BTV NEWS

សម្តេចធិបតី ណែនាំឱ្យក្រសួងស្ថាប័នពាក់ព័ន្ធត្រៀមឆ្លើយតបជាមួយបាតុភូតធម្មជាតិ El Niño ដែលកម្ពុជាកំពុងទទួលរងឥទ្ធិពល

សម្ដេចធិបតីណែនាំអាជ្ញាធរពាក់ព័ន្ធគ្រប់លំដាប់ថ្នាក់ ត្រួតពិនិត្យ និងគ្រប់គ្រងឱ្យបានចំពោះទំនិញគេចពន្ធ និងខូចគុណភាព ហើយត្រូវសហការគ្នាចាត់វិធានការឱ្យបានច្បាស់លាស់

សម្ដេចធិបតីក្រើនរំឭកអាជ្ញាធរពាក់ព័ន្ធគ្រប់លំដាប់ថ្នាក់ត្រូវបន្តបង្ក្រាប Online Scams មិនត្រូវបន្ធូរដៃឡើយ

សម្ដេចតេជោ ហ៊ុន សែន អញ្ជើញជួបពិភាក្សាទ្វេភាគីជាមួយ ឯកឧត្តម លី ឈាង នាយករដ្ឋមន្ត្រីចិន

ព័ត៌មានសំខាន់ៗ

អ្នកសារព័ត៌មានជាង ៤ពាន់នាក់ ត្រៀមចូលរួមក្នុងជំនួបជាមួយសម្តេចតេជោ ហ៊ុន សែន សម្រាប់ឆ្នាំនេះ

ភ្នំពេញ៖ ជំនួបរវាងសម្ដេចអគ្គមហាសេនាបតីតេជោ ហ៊ុន សែន និងអ្នកសារព័ត៌មានជាតិ អន្តរជាតិ លើកទី៥ ឆ្នាំ២០២៣នេះ មានអ្នកសារព័ត៌មានប្រមាណជាង ៤ ពាន់នាក់។ នេះបើតាមឯកឧត្ដម ផុស សុវណ្ណ អគ្គនាយក នៃអគ្គនាយកដ្ឋានព័ត៌មាន និងសោតទស្សន៍ នៃក្រសួងព័ត៌មាន។លោកបានឱ្យដឹងថា ជំនួបរវាងសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ជាមួយអ្នកសារព័ត៌មានលើកទី៥ ឆ្នាំ២០២៣ មានអ្នកសារព័ត៌មាន ចូលរួមប្រមាណជាង ៤ពាន់នាក់នេះ បានបង្ហាញឱ្យឃើញពីការគិតគូរ និងជាការបង្កើនទំនាក់ ទំនងរវាង អ្នកសារព័ត៌មាន និងអ្នកនាំពាក្យមកពីគ្រប់ក្រសួងស្ថាប័ន អភិបាលរាជធានី។នៅក្នុងឱកាសកិច្ចប្រជុំត្រៀមជំនួបរវាងសម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ជាមួយនឹងអ្នកសារព័ត៌មាន លើកទី៥ នៅឆ្នាំ២០២៣ បន្ទាប់ពីអាក់ខានអស់រយៈពេល ២ឆ្នាំមកហើយ ដោយសារការឆ្លងរីករាលដាលជំងឺកូវីដ-១៩។ ឯកឧត្តម ខៀវ កាញារីទ្ធ រដ្ឋមន្ត្រី ក្រសួងព័ត៌មាន បានមានប្រសាសន៍កាលពីកិច្ចប្រជុំមួយដើម្បីត្រៀមរៀបចំជំនួបរវាងសម្តេចតេជោ នាយករដ្ឋមន្រ្តី និងអ្នកសារព័ត៌មាន កាលពីថ្ងៃទី២ ខែមករា ឆ្នាំ ២០២៣ ថា គឺមានសារសំខាន់ណាស់ ដើម្បីជំរុញការលើកកម្ពស់វិស័យព័ត៌មានឱ្យកាន់តែរីកចម្រើន តាមរយៈការបង្កើនទំនាក់ ទំនងរវាង អ្នកសារព័ត៌មាន និងអ្នកនាំពាក្យមកពីគ្រប់ក្រសួង ស្ថាប័ន អភិបាលរាជធានី ខេត្ដ និងអ្នកនាំពាក្យតាមមន្ទីររាជធានី-ខេត្ដ ដែលអាចធ្វើការផ្ទៀងផ្ទាត់ ឬពិភាក្សាពាក់ព័ន្ធនឹងវិស័យព័ត៌មាន ដើម្បីធ្វើឱ្យព័ត៌មានកាន់តែមានភាពសុក្រឹត្យ ព័ត៌មានពិត និងជាព័ត៌មានផ្ដល់ប្រយោជន៍ដល់សង្គម។ឯកឧត្ដម ផុស សុវណ្ណ បានឱ្យដឹងថា ពិធីជួបជុំរវាងសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ជាមួយអ្នកសារព័ត៌មានលើកទី៥ គ្រោងនឹងធ្វើឡើងនៅថ្ងៃទី១៤ ខែមករា ឆ្នាំ២០២៣ នាមជ្ឈមណ្ឌលសន្និបាត និងពិព័រណ៌កោះពេជ្រ៕ អត្ថបទ៖ វ៉ន ដារ៉ា

ប្រទេសកាន់តែច្រើនទៀតដាក់ការរឹតត្បិតលើអ្នកដំណើរចេញពីចិន ខណៈករណីឆ្លងវីរុស COVID-19 កើនឡើង

