BTV NEWS

សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតអបអរសាទរ ថ្វាយសម្តេចព្រះវររាជមាតាជាតិខ្មែរ ត្រូវបានសហគមន៍ OB-PS ថ្វាយនូវពានសមាជិកភាពកិត្តិយសជើងឯក “Champions Award”

កម្ពុជា-សហភាពសេដ្ឋកិច្ចអឺរ៉ុប-អាស៊ី (EAEU) ពិនិត្យ និង ពិចារណាលើកិច្ចព្រមព្រៀងពាណិជ្ជកម្មសេរី (FTA)

លោកជំទាវបណ្ឌិត ពេជ ចន្ទមុន្នី ក្រាបបង្គំអបអរសាទរ សម្តេចព្រះមហាក្សត្រី ព្រះវររាជមាតាជាតិខ្មែរ ដែលទទួលបានការថ្វាយ «ពានសមាជិកភាពជើងឯក» ពី OB-PS

ព័ត៌មានសំខាន់ៗ

សមាគមធនាគារ និងសមាគមមីក្រូហិរញ្ញវត្ថុកម្ពុជាសាទរដែលធនាគារ និងគ្រឹះស្ថានមីក្រូហិរញ្ញវត្ថុ យោគយល់ និងអនុគ្រោះដល់អតិថិជនរងផលប៉ះពាល់ដោយសារទឹកជំនន់

ភ្នំពេញ៖ សមាគមធនាគារ និងសមាគមមីក្រូហិរញ្ញវត្ថុកម្ពុជាប្រកាសថា ធនាគារ និងគ្រឹះស្ថានមីក្រូហិរញ្ញវត្ថុ ដែលជាសមាជិកសមាគមរបស់ខ្លួនបានផ្តល់ការយោគយល់ និងអនុគ្រោះដល់អតិថិជន ដែលរងផលប៉ះពាល់ដោយសារទឹកជំនន់។ការផ្ដល់ជូននេះត្រូវធ្វើឡើងស្របតាមស្មារតីអង្គប្រជុំ រវាងសមាគមទាំងពីរ ជាមួយធនាគារជាតិនៃកម្ពុជា និងយោងតាមសេចក្តីជូនដំណឹងរបស់ធនាគារ ជាតិនៃកម្ពុជា លេខ ធ៧ ០២២៨១៨ សជណ ចុះថ្ងៃទី១៨ ខែតុលា ឆ្នាំ២០២២។ក្នុងស្មារតីនេះ គ្រឹះស្ថានធនាគារនិងហិរញ្ញវត្ថុដែលជាសមាជិករបស់សមាគមទាំងពីរ នឹងផ្តល់កិច្ចសហ ការល្អក្នុងក្របខណ្ឌកិច្ចការពារអតិថិជន និងបន្តការអនុគ្រោះតាមរយៈការរៀបចំឥណទានឡើងវិញ តាមលក្ខខណ្ឌដែលបានកំណត់ដោយធនាគារជាតិនៃកម្ពុជា។ គ្រឹះស្ថានធនាគារនិងហិរញ្ញវត្ថុជា សមាជិកសមាគមទាំងពីរនឹងពិនិត្យលទ្ធភាពផងដែរ ក្នុងការបន្ធូរបន្ថយអត្រាការប្រាក់ និងកម ផ្សេងៗ ពាក់ព័ន្ធនឹងឥណទាន និង/ឬ លើកលែងការផាកពិន័យ និងចៀសវាងការរឹបអូសទ្រព្យធានា របស់អតិថិជនប្រកបដោយការយោគយល់និងអធ្យាស្រ័យខ្ពស់ ស្របតាមស្ថានភាពជាក់ស្ដែងរបស់ អតិថិជន៕

