នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ភ្ជុំបិណ្ឌ៣ថ្ងៃ គ្រោះថ្នាក់ចរាចរណ៍សម្លាប់អ្នកដំណើរជាង ២០នាក់ របួសធ្ងន់ស្រាលជាង ១០០នាក់
គិតត្រឹមខែកញ្ញាឆ្នាំ២០២៦នេះ មន្ត្រីនគរបាល ៧៧នាក់ត្រូវវិន័យធ្ងន់ធ្ងរដោយសារ Online Scams ខណៈជនជាតិខ្មែរ និងបរទេសជិត ៥ពាន់ទៀតត្រូវជាប់ឃុំ
សមត្ថកិច្ចឃាត់ខ្លួនជនបរទេស៣នាក់ ក្រោយរកឃើញសារធាតុញៀនប្រភេទកញ្ឆាជាង ១០០ដុំ ពេលត្រៀមចាកចេញពីកម្ពុជាតាមយន្តហោះ
ករណីបុរសម្នាក់ឡើងលើ​ផ្លូវ​ល្បឿ​ន​លឿនPK54 យក​ដែក​ដាក់​ទទឹង​ផ្លូវ​ត្រូវ​បាន​សមត្ថ​កិច្ច​នគរបាលស្រាវជ្រាវបង្រ្កាបបានហើយ

សន្តិសុខ និង សង្គម

រថយន្តកូរ៉េធុនធំ បើកបុកម៉ូតូ​បណ្ដាលឲ្យ​បុរសម្នាក់​ផ្ទប់​នឹងរថយន្តស្តារិច​មួយគ្រឿងទៀត​បណ្តាល​ឲ្យ​ស្លាប់ភ្លាមៗ

2021/09/10 05:13:03 pm        866
Facebook Telegram Linkin
ភ្នំពេញ ៖ រថយន្តកូរ៉េធុនធំមួយគ្រឿង បើកបត់ខ្វះការប្រុងប្រយ័ត្នជ្រុលទៅបុកម៉ូតូធូដេមួយគ្រឿង ទៅផ្ទប់ជាមួយរថយន្តស្តារិចមួយគ្រឿងផ្សេងទៀត បណ្តាលឲ្យបុរសម្នាក់ ជាអ្នកបើកម៉ូតូស្លាប់ភ្លាមៗ នៅកន្លែងកើតហេតុ ។ហេតុការណ៍នេះ កើតឡើងកាលពីវេលាម៉ោង ០៦និង៣០នាទីព្រឹកទី១០ ខែកញ្ញា ឆ្នាំ២០២១ ស្ថិតនៅតាមបណ្តោយផ្លូវ២០១១ កែងផ្លូវសម្តេចជាស៊ីម ស្ថិតក្នុង ភូមិជ្រះ សង្កាត់គោកឃ្លាង ខណ្ឌសែនសុខ រាជធានីភ្នំពេញ ។នគរបាលបានឲ្យដឹងថា ជនរងគ្រោះដែលស្លាប់មានឈ្មោះ ណេត ចាន់បុត្រ អាយុ ២៦ឆ្នាំ ស្នាក់នៅ ម្ដុំសង្កាត់បឹងកក់២ ខណ្ឌទួលគោក រាជធានីភ្នំពេញ ដែលមានឪពុកឈ្មោះ ណេត ស៊ីឌីម អាយុ ៦០ឆ្នាំ និងម្តាយឈ្មោះ អៀង ចាន់ណារី អាយុ៥៨ឆ្នាំ ។តាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុគេឃើញបុរសម្នាក់​បើក​រថយន្ត​កូរ៉េធន់ធំមួយគ្រឿងពណ៌ខៀវ ពាក់ស្លាកលេខភ្នំពេញ3D-7872​ បើកតាមបណ្តោយផ្លូវ២០១១ ទិសដៅពីជើងទៅត្បូងក្នុងល្បឿនលឿន លុះដល់កែងផ្លូវសម្តេចជាស៊ីម រថយន្តក៏បត់ស្តាំទៅកើត​តាមផ្លូវ​សម្តេចជាស៊ីម ក៏ជ្រុលចង្កូតទៅបុកម៉ូតូធូដេមួយគ្រឿងពណ៌ខ្មៅពាក់ស្លាកលេខភ្នំពេញ1IV-8488ដែលបើកតាមបណ្តោយផ្លូវសម្តេចជាស៊ីម ទិសដៅពីកើតទៅលិចបុកផ្ទប់​ទៅ​និងរថយន្តស្តារិច​មួយគ្រឿងទៀត ពណ៌ទឹកប្រាក់ពាក់ស្លាកលេខភ្នំពេញ2BJ-1721 ដែលបើកពីក្រោយស្របទិសដៅ​ជាមួយម៉ូតូធូដេ បណ្តាលឲ្យបុរសម្នាក់ជាអ្នកបើកម៉ូតូធូដេស្លាប់ភ្លាមៗ នៅកន្លែងកើតហេតុ។ ចំណែកម៉ូតូរងការខូច រីឯរថយន្តកូរ៉េធន់ធំរងការខូចខាតផ្នែកខាងមុខខាងឆ្វេងរថយន្ត និង រថយន្តស្តារិចរងការខូចខាតផ្នែកខាងមុខដូចគ្នា ។ក្រោយពេលកើតហេតុ ម្ចាស់រថយន្តទាំង២ បានរត់គេចខ្លួនបាត់ សមត្ថកិច្ចមូលដ្ឋាន​បានចុះមកដល់​ទីតាំងកើតហេតុទាក់ទងឲ្យសមត្ថកិច្ចជំនាញ មកវាស់វែងយករថយន្តទាំង២គ្រឿង​និងម៉ូតូមួយ​គ្រឿង​យកទៅរក្សាទុកនៅការិយាល័យចរាចរណ៍ផ្លូវគោក​ នៃស្នងការដ្ឋាននគរបាលរាជធានីភ្នំពេញ ដើម្បីរងចាំម្ចាស់រថយន្តទាំង២ ចូលខ្លួនមកដោះស្រាយទៅតាមនិតិវិធីច្បាប់នៅពេលក្រោយ ៕អត្ថបទ៖ កុម្ភៈ

ពលរដ្ឋរស់នៅអាជ្ញាធរក្រុងតាខ្មៅ បន្តស្នើអាជ្ញាធរពាក់ព័ន្ធជួយពិនិត្យផ្លូវលេខ១១៥ ដីហុយខ្លាំងណាស់

