BTV NEWS

គិតត្រឹមខែកក្កដា កម្ពុជាមានរោងចក្រដំណើរការចំនួន ៣.៣៥៧ មានទុនវិនិយោគ ២៨ ប៊ីលានដុល្លារ

ប្រធានគណៈកម្មាធិការសេដ្ឋកិច្ច និងធុរកិច្ចឌីជីថល ជំរុញឱ្យវិស័យឯកជនចាប់យកឌីជីថលបម្រើក្នុងអាជីវកម្ម

រាជរដ្ឋាភិបាលទម្លាក់ការព្យាករសេដ្ឋកិច្ចនៅត្រឹម ៤,១% ក្រោមសម្មតិកម្ម និងសូចនាករម៉ាក្រូសេដ្ឋកិច្ចឆមាសទី១

សមាគមធនាគារនៅកម្ពុជា និងសមាគមមីក្រូហិរញ្ញវត្ថុកម្ពុជា សេចក្តីថ្លែងការណ៍រួមស្តីពី វីដេអូឯកសារពាក់ព័ន្ធនឹងករណីអតិថិជនឥណទាន ដែលត្រូវបានផ្សព្វផ្សាយនាពេលថ្មីៗនេះ

សេដ្ឋកិច្ច និង កសិកម្ម

កម្ពុជា-ឆែក ឯកភាពពង្រឹងកិច្ចសហប្រតិបត្តិការពាណិជ្ជកម្ម និងវិនិយោគ

ភ្នំពេញ៖ បើទោះបីជារងផលប៉ះពាល់នៃជំងឺកូវីដ-១៩ យ៉ាងណាក៏ដោយ ប្រទេសឆែកនៅតែជាទីផ្សារដ៏សំខាន់មួយក្នុងសហភាពអឺរ៉ុប សម្រាប់ផលិតផលកម្ពុជា។ ក្នុងនោះ ទំហំពាណិជ្ជកម្មរវាងប្រទេសកម្ពុជា-ឆែក សម្រេចបានក្នុងរង្វង់ ៨០លានដុល្លារអាម៉េរិក ក្នុងឆ្នាំ២០២០ និងឆ្នាំ២០២១ ហើយរំពឹងថា នឹងមានភាពប្រសើរឡើងវិញ ក្នុងពេលដ៏ឆាប់ខាងមុខ។ក្នុងជំនួបការងាររវាងឯកឧត្តម ម៉ាទីន វ៉ាវរ៉ា(Martin VÁVRA) ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋឆែកប្រចាំនៅកម្ពុជា កាលពីថ្ងៃទី១ ខែមីនា ឆ្នាំ២០២២ នៅទីស្តីការក្រសួង ឯកឧត្តម ប៉ាន សូរស័ក្ដិ រដ្ឋមន្រ្ដីក្រសួងពាណិជ្ជកម្ម បានថ្លែងកោតសរសើរពីចំណងមិត្តភាព និងទំនាក់ទំនងដ៏ល្អប្រពៃណីរវាងប្រទេសទាំងពីរ ប្រជាជននៃភាគីទាំងពីរ ព្រមទាំងកិច្ចខិតខំប្រឹងប្រែងរួមគ្នានាពេលកន្លងមក ក្នុងការពង្រឹង និងពង្រីកកិច្ចសហប្រតិបត្តិការលើវិស័យសក្តានុពលនានា ជាពិសេសវិស័យពាណិជ្ជកម្ម ដោយផ្តោតលើទំនិញអង្ករ ការកែច្នៃម្ហូបអាហារ និងការកែច្នៃ និងវេចខ្ចប់ផ្លែឈើកម្ពុជា។ជាកិច្ចឆ្លើយតប ភាគីឆែក បានថ្លែងអំណរគុណចំពោះឯកឧត្តមរដ្ឋមន្រ្ដី ក្នុងការបង្ហាញជំហរគាំទ្រលើបេសកកម្មរបស់ស្ថានទូតឆែកនៅកម្ពុជា ព្រមទាំងបានបង្ហាញពីសេចក្តីសោមនស្សរីករាយចំពោះកិច្ចខិតខំប្រឹងប្រែងរបស់រដ្ឋាភិបាលកម្ពុជា ដែលមានក្រសួងពាណិជ្ជកម្មជាសេនាធិការ ក្នុងការធ្វើពិពិធកម្មសេដ្ឋកិច្ចតាមរយៈការធ្វើកំណែទម្រង់ច្បាប់ បទបញ្ញត្តិ និងស្ថាប័ន ដែលនឹងជួយជំរុញទំនាក់ទំនងពាណិជ្ជកម្មទ្វេភាគីកាន់តែល្អប្រសើរបន្ថែមទៀត។ក្នុងឱកាសនោះ ភាគីទាំងពីរបានលើកឡើងពីផលប៉ះពាល់នៃស្ថានការណ៍ជំងឺរាតត្បាតសកល ដែលកំពុងជះឥទ្ធិពលអវិជ្ជមានលើខ្សែច្រវ៉ាក់ផ្គត់ផ្គង់ តម្រូវការក្នុងតំបន់ និងសកលលោក ដែលនាំឱ្យមានការប៉ះពាល់ដល់ការធ្វើពាណិជ្ជកម្មរវាងប្រទេសទាំងពីរ។ ឯកឧត្តមរដ្ឋមន្ត្រី បានជឿជាក់យ៉ាងមុតមាំថា ជាមួយនឹងការឈានទៅរកគន្លងប្រក្រតីភាពថ្មីតាមរយៈការគ្រប់គ្រងស្ថានការណ៍កូវីដ-១៩ យ៉ាងមានប្រសិទ្ធិភាពនៅកម្ពុជា គួបផ្សំជាមួយនឹងសមិទ្ធផលសំខាន់ៗ ក្នុងវិស័យពាណិជ្ជកម្មដែលក្រសួងពាណិជ្ជកម្មកម្ពុជាសម្រេចបានថ្មីៗនេះ ដូចជាកិច្ចព្រមព្រៀងស្ដីពីភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) កិច្ចព្រមព្រៀងទ្វេភាគី កម្ពុជា-ចិន និងកម្ពុជា-កូរ៉េ ព្រមទាំងតួនាទីជាប្រធានអាស៊ានរបស់កម្ពុជាផងនោះ ធុរជន និងវិនិយោគិនឆែក នឹងអាចទាញយកនូវអត្ថប្រយោជន៍ជាអតិបរមាពីកាលានុវត្តភាពទីផ្សារកាន់តែទូលំទូលាយ ក្នុងបរិយាកាសធុរកិច្ច និងវិនិយោគល្អ ដែលនឹងអាចឈានដល់ការបង្កើនកិច្ចសហប្រតិបត្តិការពាណិជ្ជកម្មបន្ថែមទៀតនាពេលអនាគត។សូមបញ្ជាក់ថា គិតត្រឹមឆ្នាំ២០១៩ ទំហំពាណិជ្ជកម្មកម្ពុជា-ឆែក សម្រេចបានប្រមាណ ១២៦លានដុល្លារអាមេរិក ជាមួយនឹងកំណើន ៣៦% បើប្រៀបធៀបនឹងឆ្នាំ២០១៨។ ប៉ុន្តែ ដោយដោយទទួលរងផលប៉ះពាល់ពីជំងឺកូវីដ១៩ ទំហំពាណិជ្ជកម្មរវាងប្រទេសកម្ពុជា-ឆែក មានការថមថយមកត្រឹមរង្វង់ ៨០លានដុល្លារ ក្នុងឆ្នាំ២០២០និងឆ្នាំ២០២១ ដែលត្រូវបានរំពឹងថា នឹងមានភាពប្រសើរឡើងវិញ ក្នុងពេលដ៏ឆាប់ខាងមុខ៕ អត្ថបទ៖ ឈិត បូរ៉ាវី

