BTV NEWS

អគ្គនាយកដ្ឋានពន្ធនាគារ កំពុងសិក្សារៀបចំទីតាំងឃុំឃាំងថ្មីបន្ថែម ខណៈចំនួនជនជាប់ឃុំមានការកើនឡើងខ្លាំង

សមត្ថកិច្ចខេត្តព្រះសីហនុរកឃើញអ្នកបើកបររថយន្តធុនធ្ងន់មួយចំនួនមានសារធាតុគ្រឿងញៀននៅក្នុងខ្លួន

ឆេះខុនដូ Wealth Mansion តែសមត្ថកិច្ចជួយពន្លត់ទាន់ពេលដោយមិនរាលដាលទ្រង់ទ្រាយធំ

ជនជាតិវៀតណាម និងជនជាតិចិនជាងពីររយនាក់ទៀតត្រូវបានអាជ្ញាធរបណ្តេញចេញពីកម្ពុជាក្រោយរក ឃើញជាប់ពាក់ព័ន្ធករណី Online Scams

សន្តិសុខ និង សង្គម

ការរុះរើ ផ្ទះបណ្ដែតទឹក បែចិញ្ចឹមត្រី និងសំណង់មិនរៀបរយលើផ្ទៃទន្លេ នៅភ្នំពេញសម្រេចបានប្រមាណ៩៥ភាគរយហើយ

ភ្នំពេញ ៖ ការអនុវត្តវិធានការរៀបចំសណ្តាប់ធ្នាប់របៀបរៀបរយ ទៅលើបែត្រី ផ្ទះបណ្ដែតទឹក និងសំណង់មិនរៀបរយនៅលើផ្ទៃទន្លេ ក្នុងភូមិសាស្ត្ររាជធានីភ្នំពេញ គិតដល់ពេលនេះ អនុវត្តការងារបានប្រមាណ៩៥ ភាគរយហើយ ។ នេះចាត់ទុកថា ជាការអនុវត្តវិធានការរៀបចំសណ្ដាប់ធ្នាប់លើផ្ទៃទន្លេ បានយ៉ាងរលូន និងទទួលបានជោគជ័យ ។នេះបើតាមការលើកឡើងនៅក្នុងកិច្ចប្រជុំសាមញ្ញលើកទី២៦ របស់ក្រុមប្រឹក្សារាជធានីភ្នំពេញក្រោមវត្តមាន ឯកឧត្ដម ប៉ា សុជាតិវង្ស ប្រធានក្រុមប្រឹក្សារាជធានីភ្នំពេញ និងលោក មាន ចាន់យ៉ាដា អភិបាលរងរាជធានីភ្នំពេញ នាព្រឹកថ្ងៃទី០៨ ខែកក្កដា ឆ្នាំ២០២១នេះ នៅសាលារាជធានីភ្នំពេញ។លោក មាន ចាន់យ៉ាដា បានមានប្រសាសន៍ថា រាជធានីភ្នំពេញមានខណ្ឌចំនួន០៦ ដែលមានផ្ទះបណ្ដែតទឹក បែត្រី និងសំណង់មិនរៀបរយនៅតាមដងទន្លេ ដែលមានចំនួនរហូតដល់ ១៤៧២ទីតាំង ដោយចែកចេញជា៤ប្រភេទ ក្នុងនោះមានប្រភេទជា បែត្រី សំណង់មិនរៀបរយ ដៃត្រី និងទូកនេសាទ។ ការអនុវត្តវិធានការ គឺមានប្រជាពលរដ្ឋបានស្ម័គ្រចិត្តរុះរើចេញមកលើគោកមានចំនួន ១២៤២ទីតាំង។ ចំពោះទីតាំងចល័ត អាជ្ញាធរបានរៀបចំឲ្យពួកគាត់ចិញ្ចឹមត្រីជាបណ្តោះអាសន្នចំនួន២ទីតាំងផ្សេងគ្នា ក្នុងនោះទីតាំងទី១ នៅជាប់ព្រំប្រទល់រវាងស្រុកពញាឮ និងខណ្ឌព្រែកព្នៅ មានចំនួន១៩៤ទីតាំង ។ ទីតាំងទី២ នៅជាប់និងស្រុកលើកដែកចំនួន១៩ទីតាំង និងទីតាំងដែលបាននិងកំពុងរុះរើមានចំនួន១៧ទីតាំង ដែលការងារនេះ អាជ្ញាធររាជធានីភ្នំពេញ អនុវត្តបានជោគជ័យចំនួន៩៥ភាគរយ គិតមកដល់ពេលនេះ។លោក មាន ចាន់យ៉ាដា ក៏បានបញ្ជាក់ផងដែរថា ការអនុវត្តនូវវិធានការជុំវិញការរៀបចំសណ្តាប់ធ្នាប់របៀបរៀបរយ ទៅលើបែត្រី ផ្ទះបណ្ដែតទឹក និងសំណង់មិនរៀបរយនៅលើផ្ទៃទឹកតាមដងទន្លេ នៅរាជធានីភ្នំពេញ ទទួលបានជោគជ័យ គឺដោយសារអាជ្ញាធរមានវិធានការចំពោះមុខល្អប្រសើរ សហការបានល្អជាមួយដៃគូពាក់ព័ន្ធ និងមានការគាំទ្រពីមហាជនយ៉ាងពេញទំហឹង។ឯកឧត្ដម ប៉ា សុជាតិវង្ស នៅក្នុងឱកាសនោះបានថ្លែងនូវការកោតសរសើរយ៉ាងខ្លាំង ចំពោះអាជ្ញាធររាជធានីភ្នំពេញ ក្រោមការដឹកនាំរបស់ ឯកឧត្ដម ឃួង ស្រេង ជាអភិបាល ដែលអនុវត្តការរៀបចំសណ្ដាប់ធ្នាប់លើផ្ទៃទឹកនេះបានយ៉ាងល្អប្រសើរ និងទទួលបានជោគជ័យ។សូមបញ្ជាក់ថា កាលពីថ្ងៃទី១២ ខែមិថុនា កន្លងទៅ គឺជាថ្ងៃដែលអាជ្ញាធរប្រើវិធានការរដ្ឋបាលចុះទៅរុះរើ បែចិញ្ចឹមត្រី ផ្ទះបណ្តែតទឹក ផ្ទះតូចៗ និងសំណង់មិនរៀបរយនៅលើផ្ទៃទន្លេ ដើម្បីបើកផ្លូវនាវាចរ កុំឲ្យប៉ះពាល់ដល់ប្រព័ន្ធអេកូឡូហ្ស៊ី មានចរន្តទឹកហូរ គោករាក់ ពិសេសកុំឲ្យបន្តការប្រើប្រាស់ចំណីសម្រាប់ចិញ្ចឹមត្រី និងការបញ្ចេញកាកសំណល់ ការបន្ទោបង់ពាសវាលពាសកាលក្នុងទន្លេ ធ្វើឱ្យខូចខាតយ៉ាងធ្ងន់ធ្ងរដល់ជីវៈចម្រុះក្នុងទឹក ខូចគុណភាពទឹក បំពុលបរិស្ថាន និងប៉ះពាល់ដល់សោភ័ណភាពរាជធានីភ្នំពេញ ព្រមទាំងប៉ះពាល់ដល់សុខភាពប្រជាពលរដ្ឋ ដែលបានប្រើប្រាស់ទឹកមិនស្អាតផងដែរ៕អត្ថបទ ៖ ប្រាក់ វ៉ាន់ដា

