BTV NEWS

សម្ដេចតេជោ ហ៊ុន សែន អញ្ជើញជួបពិភាក្សាទ្វេភាគីជាមួយ ឯកឧត្តម លី ឈាង នាយករដ្ឋមន្ត្រីចិន

ប្រធានាធិបតីចិន ស៊ី ជីនពីង បានហៅសម្ដេចតេជោថាជាមិត្តចាស់ ខណៈទំនាក់ទំនងកម្ពុជា-ចិនមានភាពរឹងមាំដូចផ្ទាំងសិលា

សម្ដេចធិបតី ហ៊ុន ម៉ាណែត ដឹកនាំកិច្ចប្រជុំពេញអង្គគណៈរដ្ឋមន្ត្រី នៅវិមានសន្តិភាព ដើម្បីពិភាក្សា និងឆ្លងលើរបៀបវារៈមួយចំនួន

សម្ដេចតេជោ ហ៊ុន សែន អញ្ជើញចូលក្រាបថ្វាយបង្គុំគាល់ព្រះករុណាព្រះមហាក្សត្រ និងសម្តេចព្រះមហាក្សត្រី

ព័ត៌មានសំខាន់ៗ

[BREAKIGN NEWS] ប្រធានសភាថៃ ពន្យារពេលបោះឆ្នោតនាយករដ្ឋមន្ត្រីបន្ទាប់ដែលបានគ្រោងធ្វើឡើងនៅថ្ងៃព្រហស្បតិ៍នេះ

ប្រធានសភារបស់ប្រទេសថៃបានពន្យារពេលការបោះឆ្នោតជ្រើសរើសនាយករដ្ឋមន្ត្រីបន្ទាប់ ដោយសភាទាំងពីរ ជាការពង្រីកភាពជាប់គាំងខាងនយោបាយដែលបានកើតឡើងចាប់តាំងពីការបោះឆ្នោតសកលកាលពីថ្ងៃទី១៤ ខែឧសភា ។តុលការធម្មនុញ្ញថៃនឹងសម្រេចលើបណ្តឹងលោកភីថានៅថ្ងៃទី៣ ខែសីហា។ ប្រភពមួយបាននិយាយថា តុលាការធម្មនុញ្ញនឹងពិចារណានៅថ្ងៃព្រហស្បតិ៍សប្តាហ៍ក្រោយថាតើខ្លួននឹងទទួលយកសម្រាប់ការពិភាក្សាលើញត្តិទាក់ទងនឹងការតែងតាំងជាថ្មីនូវមេដឹកនាំគណបក្សឆ្ពោះទៅមុខ(Move Forward)(MFP) លោក ភីថា លីមចារើនរ៉ាត់ (Pita Limjaroenrat) ជានាយករដ្ឋមន្ត្រីឬយ៉ាងណា។ដំបូងឡើយ ការបោះឆ្នោតត្រូវបានគ្រោងនឹងប្រព្រឹត្តទៅនៅថ្ងៃព្រហស្បតិ៍ ទី២៧ កក្កដានេះ ប៉ុន្តែលោក វ៉ាន់ មូហាម៉ាដ ន័រ ម៉ាថា (Wan Muhamad Noor Matha ) បាននិយាយថា លោកកំពុងពន្យារពេលដោយគ្មានកំណត់ ដោយរង់ចាំសេចក្តីសម្រេចរបស់តុលាការធម្មនុញ្ញស្តីពីការបដិសេធការតែងតាំងជាថ្មីសម្រាប់បេក្ខភាពលោក Pita Limjaroenrat ដែលជាប្រធានគណបក្សឆ្ពោះទៅមុខ (MFP) ។ លោក Wan Noor បានប្រាប់អ្នកយកព័ត៌មាននៅឯសភាថា នឹងមិនមានកិច្ចប្រជុំនៅថ្ងៃទី ២៧ខែកក្កដានេះទេ ។ លោកខ្ញុំនឹងជូនដំណឹងនៅពេលកិច្ចប្រជុំបន្ទាប់នឹងត្រូវធ្វើឡើង។ ការបោះឆ្នោតដែលបានគ្រោងធ្វើនៅថ្ងៃព្រហស្បតិ៍នេះ គឺបន្ទាប់ពីសភាបានរារាំងលោក Pita ចំនួនពីរដង ដែលគណបក្សរបស់លោកទទួលបានអាសនៈច្រើនជាងគេក្នុងការបោះឆ្នោតក្នុងការកាន់តំណែងជានាយករដ្ឋមន្ត្រី។លោក Wan Noor បានពន្យារពេលសម័យប្រជុំ ដោយសារតែញត្តិទៅតុលាការធម្មនុញ្ញ ដើម្បីពិនិត្យឡើងវិញនូវសេចក្តីសម្រេចដែលបានរារាំងការតែងតាំងជាថ្មីរបស់លោក Pita ដែលអគ្គលេខាធិការសភា បានប្រាប់សមាជិកសភានៅក្នុងលិខិតមួយ ដូចដែលសារព័ត៌មាន Reuters បានរាយការណ៍។ លិខិតនោះបានបន្តថា៖ ដូច្នេះវាជាការសមស្របក្នុងការលុបចោលកិច្ចប្រជុំសភាលើកទីបីនៅថ្ងៃព្រហស្បតិ៍ទី ២៧ ខែកក្កដា ឆ្នាំ ២០២៣៕

សម្ដេចតេជោ ហ៊ុន សែន៖ នយោបាយជ្រុលនិយមចាំបាច់ត្រូវលុបបំបាត់ឱ្យអស់ពីកម្ពុជា

ភ្នំពេញ៖ ថ្លែងក្នុងសារពិសេសនៅរសៀលថ្ងៃទី២៦ ខែកក្កដា ឆ្នាំ២០២៣នេះ សម្តេចតេជោ ហ៊ុន សែន បញ្ជាក់ថា នយោបាយជ្រុលនិយមចាំបាច់ត្រូវលុបបំបាត់ឱ្យអស់ពីកម្ពុជា។ សម្ដេចតេជោ បញ្ជាក់ថា ក្រុមណាក៏ដោយដែលភ្ជាប់ខ្លួនជាមួយក្រុមជ្រុលនិយម ចាំបាច់ត្រូវកម្ចាត់ចោលមិនឱ្យមាននៅក្នុងប្រទេសកម្ពុជាទៀតទេ។

