BTV NEWS

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញសួរសុខទុក្ខ ឯកឧត្តមកិត្តិនីតិកោសលបណ្ឌិត អ៊ឹម ឈុនលឹម និងលោកជំទាវ រស់ សូយឿ

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

សម្ដេចតេជោ និងសម្ដេចធិបតី អបអរសាទរខួបលើកទី៧៥ កម្ពុជា ចូលជាសមាជិកអង្គការយូណេស្កូ

ព័ត៌មានសំខាន់ៗ

នាយករដ្ឋមន្ត្រីបណ្ដោះអាសន្នស៊ូដង់ត្រូវចាប់ខ្លួនក្នុងភាពរំជើបរំជួលទំនងជារដ្ឋប្រហារយោធា

ស៊ូដង់៖ ក្រសួងព័ត៌មានរបស់ប្រទេសនេះបាននិយាយថា កងកម្លាំងយោធាបានចាប់ឃុំខ្លួននាយករដ្ឋមន្ត្រីបណ្ដោះអាសន្នស៊ូដង់លោក Abdalla Hamdok និងមន្ត្រីជាន់ខ្ពស់រដ្ឋាភិបាលមួយចំនួនទៀតនៅថ្ងៃចន្ទនេះ។ក្រុមអ្នកតវ៉ាស៊ូដង់ជាច្រើនបានប្រមូលផ្ដុំគ្នានៅតាមផ្លូវនានានៃទីក្រុងកាទូម (Khartoum) នៅថ្ងៃចន្ទនេះ ក្រោយក្រុមគាំទ្រប្រជាធិបតេយ្យដ៏សំខាន់របស់ប្រទេសនេះ អំពាវនាវឲ្យប្រជាពលរដ្ឋប្រឆាំងនឹងសកម្មភាពដែលទំនងជារដ្ឋប្រហារយោធា។ ក្រសួងនេះបាននិយាយថា បណ្ដាញ internet ត្រូវបានកាត់ផ្ដាច់ ហើយកងកម្លាំងយោធាបានបិទស្ពាននានា។ គណបក្ស Umma ដែលជាគណបក្សនយោបាយធំជាងគេបំផុតរបស់ប្រទេសនេះ បានហៅការចាប់ខ្លួននេះថាជាការប៉ុនប៉ងធ្វើរដ្ឋប្រហារ និងបានអំពាវនាវឲ្យប្រជាពលរដ្ឋចេញតវ៉ាប្រឆាំង។ ការដណ្ដើមកាន់កាប់អំណាចដោយយោធា នឹងក្លាយជាការទាញប្រទេសស៊ូដង់ឲ្យដើរថយក្រោយ ដែលបានព្យាយាមផ្លាស់ប្ដូរទៅជារបបដឹកនាំបែបលទ្ធិពលធិបតេយ្យ ចាប់តាំងពីរបបមេដឹកនាំលោក Omar al-Bashir ត្រូវបានផ្ដួលរំលំដោយការតវ៉ាទ្រង់ទ្រាយធំ។ ការចាប់ខ្លួនមន្ត្រីជាន់ខ្ពស់នៅថ្ងៃចន្ទនេះមានឡើង បន្ទាប់ពីភាពតានតឹងរយៈពេលជាច្រើនសប្ដាហ៍រវាងជនស៊ីវិល និងក្រុមមេដឹកនាំយោធាស៊ូដង់៕អត្ថបទ៖ សុខមាន

