BTV NEWS

សម្ដេចតេជោ គាំទ្រកម្ពុជា-វៀតណាម ចៀសវាងកុំឱ្យមានការប្រើប្រាស់កម្លាំងនៅក្នុងប្រទេសមួយ ប្រឆាំងនឹងប្រទេសណាមួយទៀត

សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីសន្តិសុខសាធារណៈវៀតណាម ចូលជួបសម្តែងការគួរសម

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

នយោបាយ និង ការអភិវឌ្ឍន៍

៥ខែដើមឆ្នាំនេះ ករណីជំងឺគ្រុនឈាមក្នុងរាជធានីភ្នំពេញថយចុះជាងពាក់កណ្តាលបើធៀបឆ្នាំកន្លងទៅ

ភ្នំពេញ ៖ លោកវេជ្ជបណ្ឌិត ងី មានហេង ប្រធានមនី្ទរសុខាភិបាលរាជធានីភ្នំពេញ ប្រាប់BTV ព័ត៌មាន នាព្រឹកថ្ងៃទី២៥ ខែមិថុនា ឆ្នាំ២០២១នេះថា ករណីជំងឺគ្រុនឈាម ក្នុងរយៈពេល៥ខែ ឆ្នាំ២០២១នេះ បើប្រៀបធៀប នឹង៥ខែឆ្នាំ២០២០ ករណីជំងឺគ្រុនឈាមក្នុងរាជធានីភ្នំពេញ មានការថយចុះជាងពាក់កណ្តាល។លោកវេជ្ជបណ្ឌិត ងី មានហេង បន្តទៀតថា ដោយហេតុថារដូវនេះ ជារដូវវស្សា ចាប់ផ្តើមភ្លៀង មានទឹកដកច្រើន។ ដូច្នេះក្នុងនាមមន្ត្រីសុខាភិបាល នៅតែចុះអប់រំ និងលុបបំបាត់ជម្រកមូសខ្លា និងនិយាយដោយឡែកសុខភាព គឺជាកត្តាចម្បង និងត្រូវតែនាំគ្នាថែរក្សាឲ្យបានល្អ ចៀសវាងនូវជំងឺដង្កាត់ផ្សេងៗ ដោយអនុវត្តឲ្យបានខ្ជាប់ខ្ជួននូវអនាម័យ រស់នៅស្អាត ហូបស្អាត បរិស្ថានស្អាត មិនមានសំរាម ថ្លុកទឹកដក់ និងសំភារៈដែលមានទឹកដក់ និងព្រៃជុំវិញផ្ទះដែលជាជម្រកសត្វ មូសខ្លា ដែលជាភ្នាក់ងារបង្ករោគគ្រុនឈាម ជាពិសេសកុមារតូចៗ។លោកវេជ្ជបណ្ឌិត ងី មានហេង ក៏សូមឲ្យបងប្អូនប្រជាពលរដ្ឋទាំងអស់ គិតគូរពីការថែរក្សាសុខភាពផ្ទាល់ខ្លួន និងក្រុមគ្រួសារ ជាបន្តទៀត បើមានបញ្ហាសុខភាព ត្រូវទៅប្រើប្រាស់សេវាសុខភាពនៅតាមបណ្តាមូលដ្ឋានសុខាភិបាល សាធារណៈដែលនៅជិតៗលោកអ្នក និងត្រូវជួបពិនិត្យនិងព្យាបាលជំងឺ ជាមួយគ្រូពេទ្យដែលមានការបណ្តុះបណ្តាលត្រឹមត្រូវ ជាពិសេសដែលយើងទាំងអស់គ្នាកំពុងស្ថិតក្នុងស្ថានភាពដ៏លំបាក ដែលបង្ករឡើងដោយជំងឺកូវីដ-១៩។ ដូច្នេះបងប្អូនប្រជាពលរដ្ឋទាំងអស់ ក៏ត្រូវអនុវត្តន៍ឲ្យបានម៉ឹងម៉ាត់ជាទីបំផុត តាមការណែនាំរបស់រាជរដ្ឋាភិបាលកម្ពុជា និងក្រសួងសុខាភិបាល គឺ៣កុំ ៣ការពារ ដើម្បីការពារការឆ្លងមេរោគកូវីដ-១៩ និងការបំប្លែងថ្មី នៃមេរោគកូវីដ-១៩៕អត្ថបទ រដ្ឋា

កិច្ចសហប្រតិបត្តិការអន្តរជាតិ ក្នុងស្ថានភាពជំងឺរាតត្បាត ពិតជាមានសារសំខាន់ជាងពេលណាទាំងអស់