ពលរដ្ឋទីក្រុង Kyiv ខឹងសម្បា និងភ័យខ្លាចក្រោយការវាយប្រហារដោយយានដ្រូន

អ៊ុយក្រែន៖ ពលរដ្ឋអ៊ុយក្រែននៅក្នុងរដ្ឋធានីរបស់ប្រទេសនេះបានបន្តធ្វើការ និងការទំនាក់ទំនងជាធម្មតានៅជុំវិញរដ្ឋធានីនេះកាលពីថ្ងៃចន្ទ ទោះបីជាពួកគេភ័យខ្លាចបន្ទាប់ពីការវាយប្រហារបន្ថែមទៀតពីយានដ្រូនក៏ដោយ។ អគារជាច្រើនរងការខូចខាត ហើយប្រជាពលរដ្ឋបានរត់ចូលទៅក្នុងស្ថានីយរថភ្លើងក្រោមដីនានារបស់រដ្ឋធានី Kyiv បន្ទាប់ពីការវាយប្រហារជាបន្តបន្ទាប់លើកទី២ ក្នុងពេលជាច្រើនសប្ដាហ៍មកនេះ។ ក្រុមអ្នកជួយសង្គ្រោះបានស្វែងរកអ្នកនៅមានជីវិតក្នុងរដ្ឋធានី Kyiv កាលពីថ្ងៃចន្ទ ក្រោយយានដ្រូនវាយប្រហារលើអគារលំនៅឋានមួយកន្លែងក្នុងរដ្ឋធានីនេះ។ ក្រុមអាជ្ញាធរនិយាយថា មនុស្សយ៉ាងហោចណាស់ ៤នាក់បានស្លាប់ក្នុងការវាយប្រហារនេះ ហើយទីតាំងថាមពលរដ្ឋជាច្រើននៅក្នុងរដ្ឋធានីនេះក៏ត្រូវបានរងការវាយប្រហារដែរ។ យានដ្រូនទាំងនោះទំនងជារាប់បញ្ចូលទាំងយានដ្រូនអត្តឃាត Shaheds ផលិតដោយអ៊ីរ៉ង់។ ពលរដ្ឋក្នុងតំបន់ឈ្មោះ Snizhana Kutrakova បាននិយាយថា ខ្ញុំមានកូន ២នាក់ ហើយរៀងរាល់ព្រឹកតែងតែលាន់លឺសំឡេងខ្លាំងៗ ព្រោះតំបន់ដែលយើងរស់នៅនៅជិតស្ថានីយរថភ្លើង ដែលត្រូវបានរងការវាយប្រហារនោះ។បន្ទាប់ពីការវាយប្រហារតាមអាកាសបញ្ចប់ ខ្ញុំបានត្រឡប់ទៅធ្វើការវិញ។ ខ្ញុំព្យាយាមស្នាក់នៅក្នុងជម្រកបណ្ដោះអាសន្ន ប៉ុន្តែខ្ញុំបន្តនៅខាងក្រៅ។ ពលរដ្ឋម្នាក់ទៀតឈ្មោះ Andrii Samoilov ដែលទើបមកដល់រដ្ឋធានីនេះតាមរថភ្លើងបាននិយាយថា យើងមានការបារម្ភណាស់ ប៉ុន្តែយើងត្រូវតែជឿជាក់លើកងកម្លាំងរបស់យើង ហើយថាអ្វីគ្រប់យ៉ាងនឹងល្អ យើងមានសុវត្ថិភាព៕អត្ថបទ៖ សុខមាន

នាវាផ្ទុកយន្តហោះអាមេរិកចូលរួមក្នុងសមយុទ្ធ NATO នៅសមុទ្រ Adriatic

អឺរ៉ុប៖ សមយុទ្ធរបស់អង្គការណាតូហៅថា Neptune Strike កំពុងដំណើរការនៅសមុទ្រមេឌីទែរ៉ាណេ។ សមយុទ្ធដែលធ្វើឡើងចាប់តាំងពីថ្ងៃទី១៤ ដល់ថ្ងៃទី១៩ ខែតុលាមានការចូលរួមពីប្រទេសសម្ព័ន្ធមិត្តជាង ១០ប្រទេសរបស់អង្គការណាតូរួមមានសហរដ្ឋអាមេរិក អ៊ីតាលី រូម៉ានី លីទុយអានី ហុងគ្រី រូម៉ានី និងប៉ូឡូញ។ ការធ្វើសមយុទ្ធនេះមានគោលបំណងពង្រឹងសមត្ថភាពអន្តរប្រតិបត្តិការ និងទំនាក់ទំនងក្នុងចំណោមទីបញ្ជាការសម្ព័ន្ធមិត្តសម្រាប់កងទ័ពជើងទឹក និងដែនអាកាស ដើម្បីទប់ស្កាត់ការគំរាមកំហែង និងការពារទឹកដីរបស់អង្គការណាតូ។ មេបញ្ជាការនាវាលោក Dave Pollard នៃនាវា USS Bush បាននិយាយនៅលើនាវាផ្ទុកយន្តហោះកងទ័ពជើងទឹកអាមេរិកកាលពីថ្ងៃចន្ទថា ក្នុងអំឡុងពេលសមយុទ្ធ Neptune Strike យើងនឹងផ្តល់ឱកាសសម្រាប់ក្រុមនាវិក និងអ្នកបើកនាវារបស់យើង ដើម្បីមានកិច្ចសហប្រតិបត្តិការជាមួយប្រទេសជាច្រើនទៀត។ នាវាផ្ទុកយន្តហោះកំពុងបើកបរនៅសមុទ្រអាទ្រីយ៉ាទិក (Adriatic) ខណៈនាវាចូលរួមក្នុងសមយុទ្ធ។លោក Pollard និយាយថា វាជាឱកាសដ៏ល្អ វាបង្កើតភាពជាដៃគូរបស់យើង ទទួលបានអន្តរប្រតិបត្តិការដោយការប្រាស្រ័យទាក់ទង និងការយល់ដឹងពីរបៀបដែលសម្ព័ន្ធមិត្តរបស់យើងធ្វើការ នៅក្នុងស៊ីណារីយ៉ូសំខាន់ៗនៃសមយុទ្ធ។ ទាហាន និងបុគ្គលិកយោធាមកពីប្រទេសអ៊ីតាលីជាង ៧០០នាក់ត្រូវបានដាក់ពង្រាយទៅកាន់ជួរតំបន់យោធា Novo Selo របស់ប្រទេសប៊ុលហ្គារី ដើម្បីចូលរួមក្នុងក្រុមប្រយុទ្ធណាតូអន្តរជាតិ ដែលបានបង្កើតឡើងកាលពីដើមឆ្នាំនៅប្រទេសប៊ុលហ្គារី។ ការបង្កើតក្រុមប្រយុទ្ធដែលមានសមត្ថភាពប្រយុទ្ធនៅលើទឹកដីប៊ុលហ្គារី ជាសញ្ញាបង្ហាញពីការតាំងចិត្តរបស់អង្គការណាតូ ក្នុងការពង្រឹងជំហរការពារខ្លួននៅតាមតំបន់ភាគអាគ្នេយ៍៕អត្ថបទ៖ ប៊ុនថន