កម្ពុជា-តួកគី បង្កើនកិច្ចសហប្រតិបត្តិការរលើវិស័យពាណិជ្ជកម្មវិនិយោគ

ភ្នំពេញ៖ សភាពាណិជ្ជកម្មកម្ពុជា និងសហព័ន្ធធុរជនឧស្សាហកម្មតួកគី បានឯកភាពគ្នា ជំរុញកិច្ចសហប្រតិបត្តិការលើវិស័យ ពាណិជ្ជកម្ម និងវិនិយោគ ខណៈ កម្ពុជា បានបើកសម្ពោធបើកដំណើរការស្ថានទូតនៅប្រទេសតួកគី។កិច្ចសហប្រតិបត្តិការនេះ ធ្វើឡើងនៅក្នុងជំនួបពិភាក្សារវាងឧកញ៉ា លឹម ហេង អនុប្រធានសភាពាណិជ្ជកម្មកម្ពុជា និងលោក Ferudun Cevahiroglu ប្រធានសហព័ន្ធធុរជនឧស្សាហកម្មតួកគី ព្រមទាំងមានការចូលរួមពីអនុប្រធាននិងសមាជិកសហព័ន្ធធុរជនឧស្សាហកម្មតួកគី កាលពីថ្ងៃទី២៦ ខែកុម្ភៈ ក្នុងទីក្រុងអាំងការ៉ា សាធារណរដ្ឋតួកគី។ក្នុងជំនួបខាងលើនេះ លោក Ferudun Cevahiroglu ប្រធានសហព័ន្ធធុរជនឧស្សាហកម្មតួកគី មានប្រសាសន៍ លោកមានសេចក្តីសោមនស្សរីករាយ ក្នុងការជំរុញទំនាក់ទំនងសេដ្ឋកិច្ចជាមួយកម្ពុជា និងថ្លែងអំណរគុណចំពោះគណៈប្រតិភូសភាពាណិជ្ជកម្មកម្ពុជា ដែលមកបំពេញទស្សនកិច្ចនៅតួកគី។ លោក គូសបញ្ជាក់ថា កម្ពុជាជាប្រទេសដែលមានប្រវត្តិសាស្ត្រយូរលង់ និងមានសក្តានុពលខ្ពស់។ ហេតុនេះ លោក សង្ឃឹមថាធុរជននៃប្រទេសទាំងពីរ នឹងអាចអភិវឌ្ឍគម្រោងរួមគ្នាក្នុងវិស័យសំខាន់ៗខាងលើ ហើយលោកនឹងដឹកនាំគណៈប្រតិភូទៅបំពេញទស្សនកិច្ចនៅកម្ពុជា។ លោកប្រធាន ស្នើឲ្យមានកិច្ចប្រតិបត្តិការលើគ្រប់វិស័យ ជាពិសេស វិស័យសំណង់ ថាមពល ធនធានរ៉ែ និងបច្ចេកវិទ្យា ។ ជាការឆ្លើយតប ឧកញ៉ា លឹម ហេង មានប្រសាន៍គាំទ្រចំពោះ ការអភិវឌ្ឍគម្រោងរួម ក៏ដូចជាការចុះអនុស្សរណៈយោគយល់រវាងស្ថាប័នទាំងពីរ និងស្វាគមន៍ចំពោះ ការបំពេញទស្សនកិច្ចទៅកម្ពុជារបស់ លោក Ferudun Cevahiroglu ប្រធានសហព័ន្ធធុរជនឧស្សាហកម្មតួកគី និង គណៈប្រតិភូធុរកិច្ច។សភាពាណិជ្ជកម្មកម្ពុជា ត្រៀមខ្លួនរួចជាស្រេច ក្នុងការសហការជាមួយ សហព័ន្ធធរុជនឧស្សាហកម្មតួកគី ដើម្បីជំរុញធុរកិច្ចនិងវិនិយោគប្រទេសទាំងពីរ។ ឧកញ៉ា ក៏បានជម្រាបជូនអំពីច្បាប់វិនិយោគថ្មីនៃព្រះរាជាណាចក្រកម្ពុជា ដែលមានការលើកទឹកចិត្តខ្ពស់ចំពោះវិនិយោគិន។សមាជិកនៃសហព័ន្ធធុរជនឧស្សាហកម្មតួកគី បានចូលរួមពិភាក្សានិងសិក្សាស្វែងយល់ពីបរិយាសកាសធុរកិច្ច និងវិនិយោគនៅកម្ពុជា លើផ្នែកសំខាន់ៗរួមមាន៖ វិស័យណាខ្លះដែលគួរវិនិយោគនៅកម្ពុជា ដៃគូយុទ្ធសាស្ត្ររបស់កម្ពុជា ការនាំចេញនាំចូល វាយណភណ្ឌបែបប្រពៃណី សំណង់ ថាមពលរ៉ែ កសិកម្ម ។ល។ សូមបញ្ជាក់ថា ពិធីសម្ពោធឯកអគ្គរាជទូតនៃព្រះរាជាណាចក្រកម្ពុជាប្រចាំសាធារណរដ្ឋ តួកគី ធ្វើឡើងនៅថ្ងៃទី២៧ ខែកុម្ភៈ នៅក្រោមវត្តមានរបស់ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីក្រសួងការបរទេស និងកិច្ចសហប្រតិបត្តិការអន្តរជាតិ៕អត្ថបទ៖ វណ្ណៈ