ភ្នំពេញ ៖ កម្ពុជាមានជំនឿថា កិច្ចសហប្រតិបត្តិការអន្តរជាតិ និងការកសាងភាពជាដៃគូ ពិតជាមាន សារៈសំខាន់ជាងពេលណាទាំងអស់ ក្នុងកិច្ចខិតខំប្រឹងប្រែងរបស់យើង ដើម្បីស្តារសេដ្ឋកិច្ចនិងសង្គមឱ្យមានភាពរស់រវើក និងរួចផុតពីវិបត្តិសេដ្ឋកិច្ច-សង្គមដែលបង្កឡើងដោយជំងឺរាតត្បាតសកល។នេះគឺជាខ្លឹមសាររបស់ឯកឧត្តម ឧបនាយករដ្ឋមន្ត្រី ប្រាក់ សុខុន ថ្លែងក្នុងសន្និសីទជាន់ខ្ពស់អាស៊ី-ប៉ាស៊ីហ្វិក ស្តីពីកិច្ចសហប្រតិបត្តិការខ្សែក្រវាត់ និងផ្លូវ ក្រោមប្រធានបទ «ការលើកកម្ពស់កិច្ចសហប្រតិបត្តិការក្នុងការប្រយុទ្ធប្រឆាំង នឹងជំងឺរាតត្បាត ដើម្បីការអភិវឌ្ឍប្រកបដោយចីរភាព» នៅថ្ងៃទី២៣ ខែមិថុនា ឆ្នាំ២០២១នេះ។ឯកឧត្តម ឧបនាយករដ្ឋមន្ត្រី បញ្ជាក់ថា កិច្ចខិតខំប្រឹងប្រែងរបស់ចិន ដែលឈានមុខគេនៅក្នុងវ៉ាក់សាំងពហុភាគីនិយមត្រូវបានទទួលស្គាល់យ៉ាងទូលំទូលាយ និងផ្តល់សារៈសំខាន់យ៉ាងខ្លាំង។ មកទល់ថ្ងៃនេះ ចិនបានចែកចាយវ៉ាក់សាំងជាង៣៥០លានដូសទៅដល់ដៃគូសហប្រតិបត្តិការសាកល។ ដោយប្តេជ្ញាចិត្ត ក្នុងការធានាថា អ្នកណាក៏អាចទទួលបានវ៉ាក់សាំងដែរចិនបន្តគាំទ្រក្រុមហ៊ុនផលិតវ៉ាក់សាំង របស់ខ្លួនក្នុងការផ្ទេរបច្ចេកវិទ្យា និងការផលិតវ៉ាក់សាំងរួមគ្នា ជាមួយប្រទេសកំពុងអភិវឌ្ឍន៍នានាផងដែរ។ ជាមួយនឹងការប្តេជ្ញាចិត្តដ៏រឹងមាំទាំងនេះ យើងអាចមើលឃើញនូវអនាគតពិភព លោកមួយដែលមានសុវត្ថិភាពជាងពេលបច្ចុប្បន្ន។ឯកឧត្តម ជឿជាក់យ៉ាងមុតមាំថា កិច្ចសហប្រតិបត្តិការអន្តរជាតិ និងការតភ្ជាប់ គឺជាកាតាលីករដ៏ សំខាន់នៃការងើបឡើងវិញរបស់យើង។ កិច្ចសហប្រតិបត្តិការតំបន់របស់យើងចាំបាច់ត្រូវផ្តោត លើការធានាថា ខ្សែសង្វាក់ផ្គត់ផ្គង់ ក្នុងតំបន់នៅតែមានភាពធន់រឹងមាំ។ យើងធ្វើបានល្អនៅក្នុង បរិបទនេះ អាស្រ័យដោយមានគម្រោងខ្សែក្រវាត់ និងផ្លូវជាច្រើន ដែលកំពុងដំណើរការលូតលាស់ នៅទូទាំងតំបន់។នៅកម្ពុជាមានតំបន់សេដ្ឋកិច្ចពិសេសដ៏ធំមួយនៅខេត្តព្រះសីហនុគម្រោងសាងសង់ផ្លូវល្បឿនលឿនភ្នំពេញ-ខេត្តព្រះសីហនុ និងអាកាសយានដ្ឋានអន្តរជាតិថ្មីនៅភ្នំពេញ និងខេត្តសៀមរាបជាដើម។ គម្រោងហេដ្ឋារចនាសម្ព័ន្ធទាំងនេះបាន និងកំពុងវិវត្តន៍ទៅមុខយ៉ាងរលូន ហើយប្រាកដជានឹងចូលរួមចំណែកក្នុងការជំរុញការងើបឡើងវិញនៃសេដ្ឋកិច្ចកម្ពុជា។ចំពោះ ការរំពឹងទៅថ្ងៃអនាគតនៃកិច្ចសហប្រតិបត្តិការខ្សែក្រវាត់ និងផ្លូវ នៅក្នុងតំបន់អាស៊ី ប៉ាស៊ីហ្វិក បានចែករំលែកនូវគំនិតមួយចំនួនគឺយើងត្រូវ ពង្រឹងកិច្ចសហការ និងកិច្ចសហប្រតិបត្តិការអន្តរជាតិ លើការផលិត និងការចែកចាយវ៉ាក់សាំង ឱ្យកាន់តែប្រកបដោយបរិយាប័ន្ន និងសមធម៌ ហើយគួរចៀសវាងការយកជំងឺរាតត្បាតសកលមកធ្វើជាឧបករណ៍នយោបាយ ប្រការដែលសំខាន់ដូចគ្នានេះដែរ កិច្ចសហប្រតិបត្តិការតំបន់គឺជាការចាំបាច់ ដើម្បីពង្រឹងការការពារជំងឺរាតត្បាតទាំងឡាយនា ពេលអនាគត។ការកសាង «សហគមន៍វាសនារួមសម្រាប់មនុស្សជាតិ» មិនមែនគ្រាន់តែជា ពាក្យស្លាកនយោបាយប៉ុណ្ណោះទេ ក៏ប៉ុន្តែ គឺជាកិច្ចសហប្រតិបត្តិការអន្តរជាតិ ដែលនឹងជួយឱ្យយើង សម្រេចបាននូវគោលដៅអភិវឌ្ឍន៍ប្រកបដោយចីរភាព។ យើងត្រូវរក្សាឱ្យបាននូវប្រព័ន្ធពាណិជ្ជកម្ម និងវិនិយោគពហុភាគី ដែលឈរលើមូលដ្ឋានច្បាប់ ព្រមទាំងមានលក្ខណៈបើកចំហ និងបរិយាប័ន្ន។ ក្នុងន័យនេះ កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) នឹងដើរតួយ៉ាងសំខាន់ក្នុងការជំរុញ តំបន់និយមដែលមានលក្ខណៈបើកទូលាយ និងបរិយាប័ន្ន» និងគាំទ្រដល់ការងើបឡើងវិញ ប្រកបដោយបរិយាបន្ន និងចីរភាព។យើងត្រូវផ្តល់ធនធានបន្ថែមទៀតក្នុងការគាំពារសង្គម។ ការគាំពារសង្គមនេះ មិនមែនជាការចំណាយ ឬជាការអូសបន្លាយនូវវិបុលភាពរបស់យើងនោះឡើយ ក៏ប៉ុន្តែផ្ទុយទៅវិញ វាជាការវិនិយោគទៅលើប្រជាជនរបស់យើង ដែលនឹងជួយជំរុញសេដ្ឋកិច្ចឲ្យប្រកបដោយថាមវន្ត បរិយាប័ន្ន និងរឹងមាំជាងមុន។ ឯកឧត្តម ជឿជាក់ថា នេះគឺជាស្មារតីដ៏ពិតប្រាកដនៃគម្រោង ខ្សែក្រវាត់ និងផ្លូវទាំងអស់។ទន្ទឹមនឹងការគាំទ្រគំនិតផ្ដួចផ្ដើមទាំង២ ដែលស្នើឡើងដោយចិនស្តីពីកិច្ចសហប្រតិបត្តិការ វ៉ាក់សាំង និងភាពជាដៃគូក្នុងការអភិវឌ្ឍបៃតង ឯកឧត្តម មានសុទិដ្ឋិនិយមថា ស្មារតីនៃកិច្ចសហប្រតិបត្តិការខ្សែក្រវាត់ និងផ្លូវនឹងបន្តរួមចំណែកដល់ការឈានទៅសម្រេចបាននូវគោលដៅ អភិវឌ្ឍន៍ ប្រកបដោយចីរភាពរបស់យើង នៅក្នុងរយៈពេលច្រើនឆ្នាំទៅមុខទៀត៕អត្ថបទ ៖ មុត សុត

ឯកឧត្តម ប្រាជ្ញ ចន្ទ ត្រូវបានរដ្ឋសភាជ្រើសរើសជាប្រធានថ្មី នៃ (គជប)

