នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ស្នងការរាជធានី អំពាវនាវដល់យុវជនជៀសឆ្ងាយពីសកម្មភាពក្មេងទំនើង បើប្រព្រឹត្ត​ល្មើស​មានតែ​ការអនុវត្តផ្លូវច្បាប់ប៉ុណ្ណោះ
មន្ត្រីជំនាញ៖ Online Scams នៅកម្ពុជា កំពុងត្រូវបានបង្ក្រាប​យ៉ាងសកម្ម​ទោះ​មាន​លក្ខណៈ​ស្មុគ​ស្មាញ
ជនបន្លំយកលុយពីភ្ញៀវបរទេស២ពាន់ដុល្លារ នៅផ្សារច្បារអំពៅ ត្រូវបានសមត្ថកិច្ចរាជធានីស្រាវជ្រាវឃាត់ខ្លួន និងយកថវិការជូនជនរងគ្រោះវិញ
តំណាងអយ្យការចោទប្រកាន់ជនសង្ស័យម្នាក់យករូបថ្នាក់ដឹកនាំធ្វើជាប្រូហ្វាល់ ជាមធ្យោបាយគំរាមជនរងគ្រោះជំរិតទារប្រាក់

សន្តិសុខ និង សង្គម

កងទ័ពជើងទឹកកូឡុំប៊ី រឹបអូសបានគ្រឿងញៀន៣តោន អំឡុងការប្រដេញទូកល្បឿនលឿននៅក្នុងសមុទ្រការ៉ាអ៊ីប

2023/09/15 12:30:29 pm        78
Facebook Telegram Linkin
ក្រុមអាជ្ញាធរ និយាយថា កងទ័ពជើងទឹកកូឡុំប៊ី រឹបអូសបានសារធាតុកូកាអ៊ីនទម្ងន់ ៣តោន អំឡុងពេលការប្រដេញទូកល្បឿនលឿននៅសមុទ្រការ៉ាអ៊ីប ។ យោងតាមការអះអាងរបស់ក្រុមមន្រ្តី បានឲ្យដឹងថា គ្រឿងញៀនដែលរឹបអូសបាននេះ មានតម្លៃយ៉ាងហោច ១០០លានដុល្លារ ហើយត្រូវបានដឹកជញ្ជូនទៅកាន់អាមេរិកកណ្តាល ។ ក្រុមនាវិក ៤នាក់ ដែលរកឃើញនៅលើនាវា ត្រូវបានឃាត់ខ្លួន ហើយនិងត្រូវស៊ើបអង្កេតលើការបំពានការជួយដូរគ្រឿងញៀនខុសច្បាប់ ការផលិត និងការដឹកជញ្ជូនគ្រឿងញៀន ។ ឧត្តមនាវីឯក Hermando Mattos Dagerគឺជាមេបញ្ជាការកងទ័ពជើងទឺកកូឡុំប៊ី និយាយថា ពួកយើងរឹបអូសបានសារធាតុកូកាអ៊ីនទម្ងន់ ៣តោននៅប្រជុំកោះ San Andres និង Providencia ។ លោកបន្តថា ជាមួយនឹងការរឹបអូសនេះ ប្រាក់ជាង ១០០លានដុល្លារ ត្រូវបានការពារមិនឲ្យទៅដល់ទូដែករបស់ក្រុមជួញដូរគ្រឿងញៀន ។ យោងតាមការអះអាងរបស់អង្គការសហប្រជាជាតិ(UN) បានឲ្យដឹងថា កូឡុំប៊ី ស្ថិតនៅក្នុងចំណោមប្រទេសផលិតសារធាតុកូកាអ៊ីនកំពូលរបស់ពិភពលោក ៕

កូនប្រុសរបស់លោក បៃដិន រងការចោទប្រកាន់បទឧក្រិដ្ឋ ដែលជាករណីលើកដំបូងបង្អស់សម្រាប់កូនរបស់ប្រធានាធិបតីអាមេរិក

