BTV NEWS

ផ្ទះទេវតាទី៣៣៥ មួយខ្នងទៀត ដោយមានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវត្រូវបានលោកជំទាវ ហ៊ុន ម៉ាណា ប្រគល់ជូនលោកយាយចាស់ជរានៅខេត្តតាកែវ

ព្រះករុណាព្រះមហាក្សត្រ និងសម្ដេចព្រះមហាក្សត្រីនឹងយាងនិវត្តន៍មកកាន់មាតុប្រទេសវិញក្នុងពេលឆាប់ៗក្រោយព្រះរាជសុខភាពមានភាពប្រសើរឡើងវិញ

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

ព័ត៌មានសំខាន់ៗ

ចិនទាត់ចោលទ្រឹស្ដីលេចធ្លាយចេញពីមន្ទីរពិសោធន៍នៃប្រភពដើមវីរុស COVID-19 របស់របាយការណ៍អាមេរិក

ចិន៖ ប្រទេសចិនកាលពីថ្ងៃចន្ទបានទាត់ចោលរបាយការណ៍ថ្មីមួយ របស់សហរដ្ឋអាមេរិកដែលអះអាងថា វីរុស Covid-19 អាចលេចធ្លាយចេញពីមន្ទីរពិសោធន៍វេជ្ជសាស្ត្រមួយនៅក្នុងទីក្រុងអ៊ូហាន(Wuhan) ដោយនិយាយថា ការតាមដានប្រភពដើមនានានៃជំងឺរាតត្បាតសកលគឺអាស្រ័យលើវិទ្យាសាស្ត្រ ហើយគួរតែមិនត្រូវបានក្លាយជារឿងនយោបាយទេ។ អ្នកនាំពាក្យក្រសួងការបរទេសចិនលោកស្រី Mao Ning បាននិយាយថា ក្រុមអ្នកវិភាគអន្តរជាតិនានាបានចាត់ទុកទ្រឹស្ដីដែលថា វីរុសរាតត្បាតនេះអាចលេចចេញពីមន្ទីរពិសោធន៍របស់ចិនថា ជារឿងមិនសមហេតុផល។ លោកស្រីនិយាយថា វាគឺជាការសន្និដ្ឋានប្រកបដោយការជឿជាក់ផ្អែកលើវិទ្យាសាស្ត្រ ដែលសម្រេចបានដោយក្រុមអ្នកជំនាញនៃបេសកកម្មរួមគ្នា របស់អង្គការសុខភាពពិភពលោក និងចិន បន្ទាប់ពីការធ្វើដំណើរទៅមន្ទីរពិសោធន៍នៅទីក្រុង Wuhan និងការទំនាក់ទំនងស៊ីជម្រៅជាមួយក្រុមអ្នកស្រាវជ្រាវ។ ការអត្ថាធិប្បាយរបស់លោកស្រី Mao កើតឡើងជាការឆ្លើយតបទៅនឹងការវិនិច្ឆ័យចុងក្រោយបំផុត របស់ក្រសួងថាមពលសហរដ្ឋអាមេរិកដែលថា វីរុសកូរ៉ូណាទំនងជាលេចចេញពីមន្ទីរពិសោធន៍វេជ្ជសាស្ត្រនៅក្នុងទីក្រុងWuhan។ សារព័ត៌មាន CNN បានរាយការណ៍កាលពីថ្ងៃអាទិត្យថា ក្រសួងថាមពលសហរដ្ឋអាមេរិកបានវាយតម្លៃនៅក្នុងរបាយការណ៍ស៊ើបអង្កេតថា ខ្លួនមានការជឿជាក់កម្រិតទាបថា វីរុស Covid-19 នេះបានគេចចេញមន្ទីរពិសោធន៍នៅក្នុងទីក្រុង Wuhan ដោយចៃដន្យ។ ឯកអគ្គរដ្ឋទូតអាមេរិកប្រចាំក្នុងប្រទេសចិនកាលពីថ្ងៃចន្ទបាននិយាយថា ទីក្រុងប៉េកាំងត្រូវតែស្មោះត្រង់អំពីប្រភពដើមនៃជំងឺដ៏កាចសាហាវនេះ៕អត្ថបទ៖ សុខមាន

អង់គ្លេស និងអឺរ៉ុបសម្រេចបានកិច្ចព្រមព្រៀងក្រោយ Brexit ទាក់ទងនឹងពាណិជ្ជកម្មនៅអៀរឡង់ខាងជើង

អង់គ្លេស៖ កាលពីថ្ងៃចន្ទចក្រភពអង់គ្លេស និងសហភាពអឺរ៉ុបបានប្រកាសដំណាក់កាលថ្មីក្នុងទំនាក់ទំនង ក្រោយភាពតានតឹងជុំវិញការបញ្ចប់សមាជិកភាពពីសហភាពអឺរ៉ុប ឬ Brexit ខណៈពួកគេបានឯកភាពលើការអនុវត្តន៍ច្បាប់ពាណិជ្ជកម្មនៅអៀរឡង់ខាងជើង។ លោកនាយករដ្ឋមន្ត្រី Rishi Sunak និងប្រធានគណៈកម្មការអឺរ៉ុបលោកស្រី Ursula von der Leyen បានចុះកិច្ចព្រមព្រៀងនេះនៅកិច្ចប្រជុំមួយក្នុងទីក្រុង Windsor ភាគខាងលិចទីក្រុងឡុងដ៍។ កិច្ចព្រមព្រៀងនេះមានឡើងរយៈពេលជាង ១ឆ្នាំនៃការជជែកគ្នាដ៏តានតឹងជុំវិញពិធីសារអៀរឡង់ខាងជើង ដែលពុំបានដោះស្រាយរយៈពេល ២៥ឆ្នាំមកហើយសម្រាប់ដែនដីនេះ ពីកិច្ចព្រមព្រៀងសន្តិភាពជាប្រវត្តិសាស្ត្រដែលបានបញ្ចប់ទៅកាលពី ៣ទសវត្សរ៍កន្លងទៅដោយជម្លោះប្រដាប់អាវុធ។ កិច្ចព្រមព្រៀងនៅក្នុងឆ្នាំ២០២០ ជាផ្នែកមួយនៃការចាកចេញរបស់ចក្រភពអង់គ្លេសពីសហភាពអឺរ៉ុប ជាសន្ធិសញ្ញាដំបូងដែលបានរក្សាខេត្តនេះឲ្យស្ថិតនៅក្នុងទីផ្សារតែមួយរបស់អឺរ៉ុបសម្រាប់ទំនិញរូបវន្ត និងស្ថិតនៅក្រោមច្បាប់គយខុសពីដែនដីដទៃទៀតនៃចក្រភពអង់គ្លេស ដែលធ្វើឱ្យមានការខឹងសម្បារចំពោះសហជីពគាំទ្រចក្រភពអង់គ្លេសនៅទីនោះ និងអ្នកដែលប្រឆាំងអឺរ៉ុបនៅទីក្រុងឡុងដ៍។ លោក Sunak បាននិយាយនៅក្នុងសន្និសីទសារព័ត៌មានរួមគ្នាជាមួយលោកស្រី von der Leyen ដែលបានសាទរកិច្ចព្រមព្រៀងថ្មីនេះថាជាក្របខ័ណ្ឌ Windsor ថា នេះគឺជាការចាប់ផ្ដើមនៃដំណាក់កាលថ្មីក្នុងទំនាក់ទំនងរបស់យើង៕អត្ថបទ៖ សុខមាន

