BTV NEWS

សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

សម្ដេចធិបតី៖ កម្ពុជាជាសមាជិក WTO មិនអាចហាមឃាត់ការនាំចូលទំនិញពីប្រទេសដទៃបានទេ

សម្ដេចធិបតី៖ ឆ្នាំ២០២៩ កម្ពុជានឹងចាកចេញពីប្រទេសអភិវឌ្ឍន៍តិចតួចបន្តដំណើរទៅកាន់ប្រទេសអភិវឌ្ឍន៍

សម្តេចតេជោដឹកនាំគណៈប្រតិភូកម្ពុជានិវត្តមកដល់មាតុប្រទេសវិញ ក្រោយបញ្ចប់ទស្សនកិច្ចនៅប្រទេសចិន

ព័ត៌មានសំខាន់ៗ

រុស្ស៊ីបានផ្លាស់ប្តូរឧត្តមសេនីយ៍ជាន់ខ្ពស់របស់ខ្លួនឲ្យទទួលខុសត្រូវចំពោះសង្គ្រាមនៅអ៊ុយក្រែន

រុស្ស៊ី៖ លោកប្រធានាធិបតីរុស្ស៊ី Vladimir Putin បានផ្លាស់ប្ដូរឧត្ដមសេនីយ៍ជាន់ខ្ពស់របស់រុស្ស៊ីនៅក្នុងប្រទេសអ៊ុយក្រែន បានរយៈពេលតែ ៣ខែប៉ុណ្ណោះក្រោយពីរូបលោកត្រូវបានតែងតាំង។ ពេលនេះនាយអគ្គសេនាធិការលោក វ៉ាលេរី ជេរ៉ាស៊ីម៉ូ (Valery Gerasimov) នឹងដឹកនាំអ្វីដែលលោក Putin ហៅថាជាប្រតិបត្តិការសឹកពិសេស។ លោកឧត្ដមសេនីយ៍ ជេរ៉ាស៊ីម៉ូ (Gerasimov) បានមកជំនួសតំណែងលោក ហ្ស៉ឺហ្គេ សូរ៉ូវីគីន (Sergei Surovikin) ដែលជាអ្នកត្រួតពិនិត្យការវាយប្រហារដ៏សាហាវឃោរឃៅថ្មីៗ លើហេដ្ឋារចនាសម្ព័ន្ធថាមពលរដ្ឋរបស់អ៊ុយក្រែន។ ការផ្លាស់ប្ដូរនេះមានឡើង ខណៈរុស្ស៊ីអះអាងថា ពួកគេកំពុងវាយរុលទៅមុខនៅភាគខាងកើតប្រទេសអ៊ុយក្រែន បន្ទាប់ពីរងការបរាជ័យខាងយោធាជាបន្តបន្ទាប់ក្នុងពេលប៉ុន្មានខែថ្មីៗនេះ។ លោកឧត្ដមសេនីយ៍ ជេរ៉ាស៊ីម៉ូ ដែលបានកាន់តំណែងនេះចាប់តាំងពីឆ្នាំ២០២២ មក គឺជានាយអគ្គសេនាធិការកាន់តែយូរជាងគេបំផុតរបស់រុស្ស៊ីក្រោយសម័យសូវៀត។ ភ្លាមៗក្រោយលោក សូរ៉ូវីគីន ត្រូវបានតែងតាំងឲ្យដឹកនាំប្រតិបត្តិការនេះកាលពីខែតុលា រុស្ស៊ីបានចាប់ផ្ដើមយុទ្ធនាការរបស់ខ្លួនកម្ទេចហេដ្ឋារចនាសម្ព័ន្ធថាមពលរបស់អ៊ុយក្រែន ដែលបណ្ដាលឲ្យជនស៊ីវិលរាប់លាននាក់គ្មានថាមពល ឬទឹកស្អាតប្រើប្រាស់ក្នុងរដូវរងាដ៏ធ្ងន់ធ្ងរ។ លោកក៏បានត្រួតពិនិត្យការដកទ័ពចេញពីទីក្រុង Kherson ភាគខាងត្បូង ដែលជាជ័យជម្នះដ៏ធំមួយសម្រាប់អ៊ុយក្រែន៕ អត្ថបទ៖ សុខមាន

មនុស្ស ២០នាក់ស្លាប់ក្នុងការវាយប្រហារគ្រាប់បែកអត្តឃាតនៅខាងក្រៅក្រសួងការបរទេសក្នុងប្រទេសអាហ្វហ្គានីស្ថាន

