BTV NEWS

ស្នងការរាជធានី អំពាវនាវដល់យុវជនជៀសឆ្ងាយពីសកម្មភាពក្មេងទំនើង បើប្រព្រឹត្តល្មើសមានតែការអនុវត្តផ្លូវច្បាប់ប៉ុណ្ណោះ

មន្ត្រីជំនាញ៖ Online Scams នៅកម្ពុជា កំពុងត្រូវបានបង្ក្រាបយ៉ាងសកម្មទោះមានលក្ខណៈស្មុគស្មាញ

ជនបន្លំយកលុយពីភ្ញៀវបរទេស២ពាន់ដុល្លារ នៅផ្សារច្បារអំពៅ ត្រូវបានសមត្ថកិច្ចរាជធានីស្រាវជ្រាវឃាត់ខ្លួន និងយកថវិការជូនជនរងគ្រោះវិញ

តំណាងអយ្យការចោទប្រកាន់ជនសង្ស័យម្នាក់យករូបថ្នាក់ដឹកនាំធ្វើជាប្រូហ្វាល់ ជាមធ្យោបាយគំរាមជនរងគ្រោះជំរិតទារប្រាក់

សន្តិសុខ និង សង្គម

ការខឹងសម្បាទៅនឹងរដ្ឋាភិបាលម៉ារ៉ុក កើនឡើងកាន់តែខ្លាំង ចំពោះការផ្ដល់ជំនួយ សម្រាប់អ្នកនៅរស់រានមានជីវិតពីការរញ្ជួយដី

អ្ននមានសំណាងរួចជីវិតផុតពីសេចក្ដីស្លាប់ជាច្រើនក្នុងគ្រោះរញ្ជួយដីនៅប្រទេសម៉ារ៉ុកនៅក្នុងតំបន់ភ្នំដែលរងគ្រោះមហន្តរាយដ៏ធ្ងន់ធ្ងរនេះ បានត្អូញត្អែរថាពួកគេពុំទទួលបានជំនួយពីក្រុមអាជ្ញាធរឡើយ។មិនមែនមានតែប្រជាពលរដ្ឋរងគ្រោះប៉ុណ្ណោះ សូម្បីតែក្រុមអ្នកសង្រ្គោះ ក៏បានត្អូញត្អែរផងដែរ ចំពោះរដ្ឋាភិបាលម៉ារ៉ុក ដែលពុំព្រមទទួលយកជំនួយពីអន្តរជាតិ បន្ទាប់ពីការរញ្ជួយដីនេះ ។លោក ម៉េឌី អេត បូយ៉ាលី (Mehdi Ait Bouyali) វ័យ២៤ឆ្នាំ ដែលកំពុងបោះជំរំស្នាក់នៅក្នុងតាមដងផ្លូវ ទីនហ្ស៊ី អែន ថេស (Tizi n'Test) ដែលតភ្ជាប់ពីតំបន់ជ្រលងភ្នំដាច់ស្រយាលមួយចំនួនទៅកាន់ទីក្រុងប្រវត្តិសាស្ត្រ ម៉ារ៉ាកិច (Marrakech) រួមជាមួយអ្នកនៅមានជីវិតផ្សេងទៀត ដែលបានគេចចេញពីភូមិឋាននានារងការបំផ្លិចបំផ្លាញ បាននិយាយថា ក្រុមរបស់លោកទទួលបានជំនួយជាចំណីអាហារ និងភួយ មកពីមនុស្សម្នាដែលធ្វើដំណើរឆ្លងកាត់ប៉ុណ្ណោះ មិនមែនពីរដ្ឋនោះទេ។ លោកបានរិះគន់កិច្ចខិតខំប្រឹងប្រែងផ្ដល់ជំនួយរបស់រដ្ឋាភិបាល ដោយនិយាយថាភូមិឋាននានានៃតំបន់ជ្រលងភ្នំនេះ ត្រូវគេបំភ្លេចចោលបាត់ហើយ យើងត្រូវការជំនួយ ។ យើងត្រូវការកៅស៊ូតង់ ។ នៅក្នុងទីប្រជុំជនដាច់ស្រយាល តាឡាត អែន យ៉ាកូប (Talat N'yaaqoub)ដែលរងគ្រោះពីការរញ្ជួយដីធ្ងន់ធ្ងរជាងគេបំផុត ប្រជាពលរដ្ឋរាប់សិបនាក់បានទទួលជំនួយ កាលពីថ្ងៃអង្គារ ជាជំនួយដែលក្រុមជនរងគ្រោះកំពុងទន្ទឹងរង់ចាំជាយូរមកហើយ បន្ទាប់ពីគ្រោះរញ្ជួយដីដ៏មហន្តរាយ៕