ប្រសាសន៍សំខាន់ៗសម្ដេចតេជោ ហ៊ុន សែន ក្នុងពិធីអបអរសាទរទិវាជាតិទីក្រុងស្អាតលើកទី១១ ឆ្នាំ២០២៣ អមជាមួយពិធីប្រគល់ជ័យលាភីទីក្រុងស្អាតលើកទី៣

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី នៅរសៀលថ្ងៃទី២៧ ខែកុម្ភៈ ឆ្នាំ២០២៣នេះ បានអញ្ជើញជាអធិបតីភាព ក្នុងពិធីប្រារព្ធទិវាជាតិទីក្រុងស្អាតលើកទី១១ ឆ្នាំ២០២៣ ក្រោមប្រធានបទ " ទីក្រុងស្អាត បដិសណ្ឋារកិច្ច ល្អម្ចាស់ផ្ទះកម្ពុជាមកដល់ភាពកក់ក្ដៅ" និងពិធីប្រកាសជ័យលាភីទីក្រុងស្អាតលើកទី៣ នៅសណ្ឋាគារសុខាភ្នំពេញ។ខាងក្រោមនេះជាប្រសាសន៍សំខាន់ៗសម្ដេចតេជោ ហ៊ុន សែន៖ - សម្ដេចតេជោ ហ៊ុន សែន មានប្រសាសន៍ថា វិស័យទេសចរណ៍នៅតែជាចន្ទល់ដ៏សំខាន់មួយ នៅក្នុងការជួយទ្រទ្រង់ដល់សេដ្ឋកិច្ចកម្ពុជា ខណៈដែលនៅឆ្នាំ២០២៣ កំណើនសេដ្ឋកិច្ចកម្ពុជា អាចកើនក្នុងរង្វង់ ៥,៦ ភាគរយ។- សម្ដេចតេជោ ហ៊ុន សែន មានប្រសាសន៍ថា នៅឆ្នាំ២០២២ កម្ពុជាបានសម្រេចជោគជ័យ នៅក្នុងការរៀបចំកិច្ចប្រជុំ កំពូលអាស៊ាន ដោយប្រមុខដឹកនាំ និងប្រតិភូ អញ្ជើញចូលរួមប្រកបដោយសុខសុវត្ថិភាព ដោយមិនមានមេដឹកនាំប្រទេសណាមួយមកប្រជុំនៅកម្ពុជាឆ្លងជំងឺកូវីដ-១៩នោះទេ។- សម្តេចតេជោ ហ៊ុន សែន បានបញ្ជាក់ថា នៅ២០២៣នេះ ក៏ជាឆ្នាំដែលកម្ពុជាមានមោទកភាពខ្លាំង ដែលកម្ពុជាទទួលធ្វើជាម្ចាស់ផ្ទះរៀបចំស៊ីហ្គេម និងអាស៊ានប៉ារ៉ាហ្គេម។- សម្តេចតេជោ ហ៊ុន សែន ប្រកាសថា ចាប់ពីឆ្នាំ២០០០ ដល់បច្ចប្បន្ន ដែលមានរយៈពេល ២៣ ឆ្នាំ កម្ពុជាមិនមានរកឃើញករណីជំងឺចុះក្អួត។- សម្ដេចតេជោ ហ៊ុន សែនប្រកាសថា ក្នុងរយៈពេល ៤៤ អ្នកដែលនៅក្នុងរដ្ឋាភិបាល មិនដាច់រយៈសោះ គឺមានតែសម្ដេចតែមួយគត់។ ប្រការនេះ បានធ្វើឱ្យសម្ដេចចងចាំនូវព្រឹត្តិការណ៍ជាច្រើន។- សម្ដេចតេជោ ហ៊ុន សែន ជំរុញឱ្យប្រើប្រាស់នូវលទ្ធភាព នៃទេសចរណ៍របស់យើង ដើម្បីបង្កើតគំនិត នៃការនាំចេញនៅនឹងកន្លែង ដោយចាត់ទុកទុកកសិករ ជាទីផ្សាររបស់យើង។ សម្ដេចតេជោ ហ៊ុន សែនជំរុញឱ្យខិតខំជួយដល់កសិករ ឱ្យមានលទ្ធភាពកាន់តែច្រើនបន្ថែមទៀត ដើម្បីផ្គត់ផ្គង់ទីផ្សារក្នុងស្រុក។- សម្តេចតេជោ ហ៊ុន សែន ប្រកាសថា សណ្ឋាគារនីមួយៗ គួរក្លាយជាទីផ្សាររបស់ប្រជាកសិករ ដោយសម្តេចតេជោ ហ៊ុន សែន បញ្ជាក់ថា ចរន្តនៃទេសចរបច្ចុប្បន្ន ចាប់ផ្ដើមមានកំណើនគួរឱ្យកត់សម្គាល់។- សម្ដេចតេជោ ហ៊ុន សែន បានជំរុញឱ្យសម្រួលឱ្យបាននូវគ្រប់ទិដ្ឋភាព ដើម្បីទេសចរមកទស្សនាហើយ ចង់មកទៀត ហើយថែមទាំងនាំមិត្តភក្ដិ និងក្រុមគ្រួសារមកទស្សនាកម្ពុជាថែមទៀត ដោយមិនចាំបាច់មានតម្រូវការផ្សព្វផ្សាយតាមប្រព័ន្ធផ្សព្វផ្សាយបរទេសដូចជា. CNN BBC...[] នាំអស់លុយច្រើននោះទេ។- សម្ដេចតេជោ ហ៊ុន សែន បានប្រកាសដោយភាពសប្បាយរីករាយថា ទេសចរផ្ទៃក្នុងកម្ពុជាដែលដើរកម្សាន្តនៅថ្ងៃសៅរ៍ និងអាទិត្យ រៀងរាល់សប្ដាហ៍ មិនក្រោមសាមសិបម៉ឺននាក់នោះទេ ខណៈដែលទេសចរណ៍បរទេស ក៏កំពុងមានវត្តមាននៅកម្ពុជា និងចូលមកជាបន្តបន្ទាប់។- សម្តេចតេជោ ហ៊ុន សែន ប្រកាសទទួលយកកូនៗ ចៅៗ ដែលតែងវាយប្រហារ ធ្វើបាតុកម្ម ប្រឆាំងរាជរដ្ឋាភិបាល ដែលពេលនេះកូនៗចៅៗទាំងនោះ បានចូលរួមជីវភាពជាមួយគណបក្សប្រជាជនកម្ពុជា បន្ទាប់មើលឃើញពីគំនិតខ្មៅងងឹករបស់អតីតមេដឹកនាំពួកគេ ហើយសម្តេចនឹងជួបជាមួយកូនៗចៅៗទាំងនោះនៅពេលសបស្របណាសមួយ។- សម្តេចតេជោ ហ៊ុន សែន អំពាវនាវដល់ក្រុមប្រឆាំងទាំងឡាយ កុំវាយប្រហារកូនៗ ចៅៗ ដែលមករួមជីវភាពជាមួយគណបក្សប្រជាជនកម្ពុជា។ សម្តេចបញ្ជាក់ថា ការវាយប្រហារកន្លងមក ចំពោះអ្នកចូលរួមជាមួយគណបក្សប្រជាជនកម្ពុជា វាមិនមែនជាដំណើរ នៃសកម្មភាពប្រជាធិបតេយ្យនោះទេ។- សម្តេចតេជោ ហ៊ុន សែន ប្រកាសថា«ខ្ញុំមិនយកក្រុមយុវជន ដែលធ្លាប់ប្រឆាំងរដ្ឋាភិបាល ធ្វើជាសត្រូវនោះទេ»។ សម្ដេចតេជោ ហ៊ុន សែន សូមផ្ដាំទៅក្រុមប្រឆាំងឱ្យប្រយ័ត្នក្មេងៗទ្រាំមិនបានចំពោះការប្រមាថ លើពួកគេ៕

