BTV NEWS

ក្រុមហ៊ុនអាកាសចរណ៍ អ៊ែរអេស៊ា ខេមបូឌា អបអរសាទរគម្រប់ខួប ៣ឆ្នាំ “Cheers to 3 Years” ជាមួយនឹងរង្វាន់មហាសាលសរុបជាង ១៦០,០០០ ដុល្លារ និង ការផ្តល់ជូន សំបុត្រយន្តហោះឥតគិតថ្លៃ ចំនួន ៣,៣៣៣ សំបុត្រ

ក្រុមហ៊ុន Unilever កម្ពុជា ទទួលស្វាគមន៍ ប្រេសិតពាណិជ្ជកម្មចក្រភពអង់គ្លេសធ្វើទស្សនកិច្ចនៅកម្ពុជា

រយៈពេល៥ឆ្នាំមកនេះ ចិនបានផ្តល់ហិរញ្ញប្បទាន រួមចំណែកដល់ការអភិវឌ្ឍលើវិស័យអាទិភាពជាច្រើន

ការនិយមពិសារកាហ្វេរបស់ពលរដ្ឋកម្ពុជា ជំរុញកំណើនហាងកាហ្វេ និងផលិតកម្មក្នុងស្រុក ខណៈតម្រូវការគ្រាប់កាហ្វេប្រមាណ ២ម៉ឺនតោនក្នុង១ឆ្នាំ

សេដ្ឋកិច្ច និង កសិកម្ម

រដ្ឋប្រមូលចំណូលពន្ធដារ និងពន្ធគយ បាន១.៦ពាន់លានដុល្លារត្រីមាសទី១ ឆ្នាំ២០២១

ភ្នំពេញ ៖ ក្នុងរយៈពេលបីខែ ដើមឆ្នាំ២០២១ រដ្ឋប្រមូលចំណូលសារពើពន្ធសរុបជាង ១,៦ ពាន់លានដុល្លារ ដោយក្នុងនោះ ចំណូលពន្ធដារ មានប្រមាណជាង១ពាន់លានដុល្លារ និងចំណូលពន្ធគយមានប្រមាណ៦០០លានដុល្លារ។តួលេខចំណូលសារពើពន្ធនេះត្រូវបានប្រកាសដោយ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ក្នុងអំឡុងពេលថ្លែងសារពិសេសជូនជនរួមជាតិ ស្តីពីស្ថានភាពជំងឺកូវីដ១៩ នៅកម្ពុជា កាលពីថ្ងៃសៅរ៍កន្លងទៅ។សម្តេចតេជោ លើកឡើងថា ចំណូលពន្ធដារក្នុងមីនា ប្រមូលបានជាង ៦០០លានដុល្លារ បូកនឹងចំណូលពន្ធដារ ទាំងបីខែដើមឆ្នាំ សម្រេចបានប្រមាណ ១ពាន់លានដុល្លារ។ ចំណូលពន្ធដារ កើនឡើង ធៀបនឹងរយៈពេលបីខែ ឆ្នាំ២០២០ មានត្រឹមតែ ៤៤៥លានដុល្លារ។ចំណែកចំណូលពន្ធគយប្រមូលក្នុងរយៈពេលបីខែ សម្រេចបានក្នុងរង្វង់ជាង ៦០០លានដុល្លារ ធ្លាក់ចុះពី ៧២៩ដុល្លារ ក្នុងរយៈពេលបីខែកាលពីឆ្នាំមុន។ សរុបចំណូលសារពើពន្ធក្នុងរយៈពេលបីខែឆ្នាំ២០២១ កើនឡើងធៀបនឹងចំណូលសារពើពន្ធប្រមូលឆ្នាំ២០២០ បើទោះបីជាការរីករាលដាលជំងឺកូវីដ១៩កំពុងបន្ត។ជាមួយនឹងការប្រមូលចំណូលសារពើពន្ធ សម្តេចតេជោ ហ៊ុន សែន លើកឡើងថា រាជរដ្ឋាភិបាល មានសាច់ប្រាក់គ្រប់គ្រាន់សម្រាប់ការចំណាយចរន្ត ជាពិសេសសាច់ប្រាក់ដែលរាជរដ្ឋាភិបាលមាន គឺអាចទ្រទ្រង់បើកប្រាក់ខែមន្ត្រីរាជការ បានយ៉ាងតិចបីឆ្នាំទៀត៕ អត្ថបទ ៖ វណ្ណៈ

