នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចតេជោ គាំទ្រកម្ពុជា-វៀតណាម ចៀសវាងកុំឱ្យមានការប្រើប្រាស់កម្លាំងនៅក្នុងប្រទេសមួយ ប្រឆាំងនឹងប្រទេសណាមួយទៀត
សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីសន្តិសុខសាធារណៈវៀតណាម ចូលជួបសម្តែងការគួរសម
សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល​ គឺ ប្រទេសជាតិ​,​ប្រជាជន, ទឹកដី និង​ ឯករាជ្យភាពជាតិ
សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

នយោបាយ​ និង ការអភិវឌ្ឍន៍

ព្រឹទ្ធសភា​អនុម័តច្បាប់​ទាក់ទិន​នឹង​គម្រោងអភិវឌ្ឍន៍ និង​ផ្គត់ផ្គង់អគ្គិសនី

2021/07/02 08:26:12 am        549
Facebook Telegram Linkin
ភ្នំពេញ ៖ សមាជិកព្រឹទ្ធសភាចំនួន៤០រូប បានអនុម័តលើសេចក្តីព្រាងច្បាប់ ចំនួន៤ ទាក់ទិន​នឹងគម្រោងអភិវឌ្ឍន៍ និងការផ្គត់ផ្គងអគ្គិសនី​ក្នុងសម័យប្រជុំពេញអង្គ ព្រឹទ្ធសភា លើកទី៧ នីតិកាលទី៤ ក្រោមអធិបតីភាពសម្តេច សាយ ឈុំ ប្រធានព្រឹទ្ធសភា ។អង្គប្រជុំបានពិនិត្យ និងឲ្យយោបល់លើ សេចក្តីព្រាងច្បាប់ ស្តីពី ការអនុម័តយល់ព្រមលើការ ធានាទូទាត់​របស់រាជរដ្ឋាភិបាលកម្ពុជាឲ្យក្រុមហ៊ុន ស្នេថេក ខូ អិលធីឌី សម្រាប់គម្រោងអភិវឌ្ឍន៍ ខ្សែបណ្តាញបញ្ជូន អគ្គិសនី​តង់ស្យុង៥០០គីឡូវ៉ុលពីខេត្តបាត់ដំបង ទៅកាន់ព្រំដែនកម្ពុជា-ថៃ ។ សេចក្តីព្រាងច្បាប់នេះ តាក់តែងឡើងមាន ៣មាត្រា ត្រូវបានរដ្ឋសភាអនុម័ត យល់ព្រមជា​លើក​ដំបូង ចំនួន៨០សំឡេង នៃចំនួនសមាជិករដ្ឋសភា ទាំងមូល កាលពីថ្ងៃទី២៤ ខែមិថុនា ឆ្នាំ២០២១ នាសម័យប្រជុំរដ្ឋសភាលើកទី៦ នីតិកាលទី៦ ។ពិនិត្យ និងឲ្យយោបល់លើសេចក្តី ព្រាងច្បាប់ស្តីពី ការអនុម័តយល់ ព្រមលើការធានាទូទាត់ របស់​រាជរដ្ឋាភិបាលកម្ពុជា ឲ្យក្រុមហ៊ុន ស្នេថេក ខូ អិលធីឌី សម្រាប់គម្រោងអភិវឌ្ឍខ្សែបណ្តាញ បញ្ជូនអគ្គិសនីតង់ស្យុង៥០០គីឡូវ៉ុល ពីរាជធានីភ្នំពេញ ទៅកាន់ព្រំដែន កម្ពុជា-ឡាវ ។ សេចក្តីព្រាងច្បាប់នេះ មាន ៣មាត្រា ត្រូវបានរដ្ឋសភាអនុម័ត យល់ព្រមជាលើកដំបូង ចំនួន ៧៩សំឡេង នៃចំនួនសមាជិករដ្ឋសភា ទាំងមូល កាលពីថ្ងៃទី២៤ ខែមិថុនា ឆ្នាំ២០២១ ។ពិនិត្យ និងឲ្យយោបល់លើសេចក្តីព្រាងច្បាប់ស្តីពី ការអនុម័តយល់ព្រមលើការធានា ទូទាត់​របស់​រាជរដ្ឋាភិបាលកម្ពុជា ឲ្យក្រុមហ៊ុនអគ្គិសនីវៀតណាម សម្រាប់ធានាលើការទិញ ថាមពលអគ្គិសនី ពី វៀតណាម ។៤.ពិនិត្យ និងឲ្យយោបល់លើសេចក្តីព្រាងច្បាប់ស្តីពី ការអនុម័តយល់ព្រមលើការធានា ទូទាត់របស់រាជរដ្ឋាភិបាល កម្ពុជា ឲ្យក្រុមហ៊ុន ឆាយណា ណេសិនណល ហេវី ម៉ាស៊ីនណឺរី ខបភើរេសិន សម្រាប់គម្រោងអភិវឌ្ឍវារី អគ្គិសនីស្ទឹងតាតៃលើអានុភាព ១៥០មេហ្កាវ៉ាត់ ខេត្តកោះកុង ៕អត្ថបទ ៖ បាន

ប្រមុខការទូតកម្ពុជាប្រាប់អ្នករាយការណ៍ពិសេសUNថា ការវាយតម្លៃណាមួយមកលើកម្ពុជា គួរតែចងចាំថា តើចេញពីប្រភពណា

