BTV NEWS

សម្តេចតេជោ ហ៊ុន សែន នឹងបំពេញទស្សនកិច្ចមិត្តភាពផ្លូវការនៅប្រទេសចិនរយៈពេលបីថ្ងៃចាប់ពីថ្ងៃទី២៥ដល់២៧ ខែមិថុនាខាងមុខនេះ

កម្ពុជា-អ៊ីស្រាអែល ឯកភាពបន្តជំរុញទំនាក់ទំនង និងកិច្ចសហប្រតិបត្តិការទ្វេភាគីឱ្យកាន់តែរីកចម្រើន

សម្ដេចធិបតី៖ រាជរដ្ឋាភិបាលសម្រេចបន្តផ្តល់ការលើកទឹកចិត្តផ្នែកពន្ធដារ លើផលិតផលស៊ីម៉ងត៍ក្នុងស្រុក សម្រាប់រយៈពេល ២ឆ្នាំទៀត

ផ្ទះទេវតា១ខ្នង មានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវបណ្ឌិត ត្រូវបានលោកជំទាវ ហ៊ុន ម៉ាណា ប្រគល់ជូនលោកតាចាស់ជរា នៅខេត្តកំពង់ធំ

ព័ត៌មានសំខាន់ៗ

សម្តេចតេជោ ហ៊ុន សែន៖ ក្នុងស្ថានភាពពិភពលោកកំពុងស្មុគស្មាញស្ថាប័នសភាពិតជាមានតួនាទីសំខាន់

ភ្នំពេញ៖ នៅព្រឹកថ្ងៃទី២១ ខែវិច្ឆិកានេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតី និងថ្លែងសុន្ទរកថាគន្លឹះបើកមហាសន្និបាតអន្តរសភាអាស៊ាន (AIPA) លើកទី៤៣ ដែលរៀបចំដោយសភាកម្ពុជា នៅសណ្ឋាគារសុខា រាជធានីភ្នំពេញ។អញ្ជើញចូលរួមថ្លែងសុន្ទរកថាគន្លឹះក្នុងមហាសន្និបាតនេះ សម្ដេចបានបានគូសបញ្ជាក់ថាក្នុងស្ថានភាពដែលពិភពលោកកំពុងប្រឈម និងមានបញ្ហាស្មុគស្មាញយ៉ាងខ្លាំងស្ថាប័នរដ្ឋសភាពិតជាមានតួនាទីសំខាន់មិនអាចខ្វះបាន។សម្ដេចតេជោ ហ៊ុន សែន គូសបញ្ជាក់ថា “អង្គការនីតិបញ្ញត្តិ ជាពិសេស គឺស្ថាប័នរដ្ឋសភា ពិតជាមានតួនាទីសំខាន់ និងមិនអាចខ្វះបាន ក្នុងការចូលរួមចំណែកដោះស្រាយបញ្ហាតំបន់ និងសកល។ ក្នុងស្មារតីនេះ, ខ្ញុំយល់ថាការប្រារព្ធមហាសន្និបាតអន្តរសភាពអាស៊ានលើកទី៤៣ នាពេលនេះ គឺជាឱកាសមួយដ៏កម្រសម្រាប់ សម្ដេច, ឯកឧត្ដម, លោកជំទាវ ជាប្រតិភូអាយប៉ា ចូលរួមពិភាក្សាយ៉ាងទូលំទូលាយលើប្រធានបទរបស់យើង សំដៅពង្រឹងកិច្ចសហប្រតិបត្តិការជាធ្លុងមួយ និងរិះរកនូវអនុសាសន៍គោលនយោបាយ ជាពិសេសគោលជំហររួមមួយ ដើម្បីជាឧត្ដមប្រយោជន៍សម្រាប់ប្រជាជនយើងទាំងអស់គ្នា។”គួរបញ្ជាក់ថា ក្នុងឱកាសបើកមហាសន្និបាតអន្តរសភាអាស៊ានព្រះមហាក្សត្រនៃព្រះរាជាណាចក្រកម្ពុជាក៏សព្វព្រះរាជហឫទ័យស្តេចប្រទាននូវព្រះរាជសុន្ទរកថាផ្ញើជូនអង្គមហាសន្និបាតផងដែរ ហើយក្រៅពីនោះក៏មានការថ្លែងសុន្ទរកថាស្វាគមន៍ ដោយសម្តេចវិបុលសេនាភក្តី សាយ ឈុំ ប្រធានព្រឹទ្ធសភា ,សុន្ទរកថាគន្លឹះ ដោយសម្តេចតេជោ ហ៊ុន សែន នាយករដ្ឋមន្ត្រីកម្ពុជា និងជាប្រធានអាស៊ាន។ បន្ទាប់មកសម្តេចពញាចក្រី ហេង សំរិន ប្រធានរដ្ឋសភា និងជាប្រធានមហាសន្និបាតអន្តរសភាអាស៊ាន លើកទី៤៣ ក៏បានអញ្ជើញថ្លែងសុន្ទរកថាបើកមហាសន្និបាតជាផ្លូវការ។មហាសន្និបាតអន្តរសភាអាស៊ានលើកទី៤៣នៅកម្ពុជានេះក៏មាន ការអញ្ជើញចូលរួមពីឥស្សរជនជាន់ខ្ពស់ព្រឹទ្ធសភា រដ្ឋសភា គណៈប្រតិភូប្រទេសសមាជិកអន្តរសភាអាស៊ាន ព្រមទាំងវត្តមាននៃគណៈប្រតិភូបណ្តាប្រទេសជាអ្នកសង្កេតការណ៍ ភ្ញៀវម្ចាស់ផ្ទះ និងអង្គការដៃគូជាច្រើនទៀត។ មហាសន្និបាតប្រព្រឹត្តទៅចាប់ពីថ្ងៃទី២០ ដល់ ២៥ ខែវិច្ឆិកា ក្រោមមូលបទ «បោះជំហានជាមួយគ្នា ដើម្បីនិរន្តរភាព បរិយាប័ន្ន និងភាពធន់របស់អាស៊ាន»។ មហាសន្និបាតអន្តរសភាអាស៊ាន ហៅកាត់(AIPA)ជាវេទិកាសភា ប្រទេសជាសមាជិកអាស៊ាន ទាំង១០ដែលតំណាងឱ្យពលរដ្ឋប្រមាណជិត ៧០០លាននាក់ ក្នុងក្របខ័ណ្ឌនីតិប្បញ្ញត្តិ ដើម្បីប្រមូលផ្តុំនូវមតិ យោបល់ ទស្សនៈរបស់តំណាងពលរដ្ឋ ក្រោមចក្ខុវិស័យទូលំទូលាយ និងកិច្ចសហប្រតិបត្តិការជិតស្និទ្ធ ក្នុងគោលបំណងដោះស្រាយបញ្ហារួមរបស់ពិភពលោកដែលប៉ះពាល់ដល់តំបន់អាស៊ីអាគ្នេយ៍ និងដើម្បីជំរុញឱ្យមានសន្តិសុខ ស្ថិរភាពនិងវិបុលភាព៕

