BTV NEWS

ភ្ជុំបិណ្ឌ៣ថ្ងៃ គ្រោះថ្នាក់ចរាចរណ៍សម្លាប់អ្នកដំណើរជាង ២០នាក់ របួសធ្ងន់ស្រាលជាង ១០០នាក់

គិតត្រឹមខែកញ្ញាឆ្នាំ២០២៦នេះ មន្ត្រីនគរបាល ៧៧នាក់ត្រូវវិន័យធ្ងន់ធ្ងរដោយសារ Online Scams ខណៈជនជាតិខ្មែរ និងបរទេសជិត ៥ពាន់ទៀតត្រូវជាប់ឃុំ

សមត្ថកិច្ចឃាត់ខ្លួនជនបរទេស៣នាក់ ក្រោយរកឃើញសារធាតុញៀនប្រភេទកញ្ឆាជាង ១០០ដុំ ពេលត្រៀមចាកចេញពីកម្ពុជាតាមយន្តហោះ

ករណីបុរសម្នាក់ឡើងលើផ្លូវល្បឿនលឿនPK54 យកដែកដាក់ទទឹងផ្លូវត្រូវបានសមត្ថកិច្ចនគរបាលស្រាវជ្រាវបង្រ្កាបបានហើយ

សន្តិសុខ និង សង្គម

សមត្ថកិច្ចចម្រុះ តាមប្រមាញ់អ្នកទោសគាស់ជញ្ជាំងគុករត់គេចខ្លួន បានម្នាក់ទៀតហើយ

ស្ទឹងត្រែង៖ ក្នុងសកម្មភាពចុះប្រតិបត្តិការទាំងយប់ទាំងថ្ងៃ របស់កម្លាំងសមត្ថកិច្ចចម្រុះ ក្នុងការស្វែងរកចាប់ខ្លួនអ្នកទោស ដែលបានលួចគាស់ជញ្ជាំងគុក និងទម្លុះរបងរត់គេចខ្លួនកាលវេលាម៉ោង៣និង២០នាទីទបភ្លឺថ្ងៃទី៨ ខែវិច្ឆិកា ឆ្នាំ២០២១កន្លងមកនេះ ត្រូវបានក្របួចជាប់ជនជាតិឡាវម្នាក់ទៀតហើយ ។ លោកវរសេនិយទោ ជិប ហួរ នាយរងសេនាធិការ ប្រតិបត្តិការសិករងខេត្តស្ទឹងត្រែងបានឲ្យBTV ដឹងថា នៅវេលាម៉ោង៨ព្រឹកថ្ងៃ១២វិច្ឆិកានេះ កម្លាំងសមត្ថកិច្ចបានចាប់ខ្លួនក្រុមអ្នកទោសបានម្នាក់បន្ថែមទៀត ដែលមានឈ្មោះ ចាក់លី ចឺតាលី ជាជនជាតិឡាវ ដែលតុលាការបានផ្ដន្ទាទោសឲ្យជាប់ពន្ធនាគារអស់មួយជីវិត ពីបទជួញដូរគ្រឿងញៀនឆ្លងដែន។លោកបន្តថា ករណីដែលឈានដល់ការចាប់ខ្លួនអ្នកទោសម្ចាក់ជាជនជាតិឡាវខាងលើបាននាពេលនេះ គឺមានការចូលរួមសហការពីប្រជាពលរដ្ឋ បានឃើញ និងឃាត់ខ្លួនហើយប្រគល់ជូនឲ្យសមត្ថកិច្ច ដែលអ្នកទោសរូបនេះ បានដើរក្នុងចំណុចកោះស្ងួយ ស្ថិតនៅក្នុងភូមិកោះស្រឡៅ ឃុំកោះស្នែងស្រុកបូរីអូរស្វាយសែនជ័យ ខេត្តស្ទឹងត្រែង។អ្នកទោសជាប់ពន្ធនាគារមួយជីវិតរូបនេះបានសារភាពចំពោះមុខសមត្ចកិច្ចថា ខ្លួនជាអ្នករៀបចំគម្រោងការក្នុងសកម្មភាពគាស់ជញ្ជាំងគុករត់ចេញ ដោយមានការផ្ដល់សម្ភារៈ ពីមនុស្សស្រីម្នាក់ដែលចេញចូលធ្វើការងារក្នុងពន្ធធាគារនោះ ជាអ្នករៀបចំពីខាងក្រៅ។អ្នកទោសឈ្មោះ ចាក់លី ចឺតាលី បានឆ្លើយសារភាពបន្ដថា គម្រោងការគាស់គុកដើម្បីរត់ចេញនេះ មានរយៈពេល១ឆ្នាំហើយ ហើយសម្ភារៈសម្រាប់ធ្វើសកម្មភាពគាស់នេះ គឺត្រៀមរយៈពេលប្រមាណជា ៣ទៅ៤ខែមុននេះប៉ុណ្ណោះ ។ករណីអ្នកទោស៧នាក់ ដែលធ្វើសកម្មភាពគាស់ជញ្ជាំងបន្ទប់ឃុំឃាំង និងទម្លុះរបងគុករត់ចេញនាពេលកន្លងមក រហូតមកដល់ថ្ងៃទី១២វិច្ឆិកា២០២១នេះ កម្លាំងសមត្ថកិច្ចចម្រុះរបស់ខេត្តស្ទឹងត្រែងសហការជាមួយកម្លាំងនគបាលក្រសួងមហាផ្ទៃ បានធ្វើការចាប់ខ្លួនបានចំនួន ៤នាក់ហើយ ក្នុងនោះមានជនជាតិឡាវ ២នាក់ និងខ្មែរ២នាក់។ បច្ចុប្បន្នសមត្ថកិច្ចកំពង់បន្តស្វែងរកអ្នកទោសចំនួន ៣នាក់បន្ថែមទៀត ដែលកំពង់រត់គេច ហើយសមត្ថកិច្ចក៏បានកំណត់មុខសញ្ញា និងគោលដៅការលាក់ខ្លួនអ្នកទោសទាំង ៣នាក់នោះហើយ៕ អត្ថបទ៖ មាស ផល្លា សូមចុច Join Channel Telegram BTV News ដើម្បីទទួលព័ត៌មានថ្មីៗ