ស្ត្រីអ៊ុយក្រែន ១០៨នាក់ត្រូវបានដោះលែងពីការចាប់ជាឈ្លើយសឹក ខណៈមានការដោះដូរឈ្លើយសឹករុស្ស៊ី និងអ៊ុយក្រែន

អ៊ុយក្រែន៖ យោងតាមក្រសួងការពារជាតិរុស្ស៊ីបានឲ្យដឹងថា ប្រទេសរុស្ស៊ី និងអ៊ុយក្រែនបានបញ្ចប់ការដោះដូរឈ្លើយសឹកកាលពីថ្ងៃចន្ទ។ ក្រសួងនិយាយថា ជនជាតិរុស្សី ១១០នាក់ដែលត្រូវបានដោះលែង រួមមានកម្មករសមុទ្រ ៧២នាក់មកពីនាវាពាណិជ្ជកម្មដែលបានឃុំខ្លួនចាប់តាំងពីខែកុម្ភៈ ខណៈស្ត្រីអ៊ុយក្រែន ១០៨នាក់ត្រូវបានប្រគល់ទៅឱ្យអាជ្ញាធរទីក្រុងគីវ។ ការិយាល័យសម្របសម្រួលសម្រាប់ការប្រព្រឹត្តលើឈ្លើយសឹកសង្គ្រាមបាននិយាយថា ស្ត្រីចំណាស់ជាងគេមានអាយុ ៦២ឆ្នាំ និងក្មេងជាងគេមានអាយុ ២១ឆ្នាំ ហើយស្ត្រី ៣៧នាក់ត្រូវបានជម្លៀសចេញពីរោងចក្រដែកថែប Azovstal កាលពីពេលមុន។ មន្ត្រីរបស់ប្រទេសទាំងពីរបាននិយាយថា ទីក្រុងមូស្គូ និងទីក្រុងគីវបានអនុវត្តការដោះដូរឈ្លើយសឹកដ៏ធំបំផុតមួយក្នុងពេលសង្គ្រាម ដោយបានដោះដូរអ្នកជាប់ឃុំសរុបចំនួន ២១៨នាក់ រួមមានស្ត្រីអ៊ុយក្រែន១០៨នាក់។ លោក Andriy Yermak ប្រធានសេនាធិការរបស់ប្រធានាធិបតីអ៊ុយក្រែនបាននិយាយថា មានជនស៊ីវិល ១២នាក់ក្នុងចំណោមស្ត្រីដែលត្រូវបានដោះលែងកាលពីថ្ងៃចន្ទ៕អត្ថបទ៖ ប៊ុនថន

យន្តហោះចម្បាំងធ្លាក់លើអគារមួយកន្លែងក្នុងក្រុង Yeysk ប្រទេសរុស្ស៊ីបណ្តាលឲ្យមនុស្ស ៦នាក់ស្លាប់

