BTV NEWS

សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតអបអរសាទរ ថ្វាយសម្តេចព្រះវររាជមាតាជាតិខ្មែរ ត្រូវបានសហគមន៍ OB-PS ថ្វាយនូវពានសមាជិកភាពកិត្តិយសជើងឯក “Champions Award”

កម្ពុជា-សហភាពសេដ្ឋកិច្ចអឺរ៉ុប-អាស៊ី (EAEU) ពិនិត្យ និង ពិចារណាលើកិច្ចព្រមព្រៀងពាណិជ្ជកម្មសេរី (FTA)

លោកជំទាវបណ្ឌិត ពេជ ចន្ទមុន្នី ក្រាបបង្គំអបអរសាទរ សម្តេចព្រះមហាក្សត្រី ព្រះវររាជមាតាជាតិខ្មែរ ដែលទទួលបានការថ្វាយ «ពានសមាជិកភាពជើងឯក» ពី OB-PS

ព័ត៌មានសំខាន់ៗ

ស្រីលង្កាខ្វះប្រេងឥន្ធនៈ និងសាច់ប្រាក់ ខណៈជួបប្រទះវិបត្តិសេដ្ឋកិច្ចកាន់តែធ្ងន់ធ្ងរ

ស្រីលង្កា៖ រដ្ឋមន្ត្រីថាមពលបាននិយាយថា ប្រទេសស្រីលង្កានៅសល់ប្រេងឥន្ធនៈតិចជាងតម្រូវការសម្រាប់មួយថ្ងៃ ដោយសេវាដឹកជញ្ជូនសាធារណៈត្រូវបានផ្អាក ខណៈវិបត្តិសេដ្ឋកិច្ចរបស់ប្រទេសនេះកាន់តែធ្ងន់ធ្ងរ។ រដ្ឋមន្ត្រីក្រសួងថាមពលលោក Kanchana Wijesekera កាលពីថ្ងៃអាទិត្យបាននិយាយថា ប្រេងបម្រុងមានប្រហែល ៤ពាន់តោនដែលទាបជាងតម្រូវការសម្រាប់ប្រើប្រាស់ក្នុងមួយថ្ងៃ ខណៈមនុស្សឈរតម្រង់ជួរវែងៗជាច្រើននៅទូទាំងទីក្រុងសំខាន់កូឡុំបូ មានចម្ងាយជាច្រើនគីឡូម៉ែត្រ។ ប្រទេសដែលខ្វះខាតសាច់ប្រាក់កាលពីថ្ងៃអាទិត្យមួយនេះ បានបិទសាលារៀនបន្ថែមដោយសារតែពុំមានថាមពលគ្រប់គ្រាន់សម្រាប់គ្រូបង្រៀន និងមាតាបិតាដើម្បីបញ្ជូនកូនរបស់ពួកគេទៅសាលារៀន ដោយស្ថានីយបូមទឹកភាគច្រើនគ្មានសាំងប្រើប្រាស់ជាច្រើនថ្ងៃ។ នាយករដ្ឋមន្ត្រីស្រីលង្កាលោក Ranil Wickremesinghe បានប្រាប់សារព័ត៌មាន Al Jazeera កាលពីសប្តាហ៍មុនថា កង្វះប្រេងឥន្ធនៈនឹងមានរយៈពេលរហូតដល់ថ្ងៃទី២២ ខែកក្កដា ទើបការដឹកជញ្ជូនប្រេងដំណាក់កាលបន្ទាប់មកដល់។ លោកបាននិយាយថា កិច្ចព្រមព្រៀងទិញឧស្ម័នត្រូវបានធានា ដែលនឹងបម្រើដល់ការផ្គត់ផ្គង់សម្រាប់រយៈពេល ៤ខែបន្ទាប់។រដ្ឋាភិបាលកំពុងចរចាជាមួយមូលនិធិរូបិយវត្ថុអន្តរជាតិ ដើម្បីស្នើសុំប្រាក់កម្ចីចំនួន ៣ពាន់លានដុល្លារអាមេរិក។ ក្រុមអាជ្ញាធរក៏បានប្រកាសកាត់ផ្តាច់ចរន្តអគ្គិសនីនៅទូទាំងប្រទេសរហូតដល់ ៣ម៉ោងក្នុងមួយថ្ងៃចាប់ពីថ្ងៃចន្ទ ដោយសារតែពួកគេមិនអាចផ្គត់ផ្គង់ប្រេងបានគ្រប់គ្រាន់ ដល់ស្ថានីយផលិតថាមពលនានា។ ប្រជាពលរដ្ឋក្នុងរដ្ឋធានីកូឡុំបូរបស់ស្រីលង្កាកាលពីចុងសប្ដាហ៍មុនបាននិយាយថា ជីវភាពរស់នៅប្រចាំថ្ងៃកំពុងជួបការលំបាកកាន់តែខ្លាំងឡើង ខណៈការតវ៉ានៅតែបន្តក្រោយទិន្នន័យផ្លូវការបង្ហាញថា អតិផរណាម្ហូបអាហារបានឡើងដល់ ៨០% បើធៀបទៅនឹងកាលពីឆ្នាំមុន៕អត្ថបទ៖ សុខមាន