មានទីតាំងសង្វៀនជល់មាន់ និងអាប៉ោងខុសច្បាប់មួយកន្លែងនៅជ្រៃធំ ដោយភ្នាល់ប្រាក់រាប់ម៉ឺនដុល្លារមិនខ្លាចរអាអាជ្ញាធរ និងឆ្លងកូវីដ-១៩

កណ្ដាល៖ ទីតាំងសង្វៀនជល់មាន់ និងល្បែងអាប៉ោងខុសច្បាប់មួយកន្លែង ដែលស្ថិតនៅ (ហ្គ្រេនដ្រាយហ្គនរីសត) ក្នុងភូមិជ្រៃធំ ឃុំសំពៅពូន ស្រុកកោះធំ ខេត្តកណ្តាល ដោយបានភ្នាល់ទឹកប្រាក់ម្តងៗរាប់ពាន់រាប់ម៉ឺនដុល្លារក្នុងការជល់មាន់មួយគូ និងអាប៉ោងមួយក្តារជារៀងរាល់ថ្ងៃ ខណៈការលេងនេះ មានការជួបជុំទ្រង់ទ្រាយធំស្រែកហោរកញ្ជ្រៀវដោយមិនខ្លាចអាជ្ញាធរ និងខ្លាចការឆ្លងរីករាលដាលនូវមេរោគកូវីដ-១៩នោះឡើយ។ ប្រជាពលរដ្ឋអះអាងថា បានទៅប្តឹងអាជ្ញាធរមូលដ្ឋានជាច្រើនលើកច្រើនសារ តែពុំទាន់មានវិធានការនៅឡើយរហូតដល់សព្វថ្ងៃនេះ។បងប្អូនប្រជាពលរដ្ឋដែលធ្វើដំណើរឆ្លងកាត់ និងរស់នៅតំបន់នោះ បានឲ្យដឹងទៀតថា ពួកគាត់មានការភ័យខ្លាច ដោយមានរថយន្តទំនើបៗឆ្លងកាត់ជាច្រើនខុសប្រក្រតី ដោយពួកគាត់ព្រួយបារម្ភចំពោះកូនៗរបស់ពួកគាត់ដើរឆ្លងថ្នល់ ខណៈរថយន្តទាំងនោះបានបើកឆ្ពោះទៅកន្លែងតែមួយ ពោល គឺកន្លែង(ហ្គ្រេនដ្រាយហ្គនរីសត) ដែលគេដឹងថា លួចលែងល្បែងភ្នាល់មាន់ អាប៉ោង និងបៀរខុសច្បាប់ទ្រង់ទ្រាយធំ។មានការអះអាងថា មានអ្នកជាខ្នងបង្អែកនៅពីក្រោយ ទើបកន្លែងសង្វៀនជល់មាន់មួយកន្លែងនេះហ៊ានបើកដោយសេរី ដោយមិនខ្លាចទាំងឆ្លងមេរោគកូវីដ-១៩ជាដើមនោះ។ទាក់ទងការផ្តល់ព័ត៌មានពីពលរដ្ឋតំបន់នេះ មិនអាចសុំការបំភ្លឺពីលោក ស៊ឹម ឃាង អធិការស្រុកកោះធំបានទេ ដោយទូរស័ព្ទហៅមិនចូល។តែទោះជាយ៉ាងនេះក្តី បងប្អូនប្រជាពលរដ្ឋ បានស្នើទៅអាជ្ញាធរខេត្តកណ្តាល ចុះត្រួតពិនិត្យករណីនេះ ព្រោះបើនៅតែបន្តសកម្មភាពប្រមូលផ្ដុំគ្នាលេងយ៉ាងគឃ្លើនទៀតនោះ ពួកគាត់ខ្លាចតែមានការឆ្លងរីករាលដាលមេរោគកូវីដ-១៩នៅតំបន់នេះ ហើយអាជ្ញាធរ ឬក្រសួងសុខាភិបាលធ្វើការបិទវានឹងរំខានដល់ការរកស៊ី និងការរស់នៅរបស់ពួកគាត់ទៀត ជាពិសេសខ្លាចមានការបិទសាលាបន្តទៀតដែលធ្វើឲ្យកូនៗរបស់គាត់មិនបានចូលរៀនទៀតនោះ៕

