BTV NEWS

ផ្ទះទេវតាទី៣៣៥ មួយខ្នងទៀត ដោយមានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវត្រូវបានលោកជំទាវ ហ៊ុន ម៉ាណា ប្រគល់ជូនលោកយាយចាស់ជរានៅខេត្តតាកែវ

ព្រះករុណាព្រះមហាក្សត្រ និងសម្ដេចព្រះមហាក្សត្រីនឹងយាងនិវត្តន៍មកកាន់មាតុប្រទេសវិញក្នុងពេលឆាប់ៗក្រោយព្រះរាជសុខភាពមានភាពប្រសើរឡើងវិញ

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

ព័ត៌មានសំខាន់ៗ

លោក ហ៊ុន ម៉ាណែត ៖ សន្តិភាពមានតម្លៃដ៏លើសលប់នៅពេលសង្រ្គាមចាប់ផ្តើមកើតទ្បើង

កំពង់ចាម៖ លោក ហ៊ុន ម៉ាណែត បញ្ជាក់ថា សន្តិភាពមានតម្លៃដ៏លើសលប់នៅពេលដែលសង្រ្គាមចាប់ផ្តើមកើតទ្បើង។ លោកថា គុណតម្លៃនេះ ប្រៀបបានខ្យល់អុកស៊ីសែន ដែលជាតម្រូវការចាំបាច់សម្រាប់ការរស់រានមានជីវិត ប៉ុន្តែជាធម្មតាគេមិនសូវជាចាប់អារម្មណ៍ និងឱ្យតម្លៃនោះទេ។ថ្លែងក្នុងពិធីសម្ពោធដាក់ឱ្យប្រើប្រាស់ជាផ្លូវការឧបដ្ឋានសាលា និងសមិទ្ធផលនានា ក្នុងវត្តត្រពាំងអំពិល និងបើកការដ្ឋានស្ថាបនាផ្លូវបេតុង០១ ខ្សែ ប្រវែង ៥.០០០ ម៉ែត្រ ក្នុងឃុំជ្រៃវៀន ស្រុកព្រៃឈរ ខេត្តកំពង់ចាម នៅថ្ងៃទី២៩ ខែមេសា ឆ្នាំ២០២២ លោក ហ៊ុន ម៉ាណែត បញ្ជាក់ថា សម្តេចតេជោ ហ៊ុន សែន និងគណបក្សប្រជាជនកម្ពុជា បានប្តេជ្ញាធ្វើយ៉ាងណាថែរក្សាសនិ្តភាព ដែលរកមកបានដោយលំបាកនេះ ឱ្យនៅឋិតឋេរគង់វង្សជូនប្រជាពលរដ្ឋជាម្ចាស់ស្រុកបាន យូរអង្វែង ឱ្យស័ក្តិសមទៅនឹងទំនុកចិត្តដែលបានផ្តល់ជូន ទន្ទឹមនឹងនេះ ក៏នឹងបន្តពង្រីក ឱកាសសម្រាប់ជីវភាពចម្រុងចម្រើនថែមទៀតរបស់ប្រជាពលរដ្ឋ។ លោកសូមចូលរួមអបអរសាទរចំពោះសមិទ្ធផលដែលបានកើតទើ្បងជាបន្តបន្តាប់នៅក្នុងទីអារាមនេះ និងសូមកោត សរសើរ ចំពោះ ការខិតខំដឹកនាំកៀរគរកម្លាំងសប្បុរសធម៌រួបរួមសាមគ្គីគ្នាក្នុងការកសាងហេដ្ឋារចនា សម្ព័ន្ធទាំងនេះ សម្រាប់ ជាទី សក្ការៈ និងប្រើប្រាស់តាមគន្លងប្រពៃណីសាសនានៃយើង។ បច្ចុប្បន្ន បងប្អូនប្រជាពលរដ្ឋយើងមានជីវភាពរស់នៅកាន់តែល្អប្រសើរ ដូច្នេះយើងមានលទ្ធភាពធនធានគ្រប់គ្រាន់ ក្នុងការធ្វើបុណ្យធ្វើទានផ្សេងៗ និងចូលរួមកសាងសមិទ្ធផលបានច្រើន ជាឧត្តមប្រយោជន៍ក្នុងវិស័យសាសនា និងសង្គម ស្របតាមស្ថានភាពអភិវឌ្ឍរីកចម្រើនរបស់ប្រទេសជាតិយើង។ បើយើងគិតពីចំនួនវត្តអារាមនៅទូទាំងប្រទេសរហូតដល់ជាង ៥,០០០ វត្ត គឺរដ្ឋមិនមានលទ្ធភាពក្នុងការកសាងបានច្រើនសម្បូរបែបដូចនេះឡើយ ប៉ុន្តែដោយផ្អែកទៅលើវប្បធម៌នៃការចែករំលែករបស់ខ្មែរយើង និងការចូលរួមរបស់បងប្អូនពុទ្ធបរិស័ទ សប្បុរសជនទាំងក្នុងនិងក្រៅស្រុក ដែលមានជំនឿ និងសទ្ធាជ្រះថ្លាលើសាសនា ទើបអាចសម្រេចបានសមិទ្ធផលដ៏ថ្លៃថ្លាជាច្រើនដូចសព្វថ្ងៃនេះ។លោកបញ្ជាក់ថា សម្តេចតេជោ បានយកគោលនយោបាយបង្រួបបង្រួមជាតិ និងការសង្គ្រោះជី វិតរបស់ប្រជាពលរដ្ឋជាកត្តាចម្បងអាទិភាពខ្ពស់បំផុត ដែលសក្ខីភាពនេះបានបង្ហាញច្បាស់តាមរយៈភាពអង់អាចក្លាហានរបស់សម្តេចក្នុងការចូលរួមផ្តួលរំលំរបបប៉ុលពត ការចចារបញ្ចប់ សង្គ្រាម រុំារ៉ៃ នាំមកនូវសន្តិភាពពេញលេញ និងក្នុងដំណាក់កាលចុងក្រោយនេះ សម្តេចបានដឹកនាំ និងនាំមុខ ក្នុងយុទ្ធនាការ ប្រយុទ្ធនឹងជំងឺកូវីដ-១៩ រហូតទទួលបានជោគជ័យគួរជាទីមោទនៈ៕

