BTV NEWS

អគ្គិភ័យឆាបឆេះផ្ទះពលរដ្ឋ នៅជាន់ទី២ បង្កការខូចខាតសម្ភារៈមួយចំនួនធំ

មន្ទីរសង្គមកិច្ចរាជធានីភ្នំពេញ សហការជាមួយអាជ្ញាធរមូលដ្ឋាន ទទួលយកទារកបោះបង់មករក្សាការពារ និងថែទាំបណ្តោះអាសន្ន ក្រោយឪពុកម្តាយដែលបានបោះត្រូវបានសមត្ថកិច្ចកសាងសំណុំរឿងបញ្ជូនទៅតុលាការ ទាក់ទងនឹងបទល្មើសបោះបង់កូនរបស់ខ្លួន

សមត្ថកិច្ចជំនាញផ្ទុះអាវុធក្នុងប្រតិបត្តិការ បង្រ្កាបមេខ្លោង និងបក្ខពួកជួញដូរគ្រឿងញៀន ក្នុងខេត្តព្រះសីហនុ ឃាត់ខ្លួនជនសង្ស័យ ៨នាក់

គិតពីឆ្នាំ២០២៣មក សមត្ថកិច្ចបង្ក្រាបបទល្មើសគ្រឿងញៀនជាង៣ម៉ឺនករណី និងឃាត់ខ្លួនមនុស្សជិត៩ម៉ឺននាក់ និងរឹបអូសសារធាតុញៀនគ្រប់ប្រភេទជាង ២៦តោន

សន្តិសុខ និង សង្គម

មនុស្ស១៥០នាក់ បានរងរបួស បន្ទាប់ពីអ៊ុយក្រែន វាយប្រហារដោយមីស៊ីល ទៅលើទីក្រុង Sevastopol

ជំនួយការរដ្ឋមន្ត្រីសុខាភិបាលរុស្ស៊ី លោក Alexey Kuznetsov បាននិយាយថា មនុស្សចំនួន ១៥០នាក់ បានរងរបួស បន្ទាប់ពីកងទ័ពអ៊ុយក្រែន បានវាយប្រហារដោយមីស៊ីល ទៅលើទីក្រុង Sevastopol។លោកបាននិយាយថា៖ «យោងតាមរបាយការណ៍ចុងក្រោយ ដោយសារការវាយប្រហារដោយគ្រាប់ផ្លោងលើទីក្រុង Sevastopol ដោយអ្នកជាតិនិយមអ៊ុយក្រែន មនុស្ស១៥០នាក់ រួមទាំងកុមារចំនួន ២៧នាក់បានរងរបួស»។អ្នករបួស កំពុងត្រូវបានគេបញ្ជូនទៅកាន់មន្ទីរពេទ្យ នៅក្នុងទីក្រុង Sevastopol។ ក្រុមរថយន្តសង្គ្រោះជាង ២០គ្រឿង កំពុងធ្វើការនៅនឹងកន្លែង ដែលរងការវាយប្រហារនោះ។យោងតាមអ្នកឃ្លាំមើលសិទ្ធិកុមាររុស្ស៊ី លោកស្រី Maria Lvova-Belova កុមារ ៥នាក់ បានរងរបួសក្នុងស្ថានភាពធ្ងន់ធ្ងរ។ក្រសួងការពារជាតិរុស្ស៊ី បាននិយាយថា របបទីក្រុងគីវកាលពីថ្ងៃអាទិត្យ បានធ្វើការវាយប្រហារភេរវកម្មលើហេដ្ឋារចនាសម្ព័ន្ធស៊ីវិល នៅក្នុងទីក្រុង Sevastopol ជាមួយនឹងការប្រើប្រាស់មីស៊ីលតាក់តិចកងទ័ព (ATACMS) ដែលផ្ទុកគ្រាប់បែកចង្កោម។ មីស៊ីលចំនួន ៤គ្រាប់ ត្រូវបានបាញ់ទម្លាក់ដោយប្រព័ន្ធការពារដែនអាកាសរបស់រុស្ស៊ី។ មីស៊ីលមួយគ្រាប់ទៀត បានផ្ទុះពីលើទីក្រុងនេះ។ យោងតាមអភិបាលក្រុង Mikhail Razvozhayev មនុស្សបីនាក់ ត្រូវបានសម្លាប់។គណៈកម្មាធិការស៊ើបអង្កេតរុស្ស៊ី បានបើកសំណុំរឿងព្រហ្មទណ្ឌ ដោយចោទប្រកាន់ពីបទភេរវកម្ម។