ភ្នំពេញ ៖ រដ្ឋសភា នៃព្រះរាជាណាចក្រកម្ពុជា នៅថ្ងៃទី២៤ខែមិថុនានេះ បានសម្រេចជ្រើសរើសឯកឧត្តម ប្រាជ្ញ ចន្ទ ជាប្រធានថ្មី នៃ (គ.ជ.ប) ជំនួសឯកឧត្តម ស៊ិក ប៊ុនហុក ដែលបានសុំលាលែងពីតំណែង នៅដើមខែនេះ ដោយសារបញ្ហាសុខភាព។ឯកឧត្តម ប្រាជ្ញ ចន្ទ អតីតប្រធានគណៈកម្មការទី១ នៃរដ្ឋសភា នៅថ្ងៃទី២៤ខែមិថុនានេះ បានជាប់ឆ្នោតជាប្រធានថ្មី នៃគណៈកម្មាធិការជាតិរៀបចំការបោះឆ្នោត(គ.ជ.ប) ដោយសមាជិករដ្ឋសភាទាំងអស់ បានបោះឆ្នោតគាំទ្រផ្តល់សេចក្តីទុកចិត្តទាំងស្រុង។រដ្ឋសភា បានជ្រើសរើសប្រធាន(គជប) ថ្មីនេះ នៅក្នុងសម័យប្រជុំរដ្ឋសភា លើកទី៦ នីតិកាល ទី៦ ក្រោមអធិបតីភាព សម្តេចអគ្គមហាពញាចក្រី ហេង សំរិន ប្រធានរដ្ឋសភា ដោយមានសមាជិកសភា ចូលរួមចំនួន៨២រូប។ឯកឧត្តម ប្រាជ្ញ ចន្ទ គឺជាបេក្ខជនមួយរូប ក្នុងចំណោម២រូប ដែលបានដាក់ពាក្យស្នើសុំធ្វើ ប្រធានថ្មី នៃ (គ.ជ.ប) ទៅកាន់រដ្ឋសភា ហើយដែលត្រូវបានជ្រើសរើសដោយគណបក្សដឹកនាំរាជរដ្ឋាភិបាល គឺគណបក្សប្រជាជនកម្ពុជា ដោយស្របទៅតាម«ច្បាប់ ស្ដីពីការរៀបចំ និងការប្រព្រឹត្តទៅនៃគណៈកម្មាធិការជាតិរៀបចំការបោះឆ្នោត»។ការរៀបចំនីតិវិធីជ្រើសរើសប្រធានគ.ជ.បថ្មី បានធ្វើឡើងបន្ទាប់ពី ឯកឧត្តម ស៊ិក ប៊ុនហុក ប្រធាន គណៈកម្មាធិការជាតិរៀបចំការបោះឆ្នោត បានដាក់ពាក្យលាលែងពីតំណែង កាលពីថ្ងៃទី០១ ខែមិថុនា ឆ្នាំ២០២១ បន្ទាប់ពីមានបញ្ហាសុខភាព។ ឯកឧត្តម ស៊ិក ប៊ុនហុក ត្រូវបានរដ្ឋសភាបោះឆ្នោតជ្រើសតាំង ជាប្រធាន (គ.ជ.ប) កាលពីឆ្នាំ២០១៥ បន្ទាប់ពីគណបក្សប្រជាជនកម្ពុជា និងអតីតគណបក្សសង្គ្រោះជាតិ បានរួមគ្នាកែទម្រង់ស្ថាប័នការបោះឆ្នោត ដោយជ្រើសរើសសមាជិកគ.ជ.ប តាមរូបមន្ត៤បូក៤ បូក នឹង១ មានន័យថា គណបក្សនីមួយៗជ្រើសរើសសមាសភាពបួនរូបម្ខាងម្នាក់ ហើយគណបក្សទាំងពីរ ត្រូវជ្រើសរើសសមាសភាពទី៩ ដោយការព្រមព្រៀងគ្នាជាឯកច្ឆន្ទ។ឯកឧត្ដម ប្រាជ្ញ ចន្ទ ធ្លាប់ជាអភិបាលខេត្តបាត់ដំបង ពីឆ្នាំ២០០១ ដល់២០១៣ ជាអភិបាលខេត្ត ត្បូងឃ្មុំ ពីឆ្នាំ២០១៤ ដល់ឆ្នាំ២០១៧ និងជាតំណាងរាស្ត្រ និងជាប្រធានគណៈកម្មការទី១ នៃរដ្ឋសភា គឺ គណៈកម្មការសិទ្ធិមនុស្ស ទទួលពាក្យបណ្តឹង អង្កេត និងទំនាក់ទំនងរដ្ឋសភា ព្រឹទ្ធសភា ពីឆ្នាំ២០១៧ រហូតដល់ក្លាយជាប្រធានគ.ជ.ប នៅពេលនេះ៕អត្ថបទ៖ ទូច សោភ័ណ

គណបក្សហ៊្វុនស៊ិនប៉ិច ធ្វើការថ្កោលទោសដាច់អហង្ការចំពោះទណ្ឌិតសម រង្ស៊ី ប្រមាថអង្គព្រះមហាក្សត្រ

ភ្នំពេញ ៖ គណបក្សហ៊្វុនស៊ិនប៉ិច បានចេញសេចក្តីថ្លែងការណ៍មួយធ្វើការថ្កោលទោសដាច់អហង្ការ ចំពោះទណ្ឌិត សម រង្ស៊ី ដែលបច្ចុប្បន្នកំពុងរត់ចោលស្រុក ដោយបានធ្វើការប្រមាថជាថ្មីម្តងទៀតដល់អង្គព្រះមហាក្សត្រ តាមរយៈសង្គមហ្វេសបុក ហើយបានធ្វើការអំពាវនាវដល់សមត្ថកិច្ច និងស្ថាប័នតុលាការធ្វើការចាប់ខ្លួនទណ្ឌិតនេះ មកផ្ដន្ទាទោសទៅតាមច្បាប់ជាធរមាន។យោងតាមសេចក្តីថ្លែងការណ៍របស់គណបក្សហ៊្វុនស៊ិនប៉ិច ដែលទូរទស្សន៍BTV ទទួលបាន នាថ្ងៃទី២៤ ខែមិថុនា ឆ្នាំ២០២១នេះ បានលើកឡើងថា គណបក្សហ៊្វុនស៊ិនប៉ិច សូមធ្វើការ ថ្កោលទោសយ៉ាងដាច់អហង្ការ ចំពោះទណ្ឌិត សម រង្ស៊ី ដែលបង្ហោះសាធារណៈតាមបណ្តាញសង្គមហ្វេសបុក កាលពីថ្ងៃទី២២ ខែមិថុនា ឆ្នាំ២០២១ កន្លងទៅនេះ ដោយគណបក្សចាត់ទុកខ្លឹមសារដែលទណ្ឌិត សម រង្ស៊ី បានផ្សព្វផ្សាយជាសាធារណៈនេះ គឺជាការប្រមាថយ៉ាងធ្ងន់ធ្ងរ និងបានធ្វើឲ្យប៉ះពាល់យ៉ាងខ្លាំងចំពោះព្រះកិត្តិនាម របស់អង្គព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈ ដ៏ខ្ពង់ខ្ពស់បំផុតនៃប្រជានុរាស្ត្រខ្មែរយើង និងបានរំលោភលើរដ្ឋធម្មនុញ្ញ នៃព្រះរាជាណាចក្រកម្ពុជា ជំពួកទី២ មាត្រា៧ ដែលបានចែងថា អង្គព្រះមហាក្សត្រ មិនអាចនណារំលោភបំពានបានឡើយ។សេចក្តីថ្លែងការណ៍របស់គណបក្សហ៊្វុនស៊ិនប៉ិចដដែលនេះ «បានចាត់ទុកការចោទប្រកាន់យ៉ាងងងឹតងងល់របស់ទណ្ឌិត សម រង្ស៊ី ម្តងហើយម្តងទៀតមកលើ អង្គព្រះមហាក្សត្រ នៃព្រះរាជាណាចក្រកម្ពុជា គឺមានចេតនាយ៉ាងអាក្រក់ បម្រើមហិច្ឆតានយោបាយគុំកួនសងសឹក មកលើរបបរាជានិយម និងព្រះរាជបល្ល័ង្ក ដែលគណបក្សហ៊្វុនស៊ិនប៉ិច ក៏ដូចជា អ្នករាជានិយម អ្នកសីហនុនិយម និងប្រជានុរាស្ត្រខ្មែរ មិនអាចទទួលយកបាននោះឡើយ»។តាមរយៈសេចក្តីថ្លែងការណ៍នេះដែរ គណបក្សហ៊្វុនស៊ិនប៉ិច សូមស្នើដល់រាជរដ្ឋាភិបាល និងស្ថាប័នតុលាការ មេត្តាចាត់វិធានការយ៉ាងម៉ឺងម៉ាត់ ដើម្បីនាំយកមេចលនាឧទ្ទាមក្រៅច្បាប់នេះ មកធ្វើការផ្ដន្ទាទោសទៅតាមច្បាប់ជាធរមានផងដែរ៕អត្ថបទ ៖ បាន ចក់'