លោក Biden ច្រានចោលគំនិតថា សង្គ្រាមអ៊ុយក្រែនអាចក្លាយជាជម្លោះតំណាងរវាងរុស្ស៊ី-អាមេរិក

សហរដ្ឋអាមេរិក៖ ប្រធានាធិបតីសហរដ្ឋអាមេរិកលោក Joe Biden កំពុងច្រានចោលគំនិតដែលនិយាយថា សង្គ្រាមរបស់រុស្ស៊ីនៅអ៊ុយក្រែនអាចក្លាយជាជម្លោះតំណាងកាន់តែធំរវាងទីក្រុងមូស្គូ និងសហរដ្ឋអាមេរិក ព្រមទាំងសម្ព័ន្ធមិត្ត NATO ដែលអាចនាំពិភពលោកកាន់តែខិតជិតទៅរកការប្រឈមមុខដាក់គ្នាដោយនុយក្លេអ៊ែរ។ នៅក្នុងកម្មវិធីមួយនៅសេតវិមាន ជាកន្លែងដែលលោក Biden បានស្នើសុំសភាសម្រាប់ជំនួយបន្ថែមចំនួន ៣៣ពាន់លានដុល្លារដល់ប្រទេសអ៊ុយក្រែន លោកប្រធានាធិបតីបាននិយាយថា គំនិតនៃសង្គ្រាមតំណាងកាន់តែធំកំពុងជាប់ពាក់ព័ន្ធ ប៉ុន្តែមិនពិតនោះទេ។ លោកបានបន្ទោសអាជ្ញាធររុស្ស៊ី ចំពោះការនិយាយបំផ្លើសលើការអះអាងបែបនេះ ដោយនិយាយថា វាបង្ហាញពីភាពអស់សង្ឃឹមដែលរុស្ស៊ីកំពុងគិត ចំពោះភាពបរាជ័យខ្លាំងរបស់ពួកគេក្នុងការវាយលុកលើអ៊ុយក្រែន។លោក Biden និយាយថា គ្មាននរណាម្នាក់នឹងធ្វើការអត្ថាធិប្បាយដោយគ្មានប្រយោជន៍ អំពីការប្រើប្រាស់អាវុធនុយក្លេអ៊ែរនោះទេ ហើយបានចាត់ទុកការធ្វើបែបនេះថា ជាការគ្មានការទទួលខុសត្រូវ។ លោក Biden បាននិយាយលើកឡើងអំពីប្រជាជនអ៊ុយក្រែនដែលភៀសខ្លួនពីសង្គ្រាម ហើយធ្វើដំណើរទៅព្រំដែនភាគខាងត្បូងសហរដ្ឋអាមេរិក។ លោកកំពុងលើកទឹកចិត្តពួកគេឱ្យដាក់ពាក្យសុំកម្មវិធីទិដ្ឋាការថ្មី ហើយជិះយន្តហោះត្រង់ទៅកាន់សហរដ្ឋអាមេរិក៕អត្ថបទ៖ ប៊ុនថន