2023/09/15 12:21:00 pm        92
Facebook Telegram Linkin
លោក ហាន់ធឺ បៃដិន (Hunter Biden) កូនប្រុសរបស់ប្រធានាធិបតីអាមេរិក លោក ចូ បៃដិន ត្រូវបានចោទប្រកាន់ពីបទឧក្រិដ្ឋកាលពីថ្ងៃព្រហស្បតិ៍ (១៤ កញ្ញា) ពីបទបោកបញ្ឆោតអ្នកលក់កាំភ្លើងឱ្យលក់អាវុធឱ្យខ្លួន ដែលជាសញ្ញាចុងក្រោយបង្អស់នៃបញ្ហាផ្លូវច្បាប់របស់កូនប្រុសពៅលោក បៃដិន ដោយករណីនេះអាចនឹងដាក់បន្ទុកលើការស្វែងរកអាណត្តិបន្ទាប់ក្នុងការបោះឆ្នោតរបស់ឪពុកខ្លួននៅឆ្នាំក្រោយនេះ។ការចោទប្រកាន់ជាលើកដំបូងមិនធ្លាប់មានចំពោះកូនរបស់ប្រធានាធិបតីកំពុងកាន់តំណែង ដែលបញ្ជូនទៅកាន់តុលាការសហព័ន្ធ របស់សហរដ្ឋអាមេរិក ក្នុងទីក្រុង Delaware នេះ បានចោទប្រកាន់លោក ហាន់ធឺ បៃដិន ពីបទឧក្រិដ្ឋចំនួនបីករណី ពាក់ព័ន្ធនឹងការនិយាយកុហកអំពីការពិតដែលថា លោកបានប្រើប្រាស់គ្រឿងញៀនខុសច្បាប់ នៅពេលដែលលោកកាន់កាប់កាំភ្លើង ដោយបញ្ហានោះនឹងហាមឃាត់លោកនៅក្រោមច្បាប់ពីការក្លាយជាម្ចាស់អាវុធ។ការចោទប្រកាន់នេះធានាថា ឆាកល្ខោនក្នុងបន្ទប់សវនាការ នឹងដើរតួយ៉ាងធំនៅក្នុងយុទ្ធនាការបោះឆ្នោតប្រធានាធិបតីអាមេរិកឆ្នាំ២០២៤ ខណៈលោក ចូ បៃដិន វ័យ៨០ឆ្នាំ ព្យាយាមស្វះស្វែងរកអាណត្តិបន្ទាប់ ដែលទំនងជាត្រូវប៉ះគ្នាម្ដងទៀតជាមួយនឹងអ្នកកាន់តំណែងពីមុនរបស់ខ្លួនមកពីគណបក្សសាធារណរដ្ឋ គឺលោក ដូណាល់ ត្រាំ វ័យ៧៧ឆ្នាំ ដែលប្រឈមមុខនឹងការកាត់ក្តីព្រហ្មទណ្ឌចំនួនបួននាពេលខាងមុខផងដែរ។ ការចោទប្រកាន់កូនប្រុសរបស់លោក បៃដិន នេះ កើតឡើងរយៈពេលពីរថ្ងៃ បន្ទាប់ពីសភាតំណាងរាស្រ្តគណបក្សសាធារណរដ្ឋ បានបើកការស៊ើបអង្កេតលើការចោទប្រកាន់លើលោក ចូ បៃដិន ដើម្បីទម្លាក់តំណែងប្រធានាធិបតីរបស់លោក ទាក់ទងនឹងជំនួញបរទេសរបស់លោកកូនប្រុសខ្លួនផងដែរ៕

