BTV NEWS

ផ្ទះទេវតាទី៣៣៥ មួយខ្នងទៀត ដោយមានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវត្រូវបានលោកជំទាវ ហ៊ុន ម៉ាណា ប្រគល់ជូនលោកយាយចាស់ជរានៅខេត្តតាកែវ

ព្រះករុណាព្រះមហាក្សត្រ និងសម្ដេចព្រះមហាក្សត្រីនឹងយាងនិវត្តន៍មកកាន់មាតុប្រទេសវិញក្នុងពេលឆាប់ៗក្រោយព្រះរាជសុខភាពមានភាពប្រសើរឡើងវិញ

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

ព័ត៌មានសំខាន់ៗ

សម្តេចវិបុលសេនាភក្តី សាយ ឈុំ ប្រធានព្រឹទ្ធសភា ដឹកនាំសមាជិកព្រឹទ្ធសភាដាក់កម្រងផ្កា និងគោរពវិញ្ញាណក្ខន្ធសព ឯកឧត្តមព្រឹទ្ធាចារ្យ ហ៊ុន ណេង

កំពង់ចាម៖ នៅព្រឹកថ្ងៃទី ៧ ខែឧសភា ឆ្នាំ២០២២ នេះ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា បានដឹកនាំសមាជិក សមាជិកាព្រឹទ្ធសភា ដាក់កម្រងផ្កា និងគោរពវិញ្ញាណក្ខន្ធសព ឯកឧត្តមព្រឹទ្ធាចារ្យ ហ៊ុន ណេង តំណាងរាស្រ្តមណ្ឌលខេត្តកំពង់ចាម និងជាសមាជិកគណៈកម្មាធិការអចិន្រ្តៃយ៍រដ្ឋសភា ដែលកំពុងតម្កល់ធ្វើបុណ្យតាមប្រពៃណីសាសនា នៅគេហដ្ឋានសព នាក្រុងកំពង់ចាម ខេត្តកំពង់ចាម។

សម្ដេចតេជោ ហ៊ុន សែន អញ្ជើញចុះពិនិត្យទីតាំងបញ្ចុះសពឯកឧត្ដម ហ៊ុន ណេង នៅវត្តសុវណ្ណគិរីរតនៈភ្នំប្រុស

កំពង់ចាម៖ នៅព្រឹកថ្ងៃទី០៧ ខែឧសភា ឆ្នាំ២០២២នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជា អញ្ជើញចុះពិនិត្យទីតាំងបញ្ចុះសពឯកឧត្ដម ហ៊ុន ណេង សមាជិកអចិន្ត្រៃយ៍រដ្ឋសភា និងជាអ្នកតំណាងរាស្ត្រមណ្ឌលខេត្តកំពង់ចាម នៅវត្តសុវណ្ណគិរីរតនៈភ្នំប្រុស ភូមិត្រពាំងចារ ស្រុកកំពង់សៀម ខេត្តកំពង់ចាម។ឯកឧត្ដម ហ៊ុន ណេង ត្រូវជាបងប្រុសបង្កើតសម្ដេចតេជោ ហ៊ុន សែន បានទទួលមរណភាពកាលពីថ្ងៃទី០៥ ខែឧសភា ឆ្នាំ២០២២ វេលាម៉ោង ៦និង២៥នាទីល្ងាច ក្នុងជន្មាយុ ៧២ឆ្នាំ ដោយគាំបេះដូង។សពរបស់ឯកឧត្ដម ហ៊ុន ណេង ត្រូវតម្កល់ធ្វើបុណ្យនៅគេហដ្ឋាន ភូមិទី៧ សង្កាត់កំពង់ចាម ក្រុងកំពង់ចាម តាមប្រពៃណីព្រះពុទ្ធសាសនា នឹងត្រូវដង្ហទៅបញ្ចុះនៅវត្តសុវណ្ណគិរីរតនៈភ្នំប្រុស នៅថ្ងៃទី០៩ ខែឧសភា ឆ្នាំ២០២២៕

សម្ដេចអគ្គមហាពញាចក្រី ហេង សំរិន ប្រធានរដ្ឋសភា អញ្ជើញគោរពវិញ្ញាណក្ខន្ធសព ឯកឧត្តមព្រឹទ្ធាចារ្យ ហ៊ុន ណេង