ពលរដ្ឋខេត្តកណ្តាល ចាប់ផ្តើមមកចាក់វ៉ាក់សាំងកូវីដ-១៩ ដូសទី២តាមការណាត់របស់ក្រុមគ្រូពេទ្យ

កណ្ដាល ៖ នៅថ្ងៃទី២៤ ខែមិថុនានេះ គឺជាថ្ងៃដែលខេត្តកណ្តាល បញ្ចប់យុទ្ធនាការចាក់វ៉ាក់សាំងការពារកូវីដ-១៩ដូសទី១ ជូនបណ្តាពលរដ្ឋទូទៅនៅក្នុងខេត្តកណ្តាល ហើយក៏ជាថ្ងៃខេត្តកណ្តាលចាប់ផ្តើមអនុវត្តយុទ្ធនាការចាក់ដូសទី២ជូនពលរដ្ឋទូទៅដែលបានចាក់ដូសទី១រួចហើយ។ សម្រាប់ពលរដ្ឋដែលដល់ថ្ងៃណាត់ចាក់លើកទី២ ចាក់ទុកថា ការចាក់វ៉ាក់សាំងបង្គ្រប់ដូសទី២នេះ គឺមានសារៈសំខានណាស់ ក្នុងការបង្កើតភាពស៊ាំ និងមានអង់ទីគ័រការពារកូវីដ-១៩ គ្រប់គ្រាន់នៅក្នុងសរីរាង្គរបស់គេ។បើតាមបណ្តាប្រជាពលរដ្ឋមកពីតាមបណ្តាភូមិ ដែលបានចាក់វ៉ាក់សាំងដូសទី១ រួចហើយ នៅក្នុងស្រុកពញាឮខេត្តកណ្តាល បានថ្លែងប្រាប់BTV នៅថ្ងៃទី២៤ ខែមិថុនាថា នៅថ្ងៃនេះ សម្រាប់ពលរដ្ឋនៅដែលនៅក្នុងភូមិទួលងោក ភូមិពោធិ៍តូច និងភូមិឃ្លាំងស្បែកក្នុងឃុំកំពង់ហ្លួង ដែលមេភូមិបានអញ្ជើញអោយបណ្តាប្រជាពលរដ្ឋមកចាក់លើកដំបូងនៅថ្ងៃទី១០ ខែមិថុនា ហើយមកដល់ថ្ងៃនេះ គឺជាថ្ងៃដែលក្រុមពេទ្យចាក់វ៉ាក់សាំង បានកំណត់អោយមកចាក់ជាលើកទី២ទៀត ដើម្បីបង្កើតភាពស៊ាំ ការពារកូវីដ-១៩នៅក្នុងសរីរាង្គរបស់យើង។បើតាមលោក ទិត សោភ័ណ្ឌ អនុប្រធានសហភាពសហព័ន្ធយុវជនកម្ពុជា ឃុំវិហារហ្លួង បានថ្លែងថា មកដល់ថ្ងៃទី២៤ ខែមិថុនា ថ្ងៃបញ្ចប់យុទ្ធនាការចាក់ដូសទី១នេះ នៅឃុំកំពង់ហ្លួងមានពលរដ្ឋមកចាក់បានប្រមាណ៩៨% នៃពលរដ្ឋដែលត្រូវចាក់សរុប។បើតាមវេជ្ជបណ្ឌិត គួយ ប៊ុនធឿន ប្រធានមន្ទីរសុខាភិបាលខេត្តកណ្តាល បានថ្លែងថា យុទ្ធនាការចាក់វ៉ាក់សាំងការពារកូវីដ-១៩ នៅតាមតំបន់ទីប្រជុំជន និងកម្មករកម្មការិនីនៅទូទាំងខេត្តកណ្តាល គិតចាប់ពីថ្ងៃទី១០ ខែមិថុនា រហូតមកដល់ថ្ងៃទី២៤ ខែមិថុនានេះ គឺមានពលរដ្ឋអញ្ជើញមកចាក់វ៉ាក់សាំងការពារកូវីដ-១៩ប្រមាណជាង ៥៣ម៉ឺននាក់ ឬស្មើនឹងជិត៩០% នៃចំនួនវ៉ាក់សាំងដែលត្រូវចាក់ដូសទី១ លើពលរដ្ឋទូទៅប្រមាណ៦០ម៉ឺននាក់។លោកវេជ្ជបណ្ឌិត គួយ ប៊ុនធឿន បញ្ជាក់ថា នៅក្នុងអំឡុងយុទ្ធនាការចាក់វ៉ាក់សាំងជូនពលរដ្ឋអាទិភាពមានមន្ត្រីរាជការជួរមុខ នគរបាល មន្ត្រីចូលនិវត្តន៍ និងអាជីវករជាដើមកន្លងមក គឺក្រុមពេទ្យចាក់បានទាំងដូសទី១ និងដូសទី២ បានប្រមាណជាង៧ម៉ឺននាក់ ហើយនៅក្នុងយុទ្ធនាការចាក់ជូនពលរដ្ឋទូទៅតាមទីប្រជុំជន និងកម្មកររោងចក្រនានាដែលកំពុងដំណើរចាក់បានចំនួន១៤ថ្ងៃនេះ គឺមានពលរដ្ឋបានដូសទី១ បានប្រមាណជាង៥៣ម៉ឺននាក់ ៕អត្ថបទ ស៊ុម សុខជា

ក្រសួងសុខាភិបាល ស្នើពលរដ្ឋកុំទិញថ្នាំតាមឱសថស្ថានលេបការពារជំងឺកូវីដ-១៩ ដោយគ្មានវេជ្ជបញ្ជា

