BTV NEWS

សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតអបអរសាទរ ថ្វាយសម្តេចព្រះវររាជមាតាជាតិខ្មែរ ត្រូវបានសហគមន៍ OB-PS ថ្វាយនូវពានសមាជិកភាពកិត្តិយសជើងឯក “Champions Award”

កម្ពុជា-សហភាពសេដ្ឋកិច្ចអឺរ៉ុប-អាស៊ី (EAEU) ពិនិត្យ និង ពិចារណាលើកិច្ចព្រមព្រៀងពាណិជ្ជកម្មសេរី (FTA)

លោកជំទាវបណ្ឌិត ពេជ ចន្ទមុន្នី ក្រាបបង្គំអបអរសាទរ សម្តេចព្រះមហាក្សត្រី ព្រះវររាជមាតាជាតិខ្មែរ ដែលទទួលបានការថ្វាយ «ពានសមាជិកភាពជើងឯក» ពី OB-PS

ព័ត៌មានសំខាន់ៗ

លោក Putin និយាយថា គ្មានការវាយប្រហារលើទីក្រុងរបស់អ៊ុយក្រែនទៀតទេនៅពេលនេះ

រុស្ស៊ី៖ ប្រធានាធិបតីរុស្ស៊ីលោក Vladimir Putin និយាយថា មិនចាំបាច់មានការវាយប្រហារទ្រង់ទ្រាយធំបន្ថែមទៀតលើប្រទេសអ៊ុយក្រែននោះទេ រយៈពេលប៉ុន្មានថ្ងៃបន្ទាប់ពីការបាញ់ផ្លោងយ៉ាងខ្លាំងទៅលើប្រទេសនេះ ចាប់តាំងពីសង្គ្រាមបានចាប់ផ្តើម។លោកនិយាយថា គោលដៅដែលបានកំណត់នៃការវាយប្រហារភាគច្រើនត្រូវបានវាយប្រហាររួចហើយ ហើយវាមិនមែនជាគោលបំណងរបស់លោកក្នុងការបំផ្លាញអ៊ុយក្រែននោះទេ។ គោលដៅរបស់ទីក្រុងមូស្គូក្នុងការកេណ្ឌទ័ពចំនួន ៣សែននាក់នឹងត្រូវបានបំពេញក្នុងរយៈពេលពីរសប្តាហ៍។ ការកេណ្ឌនេះធ្វើឡើងនៅពេលដែលកងកម្លាំងរុស្ស៊ីភាគច្រើនបានដកថយ ហើយអ៊ុយក្រែនបានរុលចូលទៅមុខ ដែលសង្គ្រាមឈានចូលដល់ជិត ៨ខែចាប់តាំងពីការវាយលុក។ ថ្លែងទៅកាន់អ្នកសារព័ត៌មាន បន្ទាប់ពីកិច្ចប្រជុំកំពូលជាមួយមេដឹកនាំក្នុងតំបន់ក្នុងរដ្ឋធានី Astana ប្រទេសកាហ្សាក់ស្ថាន មេដឹកនាំរុស្ស៊ីនិយាយថា ការវាយប្រហារនាពេលថ្មីៗនេះបានបំផ្លាញគោលដៅចំនួន ២២កន្លែងក្នុងចំណោម ២៩គោលដៅក្នុងប្រទេសអ៊ុយក្រែនដែលកំណត់ដោយយោធា ហើយពួកគេកំពុងដាក់គោលដៅនៅសល់ចំនួន ៧កន្លែងផ្សេងទៀត។ចាប់តាំងពីថ្ងៃច័ន្ទមក រុស្ស៊ីបានវាយប្រហារជាបន្តបន្ទាប់លើទីក្រុងនានានៅទូទាំងប្រទេសអ៊ុយក្រែន ជាអ្វីដែលលោកPutin និយាយថា ជាការសងសឹកចំពោះការបំផ្ទុះដែលបានបំផ្លាញស្ពានសំខាន់មួយតភ្ជាប់រវាងរុស្ស៊ី និងតំបន់គ្រីមៀ។ តំបន់ភាគកណ្តាលទីក្រុង Kyiv ត្រូវបានគេកំណត់គោលដៅជាលើកដំបូងចាប់តាំងពីការវាយលុក។ ប៉ុន្តែលោក Putin និយាយថា វាមិនមែនជាចេតនារបស់រុស្ស៊ីក្នុងការបំផ្លាញអ៊ុយក្រែននោះទេ ប៉ុន្តែលោកក៏មិនសោកស្តាយចំពោះការវាយលុកនេះដែរ។ លោកនិយាយថា បញ្ហាទាំងអស់ដូចគ្នា ប្រសិនបើរុស្ស៊ីមិនវាយប្រហារ យើងនឹងស្ថិតក្នុងស្ថានភាពដដែល មានតែលក្ខខណ្ឌដែលកាន់តែធ្ងន់ធ្ងរសម្រាប់យើង។ ដូច្នេះយើងកំពុងធ្វើអ្វីគ្រប់យ៉ាងត្រឹមត្រូវ និងក្នុងពេលវេលាដ៏ប្រាកដ។ ប្រធានាធិបតី Putin និយាយថា ទាហានថ្មី ២២០,០០០នាក់ដែលត្រូវបានកេណ្ឌក្នុងនោះ ១៦,០០០នាក់កំពុងប្រយុទ្ធរួចហើយ ដែលលោកបានបង្ហាញថា ពុំចាំបាច់មានការកេណ្ឌទ័ពបន្ថែមទៀតនោះទេ៕អត្ថបទ៖ ប៊ុនថន

