BTV NEWS

សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតអបអរសាទរ ថ្វាយសម្តេចព្រះវររាជមាតាជាតិខ្មែរ ត្រូវបានសហគមន៍ OB-PS ថ្វាយនូវពានសមាជិកភាពកិត្តិយសជើងឯក “Champions Award”

កម្ពុជា-សហភាពសេដ្ឋកិច្ចអឺរ៉ុប-អាស៊ី (EAEU) ពិនិត្យ និង ពិចារណាលើកិច្ចព្រមព្រៀងពាណិជ្ជកម្មសេរី (FTA)

លោកជំទាវបណ្ឌិត ពេជ ចន្ទមុន្នី ក្រាបបង្គំអបអរសាទរ សម្តេចព្រះមហាក្សត្រី ព្រះវររាជមាតាជាតិខ្មែរ ដែលទទួលបានការថ្វាយ «ពានសមាជិកភាពជើងឯក» ពី OB-PS

ព័ត៌មានសំខាន់ៗ

អ្នកស្លាប់ដោយសារព្យុះសង្ឃរា Ianនៅអាមេរិក ឡើងដល់៨៧នាក់ ខណៈប្រតិបត្តិការស្វែងរកនិងសង្គ្រោះនៅតែបន្ត

អាមេរិក៖ ខណៈក្រុមមន្ត្រីគ្រប់គ្រងគ្រាអាសន្នសហព័ន្ធចាប់ផ្ដើមកិច្ចខិតខំប្រឹងប្រែងស្វែងរក និងជួយសង្គ្រោះទ្រង់ទ្រាយធំបំផុតមិនធ្លាប់មាន ចំនួនអ្នកស្លាប់ដោយសារព្យុះសង្ឃរា Ian បានហក់ឡើងដល់ ៨៧នាក់កាលពីថ្ងៃអាទិត្យ។ ចំនួនដែលត្រូវបានរាប់ដោយសារព័ត៌មាន NBC News ត្រូវគេរំពឹងថានឹងបន្តកើនឡើង ខណៈទឹកជំនន់បានស្រក ហើយក្រុមអ្នកស្វែងរកបានរុលចូលទៅក្នុងតំបន់នានា ដែលដំបូងឡើយបានកាត់ផ្ដាច់ចេញពីពិភពខាងក្រៅ ជាទីដែលមនុស្សរាប់រយនាក់ត្រូវបានជួយសង្គ្រោះ។ ចំនួនអ្នកស្លាប់សរុបនេះ រាប់បញ្ចូលទាំងការស្លាប់ ៨៣នាក់ក្នុងរដុ្ឋ Florida ជាទីដែលព្យុះសង្ឃរា Ian ជាព្យុះកម្រិតទី៤ បានវាយប្រហារកាលពីថ្ងៃពុធ ហើយ ៤នាក់ទៀតនៅក្នុងរដ្ឋ North Carolina ជាទីដែលព្យុះនេះបានស្ងប់ទៅវិញ ក្រោយបោកបក់ទៅលើតំបន់ឆ្នេរសមុទ្រ South Carolina កាលពីថ្ងៃសុក្រ។លោកប្រធានាធិបតី Joe Biden និងស្ត្រីទី១ Jill Biden បានប្រកាសថា លោកទាំង២ នឹងធ្វើដំណើរទៅកាន់តំបន់នានារងការបំផ្លិចបំផ្លាញកាលពីសប្ដាហ៍មុន ខណៈសហរដ្ឋអាមេរិកបានជួបប្រទះភាពតក់ស្លុតដោយសារការបាត់បង់ជីវិត ទឹកជំនន់ដ៏គ្រោះថ្នាក់ និងការបំផ្លិចបំផ្លាញដោយសារព្យុះសង្ឃរា Ian៕អត្ថបទ៖ សុខមាន

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីប្រគល់សញ្ញាបត្រដល់និស្សិតវិទ្យាស្ថានវ៉ាន់ដា