អ៊ុយក្រែនត្រូវការថវិកា ៧៥០ពាន់លានដុល្លារអាមេរិកសម្រាប់គម្រោងស្ដារប្រទេសឡើងវិញ

អ៊ុយក្រែន៖ នាយករដ្ឋមន្ត្រីអ៊ុយក្រែនបាននិយាយកាលពីថ្ងៃចន្ទថា ប្រទេសរបស់លោកត្រូវការថវិកាប្រមាណ ៧៥០ពាន់លានដុល្លារអាមេរិកសម្រាប់ផែនការស្ដារប្រទេសឡើងវិញ ៣ដំណាក់កាលក្រោយការបញ្ចប់ការវាយលុករបស់រុស្ស៊ី។ លោក Denys Shmygal ក៏បានប្រាប់សន្និសីទស្ដីពីការស្រោចស្រង់អ៊ុយក្រែន រៀបចំឡើងដោយប្រទេសស្វីសថា ប្រទេសអ៊ុយក្រែនរងការខូចខាតហេដ្ឋារចនាសម្ព័ន្ធដោយផ្ទាល់មានទំហំជាង ១០០ពាន់លានដុល្លារអាមេរិកដោយសារការវាយប្រហាររបស់រុស្ស៊ី។ លោកថា បច្ចុប្បន្ននេះហេដ្ឋារចនាសម្ព័ន្ធផ្ទាល់ដែលអ៊ុយក្រែនបានខាតបង់ស្មើថវិកាជាង ១០០ពាន់លានដុល្លារអាមេរិក តើអ្នកណាជាអ្នកចំណាយសម្រាប់ផែនការស្រោចស្រង់ប្រទេសជាតិឡើងវិញ ដែលកំពុងត្រូវបានវាយតម្លៃខាតបង់ចំនួន ៧៥០ពាន់លានដុល្លារអាមេរិកនេះ។លោក Shmygal បានបន្ថែមថា រដ្ឋាភិបាលអ៊ុយក្រែនជឿថា ប្រភពមូលនិធិសំខាន់សម្រាប់ផែនការស្រោចស្រង់ប្រទេសឡើងវិញ គួរតែជាទ្រព្យសម្បត្តិដែលបានរឹបអូសពីក្រុមមហាសេដ្ឋីរុស្ស៊ី។ លោកថា ផែនការស្រោចស្រង់ឡើងវិញរបស់អ៊ុយក្រែនមាន ៣ដំណាក់កាល ៖ទី១ ផ្ដោតទៅលើការជួសជុលអ្វីៗដែលបម្រើឲ្យជីវភាពរស់នៅប្រចាំថ្ងៃរបស់ប្រជាពលរដ្ឋ ដូចជាការផ្គត់ផ្គង់ទឹកដែលជាចំណែកផ្សំ ត្រូវស្ដារឡើងវិញនៅពេលដែលការវាយប្រយុទ្ធគ្នាត្រូវបញ្ចប់ រួមទាំងគម្រោងផ្ដល់លំនៅឋានបណ្តោះអាសន្ន មន្ទីរពេទ្យ និងសាលារៀន ជាដំណាក់ដែលត្រូវស្ដារប្រទេសនេះឡើងវិញរយៈពេលវែង៕អត្ថបទ៖ សុខមាន

លោក Putin បញ្ជាឲ្យបង្កើនការវាយប្រហារនៅអ៊ុយក្រែន ក្រោយដណ្ដើមបានទីក្រុង Lysychansk

រុស្ស៊ី៖ លោកប្រធានាធិបតីរុស្ស៊ី Vladimir Putin បានបញ្ជាដល់រដ្ឋមន្ត្រីការពារជាតិរបស់លោក បន្តការវាយរុលទៅមុខនៅក្នុងប្រទេសអ៊ុយក្រែន បន្ទាប់ពីរុស្ស៊ីវាយដណ្ដើមយកបានទីក្រុង Lysychansk។ លោក Putin បានបង្ហាញខ្លួននៅទូរទស្សន៍រុស្ស៊ី ដោយអំពាវនាវដល់កងកម្លាំងនៅតាមសមរភូមិជួរមុខដទៃទៀត សម្រេចគោលដៅឲ្យបានទៅតាមផែនការដែលបានសម្រេចពីដំបូង។ ការវាយដណ្ដើមបាននេះមានន័យថា តំបន់ Luhansk ពេលនេះស្ថិតក្នុងដៃរបស់រុស្ស៊ី។ លោក Putin បានអបអរសាទរកងកម្លាំងយោធាដែលរំដោះបានសាធារណរដ្ឋប្រជាមានិត Lugansk។ កាលពីដំបូងអភិបាលតំបន់ Luhansk របស់អ៊ុយក្រែនបាននិយាយថា ទីក្រុងនេះត្រូវបានបោះបង់ចោល ដូច្នេះកងកម្លាំងរុស្ស៊ីនឹងមិនបំផ្លាញទីក្រុងនេះពីចម្ងាយទេ។លោក Serhiy Haidai បានប្រាប់ទូរទស្សន៍ BBC ថា ទាហានអ៊ុយក្រែននៅពេលនេះបានផ្លាស់ទៅកាន់ទីតាំងសមរភូមិថ្មីនានា។ លោកនិយាយថា ការបាត់បង់ទីក្រុងនេះ និងតំបន់ Luhansk ទៅក្នុងដៃរុស្ស៊ីគឺជារឿងឈឺចាប់ណាស់ ប៉ុន្តែលោកបានបន្ថែមថា យើងគ្រាន់តែចាញ់សមរភូមិប្រយុទ្ធប៉ុណ្ណោះ ប៉ុន្តែមិនមែនចាញ់សង្គ្រាមទេ។ លោកបានស្នើសុំអាវុធបន្ថែមទៀតពីលោកខាងលិច ដើម្បីវាយទប់ទល់នឹងការវាយរុលទៅមុខរបស់រុស្ស៊ី៕អត្ថបទ៖ សុខមាន

មនុស្ស៦នាក់ស្លាប់ក្នុងការបាញ់ប្រហារលើក្បួនព្យុហយាត្រាបុណ្យឯករាជ្យជាតិជិតទីក្រុង Chicago

