BTV NEWS

ក្រុមការងារអន្តរក្រសួង (ត្រី-វិស័យ) អញ្ជើញចុះជួបសហគមន៍មូលដ្ឋាន សម្រាប់អនុវត្តអន្តរាគមន៍អន្តរវិស័យកសិកម្ម-ទឹក-ជនបទ

ឯកឧត្តម ស៊ុន ចាន់ថុល អញ្ជើញបើកកម្មវិធីផ្សព្វផ្សាយនិងបណ្តុះបណ្តាលអំពី នីតិវិធីនៃការចុះបញ្ជីគម្រោងវិនិយោគតាមប្រព័ន្ធគ្រប់គ្រងគម្រោងវិនិយោគកម្ពុជា cdcIPM និងការប្រើប្រាស់ហត្ថលេខា និងត្រាអេឡិចត្រូនិក (e-Signature & e-Stamp)

រយៈពេល៧ខែ, កម្ពុជានាំចេញទំនិញទៅសហរដ្ឋអាមេរិក មានទឹកប្រាក់ជិត ៧ពាន់លានដុល្លារ

ក្នុងរយៈពេល ៧ខែ, CDC អនុម័តគម្រោងវិនិយោគបានចំនួន ៤៤០គម្រោង មានទុន ៦,៧ ប៊ីលានដុល្លារ

សេដ្ឋកិច្ច និង កសិកម្ម

ភ្ញៀវទេសចរអន្តរជាតិរង់ចាំដើរលេងកម្សាន្តនៅភ្នំពេញ ថ្ងៃព្រះរាជពិធីបុណ្យអុំទូក

ភ្នំពេញ៖ នៅក្នុងអំឡុងពេលនេះ សំគាល់ឃើញថា នៅរាជធានីភ្នំពេញ គឺចាប់ផ្តើមមានភ្ញៀវទេសចរអន្តរជាតិ មកទស្សនាហាក់មានកំណើនឡើងជាបន្តបន្ទាប់ ហើយការដើរកម្សាន្តទាំងភ្ញៀវកញ្ចប់ទេសចរ និងភ្ញៀវរាយនោះ ភាគច្រើន គឺចង់ដើរកម្សាន្តទស្សនាព្រះរាជពិធីបុណ្យអុំទូក បណ្តែតប្រទីព អកអំបុក និងសំពះព្រះខែ ដែលនឹងប្រព្រឹត្តិទៅនៅថ្ងៃទី២៦ ដល់ថ្ងៃទី២៨ ខែវិច្ឆិកានេះ។ភ្ញៀវទេសចរអន្តរជាតិ មកពីប៉ែកខាងអឺរ៉ុប និងសហរដ្ឋអាមេរិច បានថ្លែងប្រាប់ BTV នៅថ្ងៃទី១០ ខែវិច្ឆិកានេះថា ពួកគេមកទស្សនាកម្ពុជា ក្នុងអំឡុងពេលនេះ គឺចង់មកស្នាក់នៅយូរ ចង់ទស្សនាអង្គរវត្ត នៅខេត្តសៀមរាប និងចង់ទស្សនាព្រះរាជពិធីបុណ្យអុំទូក បណ្តែតប្រទីព អកអំបុក និងសំពះព្រះខែ ដែលកម្ពុជាតែងតែប្រារព្ធរៀងរាល់ឆ្នាំ និងមានមនុស្សម្នាអញ្ជើញចូលទស្សនាច្រើន ហើយពួកគេពិតជាមានចំណាប់អារម្មណ៍ក្នុងការចូលរួមទស្សនា ខណៈព្រឹត្តិការណ៍ដ៏ធំរបស់កម្ពុជាមួយនេះ ពួកគេមិនធ្លាប់បានឃើញផ្ទាល់ពីមុនមកនោះទេ។ឯកឧត្តម តុប សុភ័ក រដ្ឋលេខាធិការ និងជាអ្នកនាំពាក្យក្រសួងទេសចរណ៍ បានថ្លែងថា ប្រទេសកម្ពុជា ចាប់ផ្តើមមានកំណើនទេសចរអន្តរជាតិ ចាប់ពីខែតុលា រហូតដល់ដំណាច់ឆ្នាំ២០២៣នេះ ហើយភ្ញៀវទេសចរអន្តរជាតិ ដែលមកទស្សនាក្នុងអំឡុងពេលនេះ គឺជាភ្ញៀវដែលបានរៀបចំផែនការ និងបានកក់ទិញកញ្ចប់ទេសចរមកទស្សនាកម្ពុជា តាំងពីយូរមកហើយ និងកក់ទិញរងចាំមកទស្សនាព្រឹត្តិការណ៍បុណ្យអុំទូកផងដែរ។ឯកឧត្តមបញ្ជាក់ថា នៅចន្លោះពេល៣ទៅ៤ខែចុងឆ្នាំនេះ កំណើនទេសចរអន្តរជាតិ មកទស្សនារាជធានីភ្នំពេញ គឺបាននិងកំពុងត្រឡប់មករកភាពដូចដើមវិញហើយ។ ខណៈតាមការរំពឹងទុករបស់ក្រសួងទេសចរណ៍ នៅក្នុងឆ្នាំ២០២៣ កម្ពុជា នឹងទទួលបានភ្ញៀវទេសចរអន្តរជាតិមកទស្សនាក្នុងចន្លោះប្រមាណពី៤លាន៥សែននាក់ទៅ៥លាននាក់៕រូបអត្ថបទ ស៊ុម សុខជា