ភ្នំពេញ៖ នៅព្រឹកថ្ងៃទី០៣ ខែតុលា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រី អញ្ជើញជាអធិបតីក្នុងពិធីប្រគល់សញ្ញាបត្រដល់និស្សិតវិទ្យាស្ថានវ៉ាន់ដាប្រមាណ ៣,៨៦៦នាក់ នារី ៣,៣៨២នាក់ រួមមាន៖ ថ្នាក់បរិញ្ញាបត្ររង ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត។ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន៖- សម្តេចតេជោ ហ៊ុន សែន បានបញ្ជាក់ថា វិធានការរបស់រាជរដ្ឋាភិបាលលើបញ្ហាកូវីដ-១៩ បានបង្ហាញកាន់តែច្បាស់ពីចេតនារបស់រាជរដ្ឋាភិបាល ក្នុងការគិតគូរពីសុខភាព និងអាយុជីវិតរបស់ប្រជាពលរដ្ឋទូទាំងប្រទេស។- សម្តេចតេជោ ហ៊ុន សែន បានបញ្ជាក់ថា ទោះជាមានករណីឆ្លងជំងឺកូវីដ-១៩ខ្លះក៏ពិតមែននាពេលនេះ តែមានអ្នកជំងឺមួយចំនួនមិនដឹងថាខ្លួនមានជំងឺនោះទេ ដោយសារឥទ្ធិពល នៃប្រសិទ្ធភាពវ៉ាក់សាំកូវីដ-១៩ ដែលមិនឱ្យអ្នកជំងឺធ្លាក់ដល់កម្រិតធ្ងន់ធ្ងរ ឬអាយុជីវិត។- សម្តេចតេជោ ហ៊ុន សែន បានបញ្ជាក់ថា កម្ពុជាគ្មានករណីឆ្លងថ្មីជំងឺកូវីដ-១៩រយៈពេល៥២ថ្ងៃ និងគ្មានករណីស្លាប់ថ្មីដោយជំងឺកូវីដ-១៩ជាច្រើនខែមកទល់នឹងពេលនេះ ដែលជាភាពជោគជ័យ ដ៏ត្រចះត្រចង់លើសមរភូមិកូវីដ-១៩ ទោះយើងមិនទាន់ឈ្នះលើសង្គ្រាមកូវីដ-១៩នេះទាំងស្រុងក៏ដោយ។- សម្តេចតេជោ ហ៊ុន សែន ប្រកាសថា ប្រជាពលរដ្ឋបាននាំគ្នាទៅកាន់បិណ្ឌ និងភ្ជុំបិណ្ឌដោយភាពសប្បាយរីករាយនៅឆ្នាំ២០២២នេះ ដែលខុសពីឆ្នាំមុន យើងអាចប្រារព្ធពិធីកាន់បិណ្ឌបានតែបិណ្ឌទី២ ឬទី៣ប៉ុណ្ណោះ ហើយក៏ផ្អាកទៅវិញ ដេោយសារស្ថានភាពពេលនោះកូវីដ-១៩ បានវាយលុកខ្លាំង ដែលទាមទារឱ្យរាជរដ្ឋាភិបាលមានវិធានការបន្ទាន់ និងចាំបាច់លើករណីនេះ។- សម្តេចតេជោ ហ៊ុន សែន បានប្រកាសឱ្យវិស័យឯកជនបន្តចូលរួមវិនិយោគលើការបណ្តុះបណ្តាលអប់រំ សិក្សាធិការឱ្យបានផុសផុលបន្ថែមទៀត ដោយយើង មិនអាចពឹងផ្អែកទាំងស្រុងតែទៅលើការបណ្តុះបណ្តាលដោយរដ្ឋនោះឡើយ។- សម្តេចតេជោ ហ៊ុន សែន បានប្រកាសទាមទារ និងជំរុញឱ្យមានការធ្វើទំនើបកម្មលើការបណ្តុះបណ្តាលគ្រប់កម្រិត ដើម្បីធានាប្រសិទ្ធភាព និងគុណភាព នៃការបណ្តុះបណ្តាលធនធានមនុស្សនៅកម្ពុជា ក្នុងនោះមានអគារសិក្សា និងការផ្លាស់ប្តូរទស្សនកិច្ចសិក្សានានាជាដើម។- សម្តេចតេជោ ហ៊ុន សែន បានប្រកាសថា កម្ពុជាបានប្រឹងប្រែងទប់នឹងវិបត្តិនានា ដែលបណ្តាលមកពីបញ្ហាសកល ក្នុងនោះមានការគិតគូរលើការចំណាយរបស់រដ្ឋ ខណៈដែលប្រទេសមួយចំនួនបានរងនូវវិបត្តិនេះយ៉ាងធ្ងន់ធ្ងរជាទីបំផុត។- សម្តេចតេជោ ហ៊ុន សែន បានប្រកាសពីចេតនារបស់រាជរដ្ឋាភិបាល ក្នុងការប្រឹងប្រែងធ្វើឱ្យវិស័យឯកជនបានរីកចម្រើន ដែលជាចំណែកមួយដ៏ធំ នៃការបង់ពន្ធចូលរដ្ឋ ខុសពីទស្សនៈនយោបាយ និងចេតនារបស់បុគ្គលខ្លះ ដែលចង់ឱ្យវិស័យឯកជនធ្លាក់ចុះ ឬអន់ថយ។- សម្តេចតេជោ ហ៊ុន សែន បានប្រកាសពីខ្លឹសារ នៃចំណេរក្នុងសៀវភៅរបស់«ម៉ាលឡេនីន» ដែលជនកុម្មុនីស្តធំមួយដ៏ល្បីល្បាញលើពិភពលោក ក៏ឱ្យតម្លៃ និងមានការចែករវាងកម្មករ និងថៅកែ ដែលមិនអាចខ្វះគ្នាបានលើការជំរុញវិស័យសេដ្ឋកិច្ច ពាណិជ្ជកម្ម នៃប្រទេសនីមួយៗ។ សម្តេចបញ្ជាក់ថា «បើគ្មានកម្មករទេ ក៏មិនអាចមានថៅកែ ឬនាយទុនដែរ»។- សម្តេចតេជោ ហ៊ុន សែន បានប្រកាសពីទស្សនវិស័យ នៃការលើកកម្ពស់វិស័យសេដ្ឋកិច្ចកម្ពុជា តាមរយៈសៀវភៅនានារបស់សម្តេច ដោយឱ្យតម្លៃវិស័យឯកជនយ៉ាងខ្លាំង ព្រមទាំងមានការប្រៀបធៀបរវាងអាជីវកម្មរបស់រដ្ឋ និងឯកជន។ សម្តេតេជោ ហ៊ុន សែន បញ្ជាក់ថា «អាវរឿងក្រុមហ៊ុនរបស់រដ្ឋនេះ គ្មានដែលបានចំណេញឡើយ»។- សម្តេចតេជោ ហ៊ុន សែន បានបញ្ជាក់ថា បច្ចុប្បន្ននេះ ចំណូលពន្ធផ្ទៃក្នុងរបស់កម្ពុជា យ៉ាងហោចណាស់ប្រមូលបាន ២០០លានដុល្លារសហរដ្ឋអាមេរិកក្នុងមួយខែ ដែលរយៈពេល៩ខែមកនេះ ការប្រមូលពន្ធសម្រេចបានជាង៩៥ភាគរយ (ជាង ៣ពាន់លានដុល្លារអាមេរិក)។- សម្តេចតេជោ ហ៊ុន សែន មានប្រសាសន៍លើការរិះគន់ទាំងឡាយរបស់ជនមួយចំនួន លើការគាំពារវិស័យឯកជនរបស់រាជរដ្ឋាភិបាលកម្ពុជា និងចោទប្រកាន់ថា «រាជរដ្ឋាភិបាល យកចិត្តទុកដាក់ តែលើអ្នកមាន ឬនាយទុន»។ សម្តេចតេជោ ហ៊ុន សែន បញ្ជាក់ថា «មិនថាអ្នកមាន ឬអ្នកក្រទេ ឱ្យតែខុស គឺមិនមែនការលើកលែងឡើយ»។- សម្តេចតេជោ ហ៊ុន សែន បានប្រកាសលើការវិនិយោគវិស័យអប់រំ ដោយគ្មានកំណត់ ក្នុងនោះមានការពង្រាយអគារសិក្សាដល់ភូមិឋានប្រជាជន និងដំឡើងកម្រិត នៃការអប់រំ ទាំងបឋម អនុវិទ្យាល័យ វិទ្យាល័យ តាមការសិក្សាជាក់ស្តែងលើចំនួនសិស្ស និងភាពចាំបាច់នានា។- សម្តេចតេជោ ហ៊ុន សែន មានប្រសាសន៍ថា ការអនុវត្តគោលនយោបាយគាំពារប្រជាពលរដ្ឋ(តំបន់រុនតាឯក) មិនមែនជាការគេងចំណេញនយោបាយគណបក្សប្រជាជនកម្ពុជានោះ តែបញ្ហានេះក៏មិនអាចកាត់ផ្តាច់ពីគ្នាបានដែរ ព្រោះគណបក្សប្រជាជនកម្ពុជា ជាបក្សឈ្នះឆ្នោតដឹកនាំរាជរដ្ឋាភិបាល។- សម្តេចតេជោ ហ៊ុន សែន ប្រកាសដល់ក្រុមឧទ្ទាមក្រៅច្បាប់ កំពុងជ្រកកោណនៅក្រៅប្រទេស ដែលប្រកាសប្រជាភិថុតិលើបញ្ហាកម្ចីធនាគារពេលខ្លួនឈ្នះឆ្នោត មិនឱ្យបង់លុយធនាគារ។ សម្តេចប្រកាសថា «នរណាក៏ដោយ ដែលគាំទ្រនយោបាយឧទ្ទាមត្រង់ចំណុចនេះ សម្តេចលើកទឹកចិត្តឱ្យធនាគាររឹបអូសជននោះតែម្តង ដោយគ្មានការលើកលែង»។- សម្តេចតេជោ ហ៊ុន សែន ប្រកាសរិះគន់ដល់ក្រុមទូរស័ព្ទចល័ត Smart ដែលគ្មានសេវាសម្រាប់ការប្រើប្រាស់នៅក្នុងស្រុក និងសេវាសូន្យ(0)នៅក្រៅប្រទេស ដោយសារក្រុមហ៊ុននេះ គ្មានទំនាក់ទំនងជាមួយក្រុមហ៊ុនទូរស័ព្ទនៅក្រៅប្រទេស។- សម្តេចតេជោ ហ៊ុន សែន បានប្រកាសដាច់ណាត់ដល់អ្នកមិនព្រមរុះរើលំនៅឋានចេញពីតំបន់រមនីដ្ឋានអង្គរ សូមឱ្យចេញជាបន្ទាន់ ទាន់រដ្ឋមានគោលនយោបាយ ដោយកម្ពុជាមិនអាចឱ្យUNESCO ដកប្រាសាសទអង្គរវត្តចេញបញ្ជីបេតិកភណ្ឌភពលោកបានទេ ត្រូវតែឱ្យអ្នកឯងចេញពីតំបន់នោះ។- សម្តេចតេជោ ហ៊ុន សែន បានប្រកាសអំពាវនាវដល់គ្រួសារ ដែលមានអ្នកនៅជាមួយ សូមឱ្យមានគិតគូរខ្ពស់ដល់ពួកគេ ។ សម្តេចបញ្ជាក់ថា «គ្មាននរណាម្នាក់ ដែលមិនអាចនៅជាមួយក្រុមគ្រួសារខ្ញុំបានឡើយ...[]...អ្នករស់នៅជាមួយខ្ញុំ ត្រូវតែរស់នៅក្រោមដំបូលផ្ទះជាមួយគ្នា »។- សម្តេចតេជោ ហ៊ុន សែន បានប្រកាស ឱ្យមានការរុះរើលំនៅឋានប្រជាពលរដ្ឋដែលសេសសល់រស់នៅតំបន់ងហាមឃាត់ក្នុងតំបនរមនីដ្ឋានអង្គរឱ្យបានជាដាច់ខាត ដោយគ្មានការលើកពេលទៀតឡើយ និងអំពាវនាវដល់បក្សនយោនានា សុមកុំលូកដៃ យកចំណេញនយោបាយលើករណីនេះឱ្យសោះ។- សម្តេចតេជោ ហ៊ុន សែន បានប្រកាសថា វិបត្តិសេដ្ឋកិច្ចនាពេលនេះ មិនមែនបណ្តាលមកពីមូលហេតុតែមួយគត់ ដោយសារសង្គ្រាមរុស្ស៊ី-អ៊ុយក្រែននោះទេ គឺដោយសារទង្វើ នៃការដាក់ទ័ណ្ឌកម្មសេដ្ឋកិច្ច ដែលមិនត្រឹមប៉ះពាល់ដល់រុស្ស៊ីតែម្នាក់ឯងឡើយ វាបានប៉ះពាល់ដល់អឺរ៉ុប រួមទាំងកម្ពុជា ដែលមិនដឹងអីផងដែរ។- សម្តេចតេជោ ហ៊ុន សែន ប្រកាសដោយសង្ឃឹមជឿជាក់ថា ពិភពលោកនឹងស្រុះស្រួលគ្នា ដើម្បីកុំឱ្យរុញច្រានវិបត្តិសេដ្ឋកិច្ចនាពេលនេះ ទៅជាវិបត្តិសេដ្ឋកិច្ចមួយដ៏ធំ ដែលយើងមិងអាចប៉ាន់ស្មានបាន។សង្កថាសម្តេចតេជោ ហ៊ុន សែន ចប់នៅវេលាម៉ោង៩និង០០នាទី។

