BTV NEWS

វិស័យធំៗចំនួន៦ នឹងជួយគាំទ្រសេដ្ឋកិច្ចកម្ពុជាឆ្នាំ២០២៥ ឱ្យសម្រេចបានលើសពី ៦%

សម្តេចតេជោ ហ៊ុន សែន និងសម្តេចធិបតី ហ៊ុន ម៉ាណែត ផ្ញើសារអបអរសាទរទិវាវប្បធម៌ជាតិ ៣មីនា

រដ្ឋមន្ត្រីក្រសួងវប្បធម៌ «រាជរដ្ឋាភិបាលនៅគ្រប់អាណត្តិ តែងតែផ្តល់អាទិភាពខ្ពស់ ដល់ស្ថានភាពស្ត្រី លើគ្រប់រូបភាព»

អាកាសចរណ៍ស៊ីវិលបើកកិច្ចប្រជុំបូកសរុបវឌ្ឍនភាពការសាងសង់អាកាសយានដ្ឋានអន្តរជាតិ តេជោ

វប្បធម៌ និងទេសចរណ៍

ជនរងគ្រោះទាំងអស់ក្នុងរបបខ្មែរក្រហម ស្ថិតនៅក្នុងការចងចាំ និងការគិតគូរខ្ពស់បំផុតពីរាជរដ្ឋាភិបាល

ភ្នំពេញ៖ លោក ឆាយ វិសុទ្ធ ប្រធានសារមនី្ទរឧក្រិដ្ឋកម្មប្រល័យពូជសាសន៍ទួលស្លែង បានបញ្ជាក់ថា រាជរដ្ឋាភិបាលកម្ពុជា មានឆន្ទៈខ្ពស់ គិតគូរទៅដល់ជនរងគ្រោះទាំងអស់នៅទូទាំងប្រទេសកម្ពុជា ដែលបានឆ្លងកាត់ សំលាប់ដោយរបបកម្ពុជា ប្រជាធិបតេយ្យ។ប្រធានសារមនី្ទរឧក្រិដ្ឋកម្មប្រល័យពូជសាសន៍ទួលស្លែង ប្រាប់យ៉ាងដូច្នេះ ក្នុងឱកាសដែរលោកជំទាវ កិត្ដិសង្គហបណ្ឌិត ម៉ែន សំអន ឧបនាយករដ្ឋមន្ដ្រី រដ្ឋមន្ដ្រីទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច តំណាងដ៍ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃរាជរដ្ឋាភិបាលកម្ពុជា បានចូលរួមប្រារព្ធពិធីបុណ្យសូត្រមន្តកាន់បិណ្ឌបង្សុកូល ឧទ្ទិសកុសល្យផលបុណ្យដល់ព្រលឹងអ្នកស្លាប់ រាបម៉ឺននាក់នៅមជ្ឈមណ្ឌលប្រល័យពូជសាសន៍ទួលស្លែង រយៈពេល០២ថ្ងៃ ពីថ្ងៃទី១៧-១៨ កញ្ញា ២០១៩នេះ។លោក បន្តទៀតថា ក្រៅការស្វែងរកយុតិ្តធម៌ កម្មវិធីថ្ងៃនេះ ក៏បង្ហាញពីការសហការគ្នារវាងរាជរដ្ឋាភិបាល និងវិស័យឯកជននានា មូលមតិគ្នា ក្នុងការចងចាំទៅដល់ជនរងគ្រោះទាំងអស់។ មានន័យថា ប្រជាពលរដ្ឋស្លូតត្រង់ដែលបាត់បង់ជីវិត មិនមានន័យថា ទៅដោយការបំភ្លេចចោលនោះទេ គឺយើងបានរំលឹកជារៀងរាល់ឆ្នាំ ជាពិសេសនៅក្នុងសារមនី្ទរទួលស្លែង។នាឱកាសនោះ លោកជំទាវកិត្ដិសង្គហបណ្ឌិត ម៉ែន សំអន ក៏បានអុជធូប បួងសួង រាប់បាត្រ សូមអោយព្រលឹងវិញ្ញាណទាំងនោះ បានទៅចាប់កំណើតនៅទីឋានដែលសមគួរផងចុះ។ លោកជំទាវកិត្ដិសង្គហបណ្ឌិត ម៉ែន សំអន បានថ្លែងថា ការធ្វើបុណ្យកាន់បិណ្ឌនេះ ជាចំណែកមួយ គឺដើម្បីឧទ្ទិសដល់ដួងវិញ្ញាណក្ខន្ធរបស់ឥស្សរជន វីរជន យុទ្ធជន ដែលបានលះបង់ជីវិតដើម្បីបុព្វហេតុរំដោះជាតិ និងប្រជាជនពីរបបណានិគមចាស់ ថ្មី និងពីរបប ប្រល័យពូជសាសន៍ ប៉ុល ពត។ជាពិសេសជាងនេះទៅទៀត គឺប្រជាជន ស្លូតត្រង់ដែលទទួលរងទុក្ខ ទារុណកម្ម យ៉ាងព្រៃផ្សៃ និងស្លាប់យ៉ាងអយុត្តិធម៌បំផុតនៅក្នុងរបបកម្ពុជាប្រជាធិបតេយ្យ។ ដូច្នេះ សូមឱ្យដួងវិញ្ញាណក្ខន្ធអ្នកទាំងអស់ សូមឱ្យបានទៅកាន់សុគតិភពកុំបីឃ្លៀងឃ្លាតឡើយ៕