មហាក្សត្រ Sultan របស់ប្រ៊ុយណេបើកជំនួបកំពូលអាស៊ានតាមវីដេអូ

ប្រ៊ុយណេ៖ ព្រះមហាក្សត្រប្រ៊ុយណេ Sultan Hassanal Bolkiah ទ្រង់បានធ្វើជាព្រះរាជាធិបតីក្នុងការបើកជំនួបកំពូល នៃសមាគមប្រជាជាតិអាស៊ីអាគ្នេយ៍នៅថ្ងៃចន្ទនេះតាម Video Conference។ ការបើកកម្មវិធីរបស់ព្រះអង្គពុំបានលើកឡើងពីបញ្ហានានា ទាក់ទងនឹងឧត្ដមសេនីយ៍ជាន់ខ្ពស់របស់សហភាពមីយ៉ាន់ម៉ាដែលត្រូវបានដកឈ្មោះចេញពីជំនួបនេះទេ តែទ្រង់បានផ្ដោតលើការពិភាក្សាពីភាពធូរស្រាលពីវីរុសរាតត្បាតសកល COVID-19 និងការឆ្ពោះទៅមុខជាមួយនឹងការរួបរួមគ្នា។ព្រះអង្គមានព្រះរាជបន្ទូលថា ក្នុងការប្រយុទ្ធប្រឆាំងនឹងវិបត្តិនេះវាសំខាន់ជាងអាស៊ាន និងដៃគូរផ្ទាល់របស់ខ្លួនដើម្បីពង្រឹងសាមគ្គីភាព និងកិច្ចសហប្រតិបត្តិការ។ ឧត្ដមសេនីយ៍ជាន់ខ្ពស់របស់សហភាពមីយ៉ាន់ម៉ា ដែលកងកម្លាំងរបស់ខ្លួនបានដណ្ដើមអំណាចកាលពីខែកុម្ភៈ និងបានប៉ះពាល់ដល់ការផ្លាស់ប្ដូរប្រជាធិបតេយ្យដ៏ធំបំផុតមួយរបស់អាស៊ី ត្រូវបានដកចេញមិនឲ្យចូលរួមដោយសារតែការបដិសេធមិនចាត់វិធានការ បញ្ចប់អំពើហិង្សាដ៏បង្ហូរឈាមដែលប្រទេសនេះកំពុងជួបប្រទះនាពេលបច្ចុប្បន្ន។សហភាពមីយ៉ាន់ម៉ាដឹកនាំដោយរបបសឹកបានតវ៉ាយ៉ាងដាច់ណាត់ ប្រឆាំងនឹងការដកឈ្មោះឧត្ដមសេនីយ៍ជាន់ខ្ពស់ Min Aung Hlaing ដែលដឹកនាំរដ្ឋាភិបាល និងគ្រប់គ្រងក្រុមប្រឹក្សាយោធាបច្ចុប្បន្នមិនឲ្យចូលរួមជំនួបនោះ។ អាស៊ានពុំបានទទួលស្គាល់មេដឹកនាំយោធាទេ បើទោះបីជាសហភាពមីយ៉ាន់ម៉ានៅតែជាសមាជិកក៏ដោយ។ គួរឲ្យដឹងថា ប្រទេសប្រ៊ុយណេដែលបច្ចុប្បន្នដឹកនាំប្លុកប្រទេសជាសមាជិកទាំង១០ នឹងធ្វើជាម្ចាស់ផ្ទះនៃជំនួបរយៈពេល ៣ថ្ងៃតាមវីដេអូដោយសារក្ដីបារម្ភពីការឆ្លងរាតត្បាតវីរុសកូរ៉ូណានៅតែបន្ត៕អត្ថបទ៖ សុខមាន

ការប៉ះទង្គិចគ្នា និងការបាញ់ឧស្ម័នបង្ហៀរទឹកភ្នែកជុំវិញការបិទព្រំដែនរវាងអាហ្វហ្គានីស្ថាន និងប៉ាគីស្ថាន

ប៉ាគីស្ថាន៖ មនុស្សរាប់រយនាក់ភាគច្រើនជាជនជាតិអាហ្វហ្គានីស្ថាន នៅតែបន្តនាំគ្នាតវ៉ាកាលពីថ្ងៃអាទិត្យជុំវិញការបិទព្រំដែន Chaman ឆ្លងកាត់រវាងប្រទេសប៉ាគីស្ថាន និងអាហ្វហ្គានីស្ថាន។ កងកម្លាំងរក្សាសន្តិសុខបានបាញ់ឧស្ម័នបង្ហៀរទឹកភ្នែក ខណៈពួកគេបានប៉ះទង្គិចជាមួយជនជាតិអាហ្វហ្គានីស្ថានដែលចង់ចូលទៅអាហ្វហ្គានីស្ថានពីប៉ាគីស្ថាន ដែលបានតបតវិញដោយការគុបដុំថ្ម។ច្រកឆ្លងកាត់ព្រំដែនដ៏សំខាន់នេះត្រូវបានបិទដោយក្រុមតាលីបង់ចាប់តាំងពីថ្ងៃទី៥ ខែតុលាមក។ រដ្ឋមន្ត្រីការបរទេសប៉ាគីស្ថានបាននិយាយកាលពីថ្ងៃព្រហស្បតិ៍ថា ប្រទេសរបស់លោកនឹងនៅតែបើកច្រកជាមួយអាហ្វហ្គានីស្ថាន ២៤ម៉ោងដើម្បីជួយគាំទ្រដល់វិស័យពាណិជ្ជកម្មទ្វេភាគី និងរដ្ឋាភិបាលថ្មីដឹកនាំដោយក្រុមតាលីបង់។ លោកក៏បានប្រកាសផងដែរថា ជំនួយមនុស្សធម៌ដែលមានទំហំទឹកប្រាក់ ៥ពាន់លានរ៉ូពី (rupees) ឬស្មើនឹងប្រមាណ ២៨០លានដុល្លារអាមេរិកសម្រាប់ជួយប្រទេសអាហ្វហ្គានីស្ថាន។លោកថា ប្រទេសប៉ាគីស្ថានក៏នឹងព្យាយាមបន្តជើងហោះឡើងវិញដែរ ជាមួយរដ្ឋធានីកាប៊ុលដែលបានផ្អាកនៅក្នុងខែនេះ។ ចំណែកភាគីក្រុមតាលីបង់វិញកំពុងងាកទៅរកការរឹតបន្តឹងព្រំដែនរបស់អាហ្វហ្គានីស្ថាន ដោយការហ្វឹកហាត់នគរបាលឲ្យគ្រប់គ្រងព្រំដែនឆ្លងកាត់ទូទាំងប្រទេស។ ចំណាត់ការនេះកើតឡើងក្នុងពេលវេលាដ៏សំខាន់ ខណៈដែលក្រុមតាលីបង់ព្យាយាមពង្រឹងអំណាច និងកែប្រែក្រុមយុទ្ធជនទ័ពព្រៃរបស់ពួកគេទៅជាកងកម្លាំងនគរបាល និងកម្លាំងសន្តិសុខដែលមានរចនាសម្ព័ន្ធច្បាស់លាស់៕អត្ថបទ៖ សុខមាន

