ជនជាតិឥណ្ឌូនេស៊ី ២១នាក់ ពាក់ព័ន្ធនឹងការលួចឆ្លងដែន ស្នាក់នៅ និងធ្វើការងារខុសច្បាប់ ត្រូវបានបណ្ដេញចេញពីកម្ពុជា
ជនជាតិឥណ្ឌូនេស៊ី ៧២នាក់ ពាក់ព័ន្ធនឹងOnline Scams ត្រូវបានបណ្ដេញចេញពីកម្ពុជា
ក្រសួងសន្តិសុខសាធារណៈចិន ចុះពិនិត្យទីតាំងធ្លាប់ប្រព្រឹត្តបទល្មើសឆបោកតាមប្រព័ន្ធបច្ចេកវិទ្យានៅតំបន់ OP ក្រុងបាវិត
ឧត្តមសេនីយ៍ឯក ជួន ណារិន្ទ ប្រកាសឲ្យអ្នកបើករថយន្ត Range Rover បង្កគ្រោះថ្នាក់ចរាចរណ៍ស្លាប់មនុស្សនៅខណ្ឌជ្រោយចង្វារ ចូលខ្លួនបន្ទាន់ មិនបាច់រកអន្តរាគមន៍ទេ

សន្តិសុខ និង សង្គម

មនុស្សរាប់ពាន់នាក់ តវ៉ានៅក្នុងទីក្រុងលីម៉ា ទាមទារឲ្យប្រធានាធិបតី Boluarte លាលែងពីតំណែង

2023/12/08 08:27:12 pm        79
ក្រុមអ្នកតវ៉ារាប់ពាន់នាក់ បានចេញធ្វើបាតុកម្មនៅទូទាំងប្រទេសប៉េរូកាលពីថ្ងៃព្រសហស្បិ៍ ទាមទារឲ្យប្រធានាធិបតី លោកស្រី ឌីណា បូលូអាតេ(Dina Boluarte) លាលែងពីតំណែង នៅក្នុងខួបលើកទី១ នៃការឡើងកាន់តំណែងរបស់លោកស្រី បន្ទាប់ពីការបណ្តេញចេញ និងការឃុំខ្លួនអតីតប្រធានាធិបតីលោក Pedro Castillo ។ក្រុមអ្នកតវ៉ា នៅក្នុងទីក្រុងលីម៉ាបានបង្ហាញ ការមិនពេញចិត្តជាមួយរដ្ឋាភិបាល លោកស្រី Boluarte ដោយមានអំពើពុករលួយ និងការសម្លាប់មនុស្សខុសច្បាប់សម្រាប់មនុស្សជាង៦០នាក់ ដែលត្រូវបានសម្លាប់ក្នុងការតវ៉ាប្រឆាំងលោកស្រី។ អត្រាយល់ព្រមរបស់លោកស្រី Boluarte មានកម្រិតទាបបំផុត ចាប់តាំងពីលោកស្រីឡើងកាន់តំណែងជាប្រធានាធិបតី។ អ្នករៀបចំការតវ៉ា បានអំពាវនាវឲ្យមានបាតុកម្មកាន់តែច្រើននៅថ្ងៃសុក្រទី៨ ខែធ្នូ និងថ្ងៃសៅរ៍ ទី៩ ខែធ្នូនេះ។ក្នុងចំណោមការទាមទារជាច្រើន គឺមានការទាមទារឲ្យប្រធានាធិបតីលោក Pedro Castillo វិលត្រឡប់មកវិញជាអ្នកដែលត្រូវបានសភាបណ្តេញចេញ បន្ទាប់ពីការប៉ុនប៉ងធ្វើរដ្ឋប្រហារមិនបានសម្រេច កាលពីថ្ងៃទី៧ ខែធ្នូ ឆ្នាំ២០២២។