អាមេរិក៖ នគរបាលកំពុងតាមស្វែងរកខ្មាន់កាំភ្លើងលើដំបូលអគារដែលបានបាញ់សម្លាប់មនុស្ស៦នាក់ នៅក្នុងក្បួនព្យុហយាត្រាបុណ្យឯករាជ្យជាតិជិតទីក្រុង Chicago សហរដ្ឋអាមេរិក។ព្រឹត្តិការណ៍នៅក្នុងទីក្រុង Highland Park រដ្ឋ Illinois ត្រូវបានផ្អាកភ្លាមៗ បន្ទាប់ពីម៉ោងដល់១០:០០ម៉ោងនៅសហរដ្ឋអាមេរិក នៅពេលគេបានលឺស្នូរគ្រាប់កាំភ្លើងជាច្រើនគ្រាប់។ ក្រុមមន្ត្រីនិយាយថា មនុស្ស២៤នាក់ ត្រូវបានបញ្ជូនទៅកាន់មន្ទីរពេទ្យ។ ជនសង្ស័យត្រូវបានគេស្គាល់ឈ្មោះថា Robert E Crimo III វ័យ២២ឆ្នាំ ។ នគរបាលនិយាយថា ជនល្មើសនោះ ត្រូវបានចាត់ទុកថា ជាមនុស្សមានអាវុធក្នុងដៃ និងគ្រោះថ្នាក់ ។នគរបាលបាននិយាយថា ជនសង្ស័យទំនងជាមានគោលបំណងដាក់គោលដៅទៅលើក្រុមមនុស្សដែលកំពុងចូលរួមនៅក្នុងព្យុហយាត្រាដោយប្រើអាវុធវែងសម្រាប់បាញ់ស៊ីប។ ជនសង្ស័យជាខ្មាន់កាំភ្លើង បានបើកការបាញ់ប្រហារ លើក្បួនព្យុហយាត្រា នៅម៉ោងប្រមាណ ១០:១៥ នាទីម៉ោងនៅសហរដ្ឋអាមេរិក ត្រឹមប៉ុន្មាននាទីបន្ទាប់ពីពិធីចាប់ផ្ដើម។ អ្វីដែលគួរជាថ្ងៃដ៏រីករាយបំផុតមួយក្នុងចំណោមពេលវេលាដ៏រីករាយបំផុតជាច្រើននៅឆ្នាំនេះ បានប្រែក្លាយយ៉ាងលឿនទៅជាការភ័យស្លន់ស្លោរ ដោយច្រានកៅអីចោល រត់ចោលការបូប និងកៅអីអង្គុយលើវាលស្មៅ ត្រូវបោះបង់ចោលរាយប៉ាយនៅតាមដងផ្លូវ ខណៈហ្វូងមនុស្សរត់គេចចេញពីហេតុការណ៍នេះ។ ជនសង្ស័យត្រូវគេជឿថាបានបាញ់ពីលើដំបូលប្លុកអគារសាធារណៈនៃហាងលក់ទំនិញដែលនៅក្បែរនោះ ជាទីដែលនគរបាលនិយាយថា ពួគេបានរកឃើញភស្តុតាងនៃការប្រើប្រាស់អាវុធ។ មនុស្សពេញវ័យចំនួន៥នាក់ បានស្លាប់នៅនឹងកន្លែង ព្រមទាំងជនរងគ្រោះម្នាក់ទៀតដែលអាជ្ញាធរក្នុងតំបន់និយាយថា បានស្លាប់នៅមន្ទីរពេទ្យក្បែរនោះ។ គួររម្លឹកថា ថ្ងៃទី៤ខែកក្កដា គឺជាថ្ងៃឈប់សម្រាកទូទាំងប្រទេស រម្លឹកដល់ការប្រកាសឯករាជ្យរបស់សហរដ្ឋអាមេរិកពីអាណានិគមចក្រភពអង់គ្លេសក្នុងឆ្នាំ ១៧៧៦៕

អាជ្ញាធរមីនបើកកិច្ចប្រជុំជាមួយជាមួយផ្នែកពាក់ព័ន្ធ កំណត់គោលដៅអាទិភាព រៀបចំផែនការ និងបែងចែកកម្លាំងបោសសម្អាត ក្រោម “គម្រោងសម្តេចតេជោសម្រាប់សកម្មភាពមីន_ផ្តល់ដីសុវត្ថិភាព បង្កើតស្នាមញញឹម”ដំណាក់កាលដំបូង