ការបង់ពន្ធ ជាការចូលរួមចំណែកដល់ការអភិវឌ្ឍរបស់ប្រទេសជាតិ

ភ្នំពេញ ៖ តំណាងមន្ត្រីអគ្គនាយកដ្ឋានពន្ធដារ អំពាវនាវដល់អ្នកជាប់ពន្ធលើប្រាក់បៀរវត្សទាំងអស់ គោរពបទប្បញ្ញត្តិ ស្តីពីពន្ធដារ និងត្រូវអនុវត្តឲ្យបានទៀងទាត់ ព្រោះការចូលរួមបង់ពន្ធរបស់អស់លោកអ្នក គឺជាការចូលរួមចំណែកដ៏សំខាន់ដល់ការអភិវឌ្ឍន៍ របស់ប្រទេសជាតិយើង ។លោក សុង កុសល ប្រធានការិយាល័យចាត់ចែងលិខិតប្រកាស នៃនាយកដ្ឋានគ្រប់គ្រងអ្នកជាប់ពន្ធធំ នៅអគ្គនាយកដ្ឋានពន្ធដារ លើកឡើងនៅក្នុងកម្មវិធីពន្ធដារកម្ពុជា ស្តីពី ពន្ធលើប្រាក់បៀវត្ស នៅចុងសប្តាហ៍កន្លងមកនេះថា ពន្ធលើប្រាក់បៀរវត្សគឺជាពន្ធត្រូវបង់ប្រចាំខែ ដែលបានកំណត់បៀវត្សលើរូបវន្តបុគ្គល បានទទួលនៅក្នុងក្រប ខណ្ឌបំពេញការងារ ក្នុងនោះរូបវន្តបុគ្គលនិវាសនជននៅកម្ពុជា គឺត្រូវជាប់ពន្ធលើប្រាក់បៀវត្សគ្រប់ប្រភព ទាំងប្រភពនៅកម្ពុជា និងប្រភពបរទេស។ ដោយឡែកអនិវាសនជនកម្ពុជាក៏ត្រូវជាប់ពន្ធនៅកម្ពុជាផងដែរ ប្រសិនរូបវន្តបុគ្គលនោះ មានសកម្មភាពបំពេញការងារ ដើម្បីទទួលបានប្រាក់បៀរវត្ស ។លោក បន្តថា និយោជកត្រូវមានកាតព្វកិច្ចដាក់លិខិតប្រកាសពន្ធនេះ ទោះបីនិយោជបើកប្រាក់បៀរវត្ស ប្រចាំអាទិត្យ ឬ ពាក់កណ្តាលខែ ក្នុងនោះ ទូរលេខប្រាក់បៀរវត្សដែលបំពេញបានក្នុងមួយខែ គឺត្រូវបូកបញ្ចូលគ្នា ហើយប្រកាសមករដ្ឋបាលសារពើពន្ធ យ៉ាងយូរបំផុតត្រឹមថ្ងៃទី ២០ ខែបន្ទាប់ ។ ដូច្នេះនិយោជក ឬអង្គភាព ស្ថាប័ន អ្នកកាន់បញ្ជីការលើប្រាក់បៀរវត្សទាំងអស់ សូមគោរពបទប្បញ្ញត្តិ ស្តីពីពន្ធដារ ដើម្បីចៀសវាងការពិន័យផ្សេងៗ, ការចូលរួមបង់ពន្ធរបស់អស់លោកអ្នក គឺជាការចូលរួមចំណែកដ៏សំខាន់ដល់ការអភិវឌ្ឍន៍របស់ប្រទេសជាតិយើង ។សូមបញ្ជាក់ថា ក្រសួងសេដ្ឋកិច្ច និងហិរញ្ញវត្ថុ នាពេលកន្លងមកនេះ បានប្រកាសណែនាំនៃការអនុវត្តន៍អត្រាពន្ធលើប្រាក់បៀរវត្សថ្មី លើការអនុវត្តន៍អត្រាកំណើនតាមថ្នាក់ថ្មី ចំពោះសហគ្រាសអ្នកជាប់ពន្ធនិវាសនជន ស្ថាប័នរដ្ឋ និងអង្គភាពនានា ដែលមានកាតព្វកិច្ចកាត់ទុកនិងបង់ពន្ធលើប្រាក់បៀរវត្ស ដែលត្រូវអនុវត្តន៍អត្រាកំណើនតាមថ្នាក់ថ្មី ក្នុងនោះ ចំពោះបៀរវត្សជាប់ពន្ធប្រចាំខែ ដោយប្រាក់បៀរវត្ស ចាប់ពី ១ ៣០០ ០០ រៀល ដល់ ២ ០០០ ០០០ មានអត្រាពន្ធ ៥%, បៀរវត្សពី ២ ០០០ ០០១ រៀល ដល់ ៨ ៥០០ ០០០ រៀល អត្រា ១០%, និងពី ៨ ៥០០ ០០១ រៀល ដល់ ១២ ០០០ ០០០ រៀល អត្រាពន្ធ ១៥% និងលើសពី ១២ ៥០០ ០០០ រៀល គឺមានអត្រាប្រាក់ ២០% ៕អត្ថបទ៖ សុន រ៉ាឌី

សម្តេចតេជោ អំពាវនាវដល់គ្រឹះស្ថានហិរញ្ញវត្ថុ ផ្ដល់កម្ចីការប្រាក់ទាបបំផុត

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី នៅថ្ងៃនេះ បានអំពាវនាវដល់ធនាគារ និងគ្រឹះស្ថានមីក្រូ ហិរញ្ញវត្ថុ ផ្តល់កម្ចីជូនប្រជាពលរដ្ឋ ជាមួយនឹងអត្រាការប្រាក់ទាបបំផុត ដើម្បីជួយពួកគេ ឱ្យមានលទ្ធភាព ស្តារសេដ្ឋកិច្ចរបស់ខ្លួន ក្នុងបរិបទវិបត្តិជំងឺកូវីដ១៩។ក្នុងសារពិសេសជូនជនរួមជាតិ ពាក់ព័ន្ធស្ថានភាពជំងឺកូវីដ១៩ នៅកម្ពុជា នៅថ្ងៃទី១០ ខែមេសា នេះ សម្តេចតេជោ ហ៊ុន សែន បានលើកឡើងថា ចំណូលធនាគារឯកជន ទទួលបានចំនួនច្រើន កាលពី ឆ្នាំ២០២០ កន្លងទៅ ស្របពេលដែលប្រជាពលរដ្ឋជាច្រើន បានជាប់បំណុលធនាគារ និងគ្រឹះស្ថានមីក្រូ ហិរញ្ញវត្ថុ ដោយសារពួកគេទទួលរងផលប៉ះពាល់ដោយសារជំងឺកូវីដ-១៩។សម្ដេចតេជោ បានបញ្ជាក់ថា តាមរយៈការផ្តល់កម្ចីមានការប្រាក់ទាបបំផុត ជូនប្រជាពលរដ្ឋរង គ្រោះវិបត្តិកូវីដ១៩ននេះ មិនត្រឹមតែជួយពួកគេ ឱ្យមានដើមទុន សម្រាប់ស្តារសេដ្ឋកិច្ចឡើងវិញប៉ុណ្ណោះ ទេ ប៉ុន្តែថែមទាំងជួយធនាគារខ្លួនឯងផ្ទាល់ ដោយសារធនាគារនីមួយៗ មានប្រាក់បញ្ជើច្រើន។សម្តេចតេជោ បានបញ្ជាក់បន្ថែមថា នៅពេលការផ្តល់កម្ចីមានចំនួនតិច ដោយសារកូវីដ-១៩ ចំនួន ប្រាក់បញ្ញើកើនឡើង ដែលនេះ ជាការលំបាកមួយរបស់ធនាគារ និងគ្រឹះស្ថានមីក្រូហិរញ្ញវត្ថុ។ការអំពាវនាវរបស់ប្រមុខរាជរដ្ឋាភិបាលកម្ពុជា បានធ្វើឡើង បន្ទាប់ពីវិធានការមួយចំនួនក្នុងវិស័យ ហិរញ្ញវត្ថុ ដែលរាជរដ្ឋាភិបាលកម្ពុជា តាមរយៈធនាគារជាតិ នៃកម្ពុជា បានដាក់ចេញ ដើម្បីសម្រួលការ លំបាករបស់ប្រជាពលរដ្ឋ។ វិធានការទាំងនេះមានដូចជា ការលើកលែងការបង់ការប្រាក់ ការពន្យាពេល ការសងប្រាក់ និងការលើកលែងប្រាក់ពិន័យ ជាដើម៕ អត្ថបទ៖ វណ្ណៈ