ក្រុមប្រដាប់អាវុធនៅម៉ាលី អះអាងពីការវាយប្រហារទៅលើទីក្រុង ដ៏សំខាន់នៅភាគខាងជើង

ក្រុមប្រដាប់អាវុធមកពីភាគខាងជើងប្រទេសម៉ាលីកាលពីថ្ងៃអង្គារ បានអះអាងថា ពួកគេបានដណ្តើមកាន់កាប់ទីក្រុងសំខាន់គឺBourem ស្ថិតនៅចន្លោះទីក្រុង Gao និង Timbuktu មុនពេលដកខ្លួនចេញ ដោយបង្កឲ្យមានការភ័យខ្លាចចំពោះការដួលរលំនៃកិច្ចព្រមព្រៀងសន្តិភាពរវាងអតីតក្រុមឧទ្ទាម និងកងកម្លាំងរដ្ឋាភិបាល។នៅក្នុងសេចក្តីថ្លែងការណ៍មួយកាលពីល្ងាចថ្ងៃអង្គារ យោធាម៉ាលីបាននិយាយថា ខ្លួនបានវាយរុញច្រាន ការវាយប្រហារដ៏ស្មុគស្មាញដែលពាក់ព័ន្ធនឹងការបំផ្ទុះគ្រាប់បែកដាក់ក្នុងរថយន្ត ដែលបានបណ្តាលឲ្យទាហាន ១០នាក់ ស្លាប់ និង ១៣នាក់ រងរបួស ខណៈដែលភេរវករចំនួន៤៦នាក់ ត្រូវបានសម្លាប់។មន្ត្រីយោធាជាន់ខ្ពស់ម្នាក់ បានថ្លែងប្រាប់សារព័ត៌មាន AFP ថា កងទ័ពបានគ្រប់គ្រងទីតាំងរបស់ខ្លួន នៅក្នុងទីក្រុង Bourem ឡើងវិញ ដោយមានជំនួយពីការគាំទ្រផ្លូវអាកាស។ក្របខណ្ឌយុទ្ធសាស្រ្តអចិន្ត្រៃយ៍ (CSP) ជាសម្ព័ន្ធនៃក្រុមប្រឆាំងប្រដាប់អាវុធ ដែលបានចុះហត្ថលេខាលើកិច្ចព្រមព្រៀងសន្តិភាពជាមួយរដ្ឋនេះ ក្នុងឆ្នាំ២០១៥ បានចេញសេចក្តីថ្លែងការណ៍មួយកាលពីថ្ងៃអង្គារ ដោយនិយាយថា ខ្លួនបានចាប់ផ្តើមប្រតិបត្តិការនៅទីក្រុង Bourem ដោយដណ្តើមបានគ្រប់គ្រងជំរំនិងទីតាំងឈានមុខជាច្រើនពីកងទ័ព និងក្រុមយោធាប៉ារ៉ាWagner របស់រុស្ស៊ីដែលជាសម្ព័ន្ធមិត្ត។