លោក Zelenskyy និយាយថា មីស៊ីលវាយប្រហារក្រុងគីវ បន្ទាប់ពីជំនួបជាមួយប្រមុខ UN

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បាននិយាយថា មីស៊ីលចំនួន ៥គ្រាប់បានវាយប្រហារលើទីក្រុងគីវ បន្ទាប់ពីជំនួបរបស់លោកជាមួយអគ្គលេខាធិការអង្គការសហប្រជាជាតិលោក Antonio Guterres។ ប្រធានាធិបតីអ៊ុយក្រែននិយាយថា ភ្លាមៗបន្ទាប់ពីកិច្ចពិភាក្សារបស់លោកជាមួយលោក Guterres ក្នុងទីក្រុងគីវបានបញ្ចប់ រុស្ស៊ីបានបាញ់មីស៊ីលចំនួន ៥គ្រាប់ចូលមកកាន់ទីក្រុងនេះ។ នេះអាចនិយាយបានអំពីអាកប្បកិរិយាពិតរបស់រុស្ស៊ីចំពោះស្ថាប័នពិភពលោក។ អគ្គលេខាធិការអង្គការសហប្រជាជាតិលោក Antonio Guterres បានមកដល់ទីក្រុង Bucha របស់អ៊ុយក្រែនកាលពីថ្ងៃព្រហស្បតិ៍។ អង្គការសហប្រជាជាតិកំពុងប្រឹងប្រែងដើម្បីបន្ធូរបន្ថយភាពតានតឹងនិងដោះស្រាយវិបត្តិអ៊ុយក្រែនដោយសន្តិវិធី។ ប្រមុខអង្គការសហប្រជាជាតិបាននិយាយនៅពេលទៅធ្វើទស្សនកិច្ចនៅក្រុង Borodianka ថា គ្មានវិធីណាដែលសង្គ្រាមអាចទទួលយកបានក្នុងសតវត្សរ៍ទី២១ នេះនោះទេ។ជាមួយគ្នានេះលោក Zelenskyy បានអរគុណដល់ប្រធានាធិបតីសហរដ្ឋអាមេរិកលោក Joe Biden ដែលបានស្នើសុំថវិកាថ្មីចំនួន ៣៣ពាន់លានដុល្លារអាមេរិកដើម្បីជួយគាំទ្រដល់ប្រទេសអ៊ុយក្រែន ហើយលោកសង្ឃឹមថាសភានឹងអនុម័តសំណើនេះក្នុងពេលឆាប់ៗ។ ប្រធានាធិបតីលោក Biden បាននិយាយថា ផលវិបាកអវិជ្ជមានសម្រាប់ពិភព លោកទាំងមូលពីការវាយលុករបស់រុស្ស៊ីលើអ៊ុយក្រែន និងមកលើលទ្ធិប្រជាធិបតេយ្យគឺធំធេងណាស់ ដូច្នេះបើប្រៀបធៀបការគាំទ្ររបស់សហរដ្ឋអាមេរិកគឺចាំបាច់។ លោកនិយាយថា រួមគ្នាយើងពិតជាអាចបញ្ឈប់ការវាយលុករបស់រុស្ស៊ី និងការពារសេរីភាពនៅទ្វីបអឺរ៉ុបដោយភាពជឿជាក់៕អត្ថបទ៖ ប៊ុនថន

មន្ត្រីជាន់ខ្ពស់វិមានក្រឹមឡាំងនិយាយថា រុស្ស៊ីគ្មានជម្រើសក្រៅពីការប្រើអាវុធនុយក្លេអ៊ែរទេ

រុស្ស៊ី៖ មន្ត្រីជាន់ខ្ពស់មួយរូបរបស់វិមានក្រឹមឡាំងបានព្រមានថា ការគាំទ្រផ្នែកគ្រឿងសព្វាវុធរបស់លោកខាងលិចឲ្យវាយប្រហារចូលទឹកដីរបស់រុស្ស៊ី មិនត្រឹមតែអាចនាំឲ្យបរាជ័យក្រោមដៃរុស្ស៊ីប៉ុណ្ណោះទេ ថែមទាំងរងការបំផ្លិចបំផ្លាញទាំងស្រុងនៅក្នុងប្រទេសអ៊ុយក្រែនទៀតផង។ ការព្រមានចេញពីមាត់របស់លោកស្រី Margarita Simonyan និពន្ធនាយករបស់សារព័ត៌មានឃោសនានយោបាយ RT និង Sputnik មានឡើងបន្ទាប់ពីមានការវាយប្រហារពីអ៊ុយក្រែនបន្ថែមទៀត ទាំងយប់នៅទីក្រុងព្រំដែន Belgorod ដែលជាមជ្ឈមណ្ឌលផ្គត់ផ្គង់ដ៏សំខាន់ សម្រាប់កងកម្លាំងយោធារុស្ស៊ីនៅប្រទេសអ៊ុយក្រែនភាគខាងកើត។ នេះមិនមែនជាលើកដំបូងទេដែលក្រុមមេដឹកនាំនៅវិមានក្រឹមឡាំង ឬក្រុមអ្នកឃោសនានយោបាយរុស្ស៊ីបានព្រមានពីការផ្ទុះសង្គ្រាមនុយក្លេអ៊ែរ ទោះបីជាការគំរាមទាំងនោះលេចចេញរូបរាងកាន់តែច្បាស់ឡើង ខណៈសង្គ្រាមនៅតែបន្ត៕អត្ថបទ៖ សុខមាន

រុស្ស៊ីព្រមានពីការគំរាមកំហែងផ្នែកសន្តិសុខនៅអឺរ៉ុប ក្រោយអង់គ្លេសអំពាវនាវឲ្យបណ្ដេញកងកម្លាំងរុស្ស៊ីចេញពីអ៊ុយក្រែន