ក្រសួងសេដ្ឋកិច្ច និងហិរញ្ញវត្ថុ កំណត់វិធាននៃការបង់ពន្ធប៉ាតង់តាមផលរបរ

ភ្នំពេញ ៖ ក្រសួងសេដ្ឋកិច្ច និងហិរញ្ញវត្ថុ កំណត់ប្រាក់ពន្ធប៉ាតង់ សម្រាប់អ្នកជាប់ពន្ធតូច ត្រូវបង់ពន្ធប៉ាតង់ប្រចាំឆ្នាំចំនួន ៤០ ម៉ឺនរៀល, អ្នកជាប់ពន្ធមធ្យម ចំនួន ១២០ ម៉ឺនរៀល និងអ្នកជាប់ពន្ធធំ ត្រូវបង់ពន្ធប៉ាតង់ប្រចាំឆ្នាំចំនួន ៣ លានរៀល និងចំនួន ៥ លានរៀល ក្នុងករណីដែលមានផលរបរលើសពី ១ម៉ឺនលានរៀល ។តាមប្រកាសស្តីពីវិធាននិងនីតិវិធីគ្រប់គ្រងប្រមូលពន្ធប៉ាតង់ របស់ក្រសួងសេដ្ឋកិច្ច និងហិរញ្ញវត្ថុចេញផ្សាយកាលពីពេលថ្មីៗនេះ បានសម្រេចកំណត់វិធាន និងនីតិវិធីគ្រប់គ្រងប្រមូលពន្ធប៉ាតង់ លើសកម្មភាពអាជីវកម្មរបស់អ្នកជាប់ពន្ធតាមរបបស្វ័យប្រកាស ដែលប្រកបអាជីវកម្មនៅក្នុងព្រះរាជាណាចក្រកម្ពុជា។ ពន្ធប៉ាតង់ គឺជាពន្ធប្រចាំឆ្នាំ ដែលត្រូវបានកំណត់លើសកម្មភាពអាជីវកម្ម ដោយផ្អែកលើប្រភេទអ្នកជាប់ពន្ធ និងកម្រិតផលរបរ។អ្នកជាប់ពន្ធដែលមានសកម្មភាពអាជីវកម្មនៅក្នុងរាជធានី-ខេត្តផ្សេងគ្នា ត្រូវបង់ពន្ធប៉ាតង់ទៅតាមរាជធានី-ខេត្ត ដែលអាជីវកម្មនោះស្ថិតនៅ តាមកម្រិតប្រាក់ពន្ធប៉ាតង់ត្រូវបង់រួមមាន ៖ អ្នកជាប់ពន្ធតូច ត្រូវបង់ពន្ធប៉ាតង់ប្រចាំឆ្នាំចំនួន ៤០ ម៉ឺនរៀល, អ្នកជាប់ពន្ធមធ្យម ត្រូវបង់ពន្ធប៉ាតង់ប្រចាំឆ្នាំចំនួន ១២០ ម៉ឺនរៀល។ ចំណែកអ្នកជាប់ពន្ធធំ ត្រូវបង់ពន្ធប៉ាតង់ប្រចាំឆ្នាំចំនួន ៣ លានរៀល និងពន្ធប៉ាតង់ប្រចាំឆ្នាំចំនួន ៥ លានរៀល ក្នុងករណីដែលមានផលរបរលើសពី ១ម៉ឺនលានរៀល។សូមបញ្ជាក់ថា ពន្ធប៉ាតង់ ត្រូវបង់ក្នុងអំឡុងពេលចាប់ពីថ្ងៃទី០១ ខែមករា ដល់ ថ្ងៃទី ៣១ ខែមីនា ជារៀងរាល់ឆ្នាំ។ ពន្ធប៉ាតង់ត្រូវបង់នៅរដ្ឋបាលសារពើពន្ធ ដែលអ្នកជាប់ពន្ធមានទីកន្លែងប្រកបអាជីវកម្មពិតប្រាកដ ក្នុងនោះ អ្នកជាប់ពន្ធដែលចាប់ផ្តើមប្រកបអាជីវកម្មក្នុងរយៈពេល ៦ ខែដើមឆ្នាំ ត្រូវបង់ប្រាក់ពន្ធប៉ាតង់ពេញមួយឆ្នាំ ក្នុងនោះ សម្រាប់ការចាប់ផ្តើមប្រកបអាជីវកម្មក្នុងរយៈពេល ៦ខែចុងឆ្នាំ អ្នកជាប់ពន្ធត្រូវបង់ប្រាក់ពន្ធប៉ាតង់ពាក់កណ្តាល។អ្នកជាប់ពន្ធដែលមានទីកន្លែងអាជីវកម្មជាគោលដើម ទីចាត់ការសហគ្រាស សាខា ឃ្លាំង រោងចក្រ រោងជាង សម្រាប់សកម្មភាពអាជីវកម្មតែមួយ ដែលស្ថិតនៅតាមរាជធានី-ខេត្តផ្សេងគ្នា ត្រូវបង់ពន្ធប៉ាតង់អប្បបរមាសម្រាប់ប្រភេទអ្នកជាប់ពន្ធនីមួយៗទៅតាមរាជធានី-ខេត្តដែលអាជីវកម្មនោះស្ថិតនៅ៕អត្ថបទ ៖ សុន រ៉ាឌី