កម្ពុជា និងអ៊ីរ៉ង់ ឯកភាពជំរុញកិច្ចសហប្រតិបត្តិការពាណិជ្ជកម្ម និងវិនិយោគទ្វេភាគី

ភ្នំពេញ៖ កម្ពុជា និងអ៊ីរ៉ង់ បានឯកភាពគ្នា ជំរុញកិច្ចសហប្រតិបត្តិការពាណិជ្ជកម្ម និងវិនិយោគទ្វេភាគីឱ្យបានខ្ពស់មួយកម្រិតទៀត។ ឯកឧត្តម ពេជ ឫទ្ធី រដ្ឋលេខាធិការក្រសួងពាណិជ្ជកម្ម និងឯកឧត្តម អាលី អាកបា ណាហ្សារី (Ali Akbar Nazari) ឯកអគ្គរដ្ឋទូតតែងតាំងថ្មី នៃសាធារណរដ្ឋអ៊ីស្លាមអ៊ីរ៉ង់ប្រចំាកម្ពុជា (មាននិវេសនដ្ឋាននៅទីក្រុងហាណូយ) បានពិភាក្សាពីលទ្ធភាពពង្រីកកិច្ចសហប្រតិបត្តិការទ្វេភាគី ក្នុងវិស័យពាណិជ្ជកម្ម និងវិនិយោគ កាលពីថ្ងៃទី២២ កុម្ភៈ។ក្នុងជំនួបខាងលើនេះ ឯកឧត្តម ពេជ ឫទ្ធី បានលើកឡើងពីកាលានុវត្តភាពវិនិយោគ និងបរិយាកាសធុរកិច្ចនៅកម្ពុជា ដែលមានលក្ខណៈអំណោយផលដល់វិនិយោគិន និងធុរជនក្នុងស្រុកនិងបរទេស ប្រកបដោយបរិយាប័ន្ន និងចីរភាព។រដ្ឋលេខាធិការក្រសួងពាណិជ្ជកម្ម បានជំរុញឱ្យវិនិយោគិនអ៊ីរ៉ង់ ចាប់យកឱកាសផ្នែកសេដ្ឋកិច្ចនៅកម្ពុជា តាមរយៈការបង្កើតផលិតកម្ម ឬការចូលរួមក្នុងខ្សែច្រវ៉ាក់ផលិតកម្មក្នុងតំបន់ ឬការវិនិយោគ ដើម្បីអាចប្រើប្រាស់ពិពិធកម្មទីផ្សារសម្រាប់ការនាំចេញ ផ្តល់ដោយកិច្ចព្រមព្រៀងពាណិជ្ជកម្មសេរី ដែលកម្ពុជាសម្រេចបានក្នុងក្របខណ្ឌទ្វេភាគីរវាងកម្ពុជា-ចិន និងកម្ពុជា-កូរ៉េ ,ក្របខណ្ឌអាស៊ានបូកដៃគូ និងកិច្ចព្រមព្រៀងភាពជាដៃគូសេដ្ឋកិច្ចទូលំទូលាយតំបន់ (RCEP)។ បន្ថែមពីលើនេះ ឯកឧត្តម ពេជ ឫទ្ធី ជំរុញឱ្យវិនិយោគិនអ៊ីរ៉ង់ វិនិយោគលើផលិតផលសក្តានុពលរបស់កម្ពុជា រួមមាន៖ អង្ករ កៅស៊ូ ដំឡូង ចេក ស្វាយ ទំនិញសម្រាប់ការធ្វើដំណើរ កង់ និងវាយនភ័ណ្ឌជាដើម។ ក្រសួងពាណិជ្ជកម្ម បញ្ជាក់ថា តាមរយៈតួនាទីការទូតដ៏មានសារៈសំខាន់ផ្សារភ្ជាប់នឹងចក្ខុវិស័យវែងឆ្ងាយរបស់ឯកឧត្តមឯកអគ្គរដ្ឋទូត ភាគីទាំងពីរនឹងមានលទ្ធភាពពង្រឹងទំនាក់ទំនងទ្វេភាគី ជាពិសេសពង្រីកកិច្ចសហប្រតិបត្តិការវិស័យពាណិជ្ជកម្ម និងវិនិយោគឱ្យកាន់តែខ្ពស់មួយកម្រិតទៀត»។ ឯកឧត្តម អាលី អាកបា ណាហ្សារី (Ali Akbar Nazari) ឯកអគ្គរដ្ឋទូតតែងតាំងថ្មី នៃសាធារណរដ្ឋអ៊ីស្លាមអ៊ីរ៉ង់ប្រចំាកម្ពុជា កត់សម្គាល់ថា ប្រទេសទាំងពីរសុទ្ធសឹងតែមានសក្តានុពល ជាពិសេសក្នុងវិស័យពាណិជ្ជកម្ម ដែលអាចបំពេញឱ្យគ្នាទៅវិញទៅមក តាមរយៈការផ្លាស់ប្តូរផលិតផលសក្តានុពល និងការផ្តល់ច្រកទីផ្សារ សម្រាប់ការនាំចេញទៅក្នុងតំបន់មជ្ឈឹមបូព៌ា និងអាស៊ាន ដែលមានប្រជាជនសរុបប្រមាណ ១,២០០ លាននាក់៕អត្ថបទ៖ វណ្ណៈ

យុទ្ធសាស្រ្តអភិវឌ្ឍន៍វិស័យកាត់ដេរកាបូប និងស្បែកជើង នឹងត្រូវប្រកាសក្នុងពេលឆាប់ៗខាងមុខ