រុស្ស៊ី៖ វិមានក្រឹមឡាំងបាននិយាយថា សន្តិសុខអឺរ៉ុបត្រូវបានគំរាមកំហែងដោយសារការផ្គត់ផ្គង់អាវុធពីលោកខាងលិច បន្ទាប់ពីប្រមុខការទូតអង់គ្លេសបានអំពាវនាវឲ្យវាយបណ្ដេញកងទ័ពរុស្ស៊ីចេញពីទឹកដីអ៊ុយក្រែន។ អ្នកនាំពាក្យវិមានក្រឹមឡាំងលោក Dmitry Peskov បាននិយាយកាលពីថ្ងៃព្រហស្បតិ៍ថា ការរួមគ្នាសម្រុកផ្ដល់អាវុធ រួមទាំងអាវុធធុនធ្ងន់ផងនោះទៅកាន់ប្រទេសអ៊ុយក្រែន និងបណ្ដាប្រទេសផ្សេងទៀតគឺជាសកម្មភាពដែលគំរាមកំហែងដល់សន្តិសុខ និងបង្កឲ្យមានអស្ថិរភាពដល់ឧបទ្វីបនេះ។ លោកបានឆ្លើយតបទៅនឹងសំណួរទាក់ទងនឹងការអត្ថាធិប្បាយនានា ធ្វើឡើងដោយប្រមុខការទូតអង់គ្លេសគឺលោកស្រី Liz Truss ថា លោកខាងលិចត្រូវតែបង្កើនការផ្គត់ផ្គង់អាវុធទៅឲ្យអ៊ុយក្រែន និងត្រៀមការធ្វើសង្គ្រាមរយៈពេលវែង។ លោកស្រីបាននិយាយកាលពីថ្ងៃពុធនៅក្នុងទីក្រុងឡុងដ៍ថា យើងបន្តបង្កើននឹងប្រឹងឲ្យបានលឿនដើម្បីបណ្ដេញរុស្ស៊ីចេញពីអ៊ុយក្រែនទាំងមូល។ យើងមិនអាចឈប់បានទេ។ ជោគវាសនារបស់អ៊ុយក្រែនកំពុងស្ថិតក្នុងស្ថានភាពមិនច្បាស់លាស់។ លោកស្រីបានបន្ថែមថា ប្រសិនបើលោក Putin សម្រេចបំណងនឹងមានប្រទេសជាច្រើនទៀត នឹងរងទុក្ខនៅទូទាំងអឺរ៉ុប៕អត្ថបទ៖ សុខមាន

ប្រមុខសម្ព័ន្ធយោធាណាតូត្រៀមខ្លួនគាំទ្រអ៊ុយក្រែនរយៈពេលច្រើនឆ្នាំក្នុងសង្គ្រាមប្រឆាំងរុស្ស៊ី

ណាតូ៖ អគ្គលេខាធិការអង្គការសម្ព័ន្ធយោធាណាតូលោក Jens Stoltenberg បាននិយាយកាលពីថ្ងៃព្រហស្បតិ៍ថា អង្គការនេះបានត្រៀមខ្លួនរួចជាស្រេចក្នុងការគាំទ្រប្រទេសអ៊ុយក្រែន ក្នុងសង្គ្រាមប្រឆាំងរុស្ស៊ីរយៈពេលជាច្រើនឆ្នាំខាងមុខទៀត។ ការជួយគាំទ្រនេះរួមទាំងជួយឲ្យទីក្រុង Kyiv ផ្លាស់ប្ដូរពីការប្រើប្រាស់អាវុធសម័យអតីតសហភាពសូវៀត មកប្រើប្រាស់អាវុធលោកខាងលិច និងប្រព័ន្ធអាវុធនានាដ៏ទំនើប។ ការថ្លែងបែបនេះរបស់លោក Stoltenberg មានឡើងបន្ទាប់ពីវិមានក្រឹមឡាំងព្រមានថា ការផ្គត់ផ្គង់អាវុធរបស់លោកខាងលិចទៅកាន់ប្រទេសអ៊ុយក្រែន រួមទាំងអាវុធធុនធ្ងន់ជាដើមបានបង្កការគំរាមដល់សន្តិសុខនៃឧបទ្វីបអឺរ៉ុប និងបង្កឲ្យមានអស្ថិរភាព។យោងតាមសារព័ត៌មាន Reuters លោក Stoltenberg បានប្រាប់កិច្ចប្រជុំកំពូលយុវជនក្នុងទីក្រុងព្រូសសែលថា យើងត្រូវតែត្រៀមខ្លួនសម្រាប់សង្គ្រាមរយៈពេលវែង។ វាពិតជាអាចទៅរួចដែលថា សង្គ្រាមនេះនឹងអូសបន្លាយរយៈពេលច្រើនខែ ច្រើនឆ្នាំទៀត។ លោក Stoltenberg បាននិយាយថា លោកខាងលិចនឹងបន្តដាក់សម្ពាធលើប្រធានាធិបតីរុស្ស៊ីលោក Vladimir Putin ដើម្បីបញ្ចប់ការលុកលុយលើអ៊ុយក្រែនតាមរយៈការដាក់ទណ្ឌកម្ម និងការផ្ដល់ជំនួយយោធាដល់ទីក្រុង Kyiv៕អត្ថបទ៖ សុខមាន