កម្ពុជាបន្ដរកឃើញមនុស្ស៩៥៤នាក់ឆ្លងកូវីដ-១៩ ខណៈមនុស្ស១០៤៦នាក់ត្រូវបានជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៩៥៤នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន១០៤៦នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៨១៨នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១៣៦នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស២៧នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់៨២៥នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៥០ ០២០នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៥៨ ០៥៧ នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

តេស្តរហ័សតាមច្រកព្រំដែនជាប់បាត់ដំបង រកឃើញអ្នកបើកបររថយន្ត៣១នាក់ វិជ្ជមានកូវីដ១៩

បាត់ដំបង ៖ អាជ្ញាធរខេត្តបាត់ដំបង និងមន្ត្រីសុខាភិបាលខេត្ត បានរកឃើញអ្នកបើកបររថយន្ត និងជំនួយការ ដែលដឹកទំនិញឆ្លងកាត់ព្រំដែនប្រចាំថ្ងៃ ជាប់ខេត្តបាត់ដំបង ចំនួន៣១នាក់ មានវិជ្ជមានកូវីដ១៩ បន្ទាប់ពីការធ្វើតេស្តរហ័ស នៅតាមបន្ទាត់ព្រំដែន ហើយពួកគេទាំងអស់នោះ ត្រូវបញ្ជូនទៅព្យាបាលគ្រប់គ្នា ។បើតាមលោក សឿម ប៊ុនរិទ្ធ អភិបាលរង និងជាអ្នកនាំពាក្យរដ្ឋបាលខេត្តបាត់ដំបង បានលើកឡើងថា សម្រាប់អ្នកបើកបរ និងជំនួយការ មានវិជ្ជមានកូវីដ១៩ គឺជាជនជាតិខ្មែរទាំងអស់ ដោយចំនួននេះ គិតត្រឹមរយៈពេល ៨ថ្ងៃ ដែលអាជ្ញាធរបានរៀបចំធ្វើតេស្តរហ័ស នៅតាមបន្ទាត់ព្រំដែន គឺចាប់ពីថ្ងៃទី៣០ ខែមិថុនា ដល់ថ្ងៃទី៧ ខែកក្កដា ឆ្នាំ២០២១ ។លោក បានបន្តថា ទន្ទឹមនឹងការពិនិត្យសំណាកដល់អ្នកបើកបររថយន្ត និងជំនួយការនេះ នៅតាមច្រកព្រំដែនមន្ត្រីសុខាភិបាល ក៏បានធ្វើសំណាកដល់ពលករទើបត្រឡប់មកពីប្រទេសថៃ ត្រូវបានរកឃើញមានវិជ្ជមានកូវីដ១៩ ជាបន្តបន្ទាប់ ត្រូវបានបញ្ជូនទៅព្យាបាល និងអ្នកអវិជ្ជមានត្រូវបញ្ជូនទៅធ្វើចត្តាឡីស័ក ។លោក សឿម ប៊ុនរិទ្ធ បានបន្ថែមថា កាលពីថ្ងៃទី៧ ខែកក្កដា មន្ត្រីសុខាភិបាលប្រចាំនៅច្រកទ្វារអន្តរជាតិដូង ច្រកតំបន់អូរអន្លក់ ច្រកតំបន់អូររំដួល និងច្រកអន្តរជាតិភ្នំដី បានធ្វើតេស្តរហ័សលើអ្នកបើកបររថយន្ត និងជំនួយការ ទាំងជនជាតិខ្មែរ និងជនជាតិថៃបានចំនួន ៤៩៥នាក់ ក្នុងនោះមានអ្នកបើកបរជនជាតិខ្មែរ មានវិជ្ជមានកូវីដ១៩ ចំនួន៥នាក់ ខណៈបុគ្គលិកសុខាភិបាលចំនួន ២នាក់ រងចាំការធ្វើតេស្តរហ័ស នៅច្រកអូរអន្លក់ បានឆ្លងជំងឺនេះផងដែរ ។នៅក្នុងរបាយការណ៍រដ្ឋបាលខេត្តបាត់ដំបង បានបង្ហាញថា កាលពីថ្ងៃទី៧ ខែកក្កដា មានពលករត្រឡប់មកពីប្រទេសថៃ ចូលតាមច្រកនានាជាប់ខេត្តបាត់ដំបងចំនួន ៣៧នាក់ និងរហូតមកដល់ពេលនេះ អាជ្ញាធរខេត្តបានកំណត់មុខសញ្ញាពាក់ព័ន្ធក្នុងព្រឹត្តិការណ៍សហគមន៍២០កុម្ភៈ បានចំនួនសរុប ៤៥២១នាក់ លទ្ធផលវិជ្ជាមាន ៨៦៥នាក់ ។ ចាប់ពីមានការឆ្លងជំងឺកូវីដ១៩ នៅក្នុងប្រទេសកម្ពុជា សម្រេចនៅខេត្តបាត់ដំបង មានអ្នកឆ្លងចំនួន ១៣៤០នាក់ ត្រូវបានព្យាបាលជាសះស្បើយចំនួន៦៤៣នាក់ ស្លាប់ចំនួន ៩នាក់ និងកំពុងសម្រាកព្យាបាលចំនួន ៦៨៨នាក់ ៕អត្ថបទ ៖ សុខរិទ្ធ