កំពង់ចាម៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា នៅរសៀលថ្ងៃសុក្រ ទី៦ ខែឧសភា ឆ្នាំ២០២២ បានដឹកនាំសមាជិកសមាជិការដ្ឋសភា ដាក់កម្រងផ្កា និងគោរពវិញ្ញាក្ខន្ធសព ឯកឧត្តមព្រឹទ្ធាចារ្យ ហ៊ុន ណេង តំណាងរាស្រ្តមណ្ឌលខេត្តកំពង់ចាម និងជាសមាជិកគណៈកម្មាធិការអចិន្រ្តៃយ៍រដ្ឋសភា ប្រធានគណៈកម្មការមហាផ្ទៃ ការពារជាតិ និងមុខងារសាធារណៈ នៃរដ្ឋសភា ដែលកំពុងតម្កល់ធ្វើបុណ្យតាមប្រពៃណីសាសនា នាគេហដ្ឋានសព នាក្រុងកំពង់ចាម ខេត្តកំពង់ចាម។ សម្តេចប្រធានរដ្ឋសភា មានសេចក្តីរន្ធត់ក្នុងចិត្តយ៉ាងក្រៃលែង និងសោកស្តាយជាទីបំផុត ចំពោះមរណភាពរបស់ ឯកឧត្តមព្រឹទ្ធាចារ្យ ហ៊ុន ណេង ដោយបានចូលរួមសមានទុក្ខដ៏សែនក្រៀមក្រំ និងសោកស្ដាយអាឡោះអាល័យ ជាទីបំផុតជាមួយក្រុមគ្រួសារនៃសពទាំងអស់ ក្នុងការបាត់បង់ស្វាមី ឪពុក ឪពុកក្មេក និងជាជីតា ដែលជាទីគោរពស្រឡាញ់បំផុត។មរណភាព ឯកឧត្តមព្រឹទ្ធាចារ្យ ហ៊ុន ណេង គឺជាការបាត់បង់នូវធនធានមនុស្សដ៏គំរូមួយ ដែលជាឥស្សរជន ដ៏ឆ្នើមមួយរូប ដែលបានលះបង់កម្លាំងកាយ ចិត្ត ធនធាន និងបញ្ញា បម្រើប្រទេសជាតិ មាតិភូមិរហូតមក។ សម្តេចអគ្គមហាពញាចក្រី ហេង សំរិន បានវាយតម្លៃខ្ពស់ បំផុតចំពោះវីរភាព គុណបំណាច់ដ៏ធំធេងក្នុងការចូលរួមចំណែកតស៊ូរំដោះប្រទេសជាតិ និងការអភិវឌ្ឍន៍ជាតិមាតុភូមិគ្រប់កាលៈទេសៈ ពិសេសបានចូលរួមចំណែកយ៉ាងសកម្មជាមួយស្ថាប័ននីតិប្បញ្ញត្តិ និងរាជរដ្ឋាភិបាលកម្ពុជា ក្នុងទិសដៅបម្រើឧត្តមប្រយោជន៍ជូនជាតិ មាតុភូមិ នាពេលកន្លងមក និងបានបួងសួងឲ្យវិញ្ញាណក្ខន្ធ ឯកឧត្តមព្រឹទ្ធាចារ្យ បានទៅសោយសុខក្នុងឋានសុគតិភពជានិច្ចនិរន្តកុំបីឃ្លៀងឃ្លាតឡើយ។ឯកឧត្តមព្រឹទ្ធាចារ្យ ហ៊ុន ណេង បានទទួលមរណភាព នៅថ្ងៃព្រហស្បតិ៍ ៥កើត ខែពិសាខ ឆ្នាំខាល ចត្វាស័ក ព.ស.២៥៦៥ ត្រូវនឹងថ្ងៃទី៥ ខែឧសភា ឆ្នាំ២០២២ វេលាម៉ោង ១៨:២៥ នាទី ក្នុងជន្មាយុ៧២ឆ្នាំ ដោយរោគាពាធ៕

UN៖ ជនជាតិអ៊ុយក្រែនជាង ៥លាន ៦៥ម៉ឺននាក់បានរត់ភៀសខ្លួនពីសង្គ្រាម ខណៈជនស៊ីវិលជាង ៦ពាន់ ៧រយនាក់បានស្លាប់

UN៖ ទីភ្នាក់ងារទទួលបន្ទុកជនភៀសខ្លួនរបស់អង្គការសហប្រជាជាតិបាននិយាយថា មនុស្សជាង ៥លាន ៦៥ម៉ឺននាក់បានរត់ភៀសខ្លួនពីប្រទេសអ៊ុយក្រែនគិតត្រឹមថ្ងៃអង្គារសប្ដាហ៍នេះ ចាប់តាំងពីរុស្ស៊ីចាប់ផ្ដើមបើកការវាយប្រហារកាលពីថ្ងៃទី២៤ ខែកុម្ភៈ។ ការិយាល័យឧត្ដមស្នងការទទួលបន្ទុកជនភៀសខ្លួន អង្គការសហប្រជាជាតិបាននិយាយថា មនុស្សជាង ៣លាន ៩សែននាក់បានឆ្លងព្រំដែនចូលទៅប្រទេសជិតខាងប៉ូឡូញ និងជាង ៨៤៦,០០០នាក់ចូលទៅកាន់ប្រទេសរ៉ូម៉ានី។ ទីភ្នាក់ងារនេះក៏បាននិយាយផងដែរថា មនុស្សប្រហែលជាង ៥៣៩,០០០នាក់បានរត់ភៀសខ្លួនចូលទៅក្នុងប្រទេសហុងគ្រី និងប្រមាណ ៤៤៩,០០០នាក់ចូលទៅកាន់ប្រទេសម៉ុលដូវ៉ា។ ប្រភពដដែលនេះបានបន្ថែមទៀតថា មនុស្សប្រមាណ ៧០៣,០០០នាក់បានធ្វើដំណើរចូលទៅប្រទេសរុស្ស៊ី។ចំណែកមន្ត្រីជាន់ខ្ពស់ទទួលបន្ទុកកិច្ចការសិទ្ធិមនុស្សមួយរូប របស់អង្គការសហប្រជាជាតិបាននិយាយថា អង្គការសហប្រជាជាតិបានកត់ត្រាអ្នកស្លាប់ជាជនស៊ីវិលចំនួន ៦,៧៣១នាក់ក្នុងសង្គ្រាមអ៊ុយក្រែនរយៈពេលជាង ៧០ថ្ងៃមកនេះ។ លោកស្រី Michelle Bachelet បានប្រាប់ក្រុមប្រឹក្សាសន្តិសុខអង្គការសហប្រជាជាតិថា ស្ថានភាពដែលឆក់យកជីវិតមនុស្សដ៏ច្រើននេះបង្ខំឲ្យលោកស្រីត្រូវតែនិយាយថា ក្ដីកង្វល់របស់យើងទាំងអស់គ្នាស្ថិតនៅចំពោះមុខ ហើយស្ថានភាពនេះចេះតែធ្លាក់ដុនដាប៕អត្ថបទ៖ សុខមាន

WHO ប៉ាន់ប្រមាណថា មនុស្សស្លាប់ដោយសារវីរុស COVID-19 លើពិភពលោកខ្ពស់ជាងរបាយការណ៍ ៣ដង