យោធាអ៊ីស្រាអែល៖ មីស៊ីលរបស់ក្រុមហេសបូឡាបាញ់ចេញពីប្រទេសលីបង់ សម្លាប់ជនស៊ីវិល

2023/12/08 08:23:51 pm        167
អ្នកនាំពាក្យយោធាអ៊ីស្រាអែល បាននិយាយថា ការវាយប្រហារដោយមីស៊ីលតម្រង់គោលដៅបញ្ជាពីចម្ងាយ ចេញពីប្រទេសលីបង់ បានសម្លាប់ជនស៊ីវិលអ៊ីស្រាអែលម្នាក់ នៅប្រទេសអ៊ីស្រាអែលភាគខាងជើង កាលពីថ្ងៃព្រហស្បតិ៍ ហើយលោកនាយករដ្ឋមន្ត្រី បេនចាមីន ណេតានីយ៉ាហ៊ូ បានព្រមានថា ទីក្រុងបេរូត នឹងត្រូវបានប្រែក្លាយទៅជាតំបន់ «ហ្កាហ្សា» ប្រសិនបើក្រុមហេសបូឡា បានចាប់ផ្តើមសង្រ្គាមពេញលេញនោះ។យោធាអ៊ីស្រាអែល បាននិយាយថា ក្រុមសកម្មប្រយុទ្ធហេសបូឡាលីបង់ ដែលគាំទ្រដោយអ៊ីរ៉ង់ បានធ្វើការវាយប្រហារប្រឆាំងរថក្រោះ។ចំណែកក្រុមហេសបូឡា បាននិយាយថា ការវាយប្រហារមួយក្នុងចំណោមការវាយប្រហារទាំង ១១ ដែលខ្លួន បានធ្វើកាលពីថ្ងៃព្រហស្បតិ៍ បានកំណត់គោលដៅលើបន្ទាយអ៊ីស្រាអែលមួយ នៅក្នុងភូមិ Matat ដែលជាភូមិមួយ នៅជាប់ព្រំដែនលីបង់។យោធា បានអះអាងថា យន្តហោះអ៊ីស្រាអែល បានវាយប្រហារនៅមជ្ឈមណ្ឌលបញ្ជា និងគ្រប់គ្រងរបស់ក្រុមហេសបូឡា ជាការឆ្លើយតប។លោកណេតានីយ៉ាហ៊ូ បាននិយាយថា៖ «ប្រសិនបើក្រុមហេសបូឡា ជ្រើសរើស ដើម្បីចាប់ផ្តើមសង្គ្រាមពេញទំហឹង នោះវានឹងបង្វែរក្រុងបេរូត និង លីបង់ភាគខាងត្បូងរបស់ខ្លួន ដែលមិនឆ្ងាយប៉ុន្មានពីទីនេះ ទៅជាតំបន់ហ្កាហ្សា និងទីក្រុងខាន យូនីស (Khan Younis)»។

ប្រមុខ MSF៖ ហ្កាហ្សា ប្រឈមមុខនឹងគ្រោះមហន្តរាយដែលលាតសន្ធឹងហួសពីវិបត្តិមនុស្សធម៌

2023/12/08 08:19:58 pm        74
ប្រធានអង្គការសប្បុរសធម៌ផ្នែកវេជ្ជសាស្រ្តរបស់អង្គការក្រុមគ្រូពេទ្យគ្មាព្រំដែន (MSF) បាននិយាយកាលពីថ្ងៃព្រហស្បតិ៍ (០៧ ធ្នូ) ថា តំបន់ហ្កាហ្សា កំពុងប្រឈមមុខនឹងគ្រោះមហន្តរាយដែលលាតសន្ធឹងហួសពីវិបត្តិមនុស្សធម៌ទៅទៀត ដោយពណ៌នាអំពីស្ថានភាពនៅក្នុងតំបន់ដែលមានប្រជាជនយ៉ាងក្រាស់ក្រែលនេះថាកំពុងមានភាពវឹកវរយ៉ាងខ្លាំង។កងកម្លាំងអ៊ីស្រាអែល បានប្រយុទ្ធជាមួយពួកសកម្មប្រយុទ្ធហាម៉ាស នៅក្នុងទីក្រុងធំជាងគេនៅតំបន់ហ្កាហ្សាស្ទ្រីប កាលពីថ្ងៃព្រហស្បតិ៍ ក្នុងដំណាក់កាលថ្មីនៃសង្គ្រាមដែលឥឡូវនេះឈានចូលដល់ខែទី៣ របស់ខ្លួន ជាមួយនឹងតំបន់ធំៗជាច្រើននៃទឹកដីដ៏តូចចង្អៀតមួយនេះត្រូវបានស្ថិតក្រោមដោយការទម្លាក់គ្រាប់បែករបស់អ៊ីស្រាអែល ហើយពលរដ្ឋ ៨៥% នៃប្រជាជន ២,៣លាននាក់ ក្នុងតំបន់នេះបានចាកចេញពីលំនោឋានរបស់ពួកគេ នេះបើតាមតួលេខរបស់អង្គការសហប្រជាជាតិ។លោកវេជ្ជបណ្ឌិត គ្រីស្តូស៍ គ្រីស្ទូ (Christos Christou) ប្រធានអន្តរជាតិនៃអង្គការគ្រូពេទ្យគ្មានព្រំដែនបានប្រាប់អ្នកយកព័ត៌មាននៅទីក្រុងហ្សឺណែវ ថា «ក្រុមការងាររបស់យើងនៅទីនោះបន្តធ្វើបច្ចុប្បន្នភាពអំពីស្ថានភាពហ្កាហ្សា ហើយខ្ញុំអាចប្រាប់បានថា វាបានហួសពីវិបត្តិមនុស្សធម៌ទៅទៀត»។ក្នុងគោលបំណងដើម្បីគេចពីការទម្លាក់គ្រាប់បែករបស់អ៊ីស្រាអែល ពលរដ្ឋហ្កាហ្សាបានប្រមូលផ្តុំគ្នានៅចុងភាគខាងត្បូងនៃតំបន់ហ្កាហ្សា ដោយធ្វើតាមខិតប័ណ្ណ និងសាររបស់អ៊ីស្រាអែលដែលនិយាយថាពួកគេនឹងមានសុវត្ថិភាពនៅតាមព្រំដែនជាមួយអេហ្ស៊ីប ប៉ុន្តែអង្គការសហប្រជាជាតិ និងអង្គការផ្តល់ជំនួយបាននិយាយថា មិនមានកន្លែងណាមួយមានសុវត្ថិភាពក្នុងហ្កាហ្សានោះទេ។ អ៊ីស្រាអែលនិយាយថា ខ្លួនប្រឹងប្រែងអស់ពីសមត្ថភាពដើម្បីកាត់បន្ថយការស្លាប់ជនស៊ីវិលជាអប្បបរមា ប៉ុន្តែក្រុមសកម្មប្រយុទ្ធហាម៉ាស បានប្រើប្រាស់តំបន់លំនៅឋានដែលសាងសង់ឡើងសម្រាប់បិទបាំងទីបញ្ជាការយោធារបស់ខ្លួន ជាអ្វីដែលក្រុមសកម្មប្រយុទ្ធអ៊ីស្លាមមួយនេះបានបដិសេធ៕