ភ្នំពេញ៖ ថ្ងៃទី០៤ ខែកក្កដា ឆ្នាំ២០២២ ឯកឧត្តមទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន បានដឹកនាំកិច្ចប្រជុំជាមួយបញ្ជាការដ្ឋានកងទ័ពជើងគោក, មជ្ឈមណ្ឌលជាតិគ្រប់គ្រងកងកម្លាំងរក្សាសន្តិភាព បោសសម្អាតមីន និងកាកសំណល់សង្រ្គាម (NPMEC) និងមជ្ឈមណ្ឌលសកម្មភាពកំចាត់មីនកម្ពុជា (CMAC) ដើម្បីកំណត់គោលដៅអាទិភាព រៀបចំផែនការ និងបែងចែកកម្លាំងបោសសម្អាត ក្រោម “គម្រោងសម្តេចតេជោសម្រាប់សកម្មភាពមីន_ផ្តល់ដីសុវត្ថិភាព បង្កើតស្នាមញញឹម” ដំណាក់កាលដំបូង។ ឯកឧត្តទេសរដ្ឋមន្រ្តី បានបញ្ជាក់ថា អង្គប្រជុំបានឯកភាពដូចខាងក្រោម ៖ ១. បញ្ជាការដ្ឋានកងទ័ពជើងគោក ៖ បោសសម្អាតផ្ទៃដីក្នុងស្រុក/ក្រុងចំនួន ០៨ និងប្រកាសជាស្រុក/ក្រុងអស់មីនរួមមាន ៖ ស្រុកស្រែអំបិល (ខេត្តកោះកុង) ស្រុកឆ្លូង ស្រុកចិត្របុរី (ខេត្តក្រចេះ) ក្រុងព្រះវិហារ ស្រុកត្បែងមានជ័យ (ខេត្តព្រះវិហារ) ស្រុកឧត្តុង្គ (ខេត្តកំពង់ស្ពឺ) និងក្រុងសេរីសោភ័ណ្ឌ ស្រុកមង្គលបុរី (ខេត្តបន្ទាយមានជ័យ)។ ២. មជ្ឈមណ្ឌលជាតិគ្រប់គ្រងកងកម្លាំងរក្សាសន្តិភាព បោសសម្អាតមីន និងកាកសំណល់ សង្រ្គាម (NPMEC) ៖ បោសសម្អាតផ្ទៃដីក្នុងខេត្តត្បូងឃ្មុំ និងប្រកាសជាខេត្តអស់មីន។ ៣. មជ្ឈមណ្ឌលសកម្មភាពកំចាត់មីនកម្ពុជា (CMAC) ៖ បោសសម្អាតផ្ទៃដីក្នុងខេត្តតាកែវ និងខេត្តកំពត និងប្រកាសជាខេត្តអស់មីន បន្ថែមលើធនធានដែល CMAC មានស្រាប់។ ជាមួយគ្នានេះ CMAC នឹងធ្វើការបោសសម្អាតផ្ទៃដីក្នុងស្រុកចុងកាល់ (ខេត្តឧត្តរមានជ័យ) និងប្រកាសជាស្រុកអស់មីន ដោយប្រើកម្លាំងចម្រុះជាមួយបញ្ជាការដ្ឋានកងទ័ពជើងគោក ក្នុងគោលបំណងផ្លាស់ប្តូរបទពិសោធន៍រវាងប្រតិបត្តិករទាំងពីរ។ឯកឧត្តមទេសរដ្ឋមន្រ្តី បានបន្តទៀត ផែនការបន្ត ត្រូវអនុវត្តន៍ស្របតាមនីតិវិធីនៃការងារបោសសម្អាតមីន និងស្តង់ដាសកម្មភាពកំចាត់មីនកម្ពុជា ដោយតម្រូវឲ្យក្រុមការងារបច្ចេកទេសត្រូវចុះពិនិត្យវាយតម្លៃលើស្ថានភាពរាល់គ្រប់ចម្ការមីនជាក់ស្តែង (ទំហំ ប្រភេទចម្ការមីន និងស្ថានភាពភូមិសាស្រ្ត) ដើម្បីលើកគម្រោងថវិកា និងពង្រាយកម្លាំងបោសសម្អាត។ ដំណើរការអនុវត្តតំបន់អស់មីន ដូចខាងក្រោម ៖ ១/. ជ្រើសរើសតំបន់អាទិភាព២/. វិភាគកម្លាំងក្រុមស្រាវជ្រាវមិនបច្ចេកទេស (Non-Technical Survey_NTS) ជាមួយប្រតិបត្តិករ៣/. ធ្វើផែនការពង្រាយកម្លាំងក្រុមស្រាវជ្រាវមិនបច្ចេកទេសរបស់ប្រតិបត្តិករ ដោយមានការអនុម័តពីអាជ្ញាធរមីន៤/. ពង្រាយកម្លាំងកម្លាំងក្រុមស្រាវជ្រាវមិនបច្ចេកទេសតាមការណែនាំរបស់អាជ្ញាធរមីន៥/. កំណត់តំបន់បោសសម្អាត៦/. វិភាគសមត្ថភាពបោសសម្អាតជាមួយប្រតិបត្តិករ៧/. បែងចែកតំបន់បោសសម្អាតដល់ប្រតិបត្តិករ៨/. ប្រតិបត្តិករពិនិត្យចម្ការមីន និងរៀបចំផែនការថវិកា បញ្ជូនមកអាជ្ញាធរមីន៩/. ពិនិត្យ និងផ្តល់គម្រោងបោសសម្អាតដល់ប្រតិបត្តិករ១០/. ការបោសសម្អាតមីន និងត្រួតពិនិត្យគុណភាព ត្រូវបានអនុវត្ត១១/. ការប្រគល់ដីដែលបានបោសសម្អាតរួច និងការប្រកាសតំបន់អស់មីន សូមបញ្ជាក់ថា កម្ពុជានៅសល់ ២២ រាជធានី-ខេត្ត បន្តរងផលប៉ះពាល់ដោយសារមីន (មិនរាប់បញ្ចូលគ្រាប់បែកចង្កោម និងសំណល់ជាតិផ្ទុះពីសង្រ្គាមផ្សេងទៀត) ក្នុងទំហំផ្ទៃដីសរុប ៧១៦.០៣៩.៧១២ ម៉ែត្រក្រឡា (៧១.៦០៣,៩ ហិកតា)៕

ក្រុមប្រឹក្សាធម្មនុញ្ញ បានអនុម័តជាឯកច្ឆន្ទ សម្រេចបែងចែកក្រុមនៃក្រុមប្រឹក្សាធម្មនុញ្ញអាណត្តិ៣ឆ្នាំ

ភ្នំពេញ៖ ក្រុមប្រឹក្សាធម្មនុញ្ញ នៅថ្ងៃទី៤ ខែកក្កដា ឆ្នាំ២០២២នេះ បានអនុម័តជាឯកច្ឆន្ទ ដោយសម្រេចបែងចែកក្រុម នៃក្រុមប្រឹក្សាធម្មនុញ្ញសម្រាប់អាណត្តិ៣ឆ្នាំ លើកទី៩ (២០២២-២០២៥) រួមទាំងចាត់តាំងអ្នកនាំពាក្យចំនួន ៣រូប ។