សម្តេចតេជោ ហ៊ុន សែន អញ្ជើញចែកសញ្ញាបត្រ ដល់និស្សិតវិទ្យាស្ថានវ៉ាន់ដា ជិត៤ពាន់នាក់

ភ្នំពេញ៖ នៅព្រឹកថ្ងៃទី៣ ខែតុលា ឆ្នាំ២០២២ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជាអធិបតីក្នុងពិធីប្រគល់សញ្ញាបត្រដល់និស្សិតវិទ្យាស្ថានវ៉ាន់ដាប្រមាណ ៣,៨៦៦នាក់ នារី ៣,៣៨២នាក់។ និស្សិតដែលទទួលសញ្ញាបត្រនេះ រួមមានថ្នាក់បរិញ្ញាបត្ររង ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត។ និស្សិតជ័យលាភីខាងលើ បានបញ្ចប់ការសិក្សាក្នុងឆ្នាំសិក្សា២០២០-២០២១ ក្នុងនោះក៏មាននិស្សិតថ្នាក់បរិញ្ញាបត្រ ផ្នែកអាហារូបករណ៍របស់សម្តេចតេជោ និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចំនួន ៥០នាក់ នារី ៤៧នាក់ផងដែរ៕

សម្តេចតេជោ ហ៊ុន សែន នឹងអញ្ជើញចែកសញ្ញាបត្រ ដល់និស្សិតវិទ្យាស្ថានវ៉ាន់ដា ជិត៤ពាន់នាក់ នៅព្រឹកស្អែកនេះ

ភ្នំពេញ៖ នៅព្រឹកថ្ងៃទី៣ ខែតុលា ឆ្នាំ២០២២ ស្អែកនេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នឹងអញ្ជើញជាអធិបតីក្នុងពិធីប្រគល់សញ្ញាបត្រដល់និស្សិតវិទ្យាស្ថានវ៉ាន់ដាប្រមាណ ៣,៨៦៦នាក់ នារី ៣,៣៨២នាក់។ និស្សិតដែលទទួលសញ្ញាបត្រនេះ រួមមានថ្នាក់បរិញ្ញាបត្ររង ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត។ និស្សិតជ័យលាភីខាងលើ បានបញ្ចប់ការសិក្សាក្នុងឆ្នាំសិក្សា២០២០-២០២១។ ក្នុងនោះក៏មាននិស្សិតថ្នាក់បរិញ្ញាបត្រ ផ្នែកអាហារូបករណ៍របស់សម្តេចតេជោ និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចំនួន ៥០នាក់ នារី ៤៧នាក់ផងដែរ៕

លោក Putin អំពាវនាវឲ្យទីក្រុងគីវត្រឡប់មករកការចរចា

រុស្ស៊ី៖ ប្រធានាធិបតីរុស្ស៊ីលោក Vladimir Putin បាននិយាយកាលពីថ្ងៃសុក្រក្នុងពិធីចុះហត្ថលេខាលើសន្ធិសញ្ញា ស្តីពីការដាក់បញ្ចូលសាធារណរដ្ឋប្រជាមានិត Lugansk និង Donetsk ព្រមទាំងតំបន់ Kherson និង Zaporizhzhia ដែលបានប្រកាសឯករាជ្យពីអ៊ុយក្រែនបញ្ចូលទៅក្នុងប្រទេសរុស្ស៊ីថា ទីក្រុងមូស្គូបានត្រៀមខ្លួនរួចជាស្រេចសម្រាប់ការចរចាជាមួយទីក្រុងគីវ។ លោកបាននិយាយថា យើងអំពាវនាវឱ្យរបបទីក្រុងគីវបញ្ឈប់អរិភាពទាំងអស់ បញ្ឈប់សង្គ្រាមដែលវាបានចាប់ផ្តើមតាំងពីឆ្នាំ២០១៤ ហើយត្រលប់មករកតុចរចាវិញ។ លោកនិយាយថា ទោះជាយ៉ាងណាទីក្រុងមូស្គូនឹងមិន «ក្បត់» ទឹកដីដែលចង់ក្លាយជាផ្នែកមួយរបស់រុស្ស៊ីនោះទេ។ ប្រធានាធិបតីអ៊ុយក្រែនលោក Volodymyr Zelenskyy បានថ្លែងសារជាថ្មីកាលពីថ្ងៃសុក្រថា ការសន្យារបស់លោកនឹងដណ្តើមយកទឹកដីអ៊ុយក្រែនទាំងអស់មកវិញ ដែលរុស្ស៊ីបានចូលកាន់កាប់។លោកនិយាយថា «ទឹកដីទាំងមូលរបស់ប្រទេសយើងនឹងត្រូវបានរំដោះពីសត្រូវមកវិញ» ឆ្លើយតបទៅនឹងការអំពាវនាវឱ្យមានការចរចាពីប្រធានាធិបតីរុស្ស៊ីលោក Vladimir Putin លោក Zelenskyy បាននិយាយថា «យើងត្រៀមខ្លួនរួចជាស្រេចសម្រាប់ការសន្ទនាជាមួយរុស្ស៊ី ប៉ុន្តែជាមួយប្រធានាធិបតីរុស្ស៊ីផ្សេងទៀត។ នៅក្នុងវីដេអូមួយ លោក Zelenskyy ត្រូវបានគេមើលឃើញថា បានចុះហត្ថលេខាលើពាក្យស្នើសុំសម្រាប់ការពន្លឿនការចូលជាសមាជិកអង្គការ NATO រួមជាមួយនាយករដ្ឋមន្ត្រីអ៊ុយក្រែនលោក Denys Shmyhal៕អត្ថបទ៖ ប៊ុនថន