2021/09/09 03:59:53 pm        781
Facebook Telegram Linkin
កណ្ដាល ៖ បញ្ហាអនាម័យ បរិស្ថានជារឿយៗ ត្រូវអាជ្ញាធរតាមបណ្តាមូលដ្ឋាននានា​តែងយកចិត្ត​ទុកដាក់អនុវត្តន៍បានល្អប្រសើរគួរឲ្យ​កត់​សម្គាល់ ​ធ្វើឲ្យប្រជាពលរដ្ឋមាន​ការកោតសរសើរផងដែរ ។ ប៉ុន្តែទន្ទឹមនឹងនេះ ក៏នៅមានតាមបណ្តាមូលដ្ឋាន រាជធានីខេត្ត មួយចំនួនផ្សេងទៀត ហាក់មិនសូវបានគិតគូរឲ្យបានល្អប្រសើរនៅឡើយនោះទេ ជាពិសេសបញ្ហា អនាម័យ និងបរិស្ថាននេះតែម្តង ។ដោយឡែកបើយើងក្រឡេកទៅមើល អំពីបញ្ហាបរិស្ថាន អនាម័យ នៅលើកំណាត់ផ្លូវលេខ ១១៥ នៃមូលដ្ឋាន ក្រុងតាខ្មៅ ខេត្តកណ្តាល បច្ចុប្បន្នកំពុងកើតមានស្ថានភាព យ៉ាប់យ៉ឺនខ្លាំងណាស់ ពីព្រោះមានដី ហុយទ្រលោម ខណៈរថយន្តដឹកដី ដឹកខ្សាច់ បើករដោយគ្មាន សណ្តាប់ធ្នាប់ ដូចមាន រូបភាពបញ្ជាក់ស្រាប់ ។ពលរដ្ឋរស់នៅក្រុងតាខ្មៅ ខេត្តកណ្តាល បាន​ត្អូញត្អែរ​សារជាថ្មីម្តងទៀតថា ចំពោះស្ថានភាព​ផ្លូវលេខ​១១៥ នៃមូលដ្ឋានក្រុងតាខ្មៅ ខេត្តកណ្តាល នាពេលបច្ចុប្បន្ន មានសភាពយ៉ាប់យ៉ឺនបំផុត ពីព្រោះ មានដីហុយទ្រលោមរាល់ថ្ងៃបង្កឱ្យមានផលប៉ះពាល់ដល់សុខភាព​ បរិស្ថានយ៉ាងធ្ងន់ធ្ងរ ទៅ​ដល់​ប្រជាពលរដ្ឋដែលរស់នៅតាមបណ្តោយផ្លូវនេះ ពិសេសនោះ គឺប៉ះពាល់ដល់​សោភ័ណភាព នៃក្រុងតាខ្មៅ ខេត្តកណ្តាល តែម្តង ដោយសារវត្តមានរបស់ក្រុមរថយន្តដឹកដី និងរថយន្តដឹកខ្សាច់​យ៉ាងច្រើនសន្ធឹកបើកបរលឿនៗណាស់ ។ដោយសារបញ្ហាទាំងនេះ បងប្អូនប្រជាពលរដ្ឋដែលរស់នៅក្នុងមូលដ្ឋានក្រុងតាខ្មៅ ខេត្តកណ្តាល ទាំងមូល សូមសំណូមពរអាជ្ញាធរជំនាញ ឬលោកអភិបាលក្រុងតាខ្មៅ មេត្តាចុះត្រួតពិនិត្យ​អំពី​ស្ថានភាពផ្លូវ និងបរិស្ថាន អនាម័យនៅតំបន់នោះផង ។ពលរដ្ឋលើកឡើងថា តំបន់ដែលប៉ះពាល់បរិស្ថាន អនាម័យខ្លាំងជាងគេ នៅក្នុងមូលដ្ឋានក្រុងតាខ្មៅ ខេត្តកណ្តាល គឺនៅតាមបណ្ដោយផ្លូវលេខ១១៥ គិតចាប់ពីស្ពានព្រែកសំរោងត្រើយ​ខាងលិច​រហូត​ដល់ស្តុប ៦០ម៉ែត្រ ព្រុំប្រទល់ខណ្ឌមានជ័យ រាជធានីភ្នំពេញ និងមួយផ្នែកទៀតនៅ តាម​បណ្ដោយ​ផ្លូវលេខ ២១A ស្វាយរលំ សង្កាត់ស្វាយរលំ សង្កាត់តាខ្មៅ សង្កាត់កំពង់សំណាញ់ សង្កាត់តាក្ដុល និងសង្កាត់ព្រែកហូរ នៃក្រុងតាខ្មៅ ។ពាក់ព័ន្ធព័ត៌មាននេះ BTV បានព្យាយាមទំនាក់ទំនងទៅកាន់លោក នូ សុវណ្ណារ៉ា អភិបាលក្រុងតាខ្មៅ តាមរយះទូរស័ព្ទ នាវេលាម៉ោង ១៤ និង៤៩នាទី រសៀលថ្ងៃទី៩ ខែកញ្ញា ឆ្នាំ២០២១ តេចូលតែនិយាយគ្នាស្តាប់មិនបាននោះទេ ឬក៏អាចមកពីសេវាខ្សោយ លុះតេម្តងទៀត ប៉ុន្តែមិនមានការទទួល ។សូមជម្រាបជូនឲ្យដឹងថា ថ្លែងនៅក្នុងកិច្ចជុំ ក្រុមការងារអាជីវកម្មខ្សាច់ ដោយមានការចូលរួម ពីបណ្តាមន្ទីរពាក់ព័ន្ធ កងកម្លាំងមានសមត្ថកិច្ច អាជ្ញាធរក្រុង-ស្រុក និងមន្ត្រីជំនាញ តាមរយៈប្រព័ន្ធវីដេអូ Zoom Meeting នៅសាលាខេត្តកណ្តាល កាលពីថ្ងៃទី១៧ សីហា ឆ្នាំ២០២១ លោក ណុប ដារ៉ា អភិបាលរងខេត្តកណ្តាល បានជំរុញដល់អាជ្ញាធរក្រុង-ស្រុក ត្រូវគ្រប់គ្រង​ដេប៊ូខ្សាច់ឲ្យបានល្អ បើដេប៊ូខ្សាច់ណាមួយមិនមានអាជ្ញាប័ណ្ណស្របច្បាប់ ត្រូវ​បញ្ឈប់​អាជីវកម្មជាបន្ទាន់។លោកអភិបាលរងខេត្ត បានណែនាំទៀតថា រាល់ការដឹកខ្សាច់ ត្រូវអនុវត្ត តាមបទដ្ឋានបច្ចេកទេស​ត្រឹមត្រូវ កុំឲ្យហុយ និងជ្រុះខ្សាច់មកលើផ្លូវ ធ្វើឲ្យប៉ះពាល់ដល់អ្នកធ្វើដំណើរ និងប្រជាពលរដ្ឋរស់​នៅតាមដងផ្លូវ។លោក ណុប ដារ៉ា អភិបាលរងខេត្តកណ្តាល បានបញ្ជាក់ទៀតថា អាជ្ញាធរគ្រប់លំដាប់ថ្នាក់ ត្រូវផ្ដល់ព័ត៌មានមកដល់ថ្នាក់ខេត្ត ដើម្បីមានវិធានការ នៅពេលដែលមានភាពមិនប្រក្រតី កើតឡើងក្នុងមូលដ្ឋានរបស់ខ្លួន៕អត្ថបទ ៖ តារាវុទ្ធី