កម្ពុជាបន្តរកឃើញមនុស្ស ៦៧នាក់ឆ្លងកូវីដ-១៩ ខណៈអ្នកជំងឺ៧២នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៦៦នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ៧១នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន ៥៨នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ៨នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស៥នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ២ ៨៥០នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការ នាពេលកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ១១៥ ៧៣០នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ១១៩ ៣៥៨ នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

អ្នកទោស៣នាក់ហើយ ក្នុងចំណោម៧នាក់ដែលបានរត់ចេញពីគុកខេត្តស្ទឹងត្រែង ត្រូវបានចាប់ខ្លួនមកវិញ

ស្ទឹងត្រែង ៖ បន្ទាប់ពីការរត់ចេញពីគុកខេត្តស្ទឹងត្រែង អស់រយៈពេលពីរថ្ងៃ អ្នកទោសចំនួន៣នាក់ ក្នុងចំណោម៧នាក់ ត្រូវបានសមត្ថកិច្ចចាប់ឃាត់ខ្លួនមកវិញជាបន្ដបន្ទាប់ ហើយការស្វែងរកអ្នកទោស៤នាក់ទៀត កំពុងត្រូវបានធ្វើបន្ត។នគរបាលខេត្ដស្ទឹងត្រែង បានបញ្ជាក់ថា អ្នកទោសដែលត្រូវចាប់ខ្លួនបានមកវិញនេះ ទី១.មានឈ្មោះ ទូច វ៉ាត់ ជនជាតិខ្មែរ ជាប់ទោសពីបទជួញដូរគ្រឿងញៀន ,ទី២.ឈ្មោះ វ៉ាន់ ភូ ជាប់ទោស២០ឆ្នាំ រឿងបទល្មើសជួញដូរគ្រឿងញៀន អ្នកទោសរូបនេះ ត្រូវចាប់ខ្លួនបានមកវិញ នៅវេលាម៉ោង១២ថ្ងៃត្រង់ ថ្ងៃទី១០ ខែវិច្ឆិកានេះ នៅស្រុកថាឡាបរិវ៉ាត់ ខេត្តស្ទឹងត្រែង។ ទី៣.ឈ្មោះ កិត ងិន ជាប់៤ឆ្នាំ រឿងបទល្មើសគ្រឿងញៀន។សូមបញ្ជាក់ថា ក្រុមអ្នកទោសចំនួន៧នាក់ បានហែកគុករត់គេចខ្លួន កាលពីវេលាម៉ោង៣និង២០នាទី ទៀបភ្លឺ ថ្ងៃទី៨ ខែវិច្ឆិកានេះ ដោយការគាស់ក្ដារជញ្ជាំងបន្ទប់ឃុំឃាំង រួចនាំគ្នាទម្លុះរបងថ្ម ខណៈដែលឆ្មាំគុក បានបញ្ជាក់ថា ក្នុងយប់កើតហេតុនោះ វាមានភាពចៃដន្យ គឺអំពូលភ្លើងតាមបង្គោល បានដាច់ងងឹតឈឹង ហើយអំពូលភ្លើងបំភ្លឺផ្លូវសាធារណៈរបស់ខេត្ត ក៏បានដាច់ដែរ ធ្វើឲ្យឱកាសនៃការរត់គេចកាន់តែល្អ សម្រាប់ពួកអ្នកទោសទាំងនោះ ព្រោះកម្លាំងអនុរក្ស ពិបាកក្នុងការតាមប្រមាញ់ ដោយមើលមិនឃើញ។កម្លាំងសមត្ថកិច្ចខេត្តស្ទឹងត្រែង ពិសេសស្រុកថាឡាបរិវ៉ាត់ បាននឹងកំពុងខិតខំតាមស្វែងរកចាប់ ខ្លួនអ្នកទោស៤នាក់ទៀត ៕អត្ថបទ៖ មាស ផល្លា

តុលាការបង្គាប់ឱ្យចាប់ខ្លួន ឧកញ៉ា លី សាយឃាង ករណីរំលោភលើទំនុកចិត្ត និងបទបរិហារកេរ្តិ៍ជាសាធារណៈ