តម្លៃប្រេងអាចធ្លាក់ចុះប្រចាំសប្តាហ៍ទីបី ខណៈមានក្ដីបារម្ភកាន់តែខ្លាំងអំពីជម្លោះនៅមជ្ឈិមបូព៌ា

តម្លៃប្រេងត្រូវបានប្រែប្រួលតិចតួចនៅថ្ងៃសុក្រនេះ បន្ទាប់ពីការហក់ឡើងនៅក្នុងការជួញដូរកន្លងទៅ ប៉ុន្តែត្រូវបានកំណត់ថានឹងធ្លាក់ចុះសម្រាប់សប្តាហ៍ទី ៣ ដោយសារការព្រួយបារម្ភនៃការរំខានដល់ការផ្គត់ផ្គង់ ពីជម្លោះអ៊ីស្រាអែល និងក្រុមហាម៉ាស បានធ្វើឱ្យមានការព្រួយបារម្ភអំពីការបំពេញតម្រូវការរបស់ខ្លួនឡើងវិញ។ ភាគហ៊ុនប្រេងឆៅ ប្រេនធ៍ (Brent) របស់សហរដ្ឋអាមេរិក សម្រាប់ខែមករា បានធ្លាក់ចុះក្នុងតម្លៃ ៨០,០១ ដុល្លារអាមេរិក ក្នុងមួយបារ៉ែលគិតត្រឹមម៉ោង១:៥៧ ម៉ោងសកល (0157 GMT) ខណៈភាគហ៊ុនប្រេងឆៅរបស់ US West Texas Intermediate ឬ (WTI) សម្រាប់ខែធ្នូគឺនៅក្នុងតម្លៃ៧៥,៦៧ដុល្លារអាមេរិកក្នុងមួយបារ៉ែល ធ្លាក់ចុះ៧ សេន។ ភាគហ៊ុនរបស់ក្រុមហ៊ុន Brent បានធ្លាក់ចុះ ៥,៧ ភាគរយនៅសប្តាហ៍នេះ ខណៈក្រុមហ៊ុន WTI បានធ្លាក់ចុះ ៥,៩ % ចាប់តាំងពីសប្តាហ៍មុន។ ការធ្លាក់ចុះរយៈពេលបីសប្តាហ៍គឺជាការធ្លាក់ចុះប្រចាំសប្តាហ៍ដ៏យូរបំផុតសម្រាប់កិច្ចសន្យាទាំងពីរចាប់តាំងពីការធ្លាក់ចុះរយៈពេល ៤ សប្តាហ៍ចាប់ពីពាក់កណ្តាលខែមេសាដល់ដើមខែឧសភា។ ក្រុមហ៊ុនស្រាវជ្រាវទីផ្សារ និងសេដ្ឋកិច្ច ANZ Research បាននិយាយនៅក្នុងកំណត់ត្រាមួយនៅថ្ងៃសុក្រថានេះ ការគំរាមកំហែងដោយសារតែការរំខានដល់ខ្សែសង្វាក់ផ្គត់ផ្គង់ពីមជ្ឈិមបូព៌ានៅតែបន្ត ។ ការរំខានការផ្គត់ផ្គង់ផ្នែកសតិអារម្មណ៍ពីជម្លោះអ៊ីស្រាអែល និងក្រុមហាម៉ាស កំពុងកើតឡើង ខណៈ មានការព្រួយបារម្ភជុំវិញតម្រូវការ ជាពិសេសពីប្រទេសចិន ដែលជាប្រទេសនាំចូលប្រេងធំជាងគេរបស់ពិភពលោកកំពុងកើនឡើង៕