អ៊ីរ៉ង់ចាប់ខ្លួនប្រជាជនអឺរ៉ុបដោយចោទប្រកាន់ពីការចូលរួមបង្កភាពចលាចល

អ៊ីរ៉ង់៖ អ៊ីរ៉ង់បានដាក់កំហុសលើសត្រូវបរទេសចំពោះការតវ៉ាដែលបានរាលដាល បន្ទាប់ពីការស្លាប់របស់ស្ត្រីម្នាក់នៅក្នុងមន្ទីរឃុំឃាំងរបស់នគរបាលសីលធម៌ ដែលបាននិយាយកាលពីថ្ងៃសុក្រថា ប្រទេសអ៊ីរ៉ង់បានចាប់ខ្លួនប្រជាជនអឺរ៉ុប ៩នាក់សម្រាប់ការចូលរួមរបស់ពួកគេក្នុងការបង្កភាពចលាចល។ ការឃុំខ្លួនពលរដ្ឋអាល្លឺម៉ង់ ប៉ូឡូញ អ៊ីតាលី បារាំង ហូឡង់ ស៊ុយអែត និងប្រទេសផ្សេងទៀតទំនងជាធ្វើឱ្យមានភាពតានតឹងរវាងប្រទេសអ៊ីរ៉ង់ និងបណ្តាប្រទេសលោកខាងលិចជុំវិញការស្លាប់របស់នាង Mahsa Amini។ ការកើនឡើងភាពតានតឹងកើតមានឡើងនៅពេលដែលមានអ្នកស្លាប់ និងរបួសកាន់តែច្រើន។ មន្ត្រីម្នាក់បាននិយាយថា មនុស្ស ១៩នាក់បានស្លាប់ បន្ទាប់ពីកងកម្លាំងសន្តិសុខបានបាញ់ទៅលើក្រុមបាតុករប្រដាប់អាវុធ ដែលវាយប្រហារលើប៉ុស្តិ៍នគរបាលមួយកន្លែង។ ទីក្រុងតេអេរ៉ង់បានឆ្លើយតបទៅនឹងការថ្កោលទោសជាអន្តរជាតិ ចំពោះករណីនេះដោយបានបញ្ចេញកំហឹងទៅលើក្រុមអ្នករិះគន់របស់ខ្លួន ដោយចោទប្រកាន់សហរដ្ឋអាមេរិកថា បានទាញប្រយោជន៍ពីភាពចលាចលដើម្បីព្យាយាមធ្វើឱ្យអ៊ីរ៉ង់មានអស្ថិរភាព។ក្រសួងស៊ើបការណ៍សម្ងាត់បាននិយាយនៅក្នុងសេចក្តីថ្លែងការណ៍ ដែលធ្វើឡើងដោយប្រព័ន្ធផ្សព្វផ្សាយអ៊ីរ៉ង់ថា មនុស្សមិនស្គាល់អត្តសញ្ញាណទាំង ៩នាក់ត្រូវបានឃុំខ្លួនក្នុងអំឡុងពេលកុប្បកម្ម ឬខណៈពេលកំពុងរៀបចំផែនការ។ នាង Amini អាយុ ២២ឆ្នាំមកពីទីក្រុង Saqez ជាជនជាតិឃឺដអ៊ីរ៉ង់ត្រូវបានចាប់ខ្លួននៅទីក្រុងតេអេរ៉ង់ ពីបទស្លៀកពាក់មិនសមរម្យមិនបានគ្របសក់ដោយកន្សែង ធ្វើឡើងដោយនគរបាលសីលធម៌អនុវត្តក្រមសីលធម៌សំលៀកបំពាក់តឹងរឹង របស់សាធារណរដ្ឋអ៊ីស្លាមសម្រាប់ស្ត្រី។ ការស្លាប់របស់នាងបានបង្កឱ្យមានការប្រឆាំងតវ៉ាដ៏ធំ នៅតាមដងផ្លូវរបស់ប្រទេសអ៊ីរ៉ង់ ចាប់តាំងពីអាជ្ញាធរបានបង្ក្រាបការតវ៉ាប្រឆាំងការឡើងថ្លៃប្រេងសាំងក្នុងឆ្នាំ២០១៩៕អត្ថបទ៖ ប៊ុនថន

សហរដ្ឋអាមេរិកបន្ថែមជំនួយសង្គ្រោះបំណុលដល់ប្រទេសប៉ាគីស្ថាន បន្ទាប់ពីទឹកជំនន់

ប៉ាគីស្ថាន៖ ស្ថានទូតសហរដ្ឋអាមេរិកប្រចាំនៅទីក្រុងអ៊ីស្លាម៉ាបាដបាននិយាយថា ទីក្រុងវ៉ាស៊ីនតោនបានផ្តល់កិច្ចព្រមព្រៀងដើម្បីផ្អាកការទូទាត់សេវាលើបំណុលចំនួន ១៣២លានដុល្លាររបស់ប្រទេសប៉ាគីស្ថាន ខណៈប្រទេសនៅអាស៊ីខាងត្បូងមួយនេះប្រឈមនឹងវិបត្តិសេដ្ឋកិច្ច ដែលកាន់តែធ្ងន់ធ្ងរដោយសារទឹកជំនន់បំផ្លាញ។ សេដ្ឋកិច្ចរបស់ប៉ាគីស្ថានកំពុងប្រឈមនឹងតុល្យភាពនៃវិបត្តិសងបំណុល ការធ្លាក់ចុះនៃរូបិយប័ណ្ណរបស់ខ្លួនដល់កម្រិតទាបជាប្រវត្តិសាស្ត្រ និងអតិផរណារហូតដល់ ២៧ភាគរយ។ ទឹកជំនន់បានបំផ្លាញប្រទេសនេះ ភាគច្រើនកាលពីចុងខែសីហាបណ្តាលឲ្យមនុស្សជាង ១,៥០០នាក់ស្លាប់ និងមានការខូចខាតគិតជាទឹកប្រាក់ប្រមាណ ៣០ពាន់លានដុល្លារ ដោយធ្វើឱ្យមានការព្រួយបារម្ភថា ប្រទេសប៉ាគីស្ថាននឹងមិនអាចបំពេញកាតព្វកិច្ចសងបំណុលរបស់ខ្លួនបាននោះទេ។ ឯកអគ្គរដ្ឋទូតសហរដ្ឋអាមេរិកប្រចាំប្រទេសប៉ាគីស្ថានលោក Donald Blome បានចុះហត្ថលេខាលើកិច្ចព្រមព្រៀងដើម្បីបន្ថែមការផ្តល់ប្រាក់កម្ចី ក្រោមគំនិតផ្តួចផ្តើមការផ្អាកសេវាបំណុលរបស់ក្រុមប្រទេស G20។ការចុះហត្ថលេខានេះគឺពាក់ព័ន្ធទៅនឹងកិច្ចព្រមព្រៀងក្លឹបទីក្រុងប៉ារីសកាលពីខែមេសា ឆ្នាំ២០២០ ក្នុងការគាំទ្រប្រទេសដែលមានប្រាក់ចំណូលទាបចំនួន ៧៣ប្រទេសក្នុងអំឡុងពេលជំងឺ COVID-19 ដែលសហរដ្ឋអាមេរិកបានផ្តល់ជំនួយសង្គ្រោះបំណុលចំនួន ១២៨លានដុល្លារដល់ប្រទេសប៉ាគីស្ថាន។ រដ្ឋមន្ត្រីហិរញ្ញវត្ថុប៉ាគីស្ថានលោក Miftah Ismail បាននិយាយកាលពីសប្តាហ៍មុនថា ទីក្រុងអ៊ីស្លាម៉ាបាដកំពុងស្វែងរកជំនួយសង្គ្រោះបំណុល ពីម្ចាស់បំណុលទ្វេភាគីបន្ទាប់ពីមានទឹកជំនន់៕អត្ថបទ៖ ប៊ុនថន