មនុស្ស ៥នាក់ស្លាប់ក្នុងការបាញ់ប្រហារនៅរដ្ឋ North Carolina

អាមេរិក៖ មន្ត្រីក្នុងតំបន់បាននិយាយថា មនុស្ស ៥នាក់បានស្លាប់ និង ២នាក់ផ្សេងទៀតរងរបួស បន្ទាប់ពីខ្មាន់កាំភ្លើងម្នាក់បានបាញ់ប្រហារនៅលើដងផ្លូវក្នុងទីក្រុង Raleigh រដ្ឋ North Carolina ដែលជំរុញឱ្យនគរបាលដេញតាមនៅតំបន់លំនៅឋានដែលត្រូវចំណាយពេលជាច្រើនម៉ោង។ អភិបាលក្រុង Raleigh លោកស្រី Mary-Ann Baldwin បានបញ្ជាក់ពីអ្នកស្លាប់ និងអ្នករងរបួសក្នុងសន្និសីទសារព័ត៌មានដោយបាននិយាយថា មន្ត្រីនគរបាលដែលពុំមានកាតព្វកិច្ចម្នាក់ស្ថិតក្នុងចំណោមអ្នកដែលបានស្លាប់។ នគរបាលនិយាយថា អ្នករងរបួស ២នាក់ត្រូវបានបញ្ជូនទៅមន្ទីរពេទ្យដើម្បីព្យាបាល ដោយម្នាក់ក្នុងនោះស្ថិតក្នុងស្ថានភាពធ្ងន់ធ្ងរ ហើយជនសង្ស័យត្រូវបានចាប់ខ្លួន។ ខ្មាន់កាំភ្លើងត្រូវបានគេស្គាល់អត្តសញ្ញាណថា ជាយុវជនស្បែកស។នគរបាលនិយាយថា ក្មេងប្រុសអាយុ ១៥ឆ្នាំម្នាក់បានបាញ់សម្លាប់មនុស្ស ២នាក់នៅតាមដងផ្លូវនៃសង្កាត់មួយក្នុងទីក្រុងនៃរដ្ឋ North Carolina បន្ទាប់មកបានរត់ទៅរកផ្លូវដើរជាកន្លែង ដែលខ្មាន់កាំភ្លើងបានបាញ់សម្លាប់មនុស្ស ៣នាក់ និងធ្វើឲ្យ ២នាក់ទៀតរងរបួស។ អធិការនគរបាលនិយាយថា ជនសង្ស័យកំពុងសម្រាកព្យាបាលនៅមន្ទីរពេទ្យក្នុងស្ថានភាពធ្ងន់ធ្ងរ បន្ទាប់ពីការបាញ់ប្រហារ។ អ្នកដែលត្រូវបានគេសម្លាប់ជាក្រុមចម្រុះជាតិសាសន៍ ហើយមានអាយុចាប់ពី ១៦ឆ្នាំដល់អាយុ ៥០ឆ្នាំ។ ក្នុងចំណោមអ្នកស្លាប់នោះ ក៏មានមន្ត្រីនគរបាលពុំមានកាតព្វកិច្ចម្នាក់ឈ្មោះ Gabriel Torres ដែលកំពុងធ្វើដំណើរទៅធ្វើការ នៅពេលការបាញ់ប្រហារបានកើតឡើង៕អត្ថបទ៖ សុខមាន