ចិនជំរុញឱ្យក្រុមប្រទេស G7 បញ្ឈប់ការញុះញង់ឱ្យមានការប្រឈមមុខដាក់គ្នា

ប្រទេសចិនបានសម្តែងការមិនពេញចិត្តយ៉ាងខ្លាំងចំពោះការអត្ថាធិប្បាយទាក់ទងនឹងប្រទេសចិន ដែលធ្វើឡើងដោយបណ្ដារដ្ឋមន្ត្រីការបរទេសនៃក្រុមប្រទេសទាំង៧ (G7) ហើយបានជំរុញឱ្យប្លុកនេះបញ្ឈប់ការញុះញង់ឱ្យមានការប្រឈមមុខដាក់គ្នា នេះបើយោងតាមស្ថានទូតចិននៅក្នុងប្រទេសជប៉ុន បាននិយាយនៅក្នុងសេចក្តីថ្លែងការណ៍មួយកាលពីថ្ងៃព្រហស្បតិ៍ (០៩ វិច្ឆិកា)។កិច្ចប្រជុំរដ្ឋមន្ត្រីការបរទេស G7 រយៈពេលពីរថ្ងៃ ដែលបានធ្វើឡើងនៅទីក្រុងតូក្យូ បានបញ្ចប់កាលពីថ្ងៃពុធ (០៨ វិច្ឆិកា) ហើយភាគច្រើនបានអំពាវនាវឱ្យមានការផ្អាកសង្រ្គាមសម្រាប់បុព្វហេតុមនុស្សធម៌នៅក្នុងជម្លោះអ៊ីស្រាអែល និងក្រុមហាម៉ាស ដើម្បីអនុញ្ញាតឱ្យមានជំនួយ និងជួយដោះលែងចំណាប់ថ្នូរ។នៅក្នុងសេចក្តីថ្លែងការណ៍រួមមួយ ក្រុមប្រទេស G7 ក៏បានជំរុញឱ្យចិន ដោះស្រាយគោលនយោបាយមិនទីផ្សាររបស់ខ្លួន មិនឲ្យជួយរុស្ស៊ីក្នុងសង្គ្រាមប្រឆាំងអ៊ុយក្រែន រក្សាសន្តិភាព និងស្ថិរភាពនៅទូទាំងច្រកសមុទ្រតៃវ៉ាន់ និងអនុញ្ញាតឱ្យមានស្វ័យភាពកម្រិតខ្ពស់សម្រាប់ទីក្រុងហុងកុង។ប្រទេសលោកខាងលិចមួយចំនួនក៏បានក្រើនរំលឹកជាប្រចាំដល់ទីក្រុងប៉េកាំង ឱ្យការពារគោលការណ៍ប្រជាធិបតេយ្យ សេរីភាព និងស្វ័យភាពរបស់ទីក្រុងហុងកុង ឱ្យកាន់តែប្រសើរឡើង ដែលពួកគេនិយាយថាស្វ័យភាពរបស់ទីក្រុងនេះបានចុះខ្សោយបន្ទាប់ពីការអនុវត្តច្បាប់សន្តិសុខជាតិរបស់ចិននៅឆ្នាំ២០២០ មក៕

ក្រុមហ៊ុន SpaceX បង្ហោះយានផ្គត់ផ្គង់ទៅកាន់ស្ថានីយអវកាសអន្តរជាតិ

ក្រុមហ៊ុន SpaceX បានបង្ហោះយានអវកាស Dragon ទៅកាន់ស្ថានីយ៍អវកាសអន្តរជាតិ កាលពីថ្ងៃព្រហស្បតិ៍ ទី៩ ខែវិច្ឆិកា ដើម្បីដឹកជញ្ជូនគ្រឿងផ្គត់ផ្គង់ អាហារ បរិក្ខារ និងផ្នែកនៃប្រព័ន្ធបញ្ជូនបន្ត ទំនាក់ទំនងឡាស៊ែរ។អង្គភាពបេសកកម្មសេវាកម្មផ្គត់ផ្គង់ឡើងវិញពាណិជ្ជកម្មលើកទី ២៩ របស់ក្រុមហ៊ុន បានហោះចេញពីមជ្ឈមណ្ឌលអវកាស Kennedy របស់អង្គការ NASA ក្នុងរដ្ឋ Florida ។យោងតាមអង្គការ NASA បានឲ្យដឹងថា បេសកកម្មនេះ នឹងផ្តល់ការពិសោធន៍រលកបរិយាកាស ដើម្បីសិក្សារលកទំនាញបរិយាកាស និងការបង្ហាញការបញ្ជូនបន្តទំនាក់ទំនងឡាស៊ែររួមបញ្ចូលគ្នារបស់អង្គការ NASA មានម៉ូដឹមអ្នកប្រើប្រាស់គន្លងផែនដីទាប និងស្ថានីយឧបករណ៍បន្ថែមកម្លាំង ក្នុងគោលបំណងសាកល្បងទំនាក់ទំនងឡាស៊ែរអត្រាទិន្នន័យខ្ពស់ពីស្ថានីយអវកាស មកផែនដី។ប្រព័ន្ធនេះ រួមជាមួយការបង្ហាញការបញ្ជូនបន្តទំនាក់ទំនងឡាស៊ែរ ត្រូវបានគេរំពឹងថានឹងមានប្រព័ន្ធបញ្ជូនបន្តទំនាក់ទំនងឡាស៊ែរ មានពីររបៀបដំបូងរបស់អង្គការ NASA ។នៅថ្ងៃសៅរ៍ ទី១១ ខែវិច្ឆិកា បេសកកម្ម SpaceX CRS-29 ត្រូវបានគេរំពឹងថានឹងចូលចតនៅស្ថានីយអវកាសអន្តរជាតិ។