កម្ពុជា​បន្ដ​រក​ឃើញ​មនុស្ស​៥៩៦នាក់​​ឆ្លង​កូវីដ-១៩​ ខណៈ​​អ្នក​ជំងឺ​៣៩៧នាក់​ទៀត​ ត្រូវ​បាន​​ព្យាបាល​ជា​សះ​ស្បើយ

2021/09/08 06:46:54 pm        581
Facebook Telegram Linkin
ភ្នំពេញ ៖ ក្រសួង​សុខាភិបាល​នៅថ្ងៃនេះ បាន​ប្រកាស​​ថា​ កម្ពុជា​បន្ដ​រក​ឃើញ​មនុស្ស​ចំនួន​ ៥៩៦នាក់​បន្ថែម​ទៀត ឆ្លង​មេរោគ​កូវីដ-១៩​ ខណៈអ្នក​ជំងឺ​កូវីដ​ចំនួន ៣៩៧នាក់​ទៀត​ ត្រូវ​បាន​ព្យាបាល​ជា​សះ​ស្បើយ។ក្នុង​សេចក្ដី​ប្រកាស​ព័ត៌មាន​​របស់​​ខ្លួន​នៅ​ថ្ងៃ​នេះ ​ក្រសួង​សុខាភិបាល​បាន​​បញ្ជាក់​ថា ករណី​ឆ្លង​ថ្មី​ដល់​ទៅ​ចំនួន ៤១៩នាក់ សុទ្ធ​តែ​ពាក់​ព័ន្ធ​នឹង​ព្រឹត្តិការណ៍​សហគមន៍២០​កុម្ភៈ ហើយ១៧៧នាក់​ទៀត គឺ​ជា​ករណី​នាំ​ចូល។ក្រសួង​សុខាភិបាល ​ក៏​បាន​ប្រកាស​ផង​ដែរ​ថា មនុស្ស៦នាក់​បន្ថែម​ទៀត បាន​ស្លាប់​​​ដោយ​សារ​ជំងឺ​កូវីដ-១៩ ដែល​នាំ​ឱ្យ​តួលេខ​អ្នក​ស្លាប់​សរុប​ឡើង​ដល់១​ ៩៨៧នាក់​គិត​ចាប់​តាំង​ពី​កម្ពុជា​ប្រកាស​ពី​ករណី​ស្លាប់​លើក​ដំបូង​ជា​ផ្លូវការ​កាល​ពី​ថ្ងៃ​ទី​១១ ខែ​មីនា​កន្លង​មក។បើ​តាម​ក្រសួង​សុខាភិបាល អ្នក​ជំងឺ​កូវីដ-១៩​សរុប ៩២ ០១៥នាក់​ហើយ ត្រូវ​បាន​ព្យាបាល​ជា​សះ​ស្បើយ ក្នុង​នោះ​មាន​ទាំង​អ្នក​ជា​សះ​ស្បើយ​ថ្មី​ ដែល​ក្រសួង​ប្រកាស​នៅ​ថ្ងៃ​នេះ​ផង​ដែរ។គិត​ត្រឹម​ថ្ងៃ​នេះ កម្ពុជា​រក​ឃើញ​មនុស្ស​សរុប​ដល់​ទៅ ៩៦ ៩៣៥នាក់​ហើយ បាន​ឆ្លង​មេរោគ​កូវីដ-១៩​នៅ​ទូទាំង​ប្រទេស​ចាប់​តាំង​ពី​កម្ពុជា​រក​ឃើញ​ករណី​ឆ្លង​ដំបូង​កាល​ពី​ចុង​ខែ​មករា​ឆ្នាំ​២០២០​កន្លង​មក​៕

ក្រសួងធនធានទឹក ឱ្យប្រុងប្រយ័ត្នចំពោះបាតុភូតធាតុអាកាស និងរាជធានី-ខេត្ដខ្លះ អាចប្រឈម​នឹងជំនន់ទឹកភ្លៀង

2021/09/08 05:50:14 pm        697
Facebook Telegram Linkin
ព្រះសីហនុ ៖ ដោយមើលឃើញពីការប្រែប្រួលអាកាសធាតុបន្តបន្ទាប់ នៅថ្ងៃទី៧ ខែកញ្ញា ឆ្នាំ២០២១ ក្រសួងធនធានទឹក និងឧតុនិយម បានបន្ដចេញផ្សាយសេចក្ដីជួនដំណឹង ស្ដីពីការ​ព្យាការណ៍​ស្ថានភាពធាតុអាកាស ចាប់ពីថ្ងៃទី៨ ដល់ថ្ងៃទី១៤ ខែកញ្ញា ឆ្នាំ២០២១ ជាពិសេស​ខេត្ដតំបន់មាត់សមុទ្រ មានផ្ទៃមេឃអួរអាប់ ពពក អ័ព្ទច្រើន នឹងមានភ្លៀង​ក្នុងកម្រិតពីបង្គួរទៅខ្លាំង លាយឡំទៅដោយផ្គរ រន្ទះ ខ្យល់កន្ត្រាក់ និងរលកខ្ពស់ៗ ទន្ទឹមនឹងនោះនៅក្នុងភូមិសាស្ដ្រ នៃខេត្ដកោះកុង ខេត្ដព្រះសីហនុ និងខេត្ដកំពត ក៏អាចមាននូវជំនន់ទឹកភ្លៀងផងដែរ។ អាស្រ័យស្ថានភពធាតុអាកាស ដូចបានជម្រាបជូន សូមសាធារណជនជ្រាបជាព័ត៌មាន និងសូមបង្កើន​ការប្រុងប្រយ័ត្នចំពោះបាតុភូតធម្មជាតិ ដែលអាចកើតមានឡើងដោយយថាហេតុ។ យោងតាមសេចក្ដីជួនដំណឹងរបស់ក្រសួងធនធានទឹក និងឧតុនិយម បានឱ្យថា ព្រះរាជាណាចក្រកម្ពុជា ទទួល​ឥទ្ធិពល​ពីជ្រលងសម្ពាធ (ITCZ) ដែលអូសបន្លាយពីប្រទេសភូមា កាត់ប្រទេសថៃ ឡាវ និងវៀតណាម រួចនឹងចុះបន្ដិចមកលើប្រទេសកម្ពុជា។ ខ្យល់មូសុងនីរតីបក់ក្នុងល្បឿណមធ្យមតៅបង្គួរ ខ្យល់សមុទ្រ (Sea Breeze) វិសម្ពាធពីរ ដែលស្ថិតនៅខាងកើតក្បែរប្រទេសហ្វីលីពីន ដែលបច្ចុប្បន្នបានបំប្លែងខ្លួនទៅជាព្យុះទី១៣ ឈ្មោះកុន សុន (STS CONSON) ដែលនឹងមានដំណើរឆ្ពោះទៅប្រទេសវៀតណាមលើ មិនមាន​ឥទ្ធិពលមកលើកម្ពុជាទេ។ស្ថានភាពបែបនេះ នឹងធ្វើឱ្យតំបន់មាត់សមុទ្រ មានសីតុណ្ហភាពអប្បបរមា ពី២៤ ទៅ ២៦អង្សាសេ សីតុណ្ហភាពអតិបរមា ពី៣២ ទៅ ៣៤អង្សាសេ។ ផ្ទៃមេឃអួរអាប់ មានពពក អ័ព្ទច្រើន នឹងមានភ្លៀង​ក្នុងកម្រិតពីបង្គួរទៅខ្លាំង លាយឡំទៅដោយផ្គរ រន្ទះ ខ្យល់កន្ត្រាក់ និងរលកខ្ពស់ៗ ទន្ទឹមនឹងនោះ​នៅក្នុងភូមិសាស្ដ្រនៃខេត្ដកោះកុង ខេត្ដព្រះសីហនុ និងខេត្ដកំពត ក៍អាចមាននូវជំនន់​ទឹកភ្លៀង​ផងដែរ។ តាមបណ្ដាខេត្ដនៅតំបន់វាលទំនាបកណ្ដាល មានសីតុណ្ហភាពអប្បបរមា ពី២៣ ទៅ ២៥អង្សាសេ សីតុណ្ហភាពអតិបរមា ពី៣១ ទៅ ៣៣អង្សាសេ។ ផ្ទៃមេឃអួរអាប់ មានពពក អ័ព្ទច្រើន នឹងមានភ្លៀងក្នុងកម្រិតពីបង្គួរទៅខ្លាំង លាយឡំទៅដោយផ្គរ រន្ទះ ខ្យល់កន្ត្រាក់ ទន្ទឹមនឹងនោះបណ្ដាខេត្ដមួយចំនួនជាអាទិ៍ ៖ ខេត្ដបាត់ដំបង ខេត្ដពោធិ៍សាត់ ខេត្ដកំពង់ធំ ខេត្ដកំពង់ឆ្នាំង ខេត្ដកំពង់ស្ពី ខេត្ដកណ្ដាល ខេត្ដស្វាយរៀង និងរាជធានីភ្នំពេញ អាចប្រឈមនឹងជំនន់ទឹកភ្លៀង។ ចំណែកឯបណ្ដាខេត្ដជាប់ជួរភ្នំដងរែក និងខ្ពង់រាបឦសាន មានសីតុណ្ហភាពអប្បបរមា ពី២២ ទៅ ២៤អង្សាសេ សីតុណ្ហភាពអតិបរមា ពី២៩ ទៅ ៣១អង្សាសេ។ ផ្ទៃមេឃអួរអាប់ មានពពក អ័ព្ទច្រើន នឹងមានភ្លៀងក្នុងកម្រិតពីធម្យមទៅច្រើន លាយឡំទៅដោយផ្គរ រន្ទះ និងខ្យល់កន្ត្រាក់ ៕អត្ថបទ ៖ ប៊ុនថា

ចាប់ខ្លួនជនជាតិចិនប្រុសស្រី២នាក់ ករណីកែច្នៃជួញដូរគ្រឿងញៀន ដកហូតគ្រឿងញៀនជិត១០ គីឡូក្រាម

2021/09/08 05:10:22 pm        552
Facebook Telegram Linkin
ភ្នំពេញ ៖ សមត្ថកិច្ចជំនាញ នៃមន្ទីរប្រឆាំងបទល្មើសគ្រឿងញៀន​ក្រសួងមហាផ្ទៃ បង្ក្រាប​ករណីកែច្នៃ ជួញដូរគ្រឿងញៀនចាប់ខ្លួនជនជាតិចិន២នាក់ និងរឹបអូសគ្រឿងញៀនជិត ១០ គីឡូក្រាម ។សមត្ថកិច្ចជំនាញនៃមន្ទីរប្រឆាំងគ្រឿងញៀន នៅល្ងាចថ្ងៃទី៧ ខែកញ្ញា ឆ្នាំ២០២១ ប្រាប់ឲ្យដឹងថា ដោយអនុវត្តតាមបញ្ជា លោកនាយឧត្ដមសេនិយ៍សន្តិបណ្ឌិត នេត សាវឿន អគ្គស្នងការ​នគរបាល​ជាតិ និងលោកនាយឧត្ដមសេនិយ៍ ម៉ក់ ជីតូ អគ្គស្នងការរងទទួលផែនប្រឆាំង​បទល្មើស​គ្រឿងញៀន ក្រោមការបញ្ជាដឹកនាំផ្ទាល់ របស់លោក ឧត្ដមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើស​គ្រឿងញៀន កាលពីថ្ងៃទី៤ ខែកញ្ញា ឆ្នាំ២០២១ វេលាម៉ោង១៧ និង២០នាទី កម្លាំងជំនាញ​មន្ទីរ​ប្រឆាំង​គ្រឿងញៀន (ក១០) ដឹកនាំដោយលោកឧត្តមសេនីយ៍ទោ សារី បុត្រសត្យា និងលោក​វរៈសេនីយ៍ឯក យឹម សែនឧត្តម នាយករងមន្ទីរ សហការជាមួយស្នងការដ្ឋាន​នគរបាលរាជធានី​ភ្នំពេញ ដោយមានការសម្របសម្រួលពីលោក អ៊ុ សុភក្តិ ព្រះរាជអាជ្ញារង នៃអយ្យការអមសាលា​ដំបូង​រាជធានីភ្នំពេញ បានធ្វើការស៊ើបអង្កេតស្រាវជ្រាវ ឈានទៅបង្រ្កាបករណីបទល្មើសកែច្នៃ ជួញដូរ​គ្រឿងញៀន នៅចំណុច ផ្ទះលេខ១៥B បន្ទប់លេខ២A (ខុនដូ) ផ្លូវលេខ១០៥ ស្ថិតក្នុងសង្កាត់ បឺងកេងកង២ ខណ្ឌបឹងកេងកង រាជធានីភ្នំពេញ ចាប់ខ្លួនជនជាតិ ចិន ប្រុស ស្រី ២នាក់ ។ជនសង្ស័យទាំង ២នាក់ ដែលត្រូវ សមត្ថកិច្ចជំនាញ នៃមន្ទីរប្រឆាំងបទល្មើសគ្រឿងញៀន ក្រសួងមហាផ្ទៃ ឃាត់ខ្លួន ១-ឈ្មោះ YE YU SONG ភេទប្រុស កើតឆ្នាំ១៩៨១ ជនជាតិ ចិន កាន់លិខិតឆ្លងដែនលេខ EG3299329 ។ ២-ឈ្មោះ លីង វេ (LIN WEI) ភេទស្រី អាយុ ៣៦ឆ្នាំ ជនជាតិ ចិន លិខិតឆ្លងដែន (គ្មាន) ។ចាប់យកវត្ថុតាង ៖ ១-អ៊ិចស្តាស៊ី (MDMA) 6 គីឡូ 546,65ក្រាម ២-មេតំហ្វេតាមីន (ICE) 1 គីឡូ 085,35ក្រាម ៣-អំហ្វេតាមីន 608,33ក្រាម,៤-កេតាមីន (Ketamine) 228,89ក្រាម ៥-នីមេតាហ្សេប៉ាម (Nimetazepam) 1 គីឡូ 503,88ក្រាម ។ សារធាតុញៀន សរុប ទម្ងន់ 9 គីឡូ 973,10ក្រាម -សារធាតុគីមី 4 គីឡូ 684,70ក្រាម -ទូរស័ព្ទ ២គ្រឿង និងឧបករណ៍កែច្នៃមួយចំនួនធំទៀត ។ជនសង្ស័យ ព្រមទាំងវត្ថុតាងទាំងអស់ ត្រូវបានសមត្ថកិច្ចជំនាញ នៃមន្ទីរប្រឆាំង​បទល្មើស​គ្រឿងញៀន ក្រសួងមហាផ្ទៃកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់​ការបន្តតាមនីតិវិធី ៕អត្ថបទ ៖ តារាវុទ្ធី

ទីតាំងល្បែងស៊ីសងនៅទល់មុខអធិការដ្ឋានខណ្ឌ មានការប្រមូលផ្ដុំមនុស្សច្រើន ក្នុងអំឡុងពេលជំងឺកូវីដ១៩ លោកអធិការខណ្ឌឬស្សី អះអាងថា មានច្បាប់ត្រឹមត្រូវ

2021/09/08 04:48:31 pm        339
Facebook Telegram Linkin
ភ្នំពេញ៖ ក្រោយពីព័ត៌មានទូរទស្សន៍ BTV news ផ្សព្វផ្សាយពីសំណូមពររបស់បងប្អូនប្រជាពលរដ្ឋ ក្នុងមូលដ្ឋានខណ្ឌឬស្សីកែវ ពីបញ្ហាល្បែងស៊ីសង ប្រភេទឡូតូ តូចធំ (យីហោ មហាលាភឡូតូ) បង្កប់​នៅតាមហាងកាហ្វេ នៅអមសងខាងតាមបណ្ដោយផ្លូវជាតិលេខ៥ និងមានមនុស្សជាច្រើនប្រមូលផ្ដុំក្នុងទីតាំង មិនបានអនុវត្តតាមវិធានការរបស់ក្រសួងសុខាភិបាល ក៏ដូចជា ប្រសាសន៍របស់ប្រមុខដឹកនាំ ៣កុំ ៣ការពារ នោះឡើយ។ពាក់ព័ន្ធបញ្ហាល្បែងស៊ីសងក្នុងមូលដ្ឋានខណ្ឌឬស្សីកែវ នេះផងដែរ ភ្ញាក់ងារទូរទស្សន៍ BTV News បានទាក់ទងសុំការបំភ្លឺពី លោកវរសេនីយ៍ឯក ហ៊ាង ថារ៉េត អធិការ បានឲ្យដឹងថា ទីតាំង​ល្បែង​ស៊ីសង ឡូតូ តូចធំ ទាំងនោះគឺសុទ្ធតែមានច្បាប់ទាំងអស់ ដែលចេញ​ដោយ​រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ។ ដោយឡែកចំពោះវិធានការមិនមែនមិនមានវិធាននោះទេ តែរដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ ជាអ្នកចេញច្បាប់។ បន្ថែមទៀតនោះចំពោះការប្រមូលផ្ដុំមនុស្សច្រើនមិនរក្សា​គម្លាត​ ឲ្យបានត្រឹមត្រូវ លោកអធិការបានឆ្លើយតបថា ទីតាំងកាហ្វេមិនឲ្យមានមនុស្សច្រើន?សូមបញ្ជាក់ផងដែរ នៅក្នុងអាជ្ញាប័ណ្ណឆ្នោតនោះ បានបញ្ជាក់ថា អាជីវកម្មឆ្នោត ឡូតូ ៥ខ្ទង់ (5D) ៦ខ្ទង់ (6D) ៧ខ្ទង់ (7D) និងរង្វាន់លួចចិត្ត ៤ខ្ទង់ ៣ខ្ទង់ និង២ខ្ទង់ lottery និងឆ្នោតកោស។ មិនបានបញ្ជាក់ថា ឡូតូ តូចធំ នោះទេ។គួរបញ្ជាក់ថា កន្លងមករហូតទល់ពេលនេះ ឯកឧត្តម ឃួង ស្រេង អភិបាលរាជធានីភ្នំពេញ​កំពុង​បន្តយ៉ាងយកចិត្តទុកដាក់ពីបញ្ហាសន្តិសុខ សណ្ដាប់ធ្នាប់ សាធារណៈ បទល្មើសល្បែងស៊ីសង​គ្រប់ប្រភេទត្រូវតែបង្ក្រាបឲ្យខានតែបាន គ្រប់មូលដ្ឋានទាំង១៤ខណ្ឌ និងយកចិត្តទុកដាក់ បំផុស​ឲ្យបងប្អូនប្រជាពលរដ្ឋ ចូលរួម ៣កុំ ៣ការពារ របស់រដ្ឋាភិបាល និងអនុវត្តតាមវិធានការរបស់​ក្រសួង​សុខាភិបាលផងដែរ ដើម្បីចូលរួមកាត់ផ្ដាច់ការឆ្លងរីករាលដាលនូវជម្ងឺកូវីដ អាចឈានដល់ការបិទ​បញ្ចប់​ព្រឹត្តិការណ៍សហគមន៍២០កុម្ភៈបានជោគជ័យ។ ជាក់ស្ដែងទីតាំងល្បែង internet online keno (តូចធំ) មានជាច្រើនទីតាំង តាមណ្ដោយផ្លូវជាតិលេខ៥ ទីតាំងខ្លះមានយីហោ និងទីតាំងខ្លះគ្មានយីហោ ជាង១០ទីតាំង រួមកាហ្វេ យីហោ ៩៩៩គីឡូ​ម៉ែត្រលេខ៧ នៅចំណុចទល់មុខអធិការដ្ឋាននគរបាលខណ្ឌឬស្សីកែវ ហាងកាហ្វេគ្មានយីហោ ខាងជើងអធិការខណ្ឌ និងម្ដុំយឿត្រី មានចំនួន៣ទីតាំង យីហោ លីហូវ ការហ្វេដូងក្រអូប ផ្ទះលេខ៦៨B គីឡូម៉ែត្រលេខ៩ ស្ថិតនៅសង្កាត់ច្រាំងចំរះទី១និង សង្កាត់ច្រាំងចំរះទី២ និងម្ដុំផ្លូវលូទឹកស្អុយក្រោយវត្តទួលសង្កែ ផ្ទះ យីហោ ហ្វីហ្វា សង្កាត់ទួលង្កែទី១ ខណ្ឌឬស្សី រាជធានីភ្នំពេញ៕អត្ថបទ៖ កុម្ភះ

កម្ពុជា​បន្ដ​រក​ឃើញ​មនុស្ស​៥១១នាក់​​ឆ្លង​កូវីដ-១៩​ ខណៈ​​អ្នក​ជំងឺ​៤៨៧នាក់​ទៀត​ ត្រូវ​បាន​​ព្យាបាល​ជា​សះ​ស្បើយ