អាជ្ញាធរខណ្ឌសែនសុខ ចុះបិទទីតាំងភោជនីយដ្ឋានហ្គោលជាបណ្តោះអាសន្ន ក្រោយលួចលាក់បើកខារ៉ាអូខេ និងឃាត់ខ្លួនមនុស្សប្រុសស្រី២៦នាក់

ភ្នំពេញ ៖ កម្លាំងគណៈបញ្ជាការឯកភាពខណ្ឌសែនសុខ ចុះធ្វើការបិទហាងខារ៉ាអូខេ មួយកន្លែង យីហោ ហ្គោល នៅតាមបណ្តោយផ្លូវ១៩៨៦ ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ឃាត់ខ្លួនមនុស្សប្រុសស្រីចំនួន២៦នាក់ និងដកហូតបានម៉ូតូជាច្រើនគ្រឿង។ប្រត្តិបត្តិការនេះ ធ្វើឡើងកាលពីវេលាម៉ោង១២យប់រំលងអធ្រាត្រឈានចូលព្រហស្បតិ៍ ទី៨ ខែ កក្កដា ឆ្នាំ២០២១ ក្រោយពីបានទទួលព័ត៌មានថា ទីតាំងនេះបើក ទទួលភ្ញៀវចូលច្រៀងលេងយ៉ាងសប្បាយដោយផ្គើន និងសេចក្តីណែនាំរបស់រដ្ឋបាលរាជធានី ភ្នំពេញ ដើម្បីចូលរួមបង្កាទប់ស្កាត់ការរីករាលដាលនៃជំងឺកូវីដ។ជាថ្មីៗនេះ រដ្ឋបាលរាជធានីភ្នំពេញ បានសម្រេចអនុញាតឱ្យបើកដំណើរការអាជីវកម្មឡើងវិញ តែដោយអនុវត្តតាមការណែនាំ របស់ក្រសួងសុខាភិបាល ពាក់ម៉ាស់ វាស់កម្តៅ រក្សាគម្លាត ជាពិសេសប្រកាន់ភ្ជាប់ជានិច្ចនូវវិធានការ ៣ការពារ ៣កុំ របស់ប្រមុខរាជរដ្ឋាភិបាល។ ក្រោយប្រតិបត្តិការនេះ កម្លាំងសមត្ថកិច្ចធ្វើការឃាត់ខ្លួនមនុស្សប្រុសស្រីចំនួន២៦នាក់ ក្នុងនោះ មានស្រី១៤នាក់ ប្រុស១២នាក់ រួមនិងម៉ូតូជាច្រើនគ្រឿង នាំយកទៅអធិការរដ្ឋាននគរបាលខណ្ឌសែនសុខ ដើម្បីបន្តទៅតាមនីតិវិធីច្បាប់៕អត្ថបទ៖ កុម្ភះ

អាជ្ញាធរខេត្ដសៀមរាប ប្រកាសបិទផ្សារលើធំថ្មីចំនួន២អាទិត្យទៀត ខណៈដែលខេត្ដនេះ កំពុងរីករាលដាលជំងឺកូវីដ១៩