កម្ពុជានាំទំនិញទៅសហរដ្ឋអាមេរិក បន្តកើនឡើង ទោះប្រឈមនឹងវិបត្តិកូវីដ១៩

ភ្នំពេញ ៖ កម្ពុជានាំទំនិញទៅកាន់សហរដ្ឋអាមេរិក បន្តកើនឡើងនៅក្នុងរយៈពេលពីរខែដើមនៅឆ្នាំ២០២១ ទោះបីវិបត្តិកូវីដ-១៩នៅតែបន្ត។តួលេខពាណិជ្ជកម្មរបស់ ការិយាល័យស្ថិតិអាមេរិក បង្ហាញថា ចាប់ពីខែមករា ដល់ខែកុម្ភៈ ឆ្នាំ២០២១ កម្ពុជានាំទំនិញចេញទៅកាន់ប្រទេសសេដ្ឋកិច្ចធំបំផុតលើពិភពលោក មានទឹកប្រាក់សរុប ១ ១២០ លានដុល្លារ កើនឡើង ៣,៣ ភាគរយ។ ទន្ទឹមគ្នានេះ ការនាំទំនិញពីសហរដ្ឋអាមេរិក មកកម្ពុជា មានតម្លៃ ៦៧ លានដុល្លារ កើនឡើង ២៦ ភាគរយ។ទំនិញសំខាន់ៗដែលកម្ពុជានាំចេញទៅកាន់សហរដ្ឋអាមេរិក មានផលិតផលកាត់ដេរ ស្បែកជើង ផលិតផលធ្វើដំណើរ-កាបូប ចំណែកទំនិញដែលកម្ពុជានាំចូលពីសហរដ្ឋអាមេរិក មានរថយន្ត ចំណីសត្វ និងគ្រឿងចក្រ ។ល។យោងតាមរបាយការណ៍ពីក្រសួងសេដ្ឋកិច្ច និងហិរញ្ញវត្ថុ ការនាំចេញទំនិញមិនមែនផលិតផលកាត់ដេរ បានកើនឡើង ក្នុងឆ្នាំ២០២០ ខណៈការនាំចេញផលិតផលកាត់ដេរ ធ្លាក់ចុះ។ ទំនិញមិនមែនផលិតផលកាត់ដេរ មានដូចជា កង់ គ្រឿងសង្ហារឹម និងគ្រឿងបង្គុំអេឡិចត្រូនិកជាដើម។ឆ្នាំ២០២០ ការដោះដូរពាណិជ្ជកម្មទ្វេភាគី រវាងកម្ពុជា និងសហរដ្ឋអាមេរិក មានតម្លៃសរុប ៦ ៩២១ លានដុល្លារ មានកំណើន ១៧,៨ភាគរយ ធៀបនឹងឆ្នាំ២០១៩៕អត្ថបទ ៖ វណ្ណៈ

ប្រតិបត្តិករផ្ដល់កម្ចីនៅកម្ពុជាសម្រេចផ្ដល់ការអនុគ្រោះបន្ថែមទៀតដល់អតិថិជនអំឡុងវិបត្តិកូវីដ១៩

ភ្នំពេញ៖ ក្រុមអ្នកផ្ដល់កម្ចីហិរញ្ញវត្ថុនៅកម្ពុជា បានប្រកាសនៅថ្ងៃនេះថា ឧស្សាហកម្មមួយនេះសម្រេចផ្ដល់ការអនុគ្រោះបន្ថែមទៀតទៅដល់អតិថិជនរបស់ខ្លួន ដែលកំពុងស្ថិតក្នុងវិបត្តិកើតចេញពីការឆ្លងរីករាលដាលនៃមេរោគកូវីដ១៩។ក្នុងសេចក្ដីប្រកាសព័ត៌មាននៅថ្ងៃនេះ សមាគមធនាគារនៅកម្ពុជា និងសមាគមមីក្រូហិរញ្ញវត្ថុកម្ពុជា បានសម្រេចផ្ដល់ការអនុគ្រោះទៅដល់អតិថិជនដែលបានឆ្លងមេរោគកូវីដ១៩ ដោយលើកលែងការបង់ប្រាក់ និងការផាកពិន័យរយៈពេល ១ខែ។សម្រាប់អតិថិជនដែលឆ្លងកូវីដ១៩នេះផងដែរ ក្រុមអ្នកផ្ដល់កម្ចីហិរញ្ញវត្ថុទាំងពីរ ក៏បានអនុញ្ញាតឱ្យមានការរៀបចំឥណទានឡើងវិញផង ទៅតាមសំណើរបស់អតិថិជន រួមទាំងការពន្យារពេលបង់ប្រាក់ដើម ៣ខែ។សម្រាប់អតិថិជនដែលកំពុងជាប់ធ្វើចត្តាឡីស័កវិញ សមាគមផ្ដល់កម្ចីហិរញ្ញវត្ថុទាំងពីរ បានសម្រេចផ្ដល់ការរៀបចំឥណទានឡើងវិញដោយស្វ័យប្រវត្តិសម្រាប់រយៈពេល ១ខែ និងត្រូវបានលើកលែងរាល់ការផាកពិន័យទាំងអស់ផងដែរ។ចំណែកឯអតិថិជនដែលទទួលមរណភាពដោយសារកូវីដ១៩ សមាគមទាំងពីរបានណែនាំទៅស្ថាប័នផ្ដល់កម្ចីឱ្យផ្ដល់ការអនុគ្រោះទៅតាមលទ្ធភាពជាក់ស្ដែង។ជាងនេះទៀត ឧស្សាហកម្មហិរញ្ញវត្ថុក៏បានសម្រេចបន្ធូរបន្ថយលក្ខខណ្ឌសម្រាប់កម្ចី និងទម្លាក់អត្រាការប្រាក់ផងដែរ ដោយថា ដើម្បីជួយស្ដារសេដ្ឋកិច្ចគ្រួសារ និងអាជីវកម្មឡើងនៅមុន និងក្រោយវិបត្តិកូវីដ១៩នេះ។រីឯអតិថិជនដែលបានខ្ចីប្រាក់សម្រាប់ទិញលំនៅដ្ឋានផ្ទាល់ សមាគមទាំងពីរនេះ ក៏បានសម្រេចលើកលែងការផាកពិន័យទាំងអស់ផងដែរ ដែលការអនុគ្រោះនេះ សមាគមកំណត់ថា សម្រាប់តែអតិថិជនទិញផ្ទាល់ផ្ទាល់ខ្លួនទីមួយសម្រាប់រស់នៅតែប៉ុណ្ណោះ។សមាគមផ្ដល់ឥណទានទាំងពីរនេះ បានអះអាងថា ប្រតិបត្តិករផ្ដល់កម្ចីនៅកម្ពុជា បានសម្រេចរៀបចំឥណទានឡើងវិញដល់អតិថិជនរហូតដល់ទៅ ៣៤ម៉ឺននាក់ហើយនៅត្រឹមដំណាច់ខែកុម្ភៈកន្លងមកនេះ។សមាគមទាំងពីរអះអាងបន្តថា ការរៀបចំឥណទានឡើងវិញសម្រាប់អតិថិជននៅទូទាំងប្រទេសត្រឹមចុងខែកុម្ភៈកន្លងមកនេះ មានទំហំសាច់ប្រាក់ដល់ទៅ ៤ពាន់លានដុល្លារអាមេរិក៕ អត្ថបទ៖ ដេត សុខធី