ចិន៖ មានប្រទេស និងដែនដីកាន់តែច្រើនបានអនុវត្តន៍ការរឹតត្បិតលើអ្នកដំណើរចេញពីប្រទេសចិន ស្របពេលករណីឆ្លងវីរុស COVID-19 កើនឡើង ខណៈប្រទេសអូស្ត្រាលី និងកាណាដាកំពុងតម្រូវឲ្យមានលទ្ធផលតេស្តអវិជ្ជមានវីរុសនេះ សម្រាប់គ្រប់អ្នកដំណើរទាំងអស់ចេញពីចិនដីគោក ទីក្រុងហុងកុង និងម៉ាកាវ។ ការរឹតត្បិតចុងក្រោយត្រូវបានប្រកាសកាលពីថ្ងៃអាទិត្យ ខណៈមន្ទីរពេទ្យនានាផ្ទុកអ្នកជំងឺលើសចំណុះ និងមានពិធីបុណ្យសពនៅតាមផ្ទះជាច្រើនទូទាំងប្រទេសចិន។ ក្នុងរយៈកាលប៉ុន្មានថ្ងៃថ្មីៗនេះ សហរដ្ឋអាមេរិក ចក្រភពអង់គ្លេស បារាំង អ៊ីតាលី អេស្ប៉ាញ ឥណ្ឌា ជប៉ុន កូរ៉េខាងត្បូង និងកោះតៃវ៉ាន់ក៏បានដាក់ការរឹតត្បិត ដោយតម្រូវឲ្យមានលទ្ធផលតេស្តអវិជ្ជមានលើអ្នកដំណើរមកដល់ ចេញពីប្រទេសចិនផងដែរ។ ប្រទេសម៉ាឡេស៊ីនិយាយថា ខ្លួននឹងស្កែនគ្រប់អ្នកដំណើរទាំងអស់ រួមទាំងមកពីប្រទេសចិន ចំណែកហ្វីលីពីនវិញបាននិយាយថា ខ្លួននឹងរឹតត្បិតការត្រួតពិនិត្យលើរោគសញ្ញាផ្លូវដង្ហើមទាំងអស់ លើអ្នកដំណើរមកដល់ពីប្រទេសចិន។ ក្រុមអ្នកជំនាញសុខភាពសកលនិយាយថា វីរុសដែលមកពីជំងឺ COVID-19 ទំនងជាកំពុងឆ្លងដល់មនុស្សរាប់លាននាក់ក្នុងមួយថ្ងៃ បន្ទាប់ពីទីក្រុងប៉េកាំងបោះបង់ចោលគោលនយោបាយគ្មានវីរុស COVID-19 ឬ zero-COVID” នៃវិធានការបិទខ្ទប់ដ៏តឹងរ៉ឹង និងការធ្វើតេស្តទ្រង់ទ្រាយធំកាលពីខែមុន។ គណៈកម្មការសុខភាពជាតិក៏បានបញ្ឈប់ការចេញផ្សាយទិន្នន័យប្រចាំថ្ងៃនៃករណីឆ្លង និងស្លាប់ផងដែរ៕អត្ថបទ៖ សុខមាន

រុស្ស៊ីបន្តការវាយប្រហារលើអ៊ុយក្រែនក្នុងឆ្នាំថ្មី ខណៈលោក Zelenskyy ជូនពរឆ្នាំថ្មីឲ្យទាំងអស់គ្នាទទួលបានជ័យជំនះ

អ៊ុយក្រែន៖ យោធារុស្ស៊ីបានបន្តវាយប្រហារលើទីក្រុងនានាក្នុងប្រទេសអ៊ុយក្រែន ដែលឆ្នាំថ្មីឈានចូលមកដល់។ យោធាអ៊ុយក្រែនបាននិយាយថា ខ្លួនបានស្ទាក់ចាប់យានដ្រូនផលិតដោយប្រទេសអ៊ីរ៉ង់ចំនួន ៤៥គ្រឿងដែលរុស្ស៊ីបានបញ្ជូនមកកាលពីល្ងាចថ្ងៃសៅរ៍ និងព្រឹកថ្ងៃអាទិត្យ។ អភិបាលក្រុង Kyiv និយាយថា ការវាយប្រហារដោយយានដ្រូនរបស់រុស្ស៊ីបានកំណត់គោលដៅទៅលើទីតាំងថាមពល និងបានបំផ្លាញអគារហេដ្ឋារចនាសម្ព័ន្ធ។ អនុប្រធានការិយាល័យប្រធានាធិបតីអ៊ុយក្រែនលោក Kyrylo Tymoshenko បាននិយាយនៅក្នុងការបង្ហោះតាមប្រព័ន្ធផ្សព្វផ្សាយសង្គមថា ការបាញ់ផ្លោងរបស់រុស្សីនៅទីក្រុង Kherson ភាគខាងត្បូងបានបណ្ដាលឲ្យមនុស្សម្នាក់ស្លាប់ ២០នាក់ផ្សេងទៀតរងរបួស រួមទាំងអ្នកសារព័ត៌មានជប៉ុនម្នាក់ និងបានបំផ្លាញមន្ទីរពេទ្យកុមារ។ ឯកអគ្គរដ្ឋទូតសហរដ្ឋអាមេរិកប្រចាំប្រទេសអ៊ុយក្រែន លោកស្រី Bridget Brink បានបង្ហោះសារលើបណ្តាញ Twitter ថា រុស្ស៊ីបានវាយប្រហារយ៉ាងឃោរឃៅ និងកំសាកមកលើប្រទេសអ៊ុយក្រែននៅដើមឆ្នាំថ្មីនេះ។ លោកស្រីនិយាយថា អាមេរិកមានទំនុកចិត្តយ៉ាងខ្លាំងថា អ៊ុយក្រែននឹងមានជ័យជំនះនៅឆ្នាំ២០២៣។ ក្រសួងការពារជាតិរុស្ស៊ីបាននិយាយកាលពីថ្ងៃអាទិត្យថា ការវាយប្រហារនៅថ្ងៃចូលឆ្នាំសកលរបស់ខ្លួន បានផ្តោតលើទីតាំងផលិតយានដ្រូនរបស់អ៊ុយក្រែន។ ក្រសួងបានអះអាងថា រុស្ស៊ីអាចទប់ទល់នឹងការវាយប្រហារភេរវកម្មរបស់ក្រុងគីវមកលើរុស្ស៊ីនាពេលអនាគត។ ជាមួយគ្នានេះប្រធានាធិបតីលោក Volodymyr Zelenskyy បាននិយាយថា បំណងប្រាថ្នាតែមួយគត់របស់លោក សម្រាប់ប្រជាជនអ៊ុយក្រែនទាំងអស់សម្រាប់ឆ្នាំ២០២៣ គឺជ័យជំនះ ហើយបានសម្រេចចិត្តបន្តដំណើរទៅមុខទៀត ខណៈប្រទេសនេះព្យាយាមដើម្បីជ័យជំនះ។ លោកនិយាយថា យើងត្រៀមខ្លួនរួចជាស្រេចប្រយុទ្ធដើម្បីសេរីភាព។ ប្រធានាធិបតីរុស្ស៊ីលោក វ្ល៉ាឌីមៀ ពូទីន បានចាប់ផ្តើមការលុកលុយរបស់លោកមកលើអ៊ុយក្រែនកាលពីថ្ងៃទី២៤ ខែកុម្ភៈ ដោយចាត់ទុកថាជា «ប្រតិបត្តិការសឹកពិសេស» ហើយលោកបានប្រើសុន្ទរកថាឆ្នាំថ្មីផ្ទាល់ខ្លួន ដើម្បីប្រមូលផ្តុំប្រជាជនរុស្ស៊ីឲ្យគាំទ្រទាហានដែលកំពុងប្រយុទ្ធនៅអ៊ុយក្រែន៕អត្ថបទ៖ ប៊ុនថន