សៀមរាប ៖ រដ្ឋបាលខេត្ដសៀមរាប បានប្រកាសបិទការលក់ដូរ នៅផ្សារលើធំថ្មី ជាបណ្ដោះអាសន្នចំនួន២សប្ដាហ៍បន្ថែមទៀត ដើម្បីទប់ស្កាត់ការឆ្លងជំងឺកូវីដ១៩ ទីតាំងផ្សេងទៀត ខណៈដែលខេត្ដនេះ បាននឹងកំពុងរីករាលជំងឺកូវីដ១៩ កើនឡើងគួរអោយព្រួយបារម្ភ។ផ្សារលើធំថ្មីមានទីតាំងស្ថិតនៅភូមិដកពោធិ សង្កាត់ស្លក្រាម ក្រុងសៀមរាប ។ ផ្សារនេះ ត្រូវបានរដ្ឋបាលខេត្ដសៀមរាប បានប្រកាសបិទការលក់ដូរ ចំនួន២អាទិត្យរួចហើយ កាលពីថ្ងៃទី២៤ ខែមិថុនា ឆ្នាំ២០២១កន្លងទៅនេះ បន្ទាប់ពីរកឃើញអ្នកមានវិជ្ជមានកូវីដ១៩ជាច្រើននាក់នៅក្នុងផ្សារនោះ ។យោងតាមសេចក្ដីសម្រេចរបស់រដ្ឋបាលខេត្ដសៀមរាប បានចេញផ្សាយនៅថ្ងៃទី០៦ខែកក្កដាឆ្នាំ២០២១នេះ បានបង្ហាះថា រដ្ឋបាលខេត្ដ បានបន្តបិទផ្សារលើធំថ្មីជាបណ្ដោះអាសន្នចំនួន២សប្ដាហ៍ទៀត ខណៈដែលជាផ្សារនេះ មានការឆ្លងរាលដាលនៃជំងឺកូវីដ-១៩ ក្នុងព្រឹត្តិការណ៍សហគមន៍ ២០កុម្ភៈ ២០២១ ។ការបិទការលក់ដូរនេះ ដោយគិតចាប់ពីថ្ងៃទី០៧ ដល់ថ្ងៃទី២០ ខែកក្កដា ឆ្នាំ២០២១ ក្នុងគោលបំណងធានាដល់ប្រសិទ្ធភាពនៃការគ្រប់គ្រងការឆ្លងរាលដាលនៃជំងឺកូវីដ-១៩ នៅក្នុងភូមិសាស្ត្រ ទីតាំងដែលត្រូវបិទ និងទប់ស្កាត់ជំងឺនេះមិនឱ្យឆ្លងរាលដាលទៅតំបន់ផ្សេងទៀត រហូតមានការចេញ សេចក្តីសម្រេចជាថ្មី។ការបន្ដបិទផ្សារលើធំថ្មីបន្ថែមពីរសប្ដាហ៍ទៀតនេះ ត្រូវបានគេមើលឃើញថា ខេត្ដសៀមរាប បាននឹងកំពុងរីករាលដាលនូវជំងឺកូវីដ១៩ ជាបន្ដបន្ទាប់គួរអោយព្រួយបារម្ភ ជាក់ស្ដែងចាប់ពីថ្ងៃទី១ដល់ថ្ងៃទី០៥ ខែកក្កដានេះ ខេត្ដសៀមរាប ត្រូវបានរកឃើញអ្នកវិជ្ជមានកូវីដ១៩មានអត្រាខ្ពស់រហូតជាង១រយនាក់ក្នុងមួយថ្ងៃ។ ប៉ុន្ដែយ៉ាងនេះក្ដី អាជ្ញាធរខេត្ដសៀមរាប ក៏បានបញ្ចប់ការកំណត់ជា “តំបន់លឿង" នៅក្នុងភូមិសាស្ត្រភូមិអន្លង់ពីរ (ផែ្នកខាងជើងផ្លូវជាតិលេខ៦) ឃុំត្រពាំងធំ ស្រុកប្រាសាទបាគង ខេត្តសៀមរាបផងដែរ ។តំបន់លឿងនៅក្នុងឃុំត្រពាំងធំ ស្រុកប្រាសាទបាគងនោះ ត្រូវបានដាក់ចេញនូវវិធានការរដ្ឋបាល ក្នុងរយៈពេលកន្លងទៅ ដើម្បីទប់ស្កាត់ការឆ្លងរាលដាលនៃជំងឺកូវីដ-១៩។រដ្ឋបាលខេត្តសៀមរាប ប្រកាសដំណឹងដល់ប្រជាពលរដ្ឋ ដែលមានការពាក់ព័ន្ធដោយផ្ទាល់ ឬដោយប្រយោល ជាមួយអ្នកវិជ្ជមានកូវីដ១៩ ទោះនៅតំបន់ណា សូមផ្ដល់សំណាកធ្វើតេស្ដរកមេរោគកូវីដ១៩ និងរួសរាន់ធ្វើចត្តាឡីស័កតាមផ្ទះក្នុងក្រុមគ្រួសាររៀងៗខ្លួនឱ្យបានគ្រប់១៤ថ្ងៃ ដោយមិនត្រូវពាក់ព័ន្ធ និងប៉ះពាល់ជាមួយអ្នកដទៃជាដាច់ខាត។ក្នុងករណីមិនអនុវត្តកាតព្វកិច្ចចត្តាឡីស័ក រដ្ឋបាលខេត្តនឹងចាត់វិធានការផ្លូវច្បាប់ចំពោះបុគ្គលទាំងឡាយណាដែលលើ្មស នឹងវិធានសុខាភិបាលនេះ។ ប្រសិនបើមានការប្រែប្រួលសុខភាព ប្រជាពលរដ្ឋផ្តល់ព័ត៌មានទៅកាន់លេខទូរស័ព្ទ ០១២ ៩៥៥ ៤៧៤ / ០៧៧ ៧៨៩ ០០៧ ដើម្បីក្រុមការងារចាត់វិធានការក្នុងការយកសំណាកធ្វើតេស្តស្រាវជ្រាវ។ជាមួយគ្នានោះដែរ មន្ទីរសុខាភិបាលខេត្ដសៀមរាប ក៏បានប្រកាសបង្ហាញទីតាំងច្បាស់លាស់នូវកន្លែងស្រាវជ្រាវធ្វើតេស្ដសំណាករកមេរោគជំងឺកូវីដ១៩ ចំពោះអ្នកដែលសង្ស័យថា បានប៉ះពាល់អ្នកវិជ្ជមាន ឬមានរោគសញ្ញាសង្ស័យកូវីដ១៩ផងដែរ។លោកវេជ្ជបណ្ឌិត ក្រុស សារ៉ាត់ ប្រធានមន្ទីរសុខាភិបាលខេត្ដសៀមរាប បានឲ្យដឹងថា ទីតាំងយកសំណាកនៅកន្លែងច្បាស់លាស់មានចំនួន០៨ទីតាំង នៅក្នុងខេត្ដសៀមរាប។ ទីតាំងទាំងនោះ រួមមាន ៖ មណ្ឌលសុខភាពកំពង់ក្ដី ស្រុកជីក្រែង វិទ្យាល័យដំដែក ស្រុកសូទ្រនិគម សាលាគរុកោសល្យ និងវិក្រិតិការខេត្ដសៀមរាប វិទ្យាល័យអង្គរ ក្រុងសៀមរាប អនុវិទ្យាល័យដូនទ្រ ស្រុកពួក សាលាបឋមសិក្សា ទៀ បាញ់ ដូនស្វា ស្រុកអង្គរជុំ វិទ្យាល័យស្រែណូយ ស្រុកវ៉ារិន និងមន្ទីរពេទ្យបង្អែកស្រុកក្រឡាញ់ ។បន្ថែមលើសពីនោះ លោកក៏បានណែនាំដល់ប្រជាពលរដ្ឋ ដែលបានប៉ះពល់និងសង្ស័យមានរោគសញ្ញាជំងឺកូវីដ១៩ ត្រូវទៅជួបប្រឹក្សាយោបល់ជាមួយគ្រូពេទ្យ និងយកសំណាកទៅទីតាំងដែលនៅជិតផ្ទះរបស់ពួកគាត់ ដើម្បីឲ្យក្រុមគ្រូពេទ្យពិនិត្យមើលពីសុខភាពរបស់ពួកគាត់ ៕អត្ថបទ ៖ សាវី