កងទ័ពជប៉ុន និងកម្ពុជាបានប្តេជ្ញាពង្រឹងពង្រីកកិច្ចសហប្រតិបត្តិការបន្ថែមទៀតលើវិស័យការពារជាតិ

ភ្នំពេញ៖ មេទ័ពជប៉ុនបានអះអាងថា កងទ័ពទាំងពីរ ជប៉ុន និងកម្ពុជាបានពិភាក្សា ឯកភាពគ្នាលើការពង្រឹង និងពង្រីកកិច្ចសហប្រតិបត្តិការបន្ថែមទៀតលើវិស័យការពារជាតិស្របតាមសេចក្តីប្រកាសរួមរបស់ថ្នាក់ដឹកនាំកំពូលនៃប្រទេសទាំងពីរ។ឯកឧត្តម នាយឧត្តមសេនីយ៍ យ៉ាម៉ាសាគិ កូជិ(Yamasaki Koji) អគ្គសេនាធិការចម្រុះ នៃកងកម្លាំងស្វ័យការពារជប៉ុន បានបញ្ជាក់យ៉ាងដូច្នេះក្នុងឱកាសអញ្ជើញចូលជួបសំដែងការគួរសម ជាមួយសម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅវិមានសន្តិភាពទីស្ដីការនាយករដ្ឋមន្ត្រី នាព្រឹកថ្ងៃទី២៩មេសានេះ ។ឯកឧត្តម អ៊ាង សុផល្លែត រដ្ឋលេខាធិការក្រសួងបរិស្ថាន និងជាអ្នកនាំពាក្យសម្តេចតេជោបានឲ្យដឹងថា នៅក្នុងជំនួបនេះ ឯកឧត្តម យ៉ាម៉ាសាគិ បានគោរពកោតសរសើរកម្ពុជាដែលបានបញ្ជូនកងកម្លាំងរក្សាសន្តិភាពក្រោមឆ័ត្រអង្គ ការសហប្រជាជាតិទៅទូទាំងពិភពលោក និងបានគោរពជម្រាបជូនសម្ដេច អំពីដំណើរទស្សនកិច្ចរបស់ឯកឧត្តមមកកាន់កម្ពុជាដែលបានជួបជាមួយថ្នាក់ដឹកនាំនានា ជាពិសេសដើម្បីពង្រឹង និងពង្រីកកិច្ចសហប្រតិបត្តិការលើវិស័យការពារជាតិនៃប្រទេសទាំង២។ជាការឆ្លើយតប សម្ដេចតេជោបានថ្លែងអំណរគុណ និងសម្ដែងនូវការគាំទ្រចំពោះកិច្ចពិភាក្សាជាមួយនឹងឯកឧត្តម វង្ស ពិសេន និងឯកឧត្តម ហ៊ុន ម៉ាណែត ចំពោះអ្វីដែលបានលើកឡើង ហើយសម្តេចក៏បានលើកទឹកចិត្តឱ្យកងទ័ពទាំងពីរ ជាមួយនឹងកិច្ចសហប្រតិបត្តិការដែលមានស្រាប់ ត្រូវយកចិត្តទុកដាក់ជាពិសេសលើការហ្វឹកហ្វឺនរួមគ្នាក្នុងការសង្គ្រោះបន្ទាន់ នូវគ្រោះមហន្តរាយនិងទប់ស្កាត់អំពើភេរវកម្ម៕ អត្ថបទ៖ មុត សុត

ប្រមុខអង្គការសហប្រជាជាតិប្ដេជ្ញាជួយគាំទ្រប្រជាពលរដ្ឋអ៊ុយក្រែន និងបញ្ចប់សង្គ្រាមរុស្ស៊ី