ពូជសូ្រវស្បៃមង្គល នឹងបង្កើតទីផ្សារថ្មីមួយទៀត ដល់ការនាំចេញអង្ករកម្ពុជា

ភ្នំពេញ៖ ពូជសូ្រវស្បៃមង្គលដែលជាប្រភេទស្រូវដំណើប នឹងបង្កើតទីផ្សារថ្មីមួយទៀត ដល់ការនាំចេញអង្កររបស់កម្ពុជា សម្រាប់ការនាំចេញ ទៅកាន់ទីផ្សារប្រទេសចិន និងសហគមន៍អឺរ៉ុប ខណៈទីផ្សារទាំងនោះកំពុងមានតម្រូវការប្រភេទអង្ករនេះ។ឧកញ៉ា សុង សារ៉ន ប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា លើកឡើងក្នុងកិច្ចសម្ភាសជាមួយភ្នាក់ងារអ្នកយក ព័ត៌មាន BTV ស្តីពីទីផ្សារនាំចេញអង្ករដំណើបទៅកាន់ទីផ្សារចិន និងសហគមន៍អឺរ៉ុបថា ជុំវិញវិស័យស្រូវ-អង្ករកម្ពុជា, នៅក្នុងរយៈ ពេលប៉ុន្មានខែចុងក្រោយ ឆ្នាំ ២០២៣នេះ ការនាំចេញស្រូវអង្ករកម្ពុជាមានកំណើនគួរឲ្យកត់សម្គាល់ បច្ចុប្បន្នកម្ពុនូវតែត្រូវការបង្កើត ទីផ្សារថ្មីៗបន្ថែមទៀត ដើម្បីជំរុញការនាំចេញស្រូវ-អង្ករ ជាពិសេសការធ្វើពាណិជ្ជកម្មនាំចេញអង្ករឲ្យបានច្រើន ។ឧកញ៉ា បន្តថា ជុំវិញទីផ្សារនាំចេញអង្ករ ក្នុងនោះប្រភេទអង្ករដំណើប បច្ចុប្បន្នកំពុងមានតម្រូវការនៅលើទីផ្សារផងដែរដូចជា សហគមន៍អឺរ៉ុប ជាពិសេសទីផ្សារចិន ស្របពេលដែលកម្ពុជាបានផលិតនូវពូជស្រូវថ្មីមួយទៀតឈ្មោះថា ពូជសូ្រវស្បៃមង្គល ដែលជា ប្រភេទអង្ករដំណើប បច្ចុប្បន្នពូជនេះបានកំពុងដាំដុះនៅក្នុងស្រុក, ចំពោះបញ្ហានេះសូមឲ្យកសិករជំរុញដាំដុះពូជស្បៃមង្គលឲ្យបាន ច្រើន ដើម្បីផលិតជំរុញការនាំចេញ ខណៈដែលទីផ្សារចិន និងសហគមន៍អឺរ៉ុបកំពុងមានតម្រូវការ ។ ឧកញ៉ា បន្តទៀតថា ប្រសិន កសិករផលិតបានច្រើន វានឹងជួយជំរុញដល់ការនាំចេញកាន់តែច្រើន និងជាផ្នែកមួយនៃការចូលរួមអភិវឌ្ឍន៍វិស័យកសិកម្មនៅកម្ពុជា ស្របពេលរាជរដ្ឋាភិបាលបានយកចិត្តទុកដាក់យ៉ាងខ្លាំងនៅលើវិស័យនេះ។ពាក់ព័ន្ធពូជស្រូវ, ថ្មីៗនេះ ឯកឧត្តមបណ្ឌិត ងិន ឆាយ ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានកសិកម្ម បានលើកឡើងថា ជាយន្តការ, ក្រសួងកសិកម្ម រុក្ខាប្រមាញ់ និងនេសាទ បានផលិតពូជស្រូវរួមមាន៖ ពូជស្រូវផ្ការំដួល ជាពូជស្រូវប្រកាន់ រដូវ, ស្រូវសែនក្រអូប, IR ៦៦, ខា ១៥, បច្ចុប្បន្នបានបញ្ជូលប្រភេទពូជ OM ជាពូជមានតម្រូវការខ្ពស់ និងពូជទើបបញ្ចេញថ្មីមួយ ទៀត គឺពូជស្រូវកង្រីផងដែរ សម្រាប់ផ្គត់ផ្គង់ដល់ការដាំដុះរបស់កសិករ ដើម្បីដោះស្រាយបញ្ហាកង្វះស្បៀង និងជំរុញការនាំចេញ ជាដើម៕អត្ថបទ៖ សុន រ៉ាឌី