កូរ៉េខាងជើងបាញ់មីស៊ីលបាលីស្ទិកជាលើកទី៤ ក្នុងរយៈពេលតែមួយសប្តាហ៍

កូរ៉េខាងត្បូង៖ នាយសេនាធិការចម្រុះរបស់កូរ៉េខាងត្បូងបាននិយាយថា ប្រទេសកូរ៉េខាងជើងបានបាញ់មីស៊ីលបាលីស្ទីកដែលមិនត្រូវបានបញ្ជាក់ ចូលទៅកាន់សមុទ្រភាគខាងកើតនៅថ្ងៃសៅរ៍នេះ ជាការកត់សម្គាល់ការបាញ់មីស៊ីលលើកទី៤ របស់ទីក្រុងព្យុងយ៉ាងក្នុងរយៈពេលត្រឹមតែមួយសប្តាហ៍ ខណៈប្រទេសនេះបង្កើនភាពតានតឹងនៅលើឧបទ្វីបកូរ៉េ។ការបាញ់បង្ហោះនេះធ្វើឡើងបន្ទាប់ពីកងទ័ពជើងទឹកកូរ៉េខាងត្បូង សហរដ្ឋអាមេរិក និងជប៉ុនបានធ្វើសមយុទ្ធប្រឆាំងនាវាមុជទឹកត្រីភាគីកាលពីថ្ងៃសុក្រជាលើកដំបូងក្នុងរយៈពេល ៥ឆ្នាំមកនេះ និងបន្ទាប់ពីដំណើរទស្សនកិច្ចរបស់អនុប្រធានាធិបតីសហរដ្ឋអាមេរិកលោកស្រី Kamala Harris ទៅកាន់ប្រទេសកូរ៉េខាងត្បូងក្នុងសប្តាហ៍នេះ។ ឆ្មាំសមុទ្ររបស់ជប៉ុនបានរាយការណ៍ថា យ៉ាងហោចណាស់មានការសាកល្បងមីស៊ីលបាលីស្ទីក ដែលសង្ស័យចំនួន ២លើកដោយទីក្រុងព្យុងយ៉ាង។ ប្រព័ន្ធផ្សព្វផ្សាយ NHK បានដកស្រង់ប្រភពរដ្ឋាភិបាលដែលបាននិយាយថា មីស៊ីលទី២ បានធ្លាក់នៅខាងក្រៅតំបន់សេដ្ឋកិច្ចផ្តាច់មុខរបស់ប្រទេសជប៉ុន។កូរ៉េខាងជើងបានបាញ់មីស៊ីល មុន និងក្រោយដំណើរទស្សនកិច្ចរបស់លោកស្រី Harris ទៅកាន់កូរ៉េខាងត្បូង ដោយបានបន្ថែមល្បឿនកំណត់ត្រាក្នុងការសាកល្បងអាវុធនៅឆ្នាំនេះ ខណៈប្រទេសនេះបង្កើនការគំរាមកំហែងអំណាចនុយក្លេអ៊ែរ ដែលអាចវាយប្រហារដល់សហរដ្ឋអាមេរិក និងសម្ព័ន្ធមិត្តរបស់ខ្លួន។ អ្នកវិភាគមើលឃើញថា ការបង្កើនល្បឿននៃការសាកល្បងនេះ គឺជាកិច្ចខិតខំប្រឹងប្រែងដើម្បីបង្កើតអាវុធប្រតិបត្តិការ ព្រមទាំងដើម្បីទាញយកប្រយោជន៍ពីពិភពលោកដែលរងផលប៉ះពាល់ដោយជម្លោះនៅអ៊ុយក្រែន និងវិបត្តិផ្សេងទៀត ដើម្បីធ្វើឱ្យធម្មតាការសាកល្បងមីស៊ីលរបស់ខ្លួន៕អត្ថបទ៖ ប៊ុនថន

កម្ពុជាប្រកាសជំហរជាថ្មីថា ខ្លួនមិនគាំទ្រដាច់ខាតការប្រើប្រាស់អាវុធ និងរំលោភឈ្លានពានប្រទេសដទៃ

សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានប្រកាសជំហរជាថ្មីម្តងទៀតថា កម្ពុជា មិនគាំទ្រជាដាច់ខាតចំពោះប្រទេសណាក៏ដោយ ដែលប្រើប្រាស់អាវុធ និងសកម្មភាពផ្សេងៗ ក្នុងគោលបំណងរំលោភបំពានលើដែនអធិបតេយ្យប្រទេសដទៃ ខណៈបញ្ហានេះបានកំពុងកើតមានឡើងរវាងរុស្ស៊ី និងអ៊ុយគ្រែននោះ។នៅក្នុងពិធីសំណេះសំណាលជាមួយប្រជាពលរដ្ឋដែលបានចាប់ឆ្នោតស្ម័គ្រចិត្តរើលំនៅឋាន និងសំណង់ផ្សេងៗចេញពីតំបន់រមណីយដ្ឋានអង្គរ និងតំបន់ដទៃទៀត ទៅរស់នៅក្នុងភូមិធម្មជាតិរុនតាឯក ស្ថិតក្នុងស្រុកបន្ទាយស្រី ខេត្តសៀមរាប នាព្រឹកថ្ងៃទី១ ខែ តុលា ឆ្នាំ២០២២នេះ សម្តេចតេជោ ហ៊ុន សែនបានបញ្ជាក់ថា កម្ពុជាប្រឆាំងដាច់ខាតចំពោះការបង្កើតរដ្ឋ និងផ្តាច់រដ្ឋ និងការប្រើប្រាស់អាវុធគាប់សង្កត់លើប្រទេសនានា។សូមបញ្ជាក់ថា កាលពីកន្លងទៅ នៅក្នុងអង្គសន្និបាតជាបន្ទាន់របស់អង្គការសហប្រជាជាតិ ទាក់ទិននឹងការវិវត្តិន៍នៃសង្រ្គាមនៅអ៊ុយក្រែន កម្ពុជាគឺជារដ្ឋមួយក្នុងចំណោមរដ្ឋចំនួន១៤១ ដែលបានបោះឆ្នោតគាំទ្រអធិបតេយ្យរបស់អ៊ុយក្រែន ហើយទាមទារឲ្យរុស្ស៊ីដកកងទ័ពចេញជាបន្ទាន់ផងដែរ។ ចំពោះបញ្ហាសង្រ្គាមរវាងរុស្ស៊ី និងអ៊ុយគ្រែននេះ កម្ពុជាក៏បានសម្រេចចិត្តបោះឆ្នោតគាំទ្រការថ្កោលទោសរុស្ស៊ី នៅក្នុងអង្គសន្និបាតជាបន្ទាន់របស់អង្គការសហប្រជាជាតិ។ កាលពីកន្លងទៅសម្តេចតេជោ ហ៊ុន សែន ក៏បានពន្យល់ផងដែរថា សកម្មភាពរបស់រុស្ស៊ីទៅលើប្រទេសអ៊ុយគ្រែន គឺផ្ទុយទៅនឹងគោលនយោបាយការបរទេសរបស់កម្ពុជា៕ អត្ថបទ៖ បាន ចក់

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីជួបសំណេះសំណាលជាមួយពលរដ្ឋ ស្ម័គ្រចិត្តរើលំនៅឋានចេញពីតំបន់រមណីយដ្ឋានអង្គរ

