BTV NEWS

ក្រុមហ៊ុនអាកាសចរណ៍ អ៊ែរអេស៊ា ខេមបូឌា អបអរសាទរគម្រប់ខួប ៣ឆ្នាំ “Cheers to 3 Years” ជាមួយនឹងរង្វាន់មហាសាលសរុបជាង ១៦០,០០០ ដុល្លារ និង ការផ្តល់ជូន សំបុត្រយន្តហោះឥតគិតថ្លៃ ចំនួន ៣,៣៣៣ សំបុត្រ

ក្រុមហ៊ុន Unilever កម្ពុជា ទទួលស្វាគមន៍ ប្រេសិតពាណិជ្ជកម្មចក្រភពអង់គ្លេសធ្វើទស្សនកិច្ចនៅកម្ពុជា

រយៈពេល៥ឆ្នាំមកនេះ ចិនបានផ្តល់ហិរញ្ញប្បទាន រួមចំណែកដល់ការអភិវឌ្ឍលើវិស័យអាទិភាពជាច្រើន

ការនិយមពិសារកាហ្វេរបស់ពលរដ្ឋកម្ពុជា ជំរុញកំណើនហាងកាហ្វេ និងផលិតកម្មក្នុងស្រុក ខណៈតម្រូវការគ្រាប់កាហ្វេប្រមាណ ២ម៉ឺនតោនក្នុង១ឆ្នាំ

សេដ្ឋកិច្ច និង កសិកម្ម

រាជរដ្ឋាភិបាលបង្កើតច្បាប់ថ្មី ដើម្បីកំណត់រៀបចំសេវាហិរញ្ញវត្ថុមិនមែនធនាគារ

ភ្នំពេញ ៖ រាជរដ្ឋាភិបាលបង្កើតច្បាប់ស្តីពីអាជ្ញាធរសេវាហិរញ្ញវត្ថុមិនមែនធនាគារ ដើម្បីកំណត់អំពីការរៀបចំ និងការប្រព្រឹត្តទៅនៃអង្គភាពក្រោមឱវាទរបស់រួមមាន អគ្គលេខាធិការដ្ឋាន និយ័តករធានារ៉ាប់រងកម្ពុជា និយ័តករមូលបត្រកម្ពុជា និយ័តករសន្តិសុខសង្គម និយ័តករបរធនបាលកិច្ច និយ័តករគណនេយ្យ និងសវនកម្ម និយ័តករអាជីវកម្មអចលនវត្ថុនិងបញ្ចាំ និងអង្គភាពសវនកម្មផ្ទៃក្នុង ។ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារ អ.ស.ហ. នៅថ្ងៃទី ៩ខែ មិថុនា ឆ្នាំ២០២១ បានដឹកនាំកិច្ចប្រជុំ “ក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារ” អាណត្តិទី១ លើកទី១ បន្ទាប់ពីច្បាប់ស្តីពីការរៀបចំ និងការប្រព្រឹត្តទៅនៃអាជ្ញាធរសេវាហិរញ្ញវត្ថុមិនមែនធនាគារ ត្រូវបានព្រះមហាក្សត្រឡាយព្រះហស្តលេខាដាក់ឱ្យប្រើប្រាស់ នាពេលកន្លងមកនេះ ។ក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារ បានពិនិត្យ និងពិភាក្សា លើសេចក្តីព្រាងអនុក្រឹត្យ ស្តីពី “ការរៀបចំ និងការប្រព្រឹត្តទៅរបស់អង្គភាពក្រោមឱវាទរបស់អាជ្ញាធរសេវាហិរញ្ញវត្ថុមិនមែនធនាគារ ” អនុលោមតាមមាត្រា ១២ នៃច្បាប់ស្តីពីការរៀបចំ និងការប្រព្រឹត្តទៅនៃអាជ្ញាធរសេវាហិរញ្ញវត្ថុមិនមែនធនាគារ, សេចក្តីព្រាងអនុក្រឹត្យស្តីពីការរៀបចំ និងការប្រព្រឹត្តទៅរបស់អង្គភាពក្រោមឱវាទរបស់អាជ្ញាធរសេវាហិរញ្ញវត្ថុមិនមែនធនាគារ ត្រូវបានរៀបចំ និងតាក់តែងឡើង ក្នុងគោលដៅកំណត់អំពីការរៀបចំ និងការប្រព្រឹត្តទៅនៃអង្គភាព ក្នុងនោះ រួមមាន៖ អគ្គលេខាធិការដ្ឋាន និយ័តករធានារ៉ាប់រងកម្ពុជា និយ័តករមូលបត្រកម្ពុជា និយ័តករសន្តិសុខសង្គម និយ័តករបរធនបាលកិច្ច និយ័តករគណនេយ្យ និងសវនកម្ម និយ័តករអាជីវកម្មអចលនវត្ថុនិងបញ្ចាំ និងអង្គភាពសវនកម្មផ្ទៃក្នុង ។ក្រៅពីវារៈសំខាន់ខាងលើ ក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារ បានពិភាក្សា សេចក្តីព្រាងបទបញ្ជាផ្ទៃក្នុងរបស់ក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារ ដោយសេចក្តីព្រាងបទបញ្ជាផ្ទៃក្នុងរបស់ក្រុមប្រឹក្សានៃ អ.ស.ហ. ត្រូវបានរៀបចំឡើងក្នុងគោលដៅធានាឱ្យដំណើរការ និងការប្រព្រឹត្តទៅនៃកិច្ចប្រជុំរបស់ក្រុមប្រឹក្សា អ.ស.ហ. ធ្វើឡើងដោយរលូន និងប្រកបដោយប្រសិទ្ធភាពខ្ពស់ ដើម្បីបំពេញមុខងារ និងភារកិច្ច ដូចមានចែងក្នុងច្បាប់ស្តីពីការរៀបចំ និងការប្រព្រឹត្តទៅនៃ អ.ស.ហ. និងបទប្បញ្ញត្តិពាក់ព័ន្ធជាធរមាន។សូមបញ្ជាក់ថា បទបញ្ជាផ្ទៃក្នុង របស់អាជ្ញាធរសេវាហិរញ្ញវត្ថុមិនមែនធនាគារ មាន ៣ ជំពូក និង ១២ ប្រការ ដោយចែងអំពីខ្លឹមសារសំខាន់ៗ រួមមានលក្ខខណ្ឌ និងបែបបទនៃកិច្ចប្រជុំ, ការកំណត់កូរ៉ុម និងនីតិវិធីនៃការអនុម័តលើរបៀបវារៈ ព្រមទាំងការឈប់សម្រាកជាដើម៕ អត្ថបទ៖ សុន រ៉ាឌី