អ៊ីរ៉ង់ ប្រាប់រុស្ស៊ី ថាលោកខាងលិចគាំទ្រអំពើប្រល័យពូជសាសន៍នៅហ្កាហ្សា

2023/12/08 08:11:44 pm        119
ប្រធានាធិបតីអ៊ីរ៉ង់លោក អ៊ីប្រាហ៊ីម រ៉ៃស៊ី (Ebrahim Raisi) បានចោទប្រកាន់លោកខាងលិច កាលពីថ្ងៃព្រហស្បតិ៍ (០៧ ធ្នូ) ថាបានគាំទ្រ «"អំពើប្រល័យពូជសាសន៍» ដោយអ៊ីស្រាអែលប្រឆាំងនឹងពលរដ្ឋប៉ាឡេស្ទីនក្នុងតំបន់ហ្កាហ្សា នៅពេលចាប់ផ្តើមការចរចានៅទីក្រុងមូស្គូ ជាមួយប្រធានាធិបតីរុស្ស៊ី លោក វ្លាឌីមៀ ពូទីន (Vladimir Putin)។ជាផ្នែកនៃកិច្ចប្រជុំដែលផ្តោតលើមជ្ឈិមបូព៌ា លោកពូទីនបានស្វាគមន៍លោក រ៉ៃស៊ី នៅវិមានក្រឹមឡាំង រយៈពេលមួយថ្ងៃបន្ទាប់ពីបានទៅបំពេញទស្សនកិច្ចនៅអារ៉ាប់រួម និងអារ៉ាប៊ីសាអូឌីត ជាទីដែលលោកបានពិភាក្សាអំពីសង្គ្រាមនៅហ្កាហ្សា និងអ៊ុយក្រែន ព្រមទាំងការខិតខំប្រឹងប្រែងរបស់រុស្ស៊ី និងអង្គការ OPEC ក្នុងការជំរុញតម្លៃប្រេង។លោកពូទីន បាននិយាយថាវាមានសារៈសំខាន់ខ្លាំងណាស់ក្នុងការពិភាក្សាអំពីស្ថានភាពនៅមជ្ឈិមបូព៌ា ជាពិសេសនៅក្នុងទឹកដីប៉ាឡេស្ទីន។ លោក Raisi បានឆ្លើយតបតាមរយៈអ្នកបកប្រែថា «អ្វីដែលកំពុងកើតឡើងនៅប៉ាឡេស្ទីន និងហ្កាហ្សា គឺជាអំពើប្រល័យពូជសាសន៍ និងជាឧក្រិដ្ឋកម្មប្រឆាំងមនុស្សជាតិ។ វាកាន់តែសោកសៅជាងនេះទៅទៀត ដែលសកម្មភាពទាំងនេះត្រូវបានគាំទ្រដោយសហរដ្ឋអាមេរិក និងលោកខាងលិច»។ក្រុមអ្នកវិភាគនិយាយថា ជម្លោះនេះបានជួយរុស្ស៊ី ដោយការបង្វែរការយកចិត្តទុកដាក់របស់ពិភពលោកពីសង្គ្រាមនៅអ៊ុយក្រែន និងបានធ្វើឱ្យទីក្រុងមូស្គូ អាចតម្រឹមខ្លួនឯងជាមួយនឹងប្រទេសកំពុងអភិវឌ្ឍន៍នៅក្នុងសាមគ្គីភាពជាមួយប៉ាឡេស្ទីន។ លោក ពូទីន បាននិយាយថា ការមើលឃើញកុមាររងទុក្ខវេទនា និងការបង្ហូរឈាមនៅហ្កាហ្សា ធ្វើឱ្យទឹកភ្នែកលោកហូរ ប៉ុន្តែរដ្ឋាភិបាលលោកខាងលិច និយាយថាការអត្ថាធិប្បាយបែបនេះ គឺជាការលាក់ពុតប៉ុណ្ណោះ ដោយសារកងកម្លាំងរបស់លោក ពូទីន បានសម្លាប់ជនស៊ីវិលរាប់ពាន់នាក់នៅអ៊ុយក្រែន៕