ទំហំពាណិជ្ជកម្មសម្រាប់ឆ្នាំ២០២០ ថមថយបន្តិចបន្តួច បើធៀបទៅឆ្នាំ ២០១៩

ភ្នំពេញ៖ កម្ពុជាបាននាំចេញផលិតផលក្នុងឆ្នាំ២០២០ សម្រេចបានក្នុងទំហំទឹកប្រាក់ប្រមាណជាង ១៤ ពាន់លានដុល្លារ ចំណែកការនាំចូល សម្រេចបានក្នុងទំហំទឹកប្រាក់សរុបចំនួនជិត ១៩ពាន់លានដុល្លារ។អគ្គនាយកដ្ឋានគោលនយោបាយ នៃក្រសួងសេដ្ឋកិច្ច និងហិរញ្ញវត្ថុ បានបង្ហាញរបាយការណ៍ នៃទំហំពាណិជ្ជកម្ម សម្រាប់ឆ្នាំ ២០២០ កម្ពុជាបាននាំចេញផលិតផលសរុប ដោយមិនគិតនៃការនាំចេញមាស គឺសម្រេចបានក្នុងទំហំទឹកប្រាក់ចំនួនប្រមាណ ១៤ ២០៤ លានដុល្លារ ថយចុះ ១,១ ភាគរយ បើប្រៀបធៀបទៅនឹងឆ្នាំ ២០១៩ ដោយបណ្ដាលមកពីការធ្លាក់ចុះ នៃការនាំចេញផលិតផលវាយនភណ្ឌ ក្នុងអត្រា ៩,៩ ភាគរយ។ដោយឡែកការនាំចូល កម្ពុជានាំចូលមុខទំនិញសរុប សម្រេចបានទំហំទឹកប្រាក់ចំនួន ប្រមាណ ១៨ ៩៣៩ លានដុល្លារអាមេរិក បានថមថយ ៦,១% បើធៀបទៅនឹងឆ្នាំ ២០១៩។ ការធ្លាក់ចុះនេះមកបណ្តាលមកពីការធ្លាក់ចុះខ្លាំង នៃការនាំចូលទំនិញសំខាន់ៗមួយចំនួនដូចជា ក្រណាត់, ប្រេងឥន្ធនៈ, សម្ភារៈសំណង់ និងគ្រឿងយន្ត។សូមបញ្ជាក់ថា សម្រាប់ការនាំចេញ ឆ្នាំ ២០២០ កម្ពុជាបាននាំចេញរួមមាន៖ ផលិតផលសំលៀកបំពាក់ ស្បែកជើង ផលិតផលវាយនភណ្ឌផ្សេងៗ គ្រឿងបង្គំអេឡិចត្រូនិក, គ្រឿងបង្គំរថយន្ត, កង់, ឈើមូលនិងកែច្នៃ, គ្រឿងសង្ហារឹម, ស្រូវ, អង្ករ និងកៅស៊ូជាដើម ។ ចំណែកការនាំចូលរួមមាន៖ ថ្នាំពេទ្យ បារី និងភេសជ្ជៈ, បរិក្ខាសំណង់, វាយនភណ្ឌ និងសម្លៀកបំពាក់, ទោចក្រយានយន្ត, គ្រឿងបន្លាស់យានយន្ត, ប្រេងឥន្ធន និងជីកសិកម្មជាដើម៕ អត្ថបទ៖ សុន រ៉ាឌី

ទីបំផុតអ្នកប៉ះពាល់បុរសផ្ទុកកូវីដ១៩ ក្នុងពិធីមង្គលការនៅស្រុកឈូកទាំង ១០នាក់ មិនឆ្លងជំងឺកូវីដ១៩ទេ

កំពត៖ ក្រោយពេលបានដឹងថា មានបុរសផ្ទុកកូវីដ១៩មា្នក់ មកពីរាជធានីភ្នំ បានចូលរួមក្នុងពិធីមង្គលការមួយនៅស្រុកឈូក ខេត្តកំពត អាជ្ញាធរស្រុកបានស្រាវជ្រាវរកឃើញអ្នកពាក់ព័ន្ធផ្ទាល់ជាមួយបុរសនោះចំនួន ១០នាក់។ ហើយក្រោយពេលយកសំណាកទៅវិភាគលើកទី៣ ជាលទ្ធផលនៅតែអវិជ្ជមានទាំងអស់ គ្មានពលរដ្ឋណាម្នាក់បានឆ្លងកូវីដ១៩ក្នុងហេតុការនោះទេ។ ប្រធានការិយាល័យបច្ចេកទេស នៃមន្ទីរសុខាភិបាលខេត្តកំពត លោក ហេង ចាន់ថា បានប្រាប់នៅរសៀលថ្ងៃទី៣០ ខែមីនានេះថា ពលរដ្ឋ ០៦នាក់ពាក់ព័ន្ធនឹងហេតុការណ៍បុរសផ្ទុកកូវីដ១៩ បានចូលរួមពិធីមង្គលការនៅស្រុកឈូក ខេត្តកំពត ដែលបានបញ្ជូនមកធ្វើចត្តាឡីស័កនៅសហគមន៍អ្នកផលិតអំបិល កំពត-កែប កាលពីថ្ងៃទី១៥ ខែមីនាកន្លងមកនោះ ថ្ងៃទី៣០ ខែមីនានេះ ត្រូវបានរដ្ឋបាលស្រុកឈូកមកទទួលយកទៅគេហដ្ឋានវិញហើយ ក្រោយពេលលទ្ធផលតេស្តលើកទី៣ បញ្ជាក់ថាអវិជ្ជមាននោះ ។ ហើយសំណាកវិភាគរបស់ពលរដ្ឋ ០៤នាក់ផ្សេងទៀត ដែលបានកំពុងធ្វើចត្តាឡីស័កនៅផ្ទះកូនក្រមុំ ក៏ទទួលបានលទ្ធផលអវិជ្ជមានដូចគ្នា។ ប្រជាពលរដ្ឋក្រោយពេលបានដឹងលទ្ធផល ពួកគាត់មានសេចក្តីសប្បាយរីករាយណាស់ នឹងបានថ្លែងអំណរគុណ ចំពោះអាជ្ញាធរគ្រប់លំដាប់ថ្នាក់ និងគ្រូពេទ្យជំនាញដែលបានយកចិត្តទុកដាក់ មើលថែចំពោះពួកគាត់។ ពលរដ្ឋ១០នាក់ បានប៉ះពាល់ផ្ទាល់ជាមួយបុរសវិជ្ជមានកូវីដ១៩ នៅក្នុងពិធីមង្គលការមួយកាល ពីថ្ងៃទី ១៤ ខែមីនា ឆ្នាំ២០២១ នៅភូមិដំណាក់ទ្រព្យខាងជើង ឃុំក្រាំងស្នាយ ស្រុកឈូក ហើយពលរដ្ឋ ០៦នាក់ ត្រូវបានបញ្ជូនមកធ្វើចត្តាឡីស័ក នៅសហគមន៍អ្នកផលិតអំបិល ខេត្តកំពត-កែប កាលពីថ្ងៃទី១៥ ខែមីនា ឆ្នាំ២០២១ និងមនុស្ស ០៤នាក់ផ្សេងទៀត តម្រូវអោយធ្វើចត្តាឡីស័កនៅផ្ទះកូនក្រមុំ ចំណែកអ្នកប៉ះពាល់ដោយប្រយោលប្រមាណ ៣៨នាក់ ត្រូវបានអាជ្ញាធរស្រុកឈូក ប្រាប់ឲ្យចត្តាឡីស័កតាមផ្ទះរៀងៗខ្លួនផងដែរ៕ អត្ថបទ៖ អាន សារីម