សិប្បកម្មវេចខ្ចប់ និងកែច្នៃចំណីអាហារកំពុងបង្កើនការផលិតរុញចូលទីផ្សារ

ភ្នំពេញ៖ ម្ចាស់សិប្បកម្មកែច្នៃ និងវេចខ្ចប់ចំណីអាហារក្នុងស្រុក កំពុងបង្កើនការផលិត កែច្នៃ និងវេចខ្ចប់ចំណីអាហារសម្រាប់រុញចូលទីផ្សារ ដោយគិតគូរដល់បញ្ហាសុវត្ថិភាព និងស្តង់ដារអនាម័យជាចម្បងដើម្បីធានាដល់ការហូបចុករបស់ប្រជាពលរដ្ឋ និងដើម្បីប្រកួតប្រជែង ផលិតផលលើទីផ្សារ។សិប្បករដែលជាអ្នកផលិត កែច្នៃ និងវេចខ្ចប់ចំណីអាហារក្នុងស្រុក បានលើកឡើងក្នុងកិច្ចសម្ភាសន៍ក្នុងពិរព័ណ៍ផលិតផល នៃសិក្ខាសាលាផ្សព្វផ្សាយ និងការចងក្រងសមាជិកចលនា ភូមិ១ផលិតផល១ នៅថ្ងៃទី៧ ខែវិច្ឆិកា ឆ្នាំ២០២៣ នេះថា ជុំវិញការកែច្នៃ និងវេចខ្ចប់នេះ បច្ចុប្បន្នសហគ្រាស និងសិប្បកម្មជាច្រើន បានកំពុងយកចិត្តទុកដាក់ក្នុងវេចខ្ចប់ ជាពិសេសការបង្កើនខ្សែច្រវ៉ាក់ផលិត កម្មរបស់ខ្លួន ឆ្លើយតបតាមតម្រូវការទីផ្សារ ខណៈដែលពួកគាត់ឃើញថា ប្រជាពលរដ្ឋខ្មែរបានងាកមកគាំទ្រផលិតផលក្នុងស្រុក។សិប្បករទាំងនោះលើកឡើងស្រដៀងគ្នាថា ពួកគាត់បានគិតគូរ និងយកចិត្តទុកដាក់យ៉ាង ខ្លាំង លើបញ្ហាសុវត្ថិភាពចំណីអាហារ និងស្តង់ដារគុណភាពអនាម័យ ជាពិសេស គឺផលិតផលចំណីអាហារនេះឯង ដើម្បីធានាដល់អ្នកហូបចុករបស់ប្រជាពលរដ្ឋ, និងជាកត្តាចាំបាច់សម្រាប់ការធ្វើអាជីវកម្ម ដើម្បីប្រកួតប្រជែងផលិតផលនៅលើទីផ្សារ។ឯកឧត្តមបណ្ឌិត សួង ណយ អគ្គលេខាធិការរងគណៈកម្មាធិការជាតិជំរុញចលនាភូមិ១ផលិតផល១ លើកឡើងថា បច្ចុប្បន្នគណៈកម្មាធិការជាតិបានខិតខំយកចិត្តទុកដាក់យ៉ាងខ្លាំង ក្នុងការផ្សព្វផ្សាយលើកកម្ពស់តាមរយៈការធ្វើពិរព័ណផលិតផលជាបន្តបន្ទាប់ និងការចង់ក្រងរវាងអ្នកលក់ និងអ្នកទិញ ដើម្បីផ្តល់នូវការទំនាក់ទំនងជំរុញការធ្វើពាណិជ្ជកម្មឲ្យកាន់តែងាយស្រួល។ សូមបញ្ជាក់ថា កម្ពុជាបានអនុម័តយកស្តង់ដារ មានចំនួនជាង ១ ពាន់ស្តង់ដាររួចហើយ បច្ចុប្បន្នក្រុមប្រឹក្សាស្តង់ដារជាតិ បានកំពុងជម្រុញបង្កើត នឹងអនុម័តយកស្តង់ដារថ្មីៗបន្ថែមទៀត សម្រាប់ជាមូលដ្ឋានបើកនូវរបាំងបច្ចេកទេស ដើម្បីលើកកម្ពស់ និងការប្រកួតប្រជែងក្នុងនោះស្តង់ដារផលិតផលផ្នែកម្ហូបអាហារ និងម្ហូបអាហារវេចខ្ចប់ជាមុនចំនួនជាប់ ៤០០ ស្តង់ដារបានកំពុងដាក់ឲ្យប្រើប្រាស់៕អត្ថបទ៖ សុន រ៉ាឌី