WHO៖ អង្គការសុខភាពពិភពលោកនិយាយថា មនុស្សជិត ១៤លាន ៩សែននាក់បានស្លាប់នៅទូទាំងពិភពលោកដោយសារការជាប់ពាក់ព័ន្ធផ្ទាល់ និងមិនផ្ទាល់នឹងវីរុស COVID-19 កាលពីឆ្នាំ២០២០ និងឆ្នាំ២០២១។ ចំនួននេះជិតស្មើ ៣ដងនៃចំនួនមនុស្សស្លាប់ដោយសារជំងឺនេះ ដែលត្រូវបានរាយការណ៍ពីបណ្ដាប្រទេសរយៈពេល ២ឆ្នាំមកនេះ។ ចំនួនអ្នកស្លាប់ដោយសារវីរុស COVID-19 បានរាយការណ៍ទៅកាន់អង្គការសុខភាពពិភពលោក ក្នុងអំឡុងពេលនោះមានប្រមាណ ៥លាន ៤សែននាក់។ អង្គការសុខភាពពិភពលោកបានគណនាទិន្នន័យរបស់ខ្លួន ដោយប្រើគំរូគណនាពីអត្រាស្លាប់ខ្ពស់ក្នុងស្ថានភាពទូទៅ ដែលប៉ាន់ប្រមាណពីភាពខុសប្លែកគ្នារវាងចំនួនអ្នកស្លាប់ ដោយសារមូលហេតុទាំងឡាយដែលត្រូវគេរំពឹងថា ដោយមិនជាប់ពាក់ព័ន្ធនឹងវីរុសរាតត្បាតសកល។មន្ត្រីជាន់ខ្ពស់មួយរូបរបស់អង្គការសុខភាពពិភពលោក ទទួលបន្ទុកគ្រប់គ្រងទិន្នន័យ និងវិភាគបាននិយាយថា ដោយសារការវិនិយោគត្រូវបានកំណត់នៅក្នុងប្រព័ន្ធទិន្នន័យក្នុងប្រទេសជាច្រើន ចំនួនអ្នកស្លាប់ពិតប្រាកដជារឿយៗត្រូវបានលាក់បាំង។ លោក Tedros Adhanom Ghebreyesus ប្រមុខអង្គការសុខភាពពិភពលោកបានសង្កត់ធ្ងន់ថា ទិន្នន័យជាក់លាក់ចាំបាច់ណាស់ សម្រាប់បណ្ដាប្រទេសត្រូវអភិវឌ្ឍប្រព័ន្ធផ្ទុកព័ត៌មាន ដែលអាចជួយដល់សេវាសុខភាពយ៉ាងច្រើនអំឡុងវិបត្តិជំងឺរាតត្បាតសកលនេះ៕អត្ថបទ៖ សុខមាន

ថ្នាក់ដឹកនាំក្រសួងស្ថាប័ននានាផ្ញើសាររំលែកមរណទុក្ខជាបន្តបន្ទាប់ ចំពោះមរណភាពរបស់ឯកឧត្តម ហ៊ុន ណេង