អ៊ុយក្រែន៖ ប្រមុខអង្គការសហប្រជាជាតិលោក Antonio Guterres បានប្ដេជ្ញាថា អង្គការពិភពលោកមួយនេះនឹងមិនបោះបង់ចោលគោលបំណង បញ្ចប់សង្គ្រាមរបស់រុស្ស៊ីនៅប្រទេសអ៊ុយក្រែនឡើយ និងបង្កើនការគាំទ្រដល់ប្រជាជនអ៊ុយក្រែន អំឡុងដំណើរទស្សនកិច្ចរបស់លោកនៅក្នុងទីក្រុង Kyiv កាលពីថ្ងៃព្រហស្បតិ៍។ អំឡុងសន្និសីទសារព័ត៌មានរួមគ្នាជាមួយប្រធានាធិបតីអ៊ុយក្រែនលោក Volodymyr Zelenskyy លោក Guterres បានថ្លែងថា សង្គ្រាមត្រូវតែបញ្ចប់ ហើយសន្តិភាពត្រូវតែត្រូវបានបង្កើតឡើងស្របតាមធម្មនុញ្ញអង្គការសហប្រជាជាតិ និងច្បាប់អន្តរជាតិ។ មេដឹកនាំទាំង២ បានជួបពិភាក្សាគ្នារយៈពេលជាង ៩០នាទីកាលពីថ្ងៃព្រហស្បតិ៍នៅការិយាល័យរបស់លោក Zelenskyy នៅក្នុងទីក្រុង Kyiv។ ប្រមុខអង្គការសហប្រជាជាតិបាននិយាយថា លោកនៅទីនេះដើម្បីផ្ដោតលើមធ្យោបាយដែលអង្គការសហប្រជាជាតិ អាចពង្រីកការគាំទ្រដល់ប្រជាជនអ៊ុយក្រែន ដោយការជួយសង្គ្រោះអាយុជីវិតកាត់បន្ថយទុក្ខវេទនា និងជួយស្វែងរកផ្លូវនៃសន្តិភាព។លោកចង់ឲ្យប្រជាជនអ៊ុយក្រែនដឹងថា ពិភពលោកបានមើលឃើញបានលឺសំឡេងរបស់អ្នកទាំងអស់គ្នា ហើយពិភពលោកនេះកំពុងស្ញប់ស្ញែងភាពអត់ធ្មត់ និងដំណោះស្រាយរបស់អ្នកទាំងអស់គ្នា។ លោក Antonio Guterres បានអំពាវនាវឲ្យមានគណនេយ្យភាព បន្ទាប់ពីធ្វើដំណើរទៅកាន់តំបន់រងការបំផ្លិចបំផ្លាញនានាជិតរដ្ឋធានី Kyiv របស់អ៊ុយក្រែន ជាទីដែលរុស្ស៊ីត្រូវបានចោទប្រកាន់ពីបទប្រព្រឹត្តឧក្រិដ្ឋកម្មសង្គ្រាម៕ អត្ថបទ៖ សុខមាន

ទីក្រុង Moscow ព្រមានលោកខាងលិចកុំឲ្យសាកល្បងភាពអំណត់របស់រុស្ស៊ីនៅក្នុងជម្លោះអ៊ុយក្រែន

រុស្ស៊ី៖ ប្រទេសរុស្ស៊ីកាលពីថ្ងៃព្រហស្បតិ៍បានព្រមានលោកខាងលិចថា នឹងមានការឆ្លើយតបដោយយោធាដ៏ខ្លាំងក្លាទៅកាន់ការវាយប្រហារណាមួយបន្ថែមទៀតមកលើដែនដីរបស់រុស្ស៊ី ដោយចោទប្រកាន់សហរដ្ឋអាមេរិក និងសម្ព័ន្ធមិត្តសំខាន់ៗរបស់ខ្លួនពីបទចេញមុខញុះញង់ដោយបើកចំហរ ឲ្យអ៊ុយក្រែនវាយប្រហារមកលើប្រទេសរុស្ស៊ី។ អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បាននិយាយថា ប្រទេសរុស្ស៊ីនឹងមិនពិចារណាពីវត្តមានរបស់ទីប្រឹក្សាបរទេសឡើយ នៅពេលការវាយប្រហារសងសឹកចូលមកដល់។ ថ្លែងនៅឯសន្និសីទសារព័ត៌មានប្រចាំសប្ដាហ៍ចេញពីក្រុង Moscow លោកស្រី Zakharova បានទទួលស្គាល់ថា ការវាយប្រហាររបស់អ៊ុយក្រែនលើដឹកដីរបស់រុស្ស៊ីបានបណ្ដាលឲ្យមានមនុស្សរងរបួស និងការបំផ្លិចបំផ្លាញ ប៉ុន្តែពុំបាននិយាយពីការវាយប្រហារលើទីតាំងស្តុកប្រេងក្នុងតំបន់ Bryansk ស្ថិតនៅចម្ងាយ ១០០ម៉ាយល៍ពីព្រំដែននោះទេ។លោកស្រី Zakharova បានបន្ថែមថា សកម្មភាពឧក្រិដ្ឋកម្មបែបនេះ ប្រព្រឹត្តដោយកងកម្លាំងប្រដាប់អាវុធអ៊ុយក្រែនមកលើទឹកដីរុស្ស៊ី នៅតែជារឿងនៅស្ងៀមមិនឆ្លើយតបបានទេ យើងចង់ឲ្យទីក្រុង Kyiv និងបណ្ដាប្រទេសលោកខាងលិចស្ដាប់សេចក្ដីថ្លែងការណ៍ របស់ក្រសួងការបរទេសរបស់យើងឲ្យបានច្បាស់ថា សកម្មភាពបង្ករឿងដែលចេះតែបន្តរបស់អ៊ុយក្រែន ដើម្បីវាយប្រហារប្រឆាំងរុស្ស៊ីនឹងទទួលបានត្រឡប់ទៅវិញ នូវការឆ្លើយតបដ៏ធ្ងន់ធ្ងរពីរុស្ស៊ី ហើយក្រុមទីប្រឹក្សាមកពីបណ្ដាប្រទេសលោកខាងលិច ដែលកំពុងស្ថិតនៅចំណុចកណ្ដាលនៃការសម្រេចចិត្តរបស់អ៊ុយក្រែន ក៏នឹងត្រូវប្រឈមនឹងសកម្មភាពសងសឹករបស់រុស្ស៊ីដូចគ្នាផងដែរ។ យើងមិនណែនាំឲ្យមានការសាកល្បងភាពអំណត់របស់យើងបន្ថែមទៀតនោះទេ៕អត្ថបទ៖ សុខមាន