លោក Zelenskyy និយាយថា រុស្ស៊ីស្ថិតក្នុងស្ថានភាពអស់សង្ឃឹម

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បាននិយាយនៅក្នុងសុន្ទរកថារបស់លោកកាលពីថ្ងៃសុក្រថា ប្រទេសរុស្ស៊ីស្ថិតនៅក្នុងស្ថានភាពអស់សង្ឃឹម។ ប្រទេសរុស្ស៊ីស្ថិតនៅក្នុងស្ថានភាពបរាជ័យរបស់ខ្លួនរួចទៅហើយ នៅក្នុងបរិយាកាសនៃភាពអស់សង្ឃឹមសម្រាប់ខ្លួនឯង។ ពួកគេនៅតែមានឱកាសគំរាមកំហែងទីក្រុងរបស់យើង និងប្រជាជនអឺរ៉ុបទាំងអស់ គំរាមកំហែងពិភពលោក ប៉ុន្តែពួកគេនឹងមិនអាចធ្វើអ្វីបានទេ ខណៈអ៊ុយក្រែនកំពុងរុលចូលទៅមុខ។ កាលពីថ្ងៃសុក្រ ក្រុមគ្រួសារ និងមិត្តរួមការងាររបស់ទាហានអ៊ុយក្រែនដែលបានស្លាប់នៅក្នុងការប្រយុទ្ធ បានប្រមូលផ្តុំគ្នានៅទីបញ្ចុះសពមួយកន្លែងនៅខាងក្រៅទីក្រុង Kharkiv ភាគខាងកើតដើម្បីគោរពដល់អ្នកការពារប្រទេស។ក្រុមគ្រួសាររបស់ទាហានម្នាក់ដែលបានស្លាប់អាយុ ៣៨ឆ្នាំឈ្មោះ Ruslan Mamedov បានមកជួបជុំគ្នានៅផ្នូររបស់លោកដើម្បីគោរពវិញ្ញាណក្ខន្ធ។ ម្តាយរបស់លោកនិយាយថា ទាហានអ៊ុយក្រែនជាច្រើនត្រូវបានសម្លាប់ដោយគ្រាប់មីន ក្នុងអំឡុងពេលបេសកកម្មប្រយុទ្ធនៅក្នុងតំបន់ Luhansk។ ម្តាយរបស់លោក Mamedov និយាយថា កូនរបស់គាត់បានស្ម័គ្រចិត្តការពារអ៊ុយក្រែនតាំងពីថ្ងៃដំបូង បន្ទាប់ពីការវាយលុករបស់រុស្ស៊ី។ ក្នុងពិធីនេះទាហាន ៥នាក់មានកាន់កាំភ្លើងបានបាញ់ចំនួន ១៥ដង ខណៈមន្ត្រីយោធាផ្សេងទៀតដាក់កម្រងផ្កានៅលើផ្នូររបស់មិត្តរួមប្រយុទ្ធ៕អត្ថបទ៖ ប៊ុនថន

ក្រុមអ្នកជួយសង្គ្រោះធ្វើការពេញមួយយប់ បន្ទាប់ពីការផ្ទុះអណ្តូងរ៉ែនៅទួរគីបណ្តាលឲ្យមនុស្ស ២៥នាក់ស្លាប់

ទួរគី៖ រដ្ឋមន្ត្រីក្រសួងសុខាភិបាលទួរគីបានប្រកាសថា ការផ្ទុះនៅអណ្តូងរ៉ែធ្យូងថ្មមួយកន្លែងភាគខាងជើងប្រទេសបណ្តាលឲ្យមនុស្សយ៉ាងហោចណាស់ ២៥នាក់ស្លាប់ ខណៈក្រុមអ្នកជួយសង្គ្រោះបានធ្វើការពេញមួយយប់ ព្យាយាមនាំយកចេញមនុស្សរាប់សិបនាក់ផ្សេងទៀតដែលជាប់នៅខាងក្នុងមកទីសុវត្ថិភាព។ ការផ្ទុះនេះបានកើតឡើងនៅអណ្តូងរ៉ែ TTK Amasra Muessese Mudurlugu ដែលគ្រប់គ្រងដោយរដ្ឋនៅទីក្រុង Amasra ក្នុងខេត្ត Bartin ឆ្នេរសមុទ្រខ្មៅ។ រដ្ឋមន្ត្រីក្រសួងថាមពលលោក Fatih Donmez បាននិយាយថា ការវាយតម្លៃបឋមបង្ហាញថា ការផ្ទុះទំនងជាបណ្តាលមកពីការឆេះឧស្ម័នមេតាន ដែលយោងទៅលើឧស្ម័នងាយឆាបឆេះត្រូវបានរកឃើញនៅអណ្តូងរ៉ែធ្យូងថ្ម។ រដ្ឋមន្ត្រីក្រសួងមហាផ្ទៃលោក Suleyman Soylu ដែលបានធ្វើដំណើរទៅកាន់ទីក្រុង Amasra ដើម្បីសម្របសម្រួលប្រតិបត្តិការជួយសង្គ្រោះបាននិយាយថា មនុស្ស ១១០នាក់នៅក្នុងអណ្តូងរ៉ែ ខណៈនៅពេលផ្ទុះនោះ។ កម្មករភាគច្រើនអាចជម្លៀសខ្លួនចេញបន្ទាប់ពីការផ្ទុះ ប៉ុន្តែ ៤៩នាក់បានជាប់នៅក្នុងទីតាំងដែលមានហានិភ័យខ្ពស់ក្នុងអណ្តូងរ៉ែ៕អត្ថបទ៖ ប៊ុនថន