2021/07/02 04:40:04 am        343
Facebook Telegram Linkin
ភ្នំពេញ ៖ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្តីការបរទេស និង​សហប្រតិបត្តិការ​អន្តរជាតិ បានជួបជាមួយលោកសាស្ត្រាចារ្យ វិទិត មុនតាប៊ន អ្នករាយការណ៍​ពិសេស​ទទួល​បន្ទុក​ស្ថានភាពសិទ្ធិមនុស្សនៅកម្ពុជា ដោយនៅក្នុងពេលនោះលោក វិទិត មុនតាប៊ន បានចាត់​ទុកខ្លួន​លោក​ជាមិត្តល្អរបស់កម្ពុជា។នេះបើតាមប្រកាសព័ត៌មានរបស់ក្រសួងការរបរទេស ដែលបានបង្ហាញលទ្ធផលនៃជំនួប​នៅ​រសៀលថ្ងៃទី០១ ខែកក្កដា ម្សិលមិញនេះ ដែលឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋ​មន្ត្រី​ការបរទេស និងសហប្រតិបត្តិការអន្តរជាតិ បានទទួលជួបតាមប្រព័ន្ធវីដេអូ ជាមួយលោក សាស្ត្រាចារ្យ វិទិត មុនតាប៊ន អ្នករាយការណ៍ពិសេសថ្មី ទទួលបន្ទុកស្ថានភាពសិទ្ធិ មនុស្ស​នៅកម្ពុជា។កិច្ចពិភាក្សានេះ បានផ្តោតលើ(១) កិច្ចសហប្រតិបត្តិការអន្តរជាតិ និងតំបន់ (២)ជំងឺ កូវីដ១៩ និងផលវិបាករបស់វាព្រមទាំង (៣) សិទ្ធប្រជាធិបតេយ្យ និងពលរដ្ឋ។ដោយចាត់ទុកខ្លួន​លោកជាមិត្ត​ល្អរបស់កម្ពុជា លោកសាស្ត្រាចារ្យ វិទិត មុនតាប៊ន បានគូស បញ្ជាក់​ពីការគោរព​ដ៏ជ្រាលជ្រៅចំពោះព្រះរាជាណាចក្រកម្ពុជា។ លោក បានសម្តែងនូវអំណរសាទរ ចំពោះ​កិច្ចសហប្រតិបត្តិការយ៉ាងទូលំទូលាយរបស់កម្ពុជា នៅក្នុងយន្តការសិទ្ធិមនុស្ស ដូចជា​ការផ្តល់ ​សច្ចាប័ន​អនុសញ្ញា​អន្តរជាតិស្តីពី​សិទ្ធិមនុស្ស​ជាច្រើន ការចូលរួមក្នុងស្ថាប័នសន្ធិសញ្ញា ​យន្តការត្រួត ពិនិត្យតាមកាលកំណត់ និងអ្នករាយការណ៍ពិសេស និងការរីកចម្រើនគួរឱ្យកត់សម្គាល់នៅក្នុងសិទ្ធិ សេដ្ឋកិច្ចនិងសង្គម។ឯកឧត្តម ឧបនាយករដ្ឋមន្ត្រី បាន​អបអរសាទរ​ចំពោះលោកសាស្ត្រាចារ្យ វិទិត មុនតាប៊ន ដែល បាន​ទទួលការតែងតាំងជាអ្នករាយការណ៍ ពិសេសថ្មីទទួលបន្ទុកស្ថានភាពសិទ្ធិមនុស្សនៅកម្ពុជា ​និង បានស្វាគមន៍ចំពោះវិធីសាស្ត្រប្រកប​ដោយការគោរព​របស់លោកសាស្ត្រាចារ្យ ព្រមទាំង​បានបញ្ជាក់ សារជាថ្មីពីកិច្ចសហប្រតិបត្តិការរបស់កម្ពុជា ​ក្នុងការធ្វើការយ៉ាងជិតស្និទ្ធ​ជាមួយអ្នករាយការណ៍ ពិសេស។ភាគីទាំងពីរបានផ្លាស់ប្តូរទស្សនៈផងដែរលើការរៀបចំរបស់កម្ពុជា ក្នុងនាមជាប្រធានអាស៊ាន​នៅ​ឆ្នាំ២០២២ និង​គំនិត​ផ្ដួចផ្ដើម​ដែល មាន​សក្ដានុពល​ពាក់ព័ន្ធ​មួយចំនួន។ចំពោះការរីករាលដាល​នៃជំងឺកូវីដ១៩ ឯកឧត្តម ឧបនាយករដ្ឋមន្ត្រី បាន​ជម្រាប​ជូន​ដោយសង្ខេប ពីវិធានការ​ហ្មត់ចត់ និងយុទ្ធសាស្ត្ររបស់កម្ពុជាក្នុងការឆ្លើយតបនឹងវិបត្តិសុខភាព​ និងកាត់ បន្ថយ​ផលប៉ះពាល់សេដ្ឋកិច្ច-សង្គមលើជនងាយរងគ្រោះ ក្នុងនោះ មានកម្មវិធី​ឧបត្ថម្ភ​សាច់ប្រាក់​ ការផ្តល់ ម្ហូបអាហារ​ក្នុងអំឡុងការបិទខ្ទប់ ​និងការចាក់វ៉ាក់សាំង។ អាទិភាព​របស់​រដ្ឋាភិបាល​គឺធានា​សិទ្ធិ​រស់រាន​ មានជីវិតនិងសុខភាព រួមជាមួយស្ថិរភាពសង្គម​ និងសុខភាពសាធារណៈ។ជាការឆ្លើយតប លោក សាស្ត្រាចារ្យ វិទិត មុនតាប៊ន បានស្វាគមន៍ចំពោះការឧបត្ថម្ភសាច់ប្រាក់ និងការចាក់វ៉ាក់សាំងការពារ ​ដោយឥតគិតថ្លៃនៅក្នុងប្រទេសកម្ពុជា។ ​ស្តីពីប្រជាធិបតេយ្យ​​​និង​ពលរដ្ឋ ឯកឧត្ដមឧបនាយករដ្ឋមន្ត្រី បានសង្កត់ធ្ងន់ថា ​​ការវាយតម្លៃ​ ណាមួយមកលើប្រទេសកម្ពុជា គួរតែចងចាំថា តើការវាយតម្លៃនោះចេញពីប្រភពណា ហើយវាស្ថិតនៅ ត្រង់ណានៅពេលនេះ ។ យន្តការនានា ត្រូវបានរៀបចំបង្កើតឡើង ដើម្បីបង្កើតភាពជាដៃគូរវាងរដ្ឋាភិបាល និងអង្គការ​សង្គមស៊ីវិល​ឲ្យកាន់តែជិតស្និទ្ធ លទ្ធិប្រជាធិបតេយ្យមិនមែនជាការរត់ប្រណាំងចម្ងាយខ្លីនោះទេ ប៉ុន្តែវាជាការរត់ចម្ងាយឆ្ងាយមួយ។ រាល់វិធានការច្បាប់ និងគ្រប់គ្រងរដ្ឋបាល ត្រូវបានពង្រឹង និងអនុវត្តនៅក្នុងព្រំដែនច្បាប់ ការចោទប្រកាន់ត្រូវបានធ្វើឡើងនៅចំពោះមុខតុលាការ ពាក់ព័ន្ធនឹង បទល្មើសព្រហ្មទណ្ឌនិងការរំលោភច្បាប់រដ្ឋធម្មនុញ្ញ។ ជនជាប់ចោទមានឱកាសពេញលេញក្នុងការស្ដាប់ និងបដិសេធរាល់ការចោទប្រកាន់ ដែលជាផ្នែក​មួយ​នៃសិទ្ធិទទួលបាននីតិវិធីត្រឹមត្រូវ។នេះជាកិច្ចប្រជុំលើកទី៦ តាមប្រព័ន្ធវីដេអូ ដែលលោកសាស្ត្រាចារ្យ វិទិត មុនតាប៊ន បានជួប ជាមួយ​បណ្តា​ឥស្សរជន​នៃរាជរដ្ឋាភិបាលកម្ពុជា ចាប់តាំងពីលោកបានចូលកាន់តំណែងក្នុងអាណត្តិ របស់លោក។អ្នករាយការណ៍ពិសេសថ្មីទទួលបន្ទុកស្ថានភាពសិទ្ធិមនុស្សនៅកម្ពុជាបានជួប ជាមួយឥស្សរជន និងតំណាងមកពីក្រសួងមហាផ្ទៃ គណៈកម្មាធិការសិទ្ធិមនុស្សកម្ពុជា ក្រសួងសុខាភិបាល ក្រសួងសង្គមកិច្ច អតីតយុទ្ធជន និងយុវនីតិសម្បទា និងក្រសួងយុត្តិធម៌។លោកសាស្ត្រាចារ្យ វិចិត បានថ្លែងអំណរគុណដល់រាជរដ្ឋាភិបាលកម្ពុជា ដែលបានជួយសម្រួល​ឲ្យមានការសន្ទនាដោយបើក ចំហនិងប្រកបដោយការស្ថាបនា ដែលបង្ហាញពីការផ្ដល់​កិច្ច​សហប្រតិបត្តិការល្អរបស់កម្ពុជា នៅក្នុងអាណត្តិថ្មីរបស់លោក៕អត្ថបទ ៖ មុត សុត 