អាជ្ញាធរខណ្ឌដូនពេញ បានធ្វើកិច្ចសន្យា និងអប់រំណែនាំស្ត្រីម្នាក់ដែលធ្វើសកម្មភាព ចាប់សត្វព្រាប នៅមុខព្រះបរមរាជវាំង

2023/12/08 07:22:16 pm        305
ភ្នំពេញ៖ នៅព្រឹកថ្ងៃទី០៨ ខែធ្នូឆ្នាំ ២០២៣នេះ អាជ្ញាធរខណ្ឌដូនពេញ បានធ្វើការអញ្ជើញស្ត្រីម្នាក់ដែលធ្វើសកម្មភាពចាប់សត្វព្រាបនៅសួនមុខព្រះបរមរាជវាំង ដាក់ក្នុងទ្រង់​ ធ្វើការអប់រំណែនាំ និងធ្វើកិច្ចសន្យា មិនឲ្យមានសកម្មភាពបែបនេះទៀតឡើយ។ ក្នុងការមិនរាងចាលនោះអាជ្ញាធរ នឹងលែងឲ្យលក់សត្វចាបនៅទីតាំងបន្តទៀតនោះទេ។ក្រោយអាជ្ញាធរធ្វើការអប់រំណែនាំរួចស្ត្រីចំណាស់ម្នាក់នោះ បានធ្វើការសុំទោសដល់សាធារណៈជន និងធ្វើការសន្យាមិនឲ្យមានលើកក្រោយទៀតនោះទេ។ការចាប់សត្វព្រាបនេះមិនមែនយកទៅធ្វើម្ហូបនោះទេគឺដោយមានម៉ូយ​កុម្ម៉ង់​សត្វព្រាប ចំនួនពីរក្បាល និងឲ្យលុយគាត់ចំនួន ២ម៉ឺនរៀល ដើម្បីយកទៅព្រលែង។បន្ថែមទៀតនោះអាជ្ញាធរខណ្ឌដូនពេញ បានចុះមកដល់ទីតាំងសួនមុខព្រះបរមរាជវាំង ធ្វើការអប់រំណែនាំ​ដល់អ្នកប្រកបអាជីវកម្មលក់សត្វចាប និងលក់ផ្កា ឲ្យចូលរួមថែរក្សា​បរិស្ថាន​អនាម័យទាំងអស់គ្នា ​និងមិនឲ្យមានសកម្មភាពធ្វើការចាប់សត្វព្រាបដូចអុំស្រីម្នាក់នោះឡើយ៕ អត្ថបទ៖ កុម្ភៈ

អ៊ីស្រាអែល នឹងប្រែក្លាយទីក្រុង Beirut ឲ្យទៅជាហ្កាហ្សាប្រសិនបើក្រុមហេសបូឡា ចាប់ផ្តើមសង្រ្គាម