នាយឧត្តមសេនីយ៍ ប៉ែន វិបុល និងលោកជំទាវ តំណាង ឯកឧត្ដម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ អញ្ជើញជាអធិបតី ក្នុងពិធីកាន់បិណ្ឌវេន៣

ភ្នំពេញ ៖ ក្នុងឱកាសនៃបងប្អូនប្រជាពលរដ្ឋខ្មែរ ជាពុទ្ធបរិស័ទ ដែលគោរពប្រតិបត្តិ ទំនៀមទម្លាប់ ប្រកាន់ខ្ជាប់ប្រពៃណី ព្រះពុទ្ធសាសនា ហើយតែងតែធ្វើបុណ្យធ្វើទាន នៅគ្រប់រដូវកាល នៃពិធីបុណ្យនីមួយៗជារៀងរាល់ឆ្នាំនោះ សម្រាប់ឱកាស នៃពិធីបុណ្យកាន់បិណ្ឌ ភ្ជុំបិណ្ឌ ឆ្នាំនេះត្រូវជាវេនទី៣ នៃថ្ងៃកាន់បិណ្ឌ នាយឧត្តមសេនីយ៍ ប៉ែន វិបុល អគ្គស្នងការរងនគរបាលជាតិ និងលោកជំទាវ តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ អញ្ជើញជាអធិបតី ក្នុងពិធីកាន់បិណ្ឌវេន៣ ព្រមទាំងក្រុមគ្រួសារកូនចៅញាតិសន្ដានទាំងអស់ រួមជាមួយថ្នាក់ដឹកនាំអគ្គស្នងការដ្ឋាននគរបាលជាតិ ស្នងការនគរបាលរាជធានី-ខេត្ត និងនាយ នាយរងនគរបាលជាតិ ព្រមទាំងពុទ្ធបរិស័ទជិតឆ្ងាយ បានអញ្ជើញចូលរួមកាន់បិណ្ឌនៅ វត្តបទុមវតីរាជវរារាម ដែលស្ថិតក្នុងសង្កាត់ចតុមុខ ខណ្ឌដូនពេញ។ពិធីកាន់បិណ្ឌវេនទី៣ បានប្រព្រឹត្តទៅដោយរលូននៅរសៀលថ្ងៃអាទិត្យ ២រោច ខែភទ្របទ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៥ ខែកញ្ញា ឆ្នាំ២០១៩នេះ នាយឧត្តមសេនីយ៍ ប៉ែន វិបុល អគ្គស្នងការរងនគរបាលជាតិ និងលោកជំទាវ រួមជាមួយ អគ្គស្នងការដ្ឋាននគរបាលជាតិ ស្នងការនគរបាលរាជធានី-ខេត្ត និងនាយ នាយរងនគរបាលជាតិ ព្រមទាំងពុទ្ធបរិស័ទចំណុះជើងវត្តជិតឆ្ងាយ បានអញ្ជើញចូលរួម សូត្រមន្ត សមាទានសីល និមន្តព្រះសង្ឃចម្រើនព្រះបរិត្ត និងសម្តែងធម្មទេសនា ទាក់ទងទៅនឹងពិធីបុណ្យកាន់បិណ្ឌ និងភ្ជុំបិណ្ឌ ដែលជាពិធីមួយត្រូវបានពុទ្ធបរិស័ទខ្មែរទូទាំងប្រទេស ប្រារព្ធធ្វើជារៀងរាល់ឆ្នាំ ក្នុងជំនឿយ៉ាងមុតមាំលើទស្សនៈកម្មផល ធ្វើល្អ បានល្អ ធ្វើអាក្រក់ បានអាក្រក់។លុះព្រឹកឡើងថ្ងៃចន្ទទី១៦ ខែឆ្នាំដដែល ឯកឧត្តម នាយឧត្តមសេនីយ៍ ប៉ែន វិបុល អគ្គស្នងការរងនគរបាលជាតិ និងលោកជំទាវ រួមជាមួយ ថ្នាក់ដឹកនាំអគ្គស្នងការដ្ឋាននគរបាលជាតិ ស្នងការនគរបាលរាជធានី-ខេត្ត និងនាយ នាយរងនគរបាលជាតិ ព្រមទាំងពុទ្ធបរិស័ទចំណុះជើងវត្តជិតឆ្ងាយ បានជួបជុំគ្នាម្តងទៀតនៅបរិវេណវត្តបទុមវតីរាជវរារាម ដែលស្ថិតក្នុងសង្កាត់ចតុមុខ ខណ្ឌដូនពេញ ដើម្បីបន្តកម្មវិធីបុណ្យកាន់បិណ្ឌវេន៣នេះ ដោយបានរៀបចំថ្វាយផ្កាភ្ញីចំពោះព្រះរតនត្រ័យ និងនមស្សការ សមាទានសីល រាប់បាត្រ ប្រគេនបច្ច័យព្រះសង្ឃ ឧទ្ទិសកុសលជូន ដល់បុព្វការីជន ញាតិកាទាំង ៧សណ្តាន និងនាយ នាយរង ពលនគរបាល ដែលបានពលី ជាកិច្ចបង្ហើយពិធីបុណ្យកាន់បិណ្ឌវេនទី៣។នៅក្នុងឱកាសកាន់បិណ្ឌវេនទី៣នេះ នាយឧត្តមសេនីយ៍ ប៉ែន វិបុល អគ្គស្នងការរងនគរបាលជាតិ និងលោកជំទាវ បាននាំយកនូវទេយ្យទានទៅប្រគេនព្រះសង្ឃ ក្នុងពិធីកាន់បិណ្ឌវេនទី៣នេះ រួមមាន ៖ អង្ករចំនួន ៤បាវ ស្មើ ២០០គីឡូក្រាម, ស្ករស ចំនួន៥០គីឡូក្រាម, តែចំនួន ២០គីឡូក្រាម, ទឹកក្រូច ចំនួន ២០កេស, ទឹកបរិសុទ្ធឱរ៉ាល់(ដបតូច) ២០កេស, មីចំនួន ២៤កេសតូច, ត្រី.ខកំប៉ុងចំនួន៤កេសធំ, ប្រគេនសម្តេចសង្ឃនាយក នន្ទ ង៉ែត បច្ច័យចំនួន ២លានរៀល, ប្រគេនសម្តេចសង្ឃបច្ច័យចំនួន ១លានរៀល និងសាដក់១, ប្រគេនគ្រូសូត្រឆេ្វងចំនួន ២០ម៉ឺនរៀល និងសាដក់១, ប្រគេនព្រះសង្ឃ៣១អង្គ ក្នុង១អង្គ បច្ច័យចំនួន ៥ម៉ឺនរៀល និងសាដក់១, បច្ច័យសម្រាប់កសាងវត្តចំនួន ១០លានរៀល, ប្រគេនសម្តេចសង្ឃថវិកា ៥លានរៀល និងអង្ករចំនួន៥តោន ដើម្បីជួយសម្រួលដល់ការស្នាក់នៅរបស់សិស្ស និស្សិត, ប្រគេនព្រះសង្ឃទេសនាបច្ច័យ ១លានរៀល និងសាដក់១ ទឹកសុទ្ធ២កេស ទឹកប្រទាល១កេស , ជូនលោកអាចារ្យ និងគណៈកម្មការវត្ត១០នាក់ ក្នុង១នាក់ បច្ច័យ៣ម៉ឺនរៀល និងជូនតាជី យាជី ២០នាក់ ក្នុង១នាក់ បច្ច័យចំនួន ២ម៉ឺនរៀល។សូមជម្រាបថា ពិធីបុណ្យភ្ជុំបិណ្ឌជាពិធីបុណ្យដ៏ធំមួយក្នុងចំណោមពិធីបុណ្យធំៗផ្សេងទៀត ដែលប្រជាជនកម្ពុជា ប្រារព្ធធ្វើជារៀងរាល់ឆ្នាំ ពិធីបុណ្យភ្ជុំបិណ្ឌតែងតែប្រារព្ធធ្វើរយៈពេល១៥ថ្ងៃ ចាប់ពីថ្ងៃ១ រោច ខែភទ្របទ រហូតដល់ថ្ងៃ១៥រោច ខែភទ្របទ ដែលពិធីបុណ្យនេះគេចាត់ទុកថា ជាពិធីបុណ្យគោរពវិញ្ញាណក្ខន្ធ និងការឧទ្ទិសមគ្គផលជូនដល់បុព្វការីជនដែលបានចែកឋានទៅហើយឲ្យបានទទួល ព្រមទាំងបានរួចផុតពីបាបកម្មទាំងឡាយផងដែរ៕

