BTV NEWS

កម្ពុជាមានឆន្ទៈបង្រ្កាប Online scams និងបង្ហាញទៅអន្តរជាតិដឹងកាន់តែច្បាស់តាមរយៈសន្និសីទអន្តរ ជាតិICCOS

បណ្តេញជនជាតិថៃ ១១នាក់ ចេញពីកម្ពុជាពាក់ព័ន្ធករណីលួចស្នាក់នៅ ធ្វើការងារខុសច្បាប់ និងបទល្មើសផ្សេងៗទៀត

ជនបរទេសជាង ៧ម៉ឺននាក់ពាក់ព័ន្ធ Online Scams និងបទល្មើសផ្សេងៗត្រូវបានបណ្តេញចេញពីកម្ពុជា

អ្នកនាំពាក្យក្រសួងមហាផ្ទៃ ៖ រយៈពេល៣ឆ្នាំអគ្គនាយកដ្ឋានអន្តោប្រវេសន៍បណ្តេញជនបរទេសខុសច្បាប់ចេញពីកម្ពុជាមានជាង ៧ម៉ឺននាក់

សន្តិសុខ និង សង្គម

មនុស្ស ៥នាក់បានស្លាប់ នៅក្នុងរដ្ឋធានីហៃទី បន្ទាប់ពីការបាញ់កាំភ្លើងបានផ្ទុះឡើងនៅតាមដងផ្លូវ

មនុស្ស ៥ នាក់ត្រូវបានគេរកឃើញថាបានស្លាប់កាលពីថ្ងៃចន្ទ (០១ មេសា) នៅក្នុងរដ្ឋធានីព័រអូប្រាំង របស់ប្រទេសហៃទី បន្ទាប់ពីមានសេចក្តីរាយការណ៍ពីការបាញ់កាំភ្លើងយ៉ាងខ្លាំងក្លានៅតាមដងផ្លូវចូលទៅជិតវិមានជាតិ ខណៈដែលភាពភ័យស្លន់ស្លោបានកើតឡើងនៅជុំវិញទីប្រជុំជននេះ។សាកសពមនុស្ស ៤ នាក់ដែលត្រូវរបួសគ្រាប់កាំភ្លើងរួមមានបុរស ៣ នាក់ និងស្ត្រីម្នាក់ ដេកស្ដូកស្ដឹងនៅលើដីក្នុងជាយក្រុងនៃតំបន់ ប៉េត្យុង វីល (Petion-Ville) ដ៏តានតឹងរបស់រដ្ឋធានីនេះ ដែលក្រុមជនអន្ធពាលបានគំរាមកំហែង។ យ៉ាងហោចណាស់មនុស្សម្នាក់ផ្សេងទៀតត្រូវបានបាញ់សម្លាប់ ស្របពេលមានការប្រយុទ្ធគ្នានៅក្នុងសង្កាត់ ឌែលម៉ាស (Delmas) នៃរដ្ឋធានីនេះ។គេបានមើលឃើញជនស៊ីវិលប្រញាប់ប្រញាល់រត់គេចពីការបាញ់កាំភ្លើងនៅក្នុងរដ្ឋធានី ជាទីដែលក្រុមជនអន្ធពាលគូប្រជែងកំពុងប្រយុទ្ធគ្នាដើម្បីគ្រប់គ្រងទឹកដី ខណៈដែលរដ្ឋនៅតែអវត្តមានយ៉ាងទូលំទូលាយ រយៈពេលបីសប្តាហ៍បន្ទាប់ពីនាយករដ្ឋមន្ត្រី អារីយែល ហុងរី (Ariel Henry) បានប្រកាសលាលែងពីតំណែងដោយមិនមានអ្នកស្នង។ប្រទេសហៃទី បានកំពុងប្រឈមមុខនឹងជម្លោះកាន់តែអាក្រក់ជាមួយនឹងសម្ព័ន្ធក្រុមជនអន្ធពាលដែលកំពុងប្រជែងគ្នាដើម្បីគ្រប់គ្រងផ្នែកខ្លះនៃរដ្ឋធានី និងការវាយប្រហារលើអាកាសយានដ្ឋាន ព្រមទាំងកំពង់ផែសំខាន់ៗរបស់ប្រទេស ដែលបង្កឱ្យមានវិបត្តិមនុស្សធម៌៕

ការវាយប្រហាររបស់អ៊ីស្រាអែល លើតំបន់ហ្កាហ្សា បានសម្លាប់បុគ្គលិកជំនួយបរទេសជាច្រើននាក់