ក្រុមហ៊ុន WeWork របស់អាមេរិក ដាក់ពាក្យបណ្តឹងក្ស័យធន

ក្រុមហ៊ុន WeWork ដែលជាក្រុមហ៊ុនចាប់ផ្តើមការងាររួមគ្នា បានដាក់ពាក្យសុំការការពារការក្ស័យធននៅក្នុងតុលាការសហព័ន្ធរបស់សហរដ្ឋអាមេរិក។ សេចក្តីប្រកាសអំពីការក្ស័យធនជំពូកទី១១ បង្ហាញពីការធ្លាក់ចុះដ៏គួរឱ្យភ្ញាក់ផ្អើលសម្រាប់ការបណ្តាក់ទុនដែលគាំទ្រដោយក្រុមហ៊ុនបច្ចេកវិទ្យា SoftBank ដែលធ្លាប់បានទទួលជោគជ័យខ្ពស់ ដោយមានតម្លៃឯកជនប្រហែល ៤១ពាន់លានដុល្លារ នៅកម្រិតដ៏ខ្ពស់បំផុតរបស់ខ្លួន។លោក David Tolley នាយកប្រតិបត្តិរបស់ក្រុមហ៊ុន WeWork បាននិយាយនៅក្នុងសេចក្តីប្រកាសព័ត៌មានមួយថា «ឥឡូវនេះគឺជាពេលវេលាសម្រាប់ពួកយើងដើម្បីគិតគូរពីអនាគតដោយដោះស្រាយយ៉ាងហ្មត់ចត់ចំពោះការជួលទ្រព្យសម្បត្តិ និងធ្វើឱ្យតារាងតុល្យការប្រសើរឡើង។ យើងនៅតែប្តេជ្ញាចិត្តក្នុងការវិនិយោគលើផលិតផល សេវាកម្ម និងក្រុមបុគ្គលិកលំដាប់ពិភពលោក ដើម្បីគាំទ្រសហគមន៍របស់យើង»។ភាគហ៊ុនរបស់ក្រុមហ៊ុន WeWork បានធ្លាក់ចុះប្រហែល ៩៨% ក្នុងឆ្នាំ២០២៣ នេះ។ កាលពីខែឧសភា ក្រុមហ៊ុន WeWork បានប្រកាសពីការរង្គោះរង្គើភាពជាអ្នកដឹកនាំជាមួយនឹងការចាកចេញរបស់ប្រធាន និងនាយកប្រតិបត្តិរបស់ខ្លួន។ ស្របពេលជាមួយគ្នានោះ កាលពីខែសីហា ក្រុមហ៊ុននេះបាននិយាយថា ខ្លួនមាន «ការសង្ស័យច្រើន» អំពីសមត្ថភាពរបស់ខ្លួនក្នុងការបន្តអាជីវកម្មក្នុងឆ្នាំបន្ទាប់ ខណៈការខាតបង់ និងបំណុលនៅតែបន្តកើនឡើង៕

ក្រុមហ៊ុនផលិតសព្វាវុធបារាំង ចុះកិច្ចព្រមព្រៀងតម្លៃ ៣៨លានដុល្លារ ដើម្បីផ្គត់ផ្គង់ដល់យោធាអ៊ុយក្រែន

ក្រុមហ៊ុនមេរបស់ខ្លួនគឺ CYBERGUN Group បានប្រកាសកាលពីថ្ងៃទី៦ ខែវិច្ឆិកាថា ក្រុមហ៊ុនផលិតសព្វាវុធដ៏ចំណាស់ចាស់បំផុតរបស់បារាំង Verney-Carron (វែកណេការ៉ុង) បានចុះហត្ថលេខាលើកិច្ចសន្យាមានតម្លៃ ៣៦ លានអឺរ៉ូ (៣៨,៦ លានដុល្លារ) ដើម្បីផ្តល់អាវុធដល់អ៊ុយក្រែន។ក្រុមហ៊ុន Verney-Carron នឹងផ្គត់ផ្គង់កាំភ្លើងវាយប្រហារចំនួន ១០.០០០ដើម កាំភ្លើងបាញ់ស៊ីបចំនួន ២.០០០ដើម និងកំាភ្លើងផ្លោងចំនួន៤០០ដើម។សេចក្តីប្រកាសព័ត៌មានរបស់ក្រុមហ៊ុន បានឲ្យដឹងថា កិច្ចព្រមព្រៀងនេះ គឺ»ត្រូវផ្តល់ហិរញ្ញប្បទានចាំបាច់ដែលត្រូវបានដាក់ឲ្យដំណើរការ ដែលអាចត្រូវបានផ្តល់ដោយមូលនិធិអ៊ុយក្រែន និងបារាំង»។ក្រុមហ៊ុន ក៏ត្រូវទទួលបានការអនុញ្ញាតនាំចូល-នាំចេញ ពីអាជ្ញាធរបារាំងនិងអ៊ុយក្រែនរៀងៗខ្លួនផងដែរ។ដំណើរការដឹកជញ្ជូន នឹងត្រូវបានប្រើរយៈពេលជាង១០ខែ ដែលអនុញ្ញាតឲ្យក្រុមហ៊ុនកែសម្រួលដំណើរការផលិតរបស់ខ្លួន ដើម្បីផលិតបរិមាណ តាមការបញ្ជាទិញ។

វិនិយោគិនចិន បានថ្លែងនៅចំពោះមុខអ្នកជំនួញចិន និងមន្ត្រីនានាថា ខេត្តព្រះសីហនុ មានសុវត្ថិភាពល្អ

