពង្រឹងកិច្ចសហប្រតិបត្តិការសេដ្ឋកិច្ច ដែលពួកគេបានចុះហត្ថលេខាលើកដំបូងកាលពីឆ្នាំ ២០០៤ ។ អ៊ីតាលី គឺជាប្រទេសមួយគត់នៅក្នុងចំណោមក្រុមប្រទេសមានឧស្សាហកម្មលូតលាស់ G7ដែលបានចុះហត្ថលេខាលើគម្រោង BRI គឺជាគម្រោងហេដ្ឋារចនាសម្ព័ន្ធ និងពាណិជ្ជកម្មសកល យកគំរូតាមគម្រោងផ្លូវសូត្រចាស់ តភ្ជាប់ចិន និងលោកខាងលិច ។ ប្រទេសអ៊ីតាលី នឹងធ្វើជាប្រធានកិច្ចប្រជុំកំពូលក្រុមប្រទេស G7 នៅឆ្នាំក្រោយ ហើយការផ្សាភ្ជាប់ទំនាក់ទំនងឡើងវិញជាមួយទីក្រុងប៉េកាំង នឹងធ្វើឲ្យថមថយទំនាក់ទំនងជាមួយសម្ព័ន្ធមិត្តលោកខាងលិច ដែលមានការព្រួយបារម្ភពីឥទ្ធិពលរបស់ចិន ស្របពេលដែលកាត់បន្ថយហានិភ័យប្រតិកម្មពីចិន ៕

ប្រមុខ UNនិយាយថា វិបត្តិមីយ៉ាន់ម៉ាកាន់តែធ្ងន់ធ្ងរទៅ ធ្វើឲ្យប្រព័ន្ធហិរញ្ញវត្ថុសកលបែកខ្ញែក

2023/09/11 01:51:44 pm        160
Facebook Telegram Linkin
អគ្គលេខាធិការអង្គការសហប្រជាជាតិ(UN)លោក Antonio Guterres បានអំពាវនាវឲ្យរបបសឹកមីយ៉ាន់ម៉ា ដោះលែងអ្នកទោសអ្នកនយោបាយ អំឡុងអនុសាសន៍បើកកិច្ចប្រជុំកំពូលអាស៊ាននៅប្រទេសឥណ្ឌូនេស៊ី ។ លោក Guterres នៅតែព្រួយបារម្ភចំពោះស្ថានភាពសិទ្ធិមនុស្ស មនុស្សធម៌ និងនយោបាយកាន់តែធ្ងន់ធ្ងរទៅនៅសហភាពមីយ៉ាន់ម៉ា ដែលជាប្រទេសញាំញីដោយសារសង្រ្គាម ចាប់តាំងពីរដ្ឋប្រហារយោធាកាលពីឆ្នាំ ២០២១ ។ ថ្លែងនៅក្នុងសន្និសីទសារព័ត៌មាន លោក Guterres បានលើកឡើងផងដែរពីក្តីកង្វល់ថាពិភពលោក នឹងប្រឈមនឹងការបែកខ្ញែកប្រព័ន្ធសេដ្ឋកិច្ច និងហិរញ្ញវត្ថុរបស់ខ្លួន ។ ពាក់ព័ន្ធនឹងភាពតានតឹងភូមិសាស្រ្តនយោបាយ ការអភិវឌ្ឍន៍ហិរញ្ញវត្ថុពហុភាគី និងបម្រែបម្រួលអាកាសធាតុ លោកបានអំពាវនាវឲ្យក្រុមមេដឹកនាំពិភពលោក ស្វែងរកដំណោះស្រាយដោយសន្តិវិធី និងរួមបញ្ចូល សម្រាប់ការងារលំបាកដែលពិភពលោកកំពុងប្រឈម ។ លោកថា សព្វថ្ងៃនេះ ភាពតានតឹងនៅតែខ្ពស់ ចាប់ពីឧបទ្វីបកូរ៉េ រហូតដល់សមុទ្រចិនខាងត្បូង ។ លោកមានការដឹងគុណចំពោះរដ្ឋសមាជិកអាស៊ាន សម្រាប់ការស្វែងរកការជជែកដោះស្រាយដោយសន្តិវិធី ស្របតាមច្បាប់អន្តរជាតិ រួមទាំងអនុសញ្ញាអង្គការសហប្រជាជាតិលើច្បាប់សមុទ្រ ៕