សម្ដេចតេជោ ហ៊ុន សែន អញ្ជើញអបអរសាទរទិវាជាតិទីក្រុងស្អាតលើកទី១១ ឆ្នាំ២០២៣ អមជាមួយពិធីប្រគល់ជ័យលាភីទីក្រុងស្អាតលើកទី៣

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៅរសៀលថ្ងៃទី២៦ ខែកុម្ភៈ ឆ្នាំ២០២៣នេះ បានអញ្ជើញជាអធិបតីភាព ក្នុងពិធីប្រារព្ធទិវាជាតិទីក្រុងស្អាតលើកទី១១ ឆ្នាំ២០២៣ ក្រោមប្រធានបទ " ទីក្រុងស្អាត បដិសណ្ឋារកិច្ច ល្អម្ចាស់ផ្ទះកម្ពុជាមកដល់ភាពកក់ក្ដៅ" និងពិធីប្រកាសជ័យលាភីទីក្រុងស្អាតលើកទី៣ នៅសណ្ឋាគារសុខាភ្នំពេញ។

សម្តេចតេជោ ហ៊ុន សែន អញ្ជើញជាអធិបតីប្រគល់សញ្ញាបត្រ ដល់គរុនិស្សិតបច្ចេកទេស និងនិស្សិតជាង ៥ពាន់នាក់

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី អញ្ជើញជាអធិបតីក្នុងពិធីប្រគល់សញ្ញាបត្រដល់និស្សិតបច្ចេកវិទ្យា និង គរុនិស្សិតបច្ចេកទេស ជ័យលាភី នៃវិទ្យាស្ថានជាតិបណ្តុះបណ្តាលបច្ចេកទេស សរុប ចំនួន ៥.៤៥០ នាក់ នាព្រឹកថ្ងៃទី២៧ ខែកុម្ភៈ ឆ្នាំ២០២៣ នៅមណ្ឌលសន្និបាត និងពិព័រណ៍អន្តរជាតិជ្រោយចង្វារ។គរុនិស្សិតបច្ចេកទេសរួមមានកម្រិតមូលដ្ឋាន កម្រិតឧត្តម និងនិស្សិតបច្ចេកវិទ្យាសរុបចំនួន ៥,៤៥០នាក់ ស្រី ៤២៧នាក់។ ក្នុងនោះគរុនិស្សិត និងនិស្សិតមានពិការភាពចំនួន ៩នាក់ជាបុរស និងនិស្សិតអាហារូបករណ៍សម្តេចតេជោនាយករដ្ឋមន្ត្រីចំនួន២៩នាក់ ក្នុងចំណោម ១៧០នាក់៕

ឯកឧត្ដម ហ៊ុន ម៉ាណែត៖ វិស័យឯកជនគឺជាដៃគូដ៏សំខាន់របស់រដ្ឋាភិបាល ក្នុងការនាំកម្ពុជាឱ្យពិភពលោកបានស្គាល់ថែមទៀត