អាជ្ញាធរខណ្ឌដូនពេញចុះស្ទួចរថយន្តដែលតាំងលក់ល្មើសនិងវិធានការរដ្ឋបាលខណ្ឌ

ភ្នំពេញ ៖ នៅព្រឹកថ្ងៃទី០៦ ខែកក្កដា ឆ្នាំ២០២១ នេះ កម្លាំងគណៈបញ្ជាការឯកភាពខណ្ឌដូនពេញ បានចុះអនុវត្តវិធានការក្ដៅចំពោះម្ចាស់ទីតាំង លក់រថយន្តមួយចំនួនស្ថិតនៅតាមបណ្ដោយផ្លូវលេខ១០៦ សង្កាត់វត្តភ្នំ។បងប្អូនអាជីវករមួយចំនួនមិនគោរពតាមសេចក្ដីជូនដំណឹងរបស់រដ្ឋបាលខណ្ឌ ក៏ដូចរបស់រដ្ឋបាលរាជធានីភ្នំពេញ ដោយរឹងទទឹងតាំងលក់រថយន្តរំលោភលើចិញ្ជើមផ្លូវមិនរក្សាចិញ្ជើមទុកសម្រាបអ្នកថ្មើរជើង ឬជនពិការភាពនោះឡើយ ត្រូវបានកម្លាំងសណ្ដាប់ធ្លាប់ខណ្ឌធ្វើការស្ទួចរថយន្តមករក្សាទុកនៅសាលាខណ្ឌ តែម្ចាស់ទីតាំងមិនត្រឹមតែមិនអនុវត្តតាមវិធានការរដ្ឋបាលនោះទេ ថែមទាំងរឹងទទឹងជាមួយអាជ្ញាធរទៀតផងដែរ។គួរបញ្ជាក់ផងដែរ កាលពថ្ងៃទី០៨ ខែមិថុនា ឆ្នាំ២០២១ លោក សុខ ពេញវុធ អភិបាលខណ្ឌដូនពេញ បានចេញសេចក្ដីជូនដំណឹងមួយលេខ 588/21 សជណ ស្តីពីការបញ្ឈប់ការដាក់តាំងលក់រថយន្តនៅលើទ្រូងផ្លូវ និងចិញ្ចើមផ្លូវសាធារណៈក្នុងមូលដ្ឋានខណ្ឌដូនពេញ។យោងតាមសេចក្ដីជូនដំណឹង បានឲ្យដឹងថា រដ្ឋបាលខណ្ឌដូនពេញ កន្លងមកបានចុះអនុវត្តការរៀបចំសណ្តាប់ធ្នាប់ និងរបៀបរៀបរយនៅលើទ្រូងផ្លូវ និងចិញ្ចើមផ្លូវសាធារណៈបានស្អាតជាប្រចាំ។ ប៉ុន្តែនៅក្រោយពេលបញ្ចប់ការបិទខ្ទប់រាជធានីភ្នំពេញមក រដ្ឋបាលខណ្ឌ បានសង្កេតឃើញថា មានបងប្អូនប្រជាពលរដ្ឋមួយចំនួនតូច បានយករថយន្តមកដាក់តាំងលក់នៅលើទ្រូងផ្លូវ និងចិញ្ចើមផ្លូវសាធារណៈ ដែលធ្វើឱ្យបាត់បង់សោភ័ណភាព សណ្តាប់ធ្នាប់ របៀបរៀបរយសាធារណៈ និងបណ្តាលឱ្យមាន ការកកស្ទះចរាចរណ៍តាមដងផ្លូវផងដែរ៕អត្ថបទ៖ កុម្ភះ