សហរដ្ឋអាមេរិក កត់ត្រាការចំណាយដ៏ច្រើនបំផុតមិនធ្លាប់មានក្នុងគ្រោះមហន្តរាយអាកាសធាតុ

បន្ទាប់ពីចំហេះព្រៃដ៏មហន្តរាយនៅរដ្ឋហាវ៉ៃ ការបំផ្លិចបំផ្លាញដោយខ្យល់ព្យុះនៅរដ្ឋហ្វ្លរីដា និងគ្រោះធម្មជាតិជាច្រើនករណីផ្សេងទៀត ដោយសារបញ្ហាអាកាសធាតុធ្ងន់ធ្ងរនៅឆ្នាំនេះមក ភ្នាក់ងារសង្គ្រោះគ្រោះមហន្តរាយកាកបាទក្រហមអាមេរិក កំពុងចាប់ផ្តើមកិច្ចខិតខំប្រឹងប្រែងឆ្លើយតបគ្រោះមហន្តរាយ ដែលមានថវិកាចំនួន១ពាន់លានដុល្លារអាមេរិក ខណៈព្រឹត្តិការណ៍អាកាសធាតុធ្ងន់ធ្ងរទាំងនេះត្រូវបានគេរំពឹងថា នឹងកើនឡើងដោយសារតែបម្រែបម្រួលអាកាសធាតុ។នៅឆ្នាំនេះ មានគ្រោះមហន្តរាយចំនួន២៣ករណី ដែលអាចបង្កឱ្យខូចខាតដល់ទៅជាង១ពាន់លានដុល្លារអាមេរិក នេះបើយោងតាមរដ្ឋបាលមហាសមុទ្រ និងបរិយាកាសរបស់សហរដ្ឋអាមេរិក ដែលបាននិយាយថា រហូតមកដល់ពេលនេះ ការខូចខាតសរុបមានតម្លៃជិត៥៨ពាន់លានដុល្លារហើយ ដែលមានតម្លៃខ្ពស់បំផុតក្នុងកំណត់ត្រា ដោយតួលេខនេះមិនរួមបញ្ចូលទាំងការចំណាយពីព្យុះសង្ឃរា អ៊ីដាលីយ៉ា កាលពីខែមុននោះទេ។ហើយតួលេខនៃការចំណាយនោះត្រូវបានគេរំពឹងថា នឹងកើនឡើងបន្ថែមទៀតព្រោះរដូវខ្យល់ព្យុះទើបតែចាប់ផ្តើមប៉ុណ្ណោះ។ ទីភ្នាក់ងារកាកបាទក្រហម បានទទួលមូលនិធិពីស្ថានប័នសប្បុរសធម៌ Lilly Endowment និងសប្បុរសជនផ្សេងទៀត សម្រាប់យុទ្ធសាស្ត្រអាកាសធាតុថ្មីចំនួន១ពាន់លានដុល្លារ ហើយក៏បន្តរៃអង្គាសថវិកាពីការបរិច្ចាគផ្សេងៗផងដែរ៕

អាជ្ញាធរខណ្ឌដូនពេញ បន្តចុះអប់រំណែនាំ និងត្រួតពិនិត្យដល់ក្មេងៗ ដែលប្រមូលផ្ដុំគ្នាអង្គុយតាមសួន នាពេលយប់

ភ្នំពេញ៖ កម្លាំងអាជ្ញាធរខណ្ឌដូនពេញ បានបន្តចុះត្រួតពិនិត្យអប់រំណែនាំដល់ក្មេងៗ ដែលមានការប្រមូលផ្ដុំគ្នាអង្គុយតាមសួន នាពេលយប់ ដើម្បីធ្វើការអប់រំណែនាំមិនឲ្យមានការប្រមូលផ្ដុំ ដើម្បីបង្ការទប់ស្កាត់ អំពើហិង្សា និងបទល្មើសផ្សេងៗ។ប្រតិបត្តិការចុះអប់រំណែនាំនេះ ដោយមានការចង្អុលបង្ហាញពីលោក ជា ខេមា អភិបាលនៃគណៈអភិបាលខណ្ឌដូនពេញ បានចាត់ឲ្យលោក ចាប ឌីណា អភិបាលរងខណ្ឌទទួលបន្ទុកបរិស្ថានអនាម័យសន្តិសុខសណ្ដាប់ធ្នាប់សាធារណៈ ដឹកនាំកម្លាំងគណៈបញ្ជាការឯកភាពខណ្ឌ ចុះអប់រំណែនាំដល់ក្មេងៗ ដែលមានការប្រមូលផ្តុំ និងអង្គុយលេងតាមសួន ក្នុងមូលដ្ឋានខណ្ឌដូនពេញ ដល់យប់ជ្រៅមិនឲ្យមានការប្រមូលផ្ដុំនោះឡើយ។លោក ចាប ឌីណា អភិបាលរង នៃគណៈអភិបាលខណ្ឌដូនពេញ បានឲ្យដឹងថា លោកបានដឹកនាំកម្លាំងចម្រុះថ្នាក់ខណ្ឌ ចុះត្រួតពិនិត្យរដ្ឋបាលនៅតាមតំបន់បឹងកក់ ដើម្បីការពារសន្តិសុខ សុវត្ថិភាព និងទប់ស្កាត់បទល្មើសផ្សេងៗដែលអាចកើតឡើង និងសូមឱ្យបងប្អូនដែលមកហូបអាហារនៅតាមចិញ្ចើមផ្លូវក្បែរសួនច្បារ ត្រូវធ្វើការវេចខ្ចប់សំរាមឱ្យបានត្រឹមត្រូវ និងយកទៅបោះចោលនៅក្នុងធុងសំរាម ដើម្បីធានាឱ្យបាននូវសោភ័ណភាពស្រស់ស្អាត នៃខណ្ឌដូនពេញ បេះដូងរាជធានីភ្នំពេញ៕ អត្ថបទ៖ កុម្ភះ