ខ្មាន់កាំភ្លើងម្នាក់បានបាញ់សម្លាប់មនុស្ស ២នាក់ និងមន្ត្រីនគរបាលរដ្ឋ Texas ៣នាក់រងរបួស មុនធ្វើអត្តឃាត

សហរដ្ឋអាមេរិក៖ នគរបាលបាននិយាយកាលពីថ្ងៃអាទិត្យថា ខ្មាន់កាំភ្លើងម្នាក់បានបាញ់សម្លាប់មនុស្ស ២នាក់ និងបានបណ្ដាលឲ្យមនុស្ស ៤នាក់រងរបួសរួមទាំងមន្ត្រីនគរបាល ៣នាក់ មុនពេលជនសង្ស័យធ្វើអត្តឃាតនៅផ្ទះមួយកន្លែងក្នុងតំបន់ Dallas-Fort Worth ក្នុងរដ្ឋ Texas សហរដ្ឋអាមេរិក។ នគរបាលបាននិយាយថា មនុស្ស ៤នាក់ដែលរងរបួសមិនគំរាមកំហែងដល់អាយុជីវិតទេ។ លោក Rick Alexander បាននិយាយកាលពីថ្ងៃអាទិត្យថា ការបាញ់បោះដោយសេរីនេះបានកើតឡើងនៅម៉ោង 6:45យប់ថ្ងៃសៅរ៍ នៅពេលក្រុមមន្ត្រីបានទទួលរបាយការណ៍ពីការបាញ់ប្រហារនៅក្នុងទីក្រុងជិតខាង Haltom City។ លោក Alexander បាននិយាយថា មានសេចក្ដីរាយការណ៍ថា មនុស្ស ២នាក់ត្រូវបានបាញ់សម្លាប់ ម្នាក់ឈ្មោះ Collin Davis វ័យ ៣៣ឆ្នាំ និងម្នាក់ឈ្មោះ Amber Tsai វ័យ ៣២ឆ្នាំ។ លោក Alexander បានឲ្យដឹងថា ជនរងគ្រោះ Tsai ត្រូវបានរកឃើញសម្លាប់នៅក្នុងផ្ទះ ចំណែក Davis ត្រូវបានរកឃើញស្លាប់នៅខាងក្រៅផ្ទះ។ ស្ត្រីវ័យចំណាស់ម្នាក់ដែលបានទូរស័ព្ទទៅលេខ 911 ប៉ុន្តែមិនត្រូវបានបញ្ជាក់អត្តសញ្ញាណក៏រងរបួសដែរ តែមិនគំរាមកំហែងដល់អាយុជីវិតទេ។កាមេរ៉ាសន្តិសុខថតពីផ្ទះជិតខាងកាលពីថ្ងៃអាទិត្យ នៅសន្និសីទសារព័ត៌មានបានបង្ហាញពីនគរបាល ៣នាក់ចូលទៅក្នុងផ្ទះនោះនៅពេលមានការបាញ់ប្រហារភ្លាមៗ បានបង្អាក់សកម្មភាពរបស់នគរបាលបណ្ដាលឲ្យមន្ត្រី ៣នាក់រងរបួស លោកថា ក្រុមមន្ត្រីបានបាញ់តបតវិញ ខណៈខ្មាន់កាំភ្លើងបានរត់គេចចេញពីផ្ទះនោះតាមទ្វារក្រោយ។តាមការតាមដានពីលើអាកាស ខ្មាន់កាំភ្លើងដែលត្រូវបានគេដឹងថា មានអាយុ ២៨ឆ្នាំឈ្មោះ Edward Freyman បានបាញ់សម្លាប់ខ្លួនឯង និងត្រូវបានរកឃើញកាំភ្លើងវែង ដូចជាអាវុធរបស់កងកម្លាំងយោធា និងកាំភ្លើងខ្លីមួយដើម។ លោក Cody Phillips ស្នងការនគរបាលរដ្ឋ Texas បាននិយាយថា ខ្មាន់កាំភ្លើង និងមនុស្ស ២នាក់ដែលបានស្លាប់ ម្នាក់ស្គាល់ខ្មាន់កាំភ្លើង ប៉ុន្តែមិនទាន់អាចបញ្ជាក់ច្បាស់ពីទំនាក់ទំនងរបស់ពួកគេភ្លាមៗនៅឡើយទេ។ ទីភ្នាក់ងារស៊ើបអង្កេតរដ្ឋ Texas Rangers បានធ្វើការស៊ើបអង្កេតហើយ តែពុំទាន់មានការបញ្ជាក់សកម្មភាពសង្ស័យណាមួយ ពាក់ព័ន្ធនឹងការបាញ់ប្រហារនេះនៅឡើយទេ៕អត្ថបទ៖ សុខមាន

នគរបាលនិយាយថា មនុស្ស ៣នាក់ស្លាប់ក្នុងការបាញ់ប្រហារនៅផ្សារទំនើបមួយនៅទីក្រុង Copenhagen ប្រទេសដាណឺម៉ាក