តម្លៃផលិតផលសរុបរបស់រោងចក្រសហគ្រាសឆ្នាំ២០២០ មានទំហំទឹកប្រាក់ជាង៩,៦០០លានដុល្លារ

ភ្នំពេញ ៖ តម្លៃផលិតផលសរុបនៃរោងចក្រសហគ្រាសទាំងអស់នៅកម្ពុជា ឆ្នាំ ២០២០ មានទំហំទឹកប្រាក់ ជាង ៩ ៦០០ លានដុល្លារ អាមេរិក ក្នុងនោះ មានតម្លៃបរិមាណបម្រើទីផ្សារក្នុងស្រុក មានចំនួនជាង ៣ ២០០ លានដុល្លារ ខណៈដែលតម្លៃបរិមាណនៃទីផ្សារនាំចេញលើផលិតផលផ្នែកកម្មន្តសាលនេះ មានទំហំជាង ៦ ៣០០ លានដុល្លារអាមេរិក ។ឯកឧត្តម ហេង សុខគង់ អ្នកនាំពាក្យ និងជារដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ លើកឡើងថា បានថ្លែងប្រាប់ភ្នាក់ងារអ្នកយកព័ត៌មាន BTV នៅថ្ងៃទី ២៦ ខែ មីនា ឆ្នាំ ២០២១ នេះថា ឆ្នាំ ២០២០ តម្លៃផលិតផលបរិមាណសរុបថយចុះជាង ៣៥% ធៀបនឹងឆ្នាំ២០១៩។ សម្រាប់តម្លៃបរិមាណបម្រើទីផ្សារក្នុងស្រុក មានចំនួនជាង ៣ ២០០ លានដុល្លារ បានថយចុះជិត ១២ ភាគរយ និងតម្លៃបរិមាណនៃការនាំចេញ កម្ពុជាបាននាំចេញមានទំហំទឹកប្រាក់ជាង ៦ ៣០០ លានដុល្លារ បានថយចុះជាង ៤៣ ភាគរយ បើធៀបទៅរយៈពេលដូចគ្នាក្នុងឆ្នាំ ២០១៩ ។ឯកឧត្តម បន្តថា ជុំវិញតម្លៃបរិមាណដែលបានថមថយចុះនេះ, នៅឆ្នាំ២០២០ ពិភពលោកបានជួបនឹងវិបត្តិនៃការរីករាលជម្ងឺកូវីដ-១៩ ដែលមានប្រភពចេញពីប្រទេសចិន, ក្នុងនោះ ប្រទេសចិនបានផ្អាកការនាំវត្ថុធាតុដើម ព្រោះចិនជាទីផ្សារបម្រើផលិតផល និងវត្ថុធាតុដើមពិភពលោក ។ ដោយសារកម្ពុជា មានទំនាក់ទំនងល្អជាមួយប្រទេសចិន ក្នុងនោះ យើងក៏ទទួលបានការនាំចូលវត្ថុធាតុដើមមុនគេ សម្រាប់បម្រើទីផ្សារក្នុងស្រុក ដូច្នេះនៅក្នុងឆ្នាំ ២០២១ នេះ ឯកឧត្តម រំពឹងថា តម្លៃបរិមាណផលិតផលនឹងមានការកើនឡើង។ឯកឧត្តម ហេង សុខគង់ បានបញ្ជាក់ឲ្យដឹងថា នៅក្នុងឆ្នាំ ២០២០ ការអភិវឌ្ឍន៍វិស័យរោងចក្រ សហគ្រាស ក្នុងនោះរោងចក្រធុនធ្ងន់ដែលបានដំណើរការ មានចំនួន ១ ៨៦៤ រោងចក្រ បានកើនឡើងជាង ៧ ភាគរយ បើធៀបទៅឆ្នាំ ២០១៩, រោងចក្រកកើតថ្មីមានចំនួន ២៣៥ រោងចក្រ ថយចុះជាង ១២ ភាគរយ, រោងចក្របិទទ្វាមានចំនួន ១០១ រោងចក្រ កើនឡើងជាង ៥០ ភាគរយ និងរោងចក្រដែលបានផ្អាក និងព្យួរការងារក្រោមឥទ្ធិពលជំងឺកូវីដ ១៩ ទាំងក្នុងរយៈពេលខ្លី និងវែង មានចំនួន ៣៩២ រោងចក្រ បើធៀបទៅនឹងរយៈពេលដូចគ្នាក្នុងឆ្នាំ ២០១៩ ៕អត្ថបទ៖ សុន រ៉ឌី