ភ្នំពេញ៖ សាលាដំបូងរាជធានីភ្នំពេញ បានចេញដីកាបង្គាប់ឲ្យចាប់ខ្លួន ឧកញ៉ា លី សាយឃាង ទាក់ទិនករណីរំលោភលើទំនុកចិត្ត និងបទបរិហារកេរ្តិ៍ជាសាធារណៈ ។ចៅក្រមស៊ើបសួរសាលាដំបូងរាជធានីភ្នំពេញ លោក សេង លាង កាលពីថ្ងៃទី៨ ខែវិច្ឆិកា ឆ្នាំ២០២១ បានចេញដីកាបង្គាប់ឲ្យចាប់ខ្លួន ឧកញ៉ា លី សាយឃាង ដែលពាក់ព័ន្ធនឹងករណីរំលោភលើទំនុកចិត្ត និងបរិហារកេរ្តិ៍ជាសាធារណៈ ប្រព្រឹត្តនៅឃុំអូរបីជាន់ ស្រុកអូរជ្រៅ សង្កាត់និមិត្ត និងសង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ កាលពីអំឡុងឆ្នាំ២០១៨ និងអំឡុងឆ្នាំ២០១៩ ទៅតាមបទល្មើសដែលមានចែងឱ្យផ្តន្ទាទោសតាមមាត្រា ៣៩១ មាត្រា ៣៩២ និងមាត្រា ៣០៥ នៃក្រមព្រហ្មទណ្ឌ ។នៅក្នុងដីកាបង្គាប់ឲ្យនាំខ្លួនលេខ ១០៩២ “ធ” ដចន របស់លោក សេង លាង ជាចៅក្រមស៊ើបសួរសាលាដំបូងរាជធានីភ្នំពេញ យល់ឃើញថា ជនត្រូវចោទឈ្មោះ លី សាយឃាង ភេទប្រុស អាយុ ៥៨ឆ្នាំ ជនជាតិខ្មែរ ជាប់ចោទពីបទ រំលោភលើទំនុកចិត្ត និងបរិហារកេរ្តិ៍ជាសាធារណៈ ប្រព្រឹត្តនៅឃុំអូរបីជាន់ ស្រុកអូរជ្រៅ សង្កាត់និមិត្ត និងសង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ កាលពីអំឡុងឆ្នាំ ២០១៨ និងអំឡុងឆ្នាំ ២០១៩ បទល្មើសដែលមានចែងឱ្យផ្តន្ទាទោសតាមមាត្រា ៣៩១ មាត្រា ៣៩២ និងមាត្រា ៣០៥ នៃក្រមព្រហ្មទណ្ឌ ហេតុដូច្នេះ ដើម្បីធានាដល់ការស៊ើបសួរឱ្យបានពេញលេញ គប្បីសម្រេចនាំខ្លួនឈ្មោះ លី សាយឃាង ភេទប្រុស អាយុ ៥៨ឆ្នាំ ជនជាតិខ្មែរ មកចំពោះចៅក្រមស៊ើបសួរដើម្បីធ្វើការសាកសួរបំភ្លឺការពិត។ចៅក្រមស៊ើបសួរបានសម្រេច២ចំណុច គឺ១ បង្គាប់ឲ្យនាំឈ្មោះ លី សាយឃាង ភេទប្រុស អាយុ ៥៨ឆ្នាំ ជនជាតិខ្មែរ ដែលមានអត្តសញ្ញាណខាងលើនេះ និងចំណុចទី២ បង្គាប់ទៅកងកម្លាំងសាធារណៈ ឲ្យចាប់ និងនាំខ្លួនឈ្មោះលី សាយឃាង ប្រគល់ជូនសាលាដំបូងរាជធានីភ្នំពេញ ឲ្យបានមុនថ្ងៃទី២៣ ខែវិច្ឆិកា ឆ្នាំ២០២១ ដើម្បីចាត់ការតាមច្បាប់៕

ជនសង្ស័យ៦នាក់នគរបាលបញ្ជូនខ្លួនទៅតុលាការ ពាក់ព័ន្ធករណី ធាក់ប្លន់និងប្រើដាវកាប់យកម៉ូតូ