2021/09/07 07:35:35 pm        483
Facebook Telegram Linkin
ភ្នំពេញ ៖ ក្រសួង​សុខាភិបាល​នៅថ្ងៃនេះ បាន​ប្រកាស​​ថា​ កម្ពុជា​បន្ដ​រក​ឃើញ​មនុស្ស​ចំនួន​ ៥១១នាក់​បន្ថែម​ទៀត ឆ្លង​មេរោគ​កូវីដ-១៩​ ខណៈអ្នក​ជំងឺ​កូវីដ​ចំនួន ៤៨៧នាក់​ទៀត​ ត្រូវ​បាន​ព្យាបាល​ជា​សះ​ស្បើយ។ក្នុង​សេចក្ដី​ប្រកាស​ព័ត៌មាន​​របស់​​ខ្លួន​នៅ​ថ្ងៃ​នេះ ​ក្រសួង​សុខាភិបាល​បាន​​បញ្ជាក់​ថា ករណី​ឆ្លង​ថ្មី​ដល់​ទៅ​ចំនួន ៣៥៩នាក់ សុទ្ធ​តែ​ពាក់​ព័ន្ធ​នឹង​ព្រឹត្តិការណ៍​សហគមន៍២០​កុម្ភៈ ហើយ១៥២នាក់​ទៀត គឺ​ជា​ករណី​នាំ​ចូល។ក្រសួង​សុខាភិបាល ​ក៏​បាន​ប្រកាស​ផង​ដែរ​ថា មនុស្ស១១នាក់​បន្ថែម​ទៀត បាន​ស្លាប់​​​ដោយ​សារ​ជំងឺ​កូវីដ-១៩ ដែល​នាំ​ឱ្យ​តួលេខ​អ្នក​ស្លាប់​សរុប​ឡើង​ដល់១​ ៩៨១នាក់​គិត​ចាប់​តាំង​ពី​កម្ពុជា​ប្រកាស​ពី​ករណី​ស្លាប់​លើក​ដំបូង​ជា​ផ្លូវការ​កាល​ពី​ថ្ងៃ​ទី​១១ ខែ​មីនា​កន្លង​មក។បើ​តាម​ក្រសួង​សុខាភិបាល អ្នក​ជំងឺ​កូវីដ-១៩​សរុប ៩១ ៦១៨នាក់​ហើយ ត្រូវ​បាន​ព្យាបាល​ជា​សះ​ស្បើយ ក្នុង​នោះ​មាន​ទាំង​អ្នក​ជា​សះ​ស្បើយ​ថ្មី​ ដែល​ក្រសួង​ប្រកាស​នៅ​ថ្ងៃ​នេះ​ផង​ដែរ។គិត​ត្រឹម​ថ្ងៃ​នេះ កម្ពុជា​រក​ឃើញ​មនុស្ស​សរុប​ដល់​ទៅ ៩៦ ៣៣៩នាក់​ហើយ បាន​ឆ្លង​មេរោគ​កូវីដ-១៩​នៅ​ទូទាំង​ប្រទេស​ចាប់​តាំង​ពី​កម្ពុជា​រក​ឃើញ​ករណី​ឆ្លង​ដំបូង​កាល​ពី​ចុង​ខែ​មករា​ឆ្នាំ​២០២០​កន្លង​មក​៕

ពលករឆ្លងដែនមកពីថៃកំណើនអ្នកឆ្លងកូវីដ-១៩ មានការថយចុះច្រើនជាងអ្នកឆ្លងក្នុងសហគមន៍

2021/09/07 05:14:20 pm        480
Facebook Telegram Linkin
ឧត្តរមានជ័យ ៖ ចំនួនលំហូរពលករឆ្លងដែនមកពីថៃ តាមច្រកទ្វារព្រំដែនអូរស្មាច់ នៃខេត្តឧត្តរមានជ័យ មានការថយចុះច្រើនក្នុងមួយថ្ងៃមានត្រឹមតែ ១០០ជាងតែប៉ុណ្តោះ ខណៈកំណើនអ្នកឆ្លងជំងឺកូវីដ-១៩ គឺមានការថយចុះច្រើនជាងចំនួនអ្នកឆ្លងក្នុងសហគមន៍ នាពេលបច្ចុប្បន្ននេះ។លោកវេជ្ជបណ្ឌិត ឃ្លោក ហួត ប្រធានមន្ទីរសុខាភិបាលខេត្តឧត្តរមានជ័យ បានឲ្យដឹងថា បច្ចុប្បន្ន​ស្ថានភាពចំពោះពលករឆ្លងដែនមកពីថៃ ដែលចូលមកករណីឆ្លងជំងឺកូវីដ-១៩​មានការថយចុះច្រើន​ ក្នុងរយៈពេលដើមខែកញ្ញានេះ ដោយសារតែយើងអាច​គ្រប់គ្រង​ស្ថានភាព​លើ​ចំនួនពលករ​ចូល​មកបាន ក៏ប៉ុន្តែចំពោះករណីឆ្លងក្នុង​សហគមន៍វិញ​នោះ​ហាក់បី​មាន​ការហក់ឡើងខ្ពស់បន្តិច​នៅ​ក្នុងភូមិស្រុកអន្លង់វែង នឹងស្រុកត្រពាំងប្រាសាទ។លោក បានបន្ដថា ​ដោយសារតែស្ថានភាពសហគមន៍​យើងពិបាក​ក្នុងការគ្រប់គ្រង ចំពោះអ្នកធ្វើដំណើរដែលជាបញ្ហា​មួយបណ្តាលឲ្យមានការឆ្លង​ច្រើនលឿន​ជាង​ពលករឆ្លងដែនមកពីថៃ នៅតាមបណ្តស្រុកផ្សេងៗ ​ដោយក្នុងមួយថ្ងៃក្រុមគ្រូពេទ្យ​ចុះស្រាវជ្រាវ​ពិនិត្យរកឃើញមុខសញ្ញាអ្នកផ្ទុកវិរុសកូវីដ-១៩ មានមិនក្រោមពី១០០នាក់ ប៉ុន្តែពុំមានការឆ្លងប្រភេទជំងឺកូវីដបំប្លែងខ្លួនថ្មីប្រភេទ (delta) នោះទេ។ជាមួយគ្នានោះដែរតាមការប្រកាសព័ត៌មានរបស់រដ្ឋបាលខេត្តឧត្តរមានជ័យ គិតត្រឹមវេលាម៉ោង ៧:៣០នា ទីយប់ថ្ងៃទី៦កញ្ញា ឆ្នាំ២០២១ម្សិលមិញនេះ ចំនួនពលករឆ្លងដែន​ចូលមកមាន​ចំនួន១១០នាក់ ស្រី៤២នាក់ រកឃើញវិជ្ជមានជំងឺកូវីដ-១៩ ចំនួន៦នាក់ ស្រី២នាក់ ។ ​ក្នុងនោះ​ករណី​ឆ្លងសហគមន៍មានចំនួន ៦៤នាក់ករណីឆ្លង សរុបមានចំនួន៧០នាក់ និងជា​សះស្បើយ​ថ្មី៦០នាក់ អ្នកឆ្លងជំងឺកូវីដ-១៩ សរុបក្នុងខេត្តឧត្តរមានជ័យ កើនឡើងដល់​ចំនួន ៧.១៤១ ករណី ក្នុងចំណោមនោះ ករណីអ្នកឆ្លងជំងឺបំប្លែងខ្លួនថ្មីប្រភេទ (delta) មានចំនួន២២៥ករណី នឹង ៥.៧៧១ ករណីនាំចូលពីក្រៅ ៕អត្ថបត្ថ ៖ សារិទ្ធ

រថយន្តទំនើបមួយគ្រឿង ត្រូវដើមឈើនៅមាត់ស្ទឹងកណ្ដាលក្រុងសៀមរាប រលំ​សង្កត់​បណ្ដាល​ឲ្យ​ខូចខាត​ធ្ងន់ធ្ងរ

2021/09/06 10:08:18 pm        1051
Facebook Telegram Linkin
សៀមរាប ៖ រថយន្ដសេរីទំនើបមួយគ្រឿងម៉ាកម៉ាកCHEVRO LET ត្រូវបានដើមឈើមួយដើមនៅមាត់ស្ទឹងរលំសង្កត់ពីលើ បណ្ដាលឱ្យងការខូចខាតយ៉ាងធ្ងន់ធ្ងរ ខណៈដែលរថយន្ដនោះ ចតក្រោមដើមឈើមានអាយុកាលច្រើនឆ្នាំ ត្រូវខ្យល់បក់ និងភ្លៀងផ្គរ។ហេតុការណ៍នេះ កើតឡើងនៅវេលាម៉ោង ១០និង២០នាទី នាព្រឹកថ្ងៃទី ០៦ ខែ កញ្ញា ឆ្នាំ២០២១នេះ ស្ថិតនៅមាត់ស្ទឹងសៀមរាប ក្នុងភូមិវត្តបូព៌ សង្កាត់សាលាកំរើក ក្រុងខេត្តសៀមរាប។តាមប្រភពពីកន្លែងកើតហេតុ បានឲ្យដឹងថា រថយន្តម៉ាកCHEVRO LET ពណ៌ស ពាក់ស្លាកលេខ ភ្នំពេញ 2AQ 3258 បានបើកមកចតឈប់នៅនឹងចិញ្ចើមផ្លូវរួច បានចុះពីរថយន្តទាំងពីរនាក់ ចូលទៅពិសារកាហ្វេក្នុងហាង ដែលមាន យីហោប្រោន ស្ថិតនៅខាងកើតស្ទឹងសៀមរាប ។បើតាមនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តសៀមរាប បានឲ្យដឹងថា ក្នុងហេតុការណ៍ រលំដើមឈើសង្កត់លើរថយន្តនេះ មិនបណ្ដាលឲ្យមានគ្រោះថ្នាក់​ដល់​ម្ចាស់​រថយន្ត​នោះទេ ព្រោះម្ចាស់បានចូលទៅពិសារកាហ្វេនៅក្បែនោះ ។ សមត្ថកិច្ច បន្ដថា ម្ចាស់រថយន្ត រងគ្រោះ ​ដែលមានឈ្មោះ លឹម ឃាង អាយុ៧១ឆ្នាំ រស់ក្នុងភូមិគ្រួស សង្កាត់ស្វាយដង្គំ ក្រុងសៀមរាប បានបញ្ជាក់ប្រាប់ថា ពួកគាត់មានគ្នាពីរនាក់ បានបើករថយន្ត មកពិសារកាហ្វេ នៅក្នុងហាងយីហោ ប្រោន នៅខាងកើតស្ទឹងសៀមរាប ហើយបានចតរថយន្ត​ទុកចោលនៅចំណុចកើតហេតុខាងលើ ក្នុងពេលមេឃកំពុងភ្លៀង ហើយនៅពេលមេឃរាំងភ្លៀង ក៏បាននាំគ្នាចេញមកវិញ មិនទាន់ដល់រថយន្តផង ក៏ដើមឈើ រលំសង្កត់មកលើរថយន្តរបស់​គាត់តែម្ដង ប៉ុន្ដែណាងល្អ ពួកគាត់មិនមានគ្រោះថ្នាក់នោះទេ ព្រោះដើរមិនទាន់បានចូលទៅ​ក្នុង​រថយន្តនោះឡើយ។ ក្រោយកើតហេតុ កម្លាំងនគរបាលការិយាល័យជំនាញ បានសហការជាមួយអាជ្ញាធរ ក្រុង/ខេត្ត និង អាជ្ញាធរ​ជាតិអប្សរា ដើម្បីកាត់ដើមឈើ យករថយន្តនោះចេញ ប្រគល់ជូនម្ចាស់ យកទៅធ្វើការ​ជួសជុល​ដោយខ្លួនឯងវិញ ។ សូបញ្ជាក់ផងដែរថា ទីតាំងកើតហេតុនេះ ក៏ជាការដ្ឋានធ្វើផ្លូវ ក្នុងគម្រោងផ្លូវទាំង៣៨ខ្សែរបស់ខេត្ត ដែលបានកំពុង ដំណើរការមិនទាន់រួចរាល់ ៕អត្ថបទ ៖ ឈិត សាវី