ដាណឺម៉ាក៖ ក្រុមអាជ្ញាធរក្នុងតំបន់បាននិយាយកាលពីថ្ងៃអាទិត្យថា ការបាញ់ប្រហារមួយនៅផ្សារទំនើបក្នុងទីក្រុង Copenhagen បានសម្លាប់មនុស្សយ៉ាងហោចណាស់ ៣នាក់ ហើយមនុស្សមួយចំនួនរងរបួសដែលក្នុងនោះមនុស្ស ៣នាក់ត្រូវបានបញ្ជូនទៅមន្ទីរពេទ្យដោយមានស្ថានភាពធ្ងន់ធ្ងរ។ ការបាញ់ប្រហារនេះបានកើតឡើងកាលពីថ្ងៃអាទិត្យ នៅទីតាំងផ្សេងៗគ្នាខាងក្នុងផ្សារទំនើប Field នៅក្នុងរដ្ឋធានីរបស់ប្រទេសដាណឺម៉ាក។ រូបភាពពីបណ្ដាញសង្គមបានបង្ហាញឲ្យឃើញ ពីមនុស្សកំពុងរត់ទាំងភ័យស្លន់ស្លោពេញផ្សារទំនើប និងអង្គភាពមន្ត្រីអនុវត្តន៍ច្បាប់ប្រដាប់ដោយអាវុធធុនធ្ងន់នៅកន្លែងកើតហេតុ។ នៅឯសន្និសីទសារព័ត៌មានមួយនៅព្រឹកថ្ងៃចន្ទនេះ ស្នងការនគរបាលក្រុង Copenhagen លោក Soren Thomassen បាននិយាយថា ជនរងគ្រោះរួមទាំងបុរសវ័យ ៤០ឆ្នាំ និងមនុស្សវ័យជំទង់ ២នាក់។យោងតាមលោក Thomassen បុរសវ័យជំទង់ជនជាតិដាណឺម៉ាកម្នាក់ត្រូវបានចាប់ខ្លួន ពីបទជាប់ពាក់ព័ន្ធករណីបាញ់ប្រហារនេះ ហើយពេលនេះរូបគេគឺជាជនសង្ស័យតែម្នាក់គត់។ លោកថា យើងសន្មតថា ជនសង្ស័យវ័យ ២២ឆ្នាំដែលត្រូវបានចាប់ខ្លួននេះគឺជាជនដៃដល់។ រូបគេកំពុងកាន់អាវុធខ្លីមួយដើម និងគ្រាប់កាំភ្លើងផងដែរ ដោយបន្ថែមថា ក្រុមអ្នកស៊ើបអង្កេតជឿថា ជនសង្ស័យមិនបានធ្វើសកម្មភាពជាមួយជនណាផ្សេងទៀតនោះទេ ប៉ុន្តែពួកគេមិនប្រកែកទេ លុះត្រារកឃើញភស្តុតាងពិតប្រាដក៕អត្ថបទ៖ សុខមាន

រុស្ស៊ីអះអាងពីការគ្រប់គ្រងបានទាំងស្រុងតំបន់ Luhansk បន្ទាប់ពីវាយដណ្តើមយកបានទីក្រុងដ៏សំខាន់ Lysychansk

រុស្ស៊ី៖ រុស្ស៊ីបាននិយាយថា ខ្លួនកំពុងគ្រប់គ្រងតំបន់ Luhansk ភាគខាងកើតរបស់ប្រទេសអ៊ុយក្រែន ក្រោយវាយដណ្ដើមបានទីក្រុង Lysychansk ដែលជាទីក្រុងចុងក្រោយគ្រប់គ្រងដោយកងកម្លាំងអ៊ុយក្រែននៅក្នុងតំបន់នេះ។ ទីភ្នាក់ងារសារព័ត៌មានរដ្ឋរុស្ស៊ី RIA Novosti បានរាយការណ៍ថា រដ្ឋមន្ត្រីការពារជាតិរុស្ស៊ីលោក Sergei Shoigu បានប្រាប់លោក Vladimir Putin កាលពីថ្ងៃអាទិត្យថា កងកម្លាំងរបស់ក្រុង Moscow បានវាយដណ្ដើមគ្រប់គ្រងទីក្រុង Lysychansk ទាំងស្រុង និងតំបន់លំនៅឋានមួយចំនួននៅក្បែរនោះ។ ទីបញ្ជាការយោធាអ៊ុយក្រែនបានបញ្ជាក់កាលពីថ្ងៃល្ងាចអាទិត្យថា កងទ័ពរបស់ខ្លួនត្រូវបានបង្ខំឲ្យដកថយពីទីក្រុងនេះ ដោយនិយាយថា បើមិនដកថយទេ ប្រាកដជានឹងជួបគ្រោះថ្នាក់ធ្ងន់ធ្ងរមិនខាន។ ទីបញ្ជាការយោធាខាងលើនិយាយថា ដើម្បីជៀសវាងការបាត់បង់ជីវិត កងការពារអ៊ុយក្រែនត្រូវតែសម្រេចចិត្តដកថយ។ កាលពីដំបូងឡើយខាងអ៊ុយក្រែនបានទាត់ចោលការអះអាងរបស់រុស្ស៊ី។ប្រធានាធិបតីអ៊ុយក្រែនលោក Volodymyr Zelenskiy បាននិយាយថា រុស្ស៊ីមិនទាន់គ្រប់គ្រងបានទាំងស្រុងនៅឡើយទេ ហើយការវាយប្រយុទ្ធគ្នានៅតែបន្តនៅលើតំបន់ជាយក្រុងនេះ។ តែយ៉ាងណាលោកបានទទួលស្គាល់ថា អ៊ុយក្រែនស្ថិតក្នុងស្ថានភាពយ៉ាប់យ៉ឺន។ ប៉ុន្តែកាលពីយប់ថ្ងៃអាទិត្យ លោកបានទទួលស្គាល់ពីការបាត់បង់ទីក្រុងនេះ ដោយប្ដេជ្ញាវាយដណ្ដើមយកតំបន់នោះមកវិញ ដោយសំអាងលើយុទ្ធសាស្ត្ររបស់កងទ័ព និងក្ដីសង្ឃឹមថ្មីលើអាវុធទំនើបៗ៕អត្ថបទ៖ សុខមាន