2023/12/08 06:44:29 pm        264
នាយករដ្ឋមន្ត្រីអ៊ីស្រាអែល លោក Benjamin Netanyahu កាលពីថ្ងៃព្រហស្បតិ៍ បានព្រមានទីក្រុង Beirut ថា ទីក្រុងនេះនឹងត្រូវបំផ្លាញឲ្យដូចជាតំបន់ហ្កាហ្សា ប្រសិនបើក្រុមហេសបូឡា ដែលមានមូលដ្ឋាននៅប្រទេសលីបង់ ចាប់ផ្តើមសង្រ្គាម។លោក Netanyahu បាននិយាយក្នុងអំឡុងពេលដំណើរទស្សនកិច្ចសួរសុខទុក្ខកងទ័ពនៅព្រំដែនប្រទេសលីបង់ថា ប្រសិនបើក្រុមហេសបូឡា ជ្រើសរើសក្នុងការចាប់ផ្តើមសង្គ្រាមគ្រប់ជ្រុងជ្រោយ នោះក្រុមនេះខ្លួនឯងនឹងប្រែក្លាយទីក្រុង Beirut និងលីបង់ភាគខាងត្បូង មិនឆ្ងាយពីទីនេះទេនឹងក្លាយទៅដូចជាតំបន់ហ្កាហ្សា និងទីក្រុង Khan Younis។លោក Netanyahu និងរដ្ឋមន្ត្រីក្រសួងការពារជាតិ លោកYoav Gallant អមដំណើរដោយនាយសេនាធិការ លោក Herzi Halevi ត្រូវបានផ្តល់របាយការណ៍សង្ខេបនៅទីបញ្ជាការភាគខាងជើងរបស់កងទ័ពអ៊ីស្រាអែល ជាកន្លែងដែលលោកបានជួបជាមួយមន្ត្រីបុគ្គលិក និងទាហានផ្សេងទៀត។ ប្រព័ន្ធផ្សព្វផ្សាយរដ្ឋរបស់អ៊ីស្រាអែល Kan បាននិយាយថា កាលពីពេលព្រឹក ការវាយប្រហារដោយមីស៊ីលតម្រង់គោលដៅពីប្រទេសលីបង់ បានសម្លាប់កសិករអាយុ ៦០ឆ្នាំម្នាក់ នៅភាគខាងជើងប្រទេស អ៊ីស្រាអែល ។

គណបក្សFatahរបស់ប៉ាឡេស្ទីនធ្លាក់ប្រជាប្រិយភាព ខណៈដែលក្រុមហាម៉ាស និងអ៊ីស្រាអែល ធ្វើសង្រ្គាម

2023/12/08 06:34:14 pm        258
គណបក្ស Fatah ដែលជាគណបក្សដ៏ធំបំផុតរបស់ប៉ាឡេស្ទីន បានមើលឃើញថា ប្រជាប្រិយភាពរបស់ខ្លួនធ្លាក់ចុះ ក្នុងអំឡុងពេលសង្រ្គាមរវាងអ៊ីស្រាអែល និងក្រុមហាម៉ាស នៅហ្គាហ្សា ពីកន្លែងដែលក្រុម អ៊ីស្លាម បានបណ្តេញគូប្រជែងFatah យ៉ាងឃោរឃៅ ក្នុងឆ្នាំ ២០០៧។ផ្លូវនៃការចរចារដែលបានជ្រើសរើសរបស់គណបក្ស Fatah មិនបានលើកឡើងអំពីរដ្ឋប៉ាឡេស្ទីន ដែលបានសន្យាដោយកិច្ចព្រមព្រៀង Oslo ឆ្នាំ ១៩៩៣ និងក្រុមហាម៉ាសទេ បន្ទាប់ពីជ្រើសរើសអំពើហិង្សាជំនួសវិញនោះ បានឃើញថា ប្រជាប្រិយភាពរបស់ខ្លួន កើនឡើង។ប្រធានគណបក្ស Fatah លោក ម៉ាខ្មូត អាបាស ( Mahmud Abbas) បានដឹកនាំអាជ្ញាធរប៉ាឡេស្ទីន (PA)ដែលគ្រប់គ្រងផ្នែករដ្ឋបាល នៅតំបន់វេសបែងដែលកាន់កាប់ដោយអ៊ីស្រាអែល ចាប់តាំងពីការបង្កើតរបស់ខ្លួន ក្នុងឆ្នាំ ១៩៩៤។ប៉ុន្តែបច្ចុប្បន្ន អាជ្ញាធរប៉ាឡេស្ទីន ត្រូវបានចុះខ្សោយមិនធ្លាប់មានពីមុនមក ហើយការបែកបាក់នយោបាយប៉ាឡេស្ទីន បានកាន់តែជ្រៅទៅៗជាងពេលណាៗទាំងអស់ ចាប់តាំងពីសង្រ្គាមអ៊ីស្រាអែល និងក្រុមហាម៉ាស បានចាប់ផ្តើម នៅថ្ងៃទី៧ ខែតុលា។នៅថ្ងៃនោះ ក្រុមសកម្មប្រយុទ្ធហាម៉ាស បានវាយលុកឆ្លងកាត់ព្រំដែនពីតំបន់ហ្កាហ្សាស្ទ្រីប ចូលទៅក្នុង ប្រទេសអ៊ីស្រាអែលភាគខាងត្បូង ហើយបានសម្លាប់មនុស្សប្រហែល ១.២០០ នាក់ ដែលភាគច្រើនជាជនស៊ីវិល នេះបើយោងតាមអាជ្ញាធរអ៊ីស្រាអែល។