ប្រៃសណីយ៍កម្ពុជា ប្រមូលចំណូលពីសេវាបញ្ញើបានជាង ១,៧ លានដុល្លារ ក្នុងត្រីមាសទី១

ភ្នំពេញ ៖ ក្នុងរយៈពេល៣ ខែដើមឆ្នាំ២០២១ ប្រៃសណីយ៍កម្ពុជា ប្រមូលចំណូលលើសេវាបញ្ញើ បានប្រមាណជាង ១,៧ លានដុល្លារអាមេរិក ត្រូវប្រមាណជិត ២៨ ភាគរយ នៃផែនការប្រចាំឆ្នាំ ២០២១ ។ឯកឧត្តម អោក បូរ៉ា ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋានប្រៃសណីយ៍កម្ពុជា បានថ្លែងប្រាប់ភ្នាក់ងារអ្នកយកព័ត៌មាន BTV នៅថ្ងៃទី១០ខែ មិថុនាឆ្នាំ២០២១នេះថា នៅរយៈពេល ៣ខែដើមឆ្នាំ២០២១នេះ ចំណូលក្នុងវិស័យប្រៃសណីយ៍ប្រមូលបានជាង ១,៧ លានដុល្លារអាមេរិកស្មើនឹង២៨ភាគរយ នៃផែនការប្រចាំឆ្នាំ២០២១។ ធៀបនឹងរយៈពេលដូចទៅឆ្នាំ២០២០ចំណូលបានធ្លាក់ចុះប្រមាណជាង១៣ភាគរយ ខណៈនៅក្នុងឆ្នាំ២០២០ ប្រមូលចំណូលជាង ២លានដុល្លារអាមេរិក ។ ដោយឡែកការប្រមូលចំណូលក្នុងមេសា ឆ្នាំ២០២១វិញ, ស្របពេលដែលប្រទេសយើងបានបិទខ្ទប់តំបន់មួយចំនួន ការប្រមូលចំណូលនៅក្នុងខែនេះ បានបន្តធ្លាក់រហូតដល់ ៥០ ភាគរយ បើធៀបទៅនឹងខែមករា ឆ្នាំ២០២១។ ការបន្តធ្លាក់ចុះនេះ ដោយប្រទេសយើងបានបិទខ្ទប់តំបន់មួយចំនួន ហើយចំពោះការប្រមូលចំណូលនៅខែបន្ទាប់ ប្រៃសណីយ៍កម្ពុជាមិនអាចធ្វើការវាយតម្លៃបាននោះឡើយ ពោលគឺអាស្រ័យទៅលើការចរាចរណ៍ឡើងវិញនៅលើពិភពលោក បន្ទាប់ពីវិបត្តិជំងឺកូវីដ ១៩ បានធូរស្រាល ។ឯកឧត្តម អោក បូរ៉ា បន្តថា ដោយស្ថាននៅក្នុងការរីករាលដាលជំងឺកូវីដ-១៩ ជាពិសេសនៅក្នុងរយៈពេលបិទខ្ទប់តំបន់មួយចំនួន ប្រៃសណីយ៍កម្ពុជា បានជំរុញពង្រីកបញ្ញើក្នុងស្រុក លើគុណភាពសេវា ធ្វើយ៉ាងណាឲ្យមានល្បឿនលឿនជាងមុន ដោយ ប្រៃសណីយ៍កម្ពុជានឹងបង្កើនភ្នាក់ងារនៅតាមបណ្តាខេត្ត ដើម្បីជួយប្រមូលបញ្ញើជូនអតិថិជន យ៉ាងយូរមិនឲ្យលើសរយៈពេល១ថ្ងៃ ក្នុងនោះអតិថិជនក៏អាចឆែកមើលបញ្ញើរបស់ខ្លួនបាន តាមប្រព័ន្ធ ITS របស់ប្រៃសណីយ៍កម្ពុជា លើមុខទំនិញរបស់ខ្លួនទៅដល់កន្លែងណា និងម៉ោងណាបាន ៕អត្ថបទ៖ សុន រ៉ាឌី

កម្ពុជានឹងចាប់ដៃគូវិនិយោគថ្មីអភិវឌ្ឍន៍ផលិតកម្មប្រេងកាត ខណៈក្រុមហ៊ុន KrisEnergy ប្រកាសក្ស័យធុន

ភ្នំពេញ ៖ អគ្គនាយកនៃអគ្គនាយកដ្ឋានប្រេងកាត ថ្លែងឲ្យថា ចំពោះការប្រកាសក្ស័យធុនរបស់ហ៊ុនមេ នៅប្រទេសសិង្ហបុរីនោះ ក្រសួងកំពុងរង់ចាំការជូនដំណឹងពីក្រុមហ៊ុន (KrisEnergy) ដែលជាក្រុមហ៊ុនប្រតិបត្តិ ក្នុងនោះប្រសិនក្រុមហ៊ុន (KrisEnergy) ប្រកាសមានគ្មានលទ្ធភាពអភិវឌ្ឍន៍បន្ត ក្រសួងនឹងសិក្សាអំពីសមត្ថភាព និងលទ្ធភាពនៃដៃគូរវិនិយោគថ្មី ដើម្បីជំរុញការអភិវឌ្ឍន៍ជំហានបន្ទាប់ ។ឯកឧត្តម ជៀប សួរ អគ្គនាយកនៃអគ្គនាយកដ្ឋានប្រេងកាត ក្រសួងរ៉ែ និងថាមពល បានថ្លែងប្រាប់ភ្នាក់ងារអ្នកយកព័ត៌មាន BTV ស្តីពីការប្រកាសក្ស័យធុនរបស់ក្រុមហ៊ុនមេ នៅប្រទេសសិង្ហបុរី ដែលវិនិយោគនៅលើវិស័យប្រេងកាត នៅថ្ងៃទី ៩ ខែ មិថុនា ឆ្នាំ ២០២១ នេះថា តាមការទទួលដំណឹង ក្រុមហ៊ុនមេរបស់ក្រុមហ៊ុន ( KrisEnergy) ដែលវិនិយោគវិស័យប្រេងកាតនៅកម្ពុជា បានកំពុងដាក់ពាក្យបណ្តឹងទៅកាន់តុលាការអំពីការការប្រកាសរំលាយក្រុមហ៊ុន។ មកដលបច្ចុប្បន្ន ក្រុមហ៊ុន KrisEnergy មិនទាន់បានផ្អាកនៅសមកម្មភាពរបស់ខ្លួននៅឡើយ ខណៈដែលតុលាការមិនទាន់បានកាត់ក្តី លើការបែងចែកទ្រព្យសម្បត្តិ ។ឯកឧត្តម បន្តថា ស្ថិតនៅក្នុងដំណាក់កាលនៃការប្រកាសក្ស័យធុន របស់ក្រុមហ៊ុនមេប្រទេសសិង្ហបុរីនេះ វាហាក់ដូចជាលឿន ដែលក្រសួងមិនទាន់បានចាត់ចែងនៅឡើយ ពោលគឺនៅរង់ចាំសម្រេចពីតុលាការ និងរង់ចាំសេចក្តីជូនពីក្រុមហ៊ុនដែលកំពុងប្រតិបត្តិ ទើបយើងមានវិធានការនៅជំហានបន្តបាន ក្នុងនោះ ប្រសិនបើក្រុមហ៊ុនប្រកាសមានដៃគូរវិនិយោគបន្ត ក្រសួងក៏សិក្សាអំពីសមត្ថភាព និងលទ្ធភាពរបស់ដៃគូរទាំងពីរ ក្នុងការអភិវឌ្ឍន៍ជំហានបន្ទាប់ទៅទៀត ។សូមបញ្ជាក់ថា ជុំវិញការអភិវឌ្ឍលើវិស័យប្រេងកាតនេះ កាលពីថ្ងៃទី២៣ ខែសីហា ឆ្នាំ២០១៧ កន្លងមកនេះ តំណាងក្រុមហ៊ុន ( KrisEnergy) នឹងតំណាងមន្ត្រីជាន់ខ្ពស់រាជរដ្ឋាភិបាល បានចុះហត្ថលេខាលើកិច្ចព្រមព្រៀង លើការអភិវឌ្ឍប្រេងកាតប្លុក A ក្នុងនោះ សម្រាប់បរិមាណសក្ដានុពលប្រេងកាតដែលបានសិក្សាឃើញ និងរំពឹងទុកសម្រាប់ដំណាក់កាលដំបូង 1A និង 1B ត្រូវបានប៉ាន់ស្មានថា អាចលើសពី ៣០ លានបារ៉ែល ដែលអាចផ្តល់លទ្ធភាពពាណិជ្ជកម្មគ្រប់គ្រាន់ ក្នុងការជំរុញឲ្យកម្ពុជាក្លាយជាប្រទេសផលិតប្រេងឆៅប្រកបដោយសក្ដានុពល និងបម្រើទីផ្សារនាំចេញប្រេងទៅកាន់ទីផ្សារអន្តរជាតិរបស់កម្ពុជាផងដែរ ៕អត្ថបទ ៖ សុន រ៉ាឌី