សៀមរាប៖ នៅព្រឹកថ្ងៃទី០១ ខែតុលា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានអញ្ជើញជួបសំណេះសំណាល សាកសួរសុខទុក្ខប្រជាពលរដ្ឋដែលបានចាប់ឆ្នោតស្ម័គ្ររើលំនៅឋាន និងសំណង់ផ្សេងៗចេញពីតំបន់រមណីយដ្ឋានអង្គរមករស់នៅភូមិធម្មជាតិរុនតាឯក។ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន៖- សម្តេចតេជោ ហ៊ុន សែន នៅតែប្រកាសជំហរកម្ពុជាក្នុងឆាកអន្តរជាតិ ដោយមិនគាំទ្រការប្រើប្រាស់កម្លាំងប្រដាប់អាវុធ និងសកម្មភាពទាំងឡាយ ដើម្បីរំលោភលើដែនអធិបតេយ្យប្រទេសនានា ហើយកម្ពុជាប្រឆាំងដាច់ខាតចំពោះកម្មភាពខាងលើ។- សម្តេចតេជោ ហ៊ុន សែន ប្រកាសពីកម្លាំងពលំសម្តេចមាំមួន ទោះស្ថិតក្នុងវ័យចំណាស់បន្តិចក៏ដោយ ដើម្បីបន្តដឹកនាំកម្ពុជាឆ្ពោះទៅកាន់ការអភិវឌ្ឍលើគ្របវិស័យ និងសកម្មភាពនានា។- សម្តេចតេជោ ហ៊ុន សែន បានបញ្ជាក់ថា មិនថាប្រទេសតូច ឬប្រទេសធំ ,ប្រទេសអ្នកមាន ឬប្រទេសអ្នកក្រទេ ឱ្យតែខុសលក្ខន្តិកៈរបស់UNISCO គឺគេដកចេញ ដោយគ្មានការយោគយល់ទេ។ សម្តេចបញ្ជាក់ថា «បើគេដកអង្គរយើងចេញ ពីបញ្ជីបេតិកភណ្ឌពិភពលោកដោយសារខុសលក្ខន្តិកៈនោះ ដែលជាការបាត់បង់ដ៏ធំធេងណាស់របស់ជាតិទាំងមូល»។- សម្តេចតេជោ ហ៊ុន សែន ប្រកាសព្រះរាជពិធីដ៏ធំនៅថ្ងៃទី១៥ ខែតុលា ឆ្នាំ២០២២ខាងមុខនេះ ដែលជាថ្ងៃនៃខួប ១០ឆ្នាំ នៃការយាងសោយព្រះទីវង្គត់របស់ព្រះបិតាសម្តេចឪ និងជាខួប ១០០ឆ្នាំ នៃព្រះជន្មរបស់ព្រះអង្គ។- សម្តេចតេជោ ហ៊ុន សែន បានរំលឹកពីស្នាព្រះហស្ថរបស់សម្តេចព្រះវររាជបិតាជាតិខ្មែរ សម្តេច ព្រះបរមរតនកោដ្ឋ ដែលជំនះ រហូតដល់មានការយល់ព្រម ដាក់តំបន់ប្រាសាទអង្គរវត្ត ចូលជាសម្បត្តិបេតិកភណ្ឌពិភពរបស់អង្គការយូណេស្កូ។- សម្តេចតេជោ ហ៊ុន សែន បានប្រកាសថ្លែងអំណរគុណដល់ប្រជាពលរដ្ឋ ដែលបានយល់ពីភាពចាំបាច់ និងករណីកិច្ច បម្រើឱ្យផលប្រយោជន៍រួមរបស់ជាតិ ដែលបានចាកចេញពីតំបន់រមនីយដ្ឋានអង្គរ និងតំបន់ហាមឃាត់មករស់នៅតំបន់អភិវឌ្ឍន៍រុនតាឯក។- សម្តេចតេជោ ហ៊ុន សែន បានប្រកាសថ្លែងអំណរគុណដល់ផ្នែករបស់រដ្ឋ ដែលបានប្រឹងប្រែងដើម្បីភាពល្អប្រសើរ នៃការរស់នៅ និងការអភិវឌ្ឍនៅតំបន់រុនតាឯក រួមមាន៖ ទឹក ផ្លូវ ភ្លើង សាលារៀន មន្ទីពេទ្យ និងហេដ្ឋារចនាសម្ព័ន្ធបម្រើអោយការរស់នៅរបស់ប្រជាពលរដ្ឋ។- សម្តេចតេជោ ហ៊ុន សែន ប្រកាសថ្លែងអំណរគុណដល់ឯកឧត្តមឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់, ក្រសួងវប្បធម៌ និងវិចិត្រសិល្បៈ ក្រសួងបរិស្ថាន និងអាជ្ញាធរខេត្តសៀមរាប និងព្រមទាំងផ្នែកពាក់ព័ន្ធ ដែលបានរួមគ្នា ដោះស្រាយបញ្ហាលំនៅដ្ឋានប្រជាពលរដ្ឋនៅតំបន់រមនីយដ្ឋានអង្គរ បានដោយជោគជ័យ និងស្នាមញញឹម។- សម្តេចតេជោ ហ៊ុន សែន បានប្រកាសអំពាវនាវដល់មន្ត្រីអាជ្ញាធរជាតិអប្សរា សូមធ្វើការងារអោយបានច្បាស់លាស់ ដោយមានសំណង់ខ្លះបានសាងសង់ឡើង ដោយមានការអនុញ្ញាតពីអាជ្ញាធរជាតិអប្សរា។ ត្រង់ចំណុចនេះ សម្តេចចង់បញ្ជាក់ថា “មិនមែនអាជ្ញាធរជាតិអប្សរាបច្ចុប្បន្ននោះទេ គឺអប្សរាចាស់”។- សម្តេចតេជោ ហ៊ុន សែន បានប្រកាសដល់អ្នករិះគន់ទាំងឡាយ ដែលបាននិយាយដល់ ដោយដាបដល់សម្តេច និងចៅៗសម្តេច ដែលបានអង្គុយលើកៅអីក្នុងអង្គការសហប្រជាតិ ដែលសកម្មភាពនេះធ្វើឡើងជាធម្មតា មិនមានអ្វីត្រូវទាស់ខុសទេ។- សម្តេចតេជោ ហ៊ុន សែន ប្រកាសថា បើហ៊ុន ម៉ាណែតខ្សោយ ចាំបាច់អីត្រូវនិយាយដល់ ព្រោះបើហ៊ុន ម៉ាណែតខ្សោយ វាជាឱកាសរបស់អស់លោកហើយ។- សម្តេចតេជោ ហ៊ុន សែន បានបញ្ជាក់ថា «បើហ៊ុន ម៉ាណែត គ្មានសមត្ថភាព និងគ្មានភាពជាអ្នកដឹកនាំ ក៏ខ្ញុំមិនគាំទ្រដែរ, ខ្ញុំមិនអនុញ្ញាតឱ្យនរណាម្នាក់ មកបំផ្លាញគណបក្សប្រជាជន និងរាជរដ្ឋាភិបាលទេ»។- សម្តេចតេជោ ហ៊ុន សែន បានបញ្ជាឱ្យកងពលទទួលទិសសៀមរាប ទទួលបន្ទុកដឹកប្រជាពលរដ្ឋចេញពីតំបន់រុះរើ ក្នុងតំបន់រមនីយដ្ឋានអង្គរ និងតំបន់ហាមឃាត់ មកទីតាំងថ្មីនៅតំបន់រុនតាឯក ដោយយកតែប្រជាពលរដ្ឋណា ដែលមានក្បាលដីដែលឈូសឆាយរួចតែប៉ុណ្ណោះ ដើម្បីឱ្យពួកគាត់សាង់លំនៅឋាន និងដាំដុះ ។ ការឈួសឆាយ កងវិស្វកម្មសម្តេចតេជោ ហ៊ុន សែន សៀមរាប ដឹកនាំដោយឯកឧត្តម ខេង សាម៉េត ជាអ្នកទទួលបន្ទុក។- សម្តេចតេជោ ហ៊ុន សែន នាយករដ្ឋមន្ត្រីបានប្រកាសដល់មន្ត្រីរាជរដ្ឋាភិបាលទាំងអស់ សូមអនុវត្តន៍បទបញ្ជានាយករដ្ឋមន្ត្រី កុំអោយធ្លាក់ដល់ដីអោយសោះ និងធ្វើសកម្មភាពអោយបានឆាប់រហ័ស ទាន់ពេលវេលា។- សម្តេចតេជោ ហ៊ុន សែន បានប្រកាសឧបត្ថម្ភដល់ប្រជាពលរដ្ឋ ដែលមកតាំងលំនៅឋានថ្មីនៅតំបន់រុនតាឯកក្នុងមួយគ្រួសារ ១លានរៀល ដើម្បីសាងសង់លំនៅឋាន និងឧបត្ថម្ភសម្ភារៈ(សាងសង់ផ្ទះមួយចំនួន) ព្រមទាំងគ្រឿងឧបភោគបរិភោគជាច្រើនផង។- សម្តេចតេជោ ហ៊ុន សែន បានប្រកាសផ្តល់ប័ណ្ណស្ត្រីមានផ្ទៃពោះ និងប័ណ្ណក្រីក្រកម្រិត១ ដែលត្រូវទទួលបានប្រាក់ឧបត្ថម្ភ សម្រាប់ជួយក្នុងវិបត្តិកូវីដ-១៩ ដល់ប្រជាពលរដ្ឋដែលមកតាំងទីលំនៅឋានថ្មី នៅតំបន់រុនតាឯក បន្ថែមលើការឧបត្ថម្ភ ដែលរដ្ឋបានកំណត់កន្លងមក។- សម្តេចតេជោ ហ៊ុន សែន បានប្រកាសទស្សនវិស័យធ្វើយ៉ាងណា ឱ្យតំបន់អភិវឌ្ឍន៍រុនតាឯក ក្លាយជាតំបន់អភិវឌ្ឍន៍ ដោយទឹកស្អាតប្រើប្រាស់, ផ្លូវកៅស៊ូងាយស្រួលធ្វើដំណើរ និងភ្លើងរដ្ឋប្រើប្រាស់បានតម្លៃសមរម្យ ព្រមទាំងមានអភិវឌ្ឍន៍លើគ្រប់វិស័យ។- សម្តេចតេជោ ហ៊ុន សែន បានប្រកាសថា ប្រពលរដ្ឋដែលរស់នៅតំបន់អភិវឌ្ឍន៍រុនតាឯក ដែលបានចាកចេញពីតំបន់រុះរើ នៃមរនីយដ្ឋានអង្គរ នឹងទទួលបានប័ណ្ណសមធម៌ និងការឧបត្ថម្ភដល់ស្រ្តីមានផ្ទៃពោះរយៈពេល១០ឆ្នាំ ទោះថ្ងៃក្រោយពួកគាត់ មានជីវភាពធូរធាក៏ដោយ។- សម្តេចតេជោ ហ៊ុន សែន ប្រកាសថា ប្រជាពលរដ្ឋ ២.៨៥៣គ្រួសារ នៅរុនតាឯក រាជរដ្ឋាភិបាលអាចចិញ្ចឹមបាន ទោះឡើងដល់ ១ម៉ឺនគ្រួសារទៀត ក៏រាជរដ្ឋាភិបាលចិញ្ចឹមបានដែរ ព្រោះរាជរដ្ឋាភិបាលកំពុងចិញ្ចឹមប្រជាពលរដ្ឋជាង ៧០ម៉ឺនគ្រួសាររួចមកហើយ ដើម្បីស្តារលទ្ធ់កម្មដល់ពួកគាត់។- សម្តេចតេជោ ហ៊ុន សែន ប្រកាសថា កម្ពុជាមិនមែនជារបបកូនចៅតតំណែងដូចកូរ៉េខាងជើងទេ គឺវាអាស្រ័យទៅលើប្រជាពលរដ្ឋជាអ្នកបោះឆ្នោតឱ្យតាមបែបប្រជាធិបតេយ្យ សេរី ពហុបក្ស។ សម្តេចបញ្ជាក់ថា “ជាទម្លាប់ខ្ញុំ មិនជួយលើកកូនទេ…[]… កូនណាដួលកន្លែងណា ត្រូវរៀនក្រោកខ្លួនឯងនៅកន្លែងនោះ”។- សម្តេចតេជោ ហ៊ុន សែន ប្រកាសអំពាវនាវដល់គ្រឹះស្ថានមីក្រូហិរញ្ញវត្ថុនានា ពិចារណា យោគយល់ និងផ្តល់ឱកាស សម្រាប់ការផ្តល់ប្រាក់កំចីដល់ប្រជាពលរដ្ឋដែលមកតាំងទីលំនៅថ្មីនៅតំបន់អភិវឌ្ឍន៍រុនតាឯក ដោយមានអត្រាកាប្រាក់ទាប និងលក្ខណ្ឌពិសេសតាមដែលអាចធ្វើទៅបាន។- សម្តេចតេជោ ហ៊ុន សែន បានប្រកាសហាមដាច់ខាត មិនអោយមានការសាងសង់វត្តបន្ថែម ក្នុងតំបន់រមនីយដ្ឋានអង្គរ ក្នុងនោះក៏រាប់បញ្ចូលទាំងវិហារឥស្លាម ឬវិហារយេស៊ូគ្រឹស្តផងដែរ ព្រមទាំងអំពាវនាវអោយអាជ្ញាធរជាតិអប្សរា និងអាជ្ញាធរខេត្តសៀមរាប ពិនិត្យលើករណីនេះ អោយបានដិតដល់ជាទីបំផុត។- សម្តេចតេជោ ហ៊ុន សែន បានប្រកាសអំពាវនាវដល់ប្រជាពលរដ្ឋ និងគណៈកម្មការអាចារ្យវត្តទាំង៣៥ ក្នុងតំបន់រមនីយដ្ឋានអង្គរ ទាំងតំបន់១ និងតំបន់២ សូមកុំសាងសង់ និងពង្រីកចៃដី(លើកលែងចៃដីព្រះចៅអធិការវត្ត និងគ្រូសូត្រឆ្វេង-ស្តាំ) ព្រមទាំងហាមដាច់ខាតការយកសាកសពប្រជាពលរដ្ឋ ដែលបានទទួលមរណភាពទៅបញ្ចុះក្នុងវត្តទាំង៣៥ ក្នុងតំបន់១ និងតំបន់២ នៃរមនីយដ្ឋានអង្គរ។- សម្តេចតេជោ ហ៊ុន សែន បញ្ជាក់ថា វត្តអារាមនៅរមណីយដ្ឋានអង្គរ ដែលមានទាំងអស់ ៣៥វត្ត នឹងមិនត្រូវបានរុះរើទេ គឺរក្សាទុកដដែល ព្រោះទីអារាមទាំងនេះ បានកសាងសង់ឡើងរាប់រយឆ្នាំមកហើយ។ សម្តេចបញ្ជាក់ថា “យើងមិនអោយរុះរើវត្តអារាមចាស់ តែក៏មិនអនុញ្ញាតអោយសាងសង់វត្តអារាមថ្មីក្នុងតំបន់រមនីយដ្ឋានអង្គរផងដែរ”។- សម្តេចតេជាហ៊ុន សែន បានប្រកាសពីទស្សនវិស័យ នៃការដឹកនាំប្រទេសរបស់សម្តេច ដែលបានគិតគូរគ្រប់បែបយ៉ាងទាំងអស់លើសុខទុក្ខរបស់ប្រជាពលរដ្ឋ ទោះកិច្ចនោះតូចតាចក៏ដោយ។ សម្តេចបញ្ជាក់ថា «បើមិនអាចហ្មត់ចត់ជាមួយការងារតូចតាចទេ យើងមិនអាចដឹកនាំការងារធំៗបានឡើយ»។- សម្តេចតេជោ ហ៊ុន សែន ប្រកាសអោយមានខិចខិតខំប្រឹងប្រែងដើម្បីជំរុញសេដ្ឋកិច្ចប្រជាពលរដ្ឋមូលដ្ឋាន ដោយដាក់ចេញនូវការនាំចេញនៅនឹងកន្លែងលើវិស័យទេសចរណ៍។ សម្តេចបញ្ជាក់ថា «ការនាំចេញលើផលិតផលនានា មិនចាំបាច់តែនាំចេញទៅក្រៅប្រទេសនោះទេ គឺយើងនាំចេញនៅនឹងកន្លែង»។- សម្តេចតេជោ ហ៊ុន សែន ប្រកាសជាសាធារណៈដល់ប្រជាពលរដ្ឋតាំងទីលំនៅឋានថ្មីនៅតំបន់រុនតាឯក ចេះទាមទារ ចេះពន្លឿនអាជ្ញាធរ ពាក់ព័ន្ធបទបញ្ជានាយករដ្ឋមន្ត្រី ជាពិសេសរឿងប្រាក់ឧបត្ថម្ភ ឬប័ណ្ណក្រីក្រ។ សម្តេច ក៏បានព្រមានដល់ក្រសួងពាក់ព័ន្ធនានារួមមាន៖ ក្រសួងផែនការ ,ក្រសួងសង្គមកិច្ច អតីតយុទ្ធជន និងយុវជនីតិសម្បទា និងក្រសួងសេដ្ឋកិច្ច និងហិរញ្ញវត្ថុ ត្រូវទទួលខុសត្រូវចំពោះមុខនាយករដ្ឋមន្ត្រី ពាក់ព័ន្ធផលប្រយោជន៍ប្រជាពលរដ្ឋតំបន់រុនតាឯក។សង្កថាសម្ដេចតេជោ ហ៊ុន សែន ចប់នៅម៉ោង០៩ និង៣៩នាទី