ទីបំផុតរដ្ឋសភាបានសម្រេចអនុម័តសេចក្តីព្រាងច្បាប់ធម្មនុញ្ញ ជុំវិញការកំណត់សញ្ជាតិខ្មែរតែមួយរបស់ថ្នាក់ដឹកនាំកំពូលជាតិចំនួន៤រូប ដូចជា ប្រធានព្រឹទ្ធសភា ប្រធានរដ្ឋសភា នាយករដ្ឋមន្រ្តី និងប្រធានក្រុមប្រឹក្សាធម្មនុញ្ញ សំដៅធានានូវដំណើរការជាប្រក្រតីនៃស្ថាប័នជាតិ

រដ្ឋសភាបានសម្រេចអនុម័តសេចក្តីព្រាងច្បាប់ធម្មនុញ្ញ ស្តីពី វិសោធនកម្មមាត្រា១៩ថ្មី មាត្រា៨២ថ្មី មាត្រា១០៦ថ្មី(មួយ) មាត្រា១១៩ថ្មី និងមាត្រា១៣៧ថ្មី មាត្រា៣ និងមាត្រា៤ នៃច្បាប់ធម្មនុញ្ញជុំវិញការកំណត់សញ្ជាតិខ្មែរតែមួយរបស់ថ្នាក់ដឹកនាំកំពូលជាតិចំនួន៤រូប ដូចជា ប្រធានព្រឹទ្ធសភា ប្រធានរដ្ឋសភា នាយករដ្ឋមន្រ្តី និងប្រធានក្រុមប្រឹក្សាធម្មនុញ្ញ សំដៅធានានូវដំណើរការជាប្រក្រតីនៃស្ថាប័នជាតិ។ ការសម្រេចអនុម័តរបស់រដ្ឋសភា មានសំឡេងគាំទ្រពីសមាជិក-សមាជិការដ្ឋសភាចំនួន១១១/១១១សំឡេង ក្នុងសម័យប្រជុំរដ្ឋសភា នៅថ្ងៃទី២៥ ខែតុលា ឆ្នាំ២០២១នេះ។