ប្រទេសចិនសន្យានាំចូលផលិតកម្មកសិកម្ម បន្ថែមទៀតពីកម្ពុជា

ភ្នំពេញ ៖ រដ្ឋាភិបាលចិន បានបញ្ជាក់ថា នឹងនាំចូលផលិតផលកសិកម្មបន្ថែមពីកម្ពុជាដើម្បីរួមចំណែកដល់ការអភិវឌ្ឍន៍វិស័យកសិកម្មនៅកម្ពុជា ក៏ដូចជា ពង្រីកទំនាក់ទំនងទ្វេភាគី។ការបញ្ជាក់នេះ ត្រូវបានធ្វើឡើងដោយ ឯកឧត្តម វ៉ាង យី ទីប្រឹក្សារដ្ឋ និងជារដ្ឋមន្ត្រីក្រសួងការបរទេសចិន ក្នុងជំនួបទ្វេភាគីជាមួយ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងកិច្ចសហប្រតិបត្តិការអន្តរជាតិ កាលពីថ្ងៃទី៨ ខែមិថុនា នៅទីក្រុងឆុងឈឹងនៃប្រទេសចិន។យោងតាមសេចក្តីប្រកាសព័ត៌មានរបស់ក្រសួងការបរទេស ក្រៅពីការគាំទ្ររបស់ចិនដល់ការអភិវឌ្ឍន៍ជាតិរបស់កម្ពុជា និងការពារឯករាជ្យ អធិបតេយ្យភាព និងបូរណភាពទឹកដី ចិនក៏បានសន្យាថា នឹងនាំចូលផលិតផលកសិកម្មបន្ថែមទៀតពីកម្ពុជា ជាពិសេសអង្ករ និងស្វាយ។ការបញ្ជាក់របស់ប្រទេសចិន គឺបន្ទាប់ពីកម្ពុជាបាននាំចេញផ្លែស្វាយស្រស់លើកដំបូងទៅកាន់ទីផ្សារប្រទេសចិន ដោយផ្ទាល់កាលខែឧសភា។ឯកឧត្តម វេង សាខន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបញ្ជាក់កាលពីថ្មីៗនេះថា បន្ទាប់ពីផ្លែចេកស្រស់ និងផ្លែស្វាយស្រស់ កម្ពុជាកំពុងកំណត់យកផលិតផលកសិកម្មមានសក្ដានុពលផ្សេងទៀត សម្រាប់នាំចេញទៅកាន់ប្រទេសចិន។ ផលិតផលកសិកម្មមានសក្ដានុពលទាំងនោះ រួមមាន ផ្លែមៀនប៉ៃលិន ទុរេន ផ្លែស្រកានាគ និងទឹកមាត់ត្រចៀកកាំ ជាដើម។ទន្ទឹមនឹងនេះ ក្រសួងពាណិជ្ជកម្ម ក៏នឹងគ្រោងធ្វើការចរចាជាមួយភាគីចិន សម្រាប់កំណត់កូតាថ្មីនាំចេញអង្ករពីកម្ពុជា ទៅទីផ្សារប្រទេសចិន។ កូតាថ្មីនាំចេញអង្ករនេះ មានបរិមាណ ៥០ម៉ឺនតោន កើនពី៤០ម៉ឺនតោននៃកូតានាំចេញអង្ករបច្ចុប្បន្ន។យោងតាមរបាយការណ៍ពីក្រសួងពាណិជ្ជកម្ម ការដោះដូរពាណិជ្ជកម្មទ្វេភាគីរវាងកម្ពុជា និងចិន មានទឹកប្រាក់សរុប ៨,១ពាន់លានដុល្លារក្នុងឆ្នាំ២០២០ ថយចុះ៥ភាគរយធៀបនឹងឆ្នាំ២០១៩។ ក្នុងនោះកម្ពុជា នាំចេញទំនិញទៅកាន់ទីផ្សារប្រទេសចិនមានតម្លៃ ១,០៨ ពាន់លានដុល្លារ កើនឡើង៨ភាគរយ៕អត្ថបទ ៖ វណ្ណៈ