ចិន ចេញការព្រមានពណ៌ក្រហម សម្រាប់ភ្លៀងធ្លាក់ខ្លាំង នៅបណ្តាខេត្តភាគខាងកើត

ទីភ្នាក់ងារអាកាសធាតុរបស់ប្រទេសចិន នៅថ្ងៃចន្ទ ទី២៤ ខែមិថុនានេះ បានចេញការព្រមានពណ៌ក្រហម ជាកម្រិតព្រមានខ្ពស់បំផុតរបស់ខ្លួន សម្រាប់ភ្លៀងធ្លាក់ខ្លាំង នៅទូទាំងបណ្តាខេត្តភាគខាងកើត។វីដេអូ នៅលើទូរទស្សន៍រដ្ឋ CCTV បានបង្ហាញពីទន្លេឡើងខ្លាំង ដីស្រែចំការជន់លិច ហើយអ្នកស្រុកត្រូវបានជម្លៀសចេញ តាមទូក កាលពីថ្ងៃអាទិត្យ។រដូវកាលទឹកជំនន់ប្រចាំឆ្នាំ បានចាប់ផ្តើមលឿនជាងធម្មតាក្នុងឆ្នាំនេះ នៅភាគខាងត្បូងប្រទេសចិន ដោយមានព្យុះដ៏ខ្លាំង បានវាយបោកបក់បំផ្លាញស្ពាន បំផ្លាញលំនៅឋាន បំផ្លិចបំផ្លាញទិន្នផលកសិកម្ម និងបានជន់លិចទីក្រុងជាច្រើន។ប្រព័ន្ធផ្សព្វផ្សាយរដ្ឋ បានរាយការណ៍ដោយបានដកស្រង់ព័ត៌មានពីមជ្ឈមណ្ឌលឧតុនិយមជាតិ ដែលបានរាយការណ៍ថា តំបន់ជាច្រើនអាចនឹងមានភ្លៀងធ្លាក់ខ្លាំងបន្ថែមទៀត ក្នុងរយៈពេលពីរសប្តាហ៍ខាងមុខនេះ ខណៈភ្លៀងនៅបន្តធ្លាក់ ឆ្ពោះទៅភាគខាងជើង។

អគ្គិភ័យនៅរោងចក្រផលិតអាគុយនៅកូរ៉េខាងត្បូង បណ្តាលឲ្យមនុស្សយ៉ាងហោចណាស់ម្នាក់ស្លាប់ និង៦នាក់របួស

យោងតាមទីភ្នាក់ងារសារព័ត៌មានយ៉ុនហាប់ បានរាយការណ៍ឱ្យដឹងថា មនុស្សម្នាក់បានគាំងបេះដូងស្លាប់ និង៦នាក់ផ្សេងទៀត បានរងរបួស នៅថ្ងៃចន្ទនេះ ខណៈអគ្គិភ័យបានឆាបឆេះ នៅរោងចក្រផលិតអាគុយមួយ នៅប្រទេសកូរ៉េខាងត្បូង។អគ្គិភ័យ បានឆាបឆេះរោងចក្រផលិតអាគុយនៅទីក្រុង Hwaseong ចម្ងាយប្រហែល៤៥គីឡូម៉ែត្រភាគខាងត្បូងរដ្ឋធានីសេអ៊ូល នៅម៉ោងប្រហែល ១០:៣១ នាទីព្រឹក ម៉ោងក្នុងស្រុក។មនុស្សម្នាក់ បានគាំងបេះដូង និង៦នាក់ផ្សេងទៀត បានរងរបួសក្នុងនោះ មានម្នាក់រងរបួសធ្ងន់។ចំនួនអ្នកស្លាប់និងរងរបួសកាន់តែច្រើន ត្រូវបានគេរំពឹង ខណៈមនុស្ស២១នាក់ផ្សេងទៀត ត្រូវបានគេជឿថា បានជាប់ខ្លួននៅខាងក្នុងរោងចក្រ។អាជ្ញាធរពន្លត់អគ្គិភ័យ បានចល័តរថយន្តពន្លត់អគ្គិភ័យចំនួន១៤៥គ្រឿង និងសម្ភារជាច្រើនទៀត ប៉ុន្តែពួកគេព្យាយាមពន្លត់អគ្គិភ័យក្នុងស្ថានភាពលំបាក ដោយសារអណ្តាតភ្លើងរបស់អាគុយ ដែលមានសារធាតុលីចូម ឆាបឆេះខ្លាំង។