ទីក្រុងគីវ៖ នាវាល្បាតរុស្ស៊ីពីរគ្រឿង ត្រូវរងការវាយប្រហារ នៅសមុទ្រខ្មៅ

2023/09/15 12:17:30 pm        98
Facebook Telegram Linkin
កងកម្លាំងប្រដាប់អាវុធអ៊ុយក្រែន បាននិយាយនៅក្នុងសារ Telegram កាលពីថ្ងៃទី១៤ ខែកញ្ញាថា កងកម្លាំងអ៊ុយក្រែន បានវាយប្រហារទៅលើនាវាល្បាត Project 22160ចំនួនពីរគ្រឿងរបស់រុស្ស៊ី នៅភាគនិរតីនៃសមុទ្រខ្មៅ ដោយបានបណ្តាលនាវាទាំងពីរគ្រឿងនោះរងការខូចខាត។លោក Mykhailo Fedorov រដ្ឋមន្ត្រីក្រសួងកំណែទម្រង់ឌីជីថលរបស់អ៊ុយក្រែន ក្រោយមកបានចេញផ្សាយវីដេអូនៃការវាយប្រហារដោយយានដ្រូនរបស់កងទ័ពជើងទឹក ដោយបង្ហាញថា ប្រតិបត្តិការនេះ ត្រូវបានធ្វើឡើង ដោយការស៊ើបការណ៍របស់ក្រសួងការពារជាតិអ៊ុយក្រែន។ពុំមានព័ត៌មានលម្អិតបន្ថែមទៀតនៃការវាយប្រហារ ត្រូវបានផ្តល់ឲ្យនោះទេ។នៅព្រឹកព្រលឹមថ្ងៃទី១៤ខែកញ្ញា ប្រភពរុស្ស៊ី បានរាយការណ៍ពីការបំផ្លិចបំផ្លាញនៃយានដ្រូចំនួន៥គ្រឿង របស់កងទ័ពជើងទឹក ដែលកំពុងព្យាយាមវាយប្រហារទៅលើនាវាល្បាត Sergey Kotov នៃកងនាវាចរណ៍សមុទ្រខ្មៅរបស់រុស្ស៊ី។

WHO បញ្ចេញទឹកប្រាក់២លានដុល្លារ ពីមូលនិធិបន្ទាន់ ដើម្បីគាំទ្រដល់ជនរងគ្រោះដោយទឹកជំនន់នៅលីប៊ី

2023/09/15 11:52:37 am        121
Facebook Telegram Linkin
អគ្គនាយករបស់អង្គការបាននិយាយថា អង្គការសុខភាពពិភពលោក (WHO) នឹងបញ្ចេញប្រាក់ចំនួន២លានដុល្លារ ពីមូលនិធិបន្ទាន់របស់ខ្លួនដើម្បីគាំទ្រដល់ជនរងគ្រោះដោយទឹកជំនន់នៅក្នុងប្រទេសលីប៊ី។ អគ្គនាយកអង្គការសុខភាពពិភពលោក លោក Tedros Adhanom Ghebreyesus ដែលបានចាត់ទុកទឹកជំនន់ថាជា«ភាពចលាចលនៃគ្រោះមហន្តាយ» បាននិយាថា ទីភ្នាក់ងាររបស់លោកកំពុងដាក់ពង្រាយការផ្គត់ផ្គង់បម្រុងទុកជាមុនសម្រាប់គ្រាអាសន្ន ដែលមានរួចជាស្រេចនៅក្នុងប្រទេសលីប៊ី ព្រមទាំងបញ្ជូន ការផ្គត់ផ្គង់ផ្នែកសង្គ្រោះបន្ទាន់ វះកាត់ និងរបួស ពីមជ្ឈមណ្ឌលដឹកជញ្ជូនរបស់ខ្លួន នៅក្នុងទីក្រុង Dubai។ការងារសង្គ្រោះ ត្រូវបានរារាំងដោយការបែងចែងនយោបាយ នៅក្នុងប្រទេសមានប្រជាជន៧លាននាក់ ដែលសង្គ្រាមបានកើតឡើង និងគ្មានរដ្ឋាភិបាលគ្រប់គ្រងបាននៅទូទាំងប្រទេសនោះទេចាប់តាំងពី ការប៉ះបោ ដែលគាំទ្រដោយសម្ព័ន្ធយោធាណាតូ ដែលបានផ្តួលរំលំ លោក Muammar Gaddafi ក្នុងឆ្នាំ២០១១។រដ្ឋាភិបាលរួបរួមជាតិដែលទទួលស្គាល់ជាអន្តរជាតិមានមូលដ្ឋាននៅក្នុងទីក្រុងទ្រូប៉ូលី នៅភាគខាងលិច។ រដ្ឋបាលដែលមានឋានៈប្រហាក់ប្រហែលគ្នានេះធ្វើប្រតិបត្តិការនៅភាគខាងកើត ដែលស្ថិតនៅក្រោមការគ្រប់គ្រងរបស់កងទ័ពជាតិលីប៊ី Khalifa Haftar។