ភ្នំពេញ៖ វិស័យឯកជនគឺជាដៃគូដ៏សំខាន់របស់រាជរដ្ឋាភិបាល នៅក្នុងការនាំយកសក្តានុពលរបស់កម្ពុជាឱ្យពិភពលោកបានស្គាល់ច្បាស់ និងចាប់អារម្មណ៍ រួមទាំងការរក្សាបាននូវស្ថិរភាពម៉ាក្រូសេដ្ឋកិច្ចជាតិ តាមរយៈការធ្វើពិពិធកម្មសេដ្ឋកិច្ច ការបង្កើនភាពប្រកួតប្រជែង និងការបង្កើតការងារជូនប្រជាពលរដ្ឋ។ នេះបើតាមឯកឧត្តមបណ្ឌិត ហ៊ុន ម៉ាណែត ថ្លែងក្នុងពិធីសំណេះសំណាល និង ពិសាអាហារសាមគ្គីជាមួយសហគ្រិនវ័យក្មេងនៅថ្ងៃទី២៥ ខែកុម្ភៈ ឆ្នាំ២០២៣។ ក្រៅពីលើកឡើងបែបនេះឯកឧត្ដម ក៏បានកោតសរសើរចំពោះសហគ្រិនវ័យក្មេងកម្ពុជាទាំងអស់ ដែលបានដឹកនាំ និងរក្សាបាននូវវឌ្ឍនភាពអាជីវកម្ម-ធុរកិច្ចល្អប្រសើរ និងថែមទាំងបានទាក់ទាញរំហូរវិនិយោគពីបរទេសនាពេលកន្លងមក ទោះបីជាត្រូវប្រឈមនឹងផលវិបាកជាច្រើនក្នុងអំឡុងពេលវិបត្តិនៃជំងឺកូវីដ-១៩ ក៏ដោយ។ ឯកឧត្ដមក៏បានចូលរួមសាទរ ដែលអង្គការឃ្លាំមើលការលាងសម្អាតប្រាក់ និងឧក្រិដ្ឋកម្មហិរញ្ញវត្ថុអន្តរជាតិ(FATF) បានប្រកាសជាផ្លូវការក្នុងការដកប្រទេសកម្ពុជាចេញពីបញ្ជីប្រផេះ នៃក្រុមប្រទេសដែលមានហានិភ័យខាងលាងលុយកខ្វក់។ ឯកឧត្ដមក៏បានគោរពថ្លែងអំណរគុណចំពោះសម្តេចតេជោនាយករដ្ឋមន្ត្រី និងសម្តេចក្រទ្បាហោម ឧបនាយករដ្ឋមន្ត្រី ព្រមទាំងថ្នាក់ដឹកនាំនៃក្រុមការងារចំពោះកិច្ច ព្រមទាំងស្ថាប័នមានសមត្ថកិច្ច និងអាជ្ញាធរគ្រប់លំដាប់ថ្នាក់ ដែលបានខិតខំយ៉ាងសស្រាក់សស្រាំបំពេញការងារនេះ ដោយពុំគិតពីការនឿយហត់រហូតសម្រេចបាននូវការនាំមក នូវភាពស្អាតស្អំរបស់ប្រទេសកម្ពុជានៅលើឆាកអន្តរជាតិ។ ការណ៍នេះពិតជានឹងចូលរួមចំណែកក្នុងការផ្តល់ នូវផលប្រយោជន៍ផ្នែកសេដ្ឋកិច្ចដ៏សំខាន់ដល់កម្ពុជា ជាពិសេសសម្រាប់វិស័យឯកជនផ្ទាល់ ក្នុងការរក្សាលំនឹងនៃរំហូរហិរញ្ញវត្ថុ និងការដោះដូរពាណិជ្ជកម្មនានាទៅកាន់ទូទាំងសាកលលោក។ ក្នុងពិធីនោះដែរឯកឧត្ដមក៏បានផ្ដល់ជាទស្សនវិស័យផ្ទាល់ខ្លួន អំពីភាពជាដៃគូរវាងរាជរដ្ឋាភិបាល និងវិស័យឯកជន និងការលើកកម្ពស់វិស័យឯកជន ក្នុងនោះមានកត្តាអាទិភាពចំនួន ៣ ដែលមានដូចជា ទី១.ក្របខណ្ឌគោលនយោបាយ៖ សំដៅទៅលើចក្ខុវិស័យជួយសម្រួលដល់ប្រតិបត្តិការ និងការរីកចម្រើនរបស់វិស័យឯកជន ហើយរាជរដ្ឋាភិបាលដែលដឹកនាំដោយគណបក្សប្រជាជនកម្ពុជា បានធ្វើការងារយ៉ាងច្រើនសន្ធឹកសន្ធាប់ បម្រើដល់ការរីកលូតលាស់មកដល់សព្វថ្ងៃនេះ ហើយក៏នឹងបន្តវាយតម្លៃ និងកែសម្រួលដាក់ចេញនូវគោលនយោបាយជាបន្តបន្ទាប់ទៀត ដើម្បីធ្វើយ៉ាងណាឱ្យបរិយាកាសធុរកិច្ចនៅកម្ពុជាកាន់តែមានភាពប្រកួតប្រជែង ងាយស្រួល និងមានថ្លៃដើមទាប។ ទី២.ក្របខណ្ឌយន្តការអនុវត្ត៖ សំដៅទៅលើការលើកទឹកចិត្តឱ្យវិស័យឯកជនដើរតួនាទីក្នុងការអនុវត្តផ្ទាល់ដោយមានការគាំទ្រពីរាជរដ្ឋាភិបាល។ ទី៣.ការអនុវត្តជាក់ស្តែង៖ សំដៅទៅលើការធានាឱ្យបាននូវការអនុវត្តជាក់ស្តែងដោយរលូន ជាការឆ្លុះបញ្ចាំងទៅនឹងផែនការដែលបានគូសវៀស ហើយការអនុវត្តនេះទាមទារនូវនីតិវិធីច្បាស់លាស់ ងាយស្រួល រស់រវើក និងតម្លាភាព រួមជាមួយនឹងកត្តាមនុស្សដែលមានការយល់ដឹង និងមានបទពិសោធន៍ជាក់ស្តែង ជាពិសេសកត្តាតុល្យភាពរវាងមន្ត្រីរដ្ឋ និងផ្នែកឯកជន។ ឯកឧត្ដមក៏បានអំពាវនាវដល់សហគ្រិនទាំងអស់ បន្តចូលរួមជាមួយរាជរដ្ឋាភិបាលក្នុងការពង្រីកការវិនិយោគ នៅក្នុងវិស័យសំខាន់ៗដែលមានតម្លៃបន្ថែមខ្ពស់ ដើម្បីចូលរួមកាត់បន្ថយភាពក្រីក្រ និងបន្តបង្កើតឱកាសការងារបន្ថែមជូនប្រជាពលរដ្ឋ ជាពិសេសសម្រាប់យុវជនស្របតាមគោលនយោបាយរបស់រាជរដ្ឋាភិបាល។ ឯកឧត្ដមក៏បានលើកទឹកចិត្តឱ្យសហគ្រិនទាំងអស់ឱ្យបង្កើនសមត្ថភាព, ពង្រឹងភាពប្រកួតប្រជែង និងសូមខិតខំទាញយកអត្ថប្រយោជន៍ឱ្យបានជាអតិបរមាពីគោលនយោបាយ ក៏ដូចជាវិធានការលើកទឹកចិត្តនានារបស់រាជរដ្ឋាភិបាលចំពោះវិស័យឯកជន ជាពិសេសតាមរយៈការវិនិយោគនៅក្នុងវិស័យអាទិភាព ដើម្បីទទួលបានការលើកទឹកចិត្តផ្នែកសារពើពន្ធ, ការទទួលបានការបណ្តុះបណ្តាលសហគ្រិនភាព, ការអភិវឌ្ឍជំនាញ, និងការទាញយកអត្ថប្រយោជន៍ពីកិច្ចព្រមព្រៀងពាណិជ្ជកម្មសេរី ជាមួយបណ្តាប្រទេសនានាជាដើម។ ឯកឧត្ដមបន្តថា ក្រៅពីការបង្កើតទ្រព្យ និងរកប្រាក់ចំណេញ, សហគ្រិនទាំងអស់ក៏ត្រូវបណ្តុះគំនិតចូលរួមចំណែកក្នុងកិច្ចការសង្គម ព្រមជាមួយនឹងការចាប់យកបច្ចេកវិទ្យាឌីជីថលនៅក្នុងអាជីវកម្មប្រកប ដោយភាពច្នៃប្រឌិត និងនវានុវត្តន៍ ដែលអាចនាំមកនូវផលិតភាពខ្ពស់ និងតម្លៃបន្ថែមកាន់តែច្រើនដល់សេដ្ឋកិច្ចជាតិ។ ឯកឧត្ដមបានស្នើដល់សភាពាណិជ្ជកម្មកម្ពុជាបន្តផ្តល់ការគាំទ្រ និងកិច្ចសហការជិតស្និទ្ធជាមួយភាគីពាក់ព័ន្ធទាំងអស់ ជាពិសេសសហគ្រាសថ្មីៗ ដើម្បីពង្រឹង និងពង្រីកបណ្តាញទំនាក់ទំនងការងារ, ចែករំលែកនូវចំណេះដឹង និងបទពិសោធន៍ ព្រមទាំងចូលរួមចំណែកជាមួយរាជរដ្ឋាភិបាល ក្នុងការកសាងប្រព័ន្ធអេកូឡូស៊ីសហគ្រិនភាពឱ្យកាន់តែមានភាពរឹងមាំ ទូលំទូលាយ រស់រវើក និងប្រកបដោយបរិយាបន្ន៕