លោក Blinken និយាយថា គម្លាតនៅតែស្ថិតនៅឆ្ងាយរវាងបំណងរបស់អ៊ីស្រាអែលដើម្បីការពារជនស៊ីវិលនិងលទ្ធផលវាយលុក

2023/12/08 06:30:27 pm        243
រដ្ឋមន្ត្រីការបរទេសសហរដ្ឋអាមេរិក លោក Antony Blinken បាននិយាយកាលពីថ្ងៃព្រហស្បតិ៍ថា គម្លាតនៅតែស្ថិតនៅឆ្ងាយ រវាងបំណងរបស់អ៊ីស្រាអែលដើម្បីការពារជនស៊ីវិល និងលទ្ធផលនៃការវាយលុកលើដីគោកក្នុងតំបន់ហ្កាហ្សា ហើយរដ្ឋាភិបាលទីក្រុងវ៉ាស៊ីនតោន បាននិយាយទៅកាន់អ៊ីស្រាអែលស្តីពី មុលដ្ឋានលើការការពារជនស៊ីវិល។អ៊ីស្រាអែល បានប្រយុទ្ធជាមួយក្រុមសកម្មប្រយុទ្ធហាម៉ាសនៅក្នុងទីក្រុងធំបំផុតក្នុងតំបន់ហ្កាហ្សា កាលពីថ្ងៃព្រហស្បតិ៍ បានបណ្តាលឲ្យពលរដ្ឋប៉ាឡេស្ទីនរាប់រយនាក់បន្ថែមទៀតស្លាប់ ខណៈពលរដ្ឋហ្កាហ្សាជិត២លាននាក់ដែលជម្លៀសខ្លួនព្យាយាមស្វែងរកទីជម្រកសុវត្ថិភាព ក្នុងពេលមានការខ្វះខាតស្បៀងអាហារ និងទីជម្រកធ្ងន់ធ្ងរ។ប្រជាជន បានរាយការណ៍ថាការប្រយុទ្ធគ្នាខ្លាំង បានកើតឡើងនៅភាគខាងកើតទីក្រុង Khan Younis ជាទីក្រុងធំបំផុតនៅហ្កាហ្សាភាគខាងត្បូង ហើយមន្ត្រីសុខាភិបាលប៉ាឡេស្ទីន បាននិយាយថាពលរដ្ឋហ្កាហ្សា៣នាក់ បានស្លាប់ក្នុងការវាយប្រហារតាមអាកាសរបស់អ៊ីស្រាអែលទៅលើលំនៅឋានមួយកន្លែងនៅទីក្រុង Deir Al-Balah តំបន់ហ្កាហ្សាភាគកណ្តាល។អ៊ីស្រាអែល បាននិយាយថា កងកម្លាំងរបស់ខ្លួនបានសម្លាប់ខ្មាន់កាំភ្លើងជាច្រើននាក់នៅក្នុងទីក្រុង Khan Younis រួមទាំងពីរនាក់ដែលបានលេចមុខចេញពីការបាញ់ប្រហារនៅផ្លូវរូងក្រោមដី។