មនុស្សជាច្រើននាក់ត្រូវបានចាប់ខ្លួន ក្នុងការតវ៉ាឥន្ធនៈហ្វូស៊ីលនៅទីក្រុងញ៉ូវយ៉ក

2023/09/14 01:58:53 pm        122
Facebook Telegram Linkin
អ្នកតវ៉ារាប់សិបនាក់ បានប្រមូលផ្តុំគ្នាតវ៉ានៅខាងក្រៅទីស្នាក់ការកណ្តាលក្រុមហ៊ុនផ្គត់ផ្គង់វិនិយោគ BlackRock ក្នុងទីក្រុងញូវយ៉ក សហរដ្ឋអាមេរិក កាលពីថ្ងៃពុធ (១៣ កញ្ញា) ដើម្បីអំពាវនាវឱ្យសាជីវកម្មគ្រប់គ្រងការវិនិយោគមួយនេះ បញ្ឈប់ការផ្តល់ហិរញ្ញប្បទានឥន្ធនៈហ្វូស៊ីល។ក្រុមមន្ត្រីបានចាប់ខ្លួនក្រុមបាតុករមួយចំនួន។ ក្រុមអ្នកតវ៉ាទាំងនោះ បានបិទផ្លូវ ពាក់របាំងមុខរបស់នាយកប្រតិបត្តិក្រុមហ៊ុន BlackRock លោក Larry Fink និងបានដំឡើងកន្លែងខួងយកប្រេងសិប្បនិមិត្ត ក្នុងអំឡុងពេលតវ៉ាពេលព្រឹករបស់ខ្លួននៅផ្នែកចុងបញ្ចឹមនៃទីក្រុង Manhattan ផងដែរ។ក្រុមបាតុករទាំងនោះ ត្រូវបានរៀបចំឡើងដោយក្រុមសកម្មជនអាកាសធាតុ រួមទាំងសហគមន៍ញូវយ៉កដើម្បីការផ្លាស់ប្តូរ និងសន្តិភាពបៃតង ហើយពួកគេគ្រោងនឹងធ្វើការតវ៉ាទៅធនាគារ Citibank នៅថ្ងៃព្រហស្បតិ៍ (១៤ កញ្ញា) នេះផងដែរ៕

ឥណ្ឌា៖ មនុស្សជាង៧០០នាក់ កំពុងរងចាំលទ្ធផលតេស្តរកវីរុស Nipah បន្ទាប់ពីមនុស្ស២នាក់ស្លាប់