ការិយាល័យប្រព័ន្ធផ្សព្វផ្សាយរបស់រដ្ឋាភិបាលតំបន់ហ្កាហ្សា ដែលគ្រប់គ្រងដោយក្រុមហាម៉ាស បាននិយាយកាលពីយប់ថ្ងៃចន្ទ (០១ មេសា) ថា យ៉ាងហោចណាស់បុគ្គលិក ៥ នាក់មកពីអង្គការមិនមែនរដ្ឋាភិបាលឈ្មោះថា ផ្ទះបាយកណ្តាលរបស់ពិភពលោក (WCK) ដែលរួមមានជនបរទេសជាច្រើននាក់ ត្រូវបានសម្លាប់នៅក្នុងការវាយប្រហារតាមអាកាសរបស់អ៊ីស្រាអែល លើតំបន់ហ្កាហ្សា។អ្នកនាំពាក្យការិយាល័យប្រព័ន្ធផ្សព្វផ្សាយបាននិយាយថា អ្នកដែលស្លាប់ក្នុងឧបទ្ទវហេតុនៅកណ្តាលក្រុង ដឺ អាល់បាឡាស (Deir al-Balah) របស់ហ្កាហ្សានេះ រួមមានពលរដ្ឋប៉ូឡូញ អូស្ត្រាលី និងចក្រភពអង់គ្លេស ព្រមទាំងជនជាតិប៉ាឡេស្ទីនម្នាក់។ទីភ្នាក់ងារជំនួយ WCK បានបង្ហោះនៅលើបណ្ដាញសង្គម X កាលពីថ្ងៃចន្ទថា «យើងដឹងពីរបាយការណ៍ដែលថាសមាជិកនៃក្រុម WCK ត្រូវបានសម្លាប់នៅក្នុងការវាយប្រហាររបស់កងកម្លាំងការពារអ៊ីស្រាអែល IDF ខណៈកំពុងធ្វើការដើម្បីជួយដល់កិច្ចខិតខំប្រឹងប្រែងផ្តល់អាហារមនុស្សធម៌នៅក្នុងតំបន់ហ្កាហ្សា។ នេះគឺជាសោកនាដកម្មមួយ ហើយបុគ្គលិកជំនួយមនុស្សធម៌ និងជនស៊ីវិលមិនគួរជាគោលដៅវាយប្រហារនោះទេ»។ដោយធ្វើការអត្ថាធិប្បាយលើរបាយការណ៍នេះ យោធាអ៊ីស្រាអែលបាននិយាយថា ខ្លួនបានកំពុងធ្វើការត្រួតពិនិត្យយ៉ាងហ្មត់ចត់នៅកម្រិតខ្ពស់បំផុត ដើម្បីស្វែងយល់ពីស្ថានភាពនៃឧប្បត្តិហេតុនេះ៕

ប្រជាជនអ៊ីរ៉ង់ បានថ្កោលទោសការវាយប្រហារដែលសង្ស័យលើស្ថានទូតអ៊ីរ៉ង់ ក្នុងប្រទេសស៊ីរី

ក្រុមអ្នកតវ៉ាអ៊ីរ៉ង់ បានដុតទង់ជាតិអ៊ីស្រាអែល និងសហរដ្ឋអាមេរិក ខណៈពួកគេ បានមកប្រមូលផ្តុំគ្នា ក្នុងទីក្រុងតេអេរ៉ង់ ដើម្បីថ្កោលទោស ការវាយប្រហាររបស់អ៊ីស្រាអែលដែលសង្ស័យ ទៅលើស្ថានទូតអ៊ីរ៉ង់ ក្នុងប្រទេសស៊ីរី កាលពីថ្ងៃចន្ទ។ ការទម្លាក់គ្រាប់បែកនេះ បានបង្ហាញពីការកើនឡើងនៅក្នុងសង្គ្រាម ដែលអ៊ីស្រាអែលប្រឆាំងទៅនឹងសត្រូវនៅក្នុងតំបន់របស់ខ្លួន។ ទីក្រុងតេអេរ៉ង់ បាននិយាយថា ការវាយប្រហារនេះ បានសម្លាប់ទីប្រឹក្សាយោធាចំនួនប្រាំពីរនាក់ រួមទាំងមេបញ្ជាការជាន់ខ្ពស់បីនាក់។អ៊ីស្រាអែល បានកំណត់គោលដៅជាយូរមកហើយ លើទីតាំងយោធាជាសត្រូវអ៊ីរ៉ង់ និងអ្នកទាំងឡាយណាដែលធ្វើសង្គ្រាមតំណាងនៅក្នុងប្រទេសស៊ីរី ហើយបានបង្កើនការវាយប្រហារទាំងនោះស្របជាមួយយុទ្ធនាការរបស់ខ្លួនប្រឆាំងក្រុមហាម៉ាសប៉ាឡេស្ទីនគាំទ្រដោយអ៊ីរ៉ង់ នៅក្នុងតំបន់ហ្កាហ្សាស្ទ្រីប។

ជនអន្តោប្រវេសន៍ជាង ៣០០នាក់ ដែលត្រូវបាននិរទេសដោយអាមេរិក បានទៅដល់ប្រទេស ហ្គាតេម៉ាឡា