អ៊ុយក្រែន និងរុស្ស៊ីចោទប្រកាន់ដាក់គ្នាជុំវិញការបាញ់ផ្លោងលើរោងចក្រនុយក្លេអ៊ែរ Zaporizhzhia

អ៊ុយក្រែន៖ ទីក្រុង Kyiv និង Moscow កាលពីថ្ងៃអាទិត្យបានចោទប្រកាន់ដាក់គ្នាទៅវិញទៅមក លើការបាញ់ផ្លោងចូលតំបន់រោងចក្រថាមពលនុយក្លេអ៊ែរ Zaporizhzhia ដែលរុស្ស៊ីកំពុងគ្រប់គ្រងនៅក្នុងប្រទេសអ៊ុយក្រែនភាគខាងត្បូង។ទីភ្នាក់ងារឃ្លាំមើលថាមពលអាតូមិករបស់អង្គការសហប្រជាជាតិ ដែលមានក្រុមអ្នកជំនាញប្រចាំការនៅរោងចក្រនុយក្លេអ៊ែរធំបំផុតក្នុងតំបន់អឺរ៉ុបបាននិយាយថា ការផ្ទុះដ៏ខ្លាំងក្លាបានកើតឡើងកាលពីថ្ងៃសៅរ៍ និងថ្ងៃអាទិត្យ។ កងទ័ពរុស្ស៊ីបាននិយាយនៅក្នុងសេចក្ដីថ្លែងការណ៍កាលពីថ្ងៃអាទិត្យថា ទីក្រុង Kyiv មិនបញ្ឈប់សកម្មភាពបង្កហេតុរបស់ខ្លួនក្នុងគោលបំណងបង្កើតការគំរាមកំហែងដ៏មហន្តរាយ បង្កើតឡើងដោយមនុស្សនៅរោងចក្រថាមពលនុយក្លេអ៊ែរ Zaporizhzhia នោះទេ។ កងទ័ពខាងលើបានបន្ថែមថា ទោះបីជាមានការបាញ់ផ្លោងក៏ដោយ ក៏កម្រិតរ៉េអាក់ទ័រនៅតែដំណើរការធម្មតា។របាយការណ៍នោះបញ្ជាក់ថា មីស៊ីលជាច្រើនគ្រាប់បានផ្ទុះនៅជុំវិញបង្គោលភ្លើងដែលផ្គត់ផ្គង់រោងចក្រនោះ គឺបង្គោលផ្គត់ផ្គង់ភ្លើងទី៤ និងទី៥ និងអគារពិសេសលេខ២។ លោក Renat Karchaa ទីប្រឹក្សារបស់ទីភ្នាក់ងារនុយក្លេអ៊ែរ Rosatom របស់រុស្ស៊ីបានប្រាប់សារព័ត៌មានរដ្ឋ TASS ថា អគារពិសេសនោះបានផ្ទុកសារធាតុនុយក្លេអ៊ែរ។ ចំណែកទីភ្នាក់ងារថាមពលនុយក្លេអ៊ែររបស់អ៊ុយក្រែន Energoatom បាននិយាយភ្លាមៗថា រុស្ស៊ីជាអ្នកនៅពីក្រោយការផ្ទុះទាំងនោះ៕អត្ថបទ៖ សុខមាន

ឯកឧត្តម ហ៊ុន ម៉ានី បានអញ្ជើញដឹកនាំគណៈប្រតិភូនៃកិច្ចប្រជុំសមាជិកសភាវ័យក្មេងអាយប៉ា ចូលជួបគោរពសម្តែងការគួរសមសម្តេចពញាចក្រី ហេង សំរិន ប្រធានរដ្ឋសភា