នាយករដ្ឋមន្ត្រីជប៉ុន នឹងសម្រេចរុះរើគណៈរដ្ឋមន្ត្រីថ្មី និងក្រុមប្រតិបត្តិគណបក្សLDP នៅថ្ងៃពុធ

2023/09/11 01:39:23 pm        123
Facebook Telegram Linkin
នាយករដ្ឋមន្ត្រីជប៉ុន លោក Kishida Fumio មានផែនការរុះរើគណៈរដ្ឋមន្ត្រីរបស់លោក និងក្រុមប្រតិបត្តិរបស់គណបក្សកំពុងកាន់អំណាចធំ នៅព្រឹកថ្ងៃពុធសប្តាហ៍នេះ។ លោក Kishida បានទម្លាយព័ត៌មាននេះ ទៅកាន់ក្រុមអ្នករាយការព័ត៌មាន ខណៈនៅក្នុងប្រទេសឥណ្ឌាចូលរួមកិច្ចប្រជុំកំពូលG20 និងព្រឹត្តិការណ៍ផ្សេងៗទៀត។ លោកបានវិលត្រលប់មកកាន់ប្រទេសជប៉ុនវិញនៅព្រឹកថ្ងៃចន្ទនេះ ហើយនឹងចាប់ផ្តើមការងារលើកការរុះរើនេះក្នុងភាពប្រាកដប្រជា។ លោកនាយករដ្ឋមន្ត្រីកំពុងពិចារណា ការរក្សាទុកអនុប្រធានគណបក្សប្រជាធិបតេយ្យសេរីនិយម (LDP)លោក Aso Taro និងអគ្គលេខាធិការលោក Motegi Toshimitsuឲ្យនៅក្នុងតំណែង។ លោកក៏មានផែនការតែងតាំងលោក Moriyama Hiroshi ជាប្រធានគណៈកម្មាធិការយុទ្ធសាស្ត្របោះឆ្នោតរបស់គណបក្ស LDP ឲ្យកាន់តំណែងសំខាន់ក្នុងរដ្ឋបាលរបស់លោក។ លោក Moriyama បានទទួលតំណែងជារដ្ឋមន្ត្រីក្រសួងកសិកម្ម ជលផល និងនេសាទ និងជាប្រធានគណៈកម្មាធិការកិច្ចការពិគ្រោះយោបល់របស់គណបក្ស LDP។ លោកត្រូវបានគេស្គាល់ពីការជាប់ពាក់ព័ន្ធដ៏ទូលំទូលាយទាំងគណបក្សប្រឆាំង និងគណបក្សកាន់អំណាច។ក្រុមអ្នកអង្កេតការកំពុងតាមដានមើលពីទំហំនៃការរុះរើ និងថាតើលោក Kishida នឹងតែងតាំងស្ត្រីបន្ថែមទៀតឬទេ ចំពោះមុខតំណែងថ្នាក់រដ្ឋមន្ត្រីក្នុងគណៈរដ្ឋមន្ត្រីរបស់លោក។