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា ចាត់​ឲ្យ​តំណាង​នាំ​យក​​អំណោយ​មនុស្ស​ធម៌​ជូន​កុមារ​កំព្រា ​ក្នុង​មណ្ឌលមែកឈើ​

2021/07/01 03:22:22 pm        586
Facebook Telegram Linkin
ភ្នំពេញ ៖ ដោយទទួលដំណឹងតាមរយៈបណ្តាញសង្គមពីការលំបាករបស់មណ្ឌលមែកឈើ ស្ថិតនៅ​ក្នុងខណ្ឌកំបូល រាជធានីភ្នំពេញ នៅព្រឹកថ្ងៃទី ០១ ខែ កក្កដា ឆ្នាំ២០២១នេះ ឯកឧត្តម ឌី វិជ្ជា និង​លោកជំទាវ ហ៊ុន ម៉ាណា បាន​ចាត់ឲ្យ​លោក ជិន ប៊ុនធឿន និងក្រុមការងារមនុស្សធម៌​នាំយក​អំណោយ​មួយចំនួនធំទៅប្រគល់ជូនមណ្ឌលមួយនេះ ​ដើម្បីជួយសម្រាលការលំបាក​បាន​មួយ​រយៈផងដែរ ។នាឱកាសនោះលោក ជិន ប៊ុនធឿន បានពាំនាំបណ្តាំសួរសុខទុក្ខពីសំណាក់ឯកឧត្តម និង​លោកជំទាវ ​ដែលជានិច្ចកាលលោកតែងតែគិតគូរពីការលំបាករបស់កូនៗ ក្មួយៗ​ដែលរស់​នៅ​តាមអង្គការ សមាគម និងមណ្ឌលនានា ក្នុងព្រះរាជាណាចក្រកម្ពុជា ពិសេសក្មួយៗ​ក្នុង​មណ្ឌលមែកឈើ ដែលកំពុងប្រឈមនឹងបញ្ហាជីវភាពក្នុងវិបត្តិនៃការរីករាលដាលជំងឺកូវីដ-១៩នេះ ។ សូមបញ្ជាក់ផងដែរថា ​លោក​ ផន​ ផល្លា​ ជា​អតីត​ក្មេងធ្លាប់រស់នៅក្នុងមណ្ឌល ត្រូវបាន​ឲ្យ​​កាន់​តួនាទីបន្តជាប្រធានថ្មីតាំងពីដើមឆ្នាំ២០២០ មកម្ល៉េះ​ ដើម្បីដឹកនាំ​និងស្វែងរកជំនួយពី សប្បុរសជន​នានា​ក្នុងស្រុក និងក្រៅស្រុកនាពេលកន្លងមក ។ ​តែបច្ចុប្បន្នលោក​មានផ្ទុកជំងឺកូវីដ-១៩ ក្នុង​ស្ថានភាពធ្ងន់ធ្ងរ កំពុងទទួលការព្យាបាល ​។ ចំណែកឯកុមារចំនួន​១០នាក់ផ្សេង ទៀត​ក៏បាន​ឆ្លងហើយកំពុងសំរាកព្យាបាលនៅមន្ទីរពេទ្យគន្ធបុប្ផា ។ ទើបធ្វើឲ្យ​មណ្ឌលនេះ​ប្រឈម​នឹងការ​ខ្វះខាត​ដើម្បីបន្តចិញ្ចឹមកុមារក្នុងមណ្ឌល ។ សម្រាប់​អំណោយរបស់ឯកឧត្តម ឌី វិជ្ជា និងលោកជំទាវ ហ៊ុន ម៉ាណា ដែលត្ររូវ​​ផ្តល់ជូន មណ្ឌលកុមារកំព្រាមែកឈើរួមមាន ៖ ១-អង្ករចំនួន ១០ បេ ២- ត្រីខចំនួន ៥ កេស ៣-មីចំនួន ១០ កេសធំ៤-ត្រីងៀតចំនួន ១០ គីឡូ៥-សាច់ក្រកចំនួន ១០ គីឡូ៦-សាច់ជ្រូកផាត់ចំនួន ១០ គីឡូ៧-ទឹកដោះគោខាប់ចំនួន ៤ កេស ៨-អូវ៉ាន់ទីនចំនួន ៥ កញ្ចប់ធំ ៩-ស្ករសចំនួន ១ បេ១០-អំបិលចំនួន ១ បេ ១១-ទឹកត្រីចំនួន ៥ យួរ១២-ទឹកស៊ីអីវចំនួន ៥ យួរ១៣-ប៊ីចេងចំនួន ១ បេ១៤-ប្រេងឆាចំនួន ៥ ដបធំ ១៥-សាប៊ូដុំចំនួន ១០០ ដុំ១៦-វីតាមីនសេចំនួន ៣០ ១៧-ប្រេងក្រឡាចំនួន ៥ ដុំ១៨-ប្រេងខ្យល់ចំនួន ៥ ដុំ ១៩-ម៉ាសចំនួន ៦០ ប្រអប់។ សម្រាប់​បុគ្គលិកចំនួន២០នាក់​ចូល​រួមក្នុងកម្មវិធី ក្នុងម្នាក់ៗទទួលបានឃីដ០១មួយកញ្ចប់​ ។ ដោយឡែក​កុមារ​ចំនួន៨០នាក់ ក្នុងម្នាក់ៗ​ទទួលបាន​សម្ភារៈ​សិក្សា​១​ឈុត និង​ប្រដាប់ប្រដា​អនាម័យ​មួយ​ចំនួនផងដែរ ៕

កម្ពុជា​ចាត់ទុក​អង្គការ​ដៃគូ​អភិវឌ្ឍន៍​នានា​​ ធ្វើការ​ងារ​កាត់​បន្ថយ​ហានិភ័យ ​គ្រោះ​មហន្តរាយ​នៅ​​កម្ពុជា​បានច្រើន