បន្ទាយមានជ័យ អ្នកឆ្លងកូវីដ១៩កើនជិត២ម៉ឺននាក់ ខណៈវីរុសដែលតាមានជាង ៥០០ករណី

2021/09/06 09:40:06 pm        590
Facebook Telegram Linkin
បន្ទាយមានជ័យ ៖ ដោយគិតត្រឹមថ្ងៃទី៥ ខែកញ្ញា ឆ្នាំ២០២១ ខេត្តបន្ទាយមានជ័យ បានកត់ត្រាចំនួននៃអ្នកវិជ្ជមានកូវីដ១៩ ក្នុងតួលេខខ្ពស់ រហូតដល់ជិត ២ម៉ឺនករណី ខណៈខេត្តមួយនេះ ក៏បានរកឃើញអ្នកឆ្លងវីរុសប្រភេទបំប្លែងថ្មីដែលតា (Delta) ចំនួនជាង ៥០០ករណីផងដែរ ។លោកវេជ្ជបណ្ឌិត ឡេ ច័ន្ទសង្វាត ប្រធានមន្ទីរសុខាភិបាល ខេត្តបន្ទាយមានជ័យ បានឲ្យដឹងថា នៅខេត្តបន្ទាយមានជ័យ មានករណីស្ត្រីមានផ្ទៃពោះ ហើយបានឆ្លងជំងឺកូវីដ១៩ ដោយត្រូវធ្វើការ​វះកាត់ចំនួន៧ករណី ហើយមានអ្នកជំងឺកូវីដ១៩ កំពុងសម្រាកព្យាបាលតាមផ្ទះចំនួន៧៧នាក់ ។លោក បានបន្តថា ដោយចាប់ពីមានការផ្ទុះឆ្លងជំងឺកូវីដ១៩ នៅក្នុងប្រទេសកម្ពុជា សម្រាប់​ខេត្តបន្ទាយមានជ័យ បានរកឃើញអ្នកវិជ្ជមានកូវីដ១៩ ចំនួន១៩ ០៧០ ក្នុងនោះភាគច្រើនអ្នក​ពាក់ព័ន្ធ​ព្រឹត្តិការណ៍សហគមន៍២០កុម្ភៈ និងពលករត្រឡប់មកពីប្រទេសថៃ បានព្យាបាលជា​សះស្បើយ ចំនួន១៤ ៤២៣នាក់ ស្លាប់ចំនួន១៤៧នាក់ ហើយក៏មានបុគ្គលិកសុខាភិបាល​ចំនួន ៣២នាក់ បានឆ្លងជំងឺនេះផងដែរ ។បើយោងសេចក្តីប្រកាសព័ត៌មាន ក្រសួងសុខាភិបាលកាល ពីថ្ងៃទី៥ ខែកញ្ញា ឆ្នាំ២០២១ បានឲ្យដឹងថា នៅកម្ពុជាបានរកឃើញអ្នកវិជ្ជមានកូវីដ១៩ ប្រភេទបំប្លែងថ្មីដែលតា ចំនួន២ ៦៤៧ករណី ក្នុងនោះខេត្តបន្ទាយមានជ័យ បានរកឃើញ ៥២៦ករណី ឈរនៅលេខរៀងទី២ បន្ទាប់ពីរាជធានីភ្នំពេញ ដែលបានរកឃើញរហូតដល់ចំនួន ៩១៤ករណី ។ក្នុងកិច្ចប្រជុំដើម្បីពង្រឹងការងាររបស់ថ្នាក់ដឹកនាំ មន្ត្រីនៃមន្ទីរសុខាភិបាលខេត្តបន្ទាយមានជ័យ កាលពីថ្ងៃទី៥ ខែកញ្ញា ឆ្នាំ២០២១ ឯកឧត្ដម អ៊ុ រាត្រី អភិបាលខេត្តបន្ទាយមានជ័យ បានមាន​ប្រសាសន៍​ថា ជំងឺកូវីដ១៩ នៅតែបន្តឆ្លងរាលដាល តាមសហគមន៍នៅក្នុងខេត្ត និងនៅទីប្រជុំជន​ផ្សារផ្សេងៗគួរឲ្យព្រួយបារម្ភ ដូចនេះ សូមមន្ត្រីសុខាភិបាល ត្រូវបន្តខិតខំប្រឹងប្រែងបម្រើលើ​ការ​ព្យាបាលអ្នកជំងឺនេះឲ្យបានល្អ និងគោរពតាមអនុសាសន៍ណែនាំរបស់ប្រមុខរាជរដ្ឋាភិបាល និងក្រសួងសុខាភិបាល ដើម្បីទប់ស្កាត់ការឆ្លងរីករាលដាលកាន់តែខ្លាំងថែមទៀត ។ ជាមួយគ្នានេះ ឯកឧត្តម ក៏បានថ្លែងអំណរគុណ និងកោតសរសើរ ចំពោះថ្នាក់ដឹកនាំ មន្ត្រីរាជការ គ្រូពេទ្យទាំងអស់ និងដៃគូនានា ដែលបានខិតខំប្រឹងប្រែងទាំងកម្លាំងកាយចិត្ត ក្នុងការគ្រប់គ្រង​ព្យាបាលអ្នកជំងឺទូទៅ ពិសេសព្យាបាលអ្នកជំងឺកូវីដ១៩ ដែលជាបញ្ហាប្រឈមខ្លាំង ៕អត្ថបទ ៖ សុខរិទ្ធ

បណ្ដាញសង្គម

ព័ត៌មានថ្មីៗ

អាកាសយានដ្ឋានអន្តរជាតិតេជោ ចាប់រង្វាន់ខួបលើកទី10 គឺផ្ទះល្វែងចំនួនមួយខ្នង
10/21/2026 07:10 PM
Facebook Telegram Linkin
មន្រ្តីការទូតជួបជុំគ្នានៅទីក្រុងហ្សឺណែវ ដើម្បីសម្របសម្រួលកិច្ចខិតខំសន្តិភាពស៊ូដង់
10/21/2026 07:10 PM
Facebook Telegram Linkin
ក្រុមសិស្ស-និស្សិតក្រិកនាំគ្នាតវ៉ាប្រឆាំងនឹងការចំណាយខ្ពស់ និងទាមទារលក្ខខណ្ឌអប់រំល្អជាងនេះ
10/21/2026 07:10 PM
Facebook Telegram Linkin
លោក Trump នឹងលើក​ពីកិច្ច​ប្រឹង​ប្រែង​បង្ក្រាប​ការ​ឆបោក ពាក់ព័ន្ធ​​​រូបិយប័ណ្ណគ្រីបតូ នៅ​បរទេស
10/21/2026 07:10 PM
Facebook Telegram Linkin
​សម្តេចតេជោ អស់សំណើចចំពោះមេក្រុមជ្រុលនិយម រិះគន់រឿងសៀវភៅនិពន្ធដោយបញ្ញវន្តវ័យក្មេងខ្មែរថា ក្លែងប្រវត្តិសាស្ត្រ
10/21/2026 06:10 PM
Facebook Telegram Linkin
សេនាធិការកងទ័ពហ្វីលីពីន និងគណៈប្រតិភូអញ្ជើញចុះពិនិត្យស្ថានភាពជាក់ស្តែងនៅតំបន់ច្រកបឹងត្រកួន
10/21/2026 06:10 PM
Facebook Telegram Linkin
រុស្ស៊ី៖ នាវា​ដឹកប្រេងម៉ាស៊ូតដំបូង​ នឹង​ត្រូវ​ធ្វើដំណើរ​ទៅកាន់សហរដ្ឋអាមេរិក នៅថ្ងៃព្រហស្បតិ៍
10/21/2026 06:10 PM
Facebook Telegram Linkin
UN ថ្កោលទោសខ្លាំងៗ​ការវាយប្រហារយានដ្រូនស៊ូដង់លើផ្សារនៅតំបន់ Abyei ដែលបានសម្លាប់មនុស្សជាង ១៥០នាក់
10/21/2026 06:10 PM
Facebook Telegram Linkin
រដ្ឋអាជ្ញាទួរគីបញ្ជាឲ្យឃាត់ខ្លួនជនសង្ស័យ ៣១ នាក់ ក្នុងការស៊ើបអង្កេតពាក់ព័ន្ធនឹងមូលនិធិវិនិយោគ
10/21/2026 06:10 PM
Facebook Telegram Linkin
IRGC៖ អ៊ីរ៉ង់បាញ់ទម្លាក់ដ្រូន MQ-9 របស់អាមេរិក លើច្រកសមុទ្រហ័រមូស
10/21/2026 06:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.