ភ្នំពេញ៖ តំណាងអយ្យការអមសាលាដំបូងរាជធានីភ្នំពេញ នាព្រឹកថ្ងៃទី៩ ខែវិច្ឆិកា ឆ្នាំ២០២១ នេះបានបើកការស៊ើបសួរលើសំណុំរឿងជនសង្ស័យចំនួន៦នាក់ ពាក់ព័ន្ធបទល្មើស «ធ្វើសកម្មភាព ធាក់ម៉ូតូផ្តួលរួចយកកំបិត និងដាវកាប់ប្លន់យកម៉ូតូក្នុង៣ករណីផ្សេងគ្នា» ត្រូវបាននគរបាលព្រហ្មទណ្ឌកំរិតស្រាល នៃស្នងការដ្ឋាននគរបាលរាជធានីភ្នំពេញ ស្រាវជ្រាវឃាត់ខ្លួនបានជាបន្តបន្ទាប់ បញ្ជូនទៅកាន់សាលាដំបូងរាជធានីភ្នំពេញ។ជនសង្ស័យលួចមានស្ថានទម្ងន់ទោស ដោយការប្រព្រឹត្តអំពើហិង្សាត្រូវបាន សមត្ថកិច្ច បានឲ្យដឹងថា ទី១.ឈ្មោះឌឹម ប៉េងអ៊ី អាយុ១៨ឆ្នាំ មុខរបរជាសិស្ស ស្នាក់នៅភូមិខ្វា សង្កាត់ដង្កោ ខណ្ឌដង្កោ រាជធានីភ្នំពេញ,ទី២.ឈ្មោះ អាន សត្យា ហៅយ៉ា អាយុ ១៨ឆ្នាំ ជាជាងម៉ាស៊ីនត្រជាក់ ,ទី៣ឈ្មោះ សេង បូរី អាយុ១៨ឆ្នាំ ជាសិស្ស ,ទី៤ ឈ្មោះ គឹម សុខសានបញ្ញាអាយុ១៨ឆ្នាំ ជាសិស្ស, ទី៥ ឈ្មោះ ឡាយ ស្រីមានហៅទីអាយុ១៧ឆ្នាំជាអ្នកលក់អីវ៉ាន់តាមអនឡាញ និង ទី៦.ឈ្មោះ ហ៊ួន ស៊ិង អាយុ៣៣ឆ្នាំជាគ្រូបង្រៀន មានលំនៅឃុំអង្គរទ្រេត ស្រុកស្វាយអន្ទរ ខេត្តព្រៃវែង។នគរបាលជំនាញ បានឲ្យដឹងថា ជនសង្ស័យទាំង៦នាក់ ត្រូវបានកម្លាំង នគរបាលព្រហ្មទណ្ឌកំរិតស្រាលនៃស្នងការនគរបាលរាជធានីភ្នំពេញ ធ្វើការស្រាវជ្រាវហើយ ឈានទៅឃាត់ខ្លួន បានជាបន្តបន្ទាប់កាលពីថ្ងៃទី០៥ ទី០៦និងទី០៧ ខែវិច្ឆិកាឆ្នាំ២០២១ បន្ទាប់ពី ធ្វើសកម្មភាពលួចមានស្ថានទម្ងន់ទោស ដោយការប្រព្រឹត្តអំពើហិង្សា (ធាក់ម៉ូតូផ្តួលរួចយកកំបិត និងដាវកាប់ប្លន់យកម៉ូតូ) ក្នុង៣ករណីផ្សេងគ្នា។នៅក្នុងការឃាត់ខ្លួននគរបាលក៏បានសហការ ជាមួយអធិការដ្ឋាននគរបាលខណ្ឌដង្កោ ខណ្ឌដូនពេញ និងអធិការដ្ឋាននគរបាលស្រុកស្វាយអន្ទរ នៃស្នងការនគរបាលខេត្តព្រៃវែងផងដែរ។មន្រ្តីជំនាញ បានបន្តទៀតថា ជនសង្ស័យ ជាមុខសញ្ញាធាក់ប្លន់យកម៉ូតូយ៉ាងសកម្ម ចំនួន៣ករណីផ្សេង គ្នា ១ប្រព្រឹត្តិនៅចំណុចផ្លូវបេតុង ក្នុងភូមិប្រការ សង្កាត់ព្រៃស ខណ្ឌដង្កោ កាលពីវេលាម៉ោងប្រមាណ៤និង៣០នាទីថ្ងៃទី០១ខែវិច្ឆិកា ឆ្នាំ២០២១ ធាក់និងកាប់ប្លន់យកម៉ូតូម៉ាកហុង ឌ្រីមសេរី២០១៨ ពាក់ស្លាកលេខភ្នំពេញ១GW.៩៥២៧ ។ ករណីទី២ នៅចំណុច ភូមិព្រៃវែងលិច សង្កាត់ព្រៃវែង ខណ្ឌដង្កោ កាលពីវេលាម៉ោងប្រមាណ៥ទាបភ្លឺ ថ្ងៃទី០១ខែវិច្ឆិកា ឆ្នាំ២០២១ និងលើកទី៣ កាប់ប្លន់យកម៉ូតូកាលពីថ្ងៃទី២៩ ខែតុលា ឆ្នាំ២០២១ នៅសង្កាត់ព្រៃស ខណ្ឌដង្កោ រាជធានីភ្នំពេញ។បន្ទាប់ពីឃាត់ខ្លួននគរបាលដកហូតបានម៉ូតូជនរងគ្រោះ និង ម៉ូតូដែលជិះធ្វើសកម្មភាពចំនួន៥គ្រឿងព្រមទាំងស្លាកលេខ ម៉ូតូមួយចំនួនផងដែរ។បច្ចុប្បន្នក្រុមជនត្រូវចោទទាំង៦នាក់នេះ កំពុងស្ថិតក្នុងដំណាក់កាលតំណាងអយ្យការបើកការស៊ើបសួរនៅឡើយ បន្ទាប់មកនឹងធ្វើការចោទប្រកាន់បញ្ជូនទៅចៅក្រមស៊ើបសួរបន្តទៀត តាមនីតិវិធី៕អត្ថបទ ៖ កុម្ភៈ