នគរបាលឃាត់ខ្លួនម្ចាស់អាជីវកម្មទូក-ដ ក្រោយមានហេតុការណ៍លិចទូកស្លាប់កូនសិស្ស ១១នាក់

កណ្តាល៖ លោកឧត្តមសេនីយ៍ទោ ឈឿន សុចិត្ត ស្នងការនគរបាល ខេត្តកណ្តាល បានប្រាប់BTVមុននេះបន្តិចថា ម្ចាស់អាជីវកម្មទូក-ដ ចំនួន ២នាក់ និងអ្នកបើកទូក-ដចម្លងម្នាក់ ត្រូវបានឃាត់ខ្លួន ក្រោយមានហេតុការណ៍លិចទូកស្លាប់កូនសិស្ស ១១នាក់ កាលពីរាត្រីថ្ងៃទី១៣ ខែតុលា ឆ្នាំ២០២២ នៅភូមិកោះចំរើន ឃុំកំពង់ភ្នំ ស្រុកលើកដែក ។លោកឧត្តមសេនីយ៍ទោ ឈឿន សុចិត្តបញ្ជាក់ថា ម្ចាស់អាជីវកម្មទូក-ដ ពីរនាក់ ត្រូវបាននាំខ្លួនមកសាកសួរនៅអធិការដ្ឋាននគរបាលស្រុកលើកដែក ខេត្តកណ្តាល នៅព្រឹកថ្ងៃទី១៥ ខែតុលានេះ ដើម្បីបន្តនីតិវិធីតាមច្បាប់ជាធរមាន។ ចំណែកអ្នកបើកទូក-ដ កំពុងសម្រាកព្យាបាល ក៏ត្រូវឃ្លាំមើល និងត្រូវអនុវត្តន៍នីតិវិធីដូចគ្នា ដោយគ្មានការលើកលែងឡើយ៕

មន្ត្រីរាជការ កងកម្លាំងប្រដាប់អាវុធគ្រប់ជាន់ថ្នាក់ ដាក់កម្រងផ្កាចូលរួមគោរពព្រះវិញ្ញាណក្ខន្ធ នៃការយាងសោយទិវង្គតរបស់សម្តេចព្រះបិតាឯករាជ្យជាតិ “ព្រះបរមរតនកោដ្ឋ”