មនុស្ស ១៤នាក់ស្លាប់ក្នុងការវាយប្រហារប្រដាប់អាវុធនៅពន្ធនាគារទីក្រុង Juarez ព្រំដែនម៉ិកស៊ិក

ម៉ិកស៊ិក៖ អាជ្ញាធរប្រទេសម៉ិកស៊ិកបាននិយាយកាលពីថ្ងៃអាទិត្យថា យ៉ាងហោចណាស់មនុស្ស ១៤នាក់បានស្លាប់នៅក្នុងការវាយប្រហារប្រដាប់អាវុធនៅពន្ធនាគារមួយកន្លែងក្នុងទីក្រុង Juarez ព្រំដែនភាគខាងជើង។ រដ្ឋអាជ្ញា រដ្ឋChihuahua បាននិយាយនៅក្នុងសេចក្តីថ្លែងការណ៍ថា ក្នុងចំណោមអ្នកស្លាប់ក្នុងការវាយប្រហារនៅក្នុងពន្ធនាគារ មានបុគ្គលិកសន្តិសុខ ១០នាក់ និងអ្នកទោស ៤នាក់ ខណៈ ១៣នាក់ផ្សេងទៀតបានរងរបួស ហើយយ៉ាងហោចណាស់អ្នកទោស ២៤នាក់បានរត់គេចខ្លួន។ វានៅពុំទាន់ដឹងច្បាស់ភ្លាមៗនៅឡើយទេថា នរណាជាអ្នកចាប់ផ្តើមការវាយប្រហារ។ សាច់ញាតិរបស់អ្នកទោសម្នាក់ និយាយថា អ្នកវាយប្រហារទាំងអស់មានអាវុធល្អជាងនគរបាល។ រដ្ឋអាជ្ញានិយាយថា ការស៊ើបអង្កេតបឋមបានរកឃើញថា អ្នកវាយប្រហារបានចូលមកដល់ម៉ោងប្រហែល ៧ព្រឹកម៉ោងក្នុងតំបន់ នៅពន្ធនាគារដោយរថពាសដែកហើយបានបាញ់ប្រហារ។ ប៉ុន្មាននាទីមុនអាជ្ញាធរបានរាយការណ៍ពីការវាយប្រហារនៅក្បែរនោះ មកលើនគរបាលទីក្រុង ហើយក្រោយការដេញតាមបុរស ៤នាក់ត្រូវបានចាប់ខ្លួន និងរឹបអូសបានរថយន្តមួយគ្រឿង។ នៅតំបន់មួយទៀតនៃទីក្រុង អ្នកបើកបរពីរនាក់បានស្លាប់នៅថ្ងៃបន្ទាប់ ជាអ្វីដែលអាជ្ញាធរចាត់ទុកថាជាការបំពានប្រដាប់អាវុធ។ រដ្ឋអាជ្ញាពុំបានបញ្ជាក់ថា តើឧប្បត្តិហេតុទាំង៣ នេះមានការជាប់ទាក់ទងគ្នា ឬយ៉ាងណានោះទេ។ កាលពីខែសីហា ទាហានម៉ិកស៊ិករាប់រយនាក់ត្រូវបានបញ្ជូនទៅកាន់ទីក្រុង Juarez បន្ទាប់ពីការប្រឈមមុខដាក់គ្នានៅពន្ធនាគារ រវាងសមាជិកក្រុមជួញដូរជាគូប្រជែងពីរក្រុមបានបង្កឱ្យមានកុបកម្ម និងការបាញ់ប្រហារបណ្តាលឲ្យមនុស្ស ១១នាក់ស្លាប់ដែលភាគច្រើនជាជនស៊ីវិល៕អត្ថបទ៖ ប៊ុនថន

ការសោយទិវង្គតអតីតសម្តេចប៉ាប Benedict គ្របដណ្តប់លើពិធីបុណ្យចូលឆ្នាំថ្មីនៅបុរីវ៉ាទីកង់