រយះពេល៦ខែដើមឆ្នាំ២០២១ សមត្ថកិច្ចបង្ក្រាបបទគ្រឿងញៀនជាង៣០០០ករណី ចាប់យកវត្ថុតាងគ្រឿងញៀនសរុបជាង៧០០គីឡូក្រាម

ភ្នំពេញ ៖ យើងដឹងហើយថា ប្រទេសកម្ពុជាមិនមែនជាប្រទេសដែលផលិតគ្រឿងញៀននោះទេ ផ្ទុយទៅវិញឧក្រិដ្ឋគ្រឿងញៀន តែងតែប៉ុនប៉ងនាំគ្រឿងញៀនឆ្លងកាត់ប្រទេសកម្ពុជា ដើម្បីយកទៅជួញដូរ និងចែកចាយទៅកាន់បណ្តាប្រទេសផ្សេងៗទៀត ។យោងតាមប្រភពព័ត៌មានពីមន្ទីរប្រឆាំងគ្រឿងញៀន អគ្គស្នងការដ្ឋាននគរបាលជាតិ នៃក្រសួងមហាផ្ទៃ បានឲ្យដឹងថា លទ្ធផលអនុវត្តន៍ច្បាប់ចាប់ពីថ្ងៃទី០១ខែមករា រហូតដល់ថ្ងៃទី០៥ខែកក្កដា ឆ្នាំ២០២១ សមត្ថកិច្ចបង្ក្រាបបទល្មើសគ្រឿងញៀនសរុប៣ ៣៣០៦ករណី ឃាត់មនុស្ស៧៣៧០នាក់ ស្រី៤០៨នាក់ ។ ក្នុងនោះជួញដូររក្សាទុកកែច្នៃចាត់ចែង ២១៦៦ករណី ការដាំដុះ ២៩ករណី ប្រើប្រាស់១ ១១១ ករណី និងអនុវត្ដន៍ដីកា២៣៣ដីកា ។របាយការណ៍ដដែល បានឲ្យដឹងទៀតថា សមត្ថកិច្ចបានរឹបអូសយកវត្ថុតាងសារធាតុញៀនគ្រប់ប្រភេទសរុបជាង ៧៥៤គីឡូក្រាម កញ្ឆាស្រស់៥៧,៥២៣ដើម និងកញ្ឆាស្ងួត ជាង៩៩គីឡូក្រាម រថយន្ដ៦១គ្រឿង ម៉ូតូ ១ ០១៥គ្រឿង ទូរស័ព្ទ៣២៥៤គ្រឿង ជញ្ជីង ១៦២គ្រឿង អាវុធខ្លី២៦ដើម និង អាវុធវែង១៩ដើម (កែច្នៃ១៨ដើម) ៕តារាវុទ្ធី

ឆេះទីតាំងស្តុកសម្ភារៈសម្រាប់ជួលធ្វើរោងការបង្កការភ្ញាក់ផ្អើល សមត្ថកិច្ចអន្ដរាគមន៍បាញ់ទឹកពន្លត់អស់ចំនួន៥៤ឡាន

ភ្នំពេញ ៖ សមត្ថកិច្ចជំនាញពន្លត់អគ្គិភ័យសហការជាមួយសមត្ថកិច្ចនគរបាលខណ្ឌឬស្សីកែវ បានបញ្ចេញរថយន្តពន្លត់អគ្គិភ័យជាច្រើនគ្រឿង ដើម្បីជួយអន្តរាគមន៍ករណីភ្លើងឆាបឆេះទីតាំងស្តុក សម្ភារៈសម្រាប់ជួលធ្វើរោងការ ។ហេតុការណ៍គ្រោះអគ្គិភ័យកើតឡើងកាលពីវេលាប្រហែលម៉ោង ១១និង ៣០នាទី ថ្ងៃទី៦ ខែកក្កដា ឆ្នាំ២០២១ នៅចំណុចទីតាំងស្តុកសម្ភារៈសម្រាប់ជួលធ្វើរោងការ ក្នុងបុរី ជីព ម៉ុង ផ្លូវបេតុង ភូមិ៤ សង្កាត់ច្រាំងចំរេះទី១ ខណ្ឌឬស្សីកែវ រាជធានីភ្នំពេញ ។សមត្ថកិច្ចជំនាញសង្គ្រោះ បង្ការ និង ពន្លត់អគ្គិភ័យ បានឲ្យដឹងថា នៅក្នុងប្រតិបត្តិការអន្តរាគមន៍សង្គ្រោះគ្រោះអគ្គិភ័យនេះ សមត្ថកិច្ចប្រើប្រាស់រថយន្តសង្គ្រោះ បង្ការ និង ពន្លត់អគ្គិភ័យ នៃស្នងការដ្ឋាននគរបាលរាជធានីភ្នំពេញចំនួន ១៨គ្រឿង ដោយបាញ់ទឹកអស់ចំនួន៥៤ឡាន ។ ក្រៅពីនោះ ក៏មានរថយន្តពន្លត់អគ្គិភ័យ ផ្នែកឯកជនជាច្រើនគ្រឿងជួយអន្តរាគមន៍ផងដែរ ។សមត្ថកិច្ចជំនាញ ប្រាប់បន្តថា ក្នុងប្រតិបត្តិការជួយអន្តរាគមន៍គ្រោះអគ្គិភ័យនេះ មានភាពស្មុគស្មាញ និងលំបាកបន្តិច ដោយសារទីតាំងដែលឆេះនោះ គឺជាកម្រាលព្រុំដែលដាក់គរលើគ្នាច្រើន ។ ដូច្នេះត្រូវប្រើប្រាស់គ្រឿងចក្រ អេស្កាវ៉ាទ័រ មួយគ្រឿង កាយគំនរព្រុំនោះបន្តិចម្តងៗ រួចបាញ់ទឹកមេសាប៊ូ រហូតទទួលបានជោគជ័យ ។ចំពោះគ្រោះអគ្គិភ័យ បើតាមរបាយការណ៍ គឺមិនប៉ះពាល់ដល់មនុស្សនោះឡើយ ដោយគ្រាន់តែឆេះរោលទៅផ្ទះពីរខ្នង និង វិឡាមួយនៅជុំវិញប៉ុណ្ណោះ ។ មូលហេតុសមត្ថកិច្ចកំពុងស្រាវជ្រាវបន្តទៀត ។ជាមួយគ្នានេះ សមត្ថកិច្ច បានបញ្ជាក់ថា នៅដើមខែកក្កដា ឆ្នាំ២០២១នេះ គឺកើតមានគ្រោះអគ្គិភ័យនៅក្នុងរាជធានីភ្នំពេញ១០ករណីហើយ ៕តារាវុទ្ធី