កម្ពុជានាំទំនិញទៅសហរដ្ឋអាមេរិកបន្តកើនឡើងទោះប្រឈមនឹងវិបត្តិកូវីដ-១៩

ភ្នំពេញ ៖ កម្ពុជានាំទំនិញទៅកាន់សហរដ្ឋអាមេរិក បន្តកើនឡើងនៅក្នុងរយៈពេលបួនខែដើមនៅឆ្នាំ២០២១ ទោះបីកំពុងប្រឈម នឹងវិបត្តិកូវីដ-១៩។តួលេខពាណិជ្ជកម្មរបស់ ការិយាល័យស្ថិតិអាមេរិក បង្ហាញថា ចាប់ពីខែមករា ដល់ខែមេសា ឆ្នាំ២០២១ កម្ពុជានាំទំនិញចេញទៅកាន់ប្រទេសសេដ្ឋកិច្ចធំបំផុតលើពិភពលោក មានទឹកប្រាក់សរុប ២ ៥១៩ លានដុល្លារ កើនឡើង ២៤,៤ ភាគរយ។ទន្ទឹមគ្នានេះការនាំទំនិញពីសហរដ្ឋអាមេរិក មកកម្ពុជា មានតម្លៃ ១៣៥ លានដុល្លារ កើនឡើង ៣៥,៧ ភាគរយ។ ទំនិញសំខាន់ៗដែលកម្ពុជានាំចេញទៅកាន់សហរដ្ឋអាមេរិក មានផលិតផលកាត់ដេរ ស្បែកជើង ផលិតផលធ្វើដំណើរ-កាបូប ចំណែកទំនិញដែលកម្ពុជានាំចូលពីសហរដ្ឋអាមេរិក មានរថយន្ត ចំណីសត្វ និងគ្រឿងចក្រ ។ល។យោងតាមរបាយការណ៍ពីក្រសួងសេដ្ឋកិច្ច និងហិរញ្ញវត្ថុ ការនាំចេញទំនិញមិនមែនផលិតផលកាត់ដេរ បានកើនឡើង ក្នុងឆ្នាំ២០២០ ខណៈការនាំចេញផលិតផលកាត់ដេរធ្លាក់ចុះ។ ទំនិញមិនមែនផលិតផលកាត់ដេរ មានដូចជា៖ កង់ គ្រឿងសង្ហារឹម និងគ្រឿងដង្គុំអេឡិចត្រូនិកជាដើម។ឆ្នាំ២០២០ ការដោះដូរពាណិជ្ជកម្មទ្វេភាគី រវាងកម្ពុជា និងសហរដ្ឋអាមេរិក មានតម្លៃសរុប ៦ ៩២១ លានដុល្លារ មានកំណើន ១៧,៨ភាគរយ ធៀបនឹងឆ្នាំ២០១៩៕អត្ថបទ ៖ វណ្ណៈ

សិប្បកម្មខ្មែរនៅខេត្តកំពង់ធំ បានការនាំចេញគ្រាប់ស្វាយចន្ទីដោយផ្ទាល់រទៅប្រទេសជប៉ុន

កំពង់ធំ ៖ សិប្បកម្មកែច្នៃស្វាយចន្ទីស្ថិតក្នុងខេត្តកំពង់ធំ បាននាំចេញលើកដំបូងគ្រាប់ស្វាយចន្ទី ទៅកាន់ប្រទេសជប៉ុន ដោយផ្ទាល់ ឆ្លុះបញ្ចាំងពីទីផ្សារក្រៅប្រទេសកាន់តែធំ សម្រាប់កសិផលខ្មែរ។ ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា សិប្បកម្មមួយកន្លែងស្ថិតនៅខេត្តកំពង់ធំ នៃប្រទេសកម្ពុជាពេលនេះ ទទួលបានជោគជ័យក្នុងការនាំចេញគ្រាប់ស្វាយចន្ទីទៅកាន់ទីផ្សារប្រទេសជប៉ុន ដោយប្រើប្រាស់រយៈពេលដឹកជញ្ជូនប្រមាណ ១ខែ។នៅក្នុងបណ្តាញសង្គមហ្វេសប៊ុក កាលពីថ្ងៃទី៦ មិថុនា ឆ្នាំ២០២១កន្លងទៅ ឯកឧត្តមរដ្ឋមន្ត្រី វេង សាខុន បានមានប្រសាសន៍ថា ដោយមានការជ្រោមជ្រែងពីក្រុមហ៊ុន Top Planning Japan Co., Ltd សហការជាមួយនាយកដ្ឋានកសិ-ឧស្សាហកម្ម នៃក្រសួងកសិកម្ម រុក្ខាប្រមាញ់ និងនេសាទ បានធ្វើឲ្យម្ចាស់សិប្បកម្មកែច្នៃគ្រាប់ស្វាយចន្ទីក្នុងស្រុកមួយ ដែលមានឈ្មោះថា សិប្បកម្មកែច្នៃស្វាយចន្ទីរបស់សិប្បកម្មកែច្នៃស្វាយចន្ទីជ័យសំបូរ ស្ថិតនៅខេត្តកំពង់ធំ បានបង្កើតចេញជារោងចក្រកែច្នៃគ្រាប់ស្វាយចន្ទី ដោយបានប្រើប្រាស់អស់ថវិកាចំនួន ២០ម៉ឺនដុល្លារអាមេរិក ក្នុងគោលបំណងដើម្បីលើកកម្ពស់គ្រាប់ស្វាយចន្ទីកម្ពុជា ។ឯកឧត្តម លើកឡើងថា សិប្បកម្មកែច្នៃនេះ កន្លងមកបានធ្វើការកែច្នៃដោយដៃប៉ុណ្ណោះ ប៉ុន្តែនៅពេលដែលមានតម្រូវការច្រើន ក្រុមហ៊ុនជប៉ុន ក៏បានផ្តល់ជំនួយបច្ចេកទេស និងប្រាក់កក់មួយចំនួនបានធ្វើសិប្បកម្មមួយនេះអាចមានលទ្ធភាព បង្កើតរោងចក្រកែច្នៃនេះឡើងបានដោយជោគជ័យ។ឯកឧត្តម រដ្ឋមន្ត្រី បានបញ្ជាក់ថា តាមរយៈនៃកិច្ចសហប្រតិបត្តិការខាងលើមកដល់ថ្ងៃទី២ ខែមិថុនាកន្លងទៅនេះ សិប្បកម្មកែច្នៃស្វាយចន្ទីជ័យសំបូរ បាននាំចេញគ្រាប់ស្វាយចន្ទីលើកដំបូងដែលបានកែច្នៃរួច ចំនួនសរុបជាង ៧ ៦០០ គីឡូក្រាម ទៅដល់កំពង់ផែអូសាកា នៃប្រទេសជប៉ុនរួចហើយ ដោយត្រូវប្រើប្រាស់រយៈពេល ១ខែ ដោយគិតចាប់ពីការរៀបចំដាក់បញ្ចូលទូកុងតឺនើ នៅទីតាំងសិប្បកម្ម។សូមបញ្ជាក់ថា គ្រាប់ស្វាយចន្ទីភាគច្រើនត្រូវបាននាំចេញទៅកាន់ទីផ្សារប្រទេសវៀតណាម និងមួយចំនួនសម្រាប់ទីផ្សារក្នុងស្រុក។ ទិន្នន័យពីក្រសួងកសិកម្ម រុក្ខាប្រមាញ់ និងនេសាទ បង្ហាញថា ក្នុងរយៈពេល៥ខែឆ្នាំ២០២១ កម្ពុជាបាននាំចេញគ្រាប់ស្វាយចន្ទី មានចំនួន ៨០១ ៧៣២,២៦ តោន កើនឡើងចំនួន ៣២១ភាគរយ ក្នុងនៅ នាំចេញទៅប្រទេសចិនចំនួន ៣ ៥៦៦ តោន ប្រទេសឥណ្ឌាចំនួន ១៧ តោន ប្រទេសជប៉ុនចំនួន ៣៣ តោន ប្រទេសឡាវចំនួន ២ តោន ប្រទេសអារ៉ាប់ចំនួន ០,៥២ តោន ប្រទេសថៃចំនួន ៣ ១០៨ តោន និងប្រទេសវៀតណាមចំនួន៧៩៥ ០០៤ តោន៕អត្ថបទ ឈិត បូរ៉ាវី

តំបន់ជាប់មាត់ព្រែក នឹងក្លាយជាបណ្តុំសម្រាកលំហែពេញនិយមក្នុងខេត្តកំពត

កំពត ៖ មន្ត្រីទេសចរណ៍ និងអ្នកជំនាញ លើកឡើងស្របគ្នាថា ទោះស្ថិតនៅក្នុងកូវីដ-១៩ ភ្ញៀវទេសចរ និងអ្នកវិនិយោគនៅតែបន្តមកខេត្តកំពត ហើយសកម្មភាពរៀបចំកែលម្ហែ ការសាងសង់រីសត សណ្ឋាគារ បឹងហ្គាឡូ វីឡាថ្មីៗជាច្រើននៅតែបន្តធ្វើ ជាពិសេសតំបន់ក្បែរៗ និងជាប់មាត់ព្រែកកំពត។ តាមការព្យាករណ៍តំបន់នេះ នឹងក្លាយទៅជាបណ្តុំសម្រាកលំហែដ៏ពេញនិយម និងប្រកួតប្រជែករបស់ខេត្តកំពត។អ្នកគ្រប់គ្រងទូទៅនៅ ខាសល បេវីយូ រីស៊តនិងស្ប៉ា ក្នុងភូមិអូរតូច សង្កាត់អណ្តូងខ្មែរ ក្រុងកំពត លោក សាំង ស៊ីវុទ្ធី បានប្រាប់ឲ្យដឹងថា ព្រែកកំពត ជាទីកន្លែងមួយដ៏ស្រស់ស្អាត មានបរិយាកាសល្អ ខ្យល់បរិសុទ្ធបក់មកពីជំនោរសមុទ្រ តំបន់ភ្នំបូកគោ និងភ្នំកំចាយដែលនៅក្បែរនោះ។លោកបន្តទៀតថា ដោយសារការរៀបចំកែលម្អ និងច្នៃប្រឌិតកន្លែងឲ្យប្លែកបែបធម្មជាតិ មានលក្ខណៈស្តង់ដារជាងគេនៅក្នុងខេត្តកំពត ពិសេសទេសភាពមាត់ព្រែកនេះហើយ ទើបធ្វើឲ្យភ្ញៀវ និងអ្នកវិនិយោគជាច្រើន មិនអាចមើលរំលងតំបន់នេះ។ ដូច្នេះព្រែកនេះគឺចំណែកមួយដ៏សំខាន់បំផុតក្នុងការទាក់ទាញភ្ញៀវទេសចរណ៍ និងអ្នកវិនិយោគមកកាន់ខេត្តកំពត ។លោកជឿជាក់ថា នៅអនាគតឆាប់ៗ តំបន់អមសងខាងព្រែកនឹងមានរមណីយដ្ឋាន រីស៊ត បឹងហ្គាឡូ ភោជនីយដ្ឋាន កន្លែងកម្សាន្តផ្សេងៗកាន់តែស្អាត កាន់តែធំ កាន់តែសំបូរបែប និងមានការប្រកួតប្រជែងខ្លាំងបំផុត។លោក សយ ស៊ីណុល ប្រធានមន្ទីរទេសចរណ៍ខេត្តកំពត បានបញ្ជាក់ថា ទោះស្ថិតនៅក្នុងស្ថានភាពកូវីដ-១៩ ខេត្តកំពត នៅតែមានភ្ញៀវមកទស្សនា ហើយអ្នកវិនិយោគលើវិស័យទេសចរណ៍ជាច្រើន បាននឹងកំពុងរៀបចំ កន្លែងផ្តល់សេវាទេសចរណ៍នានា។ តាមការប៉ានស្មាន បន្ទប់ស្នាក់នៅនឹងកើន ពីជាងបួនពាន់បន្ទប់នាពេលបច្ចុប្បន្ន ទៅជាងប្រាំពីរពាន់បន្ទប់នៅចុងឆ្នាំ២០២១ ឬដើមឆ្នាំ២០២២ខាងមុខ៕ អត្ថបទ៖ អន សារឹម

កសិករឃុំតាទៃលើ សប្បាយចិត្ដនឹងការទទួលបានប្រាក់ចំណូលរាប់ម៉ឺនដុល្លារ ពីការលក់ទុរេ ទោះបីជួបវិបត្ដិកូវីដ