2023/09/14 01:43:44 pm        110
Facebook Telegram Linkin
រដ្ឋ Kerala ប្រទេសឥណ្ឌាភាគខាងត្បូង បានបិទសាលារៀន ការិយាល័យនិងការដឹកជញ្ចូនសាធារណៈ កាលពីថ្ងៃពុធ ក្នុងការទប់ស្កាត់ដើម្បីបញ្ឈប់ការរាលដាលវីរុសNipah ដ៏កម្រនិងបណ្តាលឲ្យមនុស្ស២នាក់ស្លាប់។ មន្ត្រីសុខាភិបាលរដ្ឋ បាននិយាយថា មនុស្សពេញវ័យ ២នាក់ និងកុមារម្នាក់ នៅឆ្លងនៅឡើយនៅមន្ទីរពេទ្យ ហើយមនុស្សជាង៧០០នាក់ កំពុងត្រូវបានធ្វើតេស្តរកវីរុសនេះ ដែលបានឆ្លងរាលដាលតាមរយៈការប៉ះពាល់ពាល់វត្ថុរាវពីខ្លួនសត្វប្រចៀវ ឬសត្វជ្រូកដែលបាឆ្លងវីរុសនេះ។ កាលពីល្ងាចថ្ងៃពុធ រដ្ឋាភិបាលរដ្ឋ បាននិយាយថា មនុស្សយ៉ាងហោចណាស់៧០៦នាក់ រួមមានទាំងបុគ្គលិកសុខាភិបាល១៥៣នាក់ កំពុងធ្វើតេស្តដើម្បីពិនិត្យការរាលដាលវីរុស ដែលកំពុងរង់ចាំលទ្ធផល។ លោក Pinarayi Vijayan ប្រធានរដ្ឋមន្ត្រីប្រចាំរដ្ឋ Kerala បាននិយាយនៅក្នុងសេចក្តីថ្លែងការណ៍ថា មនុស្សកាន់តែច្រើនអាចត្រូវបានធ្វើតេស្ត ហើយអគារដាក់ឲ្យនៅដោយឡែកនឹងត្រូវបានផ្តល់ឲ្យ។ លោកបានស្នើសុំឲ្យពលរដ្ឋជៀសវាងការជួបជុំគ្នាជាសាធារណៈ នៅក្នុងស្រុក Kozhikode សម្រាប់រយៈពេល១០ថ្ងៃបន្ទាប់។អ្នកឆ្លងវីរុស២នាក់ បានស្លាប់ចាប់តាំងពី ថ្ងៃទី៣០ ខែសីហា ក្នុងការផ្ទុះឡើងវីរុសលើកទី៤នៅរដ្ឋ Kerala ចាប់តាំងពីឆ្នាំ២០១៨ ដោយបង្ខំឲ្យអាជ្ញាធរ ប្រកាសតំបន់គ្រប់គ្រងនៅក្នុងភូមិចំនួនយ៉ាងហោចណាស់៨ នៃស្រុក Kozhikode។ រដ្ឋមន្ត្រីប្រចាំរដ្ឋ លោកស្រី Veena George បានប្រាប់ក្រុមអ្នកសារព័ត៌មានថា យើងកំពុងផ្តោតលើទំនាក់ទំនងដែលមានដានរបស់អ្នកឆ្លងដំបូង និងការដាក់ឲ្យនៅដោយឡែកអ្នកដែលមានរោគសញ្ញា។

មន្ទីរពេទ្យបណ្ដោះអាសន្នម៉ារ៉ុក ព្យាបាលអ្នករបួសរាប់រយនាក់ក្នុងគ្រោះរញ្ជួយដី ជារៀងរាល់ថ្ងៃ

2023/09/14 01:36:58 pm        84
Facebook Telegram Linkin
មន្ទីរពេទ្យមួយកន្លែង នៅជើងភ្នំ Atlas ក្នុងប្រទេសម៉ារ៉ុក បាននិងកំពុងផ្តល់សេវាវេជ្ជសាស្រ្ត និងការផ្គត់ផ្គង់ ដល់អ្នកស្រុកដែលរងផលប៉ះពាល់ដោយរញ្ជួយដីនៅក្បែរនោះ។ គ្រោះរញ្ជួយដីកម្រិត៧,០រ៉ិចទ័រ ដែលជាគ្រោះមហន្តរាយធម្មជាតិមានមនុស្សស្លាប់ច្រើនបំផុតនៅក្នុងប្រទេសម៉ារ៉ុក ក្នុងរយៈពេលជាង៦ទសវត្សរ៍មក បានវាយប្រហារនៅជិតទីក្រុងប្រវត្តិសាស្ត្រ Marrakesh កាលពីថ្ងៃសុក្រ (៨ កញ្ញា)។មន្ទីរពេទ្យនេះត្រូវបានសាងសង់ដោយកងកម្លាំងប្រដាប់អាវុធម៉ារ៉ុក បន្ទាប់ពីមានការរញ្ជួយដ៏ខ្លាំងក្លា ដោយស្ថិតនៅចម្ងាយប្រហែល៤០គីឡូម៉ែត្រភាគខាងត្បូងនៃទីក្រុង Marrakesh។ ទិន្នន័យដែលបានចេញផ្សាយដោយក្រុមអាជ្ញាធរបង្ហាញថា ជំរំតង់របស់មន្ទីរពេទ្យវាលមួយនេះ បានទទួលអ្នករបួសប្រហែល៦០០នាក់ កាលពីថ្ងៃចន្ទ។ចំនួនអ្នកស្លាប់ ដោយសារគ្រោះរញ្ជួយដីដ៏ខ្លាំងក្លានៅក្នុងប្រទេសនេះ បានកើនឡើងដល់២.៩៤៦នាក់ ហើយជាមួយនឹងចំនួនអ្នករងរបួសដែលបានចុះឈ្មោះមានចំនួន៥.៦៧៤នាក់។ កងកម្លាំងជួយសង្គ្រោះក្នុងស្រុក និងអន្តរជាតិ នៅតែបន្តប្រតិបត្តិការយ៉ាងសស្រាក់សស្រាំ ដើម្បីស្វែងរកអ្នកដែលនៅរស់រានមានជីវិតបន្ថែមទៀតផងដែរ៕