អាជ្ញាធរអន្តោប្រវេសន៍របស់ប្រទេសហ្គាតេម៉ាឡា បាននិយាយថា ជើងហោះហើរចំនួនបីជើងដឹកជនអន្តោប្រវេសន៍ដែលត្រូវបាននិរទេសចំនួន ៣៦៨នាក់ បានទៅដល់ទីក្រុងប្រទេសហ្គាតេម៉ាឡា ពីសហរដ្ឋអាមេរិក កាលពីថ្ងៃចន្ទ។អ្នកដែលត្រូវបាននិរទេសទាំងនេះ ភាគច្រើនជាជនអន្តោប្រវេសន៍ប្រមូលផ្តុំគ្នានៅព្រំដែនសហរដ្ឋអាមេរិក-ម៉ិកស៊ិក ដែលព្យាយាមចូលទៅដល់សហរដ្ឋអាមេរិក។នៅក្នុងសេចក្តីថ្លែងការណ៍ វិទ្យាស្ថានទេសន្តរប្រវេសន៍របស់ប្រទេសហ្គាតេម៉ាឡា បាននិយាយថា យន្តហោះជាច្រើនគ្រឿងបន្ថែមទៀតដឹកជនជាតិហ្គាតេម៉ាឡា ដែលត្រូវបាននិរទេសដោយអាជ្ញាធរសហរដ្ឋអាមេរិក ត្រូវបានគេរំពឹងថា នឹងទៅដល់នៅក្នុងខែនេះ។យោងតាមទិន្នន័យផ្លូវការពីប្រទេសហ្គាតេម៉ាឡាបានឲ្យដឹងថា សហរដ្ឋអាមេរិក បានបញ្ជូនជនអន្តោប្រវេសន៍ជាង ១៩.០០០នាក់ ត្រឡប់ទៅប្រទេសអាមេរិកកណ្តាលនេះវិញ តាមជើងហោះហើរចំនួន ១៦២ជើង ក្នុងឆ្នាំ ២០២៤នេះ។

អ៊ីរ៉ង់ ចោទប្រកាន់អ៊ីស្រាអែល ពីបទវាយប្រហារដ៏ព្រៃផ្សៃលើស្ថានកុងស៊ុលរបស់ខ្លួនក្នុងប្រទេសស៊ីរី

ឆ្មាំបដិវត្តន៍អ៊ីរ៉ង់ និយាយកាលពីថ្ងៃចន្ទទី១មេសាថា មន្ត្រី៧នាក់បានស្លាប់ ក្នុងការវាយប្រហារតាមអាកាសដ៏ព្រៃផ្សៃរបស់អ៊ីស្រាអែល លើអគារស្ថានកុងស៊ុលរបស់អ៊ីរ៉ង់នៅក្នុងរដ្ឋធានីដាម៉ាស (Damascus) ប្រទេសស៊ីរី។ លោកឧត្តមសេនីយ៍ទោ មហាម៉ាត់ រ៉េហ្សា ហ្សាហេឌី (Reza Zahedi) មេបញ្ជាការជាន់ខ្ពស់មួយរូបនៃកងកម្លាំងសម្រាំង ឃូដស៍ (Quds Force) របស់អ៊ីរ៉ង់ និងមេបញ្ជាការរងរបស់លោកគឺ លោកឧត្តមសេនីយ៍ទោ មហាម៉ាត់ ហាជី រ៉ាហ៊ីមី (Mohammad Hadi Haji-Rahimi) ស្ថិតក្នុងចំណោមអ្នកស្លាប់ទាំង៧នាក់នោះ នៅពេលយន្តហោះ F-35s របសអ៊ីស្រាអែល វាយប្រហារលើអគារនោះដោយរ៉ូកែតចំនួន៦គ្រាប់។ អ៊ីរ៉ង់ និងស៊ីរី បានថ្កោលទោសការវាយប្រហារនេះ ដែលបានបំផ្លិចបំផ្លាញអគារមួយជិតច្រកចូលទៅកាន់ស្ថានទូតរបស់អ៊ីរ៉ង់។ យោធាអ៊ីស្រាអែល និយាយថា ខ្លួនពុំបានផ្ដល់ការអត្ថាធិប្បាយណាមួយដល់សារព័ត៌មានបរទេសនៅឡើយទេ។ ប៉ុន្តែប្រទេសនេះ បានទទួលស្គាល់ការវាយប្រហារតាមអាកាសរាប់រយលើកក្នុងរយៈពេលប៉ុន្មានឆ្នាំថ្មីៗនេះលើគោលដៅជាច្រើននៅក្នុងប្រទេសស៊ីរី ដែលខ្លួននិយាយថា ទាក់ទងទៅនឹងអ៊ីរ៉ង់ និងក្រុមប្រដាប់អាវុធគាំទ្រដោយអ៊ីរ៉ង់ ដែលត្រូវបានផ្គត់ផ្គង់អាវុធ មូលនិធិ និងការបណ្ដុះបណ្ដាលដោយឆ្មាំបដិវត្តន៍នេះ ។ អ្នកនាំពាក្យក្រសួងការបរទេសអ៊ីរ៉ង់ លោក Nasser Kanaani បាននិយាយថា ការវាយប្រហារកាលពីថ្ងៃចន្ទ គឺជាការបំពានយ៉ាងធ្ងន់ធ្ងរលើអនុសញ្ញាអន្តរជាតិ ដែលការពារបេសកកម្មការទូត ។ លោកបានប្ដេជ្ញា ថាអ៊ីរ៉ង់ នឹងចាត់វិធានការចាំបាច់ប្រឆាំងនឹងការវាយប្រហារនេះ ៕