ភ្នំពេញ៖ នៅព្រឹកថ្ងៃទី១៥ ខែតុលា ឆ្នាំ២០២២ ថ្នាក់ដឹកនាំតាមបណ្តាក្រសួង ស្ថាប័ននានា បានដឹកនាំ មន្ត្រីរាជការក្រោមឱវាទ អញ្ជើញដាក់កម្រងផ្កា ចូលរួមគោរពព្រះវិញ្ញាណក្ខន្ធ ព្រះករុណា ព្រះបាទសម្តេច ព្រះនរោត្តម សីហនុ ព្រះបរមរតនកោដ្ឋ ក្នុងគម្រប់ខួប១០ព្រះវស្សានៃការយាងសោយព្រះទិវង្គត់របស់ព្រះអង្គ នៅមណ្ឌបព្រះបរមរូបព្រះបរមរតនកោដ្ឋ ស្ថិតនៅសួនច្បារខាងកើតវិមានឯករាជ្យ។យោងតាមសំណេរសម្តេចតេជោ ហ៊ុន សែន នៅព្រឹកថ្ងៃទី១៥ ខែតុលា ឆ្នាំ២០២២ បានអោយដឹងថា ប្រជារាស្រ្តទូទាំងប្រទេស ព្រមទាំងមន្ត្រីរាជការ កងកម្លាំងប្រដាប់អាវុធគ្រប់ជាន់ថ្នាក់ បានសម្តែងនូវការគោរពដឹងគុណដ៏ខ្ពង់ខ្ពស់បំផុតថ្វាយចំពោះ ព្រះបរមរតនកោដ្ឋ ដែលព្រះអង្គបានលះបង់ និងបូជាព្រះកាយពលដ៏ធំធេងបំផុតចំពោះជាតិមាតុភូមិកម្ពុជា។សម្តេចតេជោ ហ៊ុន សែន បញ្ជាក់ថា កូនចៅប្រជារាស្រ្តទូទាំងប្រទេស និងមន្រ្តីរាជការ សូមថ្វាយព្រះរាជកុសលព្រះវិញ្ញាណក្ខន្ឋព្រះបរមសព ព្រះករុណា ព្រះបាទសម្តេចព្រះ នរោត្តម សីហនុ សូមស្តេចយាងបដិសន្ឋិក្នុងព្រះបរមសុគតិភពកុំបីឃ្លាងឃ្លាតឡើយ៕

ព្រះរាជពិធីរំលឹកខួប១០ឆ្នាំ នៃការយាងសោយទិវង្គតរបស់សម្តេចព្រះបិតាឯករាជ្យជាតិ “ព្រះបរមរតនកោដ្ឋ”

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីបានថ្លែងថា នៅថ្ងៃទី១៥ ខែតុលា ឆ្នាំ២០២២នេះ ប្រជារាស្រ្តទូទាំងប្រទេស ព្រមទាំងមន្ត្រីរាជការ កងកម្លាំងប្រដាប់អាវុធគ្រប់ជាន់ថ្នាក់ បានសម្តែងនូវការគោរពដឹងគុណដ៏ខ្ពង់ខ្ពស់បំផុតថ្វាយចំពោះ ព្រះបរមរតនកោដ្ឋ ដែលព្រះអង្គបានលះបង់ និងបូជាព្រះកាយពលដ៏ធំធេងបំផុតចំពោះជាតិមាតុភូមិកម្ពុជា។ សម្តេចតេជោ ហ៊ុន សែន បញ្ជាក់ថា កូនចៅប្រជារាស្រ្តទូទាំងប្រទេស និងមន្រ្តីរាជការ សូមថ្វាយព្រះរាជកុសលព្រះវិញ្ញាណក្ខន្ឋព្រះបរមសព ព្រះករុណា ព្រះបាទសម្តេចព្រះ នរោត្តម សីហនុ សូមស្តេចយាងបដិសន្ឋិក្នុងព្រះបរមសុគតិភពកុំបីឃ្លាងឃ្លាតឡើយ៕

ទេសរដ្ឋមន្ត្រីគន់ គីម៖ ប្រតិបត្តិការរបស់ក្រុមរុករកត្រូវបានបិទបញ្ចប់ ខណៈសពជនរងគ្រោះបានរកឃើញអស់ហើយ

Breaking News៖ ឯកឧត្តមទេសរដ្ឋមន្ត្រី គន់ គីម អនុប្រធានទី១ នៃគណ:កម្មាធិការជាតិគ្រប់គ្រងគ្រោះមហន្តរាយ បញ្ជាក់ប្រាប់BTVមុនបន្តិចថា សពជនរងគ្រោះចុងក្រោយក្នុងករណីលិចទូកដចម្លង ត្រូវបានរកឃេីញនៅមុននេះបន្តិច ហេីយរង្វង់ប្រតិបត្តិការរបស់ក្រុមរុករកត្រូវបានបិទបញ្ចប់នៅព្រឹកព្រលឹមថ្ងៃទី១៥ ខែតុលា ឆ្នាំ២០២២នេះ។

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចូលរួមរំលែកទុក្ខ និងចាត់មន្ត្រីនាំយកបច្ច័យ-សម្ភារចូលបុណ្យជូនដល់គ្រួសារកុមាររងគ្រោះ(លិចទូកដរទទឹង)នៅស្រុកលើកដែក ខេត្តកណ្តាល