អាហ្វហ្គានីស្ថាន៖ យោងតាមមន្ត្រីមួយរូបរបស់ក្រុមតាលីបង់ឲ្យដឹងថា មនុស្សយ៉ាងហោចណាស់ ២០នាក់បានស្លាប់ បន្ទាប់ពីជនសង្ស័យខ្មាន់បំផ្ទុះគ្រាប់បែកអត្តឃាតម្នាក់បានសម្លាប់ខ្លួនឯង នៅខាងក្រៅក្រសួងការបរទេសក្នុងទីក្រុងកាប៊ុល ដែលជាការវាយប្រហារធំបំផុតទី២ នៅក្នុងរដ្ឋធានីរបស់ប្រទេសអាហ្វហ្គានីស្ថាននៅឆ្នាំនេះ។ លោក Ustad Fareedun មន្ត្រីនៅក្រសួងព័ត៌មានគ្រប់គ្រងដោយក្រុមតាលីបង់បានប្រាប់សារព័ត៌មាន Reuters ថា ខ្មាន់បំផ្ទុះគ្រាប់បែកគ្រោងចូលទៅក្នុងក្រសួងការបរទេស ប៉ុន្តែត្រូវបរាជ័យ។ លោកបានបន្ថែមថា មនុស្សយ៉ាងហោចណាស់ ២០នាក់បានស្លាប់ និងជាច្រើននាក់ទៀតរងរបួសក្នុងការបំផ្ទុះនេះ។ ក្រុមរដ្ឋអ៊ីស្លាម ISILឬ (ISIS) បានអះអាងថា ខ្លួនជាអ្នកវាយប្រហារដែលបានសម្លាប់មនុស្សយ៉ាងហោចណាស់ ២០នាក់តាមបណ្ដាញ Telegram។ សេចក្ដីរាយការណ៍នានាបាននិយាយថា គណៈប្រតិភូចិនគ្រោងជួបពិភាក្សាជាមួយក្រុមមន្ត្រីអាហ្វហ្គានីស្ថាន នៅក្នុងក្រសួងការបរទេសនៅពេលមានការវាយប្រហារនោះ៕ អត្ថបទ៖ សុខមាន

សម្ដេចតេជោ ហ៊ុន សែន ស្នើ ACU ស្រាវជ្រាវបន្ទាន់ពីភាពមិនប្រក្រតីលើប័ណ្ណកម្មសិទ្ធិដី និងផ្ទះ លោក គង់ គាំ

ភ្នំពេញ៖ តាមរយៈហ្វេសប៊ុកផ្លូវការនៅព្រឹកថ្ងៃទី១២ ខែមករា ឆ្នាំ២០២៣នេះ សម្ដេចតេជោ ហ៊ុន សែន នាយករដ្ឋមន្ត្រី បានបញ្ជាក់ថា ដើម្បីពន្លឿនដំណើរការស្វែងរកការពិតជុំវិញការរៀបចំឯកសារបន្លំយកដី និងផ្ទះរបស់ក្រសួងការបរទេស ធ្វើជាកម្មសិទ្ធិឯកជន ដែលប្រព្រឹត្តដោយ គង់ គាំ នៅមុននេះបន្តិច សម្ដេចបានស្នើទៅកាន់អង្គភាពប្រឆាំងអំពើពុករលួយ ដើម្បីស្រាវជ្រាវជាបន្ទាន់អំពីភាពមិនប្រក្រតីនានា នៃការលួចបន្លំធ្វើប័ណ្ណសម្គាល់សិទ្ធិកម្មសិទ្ធិលើដី និងផ្ទះដែលជាកម្មសិទ្ធិរបស់ក្រសួងការបរទេស និងចាត់វិធានការបន្តតាមផ្លូវច្បាប់ តាមការចាំបាច់ ដោយផ្អែកលើមូលដ្ឋាន នៃលទ្ធផលដែលបានស្រាវជ្រាវរកឃើញ។ សម្ដេចបន្តថា ដី និងផ្ទះដែល លោក គង់ គាំ រៀបចំឯកសារបន្លំយកនេះ គឺជាកម្មសិទ្ធិរបស់ក្រសួងការបរទេស ហើយដី និងផ្ទះនេះ នឹងមិនត្រូវបាត់បង់ទៅណាឡើយ ដោយត្រូវយកមកវិញ តាមគ្រប់មធ្យោបាយ ដោយអនុវត្តទៅតាមនីតិវិធីច្បាប់ជាធរមាន។

សម្ដេចតេជោ៖ ខ្ញុំពុំដែលសម្រេចប្រគល់ផ្ទះ និងដី ឱ្យលោក គង់ គាំ ធ្វើជាកម្មសិទ្ធិឯកជននោះឡើយ