អ៊ីតាលី៖ សម្តេចប៉ាប Francis បានប្រារព្ធទិវាសន្តិភាពពិភពលោក តាមប្រពៃណីរបស់ព្រះវិហាររ៉ូម៉ាំងកាតូលិកកាលពីថ្ងៃអាទិត្យ ប៉ុន្តែការចាប់ផ្តើមនៃឆ្នាំថ្មីនៅបុរីវ៉ាទីកង់ត្រូវបានគ្របដណ្ដប់ ដោយការសោយទិវង្គតរបស់សម្តេចប៉ាបកាន់តំណែងមុនព្រះអង្គគឺសម្តេចប៉ាប Benedict ទី១៦។ សម្តេចប៉ាប Francis បានយាងជាអធិបតីក្នុងពិធីដ៏ធំមួយនៅព្រះវិហារ St. Peter's Basilica ខណៈព្រះសពរបស់សម្តេចប៉ាប Benedict ដែលបានសោយទិវង្គតកាលពីថ្ងៃសៅក្នុងព្រះជន្មាយុ ៩៥ ត្រូវបានរៀបចំឡើងរយៈពេល ៣ថ្ងៃសម្រាប់ការឲ្យចូលគោរពនៅព្រះវិហារតែមួយ ដោយចាប់ផ្តើមពីថ្ងៃចន្ទនេះ។ សម្តេចប៉ាប Francis បានអំពាវនាវឱ្យមានសន្តិភាព ដោយសំដៅទៅលើប្រទេសដែលហែកហួរដោយសង្គ្រាម រួមទាំងប្រទេសអ៊ុយក្រែន ជាកន្លែងដែលរុស្ស៊ីបានបន្តការវាយប្រហារយ៉ាងខ្លាំងនៅថ្ងៃចូលឆ្នាំថ្មី៕អត្ថបទ៖ ប៊ុនថន

ប្រធានាធិបតីចិនជំរុញឱ្យមានសាមគ្គីភាពក្នុងដំណាក់កាលថ្មីនៃការឆ្លើយតបវីរុស COVID-19

ចិន៖ ប្រធានាធិបតីចិនលោក Xi Jinping បានអំពាវនាវឱ្យមានការរួបរួម ខណៈប្រទេសនេះឈានចូលដំណាក់កាលថ្មីនៃការឆ្លើយតបនឹងវីរុសឆ្លង Covid-19។ លោក Xi បានថ្លែងសុន្ទរកថានៅក្នុងឆ្នាំថ្មីរបស់លោកតាមទូរទស្សន៍រដ្ឋ និងប្រព័ន្ធផ្សព្វផ្សាយចិនផ្សេងទៀត ដែលលោកបានបញ្ជាក់ពីលទ្ធផលនៃវិធានការប្រឆាំងវីរុស របស់រដ្ឋាភិបាលលោក។ វីរុស Covid-19 បានរាលដាលយ៉ាងខ្លាំងនៅទូទាំងប្រទេសចិន ចាប់តាំងពីគោលនយោបាយតឹងរ៉ឹងត្រូវបានបន្ធូរបន្ថយកាលពីខែមុន។ អ្នកជំនាញព្រមានថា ករណីឆ្លងកំពុងកើនឡើងនៅក្នុងទីក្រុងសៀងហៃ, ខេត្ត Hubei និងកន្លែងផ្សេងទៀតទូទាំងប្រទេស។ លោក Xi និយាយថា ពេលនេះយើងបានឈានចូលដំណាក់កាលថ្មីនៃការឆ្លើយតបទៅនឹងវីរុស COVID-19 ដែលបញ្ហាប្រឈមដ៏លំបាកនៅតែមាន។ មនុស្សគ្រប់គ្នាកំពុងបន្តដោយភាពរឹងមាំដ៏អស្ចារ្យ ហើយក្តីសង្ឃឹមនឹងមាននៅចំពោះមុខយើង។ យើងខិតខំប្រឹងប្រែងបន្ថែមទៀត ហើយសាមគ្គីភាពមានន័យថាជាជ័យជម្នះ។ លោក Xi បាននិយាយសំដៅទៅលើកោះតៃវ៉ាន់ ដោយលោកបានបង្ហាញពីបំណងប្រាថ្នាយ៉ាងខ្លាំង ដើម្បីសម្រេចបាននូវអ្វីដែលលោកហៅថា ការបង្រួបបង្រួមកោះតៃវ៉ាន់។ លោកនិយាយថា ប្រជាជននៅសងខាងនៃច្រកសមុទ្រកោះតៃវ៉ាន់គឺជាសមាជិកនៃគ្រួសារតែមួយ។ លោកសង្ឃឹមយ៉ាងមុតមាំថា ជនរួមជាតិរបស់យើងនៅសងខាងនៃច្រកសមុទ្រនឹងធ្វើការរួមគ្នាដោយការឯកភាព ក្នុងគោលបំណងធ្វើឲ្យប្រសើរភាពរុងរឿងយូរអង្វែងរបស់ប្រជាជាតិចិន៕អត្ថបទ៖ ប៊ុនថន