ភ្នំពេញ ៖ លោកជំទាវ វេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្របខណ្ឌទូទាំងប្រទេស តាមរយៈបណ្តាញ BTV ព័ត៌មាន កាលពីល្ងាចថ្ងៃទី២៣ ខែមិថុនា ឆ្នាំ២០២១ បានស្នើប្រជាពលរដ្ឋទាំងអស់ កុំឲ្យភ័យខ្លាចរត់ទិញថ្នាំ តាមឱសថស្ថាន ដើម្បីយកមកលេបការពារជំងឺកូវីដ-១៩។លោកជំទាវ វេជ្ជបណ្ឌិត ឱ វណ្ណឌីន បានបន្តទៀតថា មកដល់បច្ចុប្បន្ននេះ មិនទាន់មានវិទ្យាសាស្ត្រណាបញ្ជាក់ថា ឬក៏ផ្សព្វផ្សាយណាមួយមានលក្ខណៈបច្ចេកទេសពីអង្គការសុខភាពពិភពលោកកី្ត ឬកន្លែងណាមួយកី្ត ដែលបានបង្ហាញថា រកឃើញឱសថសម្រាប់លេបការពារជំងឺកូវីដ-១៩ ក្រៅតែពីការចាក់វ៉ាក់សាំងទេ។ ព្រោះថាការចាក់វ៉ាក់សាំងបង្ការជំងឺកូវីដ-១៩នេះ គឺជួយការពារសរីរាង្គក្នុងខ្លួនយើងកុំឲ្យវិវត្តន៍ទៅរកស្ថានភាពធ្ងន់ធ្ងរ។ ដូច្នេះបើគ្មានការវិវត្តន៍ទៅរកស្ថានភាពធ្ងន់ធ្ងរ យើងមិនចាំបាច់ទៅសម្រាកព្យាបាលនៅក្នុងមនី្ទរពេទ្យ។ជាចុងក្រោយលោកជំទាវ វេជ្ជបណ្ឌិត ឱ វណ្ណឌីន ក៏សូមឲ្យបុគ្គលគ្រប់រូប ត្រូវយល់ឲ្យបានច្បាស់ អនុវត្តន៍ឲ្យបានត្រឹមត្រូវ និងម៉ត់ចត់ជាទីបំផុតនូវវិធានការការពារខ្លួន គឺ៣កុំ ៣ការពារ។ ដូច្នេះប្រសិនបើបងប្អូនប្រជាពលរដ្ឋអនុវត្តន៍វិធានការនេះបានយ៉ាងម៉ឹងម៉ាត់ នោះបងប្អូនប្រជាពលរដ្ឋ នឹងជៀសផុតពីការឆ្លងមេរោគកូវីដ-១៩៕អត្ថបទ ៖ រដ្ឋា

ព្រះមហាក្សត្រកោតសរសើររដ្ឋសភា ដែលបានអនុម័តច្បាប់ជាច្រើន បម្រើឧត្តមប្រយោជន៍ជាតិ

ភ្នំពេញ ៖ នៅក្នុងឱកាសរដ្ឋសភាបើកសម័យប្រជុំលើកទី៦ នីតិកាលទី៦ នាព្រឹកថ្ងៃទី២៤ ខែមិថុនា ឆ្នាំ២០២១ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានផ្ញើព្រះរាជសារជូនសម័យប្រជុំរដ្ឋសភា ដោយព្រះអង្គបានសម្តែងការកោតសរសើរចំពោះកិច្ចប្រឹងប្រែងរបស់ស្ថាប័ននីតិប្បញ្ញត្តិ ដែលមាន សម្តេចអគ្គមហាពញាចក្រី ហេង សំរិន ប្រធានរដ្ឋសភា ជាអ្នកដឹកនាំភារកិច្ចក្នុងការពិនិត្យ ពិភាក្សា អនុម័តនូវច្បាប់ជាច្រើន ដើម្បីប្រើប្រាស់ជាឧត្តមប្រយោជន៍ជាតិ ក្នុងសកម្មភាពនៃការអនុវត្តតួនាទី និងភារកិច្ចប្រកបដោយប្រសិទ្ធភាព និងប្រសិទ្ធផលស្របទៅតាមសភាពជាក់ស្តែង និងសកលភាវូបនីយកម្ម។ព្រះករុណាព្រះបាទសម្តេចព្រះបរមនាថ នរោត្តម សីហមុនី ទ្រង់បញ្ជាក់ថា អង្គសភាបានពិនិត្យសិក្សាសេចក្តីព្រាងច្បាប់ទាំងឡាយបានហ្មត់ចត់ និងទាន់ពេលវេលា ជាពិសេសក្នុងនោះ សេចក្តីព្រាងច្បាប់ស្តីពី វិធានការទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត ត្រូវបានអនុម័តជាការប្រញាប់ដើម្បីឲ្យប្រើប្រាស់ក្នុងស្ថានការណ៍ពិសេស ដែលកម្ពុជាកំពុងរាតត្បាតដោយជំងឺឆ្លងក្នុងសហគមន៍ជាបន្តបន្ទាប់មកនេះ។ព្រះករុណាជាអម្ចាស់ បានកត់សម្គាល់ថា ស្ថិតនៅក្នុងកាលៈទេសៈដ៏លំបាកស្មុគស្មាញនាអំឡុងពេលដែលជំងឺកូវីដ-១៩ កំពុងរាតត្បាតយ៉ាងសាហាវទូទាំងសកលលោកនេះ សម្តេចអគ្គមហាពញាចក្រី ហេង សំរិន ប្រធានរដ្ឋសភា និងថ្នាក់ដឹកនាំ សមាជិកសមាជិកាទាំងអស់ បានខិតខំយកកម្លាំងកាយចិត្ត ជាអាទិ៍ ក្នុងឱកាសវិស្សមកាលកន្លងមកនេះ សុទ្ធតែបានចុះទៅមូលដ្ឋាន សួរសុខទុក្ខ ស្វែងយល់និងជួយដោះស្រាយរាល់ការលំបាកនិងរាល់បញ្ហារបស់បងប្អូនរួមជាតិ ជាពិសេសសម្តេច បានរួមចំណែកជាមួយរាជរដ្ឋាភិបាលយ៉ាងសកម្មក្នុងរាល់កិច្ចប្រតិបត្តិការដោះស្រាយ ទប់ស្កាត់ មានរួមទាំងការផ្សព្វផ្សាយរាល់វិធានការរបស់ក្រសួងសុខាភិបាលនិងការចាក់វ៉ាក់សាំងទៀតផង។ព្រះរាជសារ ជូនសម័យប្រជុំរដ្ឋសភាលើកទី៦ នីតិកាលទី៦ ព្រះករុណាព្រះបាទសម្តេចព្រះបរមនាថ នរោត្តម សីហមុនី បានថ្លែងអំណរគុណសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី បណ្តាប្រទេសជាមិត្ត ដៃគូអន្តរជាតិនានា ដែលបានរួមសហការយ៉ាង១ល្អ នៅក្នុងការខិតខំប្រឹងប្រែងរួមគ្នាប្រយុទ្ធ និងទប់ស្កាត់ការឆ្លងរាលដាលជំងឺកូវីដ-១៩។ព្រះអង្គបានកោតសរសើរយ៉ាងក្រៃលែងចំពោះសម្តេចនាយករដ្ឋមន្ត្រី ដែលបានខិតខំប្រឹងប្រែងក្នុងការកៀរគរមូលនិធិនិងជំនួយវ៉ាក់សាំងកូវីដ-១៩ ចាក់ជូនពលរដ្ឋដោយឥតគិតថ្លៃ។នៅព្រឹកថ្ងៃទី២៤ ខែមិថុនានេះ រដ្ឋសភានៃព្រះរាជាណាចក្រកម្ពុជា បានបើកសម័យប្រជុំរដ្ឋសភាលើកទី៦ នីតិកាលទី៦ បន្ទាប់ពីបានវិស្សមកាលអស់រយៈពេលប្រមាណជា៣ខែមក។ នៅក្នុងសម័យប្រជុំព្រឹកនេះ មានរបៀបវារៈចំនួន៩ នៅក្នុងនោះ មានការបោះឆ្នោតផ្តល់សេចក្តីទុកចិត្តបេក្ខភាព ប្រធានថ្មី គណៈកម្មាធិការជាតិរៀបចំការបោះឆ្នោត ជំនួសប្រធានចាស់ដែលបានលាលែងផងដែរ។ វត្តមានសមាជិកសមាជិការដ្ឋសភា ពេលផ្តើមសម័យប្រជុំ មានចំនួន ៨២រូប៕