2021/07/01 01:45:59 pm        412
Facebook Telegram Linkin
ភ្នំពេញ ៖ ឯកឧត្តម ហង្ស សាមឿន ទីប្រឹក្សាសម្តេចតេជោ ​នាយករដ្ឋមន្ត្រី ​និង​តំណាង​ដ៏ខ្ពស់ខ្ពង់​ឯកឧត្តម ​នាយឧត្តមសេនីយ៍ គន់ គីម ទេសរដ្ឋមន្រ្តី អនុប្រធានទី១ គណៈកម្មាធិការជាតិ គ្រប់គ្រង​គ្រោះ​មហន្តរាយ បានមានប្រសាសន៍​ថា ​ភាពជាដៃគូ ស្ថាប័នសំខាន់ៗ ​និងកិច្ចសហប្រតិបត្តិការ រួមមាន​ស្ថាប័ន​រាជរដ្ឋាភិបាល ​និងអង្គការ​ដៃគូអភិវឌ្ឍន៍​នានា បានធ្វើការងារ​កាត់​បន្ថយហានីភ័យ គ្រោះ​មហន្តរាយ​នៅកម្ពុជា។ ការលើកឡើងបែបនេះ​ ធ្វើឡើងក្នុងពិធីបើក​ កិច្ចប្រជុំសម្របសម្រួល​រវាង គ.ជ.គ.ម. និងអង្គការ​ដៃគូ​អភិវឌ្ឍន៍​កម្ពុជា​ សហការ​ជាមួយ​ក្រុមការងារ អស់លោក​ជាសហប្រធាន ​HRF និង JAG -តំណាងភ្នាក់ងារសហប្រជាជាតិ ដៃគូអភិវឌ្ឍន៍ និងអង្គការ PPC ដែលបានខិតខំប្រឹងប្រែងក្នុងការ រៀបចំឱ្យកិច្ចប្រជុំនាពេលនេះ​ លើការងារគ្រប់គ្រងគ្រោះមហន្តរាយ​នៅកម្ពុជា​ នាព្រឹកថ្ងៃទី០១ ខែកក្តដា ឆ្នាំ២០២១នេះ ។ក្នុងឱកាសបើក​កិច្ចប្រជុំនេះ ឯកឧត្តម ហង្ស សាមឿន ធ្វើការវាយតម្លៃខ្ពស់ចំ ពោះក្រុមការងារ បច្ចេកទេស​របស់ គ.ជ.គ.ម. ដែលដឹកនាំដោយ ឯកឧត្តម គីម វីរៈ ទីប្រឹក្សា គ.ជ.គ.ម. និង​ជានាយកគម្រោង​ ដែលសហការជាមួយ​ក្រុមការងារ HRF JAG និង PPC ដែលបាន​ខិតខំ​ប្រឹងប្រែង​លើការងារគ្រប់គ្រង​គ្រោះមហន្តរាយ នាពេលនេះ​ គឺជាការសមស្របបំផុត ដែលបម្រើជាគុណ​ប្រយោជន៍​ ក្នុង​ការលើក​កម្ពស់​កិច្ចសហប្រតិបត្តិការសម្រាប់ពេលអនាគត រវាងគណៈកម្មាធិការជាតិ គ្រប់គ្រង​គ្រោះ​មហន្តរាយ និងអង្គការដៃគូ ក្នុងគោលបំណងកាត់បន្ថយ ផលប៉ះពាល់ ដល់សង្គម-សេដ្ឋកិច្ច នឹង បរិស្ថានដែលបង្កឡើង​ដោយមុខសញ្ញាគ្រោះថ្នាក់​ដោយធម្មជាតិ និង ដោយ​មនុស្ស​ ហើយក៏ជាការប្រយុទ្ធ​នឹង​ហានិភ័យ​ គ្រោះមហន្តរាយ។ឯកឧត្តម បន្តថា តាមរយៈប្រព័ន្ធអនឡាញ ​ដើម្បីជួបប្រជុំពិគ្រោះយោបល់ ​ក៏ដូចជាការអនុវត្តនូវ សកម្មភាព​ការងារចាំបាច់ផ្សេងៗ ។​ នៅអំឡុងពេលប៉ុន្មានឆ្នាំចុងក្រោយនេះ ​ប្រទេសកម្ពុជាមានការ អភិវឌ្ឍន៍ គួរឲ្យ​កត់​សម្គាល់ ​មិនត្រឹមតែក្នុង​ទិដ្ឋភាព​សន្តិសុខ និងនយោបាយ ​ថែមទាំងសេដ្ឋកិច្ច និង​សង្គ្រាមផងដែរ។ក្នុងឆ្នាំ២០២០កម្ពុជា​យើងបាន ​នៅពេលទឹកជំនន់ ​កំពុងវាយប្រហារខ្លាំង គណៈកម្មាធិការជាតិ ​គ្រោះ​មហន្តរាយ ​ដោយសហការជាមួយ HRF និង JAG ​ចុះ​ទៅកាន់​ខេត្តគោល​​ដៅ ​ដែល​រងគ្រោះ​ធ្ងន់ធ្ងរ​ ដើម្បី​ធ្វើការ​ប៉ាន់ប្រមាណ​អំពី​ ផល់​ប៉ះពាល់​ និង​តម្រូវ​ការ​របស់​ប្រជាជន។ ទទួលរង​គ្រោះមហន្តរាយ ​​ដោយ​​ជំនន់​ទឹកភ្លៀង​ធ្ងន់ធ្ងរ​ប៉ះពាល់​២៥រាជធានី-ខេត្ត ​ជាពិសេស ខេត្តបន្ទាយមានជ័យ ពោធិ៍សាត់ បាត់ដំបង និងរាជធានីភ្នំពេញ។ គណៈកម្មាធិការជាតិ គ្រប់គ្រងគ្រោះមហន្តរាយ ត្រូវបានបង្កើតឡើងជាសេនាធិការឱ្យ រាជរដ្ឋាភិបាល ដើម្បីដឹកនាំ គ្រប់គ្រង និងសម្របសម្រួលការងារគ្រប់គ្រងគ្រោះ មហន្តរាយនៅកម្ពុជា៕អត្ថបទ បាន ចក់

សម្តេចតេជោ​ ដាក់​ចេញ​យុទ្ធសាស្ត្រថ្មី​បិទ​ការ​​នាំចូល​តាម​ព្រំដែន​ទាំងអស់​ដើម្បី​ទប់ស្កាត់​មេរោគ​បំប្លែង​ខ្លួនថ្មី

2021/07/01 05:17:34 am        506
Facebook Telegram Linkin
ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី និង​ជា​ប្រធាន​គណៈកម្មការជាតិ​ប្រយុទ្ធ​ប្រឆាំងកូវីដ១៩ ​បាន​​ដាក់​ចេញ​នូវ​វិធានការ​យុទ្ធសាស្ត្រថ្មី​បន្ថែមទៀត ដើម្បី​ទប់ស្កាត់​ការ​នាំចូល​មេរោគបំប្លែងខ្លួនថ្មី ​ជាពិសេស​ត្រូវពង្រឹងការ​គ្រប់គ្រង​ការចេញចូលតាមព្រំដែន ទាំងផ្លូវគោក ផ្លូវទឹក និងផ្លូវអាកាស។តាមរយៈសារពិសេសថ្លែងចេញពីភូមិគ្រឹះក្រុងតាខ្មៅ នៅព្រឹកថ្ងៃទី១កក្កដា​ក្នុងកិច្ចប្រជុំ​គណៈកម្មការ​ជាតិ​ប្រយុទ្ធប្រឆាំងកូវីដ១៩ ​សម្តេចតេជោ​ បាន​ដាក់ចេញ​នូវវិធានការ​យុទ្ធសាស្ត្រ​ថ្មីៗ​ ជាពិសេស ការ​ទប់ស្កាត់​ការនាំចូល​នៅតាមព្រំដែនទាំងអស់​ត្រូវពង្រឹងការ​ចេញ​ចូលតាមព្រំដែន​ទាំងអស់​ទាំង​ផ្លូវគោក ផ្លូវទឹក និងផ្លូវអាកាស ជាពិសេសសម្តេចមិនស្តីបន្ទោសទេ​នៅក្នុងពេលវេលានេះ ។ ​ប៉ុន្តែ​សម្តេច​ត្រូវតែមានការណែនាំនៅលើចំណុច​ខ្វះខាត​របស់​មន្ត្រី​សុខាភិបាល​ ដូចជាការ​ផ្តល់​សម្ភារៈ​វេជ្ជសាស្ត្រ​ការធ្វើតេស្តរហ័ស​ និង​សម្ភារៈ​ប្រើប្រាស់​ដទៃទៀត​មិន​បាន​ឆ្លើយ​តប​តាមការ​ស្នើសុំ​របស់​ខេត្ត​ ដែលបាននិងកំពុងមាន​ហានិភ័យ​ឆ្លងរាលដាល ​បាន​តាមសំណើរជាដើមនោះ។សម្ដេច បានបន្ថែមថា ទាក់ទង​ឧបករណ៍​​តេស្តរហ័សនេះ ​នៅ​សល់មិនខ្វះនោះឡើយ ដូច្នេះគ្មានរឿង​អីដែល​ត្រូវ​​​និយាយ​ពី​បញ្ហា​នោះ។សម្តេច បានបន្តថា ការធ្វើរបៀបនេះ វាមិនខុសពីការដែលហៅថា កងទ័ព​ទៅច្បាំងខ្វះគ្រាប់​ខ្វះ​អាវុធនោះ ​ ។ដូច្នេះសម្តេច បានណែនាំ​សូម​យកចិត្តទុកដាក់ឲ្យច្បាស់ ​ជាពិសេសប្រដាប់​ធ្វើ​តេស្តេរហ័ស ​មិនត្រូវ​ទុក​តែ​ក្នុង​ឃ្លាំងនោះទេ​ រាប់ទាំងសម្ភារៈ​ផ្សេងៗទៀត ដែលពេលវេលានេះ​មិនមែន​ជាពេលវេលាត្រូវស្តីបន្ទោសនោះទេ​ តែជាពេលវេលាត្រូវកែតម្រូវ ៕អត្ថបទ ៖ មុត សុត 

សម្តេចតេជោ បញ្ជាឱ្យ​ព្យាបាលអ្នកឆ្លងមេរោគបំប្លែង​ខ្លួនថ្មី​នៅដាច់​ដោយ​ឡែក​ពី​គេ

2021/07/01 05:46:43 am        464
Facebook Telegram Linkin
ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានបញ្ជា​ឲ្យ​ក្រសួង​សុខាភិបាល​ដាក់ការព្យាបាលនៅដាច់ ដោយឡែកពីគេ​ចំពោះ​អ្នកឆ្លងកូវីដ១៩ ប្រភេទបំប្លែង​​ខ្លួនថ្មី។ក្នុងឱកាសដឹកនាំកិច្ចប្រជុំតាមប្រព័ន្ធវីដេអូ ចេញពីក្រុងតាខ្មៅ​នៃកិច្ចប្រជុំ​គណៈកម្មការជាតិប្រយុទ្ធ ប្រឆាំងកូវីដ១៩ សម្តេច​បានមានប្រសាសន៍ថា វិធានការទី៤​ នៅក្នុងយុទ្ធសាស្ត្រទី១ គឺដាក់​ឲ្យ​ព្យាបាល​នៅដាច់ដោយឡែក​​សម្រាប់អ្នកវិជ្ជមានកូវីដបំប្លែងខ្លួនថ្មី​ ហើយការធ្វើចត្តាឡីស័ក​ក៏ត្រូវ​ធ្វើ​រហូត​ដល់ម្ភៃមួយថ្ងៃ។ទាក់ទង​នឹងការឆ្លងមេរោគកូវីដ១៩ ជាពិសេសមេរោគបម្លែង​ខ្លួនថ្មី សម្តេចក៏បានអំពាវនាវ​ទៅកាន់​បងប្អូនប្រជាពលរដ្ឋនៅក្នុងប្រទេសថៃ ​សូមកុំមានការ​ព្រួយបារម្ភពេក ព្រោះកម្ពុជា​បានសហការ​ជាមួយ​​ភាគីថៃរួចហើយ ខាងភាគីថៃឯកអគ្គរាជទូតថៃ បានធ្វើការជាមួយក្រសួង​ការបរទេស​កម្ពុជា ព្រោះអ្នកដែលមានការងារធ្វើស្របច្បាប់ គឺអត់មានការភ័យខ្លាចទេ​ ប៉ុន្តែ បើ​ទៅធ្វើការ​មិន​ស្របច្បាប់ ទាំងថៅកែ​ និងកម្មករគឺសុទ្ធតែភ័យ ប៉ុន្តែ​ ភាគីថៃ​គេបានបញ្ជាក់ហើយថា នៅពេលដែល​គេរកឃើញគឺគេមិនដាក់ទោសទណ្ឌទេ​ ផ្ទុយទៅវិញគេចុះឈ្មោះឲ្យធ្វើការស្របច្បាប់តែម្តង៕

រដ្ឋបាលខេត្តស្វាយរៀង​ ហាមឃាត់​ការ​លក់​ចែកចាយ​គ្រឿង​ស្រវឹង​ ដើម្បី​ទប់ស្កាត់​ការ​ចម្លង​ជំងឺ​កូវីដ-១៩