រុស្ស៊ី៖ យន្តហោះចម្បាំងល្បឿនលឿនជាងសំឡេង ១គ្រឿងបានធ្លាក់ទៅលើអគារលំនៅឋានមួយកន្លែងនៅទីក្រុង Yeysk ភាគខាងត្បូងប្រទេសរុស្ស៊ីក្បែរព្រំដែនជាមួយប្រទេសអ៊ុយក្រែន បណ្តាលឲ្យមនុស្សយ៉ាងហោចណាស់ ៦នាក់ស្លាប់ និងមានអណ្តាតភ្លើងបានឆាបឆេះប្លុកអគារលំនៅឋាន។ វីដេអូនៅលើប្រព័ន្ធផ្សព្វផ្សាយសង្គមបានបង្ហាញ ពីដុំភ្លើងដ៏ធំមួយបានផ្ទុះចេញពីអគារកម្ពស់ ៩ជាន់កាលពីថ្ងៃចន្ទ។ អ្នកនាំពាក្យក្រសួងគ្រប់គ្រងគ្រាអាសន្នបាននិយាយថា មនុស្ស ៦នាក់បានស្លាប់ និង ១៩នាក់រងរបួសក្នុងនោះមានកុមារ ២នាក់ ហើយមន្ត្រីក្នុងតំបន់និយាយថា មនុស្ស ៦នាក់ផ្សេងទៀតបានបាត់ខ្លួន។ យន្តហោះនេះត្រូវបានគេកំណត់អត្តសញ្ញាណថា ជាយន្តហោះ Sukhoi Su-34 ហើយយោងតាមក្រសួងការពារជាតិបានឱ្យដឹងថា សមាជិកអាកាសយានិកបានលោតចេញមុនពេលយន្តហោះធ្លាក់។ សេចក្តីថ្លែងការណ៍របស់ក្រសួងនិយាយថា ខណៈពេលហោះឡើងជាការហោះហើរហ្វឹកហាត់ ចេញពីអាកាសយានដ្ឋានយោធានៅភាគខាងត្បូង យន្តហោះ Su-34 បានក៏ធ្លាក់។ មូលហេតុនៃការធ្លាក់យន្តហោះគឺដោយសារម៉ាស៊ីនមួយ ក្នុងចំណោមម៉ាស៊ីនយន្តហោះបានឆាបឆេះក្នុងអំឡុងពេលហោះឡើង៕អត្ថបទ៖ ប៊ុនថន

សម្តេចអគ្គមហាពញាចក្រី ហេង សំរិន ស្នើឱ្យក្រុមហ៊ុនសាងសងអគាររដ្ឋបាលថ្មីនៃរដ្ឋសភា អនុវត្តការសាងសង់ឱ្យបានត្រឹមត្រូវតាមបទដ្ឋានបច្ចេកទេស មានគុណភាព សោភ័ណភាព និងទាន់ពេលវេលា

ភ្នំពេញ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា នៅព្រឹកថ្ងៃអង្គារ ទី១៨ ខែតុលា ឆ្នាំ២០២២នេះ បានអនុញ្ញាតឱ្យក្រុមការងារនិងក្រុមហ៊ុនសាងសង់អគាររដ្ឋបាលថ្មី របស់រដ្ឋសភា ដែលជាជំនួយរបស់ប្រទេសវៀតណាម ធ្វើបទបង្ហាញពីវឌ្ឍនភាពការសាងសង់ ដែលបានអនុវត្តកន្លងមក។សំណង់អគាររដ្ឋបាលថ្មី ដែលជាជំនួយរបស់ប្រទេសវៀតណាម ក្នុងទឹកប្រាក់ចំនួន២៥លានដុល្លារ បានផ្តើមបើកការដ្ឋានសាងសង់ផ្លូវការកាលពីចុងឆ្នាំ២០២១ ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាពញាចក្រី ហេង សំរិន ប្រធានរដ្ឋសភា និងឯកឧត្តម ង្វៀង ស៊ួនហ្វុក ប្រធានាធិបតីវៀតណាម។ គម្រោងសាងសង់អគាររដ្ឋបាលនេះ មានក្រុមហ៊ុនទីប្រឹក្សាអន្តរជាតិ អារឆេថាយ និងក្រុមហ៊ុនសាងសង់វៀតណាម ធី ស៊ី វី ។ បន្ទាប់ពីបទបង្ហាញដែលបានបង្ហាញពីវឌ្ឍនភាពការងារ នៃការសាងសង់ កំពុងដំណើរការយ៉ាងមមាញឹក ជាពិសេសការអនុវត្តការសាងសង់គ្រឹះក្រោមនៃសំណង់នោះ សម្តេចប្រធានរដ្ឋសភា បានស្នើដល់ក្រុមការងារនិងក្រុមហ៊ុនទំាងអស់ បន្តអនុវត្តឱ្យបានត្រឹមត្រូវ ម៉ត់ចត់ ប្រកបដោយតម្លាភាព និងគណនេយ្យភាព ។សម្តេចអគ្គមហាពញាចក្រី ហេង សំរិន បានស្នើអង្គភាពគ្រប់គ្រងគម្រោង បន្តសម្របសម្រួលជាមួយគ្រប់ផ្នែកពាក់ព័ន្ធ ដើម្បីឱ្យដំណើរការសាងសង់បានរលូន ជាពិសេសអង្គភាពគ្រប់គ្រងគម្រោង ក្រុមហ៊ុនទីប្រឹក្សាអន្តរជាតិ អារឆេថាយ និងក្រុមហ៊ុនសាងសង់វៀតណាម ធី ស៊ី វី ត្រូវសហការគ្នាឱ្យបានល្អ អនុវត្តការសាងសង់ឱ្យបានត្រឹមត្រូវតាមបទដ្ឋានបច្ចេកទេសដូចមានកំណត់ក្នុងកិច្ចសន្យា បានទាន់ពេលវេលា មានគុណភាព និងសោភ័ណភាព។ តាមគម្រោងអគាររដ្ឋបាលថ្មីនេះនឹងបញ្ចប់ការសាងសង់នៅក្នុងឆ្នាំ២០២៤ខាងមុខ។ ឆ្លៀតឱកាសនោះសម្តេចប្រធានរដ្ឋសភា បានថ្លែងអំណរគុណចំពោះបក្ស រដ្ឋនិងប្រជាជនវៀតណាម ដែលបានផ្តល់ជំនួយដ៏ថ្លៃថ្លានេះដល់រដ្ឋសភាកម្ពុជា៕