ភ្នំពេញ ៖ តាមរយៈហ្វេសប៊ុកផ្លូវការផ្ទាល់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៅរសៀ លថ្ងៃទី១១ ខែមករា ឆ្នាំ២០២៣ បានសរសេរថា៖ ខ្ញុំបានទទួលព័ត៌មានតាមហ្រ្វេសញ៉ូអំពីលិខិតរបស់លោក គង់ គាំ បំ ភ្លឺអំពីដំណើររឿងទាក់ទងនឹងដី និងផ្ទះ ដែលជាកម្មសិទ្ធិរបស់ក្រសួងការបរទេស។ ខ្ញុំទទួលស្គាល់ថា អ្វីដែលលោក គង់ គាំ បានរៀបរាប់ក្នុងលិខិតនោះ ភាគច្រើនជាការពិត ពិសេសត្រង់ចំណុចចុងក្រោយក្នុងលិខិតដែលលោក គង់ គាំ បញ្ជាក់យ៉ាងច្បាស់ថា «ខ្ញុំចាំថា ពេលសម្រេចចិត្តចូលមករស់នៅក្នុងផ្ទះនេះ ខ្ញុំពិតជាបានជូនព័ត៌មានចំពោះលោករដ្ឋមន្រ្តី ដោយមិនអាចខ្វះការគួរសមនោះឡើយ ហើយលោ ករដ្ឋមន្រ្តីក៏បានយោគយល់រហូតមក»។សម្ដេចតេជោបន្តថា៖ ខ្ញុំសូមបញ្ជាក់ថា ខ្ញុំពិតជាមានការយោគយល់ចំពោះការស្នាក់នៅនៅផ្ទះរបស់ក្រ សួងការបរទេស ប៉ុន្តែខ្ញុំពុំដែលបានសម្រេចប្រគល់ផ្ទះ និងដីនោះឱ្យលោក គង់ គាំ ធ្វើជាកម្មសិទ្ធិឯកជ ននោះទេ ហើយផ្ទះ និងដីនោះ នៅតែជាកម្មសិទ្ធិរបស់ក្រសួងការបរទេសដដែល។ រាល់ការរៀបចំឯកសារនានារបស់លោក គង់ គាំ ដើម្បីធ្វើបណ្ណកម្មសិទ្ធិលើដីនេះ គឺជាការក្លែងបន្លំយកដី និងផ្ទះរបស់រដ្ឋ ធ្វើជាកម្មសិទ្ធិឯកជន។ ខ្លឹមសារដែលលោក គង់ គាំ បានរៀបរាប់ក្នុងលិខិតបំភ្លឺរបស់ខ្លួនផ្ញើទៅហ្រ្វេសញ៉ូ ដើម្បីផ្សព្វផ្សាយ គឺជាភស្តុតាងមិនអាចប្រកែកបាន ដែលលោក គង់ គាំ បានទទួលស្គាល់ចំពោះរឿ ងនេះ។ ដូចនេះតាមផ្លូវច្បាប់ផ្ទះ និងដីនោះ នៅតែជាកម្មសិទ្ធិរបស់ក្រសួងការបរទេស ហើយវាដល់ពេ លដែលក្រសួងការបរទេស មានតម្រូវការយកផ្ទះ និងដីនោះ ត្រឡប់មកវិញ ដើម្បីចាត់ចែងប្រើប្រាស់បម្រើឱ្យកិច្ចការរបស់ក្រសួង៕ ដោយ៖ គង់ ឌិន

ធនាគារពិភពលោកព្រមានថា សេដ្ឋកិច្ចពិភពលោកអាចធ្លាក់ចូលក្នុងវិបត្តិសេដ្ឋកិច្ចយ៉ាងងាយស្រួលនៅឆ្នាំ2023

ពិភពលោក៖ ធនាគារពិភពលោកបានបន្ទាបការព្យាករណ៍កំណើនសេដ្ឋកិច្ចឆ្នាំ2023 របស់ខ្លួនកាលពីថ្ងៃអង្គារដល់កម្រិតធ្លាក់ចុះដល់មាត់ជ្រោះ នៃវិបត្តិសេដ្ឋកិច្ចសម្រាប់ប្រទេសជាច្រើន ខណៈផលប៉ះពាល់នៃការដំឡើងអត្រាការប្រាក់របស់ធនាគារកណ្តាលកាន់តែខ្លាំង សង្គ្រាមរបស់រុស្ស៊ីនៅអ៊ុយក្រែននៅតែបន្ត ហើយម៉ាស៊ីនសេដ្ឋកិច្ចធំៗរបស់ពិភពលោកបានប្រឈមនឹងសកម្មភាពសេដ្ឋកិច្ចចុះខ្សោយ។ អ្នកផ្តល់ប្រាក់កម្ចីអភិវឌ្ឍន៍មួយនេះបាននិយាយថា ពេលនេះខ្លួនរំពឹងថានឹងមានកំណើន GDP ពិភពលោកចំនួន 1.7% នៅឆ្នាំ2023 ដែលជាល្បឿនយឺតបំផុតនៅក្រៅវិបត្តិសេដ្ឋកិច្ចឆ្នាំ2009 និង 2020 ក្នុងរយៈពេលជិត 3ទសវត្សរ៍។ នៅក្នុងរបាយការណ៍ទស្សនវិស័យសេដ្ឋកិច្ចសកលពីមុនរបស់ខ្លួននៅក្នុងខែមិថុនា ឆ្នាំ2022 ធនាគារបានព្យាករណ៍ថា កំណើនសេដ្ឋកិច្ចពិភពលោកឆ្នាំ2023 នឹងមាន 3.0%។ ធនាគារបាននិយាយថា ការធ្លាក់ចុះដ៏គំហុកនៅក្នុងសេដ្ឋកិច្ចជឿនលឿន រួមទាំងការកាត់បន្ថយយ៉ាងខ្លាំងចំពោះការព្យាករណ៍របស់ខ្លួនមកត្រឹម 0.5% សម្រាប់ទាំងសហរដ្ឋអាមេរិក និងតំបន់ចាយប្រាក់អឺរ៉ូ អាចបង្ហាញពីការធ្លាក់ចុះសេដ្ឋកិច្ចពិភពលោកថ្មីមួយជិត 3ឆ្នាំបន្ទាប់ពីរយៈពេលចុងក្រោយនេះ។ ធនាគារនេះបាននិយាយនៅក្នុងសេចក្ដីថ្លែងការណ៍មួយអមជាមួយរបាយការណ៍នេះថា ដោយសារលក្ខខណ្ឌសេដ្ឋកិច្ចផុយស្រួយ ការអភិវឌ្ឍន៍អវិជ្ជមានថ្មីណាមួយ ដូចជាអតិផរណាខ្ពស់ជាងការរំពឹងទុក ការកើនឡើងអត្រាការប្រាក់ភ្លាមៗ ដើម្បីទប់ស្កាត់ការរីករាលដាលនៃជំងឺរាតត្បាតសកល COVID-19 ឬការកើនឡើងនូវភាពតានតឹងភូមិសាស្ត្រនយោបាយ អាចរុញឲ្យសេដ្ឋកិច្ចពិភពលោកធ្លាក់ចូលទៅក្នុងឱនភាព៕អត្ថបទ៖ សុខមាន

ប្រមុខសម្ព័ន្ធយោធា NATO និយាយថា យើងមិនគួរមើលស្រាលលើរុស្ស៊ីនោះទេ

បែលហ្សិក៖ អគ្គលេខាធិការអង្គការ NATO លោក Jens Stoltenberg កាលពីថ្ងៃអង្គារបាននិយាយថា រុស្ស៊ីកំពុងកេណ្ឌកងទ័ពបន្ថែមទៀតសម្រាប់សង្គ្រាមនៅអ៊ុយក្រែន ហើយមិនគួរមើលស្រាលលើប្រទេសនេះឡើយ។ ថ្លែងនៅក្នុងសន្និសីទសារព័ត៌មានជាមួយមេដឹកនាំសហភាពអឺរ៉ុបលោកស្រី Ursula von der Leyen និងលោក Charles Michel លោក Stoltenberg បានអំពាវនាវឱ្យសមាជិកនៃសម្ព័ន្ធយោធា និងសហភាពអឺរ៉ុបត្រៀមខ្លួនសម្រាប់ការធ្វើដំណើរដ៏វែងឆ្ងាយ។ លោកស្រី Von der Leyen បាននិយាយថា សហភាពអឺរ៉ុបនឹងដាក់ទណ្ឌកម្មថ្មីលើប្រទេសបេឡារុស ខណៈដែលខ្លួនបន្តដាក់សម្ពាធលើទីក្រុងមូស្គូដើម្បីបញ្ចប់ជម្លោះ និងបន្ថែមវិធានការដល់ប្រទេសទាំងឡាយណាដែលគាំទ្ររុស្ស៊ី។ នៅក្នុងការឆ្លើយតបទៅនឹងសំណួរ អំពីការផ្គត់ផ្គង់រថក្រោះប្រយុទ្ធរបស់ប្រទេសលោកខាងលិច រួមទាំងរថក្រោះ Leopard 2 ដល់ប្រទេសអ៊ុយក្រែន លោកស្រី Ursula von der Leyen បាននិយាយថា អ៊ុយក្រែនគួរតែទទួលបានយុទ្ធោបករណ៍ចាំបាច់ទាំងអស់ដែលពួកគេត្រូវការ។ លោក Stoltenberg និយាយថា លោកស្វាគមន៍ការសម្រេចចិត្តរបស់សហរដ្ឋអាមេរិក អាល្លឺម៉ង់ បារាំង ក្នុងការផ្តល់យានយន្តយោធា។ ប្រទេសរុស្ស៊ីបានចាប់ផ្តើមនូវអ្វីដែលខ្លួនចាត់ទុកថា «ប្រតិបត្តិការសឹកពិសេស» នៅក្នុងប្រទេសអ៊ុយក្រែនកាលពីថ្ងៃទី២៤ ខែកុម្ភៈឆ្នាំមុន ដោយលើកឡើងពីការគំរាមកំហែងដល់សន្តិសុខផ្ទាល់ខ្លួន និងតម្រូវការដើម្បីការពាររុស្ស៊ី។ អ៊ុយក្រែន និងសម្ព័ន្ធមិត្តបានចោទទីក្រុងមូស្គូ ពីសង្គ្រាមមិនបង្ករឿងក្នុងការដណ្តើមយកទឹកដី។ បណ្តាមេដឹកនាំសម្ព័ន្ធយោធា NATO និងសហភាពអឺរ៉ុបបានជួបប្រជុំគ្នានៅទីក្រុងព្រុចសែល ដើម្បីចុះហត្ថលេខាលើសេចក្តីប្រកាសរួមស្តីពីកិច្ចសហប្រតិបត្តិការអឺរ៉ុប-NATO កាលពីថ្ងៃអង្គារ៕អត្ថបទ៖ ប៊ុនថន

UN និយាយថា ទោសប្រហារជីវិតរបស់អ៊ីរ៉ង់ជាការសម្លាប់ដែលដាក់ទណ្ឌកម្មដោយរដ្ឋ

អ៊ីរ៉ង់៖ អ្នកនាំពាក្យរបស់ប្រធានសិទ្ធិមនុស្សអង្គការសហប្រជាជាតិបាននិយាយកាលពីថ្ងៃអង្គារថា ទោសប្រហារជីវិតកំពុងត្រូវបានយកមកធ្វើជាអាវុធដោយរដ្ឋាភិបាលអ៊ីរ៉ង់ ដើម្បីធ្វើឲ្យមានការភ័យខ្លាចដល់ប្រជាជន និងលុបបំបាត់ការប្រឆាំង ដោយនិយាយថា ទោសប្រហារជីវិតនេះគឺជាការសម្លាប់ដែលដាក់ទណ្ឌកម្មដោយរដ្ឋ។ អ្នកនាំពាក្យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស លោកស្រី Ravina Shamdasani បាននិយាយថា ការប្រើជាអាវុធនៃនីតិវិធីព្រហ្មទណ្ឌដើម្បីកាត់ទោសប្រជាជន សម្រាប់ការអនុវត្តសិទ្ធិជាមូលដ្ឋានរបស់ពួកគេ ដូចជាអ្នកដែលចូលរួម ឬរៀបចំបាតុកម្ម ស្មើនឹងការសម្លាប់ដោយការដាក់ទណ្ឌកម្មរបស់រដ្ឋ ហើយទោសប្រហារជីវិតនេះរំលោភច្បាប់សិទ្ធិមនុស្សអន្តរជាតិ។ ទីភ្នាក់ងារសារព័ត៌មាន Mizan បានរាយការណ៍ថា តុលាការរបស់ប្រទេសអ៊ីរ៉ង់បានកាត់ទោសប្រហារជីវិតអ្នកតវ៉ាប្រឆាំងរដ្ឋាភិបាលបីនាក់ទៀត ដោយបានបំពានទៅនឹងការរិះគន់ពីអន្តរជាតិកាន់តែខ្លាំងឡើងចំពោះការបង្ក្រាបលើក្រុមបាតុករ។ ប្រទេសអ៊ីរ៉ង់បានព្យួរកបុរស ២នាក់ផ្សេងទៀតកាលពីថ្ងៃសៅរ៍ ដែលម្នាក់ក្នុងចំណោមពួកគេជាជើងឯកការ៉ាតេទទួលពានរង្វាន់ជាតិជាច្រើន នៅក្នុងការប៉ុនប៉ងរបស់ខ្លួនដើម្បីលុបបំបាត់ការធ្វើបាតុកម្ម ដែលបានថយចុះចាប់តាំងពីប្រទេសនេះបានចាប់ផ្តើម អនុវត្តទោសប្រហារជីវិតក្នុងរយៈច្រើនសប្តាហ៍នៃការចាប់ខ្លួន។ សារព័ត៌មាន Mizan រាយការណ៍ថា លោក Saleh Mirhashemi, Majid Kazemi និងលោក Saeid Yaghoubi ត្រូវបានកាត់ទោសពីបទបានសម្លាប់សមាជិកកងជីវពល Basij ស្ម័គ្រចិត្ត ក្នុងអំឡុងពេលតវ៉ាប្រឆាំងរដ្ឋាភិបាលនៅទីក្រុង Isfahan ភាគកណ្តាល ដែលអាចប្តឹងឧទ្ធរណ៍ប្រឆាំងសាលក្រមរបស់ពួកគេ។ កងកម្លាំង Basij ដែលមានទំនាក់ទំនងជាមួយកងឆ្មាំបដិវត្តន៍ឥស្សរជន បានឈានមុខក្នុងការបង្ក្រាបរដ្ឋលើភាពចលាចល ដែលបង្កឡើងដោយការស្លាប់របស់នាង Mahsa Amini អាយុ ២២ឆ្នាំ ខណៈស្ថិតនៅក្នុងមន្ទីរឃុំឃាំងរបស់នគរបាលសីលធម៌ របស់ប្រទេសអ៊ីរ៉ង់កាលពីថ្ងៃទី១៦ ខែកញ្ញា។អត្ថបទ៖ ប៊ុនថន

ផ្កាយដុះកន្ទុយបៃតងនឹងបង្ហាញខ្លួននៅលើផ្ទៃមេឃពេលរាត្រីជាលើកដំបូងក្នុងរយៈពេល ៥០.០០០ឆ្នាំ