ស.ស.យ.ក នឹងបើកសិក្ខាសាលាជាស៊េរីវគ្គទី៤ ជំរុញសហគ្រិនភាពយុវជនខ្មែរ

ភ្នំពេញ៖ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា នឹងអញ្ជើញជាអធិបតីភាព ក្នុងសិក្ខាសាលាជាស៊េរីវគ្គទី៤ ស្តីពី ការជំរុញសហគ្រិនភាពជាយុវជនក្រោមប្រធានបទ “ការយល់ដឹងពីវិទ្យាសាស្ត្រ និងបច្ចេកវិទ្យា(STEM) ក្នុងការជំរុញសហគ្រិនភាព” នៅថ្ងៃទី០៥ ខែឧសភា ឆ្នាំ២០២២ខាងមុខនេះ។ សិក្ខាសាលានេះធ្វើឡើងក្នុងគោលបំណងជំរុញ និងលើកទឹកចិត្តដល់យុវជន សិស្ស និស្សិត និងសាធារណៈជនដូចខាងក្រោម៖- ជំរុញគោលនយោបាយរបស់រាជរដ្ឋាភិបាលក្នុងការអភិវឌ្ឍធនធានមនុស្សតាមរយៈ STEM- ការប្រើប្រាស់វិធីសាស្ត្រ STEM នៅក្នុងការសិក្សា- អត្ថប្រយោជន៍របស់ STEM សម្រាប់ក្រុមហ៊ុន រោងចក្រ សហគ្រាស- យល់ដឹងអំពី STEM នៅក្នុងយុគសម័យសេដ្ឋកិច្ចឌីជីថល- ការអនុវត្ត STEM នៅក្នុងអាជីវកម្ម និងសហគ្រិនភាព- បទពិសោធន៍ បញ្ហាប្រឈម និងដំណោះស្រាយក្នុងការសិក្សា និងអនុវត្តជំនាញ STEM ។

បណ្ដាញសង្គម

ព័ត៌មានថ្មីៗ

ក្រសួងឧស្សាហកម្មបើកយុទ្ធនាការអភិវឌ្ឍន៍សហគ្រាស និងអនុលោមភាពផលិតផល លើកកម្ពស់ សហគ្រាសក្នុងស្រុក

រលករញ្ជួយកម្រិត ៤,៦រ៉ិចទ័រ បានអង្រួនទីក្រុង Caracas ខណៈប្រតិបត្តិការរុករកបន្តសម្រាប់អ្នករស់រាន

ប៉ូឡូញបញ្ជាទិញនាវាមុជទឹក ៣គ្រឿងពីក្រុមហ៊ុន Saab របស់ស៊ុយអែត ក្នុងតម្លៃជាង ៤,៨ពាន់លានដុល្លារ

ទីក្រុងគីវរបស់អ៊ុយក្រែនមើលឃើញសីតុណ្ហភាពកើនឡើងដល់ ៣៤អង្សាសេ ខណៈរលកកម្តៅវាយប្រហារអឺរ៉ុប

កង្វះខាតប្រេងជំរុញឲ្យពលរដ្ឋរស់នៅទីក្រុង Rostov របស់រុស្ស៊ី ដើរទៅធ្វើការ ឬឈប់ធ្វើការ

ពលរដ្ឋហ្កាហ្សារៀបចំពិធីបុណ្យសពសម្រាប់ជនប៉ាឡេស្ទីនត្រូវបានសម្លាប់នៅក្នុងការវាយប្រហាររបស់អ៊ីស្រាអែលជន

មនុស្ស ៣ស្លាប់ ក្រោយជញ្ជាំងស្ថិតក្រោមការសាងសង់បាក់រលំនៅភាគពាយ័ព្យប្រទេសឥណ្ឌា

លោក Macronជួបស្តេចស៊ូតង់អូម៉ង់ នៅទីក្រុងប៉ារីសជាទីដែលរដ្ឋាភិបាលទាំង ២ចុះហត្ថលេខាកិច្ចព្រមព្រៀងសហប្រតិបត្តិការ

វិមានក្រឹមឡាំង៖ គោលជំហររបស់រុស្ស៊ីចំពោះលក្ខខណ្ឌកិច្ចព្រមព្រៀងសន្តិភាពអ៊ុយក្រែនមិនផ្លាស់ប្តូរចាប់តាំងពីឆ្នាំ ២០២៤

តំបន់ភាគអាគ្នេយ៍អឺរ៉ុបមានអារម្មណ៍ថា រងឥទ្ធិពលពីរលកកម្តៅ ខណៈភ្លើងឆេះព្រៃឆាបឆេះឡើង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