រយៈពេល៣ខែដើមឆ្នាំ២០២៤ មនុស្សចំនួន២៥នាក់ស្លាប់ និង២៧នាក់ផ្សេងទៀតបានរងរបួសធ្ងន់-ស្រាល ដោយគ្រោះថ្នាក់ចរាចរណ៍ក្នុងខេត្តស្វាយរៀង

បើទោះជាការរិតបណ្តឹងច្បាប់ចរារចណ៍ផ្លូវគោកថ្មី យ៉ាងណាក្តីតែអត្រាការគ្រោះថ្នាក់ដោយចរាចរណ៍ នៅតែមានគ្រប់មូលដ្ឋាន ខណៈដែលពលរដ្ឋប្រើប្រាស់យានយន្តមានកំណើនកើនឡើងពីមួយឆ្នាំទៅមួយឆ្នាំ និងអ្នកបញ្ជាយានយន្តមានធ្វើការធ្វេសប្រហែសនៅពេលបើកបរ ។លោកវរៈសេនីយ៏ឯក អ៊ុច សារ៉ាន នាយកការិយាលយ័ចរាចរណ៍ផ្លូវគោក នៃស្នងការនគរបាលខេត្តស្វាយរៀង នៅថ្ងៃទី២៤ ខែមិថុនា ឆ្នាំ២០២៤នេះ បានប្រាប់ទូរទស្សន៍ BTV ឲ្យ ដឹងថានៅក្នុងរយៈពេល៣ខែដើម ឆ្នាំ២០២៤ នៅទូទាំងខេត្តមានគ្រោះថ្នាក់ចរាចរណ៍កើតឡើងចំនួន៣៣លើក ក្នុងនោះកើតឡើងនៅលើផ្លូវជាតិចំនួន២១លើក ផ្លូវលំចំនួន៥លើក ផ្លូវខេត្ត លើក៧លើក បង្កអោយមនុស្សគ្រោះថ្នាក់ចំនួន៥២នាក់ ក្នុងនោះមានមនុស្សចំនួន២៥នាក់បានស្លាប់ និងរបួសធ្ងន់ស្រាលចំនួន២៧នាក់។លោកបានបញ្ជាក់បន្ថែមថា ការគ្រោះថ្នាក់ចរាចរណ៏ខាងលើនេះ បណ្តាលមកពីបើកបរក្នុងល្បឿនលឿនចំនួន១០លើក បើកបរមិនប្រកាន់ស្តាំចំនួន៨លើក មិនគោរពសិទ្ធអាទិភាពចំនួន៦លើក បទស្តាំ៥លើក ក្នុងស្ថានភាពស្រវឹង១ករណី បើកបរវ៉ាជែងក្នុងស្ថានភាពគ្រោះថ្នាក់ចំនួន២លើក បើកបរក្នុងស្ថានភាពស្រវឹងចំនួន១លើក មិនពាក់មួកសុវត្តិភាពចំនួន២១នាក់ ធ្វើឲ្យមធ្យោបាយខូចខាតមានចំនួន ៥១គ្រឿង រួមមាន រថយន្តតូច១២គ្រឿង រថយន្តធំចំនួន៦គ្រឿង ម៉ូតូចំនួន ៣២គ្រឿង និងកង់ចំនួន២គ្រឿង ការគ្រោះថ្នាក់នេះបានបង្កឡើងនៅក្នុងស្រុកស្វាយជ្រំចំនួន ៧លើក ក្រុងស្វាយរៀង១លើក និងស្រុកចន្ទ្រា១លើក កំពង់រោទ៏១លើកស្វាយទាប៨លើក រមាសហែក៤លើក និងស្រុករំដួលចំនួន១លើក។លោកបានបន្ថែមថាការគ្រោះថ្នាក់ចរាចរណ៏ខាងលើនេះ កងកំលាំងនគរបាលចរាចរណ៍ផ្លូវគោកខេត្ត ស្រុក ក្រុង បានចុះធ្វើការវ៉ាស់វែង និងបំពេញសំណុំរឿងដើម្បីបន្តធ្វើការដោះស្រាយហើយដែរ។

ក្រុមអ្នកតវ៉ា រំខានដល់ប្រធានាធិបតីកេនយ៉ា លោក William Ruto នៅខាងក្រៅពិធីបួងសួង

កាលពីថ្ងៃអាទិត្យ ក្រុមអ្នកតវ៉ា បានដើរដង្ហែនិងស្រែកច្រៀង នៅខាងក្រៅសាលារៀនមួយកន្លែង ដែល ប្រធានាធិបតី លោក William Ruto និងមន្ត្រីផ្សេងទៀត កំពុងចូលរួមក្នុងពិធីបួងសួងមួយ។ ប្រព័ន្ធផ្សព្វផ្សាយក្នុងស្រុកបានរាយការណ៍ថា មេដឹកនាំមួយចំនួននៃគណបក្សកាន់អំណាច កេនយ៉ា ក្វាន់ហ្សា(Kenya Kwanza) បានព្យាយាមចាកចេញពីកន្លែងប្រារព្ធពិធី នៅពេលដែលក្រុមអ្នកតវ៉ា បានរារាំងយានយន្តរបស់មួយចំនួន។លោក Ruto ត្រូវបានក្រុមសន្តិសុខរបស់លោក នាំចេញ នៅពេលពួកគេដឹងថាក្រុមបាតុករ នៅទីនោះដើម្បីប្រឈមមុខជាមួយលោក។ ក្រុមបាតុករ បានលើកស្លាករិះគន់ខ្លាំងៗលើសេចក្តីស្នើច្បាប់ហិរញ្ញវត្ថុឆ្នាំ ២០២៤។ក្រុមអ្នកតវ៉ានិយាយថា សេចក្តីស្នើច្បាប់នេះ គំរាមកំហែងដល់ការរាំងស្ទះសេដ្ឋកិច្ច និងបង្កើនតម្លៃប្រើប្រាស់ ធ្វើឲ្យប៉ពាល់ដល់ជីវភាពរស់នៅរបស់ប្រជាជនកេនយ៉ា ដែលកំពុងទប់ទល់រួចទៅហើយ។ ទោះជាយ៉ាងណា មូលនិធិរូបិយវត្ថុអន្តរជាតិ (IMF) បានទទូចលើភាពចាំបាច់នៃសេចក្តីស្នើច្បាប់នេះ ដោយបញ្ជាក់ថា វាមានសារៈសំខាន់សម្រាប់ការបង្កើនប្រាក់ចំណូលរបស់រដ្ឋ ដូច្នេះវានឹងកាត់បន្ថយឱនភាពថវិកា និងការខ្ចីប្រាក់ របស់រដ្ឋាភិបាល។សភា គ្រោងនឹងកោះប្រជុំ នៅថ្ងៃអង្គារ ដើម្បីជជែកដេញដោលនិងបោះឆ្នោតលើវិសោធនកម្មដែលបានស្នើឡើងចំពោះសេចក្តីស្នើច្បាប់នេះ។ គណៈកម្មាធិការថវិការបស់សភា បានព្រមានថាការប្រែប្រួលទាំងនេះ អាចបង្កើតឱនភាពចំនួន១,៥៦ពាន់លានដុល្លារ នៅក្នុងថវិកាឆ្នាំ២០២៤ និង២០២៥ ដោយបង្ខំឱ្យរដ្ឋាភិបាល អនុវត្តការកាត់បន្ថយការចំណាយ។

សហរដ្ឋអាមេរិក មើលឃើញរលកថ្មីនៃការបាញ់ប្រហារ ដោយគ្មានដំណោះស្រាយច្បាស់លាស់

មនុស្ស១០នាក់បានរងរបួស ដែលម្នាក់ស្ថិតក្នុងស្ថានភាពធ្ងន់ធ្ងរ នៅក្នុងការបាញ់ប្រហារទ្រង់ទ្រាយធំមួយនៅទីក្រុង Columbus រដ្ឋអូហៃយ៉ូ(Ohio) សហរដ្ឋអាមេរិក កាលពីថ្ងៃអាទិត្យ។ការបាញ់ប្រហារ បានកើតឡើងមុនម៉ោង២:៣០ព្រឹក ម៉ោងក្នុងស្រុក។ ប្រព័ន្ធផ្សព្វផ្សាយក្នុងស្រុក បានដកស្រង់សម្តីនាយកដ្ឋាននគរបាល ទីក្រុង Columbus កាលពីថ្ងៃអាទិត្យ ដែលបាននិយាយថា អ្នករងរបួសទាំងអស់គឺជាបុរស មានមនុស្សពេញវ័យ៨នាក់ និងអនីតិជន២នាក់ មានអាយុពីចន្លោះពី ១៦ឆ្នាំ ទៅ២៧ ឆ្នាំ។នគរបាល កំពុងស្រាវជ្រាវតាមចាប់ជនសង្ស័យជាបុរសម្នាក់ ស្លៀកពាក់ខ្មៅ ដែលរត់គេចខ្លួនចេញពីកន្លែងកើតហេតុ បើកបររថយន្តម៉ាកហុងដា ស៊ីវីក ពណ៌ស ហើយលើកទឹកចិត្តដល់អ្នកទាំងឡាយណា ដែលមានព័ត៌មាន ទូរស័ព្ទទៅនគរបាល។សហរដ្ឋអាមេរិក កំពុងស្វែងរកមធ្យោបាយដើម្បីដោះស្រាយចំពោះរលកថ្មីៗនៃអំពើហិង្សាដោយកាំភ្លើង ដែលបានសម្លាប់មនុស្ស និងធ្វើឲ្យរងរបួសជាច្រើននាក់។

គ្រោះរាំងស្ងួតធ្ងន់ធ្ងរ បង្ខំឱ្យកសិករដាំពោតនៅភាគខាងកើតប្រទេសចិន ពន្យារពេលដាំដុះ

បន្ទាប់ពីកម្ដៅដ៏ខ្លាំងក្លា និងភ្លៀងធ្លាក់តិចតួចអស់ជាច្រើនសប្តាហ៍ កសិករនៅប្រទេសចិន គ្មានជម្រើសអ្វីក្រៅពីប្រមូលយកទឹកពីបំពង់ទឹកបន្តិចបន្តួច ដើម្បីស្រោចស្រពលើវាលពោតដែលស្ងួតហួតហែងនៅក្នុងខេត្ត សានតុង (Shandong) ភាគខាងកើតប្រទេសចិន។សីតុណ្ហភាពខ្ពស់ខ្លាំងមិនធ្លាប់មានបានវាយលុកពាសពេញភាគពាយ័ព្យ និងភាគខាងកើតរបស់ចិន ដែលជាតំបន់ផលិតគ្រាប់ធញ្ញជាតិដ៏សំខាន់ ក្នុងអំឡុងពេលរដូវសាបព្រួសពោតដ៏សំខាន់ ដែលគំរាមកំហែងដល់ការទប់ស្កាត់ការផលិត នៅក្នុងប្រទេសផលិតនិងប្រើប្រាស់គ្រាប់ធញ្ញជាតិធំបំផុតទីពីររបស់ពិភពលោក។ ប្រទេសចិន ដែលជាអ្នកនាំចូលពោតលំដាប់លេខ១ របស់ពិភពលោក បានផលិតពោត ២៨៨,៨ លានតោនកាលពីឆ្នាំមុន ហើយមានបំណងចង់បង្កើនបន្ថែមទៀតដើម្បីសម្រេចបាននូវសន្តិសុខស្បៀង ប៉ុន្តែបម្រែបម្រួលអាកាសធាតុកំពុងបង្កឱ្យមានបញ្ហាប្រឈមធំចំពោះដំណាំ។ក្រសួងកសិកម្មបានព្រមាននៅសប្តាហ៍នេះថា គ្រោះរាំងស្ងួតកំពុងប៉ះពាល់ដល់ការសាបព្រួស និងការរីកលូតលាស់នៃដំណាំថ្មី។ ទីក្រុងប៉េកាំង បានបែងចែកថវិកាចំនួន ៤៤៣ លានយ័ន (៦១,១ លានដុល្លារ) សម្រាប់ការងារបង្ការគ្រោះរាំងស្ងួត ដូចជាការស្រោចទឹក ការដាំឡើងវិញ និងការបន្ថែមជីនៅក្នុងខេត្តចំនួនប្រាំពីរទូទាំងប្រទេស។ ទិន្នផលគ្រាប់ធញ្ញជាតិទាបក្នុងប្រទេសនាំចូលធញ្ញជាតិកំពូលរបស់ពិភពលោកនេះនឹងជំរុញឱ្យមានការទិញកាន់តែខ្ពស់ពីអ្នកនាំចេញដូចជាប្រេស៊ីល សហរដ្ឋអាមេរិក និងអាហ្សង់ទីន ដែលជួយជំរុញតម្លៃដំណាំពិភពលោក និងអតិផរណាអាហារ៕