សម្តេចតេជោ ហ៊ុន សែន ផ្ញើសារទៅស៊ន ដារ៉ា កុំចង់ក្លាយជាបេក្ខជននាយករដ្ឋមន្ត្រី សូម្បីតែចង់ក្លាយជាសមាជិកគណបក្សប្រជាជនក៏មិនបានផង

ភ្នំពេញ៖ សម្តេចតេជោ ហ៊ុន សែន ប្រកាសប្រាប់ទៅបុគ្គលឈ្មោះ ស៊ន ដារ៉ាថា កុំថាឡើយក្មួយចង់ក្លាយជាបេក្ខជននាយករដ្ឋមន្ត្រីរបស់គណបក្សប្រជាជន សូម្បីតែចង់ក្លាយជាសមាជិកគណបក្សប្រជាជនក៏មិនបានផង។យោងតាមសារសម្តេចតេជោ ហ៊ុន សែន តាមFacebook នៅរសៀលថ្ងៃទី២៥ ខែកុម្ភៈនេះថា ភ្ញាក់ពីដេកមកឃើញនាគទេពបញ្ជូនវីដេអូដែលស៊ន ដារ៉ានិយាយ។ ក្នុងការនិយាយនោះ ស៊ន ដារ៉ា បានបញ្ជាក់ ពីការគាំទ្ររបស់ឪពុក ម្តាយខ្លួនចំពោះខ្ញុំដែលខ្ញុំសូមអរគុណចំពោះប្អូនប្រុសប្អូន ស្រីដែលជាឪពុកម្តាយស៊ន ដារ៉ាសម្រាប់ការគាំទ្រកន្លងមក។សម្ដេចបញ្ជាក់ថា អ្វីដែលគួរឲ្យហួសចិត្ត ស៊ន ដារ៉ា បានលើកជាយោបល់បើកការចរចាជាមួយខ្ញុំដោយភ្ជាប់មកជាមួយលក្ខខណ្ឌ ៤ក្នុងនោះលក្ខខណ្ឌទីមួយ គឺ ស៊ន ដារ៉ា ត្រូវតែធ្វើជាបេក្ខជននាយករដ្ឋមន្ត្រីរបស់គណបក្សប្រជាជនទើប ស៊ន ដារ៉ា ព្រមចូលរួមជាមួយគណបក្សប្រជាជន។ ស៊ន ដារ៉ា បាននិយាយថា គាត់ជាសត្វឥន្ទ្រីដែលពេលមុនគាត់ថា ហ៊ុន ម៉ាណែត ជាសត្វគីង្គក់។ នេះជាការប្រៀបធៀបបែបប្រមាថ។ គាត់បានបន្ថែមថា ព្រហ្មលិខិតបានបង្កើត ហ៊ុន សែន មកសម្រាប់បង្រ្កាបប៉ុល ពត ឯព្រះបានបង្កើត ស៊ន ដារ៉ា មកដើម្បីបង្រ្កាប ហ៊ុន សែន ។ សម្ដេចតេជោបញ្ជាក់ថា ពូសូមផ្តាំទៅក្មួយស៊ន ដារ៉ា វិញថា កុំថាឡើយក្មួយចង់ក្លាយជាបេក្ខជននាយករដ្ឋមន្ត្រីរបស់គណបក្សប្រជាជនសូម្បីតែចង់ក្លាយជាសមាជិកគណបក្សប្រជាជនក៏មិនបានផងព្រោះក្មួយកំពុងមានរឿងនៅតុលាការ ។ ក្មួយលើកខ្លួនឯងហួសជ្រុលហើយ ។ ឯពាក្យក្មួយថាព្រះបង្កើតក្មួយមក ដើម្បីបង្រ្កាប ហ៊ុន សែន តាមការគិតរបស់ពូអ្នកដែលបង្រ្កាប ហ៊ុន សែន បានមកដល់ពេលនេះមិនទាន់កើតចេញពីផ្ទៃម្តាយនៅឡើយទេ។ ក្មួយកំពុងចាត់ទុកខ្លួនឯងជាសត្វឥន្ទ្រីជាអ្នកមានបុណ្យតើក្មួយចេះខ្មាសអៀនទេនៅពេលនិយាយដល់រឿងរបៀបនេះ។ ឈប់បានឈប់ទៅក្មួយអាណិតឪពុកម្តាយដែលខំដង្ហើយហៅកូន។ សព្វថ្ងៃក្មួយជួយខ្លួនឯងមិនបានផងចង់ក្លាយខ្លួនជានាយករដ្ឋមន្ត្រី ឬចង់មកបង្ក្រាប ហ៊ុន សែន គឺរឿងយល់សប្តិទាំងថ្ងៃ៕

ការតវ៉ាជាច្រើននៅអឺរ៉ុប និងប្រទេសច្រើនទៀតក្នុងថ្ងៃខួប ១ឆ្នាំនៃការវាយលុករបស់រុស្ស៊ីលើអ៊ុយក្រែន