កោះកុង ៖ ប្រជាកសិកររស់នៅឃុំតាទៃលើ ស្រុកថ្មបាំង ខេត្តកោះកុង កំពុងរីករាយនឹងការប្រមូលផលផ្លែទុរេ ដោយបានប្រាក់ចំណូលរាប់ម៉ឺនដុល្លារ ទោះបីជាបច្ចុប្បន្នកម្ពុជា បានជួបវិបត្តិកូវីដ ក្នុងសហគមន៍យ៉ាងណាក្តី។សម្រាប់ឆ្នាំ២០២១នេះ ទិន្នផលផ្លែទុរេ ហុចផលទ្វេដង ប្រជាកសិករនៅក្នុងឃុំតាទៃលើ បន្ទាប់ពីពួកគាត់ខិតខំថែទាំយ៉ាងយកចិត្តទុកដាក់អស់ពេលជាច្រើនឆ្នាំមកនេះ ទម្រាំទទួលបានផ្លែផ្កា។តាមការបញ្ជាក់របស់ក្រុមប្រជាកសិករ ឃុំតាទៃលើ កាលពីថ្ងៃទី៣ ខែមិថុនាថា ពួកគាត់ទទួលចំណូលចាប់ពី១ម៉ឺនដុល្លារដល់១២ម៉ឺនដុល្លារពីការលក់ទុរេ ទៅឱ្យឈ្នួញកណ្តាលនៅរាជធានីភ្នំពេញ ព្រមទាំងបណ្តាខេត្តដ៏ទៃទៀត ជាពិសេសគឺខេត្តកំពត តែម្តង។កសិករ៣នាក់ ក្នុងចំណោមកសិករជាច្រើនអ្នកផ្សេងទៀត បានបញ្ជាក់ដែរថា ទិន្នផលទុរេ ហុចផលឱ្យទៅតាមសណ្ឋានផ្ទៃដីដាំដុះទុរេខុសៗគ្នា ខ្លះ៤ហិចតា ខ្លះ៦ហិចតា និងខ្លះទៀត៨ហិចតា។ ដំបូងឡើយ ពួកគាត់ព្រួយបារម្ភខ្លាំងការរីករាលដាលជំងឺកូវីដ-១៩ ធ្វើឱ្យប៉ះពាល់ដំណើរការលក់ផ្លែទុរេ។ជាភាពត្រេកអរ លោក អន សុធារិទ្ធិ អភិបាលស្រុកថ្មបាំង មានមោទនភាពខ្លាំងចំពោះប្រជាពលរដ្ឋរបស់លោកដែលដាំដុះទុរេ បានល្អប្រសើររហូតដល់ទទួលបានចំណូលខ្ពស់គួរឱ្យកោតសរសើរ។ សព្វថ្ងៃនេះ ផ្ទៃដីដែលអំណោយផលខ្លាំងជាងគេដល់ការដាំដុះទុរេ មានឃុំតាទៃលើ និងឃុំឫស្សីជ្រុំ។បើតាមលោក ស៊ន ពិសិដ្ឋ ប្រធានការិយាល័យកសិកម្ម ការធនធានធម្មជាតិ និងបរិស្ថានស្រុកថ្មបាំង បង្ហាញថា នៅឆ្នាំ២០២០ កន្លងទៅ ផ្ទៃដីដាំដុះទុរេ នៅក្នុងស្រុកមានចំនួន១៦២ហិចតា ព្រមទាំងបាននាំចេញទៅលក់នៅរាជធានីភ្នំពេញ បណ្តាខេត្តផ្សេងៗ ក៏ដូចជាប្រទេសថៃ ចំនួន១៨២តោន កើនឡើង៤០ភាគរយ បើធៀបនឹងឆ្នាំ២០១៩។ ឃុំចំនួន៤ក្នុងស្រុកថ្មបាំង ដែលមានប្រជាពលរដ្ឋងាកមកចាប់អារម្មណ៍ដាំដុះដំណាំផ្លែទុរេប្រភេទ ម៉ាន់ថង ផួងមណី សូនី និងកាន់យ៉ាវ គឺមាននៅឃុំតាទៃលើ ឃុំឫស្សីជ្រុំ ឃុំថ្មដូនពៅ និងឃុំជីផាត៕អត្ថបទ ៖ ឈឹម មករា

ប្រាំខែដើមឆ្នាំ២០២១ ចំណូលពន្ធដារខេត្តកំពត កើនឡើងជាង១០ភាគរយ

កំពត ៖ របាយការណ៍របស់សាខាពន្ធដារខេត្ត បានឲ្យដឹងថា ប្រាំខែដើមឆ្នាំ២០២១ ចំណូលពន្ធដារខេត្តកំពត បានជាង៣លានដុល្លារ កើនឡើងជាង១០ភាគរយ បើប្រៀបធៀប រយៈពេលដូចគ្នានៅឆ្នាំ២០២០ ឬ ស្មើនឹង៧១, ៦% នៃផែនការឆ្នាំ។ នៅក្នុងកិច្ចប្រជុំពិនិត្យវឌ្ឍនភាពការងារប្រចាំខែឧសភា ឆ្នាំ២០២១របស់រដ្ឋបាលខេត្តកំពត តាមរយៈ (Video Conference) នៅថ្ងៃទី០២ ខែឧសភា ម្សិលមិញនេះ ប្រធានសាខាពន្ធដារខេត្តកំពត លោក ហៀន សុខល់ បានលើកឡើងថា ខែឧសភា សាខាពន្ធដារខេត្តប្រមូលចំណូលបានជាង២១០០ លានរៀល ស្មើនឹង៥២ម៉ឺនដុល្លារ បូកបន្តប្រាំ៥ខែ បានជាង១៤.៧៩២លានរៀល ស្មើនឹង ៣,៦ លានដុល្លារ ស្មើនឹង៧១,៦% នៃផែនការឆ្នាំ២០២១។ បើប្រៀបធៀបរយៈពេលដូចគ្នា នៅឆ្នាំ២០២០ ចំណូលបានកើនឡើងចំនួនជា១.៣៦៩លានរៀល ស្មើនឹង១០,២% ។លោកប្រធានពន្ធដារ បានបញ្ជាក់ថា ការកើនឡើងនេះ ដោយសារទី១.ការប្រមូលពន្ធលើប្រាក់ចំណូល ឬពន្ធលើប្រាក់ចំណេញរបស់ក្រុមហ៊ុននីមួយៗ មានចំនួន ៤០២លានរៀល ស្មើនឹង១៣,៩% ទី២.ពន្ធលើប្រាក់បៀវត្សកើនឡើងជាង ២១៣លានរៀល ស្មើ៤៩% និងទី៣.ពន្ធប្រថាប់ត្រាមានការកើនឡើងជាង២០០លានរៀលស្មើ២០%។លោក បានឲ្យដឹងដែរថា ចំណូលពន្ធដារថវិកាថ្នាក់ជាតិ ក្នុងខែឧសភា បានជាង៩០០លានរៀល បូកបន្តប្រាំខែ ជាង៧០០០លានរៀលស្មើ ៧៤.៩%នៃផែនការឆ្នាំ ដោយឡែកចំណូលថវិកាថ្នាក់ក្រោមជាតិ ក្នុងខែឧសភា ប្រមូលបាន១ ១៩៨ លានរៀល បូកបន្តប្រាំខែបានជាង ៧០០០លានរៀលស្មើនឹង ៦៨,៦% នៃផែនការឆ្នាំ ៕អត្ថបទ ៖ សារីម

សភាពាណិជ្ជកម្មកម្ពុជា និងអង្គការពាណិជ្ជកម្មជប៉ុន JETRO បន្តសហការជំរុញការវិនិយោគជប៉ុននៅកម្ពុជា