2021/06/30 05:18:04 pm        618
Facebook Telegram Linkin
ស្វាយរៀង ៖ គ្រឿងស្រវឹងគ្រប់ប្រភេទត្រូវបានរដ្ឋបាលខេត្តស្វាយរៀង​ធ្វើការ​ហាមឃាត់​ការ​លក់​ចែកចាយ ដើម្បី​បញ្ចៀស​ការជួបជុំ​ សេពគ្រឿងស្រវឹង​ទប់ស្កាត់​ចម្លងជំងឺកូវីដ-១៩​ ។នៅថ្ងៃទី៣០ ខែមិថុនានេះ រដ្ឋបាលស្រុកស្វាយជ្រំ ខេត្តស្វាយរៀង សហការជាមួយ នឹងផ្នែកពាក់ព័ន្ធ ដឹកនាំដោយលោក ហែម សារិទ្ធ បានចុះផ្សព្វផ្សាយសេចក្តីណែនាំលេខ ០០៩ / ២១ សណន របស់រដ្ឋបាលខេត្តស្វាយរៀង ស្តីពី ការផ្អាកការលក់គ្រឿងស្រវឹងគ្រប់ប្រភេទ​ ចាប់ពីថ្ងៃទី២៨ ខែមិថុនា ដល់ថ្ងៃទី១១ ខែកក្កដា ឆ្នាំ ២០២១ ​នៅតាមទីប្រជុំជនផ្សារសំខាន់ៗទាំង៣ និង ឃុំទាំង១៦ របស់ស្រុក។លោក ហែម សារិទ្ធ អភិបាលស្រុក ​បានអំពាវនាវដល់ពលរដ្ឋ និងអាជីវករ ត្រូវចូលរួមអនុវត្តសេចក្តី​ណែនាំ​​របស់រដ្ឋបាលខេត្ត​ឲ្យបាន​ខ្ជាប់ខ្ជួន​សំដៅធ្វើការ​បញ្ជៀស​ការចែកចាយ និងការ​ប្រើប្រាស់​គ្រឿង​ស្រវឹង នៅតាមសហគមន៍​ ខណៈដែលខេត្តបាននិងកំពុង​ប្រឈម​ជំងឺកូវីដ-១៩ ឆ្លងចូល សហគមន៍ ពីព្រោះកន្លងមកការចម្លងជំងឺកូវីដ១៩​ ត្រូវបានរដ្ឋបាលខេត្ត ពិសេសក្រុមការងារ​បាន​ចុះស្រាវជ្រាវ វិជ្ជមានជំងឺកូវីដ១៩ ​នៅតាមសហគមន៍​ បានរកឃើញ អ្នកសេពគ្រឿងស្រវឹង​មួយ​ចំនួនមាន ​វិជ្ជមានជំងឺកូវី១៩​ផងដែរ។ផ្សារភ្ជាប់ជាមួយនឹងការផ្សព្វផ្សាយនេះដែរ លោក ហែម សារិទ្ធ អភិបាលស្រុក បានអំពាវនាវដល់​ពលរដ្ឋ​នៅ​ក្នុងស្រុកបន្តអនុវត្តវិធានរបស់​ក្រសួងសុខាភិបាល និងអនុសាសន៍ណែនាំ​របស់​សម្ដេច​អគ្គ​មហា​សេនាបតីជោ ហ៊ុន សែន៣កុំ​ ៣ការពារ ​ទៅតាមការណែនាំ ដើម្បីបញ្ចៀសជំងឺ ឆ្លង​ចូល​សហគមន៍ ខណៈដែលខេត្តស្វាយរៀង​ពិសេសភូមិឃុំរបស់​ស្រុកស្វាយជ្រំ​ទាំងមូល​បាន​រង​វិជ្ជមានជំងឺ covid-១៩ លើពលរដ្ឋមួយចំនួនគួរឱ្យបារម្ភ ។តាមរបាយការណ៍បឋមរបស់រដ្ឋបាលខេត្ត គិតមកដល់ត្រឹមថ្ងៃទី២៩ ខែមិថុនាឆ្នាំ ២០២១ នៅទូទាំងខេត្តស្វាយរៀង​ មានពលរដ្ឋដែលមាន -វិជ្ជមានជំងឺកូវីដ១៩ ចំនួន២ពាន់៤១៣នាក់ ក្នុងនោះរដ្ឋបាលខេត្ត​ បានធ្វើការព្យាបាលអោយជាសះស្បើយចំនួន ១ពាន់ ៣៨៦នាក់ អ្នកជំងឺចំនួន ២០នាក់ បានស្លាប់ និងអ្នកកំពុងសម្រាកព្យាបាលចំនួន១ពាន់ ០០២នាក់ ៕អត្ថបទ ៖ សារិទ្ធ 

មន្រ្តីជំនាញ ៖ កិច្ចសហប្រតិបត្តិការផ្នែកធនធានទឹកមេគង្គ-ឡានឆាង​មានការ​រីកចំរើន​ក្នុង​វិស័យ​ជាច្រើន

2021/06/30 04:10:15 pm        703
Facebook Telegram Linkin
ភ្នំពេញ ៖ មន្រ្តីជំនាញ នៃក្រសួងធនធានទឹក និងឧតុនិយម នៅថ្ងៃទី៣០ខែមិថុនានេះ បានលើក​ឡើង​ថា កិច្ចសហប្រតិបត្តិការផ្នែកធនធានទឹកមេគង្គ-ឡានឆាង ​ក្នុងរយៈពេលប៉ុន្មានឆ្នាំមកនេះ មាន​ការរីកចំរើនច្រើន គួរឱ្យកត់សំគាល់ ក្នុងនោះ មានដូចជា ៖ វិស័យថាមពលអគ្គីសនី ប្រព័ន្ធធារាសាស្រ្ត និងជលផលជាដើម។មន្រ្តីជាន់ខ្ពស់រាជរដ្ឋាភិបាលកម្ពុជាជាច្រើនរូប និងសមាគមពាណិជ្ជកម្មមិត្តភាពកម្ពុជា-ចិន នៅ​ថ្ងៃទី៣០ខែមិថុនានេះ បានរៀបចំកិច្ចពិភាក្សាស្តីពី ៖ ការអភិវឌ្ឍ​ប្រកបដោយ​ស្ថេរភាព​ក្រោមគំនិត​ផ្តួចផ្តើម​ខ្សែរក្រវាត់ ​និងផ្លូវរបស់ប្រទេសចិន នៅប្រទេសតាមដងទន្លេមេង្គ-ឡានឆាង ក្រោម​អធិបតីភាព​ឯកឧត្តមបណ្ឌិត វ៉ាន់ ផល ទីប្រឹក្សាផ្ទាល់សម្តេចតេជោហ៊ុន សែន នាយករដ្ឋមន្រ្តីកម្ពុជា និងជាប្រធានទីប្រឹក្សា​នយោបាយជាន់ខ្ពស់ នៃសមាគមន៍ពាណិជ្ជកម្មអន្តរជាតិកម្ពុជា ធ្វើឡើង​នៅសណ្ឋគារ សូហ្វីតែល ភ្នំពេញ ភូគីត្រា។ឯកឧត្តម តែ ណាវុធ អនុប្រធានអចិន្រ្តៃយ៍គណៈកម្មការជាតិទន្លេមេគង្គកម្ពុជា បានឱ្យដឹងថា ក្នុងកិច្ច​សហប្រតិបត្តិការផ្នែកធនធានទឹកមេគង្គ-ឡានឆាង ​មានភាពរីកចម្រើនគួរឲ្យកត់សំគាល់ បើ​ប្រៀបធៀប​ជាមួយយន្តការ ​កិច្ចសហប្រតិបត្តិការថ្នាក់តំបន់មេគង្គផ្សេងៗទៀត។ឯកឧត្តម បន្តថា ទន្លេមេគង្គ-ឡានឆាង​ ផ្ដល់នូវឱកាស និងកិច្ច​សហប្រតិបត្តិការ​សម្រាប់​វិស័យ​ថាមពលវារីអគ្គិសនី​ ប្រព័ន្ធធារាសាស្រ្ត ជលផល នាវាចរ ការគ្រប់គ្រងទឹកជំនន់​ និងគ្រោះរាំងស្ងួត ទេសចរណ៍ជាដើម។ជាមួយគ្នាននេះ លោកឧកញ៉ា លីវ យ៉ាង ប្រធាសមាគមពាណិជ្ជកម្មកម្ពុជា-ចិន បាន​មាន​ប្រសាសន៍​ដែរថា ប្រភពនៃទន្លេមេគង្គ-ឡានឆាង គឺជាផ្នែកដ៏សំខាន់មួយ​នៃកិច្ច​សហប្រតិបត្តិការ​រវាងចិន និង​អាស៊ាន ទោះបីការ អភិវឌ្ឍន៍​សេដ្ឋកិច្ចក្នុងតំបន់នេះ មានភាពយឺតយ៉ាវបន្តិចក្ដី ប៉ុន្តែទំនាក់ទំនង​កម្ពុជា-ចិន ទាំងប្រពៃណី ​និងទំនៀមទំលាប់នៅតែស្អិតរមួត។ លើសពីនេះ លោក បញ្ជាក់ថា ក្រោយ​យុគសម័យនៃការ រីករាលដាលនៃជំងឺកូវីដ ប្រទេសកម្ពុជា​ច្បាស់​ជា​មាន​ការអភិវឌ្ឍ​យ៉ាងខ្លាំង​ជាលំដាប់ ព្រោះកម្ពុជាមានលក្ខណៈពិសេសជាច្រើន។ជាការកត់សំគាល់ ឆ្នាំនេះគឺជាខួប ៥ឆ្នាំ នៃការបង្កើតកិច្ចសហប្រតិបត្តិការមេគង្គ-ឡានឆាង ដែលបាន​ផ្តួចផ្តើម​ដោយថ្នាក់ដឹកនាំប្រទេសចិន ​និងបណ្តាប្រទេសតាមដងទន្លេមេង្គ៕អត្ថបទ៖ទូច សោភ័ណ 

មេរោគអេដស៍ ជំងឺអេដស៍នៅកម្ពុជា បន្តថយចុះជាលំដាប់ចាប់តាំងពីឆ្នាំ១៩៩៨ រហូតដល់ឆ្នាំ២០២០

2021/06/30 03:36:16 pm        731
Facebook Telegram Linkin
ភ្នំពេញ ៖ រដ្ឋមន្រី្តក្រសួងសុខាភិបាល បានបញ្ជាក់ថា អត្រា​នៃការឆ្លងមេរោគអេដស៍ ជំងឺអេដស៍​នៅ​កម្ពុជា បន្តថយចុះជាលំដាប់ពី១.៨% នៅឆ្នាំ១៩៩៨, ១.២% នៅឆ្នាំ២០០៥, ០.៦% នៅឆ្នាំ២០១៧ និង០.៥%នៅឆ្នាំ២០២០។ការថ្លែងរបស់ឯកឧត្តម សាស្រ្តាចារ្យ ម៉ម ប៊ុនហេង រដ្ឋមន្រី្តក្រសួងសុខាភិបាល យ៉ាងដូច្នេះ ក្នុង​ឱកាសអនុញ្ញាតឲ្យលោកស្រីវេជ្ជបណ្ឌិត Vladanka Andreeva នាយិកាប្រចាំប្រទេសរបស់​ការិយា​ល័យ​អង្គការសហប្រជាជាតិប្រយុទ្ធនឹងជំងឺអេដស៍ (UNAIDS) ក្នុងប្រទេសកម្ពុជា ចូលជួប​សម្តែង​ការគួរសម និងជម្រាបលា នាទីសី្តការក្រសួងព្រឹកថ្ងៃទី៣០ ខែមិថុនា ឆ្នាំ២០២១នេះ។ឯកឧត្តម រដ្ឋមន្រី្ត បានបន្តថា UNAIDS គឺជាដៃគូដ៏យូរអង្វែង ដែលបានចូលមកប្រទេសកម្ពុជា តាំងពីការចាប់ផ្តើមរាលដាលនៃមេរោគអេដស៍ និងការឆ្លើយតបលើកដំបូងក្នុងទស្សវត្សរ៍ឆ្នាំ១៩៩០ ដោយបានជួយគាំទ្រផ្នែកបច្ចេកទេសលើការរៀបចំផែនការយុទ្ធសាស្រ្តប្រកបដោយប្រសិទ្ធភាពខ្ពស់ ទាន់ពេលវេលា និងត្រូវទិសដៅ ផ្អែកលើភស្តុតាងវិទ្យាសាស្រ្ត និងអេពីដេមីសាស្រ្ត រហូតបានទទួលជោគជ័យជាបន្តបន្ទាប់។ជាការឆ្លើយតបលោកស្រីវេជ្ជបណ្ឌិត Vladanka Andreeva បានជម្រាបជូនឯកឧត្តម រដ្ឋមន្រី្តថា អង្គការ​សហប្រជាជាតិប្រយុទ្ធ នឹងជំងឺអេដស៍ បានសហការគាំទ្រមជ្ឈមណ្ឌលជាតិប្រយុទ្ធ នឹង​ជំងឺអេដស៍ សើស្បែក និងកាមេរោគ ​ជាពិសេសរយៈពេល៤ឆ្នាំ នៃអាណតិ្តរបស់លោកស្រី UNAIDS បានជួយលើការងារដឹកនាំរៀបចំផែនការយុទ្ធសាស្រ្ត ការអនុវត្តផែនការ ការតាមដាន និងវាយតម្លៃ ការកៀរ​គរធនធាន ​ការរៀបចំលើកគម្រោងថវិកាសម្រាប់ជាជំនួយឥតសំណង ពីមូលនិធិសកល​សម្រាប់​ប្រទេសកម្ពុជា ឆ្នាំ២០២១-២០២៣ ក្នុងការគាំទ្រ ការឆ្លើយតប​ការរីករាលដាល នៃមេ​រោគអេដស៍ និងជំងឺអេដស៍ និងជួយផ្តល់ការប្រឹក្សារៀបចំផែនការយុទ្ធសាស្រ្តសម្រាប់បង្ការ និង​ថែទាំ​ជំងឺអេដស៍ និងកាមរោគ ក្នុងវិស័យសុខាភិបាល ឆ្នាំ២០២១-២០២៥។ឆ្លៀតក្នុងឱកាសនោះឯកឧត្តម រដ្ឋមន្រី្តក្រសួងសុខាភិបាល ក៏បានថ្លែងអំណរគុណយ៉ាងជ្រាល​ជ្រៅ​ចំពោះអង្គការសហប្រជាជាតិប្រយុទ្ធ នឹងជំងឺអេដស៍​ ដែលតែងតែគាំទ្រកម្មវិធីជាតិប្រយុទ្ធ នឹង​ជំងឺអេដស៍ ទាំងបច្ចេកទេស ​ការអភិវឌ្ឍធនធានមនុស្ស ក៏ដូចជាការកៀរគរ​ធនធានថវិកាគាំទ្រ​ឲ្យការងារទប់ស្កាត់ការរីករាលដាល នៃមេរោគអេដស៍ និងជំងឺអេដស៍៕អត្ថបទ រដ្ឋា

ក្រសួងបរិស្ថាន និងក្រុមហ៊ុនចែកចាយ​រថយន្តក្នុងស្រុក​ ចុះ MOU ស្ដីពីកិច្ច​សហប្រតិបត្តិការ​គាំពារ​បរិស្ថាន