ភ្នំពេញ៖ រាជរដ្ឋាភិបាល នឹងដាក់ចេញយុទ្ធសាស្រ្តអភិវឌ្ឍន៍វិស័យកាត់ដេរ កាបូប និងស្បែកជើង ក្នុងពេលឆាប់ៗ សម្រាប់ជាផែនទីបង្ហាញផ្លូវ ក្នុងការជម្រុញអភិវឌ្ឍន៍វិស័យឧស្សហកម្ម ឈានឆ្ពោះទៅរកភាពរីកចម្រើន នឹងការប្រកួតប្រជែង។ឯកឧត្តម ផាន់ ផល្លារ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ បានលើកឡើងក្នុងវេទិការសាធារណៈ ស្តីពីការគ្រប់គ្រងម៉ាក្រូសេដ្ឋកិច្ច និងច្បាប់ថវិកា ឆ្នាំ២០២២ កាលពីសប្តាហ៍កន្លងទៅថា វិស័យកាត់ដេរ កាបូប និងស្បែកជើង គឺវិស័យចន្ទល់នៃសេដ្ឋកិច្ច ដ៏សំខាន់របស់កម្ពុជា។កន្លងមកនេះ ក្រសួងបានរៀបចំយុទ្ធសាស្រ្តអភិវឌ្ឍន៍វិស័យកាត់ដេរ កាបូប និងស្បែកជើង ហើយមកដល់បច្ចុប្បន្ន យុទ្ធសាស្រ្ត ត្រូវបានរៀបចំរួចរាល់ ដោយនៅក្នុងយុទ្ធសាស្រ្តនោះ គឺរាជរដ្ឋាភិបាលចង់ឃើញវិស័យនេះ មានតម្លៃបន្ថែមខ្ពស់ និងការផលិតនូវទំនិញដែលល្អជាងមុន និងការផ្តល់ប្រាក់ចំណូលកាន់តែខ្ពស់។ក្រសួងគ្រោងដាក់ជូនគណៈកម្មធិការគោលនយោបាយសេដ្ឋកិច្ច ពិនិត្យនិងសម្រេច ហើយយុទ្ធសាស្រ្តនេះនិងអាចដាក់ឲ្យដំណើរក្នុងពេលឆាប់ៗខាងមុខនេះ។ជុំវិញយុទ្ធសាស្រ្តអភិវឌ្ឍន៍វិស័យកាត់ដេរ កាបូប និងស្បែកជើងនេះ លោកឧកញ៉ា លី ឃុនថៃ ប្រធានសមាគមស្បែកជើង ថ្លែងថា យុទ្ធសាស្រ្តអភិវឌ្ឍន៍វិស័យកាត់ដេរ កាបូប និងស្បែកជើង ជាផ្នែកមួយយ៉ាងសំខាន់ ក្នុងការជម្រុញអភិវឌ្ឍន៍វិស័យនេះឲ្យកាន់តែមានតម្លាភាព ការឆ្ពោះទៅអភិវឌ្ឍន៍ប្រើប្រាស់បច្ចេកវិទ្យា អាចឈានទៅផលិតទំនិញមានគុណភាពខ្ពស់ ដើម្បីឆ្លើយតបតាមតម្រូវការទីផ្សារប្រកួតប្រជែង ជាពិសេសតាមរយៈនៃយុទ្ធសាស្រ្តនេះ ក៏ជាការបង្កើនសេចក្តីទំនុកចិត្តដល់អ្នកវិនិយោគផងដែរ។ដោយឡែក លោក កាំង ម៉ូនីកា អគ្គលេខាធិការរងសមាគមរោងចក្រកាត់ដេរនៅកម្ពុជា GMAC បានថ្លែងនូវការគាំទ្រពេញទំហឹង ព្រោះយុទ្ធសាស្រ្តនេះ គឺមានសារៈសំខាន់ណាស់ និងចាត់ទុកជាផែនទីចង្អុលផ្លូវ សម្រាប់ការដើរឆ្ពោះទៅរកភាពរីកចម្រើនក្នុងវិស័យឧស្សាហកម្មជាពិសេសការជម្រុញប្រកួតប្រជែងរបស់កម្ពុជា ជាពិសេស លោកចង់ឃើញ រាជរដ្ឋាភិបាលដាក់ចេញយុទ្ធសាស្រ្តនេះឆាប់ៗខាងមុខ។សូមបញ្ជាក់ថា៖ នៅក្នុងឆ្នាំ ២០២១ ការនាំចេញផលិតផលកាត់ដេរ មានចំនួនជាង ១១ ៣៨៩ លានដុល្លារអាមេរិក កើនឡើងប្រមាណ ១ ៥០៥ លានដុល្លារអាមេរិក ស្មើនឹង ១៥.២%, បើប្រៀបធៀបទៅឆ្នាំ ២០២០៕ អត្ថបទ៖ សុន រ៉ាឌី

រាជរដ្ឋាភិបាល នឹងរៀបចំផែនការអភិវឌ្ឍអគារខ្ពស់ៗ នៅខេត្តព្រះសីហនុឡើងវិញ

ព្រះសីហនុ៖ រាជរដ្ឋាភិបាល នឹងរៀបចំផែនការអភិវឌ្ឍអគារខ្ពស់ៗ នៅក្នុងខេត្តព្រះសីហនុ តាមរយៈនៃទាក់ទាញអ្នកវិនិយោគដែលសាងសង់អគារខ្ពស់ៗ ឬការលក់ឲ្យអ្នកផ្សេងៗ ដើម្បីបញ្ចប់ការសាងសង់ ខណៈដែលអគារខ្ពស់ៗនៅខេត្តព្រះសីហនុ មួយចំនួនបានផ្អាក និងបានទុកចោល បន្ទាប់ពីវិបត្តិនៃការរីករាលដាលជំងឺកូវីដ ១៩ បានផ្ទុះឡើង។ឯកឧត្តម វង្សី វិស្សុត រដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការប្រចាំការ នៃក្រសួងសេដ្ឋកិច្ច និងហិរញ្ញវត្ថុ បានលើកឡើងក្នុងវេទិការសាធារណៈ ស្តីពីការគ្រប់គ្រងម៉ាក្រូសេដ្ឋកិច្ច និងច្បាប់ថវិកា ឆ្នាំ២០២២ នាចុងសប្តាហ៍កន្លងមកនេះថា ជុំវិញការអភិវឌ្ឍខេត្តព្រះសីហនុ រាជរដ្ឋាភិបាលបានកំពុងរៀបចំផែនការមេ ក្នុងការជំរុញអភិវឌ្ឍន៍ខេត្តមួយនេះ ឲ្យទៅជាតំបន់សេដ្ឋកិច្ចពិសេសពហុបំណង ដែលកិច្ចការនៃការរៀបចំនេះត្រូវការរយៈពេលវែង ក្នុងការរៀបចំគោលនយោបាយយុទ្ធសាស្រ្ត។ឯកឧត្តម បន្តថា ទាក់ទងវិស័យសំណង់នៅខេត្តព្រះសីហនុនេះ ចំពោះអគារខ្ពស់ដែលបានផ្អាក ឬទុកចោលដោយគ្មានការអភិវឌ្ឍនោះ បន្ទាប់ពីផ្ទុះឡើងនៃវិបត្តិជម្ងឺកូវីដ ១៩ នេះ ដែលកិច្ចអភិវឌ្ឍន៍ទាំងអស់នេះ គឺទាក់ទងតម្រូវការ នៃការទាក់ទាញអ្នកវិនិយោគលើអគារខ្ពស់ៗ មកវិនិយោគបន្ត ឬលក់ទៅឲ្យអ្នកផ្សេង ដែលមានគម្រោងវិនិយោគលើផ្នែកនេះ ជំរុញអភិវឌ្ឍន៍អគារខ្ពស់ៗ បញ្ចប់ការសាងសង់ មានប្រតិបត្តិការ និងដំណើរឡើងវិញ។សូមបញ្ជាក់ថា៖ ខែតុលា ឆ្នាំ២០២១ កន្លងមកនេះ រាជរដ្ឋាភិបាល ចុះហត្ថលេខាលើកិច្ចសន្យាផ្តល់សេវាកម្មរៀបចំផែនការមេ ជាមួយ វិទ្យាស្ថាននគរូបនីយកម្ម និងឌីសាញស៊ិនជិន ដើម្បីអភិវឌ្ឍខេត្តព្រះសីហនុ ទៅជាតំបន់សេដ្ឋកិច្ចពិសេសគំរូពហុបំណង ដើម្បីទាញយកសក្តានុពលអភិវឌ្ឍយ៉ាងច្រើន ដែលខេត្តព្រះសីហនុមានស្របទៅនឹងការផ្លាស់ប្តូររចនាសម្ព័ន្ធសេដ្ឋកិច្ចក្នុងស្រុក នឹងចាប់យកកាលានុវត្តថ្មីៗបន្ថែម។ចំពោះសក្តានុពល, រាជរដ្ឋាភិបាលកម្ពុជាបានកំណត់ចក្ខុវិស័យ ប្រែក្លាយខេត្តនេះឱ្យទៅជាតំបន់សេដ្ឋកិច្ចគំរូពហុបំណង និងជាប៉ូលសេដ្ឋកិច្ចដ៏សំខាន់មួយក្នុងការទាក់ទាញ និងស្រូបយកការវិនិយោគពីបរទេស ដែលអាចឈានឆ្ពោះទៅជា "ក្បាលម៉ាស៊ីន"មួយថ្មី សម្រាប់ជំរុញកំណើនសេដ្ឋកិច្ចជាតិ ឱ្យរីកលូតលាស់ទៅមុខឥតឈប់ឈរ៕ អត្ថបទ៖ សុន រ៉ាឌី