បណ្ដាញសង្គម

ព័ត៌មានថ្មីៗ

គិតត្រឹមត្រីមាសទី១ គ្រឹះស្ថានមីក្រូហិរញ្ញវត្ថុបានបញ្ចេញឥណទានមានទឹកប្រាក់ ៥,៤ ពាន់លានដុល្លារ

មន្ត្រីអាមេរិក៖ អ៊ីស្រាអែល និងហេសបូឡា ព្រមព្រៀងមានបទឈប់បាញ់ចាប់ពីថ្ងៃទី១៩ ខែមិថុនា

លោក Trump បញ្ជាក់ថា សង្គ្រាមធ្វើឲ្យអ៊ីរ៉ង់ខ្សោយ និងបដិសេធការរិះគន់របស់ក្រុមប្រជាធិបតេយ្យ

មនុស្ស ១៨នាក់ ត្រូវបានសម្លាប់ក្នុងការវាយប្រហាររបស់អ៊ីស្រាអែលនៅតំបន់ភាគខាងត្បូងលីបង់

ទីក្រុងតំបន់ភ្នំហេមពាន្តរបស់ឥណ្ឌា ប្រែក្លាយជាគំនរសំរាម ដោយសារភ្ញៀវទេសចរច្រើន

ទីភ្នាក់ងារទេសចរណ៍ចិនចាប់ផ្ដើមដំណើរកម្សាន្តជាក្រុមទៅជប៉ុនឡើងវិញ តែខ្លះបញ្ឈប់ការលក់ក្រោយមក

លីបង់ថ្កោលទោសការវាយប្រហារចុងក្រោយរបស់អ៊ីស្រាអែល និងជំរុញឲ្យមាន «បទឈប់បាញ់គ្រប់ជ្រុងជ្រោយ»

ការបំផ្ទុះគ្រាប់បែក ២ផ្សេងគ្នា បណ្តាលឲ្យនគរបាលរងរបួស ក្នុងខេត្ត Yala និង Pattani របស់ថៃ

ទីភ្នាក់ងារតាមដាន៖ ការឆ្លងកាត់របស់នាវា នៅចក្រសមុទ្រ Hormuz កើនឡើង ក្រោយមានកិច្ចព្រមព្រៀង

ពលរដ្ឋអ៊ីស្រាអែលរស់នៅតំបន់ព្រំដែន ព្រួយបារម្ភពីកិច្ចព្រមព្រៀងសន្តិភាពរវាងអាមេរិក និងអ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អ្នកស្លាប់ដោយសារព្យុះសង្ឃរា Ianនៅអាមេរិក ឡើងដល់៨៧នាក់ ខណៈប្រតិបត្តិការស្វែងរកនិងសង្គ្រោះនៅតែបន្ត

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីប្រគល់សញ្ញាបត្រដល់និស្សិតវិទ្យាស្ថានវ៉ាន់ដា

សម្តេចតេជោ ហ៊ុន សែន អញ្ជើញចែកសញ្ញាបត្រ ដល់និស្សិតវិទ្យាស្ថានវ៉ាន់ដា ជិត៤ពាន់នាក់

សម្តេចតេជោ ហ៊ុន សែន នឹងអញ្ជើញចែកសញ្ញាបត្រ ដល់និស្សិតវិទ្យាស្ថានវ៉ាន់ដា ជិត៤ពាន់នាក់ នៅព្រឹកស្អែកនេះ

លោក Putin អំពាវនាវឲ្យទីក្រុងគីវត្រឡប់មករកការចរចា

អ៊ីរ៉ង់ចាប់ខ្លួនប្រជាជនអឺរ៉ុបដោយចោទប្រកាន់ពីការចូលរួមបង្កភាពចលាចល

សហរដ្ឋអាមេរិកបន្ថែមជំនួយសង្គ្រោះបំណុលដល់ប្រទេសប៉ាគីស្ថាន បន្ទាប់ពីទឹកជំនន់

កូរ៉េខាងជើងបាញ់មីស៊ីលបាលីស្ទិកជាលើកទី៤ ក្នុងរយៈពេលតែមួយសប្តាហ៍

កម្ពុជាប្រកាសជំហរជាថ្មីថា ខ្លួនមិនគាំទ្រដាច់ខាតការប្រើប្រាស់អាវុធ និងរំលោភឈ្លានពានប្រទេសដទៃ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីប្រគល់សញ្ញាបត្រ​ដល់និស្សិត​វិទ្យាស្ថានវ៉ាន់ដា

សម្តេចតេជោ ហ៊ុន សែន អញ្ជើញចែកសញ្ញាបត្រ ដល់និស្សិតវិទ្យាស្ថានវ៉ាន់ដា ជិត៤ពាន់នាក់

សម្តេចតេជោ ហ៊ុន សែន នឹងអញ្ជើញចែកសញ្ញាបត្រ ដល់និស្សិតវិទ្យាស្ថានវ៉ាន់ដា ជិត៤ពាន់នាក់ នៅព្រឹកស្អែកនេះ

លោក Putin អំពាវនាវ​ឲ្យ​ទីក្រុង​គី​វ​ត្រឡប់​មករក​ការចរចា

អ៊ីរ៉ង់​ចាប់ខ្លួន​ប្រជាជន​អឺរ៉ុប​ដោយ​ចោទប្រកាន់​ពី​ការចូលរួម​បង្ក​ភាព​ចលាចល​

សហរដ្ឋអាមេរិក​បន្ថែ​ម​ជំនួយ​សង្គ្រោះ​បំណុល​ដល់​ប្រទេស​ប៉ា​គី​ស្ថាន​ បន្ទាប់ពី​ទឹកជំនន់​

កូរ៉េខាងជើង​បាញ់​មី​ស៊ី​ល​បាលី​ស្ទិ​ក​ជា​លើក​ទី​៤ ​ក្នុង​រយៈពេល​តែមួយ​សប្តាហ៍

កម្ពុជាប្រកាសជំហរជាថ្មីថា ខ្លួនមិនគាំទ្រដាច់ខាតការប្រើប្រាស់អាវុធ និងរំលោភឈ្លានពាន​ប្រទេសដទៃ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីប្រគល់សញ្ញាបត្រដល់និស្សិតវិទ្យាស្ថានវ៉ាន់ដា

លោក Putin អំពាវនាវឲ្យទីក្រុងគីវត្រឡប់មករកការចរចា

អ៊ីរ៉ង់ចាប់ខ្លួនប្រជាជនអឺរ៉ុបដោយចោទប្រកាន់ពីការចូលរួមបង្កភាពចលាចល

សហរដ្ឋអាមេរិកបន្ថែមជំនួយសង្គ្រោះបំណុលដល់ប្រទេសប៉ាគីស្ថាន បន្ទាប់ពីទឹកជំនន់

កូរ៉េខាងជើងបាញ់មីស៊ីលបាលីស្ទិកជាលើកទី៤ ក្នុងរយៈពេលតែមួយសប្តាហ៍

កម្ពុជាប្រកាសជំហរជាថ្មីថា ខ្លួនមិនគាំទ្រដាច់ខាតការប្រើប្រាស់អាវុធ និងរំលោភឈ្លានពានប្រទេសដទៃ