មន្ត្រីស៊ីម៉ាក់ជិតពីរពាន់នាក់ ទទួលបានព្រះរាជអំណោយដ៏ថ្លៃថ្លាពីព្រះមហាក្សត្រ

ភ្នំពេញ ៖ សម្ដេចចៅហ្វាវាំង គង់ សំអុល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង ព្រះរាជតំណាងដ៏ខ្ពង់ខ្ពស់ព្រះករុណា ព្រះមហាក្សត្រ បាននាំយកព្រះរាជអំណោយដ៏ថ្លៃថ្លាចែកជូនមន្ត្រី បុគ្គលិកស៊ីម៉ាក់ចំនួន១.៧៧៣នាក់ នាព្រឹកថ្ងៃទី២៣ ខែមិថុនា ឆ្នាំ២០២១នេះ នៅទីបញ្ជាការដ្ឋានមជ្ឈមណ្ឌលសកម្មភាពកំចាត់មីនកម្ពុជា(ស៊ីម៉ាក់)។ព្រះរាជអំណោយដ៏ថ្លៃថ្លា របស់ព្រះករុណាព្រះបាទសម្តេចព្រះបរមនាថ នរោត្តម សីហមុនីព្រះមហាក្សត្រ នៃព្រះរាជាណាចក្រកម្ពុជានេះ រួមមាន ៖ មុខ១ ភួយ១ សារុង១ ក្រម៉ា១ មីមួយកេះ ត្រីខ ម៉ាស់ និងថវិកាចំនួន២០ម៉ឺនរៀលក្នុងម្នាក់។ថ្លែងនៅក្នុងពិធីផ្តល់ព្រះរាជអំណោយនេះ សម្ដេចចៅហ្វាវាំង គង់ សំអុល បានថ្លែងថា ព្រះរាជអំណោយដ៏ថ្លៃថ្លារបស់ព្រះមហាក្សត្រ នៃយើងនេះ គឺដើម្បីជួយសម្រាលការលំបាករបស់បងប្អូនដែលកំពុងបំរើការនៅអង្គភាពស៊ីម៉ាក់ និងលើកទឹកចិត្តដល់បងប្អូន ក្នុងគ្រាដែលជួបនូវវិបត្តិមេរោគកូវីដ-១៩។ជាមួយគ្នានេះដែរ សម្តេច គង់ សំអុល មានប្រសាសន៍ទៀតថា ព្រះរាជហឫទ័យ សណ្ដោសប្រោសប្រណីដ៏មហាប្រសើរថ្លៃថ្លា នៃព្រះករុណាជាអម្ចាស់ជីវិតលើត្បូង និងសម្ដេចព្រះមហាក្សត្រី ព្រះវររាជមាតាជាតិខ្មែរ សម្ដេចម៉ែ សម្ដេចយាយ សម្ដេចយាយទួត ដែលព្រះអង្គតែងតែមានព្រះរាជហឫទ័យទុកដាក់ ដ៏ខ្ពង់ខ្ពស់ជានិច្ច ចំពោះសុខទុក្ខរបស់ប្រជារាស្ត្រ ជាកូនចៅ ចៅទួតរបស់ព្រះអង្គ នៅទូទាំងព្រះរាជាណាចក្រកម្ពុជា ពិសេសបងប្អូនមានជីវភាពខ្សត់ខ្សោយ ទទួលរងគ្រោះដោយគ្រោះធម្មជាតិជាដើម ត្រូវបានព្រះករុណា ព្រះមហាក្សត្រ និងសម្ដេចព្រះមហាក្សត្រី ព្រះវររាជមាតាជាតិខ្មែរ ជាអម្ចាស់នៃយើង ព្រះអង្គប្រោសព្រះរាជទាននូវ ព្រះរាជអំណោយដ៏ឧត្តុង្គឧត្តមគ្រប់បែបយ៉ាង ទាំងព្រះរាជអំណោយ សំរាប់ផ្គត់ផ្គង់ជីវភាពប្រចាំថ្ងៃ និងព្រះរាជអំណោយជាឧត្តមប្រយោជន៍ សម្រាប់ការអភិវឌ្ឍក្នុងមូលដ្ឋាន ភូមិឃុំទាំងមូលជាដើមនោះ។ក្នុងឱកាសដ៏ប្រសើរនោះ សម្តេច គង់ សំអុល បានជម្រាបជូនពីព្រះរាជបណ្តាំដ៏ខ្ពង់ខ្ពស់ ពីព្រះករុណាជាអម្ចាស់ជីវិតលើត្បូង ព្រះមហាក្សត្រ នៃព្រះរាជាណាចក្រកម្ពុជា និងសម្តេចព្រះមហាក្សត្រី ព្រះវររាជមាតាជាតិខ្មែរជាទីសក្ការៈដ៏ខ្ពង់ខ្ពស់បំផុតនៃយើង ព្រះអង្គមានព្រះរាជហឫទ័យ នឹករលឹកសាកសួរសុខទុក្ខ ក្នុងព្រះរាជហឫទ័យអាណិត ស្រឡាញ់ដ៏ជ្រាលជ្រៅចំពោះកូនចៅ ចៅទួត របស់ព្រះអង្គដែលកំពុងបំរើការជួនដល់ប្រទេសជាតិនេះផងដែរ៕អត្ថបទ៖ បាន ចក់