ភ្នំពេញ៖ ប្រធាន និងថ្នាក់ដឹកនាំក្រសួងស្ថាប័ននានា បានផ្ញើសាររំលែកទុក្ខជាបន្តបន្ទាប់ ចំពោះមរណភាពរបស់ឯកឧត្តម ហ៊ុន ណេង ដែលជាបងប្រុសបង្កើតរបស់សម្តេចតេជោ ហ៊ុន សែន នាយករដ្ឋមន្រ្តីកម្ពុជា សមាជិកអចិន្ត្រៃយ៍រដ្ឋសភា ប្រធានគណៈកម្មាការមហាផ្ទៃ ការពារជាតិ និងមុខងារសាធារណៈរដ្ឋសភា និងជាអ្នកតំណាងរាស្រ្តមណ្ឌលកំពង់ចាម ដែលលោកបានទទួលមរណភាពកាលពីវេលាម៉ោង៦និង២៥នាទីនាល្ងាច ថ្ងៃទី៥ ខែឧសភា ឆ្នាំ២០២២នេះ ក្នុងជន្មាយុ៧២ឆ្នាំ ដោយរោគាពាធ។ សាររំលែកមរណទុក្ខនេះ សម្តេច និងឯកឧត្តមជាប្រធាន និងថ្នាក់ដឹកនាំក្រសួងស្ថាប័ននានាបានចាត់ទុកថា ការបាត់បង់ ឯកឧត្តម ហ៊ុន ណេង គឺជាការបាត់បង់នូវឥស្សរជននយោបាយខ្មែរដ៏ឆ្នើមមួយរូប ដែលមានស្នាដៃ និងបទពិសោធន៍ចូលរួមកសាង និងការពារជាតិប្រកបដោយសមត្ថភាព និងស្មារតីទទួលខុសត្រូវខ្ពស់ ជាពិសេសឯកឧត្តម ហ៊ុន ណេង បានធ្វើពលិកម្មដ៏ខ្ពង់ខ្ពស់ ដើម្បីរួមចំណែករំដោះជាតិ មាតុភូមិ និងប្រជាពលរដ្ឋកម្ពុជា ឲ្យរួចផុតពីរបបប្រល័យពូជសាសន៍ និងចូលរួមកសាងប្រទេសជាតិឡើងវិញរហូតទទួលបានការអភិវឌ្ឍរីកចំរើន លើគ្រប់វិស័យមកដល់សព្វថ្ងៃនេះ។ តាមរយៈសាររំលែកមរណទុក្ខរបស់ថ្នាក់ដឹកនាំក្រសួងស្ថាប័នទាំងនោះ បានសម្តែងនូវសមានទុក្ខ សេចក្តីរន្ធត់ដ៏ក្រៀមក្រំជាទីបំផុតបន្ទាប់ពីទទួលព័ត៌មានថា ឯកឧត្តម ហ៊ុន ណេង ដែលជាបងប្រុសបង្កើត របស់សម្តេចតេជោ ហ៊ុន សែន បានទទួលមរណភាព ហើយសម្តេច ឯកឧត្តម ដែលជាប្រធានថ្នាក់ដឹកនាំ ព្រឹទ្ធសភា រដ្ឋសភា និងក្រសួងស្ថាប័ននានា «សូមចូលរួមរំលែកទុក្ខជាមួយ លោកជំទាវ លាង វួចឆេង ហ៊ុន ណេង ព្រមទាំងក្រុមគ្រួសារ ចំពោះការបាត់បង់ឯកឧត្តម ហ៊ុន ណេង ជាស្វាមី បង បងថ្លៃ ឱពុកឱពុកក្មេក និងជីតា ជាទីគោរពស្រលាញ់ប្រកបដោយព្រហ្មវិហារធម៌ និងទឹកចិត្តសណ្តោសប្រណីដ៏ថ្លៃថ្លានោះ»។ សូមបញ្ជាក់ថា ឯកឧត្តម ហ៊ុន ណេង មានឈ្មោះដើម ហ៊ុន ឡុងសេង កើតនៅថ្ងៃទី០២ ខែមេសា ឆ្នាំ១៩៥០ត្រូវនឹងថ្ងៃអាទិត្យ ១៥កើត ខែចេត្រ ឆ្នាំឆ្លូវ ឯកស័ក ព.ស. ២៤៩៣ នៅភូមិពាមក្រៅ ឃុំពាមកោះស្នា ស្រុកស្ទឹងត្រង់ ខេត្តកំពង់ចាម នៅក្នុងគ្រួសារកសិករ ដែលមានឪពុកឈ្មោះ ហ៊ុន នាង និងម្តាយឈ្មោះឌី ប៉ុក ។ឯកឧត្តម ហ៊ុន ណេង គឺជាកូនទី២ ក្នុងចំណោមបងប្អូន ៦នាក់ ក្នុងនោះ ស្រី ៣ នាក់។ ឯកឧត្តមបានរៀបអាពាហ៍ពិពាហ៍ជាមួយនឹង លោកជំទាវ លាង រូចឆេង នៅឆ្នាំ ១៩៧១ និងមានបុត្រាបុត្រីចំនួន ៦ នាក់ក្នុងនោះស្រី ៣នាក់។ ក្នុងនាមជាកូនកសិករម្នាក់ នៅមុនឆ្នាំ ១៩៧០ ឯកឧត្តមបានតស៊ូសិក្សារៀនសូត្រនៅសាលាបឋមសិក្សាពាមកោះស្នា និងបន្តនៅអនុវិទ្យាល័យស្ទឹងត្រង់។ ជាបន្តបន្ទាប់ ឯកឧត្តមបានខិតខំបន្តការសិក្សារៀនសូត្ររហូតដល់ចប់ថ្នាក់អនុបណ្ឌិតផ្នែកគ្រប់គ្រងសេដ្ឋកិច្ច និងរដ្ឋបាល នៅឆ្នាំ ១៩៩៧។ មិនតែប៉ុណ្ណោះឯកឧត្តមក៏បានទទួលនូវសញ្ញាបត្របណ្ឌិតកិត្តិយសពីស្ថាប័នសាកលវិទ្យាល័យជាតិ និងអន្តរជាតិមួយចំនួនផងដែរ។ក្នុងដំណាក់កាលសង្គ្រាមឆ្នាំ ១៩៧០ ដល់ឆ្នាំ ១៩៧៥ ឯកឧត្តម ហ៊ុន ណេង ស្ថិតនៅក្នុងតំបន់រំដោះនាស្រុកកំណើត និងក្រោយពេលប្រទេសជាតិធ្លាក់ក្នុងរបបប្រល័យពូជសាសន៍ប៉ុលពត ឯកឧត្តមបានចូលបម្រើក្នុងកងទ័ពនៃរណសិរ្សសាមគ្គីសង្គ្រោះជាតិកម្ពុជា។ ចាប់ពីពេលនោះរហូតមក ដោយសារឯកឧត្តមមានបញ្ញាឈ្លាសវៃ និងមានសមត្ថភាព ឯកឧត្តមក៏ត្រូវបានតែងតាំងក្នុងមុខនាទីជាបន្តបន្ទាប់ រួមមាន ៖ ជាប្រធានមន្ទីរខេត្តកំពង់ចាមនៅឆ្នាំ១៩៧៩ ជាប្រធានមន្ទីរផែនការខេត្តកំពង់ចាមនៅឆ្នាំ១៩៨១ ជាអភិបាលស្រុកក្រូចឆ្មារនៅឆ្នាំ១៩៨២ ជាអភិបាលខេត្តកំពង់ចាមនៅឆ្នាំ១៩៨៤ ជាអភិបាលខេត្តស្វាយរៀងនៅឆ្នាំ ១៩៩៩ និងវិលត្រឡប់មកធ្វើជាអភិបាលខេត្តកំពង់ចាមវិញនៅឆ្នាំ២០០៥។ ឯកឧត្តមបានចូលនិវត្តនៅឆ្នាំ២០១៣ និងត្រូវបានឈរឈ្មោះ និងជាប់ឆ្នោតជាអ្នកតំណាងរាស្ត្រមណ្ឌលខេត្តកំពង់ចាម និងត្រូវបានជ្រើសតាំងជាសមាជិកគណៈកម្មាធិការអចិន្ត្រៃយ៍រដ្ឋសភា និងជាប្រធានគណៈកម្មការមហាផ្ទៃ ការពារជាតិ និងមុខងារសាធារណៈ នៃរដ្ឋសភាពជាតិរហូតមកដល់បច្ចុប្បន្ន។ក្នុងពលិកម្មដើម្បីជាតិ សាសនា និងព្រះមហាក្សត្រ លោកក៏ត្រូវបានប្រទាននូវគ្រឿងឥស្សរិយយសជាច្រើនពីព្រះមហាក្សត្រ ក្នុងនោះគ្រឿងឥស្សរិយយសខ្ពស់បំផុតរបស់ព្រះរាជាណាចក្រកម្ពុជា គឺថ្នាក់ជាតូបការ។ពេញមួយជីវិតរបស់ឯកឧត្តម ហ៊ុន ណេង ពិសេសពេលវេលាដែលឯកឧត្តម បានមកដឹកនាំនៅខេត្តកំពង់ចាម ឯកឧត្តមតែងតែបំពេញការងារសង្គមការងារមនុស្សធម៌ ជាអ្នកកសាងមូលដ្ឋាននៃការអភិវឌ្ឍនៅខេត្តកំពង់ចាម ក្រោមការដឹកនាំរបស់រាជរដ្ឋាភិបាល ដែលមាន សម្តេចអគ្គមហាសេនាបតីតេជោ ហ៊ុន សែន ជាប្រមុខ។ តាមរយៈសកម្មភាពទាំងអស់នេះ បានធ្វើឲ្យឯកឧត្តមទទួលបាននូវការគោរពស្រឡាញ់ពីមន្ត្រីរាជការ កងកម្លាំងប្រដាប់អាវុធ ព្រះសង្ឃ និងប្រជាពលរដ្ឋគ្រប់មជ្ឈដ្ឋានផងដែរ។ចំពោះការបាត់បង់នូវឥស្សរជននយោបាយខ្មែរដ៏ឆ្នើមមួយរូបនេះ ត្រូវបានសម្តេច ឯកឧត្តម ដែលជាប្រធាន និងថ្នាក់ដឹកនាំស្ថាប័ននានា ចងចាំ និងសូមគោរពនូវគំរូវីរភាពដ៏ឧត្តុងឧតុ្តមរបស់ឯកឧត្តម ហ៊ុន ណេង និងសូមចូលរួមរំលែកទុក្ខដោយក្តីសោកស្តាយអាឡោះអាល័យបំផុតជាមួយក្រុមគ្រួសារនៃសព និងសូមឧទ្ទិសបួងសួងដល់វត្ថុស័ក្តិសិទ្ធិ ក្នុងលោក និងតេជៈបារមី នៃព្រះពុទ្ធ ព្រះធម៌ ព្រះសង្ឈ តាមជួយបីបាច់ថែរក្សាដួងវិញ្ញាណក្ខន្ធ ឯកឧត្តម ហ៊ុន ណេង បានទៅកាន់សុខគតិភពកុំបីឃ្លៀងឃ្លាតឡើយ៕ អត្ថបទ៖ បាន ចក់