ពិធីសែនព្រះខែកាន់តែពេញនិយមនៅកម្ពុជា

ភ្នំពេញ៖ ពិធីសែនព្រះខែនឹងឈានមកដល់ នាយប់ថ្ងៃទី១៣ កញ្ញា នេះ ជាការកត់សម្គាល់ នៅមុនថ្ងៃសែនមកដល់នៅតាមដងផ្លូវតូចធំក្នុងរាជធានីភ្នំពេញ នៅតាមហាងនំនានាបានរៀបចំស្តង់លក់នំជាច្រើនប្រភេទផ្សេងៗគ្នា ក្នុងនោះពលរដ្ឋខ្មែរជាប់សែស្រឡាយចិន បាននាំគ្នាទិញត្រៀមទុកសែន។អ្នកគ្រប់គ្រងទូទៅនៅហាងនំអប្សរា លោក សំណាង ប្រាប់ឲ្យដឹងថា បុណ្យនេះមានប្រវត្តិនិងប្រារព្ធធ្វើរៀងរាល់ឆ្នាំតាំងពីយូរយាណាស់មកហើយ សម្រាប់ជនជាតិចិនទាំងរស់នៅក្នុងប្រទេសចិន និងបណ្តាប្រទេសនានា រួមទាំងកម្ពុជាផងដែរ។ពាក់ព័ន្ធនឹងការប្រារព្ធពិធីបុណ្យខាងលើនេះដែរ លោក បានបញ្ជាក់ថា ក្នុងរដូវសែនព្រះខែ ហាងរបស់លោកផលិតនំចែកចាយនៅតាមបណ្តាស្តង់ប្រមាណជា ១០ម៉ឺនប្រអប់ឯណោះ ក្នុងតម្លៃពី ៦ដុល្លារ ដល់ជិត២០០ដុល្លារ ក្នុងមួយប្រអប់។តាមការសាកសួរពីប្រជាពលរដ្ឋដែលទៅទិញនំព្រះខែ បានរៀបរាប់ថា ជារៀងរាល់ឆ្នាំតែងតែប្រារព្ធ និងមិនដែលអាក់ខានឡើយ ព្រោះមានជាប់ខ្សែស្រឡាយចិន។ បន្ថែមពីនេះទៀត គឺក្នុងគោលបំណងសុំសេចក្តីសុខ ៕