ក្នុងនាមជាប្រធានដឹកនាំកិច្ចប្រជុំសមាជិកសភាវ័យក្មេងអាយប៉ា (YPA) ឯកឧត្តម ហ៊ុន ម៉ានី បានអញ្ជើញដឹកនាំគណៈប្រតិភូនៃកិច្ចប្រជុំសមាជិកសភាវ័យក្មេងអាយប៉ា ចូលជួបគោរពសម្តែងការគួរសមសម្តេចអគ្គមហាពញាចក្រី ហេង សំរិន ប្រធានរដ្ឋសភានៃព្រះរាជា-ណាចក្រកម្ពុជា និងជាប្រធានមហាសន្និបាតអន្តរសភាអាស៊ានលើកទី៤៣នាព្រឹកថ្ងៃទី២១ ខែវិច្ឆិកា ឆ្នាំ២០២២ ។ឯកឧត្តម ហ៊ុន ម៉ានី បានគោរពថ្លែងអំណរគុណយ៉ាងជ្រាលជ្រៅបំផុតចំពោះ សម្តេចប្រធាន ដែលបានចំណាយពេលវេលាដ៏មមាញឹកក្នុងឱកាសនៃមហាសន្និបាតអាយប៉ាលើកទី៤៣ ទទួលជួបគណៈប្រតិភូសមាជិកសភាវ័យក្មេងអាយប៉ា នាព្រឹកនេះ។ ទន្ទឹមនេះ ឯកឧត្តមបានបង្ហាញសេចក្តីសោមនស្សរីករាយ ដែលកិច្ចប្រជុំសមាជិកសភាវ័យក្មេងអាយប៉ា នឹងធ្វើឡើងជាលើកទី១ និងដោយផ្ទាល់ នារសៀលថ្ងៃនេះ ក្នុងអំឡុងពេលនៃមហាសន្និបាតអាយប៉ាលើកទី៤៣ ដែលសភាកម្ពុជាធ្វើជាម្ចាស់ផ្ទះនាឆ្នាំ២០២២ នេះ។ សម្តេចអគ្គមហាពញាចក្រី ហេង សំរិន បានលើកឡើងដល់គណៈប្រតិភូ YPA ថា៖ «យុវជន គឺជាធនធានប្រកបដោយថាមភាពខ្ពស់ ក្នុងដំណើរការកិច្ចការនយោបាយ និងការអភិវឌ្ឍសេដ្ឋកិច្ច ការថែរក្សាបាននូវសុខសន្តិភាព ស្ថិរភាពនយោបាយ ក្នុងតំបន់ និងសកល។ ភាពជាតំណាងរបស់យុវជន ត្រូវបានលើកកម្ពស់នៅគ្រប់ទិសទី»។ក្នុងឱកាសជំនួបនេះដែរ តំណាងឱ្យគណៈប្រតិភូសមាជិកសភាវ័យក្មេងអាយប៉ាទាំងអស់ ឯកឧត្តម ហ៊ុន ម៉ានី បង្ហាញសុទិដ្ឋិនិយមថា «ជាមួយការចូលរួមបន្ថែមពីសមាជិកសភាវ័យក្មេងអាយប៉ា ដែលឆ្លុះបញ្ចាំងពីការតាំងចិត្តរបស់សភានៃប្រទេសសមាជិកអាយប៉ា និងអាស៊ានជារួម យើងនឹងឈានទៅសម្រេចបានការកសាងសហគមន៍អាស៊ានមួយពោរពេញទៅដោយកាលានុវត្តភាព និងការចូលរួមចំណែកយ៉ាងសកម្ម និងជាវិជ្ជមានពីប្រជា-ជនវ័យក្មេង ដើម្បីផលប្រយោជន៍រួមនៃប្រជាជន និងប្រទេសក្នុងតំបន់អាស៊ាន»។សូមជម្រាបជូនថា កិច្ចប្រជុំសមាជិកសភាអាយប៉ាវ័យក្មេងលើកទី១ នឹងប្រព្រឹត្តលើប្រធានបទស្តីពី «ជំរុញការផ្សារភ្ជាប់ជាមួយប្រជាជនវ័យក្មេង ដើម្បីសហគមន៍អាស៊ានមួយប្រកបដោយចីរភាព ភាពធន់ និងវិបុលភាព» ដែលជាការគាំទ្រ និងចូលរួមចំណែកស្របទៅនឹងមូលបទរួមនៃមហាសន្និបាតអាយប៉ា លើកទី៤៣ ស្តីពី «ការបោះជំហានជាមួយគ្នា ដើម្បីតំបន់អាស៊ានមួយ ប្រកបដោយចីរភាព បរិយាប័ន្ន និងភាពធន់»។