អគ្គនាយកដ្ឋានពន្ធដារ រំពឹងការប្រមូលចំណូលសម្រេចតាមផែនការក្នុងឆ្នាំ២០២២

ភ្នំពេញ៖ មន្រ្តីជាន់ខ្ពស់អគ្គនាយកដ្ឋានពន្ធដារ រំពឹងថា នៅក្នុងឆ្នាំ ២០២២ នេះ ការប្រមូលចំណូលផ្ទៃក្នុងរបស់អគ្គនាយកដ្ឋានពន្ធដារ នឹងអនុវត្តការប្រមូលចំណូលមានលក្ខណៈល្អប្រសើរ និងអាចឈានទៅសម្រេបានតាមផែនការ ដោយសារសេដ្ឋកិច្ចគ្រប់ប្រភេទទាំងអស់ត្រូវបានបើកឡើងវិញ។ឯកឧត្តម គង់ វិបុល ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានពន្ធដារ លើកឡើងក្នុងកិច្ចសម្ភាសន៍ជាមួយភ្នាក់ងារអ្នកយកព័ត៌មាន នៅក្នុងពិធីបើកសម្ពោធអគារការិយាល័យ និងឃ្លាំងអគ្គនាយកដ្ឋានពន្ធដារ ស្ថិតនៅសង្កាត់គោករកា ខណ្ឌព្រែកព្នៅ នៅថ្ងៃទី ២២ ខែកុម្ភៈ ឆ្នាំ២០២២ នេះថា នៅក្នុងឆ្នាំ ២០២១ កន្លងមកនេះ កម្ពុជារងនូវការប៉ះពាល់ខ្លាំង ធ្វើឱ្យសកម្មភាពសេដ្ឋកិច្ចបិទស្ទើគ្រប់កន្លែង ប៉ុន្តែការប្រមូលចំណូលពន្ធនៅក្នុងឆ្នាំ ២០២១ បានអនុវត្តន៍ល្អប្រសើរ សម្រេចបានប្រមាណជាង ១២៤ភាគរយ នៃផែនការច្បាប់។ ចំពោះការឈានទៅសម្រេចលើសផែនការចំណូលពន្ធនេះ អគ្គនាកយដ្ឋានពន្ធដារ បានរៀបចំនូវប្រព័ន្ធប្រព័ន្ធគ្រប់គ្រង់ និងបានដាក់លិខិតប្រកាសអនឡាញ E-Filling, ការដាក់លិខិតប្រកាសតាមប្រព័ន្ធអេឡិចត្រូនិច និងការបង់ពន្ធតាមអេឡិចត្រូនិច E-payment ជាដើម ដែលផ្តល់លទ្ធភាពដល់អ្នកជាប់ពន្ធ បង់ពន្ធបានយ៉ាងស្រួល។ឯកឧត្តមបន្តឲ្យដឹងថា នៅក្នុងខែ មករា ឆ្នាំ ២០២២ នេះ អគ្គនាយកដ្ឋានអនុវត្តន៍ការប្រមូលចំណូលបានប្រមាណ ២៨៥ លានដុល្លារអាមេរិក កើនឡើងប្រមាណ ៥៥ លានដុល្លារអាមេរិក បើធៀបទៅច្បាប់គ្រប់គ្រងហិរញ្ញវត្ថុ។ឯកឧត្តមមានសុទិដ្ឋិនិយមថា នៅក្នុងឆ្នាំ ២០២២ នេះ ការប្រមូលចំណូលផ្ទៃក្នុង របស់អគ្គនាយកដ្ឋានពន្ធដារ នឹងមានលក្ខណៈល្អប្រសើរ ហើយនឹងអាចឈានសម្រេចបានតាមផែនការរបស់រាជរដ្ឋាភិបាល។សូមបញ្ជាក់ថា៖ នៅក្នុងឆ្នាំ២០២២ នេះ រាជរដ្ឋាភិបាល គ្រោងបង្កើនចំណូលចរន្តថ្នាក់ជាតិក្នុងរង្វង់ប្រមាណជាង ២២ ពាន់ប៊ីលានរៀល ត្រូវប្រមាណជិត ១៨ភាគរយ នៃផ.ស.ស កើនឡើងជាង ១២ភាគរយ បើធៀបទៅច្បាប់ថវិការឆ្នាំ ២០២១។ ក្នុងនោះចំណូលពន្ធដារ ត្រូវបានគ្រោងប្រមាណជិត ១០ ពាន់ប៊ីលានរៀល ត្រូវជិត ៨ភាគរយ នៃផ.ស.ស បានលើកឡើងជាង ២២ភាគរយ បើធៀបនឹងច្បាប់ថវិកាឆ្នាំ ២០២១៕អត្ថបទ៖ សុន រ៉ាឌី

កម្ពុជាកំពុងមានសេដ្ឋកិច្ចរីកចំរើនគួរឲ្យកត់សម្គាល់ ទាមទារការគិតគូរកសាងប្រព័ន្ធបង្ហូរទឹកកខ្វក់