សប្បុរសជនបន្តបរិច្ចាគថវិកា ជូនរាជរដ្ឋាភិបាល ក្នុងការដោះស្រាយបញ្ហាគ្រាប់មីននៅកម្ពុជា

ភ្នំពេញ៖ សប្បុរសជននានាបានបន្តបរិច្ចាគថវិកាផ្ទាល់ខ្លួន ជូនដល់រាជរដ្ឋាភិបាលកម្ពុជា ដើម្បីចូលរួមសកម្មភាពដោះស្រាយបញ្ហាគ្រាប់មីននៅកម្ពុជា។ ការបរិច្ចាគនេះធ្វើឡើងបន្ទាប់ពីការអំពាវនាវរបស់ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន ក្នុងពិធីអបអរសាទរទិវា១កក្កដា នៅខេត្តបន្ទាយមានជ័យនាថ្ងៃទី០១ ខែកក្កដា ឆ្នាំ២០២២។ ខាងក្រោមនេះជា នាមសប្បុរសជន បរិច្ចាគថវិកា ជូនរាជរដ្ឋាភិបាល ក្នុងការដោះស្រាយបញ្ហាគ្រាប់មីន នៅកម្ពុជា៖ ១៖ ក្រុមហ៊ុនជីបម៉ុង បរិច្ចាគថវិកា ១លានដុល្លារ២៖ អ្នកឧកញ៉ា ឡេង ណាវ៉ាត្រា បរិច្ចាគថវិកា ១លានដុល្លារ៣៖ អ្នកឧកញ៉ា ពង់ ឃាវសែ បរិច្ចាគថវិកា ១លានដុល្លារ៤៖ អ្នកឧកញ៉ា ហុង ពីវ បរិច្ចាគថវិកា ១លានដុល្លារ៥៖ អ្នកឧកញ៉ា សុខ គង់ បរិច្ចាគថវិកា ២០ម៉ឺនដុល្លារ៦៖ អ្នកឧកញ៉ា ចេន ហ្ស៊ី បរិច្ចាគថវិកា ១លានដុល្លារ៧៖ អ្នកឧកញ៉ា គិត ម៉េង បរិច្ចាគថវិកា ១លានដុល្លារ៨៖ អ្នកឧកញ៉ា ឃុន សៀ បរិច្ចាគថវិកា ៥០ម៉ឺនដុល្លារ៩៖ កាកបាទក្រហមកម្ពុជា បរិច្ចាគថវិកា ២លានដុល្លារ ១០៖ អ្នកឧកញ៉ា ឡាវ ម៉េងឃីន និងលោកជំទាវ ជឹង សុភាព បរិច្ចាគថវិកា ១លានដុល្លារ១១៖ ឧកញ៉ា ថោង សារ៉ាត់ និងលោកជំទាវ ទាវ ធីតា បរិច្ចាគថវិកា ៥ម៉ឺនដុល្លារ១២៖ លោកជំទាវ ហ៊ុន ម៉ាណា និងស្វាមី, លោកជំទាវ ហ៊ុន ម៉ាលី និងស្វាមី បរិច្ចាគថវិកា ១លានដុល្លារ១៣៖ អ្នកឧកញ៉ា លី យ៉ុងផាត់ និងលោកជំទាវ បរិច្ចាគថវិកា១លានដុល្លារ១៤៖ អ្នកឧកញ៉ា សៀ ប្ញទ្ធី និងលោកជំទាវ បរិច្ចាគថវិកា ២០ម៉ឺនដុល្លារ១៥៖ ឧកញ៉ា សុខ ឡេង ក្រុមហ៊ុន ស្រាបៀ Ganzberg បរិច្ចាគថវិកា ៥០ម៉ឺនដុល្លារ១៦៖ ក្រុមហ៊ុន ព្រីខាស ផ្លេន បរិច្ចាគថវិកា ៥ម៉ឺនដុល្លារ១៧៖ ក្រុមហ៊ុន ប៉េង ហួត គ្រុប បរិច្ចាគថវិកា ១លានដុល្លារ សរុបទឹកប្រាក់ដែលសប្បុរសជនចូលរួម មកដល់ពេលនេះ មានចំនួន ១៣លាន ៥០ម៉ឺនដុល្លារ។

បណ្ដាញសង្គម

ព័ត៌មានថ្មីៗ

គិតត្រឹមត្រីមាសទី១ គ្រឹះស្ថានមីក្រូហិរញ្ញវត្ថុបានបញ្ចេញឥណទានមានទឹកប្រាក់ ៥,៤ ពាន់លានដុល្លារ

មន្ត្រីអាមេរិក៖ អ៊ីស្រាអែល និងហេសបូឡា ព្រមព្រៀងមានបទឈប់បាញ់ចាប់ពីថ្ងៃទី១៩ ខែមិថុនា

លោក Trump បញ្ជាក់ថា សង្គ្រាមធ្វើឲ្យអ៊ីរ៉ង់ខ្សោយ និងបដិសេធការរិះគន់របស់ក្រុមប្រជាធិបតេយ្យ

មនុស្ស ១៨នាក់ ត្រូវបានសម្លាប់ក្នុងការវាយប្រហាររបស់អ៊ីស្រាអែលនៅតំបន់ភាគខាងត្បូងលីបង់

ទីក្រុងតំបន់ភ្នំហេមពាន្តរបស់ឥណ្ឌា ប្រែក្លាយជាគំនរសំរាម ដោយសារភ្ញៀវទេសចរច្រើន

ទីភ្នាក់ងារទេសចរណ៍ចិនចាប់ផ្ដើមដំណើរកម្សាន្តជាក្រុមទៅជប៉ុនឡើងវិញ តែខ្លះបញ្ឈប់ការលក់ក្រោយមក