មីយ៉ាន់ម៉ាទទួលបានយន្តហោះចម្បាំង Su-30 របស់រុស្ស៊ីជាលើកដំបូង

2023/09/11 12:54:32 pm        140
Facebook Telegram Linkin
លោក Charlie Than រដ្ឋមន្ត្រីក្រសួងពាណិជ្ជកម្មមីយ៉ាន់ម៉ា បានប្រាប់ទីភ្នាក់ងារសារព័ត៌មានរដ្ឋ RIA របស់រុស្ស៊ី នៅក្នុងការលើកឡើងដែលបានចេញផ្សាយកាលពីថ្ងៃអាទិត្យ (១០ កញ្ញា) ថា សហភាពមីយ៉ាន់ម៉ា បានទទួលការដឹកជញ្ជូនលើកដំបូងនៃយន្តហោះចម្បាំង Su-30 របស់រុស្ស៊ី ចំនួនពីរគ្រឿង។លោក Than បានប្រាប់សារព័ត៌មាន RIA នៅខាងក្រៅវេទិកាសេដ្ឋកិច្ចបូព៌ា ដែលជាវេទិកាប្រចាំឆ្នាំរបស់រុស្ស៊ី មានគោលបំណងអភិវឌ្ឍកិច្ចសហប្រតិបត្តិការសេដ្ឋកិច្ចក្នុងតំបន់ និងលើកទឹកចិត្តដល់ការវិនិយោគបរទេស ដែលចាប់ផ្តើមនៅថ្ងៃអាទិត្យ (១០ កញ្ញា) នៅទីក្រុងកំពង់ផែ Vladivostok ថា «យន្តចំនួនហោះពីរគ្រឿងត្រូវបានដឹកជញ្ជូនមកដល់មីយ៉ាន់ម៉ារួចហើយ»។សារព័ត៌មាន RIA បាននិយាយថា ប្រទេសរុស្ស៊ី និងមីយ៉ាន់ម៉ា បានចុះហត្ថលេខាលើកិច្ចសន្យាមួយនៅក្នុងខែកញ្ញា ឆ្នាំ២០២២ សម្រាប់ការចែកចាយយន្តហោះចម្បាំង Su-30SME ចំនួន៦គ្រឿង។ សហរដ្ឋអាមេរិកបានព្រមានថា ការគាំទ្ររបស់រុស្ស៊ីសម្រាប់មេដឹកនាំយោធាមីយ៉ាន់ម៉ានេះ គឺមិនអាចទទួលយកបានទេ ហើយនិងធ្វើឱ្យមានអស្ថិរភាព ជាមួយនឹងការផ្គត់ផ្គង់អាវុធ ដោយអាចជួយបញ្ឆេះជម្លោះ ដែលក្លាយជាមហន្តរាយសម្រាប់ប្រទេសនេះផងដែរ៕

បេសកជនUNស្នើឲ្យម្ចាស់ជំនួយជួយដល់ប្រទេសស៊ីរី ដែលរងទុក្ខវេទនា កំពុងប្រឈមនឹងវិបត្តិសេដ្ឋកិច្ច

2023/09/11 12:46:07 pm        99
Facebook Telegram Linkin
បេសកជនពិសេសរបស់អង្គការសហប្រជាជាតិប្រចាំប្រទេសស៊ីរីកាលពីថ្ងៃអាទិត្យ បានស្នើដល់​ម្ចាស់​ជំនួយកុំកាត់បន្ថយការផ្តល់មូលនិធិរបស់ពួកគេ ខណៈដែលវិបត្តិសេដ្ឋកិច្ចរបស់ប្រទេសដែល​ហែកហួរ​ដោយសង្រ្គាមនេះ កំពុងកើនឡើង។ការសម្រេចចិត្តរបស់ប្រធានាធិបតីស៊ីរី លោក បាសា អាល់អាសាដ ( Bashar Assad) កាលពីខែមុន ក្នុងការបង្កើនប្រាក់ឈ្នួល និងប្រាក់សោធនក្នុងវិស័យសាធារណៈទ្វេរដង បានធ្វើឲ្យអតិផរណា​កើនឡើងខ្ពស់ ​និងជំរុញឲ្យមានការតវ៉ាជាបន្តបន្ទាប់ ដែលធ្វើឲ្យរង្គោះរង្គើដល់ខេត្តស្វេដា ( Sweida) ភាគខាងត្បូងដែលភាគច្រើននិកាយDruze និងខេត្តដារ៉ា( Daraa) ដែលនៅជិតនោះ។ពីដំបូងឡើយ ដោយត្រូវបានបង្កឡើងដោយវិបត្តិសេដ្ឋកិច្ចកាន់តែជ្រៅឡើង អ្នកស្រុកដ៏ច្រើនដែលមានកំហឹង បានចាប់ផ្តើមអំពាវនាវធ្វើយ៉ាងណាឲ្យលោកអាសាដដួលរលំ ដែលស្រដៀងទៅនឹងការបះបោររបស់ប្រទេសនេះក្នុងឆ្នាំ២០១១ដែលបានប្រែក្លាយទៅជាសង្រ្គាមស៊ីវិលទាំងស្រុង។អង្គការសហប្រជាជាតិ ប៉ាន់ប្រមាណថា ៩០ភាគរយនៃប្រជាជនស៊ីរី នៅក្នុងតំបន់ ដែលគ្រប់គ្រងដោយរដ្ឋាភិបាល រស់នៅក្នុងភាពក្រីក្រ ហើយប្រជាជនជាងពាក់កណ្តាលរបស់ប្រទេសនេះ កំពុងតស៊ូដើម្បីមានអាហារគ្រប់គ្រាន់សម្រាប់បរិភោគ។