អ៊ីស្រាអែល បង្កើនការវាយឆ្មក់ប្រចាំថ្ងៃលើតំបន់ West Bank ដែលខ្លួនគ្រប់គ្រង

2023/12/08 06:25:51 pm        249
ទាហានអ៊ីស្រាអែលកំពុងបង្កើនការវាយឆ្មក់លើតំបន់ West Bank ដែលខ្លួនគ្រប់គ្រង ដោយចូលលុកលុយស្ទើរតែរាល់ថ្ងៃ នៅទូទាំងដែនដីមួយនេះ។ដោយយោងតាមការរាយការណ៍ពីទីក្រុង Ramallah កាលពីល្ងាចថ្ងៃពុធ លោក ឆាលស៍ ស្តាហ្វត (Charles Stratford )របស់ទូរទស្សន៍ Al Jazeera បាននិយាយថា យ៉ាងហោចណាស់មានជនជាតិប៉ាឡេស្ទីនបួននាក់ រួមទាំងក្មេងជំទង់បីនាក់ត្រូវបានសម្លាប់នៅក្នុងការវាយប្រហារបែបនេះក្នុងរយៈពេល ២៤ ម៉ោងចុងក្រោយនេះ។ លោកបាននិយាយថា ជនជាតិប៉ាឡេស្ទីន៦០ នាក់ត្រូវបានចាប់ខ្លួនក្នុងអំឡុការឆ្មក់ចូលនោះ។ អ្នកឆ្លើយឆ្លងព័ត៌មានរបស់ទូទរទស្សន៍នេះ បាននិយាយថា អ្នកស្លាប់ទាំងបួននាក់រួមមានម្នាក់ក្មេងជំទង់ វ័យ ១៦ ឆ្នាំនៅទីក្រុងចេនីន (Jenin)នៅភាគខាងជើងរបស់តំបន់ West Bank បងប្អូនពីរនាក់នៅទីក្រុង Tubas និងម្នាក់ទៀតនៅ ទីក្រុង Balata ក្នុងតំបន់ Nablus ។ទន្ទឹមនឹងនោះ ពេញមួយយប់នៅក្នុងទីក្រុង ទុលការឹម (Tulkarem) ជាទីក្រុងមួយនៅភាគខាងជើង គ្រឿងផ្ទុះកែច្នៃមួយបានផ្ទុះឡើង ខណៈក្បួនរថពាសដែកបានបើកឆ្លងកាត់។ លោក Stratford បាននិយាយថា យើងកំពុងទទួលបានរបាយការណ៍អំពីការវាយឆ្មក់លើជំរំជនភៀសខ្លួននៅទីក្រុង ទុលការឹម ។ ជារឿយៗ សកម្មភាពនេះ ត្រូវបានពិពណ៌នាថាជាមជ្ឈមណ្ឌលសម្រាប់ការតស៊ូប្រដាប់អាវុធប៉ាឡេស្ទីន ។ ទីភ្នាក់ងារព័ត៌មានប៉ាឡេស្ទីន Wafa បានរាយការណ៍ថា កម្មករប៉ាឡេស្ទីនជាច្រើននាក់មកពីតំបន់ហ្កាហ្សាត្រូវបានឃុំខ្លួនពេញមួយយប់បន្ទាប់ពីការវាយឆ្មក់របស់អ៊ីស្រាអែលនៅក្នុងទីប្រជុំជនហ្វារ៉ូន( Faroun) ជិត ទីក្រុង ទុលការឹម( Tulkarem) ៕

កោះតៃវ៉ាន់រាយការណ៍ថា មានសកម្មភាពយោធាចិនពេលយប់ដ៏កម្រនៅក្បែរនោះ

2023/12/08 05:54:14 pm        251
កោះតៃវ៉ាន់ បានរាយការណ៍ថាមានសកម្មភាពយោធារបស់ចិននៅពេលយប់ដ៏កម្រនៅជុំវិញកោះនេះកាលពីថ្ងៃព្រហស្បតិ៍ (០៧ ធ្នូ) រួមទាំងមានយន្តហោះឆ្លងកាត់ខ្សែបន្ទាត់មេដ្យានដ៏រសើបនៃច្រកសមុទ្រតៃវ៉ាន់ ខណៈទីក្រុងប៉េកាំង នៅតែបន្តបេសកកម្មបែបនេះមុនការបោះឆ្នោតនៅខែមករា របស់កោះតៃវ៉ាន់។ កោះស្វ័យគ្រប់គ្រងតាមបែបប្រជាធិបតេយ្យតៃវ៉ាន់ ដែលចិនអះអាងសិទ្ធថាជាទឹកដីរបស់ខ្លួន បានត្អូញត្អែរក្នុងរយៈពេលបួនឆ្នាំចុងក្រោយនេះនៃការល្បាត និងសមយុទ្ធយោធារបស់ចិនជាទៀងទាត់នៅជិតកោះនេះ។អាជ្ញាធរការពារជាតិតៃវ៉ាន់បាននិយាយថា ចាប់ពីម៉ោងប្រហែល ៧:៣០យប់ (ម៉ោងក្នុងស្រុក) កាលពីល្ងាចថ្ងៃព្រហស្បតិ៍ ខ្លួនបានរកឃើញយន្តហោះចម្បាំងប្រភេទ Su-30 យន្តហោះ J-10 និងយន្តហោះ J-11 ក៏ដូចជាយន្តហោះទម្លាក់គ្រាប់បែក H-6 ដែលមានសមត្ថភាពនុយក្លេអ៊ែរ និងយន្តហោះព្រមានទុកជាមុន ដែលកំពុងប្រតិបត្តិការនៅភាគខាងជើង និងកណ្តាលកោះតៃវ៉ាន់ ព្រមទាំងទៅកាន់ភាគនិរតីនៃកោះនេះ។អាជ្ញាធរការពារជាតិតៃវ៉ាន់បានបន្ថែមថា យន្តហោះចំនួន ១៣គ្រឿង ក្នុងចំណោមយន្តហោះទាំងនោះបានឆ្លងកាត់ខ្សែបន្ទាត់មេដ្យានរបស់ច្រកសមុទ្រតៃវ៉ាន់ ឬតំបន់ក្បែរនោះ ដោយធ្វើការជាមួយនាវាចម្បាំងរបស់ចិន ដើម្បីអនុវត្ត «ការល្បាតត្រៀមប្រយុទ្ធរួមគ្នា»។ ខ្សែបន្ទាត់មេដ្យានរបស់ច្រកសមុទ្រនេះធ្លាប់ធ្វើជារបាំងមិនផ្លូវការរវាងភាគីទាំងពីរ ប៉ុន្តែឥឡូវនេះយន្តហោះរបស់ចិនតែងតែហោះហើរពីលើនោះ។ក្នុងរយៈពេលមួយខែកន្លងមកនេះ កោះតៃវ៉ាន់បានរាយការណ៍ថាមានប្រតិបត្តិការយោធាទ្រង់ទ្រាយធំស្រដៀងគ្នានេះចំនួនបួនផ្សេងទៀតដោយកងកម្លាំងអាកាសរបស់ប្រទេសចិន ដែលបានធ្វើឡើងក្នុងអំឡុងពេលថ្ងៃ ប៉ុន្តែទីក្រុងប៉េកាំង មិនបានធ្វើអត្ថាធិប្បាយជុំវិញបញ្ហានេះនោះទេ៕