នគរបាល ប្រកាសឱ្យបញ្ឈប់ជាបន្ទាន់សកម្មភាពលេងប៉ាតម្សៅ គប់ទឹក បាញ់ទឹក បើនៅបំពាន នឹងមានវិធានការច្បាប់

សមត្ថកិច្ច នៃស្នងការដ្ឋាននគរបាលរាជធានីភ្នំពេញ នារសៀលថ្ងៃទី១ ខែមេសា ឆ្នាំ២០២៤នេះ បានបង្ហោះសារលើបណ្តាញសង្គម ប្រកាសណែនាំឱ្យបញ្ឈប់ជាបន្ទាន់សកម្មភាពលេងប៉ាតម្សៅ គប់ ទឹក បាញ់ទឹក របស់ក្រុមក្មេងសិស្សសាលា ( មួយចំនួន ) បង្កភាពអនាធិបតេយ្យនៅតាមផ្លូវសាធារណៈ។ ការប្រកាសរបស់សមត្ថកិច្ចរាជធានីភ្នំពេញនេះ ធ្វើឡើងបន្ទាប់ពី ថ្មីនេះៗសង្កេតឃើញថានៅវិទ្យាល័យវិទ្យាល័យជា ស៊ីម សាមគ្គី ក្នុងខណ្ឌទួលគោក រាជធានីភ្នំពេញ កាលពីថ្ងៃទី៣០ និង៣១ ខែមីនា ឆ្នា២០២៤ បានរៀបចំសង្រ្កានឆ្នាំថ្មី ដែលមានសិស្សនៅវិទ្យាល័យ ជា ស៊ីម សាមគ្គឺ និងសិស្សតាមបណ្តាសាលាមួយចំនួនទៀតបានចូលរួមលេងសប្បាយរីករាយនៅក្នុងសាលា ហើយក៏នាំគ្នាមកលេងប៉ាតម្សៅ គ ..;ប់ ទឹក បាញ់ទឹក នៅក្រៅបរិវេណសាលា និងបានជិះម៉ូតូជាក្រុមៗ ចេញក្រៅបង្កភាពអនាធិបតេយ្យនៅតាមផ្លូវសាធារណៈ ដែលនាំឱ្យបង្កការរំខាននិងប៉ះពាល់អារម្មណ៍ប្រជាពលរដ្ឋធ្វើដំណើរ។ ទង្វើអាណាធិបតេយ្យនេះ បាននាំឱ្យប៉ះពាល់ធ្ងន់ធ្ងរដល់សណ្តាប់ធ្នាប់សុវត្ថិភាពសាធារណៈ និងនាំឱ្យរងការរិះគន់ពីប្រជាពលរដ្ឋនិងសេចក្ដីថ្លៃថ្នូរ។ ស្នងការដ្ឋាននគរបាលរាជធានីភ្នំពេញ បានដាក់បទបញ្ជាឱ្យអធិការដ្ឋាននគរបាលខណ្ឌទាំង១៤ ត្រូវយកចិត្តទុកដាក់ពង្រឹងសន្តិសុខ រក្សាសណ្តាប់ធ្នាប់ តាមបណ្តាសាលារៀន និងនៅតាមផ្លូវសាធារណៈ ទប់ស្កាត់និងនាំយកមកអប់រំ រាល់សកម្មភាពក្មេងសិស្សសាលាដែលជិះម៉ូតូឈូឈរជាក្រុមៗបង្កភាពរញ៉េរញ៉ៃតាមផ្លូវសាធារណៈ និងពិនិត្យសកម្មភាពក្រុមក្មេងទាំងនោះ។ ក្នុងករណីប្រសិនសកម្មភាពដែលប្រព្រឹត្តបទល្មើសខុសច្បាប់ និងរឹងទទឹងមិនស្តាប់តាមការណែនាំរបស់សមត្ថកិច្ច ត្រូវមានវិធានការតាមផ្លូវច្បាប់ដោយមិនលើកលែងជាពិសេសកាលពីពេលថ្មីៗនេះមានសិស្សជាង១០០នាក់ដែលបង្កភាពអនាធិបតេយ្យតាមផ្លូវសាធារណៈគប់ ទឹក ប៉ាតម្សៅ និងបាញ់ទឹក ត្រូវបានកម្លាំងអធិការដ្ឋាននគរបាលខណ្ឌទួលគោក បានឃាត់យកអប់រំធ្វើកិច្ចសន្យាម្តងរួចមកហើយ បើក្នុងករណីមិនរាងចាលត្រូវចាត់វិធានការយ៉ាងម៉ឺងម៉ាត់បំផុត។ នគរបាលរាជធានី បានណែនាំអធិការដ្ឋាននគរបាលខណ្ឌទាំង១៤ ត្រូវសហការជាមួយលោកនាយកសាលា និងគ្រូតាមបណ្តាសាលារៀនចុះអប់រំឱ្យសិស្សានុសិស្សទាំងអស់ត្រូវ ចូលរួមគោរពច្បាប់ គោរពសេចក្តីណែនាំរបស់អាជ្ញាធរមូលដ្ឋាន និងចូលរួមលើកកម្ពស់ថែរក្សាសន្តិសុខ រក្សាសណ្តាប់ធ្នាប់ សុវត្ថិភាពសង្គម និងស្នើសុំឱ្យបញ្ឈប់រាល់សកម្មភាពទាំងឡាយណាដែលបង្កប៉ះពាល់សន្តិសុខសណ្តាប់ធ្នាប់សាធារណៈ ៕ លីហេង