ភ្នំពេញ ៖ សភាពាណិជ្ជកម្មកម្ពុជា និងអង្គការពាណិជ្ជកម្មក្រៅប្រទេសជប៉ុន ហៅកាត់ថា JETRO បានឯកភាពគ្នាបន្តសហការគ្នាលើការជំរុញ និងទាក់ទាញវិនិយោគជប៉ុននៅកម្ពុជា។កិច្ចសហការនេះ ត្រូវបានធ្វើឡើងនៅក្នុងជំនួប ពិភាក្សាការងារ រវាងសភាពាណិជ្ជកម្មកម្ពុជា និង អង្គការពាណិជ្ជកម្មក្រៅប្រទេសជប៉ុន (JETRO) ប្រចាំនៅកម្ពុជា កាលពីពេលថ្មីៗ ក្រោមវត្តមាន ឯកឧត្តមឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា និង លោកស្រី ម៉ារីសា ហារុតា (Marisa Haruta ) ប្រធានតំណាងអង្គការពាណិជ្ជកម្មក្រៅប្រទេសជប៉ុន ប្រចាំនៅកម្ពុជា។ ឯកឧត្តមឧកញ៉ា ងួន ម៉េងតិច វាយតម្លៃខ្ពស់កិច្ចសហការយ៉ាងជិតស្និទ្ធរវាងសភាពាណិជ្ជកម្មកម្ពុជា និង អង្គការពាណិជ្ជកម្មក្រៅប្រទេសជប៉ុនប្រចាំនៅកម្ពុជា ដែលកន្លងមកស្ថាប័នទាំងពីរ បានរៀបចំព្រឹត្តិការណ៍ធុរកិច្ចរួមគ្នាជាច្រើន សំដៅទាក់ទាញវិនិយោគិនពីប្រទេសជប៉ុន ឲ្យមកវិនិយោគបន្ថែមទៀតលើកម្ពុជា។សភាពាណិជ្ជកម្មកម្ពុជា នឹងបន្តជួយគាំទ្រដល់ អង្គការពាណិជ្ជកម្មក្រៅប្រទេសជប៉ុនរៀបចំជំនួបពាណិជ្ជកម្ម ក៏ដូចជា ផ្សព្វផ្សាយព័ត៌មានអំពីសក្ដានុពលកម្ពុជា ទៅកាន់ធុរជន និងវិនិយោគិនជប៉ុន។ជាការឆ្លើយតប លោកស្រី ម៉ារីសា ហារុតា (Marisa Haruta ) បានថ្លែងអំណរគុណចំពោះឯកឧត្តមឧកញ៉ាអគ្គនាយកសភាពាណិជ្ជកម្មកម្ពុជា ដែលតែងតែជួយគាំទ្រ សហការជាមួយអង្គការពាណិជ្ជកម្មក្រៅប្រទេសជប៉ុន ជាពិសេស ការរៀបចំប្រកបដោយជោគជ័យនូវកម្មវិធីពិព័រណ៍និងជំនួបពាណិជ្ជកម្មផលិតផលគុណភាពខ្ពស់របស់ជប៉ុន ដែលបានប្រព្រឹត្តទៅ កាលពីខែកុម្ភៈ ឆ្នាំ២០២១។ ក្នុងន័យនេះ លោកស្រី បានស្នើសភាពាណិជ្ជកម្មកម្ពុជា បន្តជួយគាំទ្ររៀបចំកម្មវិធីប្រហាក់ប្រហែលគ្នានេះ នៅចុងឆ្នាំ២០២១ ដោយផ្តោតលើវិស័យកសិកម្ម។ ក្រៅពីនេះ លោកបានស្នើសភាពាណិជ្ជកម្មកម្ពុជា សហការជួយរៀបចំកម្រងឯកសារវីដេអូ ស្តីពីសក្ដានុពលកម្ពុជា ដោយមានការចូលរួមពីធុរជនសំខាន់ៗនៅកម្ពុជា ដើម្បីផ្សព្វផ្សាយទៅដល់សហគមន៍ធុរកិច្ចជប៉ុន។ពាណិជ្ជកម្មទ្វេភាគីរវាងកម្ពុជា និងជប៉ុន ក្នុងឆ្នាំ២០២០ មានតម្លៃសរុប ២,១ពាន់លានដុល្លារ ធ្លាក់ចុះ ៨,៣ភាគរយ ធៀបនឹងឆ្នាំ២០១៩ ដោយកម្ពុជា នាំចេញទំនិញមានតម្លៃ១,៦ពាន់លានដុល្លារទៅកាន់ប្រទេសជប៉ុន ធ្លាក់ចុះ ៦,៦ភាគរយ ខណៈការនាំចូលពីជប៉ុនមានតម្លៃ៤៨៤លានដុល្លារ ធ្លាក់ចុះ១៣,៨ភាគរយ។យោងតាមទិន្នន័យពីក្រសួងពាណិជ្ជកម្ម ចាប់ពីឆ្នាំ១៩៩៤ដល់២០១៨ ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងវិនិយោគជប៉ុនចំនួន ១៣៧គម្រោង ជាមួយ នឹងទុនវិនិយោគសរុប ២,៤ពាន់លានដុល្លារ៕អត្ថបទ ៖ វណ្ណៈ

បណ្ដាញសង្គម

ព័ត៌មានថ្មីៗ

សំណុំរឿងរំដោះអ្នកទោសនៅខេត្តស្វាយរៀង៖ ផ្តន្ទាទោសមនុស្សចំនួន ៨នាក់ ពី ១៨ខែ រហូតដល់ ១៤ឆ្នាំ

នាយឧត្តមសេនីយ៍ គន់ គីម អញ្ជើញជួបសំណេះសំណាលជាមួយ អតីតកងទ័ពស្ម័គ្រចិត្ត និងជំនាញការវៀតណាមរណសិរ្ស ៤៧៩

ក្រុមអ្នកAOTចុះសង្កេតការណ៍ផ្ទាល់នៅតំបន់ច្រកអន្តរជាតិជាំ និងតំបន់រងផលប៉ះពាល់ផ្សេងៗទៀត ស្ថិតក្នុងឃុំត្រពាំងប្រីយ៍ ស្រុកអន្លង់វែង ទីតាំងរងការវាយប្រហារ និងកាន់កាប់ដោយខុសច្បាប់ដោយយោធាថៃ

ការវាយប្រហារតាមអាកាសរបស់អ៊ីស្រាអែលលើលីបង់នៅតែបន្តទោះមានកិច្ចព្រមព្រៀងរវាងអាមេរិក និងអ៊ីរ៉ង់ក៏ដោយ

កាកបាទក្រហមកម្ពុជា រៀបចំពិធីសូត្រមន្តចម្រើនព្រះជន្មវស្សា ថ្វាយសម្ដេចព្រះមហាក្សត្រី ព្រះវររាជមាតាជាតិខ្មែរ គម្រប់ ៩០ យាងចូល ៩១ព្រះវស្សា

Real Madrid ប្រកាសពីការផ្ទេរផ្លូវការ Bernardo Silva ជាមួយនឹងកិច្ចសន្យា ២ ឆ្នាំ

កីឡាករ-កីឡាការិនីតេក្វាន់ដូ WT កម្ពុជា ២រូប ទទួលបានសិទ្ធចូលរួមការប្រកួតកីឡាអាស៊ី លើកទី២០ នៅជប៉ុន