ភាពតានតឹងកើនឡើងខ្លាំងក្នុងរដ្ឋជាសមាជិកសហភាពអឺរ៉ុប ជុំវិញគម្រោងទទួលជនភៀសខ្លួនឲ្យស្នាក់នៅបន្ថែមទៀត

អឺរ៉ុប៖ កាសែត Kronen Zeitung បានរាយការណ៍កាលពីថ្ងៃចន្ទថា លំហូរចូលដ៏ច្រើននៃជនភៀសខ្លួន និងអ្នកស្វែងរកសិទ្ធិជ្រកកោន រួមទាំងអ្នកដែលភៀសខ្លួនចេញពីជម្លោះក្នុងប្រទេសអ៊ុយក្រែន បានជំរុញឲ្យសមត្ថភាពផ្ដល់ការស្នាក់នៅរបស់ប្រទេសអូទ្រីសឈានដល់កម្រិតលែងអាចទទួលបាន។ ប្រទេសនៅតំបន់ភ្នំអាល់ផាញ (Alpine) ដែលទទួលឲ្យស្នាក់នៅបានត្រឹមតែ ៨លាននាក់បានងាកទៅរកការបង្កើតជំរំតង់រួចហើយដោយសារតែកង្វះកន្លែងទំនេរ ជាវិធានការមួយដែលត្រូវបានជួបប្រទះការរិះគន់យ៉ាងខ្លាំង ពីសំណាក់ប្រទេសក្នុងតំបន់។ ក្រុមអាជ្ញាធរសហព័ន្ធបានបង្កើតជំរំតង់ផ្ទុកមនុស្សត្រឹមចំនួន ៨នាក់ យ៉ាងហោចណាស់ ២៥កន្លែងនៅក្នុងតំបន់ផ្សេងៗនៃប្រទេសនេះ ក្នុងនោះ ២៣កន្លែងត្រូវបានអនុញ្ញាតឲ្យស្នាក់នៅរួចហើយ ដោយបន្ថែមថា ចំនួនសរុបនៃជំរំតង់បែបនេះដែលរដ្ឋាភិបាលបានគ្រោងទុកនៅមិនទាន់ដឹងនៅឡើយ។ ការសែតដដែលនេះបាននិយាយថា ជំរំតង់ចំនួន ១៥កន្លែងត្រូវបានបង្កើតឡើងនៅក្នុងសហគមន៍តូចមួយ នៃទីក្រុង សេន ហ្គ័រជិន (St. Georgen) ដែលបានក្លាយជាមជ្ឈមណ្ឌលជនភៀសខ្លួនសហព័ន្ធ Thalham រួចទៅហើយ។ដំណឹងនៃផែនការទាំងនេះបានបង្កឲ្យមានភាពចម្រូងចម្រាស ក្នុងចំណោមប្រទេសក្នុងតំបន់។ លោក Ferdinand Aigner អភិបាលក្រុង St. Georgen បាននិយាយថា យើងប្រាកដជានឹងមិនទទួលយកពេលនេះទេ។ សហគមន៍របស់លោកបានជួបប្រទះរលកឧក្រិដ្ឋកម្មរួចហើយកាលពីក្នុងឆ្នាំ២០០៤ នៅពេលក្រុមអាជ្ញាធរសហព័ន្ធបានកែប្រែតំបន់ Thalham ទៅជាមជ្ឈមណ្ឌលទទួលភ្ញៀវសម្រាប់អ្នកស្វែងរកសិទ្ធិជ្រកកោន។ នៅពេលនោះ ស្ត្រីក្នុងតំបន់បានរាយការណ៍ពីការបៀតបៀនផ្លូវភេទ ហើយម្ចាស់អាជីវកម្មបានត្អូញត្អែរពីការដើរយកទំនិញតាមហាងនានា៕អត្ថបទ៖ សុខមាន

សម្តេចតេជោ ហ៊ុន សែន អនុញ្ញាតឱ្យលេខាធិការអចិន្ត្រៃយ៍ នៃគណលេខាមជ្ឈិមបក្សកុម្មុយនិស្តវៀតណាម ការគួរសម និងពិភាក្សាការងារ