បណ្ដាញសង្គម

ព័ត៌មានថ្មីៗ

កម្ពុជា-សិង្ហបុរី បន្ដពង្រឹងទំនាក់ទំនង និងកិច្ចសហប្រតិបត្តិការទ្វេភាគីឱ្យកាន់តែរឹងមាំ​ និង​ ស៊ីជម្រៅ​
11/17/2026 11:11 PM
កម្ពុជា-អូស្ត្រាលី ប្ដេជ្ញាពង្រឹងកិច្ចសហប្រតិបត្តិការដែលមានស្រាប់ និងស្វែងរកកាលានុវត្តភាពថ្មីៗបន្ថែមទៀត
11/17/2026 10:11 PM
សម្ដេចតេជោ ឆ្លើយតប អគ្គលេខាធិការហ្វ្រង់កូហ្វូនី៖ មោទនភាពសម្រាប់កម្ពុជា មានឱកាសរៀបចំនូវកិច្ចប្រជុំកំពូល ដោយជោគជ័យ
11/17/2026 08:11 PM
មន្ទីរពេទ្យព្រះអង្គឌួង ទទួលសម្ភារៈបរិក្ខាចក្ខុរោគសម្រាប់ចែកបន្តដល់មន្ទីរពេទ្យជាសម្ព័ន្ធមេត្រីភាពដើម្បីលើកកម្ពស់គុណភាពថែទាំភ្នែកកាន់តែប្រសើរ
11/17/2026 08:11 PM
កម្ពុជា-សហរដ្ឋអាមេរិក បន្តពង្រឹងភាពជាដៃគូក្នុងការប្រយុទ្ធនឹងជំងឺរបេង ដើម្បីឈានទៅលុបបំបាត់ជំងឺរបេងត្រឹមឆ្នាំ២០៣០
11/17/2026 08:11 PM
សម្ដេចតេជោ ជំរុញឱ្យ កម្ពុជា-ឡាវ បន្តកិច្ចសហប្រតិបត្តិការ ជាពិសេស ធានាព្រំដែនមាន សន្តិភាព ស្ថេរភាព និងសុវត្ថិភាព
11/17/2026 08:11 PM
សម្ដេចតេជោ ឯកភាពឱ្យ កម្ពុជា-ម៉ាឡេស៊ី ពង្រឹងកិច្ចសហប្រតិបត្តិការ វិស័យសេដ្ឋកិច្ច ពាណិជ្ជកម្ម ការវិនិយោគ
11/17/2026 08:11 PM
សម្ដេចតេជោ៖ កម្ពុជានឹងនិយាយលើវេទិកាអន្តរជាតិកាន់តែខ្លាំងជាងមុនថែមទៀត បើថៃមិនអនុវត្តកិច្ចព្រមព្រៀង
11/17/2026 08:11 PM
សម្តេចរដ្ឋសភាធិបតី ឃួន សុដារី៖ ការកសាងសង្គមមួយដែលប្រកបដោយសន្តិភាព ភាពធន់ និងយកប្រជាជនជាស្នូល ទាមទារឱ្យមានការរួមចំណែកពីស្ត្រី
11/17/2026 07:11 PM
អ៊ីរ៉ង់កំណត់គោលដៅលើបារ៉ែន ខណៈភាពតាន​តឹង​​ នៅតំបន់​មជ្ឈិមបូព៌ា ឡើងកម្ដៅ​ជាថ្មី
11/17/2026 07:11 PM