ក្រសួង៖ ទេសចរជាតិ-អន្តរជាតិជាង ២លាននាក់ បានដើរលេងកម្សាន្តឆ្លងឆ្នាំសកល២ ថ្ងៃនេះ

ភ្នំពេញ៖ ថ្ងៃឈប់សម្រាកឆ្លងឆ្នាំសកលរយៈពេល ២ ថ្ងៃ នៅទូទាំងប្រទេស ភ្ញៀវទេសចរសរុបប្រមាណ ២.០២២.៩២០នាក់ ក្នុងនោះភ្ញៀវជាតិ ២.០០៦.១១៧ នាក់ និងភ្ញៀវបរទេស ១៦.៨០៣ នាក់ បានចេញដើរលេងកម្សាន្តតាមខេត្ត និងតំបន់រម្មណីយដ្ឋាននានា។ នេះបើតាមរបាយការណ៍របស់ក្រសួងទេសចរណ៍ចេញផ្សាយនាថ្ងៃទី២ ខែមករានេះ។ យោងតាមរបាយការណ៍របស់ក្រសួងបានឱ្យដឹងថា គោលដៅទេសចរណ៍សំខាន់ៗមួយចំនួន ដែលទេសចរនិយមទៅលេងកម្សាន្ដនោះរួមមាន៖ រាជធានីភ្នំពេញ ៤៥៥.៨៣២ នាក់ ខេត្តព្រះសីហនុ ៣៣៨.៥៥២នាក់ ខេត្តសៀមរាប ៣៣៧.៧៦៩ នាក់ ខេត្តកំពត ៣៣០.៦៥៩នាក់ ខេត្តបាត់ដំបង ១៥៨.១១០នាក់ ខេត្តកែប ៨៨.៣៥៦នាក់ ខេត្តត្បូងឃ្មុំ ៨៤.៦៨៣នាក់ និងខេត្តកំពង់ចាម ៧៦.៩០១នាក់។បើតាមក្រសួងទេសចរណ៍ តួលេខខាងលើមានការកើនឡើង ៧៦,៦៥% បើធៀបនឹងពិធីឆ្លងឆ្នាំសកលឆ្នាំ២០២២។ចំពោះរាជធានីភ្នំពេញមានប្រជាពលរដ្ឋប្រមាណជាង ៤៥ ម៉ឺននាក់ បានដើរកម្សាន្តនៅគោលដៅសំខាន់ៗ ដូចជានៅតំបន់កោះពេជ្រ មាត់ទន្លេមុខព្រះបរមរាជវាំង តំបន់កម្សាន្តជ្រោយចង្វារ តំបន់វិមានឈ្នះឈ្នះ ពហុកីឡដ្ឋានមរតកតេជោជាដើម។ក្រសួងបញ្ជាក់ថា គោលដៅទេសចរណ៍នានាទូទាំងប្រទេស សុទ្ធតែទទួលបានចំនួនភ្ញៀវទេសចរយ៉ាងផុសផុល។ បន្ទប់សណ្ឋាគារ ផ្ទះសំណាក់ រីស៊ត និងបឹងហ្កាឡូ ត្រូវបានភ្ញៀវកក់ស្ទើរពេញ១០០%។ ដោយឡែក ប្រជាពលរដ្ឋមួយចំនួនបានជ្រើសរើសយកការជួបជុំនៅតាមគេហដ្ឋាន (ហូបចុក ច្រៀងកម្សាន្តជាលក្ខណៈគ្រួសារ និងមិត្តភក្តិ)។ ខ្លះទៀតបានចេញទៅដើរកម្សាន្ត និងជួបជុំឆ្លងឆ្នាំនៅតាមភោជនីយដ្ឋាន កន្លែងកម្សាន្តមនុស្សពេញវ័យ និង Sky Bar ជាដើម៕(ដោយ៖ វ៉ន ដារ៉ា)

ប្រមុខសម្ព័ន្ធណាតូព្រមានលោកខាងលិចត្រូវតែត្រៀមផ្ដល់ការគាំទ្ររយៈពេលវែងដល់អ៊ុយក្រែន

ណាតូ៖ អគ្គលេខាធិការសម្ព័ន្ធយោធាណាតូបាននិយាយថា បណ្ដាប្រទេសលោកខាងលិចត្រូវតែត្រៀមផ្ដល់ការគាំទ្ររយៈពេលវែងដល់អ៊ុយក្រែន ខណៈរុស្ស៊ីពុំបានបង្ហាញសញ្ញានៃការធូរស្រាល។ លោក Jens Stoltenberg បានប្រាប់ទូរទស្សន៍ BBC ថា ការគាំទ្រខាងយោធានឹងធានាពីការរស់រានរបស់អ៊ុយក្រែន ជាប្រទេសមានអធិបតេយ្យភាព និងបង្ខំរុស្ស៊ីឲ្យអង្គុយចរចាដើម្បីបញ្ចប់សង្គ្រាមនេះ។ មេដឹកនាំរុស្ស៊ីបានចោទលោកខាងលិចពីបទប្រើប្រាស់អ៊ុយក្រែន ដើម្បីបំផ្លាញប្រទេសរបស់លោក។ មីស៊ីល និងយានដ្រូនរបស់រុស្ស៊ីបានវាយប្រហារអ៊ុយក្រែននៅថ្ងៃឆ្លងឆ្នាំ។ លោក Stoltenberg បានប្រាប់កម្មវិធី One programme របស់វិទ្យុ Radio 4's World ថា កម្មវិធីកេណ្ឌកម្លាំងយោធាដោយផ្នែករបស់រុស្ស៊ី ដែលបានបញ្ជាកាលពីខែកញ្ញាបង្ហាញថា ទីក្រុង Moscow ពុំមានបំណងបញ្ចប់សង្គ្រាមបច្ចុប្បន្ននេះទេ។ លោកថា កងកម្លាំងអ៊ុយក្រែនបានវាយបកជាច្រើនខែ ប៉ុន្តែយើងក៏បានដឹងដែរថា រុស្ស៊ីបានកេណ្ឌកម្លាំងយ៉ាងច្រើនបន្ថែមទៀត ភាគច្រើននៃពួកគេកំពុងហ្វឹកហាត់នៅពេលនេះ។ ប្រមុខអង្គការនេះបន្ថែមថា គ្រប់សុចនាករណ៍ទាំងអស់បង្ហាញថា ពួកគេត្រូវបានត្រៀមបន្តសង្គ្រាមនេះ ហើយក៏ព្យាយាមបើកការវាយលុកថ្មីផងដែរ៕ អត្ថបទ៖ សុខមាន