កម្ពុជាបន្ដរកឃើញមនុស្ស៩៣៥នាក់ឆ្លងកូវីដ-១៩ ខណៈអ្នកស្លាប់ថ្មី៣១នាក់បន្ថែមទៀត

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៩៣៥នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន៦៥៤នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៧៨០នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១៥៥នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស៣១នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់៧៧៩នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៤៨ ០៤០នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៥៦ ១២២នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

ស្នងការខេត្តឧត្ដរមានជ័យ ចុះបង្ក្រាបទីតាំងដាំកញ្ឆាខុសច្បាប់មួយកន្លែង នៅស្រុកអន្លង់វែង

ឧត្ដរមានជ័យ ៖ សមត្ថកិច្ចខេត្តឧត្ដរមានជ័យ បានចុះបង្ក្រាបទីតាំងដាំកញ្ឆាខុសច្បាប់ នៅចំការស្វាយមួយកន្លែង ស្ថិតនៅចំណុចពាង២ ស្ថិតក្នុងភូមិអូរតាមែង ឃុំ-ស្រុកអន្លង់វែង ដែលបានលួចបង្កប់ដាំដំណាំកញ្ឆាខុសច្បាប់ មានទំហំ ៥,៥០០ ម៉ែត្រការ៉េ ។ប្រតិបត្តិការនេះ ដឹកនាំដោយផ្ទាល់ពីលោកឧត្តមសេនីយ៍ទោ ហួត សុធី ស្នងការនគរបាលខេត្តឧត្ដរមានជ័យ កម្លាំងកងអន្តរាគមន៍ពិសេស សហការជាមួយកម្លាំងអធិការដ្ឋានស្រុកអន្លង់វែង នាថ្ងៃទី៥ កក្កដា ឆ្នាំ២០២១ ។ក្នុងឱកាសនោះ លោកឧត្តមសេនីយ៍ទោ ហួត សុធី បានឲ្យដឹងថា ដោយមានការសម្របសម្រួលពីព្រះរាជអាជ្ញា នៃអយ្យការអមសាលាដំបូងខេត្តឧត្តរមានជ័យ ក្នុងកិច្ចប្រតិបត្តិការនេះដែរកម្លាំងយើងបានធ្វើការឃាត់ខ្លួនភ្លាមៗ លើជនសង្ស័យចំនួន០៣នាក់ ក្នុងនោះ ស្រី០២នាក់ នៅនឹងទីតាំងផ្ទាល់ ព្រមទាំងបានធ្វើការដកហូតបាននូវវត្ថុតាំងរួមមាន កញ្ឆាក្រៀមចំនួន៣៦គីឡូក្រាម កញ្ឆាស្រស់ចំនួន១២៥០០ដើម, រថយន្ត ១ គ្រឿង, គោយន្តកន្ត្រៃ១គ្រឿង និងសម្ភារៈមួយចំនួនទៀតដែលមធ្យោបាយរបស់ជនសង្ស័យធ្វើសកម្មភាពផងដែរ ។លោកស្នងការនគរបាលខេត្ត បានបន្តថា ជនសង្ស័យ និងវត្ថុតាងខាងលើ សមត្ថកិច្ចយើងបានរៀបចំសំណុំរឿង បញ្ជូនទៅតុលាការចាត់ការបន្តតាមនីតិវិធីច្បាប់ផងដែរ៕អត្ថបទ ៖ សារិទ្ធ

បណ្ដាញសង្គម

ព័ត៌មានថ្មីៗ

សម្តេចធិបតី ហ៊ុន ម៉ាណែត អបអរសាទរក្រុមបាល់ទះបុរសជម្រើសជាតិកម្ពុជា ទទួលបានមេដាយមាស យកឈ្នះ ក្រុមបាល់ទះបុរសជម្រើសជាតិឥណ្ឌូណេស៊ី ក្នុងការប្រកួតពានរង្វាន់ SEA V-CUP លើកទី៦

ប្រវត្តិសាស្ដ្រថ្មី! កម្ពុជាឈ្នះជើងឯកពានរង្វាន់ SEA V.Cup 2026 ក្រោយយកឈ្នះឥណ្ឌូនេស៊ី ៣-២សិត ក្នុងវគ្គផ្តាច់ព្រ័ត្រ

អភិបាលខេត្តបាត់ដំបង ចុះពិនិត្យការអន្តរាគមន៍បញ្ជូនទឹកសង្រ្គោះស្រូវនៅស្រុករុក្ខគីរី និងស្រុកមោងឫស្សី