UNESCO គាំទ្រមុខម្ហូបចំនួន១០ត្រៀមដាក់បញ្ចូលបញ្ជីបេតិកភណ្ឌអរូបីយពិភពលោក

ភ្នំពេញ៖ នៅក្នុងសន្និសីទអន្តរជាតិ លើកទី១ ស្តីពីទេសចរណ៍ម្ហូបអាហារកម្ពុជា នៅថ្ងៃទី២១ ខែសីហានេះ តំណាងអង្គការទេសចរណ៍ពិភពលោក UNWTOនិងអង្គការUNESCO នៃអង្គការសហប្រជាជាតិ បានគាំទ្រកម្ពុជាចំពោះការស្នើសុំម្ហូបអាហារប្រពៃណីខ្មែរ ចំនួន១០មុខ ត្រៀមដាក់បញ្ចូលក្នុងបញ្ជីសម្បត្តិបេតិកភណ្ឌអរូបីពិភពលោក។បើតាមការអោយដឹងពីឯកឧត្តម ថោង រដ្ឋសក្កិ អគ្គនាយក អគ្គនាយកដ្ឋានអភិវឌ្ឍទេសចរណ៍ និងសហប្រតិបត្តិការអន្តរជាតិនៃក្រសួងទេសចរណ៍ បានថ្លែងថា តាមរយៈសន្និសីទអន្តរជាតិស្តីពីទេសចរណ៍ម្ហូបអាហារកម្ពុជានៅពេលនេះ ក្រសួងនឹងស្នើសុំគោលការណ៍រាជរដ្ឋាភិបាល ដើម្បីរៀបចំឯកសារមុខម្ហូបខ្មែរជាសម្លរចំនួន៥ និងមុខម្លូបជាបង្អែមប្រពៃណីចំនួន៥ទៀត ត្រៀមដាក់បញ្ចូលបញ្ជីបញ្ចូលក្នុងបញ្ជីសម្បត្តិបេតិកភណ្ឌអរូបីយពិភពលោក។ឯកឧត្ដម បន្តថា មកដល់ពេលនេះ ក្រសួងទេសចរណ៍ បានសហការជាមួយក្រសួងវប្បធម៌ និងវិចិត្រសិល្បៈ រៀបចំឯកសារមុខម្ហូបអាហារខ្មែរទាំងនេះ បានមួយចំនួនរួចហើយ ក្រសួងនឹងបន្តពិភាក្សារៀបចំផ្នែកបច្ចេកទេសជាមួយ អង្គការUNESCO ដើម្បីត្រៀមដាក់បញ្ចូលបញ្ជីបញ្ចូលក្នុងបញ្ជីសម្បត្តិបេតិកភណ្ឌអរូបីយពិភពលោក។នៅពេលនេះ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ បានស្នើមន្ត្រី និងភាគីពាក់ព័ន្ធ ត្រូវរួមគ្នាកែច្នៃ ចងក្រងខ្លឹមសារ បកស្រាយបង្ហាញអំពីម្ហូបអាហារ ដែលជាសម្បត្តិវប្បធម៌ បេតិកភណ្ឌទាំងនេះ ដើម្បីចូលរួមលើកកម្ពស់ជីវភាពរស់នៅ របស់ប្រជាពលរដ្ឋក្នុងតំបន់នោះ តាមរយៈការមកដល់នៃទេសចរជាតិ-អន្តរជាតិ និងត្រៀមដាក់បញ្ចូលក្នុងបញ្ជីបេតិកភណ្ឌផងដែរ។បើតាមលោក Xu Jing នាយកប្រចាំតំបន់អាស៊ី-ប៉ាស៊ីហ្វិក នៃអង្គការទេសចរណ៍ពិភពលោក (UNWTO) បានថ្លែងថា ការអភិរក្សម្ហូបអាហារ គឺវាផ្សារភ្ជាប់នឹងការងារកសិកម្ម នៅក្នុងតំបន់មួយ ហើយវាក៏ជាអត្តសញ្ញាណទ្រព្យសម្បត្តិបេតិកភណ្ឌ របស់ប្រទេសមួយ ដែលគេកំពុងផ្តោតការយកចិត្តដាក់ខ្ពស់ និងត្រូវរៀបចំដាក់បញ្ចូលក្នុងបញ្ជីបេតិកភ័ណ្ឌពិភពលោក ដើម្បីបង្ហាញអោយប្រជាពលរដ្ឋនៅពិភពលោក មានការយល់ដឹង៕