ភ្នំពេញ៖ សម្តេចតេជោ ហ៊ុន សែន ប្រធានគណបក្សបក្សប្រជាជនកម្ពុជា នៅព្រឹកទី១៨ ខែតុលា ឆ្នាំ២០២២នេះ បានអនុញ្ញាតឱ្យឯកឧត្តម វ៉ូ វ៉ាន់ធឿង (Vo Van Thuong) សមាជិកការិយាល័យនយោបាយ និងជាលេខាធិការអចិន្ត្រៃយ៍នៃគណលេខាមជ្ឈិមបក្សកុម្មុយនិស្តវៀតណាម ចូលជួបសម្តែងការគួរសម និងពិភាក្សាការងារមួយចំនួន នៅវិមាន ៧មករា។ឯកឧត្តម វ៉ូ វ៉ាន់ធឿង (Vo Van Thuong) បានគោរពជម្រាបជូនសម្ដេចតេជោថា ឯកឧត្តម និងប្រតិភូមកកាន់កម្ពុជានៅពេលនេះស្របពេលជាមួយខួប ៥៥ឆ្នាំនៃទំនាក់ទំនងការទូតរវាងកម្ពុជា និងវៀតណាមផង និងខួប៤៥ឆ្នាំ នៃដំណើរឆ្ពោះទៅរកការផ្ដួលរំលំរបបប្រល័យពូជសាសន៍ផង។ឯកឧត្តមបានបញ្ជាក់ថា ទិសដៅសំខាន់របស់ឯកឧត្តម គឺធ្វើយ៉ាងណាជំរុញពង្រឹង និងពង្រីក ទំនាក់ទំនង រវាងបក្ស និងរវាងប្រទេសទាំងពីរឲ្យកាន់តែខ្លាំងឡើង។ ឯកឧត្តមបានគោរពសុំគោលការណ៍ពីសម្ដេចតេជោ៖ទី១.ជំរុញទំនាក់ទំនងរវាងបក្សនិងបក្សឲ្យកាន់តែស៊ីជម្រៅ និងមានភាពជាក់ស្ដែង . ទី២.ជំរុញការផ្លាស់ប្ដូរទស្សនកិច្ចរវាង ថ្នាក់ដឹកនាំរបស់បក្សទាំង២,ទី៣ ជំរុញទំនាក់ទំនងរវាងខេត្ត និងរាជធានីរបស់ប្រទេសទាំងពីរទី៤.ជំរុញកិច្ចសហប្រតិបត្តិការលើ វិស័យការពារជាតិ និងសន្តិសុខទី៥.ជំរុញកិច្ចសហប្រតិបត្តិការលើវិស័យវិនិយោគនិងពាណិជ្ជកម្មនិងទី៦.ជំរុញសហប្រតិបត្តិការលើក្របខ័ណ្ឌតំបន់និងពិភពលោក។ជាការឆ្លើយតប សម្ដេចតេជោបានថ្លែងអំណរគុណជូនចំពោះឯកឧត្តម វូ ដែលបានពាំនាំនូវការផ្តាំផ្ញើសួរសុខទុក្ខពីសំណាក់ថ្នាក់ដឹកនាំវៀតណាមជូនចំពោះសម្ដេច ហើយសម្តេចបានគាំទ្រចំពោះសំណើទាំង៦ចំណុចរបស់ឯកឧត្តម វូ។ សម្ដេចបានមានប្រសាសន៍ថា ការងារជាអាទិភាព គឺជំរុញកិច្ចសហប្រតិបត្តិការរវាងខេត្ត និងខេត្ត នៅតាមព្រំដែនឲ្យបានល្អជាទីបំផុត ជាពិសេសបញ្ហាសន្តិសុខសម្រួលដោះស្រាយលំហូរទំនិញ សម្រួលការធ្វើពាណិជ្ជកម្មនិងទប់ស្កាត់អំពើខុសច្បាប់ដូចជាការជួញដូររត់ពន្ធគ្រឿងញៀននិងរត់ពន្ធមនុស្សជាដើម៕

សហភាពអឺរ៉ុប និងអាមេរិកព្រមានដាក់ទណ្ឌកម្មបន្ថែមលើអ៊ីរ៉ង់ ជុំវិញការចោទប្រកាន់ពីបទផ្គត់ផ្គង់អាវុធឲ្យរុស្ស៊ី