លោក ហ៊ុន ម៉ាណែត ៖ សន្តិភាពមានតម្លៃដ៏លើសលប់នៅពេលសង្រ្គាមចាប់ផ្តើមកើតទ្បើង

លោក Biden ច្រានចោលគំនិតថា សង្គ្រាមអ៊ុយក្រែនអាចក្លាយជាជម្លោះតំណាងរវាងរុស្ស៊ី-អាមេរិក

លោក Zelenskyy និយាយថា មីស៊ីលវាយប្រហារក្រុងគីវ បន្ទាប់ពីជំនួបជាមួយប្រមុខ UN

មន្ត្រីជាន់ខ្ពស់វិមានក្រឹមឡាំងនិយាយថា រុស្ស៊ីគ្មានជម្រើសក្រៅពីការប្រើអាវុធនុយក្លេអ៊ែរទេ

ប្រមុខសម្ព័ន្ធយោធាណាតូត្រៀមខ្លួនគាំទ្រអ៊ុយក្រែនរយៈពេលច្រើនឆ្នាំក្នុងសង្គ្រាមប្រឆាំងរុស្ស៊ី

កងទ័ពជប៉ុន និងកម្ពុជាបានប្តេជ្ញាពង្រឹងពង្រីកកិច្ចសហប្រតិបត្តិការបន្ថែមទៀតលើវិស័យការពារជាតិ

ប្រមុខអង្គការសហប្រជាជាតិប្ដេជ្ញាជួយគាំទ្រប្រជាពលរដ្ឋអ៊ុយក្រែន និងបញ្ចប់សង្គ្រាមរុស្ស៊ី

ទីក្រុង Moscow ព្រមានលោកខាងលិចកុំឲ្យសាកល្បងភាពអំណត់របស់រុស្ស៊ីនៅក្នុងជម្លោះអ៊ុយក្រែន

ស.ស.យ.ក នឹងបើកសិក្ខាសាលាជាស៊េរីវគ្គទី៤ ជំរុញសហគ្រិនភាពយុវជនខ្មែរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លោក ហ៊ុន ម៉ាណែត ៖ សន្តិភាពមានតម្លៃដ៏លើសលប់នៅពេលសង្រ្គាមចាប់ផ្តើមកើតទ្បើង

លោក Biden ច្រាន​ចោល​គំនិត​ថា សង្គ្រាម​អ៊ុយក្រែន​អាច​ក្លាយ​ជា​ជម្លោះ​តំណាង​រវាង​រុស្ស៊ី-អាមេរិក​

លោក ​Zelenskyy ​និយាយ​ថា មី​ស៊ី​ល​វាយប្រហារ​ក្រុង​គី​វ បន្ទាប់ពី​ជំនួប​ជាមួយ​ប្រមុខ​ UN

កងទ័ពជប៉ុន និងកម្ពុជា​បានប្តេជ្ញាពង្រឹងពង្រីកកិច្ចសហប្រតិបត្តិការបន្ថែមទៀត​លើវិស័យការពារជាតិ

ប្រមុខ​អង្គការសហប្រជាជាតិ​ប្ដេជ្ញា​ជួយ​គាំទ្រ​ប្រជាពលរដ្ឋ​អ៊ុយ​ក្រែ​ន និង​បញ្ចប់​សង្គ្រាម​រុស្ស៊ី

ទីក្រុង Moscow ព្រមាន​លោក​ខាង​លិច​កុំ​ឲ្យ​សាកល្បង​ភាព​អំណត់​របស់​រុស្ស៊ី​នៅ​ក្នុង​ជម្លោះ​អ៊ុយ​ក្រែ​ន​

ស.ស.យ.ក នឹងបើកសិក្ខាសាលាជាស៊េរីវគ្គទី៤ ជំរុញសហគ្រិនភាពយុវជនខ្មែរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោក Biden ច្រានចោលគំនិតថា សង្គ្រាមអ៊ុយក្រែនអាចក្លាយជាជម្លោះតំណាងរវាងរុស្ស៊ី-អាមេរិក

លោក Zelenskyy និយាយថា មីស៊ីលវាយប្រហារក្រុងគីវ បន្ទាប់ពីជំនួបជាមួយប្រមុខ UN

កងទ័ពជប៉ុន និងកម្ពុជាបានប្តេជ្ញាពង្រឹងពង្រីកកិច្ចសហប្រតិបត្តិការបន្ថែមទៀតលើវិស័យការពារជាតិ

ប្រមុខអង្គការសហប្រជាជាតិប្ដេជ្ញាជួយគាំទ្រប្រជាពលរដ្ឋអ៊ុយក្រែន និងបញ្ចប់សង្គ្រាមរុស្ស៊ី

ទីក្រុង Moscow ព្រមានលោកខាងលិចកុំឲ្យសាកល្បងភាពអំណត់របស់រុស្ស៊ីនៅក្នុងជម្លោះអ៊ុយក្រែន