ចុងឆ្នាំនេះ និងដើមឆ្នាំក្រោយ ប្រាសាទបុរាណខ្មែរដ៏អស្ចារ្យចំនួន២ នឹងត្រូវចុះក្នុងបញ្ជីបេតិកភណ្ឌពិភព

ភ្នំពេញ៖ ក្រសួងវប្បធម៌ និងវិចិត្រសិល្បៈ បានរៀបចំឯកសាររួចជាស្រេច ដើម្បីដាក់ប្រាសាទបុរាណខ្មែរដ៏អស្ចារ្យចំនួន២ ចុះក្នុងបញ្ជីបេតិកភណ្ឌពិភពលោក របស់អង្គការយូណេស្កូ។ឯកឧត្តម ប្រាក់ សុណ្ណារ៉ា រដ្ឋលេខាធិការក្រសួងវប្បធម៌ និងវិចិត្រសិល្បៈ បានថា នៅចុងឆ្នាំ២០១៩ និងដើមឆ្នាំ២០២១នេះ ក្រសួងគ្រោងចុះប្រាសាទបុរាណខ្មែរដ៏ចំនួន២ ក្នុងបញ្ជីបេតិកភណ្ឌពិភពលោក។ មុនគេនៅចុងឆ្នាំ២០១៩ ក្រសួងនឹងដាក់ឯកសារប្រាសាទកោះកេរ្ត៍ និងឆ្នាំ២០២១ក្រសួង ដាក់ឯកសារ ប្រាសាទចំនួនបីក្រុម ដែលជាស៊េរី គឺប្រាសាទបន្ទាយឆ្មា ប្រាសាទបឹងមាលា និងក្រុមប្រាសាទព្រះខ័នកំពង់ស្វាយ។បើតាមការបញ្ជាក់របស់លោកជំទាវ ភឿង សកុណា រដ្ឋមន្រី្តក្រសួងវប្បធម៌ និងវិចិត្រសិល្បៈ ថា គ្រប់ឯកសារទាំងអស់ដែលក្រសួងដាក់ប្រាសាទ ឬក៏បេតិកភណ្ឌជាតិផ្សេងទៀត ចុះជាសម្បតិ្តបេតិកភណ្ឌពិភពលោក គឺទាមទារឲ្យមានការចូលរួមពីគ្រប់ស្ថាប័នពាក់ព័ន្ធនៅក្នុងប្រទេសកម្ពុជា។ប្រសិនបើសម្បតិ្តបេតិកភណ្ឌជាតិនោះទទួលបានជោគជ័យ ក៏ជាជោគជ័យរបស់ជាតិ ហើយការដាក់ប្រាសាទបុរាណខ្មែរ ជាសម្បតិ្តបេតិកភណ្ឌពិភពលោកនេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រី្តបានគាំទ្រយ៉ាងខ្លាំងបំផុត៕

បណ្ដាញសង្គម

ព័ត៌មានថ្មីៗ

ប្រធាន និងជានាយកប្រតិបត្តិធនាគារជាតិកាណាដា ជឿជាក់ថា ធនាគារ ABA នឹងបន្តដើរតួនាទីក្នុងការចូលរួមចំណែកដល់ការរីកចម្រើននៃវិស័យធនាគារនៅកម្ពុជា

រដ្ឋមន្រ្តីការបរទេស សមាហរណកម្មតំបន់ និងប្រជាជនតូហ្គោនៅបរទេស នៃសាធារណរដ្ឋតូហ្គោ សម្តែងការអបអរសាទរចំពោះការអភិវឌ្ឍរីកចម្រើនយ៉ាងឆាប់លេីគ្រប់វិស័យរបស់កម្ពជា