2021/06/30 03:19:04 pm        627
Facebook Telegram Linkin
ភ្នំពេញ ៖ ក្រសួងបរិស្ថាន និងក្រុមហ៊ុនចែកចាយរថយន្តក្នុងស្រុក អិលវីអិមស៊ី ហូលឌីង បាន​ចុះ​អនុស្សរណៈយោគយល់ជាមួយគ្នា ស្ដីពីកិច្ចសហប្រតិបត្តិការកិច្ចគាំពារបរិស្ថាន ហើយក៏ភ្ជាប់​ជាមួយ​ការ​ប្រគល់រថយន្តដឹកសំរាមជូនក្រសួងបរិស្ថាន នៅរសៀលថ្ងៃទី ២៩ខែ មិថុនានេះផងដែរ។នារសៀលថ្ងៃទី ២៩ ខែមិថុនា ឆ្នាំ២០២១នេះ ក្រសួងបរិស្ថាន ។ក្នុងឱកាសដដែលនេះ ក៏មានការប្រគល់រថយន្តដឹកសំរាមចំនួន ៣គ្រឿងដំបូងជូន​ក្រសួង​បរិស្ថាន​ផងដែរ។សម្រាប់ពិធីចុះអនុស្សរណៈនេះ ឯកឧត្តម ហេង ណារ៉េត អនុរដ្ឋលេខាធិការក្រសួងបរិស្ថាន តំណាង​ឱ្យឯកឧត្តមរដ្ឋមន្រ្តី ​បានលើកឡើងថា នេះជាលើកដំបូងហើយ ដែលក្រសួង​បាន​ចុះអនុស្សរណៈ​ជាមួយក្រុមហ៊ុនដំឡើងរថយន្តក្នុងស្រុក។ ឯកឧត្តម បន្តថា អនុស្សរណៈនៃការយោគយល់គ្នានេះ ដើម្បីបង្កើតសហប្រតិបត្តិការរវាង​ភាគីទាំង​ពីរ​លើការពង្រឹងការគ្រប់គ្រងសំរាម សំណល់រឹងទីប្រជុំជន​ ក្នុងការបញ្ជាទិញ និងផ្គត់ផ្គង់​រថយន្ដ​ដឹកសំរាម ​រវាងភាគីទាំងពីរ ​ដើម្បីធ្វើការរួមគ្នាក្នុងការលើកកម្ពស់​អនាម័យ សោភ័ណភាព បរិស្ថាន ចូលរួមលើកកម្ពស់ផលិតផល ​ដែលផលិតក្នុងស្រុក ជំរុញលើកទឹកចិត្តដល់ប្រជាជនកម្ពុជា​អោយ​មាន​ការស្នេហាជាតិ។ ឯកឧត្តម មានប្រសាសន៍ថា នេះការប្រើប្រាស់ផលិតផលក្នុងស្រុក ក៏ជាការកាតបន្ថយការ​ចំណាយ​ច្រើនផងដែរ ស្របពេលដែលផលិតផលក្នុងស្រុកមានគុណភាពល្អប្រសើរដូចគ្នា ទៅនឹងផលិតផល​នាំចូល។ ក្នុងឱកាសដដែលនេះ លោកស្រី ម៉ៅ គន្ធា ដែលជាអគ្គនាយកប្រតិបត្តិក្រុមហ៊ុនអិលវីអិមស៊ី ហូលឌីង បានឱ្យដឹងថា ក្រុមហ៊ុន អិលវីអិមស៊ី ហូលឌីង ជាតំណាងចែកចាយផ្តាច់មុខរថយន្ត​ម៉ាកSsangYong ដែលជារថយន្តសេរីទំនើបមានដូចជា ​រថយន្តSUV, Compact SUV,រថយន្ត PickUp ដែលពេញនិយមនៅក្នុងព្រះរាជាណាចក្រកម្ពុជា និងចែកចាយផ្គត់ផ្គង់រថយន្តដឹកសំរាម​ដែល​តម្លើងនៅក្នុងប្រទេសកម្ពុជា ក៏ដូចជាផ្ទេរបច្ចេកវិទ្យា ព្រមទាំងជំនាញក្នុងការតម្លើងរថយន្ដ និង​ទទួល​ខុសត្រូវក្នុងការ​ផ្គត់ផ្គង់​គ្រឿងបន្លាស់ ការធានា និងសេវាកម្មជួសជុល៕អត្ថបទ ៖ គឹមហុក 

បណ្ដាញសង្គម

ព័ត៌មានថ្មីៗ

លោក Trump និយាយថា អាមេរិកនិងអ៊ីរ៉ង់ចុះសម្រុងគ្នាខ្លាំងណាស់
07/01/2026 09:07 PM
Facebook Telegram Linkin
ភ្លៀងធ្លាក់ខ្លាំងបង្កការជន់លិចនៅទីក្រុងមជ្ឈមណ្ឌលហិរញ្ញវត្ថុម៉ុមបៃប្រទេសឥណ្ឌា
07/01/2026 08:07 PM
Facebook Telegram Linkin
អាហ្វ្រិកខាងត្បូងអះអាងថា មនុស្សជាង ៩០០នាក់ ត្រូវបានចាប់ខ្លួន អំឡុងបាតុកម្មប្រឆាំងអន្តោប្រវេសន៍
07/01/2026 08:07 PM
Facebook Telegram Linkin
UN ៖ ការរីករាលដាលឆ្លងជំងឺអេបូឡា អាចនឹងធ្វើឲ្យអាហ្វ្រិកខាតបង់ប្រាក់ ៣,៦ ពាន់លានដុល្លារ
07/01/2026 08:07 PM
Facebook Telegram Linkin
ក្រុមជួយសង្រ្គោះស្វែងរកអ្នកជាប់ខ្លួនក្រោយប្លុកអគារផ្ទះល្វែងបាក់នៅទីក្រុងអាតែន ប្រទេសក្រិក
07/01/2026 08:07 PM
Facebook Telegram Linkin
ទិន្នន័យអង្គការណាសាបង្ហាញថា អគារប្រហែល ៥៨.៨៧០ខ្នង រងការខូចខាតក្នុងការរញ្ជួយដីនៅវេណេស៊ុយអេឡា
07/01/2026 08:07 PM
Facebook Telegram Linkin
មនុស្ស ១២នាក់ស្លាប់ ក្រោយទឹកជំនន់វាយប្រហារតំបន់ជាច្រើនរបស់ហ្គាណា
07/01/2026 08:07 PM
Facebook Telegram Linkin
ក្មេងៗ ១៤នាក់ស្លាប់ ក្នុងហេតុកាណ៍បាក់ដំបូលមជ្ឈមណ្ឌលសិក្សានៅប៉ាគីស្ថាន
07/01/2026 08:07 PM
Facebook Telegram Linkin
លោក Trumpរាយការណ៍ប្រាក់ចំណូលជាង១,៤ពាន់លានដុល្លារពីការបណ្តាក់ទុនគ្រីបតូ
07/01/2026 08:07 PM
Facebook Telegram Linkin
មេដឹកនាំបេឡារុសបំពេញទស្សនកិច្ចទៅកាន់ឥណ្ឌូនេស៊ី ជាផ្នែកមួយនៃដំណើរទស្សនកិច្ចនៅអាស៊ី
07/01/2026 08:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.