ជប៉ុន នឹងបន្តទាមទារឱ្យចិនដកបម្រាមការនាំចូលអាហារសមុទ្ររបស់ខ្លួន

2023/09/11 12:36:35 pm        75
Facebook Telegram Linkin
នាយករដ្ឋមន្ត្រីជប៉ុន លោក Fumio Kishida បាននិយាយកាលពីថ្ងៃអាទិត្យ (១០ ខែកញ្ញា) ថា ប្រទេសរបស់លោក នឹងបន្តដាក់សម្ពាធដល់ប្រទេសចិន ឱ្យបញ្ចប់ការហាមឃាត់របស់ខ្លួនលើការនាំចូលផលិតផលអាហារសមុទ្រជប៉ុន ដោយប្រើវេទិកាច្បាប់ដូចជាអង្គការពាណិជ្ជកម្មពិភពលោក។ប្រទេសចិនបានដាក់បម្រាមនេះ បន្ទាប់ពីប្រទេសជប៉ុនបានចាប់ផ្តើមបញ្ចេញទឹកដែលបានធ្វើប្រព្រឹត្តិកម្មរួចចេញពីរោងចក្រនុយក្លេអ៊ែរ ហ្វ៊ូគូស៊ីម៉ា ចូលសមុទ្រកាលពីខែមុន។ ជប៉ុននិយាយថា ទឹកដែលបង្ហូរនោះគឺមានសុវត្ថិភាព ខណៈចិននិយាយថា វាជាសំណល់ទឹកគ្រោះថ្នាក់។ លោក Kishida ក៏បាននិយាយនៅក្នុងសន្និសីទសារព័ត៌មានមួយក្នុងទីក្រុង New Delhi ប្រទេសឥណ្ឌា នៅខាងក្រៅកិច្ចប្រជុំកំពូល G20 ថា លោកគ្រោងនឹងរុះរើគណៈរដ្ឋមន្ត្រីរបស់ខ្លួននៅព្រឹកថ្ងៃពុធ (១៣ ខែកញ្ញា) ខាងមុខនេះផងដែរ៕

ប្រធានាធិបតីបារាំង៖ សេចក្តីប្រកាសរបស់ G20 មិនមែនជាជ័យជម្នះសម្រាប់រុស្ស៊ីទេ

2023/09/11 12:21:47 pm        100
Facebook Telegram Linkin
ប្រធានាធិបតីបារាំង លោក Emmanuel Macron បាននិយាយកាលពីថ្ងៃអាទិត្យ (១០ កញ្ញា) ថាប្លុក G20 ដែលត្រូវបានបង្កើតឡើងដើម្បីដោះស្រាយបញ្ហាសេដ្ឋកិច្ចអន្តរជាតិជាជាងបញ្ហានយោបាយ មិនមែនជាកន្លែងសម្រាប់រំពឹងថា នឹងមានការរីកចម្រើនផ្នែកការទូតលើសង្រ្គាមនៅអ៊ុយក្រែននោះទេ ហើយលោកក៏បានបន្ថែមថា សេចក្តីប្រកាសរបស់មេដឹកនាំ G20 នៅក្នុងកិច្ចប្រជុំចុងសប្តាហ៍របស់ខ្លួន មិនមែនជាជ័យជម្នះផ្នែកការទូតសម្រាប់រុស្ស៊ី ដែលស្ថិតក្នុងភាពឯកោពីកិច្ចប្រជុំកំពូលនោះទេ។សេចក្តីប្រកាសដែលបានអនុម័តកាលពីថ្ងៃសៅរ៍ (៩ កញ្ញា) បានបញ្ចៀសការថ្កោលទោសរុស្ស៊ី ចំពោះជម្លោះនៅអ៊ុយក្រែន ប៉ុន្តែបានគូសបញ្ជាក់ពីភាពឈឺចាប់របស់មនុស្សជាតិ ដែលបណ្ដាលមកពីអំពើហិង្សានោះ ហើយបានអំពាវនាវឱ្យរដ្ឋទាំងអស់ កុំប្រើកម្លាំងដើម្បីដណ្តើមយកទឹកដី។លោក Macron បានប្រាប់សន្និសីទសារព័ត៌មានបន្ទាប់ពីពិធីបិទកិច្ចប្រជុំកំពូលថា « កិច្ចប្រជុំ G20 នេះបានបញ្ជាក់ជាថ្មីម្តងទៀតពីភាពឯកោរបស់រុស្ស៊ី។ កាលពីម្សិលមិញ និងថ្ងៃនេះ សមាជិក G20 ដ៏ច្រើនលើសលប់ បានថ្កោលទោសសង្រ្គាមនៅអ៊ុយក្រែន និងផលប៉ះពាល់របស់សង្រ្គាមនេះផងដែរ»៕

ឯកឧត្តម ស៊ុន ចាន់ថុល អញ្ជើញពិនិត្យវឌ្ឍនភាព នៃការអភិវឌ្ឍតំបន់សេដ្ឋកិច្ច ពិសេសនៅខេត្តព្រះសីហនុ

2023/09/11 12:12:11 pm        291
Facebook Telegram Linkin
ព្រះសីហនុ៖ នាព្រឹកថ្ងៃទី១១ ខែកញ្ញា ឆ្នាំ២០២៣នេះឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា រួមដំណើរជាមួយ ឯកឧត្តម ជា វុទ្ធី អគ្គលេខាធិការ​គណៈកម្មាធិការវិនិយោគកម្ពុជា ​ប្រតិភូអមដំណើរ និងឯកឧត្តមអភិបាលនៃគណៈអភិបាល​ខេត្តព្រះសីហនុ ព្រមទាំងតំណាងអាជ្ញាធរដែនដី បានអញ្ជើញបំពេញទស្សនកិច្ចពិនិត្យវឌ្ឍនភាព​នៃការអភិវឌ្ឍតំបន់សេដ្ឋកិច្ចពិសេសនៅខេត្តព្រះសីហនុ ។ជាមួយគ្នានោះឯកឧត្តមឧបនាយករដ្ឋមន្ត្រី និងប្រតិភូអមដំណើរក៏បានពិនិត្យមើលសកម្មភាព​ផលិតកម្ម​របស់​ក្រុមហ៊ុនមួយចំនួននៅក្នុងតំបន់សេដ្ឋកិច្ចពិសេសផងដែរ។មន្ត្រីបានឱ្យដឹងថា តំបន់សេដ្ឋកិច្ចពិសេសកំពង់ផែក្រុងព្រះសីហនុ ចាប់ផ្តើមដំណើរការពីថ្ងៃទី០២ ខែកញ្ញា ឆ្នាំ២០០៩ ​មានទីតាំងស្ថិតក្នុងភូមិ៣ សង្កាត់លេខ៣ ក្រុងព្រះសីហនុ ​ខេត្តព្រះសីហនុ លើផ្ទៃដីទំហំ ៦៧៤.៩៣៧ ម៉ែត្រក្រឡា។ តំបន់សេដ្ឋកិច្ចពិសេសកំពង់ផែក្រុងព្រះសីហនុ មាន​គម្រោងវិនិយោគចំនួន ០៥គម្រោង ដែលវិនិយោគដូចជា ផលិតគ្រឿងសម្ភារៈថែរក្សាសម្ភស្ស កេសកាតុង ព្យ៉ាណូកែច្នៃ ឧបករណ៍សត្វចិញ្ចឹម គម្របប្លាស្ទិក និងដែកថែបគ្រប់ប្រភេទ។ តំបន់សេដ្ឋកិច្ចពិសេសកំពង់ផែក្រុងព្រះសីហនុ បានផ្តល់ការងារជូនដល់កម្មករនិយោជិត​ប្រមាណជាង ២០០ នាក់។មន្ត្រីបន្ថែមថា សម្រាប់តំបន់សេដ្ឋកិច្ចពិសេសក្រុងព្រះសីហនុ ​គឺចាប់ផ្តើមដំណើរការពីថ្ងៃទី១៧ ខែមីនា ឆ្នាំ២០០៨​ មានទីតាំងស្ថិតក្នុងភូមិពូធឿង ឃុំបិតត្រាង ​និងភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ លើផ្ទៃដីទំហំ ១.១១៣ ហិកតា។បច្ចុប្បន្ននៅក្នុងតំបន់សេដ្ឋកិច្ចពិសេសក្រុងព្រះសីហនុ ​មានគម្រោងវិនិយោគចំនួន ​២៣១គម្រោង ដែល​វិនិយោគមដូចជា ផលិតសម្ភារៈអេឡិចត្រូនិក ខ្សែបង្គុំអគ្គិសនី គ្រឿង​បន្លាស់រថយន្ត ស៊ុមទូរទស្សន៍ បន្ទះសូឡា គ្រឿងចក្រលើកដាក់ទំនិញ ​ដែកទីប បរិក្ខារពេទ្យ ​ក្តារប៉ាកេ ក្តារបន្ទះ គ្រឿង​សង្ហារឹម​ សម្ភារៈបរិក្ខារសម្រាប់កីឡាប្រណាំងសេះ ចំណីសត្វ ​សម្ភារៈការិយាល័យ វត្ថុអនុស្សាវរីយ៍ ​សម្ភារៈការពាររាងកាយ សម្ភារៈបរិក្ខារកីឡា ​សម្ភារៈប្រើប្រាស់ក្នុងផ្ទះ ស្រោមពូក សម្ភារៈការពារអគ្គីភ័យ ​សំលៀកបំពាក់ ស្បែកជើង កាបូបនិងវ៉ាលី និងសំបកវេចខ្ចប់ សំបកកង់រថយន្ត កាវ និងទឹកថ្នាំ។ តំបន់សេដ្ឋកិច្ចពិសេសក្រុងព្រះសីហនុ បានផ្តល់​ការងារជូនដល់កម្មករនិយោជិតប្រមាណជា​ ២៥.៦០០ នាក់។នៅក្នុងដំណើរបំពេញទស្សនកិច្ចនេះ ឯកឧត្តមឧបនាយករដ្ឋមន្ត្រី ស៊ុន ចាន់ថុល បានថ្លៃងអំណរ​គុណដល់ថ្នាក់ដឹកនាំអ្នកអភិវឌ្ឍន៍តំបន់សេដ្ឋកិច្ចពិសេស ​និងក្រុមហ៊ុន ដែលបានមកបណ្តាក់ទុន​វិនិយោគនៅព្រះរាជាណាចក្រកម្ពុជាកន្លងមក ​ទោះស្ថិតក្នុងកាលៈទេសៈដ៏លំបាក​នៃការរីករាល​ដាលនៃជំងឺកូវីដ១៩ក្តី ក៏ក្រុមហ៊ុននៅតែបន្តចង្វាក់ផលិតកម្មរបស់ខ្លួនរហូតមកដល់បច្ចុប្បន្ន ដែល​នេះជាការបង្ហាញពីជំនឿទុកចិត្តរបស់ក្រុមហ៊ុនមកលើរាជរដ្ឋាភិបាល ក្នុងការថែរក្សាសុខសន្តិភាព ស្ថិរភាពនយោបាយ និងម៉ាក្រូសេដ្ឋកិច្ច។ ឯកឧត្តមឧបនាយករដ្ឋមន្ត្រី ​ក៏បានបន្ថែមទៀតថា ក្រុមហ៊ុនទាំងអស់ដែលមកបណ្តាក់ទុន​នៅក្នុង​ព្រះរាជាណាចក្រកម្ពុជា គឺជាការចូលរួមចំណែកដ៏សំខាន់ដល់ការធ្វើពិពិធកម្មសេដ្ឋកិច្ចកម្ពុជា។ ឯកឧត្តម ឧបនាយករដ្ឋមន្ត្រី បានវាយតម្លៃខ្ពស់ចំពោះថ្នាក់ដឹកនាំ​អ្នក​អភិវឌ្ឍន៍តំបន់ ក៏ដូចជា​ថ្នាក់ដឹកនាំក្រុមហ៊ុនទាំងអស់ ​ដែលបានខិតខំ​ប្រឹងប្រែង​កន្លងមក និងទទួលបានលទ្ធផល​ផ្លែផ្កាគួរជាទីមោទនៈ៕អត្ថបទ ៖ ប្រាក់ វ៉ាន់ដា 

អាជ្ញាធរខណ្ឌទួលគោក បន្តចុះរៀបចំសណ្ដាប់ធ្នាប់ តាមបណ្ដោយផ្លូវលេខ២៣០ ជាប់របងម៉ុងឌីយ៉ាល់

2023/09/11 11:59:04 am        457
Facebook Telegram Linkin
ភ្នំពេញ៖ កម្លាំងគណៈបញ្ជាការឯកភាពខណ្ឌលគោក បានបន្តចុះរៀបចំសណ្ដាប់ធ្នាប់ និងចងខ្សែ​មិនអនុញ្ញាតឲ្យអាជីវករលក់ដូរ តាមបណ្ដោយផ្លូវលេខ២៣០ ដែលកន្លងមក​អាជីវករលក់ដូរ​បន្លែផ្លែឈើ ​បានតាំងលក់លើផ្លូវ ​បង្កឲ្យមានការកកស្ទះចរាចរណ៍ និងទុកដាក់សំរាមមិនបាន ត្រឹមត្រូវ​ហូរចូលមាត់លូ បង្កមានការកក់ស្ទះ និងជនលេចពេលមានភ្លៀងម្ដងៗ។ប្រតិបត្តិការនេះបានធ្វើឡើងនៅព្រឹកថ្ងៃទី ១១ ខែកញ្ញាឆ្នាំ ២០២៣ ដោយមានការ​ណែនាំ​ពី​ឯកឧត្តម ឃួង ស្រេង អភិបាលរាជធានីភ្នំពេញ និងមានការចង្អុលបង្ហាញដោយលោក ជា ពិសី អភិបាលខណ្ឌទួលគោក ចាត់ឲ្យលោកអភិបាលរងទទួលបន្ទុក បរិស្ថាន អនាម័យ សន្តិសុខ​សណ្ដាប់ធ្នាប់សាធារណៈ ដឹកនាំកម្លាំងគណៈបញ្ជាការឯកភាពខណ្ឌ ចុះបាញ់ទឹកលាងសម្អាត​និងចងខ្សែ មិនអនុញ្ញាត​ឲ្យអាជីវករលក់ដូរបន្លែផ្លែឈើបន្តលក់នៅលើផ្លូវ ២៣០ នេះបន្តទៀត​ឡើយ។លោក ស៊ឹម សុផង់ អភិបាលរង ទទួលបន្ទុក បរិស្ថាន អនាម័យ សន្តិសុខសណ្ដាប់ធ្នាប់សាធារណៈ នៃអភិបាលខណ្ឌទួលគោក ​បានឲ្យBTV ដឹងថា ​កន្លងមកអាជីវករលក់ដូរទៅតាមបណ្ដោយផ្លូវលេខ ២៣០ នេះបានតាំងលក់លើទ្រូងផ្លូវបង្ករឲ្យមានការកកស្ទះ​ ចរាចរណ៍ និងជាពិសេសនោះ អ្នកលក់​បន្លែផ្លែឈើ មិនបានវេចខ្ចប់ទុកដាក់សំរាម​ឲ្យបានត្រឹមត្រូវបណ្ដាលឲ្យហូរ សំរាមទាំងនោះចូល​មាត់លូ កកស្ទះប្រព័ន្ធទឹកហូរចូលលូ និងមានការជនលេចពេលភ្លៀងធ្លាក់ខ្លាំងម្ដងៗ​នៅចំណុចផ្លូវ ២៣០ កែង​នឹងមហាវិថីម៉ៅសេទុងនេះ។លោកអភិបាលរង បានបន្ថែមថា ការលក់ដូរតាមបណ្ដោយផ្លូវលេខ ​២៣០ ​នេះពេលថ្ងៃគឺដាច់​ខាតមិន​អនុញ្ញាត​ឲ្យអាជីវករលក់បន្លែផ្លែឈើបន្តទៀតឡើយ។​ដោយឡែកពេលយប់គឺ​អនុញ្ញាត​ឲ្យលក់ជាបណ្ដោះអាសន្ន ក៏ប៉ុន្តែមិនឲ្យតាំងលក់លើទ្រង់ផ្លូវនោះទេ ដើម្បីពលរដ្ឋងាយស្រួល​ធ្វើដំណើរ ​នឹងធ្វើយ៉ាងណាពេលព្រឹកព្រលឹមម៉ោង ​៦កន្លះទៅម៉ោង៧ ព្រឹក បរិស្ថានអនាម័យ​ត្រូវតែស្អាត។ជាចុងក្រោយ លោកអភិបាលរង បានសង្កត់ធ្ងន់ថា ​ក្រោយមានការបាញ់ទឹកលាងសម្អាត និងចង​ខ្សែមិន​អនុញ្ញាត​ឲ្យអាជីវករលក់​បន្លែផ្លែឈើនោះ ​អាជ្ញាធរ​និងបាន​ដាក់កម្លាំង​សណ្ដាប់ធ្នាប់​ប្រចាំ​ការក្នុងករណី​អាជីវករនៅតែមិនអនុវត្តតាមការណែនាំ​របស់អាជ្ញាធរ​ នៅតែរំលោភបំពានតាំងលក់ ឬកាត់ខ្សែ ​អាជ្ញាធរវិធានអនុវត្តរដ្ឋបាល​ និងចាត់ការតាមនីតិវិធី៕អត្ថបទ៖ កុម្ភៈ