ព្រះសីហនុ៖ ថ្លែងក្នុងអំឡុងពេលអញ្ជើញជួបសំណេះសំណាលជាមួយកម្មករ និយោជិតជាងមួយម៉ឺនប្រាំពាន់នាក់នៅតំបន់សេដ្ឋកិច្ចពិសេស ខេមបូឌា ចេជាង ហ្គ័រជី អេសអ៊ីហ្សេត ស្ថិតក្នុងស្រុកព្រៃនប់ ខេត្តព្រះសីហនុ នាថ្ងៃទី៧ ខែវិច្ឆិកា ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានមានប្រសាសន៍លើកឡើងពីការបញ្ជាក់របស់ក្រុមវិនិយោគិនចិន ដែលមកបណ្ដាក់ទុននៅខេត្តព្រះសីហនុ ហើយ បានឡើងថ្លែងបញ្ជាក់នៅចំពោះមុខ អ្នកជំនួញធំៗរបស់ចិន និងមន្ត្រីចិននានា ក្នុងអំឡុងពេលដែល សម្ដេចមហាបវរធិបតីនាយករដ្ឋមន្ត្រី អញ្ជើញបំពេញទស្សនកិច្ចផ្លូវការនៅប្រទេសចិន កាលពីពេល ថ្មីៗកន្លងមកនេះ។សម្ដេចធិបតី ហ៊ុន ម៉ាណែត បន្ថែមថា ក្រុមអ្នកជំនួញចិន ដែលបានមកបណ្ដាក់ទុននៅកម្ពុជា បានបញ្ជាក់នៅចំពោះមុខវិនិយោគិនចិន និងមន្ត្រីចិនជាច្រើនច្បាស់ៗថា ខេត្តព្រះសីហនុរបស់កម្ពុជា មានសុខសុវត្ថិភាពល្អ មិនដូចភាពយន្តដែលគេបាននិពន្ធ ដើម្បីឱ្យល្អមើលនោះទេ។អំឡុងពេលជួបសំណេះសំណាលនៅថ្ងៃនេះដែរ សម្ដេចធិបតីនាយករដ្ឋមន្ត្រី ក៏បានអំពាវនាវដល់ពលរដ្ឋទាំងអស់ សូមបន្តរួមគ្នាការពារឆ្នាំងបាយពលរដ្ឋ និងរួមគ្នាការពារការរីកចម្រើននៅកម្ពុជា ដើម្បីកម្ពុជាទាំងអស់គ្នា។កត្តាចម្បងពីរដែលធ្វើឱ្យវិនិយោគិនបរទេសនានា ចង់ទៅបណ្ដាក់ទុន និងបង្កើនការវិនិយោគនៅប្រទេសមួយនោះគឺ សុខសន្តិភាព ស្ថិរភាពនយោបាយ និងគោលនយោបាយអភិវឌ្ឍន៍ត្រឹមត្រូវល្អ៕ដោយ៖ គង់ ឌិន

សម្តេចធិបតី ហ៊ុន ម៉ាណែត ប្រកាសប្រែក្លាយកំពង់ផែព្រះសីហនុជាកន្លែងផ្ទេរទំនិញ

ព្រះសីហនុ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានប្រកាសដាក់ចេញមហិច្ឆតាប្រែក្លាយកំពង់ផែព្រះសីហនុ ជាកន្លែងផ្ទេរទំនិញរបស់កម្ពុជា ខណៈកំពង់ផែទឹកជ្រៅជំហាន១ នឹងចាប់ផ្ដើមបុកគ្រឹះសាងសង់នាមុនបំណាច់ឆ្នាំ ២០២៣នេះ ដើម្បីពង្រីកសមត្ថភាពទទួល កប៉ាល់ដឹក ទំនិញ និងកាត់បន្ថយតម្លៃដឹកជញ្ជូន។សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ថ្លែងក្នុងពិធីសំណេះសំណាលជាមួយកម្មករ-និយោជិត ក្នុងតំបន់សេដ្ឋកិច្ចពិសេស ខេមបូឌា ចេជាង ហ្គ័រជី អេសអ៊ីហ្សេត ស្ថិតក្នុងស្រុកព្រៃនប់ ខេត្តព្រះសីហនុ នាព្រឹកថ្ងៃទី៧ វិច្ឆិកា ២០២៣នេះ ដោយបានថ្លែងសាទរ និងរីករាយ ចំពោះការចាប់ផ្តើមដំណើរការការដ្ឋានសាងសង់កំពង់ផែទឹកជ្រៅខេត្តព្រះសីហនុ ដំណាក់កាលទី១ មុនដាច់ឆ្នាំ២០២៣។សម្តេចធិបតី ហ៊ុន ម៉ាណែត ថ្លែងប្រកាសដាក់ចេញមហិច្ឆតាប្រែក្លាយកំពង់ផែព្រះសីហនុ ជាកន្លែងផ្ទេរទំនិញ។ សម្តេចថ្លែងថា រាជរដ្ឋាភិបាលកំពុងដាក់ចេញផែនការមេ អភិវឌ្ឍន៍ខេត្តព្រះសីហនុ និងខេត្តជាប់សមុទ្រ ដោយមិនយកខេត្តជាប់សមុទ្រដទៃ មកប្រកួតប្រជែងជាមួយខេត្តព្រះសីហនុនោះឡើយ។សម្តេចនាយករដ្ឋមន្រ្ដីក៏ប្រកាសប្រគល់ភារកិច្ចជូនឧបនាយករដ្ឋមន្ត្រី ស៊ុន ចាន់ថុល គិតគូរពីការអភិវឌ្ឍផែនៅខេត្តជាប់សមុទ្រផងដែរ។សូមជម្រាបថា រាជរដ្ឋាភិបាលកម្ពុជាបានកំណត់ផែនការយុទ្ធសាស្រ្ដប្រែក្លាយខេត្តព្រះសីហនុ ទៅជាប៉ូលសេដ្ឋកិច្ចដែលមានសក្តានុពលដ៏សំខាន់ក្នុងការជំរុញកំណើនសេដ្ឋកិច្ចកម្ពុជា ដោយសារខេត្តនេះមានកំពង់ផែសមុទ្រទឹកជ្រៅអាកាសយានដ្ឋានអន្តរជាតិ ស្ថានីយរាជាយស្ម័យយាន តំបន់សេដ្ឋកិច្ចពិសេស និងឆ្នេរសមុទ្រដ៏ស្រស់ស្អាត ស្ថិតនៅប៉ែកនិរតីនៃប្រទេសកម្ពុជា។ ជាក់ស្ដែងបរិមាណទំនិញឆ្លងកាត់នៅឆ្នាំ ២០២២ មានចំនួនប្រមាណ ៧ លានតោន កើនឡើង ០,១៨% និងចំណូលសរុបមានចំនួនប្រមាណ ៣៤៤ ប៊ីលានរៀល (ប្រមាណ ៨៤ លានដុល្លារ អាមេរិក) កើនឡើង ០,៤១% បើធៀបនឹងឆ្នាំ២០២១។ កំពង់ផែស្វយ័តក្រុងព្រះសីហនុទទួលបានកំណើនបរិមាណកុងតឺន័រឆ្លងកាត់ជាមធ្យម ១០,៥៥% ក្នុងរយៈពេល ៥ ឆ្នាំ ចុងក្រោយនេះ (២០១៨-២០២២) ជាពិសេសនៅឆ្នាំ ២០២១ បរិមាណកុងតឺន័រកើន ១៤,១១%៕ អត្ថបទ៖វ៉ន ដារ៉ា