សាក្សី៖ ទាហានអ៊ីស្រាអែល ដកចេញពីមន្ទីរពេទ្យ al-Shifa របស់តំបន់ហ្កាហ្សា

សាក្សីបានប្រាប់សារព័ត៌មានBBCថា ទាហានអ៊ីស្រាអែល បានដកខ្លួនចេញពីមន្ទីរពេទ្យ al-Shifa ក្នុងទីក្រុងហ្កាហ្សា។កន្លែងពេទ្យត្រូវបានវាយឆ្មក់ជាលើកដំបូងកាលពីពីរសប្តាហ៍មុន បន្ទាប់ពីកងកម្លាំងការពារអ៊ីស្រាអែលបាននិយាយថា ខ្លួនមានការស៊ើបអង្កេតដែលបង្ហាញថា ក្រុមហាម៉ាស កំពុងប្រើវាជាមូលដ្ឋាន ដើម្បីបើកការវាយប្រហារ។ការប្រយុទ្ធគ្នាយ៉ាងខ្លាំងក្លា ត្រូវបានគេរាយការណ៍នៅជុំវិញមន្ទីរពេទ្យ ដែលជាកន្លែងធំបំផុតនៅតំបន់ហ្កាហ្សាក្នុងប៉ុន្មានសប្តាហ៍ថ្មីៗនេះ។ក្រុមហាម៉ាស បដិសេធការប្រើប្រាស់ទីតាំងពេទ្យ ដើម្បីធ្វើប្រតិបត្តិការយោធា។នៅពេលការវាយឆ្មក់ ត្រូវបានប្រកាសជាលើកដំបូង អ្នកនាំពាក្យកងកម្លាំងការពារអ៊ីស្រាអែល (IDF) លោកដាញ៉ែល ហាហ្គារី (Daniel Hagari) បាននិយាយថា៖«ក្រុមភេរវករហាម៉ាស បានប្រមូលផ្តុំឡើងវិញនៅក្នុងមន្ទីរពេទ្យ al-Shifa» ។កងកម្លាំងការពារអ៊ីស្រាអែល បាននិយាយថា នៅពេលនោះ ខ្លួនកំពុងចាប់ផ្តើមប្រតិបត្តិការ «ភាពជាក់លាក់កម្រតិខ្ពស់» នៅលើមូលដ្ឋាននៃមន្ទីរពេទ្យ និងបានជំរុញឲ្យជនស៊ីវិលភៀសខ្លួនដែលជ្រកកោននៅលើមូលដ្ឋានរបស់ខ្លួនឲ្យចាកចេញជាបន្ទាន់។សាក្សីបានរាយការណ៍ពីការប្រហារដោយកាំភ្លើងធុនធ្ងន់ និងរថក្រោះនៅជុំវិញកន្លែងនោះ នៅពេលការវាយឆ្មក់ចាប់ផ្ដើមនៅព្រឹកព្រលឹមថ្ងៃទី១៨ ខែមីនា។មន្ទីរពេទ្យ Al-Shifa ក៏ត្រូវបានវាយឆ្មក់មុននេះផងដែរ នៅក្នុងជម្លោះ បន្ទាប់ពីអ៊ីស្រាអែល បាននិយាយថា ខ្លួនមានភ័ស្តុតាងដែលថាចំណាប់ថ្នូរ ត្រូវបានចាប់ខ្លួនក្នុងអំឡុងពេលនៃការវាយប្រហារថ្ងៃទី៧ ខែតុលាត្រូវបាននាំយកទៅទីនោះ។អ៊ីស្រាអែល បានចោទប្រកាន់ក្រុមហាម៉ាសជាយូរមកហើយថា បានប្រើប្រាស់ហេដ្ឋារចនាសម្ព័ន្ធសុខភាពស៊ីវិល ដើម្បីបិទបាំងកិច្ចប្រតិបត្តិការរបស់ខ្លួនដែលក្រុមប៉ាឡេស្ទីនបដិសេធ។