កម្ពុជានឹងចាប់ផ្តើមប្រើសុនខស្រាវជ្រាវរកមេរោគកូវីដ-១៩ នៅពាក់កណ្តាលខែក្រោយនេះ

ភ្នំពេញ ៖ មជ្ឈមណ្ឌលសកម្មភាពកម្ចាត់មីនកម្ពុជា (CMAC) នឹងចាប់ផ្តើមប្រើប្រាស់សុនខ (ឆ្កែ) ដើម្បីស្រាវជ្រាវ និងធ្វើតេស្តរកមេរោគកូវីដ-១៩ នៅពាក់កណ្តាលខែក្រោយនេះ ខណៈសុនខទាំងនេះ ត្រូវបានបង្ហាត់ រួចរាល់ហើយ ដោយមន្ត្រីជំនាញCMAC ។ឯកឧត្តម ហេង រតនា ប្រតិភូរាជរដ្ឋាភិបាលទទួលបន្ទុកអគ្គនាយកកម្ចាត់មីនកម្ពុជា (CMAC) បានប្រាប់BTV នៅព្រឹកថ្ងៃទី២៣ ខែមិថុនា នេះថា សុនខ ចំនួន១០ក្បាល នឹងត្រូវបានប្រើប្រាស់ដើម្បី ស្រាវជ្រាវ និងធ្វើតេស្តរកមេរោគកូវីដ-១៩ នាពេលឆាប់ៗខាងមុខនេះ។ មន្ត្រីស៊ីម៉ាក់ និងក្រសួងសុខាភិបាល រំពឹងទុកថា ប្រតិបត្តិការប្រើប្រាស់សុនខនេះ នឹងទទួលបានគុណខ្ពស់។ឯកឧត្តម ហេង រតនា បានបញ្ជាក់ឲ្យដឹងទៀតថា សុនខទាំង១០ក្បាលនេះ ដែលត្រូវបានមន្ត្រីជំនាញបង្វឹកឱ្យមានសមត្ថភាពគ្រប់គ្រាន់ហើយនោះ នឹងត្រូវបែងចែកជាពីរក្រុម និងនៅរង់ចាំតែសម្ភារ បន្ថែមសម្រាប់ប្រើប្រាស់ក្នុងប្រតិបត្តិការតែប៉ុណ្ណោះ។ឯកឧត្តម ហេង រតនា ក៏បានឲ្យដឹងផងដែរថា ក្នុងអំឡុងពេលហ្វឹកហាត់សុនខប៉ុន្មានខែមកនេះ ក្រុមមន្ត្រីជំនាញ ពុំមានបញ្ហាលំបាកអ្វីនោះឡើយ ដោយអ្នកជំនាញរបស់ CMAC មានទំនុកចិត្តខ្ពស់ ព្រោះ នៅប្រទេសផ្សេង ក៏បានប្រើប្រាស់រួចហើយ ដូចជា ប្រទេសអាល្លឺម៉ង់ រុស្ស៊ី និងប្រទេសមួយចំនួនទៀត៕អត្ថបទ៖ បាន ចក់

អាជ្ញាធរខេត្តកណ្តាល កំពុងបន្តអនុវត្តវិធានការរុះរើ ផ្ទះបណ្តែតទឹក បែរចិញ្ចឹមខុសច្បាប់ចេញពីដងទន្លេ

កណ្ដាល ៖ យុទ្ធនាការសម្អាតផ្ទះបណ្តែតទឹក និងបែរចិញ្ចឹមត្រីខុសច្បាប់ នៅតាមដងទន្លេនានា ក្នុងភូមិសាស្ត្រខេត្តកណ្តាល បាននឹងកំពុងបន្តធ្វើជាធម្មតា ខណៈបច្ចុប្បន្នបែរចិញ្ចឹមត្រីស្របច្បាប់ផ្លាស់ទីចេញពីដងទន្លេភូមិសាស្ត្ររាជធានីភ្នំពេញ គឺអាជ្ញាធរកំពុងរៀបចំអោយនៅម្តុំ ហើយបែរចិញ្ចឹមត្រី និងផ្ទះបណ្តែតទឹកខុសច្បាប់នានា ត្រូវបានអាជ្ញាធរបញ្ជាឱ្យរុះរើ។បើតាមលោក ហេង សុភារិទ្ធ នាយខណ្ឌជលផលខេត្តកណ្តាល បានថ្លែងប្រាប់ BTV នៅថ្ងៃទី២៣ ខែមិថុនាថា មកទល់ពេលនេះ មិនទាន់សរុបតួលេខផ្ទះបណ្តែតទឹកនិងបែរចិញ្ចឹមត្រីខុសច្បាប់នៅក្នុងភូមិសាស្ត្រខេត្តកណ្តាល នោះទេ ដោយសារអាជ្ញាធរតាមបណ្តាស្រុកក្រុងនានាបាននិងកំពុងចុះពិនិត្យស្រាវជ្រាវ លើចំនួន ផ្ទះបណ្តែតទឹក បែរចិញ្ចឹមត្រី ដែលមានច្បាប់អនុញ្ញាត ឬមានដេញថ្លៃដាក់ឡូនេសាទត្រឹមត្រូវពីរដ្ឋ និងពិនិត្យ ផ្ទះបណ្តែតទឹក បែរចិញ្ចឹមត្រី ដែលមិនមានច្បាប់អនុញ្ញាតពីរដ្ឋ។លោក ហេង សុភារិទ្ធ បន្តថា សម្រាប់បែរដាយចិញ្ចឹមត្រីស្របច្បាប់ដែលអាជ្ញាធររាជធានីភ្នំពេញ រៀបចំឱ្យផ្លាស់ទីចេញពីភូមិសាស្ត្ររាជធានីភ្នំពេញ គឺអាជ្ញាធរខេត្តកណ្តាល អនុញ្ញាតអោយចូលក្នុងភូមិសាស្ត្រខេត្តកណ្តាល តែទៅនៅមួយកន្លែង តាមទីតាំងនិយាមការដែលអាជ្ញាធរមូលដ្ឋានបានកំណត់ ប៉ុន្តែផ្ទះបណ្តែតទឹក បែរត្រីខុសច្បាប់ដែលផ្លាស់ទីមកពីរាជធានីភ្នំពេញ និងនៅក្នុងមានស្រាប់នៅក្នុងភូមិសាស្ត្រខេត្តកណ្តាល មួយចំនួនត្រូវតម្រូវអោយរុះរើ ។សូមបញ្ជាក់ថា នៅក្នុងដំណើរអនុវត្តវិធានការច្បាប់រុះរើផ្ទះបណ្តែតទឹក បែរចិញ្ចឹមត្រីខុសច្បាប់ នេះ ឯកឧត្តម គង់ សោភ័ណ្ឌ អភិបាលខេត្តកណ្តាល ការអនុវត្តវិធានការច្បាប់ លើសំណង់អនាធិបតេយ្យ ផ្ទះបណ្តែតទឹក បែរចិញ្ចឹមត្រីគ្រប់ប្រភេទ នៅតាមមាត់ទន្លេ ក្នុងភូមិសាស្ត្ររាជធានីភ្នំពេញ បានធ្វើឱ្យមានផ្ទះបណ្តែត ទឹក បែរចិញ្ចឹមត្រីខុសច្បាប់មួយចំនួន បានចល័តផ្លាស់ទីចេញពីរាជធានីភ្នំពេញ ទៅក្នុងភូមិសាស្ត្រខេត្តកណ្តាល សម្រាប់បញ្ហានេះ ឯកឧត្តម ក៏បានបញ្ជាអាជ្ញាធរមូលដ្ឋានខ្លួន ត្រូវជំរុញអោយផ្ទះបណ្តែតទឹក បែរចិញ្ចឹមត្រីខុសច្បាប់ទាំងនោះ ត្រូវចេញអោយផុតពីទឹកដីភូមិសាស្ត្រខេត្តកណ្តាល ខណៈអាជ្ញាធរមូលដ្ឋានខេត្តកណ្តាល បាននិងកំពុងអនុវត្តវិធានការច្បាប់ និងមានការរុះរើផ្ទះបណ្តែតទឹក បែរចិញ្ចឹមត្រីខុសច្បាប់នៅក្នុងដងទន្លេភូមិសាស្ត្រខេត្តកណ្តាល ចេញពីដងទន្លេជាបន្ទាន់ផងដែរ ហើយការរុះរើនោះ គឺត្រូវធ្វើជាទូទៅ និងមិនរើសអើងជនជាតិណាឡើយ៕អត្ថបទ ៖ ស៊ុម សុខជា

