BTV NEWS

រដ្ឋមន្ត្រីវប្បធម៌ អញ្ជើញបើកសិក្ខាសាលាស្តីពី«អនាគតគោលនយោបាយឧស្សាហកម្មវប្បធម៌ និងច្នៃប្រតិដ្ឋកម្ពុជា»

កម្ពុជា ចិន និងជប៉ុន ពង្រឹងទំនាក់ទំនងអភិវឌ្ឍលើវិស័យភាពយន្ត និងអភិរក្សហ្វីលឯកសារភាពយន្តកម្ពុជា

បទពិសោធ និងអនុសាសន៍របស់កម្ពុជាលើកឡើងក្នុងសន្និសីទពិភពលោកលើប្រធានបទ "បរិវត្តកម្មទេសចរណ៍ និងនិរន្តភាព ត្រូវបានទទួលការសាទរ និងគាំទ្រយកជាគំរូ

ក្រសួងទេសចរណ៍ គ្រោងបើកដំណើរការសាលាវិជ្ជាជីវៈទេសចរណ៍VST របស់ខ្លួននៅចុងខែមិថុនានេះ

វប្បធម៌ និងទេសចរណ៍

ស្ថាប័ន២ រៀបចំការប្រកួតស្នាដៃសិល្បៈ ដើម្បីចូលរួមការយល់ដឹងអំពីបេតិកភណ្ឌវប្បធម៌អរូបីទាំង៥

ភ្នំពេញ៖ សាកលវិទ្យាល័យភូមិន្ទវិចិត្រសិល្បៈ នៃក្រសួងវប្បធម៌ និងវិចិត្រសិល្បៈ សហការជាមួយ អង្គការ យូណេស្កូ(UNESCO) បានរៀបចំការប្រកួតប្រជែងស្នាដៃសិល្បៈ ដើម្បីចូលរួមការយល់ដឹងអំពី បេតិកភណ្ឌវប្បធម៌អរូបីទាំង៥ ដែលបានចុះក្នុងបញ្ជីបេតិកភណ្ឌវប្បធម៌អរូបី នៃមនុស្សជាតិរបស់អង្គការយូណេស្កូ។ឯកឧត្តម បណ្ឌិត ហេង សុផាឌី សាកលវិទ្យាធិការ នៃសាកលវិទ្យាល័យភូមិន្ទវិចិត្រសិល្បៈ ប្រាប់BTV ព័ត៌មាននាព្រឹកនេះថា ការប្រកួតប្រជែងស្នាដៃសិល្បៈ ដើម្បីលើកទឹកចិត្តឲ្យពលរដ្ឋកម្ពុជា បង្ហាញទេពកោសល្យ និងការបកស្រាយអំពីបេតិកភណ្ឌវប្បធម៌អរូបីកម្ពុជា ហើយក៏ដើម្បីរំលឹកអំពីអនុស្សាវរីយ៍ឲ្យប្រជាជនទូទៅ បានយល់កាន់តែច្បាស់នូវបេតិកភណ្ឌអរូបីរបស់កម្ពុជា ជាពិសេសចង់ឲ្យមានការចូលរួមបានកាន់តែច្រើនពីការលើកតម្លៃមរតកវប្បធម៌ជាតិទាំងអស់នេះ ជាពិសេសដល់ស្រទាប់យុវជន ដែលជាអ្នកបន្តវេនក្នុងកិច្ចការទាំងអស់នេះ។ ព្រោះថាការការពារ ការថែរក្សាបេតិកភណ្ឌវប្បធម៌ គឺជាតួនាទីរបស់យើងទាំងអស់គ្នា ក្នុងការថែរក្សា អភិរក្សសម្បតិ្តបេតិកភណ្ឌវប្បធម៌អរូបី ឲ្យរស់រានមានជីវិតបន្តទៀត ដើម្បីជាការលើកមុខមាត់របស់ប្រទេសជាតិ ដើម្បីជាការលើកស្ទួយអត្តសញ្ញាណជាតិទំនៀមទម្លាប់ប្រពៃណី ជីវភាពរស់នៅរបស់ប្រជាជន ដូចនេះទើបយើងរៀបចំកម្មវិធីនេះឡើង។ឯកឧត្តម បណ្ឌិត ហេង សុផាឌី បានបន្ថែមទៀតថា ពាក់ព័ន្ធនឹងការប្រកួតស្នាដៃសិល្បៈ ក៏ដើម្បីគៀងគរនិសិ្សតនៅគ្រប់គ្រឹះស្ថានឧត្តមសិក្សាទាំងរដ្ឋ និងឯកជន មានឱកាសបង្ហាញនូវទេពកោសល្យ និងស្នាដៃ ក្នុងការចូលរួមទៅដល់ការលើកស្ទួយសិល្បៈវប្បធម៌ជាតិ ជាពិសេសបេតិកភណ្ឌវប្បធម៌អរូបី ដែលយើងបានចុះក្នុងបញ្ជីបេតិកភណ្ឌវប្បធម៌អរូបី នៃមនុស្សជាតិរបស់អង្គការយូណេស្កូនេះជាកិច្ចការដ៏សំខាន់។ជាចុងក្រោយឯកឧត្តម បណ្ឌិត សាកលវិទ្យាធិការ បានបញ្ជាក់ថា ទៅថ្ងៃអនាគត នឹងរៀបចំការប្រកួតប្រជែងស្នាដៃសិល្បៈផ្តោតសំខាន់ទៅលើបេតិភណ្ឌវប្បធម៌រូបី ដែលយើងបានដាក់បញ្ចូលទៅក្នុងបញ្ជីបេតិកភណ្ឌវប្បធម៌ពិភពលោករបស់អង្គការយូណេស្កូ មានដូចជាប្រាសាទអង្គរវត្ត ប្រាសាទព្រះវិហារ និងប្រាសាទសំបូរព្រៃគុក នឹងរៀបចំបន្តទៀត នេះជាការចូលរួមចំណែកមួយរបស់សាកលវិទ្យាល័យភូមិន្ទវិចិត្រសិល្បៈ ក្នុងការបណ្តុះបណ្តាលធនធានមនុស្សនៅលើវិស័យសិល្បៈវប្បធម៌។សូមបញ្ជាក់ផងដែរថា កាលបរិច្ឆេទ ចុះឈ្មោះចូលរួមប្រកួតប្រជែងតាមរយៈGroup Telegram មហាវិទ្យាល័យសិល្បៈសូនរូប ចាប់ពីថ្ងៃទី១ ខែធ្នូ ឆ្នាំ២០២១ តទៅ, ស្នាដៃត្រូវប្រគល់មកមហាវិទ្យាល័យនៅថ្ងៃទី៧ ខែមីនា ឆ្នាំ២០២២ និងប្រកាសជ័យលាភី នៅថ្ងៃទី១៥ ខែមីនា ឆ្នាំ២០២២៕ អត្ថបទ៖ ហួត រដ្ឋា