អ្នករស់រានជីវិតនៅឧបទ្វីប Noto ប្រទេសជប៉ុន ត្រូវការជំនួយកសាងជីវិតឡើងវិញ៣ខែបន្ទាប់ ពីគ្រោះមហន្តរាយរញ្ជួយដី

នៅថ្ងៃច័ន្ទនេះ មានរយៈពេលបីខែ ចាប់តាំងពីការរញ្ជួយដីដ៏ខ្លាំង បានវាយប្រហារនៅឧបទ្វីប Noto និងតំបន់ជុំវិញនៅប្រទេសជប៉ុនភាគកណ្តាលកាលពីថ្ងៃចូលឆ្នាំសកល។ អ្នកនៅរស់រានជីវិតច្រើននាក់កំពុងត្រូវការជំនួយដើម្បីកសាងជីវិតរបស់ពួកគេឡើងវិញ ខណៈជីវភាពរស់នៅរបស់ពួកគេនៅតែលំបាក។ចំនួនអ្នកស្លាប់ដែលត្រូវបានបញ្ជាក់ពីការរញ្ជួយដីកម្រិត ៧,៦ រ៉ិចទ័រ មានចំនួន ២៤៤នាក់ នៅក្នុងខេត្ត Ishikawa និង ៣នាក់ផ្សេងទៀតបានបាត់ខ្លួន។ មន្ត្រីខេត្ត បាននិយាយថា មនុស្ស ៨.១០៩ នាក់ កំពុងស្នាក់នៅក្នុងទីជម្រកនៅតាមមជ្ឈមណ្ឌលជម្លៀសខ្លួន ដោយពួកគេជិតពាក់កណ្តាល ស្នាក់នៅសណ្ឋាគារ ឬកន្លែងផ្សេងទៀតនៅឆ្ងាយពីលំនៅឋាន។ខេត្ត Ishikawa បានទទួលពាក្យស្នើសុំចំនួន ៧.៨០០ច្បាប់ សម្រាប់ការសុំអនុញ្ញាតរស់នៅក្នុងលំនៅឋានបណ្តោះអាសន្ន។ ប៉ុន្តែរហូតមកដល់ពេលនេះ មានតែលំនៅឋានប្រមាណ ៩០០ ខ្នងប៉ុណ្ណោះត្រូវបានបញ្ចប់ការសាងសង់។ មន្ត្រីខេត្ត និយាយថា លំនៅឋានច្រើនខ្នងបន្ថែមទៀតនឹងត្រូវរៀបចំដើម្បីផ្ដល់កន្លែងស្នាក់នៅដល់អ្នកដាក់ពាក្យដែលនៅសល់ទាំងអស់នៅត្រឹមអំឡុងខែសីហា។ទឹកម៉ាស៊ីននៅតែពុំអាចប្រើប្រាស់បាន សម្រាប់គ្រួសារប្រហែល ៧.៨៦០គ្រួសារ និងអាជីវកម្មជាច្រើន នៅភាគខាងជើងនៃឧបទ្វីបដែលរងគ្រោះដោយការរញ្ជួយដី។ ពួកគេភាគច្រើន ស្ថិតនៅក្នុងទីក្រុង Suzu និងទីក្រុង Wajima ព្រមទាំងទីក្រុង Noto និង Anamizu។ ប្រជាជនជម្លៀស កំពុងសម្រេចចិត្តផ្លាស់ប្តូរពីទីក្រុងកំណើតដែលរងគ្រោះដោយរញ្ជួយដីនាពេលនេះ។ ហេតុផលដែលបានលើកឡើងសម្រាប់ការសម្រេចចិត្ត រួមមានការងារ និងការចិញ្ចឹមកូន។ អាជ្ញាធរនិយាយថា ពួកគេនឹងធ្វើការឆ្ពោះទៅរកការស្តារនិងកសាងឡើងវិញ តាមវិធីដែលជំរុញឱ្យប្រជាជនត្រឡប់ទៅទីក្រុងកំណើតវិញ ហើយយោងតាមការស្ទង់មតិ បានឲ្យដឹងថា ៨០ភាគរយនៃប្រជាជនជម្លៀសខ្លួន សង្ឃឹមថា បានត្រឡប់ទៅកាន់សហគមន៍របស់ពួកគេវិញ។

បន្ទាប់ពីការបាក់ស្ពាន អភិបាលរដ្ឋ Maryland ជំរុញឱ្យសភាអនុម័តមូលនិធិសម្រាប់ការសាងសង់ឡើងវិញ