ការវាយប្រហារតាមអាកាសរបស់អ៊ីស្រាអែល បានសម្លាប់មនុស្ស ៨ នាក់នៅមជ្ឈមណ្ឌលផ្តល់ជំនួយនៅហ្កាហ្សា

ពលរដ្ឋប៉ាឡេស្ទីនបាននិយាយថា ជនជាតិប៉ាឡេស្ទីន៨នាក់ត្រូវបានសម្លាប់កាលពីថ្ងៃអាទិត្យ២៣មិថុនា ក្នុងការវាយប្រហារតាមអាកាសរបស់អ៊ីស្រាអែលទៅលើសាលាបណ្តុះបណ្តាលមួយនៅជិតទីក្រុង ហ្កាហ្សា ដែលត្រូវបានប្រើដើម្បីចែកចាយជំនួយ ខណៈរថក្រោះអ៊ីស្រាអែលបានរុញច្រានបន្ថែមទៀតចូលទៅក្នុងទីក្រុងរ៉ាហ្វា ( Rafah) ភាគខាងត្បូង។ អ្នកឃើញហេតុការណ៍បាននិយាយថា ការវាយប្រហារបានប៉ះចំផ្នែកមួយនៃសាលាបណ្ដុះបណ្ដាលវិជ្ជាជីវៈគ្រប់គ្រងដោយទីភ្នាក់ងារជនភៀសខ្លួនប៉ាឡេស្ទីន UNRWA ដែលឥឡូវនេះកំពុងផ្តល់ជំនួយដល់គ្រួសារជនភៀសខ្លួន។ អ្នកឃើញហេតុការណ៍ម្នាក់ក្នុងចំណោមអ្នកផ្សេងទៀតបាននិយាយ អ្នកខ្លះមកទទួលប័ណ្ណ ហើយអ្នកខ្លះទៀតបានរត់គេចចេញពីផ្ទះសម្បែងមកស្នាក់នៅទីនេះ។ អ្នកខ្លះកំពុងចាក់ទឹក រីឯអ្នកខ្លះទៀតកំពុងទទួលប័ណ្ណ ហើយភ្លាមៗនោះយើងឮសំឡេងអ្វីមួយធ្លាក់ រំពេចនោះយើងទាំងអស់គ្នាក៏បានរត់គេចយ៉ាងស្លន់ស្លោ។អ្នកសារព័ត៌មាន Reuters ម្នាក់ បានឃើញអគារទាបមួយត្រូវបានរងការបំផ្លិចបំផ្លាញទាំងស្រុង ហើយសាកសពត្រូវបានរុំដោយក្រណាត់ភួយ ដាក់នៅម្ខាងផ្លូវ ដើម្បីរង់ចាំគេមកដឹក។កាលពីថ្ងៃសៅរ៍២២មិថុនា ប្រធានការិយាល័យប្រព័ន្ធផ្សព្វផ្សាយរបស់រដ្ឋាភិបាលគ្រប់គ្រងដោយក្រុមហាម៉ាស បាននិយាយថា មនុស្សយ៉ាងហោចណាស់៤២ នាក់ បានស្លាប់ នៅក្នុងការវាយប្រហាររបស់អ៊ីស្រាអែលទៅលើស្រុកនានានៃទីក្រុង ហ្កាហ្សា ភាគខាងជើង ត្រូវបានអ៊ីស្រាអែលឡោមព័ទ្ធ៕

ស្ត្រីជនជាតិប្រេស៊ីល ចេញធ្វើបាតុកម្មក្នុងទីក្រុង Sao Paulo ប្រឆាំងសេចក្តីស្នើច្បាប់ហាមរម្លូតកូន