បដិមាដែលរងការពុកផុយនៅប្រាសាទអង្គរវត្តត្រូវអ្នកជំនាញរៀបចំជួសជុលសង្គ្រោះឡើងវិញ

សៀមរាប៖ ព្រះពុទ្ធបដិមា ៣អង្គទៀតស្ថិតនៅរួតបាកាណកំពូលប្រាសាទអង្គរវត្ត ដែលបានបែកបាក់ទម្រង់ដូចជាប្រេះស្រាំ និងពុកផុយដោយសារអាកាសធាតុ ត្រូវបានអ្នកជំនាញនៃអាជ្ញាធរជាតិអប្សរាសហការជាមួយវិស័យឯកជន ចាប់ផ្ដើមក្រុងពលីបួងសួងសុំសេចក្ដីសុខដើម្បីជួសជុលឡើងវិញហើយកាលពីថ្ងៃទី១៩ ខែវិច្ឆិកា ឆ្នាំ២០២១នេះ។ឯកឧត្ដម យិត ចាន់ដារដ្ឋ អគ្គនាយករងនៃអាជ្ញាធរជាតិអប្សរាមានប្រសាសន៍ថា ព្រះពុទ្ធបដិមាទាំង ៣អង្គនោះរួមមាននៅទិសខាងកើត១អង្គ ខាងជើង ១អង្គ និងខាងលិច ១អង្គ ដែលរងការខូចខាតដោយសារតែអាយុកាល អាកាសធាតុ និងទីកន្លែងខ្លះមានជ្រាបទឹកនៅលើពិដានទឹកហូរច្រោះ ព្រមទាំងលាមក និងទឹកនោមប្រចៀវដែលមានជាតិអាស៊ីតផងនោះ ធ្វើឱ្យពុទ្ធបដិមា និងសំណង់សិល្បៈការផ្សេងៗនៅរួតបាកាណនេះងាយរងនូវភាពពុកផុយកាន់តែខ្លាំង ដោយកត្តាទាំងនេះទើបអ្នកជំនាញអភិរក្សចម្លាក់នៃអាជ្ញាធរជាតិអប្សរា បានលើកគម្រោងស្នើសុំការជួសជុលពុទ្ធបដិមាទាំង ៣អង្គនោះឡើងវិញ ក្រៅពីនេះ ស៊ុមទ្វារ បង្អួចមួយចំនួន និងរនាំងការពារក្នុងបរិវេណនៃរួតបាកាណអង្គរវត្តនេះក៏ត្រូវជួសជុលផងដែរ។ គម្រោងនេះមានការសហការគាំទ្រគំនិតផ្ដួចផ្ដើម និងឧបត្ថម្ភថវិកាពីលោកជំទាវឧកញ៉ាបណ្ឌិត សៀង ចាន់ហេង អគ្គនាយិកាក្រុមហ៊ុនហេងអភិវឌ្ឍ។ គម្រោងនេះនឹងចាប់ផ្តើមអនុវត្តនៅពាក់កណ្តាលខែធ្នូ ឆ្នាំ២០២១ខាងមុខ ដោយប្រើរយ:ពេល ៥ខែ និងជួសជុលដោយអ្នកជំនាញរបស់អាជ្ញាធរជាតិអប្សរា ដែលបានឆ្លងកាត់ការបណ្តុះបណ្តាលពីប្រទេសអ៊ីតាលី។ឯកឧត្ដមបន្ដថា ដើម្បីសង្គ្រោះបដិមាទាំងនេះឱ្យល្អប្រសើរឡើងវិញ ក្រុមអ្នកអភិរក្សត្រូវតាមដានអង្កេតមើលពីស្ថានភាពខូចខាតជាប្រ ចាំ ហើយសិក្សាស្រាវជ្រាវចងក្រង និងជួសជុលឱ្យបានទាន់ពេលវេលា ដើម្បីបង្ការកុំឱ្យមានបញ្ហាធ្ងន់ធ្ងរដល់បដិមាទាំងមូល។ អ្នកជំនាញរូបនេះអះអាថា ដើម្បីការពារសុវត្ថិភាព និងរក្សាប្រាសាទឱ្យបានឋិតស្ថេរគង់វង្សយូរអង្វែង ដែលជាទីសក្ការៈរបស់ប្រជាពលរដ្ឋខ្មែរគោរពបូជាផងនោះ ក្រុមការងារបច្ចេកទេសអំពីសមត្ថភាពផ្ទុកនៃរួតបាកាណរបស់អាជ្ញាធរជាតិអប្សរា បានអនុញ្ញាតឱ្យភ្ញៀវជាតិ និងអន្តរជាតិឡើងមកទីនេះក្នុងមួយពេលចំនួន ៣០០នាក់។ ជាមួយគ្នានោះ អាជ្ញាធរអប្សរាបិទការចេញចូលទស្សនានៅទីនោះរៀងរាល់ថ្ងៃឧបោសថសីល ប៉ុន្តែអនុញ្ញាតឱ្យប្រជាពលរដ្ឋទៅថ្វាយបង្គំបន់ស្រន់ ឬលាបំណន់ផ្សេងៗ។ សូមរម្លឹកថា កាលពីខែវិច្ឆិកា ឆ្នាំ២០២០កន្លងមក អ្នកជំនាញអភិរក្សចម្លាក់នៃអាជ្ញាធរជាតិអប្សរា ក៍បានជួសជុលរួចរាល់ជាស្ថាពរនូវព្រះពុទ្ធបដិមា ១អង្គនៅទិសខាងត្បូងនៃរួតបាកាណស្ថិតនៅកំពូលប្រាសាទអង្គរវត្តផងដែរ៕អត្ថបទ៖ ឈិត សាវី

ខេត្តព្រះសីហនុមានទេសចរទៅកម្សាន្តកើនឡើងជាង ១០០ភាគរយ

ព្រះសីហនុ៖ លោក តាំង សុចិត្រគ្រឹស្នា ប្រធានមន្ទីរទេសចរណ៍ខេត្តព្រះសីហនុបានឱ្យដឹងថា ស្ថានភាពភ្ញៀវទេសចរដែលមកកម្សាន្តនៅខេត្តព្រះសីហនុក្នុងព្រះរាជពិធីបុណ្យអុំទូក បណ្ដែតប្រទីប អកអំបុក និងសំពះព្រះខែនៅថ្ងៃទី២ ត្រូវនឹងថ្ងៃទី១៩ ខែវិច្ឆិកា ឆ្នាំ២០២១ ធៀបនឹងឆ្នាំ២០២០ មានភ្ញៀវសរុបចំនួន ៤៤.២៤២ កើនឡើងជាង ១២៤% ក្នុងនោះភ្ញៀវជាតិ ៤១.៨០៦នាក់កើនឡើង ១២៤% និងភ្ញៀវបរទេស ២.៤៣៦នាក់កើនឡើងជាង ១៣៥% ដោយឡែកភ្ញៀវចូលតាមព្រលានយន្តហោះអន្តរជាតិក្រុងព្រះសីហនុមានតែ ០១ជើងមានចំនួន ១៧នាក់ជាភ្ញៀវបរទេស តួលេខនេះថយចុះជាងមុន ៩២%។ព្រះសីហនុគឺជាខេត្តមួយដែលមានសក្ដានុពលទេសចរណ៍ធម្មជាតិច្រើនដូចជា ឆ្នេរសមុទ្រប្រវែងជាង ១៧៥គីឡូម៉ែត្រដ៏ស្រស់ស្អាតជាងគេលើពិភពលោក កោះ៣២ មានឆ្នេរខ្សាច់ស្អាតល្អសក្បុស ទឹកសមុទ្រពណ៌ខៀវ មានផ្កាថ្ម និងរមណីយដ្ឋានធម្មជាតិជាច្រើនទៀត។ នៅតាមបណ្ដាកោះ ភ្ញៀវទេសចរអាចមុជទឹកមើលផ្កាថ្ម ស្ទូចត្រី ជិះទូកលម្ហែកម្សាន្តនៅជុំវិញកោះជាដើម៕ដោយ៖ គង់ ប៊ុនថា

អំឡុងអុំទូកមានទេសចរទៅកម្សាន្តនៅមណ្ឌលគិរីកើនខ្ពស់ជាងឆ្នាំមុន

មណ្ឌលគិរី៖ គិតរហូតមកដល់ថ្ងៃទី២០ វិច្ឆិកាដែលត្រូវនឹងថ្ងៃទី៣ នៃព្រះរាជពិធីបុណ្យអុំទូក បណ្ដែតប្រទីប សំពះព្រះខែ និងអកអំបុក ខេត្តមណ្ឌលគិរីនៅតែមានអ្នកទេសចរជាតិច្រើនកុះករ កំពុងដើរកម្សាន្តលំហែរកាយនៅតាមតំបន់ទេសចរនានា ហើយកាលពីថ្ងៃទី១៨ និងថ្ងៃទី១៩ ជាថ្ងៃទី១ និងទី២ នៃព្រះរាជពិធីបុណ្យអុំទូកមានអ្នកទេសចរ ១ម៉ឺននាក់ក្នុង ១ថ្ងៃបានដើរលេងកម្សាន្ត។អ្នកទេសចរបានមកលេងខេត្តមណ្ឌលគិរីក៏បានបង្ហាញអារម្មណ៍សប្បាយរីករាយ ព្រោះតែបានឃើញពីទិដ្ឋភាពព្រៃភ្នំខ្យល់ឱកាសដ៏ល្អបរិសុទ្ធរបស់ខេត្តមួយនេះ ហើយទន្ទឹមនេះដែរពួកគាត់ក៏សង្កេតឃើញដំណើរកម្សាន្តរបស់ភ្ញៀវទូទៅ មានភាពល្អប្រសើរលើវិធានការពារជំងឺកូវីដ-១៩។ អ្នកទេសចរក៏បានថ្លែងអំណរគុណដល់សម្ដេចតេជោ ហ៊ុន សែន ដែលបានបើកដំណើរការប្រទេស និងសេដ្ឋកិច្ចឡើងវិញ ដែលអំណោយផលដល់បងប្អូនប្រជាពលរដ្ឋបានដើរលេងកម្សាន្តសប្បាយ។ប្រធានមន្ទីរទេសចរណ៍ខេត្តមណ្ឌលគិរីលោក ងិន សុវិមាន បានឲ្យដឹងថា គិតត្រឹមរយៈពេល ២ថ្ងៃកន្លងទៅនៃព្រះរាជពិធីបុណ្យអុំទូក បណ្ដែតប្រទីប សំពះព្រះខែនិងអកអំបុក ខេត្តមណ្ឌលគិរីទទួលបានភ្ញៀវទេសចរប្រមាណ ២ម៉ឺនពោលគឺក្នុង ១ថ្ងៃ ១ម៉ឺននាក់ ដោយនៅថ្ងៃទី១ មានកើនឡើងប្រហែល ៥០% នៅថ្ងៃទី២ កើនឡើង ១១% បើធៀបនឹងពិធីបុណ្យអុំទូកឆ្នាំមុន។ លោកបន្តថា នៅថ្ងៃទី៣ នេះក៏សម្គាល់ឃើញថា មានអ្នកទេសចរជាច្រើនបានដើរលេងកម្សាន្តតាមរមណីយដ្ឋាន និងតំបន់ទេសចរណ៍នានា និងពុំមានភាពមិនប្រក្រតីណាមួយកើតឡើងនោះទេ មានន័យថា អ្នកទេសចរទាំងអស់បានដើរលេងសប្បាយរីករាយ ជាមួយសន្តិសុខយ៉ាងល្អប្រសើរ៕អត្ថបទ៖ អ៊ិត ភីរុណ

រយៈពេល ២ថ្ងៃមានទេសចរទៅលេងកម្សាន្តនៅបាត់ដំបងជិត ២ម៉ឺននាក់

បាត់ដំបង៖ រយៈពេល ២ថ្ងៃក្នុងឱកាសឈប់សម្រាកនៃព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក មានភ្ញៀវទេសចរចំនួន ១៨,១៤៤នាក់បានចេញដើរកម្សាន្តតាមរមណីយដ្ឋាននានានៅទូទាំងខេត្តបាត់ដំបង។ របាយការណ៍របស់មន្ទីរទេសចរណ៍ខេត្តបាត់ដំបងបានឱ្យដឹងថា ចំនួនភ្ញៀវទេសចរដែលមកកម្សាន្តនាថ្ងៃទី១៨ ខែវិច្ឆិកា ឆ្នាំ២០២១ មានសុទ្ធសឹងជាភ្ញៀវជាតិសរុបចំនួន ៦,៩៧៩នាក់។ ចំណែកថ្ងៃទី១៩ វិច្ឆិកាវិញមានចំនួនសរុប ១១,១៨៩នាក់ ដោយក្នុងនោះមានភ្ញៀវទេសចរអន្តរជាតិផ្ទៃក្នុងចំនួន ២៤នាក់ និងភ្ញៀវទេសចរជាតិចំនួន ១១,១៦៥នាក់។រមណីយដ្ឋានទេសចរណ៍ និងគោលដៅទេសចរណ៍ដែលភ្ញៀវពេញនិយមទៅលេងកម្សាន្តរួមមាន៖ រមណីយដ្ឋានប្រាសាទបាណន់, ភ្នំសំពៅ, ប្រាសាទឯកភ្នំ, អាងកំពីងពួយ, ចំការស្វាយ, ស្ទឹងថ្មដាចំការទុរេន, ទឹកធ្លាក់ ៥៣ ភ្នំព្រឹក, នគរជុំ ភ្នំព្រឹក, ភ្នំកំពូល, ចំការធុរេនអូរតង, វាលចម្បាំង ខេមសាយ, សហគមន៍អេកូទេសចរណ៍ទឹកធ្លាក់អូរជាំ, សហគមន៍អេកូទេសចរណ៍ព្រែកទាល់, ស្ទឹងក្រញូង, គោលដៅទេសចរណ៍ស្ទឹងថ្វាក, ចំការមៀន, វត្តភ្នំចំបាំង, មណ្ឌលកម្សាន្តសួនទឹកសុភមង្គល, ផ្ទះផ្កា Begonia, សួនផ្កាច្បារមាត់ស្ទឹង, សួនផ្កាភ្នំសំពៅ, សួនផ្កាឈើទាល និងជាពិសេសគឺមណ្ឌលកម្សាន្តឡូរីជើងភ្នំបាណន់។ ជាការកត់សម្គាល់ ម្ចាស់រមណីយដ្ឋានទេសចរណ៍បានចូលរួមអនុវត្តយ៉ាងយកចិត្តទុកដាក់តាមវិធានសុវត្ថិភាពទេសចរណ៍ និងនីតិវិធីប្រតិបត្តិស្ដង់ដារជាអប្បបរមា (SOP) តាមគន្លងប្រក្រតីភាពថ្មីដោយបានចូលរួមអនុវត្តតាមការណែនាំរបស់រាជរដ្ឋាភិបាល និងក្រសួងសុខាភិបាល ដោយតម្រូវឱ្យបុគ្គលិកពាក់ម៉ាស់ ចាំវាស់កម្តៅភ្ញៀវ បាញ់អាល់កុលជូនភ្ញៀវ តម្រូវឱ្យភ្ញៀវស្កេន QR Code មុននឹងចូល និងការរក្សាគម្លាតសង្គមជាដើម។ម្យ៉ាងវិញទៀត ប្រជាពលរដ្ឋ និងភ្ញៀវទេសចរមានការយល់ដឹងច្រើន និងចូលរួមអនុវត្តការពារខ្លួនពីជំងឺកូវីដ-១៩ និងមានការចូលរួមរក្សាសណ្ដាប់ធ្នាប់ សុខសុវត្ថិភាពជូនភ្ញៀវពីសំណាក់កងកម្លាំងទាំង ៣ប្រភេទផងដែរ។ ចំពោះបញ្ហាប្រឈមវិញមានដូចជា ភ្ញៀវទេសចរតាមគោលដៅខ្លះមានចំនួនច្រើន នាំឱ្យការអនុវត្តវិធានសុវត្ថិភាពមិនបានគ្រប់ជ្រុងជ្រោយ និងមានភ្លៀងធ្លាក់នៅតាមរមណីយដ្ឋានទេសចរណ៍ និងគោលដៅទេសចរណ៍មួយចំនួន។ ជាពិសេសក្រោយពីមានការបើកដំណើរការប្រទេសពេញលេញឡើងវិញ ប្រជាពលរដ្ឋមានការធ្វើដំណើរទៅតាមបណ្ដាខេត្តផ្សេងៗច្រើន៕អត្ថបទ៖ នឿត សុភ័ក្ត្រ

រយៈពេល ២ថ្ងៃពិធីបុណ្យអុំទូកមានភ្ញៀវទេសចរចេញដើរកម្សាន្តជាង ៤៦ម៉ឺននាក់

ភ្នំពេញ៖ តាមតួលេខពីក្រសួងទេសចរណ៍បានអោយដឹងថា ក្នុងរយៈពេល ២ថ្ងៃនៃថ្ងៃឈប់សម្រាកព្រះរាជពិធីបុណ្យអុំទូក បណ្ដែតប្រទីប អកអំបុក និងសំពះព្រះខែឆ្នាំ២០២១នេះ ទូទាំងប្រទេសមានភ្ញៀវទេសចរជាតិ-អន្តរជាតិបានចេញដើរកម្សាន្តកើនដល់ជាង ៤៦ម៉ឺននាក់។ ឯកឧត្ដម ជុក ជំនោរ អ្នកនាំពាក្យក្រសួងទេសចរណ៍បានអោយដឹងនៅថ្ងៃទី២០ ខែវិច្ឆិកានេះថា នៅថ្ងៃទី២ នៃថ្ងៃឈប់សម្រាកបុណ្យអុំទូកម្សិលមិញនេះ ភ្ញៀវទេសចរក្នុងស្រុកចេញដើរកម្សាន្តបានកើនឡើង ៣៣ម៉ឺននាក់កើនឡើងជាង ១៥២.១៥% បើប្រៀបធៀបនឹងថ្ងៃទី១ ហើយតាមរយៈតួលេខនេះបានធ្វើអោយចំនួនភ្ញៀវទេសចរសរុបចេញដើរកម្សាន្តក្នុងរយៈពេល ២ថ្ងៃបានកើនរហូតដល់ ៤៦ម៉ឺននាក់។ឯកឧត្ដម ជុក ជំនោរ បញ្ជាក់ថា គោលដៅទេសចរណ៍សំខាន់ៗតាមរាជធានីខេត្ត ដែលមានភ្ញៀវទេសចរចេញដើរកម្សាន្តច្រើនជាងគេនៅថ្ងៃទី២ បុណ្យអុំទូកម្សិលមិញនេះ ទី១ រាជធានីភ្នំពេញមានភ្ញៀវទេសចរចេញកម្សាន្តចំនួនជិត ៦៧០០០នាក់ ខេត្តទី២ សៀមរាមមានជិត ៥ម៉ឺននាក់ ទី៣ ខេត្តព្រះសីហនុមានជាង ៤៤០០០នាក់ ទី៤ ខេត្តកំពតមានជាង ៣៣០០០នាក់ ទី៥ ខេត្តកែបមានជិត ៣០០០០នាក់ ទី៦ ខេត្តពោធិ៍សាត់មានជាង ២០០០០នាក់ ហើយការចេញដើរកម្សាន្តនេះពុំមានភ្ញៀវទេសចរជួបគ្រោះថ្នាក់ នៅក្នុងគោលដៅទេសចរណ៍នោះទេ។ ឯកឧត្តម ថោង ខុន រដ្ឋមន្ត្រីក្រសួងទេសចរណ៍បានបញ្ជាក់ថា សកម្មភាពពេលរាត្រីនៅតាមបណ្តាទីរួមខេត្ត រាជធានី និងទីប្រជុំជននានាមានភាពអ៊ូអរ បន្ទាប់ពីរាជរដ្ឋាភិបាលបានអនុញ្ញាតឲ្យសកម្មភាពកម្សាន្តដំណើរការឡើងវិញ បានគាំទ្រដល់ការដើរកម្សាន្តរបស់ភ្ញៀវទេសចរនៅតាមគោលដៅទេសចរណ៍ និងរមណីយដ្ឋាននានា បង្កើនការចំណាយរបស់ភ្ញៀវទេសចរ និងបង្កើនចំណូលរបស់វិស័យឯកជន និងប្រជាពលរដ្ឋ។ឯកឧត្ដម ថោង ខុន បានវាយតម្លៃថា ការគ្រប់គ្រងគុណភាពសេវាកម្ម ផលិតផលទេសចរណ៍ បរិស្ថាន អនាម័យគឺពុំមានបញ្ហាកត់សម្គាល់ណាមួយកើតឡើងទេ ស្របពេលដែលមូលដ្ឋានអាជីវកម្មទេសចរណ៍ភាគច្រើន បានខិតខំផ្តល់សេវាជូនភ្ញៀវទេសចរប្រកបដោយស្តង់ដារ ទោះបីប្រឈមនឹងបញ្ហាជំងឺកូវីដ-១៩ នាពេលកន្លងមក។ ដោយឡែការងារទប់ស្កាត់ជំងឺកូវីដ-១៩ គ្រប់ភាគីពាក់ព័ន្ធ ទាំងផ្នែកសាធារណៈ រដ្ឋបាលរាជធានីខេត្ត មន្ទីរទេសចរណ៍ ផ្នែកឯកជន និងភ្ញៀវទេសចរបានខិតខំពង្រឹងការអនុវត្ត និងចូលរួមអនុវត្តរាល់វិធានការទាំងឡាយរបស់រាជរដ្ឋាភិបាល វិធានសុវត្ថិភាពទេសចរណ៍ SOP ពិសេសវិធានការ ៣កុំ និង ៣ការពារ៕អត្ថបទ៖ ស៊ុម សុខជា

ស្ថានភាពសន្តិសុខទូទៅនៅក្នុងរាជធានីភ្នំពេញ ក្នុងពិធីបុណ្យអុំទូកថ្ងៃទី១ ល្អប្រសើពុំមានបាតុភាពអ្វីកើតឡើង

ភ្នំពេញ៖ អ្នកនាំពាក្យ នៃស្នងការដ្ឋានរាជធានីភ្នំពេញ លោកវរៈសេនីយ៍ឯក សាន សុខសីហា បានថ្លែងថា ស្ថានភាពទូទៅក្នុងរាជធានីភ្នំពេញក្នុងឱកាសព្រះរាជពិធីបុណ្យអុំទូក បណ្តែតប្រទីប អកអំបុក និងសំពះព្រះខែ ថ្ងៃទី១ គឺមានស្ថានភាពល្អប្រសើ ដោយពុំមានបាតុភាពអ្វីកើតឡើងនោះឡើយ ខណៈកងកម្លាំង របស់ស្នងការបានត្រៀមគ្រប់ពេលវេលាទាំងអស់ក្នុងរយៈពេលបីថ្ងៃ នៃពិធីបុណ្យប្រពៃណីជាតិមួយនេះ បើទោះបីជាកម្មវិធីមិនបានប្រារព្ធយ៉ាងគគ្រឹកគគ្រេងដូចសព្វមួយដងក៏ដោយនោះ។ថ្លែងប្រាប់ទូរទស្សន៍BTV នាព្រឹកថ្ងៃទី១៩ ខែវិច្ឆិកា ឆ្នាំ២០២១នេះ តាមរយៈTelegram លោក សាន សុខសីហា បានលើកឡើងថា ស្ថានភាពថ្ងៃទី១៨វិច្ឆិក ដែលជាថ្ងៃទី១ នៃពិធីបុណ្យអុំទូក ពុំមានបញ្ហាអ្វីកើតឡើងនោះទេ ខណៈកងកម្លាំងនៅតែបន្តល្បាត និងថែរក្សាសន្តិសុខ សណ្តាប់ធ្នាប់សម្រាប់ថ្ងៃទី២ និងទី៣ទៀត ដោយយកចិត្តទុកដាក់បំផុត ក្រោមបទបញ្ជារបស់ឧត្តមសេនីយ៍ឯក ស ថេត អគ្គស្នងការរង និងជាស្នងការរាជធានីភ្នំពេញ។សូមបញ្ជាក់ថា រយៈពេល៣ថ្ងៃ គឺពីថ្ងៃទី១៨-១៩-២០ខែវិច្ឆិកា ឆ្នាំ២០២១ នៃថ្ងៃឈប់សម្រាកនៃព្រះរាជពិធីបុណ្យអុំទូក បណ្តែតប្រទីប អកអំបុក និងសំពះព្រះខែ ស្នងការដ្ឋាននគរបាលរាជធានីភ្នំពេញ បានប្រើប្រាស់កម្លាំងជាង១៦០០នាក់ ដើម្បីការពារសន្តិសុខ សណ្តាប់ធ្នាប់ ជូនប្រជាពលរដ្ឋ ក៏ដូចជាភ្ញៀវជាតិ និងអន្តរជាតិ ដែលចូលមកទស្សនាកំសាន្តនៅតាមទីកន្លែងនានា ក្នុងភូមិសាស្ត្ររាជធានីភ្នំពេញនោះ។ ជាមួយនឹងកម្លាំងជាង១៦០០នាក់នេះ មានកម្លាំងចរាចរណ៍ជាច្រើនរយនាក់ក៏បានរៀបចំ សម្រួលចរាចរណ៍ និងសណ្តាប់ធ្ងាប់នៅតាមច្រកចេញចូល នៃរាជធានីភ្នំពេញផងដែរ ខណៈមានបងប្អូនប្រជាពលរដ្ឋខ្លះនៅតាមបណ្តាខេត្តបានមករាជធានីភ្នំពេញ និងមានប្រជាពលរដ្ឋនៅរាជធានីភ្នំពេញបានចេញទៅតាមបណ្តាខេត្តនានាដូចជាទៅស្រុកកំណើត និងរមណីយដ្ឋានផ្សេងៗជាដើម។បើទោះបីជាក្នុងឱកាសបុណ្យអុំទូក នៅឆ្នាំ២០២១នេះ ពុំបានធ្វើការប្រឡងប្រណាំងទូក និងប្រារព្ធពិធីកំសាន្តសប្បាយនានាយ៉ាងគគ្រឹកគគ្រេងយ៉ាងណាក្តី ប៉ុន្តែគេសង្កេតឃើញ មានបងប្អូនប្រជាពលរដ្ឋជាច្រើនបានដើរលេងកំសាន្តនៅក្នុងរាជធានីភ្នំពេញ ជាពិសេសម្តុំមុខព្រះបរមរាជវាំង ដោយមានការប្រុងប្រយ័ត្នជានិច្ចជាមួយនឹងវិធានការរបស់ ក្រសួងសុខភិបាល និងរាជរដ្ឋាភិបាលក្នុងកិច្ចការពារ និងទប់ស្កាត់នូវមេរោគកូវីដ១៩ ដោយពួកគាត់បានធ្វើការពាក់ម៉ាស់ ដៃកាន់អាល់កុលស្ទើគ្រប់ៗគ្នាទាំងអស់៕ អត្ថបទ៖ បាន ចក់

បុរសម្នាក់បំបែកឯតទគ្គកម្មឡើងភ្នំឱរ៉ាល់ជាភ្នំខ្ពស់បំផុតនៅកម្ពុជាចំនួន ៣១០ដង

ភ្នំឱរ៉ាល់ គឺជាភ្នំដែលខ្ពស់ជាងគេបំផុតនៅក្នុងប្រទេសកម្ពុជា មានរយៈកម្ពស់រហូតដល់ ១៨១៣ ម៉ែត្រ ដែលស្ថិតក្នុងភូមិសាស្រ្តស្រុកឱរ៉ាល់ ខេត្តកំពង់ស្ពឺ។ បច្ចុប្បន្នភ្នំឱរ៉ាល់ បានក្លាយជាគោលដៅទេសចរណ៍ធម្មជាតិដ៏ទាក់ទាញមួយ និងកំពុងទទួលបានការចាប់អារម្មណ៍ច្រើនពីសំណាក់អ្នកចូលចិត្តការធ្វើដំណើរកម្សាន្តបែបផ្សងព្រេង ឬទេសចរណ៍ចូលព្រៃឡើងភ្នំជាដើម។ មានមនុស្សតិចណាស់ដែលបានឡើងទៅដល់កំពូលភ្នំឱរ៉ាល់នេះ ហើយចំពោះអ្នកចូលចិត្តដំណើរកម្សាន្ត បែបនេះយល់ថា ការឡើងទៅដល់កំពូលភ្នំបានម្ដង អាចចាត់ទុកថាជាជោគជ័យមួយសម្រាប់ពួកគេ ព្រោះជាទីតាំងដែលខ្ពស់ជាងគេបង្អស់នៅក្នុងប្រទេស។ ក្នុងនោះដែលក៏មានបុរសជនជាតិខ្មែរម្នាក់ បានបំបែកកំណត់ត្រា នៃការឡើងភ្នំនៅកម្ពុជា ដោយលោកបានឡើងដល់ភ្នំឱរ៉ាល់រហូតដល់ ៣១០ដង ឯណោះ។ បុរសដែលឡើងភ្នំឱរ៉ាល់បានច្រើនជាងគេនេះ គឺលោក ឈឺន ឈីម។ លោក ឈឺន ឈីម ជាអ្នកនាំ ភ្ញៀវទេសចរឡើងទៅកាន់កំពូលភ្នំឱរ៉ាល់ ហើយបច្ចុប្បន្នលោកបានក្លាយជាប្រធានសហគមន៍ស្រែកិន ដែលជាសហគមន៍នាំភ្ញៀវទៅកាន់កំពូលភ្នំឱរ៉ាល់។ លោក ឈឺន ឈីម បានប្រាប់ថា នៅរយៈពេលចុងក្រោយនេះសន្ទុះនៃអ្នកទេសចរឡើងភ្នំមានចំនួន កាន់តែច្រើនឡើងៗ ដែលនេះជាឱកាសល្អសម្រាប់ពួកគាត់ជាប្រជាសហគមន៍ ព្រោះអាចរកប្រាក់ ចំណូលចិញ្ចឹមជីវភាពបានធូរធាជាងពេលមុនៗ។ កាលពីឆ្នាំ ២០២០ កន្លងទៅ សហគមន៍ស្រែកិន របស់លោកទទួលភ្ញៀវទេសចរបានចំនួនជាង ៥០០០នាក់។ ដោយឡែកសម្រាប់ឆ្នាំ ២០២១នេះវិញ គិតត្រឹមខែតុលា ចំនួនភ្ញៀវទេសចរដែលឡើងភ្នំឱរ៉ាល់មានចំនួន ជិត៤០០០នាក់។ លោកបញ្ជាក់ថា វត្តមានភ្ញៀវទេសចរគឺជាកម្លាំងចិត្តរបស់ប្រជាសហគមន៍ នៅពេលដែលពួកគាត់អាច រកចំណូលបានពីវិស័យទេចរណ៍ សហគមន៍ពួកគាត់ឈប់ចូលព្រៃកាប់ ឈើទៀតហើយ៕ អត្ថបទ៖ ចេន សុជាតាសូមចុច Join Channel Telegram BTV News ដើម្បីទទួលបានព័ត៌មានថ្មី ៗ

អាជ្ញាធរជាតិអប្សរា ចាប់ផ្ដើមធ្វើការជួសជុលប្រាសាទព្រហ្មកិល

សៀមរាប៖ មន្រ្ដីអាជ្ញាធរជាតិអប្សរាបានអះអាងថា អ្នកជំនាញខ្មែររបស់ស្ថាប័ននេះ បានចាប់ផ្ដើមធ្វើការជួសជុលប្រាសាទព្រហ្មកិលឡើងវិញហើយ កាលពីថ្ងៃទី១៣តុលាម្សិលមិញ ដើម្បីអោយប្រសាទដ៏វ័យចំណាស់មួយនេះមានរូបរាងល្អស្អាតដូចដើម ហើយទាក់ទាញទេសចរ។អ្នកជំនាញបានបង្ហាញថា ប្រាសាទនេះ មានមុខងារជាមន្ទីរពេទ្យ ក្នុងរាជព្រះបាទជ័យវរ្ម័នទី៧ ហើយវាជាប្រាសាទតូចមួយ មានទីតាំងនៅផ្នែកខាងលិចឈៀងខាងជើងប្រាសាទអង្គរវត្ត ។លោក ស៊ឹម ថន អនុប្រធាននាយកដ្ឋានអភិរក្សប្រាសាទក្នុងឧទ្យាន និងបុរាណវិទ្យាបង្ការ បានឱ្យដឹងថា ដោយពិនិត្យឃើញប្រាសាទព្រហ្មកិល រងការខូចខាតទ្រុឌទ្រោមខ្លាំង ថ្មធ្លាក់រាយប៉ាយ និងតួប៉មកណ្តាល បានបាក់រលួសអស់មួយចំហៀងទៅហើយ ទើបក្រុមការងារធ្វើការជួសជុលបន្ទាប់ពីបានការអនុញ្ញាតពីថ្នាក់ដឹកនាំអាជ្ញាធរជាតិអប្សរា និងគណៈកម្មាធិការអន្តរជាតិ ICC-Angkor។លោកបន្តថា ក្នុងដំណើរការជួសជុលនឹងគ្រោងប្រើពេល១ឆ្នាំ ដោយបែងចែកការជួសជុលជា៣ដំណាក់កាល រួមមាន៖ ទី១ ការរៀបចំឯកសារ ធ្វើកំណាយសិក្សាពីរចនាសម្ពន្ធរបស់ប្រាសាទ បែងចែកលេខរៀង និងផ្គុំថ្ម ទី២ ចាប់ផ្តើមរៀបផ្គុំថ្មសាកល្បង និងរៀបចំពង្រឹងគ្រឹះ និងទី៣ គឺរៀបចំថ្មទាំងអស់ ដែលបានរកឃើញដាក់ចូលទីតាំងដើមវិញ៕

ក្រុមការងារអាជ្ញាធរជាតិអប្សរា បានបញ្ចប់ការងារជួសជុលប្រាសាទផ្ទី

ភ្នំពេញ៖ ក្រុមការងារនៃនាយកដ្ឋានអភិរក្សប្រាសាទក្រៅ និងក្នុងឧទ្យានអង្គរនៃអាជ្ញាធរជាតិអប្សរា បានបញ្ចប់ការងារជួសជុលប្រាសាទផ្ទី ស្ថិតនៅកណ្ដាលបារាយណ៍ នៃប្រាសាទបេងមាលា។ គម្រោងជួសជុលនេះ គឺធ្វើឡើងដោយមានការចូលរួមពីវិស័យឯកជន។ប្រាសាទផ្ទីដែលស្ថិតនៅចំកណ្តាលបារាយណ៍ប្រាសាទបេងមាលា មានទីតាំងស្ថិតនៅភូមិបេងមាលា ឃុំបេងមាលា ស្រុកស្វាយលើ ខេត្តសៀមរាប។ ប្រាសាទនេះ មានលក្ខណៈជាសំណង់ថ្មបាយក្រៀម រាងការ៉េ ប្រវែង១៥ម៉ែត្របួនជ្រុង និងមានជញ្ជាំងព័ទ្ធជុំវិញកម្ពស់១ម៉ែត្រ។ នៅចំកណ្តាល គេតម្កល់រូបព្រះពុទ្ធប្រក់នាគសរុបទាំងខឿនកម្ពស់ ៦,៥ម៉ែត្រ អំពីថ្មភក់ ដែលទំនងជាត្រូវបានសាងសង់ឡើងរវាងពាក់កណ្ដាលសតវត្សទី១២ ទៅចុងសតវត្សទី១២។ឯកឧត្ដម គឹម សុធិន អគ្គនាយករងអាជ្ញាធរជាតិអប្សរា មានប្រសាសន៍ថា គម្រោងជួសជុលប្រាសាទផ្ទីបានសម្រេចរួចរាល់ហើយនៅចុងខែ ឧសភា ឆ្នាំ២០២១នេះ បន្ទាប់ពីចាប់ផ្តើមដំណើរការនៅដើមខែមេសា។ នៅដើមខែមីនា ការធ្វើកំណាយពិនិត្យរចនាសម្ពន្ធប្រាសាទនេះបានចាប់ផ្តើម និងឈានដល់ការជួសជុលលើកតម្លៃឡើងវិញ ក្រោមការចូលរួមពីវិស័យឯកជន គឺលោកជំទាវ ហេម ចិត្តា មហាឧបាសិកាពុទ្ធសាសនូបត្ថម្ភ ម៉ៅ ម៉ាល័យ កែ គឹមយ៉ាន ក្នុងបំណងដើម្បីចូលរួមអភិរក្សមរតកសម្បត្តិបេតិកភណ្ឌជាតិ។ បើតាមការបញ្ជាក់ពីឯកឧត្តម គឹម សុធិន ថា គម្រោងជួសជុលនេះមានការលំបាកបន្ដិចដែរ ព្រោះការដ្ឋានស្ថិតនៅកណ្ដាលបារាយណ៍ ក្នុងព្រៃ ហើយផ្លូវធ្វើដំណើរមានភាពតូចបន្ដិច ដែលពិបាកក្នុងការដឹកជញ្ជូនថ្មតាមរថយន្តធុនធ្ងន់។ យ៉ាងណាក្រុមការងារ បានបង្ហាញសុទិដ្ឋិនិយម និងអារម្មណ៍រីករាយជាខ្លាំងជាមួយសមិទ្ធផលថ្មីមួយបន្ថែមទៀតនេះ ពិសេសប្រាសាទដែលបានដួលរលំឃើញតែគំនរដុំថ្ម ហើយបានខិតខំរកផ្គុំឱ្យមានរូបរាងឡើងវិញ៕ អត្ថបទ៖ រដ្ឋា

បណ្ដាញសង្គម

ព័ត៌មានថ្មីៗ

ចិនចាប់ផ្តើមជម្លៀសពលរដ្ឋចេញពីអ៊ីស្រាអែល និងអ៊ីរ៉ង់ ហើយនិងជំរុញឲ្យបន្ធូរបន្ថយភាពតានតឹង

ផ្ទុះរោងចក្រកាំជ្រួច នៅភាគខាងត្បូងចិន បណ្ដាលឲ្យមានអ្នកស្លាប់ ៩នាក់ និងរបួស ២៦នាក់

អ៊ីស្រាអែលប្រឈមនឹងអត្ថិភាពផ្ទាល់ខ្លួនជាមួយនឹងសកម្មភាពខ្លួនឯង

អង្គការWHO បង្កើនការឆ្លើយតបនឹងជំងឺគ្រុនឈាម នៅភាគខាងត្បូងយេម៉ែន ស្របពេលមានករណីកើនឡើង

នាយករដ្ឋមន្ត្រីអ៊ីស្រាអែល មើលឃើញពីលទ្ធភាពនៃការផ្លាស់ប្តូរអំណាច នៅក្នុងប្រទេសអ៊ីរ៉ង់

សម្ដេចធិបតី៖ ពលរដ្ឋខ្មែរនៅក្រៅប្រទេសភ្ញាក់ផ្អើល ក្រោយឃើញកម្ពុជាម្ចាស់ការលើអគ្គិសនី និងអ៊ិនធឺណិតខ្លួនឯង

ចិនចោទលោក Trump ថា «ចាក់សាំងលើភ្លើងបន្ថែម» ជុំវិញជម្លោះអ៊ីរ៉ង់ និងអ៊ីស្រាអែល

អ្នកការទូតចក្រភពអង់គ្លេស៖ គ្មានភ័ស្តុតាងគួរឲ្យទុកចិត្តដែលថា អ៊ីរ៉ង់ជិតឈាលដល់ការបង្កើតអាវុធនុយក្លេអ៊ែរទេ

ប្រជាពលរដ្ឋអ៊ីរ៉ាក់ជួបជុំគ្នានៅទីក្រុងបាកដាដ ដើម្បីតវ៉ាប្រឆាំងនឹងការវាយប្រហាររបស់អ៊ីស្រាអែលលើអ៊ីរ៉ង់

សម្ដេចធិបតី៖ ជំហររបស់កម្ពុជាប្ដឹងទៅតុលាការ ICJ មិនរាថយឡើយ ខណៈថៃស្នើសុំចរចាទ្វេភាគី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

វប្បធម៌ និងទេសចរណ៍

ស្ថាប័ន២ រៀបចំការប្រកួតស្នាដៃសិល្បៈ ដើម្បីចូលរួមការយល់ដឹងអំពីបេតិកភណ្ឌវប្បធម៌អរូបីទាំង៥

បដិមាដែលរងការពុកផុយនៅប្រាសាទអង្គរវត្តត្រូវអ្នកជំនាញរៀបចំជួសជុលសង្គ្រោះឡើងវិញ

ខេត្តព្រះសីហនុមានទេសចរទៅកម្សាន្តកើនឡើងជាង ១០០ភាគរយ

អំឡុងអុំទូកមានទេសចរទៅកម្សាន្តនៅមណ្ឌលគិរីកើនខ្ពស់ជាងឆ្នាំមុន

រយៈពេល ២ថ្ងៃមានទេសចរទៅលេងកម្សាន្តនៅបាត់ដំបងជិត ២ម៉ឺននាក់

រយៈពេល ២ថ្ងៃពិធីបុណ្យអុំទូកមានភ្ញៀវទេសចរចេញដើរកម្សាន្តជាង ៤៦ម៉ឺននាក់

ស្ថានភាពសន្តិសុខទូទៅនៅក្នុងរាជធានីភ្នំពេញ ក្នុងពិធីបុណ្យអុំទូកថ្ងៃទី១ ល្អប្រសើពុំមានបាតុភាពអ្វីកើតឡើង

បុរសម្នាក់បំបែកឯតទគ្គកម្មឡើងភ្នំឱរ៉ាល់ជាភ្នំខ្ពស់បំផុតនៅកម្ពុជាចំនួន ៣១០ដង

អាជ្ញាធរជាតិអប្សរា ចាប់ផ្ដើមធ្វើការជួសជុលប្រាសាទព្រហ្មកិល

ក្រុមការងារអាជ្ញាធរជាតិអប្សរា បានបញ្ចប់ការងារជួសជុលប្រាសាទផ្ទី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

វប្បធម៌ និងទេសចរណ៍

ស្ថាប័ន២ រៀបចំការប្រកួតស្នាដៃសិល្បៈ ដើម្បីចូលរួមការយល់ដឹងអំពីបេតិកភណ្ឌវប្បធម៌អរូបីទាំង៥

បដិមា​ដែល​រង​ការ​ពុក​ផុយ​នៅ​ប្រាសាទអង្គរវត្តត្រូវ​អ្នក​ជំនាញ​រៀបចំ​ជួសជុល​សង្គ្រោះ​ឡើងវិញ​

ខេត្ត​ព្រះសីហនុ​មាន​ទេសចរ​ទៅ​កម្សាន្ត​កើន​ឡើង​ជាង ១០០​ភាគរយ​

អំឡុង​អុំទូក​មាន​ទេសចរ​ទៅ​កម្សាន្ត​នៅ​មណ្ឌលគិរី​កើន​ខ្ពស់​ជាង​ឆ្នាំមុន​

រយៈពេល ២​ថ្ងៃ​មាន​ទេសចរ​ទៅលេង​កម្សាន្ត​នៅ​បាត់ដំបង​ជិត​ ២ម៉ឺន​នាក់​

រយៈពេល​ ២​ថ្ងៃ​ពិធី​បុណ្យអុំទូក​មាន​ភ្ញៀវ​ទេសចរ​ចេញ​ដើរ​កម្សាន្ត​ជាង ​៤៦​ម៉ឺន​នាក់​

ស្ថានភាពសន្តិសុខទូទៅនៅក្នុងរាជធានីភ្នំពេញ ក្នុងពិធីបុណ្យអុំទូកថ្ងៃទី១ ល្អប្រសើពុំមានបាតុភាពអ្វីកើតឡើង

បុរសម្នាក់បំបែកឯតទគ្គកម្មឡើងភ្នំឱរ៉ាល់ជាភ្នំខ្ពស់បំផុតនៅកម្ពុជាចំនួន ៣១០ដង

អាជ្ញាធរជាតិអប្សរា ចាប់ផ្ដើមធ្វើការជួសជុលប្រាសាទព្រហ្មកិល

ក្រុមការងារ​អាជ្ញាធរ​ជាតិ​អប្សរា​ បាន​បញ្ចប់​ការងារ​ជួសជុល​ប្រាសាទ​ផ្ទី​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

បដិមាដែលរងការពុកផុយនៅប្រាសាទអង្គរវត្តត្រូវអ្នកជំនាញរៀបចំជួសជុលសង្គ្រោះឡើងវិញ

ខេត្តព្រះសីហនុមានទេសចរទៅកម្សាន្តកើនឡើងជាង ១០០ភាគរយ

អំឡុងអុំទូកមានទេសចរទៅកម្សាន្តនៅមណ្ឌលគិរីកើនខ្ពស់ជាងឆ្នាំមុន

រយៈពេល ២ថ្ងៃមានទេសចរទៅលេងកម្សាន្តនៅបាត់ដំបងជិត ២ម៉ឺននាក់

រយៈពេល ២ថ្ងៃពិធីបុណ្យអុំទូកមានភ្ញៀវទេសចរចេញដើរកម្សាន្តជាង ៤៦ម៉ឺននាក់

ក្រុមការងារអាជ្ញាធរជាតិអប្សរា បានបញ្ចប់ការងារជួសជុលប្រាសាទផ្ទី