កម្ពុជាបន្តរកឃើញមនុស្ស ៦៧នាក់ឆ្លងកូវីដ-១៩ ខណៈអ្នកជំងឺ៧២នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៦៧នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ៧២នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន ៦៣នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ៤នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស៥នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ២ ៨៤០នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការ នាពេលកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ១១៥ ៥៩១នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ១១៩ ២២៧ នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

ក្មេងស្រីម្នាក់បានស្លាប់ ខណៈផ្ទះបណ្តែតទឹកជាង ២០ខ្នង បានខូចខាតដោយសារផ្ទុះនៅខេត្តកំពង់ឆ្នាំងរសៀលថ្ងៃនេះ

កំពង់ឆ្នាំង៖ ក្នេងស្រីម្នាក់បានស្លាប់ភ្លាមៗ ខណៈផ្ទះបណ្តែតទឹកជាង ២០ខ្នងបានក្រឡាប់ផ្ងាជើងនិងរបើកដំបូលដោយសារមានករណីខ្យល់ព្យុះដ៏ខ្លាំងមួយ បានកើតឡើងនៅរសៀលថ្ងៃទី៨ ខែវិច្ឆិកា ឆ្នាំ២០២១ នៅឃុំផ្លូវទូក ស្រុកកំពង់លែង ខេត្តកំពង់ឆ្នាំង។ ក្រោយពីកើតហេតុភ្លាមៗឯកឧត្តម ស៊ុន សុវណ្ណារិទ្ធ អភិបាលខេត្តកំពង់ឆ្នាំង បានបញ្ជាកម្លាំងឲ្យចុះជួយសង្រ្គោះ និងអន្ករាគមន៍ផងដែរ ដោយរបាយការណ៍បឋមបានបង្ហាញថា ក្មេងស្រីម្នាក់អាយុ៥ឆ្នាំ បានស្លាប់បាត់បង់ជីវិត និងផ្ទះពលរដ្ឋចំនួន១៥ខ្នង បានរបើកដំបូល និងចំនួន៦ខ្នងទៀតបានផ្ងាជើង៕ អត្ថបទ៖ បាន ចក់

ខែតុលាឆ្នាំ២០២១ សមត្ថកិច្ចបង្ក្រាបគ្រឿងញៀនជាង ៥០០ករណី សារធាតុញៀនគ្រប់ប្រភេទជាង ៣២៤គីឡូក្រាម

ភ្នំពេញ៖ យោងតាមរបាយការដែល BTV ទទួលបានពីមន្ទីរប្រឆាំងបទល្មើសគ្រឿងញៀន បញ្ជាក់ឲ្យដឹងថា លទ្ធផលអនុវត្តន៍ច្បាប់ប្រឆាំងបទល្មើសគ្រឿងញៀន កាលពីខែតុលា ឆ្នាំ ២០២១ សមត្ថកិច្ចបង្ក្រាប សរុប ៥១៤ករណី ឃាត់មនុស្ស ១០៨៣នាក់ ស្រី ៦៨នាក់។ ក្នុងនោះ ជួញដូររក្សាទុកចាត់ចែង ៤២១ករណី ឃាត់ ៨៣២នាក់ (ស្រី ៦០នាក់) កែច្នៃ ០១ករណី ឃាត់ ០២នាក់ ដាំដុះ ០២ករណី ប្រើប្រាស់ ៩០ករណី ឃាត់ ២៤៩នាក់ (ស្រី ០៨នាក់)។ អនុវត្ដន៍ដីកា៖ ៥៧ដីកា ឃាត់ ៤៨នាក់ (ស្រី ០១នាក់) ចាប់យកសារធាតុញៀនគ្រប់ប្រភេទជាង ៣២kg កញ្ឆា ២៥១៧ដើម និងសារធាតុផ្សំគីមីជាង ៦kg។ សម្ភារៈចាប់យករួមមាន រថយន្ដ ០៨គ្រឿង,ទូកធំ ០១គ្រឿង,ម៉ូតូ ១៧២គ្រឿង,ទូរស័ព្ទ ៥៤២គ្រឿង,ជញ្ជីង ៣៣គ្រឿង,អាវុធខ្លី ០១ដើម និងអាវុធវែង ១០ដើម (កែច្នៃ ១០ដើម) ។ដោយឡែក លទ្ធផលអនុវត្តន៍ច្បាប់ប្រឆាំងគ្រឿងញៀន គិតចាប់ពីថ្ងៃទី០១ ខែមករា រហូតដល់ថ្ងៃទី០៨ ខែវិច្ឆិកា ឆ្នាំ២០២១ សមត្ថកិច្ចបង្ក្រាបសរុប ៥២១៦ករណី ឃាត់មនុស្ស ១១៣៧៤នាក់ ស្រី ៦៨៨នាក់ (ជនបរទេស ៣១០នាក់ ស្រី ៤៥នាក់)។ ក្នុងនោះ ជួញដូររក្សាទុក កែច្នៃចាត់ចែង ៣៧២៤ករណី ឃាត់ ៧១៨៩នាក់ (ស្រី ៤៩៦នាក់) ដាំដុះ ៣៣ករណី ឃាត់ ០៩នាក់ (ស្រី ០៥នាក់) ប្រើប្រាស់ ១៤៥៩ករណី ឃាត់ ៤១៧៦នាក់ (ស្រី ១៨៧នាក់)។ អនុវត្ដន៍ដីកា៖ ៤២២ដីកា ឃាត់ ៣៨៥នាក់ (ស្រី ១៧នាក់) វត្ថុតាងសារធាតុញៀនគ្រប់ប្រភេទជាង ១ton ៣៨៥k និង ៨៩,៤៥g, កញ្ឆា ៥០,០៨៨ដើម, កញ្ឆាស្ងួតជាង ១៤០kg និងសារធាតុផ្សំគីមី ១ton ១៣៩kg រថយន្ដ ១១៥គ្រឿង,ម៉ូតូ ១៥០៤គ្រឿង,ទូរស័ព្ទ ៥២៨៧គ្រឿង,ជញ្ជីង ៣០១គ្រឿង, អាវុធខ្លី ៣៩ដើម និងអាវុធវែង ៣៨ដើម (កែច្នៃ ២៨ដើម)៕ អត្ថបទ៖ តារាវុទ្ធី