ប្រមុខអង្គការសហប្រជាជាតិព្រមានពីផលប៉ះពាល់គ្មានព្រំដែនដោយសារសង្គ្រាមអ៊ុយក្រែន

UN៖ អគ្គលេខាធិការអង្គការសហប្រជាជាតិលោក Antonio Guterres បានជំរុញពិភពលោកឲ្យរួបរួមគ្នាបញ្ចប់សង្គ្រាមនៅអ៊ុយក្រែនកាលពីថ្ងៃព្រហស្បតិ៍ ដោយហៅសង្គ្រាមនៅអ៊ុយក្រែនថា គ្មានន័យ គ្មានមេត្តា និងគ្មានដែនកំណត់ ចំពោះវិសាលភាពនៃការបំផ្លិចបំផ្លាញដល់ពិភពលោក។ មន្ត្រីជាន់ខ្ពស់ផ្នែកសិទ្ធិមនុស្សរបស់អង្គការសហប្រជាជាតិបាននិយាយថា មានត្រឹមតែបទឈប់បាញ់មួយថ្ងៃនឹងការពារការស្លាប់ និងរបួសរបស់ជនស៊ីវិលរាប់សិបនាក់ និងអនុញ្ញាតឱ្យមនុស្សរាប់ម៉ឺននាក់ផ្សេងទៀតភៀសខ្លួនចេញពីការវាយប្រហាររបស់រុស្ស៊ី។ កិច្ចប្រជុំក្រុមប្រឹក្សាសន្តិសុខអង្គការសហប្រជាជាតិស្តីពីការការពារជនស៊ីវិល និងហេដ្ឋារចនាសម្ព័ន្ធស៊ីវិលក្នុងប្រទេសអ៊ុយក្រែន បានស្តាប់របាយការណ៍សង្ខេបពីលោក Guterres ស្តីពីជំនួបរបស់លោកនាពេលថ្មីៗនេះជាមួយប្រធានាធិបតីរុស្ស៊ី និងប្រធានាធិបតីអ៊ុយក្រែន ដែលនាំឱ្យមានការជម្លៀសមនុស្សចំនួន ២ដងជាលើកដំបូងក្នុងសប្តាហ៍នេះពីទីក្រុង Mariupol ភាគអាគ្នេយ៍ដែលត្រូវបានឡោមព័ទ្ធ និងជាមូលដ្ឋានចុងក្រោយរបស់ក្រុមអ្នកតស៊ូអ៊ុយក្រែនគឺរោងចក្រដែកថែប Azovstal។ប្រធានផ្នែកមនុស្សធម៌លោក Martin Griffiths បាននិយាយថា ក្បួនរថយន្តទី៣ បានចាកចេញពីទីក្រុង Mariupol កាលពីថ្ងៃព្រហស្បតិ៍ដោយរំពឹងថានឹងមកដល់នៅព្រឹកថ្ងៃសុក្រ ហើយសង្ឃឹមថានឹងមានការជម្លៀសជនស៊ីវិលចេញពីរោងចក្រនេះបន្តទៀត។ លោក Guterres បាននិយាយថា លោកមិនខ្លាចទេក្នុងការនិយាយជាមួយប្រធានាធិបតីរុស្ស៊ីលោក Vladimir Putin ថា ការវាយប្រហារពីប្រទេសរបស់លោកកាលពីថ្ងៃទី២៤ ខែកុម្ភៈលើអ៊ុយក្រែនគឺជាការរំលោភលើបូរណភាពទឹកដីរបស់ប្រទេស និងធម្មនុញ្ញអង្គការសហប្រជាជាតិ ហើយរុស្ស៊ីត្រូវតែបញ្ចប់ដើម្បីជាប្រយោជន៍ដល់ប្រជាជនអ៊ុយក្រែន និងរុស្ស៊ី និងពិភពលោកទាំងមូល៕អត្ថបទ៖ សុខមាន