ឯកឧត្ដម ស៊ុន ចាន់ថុល ស្នើដល់ក្រុមហ៊ុនទទួលគម្រោងសាងសង់សម្ពោធស្ពាន ឆ្លងទន្លេមេគង្គ និងផ្លូវត្រូវអនុវត្តការងារឱ្យបានត្រឹមត្រូវប្រកបដោយគុណភាព

ក្រចេះ៖ រដ្ឋមន្រ្ដីក្រសួងសាធារណៈការ និងដឹកជញ្ជូន ឯកឧត្ដម ស៊ុន ចាន់ថុល ថ្លែងក្នុងពិធីសម្ពោធស្ពានឆ្លងទន្លេមេគង្គ និងផ្លូវក្នុងខេត្តក្រចេះ នាព្រឹកថ្ងៃទី២ ខែមករា ឆ្នាំ២០២៣ ដោយស្នើដល់ក្រុមហ៊ុនទទួលគម្រោងសាងសង់ត្រូវអនុវត្តការងារឱ្យបានត្រឹមត្រូវប្រកបដោយគុណភាព និងស្នើសុំប្រជាពលរដ្ឋមានផ្ទះជិតគម្រោងមេត្តាយោគយល់ និងអធ្យាស្រ័យខ្ពស់ដើម្បីជំរុញការសាងសង់ដំណើការដោយរលូន អាចបញ្ចប់តាមការគ្រោងទុក។ឯកឧត្ដមបានថ្លែងថា គម្រោងសាងសង់ស្ពានឆ្លងទន្លេមេគង្គនេះមានប្រវែង ១៧៦១ ម៉ែត្រ ពីស្រុកចិត្របុរី ទៅស្រុកព្រែកប្រសព្វ ក្នុងខេត្តក្រចេះ និងផ្លូវតភ្ជាប់ប្រវែងសរុប ៣១,៦៩ គីឡូម៉ែត្រ។គម្រោងនេះ នឹងត្រូវអនុវត្តការសាងសង់ដោយក្រុមហ៊ុនសំណង់សៀងហៃ និងត្រួតពិនិត្យបច្ចេកទេស ដោយក្រុមហ៊ុនទីប្រឹក្សាបច្ចេកទេស ក្វាងចូវវ៉ានអាន (WACC) ដោយប្រើរយៈពេលសាងសង់ចំនួន ៤២ ខែ និងគ្រោងបញ្ចប់នៅក្នុងឆ្នាំ២០២៦។ គម្រោងនេះគ្រោងចំណាយថវិកាសរុបប្រមាណ ១១៤ លានដុល្លារអាមេរិក ដែលជាឥណទានពីរដ្ឋាភិបាលចិនរួមជាមួយនឹងថវិកាបដិភាគរបស់រាជរដ្ឋាភិបាលកម្ពុជាសម្រាប់ការដោះស្រាយផលប៉ះពាល់ និងពន្ធអាករផ្សេងៗ។ឯកឧត្ដមបញ្ជាក់ថា៖«ខ្ញុំបាទក៏សូមផ្ដាំផ្ញើដល់ក្រុមហ៊ុនសាងសង់ ក្រុមហ៊ុនត្រួតពិនិត្យបច្ចេកទេសសូមអនុវត្តការងារឱ្យបានត្រឹមត្រូវ និងសម្រេចជោគជ័យប្រកបសោយគុណភាព និងប្រសិទ្ធភាព និងស្នើដល់បងប្អូនប្រជាពលរដ្ឋ ដែលមានផ្ទះសម្បែងនៅជិតការដ្ឋានសាងសង់ ឬទទួលរងផលប៉ះពាល់ដោយសារគម្រោងអភិវឌ្ឍនេះ សូមមេត្តាយោគយល់ និងអធ្យាស្រ័យខ្ពស់ដើម្បីជំរុញការសាង់សង់ឱ្យដំណើការបានរលូន និងបញ្ចប់តាមផែនការគ្រោងទុក»។បើតាមឯកឧត្ដមរដ្ឋមន្រ្ដី ស៊ុន ចាន់ថុល គម្រោងសាងសង់ស្ពាន និងផ្លូវនាឱកាសនេះ គឺជាគម្រោងយុទ្ធសាស្រ្ដមួយយ៉ាងសំខាន់ សម្រាប់តភ្ជាប់ទំនាក់ទំនង និងក្ដីសង្ឃឹមរវាងប្រជាពលរដ្ឋដែលរដ្ឋនៅត្រយខាងកើត និងពលរដ្ឋរស់នៅត្រយខាងលិច រួមទាំងតភ្ជាប់តំបន់ដាច់ស្រយ៉ាល់នៅភាគឦសានមកកាន់ទីប្រជុំជន។គម្រោងនេះ គឺជាផ្នែកមួយនៃផ្លូវជាតិលេខ៦០ តភ្ជាប់ពីខេត្តក្រចេះ ទៅខេត្តកំបង់ធំ ដែលមានភាពប្រទាក់ក្រឡាជាមួយផ្លូវជាតិ និងផ្លូវខេត្តសំខាន់ៗផងដែរ។ ឯកឧត្ដមបានថ្លែងថា ស្ពាន និងផ្លូវតភ្ជាប់នេះ គឺជាហេដ្ឋារចនាសម្ព័ន្ធដ៏សំខាន់មួយ ដែលកើតឡើងពីកិច្ចខិតខំប្រឹងប្រែងរបស់រាជរដ្ឋាភិបាល ដើម្បីលើកកម្ពស់ការតភ្ជាប់អាស៊ាន និងការតភ្ជាប់មហាអនុតំបន់មេគង្គ អនុតំបន់មេគង្គឡានឆាង ពិសេសចូលរួមលើកកម្ពស់ការអភិវឌ្ឍផែនការមេតំបន់ត្រីកោណផងដែរ CLV។ ឯកឧត្ដមបញ្ជាក់ថា ក្រោយបញ្ចប់ការសាងសង់ ស្ពាន និងផ្លូវតភ្ជាប់នេះ និងជំរុញឱ្យមានសន្ទុះកើនឡើងនូវសកម្មភាពដឹកជញ្ជូន ពាណិជ្ជកម្ម និងវិនិយោគ ព្រមទាំងជំរុញការអភិវឌ្ឍវិស័យកសិកម្ម កសិឧហ្សាហកម្ម និងទេសចរណ៍នៅតាមបណ្ដាខេត្ត ដែលស្ថិតនៅភូមិភាគឦសាន រួមទាំងតំបន់ត្រីកោណអភិវឌ្ឍផងដែរស្របតាមគោលនយោបាយ និងផែនការមេរបស់រាជរដ្ឋាភិបាល៕