កណ្ដាល ៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជានៅល្ងាចថ្ងៃសុក្រ ទី១៤ ខែតុលា ឆ្នាំ២០២២នេះ បានចាត់ឱ្យលោកជំទាវ ពុំ ចន្ទីនីអគ្គលេខាធិការកាកបាទក្រហមកម្ពុជា និងសហការីចូលរួមរំលែកទុក្ខដ៏ក្រៀមក្រំបំផុតជាមួយក្រុមគ្រួសារសពកុមាររងគ្រោះក្នុងឧប្បទ្ទវហេតុ (លិចទូកដរទទឹង)កាលពីល្ងាចថ្ងៃព្រហស្បតិ៍ ទី ១៣ ខែតុលា ឆ្នាំ២០២២ ស្ថិតនៅភូមិកោះចំរើន ឃុំកំពង់ភ្នំ ស្រុកលើកដែក ខេត្តកណ្តាល សពកុមាររងគ្រោះទាំងអស់បានធ្វេីបុណ្យ និងបូជានៅក្នុងវត្តកំពង់ភ្នំក្នុង ស្ថិតក្នុងស្រុកលេីកដែក ខេត្តកណ្តាល ។ស្ថិតក្នុងវេលាដ៏សោកសង្រេងនេះ លោកជំទាវ អគ្គលេខាធិការ បានពាំនាំនូវការរំលែកទុក្ខដ៏ក្រៀមក្រំបំផុតពី សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលបានផ្តាំផ្ញេីចូលរួមសម្តែងនូវសមានទុក្ខដ៏ក្រៀមក្រំ និងសោកស្តាយយ៉ាងក្រៃលែងបំផុត ប្រកបដោយសេចកី្តសង្វេគអាណិតអាសូរជាពន់ពេកជាមួយក្រុមគ្រួសារសព និងសាច់ញាតិទាំងអស់ ដែលបានបាត់បង់កូនៗ ក្មួយៗ និងចៅៗជាទីស្រឡាញ់នៅក្នុងហេតុការណ៍ដ៏សោកសៅនេះនិងសូមឧទ្ទិសបួងសួងឱ្យដួងវិញ្ញាណក្ខន្ធអ្នកដែលបានបាត់បង់ជីវិតទាំងអស់ បានទៅកាន់សុគតិភពកុំបីឃ្លៀងឃ្លាតឡើយ ព្រមទាំងសូមជូនពរដល់ក្មេងៗជនរងគ្រោះទាំងអស់ដែលរួចផុតជីវិតពីការស្លាប់។សូមឆាប់ជាសះស្បើយ ដើម្បីវិលទៅបន្តការសិក្សារៀនសូត្រ រស់នៅជាប្រក្រតីវិញ។ជាមួយគ្នានេះ កាកបាទក្រហមកម្ពុជាបាននាំយកគ្រឿងឧបភោគបរិភោគ និងបច្ច័យសម្រាប់ចូលបុណ្យសពទាំង១១ (រួមទាំងសព ១ ដែលកំពុងស្វែងរក) ដោយក្នុងគ្រួសារនីមួយៗរួមមាន ៖ អង្ករ ១០០គីឡូក្រាម, មី ៥កេស, ត្រីខ ៥០កំប៉ុង , ទឹកក្រូច ៥កេស និងថវិកា ៥លានរៀល ៕

រុស្ស៊ីនិយាយថា អ៊ុយក្រែនបានបាញ់ផ្លោងនៅតំបន់ព្រំដែន ខណៈមីស៊ីលរុស្ស៊ីវាយប្រហារភូមិនៅអ៊ុយក្រែន