ដោយកិច្ចខិតខំប្រឹងប្រែងកំពុងធ្វើបន្តដើម្បីសម្អាតបំណែកដែករាប់ពាន់តោនពីស្ពានដែលបានបាក់រលំនៅកំពង់ផែ Baltimore អភិបាលរដ្ឋ Maryland សហរដ្ឋអាមេរិក លោក Wes Moore កាលពីថ្ងៃអាទិត្យ បានជំរុញឱ្យសមាជិកគណបក្សសាធារណរដ្ឋធ្វើការជាមួយគណបក្សប្រជាធិបតេយ្យ ដើម្បីអនុម័តការផ្តល់មូលនិធិសហព័ន្ធ ដែលត្រូវការសម្រាប់ការសាងសង់ស្ពានឡើងវិញ និងដើម្បីទទួលបានសេដ្ឋកិច្ចកំពង់ផែត្រឡប់មករកភាពប្រក្រតីវិញ។ ស្ពាន Francis Scott Key នៅទីក្រុង Baltimore រដ្ឋ Maryland សហរដ្ឋអាមេរិក បានបាក់កាលពីថ្ងៃអង្គារសប្តាហ៍កន្លងទៅនេះ បណ្តាលឲ្យកម្មករ៦នាក់ស្លាប់ នៅពេលដែលនាវាដឹកកុងតឺន័រមួយគ្រឿង បានដាច់ថាមពលអគ្គិសនី ហើយបានបុកសសរធំៗរបស់ស្ពាន។ បំណែកស្ពានភាគច្រើន បានធ្លាក់ចូលទៅក្នុងទឹកទន្លេ Patapsco ដោយធ្វើឲ្យរាំងស្ទះកំពង់ផែដឹកជញ្ជូននៅទីក្រុង Baltimore ។ រដ្ឋបាល របស់លោក Biden បានបញ្ចេញជំនួយសង្គ្រោះបន្ទាន់ដំបូងចំនួន ៦០លានដុល្លារ កាលពីថ្ងៃព្រហស្បតិ៍សប្តាហ៍មុន ដើម្បីជួយសម្អាតបំណែកស្ពាន និងបើកកំពង់ផែឡើងវិញ ដែលជាច្រកដឹកជញ្ជូនធំបំផុតនៅសហរដ្ឋអាមេរិកសម្រាប់ការនាំចូល និងនាំចេញរថយន្ត ផលិតផលកសិកម្ម និងសម្ភារៈសំណង់។ កំពង់ផែនេះ ត្រូវបានបិទចាប់តាំងពីថ្ងៃអង្គារសប្តាហ៍មុន ដោយបន្សល់ទុកនូវការងារមិនប្រាកថប្រជាសម្រាប់មនុស្សប្រហែល ១៥.០០០នាក់ ដែលពឹងផ្អែកលើប្រតិបត្តិការប្រចាំថ្ងៃរបស់កំពង់ផែ។ មន្រ្តីសហព័ន្ធ បានប្រាប់សមាជិកសភារដ្ឋ Maryland នូវការចំណាយចុងក្រោយនៃការសាងសង់ស្ពានឡើងវិញ អាចកើនឡើងដល់យ៉ាងហោចណាស់ ២ ពាន់លានដុល្លារអាមេរិក។ ប្រធានាធិបតីគណបក្សប្រជាធិបតេយ្យ លោក Joe Biden បានសន្យាថា រដ្ឋាភិបាលសហព័ន្ធនឹងរ៉ាប់រងការចំណាយ ប៉ុន្តែវានឹងអាស្រ័យលើការអនុម័តច្បាប់ដែលផ្តល់សិទ្ធិចំពោះមូលនិធិដោយទាំងសភាដឹកនាំដោយគណបក្សសាធារណរដ្ឋ និងព្រឹទ្ធសភាដឹកនាំដោយគណបក្សប្រជាធិបតេយ្យ។ លោក Moore មកពីគណបក្សប្រជាធិបតេយ្យ បាននិយាយថា គណបក្សសាធារណរដ្ឋ គួរតែមានឆន្ទៈដើម្បីអនុម័តការផ្តល់មូលនិធិសម្រាប់ជាប្រយោជន៍ មិនត្រឹមតែទីក្រុង Baltimore ប៉ុណ្ណោះទេ ប៉ុន្តែសម្រាប់សេដ្ឋកិច្ចរបស់ប្រទេស។

ពលរដ្ឋទុយនីស៊ី ប្រមូលផ្ដុំគ្នាគាំទ្រជនរងគ្រោះហ្កាហ្សា និងទាមទារឲ្យមានបទឈប់បាញ់បន្ទាន់

