នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ
សម្ដេ​ចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»
សម្តេចតេជោ ហ៊ុន សែន ថ្លែងថា អាវក្រោះ និងសម្ភារយោធាម៉ាក DSS សុទ្ធតែមានគុណភាពហើយអាវការពារនេះនាយករដ្ឋមន្រ្តីបានសាករួចហើយ
សម្ដេចតេជោ ហ៊ុន សែន អញ្ជើញពិនិត្យមើលរោងចក្រ ផលិតសម្ភារៈយោធា DSS និងសំណេះសំណាលជាមួយកម្មករ កម្មការិនី

នយោបាយ​ និង ការអភិវឌ្ឍន៍

ឱកាសចុងក្រោយសម្រាប់ លោក ភីថា ដើម្បីក្លាយជានាយករដ្ឋមន្ត្រីរបស់ប្រទេសថៃ ខណៈសភាធ្វើការបោះឆ្នោត

2023/07/19 09:56:19 am        337
Facebook Telegram Linkin
ថៃ៖ មេដឹកនាំគណបក្សឆ្ពោះទៅមុខ (Move Forward) ដែលឈ្នះការបោះឆ្នោតរបស់ប្រទេសថៃ បានត្រៀមខ្លួនសម្រាប់អ្វីដែលអាចជាឱកាសចុងក្រោយរបស់លោក ក្នុងការបានក្លាយជានាយករដ្ឋមន្ត្រីនៅថ្ងៃពុធ (ទី១៩ ខែកក្កដា) ខណៈដែលសភា ដែលបានបដិសេធរូបលោក កាលពីសប្តាហ៍មុន បានកោះប្រជុំ សម្រាប់ការបោះឆ្នោតលើកទី២ របស់ខ្លួន ដើម្បីជ្រើសរើសនាយករដ្ឋមន្ត្រី។ប្រទេសថៃត្រូវបានគ្រប់គ្រងដោយរដ្ឋាបាលចាំផ្ទះ ចាប់តាំងពីខែមីនាមក ហើយពេលនេះ ៦៥ថ្ងៃ បានកន្លងផុតទៅហើយ គិតចាប់តាំងពីការមានជ័យជម្នះនៃការបោះឆ្នោតដ៏គួរឲ្យភ្ញាក់ផ្អើលរបស់គណបក្សឆ្ពោះទៅមុខ (Move Forward) លើគណបក្សដែលគាំទ្រដោយយោធារាជានិយម ពោលគឺបន្ទាប់ពីរយៈពេល ៩ឆ្នាំរបស់រដ្ឋាភិបាល ដែលដឹកនាំដោយឧត្តមសេនីយ៍។លោក ភីថា លីមចារើនរ៉ាត់ (Pita Limjaroenrat) វ័យ ៤២ឆ្នាំ ដែលជាអ្នកសេរីនិយមបញ្ចប់ការសិក្សានៅសហរដ្ឋអាមេរិកនោះ ត្រូវការការគាំទ្រជាងពាក់កណ្តាលពីសភាទាំងពីរ ដើម្បីទទួលបានការអនុម័តជានាយករដ្ឋមន្ត្រីបន្ទាប់របស់ប្រទេសថៃ ប៉ុន្តែត្រូវតែយកឈ្នះការជំទាស់យ៉ាងខ្លាំងក្លាពីពួកយោធា ដែលមិនស្របតាមមហិច្ឆតាប្រឆាំងនៃគណបក្សរបស់លោក។ច្បាប់សភាដែលតាក់តែងដោយពួកយោធា បន្ទាប់ពីការធ្វើរដ្ឋប្រហារឆ្នាំ២០១៤ និងភាពលម្អៀងរបស់ច្បាប់នេះ បានផ្ដល់ភាពបរាជ័យដល់លោក ភីថា ក្នុងការបោះឆ្នោតជុំទី១ នៅពេលដែលរូបលោក ត្រូវបានរារាំងដោយព្រឹទ្ធសភាដែលតែងតាំងដោយសម្ព័ន្ធមិត្តឧត្តមសេនីយ៍ជាមួយក្រុមអភិរក្សនិយម និងក្រុមគ្រួសារអ្នកមានទ្រព្យធនដែលមានឥទ្ធិពលយូរមកហើយលើលទ្ធិប្រជាធិបតេយ្យរបស់ប្រទេសថៃ៕

កូរ៉េខាងជើង បានបាញ់មីស៊ីល២គ្រាប់ បន្ទាប់ពីនាវាមុជទឹកបំពាក់នុយក្លេអ៊ែរអាមេរិក បានទៅដល់កូរ៉េខាងត្បូង

2023/07/19 09:28:56 am        141
Facebook Telegram Linkin
 កូរ៉េខាងជើង៖ យោធាជប៉ុន និងកូរ៉េខាងត្បូង បាននិយាយថា កូរ៉េខាងជើង បានបាញ់មីស៊ីលបាលីស្ទីកចំនួន២គ្រាប់ ចូលក្នុងសមុទ្រភាគខាងកើតរបស់ខ្លួន ប៉ុន្មានម៉ោងប៉ុណ្ណោះបន្ទាប់ពីនាវាមុជទឹកបំពាក់មីស៊ីលនុយក្លេអ៊ែររបស់សហរដ្ឋអាមេរិក បានទៅដល់កំពង់ផែកូរ៉េខាងត្បូងជាលើដំបូងក្នុងរយៈពេល៤០ឆ្នាំមិនធ្លាប់មាន។ក្រសួងការពារជាតិជប៉ុននិយាយថា មីស៊ីលទាំង២គ្រាប់ដែលត្រូវបានបាញ់នៅព្រឹកថ្ងៃពុធនេះ ទំនងជាបានធ្លាក់នៅខាងក្រៅតំបន់សេដ្ឋកិច្ចផ្ដាច់មុខរបស់ប្រទេសជប៉ុន ។ នាយសេនាធិការចម្រុះរបស់កូរ៉េខាងត្បូង (JCS) បានអំពាវនាវឲ្យកូរ៉េខាងជើងកាត់បន្ថយការបាញ់សាកល្បងមីស៊ីលទាំងនេះ។ នាយសេនាធិការចម្រុះរបស់កូរ៉េខាងត្បូង បាននិយាយនៅក្នុងសេចក្ដីថ្លែងការណ៍មួយថា យើងថ្កោលទោសយ៉ាងខ្លាំងនូវសកម្មភាពបាញ់មីស៊ីលបាលីស្ទីករបស់កូរ៉េខាងជើង ថាជាទង្វើបង្កហេតុដ៏ធ្ងន់ធ្ងរ ដែលប៉ះពាល់ដល់សន្តិភាព និងសុវត្ថិភាពនៅឧបទ្វីបកូរ៉េ ព្រមទាំងសហគមន៍អន្តរជាតិ និងជាការបំពានយ៉ាងច្បាស់នៃសេចក្ដីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ។ លោក យ៉ាស៊ូកាស៊ុ ហាម៉ាដា (Yasukazu Hamada) រដ្ឋមន្ត្រីការពារជាតិជប៉ុន បានប្រាប់ក្រុមអ្នកសារព័ត៌មានថា មីស៊ីលទី១ បានហោះក្នុងរយៈកម្ពស់៥០គីឡូម៉ែត្រ និងចម្ងាយ៥៥០គីឡូម៉ែត្រ ចំណែកមីស៊ីលទី២ បានហោះក្នុងរយៈកម្ពស់៥០ គីឡូម៉ែត្រ និងចម្ងាយ៦០០គីឡូម៉ែត្រ ។ គួរឲ្យដឹងថា ការបាញ់នេះ បានកើតឡើង មិនដល់មួយសប្ដាហ៍ផងទេ បន្ទាប់ពីកូរ៉េខាងជើងបានបាញ់មីស៊ីលបាលីស្ទីកអន្តរទ្វីបដំណើរការដោយឥន្ធនៈរឹង វ៉ាសុង-១៨ (Hwasong-18) ចុងក្រោយបំផុតរបស់ខ្លួន ដែលក្រុងព្យុងយ៉ាង និយាយថាជាការព្រមានដល់សហរដ្ឋអាមេរិក និងគូសត្រូវផ្សេងទៀត ៕

ទាហានអាមេរិកម្នាក់ ដែលប្រឈមនឹងចំណាត់ការវិន័យ រត់ឆ្លងចូលទៅក្នុងប្រទេសកូរ៉េខាងជើង

2023/07/19 09:25:43 am        137
Facebook Telegram Linkin
អាមេរិក៖ ក្រុមមន្ត្រីអាមេរិក និយាយថា ទាហានអាមេរិកម្នាក់ ដែលប្រឈមទៅនឹងចំណាត់ការវិន័យ បានរត់ឆ្លងចូលព្រំដែនអន្តរកូរ៉េ ចូលទៅក្នុងទឹកដីកូរ៉េខាងជើង កាលពីថ្ងៃអង្គារ និងត្រូវគេជឿថា កំពុងស្ថិតក្នុងការឃុំខ្លួននៅកូរ៉េខាងជើង ដែលបង្កើតឲ្យមានវិបត្តិថ្មីមួយទៀត សម្រាប់ទីក្រុងវ៉ាស៊ីនតោន ក្នុងការដោះស្រាយជាមួយរដ្ឋដែលមានអាវុធនុយក្លេអ៊ែរមួយនេះ។  រដ្ឋមន្ត្រីការពារជាតិអាមេរិក លោក ឡដ អូស្ទីន (Lloyd Austin) បានបង្ហាញក្ដីបារម្ភសម្រាប់សុវត្ថិភាពរបស់ទាហានរូបនោះ ដែលយោធាអាមេរិកប្រចាំនៅក្នុងប្រទេសកូរ៉េខាងត្បូង បាននិយាយថា ទាហាន ដែលបានចូលរួមក្នុងដំណើរបង្ហាញទិសក្នុងតំបន់សន្តិសុខរួមរវាងប្រទេសកូរ៉េទាំង២ បានឆ្លងដោយចេតនា និងគ្មានការអនុញ្ញាត ទៅក្នុងតំបន់ខ្សែបន្ទាត់កំណត់ព្រំដែនយោធា ចូលដល់ទឹកដីរបស់កូរ៉េខាងជើង។   ទាហានអាមេរិក រូបនេះ ត្រូវបានគេស្គាល់មានឈ្មោះ ថា Private Travis T. King ដែលបានចូលបម្រើក្នុងកងទ័ពអាមេរិកកាលពីឆ្នាំ២០២១។  លោក បានប្រាប់សន្និសីទសារព័ត៌មានថា នៅមានរឿងរ៉ាវជាច្រើនត្រូវតែដឹង ។យើងជឿថា ទាហានរូបនេះ កំពុងត្រូវបានឃុំខ្លួនក្នុងប្រទេសកូរ៉េខាងជើង ដូច្នេះ យើងកំពុងតាមដាន និងស៊ើបអង្កេតយ៉ាងយកចិត្តទុកដាក់ ពីស្ថានភាពនេះ និងកំពុងធ្វើការដើម្បីស្វែងរកការបញ្ជាក់ពីក្រុមគ្រួសាររបស់ទាហានរូបនេះ៕

លោក ភីថា លីម ចារើនរ៉ាត់ បារម្ភពីការប៉ុនប៉ងរារាំងការបោះឆ្នោតលើកទី២នៅថ្ងៃនេះ

2023/07/19 09:08:21 am        166
Facebook Telegram Linkin
ថៃ៖ បេក្ខជននាយករដ្ឋមន្ត្រីរបស់គណបក្សបោះជំហានទៅមុខ Move Forward និយាយថា ការសម្រេចដែលមិនធ្លាប់មាននេះ អាចនឹងប៉ះពាល់ដល់អ្នកផ្សេងទៀតនាពេលអនាគត ។មេដឹកនាំគណបក្ស Move Forward លោក ភីថា លីម ចារើនរ៉ាត់ (Pita Limjaroenrat) បានបង្ហាញក្ដីកង្វល់ថា រាល់ការប៉ុនប៉ងណាមួយក្នុងការរារាំងរូបលោកមិនឲ្យទទួលបានការតែងតាំងជានាយករដ្ឋមន្ត្រីជាថ្មី នៅថ្ងៃពុធនេះ នឹងប៉ះពាល់ដល់ប្រព័ន្ធសភាទាំងស្រុងក្នុងពេលខាងមុខ៕

កម្ពុជាបោសសម្អាតផ្ទៃដីមានមីន បានជាងមួយរយគីឡូម៉ែត្រក្រឡា ក្នុងឆមាសទី១ ឆ្នាំ២០២៣

2023/07/18 02:20:22 pm        301
Facebook Telegram Linkin
ភ្នំពេញ៖ អាជ្ញាធរមីន នៅថ្ងៃទី១៨ ខែកក្កដានេះ បានរៀបចំ​សន្និសីទ​សារព័ត៌មាន​ស្តីពីលទ្ធផល​ការងារបោសសម្អាតមីនអាណត្តិទី៦ និងទិសដៅបន្ដអាណត្តិទី៧ ដែល​មានការអញ្ជើញចូលរួមពីឯកឧត្តម​ទេសរដ្ឋមន្រ្តី លី ធុជ ​អនុប្រធានទី១ ​អាជ្ញាធរមីន។នៅក្នុងឱកាសនោះ ​ឯកឧត្តម ទេសរដ្ឋមន្រ្តីលី ធុជ បានថ្លែងថា ដើម្បីសម្រេចគោលដៅកម្ពុជា​អស់មីននៅឆ្នាំ២០២៥ សម្តេចតេជោ ហ៊ុន សែន នាយករដ្ឋមន្រ្តី​នៃព្រះរាជាណាចក្រកម្ពុជា បាន​ចង្អុលបង្ហាញដល់អាជ្ញាធរមីនរៀបចំយន្តការ ភូមិអស់មីនជាចំណុចចាប់ផ្តើម បន្ទាប់មកទៅស្រុក និងខេត្ត ហើយរហូតមកដល់ពេលបច្ចុប្បន្ននេះ យើងសម្រេច​បានខេត្តចំនួន១២រួចរាល់ហើយ ជាខេត្តអស់មីន។ ក្នុងចំណោមខេត្តទាំង១២នេះ មានខេត្តចំនួន៦ ត្រូវបានអនុវត្តក្នុងគម្រោង​សម្តេចតេជោ ​សម្រាប់សកម្មភាពមីន ដែលក្នុងនោះរួមមាន៖ ខេត្តត្បូងឃ្មុំ ខេត្តកំពង់ចាម ខេត្តស្វាយរៀង ​ខេត្តកំពង់ឆ្នាំង ខេត្តតាកែវ និងខេត្តកំពត។ ហើយតាមការគ្រោងទុកមុនបំណាច់ឆ្នាំ២០២៣នេះ ​កម្ពុជានឹងប្រកាសខេត្តចំនួន៦ទៀត​ជា​ខេត្តអស់មីន ​សរុបគិតត្រឹមឆ្នាំ២០២៣ ប្រទេសកម្ពុជា​ នឹងមានខេត្តចំនួន១៨ជាខេត្តអស់មីន ក្នុងចំណោម២៥រាជធានី-ខេត្តនៅទូទាំងប្រទេសកម្ពុជា។ឯកឧត្តមបន្តថា បើតាមរបាយការណ៍ សម្រាប់ឆមាសទី១ ឆ្នាំ២០២៣នេះវិញ ការងារបោសសម្អាតមីនសម្រេច​បាន​លទ្ធផល​ដូចជា៖ ផ្ទៃដីបោសសម្អាតរួចសរុបចំនួនជាង២០០គីឡូម៉ែត្រក្រឡា ក្នុងនោះផ្ទៃដីមាន​មីនបោសសម្អាតរួចជាង ១០០គីឡូម៉ែត្រក្រឡា, មីនប្រឆាំងមនុស្សចំនួនជាង១ម៉ឺនគ្រាប់, មីនប្រឆាំងមនុស្សរថគ្រោះចំនួន៨៧គ្រាប់, ​យុទ្ធភណ្ឌមិនទាន់ផ្ទុះចំនួនជាង៣ម៉ឺនគ្រាប់ និង​ប្រជាពលរដ្ឋទទួលផលមានចំនួនជាង១សែនគ្រួសារ។ក្រៅពីនេះ ​ឯកឧត្តមទេសរដ្ឋមន្រ្តី ​បានលើកឡើងពី​ផ្ទៃដី​នៅ​សល់មានមីន ​និងសំណល់ជាតិ​ផ្ទុះ​ពីសង្គ្រាម ​ព្រមទាំងបង្ហាញពីផែនការ​បោសសម្អាតមីននៅឆ្នាំបន្តបន្ទាប់ទៀតផងដែរ។បើតាមរបាយការណ៍របស់អាជ្ញាធរមីន ​​បានបង្ហាញថា ​គិតចាប់ពីឆ្នាំ១៩៩២ ដល់ខែមិថុនា ឆ្នាំ២០២៣ ​ការងារបោសសម្អាតមីន ​សម្រេចបានលទ្ធផលដូចជា៖ ​ផ្ទៃដីបោសសម្អាតរួចមាន​ចំនួនជាង ២ពាន់៧រយគីឡូម៉ែត្រក្រឡា, មីនប្រឆាំងមនុស្សមានជាង ១លានគ្រាប់,មីនប្រឆាំង​រថគ្រោះចំនួនជាង២ម៉ឺនគ្រាប់, យុទ្ធភណ្ឌមិនទាន់ផ្ទុះមានចំនួនជាង ៣លានគ្រាប់ និង​ប្រជាពលរដ្ឋទទួល​បានផលមានចំនួនជាង១១លាននាក់៕ អត្ថបទ៖ទូច សោភ័ណ 

ប្រេសិតពិសេសអាកាសសហរដ្ឋអាមេរិក លោក John Kerry ជួបមន្រ្តីការទូតជាន់ខ្ពស់ចិននៅទីក្រុងប៉េកាំង

2023/07/18 02:08:01 pm        265
Facebook Telegram Linkin
អាមេរិក៖  នៅថ្ងៃអង្គារនេះ ប្រេសិតពិសេសអាកាសធាតុសហរដ្ឋអាមេរិកលោក John Kerry បានជួបពិភាក្សាការងារជាមួយមន្រ្តីការទូតជាន់ខ្ពស់ចិនលោក Wang Yi ក្នុងទីក្រុងប៉េកាំង ដែលជាផ្នែកមួយនៃដំណើរទស្សនកិច្ចរបស់លោកទៅកាន់រដ្ឋធានីប្រទេសចិនមួយនេះ ដើម្បីបង្កើតឡើងវិញនូវទំនុកចិត្តគ្នាទៅវិញទៅមក ហើយនិងចាប់ផ្តើមឡើងសន្ទុះកិច្ចប្រឹងប្រែងរួមដើម្បីប្រយុទ្ធប្រឆាំងនឹងបម្រែបម្រួលអាកាសធាតុ ។  ថ្លែងទៅកាន់លោក Wang Yi និងប្រតិភូជាច្រើនរូបទៀតរបស់ចិនក្នុងជំនួបនៅវិមានប្រជាជន Great Hall លោក Kerry និយាយថា អាកាសធាតុគឺជាបញ្ហាសកល មិនមែនជាបញ្ហាទ្វេភាគីនោះទេ ហើយលោកបន្តថា ពិភពលោកកំពុងមើលពួកយើងសម្រាប់ការដឹកនាំ ។  ដំណើរទស្សនកិច្ចលើកទី៣របស់លោក Kerry ក្នុងនាមជាប្រេសិតពិសេសអាកាសធាតុសហរដ្ឋអាមេរិក គឺជាការសញ្ញាកំណត់ការចាប់ផ្តើមជាផ្លូវការឡើងវិញនូវវិស័យការទូតអាកាសធាតុកម្រិតកំពូលរវាងប្រទេសទាំង ២ ។  អតីតរដ្ឋមន្រ្តីការបរទេសសហរដ្ឋអាមេរិករូបនេះ គឺជាមន្រ្តីកំពូលទី ៣របស់សហរដ្ឋអាមេរិក ដែលបានបំពេញទស្សនកិច្ចមកកាន់ទីក្រុងប៉េកាំង ក្នុងរយៈពេល ១ខែកន្លងមកនេះ ៕

មន្រ្តីគណបក្សប្រជាជនកម្ពុជា បន្តចុះណែនាំពលរដ្ឋរបៀបគូសន្លឹកឆ្នោត

2023/07/18 02:01:01 pm        61
Facebook Telegram Linkin
ភ្នំពេញ៖ បេក្ខជនតំណាងរាស្រ្តមណ្ឌលខេត្តកំពង់ចាម ឯកឧត្តម ប៉ាន សូរស័ក្តិ ប្រធានក្រុមការងារគណបក្សចុះមូលដ្ឋានស្រុកព្រៃឈរ និងស្រុកបាធាយ និងសហការី បានបន្តចុះណែនាំពីរបៀបគូសសន្លឹកឆ្នោតគាំទ្រគណបក្សប្រជាជនកម្ពុជាឱ្យបានត្រឹមត្រូវ និងផ្សព្វផ្សាយកម្មវិធីនយោបាយ ជូនដល់សមាជិកគណបក្សប្រជាជនកម្ពុជាឃុំតាំងក្រសាំង ស្រុកបាធាយ ប្រមាណជាង៣០០នាក់។ក្នុងយុទ្ធនាការឃោសនាបោះឆ្នោត កាលពីព្រឹកថ្ងៃទី១៨ កក្កដា ឆ្នាំ២០២៣នេះ ឯកឧត្តមបេក្ខជនតំណាងរាស្រ្ត បានពាំនាំនូវការផ្ដាំផ្ញើការសួរសុខទុក្ខសំណាក់ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ​និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទ​ក្រហមកម្ពុជា ​ដែលសម្ដេចទាំងពីរតែងតែគិតគូរអំពីសុខទុក្ខរបស់ប្រជាពលរដ្ឋទាំងអស់ ព្រមទាំង​តែងតែ​ណែនាំ​ដល់ថ្នាក់ដឹកនាំគណបក្សប្រជាជនកម្ពុជាគ្រប់លំដាប់ថ្នាក់ ឱ្យយកចិត្តទុក​ដាក់គិតគូរ​បម្រើផលប្រយោជន៍បងប្អូនប្រជាពលរដ្ឋឱ្យបានល្អ និងដោយស្មោះត្រង់។ ឯកឧត្តម ប៉ាន សូរស័ក្តិ បានរំឮកពីគុណបំណាច់របស់គណបក្សប្រជាជនកម្ពុជា ក្នុងការជួយ​សង្រ្គោះប្រជាជនចេញពីរបបប្រល័យពូជសាសន៍ ប៉ុល ពត, ជាពិសេសនយោបាយឈ្នះឈ្នះ ដែលធ្វើឱ្យប្រទេសកម្ពុជាមានលទ្ធិប្រជាធិបតេយ្យ សេរីពហុបក្ស ការបង្រួបបង្រួមជាតិ ផ្សះផ្សាជាតិ រហូតទទួលបានសុខសន្តិភាពពេញលេញ ក្រោមការដឹកនាំប្រកបដោយគតិបណ្ឌិតរបស់ សម្តេចតេជោ នាយករដ្ឋមន្រ្តី ព្រមទាំងទទួលបានសមិទ្ធផល និងភាពជោគជ័យជាច្រើន រួមមាន៖ ផ្លូវ ស្ពាន ប្រព័ន្ធធារាសាស្ត្រ បណ្ដាញទឹកស្អាត អណ្ដូងទឹក ភ្លើងអគ្គិសនី មន្ទីរពេទ្យ និងវត្តអារាម។ល។, ជោគជ័យនៃការប្រយុទ្ធឈ្នះជំងឺកូវីដ-១៩,ជោគជ័យដ៏ត្រចះត្រចង់ក្នុងការធ្វើជាម្ចាស់ផ្ទះ​នៃកិច្ចប្រជុំ​កំពូលអាស៊ាន, ជោគជ័យក្នុងការរៀបចំកម្មវិធីអង្គរសង្ក្រាន, ជោគជ័យជាប្រវត្តិសាស្រ្ត ក្នុងការធ្វើជាម្ចាស់ផ្ទះនៃការរៀបចំព្រឹត្តិការណ៍ប្រកួតកីឡាស៊ីហ្គេមលើកទី៣២ ឆ្នាំ២០២៣ និងអាស៊ានប៉ារ៉ាហ្គេមលើកទី១២ ដែលទើបបិទបញ្ចប់កាលពីពេលថ្មីៗកន្លងទៅនេះ។ ឯកឧត្តម បានបន្តថា ​សមិទ្ធផលទាំងនេះ បានមកពីការយកអាយុជីវិតធ្វើជាដើមទុន និងពលិកម្ម​ដ៏ធំធេងរបស់សមាជិក សមាជិកាគណបក្សប្រជាជនកម្ពុជា។ ជាមួយគ្នានេះ ឯកឧត្តម បានសម្ដែងនូវការគាំទ្រយ៉ាងពេញទំហឹងចំពោះ សម្តេចតេជោ ហ៊ុន សែន ជា​បេក្ខភាពនាយករដ្ឋមន្រ្តី ​សម្រាប់នីតិកាលទី៧ ​និងគាំទ្រ​ឯកឧត្តម ហ៊ុន ម៉ាណែត ជាបេក្ខភាព​នាយករដ្ឋមន្រ្តីសម្រាប់ពេលអនាគត ព្រមទាំងបានសម្តែងនូវការគាំទ្រចំពោះសារនយោបាយរបស់ សម្តេចតេជោ គឺ “អរគុណសន្តិភាព” ដែលមានតម្លៃមិនសាបសូន្យ, ព្រោះថាបើគ្មានសន្តិភាពទេនោះ យើងនឹងត្រូវបាត់បង់អ្វីៗទាំងអស់ ហេតុនេះយើងទាំងអស់គ្នា ត្រូវប្តេជ្ញា​ចិត្តចូលរួមក្នុងការការ​ពារ​សន្តិភាពឱ្យរឹងមាំស្ថិតស្ថេរគង់វង្សជានិច្ច តាមរយៈការទៅចូលរួមបោះឆ្នោតនៅថ្ងៃទី២៣​ ខែកក្កដា ឆ្នាំ២០២៣ខាងមុខនេះឱ្យបានគ្រប់ៗគ្នា ​ហើយត្រូវបោះឆ្នោតជូនគណបក្សប្រជាជនកម្ពុជា ដើម្បីរក្សាសុខសន្តិភាព ការអភិវឌ្ឍ និងភាពរីកចម្រើនបន្តទៀត៕

រដ្ឋមន្ត្រីការពារជាតិ៖ ជម្លោះនៅអ៊ុយក្រែន បង្ហាញពីតម្រូវការដើម្បីធ្វើទំនើបកម្មអាវុធរបស់អង់គ្លេស

2023/07/18 01:47:09 pm        95
Facebook Telegram Linkin
អ៊ុយក្រែន៖ រដ្ឋមន្ត្រីការពារជាតិចក្រភពអង់គ្លេស លោក Ben Wallace បាននិយាយកាលពីថ្ងៃចន្ទថា សង្គ្រាមនៅក្នុងប្រទេសអ៊ុយក្រែនបានធ្វើឲ្យកើនឡើងតម្រូវការដើម្បីធ្វើទំនើបកម្មកងទ័ពរបស់ចក្រភពអង់គ្លេស។ លោក Wallace និយាយថា បច្ចេកវិទ្យាថ្មីៗ កំពុងត្រូវបានសាកសល្បង នៅក្នុងប្រទេសអ៊ុយក្រែន ហើយនឹងធានាបានថា ចក្រភពអង់គ្លេសមានភាពសមស្របចំពោះការផ្គូរផ្គងសម្រាប់ជម្លោះណាមួយនៅពេលអនាគត។ រដ្ឋាភិបាល នឹងប្រកាសពីផែនការនៅថ្ងៃអង្គារទី១៨ ខែកក្កដានេះ ដើម្បីធ្វើឲ្យប្រសើរការត្រៀមប្រយុទ្ធសម្រាប់យោធារបស់ខ្លួនរួមទាំងការចំណាយទឹកប្រាក់២,៥ពាន់លានផោន ឬ៣,៣ពាន់លានដុល្លារ លើការបំពេញគ្រាប់រំសេវ និងការស្តុកទុក ដែលបានថយចុះដោយសង្គ្រាមនៅក្នុងប្រទេសអ៊ុយក្រែន។    សង្គ្រាមបានបង្ហាញពីភាពចុះខ្សោយក្នុងផ្នែកយោធាចក្រភពអង់គ្លេស រួមទាំងការបម្រុងទុកគ្រាប់រំសេវដែលកំពុងថយចុះ និងកង្វះសនត្ថភាពផ្នែកឧស្សាហកម្មដែលត្រូវការដើម្បីបង្កើនការផលិតយ៉ាងឆាប់រហ័ស ខណៈចក្រភពអង់គ្លេស បានផ្គត់ផ្គង់សព្វាវុធទៅឲ្យអ៊ុយក្រែន ដើម្បីប្រើប្រាស់ប្រឆាំងរុស្ស៊ី។ចក្រភពអង់គ្លេស បានប្រកាសកាលពីដើមឆ្នាំនេះថា ប្រទេសនេះនឹងចំណាយបន្ថែមចំនួន៥ពាន់លានផោន លើផ្នែកការពារជាតិ ដែលធ្វើឲ្យប្រទេសនេះមានការចំណាយប្រហែល២.២៥ ភាគរយនៃផលិតផលក្នុងស្រុកសរុបនៅឆ្នាំនេះនិងឆ្នាំក្រោយ ពីចំនួន២ភាគរយកាលពីពេលមុន។ចក្រភពអង់គ្លេស បានបញ្ជូនសព្វាវុធប្រឆាំងរថក្រោះ និងសព្វាវុធគងលើស្មា ទៅឲ្យអ៊ុយក្រែនក្នុងពេលការវាយលុក ហើយកាលពីខែកុម្ភះ បានប្រកាសថា ខ្លួននឹងជាប្រទេសដំបូងគេដែលចាប់ផ្តើមបណ្តុះបណ្តាលអាកាសយានិកអ៊ុយក្រែនប្រើប្រាស់យន្តហោះប្រយុទ្ធរបស់សម្ព័ន្ធយោធាណាតូ៕

គ.ជ.ប ប្រកាន់ភ្ជាប់ការអនុវត្តនីតិវិធីច្បាប់ ចំពោះបុគ្គលញុះញង់ធ្វើឱ្យប៉ះពាល់ដល់ការបោះឆ្នោត

2023/07/18 01:41:43 pm        258
Facebook Telegram Linkin
ភ្នំពេញ៖ អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) ឯកឧត្ដម ហង្ស ពុទ្ធា បានបញ្ជាក់ថា គ.ជ.ប ប្រកាន់ភ្ជាប់នូវការអនុវត្តនីតិវិធីច្បាប់ចំពោះបុគ្គលញុះញង់ធ្វើឱ្យប៉ះពាល់​ដល់ការបោះឆ្នោតស្របតាមច្បាប់បោះឆ្នោតដែលបានកំណត់ ខណៈបច្ចុប្បន្ន គ.ជ.ប ទទួលបាន​បណ្ដឹង​សរុបចំនួន ១៨ បណ្ដឹងពីគណបក្សនយោបាយ ពាក់ព័ន្ធនឹងបទញុះញង់ និងផ្សព្វផ្សាយ​ព័ត៌មាន​បន្លំ​សភាពការណ៍បោះឆ្នោត។ឯកឧត្ដម ហង្ស ពុទ្ធា បានថ្លែងការអំពាវនាវរបស់បុគ្គលមួយចំនួនដែលជាក្រុមប្រឆាំង​នៅក្រៅ​ប្រទេស​មិនឱ្យពលរដ្ឋទៅបោះឆ្នោត ឬបំផ្លាញសន្លឹកឆ្នោត គឺមិនមានឥទ្ធិពលដល់ដំណើរការ​បោះឆ្នោត​នៅកម្ពុជានោះទេ ខណៈការឃោសនាបោះឆ្នោតរបស់គណបក្សនយោបាយរយៈពេល ១៧ ថ្ងៃកន្លងមកមានដំណើរការល្អ និងគ្មានអំពើហិង្សាណាមួយកើតឡើងឡើយ។ឯកឧត្ដមបន្តថា ការសម្តែងមតិនៅក្រៅប្រទេសពីសំណាក់ក្រុមប្រឆាំង ដែលដឹកនាំដោយបុគ្គលណា​ម្នាក់ដែលព្យាយាមធ្វើឱ្យប៉ះពាល់ប្រក្រតីភាពនៃដំណើរការបោះឆ្នោតនៅកម្ពុជា គឺមិនមែន​ជាលើកទីមួយ នោះទេ ហើយការសម្តែងមតិនេះក៏មិនបានធ្វើឱ្យប៉ះពាល់ដល់គុណភាព​នៃការបោះឆ្នោតនៅកម្ពុជាដែរ។បើតាមឯកឧត្ដម ហង្ស ពុទ្ធា ការសម្តែងរបស់ក្រុមប្រឆាំងកាលពីការបោះឆ្នោត​អាណត្តិមុន ក៏មិន​អាចហាមឃាត់ប្រជាពលរដ្ឋជាង ៨០​ ភាគរយនៃចំនួនអ្នកមានឈ្មោះក្នុង​បញ្ជីបោះឆ្នោត​ក្នុងការចេញ​ទៅបោះឆ្នោតបានដែរ រីឯការសម្តែងមតិរបស់ក្រុមប្រឆាំងសម្រាប់អាណត្តិនេះទៀត​ក៏មានចំនួនតិចជាងលើកមុនដែរ។ ដូច្នេះករណីនេះមិនធ្វើឱ្យប៉ះពាល់ ឬមាន​ឥទ្ធិពលដល់​ដំណើរការ​បោះឆ្នោតនោះទេ។សូមជម្រាបថា ការឃោសនាបោះឆ្នោតជ្រើសតាំងតំណាងរាស្ត្រនីតិកាលទី៧​ ឆ្នាំ ២០២៣ មានរយៈពេល ​២១ ថ្ងៃ ចាប់ពីថ្ងៃទី១ ដល់ថ្ងៃទី ២១ខែកក្កដា ឆ្នាំ ២០២៣ ខណៈការបោះឆ្នោតជ្រើស​តាំងតំណាងរាស្រ្ដនឹងប្រព្រឹត្តិទៅនាថ្ងៃអាទិត្យ ​ទី២៣ ខែកក្កដា​ ឆ្នាំ២០២៣ខាងមុខនេះ៕ អត្ថបទ៖ វ៉ន ដារ៉ា

សន្លឹកឆ្នោតជាង១៣លាន បានដឹកជញ្ជូនដល់មណ្ឌលរាជធានី-ខេត្ត

2023/07/18 01:11:48 pm        236
Facebook Telegram Linkin
ភ្នំពេញ៖ នៅថ្ងៃនេះ គណៈកម្មាធិការជាតិរៀបចំការបោះឆ្នោត (គ.ជ.ប) បានដឹកជញ្ជូនសន្លឹកឆ្នោតជាង ១៣លានសន្លឹក ដល់មណ្ឌលបោះឆ្នោតរាជធានី-ខេត្តជាបណ្តើរៗ។ នៅសល់តែ៤ថ្ងៃទៀតប៉ុណ្ណោះ ការបោះឆ្នោតជ្រើសតាំងតំណាងរាស្រ្ត នីតិកាលទី៧ នឹងចាប់ផ្តើម​ដំណើរការ ឯកឧត្តម ហង្ស ពុទ្ធា សមាជិក និងជាអ្នកនាំពាក្យគ.ជ.ប បានឲ្យដឹងថា អំឡុងពេល​យុទ្ធនាការឃោសនាបោះឆ្នោតកំពុងដំណើរការ គ.ជ.ប ក៏កំពុងស្ថិតក្នុងដំណាក់​កាលសំខាន់ព្រមគ្នា គឺការរៀបចំសន្លឹកឆ្នោត ​ដើម្បីដឹកជញ្ជូនទៅគណៈកម្មការរាជធានី-ខេត្តរៀបចំការបោះឆ្នោត​សម្រាប់ត្រៀមបញ្ជូនបន្តទៅតាមការិយាល័យបោះឆ្នោតនៅទូទាំងប្រទេស។ ឯកឧត្តម បន្តថា មកដល់ពេលនេះ សន្លឹកឆ្នោត និងសម្ភារៈទាំងអស់បានដឹកជញ្ជូនដល់ឃ្លាំង​តាម​គណៈកម្មការរាជធានី-ខេត្តរៀបចំការបោះឆ្នោតមួយចំនួន ​ដូចជាកំពង់ឆ្នាំង​ និងព្រៃវែងជាដើម។ ឯកឧត្តម បញ្ជាក់ថា សន្លឹកឆ្នោតដែលបានដឹកជញ្ជូនដល់ឃ្លាំងគណៈកម្មការរាជធានី-ខេត្តរៀបចំ​ការបោះឆ្នោតត្រូវបានយកចិត្តទុកដាក់ និងរក្សាទុកយ៉ាងមាន​សុវត្ថិភាពបំផុតពី​មន្រ្តីជំនាញ និងសមត្ថកិច្ចពាក់ព័ន្ធ ​មុនបញ្ជូនទៅតាមការិយាល័យបោះឆ្នោតនីមួយៗ។ ជាមួយគ្នា ពាក់ព័ន្ធនឹងចំនួនបោះពុម្ពសន្លឹកឆ្នោតជាង១៣លានសន្លឹកនេះ ឯកឧត្តម ហង្ស ពុទ្ធា បានឲ្យដឹងថា គ.ជ.ប បានត្រៀមបម្រុងសន្លឹកឆ្នោតជាង១លានសន្លឹកក្នុងចំណោមជាង​១៣លាន​សន្លឹកឆ្នោតនោះ ដើម្បីបង្ការក្នុងករណីសន្លឹកឆ្នោតខូច ​ឬមិនអាចប្រើប្រាស់បាន។ការបោះឆ្នោតជ្រើសតាំងតំណាងរាស្រ្ត នីតិកាលទី៧ នឹងប្រព្រឹត្តទៅនៅថ្ងៃទី២៣ ខែកក្កដា ឆ្នាំ​២០២៣ ​និងមានការិយាល័យបោះឆ្នោតជាង២ម៉ឺនការិយាល័យនៅទូទាំងប្រទេស ខណៈប្រជាពលរដ្ឋ​នឹងចូលរួមការបោះឆ្នោតចំនួនជាង៩លាន៧សែននាក់៕ អត្ថបទ សេក ឧត្តម