ពិធីបើកមហាសន្និបាតអន្តរសភាអាស៊ានអាយប៉ា AIPA លើកទី៤៣ ចាប់ផ្តើមដំណើរការ

ភ្នំពេញ៖ នៅថ្ងៃទី២១ ខែវិច្ឆិកា ឆ្នាំ២០២២នេះ មហាសន្និបាតអន្តរសភាអាស៊ាន (AIPA) លើកទី៤៣ ចាប់ផ្ដើមនៅដំណើរការហើយ។ ក្នុងពិធីបើកមហាសន្និបាតនេះ មានការអញ្ជើញថ្លែងសុន្ទរកថាស្វាគមន៍ ដោយសម្តេចវិបុលសេនាភក្តី សាយ ឈុំ ប្រធានព្រឹទ្ធសភា និងថ្លែងសុន្ទរកថាគន្លឹះ ដោយសម្តេចតេជោ ហ៊ុន សែន នាយករដ្ឋមន្ត្រីកម្ពុជា និងជាប្រធានអាស៊ាន។ បន្ទាប់មកសម្តេចពញាចក្រី ហេង សំរិន ប្រធានរដ្ឋសភា និងជាប្រធានមហាសន្និបាតអន្តរសភាអាស៊ានលើកទី៤៣ នឹងអញ្ជើញថ្លែងសុន្ទរកថាបើកមហាសន្និបាត។ ក្នុងពិធីបើកមហាសន្និបាតនេះ ក៏មានការអញ្ចើញចូលរួមពីឥស្សរជនជាន់ខ្ពស់ព្រឹទ្ធសភា រដ្ឋសភា គណៈប្រតិភូប្រទេសសមាជិកអន្តរសភាអាស៊ាន ព្រមទាំងវត្តមាន នៃគណៈប្រតិភូបណ្តាប្រទេសជាអ្នកសង្កេតការណ៍ ភ្ញៀវម្ចាស់ផ្ទះ និងអង្គការដៃគូជាច្រើនទៀត។ មហាសន្និបាតអន្តរសភាអាស៊ានដែលរៀបចំដោយសភាកម្ពុជា ប្រព្រឹត្តទៅចាប់ពីថ្ងៃទី២០ ដល់ ២៥ ខែវិច្ឆិកា ក្រោមមូលបទ «បោះជំហានជាមួយគ្នា ដើម្បីនិរន្តរភាព បរិយាប័ន្ន និងភាពធន់របស់អាស៊ាន»។ នៅក្នុងកំឡុងពេលនៃការប្រារព្ធមហាសន្និបាតនេះ នឹងមានកិច្ចប្រជុំតាមគណៈកម្មាធិការជំនាញAIPAជាច្រើន ដែលសម្តេចប្រធានរដ្ឋសភា និងសមាជិកគណៈប្រតិភូចូលរួមប្រជុំ។ កិច្ចប្រជុំនោះមានដូចជា៖ កិច្ចប្រជុំគណៈកម្មាធិការប្រតិបត្តិ កិច្ចប្រជុំពេញអង្គ កិច្ចប្រជុំគណៈកម្មាធិការសេដ្ឋកិច្ច កិច្ចប្រជុំគណៈកម្មាធិការសង្គមកិច្ច និងកិច្ចប្រជុំគណៈកម្មាធិការរៀបចំជាដើម។

កូរ៉េខាងជើងបង្ហាញការសោកស្ដាយខ្លាំងជុំវិញការស្ដីបន្ទោសរបស់ UN ចំពោះការសាកល្បងមីស៊ីល ICBM

កូរ៉េខាងជើង៖ សេចក្ដីថ្លែងការណ៍ចេញផ្សាយដោយសារព័ត៌មានរដ្ឋ KCNA បាននិយាយថា រដ្ឋមន្ត្រីការបរទេសកូរ៉េខាងជើងកាលពីថ្ងៃអាទិត្យ ទី២០ វិច្ឆិកា បានបង្ហាញការសោកស្ដាយយ៉ាងខ្លាំងជុំវិញការថ្កោលទោសរបស់អគ្គលេខាធិការអង្គការសហប្រជាជាតិលោក Antonio Guterres ចំពោះការបាញ់មីស៊ីលបាលីស្ទីកអន្តរទ្វីប ICBM របស់ប្រទេសនេះ។ កូរ៉េខាងជើងបានបាញ់មីស៊ីលបាលីស្ទីកអន្តរទ្វីប ១គ្រាប់កាលពីថ្ងៃសុក្រ មួយក្នុងចំណោមការសាកល្បងដ៏មានឥទ្ធិពលបំផុតរបស់ខ្លួន ដែលជំរុញឲ្យលោក Guterres ជំរុញដល់ទីក្រុងព្យុងយ៉ាងឲ្យបញ្ឈប់សកម្មភាពបង្ករឿងណាមួយបន្ថែមទៀត។ ប្រមុខការទូតលោកស្រី Choe Son Hui បានឆ្លើយតបដោយការបង្ហាញការសោកស្ដាយជាខ្លាំងជុំវិញការពិតដែលថា អគ្គលេខាធិការអង្គការសហប្រជាជាតិលម្អៀងខ្លាំងទៅលើសហរដ្ឋអាមេរិក។លោកស្រី Choe និយាយថា សេចក្ដីថ្លែងការណ៍របស់ប្រមុខអង្គការសហប្រជាជាតិគឺបានបញ្ជាក់ច្បាស់ពីបំណង និងគោលការណ៍នានានៃធម្មនុញ្ញរបស់អង្គការសហប្រជាជាតិ និងបេសកកម្មសមស្របដែលត្រូវរក្សាភាពមិនលម្អៀងតាមគោលបំណង និងភាពត្រឹមត្រូវ។ លោកស្រីបានបន្ថែមថា បញ្ហានេះបង្ហាញថា លោក Guterres គឺជាអាយ៉ងរបស់សហរដ្ឋអាមេរិក៕អត្ថបទ៖ សុខមាន

រដ្ឋមន្ត្រីក្រសួងអប់រំ៖ ការប្រឡងបាក់ឌុបនឹងធ្វើឡើងនៅថ្ងៃទី៥ និងទី៦ ធ្នូ ដោយមានបេក្ខជនជាង ១២ម៉ឺននាក់