សាលារៀនជាច្រើននៅទីក្រុងហុងកុងត្រូវបានបិទ ខណៈមានការព្រមានអំពីភ្លៀងធ្លាក់ខ្លាំង

2023/09/14 01:32:46 pm        88
Facebook Telegram Linkin
ទីក្រុងហុងកុង បានបិទសាលារៀនជាច្រើនទីតាំងនៅថ្ងៃព្រហស្បតិ៍ (១៤ កញ្ញា)នេះ បន្ទាប់ពីក្រុមអាជ្ញាធរបានចេញប្រកាសនូវសញ្ញាអាសន្នភ្លៀងធ្លាក់ខ្ពស់បំផុតទីពីរ និងបានព្រមានអំពីទឹកជំនន់យ៉ាងទូលំទូលាយ ត្រឹមតែប៉ុន្មានថ្ងៃបន្ទាប់ពីមជ្ឈមណ្ឌលហិរញ្ញវត្ថុអាស៊ីមួយនេះ ត្រូវបានវាយប្រហារដោយភ្លៀងធ្លាក់ខ្លាំងបំផុត ចាប់តាំងពីកំណត់ត្រាបានចាប់ផ្តើមកាលពី១៤០ឆ្នាំមុនមក។ក្រុមសង្កេតការណ៍អាកាសធាតុរបស់ទីក្រុង បានចេញសញ្ញាអាសន្នពណ៌ «ក្រហម» នៅមុនម៉ោង៦ព្រឹក(ម៉ោងក្នុងស្រុក) ដោយនិយាយថា កម្រិតភ្លៀងលើសពី៥០មីលីម៉ែត្រក្នុងរយៈពេលមួយម៉ោង កំពុងធ្លាក់ចុះ ហើយទំនងជានឹងបន្តទៀត។ ភ្លៀងធ្លាក់ខ្លាំងបានកើតឡើង ខណៈទីក្រុងនេះនៅតែបន្តជួសជុលការខូចខាត បណ្តាលមកពីភ្លៀងធ្លាក់ខ្លាំងដោយភ្ជាប់ជាមួយនឹងព្យុះទីហ្វុង ហៃខួយ (Haikui) ដែលបានឆ្លងកាត់នៅក្បែរនោះ ក្នុងរយៈពេលប៉ុន្មានថ្ងៃថ្មីៗនេះ។ តំបន់ជាច្រើននៃទីក្រុងភ្នំមួយនេះ នៅតែមានហានិភ័យខ្ពស់នៃបំណាក់ដី បន្ទាប់ពីអាកាសធាតុសើមខុសពីធម្មតា៕