ភ្នំពេញ៖ ឯកអគ្គរាជទូតជប៉ុនប្រចាំកម្ពុជា លោក មីកាមិ ម៉ាសាហ៊ីរុ បានលើកឡើងថា ប្រទេសកម្ពុជា កំពុងមានសេដ្ឋកិច្ចរីកចំរើនគួរឲ្យកត់សម្គាល់ ខណៈការដ្ឋានសាងសង់ស្ថានីយប្រព្រឹត្តកម្មទឹកកខ្វក់បឹងជើងឯកនាពេលនេះ នឹងប្រើប្រាស់បច្ចេកវិទ្យាទំនើបៗរបស់ជប៉ុន។ឯកអគ្គរាជទូតជប៉ុនប្រចាំកម្ពុជា លោក មីកាមិ ម៉ាសាហ៊ីរុ លើកឡើងបែបនេះ ក្នុងពិធីបើកការដ្ឋានសាងសង់ស្ថានីយប្រព្រឹត្តកម្មទឹកកខ្វក់បឹងជើងឯក លើផ្ទៃដីទំហំ ៣ហិកតា ស្ថិតនៅភូមិព្រែកតាគង់១ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។ឯកអគ្គរាជទូតជប៉ុនប្រចាំកម្ពុជា លោក មីកាមិ ម៉ាសាហ៊ីរុ មានប្រសាសន៍ថា ប្រទេសកម្ពុជា កំពុងមានការអភិវឌ្ឍសេដ្ឋកិច្ចគួរឱ្យកត់សម្គាល់ ហើយស្របពេលនៃការអភិវឌ្ឍនេះ យើងមិនអាចជៀសផុតពីការកើនឡើងនូវទឹកកខ្វក់ និងកាកសំណល់ ជាពិសេសនៅក្នុងតំបន់ទីក្រុង។ ឯកអគ្គរាជទូតជប៉ុនប្រចាំកម្ពុជា លោក មីកាមិ ម៉ាសាហ៊ីរុ បន្តថា ពេលនេះ ប្រព័ន្ធបង្ហូរទឹកកខ្វក់គឺជាហេដ្ឋារចនសម្ព័ន្ធដ៏សំខាន់មិនអាចខ្វះបានសម្រាប់ទីក្រុងទាំងអស់ ប៉ុន្តែវាមិនងាយស្រួលទេ ក្នុងការធានាបាននូវទីតាំងសម្រាប់សាងសង់រោងចក្រប្រព្រឹត្តកម្មទឹកកខ្វក់ នៅក្នុងទីក្រុងដែលកំពុងមានការអភិវឌ្ឍ និងការពង្រីក។ បន្ថែមពីលើនេះ ប្រទេសជប៉ុន ក៏បានផ្តល់ជំនួយបច្ចេកទេស តាមរយៈអ្នកជំនាញជប៉ុន មកជួយបណ្តុះបណ្តាលលើប្រព័ន្ធគ្រប់គ្រងប្រព័ន្ធប្រព្រឹត្តកម្មទឹកកខ្វក់ ដើម្បីធានាដល់ដំណើរការមានប្រសិទ្ធភាព៕ អត្ថបទ៖ វណ្ណៈ

កម្ពុជាត្រៀមថវិកាជាង ១០០លានដុល្លារ សម្រាប់ចំណាយការរៀបចំប្រជុំអាស៊ាន និងការបោះឆ្នោតខាងមុខ

ភ្នំពេញ៖ រាជរដ្ឋាភិបាលត្រៀមថវិកាសម្រាប់ចំណាយប្រមាណ ៤០ ទៅ៥០លានដុល្លារអាមរិក សម្រាប់ការរៀបចំកិច្ចប្រជុំអាស៊ាន និងកិច្ចប្រជុំពាក់ព័ន្ធនានា និង ៧០លានដុល្លារ អាមេរិកផ្សេងទៀត សម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ ។ឯកឧត្ដម វង្សី វិស្សុត រដ្ឋមន្រ្ដីប្រតិភូអមនាយករដ្ឋមន្រ្ដី និងជារដ្ឋលេខាធិការប្រចាំការក្រសួងសេដ្ឋកិច្ច និងហិរញ្ញវត្ថុ លើកឡើងក្នុងវេទិកាសាធារណៈស្ដីពី “ការគ្រប់គ្រងម៉ាក្រូសេដ្ឋកិច្ច និងច្បាប់ថវិកាឆ្នាំ២០២២ នៅថ្ងៃទី ១៨ខែកុម្ភៈ ឆ្នាំ ២០២២ នៅសណ្ឋាគារសូហ្វីតែ ភូគីត្រាថា នៅក្នុងឆ្នាំ ២០២២ នេះ ក្រៅពីការទប់ស្កាត់ និងការចាក់វ៉ាក់សំាងបង្ការ ជម្រុញស្តារអភិវឌ្ឍន៍សេដ្ឋកិច្ចកម្ពុជា រាជរដ្ឋាភិបាល ត្រូវអនុវត្តចំនួន២គឺកម្ពុជាត្រូវធ្វើជាប្រធានអាស៊ាន និងការរៀបចំបោះឆ្នោតក្រុមប្រឹក្សាឃុំសង្កាត់។ឯកឧត្ដម បន្តថា រាជរដ្ឋាភិបាលគ្រោងត្រៀមថវិកាសម្រាប់ការរៀបចំកិច្ចប្រជុំអាស៊ាន នឹងគ្រោងចំណាយសម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ ដែលគិតថវិកាសរុប គ្រោងចំណាយប្រមាណជាង ១០០ លានដុល្លាអាមេរិក។ឯកឧត្ដម វង្សី វិស្សុត បញ្ជាក់ថា ឆ្នាំ២០២០ រាជរដ្ឋាភិបាល ចំណាយថវិកា ២៤៦ លានដុល្លារប៉ុណ្ណោះ ។ចំណែកនៅឆ្នាំ ២០២១ រាជរដ្ឋាភិបាលបានចំណាយក្នុងរង្វង់ប្រមាណ ៨០០ លានដុល្លារ តែអនុវត្តជាក់ស្តែង រាជរដ្ឋាភិបាលចំណាយអស់ ១ ៣៨១ លានដុល្លារអាមេរិក នៃប្រាក់សន្សំរបស់រដ្ឋ, ខណៈនៅក្នុងឆ្នាំ ២០២២ នេះ រាជរដ្ឋាភិបាលគ្រោងនឹងចំណាយថវិកាក្នុងរង្វង់ ៥០០ លានដុល្លារអាមេរិក។ឯកឧត្ដម បន្តថា នៅក្នុងស្ថានភាពនៃការរីករាលជំងឺកូវីដ ១៩ មានប្រទេសជាច្រើន បានខ្ចីថវិកាពីរដៃគូផ្សេងៗ ដែលធ្វើឲ្យបំណុលនៃប្រទេសទាំងនោះកើនឡើងខ្ពស់ ខណៈដែលកម្ពុជានៅក្នុងវិបត្តិជម្ងឺកូវីដ ១៩ នេះផងដែរ។ ការកម្ចីប្រាក់ពីដៃគូរគឺការអនុវត្តការកម្ចីជាធម្មតា ដោយមិនមានបង្កើនប្រាក់កម្ចីសម្រាប់យកមកទប់ស្កាត់ក្នុងវិបត្តិនេះឡើយ៕អត្ថបទ៖ សុន រ៉ាឌី