ការនាំចូលរថយន្តថ្មីកើនឡើង ក្រោយរដ្ឋាភិបាលសម្រួលអាករពិសេសនាំចូលរថយន្ត

ភ្នំពេញ ៖ ការនាំចូលរថយន្តថ្មីការកើនឡើង បន្ទាប់ពីរាជរដ្ឋាភិបាល បានកែសម្រួលអាករពិសេសលើរថយន្ត ដែលអាចធ្វើឲ្យប្រជាជនមានលទ្ធភាពទិញប្រើប្រាស់កាន់តែច្រើន ។យោងតាមសហព័ន្ធយានយន្តកម្ពុជា តាមរយៈគោលនយោបាយរបស់រាជរដ្ឋាភិបាល ស្តីពីការកែសម្រួលអាករពិសេសលើរថយន្ត នឹងធ្វើឲ្យប្រជាជនកម្ពុជា កាន់តែមានលទ្ធភាព ក្នុងការរកទិញរថយន្តសម្រាប់ការប្រើប្រាស់ ជាពិសេសរថយន្តថ្មី។លោក ងន សាំង ប្រធានសហព័ន្ធយានយន្តកម្ពុជា បានឱ្យដឹងថា ជុំវិញការនាំចូលរថយន្ត, សម្រាប់កម្ពុជា នៅក្នុងរយៈពេលជិត៣ ខែ ដើមឆ្នាំ ២០២១ នេះ ការនាំចូលរថយន្តសរុបរួមមាន ៖ រថយន្តជជុះ និងរថយន្តថ្មី បើធៀបនឹងប្រទេសជិតខាង គឺមានអត្រានៃការធ្លាក់ចុះបន្តិចបន្តួច តែក្នុងនោះសម្រាប់នាំចូលរថយន្តថ្មី ចូលមកកាន់ទីផ្សារកម្ពុជា កើនឡើង។ជាក់ស្តែងការនាំចូលរថយន្តរបស់ក្រុមហ៊ុន RMA Cambodia នៅក្នុងរយៈពេលជិត ៣ខែ នេះ បើធៀបទៅនិងឆ្នាំ ២០២០ គឺមានអត្រាកើនឡើងប្រមាណជាប់ ២០% ។ លោក បន្តថា ការកើនឡើងនៃរថយន្តថ្មីនេះ គឺដោយសារការលក់រថយន្តថ្មីក្នុងពេលបច្ចុប្បន្ន មានតម្លៃប្រហាក់ប្រហែល នឹងតម្លៃរថយន្តជជុះ ដែលធ្វើឲ្យប្រជាពលរដ្ឋមានលទ្ធភាព និងភាគច្រើនងាកមកទិញរថយន្តថ្មីសម្រាប់ការប្រើប្រាស់ ។សហព័ន្ធយានយន្តកម្ពុជា បញ្ជាក់ថា បច្ចុប្បន្នការនាំរថយន្តថ្មី មានប្រមាណជា ២០% នៃការនាំចូលរថយន្តសរុប ហើយចំនួននៃការនាំចូលរថយន្តថ្មីនេះ នឹងមានអត្រាកើនឡើងជាបណ្តើៗ ផងដែរ ។ ចំណែកចំពោះទីផ្សារ នៅពេលខាងមុខ លោកសង្ឃឹមថា បន្ទាប់ពីវិបត្តិនៃជំងឺកូវីដ-១៩ ប្រសើរឡើងវិញ ចំនួនអ្នកប្រើប្រាស់រថយន្តក្នុងស្រុកកាន់តែមានច្រើន ក្នុងនោះ តម្រូវការទីផ្សារនាំចូល ក៏បានហក់ឡើងជាបន្តបន្ទាប់ផងដែរ ៕ អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

លោកជំទាវបណ្ឌិត ពេជ ចន្ទមុន្នី ក្រាបបង្គំអបអរសាទរ សម្តេចព្រះមហាក្សត្រី ព្រះវររាជមាតាជាតិខ្មែរ ដែលត្រូវបានថ្វាយ «ពានសមាជិកភាពជើងឯក» ពី OB-PS

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ត្រូវបានតែងតាំងជា ប្រធានថ្នាក់ជាតិនៃសហគមន៍ OB-PS ប្រចាំកម្ពុជា និងទទួលបាន “ពានសមាជិកភាពកិត្តិយសព្រះអង្គម្ចាស់ក្សត្រី បេណេឌិកតេ” ពីសហគមន៍ The Olave Baden-Powell Society

អ្នកស្លាប់ដោយសារការបាញ់ប្រហាររបស់អ៊ីស្រាអែល នៅហ្កាហ្សា លើស ១.០០០នាក់ហើយ តាំងពីមានបទឈប់បាញ់

សម្តេចព្រះមហាក្សត្រី ព្រះវររាជមាតាជាតិខ្មែរ នរោត្តម មុនិនាថ សីហនុ ត្រូវបានថ្វាយ “ពានសមាជិកភាពជើងឯក” ពីសហគមន៍ The Olave Baden-Powell Society (OB-PS)

ព្រះអង្គម្ចាស់ក្សត្រី Benedikte នៃព្រះរាជាណាចក្រដាណឺម៉ាក ផ្ញើព្រះរាជសារថ្វាយព្រះពរ សម្តេចព្រះមហាក្សត្រី ព្រះវររាជមាតាជាតិខ្មែរ ក្នុងឱកាសព្រះរាជពិធីចម្រើនព្រះជន្ម

អ្នកស្លាប់ដោយសាររញ្ជួយដី កើនឡើងដល់ ៧៨នាក់ ខណៈមនុស្ស ១,៥លាននាក់ រងប៉ះពាល់ នៅភាគខាងត្បូងហ្វីលីពីន

លោក Zelensky៖ «ទីក្រុងមូស្គូនឹងឆេះសន្ធោសន្ធៅ» ប្រសិនបើរុស្ស៊ីនៅតែបន្តការវាយប្រហារ

លោក Hegseth៖ អាមេរិកនឹងធ្វើការវាយប្រហារ និងបិទផ្លូវទឹកឡើងវិញ បើអ៊ីរ៉ង់មិនបំពេញការប្តេជ្ញាចិត្ត

ប្រធានាធិបតីអ៊ីរ៉ង់បង្ហាញមោទនភាព ក្នុងការមានកិច្ចព្រមព្រៀងជាប្រវត្តិសាស្ត្រ ជាមួយអាមេរិក