រុស្ស៊ី៖ ទូរទស្សន៍រដ្ឋរុស្ស៊ីបានចេញផ្សាយវីដេអូជាអ្វីដែលក្រុមមន្ត្រីបាននិយាយថា ជាការវាយប្រហារដោយមីស៊ីលរបស់កងកម្លាំងអ៊ុយក្រែនទៅលើទីក្រុង Belgorod ជិតព្រំដែនរួមរបស់ប្រទេសទាំងពីរ។ វីដេអូបានបង្ហាញពីអគារលំនៅឋានខ្ពស់មួយកន្លែង រថយន្តដែលរងការបំផ្លាញ និងពលរដ្ឋភៀសខ្លួនចេញពីប្លុកលំនៅឋានទៅកាន់សណ្ឋាគារមួយ។ អភិបាលក្រុង Belgorod និយាយថា អគារនេះត្រូវបានវាយប្រហារដោយការបាញ់ផ្លោងរបស់អ៊ុយក្រែន។ យោងតាមការរាយការណ៍របស់ទូរទស្សន៍និយាយថា បំណែកនៃមីស៊ីលបានធ្លាក់នៅលើដំបូលផ្ទះប្លុកអគារលំនៅឋាន។ កម្ទេចកម្ទីបេតុងបានបាក់ធ្លាក់មកបណ្តាលឲ្យខូចខាតរថយន្ត ២គ្រឿងដែលចតនៅក្បែរនោះ។ ជាមួយគ្នានេះរុស្ស៊ីបានបង្កើនការបាញ់ផ្លោង និងទម្លាក់គ្រាប់បែកមកលើតំបន់ជនស៊ីវិលរបស់អ៊ុយក្រែនក្នុងប៉ុន្មានសប្តាហ៍ថ្មីៗនេះ ខណៈយោធារបស់ខ្លួនបានបាត់បង់ទឹកដី នៅក្នុងតំបន់ដណ្តើមយកបានជាច្រើនកន្លែងដែលប្រធានាធិបតីលោក Vladimir Putin បានទាមទារដោយខុសច្បាប់ជាទឹកដីរបស់រុស្ស៊ី។ភូមិ Velyka Kostromka ជាភូមិតូចមួយក្នុងតំបន់ Dnipropetrovsk ជាប់ព្រំដែនជាមួយទីក្រុង Kherson ដែលរុស្ស៊ីបានចូលកាន់កាប់សាលារៀនមួយកន្លែងត្រូវបានបំផ្លាញ អំឡុងពេលមានការវាយប្រហាររបស់រុស្ស៊ីកាលពីថ្ងៃអង្គារ។ មន្ត្រីអ៊ុយក្រែន និងអ្នកវិភាគយោធានិយាយថា ការវាយលុករបស់ទីក្រុង Kyiv នៅក្នុងតំបន់ដែលត្រូវបានចូលកាន់កាប់នៅភាគខាងត្បូង និងភាគខាងកើតរបស់ប្រទេសបានថយចុះ ទោះបីជាអ៊ុយក្រែនដណ្តើមបានទីក្រុង និងភូមិចំនួនប្រាំនៅក្នុងតំបន់ Kherson មកវិញកាលពីថ្ងៃពុធក៏ដោយ។ កងទ័ពរុស្ស៊ីបាននឹងកំពុងពង្រឹងនៅសមរភូមិ និងរៀបចំក្រុមឡើងវិញបន្ទាប់ពីជោគជ័យរបស់អ៊ុយក្រែន ដែលបានបង្ខំឱ្យកងកម្លាំងអ៊ុយក្រែនបន្ធូរបន្ថយការរុលចូលទៅមុខរបស់ពួកគេ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ឯកឧត្តម គីម សុផារុន អញ្ជើញដឹកនាំប្រជុំបច្ចេកទេសនៃគណៈកម្មការការងារលើកទី៧ VECONAC តាមប្រព័ន្ធវីដេអូ

បង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams ៣ទីតាំង នៅក្រុងបាវិត ឃាត់ខ្លួជនបរទេស៣២នាក់

មន្ត្រីជំនាញ៖ ឧក្រិដ្ឋជនប្រើប្រាស់ប្រព័ន្ធអនឡាញធ្វើជាឧបករណ៍ឆបោក លួចទិន្នន័យ បង្កវិនាសកម្មផ្នែកសេដ្ឋកិច្ច

ប្រធានក្រុមការងារចុះមូលដ្ឋាន៖ គណបក្សប្រជាជនប្រកាន់ខ្ជាប់នូវឧត្តមគតិស្នេហាជាតិ និងការអភិវឌ្ឍ

ទេសាភិបាលធនាគារជាតិ៖ រាជរដ្ឋាភិបាលបានផ្ដល់អាទិភាពខ្ពស់បំផុតដល់ការអភិវឌ្ឍធនធានមនុស្ស

នាយឧត្តមសេនីយ៍ គន់ គីម អញ្ជើញជួបពិភាក្សាការងារជាមួយថ្នាក់ដឹកនាំ សមាគមធុរកិច្ចអតីតយុទ្ធជនវៀតណាម

លោក Merz ៖ អ៊ុយក្រែនមិនអាចក្លាយជាសមាជិកសហភាពអឺរ៉ុបបានទេ ខណៈខ្លួនកំពុងស្ថិតក្នុង សង្គ្រាមបែបនេះ

អ្នកការទូតបេឡារុស៖ លោក ហ្សេឡិនស្គី កំពុងព្យាយាមធ្វើឲ្យអឺរ៉ុបទាំងមូលធ្លាក់ចូលទៅក្នុងជម្លោះប្រដាប់អាវុធ