ប្រទេសចិនសន្យាចាត់វិធានការឆ្លើយតប ក្រោយកោះតៃវ៉ាន់បើកដំណើរការគេហទំព័រស៊ើបការណ៍សម្ងាត់

លីគនារី៖ ភ្នំពេញក្រោន ជាក្រុមតែមួយគត់មិនស្គាល់ចាញ់ ខណៈព្រះខ័នរាជ ឡើងមកឈរលេខ៣

រុស្ស៊ី ចោទប្រកាន់អ៊ុយក្រែនថាបានវាយប្រហាររថយន្តក្រុងដឹកសិស្ស ខណៈទីក្រុងគីវបដិសេធ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សេដ្ឋកិច្ច និង កសិកម្ម

រាជរដ្ឋាភិបាលបង្កើតច្បាប់ថ្មី ដើម្បីកំណត់រៀបចំសេវាហិរញ្ញវត្ថុមិនមែនធនាគារ

ប្រៃសណីយ៍កម្ពុជា ប្រមូលចំណូលពីសេវាបញ្ញើបានជាង ១,៧ លានដុល្លារ ក្នុងត្រីមាសទី១

កម្ពុជានឹងចាប់ដៃគូវិនិយោគថ្មីអភិវឌ្ឍន៍ផលិតកម្មប្រេងកាត ខណៈក្រុមហ៊ុន KrisEnergy ប្រកាសក្ស័យធុន

ប្រទេសចិនសន្យានាំចូលផលិតកម្មកសិកម្ម បន្ថែមទៀតពីកម្ពុជា

កម្ពុជានាំទំនិញទៅសហរដ្ឋអាមេរិកបន្តកើនឡើងទោះប្រឈមនឹងវិបត្តិកូវីដ-១៩

សិប្បកម្មខ្មែរនៅខេត្តកំពង់ធំ បានការនាំចេញគ្រាប់ស្វាយចន្ទីដោយផ្ទាល់រទៅប្រទេសជប៉ុន

តំបន់ជាប់មាត់ព្រែក នឹងក្លាយជាបណ្តុំសម្រាកលំហែពេញនិយមក្នុងខេត្តកំពត

កសិករឃុំតាទៃលើ សប្បាយចិត្ដនឹងការទទួលបានប្រាក់ចំណូលរាប់ម៉ឺនដុល្លារ ពីការលក់ទុរេ ទោះបីជួបវិបត្ដិកូវីដ

ប្រាំខែដើមឆ្នាំ២០២១ ចំណូលពន្ធដារខេត្តកំពត កើនឡើងជាង១០ភាគរយ

សភាពាណិជ្ជកម្មកម្ពុជា និងអង្គការពាណិជ្ជកម្មជប៉ុន JETRO បន្តសហការជំរុញការវិនិយោគជប៉ុននៅកម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សេដ្ឋកិច្ច និង កសិកម្ម

រាជរដ្ឋាភិបាល​បង្កើត​ច្បាប់​ថ្មី ដើម្បី​កំណត់​រៀបចំ​សេវា​ហិរញ្ញវត្ថុ​មិនមែន​ធនាគារ

ប្រៃសណីយ៍​កម្ពុជា ប្រមូល​ចំណូល​ពី​សេវា​បញ្ញើ​​បាន​ជាង ១,៧ លាន​ដុល្លារ ​ក្នុង​ត្រីមាស​ទី​១

កម្ពុជា​នឹង​ចាប់​ដៃគូ​វិនិយោគ​ថ្មី​អភិវឌ្ឍន៍​ផលិតកម្ម​ប្រេងកាត ខណៈ​ក្រុមហ៊ុន​ KrisEnergy ប្រកាស​ក្ស័យ​ធុន​

ប្រទេស​ចិន​សន្យា​នាំចូល​ផលិតកម្ម​កសិកម្ម​ បន្ថែមទៀត​ពី​កម្ពុជា

កម្ពុជា​នាំ​ទំនិញ​ទៅ​សហរដ្ឋអាមេរិក​បន្ត​កើនឡើងទោះ​ប្រឈម​នឹង​វិបត្តិ​កូ​វីដ​-១៩

សិប្បកម្ម​ខ្មែរ​នៅ​ខេត្តកំពង់ធំ បានការ​នាំចេញ​គ្រាប់ស្វាយចន្ទី​ដោយ​ផ្ទាល់រ​ទៅ​ប្រទេស​ជប៉ុន​

តំបន់​ជាប់មាត់​ព្រែក នឹង​ក្លាយ​ជា​បណ្តុំ​សម្រាក​លំហែ​ពេញ​និយម​​ក្នុង​ខេត្តកំពត

ប្រាំ​ខែ​ដើមឆ្នាំ​២០២១ ចំណូល​ពន្ធដារ​ខេត្តកំពត​ កើនឡើង​ជាង​១០​ភាគរយ​

សភាពាណិជ្ជកម្ម​កម្ពុជា និង​អង្គការ​ពាណិជ្ជកម្ម​ជប៉ុន JETRO បន្ត​សហការ​ជំរុញ​ការ​វិនិយោគ​ជប៉ុន​នៅ​កម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រាជរដ្ឋាភិបាលបង្កើតច្បាប់ថ្មី ដើម្បីកំណត់រៀបចំសេវាហិរញ្ញវត្ថុមិនមែនធនាគារ

ប្រៃសណីយ៍កម្ពុជា ប្រមូលចំណូលពីសេវាបញ្ញើបានជាង ១,៧ លានដុល្លារ ក្នុងត្រីមាសទី១

កម្ពុជានឹងចាប់ដៃគូវិនិយោគថ្មីអភិវឌ្ឍន៍ផលិតកម្មប្រេងកាត ខណៈក្រុមហ៊ុន KrisEnergy ប្រកាសក្ស័យធុន

ប្រទេសចិនសន្យានាំចូលផលិតកម្មកសិកម្ម បន្ថែមទៀតពីកម្ពុជា

កម្ពុជានាំទំនិញទៅសហរដ្ឋអាមេរិកបន្តកើនឡើងទោះប្រឈមនឹងវិបត្តិកូវីដ-១៩

សិប្បកម្មខ្មែរនៅខេត្តកំពង់ធំ បានការនាំចេញគ្រាប់ស្វាយចន្ទីដោយផ្ទាល់រទៅប្រទេសជប៉ុន

តំបន់ជាប់មាត់ព្រែក នឹងក្លាយជាបណ្តុំសម្រាកលំហែពេញនិយមក្នុងខេត្តកំពត

ប្រាំខែដើមឆ្នាំ២០២១ ចំណូលពន្ធដារខេត្តកំពត កើនឡើងជាង១០ភាគរយ

សភាពាណិជ្ជកម្មកម្ពុជា និងអង្គការពាណិជ្ជកម្មជប៉ុន JETRO បន្តសហការជំរុញការវិនិយោគជប៉ុននៅកម្ពុជា