មនុស្សរាប់រយនាក់ បានដើរក្បួនតវ៉ានៅក្នុងប្រទេសទុយនីស៊ីកាលពីចុងសប្ដាហ៍នេះ ដើម្បីប្រារព្ធទិវា 'Land Day' និងបានបង្ហាញការគាំទ្ររបស់ពួកគេចំពោះប្រជាពលរដ្ឋប៉ាឡេស្ទីននៅក្នុងតំបន់ហ្កាហ្សា។ក្រុមអ្នកតវ៉ា បានក្រវីទង់ជាតិប៉ាឡេស្ទីន និងស្រែកពាក្យស្លោក ខណៈពួកគេ បានប្រមូលផ្ដុំគ្នានៅខាងមុខស្ថានទូតបារាំង ក្នុងរដ្ឋធានីទុយនីស៊ី ។ អ្នកតវ៉ាម្នាក់និយាយថា ពួកគេឈរនៅជាមួយប្រជាជនប៉ាឡេស្ទីន ក្នុងការរំដោះ ការតស៊ូ និងការប្ដេជ្ញាចិត្តិ របស់ពួកគេ។ អ៊ីស្រាអែល បានវាយប្រហារទាំងតាមអាកាស ទាំងការបាញ់ផ្លោង លើតំបន់ហ្កហ្សា ដែលបានសម្លាប់ជនជាតិប៉ាឡេស្ទីនជាង ៣២.២០០នាក់ ជាជម្លោះដ៏ធ្ងន់ធ្ងរបំផុតរវាងអ៊ីស្រាអែល និងក្រុមសកម្មប្រយុទ្ធហាម៉ាស ដែលគ្រប់គ្រងដែនដី មួយនេះ។ ការតវ៉ាទាមទារដូចគ្នានេះ ក៏បានកំពុងកើតឡើងផងដែរ នៅក្នុងសហរដ្ឋអាមេរិក ក្នុងប្រទេសអ៊ីស្រា អែល ប៉ាឡេស្ទីន ហ្ស៊កដានី អង់គ្លេស បារាំង និងប្រទេសជាច្រើនទៀតនៅលើពិភពលោក៕

បណ្ដាញសង្គម

ព័ត៌មានថ្មីៗ

លោកជំទាវ ហ៊ុន ម៉ាណា អញ្ជើញប្រគេនទេយ្យវត្ថុដល់វត្តចំនួន៨ ,ចែកអំណោយជូនប្រជាពលរដ្ឋចំនួន៥៦៨គ្រួសារ និងចែកកាតាបដល់សិស្សានុសិស្ស៧០០នាក់ នៅឃុំកំពង់ភ្លុក ស្រុកប្រាសាទបាគង ខេត្តសៀមរាប

ជនជាតិចិន ១៦៤នាក់ទៀត ពាក់ព័ន្ធ Online Scams និងបទល្មើសផ្សេងៗទៀត ត្រូវបានបណ្ដាញចេញកម្ពុជា

ប្រធានក្រុមការងារជួសជុល និងសាងសង់ឡើងវិញអគារសិក្សាអំណោយសម្ដេចតេជោអញ្ជើញបើកការដ្ឋានជួសជុលអគារសិក្សាអាទិភាពចំនួន ៤ ទីតាំង នៅក្នុងស្រុកសំរោង ខេត្តតាកែវ

អនុប្រធានសមាគមអតីតយុទ្ធជន អញ្ជើញប្រគល់ផ្ទះ ១០២ខ្នង ជាអំណោយរបស់សម្តេចតេជោ ហ៊ុន សែន ជូនអតីតយុទ្ធជន និងនិវត្តជន ក្នុងខេត្តព្រះវិហារ

ឯកឧត្តមឧបនាយករដ្ឋមន្ត្រី ហ៊ុន ម៉ានី ជួបសំណេះសំណាលថ្លែងអំណរគុណដល់គ្រូបង្រៀនស្ម័គ្រចិត្ត និងអបអរសាទរសិស្សនិទ្ទេស A ទាំង ៣១រូប

ប្រជាពលរដ្ឋប្រមាណជាង ១ម៉ឺននាក់ ក្នុងខេត្តកំពង់ស្ពឺ ទទួលបានការពិនិត្យ និងព្យាបាលជំងឺដោយឥតគិតថ្លៃ ពីក្រុមការងារគ្រូពេទ្យស្ម័គ្រចិត្ត ឯកឧត្ដម ហ៊ុន ម៉ានី

រយៈពេល ៣ឆ្នាំ វិទ្យាស្ថានពហុបច្ចេកទេសខេត្តកំពង់ចាម បណ្ដុះបណ្ដាលយុវជនជំនាញជាង ២ពាន់នាក់

ជនអន្តោប្រវេសន៍បន្តជាប់ខ្លួនលើដែនដី Ceuta របស់អេស្ប៉ាញ ខណៈប្រតិបត្តិការចាប់ផ្តើម ដើម្បីពង្រីកជម្រកបណ្តោះអាសន្ន

យុវជនសុទ្ធតែជាកម្មកររ៉ែ ៣៧នាក់ ដែលបានស្លាប់នៅក្នុងការឃុំឃាំងរបស់យោធានៅនីហ្សេរីយ៉ា

វិទ្យាស្ថានពហុបច្ចេកទេសខេត្តកោះកុង បណ្តុះបណ្តាលជំនាញដល់សិស្សជិត ៥ពាន់នាក់ ក្នុងរយៈពេល៣ឆ្នាំ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877