BREAKING NEWS សម្ដេចតេជោ ហ៊ុន សែន ប្រកាសថានឹងកាន់តួនាទីជាប្រធានព្រឹទ្ធសភា ជំនួសសម្ដេចវិបុលសេនាភក្ដី សាយ ឈុំ

ភ្នំពេញ៖ ថ្លែងក្នុងសារពិសេសនៅរសៀលថ្ងៃទី២៦ ខែកក្កដា ឆ្នាំ២០២៣នេះ សម្ដេចតេជោ ហ៊ុន សែន បានប្រកាសបញ្ជាក់ថា សម្ដេចនឹងកាន់តួនាទីជាប្រធានព្រឹទ្ធសភា ហើយនឹងជួយដល់ព្រះករុណា ព្រះមហាក្សត្រ ក្នុងពេលដែលព្រះអង្គអវត្តមានក្នុងឱកាសណាមួយ ដែលចំណុចនេះ គឺជាការរៀបចំឱ្យការដំណើរការទៅរបស់ប្រទេសកម្ពុជាជាប្រក្រតីភាព។សម្តេចតេជោ ហ៊ុន សែន បានបញ្ជាក់ថា ព្រឹកមិញនេះ ក្នុងពេលចូលគាល់ព្រះព្រះករុណា ព្រះមហាក្សត្រ ទ្រង់ទទួលយល់ព្រមតាមការស្នើសុំរបស់គណបក្សដែលទទួលបានសំឡេងឆ្នោតច្រើនជាងគេ ក្នុងការចេញព្រះរាជក្រឹត្យតែងតាំងឯកឧត្ដមបណ្ឌិត ហ៊ុន ម៉ាណែត ជានាយករដ្ឋមន្រ្ដី។ជាមួយគ្នានេះដែរ សម្តេចតេជោ ហ៊ុន សែន បានបញ្ជាក់ដែរថា សម្ដេចអគ្គមហាពញាចក្រី ហេង សំរិន, សម្ដេចក្រឡាហោម ស ខេង ,សម្ដេចកិត្តិសង្គហបណ្ឌិត ម៉ែន សំអន និងសម្ដេចពិជ័យសេនា ទៀ បាញ់ ក៏នឹងត្រូវចុះចេញពីតំណែង និងត្រូវតែងតាំងជាឧត្តមក្រុមប្រឹក្សាផ្ទាល់ព្រះមហាក្សត្រផងដែរ។សម្តេចតេជោ ហ៊ុន សែន បានប្រកាសអំពាវនាវដល់បងប្អូនជនរួមជាតិទាំងអស់ សូមកុំមានការបារម្ភចំពោះការចាកចេញពីតំណែងជានាយករដ្ឋមន្រ្ដីរបស់សម្ដេច។

សម្ដេចតេជោ ហ៊ុន សែន លើកពេលជួបកម្មករនិយោជិត ១០ គោលដៅទៀត ទៅក្រោយបង្កើតរាជរដ្ឋាភិបាលថ្មីរួចរាល់

ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្ដីនៃកម្ពុជា នៅព្រឹកថ្ងៃទី ២៦ ខែកក្កដា ឆ្នាំ ២០២៣នេះ បានផ្ញើសារសំឡេងពិសេសជូនកម្មករនិយោជិត ដោយប្រកាសលើកពេលជំនួបជាមួយកម្មករនិយោជិតចំនួន ១០ លើកទៀត ដែលធ្លាប់សន្យាថានឹងត្រូវជួបចាប់ពីថ្ងៃទី ២៧ ខែកក្កដា ឆ្នាំ២០២៣នេះ ទៅជួបនៅក្រោយការបង្កើតរដ្ឋាភិបាលថ្មីរួចរាល់វិញ។សម្ដេចតេជោ ហ៊ុន សែន បានមានប្រសាសន៍ថា កាលពីអំឡុងពេលជំនួបជាមួយកម្មករនិយោជិតនៅមុនពេលបោះឆ្នោតនីតិកាលទី៧ ឆ្នាំ ២០២៣នេះ សម្ដេចតេជោធ្លាប់បានសន្យាថានឹងជួបជាមួយកម្មករនិយោជិតចំនួន ១០ គោលដៅទៀតទាំងនៅរាជធានីភ្នំពេញ និងតាមបណ្ដាខេត្ត។ ប៉ុន្ដែដោយសារតែកត្តាពេលវេលា និងកត្តាទាក់ទងនឹងការរៀបចំរដ្ឋាភិបាលថ្មី ដូច្នេះទើបសម្ដេចត្រូវលើកពេលជំនួបជាមួយកម្មករនិយោជិតនាពេលនេះ។សម្ដេចតេជោ ក៏សូមអភ័យទោសចំពោះកម្មករកម្មករិនីទាំងអស់ ដែលមានការអាក់ខានមិនបានទៅសួរសុខទុក្ខតាមការសន្យា ប៉ុន្ដែត្រូវលើកពេលទៅជួប ក្រោយការបង្កើតរាជរដ្ឋាភិបាលថ្មី ដែលនឹងអាចមានលទ្ធភាពខ្ពស់បំផុតមាននាយករដ្ឋមន្ត្រីថ្មី ទៅសួរសុខទុក្ខ ជំនួសនាយករដ្ឋមន្ត្រីចាស់។សម្ដេចតេជោបានបញ្ជាក់ថា សម្ដេចនឹងបកស្រាយទាក់ទងនឹងការបង្កើតរាជរដ្ឋាភិបាលថ្មី ក៏ដូចជាការលើកពេលជំនួបជាមួយកម្មករនិយោជិតនេះបន្ថែមទៀតនៅថ្ងៃទី៣ ខែសីហា ខាងមុខនេះនាអំឡុងពេលសម្ពោធផ្លូវក្រវ៉ាត់ក្រុង៕ អត្ថបទ៖ វ៉ន ដារ៉ាសូមស្ដាប់ប្រសាសន៍សម្ដេចតេជោ ហ៊ុន សែន https://t.me/btvnewscambodia/106867

សម្ដេចតេជោ ហ៊ុន សែន អនុញ្ញាតឲ្យនាយករដ្ឋមន្ត្រីហ្គីណេប៊ីហ្សូវ ចូលជួបសំដែងការគួរសម

ភ្នំពេញ ៖សម្តេចតេជោ ហ៊ុន សែន នាយករដ្ឋមន្ត្រីកម្ពុជានៅល្ងាចថ្ងៃទី២៣កក្កដានេះ បាន អនុញ្ញាតឱ្យឯកឧត្តម នូណូ ហ្គោមណាប៊ីយ៉ាំ (Nuno Gomes Nabiam )នាយករដ្ឋមន្ត្រីហ្គីណេប៊ីហ្សូវ ចូលជួបសម្ដែងការគួរសម នៅវិមានសន្តិភាព ក្នុងឱកាសដែលឯកឧត្តមមានវត្តមានបានអញ្ជើញមកទស្សកិច្ចនិងសង្កេតការណ៍បោះឆ្នោតនៅកម្ពុជា។ឯកឧត្តម ស្រុី ថាមរ៉ុង្គ រដ្ឋមន្ត្រីប្រតិភូអមនាយករដ្ឋមន្ត្រី បាន ឱ្យដឹងថា សម្ដេចតេជោ ហ៊ុន សែន បានអរគុណចំពោះឯកឧត្តមនាយករដ្ឋមន្ត្រីហ្គីណេប៊ីហ្សូវ ដែលបានទទួលយកនូវការ អញ្ជើញរបស់សម្ដេច មកបំពេញទស្សនកិច្ចការងារនិង សង្កេតការណ៍បោះឆ្នោត នៅកម្ពុជា។ សម្ដេចតេជោនាយករដ្ឋមន្ត្រីក៏បានសន្យាថានឹងរៀបចំ ឱ្យមានគណៈប្រតិភូកសិកម្មមួយដើម្បីទៅសិក្សាស្វែងយល់នៅហ្គីណេប៊ីហ្សូវ ថាតើកម្ពុជា អាចជួយអ្វីបាន ចំពោះហ្គីណេប៊ីហ្សូវ ហើយ បើតាមគំនិតរបស់សម្ដេចគឺចង់រៀបចំប្រព័ន្ធមួយដែលមានប្រឡាយទឹក មានថ្នាលបណ្ដុះពូជ ស្រូវដែលផ្ដល់ទិន្នផលខ្ពស់ សម្រាប់ដំណាំស្រូវនិងដំណាំកសិកម្មដទៃទៀត។សម្ដេចថា ក្នុងឱកាសទស្សនកិច្ចរបស់ប្រធានាធិបតីហ្គីណេប៊ីហ្សូវនៅកម្ពុជានាពេលខាងមុខ សម្ដេចតេជោនាយករដ្ឋមន្ត្រីចង់ឲ្យមានកិច្ចព្រមព្រៀងលើឯកសារមួយចំនួន ជាពិសេសកិច្ចសហប្រតិបត្តិការក្នុងវិស័យកសិកម្មនិងវិស័យផ្សេងទៀត ជាពិសេសកិច្ចព្រមព្រៀងការពារវិនិយោគ កិច្ចព្រមព្រៀងលើក លែងទិដ្ឋាការ កិច្ចព្រមព្រៀង អនុគ្រោះផ្សេងទៀតដែលអាចធ្វើទៅបាន ជាពិសេស ការពិគ្រោះយោបល់លើផ្នែកនយោបាយរវាងប្រទេសទាំងពីរ ដើម្បីស្វែងយល់និងស្វែងរកវិស័យដែលមានសក្តានុពលដែលប្រទេសទាំងពីរអាច ប្រើប្រាស់ ដើម្បីជំរុញទំនាក់ទំនងនៃប្រទេសទាំងពីរ។សូមជម្រាបថា ក្នុងឱកាសសន្ទនារវាងសម្ដេចតេជោ និងឯកឧត្តម នាយករដ្ឋមន្ត្រីហ្គីណេប៊ីហ្សូវ ក្នុងការរៀបចំពិសាបាយក្នុងបរិយាកាសរីករាយផងដែរនោះ សម្តេចតេជោ ហ៊ុន សែន នាយករដ្ឋមន្ត្រី ក៏បានបង្ហើបឲ្យដឹងថានឹងមានការរៀបចំនាយករដ្ឋមន្ត្រីបន្តវេននៅក្រោយការបោះឆ្នោតនេះហើយឯកឧត្តមនាយករដ្ឋមន្ត្រីហ្គីណេប៊ីហ្សូវ ក៏បានសន្យាថានឹងធ្វើការជាមួយរដ្ឋាភិបាលថ្មី ដែលដឹកនាំដោយឯកឧត្តម បណ្ឌិត ហ៊ុន ម៉ាណែត ៕ ដោយ ៖ មុត សុទ្ធ

សម្តេចតេជោ ហ៊ុន សែន ៖ ចំនួនបណ្តោះអាសន្នមានអ្នកចូលរួមបោះឆ្នោតឆ្នាំ២០២៣ មាន៨៤,២១%

ភ្នំពេញ៖ សម្តេចតេជោ ហ៊ុន សែន បានប្រកាសមុននេះបន្តិចថា យោងតាមលទ្ធផលបឋម ដោយគណេៈកម្មាធិការ ជាតិរៀបចំការបោះឆ្នោតមានចូលរួមបោះឆ្នោតឆ្នាំ២០២៣នេះមាន ៨៤,២១% ដែលជា ចំនួនមួយដ៏ច្រើនជាង ការបោះឆ្នោតកន្លងមក។យោងតាមប្រសាសន៍សម្តេចតាមតេឡេក្រាម នៅល្ងាចថ្ងៃទី២៣ ខែកក្កដា ឆ្នាំ២០២៣នេះ សម្តេចបានប្រកាសថា ប្រជាពលរដ្ឋអ្នកបោះឆ្នោត មិនចាញ់តាមការអូសទាញ របស់ក្រុមប្រឆាំង នោះទេ ដោយពួកគាត់បានចេញទៅបោះឆ្នោតដោយភាពសប្បាយរីករាយ។សម្តេចតេជោ ហ៊ុន សែន បានបញ្ជាក់ថា ប្រជាពលរដ្ឋពិតជាចង់បានសេចក្តីសុខ ជាមួយនឹងដំបូលសុខសន្តិភាពដែលបាននឹងកំពុងមាន ហើយចង់ចាកចេញឆ្ងាញ ពីក្រុមជ្រុលនិយម ដែលពួកគេតែងតែបានបំផ្លាញ។សម្តេចបញ្ជាក់ថា «ពេលនេះបើប្រៀបធៀប ចំនួនប្រជាជនបានចេញទៅបោះឆ្នោត គឺមានចំនួនច្រើនលើសលប់ ដែលមានចំនួនច្រើន ជាងមានវត្តមានគណបក្សភ្លើងទៀនចូលរួមទៅទៀត...[]ឥលូវយើងកំពុងរង់ចាំមើល តើមានសន្លឹកឆ្នោត ត្រូវបានគេគូសខ្វែងប៉ុន្មានសន្លឹក ព្រោះក្រុម មេដឹកនាំជ្រុលនិយមបាននិយាយថា សន្លឹកឆ្នោត ណាដែលគូសខ្វែង គឺសន្លឹកឆ្នោតគាំទ្រពួកគេ»។សម្តេចតេជោ ហ៊ុន សែន មានប្រសាសន៍ថា «នៅក្នុងឆាណែលតេឡេក្រាម ឈ្មោះសប្បាយ តេឡេក្រាម យើងបានឃើញគេបោះគំរូសន្លឹកឆ្នោត ទៅក្រុមពួកគេនៅទីក្រុងប៉ារីសតែម្តង»។សម្តេចតេជោ ហ៊ុន សែន បញ្ជាក់ថា សម្តេច បានស្គាល់មុខអ្នកនៅក្នុងតេឡេក្រាមនោះអស់ហើយ ហើយសូមកុំមានភ័យខ្លាច ដោយអ្នកទាំងនោះ អាចចេញមកសារភាពជាមួយនឹងអាជ្ញាធរ ព្រោះចលនាបំផ្លាញសន្លឹកឆ្នោត គឺជាបទល្មើស ដែលត្រូវផ្តន្ទាទោស។សម្តេចបានអំពាវនាវដល់អ្នកទាំងនោះ សូមប្រញាប់ប្រញាល់ ចេញមកសារភាព ជាមួយអាជ្ញាធរ បើមិនដូច្នោះទេនឹងមានវិធានការតាមផ្លូវច្បាប់។សម្តេចតេជោ ហ៊ុន សែន បានប្រកាសអំពាវនាវដល់ ក្រុមជ្រុលនិយមទាំងឡាយ សូមមើលឱ្យបានច្បាស់ វិភាគឱ្យច្បាស់ នូវភាពចាស់ទុំខាងនយោបាយ របស់ប្រជាជនកម្ពុជា។សម្តេចបញ្ជាក់ថា ភាពខ្លាំងរបស់ប្រជាជនកម្ពុជា គឺមិនទុកឱ្យពួកបោកប្រាស់ ក្រុមបំផ្លាញ ដើម្បីបំផ្លាញ ប្រទេសជាតិនោះទេ៕

សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត បានអញ្ជើញបោះឆ្នោតរួចរាល់ហើយ

កណ្ដាល ៖ នៅព្រឹកថ្ងៃអាទិត្យ ៦កើត ទុតិយាសាឍ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៣ ខែកក្កដា ឆ្នាំ២០២៣ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជានិងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានអញ្ជើញបោះឆ្នោតជ្រើស តាំងតំណាងរាស្ត្រនីតិកាលទី៧ រួចរាល់ហើយ នៅការិល័យលេខ ១៦៩៧ ក្នុងសាលាករុកោសល្យវិក្រិត្យការ ក្រុងតាខ្មៅ ខេត្តកណ្តាល។ការបោះឆ្នោតជ្រើសតាំងអ្នកតំណាងរាស្ត្រអាណត្តិទី៧នេះ មានការិយាល័យ ២៣,៧៨៩ការិយាល័យ។ ពលរដ្ឋដែលមានសិទ្ធិទៅបោះឆ្នោតមានចំនួន ៩,៧១០,៦៥៥នាក់។ ការបោះឆ្នោតអាណត្តិទី៧ មានគណបក្សនយោបាយ ចូលរួមប្រកួតប្រជែងចំនួន១៨៕

សម្តេចពញាចក្រី ហេង សំរិន ជួបពិភាក្សាការងារជាមួយប្រធានរដ្ឋសភាប្រទេសម៉ាឡេស៊ី ដែលបានអញ្ជើញមកចូលរួមសង្កេតការណ៍ការបោះឆ្នោតនៅកម្ពុជា

សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា បានជួបពិភាក្សាការងារជាមួយ ឯកឧត្តម តាន់ ស្រ៊ី ដាតុ ចូហារី ប៊ីន អាប់ឌុល (Tan sri Dato Johari Bin Abdul) ប្រធានរដ្ឋសភាប្រទេសម៉ាឡេស៊ី នៅព្រឹកថ្ងៃទី២១ ខែកក្កដា ឆ្នាំ២០២៣ នៅសណ្ឋាគារសូហ្វីតែលផូគីត្រា ខណៈដែលឯកឧត្តមប្រធានរដ្ឋសភាដឹកនាំគណៈប្រតិភូមកចូលរួមសង្កេតការណ៍ការបោះឆ្នោតនៅកម្ពុជា។សម្តេចប្រធានរដ្ឋសភា និងឯកឧត្តម តាន់ ស្រ៊ី ដាតុ ចូហារី ប៊ីន អាប់ឌុល មានសេចក្តីសោមនស្សរីករាយ ដែលបានជួបគ្នានាឱកាសនេះ។ ឯកឧត្តមប្រធានរដ្ឋសភា បានចូលរួមអបអរសាទរជាមួយសម្តេចប្រធានរដ្ឋសភា នៅពេលបានឃើញកម្ពុជាមានការរីកចម្រើនយ៉ាងឆាប់រហ័ស។ឯកឧត្តម តាន់ ស្រ៊ី ដាតុ ចូហារី ប៊ីន អាប់ឌុល បានគូសបញ្ជាក់ថា ឯកឧត្តមបានអញ្ជើញមកកម្ពុជាកាលពីឆ្នាំ២០០០ ប៉ុន្តែបើប្រៀបធៀបពីពេលនោះមកពេលនេះ រាជធានីភ្នំពេញមានការប្រែមុខមាត់យ៉ាងឆាប់រហ័ស និងមានសោភ័ណភាពយ៉ាងស្រស់ស្អាតទៀតផង។ឯកឧត្តមប្រធានរដ្ឋសភា បានជម្រាប សម្តេចអគ្គមហាពញាចក្រី ហេង សំរិន ពីលទ្ធផលមួយចំនួនដែលឯកឧត្តមបានជួបពិភាក្សាការងារជាមួយ សម្តេចតេជោ ហ៊ុន សែន នៅមុននេះបន្តិច។ ឯកឧត្តមបានចូលរួមអបអរសាទរពីដំណើរការបោះឆ្នោតនៅកម្ពុជា និងបានលើកឡើងថា ការបោះឆ្នោតនេះ គឺដើម្បីថែរក្សាសុខសន្តិភាព និងបន្តការអភិវឌ្ឍរបស់ប្រទេសទៅមុខទៀត។សម្តេច ហេង សំរិន បានគូសបញ្ជាក់ថា វត្តមានរបស់ឯកឧត្តមប្រធាន នាពេលនេះ នឹងរួមចំណែកបន្ថែមទៀតក្នុងការពូនជ្រុំលើកកម្ពស់ទំនាក់ទំនងមិត្តភាព និងកិច្ចសហប្រតិបត្តិការដ៏ល្អរវាងប្រជាជាតិទាំងពីរដែលមានជាង៦០ឆ្នាំមកនេះ ឱ្យកាន់តែរឹងមាំខ្លាំងក្លាថែមទៀត។ ជាពិសេស ការចូលរួមរបស់ឯកឧត្តមប្រធានក្នុងការសង្កេតការណ៍បោះឆ្នោតជាតិ នីតិកាលទី៧ ដែលនឹងប្រព្រឹត្តិទៅនៅថ្ងៃទី២៣ ខែកក្កដា ឆ្នាំ២០២៣ ខាងមុខនេះ នឹងចូលរួមចំណែកធ្វើឱ្យព្រឹត្តិការណ៍ដ៏មានសារៈសំខាន់នេះ ទទួលបានជោគជ័យប្រកបដោយតម្លាភាព សេរី និងយុត្តិធម៌។សម្តេចបានមានប្រសាសន៍បន្តថា ដូចឯកឧត្តមប្រធានបានជ្រាបហើយថា នៅថ្ងៃទី២៣ ខែកក្កដា ខាងមុខនេះ កម្ពុជានឹងរៀបចំការបោះឆ្នោតសកលនៅទូទាំងប្រទេស សម្រាប់នីតិកាលទី៧ នៃរដ្ឋសភា។ បើគិតចាប់តាំងពីឆ្នាំ១៩៩៨មក កម្ពុជាបានរៀបចំការបោះឆ្នោតដោយខ្លួនឯង ប្រកបដោយជោគជ័យ និងមានលក្ខណៈសេរី និងយុត្តិធម៌ ដោយមានការចូលរួមសង្កេតការណ៍ពីប្រទេសជាមិត្ត និងអង្គការក្នុង និងក្រៅតំបន់ផងដែរ។ ការបោះឆ្នោតជ្រើសតាំងតំណាងរាស្រ្តនីតិកាលទី៧នេះ មានគណបក្សនយោបាយចំនួន១៨ បានចូលរួមប្រកួតប្រជែង។សម្តេចអគ្គមហាពញាចក្រី ហេង សំរិន បានវាយតំលៃខ្ពស់ចំពោះការខិតខំប្រឹងប្រែងរបស់រដ្ឋាភិបាលប្រទេសទាំងពីរ កម្ពុជា-ម៉ាឡេស៊ី ដែលបានបង្កើតកិច្ចព្រមព្រៀង និងអនុស្សរណៈនានាជាមួយគ្នា និងបានបង្កើតគណៈកម្មការចម្រុះ សម្រាប់កិច្ចសហប្រតិបត្តិការកម្ពុជា-ម៉ាឡេស៊ី សំដៅត្រួសត្រាយឱ្យមានយន្តការគាំទ្រគ្នាទៅវិញទៅមក។ រដ្ឋសភាកម្ពុជាពេញចិត្ត និងគាំទ្រកិច្ចសហប្រតិបត្តិការពហុវិស័យ ដែលស្ថាប័ននីតិប្រតិបត្តិ នៃប្រទេសទាំងពីរបានធ្វើរួមគ្នា លើវិស័យសេដ្ឋកិច្ច ពាណិជ្ជកម្ម វិនិយោគ ទេសចរណ៍ និងការអប់រំជាដើម។សម្តេចប្រធានរដ្ឋសភា បានមានប្រសាសន៍លើកឡើងបន្តថា ស្ថាប័ននីតិប្បញ្ញត្តិនៃប្រទេសទាំងពីរ ក៏បានធ្វើកិច្ចសហប្រតិបត្តិការជាមួយគ្នាយ៉ាងច្រើនក្នុងក្របខណ្ឌទ្វេភាគី និងពហុភាគី។ ក្រៅពីកិច្ចសហប្រតិបត្តិការក្នុងក្របខណ្ឌក្រុមមិត្តភាពរដ្ឋសភា ដើម្បីផ្លាស់ប្តូរបទពិសោធន៍ លើការងារនីតិកម្ម រដ្ឋសភាទាំងពីរក៏បានគាំទ្រគ្នាទៅវិញទៅមកលើវេទិកាអន្តរសភានានា ទាំងក្នុងតំបន់ និងសកលលោក មានជាអាទិ៍៖ អន្តរសភាអាស៊ាន(AIPA) និងសហភាពសភា(IPU) ជាដើម ៕

ឃាត់ខ្លួនអ្នកកាសែតម្នាក់ដែលក្លែងឈ្មោះបុគ្គលិកព័ត៌មានទូរទស្សន៍បាយ័ន ដើម្បីឆាតសុំថវិកាមន្ដ្រីតាមក្រសួងស្ថាប័ន

នគរបាលបានឃាត់ខ្លួនអ្នកកាសែតម្នាក់ ដែលក្លែងអត្តសញ្ញាណជាបុគ្គលិកស្ថានីយ៍ទូរទស្សន៍បាយ័ន ដើម្បីសុំ និងជម្រិតទារប្រាក់ពីថ្នាក់ដឹកនាំ តាមអង្គភាពស្ថាប័នរដ្ឋនានា។នគរបាលប្រឆាំងបទល្មើសបច្ចេកវិទ្យា នៃអគ្គស្នងការដ្ឋាននគរបាលជាតិបានឱ្យដឹងថា កាលពីថ្ងៃទី១៨ ខែកក្កដា ឆ្នាំ២០២៣ នាយកដ្ឋានប្រឆាំងបទល្មើសបច្ចេកវិទ្យាបានចុះអនុវត្តដីកាដោយឃាត់ខ្លួនជនសង្ស័យម្នាក់ឈ្មោះ មូល រតនៈ ភេទប្រុស អាយុ ៣០ឆ្នាំ នៅចំណុចភូមិសាស្ត្រ ភូមិត្រពាំងជើង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។ទាក់ទិននិងការឃាត់ខ្លួននេះ គឺតាំងពីដើមឆ្នាំ២០២១មក ជនសង្ស័យរូបនេះតែងតែយកអត្តសញ្ញាណបុគ្គលិកនៃអគ្គនាយកដ្ឋានវិទ្យុ និងទូរទស្សន៍បាយ័ន ដើម្បីយកទៅភ្ជាប់សារ Telegram និង WhatsApp និងតែងតែទាក់ទងទៅកាន់ថ្នាក់ដឹកនាំអង្គភាពចំណុះក្រសួងស្ថាប័ននានា ដើម្បីសុំប្រាក់ចុះបេសកកម្ម និងគំរាមកំហែង ថានឹងចុះព័ត៌មានអំពីអំពើអសកម្មនានា ដើម្បីជាថ្នូរ និងប្រាក់។ ទើបដល់ដើមឆ្នាំ២០២៣នេះ អគ្គនាយកដ្ឋានវិទ្យុ និងទូរទស្សន៍បាយ័ន បានដាក់ពាក្យបណ្ដឹងមកនាយកដ្ឋានប្រឆាំងបទល្មើសបច្ចេកវិទ្យា ប្ដឹងពីជនសង្ស័យបានប្រើប្រាស់អត្តសញ្ញាណរបស់បុគ្គលិកទូរទស្សន៍បាយ័ន ដើម្បីដើរសុំ និងទារប្រាក់ពីថ្នាក់ដឹកនាំ ដែលនាំឱ្យប៉ះពាល់ដល់កិត្តិយសស្ថានីយទូរទស្សន៍។នគរបាលបន្ថែមថា បន្ទាប់ពីធ្វើការស្រាវជ្រាវបានល្អិតល្អន់ នាយកដ្ឋានបានកំណត់មុខសញ្ញាជនសង្ស័យមួយរូប ឈ្មោះ មូល រតនៈ មានមុខរបរជានិពន្ធនាយកកាសែតសេនាធិបតី និងបន្ទាប់មកនាយកដ្ឋានក៏បានទទួលដីការបញ្ជាឱ្យចូលខ្លួនលេខ ២៨៣ អ.យ.ក ចុះថ្ងៃទី២០ ខែមិថុនា ឆ្នាំ២០២៣ របស់ឯកឧត្តម ច្រឹង ខ្មៅ ព្រះរាជអាជ្ញាអមសាលាដំបូងរាជដំបូងរាជធានីភ្នំពេញ នៅព្រឹកថ្ងៃទី១៨ ខែកក្កដានេះ កម្លាំងនាយកដ្ឋានបានសហការជាមួយអធិការដ្ឋាននគរបាលខណ្ឌសែនសុខ នៃស្នងការដ្ឋានរាជធានីភ្នំពេញ បានធ្វើការឃាត់ខ្លួនបុគ្គលរូបនេះ ដើម្បីបញ្ជូនទៅសាលាដំបូងរាជធានីភ្នំពេញដើម្បីចាត់ការតាមនីតិវិធី៕

សម្តេចតេជោ ហ៊ុន សែន និងឯកអគ្គរដ្ឋទូតបារាំងអញ្ជើញសម្ពោធវិមានរំលឹកដល់អ្នក ទទួលអនិច្ចកម្មក្នុងសង្គ្រាមលោកលើកទី១

ភ្នំពេញ៖ សម្តេច តេជោ ហ៊ុន សែន នាយករដ្ឋមន្ត្រី និងឯកអគ្គរដ្ឋទូតបារាំងប្រចាំកម្ពុជា លោក ហ្សាក់ ប៉ឺ ឡេ (J a cqu e s Pellet ) នៅព្រឹកថ្ងៃទី១៤ ខែកក្កដា ឆ្នាំ២០២៣នេះ បានអញ្ជើញសម្ពោធ វិមាន រំលឹកដល់អ្នកទទួលអនិច្ចកម្មក្នុងសង្គ្រាមលោកលើកទី១ ពីឆ្នាំ១៩១៤ ដល់ឆ្នាំ១៩១៨។វិមានរំលឹកដល់អ្នកទទួលអនិច្ចកម្មក្នុងសង្គ្រាមលោកលើកទី១ ស្ថិតនៅចំណុចប្រសព្វ នៃមហាវិថីព្រះមុនីវង្ស វិថីប្រទេសបារាំង និងរង្វង់ មូលកាំភ្លើងកួចកាណុង សង្កាត់ស្រះចក ខណ្ឌដូនពេញ រាជធានីភ្នំពេញ។ វិមានខាងលើនេះ ត្រូវបានសាងសង់ និងសម្ពោធដាក់ឱ្យប្រើប្រាស់នៅថ្ងៃទី០១ ខែមីនា ឆ្នាំ១៩២៥ ដើម្បីជាការរំលឹកអនុស្សាវរីយ៍ទាហានខ្មែរ និងបារាំង ដែល បាន ពលី ជីវិត នៅក្នុងសង្គ្រាមលោកលើកទី១ និងអនុស្សាវរីយ៍នៃការតស៊ូ រួម គ្នា រវាង ទាហានខ្មែរ និងបារាំង ក្នុងការដណ្តើមយកជ័យជម្នះលើប្រទេសអាល្លឺ ម៉ង់ ដោយមានការយាងចូលរួមពីព្រះករុណាព្រះបាទស៊ីសុវត្ថិ, ព្រះអង្គម្ចាស់ មុនីវង្ស លោក Martial Merlin ទេសាភិបាលបារាំងប្រចាំឥណ្ឌូចិន និង លោក François Baudoin រេស៊ីដង់ជាន់ខ្ពស់បារាំងប្រចាំកម្ពុជា។ នៅឆ្នាំ១៩៧៥ វិមានរំលឹកដល់អ្នកដែលទទួលអនិច្ចកម្មក្នុងសង្គ្រាម លោក លើក ទី១ ត្រូវបានខ្មែរក្រហមដាក់គ្រាប់បែកបំផ្ទុះរូបសំណាកធ្វើឱ្យបែកបាក់ នៅសល់តែបំណែកតិចតួចខ្លះដូចជាក្បាលដំរី តោ នាគ និងតួកណ្តឹង ដែល ត្រូវ បានយកទៅរក្សាទុកនៅសារមន្ទីរជាតិភ្នំពេញ។វិមានរំលឹកដល់អ្នកដែលទទួលអនិច្ចកម្មក្នុងសង្គ្រាមលោកលើកទី១ ត្រូវបាន អនុញ្ញាត ឱ្យស្ថាបនាឡើងវិញ តាមសេចក្តីសម្រេចដ៏ខ្ពង់ខ្ពស់របស់ សម្តេច តេ ជោ ហ៊ុន សែន នាយករដ្ឋមន្ត្រីកម្ពុជា តាមសំណើរបស់ឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និង បាន ប្រកាស ជាឱឡារិកក្នុងសន្និសីទសារព័ត៌មានរួមជាមួយលោក អេម៉ានូអែល ម៉ាក្រុង (Emmanuel Macron) ប្រធានាធិបតីបារាំង នៅវិមានអេលីហ្សេ នាឱកាសនៃដំណើរទស្សនកិច្ចផ្លូវការនាទីក្រុងប៉ារីស ថ្ងៃទី១៣ ខែធ្នូ ឆ្នាំ ២០២២។វិមានត្រូវបានសាងសង់ឡើងវិញ ដោយលោកបណ្ឌិតស្ថាបត្យករ លី រស្មី រដ្ឋ លេ ខាធិការ ក្រសួង រៀប ចំដែនដី នគរូបនីយកម្ម និងសំណង់ ដោយសហការ អនុវត្ត ជា មួយក្រសួងវប្ប ធម៌ និងវិចិត្រសិល្បៈ និងរដ្ឋបាលរាជធានីភ្នំពេញ។ វិមាននេះ ត្រូវបានសាងសង់ដោយរក្សាតាមលំនាំដើមរបស់ លោក Paul Ducuing។ លោកបណ្ឌិតស្ថាបត្យករ លី រស្មី បានឱ្យដឹងថា វិមានរំលឹកដល់អ្នក ដែល ទទួល អនិច្ចកម្មក្នុងសង្គ្រាមលោកលើកទី១ គឺជាស្ថា បត្យ កម្មសហរចនាបថ ដោយរួម បញ្ចូលនូវផ្នត់គំនិត ស្ថាបត្យកម្ម បុរាណ ខ្មែរ ជា ច្រើនសម័យកាល តាំងពីសម័យ អង្គរដល់សម័យក្រោយអង្គរ។ ចំណុច ពិសេស បំផុតនោះគឺ វិមាននេះមាន ទស្សនៈ មួយ ភាគធំដូចគ្នាទៅនឹង ប្រាសាទ នាគព័ន្ធ ដែលមាននាគ ដំរី និងតោ សុទ្ធតែនៅជ្រុងអនុទិសដូចគ្នា។លោកបណ្ឌិតស្ថាបត្យករ លី រស្មី បានគូសរំលេចផងដែរថាការសាងសង់វិមាន នេះឡើងវិញ ឈរលើគុណតម្លៃចំនួនពីរ។ ទីមួយជាការរំលឹកដល់វីរភាព ដ៏ហាន ក្លារបស់យុទ្ធជនខ្មែរ និងបារាំងដែលបានពលីជីវិតក្នុងសង្គ្រាមលោកលើកទី១ ឈ្មោះរបស់ បុគ្គលដ៏គួរឱ្យគោរពទាំងអស់នោះ ត្រូវបានចារឹកលើផ្ទាំងថ្ម ដ៏រឹង មាំ ស្ថិតស្ថេរអស់កាលជាយូរអង្វែងតរៀងទៅ។និងមួយទៀត ជាការបន្តប្រពៃណីទំនៀមទម្លាប់របស់ខ្មែរផង ជាការ យកចិត្តទុក ដាក់ របស់រដ្ឋាភិបាលបារាំង និងព្រះរាជាខ្មែរផង ដើម្បីធ្វើឱ្យ ក្រុម គ្រួ សា រ យុទ្ធ ជន ដែលបានពលីជីវិតក្នុងសង្គ្រាមមានភាពកក់ក្ដៅក្នុងចិត្ត ហើយ ក៏ជា ការរៀបចំឱ្យ សម នឹងស្នាដៃកិត្តិយសរបស់វីរជនទាំងអស់នោះផងដែរ។វិមាននេះមានកម្ពស់សរុប ១២,៣០ ម៉ែត្រ ក្នុងនោះខឿនកម្ពស់ ១,៧០ម៉ែត្រ, ជើងកោសកម្ពស់ ៣,២០ម៉ែត្រ, តួកណ្តឹងធ្វើពីស្ពាន់កម្ពស់ ៤,៦០ម៉ែត្រ និងរូបបដិមាទាហានខ្មែរ និងបារាំង កម្ពស់ ២,៨០ម៉ែត្រ៕

បណ្ដាញសង្គម

ព័ត៌មានថ្មីៗ

អ៊ីតាលីច្រានចោលការលើកឡើងរបស់ប្រមុខណាតូដែលថា ខ្លួនចូលរួមសង្គ្រាមរបស់អាមេរិកប្រឆាំងនឹង អ៊ីរ៉ង់

អាកាសយានដ្ឋានអន្ដរជាតិសៀមរាបអង្គរ បើកដំណើរការជើងហោះហើរថ្មីដំបូងរបស់ក្រុមហ៊ុនអាកាសចរណ៍ខេមបូឌា អ៊ែរ

អូស្ត្រាលីពិចារណាអនុវត្តច្បាប់កាន់តែតឹងរ៉ឹង លើបម្រាមបណ្ដាញសង្គម សម្រាប់ក្មេងជំទង់

ក្រសួងការពារជាតិ៖ កូរ៉េខាងត្បូងនឹងបណ្តុះបណ្ដាលអ្នកចម្បាំងយានដ្រូន ៥០០.០០០នាក់ ដើម្បីទប់កូរ៉េខាងជើង

ក្រុមអ្នកជំនាញជួយសង្រ្គោះមកពីឈីលី ធ្វើដំណោះរទៅដល់វេណេស៊ុយអេឡា ក្រោយការរញ្ជួយដ៏ខ្លាំងក្លា ២លើក

អគ្គនាយកស៊ីម៉ាក់៖គ្រាប់បែកទម្លាក់ពីយន្ដហោះ MK-84 របស់ទាហានសៀមរកឃើញនៅលើទឹកដីកម្ពុជា សុទ្ធតែមានកំណត់ត្រា ទីតាំង អត្តសញ្ញាណច្បាស់លាស់

អ៊ីរ៉ង់មិនធានាសុវត្ថិភាពដល់នាវានៅច្រកសមុទ្រហ័រមូស នៅខាងក្រៅផ្លូវដែលបានកំណត់ទេ

អ្នកការទូតជាន់ខ្ពស់អាមេរិក៖ ការលក់អាវុធឲ្យកោះតៃវ៉ាន់ មិនអាស្រ័យលើប្រទេសចិនទេ

លោក Xi ជួបជាមួយនាយករដ្ឋមន្ត្រីបង់ក្លាដែស ដោយសន្យាធ្វើឲ្យទំនាក់ទំនងកាន់តែស៊ីជម្រៅ

អង្គការឃ្លាំមើលរបស់UN៖ ការប្រើប្រាស់គ្រឿងញៀននៅជុំវិញពិភពលោក កំពុងកើនឡើងគួរឲ្យព្រួយបារម្ភ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

[BREAKIGN NEWS] ប្រធានសភាថៃ ពន្យារពេលបោះឆ្នោតនាយករដ្ឋមន្ត្រីបន្ទាប់ដែលបានគ្រោងធ្វើឡើងនៅថ្ងៃព្រហស្បតិ៍នេះ

សម្ដេចតេជោ ហ៊ុន សែន៖ នយោបាយជ្រុលនិយមចាំបាច់ត្រូវលុបបំបាត់ឱ្យអស់ពីកម្ពុជា

BREAKING NEWS សម្ដេចតេជោ ហ៊ុន សែន ប្រកាសថានឹងកាន់តួនាទីជាប្រធានព្រឹទ្ធសភា ជំនួសសម្ដេចវិបុលសេនាភក្ដី សាយ ឈុំ

សម្ដេចតេជោ ហ៊ុន សែន លើកពេលជួបកម្មករនិយោជិត ១០ គោលដៅទៀត ទៅក្រោយបង្កើតរាជរដ្ឋាភិបាលថ្មីរួចរាល់

សម្ដេចតេជោ ហ៊ុន សែន អនុញ្ញាតឲ្យនាយករដ្ឋមន្ត្រីហ្គីណេប៊ីហ្សូវ ចូលជួបសំដែងការគួរសម

សម្តេចតេជោ ហ៊ុន សែន ៖ ចំនួនបណ្តោះអាសន្នមានអ្នកចូលរួមបោះឆ្នោតឆ្នាំ២០២៣ មាន៨៤,២១%

សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត បានអញ្ជើញបោះឆ្នោតរួចរាល់ហើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

[BREAKIGN NEWS] ប្រធានសភាថៃ ពន្យារពេលបោះឆ្នោតនាយករដ្ឋមន្ត្រីបន្ទាប់​ដែលបានគ្រោង​ធ្វើឡើងនៅថ្ងៃព្រហស្បតិ៍នេះ

សម្ដេចតេជោ ហ៊ុន សែន៖ នយោបាយជ្រុលនិយមចាំបាច់ត្រូវលុប​បំបាត់ឱ្យ​អស់ពីកម្ពុជា

BREAKING NEWS សម្ដេចតេជោ ហ៊ុន សែន ប្រកាសថានឹងកាន់តួនាទីជាប្រធានព្រឹទ្ធសភា ជំនួសសម្ដេចវិបុលសេនាភក្ដី សាយ ឈុំ

សម្ដេចតេជោ ហ៊ុន សែន លើកពេលជួបកម្មករនិយោជិត ១០ គោលដៅទៀត ទៅក្រោយ​បង្កើតរាជរដ្ឋាភិបាលថ្មីរួចរាល់

សម្ដេចតេជោ ហ៊ុន សែន អនុញ្ញាតឲ្យនាយករដ្ឋមន្ត្រីហ្គីណេប៊ីហ្សូវ ចូលជួបសំដែងការគួរសម

សម្តេចតេជោ ហ៊ុន សែន ៖ ចំនួនបណ្តោះអាសន្នមានអ្នកចូលរួមបោះឆ្នោតឆ្នាំ២០២៣ មាន៨៤,២១%

សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត បានអញ្ជើញបោះឆ្នោតរួចរាល់ហើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

[BREAKIGN NEWS] ប្រធានសភាថៃ ពន្យារពេលបោះឆ្នោតនាយករដ្ឋមន្ត្រីបន្ទាប់ដែលបានគ្រោងធ្វើឡើងនៅថ្ងៃព្រហស្បតិ៍នេះ

សម្ដេចតេជោ ហ៊ុន សែន៖ នយោបាយជ្រុលនិយមចាំបាច់ត្រូវលុបបំបាត់ឱ្យអស់ពីកម្ពុជា

សម្ដេចតេជោ ហ៊ុន សែន លើកពេលជួបកម្មករនិយោជិត ១០ គោលដៅទៀត ទៅក្រោយបង្កើតរាជរដ្ឋាភិបាលថ្មីរួចរាល់