សម្តេចតេជោ ហ៊ុន សែន ផ្ញើសារអបអរសាទរខួប៣០ឆ្នាំនៃកិច្ចព្រមព្រៀងទីក្រុងប៉ារីស

ភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានផ្ញើអបអរសាទរខួប ៣០ឆ្នាំនៃកិច្ចព្រមព្រៀងសន្តិភាពក្រុងប៉ារីស២៣ តុលា ដោយកិច្ចព្រមព្រៀងនេះ មានការចុះ ហត្ថលេខាប្រទេសចំនួន១៨ ដើម្បីដោះស្រាយនយោបាយនៅកម្ពុជានោះ។ តាមរយៈហ្វេសបុកផ្ទាល់របស់សម្តេចតេជោ ហ៊ុន សែន បានលើកឡើងថា ថ្ងៃទី២៣ ខែតុលា ឆ្នាំ២០២១នេះ គឺជាខួប ៣០ឆ្នាំ (២៣តុលា ១៩៩១-២៣តុលា ២០២១) នៃកិច្ចព្រមព្រៀងសន្តិភាព ទីក្រុងប៉ារីស។ ៣០ឆ្នាំមុន ពោលគឺនៅថ្ងៃទី២៣ តុលា ឆ្នាំ១៩៩១ ភាគីទាំង៤ របស់កម្ពុជារួមមាន សម្តេចតេជោ ហ៊ុន សែន តំណាងអោយរដ្ឋាភិបាលកម្ពុជា ចលនាតស៊ូហ៊្វុនស៊ីនប៉ិច ដែលតំណាងដោយសម្តេចព្រះ នរោត្តម សីហនុ និងសម្តេចក្រុមព្រះ នរោត្តម រណប្ញទ្ឋិ រណសិរ្សជាតិរំដោះប្រជាពលរដ្ឋខ្មែរ ដែលតំណាងដោយ លោក សឺន សាន និង ក្រុមចលនាកម្ពុជាប្រជាធិបតេយ្យ(ប៉ុលពត) តំណាងដោយ លោក ខៀវ សំផន បានឈានទៅចុះហត្ថលេខា លើកិច្ចព្រមព្រៀងសន្តិភាព នៅទីក្រុងប៉ារីស ប្រទេសបារាំង ក្រោមវត្តមានសាក្សីមកពី១៨ប្រទេស រួមទាំងអគ្គលេខាធិការអង្គការសហប្រជាជាតិ (UN) ផងដែរ ដើម្បីបញ្ចប់សង្រ្គាមស៊ីវិលនៅកម្ពុជា។ សម្តេចតេជោបានបន្តទៀតថា«មុននឹងឈានមកដល់កិច្ចព្រមព្រៀងនាទីក្រុងប៉ារីស ២៣ តុលា គឺសម្តេចតេជោ ហ៊ុន សែន បានជួបពិភាក្សាដំបូងបំផុតជាមួយ អតីតព្រះមហាក្សត្រខ្មែរ សម្តេចព្រះនរោត្តម សីហនុ នៅថ្ងៃទី០២ ខែធ្នូ ឆ្នាំ១៩៨៧ នៅហ្វីអង់តាដឺន័ (FERE-EN-TARDENOIS) នៅប្រទេសបារាំង ដែលការចរចានេះ មានសេចក្តីប្រកាសរួមឡាយព្រះហស្តលេខាដោយ សម្តេចព្រះ នរោត្តម សីហនុ និង សម្តេចតេជោ ហ៊ុន សែន ដែលហៅថា (ជំនួបចរចា សីហនុ-ហ៊ុន សែន នៅ FERE-EN-TARDENOIS ថ្ងៃទី០២-០៤ ខែធ្នូ ឆ្នាំ១៩៨៧)។ ហើយបន្ទាប់មកក៏មានកិច្ចចរចាបន្តរវាង សីហនុ-ហ៊ុន សែន លើកទី ២ ប្រព្រឹត្តឡើងនៅថ្ងៃទី២០-២១ ខែមករា ឆ្នាំ១៩៨៨ នៅ SAINT-GERMAIN-EN-LAYE ប្រទេសបារាំង និងនៅទីកន្លែងផ្សេងៗមួយចំនួនទៀត»។ យ៉ាងណាក៏ដោយសម្តេចតេជោ ហ៊ុន សែន ក៏បានបញ្ជាក់បន្ថែមផងដែរថាទោះបីមានកិច្ចព្រមព្រៀងសន្តិភាពប៉ារីស ២៣ តុលា ១៩៩១ក៏ពិតមែន ប៉ុន្តែសង្រ្គាមស៊ីវិលនៅកម្ពុជា នៅបន្តដែលបង្កដោយភាគីកម្ពុជាប្រជាធិបតេយ្យ (ប៉ុលពត)។ ក្រោមនយោបាយ ឈ្នះ-ឈ្នះ របស់សម្តេចតេជោ ហ៊ុន សែន គឺបានបញ្ចប់សង្រ្គាមស៊ីវិលទាំងស្រុង នៅឆ្នាំ១៩៩៨ ដែលកម្ពុជាទូទាំងប្រទេស បានស្គាល់នូវសន្តិភាពពេញលេញ និងសំបូរសប្បាយរហូតមកដល់សព្វថ្ងៃ៕អត្ថបទបាន ចក់រូបភាព(ហ្វេសបុកសម្តេច និងរូបភាពឯកសារកិច្ចព្រមព្រៀងទីក្រុងប៉ារីស)

ផ្ទុះរោងចក្រផលិតម្សៅរំសេវគ្រាប់កាំភ្លើងនៅរុស្ស៊ីស្លាប់មនុស្ស ១៦នាក់

រុស្ស៊ី៖ មន្ត្រីបាននិយាយថា ការផ្ទុះ និងភ្លើងឆាបឆេះរោងចក្រផលិតរំសេវគ្រាប់កាំភ្លើង នៅប្រទេសរុស្ស៊ីកាលពីថ្ងៃសុក្របណ្តាលឲ្យមនុស្ស ១៦នាក់ស្លាប់។ ការផ្ទុះនេះបានកើតឡើងនៅរោងចក្រ Elastik ក្នុងតំបន់ Ryazan ចម្ងាយ ២៧០គីឡូម៉ែត្រភាគអាគ្នេយ៍ទីក្រុងម៉ូស្គូ។ប្រធានស្តីទីនៃក្រសួងការពារជនស៊ីវិល គ្រាអាសន្ន និងលុបបំបាត់ផលវិបាកគ្រោះមហន្តរាយធម្មជាតិរបស់សហព័ន្ធរុស្ស៊ី លោក Alexander Chupriyan បានមកដល់កន្លែងកើតហេតុហើយបាននិយាយថា ការគំរាមកំហែងនេះត្រូវបានគ្រប់គ្រង។ ដំបូងឡើយក្រុមមន្ត្រីបាននិយាយថា ការផ្ទុះនេះបានបណ្តាលឲ្យមនុស្ស ៧នាក់ស្លាប់ និងបាត់ខ្លួន ៩នាក់ ប៉ុន្តែប៉ុន្មានម៉ោងក្រោយមកបានប្រកាសថា អ្នកបាត់ខ្លួនទាំងអស់បានស្លាប់។ ក្រសួងបាននិយាយថា បុគ្គលិកសង្គ្រោះបន្ទាន់ ១៧០នាក់ និងរថយន្តសង្គ្រោះ ៥០គ្រឿងបានចូលរួមក្នុងការជួយសង្គ្រោះគ្រោះអគ្គិភ័យនេះ។ ក្រសួងគ្រប់គ្រងស្ថានការណ៍គ្រាអាសន្ននិយាយថា ការផ្ទុះបានកើតឡើងក្នុងអំឡុងពេលដំណើរការផលិតរំសេវ៕អត្ថបទ៖ ប៊ុនថន

WHO ព្រមានថា វីរុសរាតត្បាតសកល COVID-19 នឹងអូសបន្លាយដល់ឆ្នាំ២០២២

WHO៖ អង្គការសុខភាពពិភពលោកនិយាយថា វីរុសរាតត្បាតសកល COVID-19 នឹងបន្តអូសបន្លាយរយៈពេលមួយឆ្នាំទៀតដោយសារតែបណ្ដាប្រទេសក្រីក្រនានា មិនទាន់ទទួលបានវ៉ាក់សាំងគ្រាប់គ្រាន់តាមតម្រូវការនៅឡើយ។ លោកវេជ្ជបណ្ឌិត Bruce Aylward មេដឹកនាំជាន់ខ្ពស់នៅអង្គការសុខភាពពិភពលោកបាននិយាយថា វាមានន័យថា វិបត្តិ COVID-19 នេះនឹងបន្តអូសបន្លាយឈានចូលឆ្នាំ២០២២ យ៉ាងងាយបំផុត។តិចជាង ៥% នៃប្រជាជននៅអាហ្វ្រិកបានទទួលវ៉ាក់សាំង បើធៀបទៅនឹងចំនួន ៤០% នៅលើទ្វីបផ្សេងទៀត។ ចក្រភពអង់គ្លេសបានបញ្ជូនវ៉ាក់សាំងជាង ១០ដូសទៅកាន់ប្រទេសជាច្រើន។ ចក្រភពមួយនេះសន្យាថានឹងផ្ដល់វ៉ាក់សាំងសរុបចំនួន ១០០លានដូស។ លោកវេជ្ជបណ្ឌិត Aylward បានអំពាវនាវដល់ប្រទេសអ្នកមានឲ្យបោះបង់ចោលការបញ្ជាទិញវ៉ាក់សាំងស្តុកទុក ដើម្បីឱ្យក្រុមហ៊ុនផលិតវ៉ាក់សាំងនានាអាចផ្ដល់អាទិភាពដល់ប្រទេសដែលមានប្រាក់ចំណូលទាបបំផុត មានឱកាសទទួលបានវ៉ាក់សាំងផ្គត់ផ្គង់ដល់ពលរដ្ឋរបស់ខ្លួន ៕អត្ថបទ៖ សុខមាន

សហរដ្ឋអាមេរិក និងសហភាពអឺរ៉ុបថ្កោលទោសការបាញ់មីស៊ីលចេញពីនាវាមុជទឹករបស់កូរ៉េខាងជើង

អាមេរិក៖ សហរដ្ឋអាមេរិក អង់គ្លេស និងបារាំងបានបញ្ជាក់កាលពីថ្ងៃពុធ ទី២០ ខែតុលាដល់អង្គការសហប្រជាជាតិថា ប្រទេសកូរ៉េខាងជើងបានធ្វើឱ្យមានការរីកចម្រើននៅក្នុងកម្មវិធីអាវុធរបស់ខ្លួន បន្ទាប់ពីការបាញ់មីស៊ីលបាលីស្ទីកចេញពីនាវាមុជទឹក។ ថ្លែងទៅកាន់ប្រព័ន្ធផ្សព្វផ្សាយ មុនកិច្ចប្រជុំក្រុមប្រឹក្សាសន្តិសុខបិទទ្វារដែលត្រូវបានកោះប្រជុំបន្ទាន់ដោយទីក្រុងវ៉ាស៊ីនតោន និងទីក្រុងឡុងដ៍ ឯកអគ្គរដ្ឋទូតនៃបណ្តារដ្ឋលោកខាងលិចទាំងអស់ បានថ្កោលទោសចំពោះការបាញ់កាលពីមួយថ្ងៃមុនថាជា “សកម្មភាពការបង្កហេតុ” ថ្មីមួយ។ដោយមិននិយាយពីការដាក់ទណ្ឌកម្មថ្មីដែលអាចធ្វើទៅបាន ឬសកម្មភាពរួមគ្នាដោយក្រុមប្រឹក្សានេះ ក្រុមឯកអគ្គរដ្ឋទូតទាំងនោះបាននិយាយថា ខ្លួននឹងអំពាវនាវឱ្យមានការដាក់ទណ្ឌកម្មអន្តរជាតិដែលមានស្រាប់ ដើម្បីឱ្យកាន់តែមានប្រសិទ្ធភាពជាងមុន។ នៅចុងបញ្ចប់នៃកិច្ចប្រជុំទាំងចិនទាំងរុស្ស៊ីដែលជាសមាជិកអចិន្ត្រៃយ៍ ២ផ្សេងទៀតនៃក្រុមប្រឹក្សាសន្តិសុខពុំបានបញ្ចេញយោបល់អ្វីទេ។ យោងតាមក្រុមអ្នកការទូតដែលនិយាយសុំមិនបញ្ចេញឈ្មោះថា គ្មានសមាជិកក្រុមប្រឹក្សាសន្តិសុខណាម្នាក់ បានស្នើឲ្យមានសេចក្តីថ្លែងការណ៍រួមពីស្ថាប័ននេះទេ។ ប្រព័ន្ធផ្សព្វផ្សាយរដ្ឋកូរ៉េខាងជើងបានរាយការណ៍នៅថ្ងៃព្រហស្បតិ៍ ទី២១ ខែតុលានេះថា កូរ៉េខាងជើងបានចោទប្រកាន់សហរដ្ឋអាមេរិកពីបទប្រើប្រាស់ស្តង់ដារ២ ជុំវិញការសាកល្បងអាវុធ បន្ទាប់ពីកិច្ចប្រជុំបន្ទាន់មួយរបស់ក្រុមប្រឹក្សាសន្តិសុខអង្គការសហប្រជាជាតិ ស្តីពីបញ្ហានេះ៕អត្ថបទ៖ សុខមាន

ទឹកជំនន់ និងបំណាក់ដីសម្លាប់មនុស្ស ១១៦នាក់នៅឥណ្ឌា និងនេប៉ាល់

ឥណ្ឌា៖ ចំនួនមនុស្សស្លាប់ដោយសារទឹកជំនន់ និងបំណាក់ដីជាច្រើនថ្ងៃនៅឥណ្ឌា និងនេប៉ាល់បានកើនឡើងដល់ ១០០នាក់កាលពីថ្ងៃពុធ រួមទាំងគ្រួសារជាច្រើនដែលត្រូវបានទឹកហូរគួច ឬបុកកំទេចលំនៅឋានរបស់ពួកគេដោយល្បប់ និងថ្ម។ ក្រុមអ្នកជំនាញនិយាយថា ពួកគេគឺជាជនរងគ្រោះដោយសារអាកាសធាតុដែលមិនអាចដឹងមុន និងហួសប្រមាណនៅទូទាំងអាស៊ីខាងត្បូងក្នុងរយៈពេលប៉ុន្មានឆ្នាំចុងក្រោយនេះ ដែលបណ្តាលមកពីបម្រែបម្រួលអាកាសធាតុ និងការកាប់បំផ្លាញព្រៃឈើកាន់តែធ្ងន់ធ្ងរ និងការអភិវឌ្ឍច្រើនហួសហេតុ។នៅរដ្ឋ Uttarakhand ភាគខាងជើងប្រទេសឥណ្ឌា ក្រុមមន្ត្រីបាននិយាយថា មនុស្ស ៤៦នាក់បានស្លាប់ក្នុងរយៈពេលប៉ុន្មានថ្ងៃចុងក្រោយនេះ ដោយក្នុងនោះមានមនុស្ស ១១នាក់បានបាត់ខ្លួន។ យ៉ាងហោចណាស់មនុស្សចំនួន ៣០នាក់បានស្លាប់នៅក្នុងឧបទ្ទវេហេតុ ៧ផ្សេងគ្នានៅតំបន់ Nainital របស់រដ្ឋនេះកាលពីព្រឹកថ្ងៃអង្គារ បន្ទាប់ពីភ្លៀងធ្លាក់ខ្លាំងដែលបង្កឱ្យមានបំណាក់ដី និងបំផ្លិចបំផ្លាញសំណង់ជាច្រើន។ មន្ត្រីក្នុងតំបន់លោក Pradeep Jain បានប្រាប់សារព័ត៌មាន AFP ថា អ្នកស្លាប់ចំនួន ៥នាក់មកពីគ្រួសារតែមួយដែលផ្ទះសម្បែងរបស់ពួកគេត្រូវបានកប់ដោយបំណាក់ដីដ៏ធំមួយ។ ក្រុមអាជ្ញាធរបានបញ្ជាឱ្យបិទសាលារៀន និងហាមឃាត់រាល់សកម្មភាពសាសនា និងទេសចរណ៍នៅក្នុងរដ្ឋនោះ៕អត្ថបទ៖ សុខមាន

ភ្លៀងធ្លាក់ខ្លាំងបានសម្លាប់មនុស្សជាង ៦០នាក់នៅប្រទេសឥណ្ឌា

ឥណ្ឌា៖ ទឹកជំនន់ និងបំណាក់ដីដោយសារតែភ្លៀងធ្លាក់ខ្លាំងបានបណ្តាលឱ្យមនុស្សជាង ៦០នាក់ស្លាប់នៅក្នុងប្រទេសឥណ្ឌា។ ទឹកលាយឡំជាមួយល្បប់បានជន់លិចផ្ទៃដីដ៏ធំនៅភាគខាងជើងរដ្ឋ Uttarakhand។ យោធា និងក្រុមអាជ្ញាធរគ្រប់គ្រងគ្រោះមហន្តរាយបានបញ្ជូនទូក និងឧទ្ធម្ភាគចក្រសម្រាប់ប្រតិបត្តិការជួយសង្គ្រោះ ប៉ុន្តែមនុស្ស ៣៤នាក់ត្រូវបានបញ្ជាក់ថាស្លាប់។ មានសេចក្តីរាយការណ៍ពីមនុស្សបាត់ខ្លួនមួយចំនួន។នៅរដ្ឋ Kerala ភាគខាងត្បូងបំណាក់ដីជាបន្តបន្ទាប់បានសម្លាប់មនុស្សយ៉ាងហោចណាស់ ២៧នាក់។ មន្ត្រីឧតុនិយមបានព្រមានថា ភ្លៀងធ្លាក់ខ្លាំងនឹងបន្តកើតមានជាច្រើនថ្ងៃទៀតនៅរដ្ឋ Kerala ហើយអាចបណ្តាលឱ្យមានការខូចខាតបន្ថែមទៀតផងដែរ។ ប្រទេសឥណ្ឌាតែងជួបគ្រោះមហន្តរាយ ដែលបង្កឡើងដោយទឹកភ្លៀងក្នុងរដូវមូសុងនៅចន្លោះខែមិថុនា និងកញ្ញា ប៉ុន្តែជំនន់ទឹកភ្លៀងក៏បានវាយប្រហារប្រទេសនេះខុសពីរដូវវស្សាក្នុងរយៈពេលប៉ុន្មានឆ្នាំចុងក្រោយនេះដែរ។ ប្រព័ន្ធផ្សព្វផ្សាយក្នុងស្រុកបានរាយការណ៍ថា បម្រែបម្រួលអាកាសធាតុអាចជាកត្តានាំឲ្យមានគ្រោះមហន្តរាយនេះកើតឡើង៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

កុមារជាង ២០០ នាក់នៅរុស្ស៊ី បានរងផលប៉ះពាល់ដោយការវាយប្រហាររបស់អ៊ុយក្រែន ចាប់ពីខែមេសា ដល់ខែមិថុនា

សហរដ្ឋអាមេរិកនឹងបញ្ចប់ការផ្តល់មូលនិធិដល់ការិយាល័យគាំទ្ររបស់UN នៅសូម៉ាលី

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញសួរសុខទុក្ខ សម្ដេចសេដ្ឋវិទូភក្ដី គាត ឈន់ និងលោកជំទាវ ឡាយ នារី គាតឈន់

មន្ត្រីនិយាយថា ការវាយប្រហាររបស់រុស្ស៊ី បានសម្លាប់មនុស្សចំនួន ៦នាក់ ក្នុងតំបន់បីផ្សេងគ្នារបស់អ៊ុយក្រែន

IAEA ព្រមានអំពីសុវត្ថិភាពនុយក្លេអ៊ែរដ៏ផុយស្រួយ បន្ទាប់ពីរោងចក្រ Zaporizhzhia ត្រូវកាត់ផ្តាច់ពី បណ្តាញអគ្គិសនីខាងក្រៅ

កិច្ចសន្យាផលិតយន្តហោះចម្បាំងរួមគ្នាត្រូវបានពង្រីកដោយប្រទេសជប៉ុន អង់គ្លេស និងអ៊ីតាលី

ក្រុមហ៊ួទីនៅយេម៉ែនអះអាងថា បានស្ទាក់ចាប់យន្តហោះចម្បាំងអារ៉ាប៊ីសាអ៊ូឌីតពីខាងលើក្រុង Sanaa

ក្រុមស្រ្តីពពោះ និងក្រោយសម្រាលកូន សម្តែងការដឹងគុណរាជរដ្ឋាភិបាលចំពោះការផ្តល់ប្រាក់ឧបត្ថម្ភបន្ថែម

រដ្ឋមន្ត្រីក្រសួងឧស្សាហកម្ម អំពាវនាវដល់អ្នកផលិត សូមកុំប្រើ Logo ក្រសួង និងចុះ ចបផ ក្លែងក្លាយលើផលិតផល

លោក Trump៖ អ៊ីរ៉ង់ចង់ដោះស្រាយជាមួយអាមេរិក ខណៈក្រុងតេអេរ៉ង់ត្រូវបានផ្តល់ពេលសម្រាប់ពិធីបុណ្យសពលោក Khamenei

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

នាយករដ្ឋមន្ត្រីបណ្ដោះអាសន្នស៊ូដង់ត្រូវចាប់ខ្លួនក្នុងភាពរំជើបរំជួលទំនងជារដ្ឋប្រហារយោធា

មហាក្សត្រ Sultan របស់ប្រ៊ុយណេបើកជំនួបកំពូលអាស៊ានតាមវីដេអូ

ការប៉ះទង្គិចគ្នា និងការបាញ់ឧស្ម័នបង្ហៀរទឹកភ្នែកជុំវិញការបិទព្រំដែនរវាងអាហ្វហ្គានីស្ថាន និងប៉ាគីស្ថាន

សម្តេចតេជោ ហ៊ុន សែន ផ្ញើសារអបអរសាទរខួប៣០ឆ្នាំនៃកិច្ចព្រមព្រៀងទីក្រុងប៉ារីស

ផ្ទុះរោងចក្រផលិតម្សៅរំសេវគ្រាប់កាំភ្លើងនៅរុស្ស៊ីស្លាប់មនុស្ស ១៦នាក់

WHO ព្រមានថា វីរុសរាតត្បាតសកល COVID-19 នឹងអូសបន្លាយដល់ឆ្នាំ២០២២

សហរដ្ឋអាមេរិក និងសហភាពអឺរ៉ុបថ្កោលទោសការបាញ់មីស៊ីលចេញពីនាវាមុជទឹករបស់កូរ៉េខាងជើង

ទឹកជំនន់ និងបំណាក់ដីសម្លាប់មនុស្ស ១១៦នាក់នៅឥណ្ឌា និងនេប៉ាល់

ភ្លៀងធ្លាក់ខ្លាំងបានសម្លាប់មនុស្សជាង ៦០នាក់នៅប្រទេសឥណ្ឌា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

នាយករដ្ឋមន្ត្រី​បណ្ដោះអាសន្ន​ស៊ូដង់​ត្រូវ​ចាប់ខ្លួន​ក្នុង​ភាព​រំជើបរំជួល​ទំនងជា​រដ្ឋប្រហារ​យោធា

មហាក្សត្រ​ Sultan ​របស់​ប្រ៊ុយណេ​បើក​ជំនួប​កំពូល​អាស៊ាន​តាម​វីដេអូ​

សម្តេចតេជោ ហ៊ុន សែន ផ្ញើសារអបអរសាទរខួប៣០ឆ្នាំនៃកិច្ចព្រមព្រៀងទីក្រុងប៉ារីស

ផ្ទុះ​រោងចក្រ​ផលិត​ម្សៅ​រំសេវ​គ្រាប់កាំភ្លើង​នៅ​រុស្ស៊ី​ស្លាប់​មនុស្ស ​១៦​នាក់​

WHO ព្រមាន​ថា ​វីរុស​រាតត្បាត​សកល COVID-19 នឹង​អូស​បន្លាយ​ដល់​ឆ្នាំ​២០២២

សហរដ្ឋអាមេរិក និង​សហភាព​អឺរ៉ុប​ថ្កោលទោស​ការ​បាញ់​មី​ស៊ី​ល​ចេញពី​នាវាមុជទឹក​របស់​កូរ៉េខាងជើង

ទឹកជំនន់ និង​បំណាក់​ដី​សម្លាប់​មនុស្ស ១១៦នាក់​នៅ​ឥណ្ឌា និង​នេ​ប៉ាល់​

ភ្លៀង​ធ្លាក់​ខ្លាំង​បាន​សម្លាប់​មនុស្ស​ជាង ៦០​នាក់​នៅ​ប្រទេស​ឥណ្ឌា​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នាយករដ្ឋមន្ត្រីបណ្ដោះអាសន្នស៊ូដង់ត្រូវចាប់ខ្លួនក្នុងភាពរំជើបរំជួលទំនងជារដ្ឋប្រហារយោធា

មហាក្សត្រ Sultan របស់ប្រ៊ុយណេបើកជំនួបកំពូលអាស៊ានតាមវីដេអូ

ផ្ទុះរោងចក្រផលិតម្សៅរំសេវគ្រាប់កាំភ្លើងនៅរុស្ស៊ីស្លាប់មនុស្ស ១៦នាក់

WHO ព្រមានថា វីរុសរាតត្បាតសកល COVID-19 នឹងអូសបន្លាយដល់ឆ្នាំ២០២២

សហរដ្ឋអាមេរិក និងសហភាពអឺរ៉ុបថ្កោលទោសការបាញ់មីស៊ីលចេញពីនាវាមុជទឹករបស់កូរ៉េខាងជើង

ទឹកជំនន់ និងបំណាក់ដីសម្លាប់មនុស្ស ១១៦នាក់នៅឥណ្ឌា និងនេប៉ាល់

ភ្លៀងធ្លាក់ខ្លាំងបានសម្លាប់មនុស្សជាង ៦០នាក់នៅប្រទេសឥណ្ឌា