អ្នកទោស៧នាក់ បានរត់ចេញពីពន្ធនាការខេត្តស្ទឹងត្រែង

ស្ទឹងត្រែង ៖ អ្នកទោសចំនួន៧នាក់ បានរត់ចេញពីពន្ធនាគារខេត្តស្ទឹងត្រែង កាលពីវេលាទៀបភ្លឺ ថ្ងៃទី៨ ខែវិច្ឆិកានេះ ដែលពន្ធនាគារមានទីតាំងនៅក្នុងសង្កាត់ព្រះបាទ ក្រុងស្ទឹងត្រែង។ប្រភពពីកម្លាំងសមត្ថកិច្ច បានឱ្យដឹងបឋមថា នាវេលាទៀបភ្លឺថ្ងៃនេះ ខណៈមន្ត្រីអនុរក្សពន្ធនាគារ ដើរល្បាត ក៏បានឃើញជញ្ជាំង ត្រូវបានអ្នកទោសចំនួន៧នាក់ ទម្លាយរត់គេចខ្លួន ហើយក្រុមអនុរក្ស បានបាញ់ចំនួន៤គ្រាប់ ដើម្បីគំរាមបញ្ឈប់សកម្មភាពរត់គេច តែអ្នកទោសទាំងនោះនៅតែបន្តរត់គេចខ្លួនបាត់។ប្រភពដដែលបានបន្តថា ក្រុមអ្នកទោស ដែលបានគេចខ្លួននោះ ៦នាក់ ជាប់ទោសជាឧក្រិដ្ឋជន ជួញដូរគ្រឿងញៀន និងម្នាក់ទៀតជាប់ទោសចោរកម្ម មានស្ថានទម្ងន់ទោស។តាមការពិនិត្យទីតាំងជាក់ស្តែង នគរបាលបានរកឃើញឧបករណ៍ធ្វើសិប្បកម្ម និងវត្ថុរឹងមួយចំនួន ដែលជាឧបករណ៍សម្រាប់ទម្លាយរបងថ្ម ដូចជាប្រដាប់ខួង ដែកត្រសេះ និងកំណាត់ឈើ។លោក ឈុន តារា ប្រធានពន្ធនាគារខេត្តស្ទឹងត្រែង បានឱ្យដឹងថា ក្នុងចំណោមអ្នកទោស៧នាក់ មានម្នាក់ ត្រូវបានកាត់ទោសឱ្យជាប់ពន្ធនាគារអស់មួយជីវិត ក្នុងករណីបទឧក្រិដ្ឋជនជួញដូរគ្រឿងញៀន ឆ្លងដែនពីប្រទេសជិតខាងចូលមកប្រទេសកម្ពុជា ត្រូវបានសមត្ថកិច្ចចុះប្រតិបត្តិការបង្ក្រាបបានកាលពីថ្ងៃទី៩ ខែសីហា ឆ្នាំ២០២០។លោកបានបញ្ជាក់ថា បច្ចុប្បន្ន កងកម្លាំងចម្រុះ បានចុះប្រមាញ់តាមគោលដៅ និងកំពង់ឡោមព័ទ្ធ តំបន់ភ្នំប្រាសាទ ក្នុងឃុំកាំងចាម ស្រុកថាឡាបរិវ៉ាត់៕អត្ថបទ៖ មាស ផល្លា

បណ្ដាញសង្គម

ព័ត៌មានថ្មីៗ

កម្ពុជា និង IFAD ពិនិត្យវាយតម្លៃកម្មវិធីអភិវឌ្ឍន៍ជនបទ និងពង្រឹងកិច្ចសហប្រតិបត្តិការកសិកម្មជនបទ