នាយឧត្តមសេនីយ៍ ស ថេត តំណាងឧបនាយករដ្ឋមន្ដ្រី ស សុខា បន្ដជួបសំណេះសំណាលជាមួយថ្នាក់ដឹកនាំ និងមន្ដ្រីនៃស្នងការដ្ឋាននគរបាលខេត្តបន្ទាយមានជ័យ

ក្រុមហ៊ុន AirAsia ប្តេជ្ញាបង្កេីនការតភ្ជាប់អ្នកធ្វើដំណើរ និងភ្ញៀវទេសចរមកកាន់ប្រទេសកម្ពុជាឱ្យកាន់តែច្រើនបន្ថែមទៀត

សាកសពគរដូចភ្នំនៅក្នុងមន្ទីរពេទ្យហ្កាហ្សា ក្រោយការវាយប្រហារឡើងវិញរបស់យោធាអ៊ីស្រាអែល

ធនាគារអភិវឌ្ឍន៍អាស៊ី( ADB) នឹងបន្តពង្រឹង និងពង្រីកកិច្ចសហប្រតិបត្តិការក្នុងភាពជាដៃគូដ៏ល្អជាមួយរាជរដ្ឋាភិបាលកម្ពុជា

របាយការណ៍៖ សីតុណ្ហភាពក្តៅបំផុតឆ្នាំ ២០២៤ ពន្លឿនការបាត់បង់ទឹកកក និងការឡើងនីវ៉ូទឹកសមុទ្រ

វីហារអាយុកាលជិត ១ពាន់ឆ្នាំ ផ្តល់អាហារដល់ពលរដ្ឋអ៊ីរ៉ាក់ អំឡុងពិធីបុណ្យ Ramadan

ឯកឧត្តម ហង់ជួន ណារ៉ុន និងឯកឧត្តម ជា វ៉ាន់ដេត អញ្ជើញទស្សនកិច្ចគម្រោងសាកល្បងស្តីពីបរិវត្តកម្មឌីជីថលសាលារៀន និងការប្រើប្រាស់ប្រព័ន្ធគ្រប់គ្រងការសិក្សា នៅវិទ្យាល័យ ហ៊ុន សែន សេរីភាព

ជប៉ុនផ្ដល់ហិរញ្ញប្បទានឥតសំណងប្រមាណជិត១១លានដុល្លារ ដល់កម្ពុជា ដើម្បីគាំទ្រអង្គភាព CMAC លើគម្រោងចំនួន២

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

វប្បធម៌ និងទេសចរណ៍

ជនរងគ្រោះទាំងអស់ក្នុងរបបខ្មែរក្រហម ស្ថិតនៅក្នុងការចងចាំ និងការគិតគូរខ្ពស់បំផុតពីរាជរដ្ឋាភិបាល

ពិធីសែនព្រះខែកាន់តែពេញនិយមនៅកម្ពុជា

UNESCO គាំទ្រមុខម្ហូបចំនួន១០ត្រៀមដាក់បញ្ចូលបញ្ជីបេតិកភណ្ឌអរូបីយពិភពលោក

ចុងឆ្នាំនេះ និងដើមឆ្នាំក្រោយ ប្រាសាទបុរាណខ្មែរដ៏អស្ចារ្យចំនួន២ នឹងត្រូវចុះក្នុងបញ្ជីបេតិកភណ្ឌពិភព

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

វប្បធម៌ និងទេសចរណ៍

ពិធី​សែន​ព្រះ​ខែ​កាន់តែ​ពេញ​និយម​នៅ​កម្ពុជា​

UNESCO​ គាំទ្រ​មុខម្ហូប​ចំនួន​១០​ត្រៀម​ដាក់បញ្ចូល​បញ្ជី​បេតិកភណ្ឌ​អរូបី​យ​ពិភពលោក​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ពិធីសែនព្រះខែកាន់តែពេញនិយមនៅកម្ពុជា

UNESCO គាំទ្រមុខម្ហូបចំនួន១០ត្រៀមដាក់បញ្ចូលបញ្ជីបេតិកភណ្ឌអរូបីយពិភពលោក