យន្តហោះរុស្ស៊ី ដែលដឹកមនុស្សចំនួន១៥៩នាក់ បានធ្វើការចុះចតជាបន្ទាន់

រុស្ស៊ី៖ ទីភ្នាក់ងាររុស្ស៊ីបានរាយការណ៍នៅថ្ងៃអង្គារ (១២ កញ្ញា) នេះថា យន្តហោះរបស់ក្រុមហ៊ុនអាកាសចរណ៍ Ural Airlines របស់រុស្ស៊ី ដែលមានមនុស្ស១៥៩នាក់នៅលើនោះ និងហោះហើរពីទីក្រុង Sochi ទៅកាន់ទីក្រុង Omsk បានចុះចតជាបន្ទាន់នៅក្នុងតំបន់ Novosibirsk ភាគខាងលិចតំបន់ស៊ីបេរី។មិនទាន់មានរបាយការណ៍ភ្លាមៗអំពីអ្នករបួស ឬមូលហេតុនៃការចុះចតបន្ទាន់នេះនោះទេ។ ទីភ្នាក់ងារព័ត៌មាន Interfax របស់រុស្ស៊ីបានរាយការណ៍ថាមានមនុស្ស១៥៩នាក់នៅលើយន្តហោះ ប៉ុន្តែនៅមុននោះ សារព័ត៌មាន TASS បានរាយការណ៍ថា យន្តហោះនោះបានដឹកមនុស្ស១៥៦នាក់ប៉ុណ្ណោះ៕

ប្រជាជនរស្ស៊ី មានប្រតិកម្មផ្សេងគ្នាពាក់ព័ន្ធនឹងដំណើរទស្សនកិច្ចរបស់មេដឹកនាំកូរ៉េខាងជើង

រុស្ស៊ី៖ មេដឹកនាំកូរ៉េខាងជើង លោកគីម ជុងអ៊ុន បានទៅដល់ប្រទេសរុស្ស៊ីហើយ នេះបើតាមសារព័ត៌មានជប៉ុនរាយការណ៍នៅថ្ងៃអង្គារ (១២ កញ្ញា) នេះ ដោយតបតាមការអញ្ជើញរបស់ប្រធានាធិបតីរុស្ស៊ី លោកវ្លាឌីមៀ ពូទីន ដែលនាំឱ្យមានប្រតិកម្មផ្សេងគ្នាពីពលរដ្ឋទីក្រុងមូស្គូ និងប្រជាជននៅទីក្រុងវ្លាឌីវ៉ូស្តុក (Vladivostok) នៅចុងបូព៌ានៃប្រទេសរុស្ស៊ី។អ្នកក្រុងវ្លាឌីវ៉ូស្តុក ជាច្រើនបាននិយាយថា ពួកគេមិនប្រាកដទេថា តើមេដឹកនាំកូរ៉េខាងជើងលោកគីម ជុងអ៊ុន នឹងទៅទស្សនាទីក្រុងមួយនេះ ប៉ុន្តែបាននិយាយថារុស្ស៊ី និងកូរ៉េខាងជើងមានផលប្រយោជន៍រួម។អ្នករស់នៅទីក្រុងមូស្គូ ដោយមិនបានប្រាប់ឈ្មោះម្នាក់ បាននិយាយថា «ប្រសិនបើយើងគិតពីស្ថានភាពនេះ ដោយសំដៅដល់កិច្ចសហប្រតិបត្តិការរវាងកូរ៉េខាងជើង និងរុស្ស៊ី តាមរបៀបត្រឹមត្រូវ យើងអាចទទួលបានអត្ថប្រយោជន៍ពីខាងក្រៅបន្ថែមទៀត»។ ជាមួយគ្នានោះដែរ អ្នកក្រុងមូស្គូម្នាក់ទៀតបាននិយាយថា «ខ្ញុំគិតថាវាជារឿងល្អ សម្រាប់ប្រទេសទាំងពីរក្នុងការអភិវឌ្ឍភាពជាដៃគូរបស់ពួកគេ។ ដូច្នេះខ្ញុំសូមស្វាគមន៍ជានិច្ច ដរាបណាអ្វីៗទាំងអស់ត្រូវបានធ្វើក្នុងលក្ខណៈមិត្តភាព»។កូរ៉េខាងជើង គឺជាប្រទេសមួយក្នុងចំណោមប្រទេសមួយចំនួន ដែលបានគាំទ្រដោយបើកចំហចំពោះ «ប្រតិបត្តិការយោធាពិសេស» របស់រុស្ស៊ីនៅអ៊ុយក្រែន ហើយលោកពូទីន បានសន្យាកាលពីសប្តាហ៍មុនថានឹង «ពង្រីកទំនាក់ទំនងទ្វេភាគីគ្រប់ផ្នែក តាមវិធីដែលបានគ្រោងទុកដោយកិច្ចខិតខំប្រឹងប្រែងរួមគ្នា» ផងដែរ៕

យានអវកាសផ្ទុកទំនិញ ធានចូវ-៥ របស់ចិន ហោះចេញស្ថានីយអវកាសត្រឡប់មកផែនដីវិញ

ចិន៖ យោងតាមទីភ្នាក់ងារអវកាសចិន បានឲ្យដឹងថា យានអវកាសផ្ទុកទំនិញធានចូវ-៥ (Tianzhou 5) បានចាកចេញពីស្ថានីយអវកាសធានកុង (Tiangong) កាលពីរសៀលថ្ងៃច័ន្ទ (១១ កញ្ញា) ហើយគ្រោងនឹងត្រឡប់មកផែនដីវិញនៅថ្ងៃអង្គារ (១២ កញ្ញា) នេះ។ ទីភ្នាក់ងារនេះបាននិយាយនៅក្នុងការចេញផ្សាយខ្លីមួយថា យានអវកាសរូបយន្តនេះបានចាកចេញពីស្ថានីយអវកាសធានកុង នៅម៉ោង៤:៤៦នាទីព្រឹក (ម៉ោងក្នុងស្រុក) ហើយនឹងត្រូវបានដឹកនាំដោយប្រព័ន្ធបញ្ជា ដើម្បីត្រឡប់មកផែនដីវិញនៅថ្ងៃស្អែកនេះ។ទីភ្នាក់ងារនេះបានលើកឡើងថា ក្នុងអំឡុងពេលនៃការវិលត្រលប់មកបរិយាកាសវិញ ផ្នែកភាគច្រើននៃយានអវកាសនឹងឆេះ ហើយកម្ទេចកម្ទីមួយចំនួនតូចត្រូវបានគេរំពឹងថា នឹងធ្លាក់ចូលទៅក្នុងតំបន់សុវត្ថិភាពក្នុងមហាសមុទ្រប៉ាស៊ីហ្វិកខាងត្បូង។ យាននោះ គឺជាយានផ្ទុកទំនិញទីបួន ដែលបានភ្ជាប់ជាមួយស្ថានីយអវកាសធានកុង ដោយឥឡូវនេះត្រូវបានគ្រប់គ្រងដោយអវកាសយានិកបីនាក់នៅក្នុងបេសកកម្មស៊ិនចូវ លើកទី១៦។យានធានចូវ-៥ នេះ បានបាញ់បង្ហោះកាលពីថ្ងៃទី១២ ខែវិច្ឆិកា ឆ្នាំមុន ពីមជ្ឈមណ្ឌលបង្ហោះយានអវកាស វ៉ិនចាង (Wenchang) ក្នុងខេត្តហៃណាន (Hainan) ហើយបានចូលចតនៅស្ថានីយអវកាសធានកុង នៅថ្ងៃដដែលនោះ។ យាននេះ មានភារកិច្ចក្នុងការចាក់សាំងស្ថានីយអវកាស និងនាំយកសម្ភារៈចាំបាច់សម្រាប់ការរស់នៅ និងការងាររបស់អវកាសយានិកផងដែរ៕