ពិភពលោក៖ ដោយត្រូវបានរកឃើញកាលពីថ្ងៃទី២ ខែមីនា ឆ្នាំ២០២២ ដោយតារាវិទូដោយប្រើកាមេរ៉ាស្ទង់ដ៏ធំរបស់ទីភ្នាក់ងារ Zwicky Transient Facility នៅឯមជ្ឈមណ្ឌលស្រាវជ្រាវតារាសាស្ត្រ Palomar Observatory ក្នុងតំបន់ San Diego រដ្ឋ California ផ្កាយដុះកន្ទុយនឹងខិតជិតព្រះអាទិត្យបំផុតនៅថ្ងៃទី១២ ខែមករាស្អែកនេះ នេះបើយោងតាមអង្គការណាសា។យោងតាមអង្គការមិនស្វែងរកប្រាក់ចំណេញ The Planetary Society ដោយត្រូវបានគេដាក់ឈ្មោះថា C/2022 E3 (ZTF) ផ្កាយដុះកន្ទុយមានគន្លងជុំវិញព្រះអាទិត្យ ដែលឆ្លងកាត់តំបន់ខាងក្រៅនៃប្រព័ន្ធព្រះអាទិត្យ ជាមូលហេតុដែលវាត្រូវចំណាយពេលធ្វើដំណើរដ៏វែងឆ្ងាយបែបនេះ ហើយយូរទៀតដើម្បីវិលជុំវិញផែនដីម្តងទៀត។ សង្គមភព។ យោងតាមសារព័ត៌មាន EarthSky ក្រុមតារាសាស្ត្រនៅអឌ្ឍគោលខាងជើងដែលកំពុងប្រើប្រាស់តេឡេស្កុប និងកែវយឹត គួរតែមើលទៅឲ្យទាបនៅលើជើងមេឃភាគឦសានមុនពាក់កណ្តាលអាធ្រាត្រ ដើម្បីមើលផ្កាយដុះកន្ទុយនេះនៅថ្ងៃទី១២ ខែមករាស្អែកនេះ។យោងតាមសារព័ត៌មាន EarthSky ផ្កាយដែលជះពន្លឺជាប្រចាំ ខណៈដែលវាចូលមកជិតព្រះអាទិត្យនឹងធ្វើដំណើរមកជិតផែនដីបំផុត ដែលហៀបនឹងឆ្លងគន្លងផែនដីចន្លោះថ្ងៃទី១ ខែកុម្ភៈដល់ថ្ងៃទី២ ខែកុម្ភៈ ចម្ងាយប្រហែល ២៦លានម៉ាយល៍ ឬស្មើ ៤២លានគីឡូម៉ែត្រ។ ខណៈដែលផ្កាយដុះកន្ទុយនៅជិតផែនដី ក្រុមអ្នកសង្កេតការណ៍នឹងអាចមើលឃើញវានៅជិតផ្កាយភ្លឺ Polaris ដែលហៅថាផ្កាយខាងជើង ឬ North Star ហើយវាគួរតែអាចមើលឃើញនៅពេលល្ងាច៕អត្ថបទ៖ សុខមាន

ព្រឹទ្ធសភាប្រេស៊ីលអនុម័តការធ្វើអន្តរាគមន៍សហព័ន្ធនៅទីក្រុង Brasilia បន្ទាប់ពីកុបកម្ម

ប្រេស៊ីល៖ ព្រឹទ្ធសភារបស់ប្រទេសប្រេស៊ីលកាលពីថ្ងៃអង្គារ បានអនុម័តលើអន្តរាគមន៍សហព័ន្ធនៅក្នុងទីក្រុង Brasilia បន្ទាប់ពីទីក្រុងនេះត្រូវបានវាយលុកចូល ដោយក្រុមអ្នកគាំទ្រអតីតប្រធានាធិបតីស្តាំនិយមលោក Jair Bolsonaro ដែលបានសម្រុកចូលសភាប្រទេស វិមានប្រធានាធិបតី និងតុលាការកំពូល។ អន្តរាគមន៍ផ្នែកសន្តិសុខត្រូវបានចេញបញ្ជាដោយប្រធានាធិបតីប្រេស៊ីលលោក Luiz Inacio Lula da Silva បន្ទាប់ពីកុបកម្មកាលពីថ្ងៃអាទិត្យ ប៉ុន្តែនៅតែរង់ចាំភ្លើងខៀវពីសភា។ សភាជាន់ទាបបានអនុម័តជាឯកច្ឆន្ទលើអន្តរាគមន៍នេះកាលពីល្ងាចថ្ងៃចន្ទរួចហើយ។ ប្រធានព្រឹទ្ធសភាលោក Rodrigo Pacheco បានចាត់ទុកសកម្មភាពនេះថាជា «ឧក្រិដ្ឋកម្ម» និងបាននិយាយថា អ្នកទាំងឡាយដែលពាក់ព័ន្ធក្នុងការបំផ្លាញសភា កំពុងត្រូវបានកំណត់អត្តសញ្ញាណ។ នគរបាលប្រេស៊ីលបានសួរចម្លើយក្រុមបាតុករប្រហែល ១០០០នាក់កាលពីថ្ងៃអង្គារ។ វីដេអូដែលបានថតកាលពីថ្ងៃអង្គារបង្ហាញពីការបំផ្លាញ ដែលបានធ្វើឡើងនៅតុលាការសហព័ន្ធកំពូលប្រទេសប្រេស៊ីល ដោយអ្នកគាំទ្រអតីតប្រធានាធិបតីស្តាំនិយមលោក Jair Bolsonaro បានសម្រុកចូល និងវាយកម្ទេចអគារកាលពីថ្ងៃអាទិត្យ។ កញ្ចក់បែក ហើយគ្រឿងសង្ហារឹមដែលបានបំផ្លាញនៅរាយប៉ាយពេញជាន់ នៃអគារតុលាការក្នុងរដ្ឋធានី Brasilia ពីរថ្ងៃបន្ទាប់ពីក្រុមកុបកម្មបានវាយលុកចូលដ៏អាក្រក់បំផុតមកលើស្ថាប័នរដ្ឋ ចាប់តាំងពីប្រទេសនេះបានវិលត្រឡប់មករកលទ្ធិប្រជាធិបតេយ្យក្នុងទសវត្សរ៍ឆ្នាំ១៩៨០។ មនុស្សប្រមាណ ៦០០នាក់ត្រូវបានដោះលែងបន្ទាប់ពីឃុំខ្លួន សម្រាប់ការពាក់ព័ន្ធដែលសង្ស័យក្នុងការសម្រុកចូលអគាររដ្ឋាភិបាលប្រេស៊ីល។ ស្ត្រី កុមារ និងមនុស្សចាស់ត្រូវបានដោះលែងកាលពីថ្ងៃអង្គារ ក្នុងចំណោមមនុស្ស ១៥០០នាក់នៅក្នុងមន្ទីរឃុំឃាំង៕អត្ថបទ៖ ប៊ុនថន