ក្រុមហ៊ុនចម្រាញ់រ៉ែមាស នៅខេត្តមណ្ឌលគីរី បង់សូយសារចំនួន ២,៥លានដុល្លារអាមេរិក

មណ្ឌលគីរី៖ ក្រុមហ៊ុន រឺនីសង់ Renaissance បង់សូយសារលើអាជីវកម្មរ៉ែមាសនៅខេត្តមណ្ឌលគីរី ចូលថវិការដ្ឋ ដោយមិនទាន់គិតមូលដ្ឋានអត្រាពន្ធ បានចំនួនជាង ២,៥លានដុល្លារអាមេរិករួច ។ឯកឧត្តម នេត មុន្នី ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានទ្រព្យសម្បត្តិរដ្ឋ និងចំណូលមិនមែនសារពើពន្ធ នៃក្រសួងសេដ្ឋកិច្ច និងហិរញ្ញវត្ថុ ថ្លែងលើកឡើងនៅក្នុងវេទិកាសាធារណៈស្ដីពី “ការគ្រប់គ្រងម៉ាក្រូសេដ្ឋកិច្ច និងច្បាប់ថវិកាឆ្នាំ២០២២ តាមវីដេអូ Zoom នៅថ្ងៃទី ១៨ ខែកុម្ភៈ កន្លងមកថា ក្រុមហ៊ុនដែលកំពុងស្វែងរុករក និងធ្វើអាជីវកម្មរ៉ែ មានចំនួន ៧ ក្រុមហ៊ុន នៅលើគម្រោងផ្សេងៗគ្នា គិតមកដល់ពេលនេះ ក្រសួងសេដ្ឋកិច្ច និងហិរញ្ញវត្ថុ ប្រមូលចំណូល សរុបបានប្រមាណជា ១៤ លានដុល្លាអាមេរិក ដែលក្នុងនោះ ៥ លានដុល្លារអាមេរិក គឺចំណូលពន្ធដារ និងពន្ធគយ។ឯកឧត្តម បន្តថា តាមរយៈនៃការប្រមូលចំណូលក្រុមហ៊ុនខាងលើនេះ, ចំពោះក្រុមហ៊ុនដែលរំពឹងប្រមូលចំណូលបានច្រើន មានសក្តានុពល គឺក្រុមហ៊ុន រឺនីសង់ (Renaissance) ដោយជាក់ស្តែងគិតមកដល់ថ្ងៃទី៧ ខែកុម្ភៈ ឆ្នាំ ២០២២ ប្រតិបត្តិការអាជីវកម្មចម្រាញ់រ៉ែមាស របស់ក្រុមហ៊ុននេះ ចម្រាញ់មាសបានចំនួន ១ ៧៥១ គីឡូក្រាម ក្នុងនោះក្រុមហ៊ុន រឺនីសង់ បានបង់សូយសារចូលថវិការរដ្ឋ មានចំនួន ២,៥ លានដុល្លាអាមេរិករួចហើយ នៅលើគម្រោងអនុវត្តផែនការបង់សូយសារ ប្រមាណ ៤,២ លានដុល្លារអាមេរិក ត្រូវប្រមាណ ២ ៨៣៤ គីឡូក្រាម ក្នុងមួយឆ្នាំ ។សូមបញ្ជាក់ថា៖ ក្រុមហ៊ុន រឺនីសង់ (Renaissance) ត្រូវបានក្រសួងរ៉ែ និងថាមពល ផ្តល់អាជ្ញាប័ណ្ណក្នុងការរុករក និងធ្វើអាជីវកម្មរ៉ែ ពីឆ្នាំ ២០១៨ ដល់ ២០៣៣ នៅលើទំហំដីស្វែងរុកប្រមាណ ១ ១០០ ហិកតា ស្ថិតនៅក្នុងតំបន់អូរខ្វាវ ក្នុងស្រុកកែវសីមា ខេត្តមណ្ឌលគីរី នេះគឺជាក្រុមហ៊ុនទី១ ខ្នាតអន្ដរជាតិ ដែលបានចាប់ផ្ដើមបើកសម្ពោធដាក់ឲ្យដំណើរការជាផ្លូវការ លើប្រតិបត្តិការអាជីវកម្ម និងរោងចក្រចម្រាញ់រ៉ែមាស កាលពីថ្ងៃទី ២១ ខែមិថុនា ឆ្នាំ២០២១ និងជាក្រុមហ៊ុនផលិតមាសជាលើកដំបូងនៅប្រទេសកម្ពុជា៕ អត្ថបទ៖ សុន រ៉ាឌី