អឺរ៉ុប៖ បណ្ដារដ្ឋជាសមាជិកសហភាពអឺរ៉ុបបានគាំទ្រ ការដាក់ទណ្ឌកម្មថ្មីបន្ថែមទៀតលើទីក្រុងតេអេរ៉ង់ ប្រសិនបើការគាំទ្រខាងយោធារបស់ខ្លួនដល់សង្គ្រាមរបស់រុស្ស៊ីនៅអ៊ុយក្រែន ត្រូវបានបញ្ជាក់ក្រោយការវាយប្រហារលើទីក្រុង Kyiv ដែលត្រូវបានចោទប្រកាន់ថាបានប្រើយានដ្រូនផលិតនៅអ៊ីរ៉ង់។ ក្រសួងការបរទេសអាមេរិកបាននិយាយកាលពីថ្ងៃចន្ទថា សហរដ្ឋអាមេរិកនឹងបង្ក្រាបការផ្គត់ផ្គង់យានដ្រូនរបស់អ៊ីរ៉ង និងភាគីទី៣ ដែលជួយជ្រោមជ្រែងអ៊ីរ៉ង់ក្នុងការផលិតយានដ្រូន និងមីស៊ីល។ ក្នុងការពិភាក្សាកាលពីថ្ងៃចន្ទ បណ្ដារដ្ឋមន្ត្រីក្រសួងការបរទេសរបស់ប្លុកនេះបានឈានដល់ការស្របមតិគ្នា ជាគោលការណ៍លើការដាក់ទណ្ឌកម្មលើទីក្រុងតេអេរ៉ង់សម្រាប់ការផ្គត់ផ្គង់យានដ្រូនអត្តឃាត Shahed 136 ឲ្យទៅទីក្រុង Moscow ប្រសិនបើខ្លួនរកឃើញភស្តុតាងមិនអាចប្រកែកបានថា រុស្ស៊ីកំពុងត្រូវបានប្រើប្រាស់ប្រឆាំងនឹងអ៊ុយក្រែនមែន ខណៈដែលទីក្រុង Kyiv បានទទូចថា វាជាការពិត។ក្រុមអ្នកឃើញហេតុការណ៍បាននិយាយថា ការផ្ទុះជាច្រើនដែលបានវាយប្រហាររដ្ឋធានីអ៊ុយក្រែនកាលពីព្រឹកថ្ងៃចន្ទ ត្រូវបានកើតឡើងមុនពេលមានសំឡេងបន្លឺឡើង ដែលទំនងជាការវាយប្រហារដោយយានដ្រូនអត្តឃាត Shahed 136 ប្រហែលជាត្រូវបានប្រើប្រាស់។ រដ្ឋបាលក្រុង Kyiv បាននិយាយថា យានដ្រូន ២៨គ្រឿងត្រូវបានបញ្ចូនទៅវាយប្រហាររដ្ឋធានី ក្នុងនោះដ្រូនចំនួន ៥គ្រឿងបានវាយប្រហារចំគោលដៅ ដែលបង្ហាញថាប្រព័ន្ធការពារដែនអាកាសរបស់អ៊ុយក្រែនបានបាញ់ទម្លាក់ដ្រូនជាច្រើនគ្រឿង មុនការវាយប្រហារបណ្ដាលឲ្យមានការខូចខាតនោះ៕ អត្ថបទ៖ សុខមាន

ចំនួនអ្នកស្លាប់ក្នុងទឹកជំនន់នៅនីហ្ស៊េរីយ៉ាឡើងដល់ជាង ៦០០នាក់ ខណៈមនុស្សរាប់លាននាក់ត្រូវបានភៀសខ្លួន

នីហ្ស៊េរីយ៉ា៖ ចំនួនអ្នកស្លាប់ដោយសារគ្រោះទឹកជំនន់ នៅក្នុងប្រទេសនីហ្ស៊េរីយ៉ានៅឆ្នាំនេះបានកើនឡើងដល់ ៦០៣នាក់ ខណៈក្រុមអាជ្ញាធរក្នុងតំបន់ប្រឹងប្រែងផ្ដល់ជំនួយដល់មនុស្សរាប់លាននាក់ ដែលកំពុងត្រូវបានភៀសខ្លួនចេញពីលំនៅឋានទឹកលិច។ ក្រសួងកិច្ចការមនុស្សធម៌បាននិយាយកាលពីថ្ងៃអាទិត្យថា មនុស្សជាង ១លាន ៣សែននាក់ត្រូវបានភៀសខ្លួនដោយសារគ្រោះមហន្តរាយ ដែលបានប៉ះពាល់ដល់ពលរដ្ឋនៅទូទាំងរដ្ឋទាំង៣៣ នៃរដ្ឋទាំង៣៦ របស់នីហ្ស៊េរីយ៉ា។ ផ្ទៃដីយ៉ាងហោចណាស់ ៣.៤០០គីឡូម៉ែត្រក្រឡាត្រូវបានទឹកជន់លិច ដែលបង្កឲ្យមានក្ដីបារម្ភកាន់តែខ្លាំងអំពីការអាក់ខានដល់ការផ្គត់ផ្គង់ស្បៀងអាហារ។ជម្លោះបានគំរាមកំហែងដល់ផលិតកម្មរួចទៅហើយនៅក្នុងភាគឦសាន និងភាគកណ្ដាលរបស់ប្រទេសនីហ្ស៊េរីយ៉ា ជាទីដែលផលិតបានស្បៀងភាគច្រើនសម្រាប់ប្រទេសនេះ។ លោកប្រធានាធិបតី Muhammadu Buhari បានចេញបញ្ជាឲ្យគ្រប់អាជ្ញាធរពាក់ព័ន្ធ ដើម្បីធ្វើការស្ដារឈានទៅរកប្រក្រតីភាពឡើងវិញ នេះយោងតាមសេចក្ដីថ្លែងការណ៍ចេញដោយការិយាល័យរបស់លោក៕ អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ឯកឧត្តម គីម សុផារុន អញ្ជើញដឹកនាំប្រជុំបច្ចេកទេសនៃគណៈកម្មការការងារលើកទី៧ VECONAC តាមប្រព័ន្ធវីដេអូ