លោក TRUMP និយាយថា ប្រតិបត្តិការដើម្បីផ្លាស់ប្តូរថ្នាក់ដឹកនាំគុយបា នៅតែអាចធ្វើទៅបាន

មេដឹកនាំប្រឆាំងវ៉េណេស៊ុយអេឡា ធ្វើដំណើរទៅទស្សនកិច្ចសហរដ្ឋអាមេរិក បន្ទាប់ពីពិភាក្សាជាមួយរដ្ឋាភិបាលបណ្ដោះអាសន្ន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

លោក Putin និយាយថា គ្មានការវាយប្រហារលើទីក្រុងរបស់អ៊ុយក្រែនទៀតទេនៅពេលនេះ

មនុស្ស ៥នាក់ស្លាប់ក្នុងការបាញ់ប្រហារនៅរដ្ឋ North Carolina

លោក Zelenskyy និយាយថា រុស្ស៊ីស្ថិតក្នុងស្ថានភាពអស់សង្ឃឹម

ក្រុមអ្នកជួយសង្គ្រោះធ្វើការពេញមួយយប់ បន្ទាប់ពីការផ្ទុះអណ្តូងរ៉ែនៅទួរគីបណ្តាលឲ្យមនុស្ស ២៥នាក់ស្លាប់

នគរបាលឃាត់ខ្លួនម្ចាស់អាជីវកម្មទូក-ដ ក្រោយមានហេតុការណ៍លិចទូកស្លាប់កូនសិស្ស ១១នាក់

ព្រះរាជពិធីរំលឹកខួប១០ឆ្នាំ នៃការយាងសោយទិវង្គតរបស់សម្តេចព្រះបិតាឯករាជ្យជាតិ “ព្រះបរមរតនកោដ្ឋ”

ទេសរដ្ឋមន្ត្រីគន់ គីម៖ ប្រតិបត្តិការរបស់ក្រុមរុករកត្រូវបានបិទបញ្ចប់ ខណៈសពជនរងគ្រោះបានរកឃើញអស់ហើយ

រុស្ស៊ីនិយាយថា អ៊ុយក្រែនបានបាញ់ផ្លោងនៅតំបន់ព្រំដែន ខណៈមីស៊ីលរុស្ស៊ីវាយប្រហារភូមិនៅអ៊ុយក្រែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លោក Putin និយាយថា ​គ្មាន​ការវាយប្រហារ​លើ​ទីក្រុង​របស់​អ៊ុយ​ក្រែ​ន​ទៀត​ទេ​នៅពេលនេះ​

មនុស្ស ​៥​នាក់​ស្លាប់​ក្នុងការ​បាញ់ប្រហារ​នៅ​រដ្ឋ North Carolina

លោក Zelenskyy​ និយាយ​ថា ​រុស្ស៊ី​ស្ថិតក្នុង​ស្ថានភាព​អស់សង្ឃឹម​

នគរបាលឃាត់ខ្លួនម្ចាស់អាជីវកម្មទូក-ដ ក្រោយមានហេតុការណ៍លិចទូកស្លាប់កូនសិស្ស ១១នាក់

ព្រះរាជពិធីរំលឹកខួប១០ឆ្នាំ នៃការយាងសោយទិវង្គតរបស់សម្តេចព្រះបិតាឯករាជ្យជាតិ “ព្រះបរមរតនកោដ្ឋ”

ទេសរដ្ឋមន្ត្រីគន់​ គីម៖ ប្រតិ​បត្តិការរបស់ក្រុមរុករកត្រូវបានបិទបញ្ចប់ ខណៈសពជនរងគ្រោះបានរកឃើញអស់ហើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោក Putin និយាយថា គ្មានការវាយប្រហារលើទីក្រុងរបស់អ៊ុយក្រែនទៀតទេនៅពេលនេះ

មនុស្ស ៥នាក់ស្លាប់ក្នុងការបាញ់ប្រហារនៅរដ្ឋ North Carolina

លោក Zelenskyy និយាយថា រុស្ស៊ីស្ថិតក្នុងស្ថានភាពអស់សង្ឃឹម

ទេសរដ្ឋមន្ត្រីគន់ គីម៖ ប្រតិបត្តិការរបស់ក្រុមរុករកត្រូវបានបិទបញ្ចប់ ខណៈសពជនរងគ្រោះបានរកឃើញអស់ហើយ