ភ្នំពេញ៖ នៅថ្ងៃទី២១ ខែវិច្ឆិកា ឆ្នាំ២០២២ ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានធ្វើសន្និសិទសារព័ត៌មានស្ដីពី ដំណើរការរៀបចំការប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២២។ក្នុងសន្និសីទសារព័ត៌មាននេះ ឯកឧត្តមបណ្ឌិតសភាចារ្យ ហង់ ជួនណារ៉ុន បានថ្លែងថា ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) នឹងធ្វើឡើងនៅថ្ងៃទី៥ និងទី៦ ខែធ្នូ ឆ្នាំ២០២២ ដែលមានបេក្ខជនចូលរួមប្រឡងជាង១២ម៉ឺននាក់ ហើយគ្រោងប្រកាសលទ្ធផល សម្រាប់រាជធានីភ្នំពេញ និងខេត្តកណ្ដាល នៅថ្ងៃទី២៧ ខែធ្នូ ហើយខេត្តផ្សេងៗ នៅថ្ងៃទី២៨ ខែធ្នូ ឆ្នាំ២០២២។

មនុស្ស ៥នាក់ស្លាប់ និង១៨នាក់ទៀតរងរបួសក្នុងហេតុការណ៍បាញ់ប្រហារនៅក្លឹបរាត្រី ក្នុងទីក្រុង Colorado Springs នៃរដ្ឋ Colorado

នគរបាលបាននិយាយថា មនុស្ស ៥នាក់បានស្លាប់ និង១៨នាក់ រងរបួសក្នុងការបាញ់ប្រហារនៅក្លឹបកម្សាន្តរាត្រី សម្រាប់ភេទទី៣ ក្នុងទីក្រុងColorado Springs នៃរដ្ឋ Colorado សហរដ្ឋអាមេរិក។ ជនសង្ស័យត្រូវបានគេកំណត់អត្តសញ្ញាណមានឈ្មោះថា Anderson Lee Aldrich វ័យ២២ឆ្នាំ ហើយស្នងការនគរបាលក្រុង Colorado Springs លោក Adrian Vasquez បាននិយាយកាលពីថ្ងៃអាទិត្យថា ជនល្មើសបានប្រើកាំភ្លើងវែង និងបានចាប់ផ្ដើមបាញ់ប្រហារភ្លាមៗ បន្ទាប់ពីចូលទៅដល់ក្នុងក្លឹបកម្សាន្តនោះ។

មហាសន្និបាតអន្តរសភាអាស៊ាន (AIPA) លើកទី៤៣ ចាប់ផ្ដើមនៅថ្ងៃនេះ

ភ្នំពេញ៖ មហាសន្និបាតអន្តរសភាអាស៊ាន (AIPA) លើកទី៤៣ ចាប់ផ្ដើមនៅថ្ងៃទី២១ ខែវិច្ឆិកា ឆ្នាំ២០២២នេះ ហើយ ។ ពិធីបើកមហាសន្និបាតអន្តរសភាអាស៊ាន នឹងចាប់ផ្តើមដោយព្រះរាជសុន្ទរកថាស្វាគមន៍របស់ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា។ ក្នុងពិធីបើកមហាសន្និបាតនេះ ក៏មានការអញ្ជើញថ្លែងសុន្ទរកថាស្វាគមន៍ ដោយសម្តេចវិបុលសេនាភក្តី សាយ ឈុំ ប្រធានព្រឹទ្ធសភា និងថ្លែងសុន្ទរកថាគន្លឹះ ដោយសម្តេចតេជោ ហ៊ុន សែន នាយករដ្ឋមន្ត្រីកម្ពុជា និងជាប្រធានអាស៊ាន។ បន្ទាប់មកសម្តេចពញាចក្រី ហេង សំរិន ប្រធានរដ្ឋសភា និងជាប្រធានមហាសន្និបាតអន្តរសភាអាស៊ានលើកទី៤៣ នឹងអញ្ជើញថ្លែងសុន្ទរកថាបើកមហាសន្និបាត។ក្នុងពិធីបើកមហាសន្និបាតនេះ ក៏មានការអញ្ចើញចូលរួមពីឥស្សរជនជាន់ខ្ពស់ព្រឹទ្ធសភា រដ្ឋសភា គណៈប្រតិភូប្រទេសសមាជិកអន្តរសភាអាស៊ាន ព្រមទាំងវត្តមាន នៃគណៈប្រតិភូបណ្តាប្រទេសជាអ្នកសង្កេតការណ៍ ភ្ញៀវម្ចាស់ផ្ទះ និងអង្គការដៃគូជាច្រើនទៀត។ មហាសន្និបាតអន្តរសភាអាស៊ានដែលរៀបចំដោយសភាកម្ពុជា ប្រព្រឹត្តទៅចាប់ពីថ្ងៃទី២០ ដល់ ២៥ ខែវិច្ឆិកា ក្រោមមូលបទ «បោះជំហានជាមួយគ្នា ដើម្បីនិរន្តរភាព បរិយាប័ន្ន និងភាពធន់របស់អាស៊ាន»។ នៅក្នុងកំឡុងពេលនៃការប្រារព្ធមហាសន្និបាតនេះ នឹងមានកិច្ចប្រជុំតាមគណៈកម្មាធិការជំនាញAIPAជាច្រើន ដែលសម្តេចប្រធានរដ្ឋសភា និងសមាជិកគណៈប្រតិភូចូលរួមប្រជុំ។ កិច្ចប្រជុំនោះមានដូចជា៖ កិច្ចប្រជុំគណៈកម្មាធិការប្រតិបត្តិ កិច្ចប្រជុំពេញអង្គ កិច្ចប្រជុំគណៈកម្មាធិការសេដ្ឋកិច្ច កិច្ចប្រជុំគណៈកម្មាធិការសង្គមកិច្ច និងកិច្ចប្រជុំគណៈកម្មាធិការរៀបចំជាដើម៕