បង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams ៣ទីតាំង នៅក្រុងបាវិត ឃាត់ខ្លួជនបរទេស៣២នាក់

មន្ត្រីជំនាញ៖ ឧក្រិដ្ឋជនប្រើប្រាស់ប្រព័ន្ធអនឡាញធ្វើជាឧបករណ៍ឆបោក លួចទិន្នន័យ បង្កវិនាសកម្មផ្នែកសេដ្ឋកិច្ច

ប្រធានក្រុមការងារចុះមូលដ្ឋាន៖ គណបក្សប្រជាជនប្រកាន់ខ្ជាប់នូវឧត្តមគតិស្នេហាជាតិ និងការអភិវឌ្ឍ

ទេសាភិបាលធនាគារជាតិ៖ រាជរដ្ឋាភិបាលបានផ្ដល់អាទិភាពខ្ពស់បំផុតដល់ការអភិវឌ្ឍធនធានមនុស្ស

នាយឧត្តមសេនីយ៍ គន់ គីម អញ្ជើញជួបពិភាក្សាការងារជាមួយថ្នាក់ដឹកនាំ សមាគមធុរកិច្ចអតីតយុទ្ធជនវៀតណាម

លោក Merz ៖ អ៊ុយក្រែនមិនអាចក្លាយជាសមាជិកសហភាពអឺរ៉ុបបានទេ ខណៈខ្លួនកំពុងស្ថិតក្នុង សង្គ្រាមបែបនេះ

អ្នកការទូតបេឡារុស៖ លោក ហ្សេឡិនស្គី កំពុងព្យាយាមធ្វើឲ្យអឺរ៉ុបទាំងមូលធ្លាក់ចូលទៅក្នុងជម្លោះប្រដាប់អាវុធ

លោក TRUMP និយាយថា ប្រតិបត្តិការដើម្បីផ្លាស់ប្តូរថ្នាក់ដឹកនាំគុយបា នៅតែអាចធ្វើទៅបាន

មេដឹកនាំប្រឆាំងវ៉េណេស៊ុយអេឡា ធ្វើដំណើរទៅទស្សនកិច្ចសហរដ្ឋអាមេរិក បន្ទាប់ពីពិភាក្សាជាមួយរដ្ឋាភិបាលបណ្ដោះអាសន្ន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ពលរដ្ឋទីក្រុង Kyiv ខឹងសម្បា និងភ័យខ្លាចក្រោយការវាយប្រហារដោយយានដ្រូន

នាវាផ្ទុកយន្តហោះអាមេរិកចូលរួមក្នុងសមយុទ្ធ NATO នៅសមុទ្រ Adriatic

ស្ត្រីអ៊ុយក្រែន ១០៨នាក់ត្រូវបានដោះលែងពីការចាប់ជាឈ្លើយសឹក ខណៈមានការដោះដូរឈ្លើយសឹករុស្ស៊ី និងអ៊ុយក្រែន

យន្តហោះចម្បាំងធ្លាក់លើអគារមួយកន្លែងក្នុងក្រុង Yeysk ប្រទេសរុស្ស៊ីបណ្តាលឲ្យមនុស្ស ៦នាក់ស្លាប់

ភាពតានតឹងកើនឡើងខ្លាំងក្នុងរដ្ឋជាសមាជិកសហភាពអឺរ៉ុប ជុំវិញគម្រោងទទួលជនភៀសខ្លួនឲ្យស្នាក់នៅបន្ថែមទៀត

ចំនួនអ្នកស្លាប់ក្នុងទឹកជំនន់នៅនីហ្ស៊េរីយ៉ាឡើងដល់ជាង ៦០០នាក់ ខណៈមនុស្សរាប់លាននាក់ត្រូវបានភៀសខ្លួន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ពលរដ្ឋ​ទីក្រុង Kyiv ខឹងសម្បា និង​ភ័យខ្លាច​ក្រោយ​ការវាយប្រហារ​ដោយ​យាន​ដ្រូ​ន​

នាវា​ផ្ទុក​យន្តហោះ​អាមេរិក​ចូលរួម​ក្នុង​សមយុទ្ធ​ NATO នៅ​សមុទ្រ​ Adriatic

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ពលរដ្ឋទីក្រុង Kyiv ខឹងសម្បា និងភ័យខ្លាចក្រោយការវាយប្រហារដោយយានដ្រូន

នាវាផ្ទុកយន្តហោះអាមេរិកចូលរួមក្នុងសមយុទ្ធ NATO នៅសមុទ្រ Adriatic