ប្រេសិតពិសេសប្រធានអាស៊ាន និងអគ្គលេខាធិការអាស៊ាន ដឹកនាំកិច្ចប្រជុំពិគ្រោះយោបល់ ស្តីពីជំនួយមនុស្សធម៌របស់អាស៊ានសម្រាប់មីយ៉ាន់ម៉ា

ភ្នំពេញ៖ ឯកឧត្តម ឧបនាយករដ្ឋមន្រ្តី ប្រាក់ សុខុន រដ្ឋមន្រ្តីការបរទេស និងសហប្រតិបត្តិការអន្តរជាតិ និងជាប្រេសិតពិសេសប្រធានអាស៊ានសម្រាប់មីយ៉ាន់ម៉ា និងឯកឧត្តម លឹម ចុកហ៊ុយ អគ្គលេខាធិការអាស៊ាន ក្នុងឋានៈជាអ្នកសម្របសម្រួលជំនួយមនុស្សធម៌អាស៊ាន ធ្វើជាសហប្រធាន ដឹកនាំកិច្ចប្រជុំពិគ្រោះយោបល់ ស្តីពីជំនួយមនុស្សធម៌អាស៊ានសម្រាប់មីយ៉ាន់ម៉ា នៅព្រឹកថ្ងៃទី ០៦ ខែឧសភា ឆ្នាំ២០២២នេះ នៅរាជធានីភ្នំពេញ និងតាមប្រព័ន្ធវីដេអូ។កិច្ចប្រជុំពិគ្រោះយោបល់នេះ ផ្តល់ជាវេទិកាកម្រិតខ្ពស់មួយសម្រាប់អាស៊ានធ្វើការពិភាក្សាផ្តួចផ្តើមឱ្យមានកិច្ចសន្ទនាមួយដែលមានការចូលរួមពីភាគីពាក់ព័ន្ធ ដើម្បីផ្តល់នូវមគ្គុទេ្ទសក៍អំពីរបៀបក្នុងការជំរុញជំនួយមនុស្សធម៌របស់អាស៊ានឱ្យទៅដល់ប្រជាជនមីយ៉ាន់ម៉ា ដែលកំពុងត្រូវការបំផុត ដោយឈរលើគោលការណ៍មនុស្សធម៌ និងគ្មានការរើសអើង។កិច្ចប្រជុំពិគ្រោះ យោបល់ នេះ រៀបចំឡើងក្នុងគោលបំណងដើម្បីពិភាក្សាស្វែងរកដំណោះស្រាយ ដែលមានការព្រមព្រៀងគ្នាទៅវិញទៅមកលើវិធីសាស្រ្ត ក្នុងការពង្រឹងបន្ថែមនូវការ ផ្តល់ជំនួយមនុស្សធម៌ នៅមីយ៉ាន់ម៉ា ដើម្បីធានាបានថានឹងពុំមាននរណាម្នាក់ត្រូវបានទុកចោលនោះទេ, ដំណោះស្រាយ ចំពោះបញ្ហាប្រឈម នានា ដែលពាក់ព័ន្ធប្រតិបត្តិការរបស់មជ្ឈមណ្ឌលសម្របសម្រួលអាស៊ានសម្រាប់ជំនួយមនុស្សធម៌ ស្តីពីការគ្រប់គ្រងគ្រោះមហន្តរាយ (AHA Centre), និងវិធីសាស្រ្តនានាដែលជួយគាំទ្រទៅដល់ការផ្តល់ វ៉ាក់សាំងជំងឺកូវីដ-១៩ ទៅដល់សហគមន៍នានានៅមីយ៉ាន់ម៉ា៕