៩ខែមកនេះ ជនជាប់ឃុំជាង ៨ពាន់នាក់ទទួលការបណ្តុះបណ្តាលជំនាញវិជ្ជាជីវៈ និងមុខរបរ ខណៈជាង ២០០នាក់បានវិញ្ញាបនបត្របញ្ជាក់ការសិក្សាផ្លូវការ

គ.ល.ក. ពង្រឹងការត្រួតពិនិត្យកាស៊ីណូទូទាំងប្រទេស និងព្រមានដកហូតអាជ្ញាបណ្ណចំពោះអ្នកលួចបើកល្បែងអនឡាញខុសច្បាប់

មោទនភាពខួប ១ឆ្នាំ៖ ព្រលានយន្តហោះអន្តរជាតិតេជោ ជាបេះដូងថ្មី នៃការតភ្ជាប់សេដ្ឋកិច្ច និងទេសចរណ៍កម្ពុជា

មនុស្សជិត១០នាក់បន្ថែមទៀតបានស្លាប់ ក្រោយអ៊ីស្រាអែលវាយប្រហារ ខណៈតំបន់នេះធ្លាក់ក្នុងវិបត្តិមនុស្សធម៌

ឯកឧត្តមឧបនាយករដ្ឋមន្ត្រី ហ៊ុន ម៉ានី អញ្ជើញជាអធិបតីដ៏ខ្ពង់ខ្ពស់ក្នុងពិធីបើកយុទ្ធនាការជំរឿនមន្ត្រីសុខាភិបាលភូមិភាគនិរតី នៅខេត្តកំពត

[UPDATE] អ្នកស្លាប់ក្នុងការវាយប្រហារដោយមីស៊ីលពីក្រុមហ៊ូទី លើជំរំទាហានជ្រើសរើសថ្មីនៅយេម៉ែន ឡើងដល់ជាង៧០នាក់

វិចារណកថា៖«ផែនដីមិនត្រឹមតែស្ថិតនៅក្រោមខ្ញុំប៉ុណ្ណោះទេ ប៉ុន្តែផែនដីក៏មានវត្តមាននៅក្នុងគ្រប់ផ្នែករបស់រូបកាយខ្ញុំផងដែរ»

ឯកឧត្តម អ៊ុច បូររិទ្ធ អញ្ជើញចុះសំណេះសំណាលជាមួយអាជ្ញាធរមូលដ្ឋាន និងមន្ត្រីរាជការ នៅស្រុកស្រីសន្ធរ

អាជ្ញាធរជាតិព្រះវិហារ បានសែនព្រេនចុះអនុវត្ដ គម្រោងអន្ដរាគមន៍ទល់ទ្រសង្គ្រោះបន្ទាន់ប្រាសាទព្រះវិហារ ដំណាក់កាលទី២

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

សមត្ថកិច្ចចម្រុះ តាមប្រមាញ់អ្នកទោសគាស់ជញ្ជាំងគុករត់គេចខ្លួន បានម្នាក់ទៀតហើយ

កម្ពុជាបន្តរកឃើញមនុស្ស ៦៧នាក់ឆ្លងកូវីដ-១៩ ខណៈអ្នកជំងឺ៧២នាក់ទៀត ត្រូវបានព្យាបាលជាសះស្បើយ

អ្នកទោស៣នាក់ហើយ ក្នុងចំណោម៧នាក់ដែលបានរត់ចេញពីគុកខេត្តស្ទឹងត្រែង ត្រូវបានចាប់ខ្លួនមកវិញ

តុលាការបង្គាប់ឱ្យចាប់ខ្លួន ឧកញ៉ា លី សាយឃាង ករណីរំលោភលើទំនុកចិត្ត និងបទបរិហារកេរ្តិ៍ជាសាធារណៈ

ជនសង្ស័យ៦នាក់នគរបាលបញ្ជូនខ្លួនទៅតុលាការ ពាក់ព័ន្ធករណី ធាក់ប្លន់និងប្រើដាវកាប់យកម៉ូតូ

កម្ពុជាបន្តរកឃើញមនុស្ស ៦៧នាក់ឆ្លងកូវីដ-១៩ ខណៈអ្នកជំងឺ៧២នាក់ទៀត ត្រូវបានព្យាបាលជាសះស្បើយ

ក្មេងស្រីម្នាក់បានស្លាប់ ខណៈផ្ទះបណ្តែតទឹកជាង ២០ខ្នង បានខូចខាតដោយសារផ្ទុះនៅខេត្តកំពង់ឆ្នាំងរសៀលថ្ងៃនេះ

ខែតុលាឆ្នាំ២០២១ សមត្ថកិច្ចបង្ក្រាបគ្រឿងញៀនជាង ៥០០ករណី សារធាតុញៀនគ្រប់ប្រភេទជាង ៣២៤គីឡូក្រាម

អ្នកទោស៧នាក់ បានរត់ចេញពីពន្ធនាការខេត្តស្ទឹងត្រែង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី