BTV NEWS

ពាក់ព័ន្ធករណី Online Scams៖ ជនជាតិចិនចំនួន ១៦២នាក់ត្រូវបានបណ្ដេញចេញពីកម្ពុជា

អគ្គនាយកដ្ឋានពន្ធនាគារ កំពុងសិក្សារៀបចំទីតាំងឃុំឃាំងថ្មីបន្ថែម ខណៈចំនួនជនជាប់ឃុំមានការកើនឡើងខ្លាំង

សមត្ថកិច្ចខេត្តព្រះសីហនុរកឃើញអ្នកបើកបររថយន្តធុនធ្ងន់មួយចំនួនមានសារធាតុគ្រឿងញៀននៅក្នុងខ្លួន

ឆេះខុនដូ Wealth Mansion តែសមត្ថកិច្ចជួយពន្លត់ទាន់ពេលដោយមិនរាលដាលទ្រង់ទ្រាយធំ

សន្តិសុខ និង សង្គម

លោកជំទាវ ភឿង សកុណា៖ មរណភាពទេវនាដនិម្មិត ឯម ធាយ គឺជាការ«បាត់បង់ដ៏ធំធេងមួយក្នុងវិស័យវប្បធម៌»

ភ្នំពេញ៖ រដ្ឋមន្ត្រីក្រសួងវប្បធម៌ និងវិចិត្រសិល្បៈ លោកជំទាវ ភឿង សកុណា បានលើកឡើងថា មរណភាពរបស់ទេវនាដនិម្មិត ឯម ធាយ គឺជា«ការបាត់បង់ដ៏ធំធេង»នៅក្នុងវិស័យវប្បធម៌ខ្មែរ។រដ្ឋមន្ត្រីក្រសួងវប្បធម៌ និងវិចិត្រសិល្បៈ លោកជំទាវ ភឿង សកុណា បានបញ្ជាក់បែបនេះនៅលើទំព័រហ្វេសប៊ុកផ្លូវការរបស់លោកជំទាវនៅព្រឹកថ្ងៃនេះ។លោកជំទាវ ភឿង សកុណា បានបញ្ជាក់ថា លោកយាយ ឯម ធាយ បានបន្សល់ទុកនូវស្នាដៃសិល្បៈខ្មែរមិនអាចកាត់ថ្លៃបានសម្រាប់អ្នកជំនាន់ក្រោយ។ទេវនាដនិម្មិត ឯម ធាយ ដែលជាព្រឹទ្ធាចារ្យសិល្បៈខ្មែរមួយរូប បានទទួលមរណភាពនៅថ្ងៃនេះក្នុងជន្មាយុ ៨៦ឆ្នាំ៕

ស្ត្រីចំណាស់ម្នាក់ កំពុងដើរតាមផ្លូវត្រូវបានរថយន្តបុកស្លាប់ភ្លាមៗ នៅកន្លែងកើតហេតុ

ភ្នំពេញ៖ ស្ត្រីចំណាស់ម្នាក់បានស្លាប់ភ្លាមៗ បន្ទាប់ពីករណីគ្រោះថ្នាក់ចរាចរណ៍មួយ បានកើតឡើងរវាងរថយន្តដឹកស៊ីម៉ងត៍ ដោយអ្នកបើកបររថយន្តងងុយដេក បានបើកបុកម្នាក់កំពុងដើរតាមផ្លូវបេតុង បណ្ដាលអោយបែកក្បាលស្លាប់។ហេតុការណ៍នេះ បានកើតឡើងកាលពីវេលាម៉ោង ០៣និង១០នាទី រសៀលថ្ងៃទី១៤ ខែមិថុនា ឆ្នាំ២០២១ តាមបណ្ដោយផ្លូវបេតុង ក្បែរផ្សារច្រាំងចំរេះ ស្ថិតនៅសង្កាត់ច្រាំងចំរេះទី២ ខណ្ឌឫស្សីកែវ រាជធានីភ្នំពេញ។នគរបាលបានអោយដឹងថា សពមានឈ្មោះ ង៉ែត សុធារី ភេទស្រី អាយុ៥៩ឆ្នាំ ស្នាក់នៅផ្ទះលេខ១៤៣ ED4z ផ្លូវលេខ១២៨ ភូមិ១ សង្កាត់មនោរម្យ ខណ្ឌ៧មករា រាជធានីភ្នំពេញ និងស្រុកកំណើតនៅ តាខ្មៅ ស្រុកកណ្ដាលស្ទឹង ខេត្តកណ្ដាល។ចំណែកតៃកុងរថយន្តមានឈ្មោះ វ័ណ រតនា អាយុ២១ឆ្នាំ ស្នាក់នៅម្ដុំសង្កាត់ក្រាំងធ្នង់ ខណ្ឌសែនសុខ និងមានស្រុកកំណើតនៅខេត្តព្រៃវែង។តាមប្រភពព័ត៌មាន ពីបងប្អូនប្រជាពលរដ្ឋបានអោយដឹងថា នៅមុនពេលកើតហេតុ គេមានស្ត្រីចំណាស់ម្នាក់កំពុងដើរតាមផ្លូវបេតុង ក្បែរផ្សារច្រាំងចំរះ ស្រាប់តែមានបុរសម្នាក់បើករថយន្តដឹកស៊ីម៉ងត៍មួយគ្រឿង ពណ៌ត្រេអ៊ី ពាក់ស្លាកលេខចង្កូតស្ដាំ KPS- 0092 ធ្វើដំណើរស្របទិសដៅជាមួយអ្នកដោយតៃកុងរថយន្តងងុយដេក ងោកមួយផាំង ក៏ជ្រួលបុកស្ត្រីចំណាស់ម្នាក់កំពុងដើរ រួចអូសបុកជាមួយធុងទឹកអំពៅ បណ្ដាលអោយបែកក្បាលស្លាប់ភ្លាមៗតែម្ដង។ក្រោយពេលកើតតៃកុងរថយន្ត រួមទាំងរថយន្ត ត្រូវបានកម្លាំងសមត្ថកិច្ចឃាត់ខ្លួនទៅប៉ុស្តិ៍នគរបាលដើម្បីបញ្ជូនទៅការិយាល័យចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញដើម្បីចាត់ការតាមនីតិវិធី៕ អត្ថបទ៖ គុម្ភៈ

នៅថ្ងៃនេះអ្នកជំងឺកូវីដ-១៩ ចំនួន៥៧នាក់ត្រូវបានរកឃើញនៅក្នុងខេត្តតាកែវ

តាកែវ ៖ នៅថ្ងៃទី១៤ ខែមិថុនា ឆ្នាំ២០២១នេះ មន្ត្រីជំនាញសុខាភិបាលខេត្តតាកែវ បានប្រកាសថា មនុស្សចំនួន៥៧នាក់ ត្រូវបានរកឃើញ មានផ្ទុកជំងឺកូវីដ-១៩ បន្ទាប់ពីបានយកសំណាកទៅវិភាគកាលពីម្សិលមិញនេះ។លោកវេជ្ជបណ្ឌិត នុត ស៊ីណាត ប្រធានមន្ទីរសុខាភិបាលខេត្តតាកែវ បានថ្លែងប្រាប់ទូរទស្សន៍BTV ថា អ្នកជំងឺកូវីដ-១៩ ទាំង៥៧នាក់ ត្រូវបានរកឃើញភាគច្រើននៅក្នុងស្រុកបាទី ស្រុកសំរោង ស្រុកទ្រាំង ស្រុកត្រាំកក់ និងក្រុងដូនកែវ ។ បច្ចុប្បន្ននេះ អ្នកជំងឺទាំងអស់ត្រូវបានដាក់ឲ្យសម្រាកព្យាបាលនៅតាមទីតាំងដែលអាជ្ញាធរបានរៀបចំដោយឡែកចំពោះអ្នកពាក់ព័ន្ធ ត្រូវបានណែនាំឲ្យធ្វើចត្តាឡីស័ក ឲ្យបានត្រឹមត្រូវទៅតាមការណែនាំរបស់មន្ត្រីជំនាញសុខាភិបាល។លោកប្រធានមន្ទីរសុខាភិបាលខេត្តតាកែវ បានបន្តថា មន្ត្រីជំនាញសុខាភិបាលកំពុងតែបន្តធ្វើសកម្មភាពយកសំណាកទៅលើបងប្អូនអាជីវករផ្សារតាកែវ និងបងប្អូនកម្មករកម្មការិនីមួយចំនួនបន្តទៀត ដែលមានការជាប់ពាក់ព័ន្ធទៅអ្នកជំងឺកូវីត-១៩ ដើម្បីធ្វើយ៉ាងណាទប់ស្កាត់ការរីករាលដាលជំងឺកូវីដ-១៩ ឆ្លងរីករាលដាលទៅតំបន់ផ្សេងទៀត ជាពិសេសអាជ្ញាធរមូលដ្ឋានបានបន្តណែនាំដល់អ្នកពាក់ព័ន្ធនឹងអ្នកជំងឺកូវីដ-១៩ អោយចូលខ្លួនមកយកសំណាកទៅពិនិត្យរកជំងឺកូវីដ-១៩ និងបានណែនាំអោយធ្វើចត្តាឡីស័ក ឲ្យបានត្រឹមត្រូវ។គួរបញ្ជាក់ថា រហូតមកដល់ពេលនេះ ខេត្តតាកែវ មានអ្នកផ្ទុកជំងឺកូវីដ-១៩ ចំនួន ១៧៧៣ នាក់ ក្នុងនោះអ្នកជំងឺកូវីដ-១៩ ចំនួនជិត១ពាន់នាក់ ត្រូវបានព្យាបាលជាសះស្បើយ ។ ដោយឡែកក៏មានអ្នកជំងឺកូវី-១៩ ចំនួន១២នាក់ផងដែរ ត្រូវបានស្លាប់បាត់បង់ជីវិត៕អត្ថបទ ៖ គុជ វិភាគ

ចូលខែមិថុនានេះ ចំនួនអ្នកធ្វើចត្តាឡីស័កនៅខេត្តបាត់ដំបង កើនឡើង

បាត់ដំបង ៖ ចូលខែមិថុនានេះ ចំនួនពលរដ្ឋធ្វើចត្តាឡីស័ក បានមានការកើនឡើង នៅតាមមណ្ឌលនានា ក្នុងខេត្តបាត់ដំបង មានទាំងពលករ ទើបត្រឡប់មកពីប្រទេសថៃ និងអ្នកពាក់ព័ន្ធព្រឹត្តិការណ៍សហគមន៍២០កុម្ភៈ ខណៈអ្នកវិជ្ជមានកូវីដ-១៩ នារយៈពេលប៉ុន្មានថ្ងៃចុងក្រោយនេះ នៅតែរកឃើញជាបន្តបន្ទាប់។របាយការណ៍របស់រដ្ឋបាលខេត្ត បានបង្ហាញថា បច្ចុប្បន្ន ក្នុងខេត្តបាត់ដំបង មានអ្នកធ្វើចត្តាឡីស័ក តាមមណ្ឌលនានា ចំនួនជាង២ពាន់៧០០នាក់ ខណៈកាលពីថ្ងៃទី១៣ ខែមិថុនា មានពលករត្រឡប់ មកពីប្រទេសថៃ ឆ្លងដែនតាមច្រកនានាជាប់ខេត្តបាត់ដំបង ចំនួន១៣៥នាក់ និងពលករ ដែលជាអ្នករស់ នៅខេត្តបាត់ដំបង ចំនួន៩៣នាក់ ត្រូវបានបញ្ជូនមកពីខេត្តប៉ៃលិន បន្ទាយមានជ័យ និងឧត្តរមានជ័យ។លោក សឿម ប៊ុនរិទ្ធ អភិបាលរង និងជាអ្នកនាំពាក្យរដ្ឋបាលខេត្តបាត់ដំបង បានឲ្យដឹងថា អ្នកកំពុងធ្វើចត្តាឡីស័ក នៅក្នុងខេត្តបាត់ដំបង មានទាំងអ្នករស់នៅក្នុងខេត្ត ហើយបើមានអ្នកនៅខេត្តផ្សេងៗ ចេញមកពីប្រទេសថៃ តាមច្រកនានាជាប់ខេត្តបាត់ដំបង ត្រឹមចំនួនតិចតួច ឲ្យធ្វើចត្តាឡីស័កក្នុងខេត្តបាត់ដំបង តែបើចំនួនច្រើន នឹងត្រូវបញ្ជូនទៅធ្វើចត្តាឡីស័ក នៅខេត្តរបស់ពួកគេ។របាយការណ៍ របស់រដ្ឋបាលខេត្ត បានឱ្យដឹងទៀតថា អាជ្ញាធរខេត្ត បានកំណត់មុខសញ្ញាអ្នកពាក់ ព័ន្ធក្នុងព្រឹត្តិការណ៍២០កុម្ភៈ និងយកសំណាក ចំនួនជាង៣ពាន់នាក់ ដែលជាលទ្ធផល វិជ្ជមាន២៧៥នាក់ ហើយចាប់តាំងពីមានការផ្ទុះឆ្លងជំងឺកូវីដ-១៩ នៅកម្ពុជា ក្នុងខេត្តបាត់ដំបង បានរកឃើញអ្នកជំងឺកូវីដ-១៩ ចំនួនសរុប៥៣១នាក់ ព្យាបាលជាសះស្បើយ ១៩៥នាក់ ស្លាប់២នាក់ និងកំពុងសម្រាកព្យាបាល ៣៣៤ នាក់។រដ្ឋបាលខេត្តបាត់ដំបង បានឲ្យដឹងថា ក្នុងចំណោមអ្នកវិជ្ជមានកូវីដ-១៩ ទាំង៥៣១នាក់ ក្នុងនោះ មានចំនួន៩នាក់ បានរកឃើញកាលពីម្សិលមិញ ហើយអ្នកជាសះស្បើយចំនួនចំនួន៣នាក់៕អត្ថបទ៖ បាន សុខរិទ្ធ

ផ្តល់រថយន្តពន្លត់អគ្គីភ័យទំនើប២គ្រឿងដល់ស្នងការរាជធានីភ្នំពេញ និងនាយកដ្ឋានពន្លត់អគ្គីភ័យ

ភ្នំពេញ ៖ អគ្គស្នងការនគរបាលជាតិ បានប្រគល់រថយន្តពន្លត់អគ្គិភ័យបែបទំនើបចំនួន១គ្រឿង ដល់នាយកដ្ឋាននគរបាលបង្ការពន្លត់អគ្គីភ័យ និងសង្គ្រោះនៃក្រសួងមហាផ្ទៃ និងមួយគ្រឿងទៀតដល់ស្នងការនគរបាលរាជធានីភ្នំពេញ ដោយរថយន្តពន្លត់អគ្គីភ័យនេះ អាចជួយពន្លត់អគ្គីភ័យបានខ្ពស់ និងបានពីចម្ងាយផងដែរ។ថ្លែងប្រាប់ទូរទស្សន៍ប៊ីធីវី ឧត្តមសេនីយ៍ឯក នេត វន្ថា ប្រធាននាយកដ្ឋាននគរបាលបង្ការ ពន្លត់អគ្គិភ័យ និងសង្គ្រោះ បានឲ្យដឹងថា រថយន្តដែលបានផ្តល់ជូននាពេលនេះ គឺមានអត្ថប្រយោជន៍ច្រើន ជាង រថយន្តដែលប្រទេសកម្ពុជាយើងបានប្រើពីកន្លងទៅ ដោយសាររថយន្តនេះអាចផ្ទុកទឹកក៏បានច្រើន និងធ្វើការបាញ់ទឹកចេញក៏បានលឿន និងបានខ្ពស់ជាដើមនោះ។ជាមួយគ្នានោះដែរឧត្តមសេនីយ៍ឯក ក៏បានបន្តអំពាវនាវដល់បងប្អូនប្រជាពលរដ្ឋទាំង អស់បន្តមានការប្រុងប្រយ័ត្នខ្ពស់ផងដែរ ដោយក្នុងគេហដ្ឋាននីមួយៗគប្បីមានឧបករណ៍សង្គ្រោះបឋម បើទោះបីជាមន្ត្រីជំនាញមានឡាន និងសម្ភារៈទំនើបក្តីក៏បងប្អូនមិនត្រូវធ្វេសប្រហែសនោះឡើយ៕អត្ថបទ ៖ បាន ចក់

ក្រុមហ៊ុនGFX បញ្ជាក់ថា អ្នកចូលរួមដាក់ពាក្យប្ដឹងជនទី៣ ក្នុងសំណុំរឿងបាត់បង់លុយវិនិយោគ មានចំនួនជិតមួយពាន់នាក់

ភ្នំពេញ ៖ ក្រុមហ៊ុន ហ្គោលអេហ្វអិកស៍ អ៊ិនវេសម៉ិន (GOLDFX INVESTMENT CO LTD) ហៅកាត់ GFX បានបញ្ជាក់ថា មកដល់ពេលនេះ មានវិនិយោគិនជិត១ពាន់នាក់ បានចូលរួមជាមួយក្រុមហ៊ុនដើម្បីប្តឹងទៅជនទី៣ នៅក្រៅស្រុក ក្នុងសំណុំរឿងបាត់បង់លុយវិនិយោគ។ ខណៈកំពុងរងចាំចំណាត់ផ្លូវច្បាប់ពីតុលាការ ក្រុមវិនិយោគិនផ្សេងទៀត ដែលបដិសេធមិនចូលរួមប្តឹងជាមួយក្រុមហ៊ុន បានកំពុងរង់ចាំអន្តរាគមន៍ពីក្រសួងសេដ្ឋកិច្ច និងហិរញ្ញវត្ថុ។លោក ជា រដ្ឋសាវុន មេធាវីនៃក្រុមហ៊ុន GFX នៅថ្ងៃទី១៤ ខែមិថុនា ឆ្នាំ២០២១នេះ បានមានប្រសាសន៍ប្រាប់ទូរទស្សន៍ព័ត៌មាន ប៊ីធីវីថា សម្រាប់យន្តការតាមច្បាប់ដែលបានដាក់ចេញសំរាប់អតិថិជនជួបបញ្ហាគណនីជួញដូរទាំងអស់ដែលត្រូវការប្រឹក្សា យោគយល់ និងចូលរួមជាមួយក្រុមហ៊ុន ក្នុងគោលបំណងផ្ទៀងផ្ទាត់ ឬទាមទារនូវអ្វីដែលជាការខាតបង់របស់អតិថិជន ដែលសរុបតួលេខពីថ្ងៃមុនមានប្រមាណពី ៨០០ ទៅ៩០០នាក់ ឬជិត១ពាន់នាក់។ លោក បានបន្តថា ការងារនេះលោកនឹងធ្វើទៅតាមនីតិវិធីច្បាប់នៅស្រុកសិន ដែលនាំយកពាក្យបណ្ដឹងទាំងនោះប្រគល់ជូនតុលាការក្នុងស្រុក បន្ទាប់ទៀត គឺរងចាំចំណាត់ការ និងនីតិវិធីរបស់តុលាការ។ ដោយឡែក ទាក់ទងនឹងការដាក់ ញត្តិរបស់វិនិយោគិនផ្សេងទៀតទៅកាន់ក្រសួងសេដ្ឋកិច្ចនិងហិរញ្ញវត្ថុ លោក បានបញ្ជាក់ថា លោកពុំទាន់ទទួលព័ត៌មាននេះទេពីខាងក្រុមហ៊ុន ដោយសារលោកទទួលកិច្ចការទាក់ទងការប្រឹក្សាជាមួយអតិថិជនដែលមានបំណងចូលរួមជាមួយក្រុមហ៊ុនក្នុងការដាក់ពាក្យបណ្តឹងប៉ុណ្ណោះ។លោក ធូ ពន្លឺ តំណាងឲ្យក្រុមវិនិយោគិនដែលបណ្តាក់ទុនវិនិយោគតាមរយៈក្រុមហ៊ុន GFX ចំនួនជាង៥០០នាក់ ស្មើនឹងទឹកប្រាក់វិនិយោគសរុបជាង ៧លានដុល្លារអាម៉េរិក បានប្រកាន់គោលជំហរថា នៅតែមិនចូលរួមប្តឹងជាមួយក្រុមហ៊ុនទេ ព្រោះថា ការវិនិយោគកន្លងមកគឺតាមរយៈនិងជាមួយក្រុមហ៊ុននៅក្នុងស្រុកប៉ុណ្ណោះ។ លោក បានឲ្យដឹងទៀតថា គិតចាប់ពីថ្ងៃតវ៉ាទាមទារប្រាក់ដើមត្រឡប់មកវិញនៅមុខក្រុមហ៊ុនកាលពីចុងខែឧសភាកន្លងទៅ និងការដាក់លិខិតទៅកាន់ក្រសួងសេដ្ឋកិច្ចនិងហិរញ្ញវត្ថុដើម្បីស្នើសុំអន្តរាគមន៍ មកដល់ពេលនេះពុំទាន់មានការកោះហៅឬដំណោះស្រាយណាមួយទេ ដោយស្ថិតក្នុងការរងចាំបន្តទៀត។ជុំវិញព័ត៌មានខាងលើនេះ ទូរទស្សន៍ព័ត៌មាន ប៊ីធីវី បានព្យាយាមទំនាក់ទំនងទៅកាន់ក្រសួងសេដ្ឋកិច្ចនិងហិរញ្ញវត្ថុ ក៏ដូចជានិយ័តករមូលបត្រកម្ពុជា ដើម្បីសុំការបញ្ជាក់ពីរឿងនេះ ប៉ុន្តែមិនមានការឆ្លើយតប។សូមបញ្ជាក់ថា ក្រុមហ៊ុន ហ្គោលអេហ្វអិកស៍ អ៊ិនវេសម៉ិន (GFX) ជាក្រុមហ៊ុនភ្នាក់ឈ្មួញជើងសារឧបករណ៍និស្សន្ទ ដែលទទួលអាជ្ញាប័ណ្ណស្របច្បាប់ពីគណៈកម្មាការមូលបត្រកម្ពុជា សំដៅទៅលើការជួញដូរលើកិច្ចសន្យាលើគម្លាតថ្លៃនៃឧបករណ៍ហិរញ្ញវត្ថុដើម ដែលចេញពីមូលបត្រសន្ទស្សន៍លោហៈធាតុមានតម្លៃរូបិយប័ណ្ណអន្តរជាតិ មាស និងប្រេងឆៅជាដើម៕អត្ថបទ ៖ ឈិត បូរ៉ាវី

កម្ពុជារកឃើញមនុស្ស៥៤២នាក់ទៀតឆ្លងមេរោគកូវីដ-១៩ ខណៈអ្នកជំងឺ១១០៩នាក់ទៀតបានជាសះស្បើយ

ភ្នំពេញ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៥៤២នាក់ឆ្លងមេរោគកូវីដ-១៩ បន្ថែមទៀត ខណៈមនុស្សចំនួន១១០៩នាក់ទៀតផ្សេងទៀត ត្រូវបានព្យាបាលជាសះស្បើយ ។ក្នុងសេចក្ដីប្រកាសព័ត៌មានរបស់ក្រសួងសុខាភិបាលនៅថ្ងៃនេះ បានបញ្ជាក់ថា ករណីឆ្លងថ្មីដល់ទៅ ចំនួន៥០៥នាក់ បន្ថែមទៀត សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ៣៧នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១៣នាក់បន្ថែមទៀត បានស្លាប់ ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់៣៤៨នាក់បន្ថែមទៀត ។បើតាមក្រសួងសុខាភិបាល អ្នកជំងឺកូវីដ-១៩សរុប ៣២ ៩៦៧នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៣៨ ៩៦៩នាក់ហើយ បានឆ្លងមេរោគកូវីដ-១៩នៅទូទាំងប្រទេស ចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

អគ្គនាយកដ្ឋានការពារអ្នកប្រើប្រាស់ខេត្តស្ទឹងត្រែង ចុះពិនិត្យទីតាំងផលិតស្រា-សចំនួន៤ទីតាំង

ស្ទឹងត្រែង ៖ មន្ត្រីអគ្គនាយកដ្ឋានការពារអ្នកប្រើប្រាស់ សហការជាមួយមន្ត្រីមន្ទីរពាណិជ្ជកម្ម ចុះពិនិត្យទីតាំង ផលិតស្រា-ស ចំនួន៤កន្លែង នៅក្នុងក្រុងខេត្តស្ទឹងត្រែង ក្នុងគោលបំណងពង្រឹងគុណភាពចំណីអាហារ ដើម្បីការពារសុខភាពដល់អ្នកបរិភោគ។ក្នុងឱកាសចុះពិនិត្យទីតាំងផលិតស្រា-ស នៅខេត្តស្ទឹងត្រែង កាលពីម្សិលមិញ លោក គឹម ប្រុស ប្រធានសាខា (ក.ប.ប) ប្រចាំខេត្តស្ទឹងត្រែង បានបញ្ជាក់ថា នីតិវិធីនេះ មន្ត្រីជំនាញក្រោយពីបាន ត្រួតពិនិត្យផ្នែកសង្វាក់ផលិតហើយ និងយកស្រា-សគ្រប់ទីតាំងទាំងអស់ទៅពិនិត្យនៅឡាបូធ្វើវិភាគពី គុណភាព នៅមន្ទីរពិសោធន៍ នៃអគ្គនាយកដ្ឋានក.ប.ប រួចហើយនឹងផ្តល់លទ្ធផលវិភាគនេះមកម្ចាស់ ផលិតវិញ។លោកប្រធាន បានបន្តថា រាល់ម្ចាស់សិប្បកម្មផលិតស្រា-ស ត្រូវមានភាពទទួលខុសត្រូវចំពោះ ផលិតផលរបស់ខ្លួន ក្នុងករណីរកឃើញមិនប្រក្រតី ជំហានដំបូង មន្ត្រីជំនាញ ឱ្យម្ចាស់ធ្វើកិច្ចសន្យា និងណែនាំឱ្យកែប្រែ បើមិនអនុវត្តតាម លើកក្រោយ នឹងត្រូវផាកពិន័យអន្តរការណ៍ និងព្រមានជាលាយ លក្ខណ៍អក្សរ ទៅតាមច្បាប់ ស្តីពីការគ្រប់គ្រងគុណភាព សុវត្ថិភាព ផលិតផល និងសេវា ឬក៏ឈានទៅបិទ ការធ្វើអាជីវកម្ម។ម្ចាស់អាជីវកម្មផលិតស្រា-ស ទាំងអស់ បានចូលរួមអនុវត្តតាមការណែនាំរបស់មន្ត្រីជំនាញ ដែល ការអនុវត្តបានបែបនេះ វាពិតជាបានរួមចំណែកការពារផ្នែកសេដ្ឋកិច្ចអ្នកប្រើប្រាស់ និងទប់ស្កាត់បានការ ក្លែងបន្លំផងដែរ។ ការពិនិត្យរបស់មន្ត្រីជំនាញ ជារនាំងមួយការពារទុកជាមុន ដោយសារកន្លងមក នៅតាម បណ្តាខេត្តមួយចំនួន ធ្លាប់កើតមានករណីពុលស្រា បណ្តាលឱ្យស្លាប់មនុស្សជាច្រើននាក់។ ជាលើកទីមួយ ដែលមន្ត្រីអគ្គនាយកដ្ឋានការពារអ្នកប្រើប្រាស់ បានចុះពិនិត្យសិប្បកម្ម អាជីវកម្ម ផលិតស្រា-ស នៅខេត្តស្ទឹងត្រែង ចំនួន៤កន្លែង ដើម្បីប្រយោជន៍ប្រជាពលរដ្ឋ៕អត្ថបទ៖ មាស ផល្លា

រកឃើញមនុស្ស៦៣៨នាក់ទៀតឆ្លងមេរោគកូវីដ-១៩ ខណៈអ្នកជំងឺ៦០៥នាក់ទៀតបានជាសះស្បើយ

ភ្នំពេញ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៦៣៨នាក់ឆ្លងមេរោគកូវីដ-១៩ បន្ថែមទៀត ខណៈមនុស្សចំនួន៦០៥នាក់ទៀតផ្សេងទៀត ត្រូវបានព្យាបាលជាសះស្បើយ ។ក្នុងសេចក្ដីប្រកាសព័ត៌មានរបស់ក្រសួងសុខាភិបាលនៅថ្ងៃនេះ បានបញ្ជាក់ថា ករណីឆ្លងថ្មីដល់ទៅ ចំនួន៥៩៤នាក់ បន្ថែមទៀត សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ៤៤នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស៩នាក់បន្ថែមទៀត បានស្លាប់ ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់៣២០នាក់បន្ថែមទៀត ។បើតាមក្រសួងសុខាភិបាល អ្នកជំងឺកូវីដ-១៩សរុប ៣១ ២២២នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយ ចំនួន៦៣៨នាក់ទៀត ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៣៧ ៩៥៩នាក់ហើយ បានឆ្លងមេរោគកូវីដ-១៩នៅទូទាំងប្រទេស ចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

កម្មករ២០០នាក់នៅរោងចក្រ Y&W ស្ថិតនៅក្នុងខណ្ឌដង្កោ រកឃើញវិជ្ជមានកូវីដ-១៩

ភ្នំពេញ ៖ កម្មករ កម្មការិនីចំនួន២០០បន្ថែមទៀត នៅក្នុងរោងចក្រកាត់ដេរ វ៉ាយ ដាប់&ប៊លយូ ហ្កាមេន (Y&W Garment) ដែលស្ថិតនៅភូមិព្រែកជ្រៃ សង្កាត់ស្ពានថ្ម ខណ្ឌដង្កោ រាជធានីភ្នំពេញ បានរកឃើញឆ្លងជំងឺកូវីដ-១៩ ក្នុងចំណោមអ្នកយកសំណាកសរុបចំនួន ៩៤០នាក់ កាលពីថ្ងៃម្សិលមិញ ដែលធ្វើឱ្យចំនួនកម្មករក្នុងរោងចក្រឆ្លងជំងឺកូវីដ-១៩ ឡើងដល់ប្រមាណ៣០០នាក់។អាជ្ញាធរខណ្ឌដង្កោ នៅព្រឹកថ្ងៃទី១១ ខែមិថុនា ឆ្នាំ២០២១ បានប្រាប់ទូរទស្សន៍ព័ត៌មាន ប៊ីធីវីថា ការយកសំណាក់កម្មកររោងចក្រ Y&W ស្ថិតក្នុងខណ្ឌដង្កោ ដោយក្រុមគ្រូពេទ្យជំនាញ សហការជាមួយអាជ្ញាធរខណ្ឌ ចាប់ពីថ្ងៃទី៩ និងទី១០ មិថុនា ក្នុងនោះ មានកម្មករផ្តល់សំណាក់សរុប ប្រមាណ២ពាន់នាក់។ ក្នុងចំណោមអ្នកផ្តល់សំណាក់ មានកម្មករជាង៣០០នាក់ បានធ្វើតេស្ត រកឃើញមានផ្ទុកជំងឺកូវីដ-១៩។លោក ឆែម សំអឿន អ្នកសម្របសម្រួលនៃក្រុមគ្រូពេទ្យធីតា បានបញ្ជាក់ថា ការយកសំណាករបស់កម្មកររោងចក្រនេះ គឺធ្វើទៅលើអ្នកពាក់ព័ន្ធផ្ទាល់និងប្រយោល លោក ឲ្យដឹងទៀតថា ការងារនេះដែរ ទោះបីជាត្រូវបានបញ្ចប់ត្រឹមថ្ងៃទី១០ ខែមិថុនានេះយ៉ាងណាក្តីទៅលើកម្មកររោងចក្រ ប៉ុន្តែក្រុមគ្រូពេទ្យនឹងទាក់ទងជាមួយអនុគណៈកម្មការ ដែលសហការជាមួយក្រសួងសុខាភិបាល និងអាជ្ញាធរមូលដ្ឋាន ដើម្បីបន្តរុករកបន្ថែមទៀតចំពោះអ្នកដែលពាក់ព័ន្ធនិងរកឃើញវិជ្ជមានថ្ងៃនេះបន្តបន្ទាប់ទៀត ដើម្បីទប់ស្កាត់ការឆ្លងរាលដាលជំងឺកូវីដ-១៩នេះ។បច្ចុប្បន្ននេះ រោងចក្រកាត់ដេរ Y&W ត្រូវបានផ្អាកជាបណ្តោះអាសន្ន ដោយត្រូវរងចាំការត្រួតពិនិត្យ និងវាយតម្លៃឡើងវិញរបស់អាជ្ញាធរមូលដ្ឋាន និងក្រសួងការងារ និងបណ្តុះបណ្តាលវិជ្ជាជីវៈ នៅក្នុងរោងចក្រ មុននឹងសម្រេចអនុញ្ញាតឲ្យដំណើរការធម្មតាវិញបាន៕អត្ថបទ ៖ ឈិតបូរ៉ាវី

បណ្ដាញសង្គម

ព័ត៌មានថ្មីៗ

សម្តេចតេជោ ហ៊ុន សែន ចែករំលែកអត្ថបទវិភាគរបស់អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ«បញ្ហាបញ្ច្រាសមកវិញ សង្គ្រាមក៏បានធ្វើឱ្យរបបដឹកនាំកម្ពុជា កាន់តែរឹងមាំឡើងផងដែរ»

ប្រធានាធិបតីអ៊ីរ៉ង់៖ អតីតមេដឹកនាំកំពូលបានជំរុញឱ្យបញ្ចប់ស្ថានភាព «គ្មានសង្គ្រាម គ្មានសន្តិភាព» ជាមួយអាមេរិក

WHO៖ ការផ្ទុះឡើងនៃជំងឺ Ebola នៅកុងហ្គោ លើស ២.៤០០ករណី និងមានអ្នកស្លាប់ជិត ១.០០០នាក់

អគារសិក្សាថ្មី១ខ្នង នៅសាលាបឋមសិក្សាចំបក់ខាងត្បូង បានរួមចំណែកក្នុងវិស័យអប់រំ និងគាំទ្រដល់ការសិក្សា

ប្រភព៖ ប្រមុខកងទ័ពប៉ាគីស្ថានជួបជាមួយរដ្ឋមន្ត្រីក្រសួងមហាផ្ទៃអ៊ីរ៉ង់

ក្រសួងបរិស្ថានដាំស្តារព្រៃឈើឡើងវិញ នៅលើទីតាំងដែលបានដកហូតក្នុងតំបន់ការពារធម្មជាតិក្នុងខេត្តព្រះវិហារ

កូវ៉ែតរាយការណ៍ពីការវាយប្រហាររបស់អ៊ីរ៉ង់ លើរោងចក្រអគ្គិសនី និងរោងចក្របន្សុតទឹកសមុទ្រ ជាថ្ងៃទី៤ ជាប់ៗគ្នា

ទីក្រុងនៅភាគកណ្តាលជប៉ុន ឡើងដល់ ៤០អង្សាសេ ជាការសម្គាល់ផ្លូវការនៃថ្ងៃក្ដៅខ្លាំងលើកដំបូង

ក្រសួងការបរទេសកម្ពុជាជម្រាបជូនអ្នករាយការណ៍ពិសេសអំពីស្ថានភាពនៅតាមបណ្តោយព្រំដែនកម្ពុជា-ថៃ

វិមានក្រឹមឡាំង មិនឃើញក្ដីសង្ឃឹម ក្នុងការកែលម្អទំនាក់ទំនងអង់គ្លេស-រុស្ស៊ី ក្រោមការដឹកនាំរបស់លោក Burnham

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

លោកជំទាវ ភឿង សកុណា៖ មរណភាពទេវនាដនិម្មិត ឯម ធាយ គឺជាការ«បាត់បង់ដ៏ធំធេងមួយក្នុងវិស័យវប្បធម៌»

ស្ត្រីចំណាស់ម្នាក់ កំពុងដើរតាមផ្លូវត្រូវបានរថយន្តបុកស្លាប់ភ្លាមៗ នៅកន្លែងកើតហេតុ

នៅថ្ងៃនេះអ្នកជំងឺកូវីដ-១៩ ចំនួន៥៧នាក់ត្រូវបានរកឃើញនៅក្នុងខេត្តតាកែវ

ចូលខែមិថុនានេះ ចំនួនអ្នកធ្វើចត្តាឡីស័កនៅខេត្តបាត់ដំបង កើនឡើង

ផ្តល់រថយន្តពន្លត់អគ្គីភ័យទំនើប២គ្រឿងដល់ស្នងការរាជធានីភ្នំពេញ និងនាយកដ្ឋានពន្លត់អគ្គីភ័យ

កម្ពុជារកឃើញមនុស្ស៥៤២នាក់ទៀតឆ្លងមេរោគកូវីដ-១៩ ខណៈអ្នកជំងឺ១១០៩នាក់ទៀតបានជាសះស្បើយ

អគ្គនាយកដ្ឋានការពារអ្នកប្រើប្រាស់ខេត្តស្ទឹងត្រែង ចុះពិនិត្យទីតាំងផលិតស្រា-សចំនួន៤ទីតាំង

រកឃើញមនុស្ស៦៣៨នាក់ទៀតឆ្លងមេរោគកូវីដ-១៩ ខណៈអ្នកជំងឺ៦០៥នាក់ទៀតបានជាសះស្បើយ

កម្មករ២០០នាក់នៅរោងចក្រ Y&W ស្ថិតនៅក្នុងខណ្ឌដង្កោ រកឃើញវិជ្ជមានកូវីដ-១៩

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

លោក​ជំទាវ ភឿង សកុណា៖ មរណភាព​ទេវនាដ​និម្មិត ឯម ធាយ គឺ​ជាការ​«បាត់​បង់​ដ៏​ធំធេង​មួយ​ក្នុង​វិស័យ​វប្បធម៌»

ស្ត្រី​ចំណាស់​ម្នាក់​ កំពុង​ដើរ​តាម​ផ្លូវ​ត្រូវ​បាន​រថយន្ត​បុក​ស្លាប់​​​ភ្លាមៗ ​នៅ​កន្លែង​កើតហេតុ​

នៅថ្ងៃនេះ​អ្នកជំងឺ​កូ​វីដ​-១៩ ​ចំនួន​៥៧​នាក់​ត្រូវ​បាន​រក​ឃើញ​នៅក្នុង​ខេត្តតាកែវ​

ចូល​ខែមិថុនា​នេះ ចំនួន​អ្នកធ្វើ​ច​ត្តា​ឡី​ស័កនៅ​ខេត្តបាត់ដំបង ​កើនឡើង​

ផ្តល់​រថយន្ត​ពន្លត់​អគ្គីភ័យ​ទំនើប​២​គ្រឿង​ដល់​ស្នងការ​រាជធានី​ភ្នំពេញ និង​នាយកដ្ឋាន​ពន្លត់​អគ្គីភ័យ

កម្ពុជារក​ឃើញ​មនុស្ស៥៤២នាក់​ទៀត​ឆ្លង​មេរោគ​កូវីដ-១៩ ខណៈ​អ្នក​ជំងឺ​១១០៩នាក់​ទៀត​បាន​ជា​សះ​ស្បើយ

អគ្គនាយកដ្ឋាន​ការពារ​អ្នកប្រើប្រាស់​ខេត្តស្ទឹងត្រែង ​ចុះ​ពិនិត្យ​ទីតាំង​ផលិត​ស្រា​-​ស​ចំនួន៤ទីតាំង​

រក​ឃើញ​មនុស្ស៦៣៨នាក់​ទៀត​ឆ្លង​មេរោគ​កូវីដ-១៩ ខណៈ​អ្នក​ជំងឺ​៦០៥នាក់​ទៀត​បាន​ជា​សះ​ស្បើយ

កម្មករ​២០០​នាក់​នៅ​រោងចក្រ Y&W ស្ថិតនៅក្នុង​ខណ្ឌដង្កោ រកឃើញ​វិជ្ជមាន​កូ​វីដ​-១៩

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោកជំទាវ ភឿង សកុណា៖ មរណភាពទេវនាដនិម្មិត ឯម ធាយ គឺជាការ«បាត់បង់ដ៏ធំធេងមួយក្នុងវិស័យវប្បធម៌»

ស្ត្រីចំណាស់ម្នាក់ កំពុងដើរតាមផ្លូវត្រូវបានរថយន្តបុកស្លាប់ភ្លាមៗ នៅកន្លែងកើតហេតុ

នៅថ្ងៃនេះអ្នកជំងឺកូវីដ-១៩ ចំនួន៥៧នាក់ត្រូវបានរកឃើញនៅក្នុងខេត្តតាកែវ

ចូលខែមិថុនានេះ ចំនួនអ្នកធ្វើចត្តាឡីស័កនៅខេត្តបាត់ដំបង កើនឡើង

ផ្តល់រថយន្តពន្លត់អគ្គីភ័យទំនើប២គ្រឿងដល់ស្នងការរាជធានីភ្នំពេញ និងនាយកដ្ឋានពន្លត់អគ្គីភ័យ

កម្ពុជារកឃើញមនុស្ស៥៤២នាក់ទៀតឆ្លងមេរោគកូវីដ-១៩ ខណៈអ្នកជំងឺ១១០៩នាក់ទៀតបានជាសះស្បើយ

អគ្គនាយកដ្ឋានការពារអ្នកប្រើប្រាស់ខេត្តស្ទឹងត្រែង ចុះពិនិត្យទីតាំងផលិតស្រា-សចំនួន៤ទីតាំង

រកឃើញមនុស្ស៦៣៨នាក់ទៀតឆ្លងមេរោគកូវីដ-១៩ ខណៈអ្នកជំងឺ៦០៥នាក់ទៀតបានជាសះស្បើយ

កម្មករ២០០នាក់នៅរោងចក្រ Y&W ស្ថិតនៅក្នុងខណ្ឌដង្កោ រកឃើញវិជ្ជមានកូវីដ-១៩