អឺរ៉ុប៖ សម្ព័ន្ធមិត្តរបស់អ៊ុយក្រែននៅជុំវិញពិភពលោក បានបើកភ្លើងបំភ្លឺអគារមានពណ៌លឿង និងពណ៌ខៀវ ដើម្បីធ្វើបាតុកម្ម និងបានរៀបចំទណ្ឌកម្មថ្មីលើទីក្រុងមូស្គូកាលពីថ្ងៃសុក្រ ទី២៤ ខែកុម្ភៈ ក្នុងការបង្ហាញការរួបរួមការគាំទ្រអ៊ុយក្រែននៅក្នុងថ្ងៃខួប ១ឆ្នាំនៃការវាយលុករបស់រុស្ស៊ី។ មនុស្សជាង ១ម៉ឺននាក់នៅទីក្រុងប៊ែកឡាំងបានចេញដើរដង្ហែក្បួនបាតុកម្ម ដើម្បីបង្ហាញសាមគ្គីភាពជាមួយអ៊ុយក្រែន។ មនុស្សរាប់ពាន់នាក់បានដើរដង្ហែឆ្លងកាត់ទីក្រុង ហើយបានប្រមូលផ្តុំគ្នានៅមុខច្រកទ្វារ Brandenburg ដែលត្រូវបានបើកភ្លើងបំភ្លឺនៅពេលយប់ដោយពណ៌ទង់ជាតិរបស់អ៊ុយក្រែន។ ការតវ៉ានៅតាមដងផ្លូវបានឆ្លងកាត់ស្ថានទូតរុស្ស៊ី ជាកន្លែងដែលអ្នកដើរដង្ហែក្បួនបានស្រែកពាក្យប្រឆាំងរុស្ស៊ី និងកាន់បដាដែលហៅប្រធានាធិបតីរុស្ស៊ីលោក Putin ថាជាភេរវករ។ រដ្ឋាភិបាលពីទីក្រុងវ៉ាស៊ីនតោន ទីក្រុងឡុងដ៍ និងទីក្រុងប៊ែរឡាំងបាននិយាយថា ពួកគេនឹងនៅជាប់ជានិច្ចជាមួយអ៊ុយក្រែនដរាបណាប្រទេសនេះត្រូវការ ដោយបញ្ជូនជំនួយ និងសព្វាវុធទំនើបៗទៅកាន់ទីក្រុងគីវ និងបង្កើនសម្ពាធទណ្ឌកម្មលើទីក្រុងមូស្គូ។ មនុស្សរាប់ពាន់នាក់ផ្សេងទៀតបានប្រមូលផ្តុំគ្នានៅទីក្រុង Tbilisi ប្រទេសហ្សកហ្ស៊ីដើម្បីគាំទ្រអ៊ុយក្រែន។ ការប្រមូលផ្តុំគ្នាចំនួន៣ ដាច់ដោយឡែកពីគ្នារៀបចំដោយក្រុមប្រឆាំងនៅហ្សកហ្ស៊ី ជនភៀសខ្លួនអ៊ុយក្រែន និងពលរដ្ឋរុស្សីដែលបានភៀសខ្លួនចេញពីការគាបសង្កត់នៅប្រទេសរបស់ពួកគេ បានចូលរួមជាមួយសភាហ្សកហ្ស៊ីសម្រាប់ព្រឹត្តិការណ៍ដែលមានឈ្មោះថា ពន្លឺនឹងឈ្នះទីងងឹត។ ទង់ជាតិរបស់ក្រុមប្រឆាំងប្រទេសបេឡារុស និងម៉ុលដូវ៉ាក៏ត្រូវបានគេមើលឃើញនៅក្នុងការប្រមូលផ្តុំគ្នានេះ ព្រមទាំងសហរដ្ឋអាមេរិក និងសហភាពអឺរ៉ុប។ នៅក្នុងថ្ងៃខួបនេះដែរ ជនភៀសខ្លួន និងជនអន្តោប្រវេសន៍អ៊ុយក្រែនរាប់រយនាក់នៅក្នុងប្រទេសក្រិច បានចេញដើរដង្ហែក្បួនឆ្លងកាត់រដ្ឋធានី។ មនុស្សជាច្រើនស្លៀកសំលៀកបំពាក់ប្រពៃណីរបស់ប្រទេសកំណើតពួកគេ ដែលក្រុមបាតុកររួមមានទាំងកុមារបានដើរដង្ហែក្បួន ទៅកាន់អគារសភារបស់ប្រទេសនៅកណ្តាលក្រុងអាតែន ដោយមានកាន់ទង់ជាតិអ៊ុយក្រែនដ៏ធំមួយប្រវែងជាច្រើនម៉ែត្រ។ នៅក្នុងពិធីដ៏ស្ងប់ស្ងាត់មួយនៅខាងក្រៅ ការិយាល័យអង្គការសហប្រជាជាតិក្នុងទីក្រុងហ្សឺណែវកាលពីថ្ងៃសុក្រ ឯកអគ្គរដ្ឋទូតមកពីប្រទេសជាច្រើនដែលជាសម្ព័ន្ធមិត្តរបស់អ៊ុយក្រែន បានស្ថិតក្នុងភាពស្ងៀមស្ងាត់មួយនាទី និងបានសម្តែងការគាំទ្រចំពោះទីក្រុង Kyiv ខណៈពួកគេប្រារព្ធខួបមួយឆ្នាំនៃការវាយលុករបស់រុស្ស៊ី៕អត្ថបទ៖ ប៊ុនថន