ឯកឧត្តម ហ៊ុន ម៉ានិត អញ្ជើញក្នុងពិធីប្រកាសសមាសភាពក្រុមការងារលេខាធិការដ្ឋាន អ.ន.ក.ស្រុកស្ទឹងត្រង់

អភិបាលក្រុង New York៖ មេដឹកនាំអ៊ីស្រាអែល លោក Netanyahu អាចត្រូវចាប់ខ្លួនអំឡុងទស្សនកិច្ចនៅអាមេរិក

រដ្ឋមន្ត្រីការបរទេសកូរ៉េខាងជើង បំពេញទស្សនកិច្ចផ្លូវការនៅប្រទេសរុស្ស៊ី

លកកម្តៅនិងគ្រោះរាំងស្ងួត បណ្តាលឲ្យស្រកទឹកទន្លេនៅប្រទេសហូឡង់

ក្រុមជួយសង្រ្គោះរកឃើញអ្នករស់រាន៥នាក់ និងកំពុងស្វែងរកមនុស្ស ២០នាក់ទៀត ក្រោយទូកលិចនៅឥណ្ឌូនេស៊ី

មន្ត្រីជំនាញបង្ហាញអំពីសកម្មភាពករណីជនអនាមិកលួចចូលគ្រប់គ្រងគណនីតេឡេក្រាម

ក្រុមការងារគណបក្សចុះមូលដ្ឋានខេត្ត ជួបសំណេះសំណាលជាមួយមន្ត្រីគណបក្សស្រុកលើកដែក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

ការរុះរើ ផ្ទះបណ្ដែតទឹក បែចិញ្ចឹមត្រី និងសំណង់មិនរៀបរយលើផ្ទៃទន្លេ នៅភ្នំពេញសម្រេចបានប្រមាណ៩៥ភាគរយហើយ

កម្ពុជាបន្ដរកឃើញមនុស្ស៩៥៤នាក់ឆ្លងកូវីដ-១៩ ខណៈមនុស្ស១០៤៦នាក់ត្រូវបានជាសះស្បើយ

តេស្តរហ័សតាមច្រកព្រំដែនជាប់បាត់ដំបង រកឃើញអ្នកបើកបររថយន្ត៣១នាក់ វិជ្ជមានកូវីដ១៩

អាជ្ញាធរខេត្ដសៀមរាប ប្រកាសបិទផ្សារលើធំថ្មីចំនួន២អាទិត្យទៀត ខណៈដែលខេត្ដនេះ កំពុងរីករាលដាលជំងឺកូវីដ១៩

អាជ្ញាធរខណ្ឌដូនពេញចុះស្ទួចរថយន្តដែលតាំងលក់ល្មើសនិងវិធានការរដ្ឋបាលខណ្ឌ

កម្ពុជាបន្ដរកឃើញមនុស្ស៩៣៥នាក់ឆ្លងកូវីដ-១៩ ខណៈអ្នកស្លាប់ថ្មី៣១នាក់បន្ថែមទៀត

ស្នងការខេត្តឧត្ដរមានជ័យ ចុះបង្ក្រាបទីតាំងដាំកញ្ឆាខុសច្បាប់មួយកន្លែង នៅស្រុកអន្លង់វែង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

កម្ពុជា​បន្ដ​រក​ឃើញ​មនុស្ស​៩៥៤នាក់​​ឆ្លង​កូវីដ-១៩​ ខណៈ​​មនុស្ស១០៤៦នាក់​ត្រូវ​បានជា​សះស្បើយ

តេស្តរហ័សតាមច្រកព្រំដែនជាប់បាត់ដំបង រកឃើញ​អ្នក​បើកបរ​រថយន្ត៣១នាក់​ វិជ្ជមានកូវីដ១៩

អាជ្ញាធរខេត្ដសៀមរាប ប្រកាសបិទផ្សារលើធំថ្មីចំនួន២អាទិត្យទៀត ខណៈដែលខេត្ដនេះ កំពុងរីករាលដាលជំងឺកូវីដ១៩

អាជ្ញាធរខណ្ឌដូនពេញចុះស្ទួចរថយន្តដែលតាំងលក់ល្មើសនិងវិធានការរដ្ឋបាលខណ្ឌ

កម្ពុជា​បន្ដ​រក​ឃើញ​មនុស្ស​៩៣៥នាក់​​ឆ្លង​កូវីដ-១៩​ ខណៈ​អ្នក​ស្លាប់​ថ្មី​៣១នាក់​បន្ថែមទៀត

ស្នងការ​ខេត្ត​ឧត្ដរមានជ័យ​ ចុះ​បង្ក្រាប​ទីតាំង​ដាំ​កញ្ឆា​ខុសច្បាប់​មួយ​កន្លែង​ នៅ​ស្រុក​អន្លង់វែង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កម្ពុជាបន្ដរកឃើញមនុស្ស៩៥៤នាក់ឆ្លងកូវីដ-១៩ ខណៈមនុស្ស១០៤៦នាក់ត្រូវបានជាសះស្បើយ

តេស្តរហ័សតាមច្រកព្រំដែនជាប់បាត់ដំបង រកឃើញអ្នកបើកបររថយន្ត៣១នាក់ វិជ្ជមានកូវីដ១៩

កម្ពុជាបន្ដរកឃើញមនុស្ស៩៣៥នាក់ឆ្លងកូវីដ-១៩ ខណៈអ្នកស្លាប់ថ្មី៣១នាក់បន្ថែមទៀត

ស្នងការខេត្តឧត្ដរមានជ័យ ចុះបង្ក្រាបទីតាំងដាំកញ្ឆាខុសច្បាប់មួយកន្លែង នៅស្រុកអន្លង់វែង