បណ្ដាញសង្គម

ព័ត៌មានថ្មីៗ

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ត្រូវបានតែងតាំងជា ប្រធានថ្នាក់ជាតិនៃសហគមន៍ OB-PS ប្រចាំកម្ពុជា និងទទួលបាន “ពានសមាជិកភាពកិត្តិយសព្រះអង្គម្ចាស់ក្សត្រី បេណេឌិកតេ” ពីសហគមន៍ The Olave Baden-Powell Society
06/18/2026 09:06 PM
Facebook Telegram Linkin
អ្នកស្លាប់ដោយសារការបាញ់ប្រហាររបស់អ៊ីស្រាអែល នៅហ្កាហ្សា លើស ១.០០០នាក់ហើយ​ តាំងពីមាន​បទឈប់បាញ់
06/18/2026 08:06 PM
Facebook Telegram Linkin
សម្តេចព្រះមហាក្សត្រី ព្រះវររាជមាតាជាតិខ្មែរ នរោត្តម មុនិនាថ សីហនុ ត្រូវបានថ្វាយ “ពានសមាជិកភាពជើងឯក” ពីសហគមន៍ The Olave Baden-Powell Society (OB-PS)
06/18/2026 08:06 PM
Facebook Telegram Linkin
ព្រះអង្គម្ចាស់ក្សត្រី Benedikte នៃព្រះរាជាណាចក្រដាណឺម៉ាក ផ្ញើព្រះរាជសារថ្វាយព្រះពរ សម្តេចព្រះមហាក្សត្រី ព្រះវររាជមាតាជាតិខ្មែរ ក្នុងឱកាសព្រះរាជពិធីចម្រើនព្រះជន្ម
06/18/2026 08:06 PM
Facebook Telegram Linkin
អ្នកស្លាប់ដោយសាររញ្ជួយដី កើនឡើងដល់ ៧៨​​នាក់ ខណៈមនុស្ស​ ១,៥លាននាក់ រង​ប៉ះពាល់ នៅភាគខាងត្បូងហ្វីលីពីន
06/18/2026 08:06 PM
Facebook Telegram Linkin
លោក Zelensky៖ «ទីក្រុងមូស្គូនឹងឆេះ​សន្ធោសន្ធៅ​» ប្រសិនបើរុស្ស៊ីនៅតែបន្តការវាយប្រហារ
06/18/2026 07:06 PM
Facebook Telegram Linkin
លោក Hegseth៖ អាមេរិកនឹងធ្វើ​ការវាយប្រហារ និងបិទផ្លូវទឹក​ឡើងវិញ បើអ៊ីរ៉ង់មិនបំពេញការប្តេជ្ញាចិត្ត
06/18/2026 07:06 PM
Facebook Telegram Linkin
ប្រធានាធិបតីអ៊ីរ៉ង់បង្ហាញ​មោទនភាព​ ក្នុង​ការមាន​​កិច្ចព្រមព្រៀងជា​ប្រវត្តិសាស្ត្រ ជាមួយអាមេរិក
06/18/2026 07:06 PM
Facebook Telegram Linkin
ស្វីសសាទរផែនការសន្តិភាពអាមេរិក-អ៊ីរ៉ង់ ខណៈ​ត្រៀម​ខ្លួន​ធ្វើ​ម្ចាស់ផ្ទះការ​​ចរចា​ដំបូង​
06/18/2026 07:06 PM
Facebook Telegram Linkin
ចិនជំរុញឲ្យ​ G7 ឈប់ប្រើប្រាស់ «ក្រុម​​តូចៗ» ដើម្បីបំផ្លាញសណ្តាប់ធ្នាប់ពាណិជ្ជកម្មសកល
06/18/2026 07:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.