ប្រមុខកងទ័ពចិនសំដែងការរីករាយចំពោះទំនាក់ទំនងល្អរវាងកងទ័ពនិងកងទ័ពនៃប្រទេសទាំង២ កម្ពុជា ចិន

ភ្នំពេញ ៖ប្រមុខកងទ័ពចិនបានសំដែងនូវការរីករាយជាមួយសម្តេចតេជោ ហ៊ុន សែន នាយករដ្ឋមន្ត្រីកម្ពុជា ដែលប្រទេសទាំង២ កម្ពុជា ចិនមានទំនាក់ទំនងកិច្ចសហប្រតិបត្តិការរឹងមាំ ជាពិសេសរវាងកងទ័ពនិងកងទ័ពនៃប្រទេសទាំង២។ការលើកឡើងរបស់ភាគីចិននៅចំពោះមុខសម្តេចតេជោប្រមុខរាជរដ្ឋាភិបាលកម្ពុជាយ៉ាងដូច្នេះត្រូវបានធ្វើឡើងក្នុងពេលដែលសម្តេចបានអនុញ្ញាតឱ្យឯកឧត្តម វ៉ី ហ្វុងហឺ (Wei Fenghe) រដ្ឋមន្ត្រីការពារជាតិចិន ចូលជួបសំដែងការគួរសម និងពិភាក្សាការងារ នៅវិមានសន្តិភាពនាល្ងាចថ្ងៃអាទិត្យទី២០វិច្ឆិកានេះ ខណៈឯកឧត្តមបានមកចូលរួមកិច្ចប្រជុំរដ្ឋមន្ត្រីការពារជាតិអាស៊ាននិងកិច្ចប្រជុំរដ្ឋមន្ត្រីការពារជាតិបូកដែលនឹងប្រព្រឹត្តិទៅនៅខេត្តសៀមរាបនាថ្ងៃទី២៣វិច្ឆិកា។ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោបានឱ្យដឹងថា៖នៅក្នុងជំនួបនេះ ឯកឧត្តម វ៉ី ហ្វុងហឺ បានគោរពវាយតម្លៃខ្ពស់និងសម្ដែងនូវការអបអរសាទរជូនចំពោះសម្ដេចតេជោ ចំពោះការអភិវឌ្ឍន៍យ៉ាងឆាប់រហ័សរបស់កម្ពុជាជាមួយនឹងការដឹកនាំកិច្ចប្រជុំកំពូលអាស៊ាននិងកិច្ចប្រជុំកំពូលពាក់ព័ន្ធទទួលបានលទ្ធផលយ៉ាងជោគជ័យ។ឯកឧត្តម វ៉ី ហ្វូងហឺ ក៏បានសម្ដែងនូវការរីករាយចំពោះទំនាក់ទំនងរវាងប្រទេសទាំងពីរ ជាពិសេសរវាងកងទ័ពនិងកងទ័ពដែលកំពុងមានទំនាក់ទំនងល្អនិងកិច្ចសហប្រតិបត្តិការល្អប្រកបដោយផ្លែផ្កា។ឆ្លៀតក្នុងឱកាសនោះដែរ ឯកឧត្តមក៏បានជម្រាបជូនសម្ដេចតេជោថា៖ចិននឹងបន្តជួយដល់កម្ពុជាថែមទៀត។ជាការឆ្លើយតប សម្ដេចតេជោបានថ្លែងអំណរគុណជូនចំពោះឯកឧត្តម វ៉ី ហ្វុងហឺ ដែលបានមកចូលរួមកិច្ចប្រជុំរដ្ឋមន្ត្រីការពារជាតិអាស៊ានបូកដោយផ្ទាល់ហើយក៏បានថ្លែងអំណរគុណជូនឯកឧត្តមផងដែរ ចំពោះការវាយតម្លៃអំពីការរីកចម្រើនរបស់កម្ពុជានិងការដឹកនាំកិច្ចប្រជុំកំពូលអាស៊ាននិងកិច្ចប្រជុំកំពូលពាក់ព័ន្ធកន្លងទៅ រួមជាមួយនឹងការថ្លែងអំណរគុណដល់ជំនួយរបស់មិត្តចិនដែលបានចូលរួមចំណែកក្នុងការអភិវឌ្ឍន៍ទាំងធនធានមនុស្ស និងការអភិវឌ្ឍន៍របស់កម្ពុជា៕