ស្ត្រីជនជាតិប្រេស៊ីល បានចេញធ្វើបាតុកម្មក្នុងទីក្រុង Sao Paulo កាលពីថ្ងៃអាទិត្យ ដើម្បីទាមទារឱ្យមានការដកចេញនូវសេចក្តីស្នើច្បាប់នៅក្នុងសភាអភិរក្សនិយមរបស់ប្រទេសប្រេស៊ីល ដែលពាក់ព័ន្ធទៅការរម្លូតកូនបន្ទាប់ពីមានគត៌រយៈពេល២២សប្តាហ៍ ថាជាករណីមនុស្សឃាត ដែលនឹងមានការកាត់ទោសឱ្យជាប់ពន្ធនាគារពី៦ឆ្នាំទៅ២០ឆ្នាំ។ស្ត្រីជាច្រើន បានដុតរូបសំណាករបស់ប្រធានសភារបស់ប្រទេសប្រេស៊ីល និងកាន់ស្លាកសរសេរថា «កូនពុំមែនជាម្តាយទេ» បានដើរចេញធ្វើបាតុកម្ម ដើម្បីទាមទារសិទ្ធិចំពោះការបន្តពូជ។អ្នកតវ៉ា បានស្នើសុំឱ្យលុបចោលច្បាប់នេះជាពិសេស ពុំមែនគ្រាន់តែពន្យារពេលនោះទេ។ការរម្លូតកូន ត្រូវបានអនុញ្ញាតនៅក្នុងប្រទេសប្រេស៊ីល តែក្នុងករណីនៃការចាប់រំលោភ គភ៌មានបញ្ហា ឬនៅពេលដែលជីវិតរបស់ម្តាយស្ថិតក្នុងគ្រោះថ្នាក់។ ប្រសិនបើសេចក្តីស្នើច្បាប់ មានការគាំទ្រពីសមាជិកសភា នោះការរម្លូតកូនដោយជនរងគ្រោះដោយការចាប់រំលោភនឹងត្រូវបានបកស្រាយនៅក្នុងច្បាប់ថាជាករណីមនុស្សឃាត បន្ទាប់ពីមានគត៌រយៈពេល២២សប្តាហ៍។ច្បាប់រម្លូតកូនដោយការរឹតត្បិតរបស់ប្រទេសប្រេស៊ីល មានន័យថា ស្ត្រីជនជាតិប្រេស៊ីលជាច្រើនដែលស្វែងរកការបញ្ចប់ការមានគត៌ ងាកទៅរកការរម្លូតកូនដោយខុសច្បាប់ពុំមានសុវត្ថិភាព និងនីតិវិធីមិនត្រឹមត្រូវ បណ្តាលឱ្យមនុស្សរាប់សិបនាក់ស្លាប់ជារៀងរាល់ឆ្នាំ។ ក្រុមអ្នករិះគន់និយាយថា សំណើនេះ គឺជាវិធីសាស្រ្តដែលដាក់គំនាបខ្លាំងបំផុតចំពោះសិទ្ធិបន្តពូជរបស់ស្ត្រី ក្នុងរយៈពេលជាច្រើនទសវត្សរ៍មកនេះ និងជាការដើរថយក្រោយសម្រាប់សិទ្ធិស៊ីវិល និងសិទ្ធិមនុស្ស។

កាំភ្លើងធំបានផ្ទុះនៅលើតំបន់ហ្កាហ្សាភាគខាងត្បូង ចំពេលមានការប្រយុទ្ធគ្នាយ៉ាងខ្លាំងក្លា