កិច្ចប្រឹងប្រែងរបស់លោកពូទីន ដើម្បីទទួលបានអាវុធកូរ៉េខាងជើង និងក្រុមអ្នកប្រយុទ្ធគុយបា បង្ហាញពីសញ្ញានៃការអស់សង្ឃឹម

រុស្ស៊ី៖ កិច្ចប្រឹងប្រែងដើម្បីចរចាកិច្ចព្រមព្រៀងសព្វាវុធជាមួយលោក គីម ជុងអ៊ុន និង ការចរចាជាមួយទាហានគុយបា គ្រាន់តែជាសញ្ញាចុងក្រោយនៃការអស់សង្ឃឹមកាន់តែខ្លាំងឡើងរបស់រុស្ស៊ី ខណៈដែលខ្លួនកំពុង តស៊ូ ដើម្បីរក្សាកម្លាំងប្រយុទ្ធរបស់ខ្លួន នៅក្នុងប្រទេសអ៊ុយក្រែន។ក្រុមមន្ត្រីអាមេរិក សមាជិកសភា និងអ្នកជំនាញ បាននិយាយថា នៅពេលដែលការវាយបករបស់អ៊ុយក្រែនឈានចូលដល់ខែទីបួន កងកម្លាំងរុស្ស៊ីត្រូវទ្រាំទ្រលែងបាន ដោយសារស្លាប់និងរងរបួសដ៏ធ្ងន់ធ្ងរ កង្វះឧបករណ៍ ការបណ្តុះបណ្តាលមានកម្រិត និងសីលធម៌កម្រិតទាប ដែលបង្ខំឲ្យទីក្រុងមូស្គូមើលទៅខាងក្រៅព្រំដែនរបស់ខ្លួន ដើម្បីជំនួយ ដែលខ្លួនអាចទទួលបាន។ជាមួយនឹងជំនួបថ្មីរវាងលោក គីម និងប្រធានាធិបតីរុស្ស៊ី លោក វ្ល៉ាឌីមៀ ពូទីន នាពេលឆាប់ៗខាងមុខនេះ ដំណើរទស្សនកិច្ចបែបនេះ គឺបង្ហាញពីឋានៈអព្យាក្រឹតអន្តរជាតិរបស់មេដឹកនាំរុស្ស៊ី ដែលនាំឲ្យមាន «បញ្ហាក្នុងការទ្រទ្រង់កិច្ចខិតខំប្រឹងប្រែងផ្នែកយោធា នេះបើយោងតាមអ្នកនាំពាក្យក្រសួងការបរទេសលោក Matt Miller។លោក Miller បានប្រាប់អ្នកយកព័ត៌មានរបស់ពូទីនកាលពីថ្ងៃចន្ទថា៖«មិនត្រឹមតែគាត់បរាជ័យក្នុងការសម្រេចគោលដៅរបស់គាត់ នៅលើសមរភូមិប៉ុណ្ណោះទេ ប៉ុន្តែអ្នកឃើញគាត់ ធ្វើដំណើរឆ្លងកាត់ប្រទេសរបស់គាត់ ដោយកាន់មួកនៅក្នុងដៃ ដើម្បីអង្វរ លោក គីម ជុងអ៊ុនឲ្យជួយផ្នែកយោធា៕

មនុស្ស៧នាក់ស្លាប់ និងជាច្រើននាក់ជាប់ក្នុងទឹកជំនន់ ខណៈភ្លៀងធ្លាក់ឥតឈប់ឈរ បង្កជាបំណាក់ដីនៅប្រទេសចិន