សម្តេចតេជោ ហ៊ុន សែន សម្រេចលុបចោល ស.ជ.ណ ពាក់ព័ន្ធលោកស្រី សៀង ចាន់ហេង សិន រង់ចាំការសម្រេចពេលក្រោយទៀត

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានសម្រេចលុបចោ ស.ជ.ណ លេខ១៨មយ ចុះថ្ងៃទី៥ ខែមករា ឆ្នាំ ២០២៣ ចាប់ពីម៉ោងនេះតទៅពាក់ព័ន្ធលោកស្រី សៀង ចាន់ហេង។យោងតាមសារសម្តេចតេជោ ហ៊ុន សែន ចេញផ្សាយនៅតាមFacebookផ្លូវការសម្តេចនៅមុននេះបន្តិចថា «១ថ្ងៃនេះ មានការផ្សាយយ៉ាងព្រោងព្រាត នូវ ស.ជ.ណទាក់ទងជាមួយលោកស្រី សៀង ចាន់ហេង តាមសំណើរ របស់សម្តេច ស ខេង និងការសម្រេចរបស់ខ្ញុំ(សម្តេចតេជោ ហ៊ុន សែន )កាលពីថ្ងៃ២៩ ខែធ្នូ ឆ្នាំ២០២២។ នៅថ្ងៃទី៩ ខែមករា ឆ្នាំ២០២៣ តាមសំណើររបស់លោកស្រី សៀង ចាន់ហេង ខ្ញុំបានប្រគល់ជូនឯកឧត្តម ជា សុផារ៉ា ផ្តល់មតិដែលឯកសារនេះមិនត្រូវបានផ្សព្វផ្សាយទេ។ ដើម្បីបញ្ចប់នូវភាពមិនច្បាស់លាស់ មុនពេលឯកឧត្តមជា សុផារ៉ាផ្តល់មតិ ខ្ញុំសម្រេចលុបចោល ស.ជ.ណ លេខ១៨មយ ចុះថ្ងៃទី៥ ខែមករា ឆ្នាំ២០២៣ ចាប់ពីម៉ោងនេះតទៅ។ ការសម្រេចយ៉ាងណាទៀត នឹងធ្វើក្រោយពេលឯកឧត្តមជា សុផារ៉ាផ្តល់មតិ»៕

បណ្ដាញសង្គម

ព័ត៌មានថ្មីៗ

ប្រធានក្រុមការងារយុវជនគណបក្សចុះមូលដ្ឋានស្រុកប្រាសាទបល្ល័ង្ក អញ្ជើញជាអធិបតីក្នុងពិធីបញ្ចុះបឋមសិលាសាងសង់ស្ពានដែកបាឡេ ឆ្លងស្ទឹងស្ទោង ដើម្បីសម្រួលដល់ការធ្វើដំណើររបស់ប្រជាពលរដ្ឋ

ជនជាតិចិនយ៉ាងហោចណាស់ ៧នាក់ ត្រូវបានបញ្ជាក់ថា ស្លាប់ក្នុងគ្រោះរញ្ជួយដី នៅវ៉េណេស៊ុយអេឡា

ព្យុះទីហ្វុង Mekkhala គំរាមកំហែងជប៉ុន ក្រោយព្យុះ Higos ចុះខ្សោយ ខណៈទឹកជំនន់ និងបំណាក់ដីនៅតែមាន

អ្នករិះគន់ពីក្របខ័ណ្ឌអ៊ីស្រាអែល-លីបង់ និយាយថា វានឹងមិនបញ្ចប់ការកាន់កាប់របស់អ៊ីស្រាអែលទេ

សម្ដេចធិបតី អញ្ជើញជួបសំណេះសំណាលជាមួយមហាគ្រួសារសហគ្រាសធុនតូច មធ្យម និងសិប្បកម្មកម្ពុជា ក្នុងឱកាស ”ទិវាជាតិសហគ្រាសធុនមីក្រូ តូច និងមធ្យម”