បណ្ដាញសង្គម

ព័ត៌មានថ្មីៗ

ឯកឧត្តម ហ៊ុន ម៉ានី អញ្ជើញជាអធិបតីបើកសិក្ខាសាលាស្ដីពីឌីជីថលលូបនីយកម្មក្នុងរដ្ឋបាលសាធារណៈ

អ្នកនាំពាក្យក្រសួងការពារជាតិ៖ ប្រជាពលរដ្ឋកម្ពុជាដែលប៉ះទង្គិចគ្នាជាមួយកងយោធាថៃនៅភូមិជោគជ័យ ឃុំអូរបីជាន់ គឺកើតចេញពីឆន្ទៈនៃការស្រលាញ់ទឹកដី និងទ្រព្យសម្បត្តិរបស់ពួកគាត់

លោកTrump គំរាមដំឡើងពន្ធថ្មី២០០%លើចិនជុំវិញមេដែកខណៈបង្ហើបពីដំណើរទស្សនកិច្ចទៅក្រុងប៉េកាំង

UN អំពាវនាវឱ្យបើកការស៊ើបអង្កេត បន្ទាប់ពីការវាយប្រហាររបស់អ៊ីស្រាអែល លើមន្ទីរពេទ្យហ្កាហ្សា

លោក Trump បង្ហើបថា «ការបញ្ចប់» នៃសង្រ្គាមនៅតំបន់ហ្កាហ្សា អាចកើតឡើងក្នុងពេល ៣សប្តាហ៍

លោក Trump បញ្ជាក់ជាថ្មីថា សហរដ្ឋអាមេរិក នឹងគាំទ្រសន្តិសុខរបស់អ៊ុយក្រែន ហើយសេចក្ដីលម្អិតកំពុងរៀបចំ

រដ្ឋាភិបាលបារាំង ប្រឈមនឹងការដួលរលំ ខណៈការបោះឆ្នោតផ្ដល់សេចក្ដីទុកចិត្ត កំណត់ធ្វើឡើងក្នុងខែកញ្ញា

[UPDATE] ព្យុះទីហ្វុង Kajiki បានឆក់យកជីវិតមនុស្ស៣នាក់នៅវៀតណាម ខណៈទឹកជំនន់ជន់លិចផ្លូវនៅទីក្រុងហាណូយ

កូរ៉េខាងជើង រិះគន់សមយុទ្ធរវាងអាមេរិក និងកូរ៉េខាងត្បូង ស្របពេលជំនួបលោក Trump-Lee នៅសេតវិមាន

ក្រុមហេសបូឡា បន្តបដិសេធមិនរំសាយអាវុធ ខណៈអ៊ីស្រាអែល ឱ្យសញ្ញាថាអាចដកទ័ពពីភាគខាងត្បូងលីបង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877