ប្រធានមូលនិធិរូបិយវត្ថុអន្តរជាតិព្រមានថា សេដ្ឋកិច្ចសកលប្រឈមការលំបាកកាន់តែខ្លាំងក្នុងឆ្នាំ២០២៣

ពិភពលោក៖ ប្រធានមូលនិធិរូបិយវត្ថុអន្តរជាតិហៅកាត់ថា IMF បាននិយាយកាលពីថ្ងៃអាទិត្យថា សម្រាប់សេដ្ឋកិច្ចពិភពលោកភាគច្រើនឆ្នាំ២០២៣ នឹងជាក្លាយជាឆ្នាំដ៏លំបាក ខណៈដែលក្បាលម៉ាស៊ីនសំខាន់នៃកំណើនពិភពលោក ដូចជាសហរដ្ឋអាមេរិក អឺរ៉ុប និងចិនសុទ្ធតែជួបប្រទះសកម្មភាពចុះខ្សោយ។ លោកស្រី Kristalina Georgieva ប្រធានគ្រប់គ្រងមូលនិធិរូបិយវត្ថុអន្តរជាតិបាននិយាយនៅក្នុងកម្មវិធីព័ត៌មាន Face the Nation របស់ទូរទស្សន៍ CBS កាលពីព្រឹកថ្ងៃអាទិត្យថា ឆ្នាំថ្មីនេះនឹងជួបការលំបាកជាងឆ្នាំមុនដែលយើងបានហែលឆ្លង។ លោកស្រីបាននិយាយថា ដើមចមដែលលោកស្រីលើកឡើងបែបនេះ ព្រោះប្រទេសមានសេដ្ឋកិច្ចរីកចម្រើនធំៗទាំង៣ គឺសហរដ្ឋអាមេរិក សហភាពអឺរ៉ុប និងប្រទេសចិនសុទ្ធតែកំពុងធ្លាក់ចុះក្នុងពេលដំណាលគ្នា។ កាលពីខែតុលា ឆ្នាំ២០២២ មូលនិធិរូបិយវត្ថុអន្តរជាតិបានកាត់បន្ថយទស្សនវិស័យរបស់ខ្លួន សម្រាប់កំណើនសេដ្ឋកិច្ចសកលនៅក្នុងឆ្នាំ២០២៣ ដែលឆ្លុះបញ្ចាំងពីការបន្តធ្លាក់ចុះដោយសារសង្គ្រាមនៅក្នុងប្រទេសអ៊ុយក្រែន ព្រមទាំងសម្ពាធអតិផរណា និងអត្រាការប្រាក់ខ្ពស់កំណត់ដោយធនាគារកណ្ដាលនានា ដូចជាធនាគារកណ្ដាលអាមេរិកមានបំណងធ្វើឲ្យសម្ពាធតម្លៃទំនិញធ្លាក់ចុះ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ប្រធានគណៈប្រចាំការនៃគណៈអចិន្ត្រៃយ៍យុវជនគណបក្សប្រជាជនកម្ពុជាថ្នាក់កណ្ដាល និងលេខាទី១ នៃគណៈកម្មាធិការមជ្ឈិមសម្ព័ន្ធយុវជនកុម្មុយនីស្តចិនចុះអនុស្សរណៈស្ដីពីកិច្ចសហប្រតិបត្តិការជាមួយគ្នា

កសិដ្ឋានចិញ្ចឹមសត្វគោ និងជ្រូកនៅប្រទេសបែលហ្ស៊ិក កំពុងជួបការលំបាក ដោយសាររលកកម្តៅ

នយោបាយឈ្នះ-ឈ្នះនាំឱ្យកម្ពុជាសម្រេចបានសន្តិភាព និងការអភិវឌ្ឍដូចសព្វថ្ងៃ

អ៊ីរ៉ង់៖ ការឆ្លងកាត់ច្រកសមុទ្រ Hormuz មិនត្រូវបានធានាទេ បើគ្មានការសម្របសម្រួលជាមួយទីក្រុងតេអេរ៉ង់

ប្រធានាធិបតីជិតឡើងកាន់អំណាចកូឡុំប៊ី ចេញឱសានវាទដល់ក្រុមឧក្រិដ្ឋកម្មប្រដាប់អាវុធ

មន្ត្រីជាន់ខ្ពស់៖ លីបង់ទាមទារឲ្យអ៊ីស្រាអែលដកទ័ពទាំងស្រុង ក្នុងកិច្ចព្រមព្រៀងណាមួយ នៅទីក្រុងវ៉ាស៊ីនតោន

កម្ពុជា ប្តេជ្ញាធ្វើការងារជិតស្និទ្ធជាមួយចិន ដើម្បីពង្រីកបន្ថែមទាំងវិសាលភាព និងភាពស៊ីជម្រៅនៃទំនាក់ទំនងទ្វេភាគី