សម្តេចតេជោ៖ដៃគូសេដ្ឋកិច្ចល្អនាំទៅដល់ការលើកកម្ពស់ទំនាក់ទំនងទាំងផ្នែកនយោបាយ

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានឯកភាពចំពោះការវាយតម្លៃ អំពីកិច្ចសហប្រតិបត្តិការល្អរវាងប្រទេសវៀតណាមនិងកម្ពុជា ហើយសម្តេចមានប្រសាសន៍ថា៖ដៃគូសេដ្ឋកិច្ចគឺល្អនាំទៅដល់ការលើកកម្ពស់នៃទំនាក់ទំនងទាំងផ្នែកនយោបាយនិងវិស័យដទៃទៀត។សម្តេចតេជោប្រមុខរាជរដ្ឋាភិ បាលកម្ពុជា បានមានប្រសាសន៍លើកឡើងបែបនេះខណៈអញ្ជើញទទួលជួបសវនាការជាមួយ ឯកឧត្តម វឿង ឌីញហ្វេ (VUONG DINH HUE)ប្រធានរដ្ឋសភាវៀត ណាមនៅវិមានសន្តិភាពនាព្រឹកថ្ងៃអាទិត្យទី២០វិច្ឆិកានេះ។ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោ បានឱ្យដឹងថា៖នៅក្នុងជំនួបនេះ ឯកឧត្តម វឿង បានគោរពសម្ដែងនូវការរីករាយចំពោះទំនាក់ទំនងរវាងប្រទេសទាំងពីរ ជាពិសេសក្នុងខួប៥០ឆ្នាំនៃទំនាក់ទំនងការទូតរវាងប្រទេសទាំងពីរដែលមានកម្មវិធីជាច្រើនបានរៀបចំឡើងក៏ដូចជាការផ្លាស់ប្ដូរទស្សនកិច្ចទាំងថ្នាក់ដឹកនាំ ទាំងរវាងប្រជាជននិងយុវជន។ឯកឧត្តម ក៏បានគោរពសម្ដែងនូវការសាទរ ជូនចំពោះសម្ដេចតេជោផងដែរដែលបានគ្រប់គ្រងជំងឺកូវីដ១៩បានយ៉ាងជោគជ័យ បានបើកប្រទេសឡើងវិញ បើកសេដ្ឋកិច្ចឡើងវិញ និងបានសំដែងនូវការអបអរសាទរផងដែរ ចំពោះការអភិវឌ្ឍន៍យ៉ាងឆាប់រហ័សរបស់កម្ពុជា ជាពិសេសការដឹកនាំកិច្ចប្រជុំកំពូលអាស៊ាននិងកិច្ចប្រជុំកំពូលពាក់ព័ន្ធទទួលបានជោគជ័យយ៉ាងធំធេង។ឯកឧត្តមក៏បានសម្ដែងសេចក្តីរីករាយជាមួយនឹងកិច្ចសហប្រតិបត្តិការរវាងប្រទេសទាំងពីរ ជាពិសេសកិច្ចសហប្រតិបត្តិការលើវិស័យពាណិជ្ជកម្ម ដែលក្នុងនោះទំហំពាណិជ្ជកម្មរវាងប្រទេសទាំងពីរបានកើនឡើងដល់១០ពាន់លានដុល្លារនៅក្នុងឆ្នាំនេះ ហើយក៏បានឆ្លៀតឱកាសនេះស្នើសុំឲ្យមានកិច្ចសហប្រតិបត្តិការកាន់តែស៊ីជម្រៅថែមទៀតរវាងប្រទេសទាំងពីរនិងឲ្យបានគ្រប់វិស័យ។ជាការឆ្លើយតប សម្ដេចតេជោបានថ្លែងអំណរគុណជូនចំពោះឯកឧត្តម វឿង ចំពោះការវាយតម្លៃនៃទំនាក់ទំនងរវាងប្រទេសទាំងពីរផងនិងលទ្ធផលនៃកិច្ចប្រជុំកំពូលអាស៊ាននិងកិច្ចប្រជុំកំពូលពាក់ព័ន្ធផង។សម្ដេចតេជោបានឯកភាពជាមួយសំណើរបស់ឯកឧត្តមប្រធានសភាវៀតណាមក្នុងការជំរុញកិច្ចសហប្រតិបត្តិការឲ្យកាន់តែស៊ីជម្រៅថែមទៀត។សម្ដេចបានមានប្រសាសន៍ថា៖ដៃគូសេដ្ឋកិច្ចល្អគឺនាំទៅដល់ការលើកកម្ពស់ទំនាក់ទំនងទាំងផ្នែកនយោបាយនិងវិស័យដទៃទៀត៕

បណ្ដាញសង្គម

ព័ត៌មានថ្មីៗ

មនុស្ស ១៤នាក់ ស្លាប់ ពេលអគ្គិភ័យឆាបឆេះអគារមួយខ្នងនៅទីក្រុង Lucknow ប្រទេសឥណ្ឌា

ពលរដ្ឋជម្លៀសខ្លួននៅលីបង់ ព្រួយបារម្ភខ្លាចបទឈប់បាញ់អ៊ីស្រាអែល-ក្រុមហេសបូឡា ពុំចូលជាធរមាន

ពលរដ្ឋហ្កាហ្សាស្វែងរកកន្លែងស្រាកស្រាន្តនៅក្នុងសមុទ្រកខ្វក់ ដើម្បីគេចវេះពីអាកាសធាតុក្តៅ

រលកបាតុកម្មអាល់បានី ឈានចូលដល់សប្តាហ៍ទី ៤ បើទោះបីជាអាកាសធាតុក្តៅក៏ដោយ

សត្វស្លាបផ្លាស់ទីជម្រក ២ក្បាល បញ្ជាក់ថាមានជំងឺគ្រុនផ្តាសាយបក្សី H5N1 នៅអូស្រ្តាលី

ក្រុមភ្នាក់ងារពន្លត់អគ្គិភ័យបន្តពន្លត់អណ្តាតភ្លើងឆាបឆេះឃ្លាំងស្តុកទំនិញមួយកន្លែងនៅទីក្រុង Houston សហរដ្ឋអាមេរិក

កូរ៉េខាងត្បូងព្រមទទួលយកឈ្លើយសឹកកូរ៉េខាងជើងទាំងអស់នៅអ៊ុយក្រែន បើសិនជាពួកគេប្រាថ្នា

លោក Putin ៖ កងកម្លាំងរុស្ស៊ីជិតដណ្តើមបានទីក្រុង Kostiantynivka ស្ថិតក្នុងតំបន់ Donetskរបស់អ៊ុយក្រែន