សហភាពអឺរ៉ុបអំពាវនាវឲ្យមានការរឹបអូសទ្រព្យសម្បត្តិរបស់រុស្ស៊ីដែលត្រូវបានបង្កក

អឺរ៉ុប៖ ប្រធានក្រុមប្រឹក្សាអឺរ៉ុបលោក Charles Michel បាននិយាយកាលពីថ្ងៃព្រហស្បតិ៍ថា ទ្រព្យសម្បត្តិរបស់រុស្ស៊ីដែលត្រូវបានបង្កកនៅក្នុងសហភាពអឺរ៉ុប ជាផ្នែកមួយនៃការដាក់ទណ្ឌកម្មប្រឆាំងនឹងទីក្រុង Moscow ព្រោះជម្លោះជាមួយទីក្រុង Kiev គួរតែត្រូវបានរឹបអូស និងបែងចែកសម្រាប់ការស្ថាបនាឡើងវិញក្នុងប្រទេសអ៊ុយក្រែន។ លោក Michel បានទទូចនៅក្នុងបទសម្ភាសន៍ជាមួយទីភ្នាក់ងារព័ត៌មាន Interfax-Ukraine ថា លោកជឿជាក់យ៉ាងមុតមាំថា ចំណាត់ការនេះមានសារៈសំខាន់ខ្លាំងណាស់ មិនត្រឹមតែបង្កកទ្រព្យសម្បត្តិប៉ុណ្ណោះទេ ថែមទាំងធ្វើឲ្យទ្រព្យសម្បត្តិទាំងនោះអាចរឹបអូសបាន ដើម្បីអាចយកទៅប្រើប្រាស់ក្នុងការស្ថាបនាប្រទេសអ៊ុយក្រែនឡើងវិញ។ លោកបានបង្ហើបថា លោកបានប្រាប់អង្គភាពសេវាច្បាប់របស់ក្រុមប្រឹក្សារួចហើយ ពិចារណាលើលទ្ធភាពដែលអាចធ្វើទៅបាន ដើម្បីស្វែងរកដំណោះស្រាយផ្លូវច្បាប់ស្របតាមគោលការណ៍នីតិរដ្ឋ ដែលជួយសម្រួល និងធ្វើឲ្យមានលទ្ធភាពរឹបអូសទ្រព្យសម្បត្តិរបស់បុគ្គលទាំងឡាយ ដែលត្រូវបានដាក់ទណ្ឌកម្មដោយសហភាពអឺរ៉ុប ឬដោយប្រទេសផ្សេងទៀតក្នុងពិភពលោក៕ អត្ថបទ៖ សុខមាន

លោក Putin ប្រាប់អ៊ុយក្រែនថា ក្រុមអ្នកតស៊ូនៅរោងចក្រដែកថែបត្រូវតែទម្លាក់អាវុធចុះ

រុស្ស៊ី៖ លោកប្រធានាធិបតី Vladimir Putin និយាយថា ប្រទេសអ៊ុយក្រែនគួរតែបញ្ជាឲ្យក្រុមអ្នកប្រយុទ្ធរបស់ខ្លួន ដែលនៅតែពួនសំងំក្នុងរោងចក្រដែកថែបរងការហ៊ុមទ័ព Azovstal របស់ទីក្រុងយុទ្ធសាស្ត្រ Mariupol ទម្លាក់អាវុធចុះ ដើម្បីឲ្យជនស៊ីវិលមានឱកាសចាកចេញពីរោងចក្រត្រូវបានឡោមព័ទ្ធ នៅក្នុងទីក្រុងកំពង់ផែភាគខាងត្បូង Mariupol។ ក្រុង Moscow បានសន្យាឲ្យមានបទឈប់បាញ់រយៈពេល ៣ថ្ងៃ ប៉ុន្តែមានរបាយការណ៍និយាយថា នៅតែមានការវាយប្រហារទៅលើរោងចក្រ ជាទីដែលជនស៊ីវិលប្រមាណ ២០០នាក់នៅតែជាប់ជាមួយទាហានអ៊ុយក្រែន។ រម្លឹកពីជម្លោះពាក្យសម្ដីរវាងរុស្ស៊ី និងអ៊ីស្រាអែល ក្រោយការអត្ថាធិប្បាយរបស់លោក Lavrov ប្រមុខការទូតរុស្ស៊ីថា មេដឹកនាំណាស៊ី អាដុលហ្វ័ អ៊ីត្លែ (Adolf Hitler) មានឈាមជ័រជនជាតិជ្វីហ្វ ទំនងជាត្រូវបានផ្សះផ្សាអំឡុងការសន្ទនាតាមទូរស័ព្ទរវាងលោក Putin និងនាយករដ្ឋមន្ត្រីអ៊ីស្រាអែលលោក Naftali Bennett។ នាយករដ្ឋមន្ត្រីអ៊ីស្រាអែលបាននិយាយថា លោក Putin បានសូមអភ័យទោសចំពោះការអះអាងរបស់ប្រមុខការទូតរុស្ស៊ីដែលថា Hitler ជាផ្នែកមួយនៃពួកជ្វីហ្វ។ ការិយាល័យរបស់លោក Bennett បាននិយាយថា នាយករដ្ឋមន្ត្រីអ៊ីស្រាអែលបានទទួលយកការសូមអភ័យទោសពីលោក Putin ទោះបីជាខាងវិមានក្រឹមឡាំងពុំបាននិយាយពីការសូមអភ័យទោសនោះក៏ដោយ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

អ៊ីរ៉ង់បដិសេធរបាយការណ៍អំពីការពិគ្រោះយោបល់ជាមួយសហរដ្ឋអាមេរិក នៅទីក្រុងដូហា នាថ្ងៃទី ៣០ ខែមិថុនា

បណ្ដាប្រទេសអារ៉ាប់ថ្កោលទោសការវាយប្រហាររបស់អ៊ីស្រាអែល នៅភាគខាងត្បូងស៊ីរី

លោក Erdogan លើកឡើងថា ទួរគីត្រូវតែបាន «រួមបញ្ចូល» នៅក្នុងរចនាសម្ព័ន្ធសន្តិសុខអឺរ៉ុប

ការវាយប្រហាររបស់រុស្ស៊ី សម្លាប់មនុស្សយ៉ាងតិច ៧នាក់ នៅទូទាំងប្រទេសអ៊ុយក្រែន

រដ្ឋាភិបាលបារាំងប្រឈមការរិះគន់ ជុំវិញការឆ្លើយតបនឹងរលកកម្ដៅ និងគោលនយោបាយអាកាសធាតុ

អ៊ីរ៉ង់បញ្ជាក់ថា បានជួបពិភាក្សាជាមួយអូម៉ង់ ស្តីពីការគ្រប់គ្រងច្រកសមុទ្រ Hormuz

លោកស្រី Taylor Greene៖ សង្គ្រាមជាមួយអ៊ីរ៉ង់អាចនាំឲ្យមានការប្រើប្រាស់អាវុធនុយក្លេអ៊ែរដោយអាមេរិកនិងអ៊ីស្រាអែល