យោធាអាមេរិក បន្តបេសកកម្មប្រឆាំងភេរវកម្មចេញពីមូលដ្ឋាន នៅក្នុងប្រទេសនីហ្សេ

2023/09/14 12:39:56 pm        72
Facebook Telegram Linkin
ប្រមុខទ័ពអាកាសអាមេរិកប្រចាំតំបន់អឺរ៉ុប និងអាហ្រ្វិក បាននិយាយកាលពីថ្ងៃពុធថា យោធាសហរដ្ឋអាមេរិក បានបន្តបេសកកម្មប្រឆាំងភេរវកម្ម នៅក្នុងប្រទេសនីហ្សេ ដោយហោះហើរយានដ្រូន និងយន្តហោះផ្សេងទៀតចេញពីមូលដ្ឋានទ័ពអាកាសក្នុងប្រទេសនេះ ជាងមួយខែ បន្ទាប់ពីរដ្ឋប្រហារ បានបញ្ឈប់សកម្មភាពទាំងអស់ នៅទីនោះ ជាបណ្តោះអាសន្ន។ចាប់តាំងពីរដ្ឋប្រហារខែកក្កដាមក កងកម្លាំងសហរដ្ឋអាមេរិកចំនួន ១.១០០នាក់ ដែលដាក់ពង្រាយនៅក្នុងប្រទេសនេះ ត្រូវបានបង្ខាំងនៅខាងក្នុងមូលដ្ឋានយោធារបស់ពួកគេ។ កាលពីសប្តាហ៍មុន មន្ទីរបញ្ចកោណបាននិយាយថា បុគ្គលិកយោធាខ្លះ និងគ្រឿងយុទ្ធោបករណ៍មួយចំនួន ត្រូវបានផ្លាស់ប្តូរពីមូលដ្ឋានទ័ពអាកាសនៅជិតទីក្រុងនីញ៉ាម៉េ(Niamey) ដែលជារដ្ឋធានីនៃប្រទេសនីហ្សេទៅកាន់មូលដ្ឋានមួយផ្សេងទៀតនៅក្នុងទីក្រុងអាហ្គាដេស( Agadez)។ ទីក្រុងនីញ៉ាម៉េ មានចម្ងាយប្រហែល ៩២០ គីឡូម៉ែត្រពី ទីក្រុងអាហ្គាដេស។ជាការឆ្លើយតបទៅនឹងសំណួរមួយរបស់សារព័ត៌មាន AP អំពីរបៀបដែលសហរដ្ឋអាមេរិក អាចបន្តបេសកកម្មប្រឆាំងភេរវកម្មដោយពុំមានជើងហោះហើរទាំងនោះ ឧត្តមសេនីយ៍ ចេមស៍ ហែកឃើ ( James Hecker) មេបញ្ជាការជាន់ខ្ពស់នៃកងទ័ពអាកាសប្រចាំនៅទ្វីបអឺរ៉ុប និងអាហ្រ្វិក បាននិយាយក្នុងរយៈពេលប៉ុន្មានសប្តាហ៍ថ្មីៗនេះនៃបេសកកម្មស៊ើបការណ៍និងឃ្លាំមើលទាំងនោះ អាចបន្តឡើងវិញបាន ដោយសារការចរចាររបស់សហរដ្ឋអាមេរិកជាមួយរបបយោធា។

​ជនជាតិប៉ាឡេស្ទីន៥នាក់ បានស្លាប់ក្នុងការផ្ទុះមួយអំឡុងពេលតវ៉ានៅព្រំដែនតំបន់ហ្គាហ្សា

2023/09/14 12:28:57 pm        77
Facebook Telegram Linkin
ក្រុមមន្ត្រីប៉ាឡេស្ទីនបាននិយាយថា ជនជាតិប៉ាឡេស្ទីន៥នាក់ ត្រូវបានស្លាប់កាលពីថ្ងៃពុធ (១៣ កញ្ញា) នៅឯព្រំដែនរវាងអ៊ីស្រាអែល និងតំបន់ហ្គាហ្សា ដោយសារឧបករណ៍ផ្ទុះដែលហាក់ដូចជាត្រូវបានបំផ្ទុះដោយចៃដន្យ ខណៈការតវ៉ានៅតាមបណ្តោយព្រំដែន ដែលងាយនឹងបង្កជាហិង្សា បានកើតមានឡើងបន្ទាប់ពីភាពស្ងប់ស្ងាត់ជាច្រើនខែ។យុវជនហ្គាហ្សារាប់សិបនាក់ បានធ្វើការតវ៉ានៅតាមបណ្តោយព្រំដែន ដើម្បីគាំទ្រជនជាតិប៉ាឡេស្ទីន ដែលជាប់ពន្ធនាគារនៅអ៊ីស្រាអែល។ ក្រុមបក្សពួកតវ៉ាប៉ាឡេស្ទីនបាននិយាយថា ការផ្ទុះនោះ បណ្តាលមកពីឧបករណ៍ដែលក្រុមបាតុករមួយចំនួនបានគ្រោងប្រើ ក្នុងអំឡុងពេលបាតុកម្ម។ យោធាអ៊ីស្រាអែលបាននិយាយក្នុងសេចក្តីថ្លែងការណ៍មួយថា ក្រុមបាតុករបានព្យាយាមគប់គ្រឿងផ្ទុះទាំងនោះទៅលើទាហានរបស់ខ្លួនតាមព្រំដែន ហើយក្រសួងសុខាភិបាលប៉ាឡេស្ទីនបាននិយាយថា មនុស្ស៥នាក់ត្រូវបានស្លាប់នៅក្នុងហេតុការណ៍នោះផងដែរ៕