តំបន់គ្រីមៀបិទភ្លើងបំភ្លឺតាមផ្លូវ ផ្អាកសេវាដឹកជញ្ជូនសាធារណៈ ខណៈជួបកង្វះខាតប្រេងឥន្ធនៈ

រលកកម្តៅខែមិថុនាបានបំណែកកំណត់ត្រាកាលពីថ្ងៃចន្ទនៅទីក្រុង Nante របស់បារាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្តេចតេជោ ហ៊ុន សែន៖ ក្នុងស្ថានភាពពិភពលោកកំពុងស្មុគស្មាញស្ថាប័នសភាពិតជាមានតួនាទីសំខាន់

អ៊ុយក្រែន និងរុស្ស៊ីចោទប្រកាន់ដាក់គ្នាជុំវិញការបាញ់ផ្លោងលើរោងចក្រនុយក្លេអ៊ែរ Zaporizhzhia

ពិធីបើកមហាសន្និបាតអន្តរសភាអាស៊ានអាយប៉ា AIPA លើកទី៤៣ ចាប់ផ្តើមដំណើរការ

កូរ៉េខាងជើងបង្ហាញការសោកស្ដាយខ្លាំងជុំវិញការស្ដីបន្ទោសរបស់ UN ចំពោះការសាកល្បងមីស៊ីល ICBM

រដ្ឋមន្ត្រីក្រសួងអប់រំ៖ ការប្រឡងបាក់ឌុបនឹងធ្វើឡើងនៅថ្ងៃទី៥ និងទី៦ ធ្នូ ដោយមានបេក្ខជនជាង ១២ម៉ឺននាក់

មនុស្ស ៥នាក់ស្លាប់ និង១៨នាក់ទៀតរងរបួសក្នុងហេតុការណ៍បាញ់ប្រហារនៅក្លឹបរាត្រី ក្នុងទីក្រុង Colorado Springs នៃរដ្ឋ Colorado

មហាសន្និបាតអន្តរសភាអាស៊ាន (AIPA) លើកទី៤៣ ចាប់ផ្ដើមនៅថ្ងៃនេះ

ប្រមុខកងទ័ពចិនសំដែងការរីករាយចំពោះទំនាក់ទំនងល្អរវាងកងទ័ពនិងកងទ័ពនៃប្រទេសទាំង២ កម្ពុជា ចិន

សម្តេចតេជោ៖ដៃគូសេដ្ឋកិច្ចល្អនាំទៅដល់ការលើកកម្ពស់ទំនាក់ទំនងទាំងផ្នែកនយោបាយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្តេចតេជោ ហ៊ុន សែន៖ ក្នុងស្ថានភាពពិភពលោក​កំពុងស្មុគស្មាញ​ស្ថាប័ន​សភាពិតជា​មាន​តួនាទីសំខាន់

អ៊ុយ​ក្រែ​ន និង​រុស្ស៊ី​ចោទប្រកាន់​ដាក់គ្នា​ជុំវិញ​ការ​បាញ់​ផ្លោង​លើ​រោងចក្រ​នុយក្លេអ៊ែរ Zaporizhzhia

ពិធីបើកមហាសន្និបាតអន្តរសភាអាស៊ានអាយប៉ា AIPA លើកទី៤៣ ចាប់ផ្តើមដំណើរការ

កូរ៉េខាងជើង​បង្ហាញ​ការសោកស្ដាយ​ខ្លាំង​ជុំវិញ​ការស្ដីបន្ទោស​របស់ UN ​ចំពោះ​ការសាកល្បង​មី​ស៊ី​ល ICBM

រដ្ឋមន្ត្រីក្រសួងអប់រំ៖ ការប្រឡងបាក់ឌុបនឹងធ្វើឡើងនៅថ្ងៃទី៥ និងទី៦ ធ្នូ ដោយមានបេក្ខជនជាង ១២ម៉ឺននាក់

មហាសន្និបាតអន្តរសភាអាស៊ាន (AIPA) លើកទី៤៣ ចាប់ផ្ដើមនៅថ្ងៃនេះ

ប្រមុខកងទ័ពចិនសំដែងការរីករាយចំពោះទំនាក់ទំនងល្អរវាងកងទ័ពនិងកងទ័ពនៃប្រទេសទាំង២ កម្ពុជា ចិន

​សម្តេចតេជោ៖ដៃគូសេដ្ឋកិច្ចល្អនាំទៅដល់ការលើកកម្ពស់ទំនាក់ទំនងទាំងផ្នែកនយោបាយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សម្តេចតេជោ ហ៊ុន សែន៖ ក្នុងស្ថានភាពពិភពលោកកំពុងស្មុគស្មាញស្ថាប័នសភាពិតជាមានតួនាទីសំខាន់

អ៊ុយក្រែន និងរុស្ស៊ីចោទប្រកាន់ដាក់គ្នាជុំវិញការបាញ់ផ្លោងលើរោងចក្រនុយក្លេអ៊ែរ Zaporizhzhia

កូរ៉េខាងជើងបង្ហាញការសោកស្ដាយខ្លាំងជុំវិញការស្ដីបន្ទោសរបស់ UN ចំពោះការសាកល្បងមីស៊ីល ICBM

សម្តេចតេជោ៖ដៃគូសេដ្ឋកិច្ចល្អនាំទៅដល់ការលើកកម្ពស់ទំនាក់ទំនងទាំងផ្នែកនយោបាយ