អាមេរិកព្រមាន UN កុំឱ្យចាញ់បោកការអំពាវនាវឱ្យមានបទឈប់បាញ់ឥតលក្ខខណ្ឌនៅអ៊ុយក្រែន

អាមេរិក៖ រដ្ឋមន្ត្រីការបរទេសសហរដ្ឋអាមេរិកលោក Antony Blinken បានព្រមានក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃសុក្រថា ក្រុមប្រឹក្សានេះមិនគួរត្រូវបានបោកបញ្ឆោត ដោយការអំពាវនាវឱ្យមានបទឈប់បាញ់បណ្តោះអាសន្ន ឬដោយគ្មានលក្ខខណ្ឌនៅអ៊ុយក្រែននោះទេ។ ក្រុមប្រឹក្សាសន្តិសុខបានជួបប្រជុំគ្នាដើម្បីប្រារព្ធខួប ១ឆ្នាំនៃការវាយលុករបស់រុស្ស៊ីលើប្រទេសជិតខាងអ៊ុយក្រែន ដែលបានចាប់ផ្តើមកាលពីថ្ងៃទី២៤ ខែកុម្ភៈឆ្នាំមុន ខណៈស្ថាប័នដែលមានសមាជិក ១៥ប្រទេសបានជួបប្រជុំគ្នានៅទីក្រុងញូវយ៉ក ជុំវិញការព្រួយបារម្ភរបស់លោកខាងលិចដែលថា ទីក្រុងមូស្គូកំពុងរៀបចំផែនការសកម្មភាព។ ការព្រមានរបស់លោក Blinken ទៅកាន់ក្រុមប្រឹក្សាសន្តិសុខបានធ្វើឡើង បន្ទាប់ពីប្រទេសចិនបានអំពាវនាវឱ្យមានបទឈប់បាញ់ពេញលេញ ជាផ្នែកនៃផែនការចំនួន ១២ចំណុចស្តីពីសង្គ្រាម ដែលភាគច្រើនជាការនិយាយឡើងវិញនៃវិធីសាស្ត្ររបស់ខ្លួន ចាប់តាំងពីរុស្ស៊ីបានចាប់ផ្តើមនូវអ្វីដែលគេហៅថា «ប្រតិបត្តិការសឹកពិសេស»។ លោក Blinken និយាយថា សន្តិភាពណាមួយដែលធ្វើឱ្យស្របច្បាប់ ការដណ្តើមយកទឹកដីពីសំណាក់រុស្ស៊ីដោយប្រើកម្លាំង នឹងធ្វើឱ្យធម្មនុញ្ញរបស់អង្គការសហប្រជាជាតិចុះខ្សោយ និងផ្ញើសារទៅកាន់អ្នកឈ្លានពានគ្រប់ទីកន្លែង ដែលពួកគេអាចឈ្លានពានប្រទេសនានាបាន។ មហាសន្និបាតអង្គការសហប្រជាជាតិបានអំពាវនាវឱ្យមានសន្តិភាពពេញលេញ យូរអង្វែង និងយុត្តិធម៌ ស្របតាមធម្មនុញ្ញអង្គការសហប្រជាជាតិដែលបានបង្កើតឡើង ហើយទាមទារម្តងទៀតឱ្យទីក្រុងមូស្គូដកកងទ័ពរបស់ខ្លួនចេញពីអ៊ុយក្រែន និងបញ្ឈប់ការប្រយុទ្ធ៕អត្ថបទ៖ ប៊ុនថន

ប្រធានាធិបតីចិន៖ សហគមន៍វាសនារួមចិន-កម្ពុជានឹងត្រូវបានចារក្នុងទំព័រថ្មី

ភ្នំពេញ៖ ស្ថានទូតចិនប្រចាំកម្ពុជានៅថ្ងៃទី២៥ ខែកុម្ភៈ ឆ្នាំ២០២៣ បានឱ្យដឹងថា កាលពីថ្ងៃទី២៤ ខែកុម្ភៈ ឯកឧត្តម Xi Jinping ប្រធានាធិបតីចិន និងលោកជំទាវ Peng Liyuan បានចូលគាល់ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល នៅឯ Yangyuanzhai នៃសណ្ឋាគាររដ្ឋ Diaoyutai។ ប្រភពដដែលបានឱ្យដឹងទៀតថា អំឡុងពេលចូលគាល់ព្រះករុណាព្រះមហាក្សត្រ និងសម្ដេចព្រះមហាក្សត្រីនេះ ឯកឧត្តមប្រធានាធិបតីចិនបានទូលស្វាគមន៍ព្រះករុណាព្រះមហាក្សត្រ និងសម្តេចព្រះមហាក្សត្រី ដែលព្រះអង្គទាំងទ្វេ បានស្ដេចយាងមកកាន់រដ្ឋធានីប៉េកាំងដើម្បីពិនិត្យព្រះរាជសុខភាព។ ឯកឧត្តមប្រធានាធិបតីមានប្រសាសន៍ថា ឯកឧត្តមមានក្តីសោមនស្សជាខ្លាំង ដែលរូបឯកឧត្ដម និងភរិយាបានចូលគាល់ព្រះអង្គទាំងទ្វេម្តងទៀតនាថ្ងៃនេះ។ ឯកឧត្ដមប្រធានាធិបតីបញ្ជាក់បន្ថែមថា ទីនេះគឺជាព្រះរាជដំណាក់របស់ព្រះអង្គទាំងទ្វេ សូមស្វាគមន៍ព្រះអង្គទាំងទ្វេយាងត្រឡប់មកកាន់ព្រះរាជដំណាក់វិញ។ ព្រះអង្គទាំងទ្វេតែងយកព្រះទ័យទុកដាក់លើស្ថានភាពនៅក្នុងប្រទេសចិន រូបឯកឧត្ដមក៏បានដឹងដែរថា សម្ដេចព្រះមហាក្សត្រីតែងសព្វព្រះរាជហឫទ័យ ទតកម្មវិធីព័ត៌មាននៃប្រទេសចិន។ ឯកឧត្ដមប្រធានាធិបតីបន្តថា បន្ទាប់ពីសមាជគណបក្សកុម្មុយនីស្តចិនលើកទី២០ ត្រូវបានរៀបចំរួច ព្រះករុណាព្រះមហាក្សត្របានសព្វព្រះរាជហឫទ័យ ប្រោសព្រះរាជទានព្រះរាជសារអបអរសាទរដល់ឯកឧត្តមផ្ទាល់។ ឯកឧត្តមជឿជាក់ថា សហគមន៍វាសនារួមរវាងចិន និងកម្ពុជានឹងត្រូវបានចារក្នុងទំព័រថ្មី អភិវឌ្ឍកាន់តែល្អប្រសើរឡើង ហើយចំណងមិត្តភាព«ដែកថែប» នឹងទទួលបានការអភិវឌ្ឍជាបន្តបន្ទាប់។ ព្រះករុណាព្រះមហាក្សត្រមានព្រះរាជបន្ទូលថា ព្រះអង្គសូមថ្លែងអំណរគុណយ៉ាងស្មោះជូនចំពោះឯកឧត្តមប្រធានាធិបតីចិន និងលោកជំទាវជាទីរាប់អាន សម្តេចព្រះមហាក្សត្រី និងព្រះអង្គផ្ទាល់មានកិត្តិយសយ៉ាងក្រៃលែង ដែលមានឱកាសជំនួបជាមួយឯកឧត្តមប្រធានាធិបតីចិន និងលោកជំទាវ។ ព្រះអង្គបានថ្លែងអំណរគុណដោយស្មោះ ចំពោះឯកឧត្តមប្រធានាធិបតីចិនដែលតែងផ្តល់ការគាំទ្រ និងជួយដល់ប្រទេសកម្ពុជាអស់រយៈពេលយូរមកហើយ៕អត្ថបទ៖ គង់ ឌិន