អ្នកជំនាញទេសចរណ៍ សាទរលើការជំរុញចលនាធ្វើដំណើរផ្ទៃក្នុងនិងបើកច្រករបៀងអាស៊ាន

ភ្នំពេញ៖ នៅក្នុងកិច្ចប្រជុំចង្អៀតរដ្ឋមន្ត្រីការបរទេសអាស៊ាន ដែលកម្ពុជាធ្វើម្ចាស់ផ្ទះ ថ្ងៃទី១៧ខែកុម្ភៈម្សិលមិញនេះ គឺបានផ្តោតពិភាក្សាខ្លាំងលើកការជំរុញបើកចរាចរណ៍ក្របខ័ណ្ឌផ្ទៃក្នុងរបស់អាស៊ាន ដើម្បីជំរុញកំណើនទេសចរណ៍សេដ្ឋកិច្ចអាស៊ានឡើងវិញ។សម្រាប់កិច្ចពិភាក្សានេះ គឺជាការងារដែលបណ្តាអ្នកវិនិយោគទេសចរអាស៊ានចង់បាន ហើយសម្រាប់ប្រទេសដែលមិនទាន់បើកប្រទេសទាំងស្រុង គួរត្រូវបើកច្រករបៀង ដើម្បីជំរុញចលនាការធ្វើដំណើរផ្ទៃក្នុងអាស៊ានឲ្យមានភាពរស់រវើក។ លោក ធួន ស៊ីណាន ប្រធានសមាគន៍ទីភ្នាក់ងារទេសចរណ៍អាស៊ីប៉ាស៊ីហ្វិចប្រចាំនៅកម្ពុជា បានថ្លែងថា បណ្តាប្រទេសនៅក្នុងតំបន់អាស៊ានគួរត្រូវបើកចរាចរណ៍ប្រទេសវិញអោយបានទូលំទូលាយ ហើយមិនគួរត្រូវខ្លាចរអានោះទេ ដោយសារបណ្តាប្រទេសនីមួយៗសុទ្ធតែមានច្បាប់សុខាភិបាលគ្រប់គ្រងហានិភ័យពីការរាតត្បាតមេរោគកូវីដ១៩ និងអាស៊ានក៏មានគោលការណ៍ណែនាំអាស៊ានស្តីពីសុវត្ថិភាព និងអនាម័យសម្រាប់អ្នកបម្រើការងារ និងសហគមន៍ក្នុងឧស្សាហកម្មទេសចរណ៍ និងមានគោលការណ៍នានាទៀត ដែលអាចជំរុញការធនាសុវត្ថិភាពអាស៊ានបាន។បើតាមបណ្ឌិត គី សេរិវឌ្ឍន៍ អ្នកវិភាគសេដ្ឋកិច្ច នៃរាជបណ្ឌិតរាជបណ្ឌិតសភាកម្ពុជា ថ្លែងថា ជាក់ស្តែងអាស៊ាន មកដល់ដំណាក់កាលនេះ គួរតែត្រូវបើកអោយបានទូលំទូលាយឡើងវិញ ដើម្បីលើកកំពស់វិស័យទេសចរណ៍ អាជីវកម្ម និងការនាំចេញរបស់អាស៊ានក៏ដូចកម្ពុជា និងបណ្តាប្រទេសក្នុងតំបន់អាស៊ាន។បើតាមឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងកិច្ចសហប្រតិបត្តិការអន្តរជាតិ បានថ្លែងថា នៅក្នុងកិច្ចប្រជុំចង្អៀតរដ្ឋមន្ត្រីការបរទេសអាស៊ានដែលកម្ពុជាធ្វើជាម្ចាស់ផ្ទះរៀបចំនៅថ្ងៃម្សិលមិញនេះ រដ្ឋមន្ត្រីការបរទេសអាស៊ាន បានផ្តោតការពិភាក្សាខ្លាំងការជំរុញបើកចរាចរណ៍ការធ្វើដំណើរឡើងវិញ នៅក្នុងក្របខ័ណ្ឌផ្ទៃក្នុងអាស៊ាន ខណៈដើម្បីជំរុញសេដ្ឋកិច្ចអោយរស់ឡើងវិញ ខណៈប្រទេសជាច្រើនក្នុងតំបន់អាស៊ាន ត្រូវការកំណើនសេដ្ឋកិច្ចតាមរយៈវិស័យទេសចរណ៍ និងការធ្វើការដំណើរប្រកបអាជីវកម្មនៃបណ្តាអ្នកវិនិយោគនានាក្នុងតំបន់អាស៊ាន។បើតាមលោក ទ្រី ឈីវ ប្រធាននាយកដ្ឋានសហប្រតិបត្តិការអន្តរជាតិ និងអាស៊ាននៃក្រសួងទេសចរណ៍ ថ្លែងថា នៅខណៈដែលកម្ពុជា កំពុងធ្វើជាប្រធានអាស៊ាន គឺយើងបាននឹងកំពុងផ្តោតជំរុញខ្លាំងអោយបណ្តាប្រទេសក្នុងតំបន់អាស៊ានពង្រីកការអនុវត្តគោលនយោបាយក្របខ័ណ្ឌរៀបចំបើកច្រករបៀងធ្វើដំណើរអាស៊ាន ដោយត្រូវអនុវត្តពង្រីកអោយដល់ការធ្វើដំណើរនៃអ្នកទេសចរទូទៅនានាទៀត ដែលមានការចាក់វ៉ាក់សាំងការពារកូវីដកូវីដ១៩។សូមបញ្ជាក់ថា បច្ចុប្បន្នប្រទេសកម្ពុជា បានប្រកាសបើកពេញលេញរួចហើយ ខណៈ ហ្វីលីពីន ថៃ ឡាវ ឥណ្ឌូនេស៊ី បានបើកមិនទាន់ពេញលេញ ដោយឡែកវៀតណាម សឹង្ហបុរី ប្រ៊ុយណេ ជាដើម កំពុងរៀបចំការបន្ធូរបន្ថយបើកប្រទេស និងការបន្ធូរបន្ថយការធ្វើចត្តាឡីស័ក៕ អត្ថបទ ស៊ុម សុខជា

បណ្ដាញសង្គម

ព័ត៌មានថ្មីៗ

ក្រុមភ្នាក់ងារពន្លត់អគ្គិភ័យ ធ្វើការពេញមួយយប់ ដើម្បីទប់ស្កាត់ភ្លើងឆេះព្រៃនៅទីក្រុង Comoប្រទេសអ៊ីតាលី

តុលាការកំពូលកម្ពុជា វៀតណាម ឡាវ ប្តេជ្ញាពង្រឹងសន្តិសុខតាមព្រំដែន និងទប់ស្កាត់បង្ក្រាប Online Scams

ប្រធានតុលាការកំពូលវៀតណាមវាយតម្លៃខ្ពស់ចំពោះការបង្កើតច្បាប់យ៉ាងខ្លាំងក្លារបស់កម្ពុជា ប្រយុទ្ធប្រឆាំងបទល្មើសឧក្រិដ្ឋកម្មឆ្លងព្រំដែន

ទឹកទន្លេ Danube ស្រកទាបជាប់កំណត់ត្រា ធ្វើឲ្យឃើញបាតទន្លេ និងនាវាជាប់កឿង

ចំនួនអ្នកស្លាប់កើនឡើងដោយភ្លៀងធ្លាក់ខ្លាំងនៅខេត្ត Chiba ប្រទេសជប៉ុន ខណៈបណ្តាលឱ្យលំនៅឋានច្រើនខ្នងលិចទឹក

រដ្ឋលេខាធិការក្រសួងពាណិជ្ជកម្ម លើកទឹកចិត្តវិស័យឯកជនបង្កើនផលិតភាព និងមានភាពអនុលោម ដើម្បីការប្រកួតប្រជែង

លីបង់ ជំរុញឱ្យមានកាលបរិច្ឆេទសម្រាប់ការដកទ័ពរបស់អ៊ីស្រាអែល ខណៈក្រុមហេសបូឡា រិះគន់កិច្ចព្រមព្រៀង

WHO ៖ ការវាយប្រហារប្រហែល ៤លើក លើប្រព័ន្ធថែទាំសុខភាពក្នុង ១ថ្ងៃនៅតំបន់ជម្លោះ អំឡុងឆ្នាំ ២០២៦

ក្រុមហ៊ុនតាមដានបាននិយាយថា ប្រទេសអ៊ីរ៉ង់បានបន្តផ្ទុកប្រេងលើនាវានៅកោះ Kharg

រដ្ឋមន្ត្រីការបរទេសយេម៉ែន៖ ក្រុមហ៊ូទី មិនអាចយកច្រកសមុទ្រ Bab al-Mandeb ជាចំណាប់ខ្មាំងបានទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877