ស្វីសសាទរផែនការសន្តិភាពអាមេរិក-អ៊ីរ៉ង់ ខណៈត្រៀមខ្លួនធ្វើម្ចាស់ផ្ទះការចរចាដំបូង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សេដ្ឋកិច្ច និង កសិកម្ម

រដ្ឋប្រមូលចំណូលពន្ធដារ និងពន្ធគយ បាន១.៦ពាន់លានដុល្លារត្រីមាសទី១ ឆ្នាំ២០២១

ការបង់ពន្ធ ជាការចូលរួមចំណែកដល់ការអភិវឌ្ឍរបស់ប្រទេសជាតិ

សម្តេចតេជោ អំពាវនាវដល់គ្រឹះស្ថានហិរញ្ញវត្ថុ ផ្ដល់កម្ចីការប្រាក់ទាបបំផុត

ក្រសួងសេដ្ឋកិច្ច និងហិរញ្ញវត្ថុ កំណត់វិធាននៃការបង់ពន្ធប៉ាតង់តាមផលរបរ

កម្ពុជានាំទំនិញទៅសហរដ្ឋអាមេរិក បន្តកើនឡើង ទោះប្រឈមនឹងវិបត្តិកូវីដ១៩

ប្រតិបត្តិករផ្ដល់កម្ចីនៅកម្ពុជាសម្រេចផ្ដល់ការអនុគ្រោះបន្ថែមទៀតដល់អតិថិជនអំឡុងវិបត្តិកូវីដ១៩

ទំហំពាណិជ្ជកម្មសម្រាប់ឆ្នាំ២០២០ ថមថយបន្តិចបន្តួច បើធៀបទៅឆ្នាំ ២០១៩

ទីបំផុតអ្នកប៉ះពាល់បុរសផ្ទុកកូវីដ១៩ ក្នុងពិធីមង្គលការនៅស្រុកឈូកទាំង ១០នាក់ មិនឆ្លងជំងឺកូវីដ១៩ទេ

តម្លៃផលិតផលសរុបរបស់រោងចក្រសហគ្រាសឆ្នាំ២០២០ មានទំហំទឹកប្រាក់ជាង៩,៦០០លានដុល្លារ

ការនាំចូលរថយន្តថ្មីកើនឡើង ក្រោយរដ្ឋាភិបាលសម្រួលអាករពិសេសនាំចូលរថយន្ត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សេដ្ឋកិច្ច និង កសិកម្ម

រដ្ឋ​ប្រមូល​ចំណូល​ពន្ធដារ ​និង​ពន្ធគយ ​បាន​១.៦​ពាន់​លាន​ដុល្លារ​ត្រីមាស​ទី​១ ​ឆ្នាំ​២០២១

ការ​បង់ពន្ធ ​ជា​ការ​ចូល​រួមចំណែក​ដល់​ការអភិវឌ្ឍ​របស់​ប្រទេសជាតិ

សម្តេច​តេ​ជោ អំពាវនាវ​ដល់​គ្រឹះស្ថាន​ហិរញ្ញវត្ថុ ​ផ្ដល់​កម្ចី​ការប្រាក់​ទាប​បំផុត

ក្រសួង​សេដ្ឋកិច្ច ​និង​ហិរញ្ញវត្ថុ ​កំណត់​វិធាន​នៃ​ការ​បង់ពន្ធ​ប៉ាតង់​តាម​ផលរបរ

កម្ពុជា​នាំ​ទំនិញ​ទៅ​សហរដ្ឋអាមេរិក​ បន្ត​កើនឡើង​ ទោះ​ប្រឈម​នឹង​វិបត្តិ​កូ​វីដ​១៩

​ទំហំ​ពាណិជ្ជកម្ម​សម្រាប់​ឆ្នាំ២០២០ ថមថយ​បន្តិចបន្តួច បើធៀប​ទៅ​ឆ្នាំ ២០១៩

​ទីបំផុតអ្នកប៉ះពាល់បុរសផ្ទុកកូវីដ១៩ ក្នុងពិធីមង្គលការនៅស្រុកឈូកទាំង ១០នាក់ មិនឆ្លងជំងឺកូវីដ១៩ទេ

តម្លៃ​ផលិតផល​សរុប​របស់​រោង​ចក្រ​សហគ្រាស​ឆ្នាំ​២០២០ ​មាន​ទំហំ​ទឹកប្រាក់​ជាង​៩,៦០០​លាន​ដុល្លារ

ការ​នាំចូល​រថយន្ត​ថ្មី​កើនឡើង ​ក្រោយ​រដ្ឋាភិបាល​សម្រួល​អាករ​ពិសេស​នាំចូល​រថយន្ត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រដ្ឋប្រមូលចំណូលពន្ធដារ និងពន្ធគយ បាន១.៦ពាន់លានដុល្លារត្រីមាសទី១ ឆ្នាំ២០២១

ការបង់ពន្ធ ជាការចូលរួមចំណែកដល់ការអភិវឌ្ឍរបស់ប្រទេសជាតិ

សម្តេចតេជោ អំពាវនាវដល់គ្រឹះស្ថានហិរញ្ញវត្ថុ ផ្ដល់កម្ចីការប្រាក់ទាបបំផុត

ក្រសួងសេដ្ឋកិច្ច និងហិរញ្ញវត្ថុ កំណត់វិធាននៃការបង់ពន្ធប៉ាតង់តាមផលរបរ

កម្ពុជានាំទំនិញទៅសហរដ្ឋអាមេរិក បន្តកើនឡើង ទោះប្រឈមនឹងវិបត្តិកូវីដ១៩

ទំហំពាណិជ្ជកម្មសម្រាប់ឆ្នាំ២០២០ ថមថយបន្តិចបន្តួច បើធៀបទៅឆ្នាំ ២០១៩

ទីបំផុតអ្នកប៉ះពាល់បុរសផ្ទុកកូវីដ១៩ ក្នុងពិធីមង្គលការនៅស្រុកឈូកទាំង ១០នាក់ មិនឆ្លងជំងឺកូវីដ១៩ទេ

តម្លៃផលិតផលសរុបរបស់រោងចក្រសហគ្រាសឆ្នាំ២០២០ មានទំហំទឹកប្រាក់ជាង៩,៦០០លានដុល្លារ

ការនាំចូលរថយន្តថ្មីកើនឡើង ក្រោយរដ្ឋាភិបាលសម្រួលអាករពិសេសនាំចូលរថយន្ត