សម្តេចធិបតីអះអាងជាថ្មីថា រាជរដ្ឋាភិបាលមិនបានបោះបង់ចំពោះការទាមទារទឹកដីស្របច្បាប់របស់ខ្លួនមកវិញនោះឡើយ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

រុស្ស៊ីបានផ្លាស់ប្តូរឧត្តមសេនីយ៍ជាន់ខ្ពស់របស់ខ្លួនឲ្យទទួលខុសត្រូវចំពោះសង្គ្រាមនៅអ៊ុយក្រែន

សម្ដេចតេជោ ហ៊ុន សែន ស្នើ ACU ស្រាវជ្រាវបន្ទាន់ពីភាពមិនប្រក្រតីលើប័ណ្ណកម្មសិទ្ធិដី និងផ្ទះ លោក គង់ គាំ

សម្ដេចតេជោ៖ ខ្ញុំពុំដែលសម្រេចប្រគល់ផ្ទះ និងដី ឱ្យលោក គង់ គាំ ធ្វើជាកម្មសិទ្ធិឯកជននោះឡើយ

ធនាគារពិភពលោកព្រមានថា សេដ្ឋកិច្ចពិភពលោកអាចធ្លាក់ចូលក្នុងវិបត្តិសេដ្ឋកិច្ចយ៉ាងងាយស្រួលនៅឆ្នាំ2023

ប្រមុខសម្ព័ន្ធយោធា NATO និយាយថា យើងមិនគួរមើលស្រាលលើរុស្ស៊ីនោះទេ

UN និយាយថា ទោសប្រហារជីវិតរបស់អ៊ីរ៉ង់ជាការសម្លាប់ដែលដាក់ទណ្ឌកម្មដោយរដ្ឋ

ផ្កាយដុះកន្ទុយបៃតងនឹងបង្ហាញខ្លួននៅលើផ្ទៃមេឃពេលរាត្រីជាលើកដំបូងក្នុងរយៈពេល ៥០.០០០ឆ្នាំ

ព្រឹទ្ធសភាប្រេស៊ីលអនុម័តការធ្វើអន្តរាគមន៍សហព័ន្ធនៅទីក្រុង Brasilia បន្ទាប់ពីកុបកម្ម

សម្តេចតេជោ ហ៊ុន សែន សម្រេចលុបចោល ស.ជ.ណ ពាក់ព័ន្ធលោកស្រី សៀង ចាន់ហេង សិន រង់ចាំការសម្រេចពេលក្រោយទៀត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្ដេចតេជោ ហ៊ុន សែន ស្នើ ACU ស្រាវជ្រាវបន្ទាន់ពីភាពមិនប្រក្រតីលើប័ណ្ណកម្មសិទ្ធិដី និងផ្ទះ លោក គង់ គាំ

សម្ដេចតេជោ៖ ខ្ញុំពុំដែលសម្រេចប្រគល់ផ្ទះ និងដី ឱ្យលោក គង់ គាំ ធ្វើជាកម្មសិទ្ធិឯកជននោះឡើយ

ប្រមុខ​សម្ព័ន្ធ​យោធា NATO និយាយថា យើង​មិនគួរ​មើលស្រាល​លើ​រុស្ស៊ី​នោះទេ

UN និយាយថា ​ទោស​ប្រហារជីវិត​របស់​អ៊ីរ៉ង់​ជាការ​សម្លាប់​ដែល​ដាក់ទណ្ឌកម្ម​ដោយ​រដ្ឋ

ផ្កាយដុះកន្ទុយ​បៃតង​នឹង​បង្ហាញខ្លួន​នៅលើ​ផ្ទៃមេឃ​ពេល​រាត្រី​ជា​លើកដំបូង​ក្នុង​រយៈពេល ៥០.០០០ឆ្នាំ

ព្រឹទ្ធសភា​ប្រេ​ស៊ី​ល​អនុម័ត​ការធ្វើអន្តរាគមន៍​សហ​ព័ន្ធ​នៅ​ទីក្រុង Brasilia បន្ទាប់ពី​កុបកម្ម

សម្តេចតេជោ ហ៊ុន សែន សម្រេចលុបចោល ស.ជ.ណ ពាក់ព័ន្ធលោកស្រី សៀង ចាន់ហេង សិន រង់ចាំការសម្រេចពេលក្រោយទៀត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រមុខសម្ព័ន្ធយោធា NATO និយាយថា យើងមិនគួរមើលស្រាលលើរុស្ស៊ីនោះទេ

UN និយាយថា ទោសប្រហារជីវិតរបស់អ៊ីរ៉ង់ជាការសម្លាប់ដែលដាក់ទណ្ឌកម្មដោយរដ្ឋ

ផ្កាយដុះកន្ទុយបៃតងនឹងបង្ហាញខ្លួននៅលើផ្ទៃមេឃពេលរាត្រីជាលើកដំបូងក្នុងរយៈពេល ៥០.០០០ឆ្នាំ

ព្រឹទ្ធសភាប្រេស៊ីលអនុម័តការធ្វើអន្តរាគមន៍សហព័ន្ធនៅទីក្រុង Brasilia បន្ទាប់ពីកុបកម្ម