បណ្ដាញសង្គម

ព័ត៌មានថ្មីៗ

លោក Trump និយាយថា អាមេរិកនិងអ៊ីរ៉ង់ចុះសម្រុងគ្នាខ្លាំងណាស់

ភ្លៀងធ្លាក់ខ្លាំងបង្កការជន់លិចនៅទីក្រុងមជ្ឈមណ្ឌលហិរញ្ញវត្ថុម៉ុមបៃប្រទេសឥណ្ឌា

អាហ្វ្រិកខាងត្បូងអះអាងថា មនុស្សជាង ៩០០នាក់ ត្រូវបានចាប់ខ្លួន អំឡុងបាតុកម្មប្រឆាំងអន្តោប្រវេសន៍

UN ៖ ការរីករាលដាលឆ្លងជំងឺអេបូឡា អាចនឹងធ្វើឲ្យអាហ្វ្រិកខាតបង់ប្រាក់ ៣,៦ ពាន់លានដុល្លារ

ក្រុមជួយសង្រ្គោះស្វែងរកអ្នកជាប់ខ្លួនក្រោយប្លុកអគារផ្ទះល្វែងបាក់នៅទីក្រុងអាតែន ប្រទេសក្រិក

ទិន្នន័យអង្គការណាសាបង្ហាញថា អគារប្រហែល ៥៨.៨៧០ខ្នង រងការខូចខាតក្នុងការរញ្ជួយដីនៅវេណេស៊ុយអេឡា

មនុស្ស ១២នាក់ស្លាប់ ក្រោយទឹកជំនន់វាយប្រហារតំបន់ជាច្រើនរបស់ហ្គាណា

ក្មេងៗ ១៤នាក់ស្លាប់ ក្នុងហេតុកាណ៍បាក់ដំបូលមជ្ឈមណ្ឌលសិក្សានៅប៉ាគីស្ថាន

លោក Trumpរាយការណ៍ប្រាក់ចំណូលជាង១,៤ពាន់លានដុល្លារពីការបណ្តាក់ទុនគ្រីបតូ

មេដឹកនាំបេឡារុសបំពេញទស្សនកិច្ចទៅកាន់ឥណ្ឌូនេស៊ី ជាផ្នែកមួយនៃដំណើរទស្សនកិច្ចនៅអាស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

៥ខែដើមឆ្នាំនេះ ករណីជំងឺគ្រុនឈាមក្នុងរាជធានីភ្នំពេញថយចុះជាងពាក់កណ្តាលបើធៀបឆ្នាំកន្លងទៅ

កិច្ចសហប្រតិបត្តិការអន្តរជាតិ ក្នុងស្ថានភាពជំងឺរាតត្បាត ពិតជាមានសារសំខាន់ជាងពេលណាទាំងអស់

ឯកឧត្តម ប្រាជ្ញ ចន្ទ ត្រូវបានរដ្ឋសភាជ្រើសរើសជាប្រធានថ្មី នៃ (គជប)

គណបក្សហ៊្វុនស៊ិនប៉ិច ធ្វើការថ្កោលទោសដាច់អហង្ការចំពោះទណ្ឌិតសម រង្ស៊ី ប្រមាថអង្គព្រះមហាក្សត្រ

ពលរដ្ឋខេត្តកណ្តាល ចាប់ផ្តើមមកចាក់វ៉ាក់សាំងកូវីដ-១៩ ដូសទី២តាមការណាត់របស់ក្រុមគ្រូពេទ្យ

ក្រសួងសុខាភិបាល ស្នើពលរដ្ឋកុំទិញថ្នាំតាមឱសថស្ថានលេបការពារជំងឺកូវីដ-១៩ ដោយគ្មានវេជ្ជបញ្ជា

ព្រះមហាក្សត្រកោតសរសើររដ្ឋសភា ដែលបានអនុម័តច្បាប់ជាច្រើន បម្រើឧត្តមប្រយោជន៍ជាតិ

មន្ត្រីស៊ីម៉ាក់ជិតពីរពាន់នាក់ ទទួលបានព្រះរាជអំណោយដ៏ថ្លៃថ្លាពីព្រះមហាក្សត្រ

កម្ពុជានឹងចាប់ផ្តើមប្រើសុនខស្រាវជ្រាវរកមេរោគកូវីដ-១៩ នៅពាក់កណ្តាលខែក្រោយនេះ

អាជ្ញាធរខេត្តកណ្តាល កំពុងបន្តអនុវត្តវិធានការរុះរើ ផ្ទះបណ្តែតទឹក បែរចិញ្ចឹមខុសច្បាប់ចេញពីដងទន្លេ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

កិច្ច​សហប្រតិបត្តិការ​អន្តរជាតិ ក្នុងស្ថានភាព​ជំងឺ​រាតត្បាត ​ពិតជា​មានសារសំខាន់​ជាង​ពេលណា​ទាំងអស់

ឯកឧត្តម ប្រាជ្ញ ចន្ទ ត្រូវ​បាន​រដ្ឋសភា​ជ្រើសរើស​ជា​ប្រធាន​ថ្មី នៃ (​គជប​)

គណបក្ស​ហ៊្វុនស៊ិនប៉ិច​ ធ្វើការ​ថ្កោលទោស​ដាច់អហង្ការ​ចំពោះទណ្ឌិត​សម រង្ស៊ី ​ប្រមាថ​អង្គ​ព្រះមហាក្សត្រ

ព្រះមហាក្សត្រ​កោតសរសើរ​រដ្ឋសភា ​ដែល​បាន​អនុម័ត​ច្បាប់​ជាច្រើន ​បម្រើ​ឧ​ត្ត​ម​ប្រយោជន៍​ជាតិ

មន្ត្រី​ស៊ីម៉ាក់​ជិត​ពីរពាន់​នាក់​ ទទួលបាន​ព្រះរាជ​អំណោយ​ដ៏​ថ្លៃថ្លា​ពី​ព្រះមហាក្សត្រ

កម្ពុជា​នឹង​ចាប់​ផ្តើម​ប្រើ​សុនខ​ស្រាវជ្រាវ​រក​មេរោគ​កូ​វីដ-​១៩ ​នៅ​ពាក់កណ្តាល​ខែក្រោយ​នេះ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

កិច្ចសហប្រតិបត្តិការអន្តរជាតិ ក្នុងស្ថានភាពជំងឺរាតត្បាត ពិតជាមានសារសំខាន់ជាងពេលណាទាំងអស់

ឯកឧត្តម ប្រាជ្ញ ចន្ទ ត្រូវបានរដ្ឋសភាជ្រើសរើសជាប្រធានថ្មី នៃ (គជប)

គណបក្សហ៊្វុនស៊ិនប៉ិច ធ្វើការថ្កោលទោសដាច់អហង្ការចំពោះទណ្ឌិតសម រង្ស៊ី ប្រមាថអង្គព្រះមហាក្សត្រ

ព្រះមហាក្សត្រកោតសរសើររដ្ឋសភា ដែលបានអនុម័តច្បាប់ជាច្រើន បម្រើឧត្តមប្រយោជន៍ជាតិ

មន្ត្រីស៊ីម៉ាក់ជិតពីរពាន់នាក់ ទទួលបានព្រះរាជអំណោយដ៏ថ្លៃថ្លាពីព្រះមហាក្សត្រ

កម្ពុជានឹងចាប់ផ្តើមប្រើសុនខស្រាវជ្រាវរកមេរោគកូវីដ-១៩ នៅពាក់កណ្តាលខែក្រោយនេះ