ចិន៖ ប្រព័ន្ធផ្សព្វផ្សាយរដ្ឋបាននិយាយថា ភ្លៀងធ្លាក់ឥតឈប់ឈរជាច្រើនថ្ងៃពីសំណល់នៃអតីតព្យុះទីហ្វុង ហៃខួយ (Haikui) បានបណ្តាលឱ្យមានបំណាក់ដីជាង១០០កន្លែង ដែលបានធ្វើឲ្យអ្នកស្រុកប្រហែល១.៣៦០នាក់ ជាប់នៅក្នុងទឹកជំនន់ និងបានសម្លាប់មនុស្សយ៉ាងហោចណាស់៧នាក់ នៅភាគខាងត្បូងនៃប្រទេសចិន។ ព្យុះទីហ្វុង ហៃខួយ បានបោកបក់មកភាគខាងត្បូងប្រទេសចិនកាលពីប្រាំបីថ្ងៃមុន ហើយចាប់តាំងពីពេលនោះមក បានប្រែក្លាយទៅជាព្យុះត្រូពិចវិញ ប៉ុន្តែភ្លៀងមិនឈប់ឈរនៅតែបន្តវាយប្រហារនៅភាគនិរតីនៃខេត្តគ័ងស៊ី (Guangxi)។ប្រព័ន្ធផ្សព្វផ្សាយរដ្ឋបាននិយាយថា ខ្យល់ព្យុះមិនឈប់ឈរក្នុងរយៈពេលបីថ្ងៃចុងក្រោយនេះ នៅក្នុងតំបន់ភាគច្រើននៃទីក្រុងយូលីន (Yulin) បានបណ្តាលឱ្យមានបំណាក់ដីចំនួន១១៥កន្លែង ដែលបានបំផ្លាញផ្លូវថ្នល់ ដើមឈើបាក់រលំ បណ្តាលឱ្យមានទឹកជំនន់ និងនាំឱ្យក្រុមអាជ្ញាធរចេញការព្រមានអំពីភាពអាសន្ននៅលើផ្លូវជាតិ និងផ្លូវខេត្តជាច្រើនផងដែរ។មនុស្ស៣នាក់នៅតែបាត់ខ្លួននៅឡើយ ហើយប្រតិបត្តិការជួយសង្គ្រោះកំពុងបន្ត។ ក្រុមសង្កេតការណ៍របស់ទីក្រុងនេះ បានបង្កើនការព្រមានអំពីព្យុះ ដល់កម្រិតខ្ពស់បំផុតនៅក្នុងប្រព័ន្ធប្រកាសអាសន្នចំនួនបួនកម្រិត បន្ទាប់ពីមានភ្លៀងធ្លាក់លើសពីកម្រិត ១០១មីលីម៉ែត្រ ក្នុងរយៈពេល៣ម៉ោងនៅព្រឹកថ្ងៃអង្គារ (១២ កញ្ញា) នេះ ហើយបានបង្ហាញពីហានិភ័យនៃទឹកជំនន់ដ៏គំហុក គ្រោះមហន្តរាយភូគព្ភសាស្ត្រ និងការលិចលង់ក្នុងទីក្រុង និងតំបន់ជនបទផងដែរ៕

អាមេរិក និងវៀតណាម ព្រមានប្រឆាំងនឹងការគំរាមកំហែង ឬការប្រើប្រាស់កម្លាំង នៅសមុទ្រចិនខាងត្បូង