កងកម្លាំងអ៊ីស្រាអែលបានប្រយុទ្ធគ្នានៅទីក្រុង Rafah និងវាយលុកទីតាំងភាគខាងកើតនៃទីក្រុង Khan Younis នៅភាគខាងត្បូង Gaza នាថ្ងៃសៅរ៍ (ទី២២ មិថុនា) នេះ។ សំណុំផ្សែងត្រូវបានគេឃើញហុយទ្រលោមកាត់ព្រំដែនក្នុងតំបន់ហ្កាហ្សា ខណៈសំឡេងកាំភ្លើងធំបានបន្លឺឡើងខ្ទរលើដីស្រែចម្ការ នៅខាងព្រំដែនអ៊ីស្រាអែល។មកទល់ពេលនេះ មានរយៈពេលជាង ៨ខែហើយ ក្នុងសង្រ្គាមនៅហ្កាហ្សា ហើយការរុលទៅមុខរបស់អ៊ីស្រាអែល ឥឡូវនេះ ផ្តោតលើតំបន់ចុងក្រោយចំនួន២ ដែលកងកម្លាំងរបស់ខ្លួន មិនទាន់អាចដណ្តើមបាន នោះគឺទីក្រុង Rafah នៅជ្រុងភាគខាងត្បូងរបស់តំបន់ហ្កាហ្សា និងតំបន់ជុំវិញទីក្រុង Deir al-Balah ភាគកណ្តាល។គួរបញ្ជាក់ថា យុទ្ធនាការផ្លូវគោក និងផ្លូវអាកាសរបស់អ៊ីស្រាអែលនេះ ត្រូវបានបង្កឡើង ដោយសារក្រុមសកម្មប្រយុទ្ធដឹកនាំដោយក្រុមហាម៉ាស បានវាយលុកចូលទៅក្នុងភាគខាងត្បូងអ៊ីស្រាអែល កាលពីថ្ងៃទី៧ ខែតុលា ដែលបានសម្លាប់មនុស្សប្រហែល ១.២០០នាក់ និងចាប់ជាចំណាប់ថ្នូរជាង ២៥០នាក់។ហើយយោងតាមអាជ្ញាធរសុខាភិបាលប៉ាឡេស្ទីន បានឲ្យដឹងថា ការវាយលុកសងសឹករបស់អ៊ីស្រាអែល បានធ្វើឲ្យតំបន់ហ្កាហ្សាត្រូវបានបំផ្លិចបំផ្លាញ ដោយបានសម្លាប់មនុស្សយ៉ាងហោចណាស់ ៣៧.៥៥១នាក់ និងបានធ្វើឲ្យប្រជាជនប៉ាឡេស្ទីនស្ទើរតែទាំងអស់គ្មានផ្ទះសម្បែងជ្រកកោន និងក្លាយជាទុរគតជន៕

បណ្ដាញសង្គម

ព័ត៌មានថ្មីៗ

ទីក្រុងប៉េកាំង៖ រដ្ឋមន្ត្រីការបរទេសអ៊ីរ៉ង់ នឹងបំពេញទស្សនកិច្ចនៅប្រទេសចិន នាថ្ងៃពុធ

កូរ៉េខាងត្បូង និងកាហ្សាក់ស្ថាន ចុះហត្ថលេខាលើ MoU ស្តីពីថាមពលនុយក្លេអ៊ែរ និងសិក្សាលទ្ធភាពធ្វើអាជីវកម្មរ៉ែ

អូម៉ង់៖ នាវាដឹកប្រេងរងការវាយប្រហារ ត្រូវបានអូសចូលកំពង់ផែ ខណៈនាវិក ២នាក់ នៅតែបាត់ខ្លួន

នាយអគ្គសេនាធិការកងទ័ព៖ បេឡារុសគ្មានផែនការវាយប្រហារទេ ហើយសមយុទ្ធគ្រាន់តែជាការត្រួតពិនិត្យការត្រៀមខ្លួន

ជប៉ុនអាចនឹងចំណាយ ៣,៥% នៃ GDP លើវិស័យការពារជាតិ បន្ទាប់ពីមានសម្ពាធពីសហរដ្ឋអាមេរិក

ឯកអគ្គរដ្ឋទូតអាមេរិកទៅទស្សនកិច្ច «តំបន់សាកល្បង» ដែលកងទ័ពលីបង់គ្រប់គ្រង នៅក្បែរអ៊ីស្រាអែល

អគ្គិភ័យឆាបឆេះផ្ទះពលរដ្ឋ នៅជាន់ទី២ បង្កការខូចខាតសម្ភារៈមួយចំនួនធំ

អ៊ីរ៉ង់បដិសេធមិនមានការចរចាណាមួយជាមួយអាមេរិក ក្រោយការលើកឡើងរបស់លោក Trump

អេហ្ស៊ីប និងក្រិក ចាប់ផ្តើមសមយុទ្ធយោធារួមគ្នា នៅសមុទ្រមេឌីទែរ៉ាណេ

ក្រុមសង្រ្គោះរកឃើញសាកសព ខណៈឥណ្ឌូនេស៊ីបង្កើនប្រតិបត្តិការស្វែងរកមនុស្សបាត់ខ្លួន ១២៩នាក់ ក្រោយនាវាលិច

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877