បណ្ដាញសង្គម

ព័ត៌មានថ្មីៗ

មេដឹកនាំកូរ៉េខាងជើង Kim Jong Un សរសើរ «ឆន្ទៈដ៏រឹងមាំ» ក្នុងការអភិវឌ្ឍទំនាក់ទំនងជាមួយលោក Xi Jinping
07/01/2026 10:07 AM
Facebook Telegram Linkin
ព្រះមហាក្សត្រ៖ រដ្ឋសភាបានបំពេញតួនាទី ភារកិច្ចស្នូល​របស់ខ្លួន​ប្រកប​ដោយ​ស្មារតី​ទទួល​ខុស​ត្រូវ​ខ្ពស់សម្រេចបានលទ្ធផលយ៉ាងច្រើនសន្ធឹកសន្ធាប់ ជាឧត្តមប្រយោជន៍ជូនជាតិមាតុភូមិ និងប្រជាជន
07/01/2026 10:07 AM
Facebook Telegram Linkin
ព្រះមហាក្សត្រ អំពាវនាវដល់ជនរួមជាតិបន្តរួបរួមគ្នាគាំទ្ររដ្ឋាភិបាលក្នុងការការពារអធិបតេយ្យ និងទឹកដី
07/01/2026 10:07 AM
Facebook Telegram Linkin
សម្តេចធិបតី ហ៊ុន ម៉ាណែត ចេញសារាចរផ្អាកការប្រារព្ធព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៦ នៅរាជធានីភ្នំពេញ តែនៅបណ្តាខេត្តអាចប្រារព្ធធ្វើបានធម្មតា
07/01/2026 09:07 AM
Facebook Telegram Linkin
រដ្ឋសភាបើកសម័យប្រជុំលើកទី៦ នីតិកាលទី៧ ជាផ្លូវការ ជាមួយរបៀបវារៈគន្លឹះចំនួនពីរ
07/01/2026 09:07 AM
Facebook Telegram Linkin
អង្គការសហប្រជាជាតិ៖ ការផ្ទុះឡើងនៃជំងឺអេបូឡាអាចធ្វើឱ្យទ្វីបអាហ្វ្រិកខាតបង់រហូតដល់ ៣,៦ ពាន់លានដុល្លារ
07/01/2026 09:07 AM
Facebook Telegram Linkin
មនុស្សរាប់ពាន់នាក់ចេញធ្វើបាតុកម្មទាមទារឱ្យជនអន្តោប្រវេសន៍ខុសច្បាប់ចាកចេញពីអាហ្វ្រិកខាងត្បូង
07/01/2026 09:07 AM
Facebook Telegram Linkin
បាក់ដំបូលមជ្ឈមណ្ឌលសិក្សានៅប្រទេសប៉ាគីស្ថាន បណ្តាលឲ្យកុមារ ១៤ នាក់ស្លាប់
07/01/2026 09:07 AM
Facebook Telegram Linkin
ទួរគីនិយាយថា ណាតូកំពុងសម្របខ្លួនទៅនឹងទស្សនសន្តិសុខ ហើយសហរដ្ឋអាមេរិកមិនដកខ្លួនចេញទេ
07/01/2026 08:07 AM
Facebook Telegram Linkin
អ៊ីរ៉ង់ថាខ្លួននឹងមិនជួបបេសកជនអាមេរិកទេ ដែលធ្វើឲ្យប៉ះពាល់ដល់ការរំពឹងទុកសម្រាប់កិច្ចព្រមព្រៀងសន្តិភាព
07/01/2026 08:07 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.