អាមេរិក៖ សហរដ្ឋអាមេរិក និងវៀតណាមបានព្រមានកាលពីថ្ងៃចន្ទ (១១ កញ្ញា) ប្រឆាំងនឹង «ការគំរាមកំហែង ឬការប្រើប្រាស់កម្លាំង» នៅក្នុងសមុទ្រចិនខាងត្បូងដែលមានជម្លោះ រយៈពេលប៉ុន្មានថ្ងៃបន្ទាប់ពីការប៉ះទង្គិចគ្នាចុងក្រោយដែលពាក់ព័ន្ធនឹងនាវាចិន។ ប្រធានាធិបតីអាមេរិក លោកចូ បៃដិន និងប្រធានបក្សកុម្មុយនិស្តវៀតណាម លោក ង្វៀន ភូទ្រុង (Nguyen Phu Trong) បាននិយាយថា ការទាមទារប្រកួតប្រជែងលើផ្លូវទឹកយុទ្ធសាស្ត្រនោះ ត្រូវតែដោះស្រាយក្រោមបទដ្ឋានអន្តរជាតិ។ទីក្រុងប៉េកាំង ទាមទារសិទ្ធស្ទើរតែទាំងស្រុងលើសមុទ្រចិនខាងត្បូង ដែលពាណិជ្ជកម្មរាប់ពាន់លានដុល្លារក្នុងមួយឆ្នាំៗ ធ្វើការឆ្លងកាត់តាមរយៈនោះ ហើយចិនបានព្រងើយកន្តើយនឹងសេចក្តីសម្រេចរបស់តុលាការអន្តរជាតិដែលថា ការអះអាងរបស់ខ្លួនមិនមានមូលដ្ឋានផ្លូវច្បាប់ច្បាស់លាស់។អាមេរិក និងវៀតណាម ក៏បានអំពាវនាវឱ្យមាន «សេរីភាពនៃការធ្វើនាវាចរណ៍ និងការហោះហើរ ព្រមទាំងពាណិជ្ជកម្មស្របច្បាប់គ្មានការរារាំង នៅក្នុងសមុទ្រចិនខាងត្បូងផងដែរ»។ សេចក្តីថ្លែងការណ៍នេះបានធ្វើឡើងមួយថ្ងៃបន្ទាប់ពីលោកបៃដិន និងលោកទុ្រង បានធ្វើកិច្ចព្រមព្រៀងមួយដើម្បីពង្រឹងកិច្ចសហប្រតិបត្តិការ ដែលមើលឃើញយ៉ាងទូលំទូលាយថា ជាមធ្យោបាយមួយដើម្បីប្រឆាំងនឹងការអះអាងដែលកំពុងកើនឡើងរបស់ប្រទេសចិននៅក្នុងតំបន់៕

បណ្ដាញសង្គម

ព័ត៌មានថ្មីៗ

Ronald Koeman លាលែងពីតំណែងគ្រូបង្វឹកហូឡង់ ខណៈសហព័ន្ធបាល់ទាត់ថ្កោលទោសការរើសអើងជាតិសាសន៍លើកីឡាករ

ទឹកជំនន់នៅហ្គាណា បណ្តាលឲ្យនុស្ស១២នាក់ស្លាប់ ដោយរដ្ឋាភិបាលនិយាយថាមានភ្លៀងធ្លាក់ខ្លាំង

កម្មវិធីស្បៀងអាហារពិភពលោក រកជំនួយ៥០លានដុល្លារសម្រាប់ជំនួយសង្គ្រោះគ្រោះរញ្ជួយដីនៅវ៉េណេស៊ុយអេឡា

Spurs ព្រមព្រៀងផ្ទេរ Mateus Fernandes ពី West Ham តម្លៃបំបែកកំណត់ត្រាក្លិប ៨៥ លានផោន

មេដឹកនាំអ៊ីស្រាអែល៖ខ្លួននឹងមិនចាកចេញពីលីបង់ទេ ដរាបណាក្រុមហេសបូឡានៅតែជាការគំរាមកំហែង

អ្នកវិភាគ៖ មន្ត្រីជាន់ខ្ពស់អ៊ីរ៉ង់ ស្ទាក់ស្ទើរក្នុងការបង្ហាញខ្លួននៅទីក្រុងដូហា ជុំវិញការពន្យារពេលអនុវត្តMoU

Tuchel ព្រមានអង់គ្លេសកុំមើលស្រាលកុងហ្គោមុនជំនួបវគ្គ ៣២ ក្រុមចុងក្រោយបាល់ទាត់ពិភពលោក

អាមេរិក និងសម្ព័ន្ធមិត្តឈូងសមុទ្រ ដាក់ទណ្ឌកម្មលើស្ថាប័នហិរញ្ញវត្ថុមានទំនាក់ទំនងជាមួយក្រុមហេសបូឡា

សិស្សជាង៣០នាក់នៅតែបាត់ខ្លួន បន្ទាប់ពីការវាយប្រហារនៅសាលារៀនប្រទេសនីហ្សេរីយ៉ា

បារាំងឡើងវគ្គ ១៦ក្រុម Mbappe ក្លាយជាកីឡាករស៊ុតបញ្ចូលទីច្រើនជាងគេក្នុងវគ្គចាញ់-ធ្លាក់ World Cup

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877