លីបង់ថ្កោលទោសការវាយប្រហារចុងក្រោយរបស់អ៊ីស្រាអែល និងជំរុញឲ្យមាន «បទឈប់បាញ់គ្រប់ជ្រុងជ្រោយ»

ការបំផ្ទុះគ្រាប់បែក ២ផ្សេងគ្នា បណ្តាលឲ្យនគរបាលរងរបួស ក្នុងខេត្ត Yala និង Pattani របស់ថៃ

ទីភ្នាក់ងារតាមដាន៖ ការឆ្លងកាត់របស់នាវា នៅចក្រសមុទ្រ Hormuz កើនឡើង ក្រោយមានកិច្ចព្រមព្រៀង

ពលរដ្ឋអ៊ីស្រាអែលរស់នៅតំបន់ព្រំដែន ព្រួយបារម្ភពីកិច្ចព្រមព្រៀងសន្តិភាពរវាងអាមេរិក និងអ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ស្រីលង្កាខ្វះប្រេងឥន្ធនៈ និងសាច់ប្រាក់ ខណៈជួបប្រទះវិបត្តិសេដ្ឋកិច្ចកាន់តែធ្ងន់ធ្ងរ

អ៊ុយក្រែនត្រូវការថវិកា ៧៥០ពាន់លានដុល្លារអាមេរិកសម្រាប់គម្រោងស្ដារប្រទេសឡើងវិញ

លោក Putin បញ្ជាឲ្យបង្កើនការវាយប្រហារនៅអ៊ុយក្រែន ក្រោយដណ្ដើមបានទីក្រុង Lysychansk

មនុស្ស៦នាក់ស្លាប់ក្នុងការបាញ់ប្រហារលើក្បួនព្យុហយាត្រាបុណ្យឯករាជ្យជាតិជិតទីក្រុង Chicago

ក្រុមប្រឹក្សាធម្មនុញ្ញ បានអនុម័តជាឯកច្ឆន្ទ សម្រេចបែងចែកក្រុមនៃក្រុមប្រឹក្សាធម្មនុញ្ញអាណត្តិ៣ឆ្នាំ

ខ្មាន់កាំភ្លើងម្នាក់បានបាញ់សម្លាប់មនុស្ស ២នាក់ និងមន្ត្រីនគរបាលរដ្ឋ Texas ៣នាក់រងរបួស មុនធ្វើអត្តឃាត

នគរបាលនិយាយថា មនុស្ស ៣នាក់ស្លាប់ក្នុងការបាញ់ប្រហារនៅផ្សារទំនើបមួយនៅទីក្រុង Copenhagen ប្រទេសដាណឺម៉ាក

រុស្ស៊ីអះអាងពីការគ្រប់គ្រងបានទាំងស្រុងតំបន់ Luhansk បន្ទាប់ពីវាយដណ្តើមយកបានទីក្រុងដ៏សំខាន់ Lysychansk

សប្បុរសជនបន្តបរិច្ចាគថវិកា ជូនរាជរដ្ឋាភិបាល ក្នុងការដោះស្រាយបញ្ហាគ្រាប់មីននៅកម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ស្រី​លង្កា​ខ្វះ​ប្រេងឥន្ធនៈ និង​សាច់ប្រាក់ ខណៈ​ជួបប្រទះ​វិបត្តិ​សេដ្ឋកិច្ច​កាន់តែ​ធ្ងន់ធ្ងរ​

អ៊ុយ​ក្រែ​ន​ត្រូវការ​ថវិកា​ ៧៥០​ពាន់​លាន​ដុល្លារ​អាមេរិក​សម្រាប់​គម្រោង​ស្ដារ​ប្រទេស​ឡើងវិញ​

លោក Putin​ បញ្ជា​ឲ្យ​បង្កើន​ការវាយប្រហារ​នៅ​អ៊ុយ​ក្រែ​ន ក្រោយ​ដណ្ដើមបាន​ទីក្រុង Lysychansk

មនុស្ស៦នាក់ស្លាប់ក្នុងការបាញ់ប្រហារលើក្បួនព្យុហយាត្រាបុណ្យឯករាជ្យជាតិជិតទីក្រុង Chicago

ក្រុមប្រឹក្សាធម្មនុញ្ញ បានអនុម័តជាឯកច្ឆន្ទ សម្រេចបែងចែកក្រុមនៃក្រុមប្រឹក្សាធម្មនុញ្ញអាណត្តិ៣ឆ្នាំ

រុស្ស៊ី​អះអាង​ពី​ការគ្រប់គ្រង​បាន​ទាំងស្រុង​តំបន់ Luhansk បន្ទាប់ពី​វាយ​ដណ្តើម​យកបាន​ទីក្រុង​ដ៏​សំខាន់ Lysychansk

សប្បុរសជនបន្តបរិច្ចាគថវិកា ជូនរាជរដ្ឋាភិបាល ក្នុងការដោះស្រាយបញ្ហាគ្រាប់មីននៅកម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ស្រីលង្កាខ្វះប្រេងឥន្ធនៈ និងសាច់ប្រាក់ ខណៈជួបប្រទះវិបត្តិសេដ្ឋកិច្ចកាន់តែធ្ងន់ធ្ងរ

អ៊ុយក្រែនត្រូវការថវិកា ៧៥០ពាន់លានដុល្លារអាមេរិកសម្រាប់គម្រោងស្ដារប្រទេសឡើងវិញ

លោក Putin បញ្ជាឲ្យបង្កើនការវាយប្រហារនៅអ៊ុយក្រែន ក្រោយដណ្ដើមបានទីក្រុង Lysychansk

រុស្ស៊ីអះអាងពីការគ្រប់គ្រងបានទាំងស្រុងតំបន់ Luhansk បន្ទាប់ពីវាយដណ្តើមយកបានទីក្រុងដ៏សំខាន់ Lysychansk