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញនាំយកទេយ្យវត្ថុ ប្រគេនព្រះសង្ឃ និងចែកអំណោយប្រជាពលរដ្ឋ នៅស្រុកភ្នំស្រួច ខេត្តកំពង់ស្ពឺ
05/31/2026 07:05 PM
Facebook Telegram Linkin
ឯកឧត្តមកិត្តិសង្គហបណ្ឌិត គន់ គីម អញ្ជើញជួបប្រជាពលរដ្ឋភៀសសឹក និងពិនិត្យទីតាំងរៀបចំផ្សារបណ្តោះអាសន្ន ក្នុងខេត្តបន្ទាយមានជ័យ
05/31/2026 06:05 PM
Facebook Telegram Linkin
ក្រសួងការងារ៖ ខេត្តស្ថិតក្នុងតំបន់ទំនាបកណ្ដាលចំនួន៣ មាន​ឱកាស​ការ​ងារ​ជាង ៨,០០០​កន្លែង កំពុង​រង់​​ចាំអតីត​​ពលករ​​ត្រឡ​ប់​មក​ពី​ថៃ និង​អ្នកកំ​ពុង​ស្វែងរកកា​រងា​រ​ធ្វើ
05/31/2026 06:05 PM
Facebook Telegram Linkin
ក្រសួងការងារ៖ នៅខេត្តជាប់សមុទ្រទាំង៤ មានឱកាសកា​រងារជិត ៧,០០០កន្លែង ដែល​កំពុងរង់ចាំ​អតីត​ពលករត្រឡ​ប់ម​កពីថៃ និង​អ្នក​​កំពុង​​ស្វែង​រក​ការ​ងារ​ធ្វើ
05/31/2026 06:05 PM
Facebook Telegram Linkin
ឯកឧត្តមឧបនាយករដ្ឋមន្ត្រី ហ៊ុន ម៉ានី៖ វិញ្ញាសាតាក់តែងចប់ភ្លាម ប្រឡងភ្លាមតែម្តង
05/31/2026 03:05 PM
Facebook Telegram Linkin
រដ្ឋមន្រ្តីការពារជាតិជប៉ុនលោក Koizumi ច្រានចោល​ការចោទប្រកាន់ពីយោធានិយមថ្មី
05/31/2026 03:05 PM
Facebook Telegram Linkin
ក្រសួងការងារ៖ ខេត្តចំនួន៤ នៅភូមិភាគ​ឦសាន្ត មានឱកាសកា​រងារជិត ៤,០០០​កន្លែង កំពុងរង់​ចាំអតីតព​ល​ករត្រឡប់​មកពីថៃ និងអ្នក​​កំពុង​ស្វែង​រ​កការងារធ្វើ
05/31/2026 02:05 PM
Facebook Telegram Linkin
ប្រមុខ WHO ទទួចសុំឲ្យមានការបញ្ចុះសពដោយសុវត្ថិភាព អំឡុងធ្វើដំណើរទៅកាន់តំបន់រីករាលដាលឆ្លងជំងឺអេបូឡា
05/31/2026 01:05 PM
Facebook Telegram Linkin
អាជ្ញាធរជាតិអប្សរា និង JQA បិទបញ្ចប់កម្មវិធីអប់រំបរិស្ថានសម្រាប់កុមារ ឆ្នាំ២០២៦ និងប្រគល់​រង្វាន់​ដល់​សិស្សឆ្នើម
05/31/2026 01:05 PM
Facebook Telegram Linkin
អ៊ីរ៉ង់និយាយថា កិច្ចប្រជុំជាមួយអាមេរិកកំពុងបន្ត តែពុំឈានដល់កិច្ចព្រមព្រៀងផ្តាច់ព្រ័ត្រនោះទេ
05/31/2026 01:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.