នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សហគ្រិនក្នុងស្រុក​ បង្ហាញក្ដីរីករាយ​ ខណៈសន្ទុះគាំទ្រផលិតផលខ្មែរពីពលរដ្ឋបន្តមានការ​កើនឡើង
កម្ពុជាធ្វើជាម្ចាស់ផ្ទះក្នុងកិច្ចប្រជុំក្រុមការងារសហព័ន្ធបរិយាបន្នហិរញ្ញវត្ថុ
កម្ពុជា មានកម្រិតបរិយាបន្នហិរញ្ញវត្ថុ និងលទ្ធភាពទទួលសេវាហិរញ្ញវត្ថុខ្ពស់
ក្រុមហ៊ុនអាកាសចរណ៍ អ៊ែរអេស៊ា​​ ខេមបូឌា អបអរសាទរគម្រប់ខួប ៣ឆ្នាំ “Cheers to 3 Years” ជាមួយនឹងរង្វាន់មហាសាលសរុបជាង ១៦០,០០០ ដុល្លារ និង ការផ្តល់ជូន សំបុត្រយន្តហោះឥតគិតថ្លៃ ចំនួន ៣,៣៣៣ សំបុត្រ

សេដ្ឋកិច្ច និង កសិកម្ម

ឯកអគ្គរដ្ឋទូតកូរ៉េ សន្យាជួយជំរុញគម្រោងវិនិយោគធំៗឱ្យមកបណ្តាក់ទុននៅកម្ពុជា

2026/03/13 11:34:03 am        264
Facebook Telegram Linkin
ឯកអគ្គរដ្ឋទូតកូរ៉េ សន្យាថា ជួយជំរុញគម្រោងវិនិយោគធំៗឱ្យមកបណ្តាក់ទុននៅកម្ពុជា សំដៅសម្រេចឱ្យបាននូវសមិទ្ធផលកាន់តែ ច្រើន និងបានអញ្ជើញឯកឧត្តម ស៊ុន ចាន់ថុល ដឹកនាំគណៈប្រតិភូកម្ពុជា ទៅបំពេញទស្សនកិច្ចទាក់ទាញអ្នកវិនិយោគនៅប្រទេសកូរ៉េ។ឯកឧត្តម ស៊ុន ចាន់ថុល ឧបនាយករដ្ឋមន្រ្តី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា (ក.អ.ក.) នៅក្នុងជំនួបសម្តែងការគួរ សម និងពិភាក្សាការងារជាមួយ ឯកឧត្តម Kim Chang Yong ឯកអគ្គរដ្ឋទូតសាធារណរដ្ឋកូរ៉េប្រចាំព្រះរាជាណាចក្រកម្ពុជា នៅថ្ងៃទី ១២ ខែមីនា ឆ្នាំ២០២៦, ឯកឧត្តមឧបនាយករដ្ឋមន្ត្រី បានថ្លែងអំណរគុណ ចំពោះការគាំទ្រជាបន្តបន្ទាប់ពីសំណាក់រាជរដ្ឋាភិបាល និង ប្រជាជនកូរ៉េ ចំពោះកិច្ចការអភិវឌ្ឍន៍សង្គម-សេដ្ឋកិច្ចកម្ពុជា ជាមួយគ្នានេះទំនាក់ទំនងពាណិជ្ជកម្ម និងការរីកលូតលាស់គួរឱ្យកត់ សម្គាល់ក្នុងក្របខណ្ឌកិច្ចព្រមព្រៀងពាណិជ្ជកម្មសេរី (FTA) នៃប្រទេសទាំងពីរផងដែរ។ឯកឧត្តមឧបនាយករដ្ឋមន្រ្តី បានបង្ហាញនូវក្តីរីករាយ ដែលប្រទេសទាំងពីរបានលើកកម្រិតដៃគូទំនាក់ទំនងទេ្វភាគីទៅជា «ភាពជាដៃគូយុទ្ធសាស្ត្រ» កាលពីឆ្នាំ២០២៤ កន្លងទៅ ហើយបានបន្តថា ថ្វីត្បិតតែបច្ចុប្បន្នកម្ពុជា-កូរ៉េ មានកិច្ចសហការច្រើនវិស័យ ហើយក្តី តែប្រទេសយើងទាំងពីរនៅតែមានសក្តានុពលខ្ពស់ ក្នុងការបង្កើនទំនាក់ទំនង និងកិច្ចសហប្រតិបត្តិវិនិយោគបន្ថែមទៀត ទាំង ក្នុងក្របខណ្ឌទេ្វភាគី និងតំបន់ ព្រោះកូរ៉េជាប្រទេសជឿនលឿន និងមានបទពិសោធន៍ការអភិវឌ្ឍច្រើនវិស័យ ទាំងក្នុងវិស័យបច្ចេកវិទ្យា និងពាណិជ្ជកម្ម។ ឯកឧត្តមឧបនាយករដ្ឋមន្រ្តី បានគូសបញ្ជាក់ជាថ្មី នូវការប្តេជ្ញាចិត្តរបស់រាជរដ្ឋាភិបាលកម្ពុជា ក្រោមការដឹកនាំបញ្ជាផ្ទាល់ ប្រកបដោយភាពម៉ឺងម៉ាត់ របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងការបោសសម្អាត Online Scam ឱ្យអស់ពីកម្ពុជា ដោយរួមទាំងវិធានការទប់ស្កាត់ បង្ក្រាប អប់រំ និងកិច្ចសហការជាមួយមិត្តបរទេស ក៏ដូចជាមិត្តកូរ៉េ ជាដើម និងបានសម្តែងនូវការអបអរសារទរចំពោះលទ្ធផលល្អប្រសើរ នៃប្រតិបត្តិការបង្រ្កាប Online Scam ដែលអនុវត្តដោយក្រុម ការងាររួមនៃប្រទេសទាំងពីរ ព្រមទាំងបានជម្រាបផងដែរ ពាក់ព័ន្ធនឹងការឯកភាពគ្នារៀបចំកិច្ចសន្ទនាលើកទី៣ រវាងរដ្ឋនឹងផ្នែកឯកជន កម្ពុជា-កូរ៉េ នៅថ្ងៃទី៨ ខែមេសា ខាងមុខ។ឯកឧត្តម Kim Chang Yong បាននាំមកនូវការថ្លែងអំណរគុណពីសំណាក់ ឯកឧត្តមប្រធានាធិបតីនៃសាធារណរដ្ឋកូរ៉េ ចំពោះរាជរដ្ឋាភិបាលកម្ពុជា ដែលបានផ្តល់កិច្ចសហការយ៉ាងជិតស្និទ្ធ ក្នុងការប្រយុទ្ធប្រឆាំង Online Scam និងបានសម្រេច សមិទ្ធផល វិជ្ជមានជាច្រើនគួរជាទីមោទនៈ ដែលនឹងរួមចំណែកលើកកម្ពស់សន្តិសុខ និងសុវត្ថិភាពដល់ប្រជាជនសាធារណរដ្ឋកូរ៉េ។ក្នុងជំនួបនេះ, ឯកឧត្តមឯកអគ្គរដ្ឋទូត បានស្នើសុំឯកឧត្តមឧបនាយករដ្ឋមន្ត្រី ចូលរួមសម្របសម្រួល ដើម្បីរៀបចំខួប៣០ឆ្នាំ នៃការភ្ជាប់ទំនាក់ទំនងការទូតឡើងវិញរវាងកម្ពុជា និងសាធារណរដ្ឋកូរ៉េនៅឆ្នាំក្រោយ អាចក្លាយជាព្រឹត្តិការណ៍ដ៏អធិកអធមបំផុត ហើយឯកឧត្តមក៏បានសន្យាថា នឹងជំរុញគម្រោងវិនិយោគធំៗឱ្យមកបណ្តាក់ទុននៅកម្ពុជា សំដៅសម្រេចឱ្យបាននូវសមិទ្ធផលកាន់តែ ច្រើន និងបានអញ្ជើញឯកឧត្តមឧបនាយករដ្ឋមន្រ្តីដឹកនាំគណៈប្រតិភូ ទៅទស្សនកិច្ចទាក់ទាញអ្នកវិនិយោគនៅប្រទេសកូរ៉េផងដែរ៕ អត្ថបទ៖ សុន រ៉ាឌី

កម្ពុជាគ្រោងពង្រីកទីផ្សារនាំចេញស្វាយចន្ទីរឱ្យកើនដល់ចំនួន ៤០០លានដុល្លារនៅពេល​អនាគត

2026/03/12 04:47:01 pm        241
Facebook Telegram Linkin
ក្រសួងពាណិជ្ជកម្មកម្ពុជា បានឱ្យដឹងថា កម្ពុជា នឹងនាំចេញគ្រាប់ស្វាយចន្ទីសំបក (ប្រភេទ M23) ដែលមានតម្លៃប្រមាណ ៣៥ លានដុល្លារអាម៉េរិក ក្នុងដំណាក់កាលដំបូងហើយមានផែន​ការ​ពង្រីក​ការនាំចេញឱ្យឈានដល់ប្រមាណ ៤០០លានដុល្លារអាម៉េរិក នៅពេលអនាគត។យោងតាមផេកផ្លូវការរបស់ក្រសួងពាណិជ្ជកម្ម បានសសេរឱ្យដឹងថា កាលពីថ្ងៃទី១១ ខែមីនា ឆ្នាំ​២០២៦​កន្លង​ទៅ ឯកឧត្តម សំហេង បូរ៉ា រដ្ឋលេខាធិការក្រសួងពាណិជ្ជកម្ម និងជាប្រធានក្រុម​ការងារ​ជំរុញ​ការនាំចេញ (EPTF) បានរៀបចំកិច្ចប្រជុំជាមួយ លោក Jiang Xiaofei នាយកនៃ​គណៈ​កម្មាធិការការងារពង្រីកសហគ្រាសនៅក្រៅប្រទេស នៃវិទ្យាស្ថានចិន​សម្រាប់​យុទ្ធ​សាស្រ្ត​នវា​នុវត្ត​ន៍ និងអភិវឌ្ឍន៍ (China Institute for Innovation and Development Strategy - CIIDS) ដឹកនាំគណៈប្រតិភូក្រុមហ៊ុន China Bonded Port Group Co., Ltd. និង​តំណាង​ក្រុម​ហ៊ុន ​Men Sarun MDR Co., Ltd. ដើម្បីពិភាក្សាការងារពាក់ព័ន្ធវិស័យស្វាយចន្ទីរនៅកម្ពុជា។ប្រភពដដែល បានឱ្យដឹងទៀតថា ជំនួបនេះត្រូវបានរៀបចំឡើងក្នុងគោលបំណងពង្រឹង និង​ពង្រីក​កិច្ច​សហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគទ្វេភាគីកម្ពុជា-ចិន ព្រមទាំង​ស្វែង​យល់​ពី​សក្តានុពលក្នុងការជំរុញការនាំចេញកសិផលកម្ពុជា។ ក្នុងឱកាស​នោះ ឯកឧត្តមរដ្ឋលេខាធិការ បានអញ្ជើញជាសាក្សី ក្នុងពិធីចុះហត្ថលេខា​លើ​អនុស្ស​រណៈ​នៃ​ការយោគយល់គ្នា (MoU) ស្តីពី "កិច្ចសន្យាផ្គត់ផ្គង់គ្រាប់ស្វាយចន្ទីកម្ពុជា" រវាងក្រុម​ហ៊ុន​ទាំង​ពីរ​ខាង​លើ។ តាមរយៈកិច្ចព្រមព្រៀងនេះ កម្ពុជានឹងចាប់​ផ្តើម​នាំ​ចេញ​គ្រាប់​ស្វាយ​ចន្ទី​ទាំង​សំបក ​(ប្រភេទ M23) ក្នុងជំហានដំបូងដែលមានទំហំទឹកប្រាក់ប្រមាណ ៣៥លាន​ដុល្លារ​សហ​រដ្ឋ​អាម៉េរិក ដោយភាគីទាំងពីរមានចក្ខុវិស័យយុទ្ធសាស្ត្រក្នុងការជំរុញទំហំនាំចេញបន្ថែមទៀត ដែល​រំពឹងថានឹងអាចកើនឡើងដល់សក្តានុពលទឹកប្រាក់ប្រមាណ ៤០០​លាន​ដុល្លារ​សហរដ្ឋ​អាម៉េរិក​នាពេលអនាគត។បើ​តាមក្រសួងពាណិជ្ជកម្ម សមិទ្ធផលនេះ គឺជាលទ្ធផលនៃកិច្ចខិតខំប្រឹងប្រែងសម្របសម្រួល និង​ផ្គូរ​ផ្គងយ៉ាងសកម្មរបស់ ក្រុមការងារជំរុញការនាំចេញ (EPTF) នៃក្រសួងពាណិជ្ជកម្ម ដែល​តែង​តែ​ដើរ​តួនាទីជាតួអង្គស្នូលក្នុងការផ្សារភ្ជាប់ទំនាក់ទំនងរវាងអ្នកនាំចេញកម្ពុជា ជាមួយ​អ្នក​បញ្ជា​ទិញ​សក្តានុពលអន្តរជាតិ។ ទន្ទឹមនឹងនេះ កិច្ចសហប្រតិបត្តិការដ៏រឹងមាំរវាងក្រុមហ៊ុនទាំងពីរ មិន​ត្រឹម​តែ​ធានា​បាន​នូវ​កំណើន​នៃ​ការ​នាំ​ចេញ​ស្វាយចន្ទី​ទៅ​កាន់ទីផ្សារ​ប្រទេស​ចិន​ជា​បន្ត​បន្ទា​ប់​ប៉ុណ្ណោះទេ​ ប៉ុន្តែថែមទាំងជាសញ្ញាវិជ្ជមានដ៏ធំក្នុងការទាក់ទាញវិនិយោគិនចិន ឱ្យមក​បណ្តាក់​ទុន​នៅ​កម្ពុជា ដើម្បីពង្រីក​វិសាលភាព​នៃ​ការនាំ​ចេញ​កសិផល​ជាតិ​ចូលទៅ​កាន់​ទីផ្សារ​អន្តរជាតិ​ឱ្យ​កាន់​តែ​ទូលំ​ទូលាយ​បន្ថែម​ទៀត៕ អត្ថបទ៖ ឈិត បូរ៉ាវី 

កម្ពុជា​សម្រេច​បានវឌ្ឍនភាព​គួរ​ឱ្យកត់​សម្គាល់​ក្នុង​ការ​ចរចា​ដំឡើង​កម្រិត​កិច្ច​ព្រម​ព្រៀង​ពាណិជ្ជ​កម្ម​ ក្នុងក្របខណ្ឌអាស៊ាន និងដៃគូអាស៊ាន

2026/03/12 01:40:37 pm        169
Facebook Telegram Linkin
រដ្ឋមន្រ្តីក្រសួងពាណិជ្ជកម្ម បានថ្លែងក្នុង«សិក្ខាសាលាស្តីពីភាពធន់ និង​កាលា​នុវត្តភាព នៃ​យុទ្ធសាស្រ្ត​អភិបាលកិច្ច វិទ្យាសាស្រ្ត បច្ចេកវិទ្យា នវានុវត្តន៍ឧស្សាហកម្ម និងពាណិជ្ជកម្មកម្ពុជា» នៅ​ថ្ងៃទី១២មីនានេះថា កម្ពុជាបានសម្រេចនូវវឌ្ឍនភាពគួរឱ្យកត់សម្គាល់ តាមរយៈ​ការ​ចរចា​ដំឡើង​កម្រិត​ព្រមព្រៀងពាណិជ្ជកម្ម និងការចរចាកិច្ចព្រមព្រៀងពាណិជ្ជកម្ម ក្នុងក្រប​ខណ្ឌ​អាស៊ាន ​និងជាមួយដៃគូអាស៊ាន។លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម ថ្លែងសុន្ទរកថាក្នុងសិក្ខាសាលា នាព្រឹកនេះថា ក្រសួង​ពាណិជ្ជកម្មក្នុងនាមជាសេនាធិការរាជរដ្ឋាភិបាល នៅតែបន្ត​បោះ​ជំហាន​យ៉ាង​ស្វាហាប់​តាម​មាគ៌ា​អភិវឌ្ឍន៍សេដ្ឋកិច្ច-ពាណិជ្ជកម្មក្នុងការធ្វើសមាហរណកម្មសេដ្ឋកិច្ចទៅក្នុងតំបន់និង ពិភព​លោក ស្របតាមចក្ខុវិស័យ និងអភិក្រម «ពង្រឹងទីផ្សារចាស់ និងពង្រីកទីផ្សារថ្មី» និងបន្ត អនុវត្ត​អនុសាសន៍ «កែទម្រង់-រស់ មិនកែទម្រង់-ស្លាប់» សំដៅលើកកម្ពស់អភិបាលកិច្ចស្ថាប័ន ពង្រឹង​ប្រសិទ្ធភាពនៃការផ្តល់សេវាសាធារណៈ ដើម្បីអភិវឌ្ឍ​វិស័យ​ពាណិជ្ជ​កម្ម​ប្រកប​ដោយ​ចីរភាព​។លោកជំទាវ បន្ថែមថា ជាក់ស្តែង ក្នុងក្របខ័ណ្ឌអាស៊ាន និងអាស៊ានដៃគូ កម្ពុជា​សម្រេច​បាន​នូវ​វឌ្ឍនភាព​គួរ​ឱ្យកត់សម្គាល់ តាមរយៈ ការចរចាដំឡើងកម្រិតកិច្ចព្រមព្រៀងពាណិជ្ជកម្ម រួមមាន ៖ ទី១-បានបញ្ចប់នីតិវិធីក្នុងការស្នើសុំការផ្តល់សច្ចាប័នលើកិច្ចព្រមព្រៀងពិធីសារទី១, ធ្វើ​វិសោ​ធន​កម្ម​​កិច្ចព្រមព្រៀងពាណិជ្ជកម្មសេរី អាស៊ាន-ហុងកុង នៃសាធារណរដ្ឋប្រជាមានិតចិន និង​ពិធី​សារ​ទី​២ ធ្វើវិសោធនកម្មកិច្ចព្រមព្រៀង បង្កើតតំបន់ពាណិជ្ជកម្មសេរីអាស៊ាន-អូស្ត្រាលី-នូវែល​សេឡង់​។ ទី២- ក្រសួងក៏បានបញ្ចប់ការចរចា និងចុះហត្ថលេខាលើពិធីសារទី២ ធ្វើវិសោធនក​ម្ម​កិច្ច​ព្រម​ព្រៀង​អាស៊ានស្តីពីពាណិជ្ជកម្មទំនិញ និង កិច្ចព្រមព្រៀងដំឡើងកម្រិតពាណិជ្ជកម្មសេរីអាស៊ាន-ចិន ៣.០ និង ទី៣-ការចរចាដំឡើង កម្រិតកិច្ចព្រមព្រៀងពាណិជ្ជកម្មទំនិញអាស៊ាន-ឥណ្ឌា សម្រេច​បានវឌ្ឍនភាពប្រមាណ ៣៧%។ ជាមួយគ្នានេះ ក្រសួង​សម្រេច​បាន​ការ​ចរចា​កិច្ច​ព្រម​ព្រៀង​ពាណិជ្ជ​កម្មបានបញ្ចប់នីតិវិធីក្នុងការស្នើសុំការផ្តល់សច្ចាប័នលើពិធីសារ, ធ្វើវិសោធន​កម្ម​កិច្ច​ព្រម​ព្រៀងអា​ស៊ានស្តីពីបម្លាស់ទីរូបវន្តបុគ្គល និង ក្រសួងបានបញ្ចប់​ការ​ចរចា​ជា​ដុំ​កំភួន​កិច្ច​ព្រម​ព្រៀង​ក្រប​ខ័ណ្ឌសេដ្ឋកិច្ចឌីជីថលអាស៊ាន ហើយ ការចរចាកិច្ចព្រម​ព្រៀង​ពាណិជ្ជ​កម្ម​សេរី​អាស៊ាន​-កាណាដា សម្រេចបាន ៤១%។បណ្តាប្រទេសអាស៊ានគឺជាដៃគូពាណិជ្ជកម្មដ៏សំខាន់មួយរបស់កម្ពុជាដែលបានឈរនៅលំដាប់ទី២ បន្ទាប់ពីទីផ្សារសហរដ្ឋអាម៉េរិក។ ក្នុងឆ្នាំ២០២៥ អាស៊ាន​បាន​កាន់​កាប់​ចំណែក​ទីផ្សារ​នាំ​ចេញេ​របស់​កម្ពុជា​ចំនួន ១៨ ភាគរយ នៃការនាំចេញសរុប ៣១ ពាន់លានដុល្លារអាម៉េរិក៕ អត្ថបទ៖ ធូ វិរៈ

២ខែដើមឆ្នាំនេះការធ្វើពាណិជ្ជកម្មអន្តរជាតិរបស់កម្ពុជាមានទឹកប្រាក់សរុបជាង ១១ ពាន់លានដុល្លារ

2026/03/10 02:52:07 pm        204
Facebook Telegram Linkin
ការដោះដូរពាណិជ្ជកម្មលើទីផ្សារអន្តរជាតិរបស់កម្ពុជា រយៈពេល២ខែ ដើមឆ្នាំ២០២៦នេះ មាន​ទំហំ​ទឹកប្រាក់សរុបជាង ១១ ពាន់លានដុល្លារ ក្នុងនោះការនាំចេញទំនិញរបស់កម្ពុជា មាន​ទឹក​ប្រាក់​ជាង ៥,២ ពាន់លានដុល្លារ ខណៈការនាំចូលពីបរទេសមានចំនួនជាង ៥,៨ ពាន់លាន ដុល្លារ​។អគ្គនាយកដ្ឋានគយ និងរដ្ឋាករកម្ពុជា នៃក្រសួងសេដ្ឋកិច្ច និងហិរញ្ញវត្ថុ បាន​បង្ហាញ​ស្ថិតិ​ពាណិជ្ជ​កម្ម នៃការធ្វើពាណិជ្ជកម្មលើ ទីផ្សារអន្តរជាតិរបស់កម្ពុជា ក្នុងនោះនៅក្នុងរយៈពេល ២ ខែ ដើម​ឆ្នាំ​២០២៦​នេះ ការធ្វើពាណិជ្ជកម្មទំនិញជាមួយប្រទេសដៃគូរសំខាន់ៗចំនួន ២០ និងបណ្តា​ប្រទេស​មួយ​ចំនួនផ្សេងទៀត គិតជាទឹកប្រាក់សរុបមានចំនួនជាង ១១ ពាន់លានដុល្លារ កើន​ឡើង​ជាង​ ១៧ ភាគរយ បើធៀប រយៈពេល ដូចគ្នាឆ្នំា២០២៥ (មានទឹកប្រាក់ប្រមាណជាង ៩ ពាន់​លានដុល្លារប៉ុណ្ណោះ) ។ជុំវិញការធ្វើពាណិជ្ជកម្មអន្តរជាតិនេះ ក្នុងនោះសម្រាប់ការនាំចេញទំនិញរបស់កម្ពុជា រយៈ​ពេល​២​ខែ ​ដើមឆ្នាំនេះ មានទំហំទឹកជាង ៥,២ ពាន់លានដុល្លារ កើនឡើងប្រមាណជាង ១៧ ភាគរយ បើ​ធៀបរយៈពេលដូចគ្នាឆ្នំា២០២៥ ដោយកម្ពុជាបាននាំទៅកាន់ប្រទេសសំខាន់ៗ រួមមាន៖ ប្រទេស​ចិន ជិត ៣០០ លានដុល្លារ, សហរដ្ឋអាមេរិក ជាង ២,២ ពាន់លានដុល្លារ, វៀតណាម​ជាង​ ៦២៥ លានដុល្លារ, ជប៉ុនជាង ៣២៨ លានដុល្លារ, ថៃជាង ១១២ លានដុល្លារ, អេស្បាញ ជាង ២០៦ លានដុល្លារ, កាណាដា ជិត ២០០ លានដុល្លារ, និងការនាំចេញទៅ កាន់​ប្រទេស​ផ្សេងៗ​ជា​ច្រើនទៀត។ចំណែកការនាំចូលវិញ នៅក្នុងរយៈពេលនេះដែរ កម្ពុជាបាននាំចូល​ទំនិញ​មាន​ទំហំ​ទឹក​ប្រាក់​សរុប​ប្រមាណ​ជា​ង ៥,៨ ពាន់លានដុល្លារ កើនឡើង ១៨ ភាគរយ បើធៀបរយៈពេលដូចគ្នាឆ្នំា២០២៥ ក្នុង​នោះការនាំចូលពីប្រទេសចិន មានទឹកប្រាក់ជាង ៣,២ ពាន់លានដុល្លារ, វៀតណាមជាង ៦៥១ លានដុល្លារ, ជប៉ុន ១៧៧ លានដុល្លារ, ថៃ ៣១៨ លានដុល្លារ, សឹង្ហបុរី ជាង ៣២២ លាន​ដុល្លារ, ម៉ាឡេស៊ី ជិត ២០០ លានដុល្លារ ក្រៅពីនេះកម្ពុជា​ក៏​បាន​នាំចូល​ទំនិញ​ផ្សេង​ៗ​ពី​ប្រទេស​ជា​ច្រើន​ទៀតផងដែរ៕ អត្ថបទ៖ សុន រ៉ាឌី

អ្នកជំនាញសេដ្ឋកិច្ច៖ រដ្ឋាភិបាលនឹង​មាន​គោល​នយោបាយ​ឧបត្ថម្ភ​ធន​បើមាន​ការ​ប្រែប្រួល​តម្លៃ​ប្រេង​សាកល

2026/03/10 12:25:10 pm        244
Facebook Telegram Linkin
អ្នកជំនាញសេដ្ឋកិច្ច លើកឡើងថា រដ្ឋាភិបាល​កំពុង​តាម​ដាន​យ៉ាង​យ​ក​ចិត្ត​ទុក​ដាក់​លើ​ការ​ប្រែ​ប្រួល​តម្លៃ​ប្រេង​នៅ​លើទីផ្សារសាកល ដើម្បីរៀបចំយុទ្ធសាស្ត្រ​ប្រកប​ដោយ​ប្រសិទ្ធ​ភាព​ដែល​ផ្តោត​លើ​ការ​ឧបត្ថម្ភធន និងការត្រួតពិនិត្យទីផ្សារ ដើម្បីការពារអ្នកប្រើប្រាស់ និងធានាស្ថិរភាពផ្គត់ផ្គង់ ក្នុង​អំឡុងពេលសេដ្ឋកិច្ចពិភពលោកមានការប្រែប្រួល។លោកបណ្ឌិត ជ័យ តិច អ្នកស្រាវជ្រាវការអភិវឌ្ឍសង្គម-សេដ្ឋកិច្ច បានប្រាប់ BTV នៅថ្ងៃទី១០ មីនា​នេះ ថា ដើម្បីការពារអ្នកប្រើប្រាស់រដ្ឋាភិបាលនឹងដាក់ចេញវិធានការឧបត្ថម្ភធន ដើម្បី​បញ្ចុះ​តម្លៃ​ប្រេង​ក្នុង​ករ​ណីហក់ឡើងខ្ពស់។ ទន្ទឹមនឹងការដាក់ចេញការឧត្តម្ភធន លោកជឿថា រដ្ឋាភិបាល​ក៏​នឹងមានវិធានការមួយចំនួនទៀត ដូចជា តម្រូវឱ្យបុគ្គលិករដ្ឋមួយផ្នែក អាច​ធ្វើ​ការ​ពី​ផ្ទះ​តាម​ប្រព័ន្ធ​អន​ឡាញ ដែលវិធានការនេះ រដ្ឋាភិបាលធ្លាប់អនុវត្តន៍បានជោគជ័យរួចហើយ កាល​ពី​មាន​ការ​រីក​រាលដាលជំងឺកូវីដ-១៩។ លោកបណ្ឌិត ជ័យ តិច បន្ថែមថា ជាមួយគ្នា រដ្ឋាភិបាលត្រូវបន្ត​សកម្មភាព​ចុះ​ត្រួត​ពិនិត្យ​តាម​ស្ថានីយ​ប្រេង​ឥន្ធនៈ​ឱ្យ​សកម្មខ្លាំងជាមុន ហើយ លោកក៏បានអំ​ពាវនាវ​ដល់​ម្ចាស់​ស្ថានីយ​ប្រេង​ឥន្ធនៈ​ត្រូវ​លក់ដូរប្រកបដោយសុច្ចរិទ្ធភាព។សូមបញ្ជាក់ថា ឯកឧត្តម ប៉ែន សុវិជាតិ រដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម បាន​លើក​ឡើងកាលពីថ្មីនេះថា ក្នុងករណីតម្លៃប្រេងសាំងនៅលើទីផ្សារអន្តរជាតិកើនឡើងចាប់ពី ៩០ ដុល្លារ​ ក្នុងមួយបារ៉ែល រដ្ឋាភិបាលនឹងបញ្ចុះថ្លៃលក់រាយ ១ សេន ក្នុងមួយលីត្រ។ ចំណែក ប្រេង​ម៉ាស៊ូត​ត​ម្លៃ​ចាប់ពី ១០០ ដុល្លារ ក្នុងមួយបារ៉ែល នឹងបញ្ចុះថ្លៃលក់រាយ ១ សេន ក្នុងមួយលីត្រ ដែល​នឹង​ជួយកាត់បន្ថយការចំណាយរបស់ប្រជាពលរដ្ឋ៕អត្ថបទ៖ ធូ វិរៈ 

អ្នកជំនាញ៖ តម្លៃ​ប្រេងហក់​ឡើង​ថ្លៃ​មិន​ប៉ះពាល់​ដល់​លំហូរ​ការ​ធ្វើ​ពាណិជ្ជ​កម្ម​អន្តរជាតិ​របស់​កម្ពុជា​ទេ

2026/03/10 10:52:04 am        346
Facebook Telegram Linkin
អ្នកជំនាញក្នុងអាជីវកម្ម ថ្លែងថា តម្លៃប្រេងឥន្ធនៈហក់ឡើងថ្លៃ កឺមិន​ធ្វើ​ឱ្យ​ប៉ះពាល់​ដល់​លំហូរ​នៃ​ការ​ធ្វើ​ពាណិជ្ជកម្មអន្តរជាតិរបស់កម្ពុជាទេ ខណៈតម្លៃ​ប្រេង​ឥន្ធ​នៈហ​ក់​ឡើង​ថ្លៃមុ​ខ​ទំនិញ​នឹង​ប្រែ​ប្រួល​តាម​តម្រូវ​ការជាក់ស្តែង ព្រោះពិភពលោកត្រូវការផ្គត់ផ្គង់គ្នាទៅវិញទៅមក។អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា លើកឡើង​ក្នុង​កិច្ច​សម្ភាសន៍​ជា​មួយ​អ្នក​យក​ព័ត៌មាន BTV ស្តីពី ការធ្វើពាណិជកម្ម ក្នុងអន្តរកាលប្រេង​ឥន្ធនៈ​​កំពុង​មាន​ភាព​ប្រែ​ប្រួល​នេះ​ថា ​ជុំវិញការធ្វើពាណិជ្ជកម្មទៅកាន់ទីផ្សារអន្តរជាតិរបស់កម្ពុជានៅក្នុងឆ្នាំ២០២៥កន្លងមក កម្ពុជា​សម្រេចបានកំណើនកើនឡើងយ៉ាងល្អប្រសើរ និងស្របពេល​ការ​ស្រូប​យក​វិនិយោគិន​ឱ្យ​មក​បណ្តាក់​ទុនបានកើនឡើងជាគំហុកផងដែរ។ ចំណែកការធ្វើពាណិជ្ជកម្មនៅក្នុងរយៈពេល២ខែ ដើមឆ្នាំ២០២៦នេះវិញ ទំហំនៃ ការនាំចេញ​ទៅ​កាន់​ទីផ្សារអន្តរជាតិរបស់កម្ពុជា បាននិងកំពុងបន្តមានកំណើនគួរកត់សម្គាល់ផងដែរ។អ្នកឧកញ៉ា បន្តថា ស្របពេលនិន្នាការទីផ្សារកំពុងមានភាពល្អប្រសើរនេះ បញ្ហា​ប្រេង​ឥន្ធនៈ​បាន​ក្លាយ​ជា​ប្រធាន​ស័ក្តថ្មីមួយ ដោយបានធ្វើឱ្យតម្លៃប្រេង​លើ​ទីផ្សារ​អន្តរជាតិ​មាន​ការ​ប្រែប្រួល​យ៉ាង​ខ្លាំង ​ធ្វើឱ្យពិភពលោកក៏ដូចកម្ពុជាកំពុងរងនូវការប៉ះពាល់ ដែល នឹងអាច​ធ្វើ​ឱ្យអតិផរណាថ្លៃ​ទំនិញ​ផ្សេង​ៗលើទីផ្សារមានការប្រែប្រួល។ អ្នកឧកញ៉ាបន្ថែមថា ចំពោះការធ្វើ​ពាណិជ្ជក​ម្មជា​អន្តរជាតិ​វិញ សម្រាប់ជំហានដំបូងតិចឬច្រើនត្រូវតែមានផលប៉ះពាល់ ប៉ុន្តែកត្តានេះមិនធំនោះទេ ព្រោះ​ថា​អ្នកធ្វើអាជីវកម្មមិនថាពន្ធឡើងថ្លៃ ឬ ប្រេងឥន្ធនៈឡើងថ្លៃក៏ដោយ អ្នកធ្វើ​អាជីវកម្ម​បូក​បញ្ចូល​ថែម​ទៅតាមតម្រូវការជាក់ស្តែង។ ពោលគឺតម្លៃប្រេងឥន្ធនៈហក់ឡើងថ្លៃនេះ គឺមិន​ប៉ះ​ពាល់​ដល់​លំហូរនៃការធ្វើពាណិជ្ជកម្មអន្តរជាតិ ឬការផ្អាកដោយប្រការ​ណាមួយរ​បស់ក​ម្ពុជា​នោះ​ទេ ​ព្រោះពិភពលោកត្រូវ ការផ្គត់ផ្គង់ទំនិញរវាងគ្នាទៅវិញទៅមក។ឯកឧត្តម ប៉ែន សុវិជាតិ អ្នកនាំពាក្យនិងជារដ្ឋលេខាធិការក្រសួងពាណិជ្ជកម្ម ថ្លែងថា ប្រេង​ឥន្ធនៈ​គឺ​ជា​មធ្យមបាយដ៏សំខាន់ សម្រាប់ការដឹកជញ្ជូនភស្តុភាកម្មក្តី កប៉ាលអន្តរជាតិក្តី គឺ​អាស្រ័យ​ទៅ​លើ​ប្រេង​ឥន្ធនៈ។ បញ្ហានេះតម្លៃដឹកជញ្ជូន និងតម្លៃធានារ៉ាប់រង ការដឹកជញ្ជូន​ជា​អន្តរជាតិ​អាច​នឹង​កើន​ឡើង ​ប៉ុន្តែមកដល់ពេលនេះពុំទាន់ជះឥទ្ធិពលខ្លាំងនៅឡើយ ជាពិសេស​ទៅ​លើ​ការ​នាំ​ចេញ​របស់កម្ពុជា ព្រោះគម្រោងនៅក្រោមកិច្ចសន្យាដឹកជញ្ជូនពីដើមឆ្នាំមក គឺនៅ​អនុវត្ត​ជា​ធរមាន​នៅ​ឡើយ​។ ឯកឧត្តមថ្លែងថា «ការដឹកជញ្ជូនពីដើមឆ្នាំមក នៅអនុវត្តជាធរមាននៅឡើយ ដោយ​មិន​ទាន់​មាន​ការ​ចុះ​កិច្ច​សន្យាថ្មី ឬក៏ការចាប់ផ្តើមសារជាថ្មី ឬក៏ព័ត៌ មានណាមួយ ទាក់ទង​ការ​ដឹក​ជញ្ជូន​ទាំង​អស់​នេះ​ទេ​»។ឯកឧត្តម បន្ថែមថា បញ្ហានេះអាចនឹងផលជះជាអវិជ្ជមាន ប៉ុន្តែប្រសិន​សង្គ្រាម​នៅ​តំបន់​មជ្ឈិម​បូព៌ា​នេះ​នៅ​តែអូសបន្លាយរយៈពេលវែង ដោយគ្មានដំណោះស្រាយ ពិភពលោក​ទាំង​មូល​នឹង​រង​នូវ​ឥទ្ធិពល​នេះដូចគ្នា។ ឯកឧត្តម បញ្ជាក់បន្ថែមថា ជុំវិញបញ្ហានេះឃើញថា ភាគីពាក់ព័ន្ធ​ទាំង​អស់​សុទ្ធតែមានបំណងនឹងបញ្ចប់សង្គ្រាមក្នុងពេលឆាប់ៗ៕ អត្ថបទ៖ សុន រ៉ាឌី

រដ្ឋមន្រ្តីក្រសួងកសិកម្ម៖ វិស័យកសិកម្មកាន់តែធន់ នាំចេញកាន់តែច្រើន និង​រក្សា​សន្តិសុខ​ស្បៀង​កាន់​តែ​ល្អ

2026/03/09 12:03:01 pm        237
Facebook Telegram Linkin
រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានរំលេចឱ្យដឹងថា វិស័យក​សិកម្ម​នៅ​កម្ពុជា​កាន់​តែ​មាន​ភាព​ធន់​ខ្លាំង ខណៈការនាំចេញកសិផលកម្ពុជា បាននិងកំពុងបន្តមានកំណើន ជា​ពិសេស​ការ​រក្សាសន្តិសុខស្បៀងក្នុងស្រុកបានល្អប្រសើរ ទោះបីមានការប្រែប្រួល បញ្ហាអា​កាស​ធាតុ​ និងភាពមិនប្រាកដប្រជានៅលើពិភពលោកក៏ដោយ។ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ លើក​ឡើង​ក្នុង​ឱកាស​អញ្ជើញ​​​ជាវាគ្មិន​ក្រោមប្រធានបទ៖ ការស្វែងយល់ពីរបៀបដែលថាមពលស្អាត រួម​ផ្សំ​ជាមួយ​ហេដ្ឋា​រចនា​សម្ព័ន្ធ SEZ បង្កើតប្រព័ន្ធអេកូឡូស៊ីដ៏សំខាន់សម្រាប់ចង្កោមអេឡិចត្រូនិច និងរថយន្ត នៅ​ក្នុង​កិច្ច​ប្រជុំ​កំពូល​ធុរកិច្ចអាស៊ាន–កម្ពុជាឆ្នាំ២០២៦ ថា ជុំវិញវិស័យកសិកម្ម, ពីមុន​កម្ពុជា​បាន​ផ្តោត​តែ​លើសន្តិសុខស្បៀងតែប៉ុណ្ណោះ ខណៈបច្ចុប្បន្នវិស័យ​នេះ​បាន​ក្លាយ​ជា​សរសរ​ស្តម្ភ​មួយ​នៃ​សេដ្ឋ​កិច្ច​កម្ពុជា ដែលបានពឹងផ្អែកនៅលើវិស័យជា ច្រើន ហើយវិស័យទំាង​នោះ​ក៏​ជួប​ប្រទះ​នូវ​បញ្ហា​ប្រឈម​ជាច្រើនផងដែរ។ឯកឧត្តមរដ្ឋមន្រ្តី បន្តថា ទាក់ទិនវិស័យកសិកម្មនៅកម្ពុជា ត្រូវបាន​រាជ​រដ្ឋាភិបាល​បាន​ជំរុញ​ជា​របៀប​វារៈនៃការអភិវឌ្ឍវិស័យ កសិកម្មលើសមុន តាមយៈការជំរុញផលិតកម្មកសិកម្ម និង​ការ​បង្កើន​ផលិត​ភាព គុណភាព សុវត្ថិភាព ការលើកកម្ពស់ការកែច្នៃផលិត- ផលកសិកម្ម ដើម្បី​ឆ្លើយ​តប​ទៅនិ​ងតម្រូវការទីផ្សារ, បច្ចុប្បន្នវិស័យនេះបានឈានដល់ដំណាក់កាលមួយ ដែល​មាន​ភាព​ធន់​ខ្លាំង ខណៈកន្លងមកបានជួបបញ្ហាប្រឈមជាច្រើនអំពីបញ្ហាអាកាសធាតុ។ ជុំវិញកា​រ​ប្រែ​ប្រួល​អាកាស​ធាតុ​នេះ បាតុភូតអាមីញ៉ូជាបញ្ហាថ្មីមួយដែល ពិភពលោកកំពុងព្រួយបារម្ភ ដោយរួមជា​មួយ​កម្ពុជា​ផងដែរ។ ទោះបីបញ្ហាប្រឈមកំពុងជួបប្រទះលើការខ្វះខាតស្បៀង ថ្លៃចំណាយខ្ពស់ និង​អតិផរណាចំណីអាហារហក់ឡើងក៏ដោយ ក៏កម្ពុជារក្សាភាពធន់ និងបាន​កំពុង​បន្ត​នាំ​ចេញ​មាន​កំណើនកើន​ឡើង​ជាបន្តបន្ទាប់។ ឯកឧត្តមរដ្ឋមន្រ្តី បន្ថែមទៀត ចំណែកការអភិវឌ្ឍប្រកបដោយភាពបៃតង និងមាន​តម្លៃ​បន្ថែ​មខ្ព​ស់​វិញ​, ​នេះគឺបញ្ហាមួយដែល រាជរដ្ឋាភិបាលបាននិងកំពុងលើកកម្ពស់ការកែច្នៃផលិតផលកសិកម្ម ខណៈ​កសិផលរបស់កម្ពុជាជាច្រើនដូចជា ម្រេចកំពត គ្រាប់ស្វាយ ចន្ទី សុទ្ធ​តែ​ជា​កសិផល​ដែល​មាន​គុណ​ភាព​ខ្ពស់ ពោលគឺវិស័យកសិកម្ម កម្ពុជាមិនត្រឹមសម្រាប់​ផ្គត់ផ្គង់​ជា​សន្តិសុខ​ស្បៀង​ប៉ុណ្ណោះ​ទេ គឺកម្ពុជាចង់ឱ្យវិស័យកសិកម្ម ជាវិស័យមួយរួម​ចំណែក​ដល់​ការ​អភិវឌ្ឍ​សេដ្ឋ​កិច្ច​ប្រកប​ដោយ​ចីរភាព​ ខណៈបច្ចុប្បន្នវិស័យនេះបានកំពុង ដើរឆ្ពោះទៅមុខ។សូមបញ្ជាក់ថា ជុំវិញការនាំចេញកសិផលនេះ បើយោងតាមរបាយការណ៍ក្រសួងពាណិជ្ជកម្ម នៅ​ក្នុង​ខែ​មករា ឆ្នាំ២០២៦នេះ កសិផល ដែលកម្ពុជានាំចេញមានកំណើនល្អប្រសើររួមមាន៖ ការ​នាំ​ចេញ​អង្ករ​ មានទឹកប្រាក់ ចំនួន ៦៥ លានដុល្លារ កើនជាង ១៧%, កៅស៊ូជាង ៦២ លានដុល្លារ កើន ២៦%, ចេកស្រស់ជាង ១៤ លានដុល្លារ កើនជាង ២៥%, ម្រេច ជាង ២ លានដុល្លារ កើន​ជាង ​៣០០% និង កសិផលផ្សេងៗទៀតជាង ២ លានដុល្លារ កើនជិត ៥០% បើ​ធៀប​រយៈ​ពេល​ដូច​គ្នា​ឆ្នាំ​២០២៥​៕ អត្ថបទ៖ សុន រ៉ាឌី 

វិស័យឯកជនរំពឹងថា ឆ្នាំ២០២៦នឹងក្លាយជាឆ្នាំ​នៃការស្តារ​ទំនុក​ចិត្ត​ឡើង​វិញ​ សម្រាប់​វិស័យ​លំនៅ​ឋាន​នៅ​កម្ពុជា

2026/03/08 11:53:55 am        259
Facebook Telegram Linkin
សមាគមអ្នកអភិវឌ្ឍន៍លំនៅឋានកម្ពុជា រំពឹងថា ជាមួយនឹងស្មារតីសាមគ្គីភាព វិន័យវិជ្ជាជីវៈ និង​កិច្ច​សហប្រតិបត្តិការជិតស្និទ្ធ គឺមានទំនុកចិត្តយ៉ាងខ្លាំងថា ឆ្នាំ២០២៦នេះ នឹង​ក្លាយ​ជា​ឆ្នាំ​នៃ​ស្ថិរភាព​ ការកែទម្រង់ និងការស្តារទំនុកចិត្តឡើងវិញ សម្រាប់​វិស័យ​លំនៅ​ឋាន​នៅ​កម្ពុជា​របស់​យើង​។ក្នុងសន្និបាតបូកសរុបលទ្ធផលការងារប្រចាំឆ្នាំ២០២៥ និងលើក​ទិសដៅ​ការ​ងារ​សម្រាប់​ឆ្នាំ​២០២៦ ​កាលពីរសៀលថ្ងៃទី៧ ខែមីនាកន្លងទៅ លោកអ្នកឧកញ៉ា លី ហួរ ប្រធាន​សមាគម​អ្នក​អភិវឌ្ឍន៍​លំនៅ​ឋានកម្ពុជា បានលើកឡើងថា ការរំពឹងនេះដោយសារក្នុងឆ្នាំ២០២៥ ជាអំឡុង​ពេល​មួយ​ក្នុងចំណោមគ្រាលំបាកបំផុត ក្នុងប្រវត្តិសាស្ត្រ​នៃ​វិស័យ​អភិវឌ្ឍន៍​លំនៅ​ឋាន​នៅ​កម្ពុជា​ដែល​បណ្តាល​មកពីការធ្លាក់ចុះនៃសេដ្ឋកិច្ចសកល ភាពមិនច្បាស់លាស់នៃភូមិសាស្ត្រ នយោបាយ​ក្នុង​តំបន់ ភាពតានតឹងតាមព្រំដែនរវាងកម្ពុជានិងថៃនាពេលថ្មីៗនេះ និងភាព​តឹង​រ៉ឹង​នៃ​ការ​បញ្ចេញ​ចរន្ត​សាច់ប្រាក់ បានធ្វើឱ្យមានសម្ពាធយ៉ាងខ្លាំងដល់ទាំងអ្នកអភិវឌ្ឍន៍ និងអ្នក​ទិញ​លំ​នៅ​ឋាន​។ លោកបានបន្តថា ចំពោះសកម្មភាពនៅក្នុងទីផ្សារអចលនទ្រព្យក៏បានធ្លាក់ចុះយ៉ាងខ្លាំង ហើយ​ក្រុម​ហ៊ុនសមាជិកជាច្រើនបានជួបប្រទះនូវបញ្ហាប្រឈមធ្ងន់ធ្ងរ រួមមានការ​យឺត​យ៉ាវ​ក្នុង​ការ​បង់​ប្រាក់​ពី​អតិថិជន ការទាមទារឱ្យក្រុម ហ៊ុនទិញផ្ទះត្រឡប់មកវិញ ការរឹតបន្តឹង​លើ​ការ​អនុវត្ត​ច្បាប់ ​និងបទប្បញ្ញត្តិនានាជាដើម។យ៉ាងណាក៏ដោយ លោកប្រធានសមាគម បានបន្ថែមថា ក្រោមការ​ដឹក​នាំ​ប្រកប​ដោយ​ចក្ខុ​វិស័យ​វែង​ឆ្ងាយ​របស់​សម្តេចតេជោ ហ៊ុន សែន និងសម្តេចធិបតី ហ៊ុន ម៉ាណែត ប្រទេសជាតិនៅ​តែ​បន្ត​រក្សា​បាន​ នូវស្ថិរភាពនយោបាយ និងភាពធន់នៃម៉ាក្រូសេដ្ឋកិច្ចយ៉ាងប្រសើរ។ ក្នុងបរិយាកាសនេះ សមាគមដែលមានសមាជិករហូតដល់ ៥៥ក្រុមហ៊ុន បានខិតខំប្រឹងប្រែងដោយភាព ហ្មត់ចត់ និង​ការ​ប្តេជ្ញា​ចិត្តខ្ពស់ ដើម្បីពង្រឹងការសម្របសម្រួលក្នុងចំណោមសមាជិក-សមាជិកា លើក​កម្ពស់​ការ​អនុវត្ត​តាម​បទប្បញ្ញត្តិនានា គាំទ្រដល់កិច្ចសន្ទនាគោលនយោបាយប្រកបដោយការស្ថាបនា ជាមួយ​ក្រសួងពាក់ព័ន្ធ និងធនាគារជាតិនៃកម្ពុជា ព្រមទាំងតស៊ូមតិ​ដើម្បី​ទទួល​បាន​វិធាន​ការ​គាំទ្រ​ជាក់​ស្តែងសម្រាប់អ្នកអភិវឌ្ឍន៍ និងអ្នកទិញលំនៅឋាន។ ក្នុងឱកាស​អញ្ជើញជាអធិបតីក្នុងពិធីបិទសន្និបាតនេះ ឯកឧត្តម សាយ សំអាល់ ឧបនាយក​រដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានមានប្រសាសន៍ថា ការ​អភិវឌ្ឍ​លំ​នៅឋាននៅកម្ពុជាបានចាប់ផ្តើមជាបណ្តើៗតាំងពីឆ្នាំ១៩៨៩មក នៅពេល​ដែល​ប្រទេស​កម្ពុជា​ទទួលស្គាល់កម្មសិទ្ធិឯកជន និងធ្វើការចុះបញ្ជីដីធ្លីឡើងវិញ ព្រោះប្រជាពលរដ្ឋ​មាន​សិទ្ធិ​ពេញ​លេញ​ក្នុងការអភិវឌ្ឍលំនៅឋានផ្ទាល់ខ្លួនជាផ្ទះឈើ ផ្ទះល្វែង ផ្ទះវីឡាជាដើម។ ឯកឧត្តម ឧបនាយករដ្ឋមន្រ្តី បានគូសបញ្ជាក់ថា ពីនេះទៅមុខ ដើម្បីជៀសវាងនូវបញ្ហា និង​កសាង​ភាព​ធន់ជាមួយនឹងភាពមិនច្បាស់លាស់នាពេលអនាគតក្នុងក្របខណ្ឌសង្គម និង​សេដ្ឋកិច្ច​ពិភព​លោក ត្រូវឈរលើទស្សនៈរួម និងធ្វើការដោយ​ផ្អែក​លើ​ទិន្ន​ន័យ​វិទ្យាសាស្ត្រ​ជាក់​លាក់​ក្នុង​ការ​អភិវឌ្ឍ​លំនៅ​ឋានដើម្បីរៀបចំឱ្យឧស្សាហកម្មមួយនេះ បន្តផ្តល់ឱកាសការងារ​ផ្តល់​ប្រាក់​ចំណូល​ដល់​ប្រជាជន ផ្តល់កន្លែងរស់នៅសមរម្យ ផ្តល់ជីវិតគ្រួសារថ្មី ដោយរក្សាបាននូវតម្លៃវប្បធម៌ ប្រពៃណី ទំនៀមទម្លាប់ និងធ្វើឱ្យសង្គមកាន់តែរីកចម្រើនទៅមុខទៀត៕ អត្ថបទ៖ ឈិត បូរ៉ាវី 

អនុប្រធាន EU-ABC លើកទឹកចិត្តឱ្យវិនិយោគិនអឺរ៉ុបមកស្វែងរកឱកាសវិនិយោគនៅកម្ពុជា

2026/03/06 03:06:13 pm        288
Facebook Telegram Linkin
បន្ទាប់ពីបញ្ចប់ដំណើរទស្សនកិច្ចរយៈពេល ២ថ្ងៃនៅកម្ពុជា អនុប្រធាន ក្រុមប្រឹក្សាធុរកិច្ចអាស៊ាន-អឺរ៉ុប បានលើកទឹកចិត្តដល់វិនិយោគិនសហភាពអឺរ៉ុប ឱ្យមក​ស្វែង​រក​ឱកាស​វិនិយោគ​នៅ​ប្រទេស​កម្ពុជា​ ព្រោះស​ហភាព​អឺរ៉ុប​មាន​ភាពវិជ្ជមាន​យ៉ាង​ខ្លាំង​ចំពោះ​ទស្សន​វិស័យ​សេដ្ឋកិច្ច​របស់​ប្រទេស​កម្ពុជា​ដែលជាទីផ្សារដ៏សំខាន់មួយក្នុងតំបន់អាស៊ាន។ក្នុងកិច្ចសម្ភាសន៍ផ្តាច់មុខជាមួយ BTV នៅថ្ងៃទី០៥ មីនា លោក Noel Clehane អនុប្រធាន ក្រុម​ប្រឹក្សា​ធុរកិច្ចអាស៊ាន-អឺរ៉ុប ( EU-ABC) បាន​លើក​សរសើរ​ថា​រដ្ឋាភិបាល​កម្ពុជា​បាន​ផ្តល់​បរិយាកាស​វិនិយោគ​អំណោយផលដល់វិនិយោគិនបរទេស ដោយសារ​រដ្ឋាភិបាល​មាន​គោល​នយោបា​យ​ជា​ច្រើនដែលផ្តល់ផលប្រយោជន៍ និងភាពវិជ្ជមានយ៉ាងខ្លាំងវិនិយោគិន។ ទនឹ្ទមនឹងនេះ ក៏មើលឃើញពី​ការ​ខិតខំ​របស់​រដ្ឋាភិបាល​កម្ពុជា​ក្នុង​ការ​កែ​លម្អ​វិធានការ​មួយ​ចំនួន​ឱ្យ​កាន់​តែ​ប្រសើរ​ឡើង​ពាក់ព័ន្ធនឹងផ្នែកពន្ធដារ។ ក្នុងន័យនេះ លោក​បាន​លើក​ទឹក​ចិត្ត​ដល់​វិនិយោគិន​អឺរ៉ុប​ឱ្យមកស្វែងយល់ឱកាសវិនិយោគនៅកម្ពុជា។លោក Clehane បានសង្កេតឃើញទៀតថា រដ្ឋាភិបាលកម្ពុជា និងសហភាពអឺរ៉ុប គឺមាន​ទំនាក់​ទំនង​ដ៏​រឹងមាំ ទាំងទំនាក់ទំនងនយោបាយ និងសេដ្ឋកិច្ច។ សហភាព​អឺរ៉ុប​គាំទ្រ​ការ​អភិវឌ្ឍ​សេដ្ឋកិច្ច​របស់​កម្ពុជាតាមរយៈគម្រោងហិរញ្ញប្បទាន និងគម្រោងសំខាន់ៗមួយចំនួនទៀត។ ក្នុង​នៅ​កម្រិត​នយោបាយកម្ពុជាក៏មានទំនាក់ទំនងល្អផងដែរ។ ក្នុងដំណើរទស្សនកិច្ចមកកម្ពុជារយៈពេលពីរថ្ងៃរបស់គណៈប្រតិភូក្រុមប្រឹក្សាធុរកិច្ចអាស៊ាន-អឺរ៉ុប នៅ​កម្ពុជា បានមើលឃើញពីវិស័យដែលមានសក្តានុពលសម្រាប់កិច្ចសហការគ្នា រួមមាន ផលិត​កម្ម​កសិ-​ចំណីអាហារ និងអាហារូបត្ថម្ភ ផលិតផលវាយនភណ្ឌសម្លៀកបំពាក់ ស្បែកជើង គ្រឿង​ផ្គុំ​អគ្គិសនី​ គ្រឿងសង្ហារឹម ភស្តុភារកម្ម និងការតភ្ជាប់។ បច្ចុប្បន្ន អាជីវកម្មអឺរ៉ុបចំនួន ១៤០០ កំពុង​ប្រតិបត្តិ​ការ​​នៅក្នុងប្រទេសកម្ពុជាដែលជាមជ្ឈមណ្ឌលផលិតកម្មដ៏សំខាន់មួយនៅក្នុងតំបន់៕ អត្ថបទ៖ ធូ វិរៈ 

ប្រធានសមាគមភស្តុភារកម្ម៖ សេវាកម្មដឹកជញ្ជូន​នឹងហក់ឡើង​ប្រសិន​សង្គ្រាម​នៅ​មជ្ឈិម​បូព៌ា​អូសប​ន្លាយ

2026/03/06 12:27:28 pm        123
Facebook Telegram Linkin
ប្រធានសមាគមភស្តុភារកម្មកម្ពុជា ថ្លែងថា សេវាកម្មដឹកជញ្ជូននៅកម្ពុជា គិតមក​ដល់​ពេល​នេះ​មិន​ទាន់​មាន​ការប៉ះពាល់អ្វីនោះឡើយ ប៉ុន្តែប្រសិនសង្គ្រាមនៅតំបន់មជ្ឈិមបូព៌ានឹងអូសបន្លាយ វា​អាច​នឹងប៉ះពាល់ដល់ថ្លៃនៃការដឹកជញ្ជូន ខណៈប្រេងឥន្ធនៈត្រូវរំពឹងថា នឹងឡើងថ្លៃផងដែរ។ឧកញ៉ា ហាក់ លាងហ៊ ប្រធានសមាគមភស្តុភារកម្មកម្ពុជា លើកឡើងនៅក្នុងកិច្ចសម្ភាសន៍ជាមួយ BTV ស្តីពីបច្ចុប្បន្នភាពនៃ វិស័យដឹកជញ្ជូន និង​ផល​ប៉ះពាល់​ដោយ​សារ​សង្គ្រាម​នៅ​តំបន់​មជ្ឈិម​បូព៌ា ​នេះថា វិស័យដឹកជញ្ជូននៅដើមឆ្នាំ២០២៦នេះ បាននិង កំពុងដោយរលូន ស្រប​ពេល​ការ​ធ្វើ​ពាណិជ្ជ​កម្ម​អន្តរជាតិរបស់កម្ពុជា មានកំណើនកើនឡើង និងការស្រូបយកឱកាសវិនិយោគមក បណ្តាក់​ទុនជាបន្តបន្ទាប់ បានគាំទ្រដល់ចលនានៃការដឹកជញ្ជូនមានសកម្មភាពមមាញឹកខ្លាំង។ឧកញ៉ា បន្តថា អ្វីដែលជាការបារម្ភ គឺការផ្ទុះឡើង​នៃ​សង្គ្រាម​ដែល​កំពុង​រាល​ដាល​នៅ​តំបន់​មជ្ឈិម​បូព៌ា ​ក្នុងនោះប្រសិនសង្គ្រាម នេះនៅអូសបន្លាយ វានឹងអាចប៉ះពាល់ដល់ការឡើងថ្លៃប្រេងឥន្ធនៈ ខណៈ​ដែលប្រទេសនៅតំបន់ទាំងនោះភាគច្រើនជាអ្នកផលិត និង ផ្គត់ផ្គង់ប្រេងឥន្ធនៈ និង​ក៏​ជា​ផ្លូវ​ដឹក​ជញ្ជូនដ៏សំខាន់តាមច្រកសមុទ្រហ័រមូស (Hormuz) ខណៈប្រទេស​អ៊ីរ៉ង់​បាន​និង​កំពុង​គំរាមកំ​ហែង ព្រមានបាញ់កប៉ាល់ដឹកប្រេងឥន្ធនៈឆ្លងកាត់ក្នុងតំបន់នោះ។ ឧកញ៉ា បន្ថែមថា ប្រសិន​ប្រេងឥន្ធនៈហក់ឡើងថ្លៃ វិស័យដឹក ជញ្ជូននឹងត្រូវឡើងថ្លៃផងដែរ។ បញ្ហានេះ ឧកញ៉ា អំពាវ​នាវដល់អ្នកប្រកបអាជីវកម្មដឹកជញ្ជូន ត្រូវប្រើប្រាស់ប្រេងឥន្ធនៈដោយមានការ សន្សំសំចៃ ក្នុង​ការ​បន្តអាជីវកម្មរបស់ខ្លួន ទោះបច្ចុប្បន្នតម្លៃប្រេងមិនទាន់មានការប្រែប្រួលក៏ដោយ។ ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល លើកឡើងថា ជុំវិញប្រេង​ឥន្ធនៈ​នេះ​កម្ពុ​ជា​ក៏​ដូច​ប្រទេស​ក្នុងតំបន់ និង ពិភពលោក មានផលប៉ះពាល់ដូចគ្នា ជាពិសេសថ្លៃប្រេង និងឧស្ម័ន​ជា​ដើម ​ខណៈបច្ចុប្បន្នថ្លៃប្រេងលើពិភពលោកបានហក់ឡើង ជាង ៣០ ភាគរយរួចហើយ។ ចំណែក​ចំពោះ​ប្រទេស​កម្ពុជា បច្ចុប្បន្ននេះពុំទាន់មានសញ្ញាណណាមួយ បង្ហាញអំពី​ផល​ប៉ះពាល់​បន្ទាន់​ភ្លាម​នោះទេ ខណៈការផ្គត់ផ្គង់ប្រេងនៅតែបន្ត ដោយមិនមានការរអាក់រអួលឡើយ។សូម​បញ្ជាក់ថា ប្រទេសអឺរ៉ង់ជាប្រទេសផលិតប្រេងលំដាប់ថ្នាក់ទី៣ បន្ទាប់ពីវ៉េណេស៊ុយអេឡា និង​អារ៉ាប៊ីសាអូឌីត និងជាតំបន់ដឹក ជញ្ជូនច្រកសមុទ្រហ័រមូស (Strait of Hormuz) ដែល​ជា​ផ្លូវ​ទឹក​យុទ្ធ​សាស្ត្រដ៏សំខាន់បំផុតមួយនៅលើពិភពលោក តភ្ជាប់ឈូង សមុទ្រពែក្ស ទៅកាន់ឈូង​សមុទ្រ​អូម៉ង់ ​និងមហាសមុទ្រឥណ្ឌា៕ អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

លោក Ramiro Valdes ដែលស្ថិតក្នុងចំណោមឥស្សរជនបដិវត្តន៍នៅរស់ចុងក្រោយរបស់គុយបា បានទទួលមរណភាព
06/22/2026 03:06 PM
Facebook Telegram Linkin
កាកបាទក្រហមកម្ពុជា បើកយុទ្ធនាការបរិច្ចាគឈាមដ៏ធំក្រោមប្រធានបទ «តំណក់ឈាមមនុស្សធម៌! ផ្តល់ឈាមសង្គ្រោះជីវិត»
06/22/2026 02:06 PM
Facebook Telegram Linkin
ក្រសួងការងារ បើកវគ្គបណ្តុះបណ្តាលរយៈពេល ៣ថ្ងៃ ដើម្បីពង្រឹងសមត្ថភាពជនបង្គោលយេនឌ័ររបស់ក្រសួង
06/22/2026 02:06 PM
Facebook Telegram Linkin
ជប៉ុន​​ផ្ដល់ឥណទានសម្បទានប្រមាណ ១៦២.៧ លានដុល្លារអាម៉េរិក ដើម្បីអនុវត្តគម្រោង​ស្តារឡើងវិញនូវប្រព័ន្ធស្រោចស្រព និងប្រព័ន្ធដោះទឹកភាគនិរតីរាជធានីភ្នំពេញ
06/22/2026 02:06 PM
Facebook Telegram Linkin
រដ្ឋសភាអនុម័តសេចក្តីព្រាងច្បាប់ស្តីពីវិសោធនកម្មច្បាប់ស្តីពីផ្លូវថ្នល់ ដែលបានធ្វើវិសោធនកម្មចំនួន ១៥ មាត្រា លើច្បាប់ស្តីពីផ្លូវថ្នល់ដើម្បីឆ្លើយតបតាមការអភិវឌ្ឍសង្គម-សេដ្ឋកិច្ច
06/22/2026 02:06 PM
Facebook Telegram Linkin
មន្រ្ដីជំនាញ៖ការសិក្សារំហូរទេសចរជាយុទ្ធសាស្រ្តពីអ្នកជំនាញរួមចំណែកយ៉ាងសំខាន់ក្នុងការអភិវឌ្ឍន៍វិស័យទេសចរណ៍ខេត្តបាត់ដំបង
06/22/2026 02:06 PM
Facebook Telegram Linkin
ភាគីថៃជូនដំណឹងជាផ្លូវការមកកម្ពុជា​អំពីការ​ជ្រើសរើស​អ្នកផ្សះផ្សាចំនួនពីររូបរួចហើយ ដើម្បីចូលរួម​ក្នុង​យន្តការផ្សះផ្សាដោយបង្ខំ​ ក្រោម​អនុសញ្ញា UNCLOS
06/22/2026 01:06 PM
Facebook Telegram Linkin
បាល់ទាត់ពិភពលោក ២០២៦៖ ជាងកាត់សក់នៅ LA ផ្តល់សេវាកាត់សក់ឥតគិតថ្លៃ ស្វាគមន៍អ្នកគាំទ្របាល់ទាត់
06/22/2026 01:06 PM
Facebook Telegram Linkin
ភ្ញៀវទេសចររាប់ម៉ឺននាក់ទៅលេងកម្សាន្តទឹកដីស្រុកសំឡូត ខេត្តបាត់ដំបង ក្នុងរដូវកាលបៃតង និងជារដូវកាលប្រមូលផលផ្លែឈើ
06/22/2026 01:06 PM
Facebook Telegram Linkin
សហគ្រិនក្នុងស្រុក​ បង្ហាញក្ដីរីករាយ​ ខណៈសន្ទុះគាំទ្រផលិតផលខ្មែរពីពលរដ្ឋបន្តមានការ​កើនឡើង
06/22/2026 01:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.