បណ្ដាញសង្គម

ព័ត៌មានថ្មីៗ

ក្រសួងឧស្សាហកម្មបើកយុទ្ធនាការអភិវឌ្ឍន៍សហគ្រាស និងអនុលោមភាពផលិតផល លើកកម្ពស់ សហគ្រាសក្នុងស្រុក

រលករញ្ជួយកម្រិត ៤,៦រ៉ិចទ័រ បានអង្រួនទីក្រុង Caracas ខណៈប្រតិបត្តិការរុករកបន្តសម្រាប់អ្នករស់រាន

ប៉ូឡូញបញ្ជាទិញនាវាមុជទឹក ៣គ្រឿងពីក្រុមហ៊ុន Saab របស់ស៊ុយអែត ក្នុងតម្លៃជាង ៤,៨ពាន់លានដុល្លារ

ទីក្រុងគីវរបស់អ៊ុយក្រែនមើលឃើញសីតុណ្ហភាពកើនឡើងដល់ ៣៤អង្សាសេ ខណៈរលកកម្តៅវាយប្រហារអឺរ៉ុប

កង្វះខាតប្រេងជំរុញឲ្យពលរដ្ឋរស់នៅទីក្រុង Rostov របស់រុស្ស៊ី ដើរទៅធ្វើការ ឬឈប់ធ្វើការ

ពលរដ្ឋហ្កាហ្សារៀបចំពិធីបុណ្យសពសម្រាប់ជនប៉ាឡេស្ទីនត្រូវបានសម្លាប់នៅក្នុងការវាយប្រហាររបស់អ៊ីស្រាអែលជន

មនុស្ស ៣ស្លាប់ ក្រោយជញ្ជាំងស្ថិតក្រោមការសាងសង់បាក់រលំនៅភាគពាយ័ព្យប្រទេសឥណ្ឌា

លោក Macronជួបស្តេចស៊ូតង់អូម៉ង់ នៅទីក្រុងប៉ារីសជាទីដែលរដ្ឋាភិបាលទាំង ២ចុះហត្ថលេខាកិច្ចព្រមព្រៀងសហប្រតិបត្តិការ

វិមានក្រឹមឡាំង៖ គោលជំហររបស់រុស្ស៊ីចំពោះលក្ខខណ្ឌកិច្ចព្រមព្រៀងសន្តិភាពអ៊ុយក្រែនមិនផ្លាស់ប្តូរចាប់តាំងពីឆ្នាំ ២០២៤

តំបន់ភាគអាគ្នេយ៍អឺរ៉ុបមានអារម្មណ៍ថា រងឥទ្ធិពលពីរលកកម្តៅ ខណៈភ្លើងឆេះព្រៃឆាបឆេះឡើង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ចិនទាត់ចោលទ្រឹស្ដីលេចធ្លាយចេញពីមន្ទីរពិសោធន៍នៃប្រភពដើមវីរុស COVID-19 របស់របាយការណ៍អាមេរិក

អង់គ្លេស និងអឺរ៉ុបសម្រេចបានកិច្ចព្រមព្រៀងក្រោយ Brexit ទាក់ទងនឹងពាណិជ្ជកម្មនៅអៀរឡង់ខាងជើង

សម្តេចតេជោ ហ៊ុន សែន អញ្ជើញជាអធិបតីប្រគល់សញ្ញាបត្រ ដល់គរុនិស្សិតបច្ចេកទេស និងនិស្សិតជាង ៥ពាន់នាក់

ការតវ៉ាជាច្រើននៅអឺរ៉ុប និងប្រទេសច្រើនទៀតក្នុងថ្ងៃខួប ១ឆ្នាំនៃការវាយលុករបស់រុស្ស៊ីលើអ៊ុយក្រែន

អាមេរិកព្រមាន UN កុំឱ្យចាញ់បោកការអំពាវនាវឱ្យមានបទឈប់បាញ់ឥតលក្ខខណ្ឌនៅអ៊ុយក្រែន

ប្រធានាធិបតីចិន៖ សហគមន៍វាសនារួមចិន-កម្ពុជានឹងត្រូវបានចារក្នុងទំព័រថ្មី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ចិន​ទាត់ចោល​ទ្រឹស្ដី​លេច​ធ្លាយ​ចេញពី​មន្ទីរ​ពិសោធន៍​នៃ​ប្រភព​ដើម​វីរុស​ COVID-19 របស់​របាយការណ៍​អាមេរិក

អង់គ្លេស​ និង​អឺរ៉ុប​សម្រេចបាន​កិច្ចព្រមព្រៀង​ក្រោយ Brexit ទាក់ទង​នឹង​ពាណិជ្ជកម្ម​នៅ​អៀរ​ឡង់​ខាងជើង​

សម្តេចតេជោ ហ៊ុន សែន អញ្ជើញជាអធិបតីប្រគល់សញ្ញាបត្រ ដល់គរុនិស្សិតបច្ចេកទេស និងនិស្សិតជាង ៥ពាន់នាក់

អាមេរិក​ព្រមាន UN កុំឱ្យ​ចាញ់បោក​ការអំពាវនាវ​ឱ្យមាន​បទ​ឈប់​បាញ់​ឥត​លក្ខខណ្ឌ​នៅ​អ៊ុយ​ក្រែ​ន​

ប្រធានាធិបតី​ចិន​៖ សហគមន៍​វាសនា​រួម​ចិន​-​កម្ពុជា​នឹងត្រូវ​បាន​ចារ​ក្នុង​ទំព័រ​ថ្មី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ចិនទាត់ចោលទ្រឹស្ដីលេចធ្លាយចេញពីមន្ទីរពិសោធន៍នៃប្រភពដើមវីរុស COVID-19 របស់របាយការណ៍អាមេរិក

អង់គ្លេស និងអឺរ៉ុបសម្រេចបានកិច្ចព្រមព្រៀងក្រោយ Brexit ទាក់ទងនឹងពាណិជ្ជកម្មនៅអៀរឡង់ខាងជើង

អាមេរិកព្រមាន UN កុំឱ្យចាញ់បោកការអំពាវនាវឱ្យមានបទឈប់បាញ់ឥតលក្ខខណ្ឌនៅអ៊ុយក្រែន

ប្រធានាធិបតីចិន៖ សហគមន៍វាសនារួមចិន-កម្ពុជានឹងត្រូវបានចារក្នុងទំព័រថ្មី