មនុស្សម្នាក់ស្លាប់ និងម្នាក់ទៀតរបួសធ្ងន់ ក្នុងហេតុការណ៍បាញ់ប្រហារ នៅជិតកន្លែងជួបជុំ World Cup ក្នុងរដ្ឋ California

អ៊ីរ៉ង់៖ ទ្រព្យសម្បត្តិបង្កក ៦ពាន់លានដុល្លារ នៅកាតា នឹងត្រូវបានបញ្ចេញ ខណៈកិច្ចចរចាជាមួយអាមេរិក ប្រឈមបញ្ហា

អ៊ូហ្គង់ដានឹងជម្លៀសពលរដ្ឋចំនួន ៧៤៦នាក់ ចេញពីអាហ្វ្រិកខាងត្បូង ចំពេលមានអំពើហិង្សាប្រឆាំង ជនបរទេស

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្ដេចតេជោ ហ៊ុន សែន អញ្ជើញចុះពិនិត្យទីតាំងបញ្ចុះសពឯកឧត្ដម ហ៊ុន ណេង នៅវត្តសុវណ្ណគិរីរតនៈភ្នំប្រុស

សម្ដេចអគ្គមហាពញាចក្រី ហេង សំរិន ប្រធានរដ្ឋសភា អញ្ជើញគោរពវិញ្ញាណក្ខន្ធសព ឯកឧត្តមព្រឹទ្ធាចារ្យ ហ៊ុន ណេង

UN៖ ជនជាតិអ៊ុយក្រែនជាង ៥លាន ៦៥ម៉ឺននាក់បានរត់ភៀសខ្លួនពីសង្គ្រាម ខណៈជនស៊ីវិលជាង ៦ពាន់ ៧រយនាក់បានស្លាប់

WHO ប៉ាន់ប្រមាណថា មនុស្សស្លាប់ដោយសារវីរុស COVID-19 លើពិភពលោកខ្ពស់ជាងរបាយការណ៍ ៣ដង

ថ្នាក់ដឹកនាំក្រសួងស្ថាប័ននានាផ្ញើសាររំលែកមរណទុក្ខជាបន្តបន្ទាប់ ចំពោះមរណភាពរបស់ឯកឧត្តម ហ៊ុន ណេង

ប្រមុខអង្គការសហប្រជាជាតិព្រមានពីផលប៉ះពាល់គ្មានព្រំដែនដោយសារសង្គ្រាមអ៊ុយក្រែន

សហភាពអឺរ៉ុបអំពាវនាវឲ្យមានការរឹបអូសទ្រព្យសម្បត្តិរបស់រុស្ស៊ីដែលត្រូវបានបង្កក

លោក Putin ប្រាប់អ៊ុយក្រែនថា ក្រុមអ្នកតស៊ូនៅរោងចក្រដែកថែបត្រូវតែទម្លាក់អាវុធចុះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្ដេចតេជោ ហ៊ុន​ សែន​ អញ្ជើញចុះពិនិត្យទីតាំងបញ្ចុះសពឯកឧត្ដម​ ហ៊ុន ណេង នៅវត្តសុវណ្ណគិរីរតនៈ​ភ្នំប្រុស

សម្ដេចអគ្គមហាពញាចក្រី ហេង សំរិន ប្រធានរដ្ឋសភា អញ្ជើញគោរពវិញ្ញាណក្ខន្ធសព ឯកឧត្តមព្រឹទ្ធាចារ្យ ហ៊ុន ណេង

WHO ​ប៉ាន់​ប្រមាណ​ថា ​មនុស្ស​ស្លាប់​ដោយសារ​វីរុស COVID-19 លើ​ពិភព​លោក​ខ្ពស់​ជាង​របាយការណ៍​ ៣​ដង​

ថ្នាក់ដឹកនាំក្រសួងស្ថាប័ននានាផ្ញើសាររំលែកមរណទុក្ខជាបន្តបន្ទាប់ ចំពោះមរណភាពរបស់ឯកឧត្តម ហ៊ុន ណេង

ប្រមុខ​អង្គការសហប្រជាជាតិ​ព្រមាន​ពី​ផល​ប៉ះពាល់​គ្មាន​ព្រំដែន​ដោយសារ​សង្គ្រាម​អ៊ុយ​ក្រែ​ន​

សហភាព​អឺរ៉ុប​អំពាវនាវ​ឲ្យ​មានការ​រឹបអូស​ទ្រព្យសម្បត្តិ​របស់​រុស្ស៊ី​ដែល​ត្រូវ​បាន​បង្កក​

លោក Putin ប្រាប់​អ៊ុយ​ក្រែ​ន​ថា ក្រុម​អ្នកតស៊ូ​នៅ​រោងចក្រ​ដែកថែប​ត្រូវតែ​ទម្លាក់អាវុធ​ចុះ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សម្ដេចតេជោ ហ៊ុន សែន អញ្ជើញចុះពិនិត្យទីតាំងបញ្ចុះសពឯកឧត្ដម ហ៊ុន ណេង នៅវត្តសុវណ្ណគិរីរតនៈភ្នំប្រុស

WHO ប៉ាន់ប្រមាណថា មនុស្សស្លាប់ដោយសារវីរុស COVID-19 លើពិភពលោកខ្ពស់ជាងរបាយការណ៍ ៣ដង

ប្រមុខអង្គការសហប្រជាជាតិព្រមានពីផលប៉ះពាល់គ្មានព្រំដែនដោយសារសង្គ្រាមអ៊ុយក្រែន

សហភាពអឺរ៉ុបអំពាវនាវឲ្យមានការរឹបអូសទ្រព្យសម្បត្តិរបស់រុស្ស៊ីដែលត្រូវបានបង្កក

លោក Putin ប្រាប់អ៊ុយក្រែនថា ក្រុមអ្នកតស៊ូនៅរោងចក្រដែកថែបត្រូវតែទម្លាក់អាវុធចុះ