រញ្ជួយដីកម្រិត ៦,៥រ៉ិចទ័រ វាយប្រហារកោះ នៅភាគខាងត្បូងនៃប្រទេសហ្វីលីពីន

UN ជំរុញឲ្យមានសេចក្តីថ្លៃថ្នូរសម្រាប់ជនអន្តោប្រវេសន៍ ក្រោយតុលាការអាមេរិកសម្រេចលើជនអន្តោប្រវេសន៍ហៃទី និងស៊ីរី

អ៊ីស្រាអែលទម្លាក់ខិត្តប័ណ្ណ នៅទីក្រុងរបស់លីបង់ ដោយបញ្ជាឲ្យប្រជាជនចាកចេញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អ្នកសារព័ត៌មានជាង ៤ពាន់នាក់ ត្រៀមចូលរួមក្នុងជំនួបជាមួយសម្តេចតេជោ ហ៊ុន សែន សម្រាប់ឆ្នាំនេះ

ប្រទេសកាន់តែច្រើនទៀតដាក់ការរឹតត្បិតលើអ្នកដំណើរចេញពីចិន ខណៈករណីឆ្លងវីរុស COVID-19 កើនឡើង

រុស្ស៊ីបន្តការវាយប្រហារលើអ៊ុយក្រែនក្នុងឆ្នាំថ្មី ខណៈលោក Zelenskyy ជូនពរឆ្នាំថ្មីឲ្យទាំងអស់គ្នាទទួលបានជ័យជំនះ

មនុស្ស ១៤នាក់ស្លាប់ក្នុងការវាយប្រហារប្រដាប់អាវុធនៅពន្ធនាគារទីក្រុង Juarez ព្រំដែនម៉ិកស៊ិក

ការសោយទិវង្គតអតីតសម្តេចប៉ាប Benedict គ្របដណ្តប់លើពិធីបុណ្យចូលឆ្នាំថ្មីនៅបុរីវ៉ាទីកង់

ប្រធានាធិបតីចិនជំរុញឱ្យមានសាមគ្គីភាពក្នុងដំណាក់កាលថ្មីនៃការឆ្លើយតបវីរុស COVID-19

ក្រសួង៖ ទេសចរជាតិ-អន្តរជាតិជាង ២លាននាក់ បានដើរលេងកម្សាន្តឆ្លងឆ្នាំសកល២ ថ្ងៃនេះ

ប្រមុខសម្ព័ន្ធណាតូព្រមានលោកខាងលិចត្រូវតែត្រៀមផ្ដល់ការគាំទ្ររយៈពេលវែងដល់អ៊ុយក្រែន

ប្រធានមូលនិធិរូបិយវត្ថុអន្តរជាតិព្រមានថា សេដ្ឋកិច្ចសកលប្រឈមការលំបាកកាន់តែខ្លាំងក្នុងឆ្នាំ២០២៣

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អ្នកសារព័ត៌មានជាង ៤ពាន់នាក់ ត្រៀមចូលរួមក្នុងជំនួបជាមួយសម្តេចតេជោ ហ៊ុន សែន សម្រាប់ឆ្នាំនេះ

ប្រទេស​កាន់តែច្រើន​ទៀត​ដាក់​ការ​រឹតត្បិត​លើ​អ្នកដំណើរ​ចេញពី​ចិន ខណៈ​ករណី​ឆ្លង​វីរុស​ COVID-19 កើនឡើង​

​មនុស្ស​ ១៤​នាក់​ស្លាប់​ក្នុងការ​វាយប្រហារ​ប្រដាប់អាវុធ​នៅ​ពន្ធនាគារ​ទីក្រុង Juarez ព្រំដែន​ម៉ិ​ក​ស៊ិ​ក​

ការ​សោយ​ទិវង្គត​អតីត​សម្តេច​ប៉ាប Benedict គ្របដណ្តប់​លើ​ពិធីបុណ្យ​ចូលឆ្នាំថ្មី​នៅ​បុរី​វ៉ា​ទី​កង់

ប្រធានាធិបតី​ចិន​ជំរុញឱ្យមាន​សាមគ្គីភាព​ក្នុងដំណាក់កាល​ថ្មី​នៃ​ការឆ្លើយតប​វីរុស COVID-19

ក្រសួង៖ ទេសចរជាតិ-អន្តរជាតិជាង ២លាននាក់ បានដើរលេងកម្សាន្តឆ្លងឆ្នាំសកល២ ថ្ងៃនេះ

ប្រមុខ​សម្ព័ន្ធ​ណា​តូ​ព្រមាន​លោកខាងលិច​ត្រូវតែ​ត្រៀម​ផ្ដល់​ការគាំទ្រ​រយៈពេល​វែង​ដល់​អ៊ុយ​ក្រែ​ន​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រទេសកាន់តែច្រើនទៀតដាក់ការរឹតត្បិតលើអ្នកដំណើរចេញពីចិន ខណៈករណីឆ្លងវីរុស COVID-19 កើនឡើង

មនុស្ស ១៤នាក់ស្លាប់ក្នុងការវាយប្រហារប្រដាប់អាវុធនៅពន្ធនាគារទីក្រុង Juarez ព្រំដែនម៉ិកស៊ិក

ការសោយទិវង្គតអតីតសម្តេចប៉ាប Benedict គ្របដណ្តប់លើពិធីបុណ្យចូលឆ្នាំថ្មីនៅបុរីវ៉ាទីកង់

ប្រធានាធិបតីចិនជំរុញឱ្យមានសាមគ្គីភាពក្នុងដំណាក់កាលថ្មីនៃការឆ្លើយតបវីរុស COVID-19

ប្រមុខសម្ព័ន្ធណាតូព្រមានលោកខាងលិចត្រូវតែត្រៀមផ្ដល់ការគាំទ្ររយៈពេលវែងដល់អ៊ុយក្រែន