BTV NEWS

សម្ដេចតេជោ គាំទ្រកម្ពុជា-វៀតណាម ចៀសវាងកុំឱ្យមានការប្រើប្រាស់កម្លាំងនៅក្នុងប្រទេសមួយ ប្រឆាំងនឹងប្រទេសណាមួយទៀត

សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីសន្តិសុខសាធារណៈវៀតណាម ចូលជួបសម្តែងការគួរសម

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

នយោបាយ និង ការអភិវឌ្ឍន៍

ខែមិថុនាឆ្នាំនេះ ខេត្តកំពង់ឆ្នាំង ទទួលបានទឹកភ្លៀងច្រើនជាងឆ្នាំមុន កសិករកំពុងចាប់ផ្តើមបន្តបង្កបង្កើនផល

កំពង់ឆ្នាំង ៖ គិតមកដល់ថ្ងៃទី០៨ ខែមិថុនា នេះ ខេត្តកំពង់ឆ្នាំង ទទួលបានរបបទឹកភ្លៀងច្រើនជាងដើមខែមិថុនា ឆ្នាំ២០២០ ក្នុងរយៈពេល២សប្តាហ៍នេះ ទឹកភ្លៀងបានបង្អុរមកជាបន្តបន្ទាប់ ធ្វើឱ្យប្រជាកសិករទាំងអស់ ចាប់ផ្តើមបង្ក បង្កើនផលនៅស្ទើរគ្រប់ទីកន្លែងក្នុងខេត្ត ដើម្បីធ្វើស្រែឱ្យទាន់ដើមរដូវ។លោក ងិន ហ៊ុន ប្រធានមន្ទីរកសិកម្មខេត្តកំពង់ឆ្នាំង បានឱ្យដឹងថា គិតមកដល់ថ្ងៃទី០៨ ខែមិថុនា ឆ្នាំ២០២១នេះ របបទឹកភ្លៀងទទួលបានចំនួន៦៩,២៩មម បូកយោងពីដើមរដូវ សរុបជាមធ្យមបានចំនួន៣៣៥,៩២មម ប្រៀបធៀប ជាមួយឆ្នាំ២០២០ មានកម្រិតច្រើនជាងចំនួន៦១,៦៧មម។ ដោយសារស្ថានភាពទឹកភ្លៀងបានអំណោយផល ប្រជា កសិករ កំពុងតែខំប្រឹងប្រែងក្នុងការបង្កបង្កើនផល នាំឱ្យសាបរួច ចំនួន៣២២ហិកតា ផ្ទៃដីដាំដុះ (ព្រោះ) បានចំនួនជាង១០ម៉ឺនហិកតា ស្មើនឹង៨៩% លើផែនការ១២ម៉ឺន២០០០ហិកតា។ចំណែកដំណាំសាកវប្បកម្ម និងដំណាំឧស្សាហកម្ម អនុវត្តបានជាង៤ពាន់ហិកតា ស្មើនឹង៧,៩៧% លើផែនការ ៧៨០០ហិកតា រួមមាន ពោត ស ដំឡូងជ្វា បន្លែគ្រប់មុខ ដំឡូងឈើ សណ្តែកបាយ អំពៅ ល្ង ថ្នាំជក់ ក្រចៅ ឪឡឹក និង សណ្តែកដី។ ចំពោះតម្លៃស្រូវក្នុងសប្តាហ៍នេះ គឺស្រូវស្ងួត ជាមធ្យម១១០០រៀល ក្នុង១គីឡូក្រាម មានតម្លៃខ្ពស់ជាង ឆ្នាំ២០២០ ចំនួន៥០រៀល ក្នុង១គីឡូក្រាម ស្រូវក្រអូប តម្លៃ១៣០០រៀល ក្នុង១គីឡូក្រាម ខ្ពស់ជាងឆ្នាំ២០២០ ចំនួន ១០រៀល ក្នុង១គីឡូក្រាម។នៅក្នុងខែមិថុនា ឆ្នាំ២០២១នេះ ពុំមានសត្វគោក្របីឈឺធ្ងន់ធ្ងរនោះទេ ដោយបច្ចុប្បន្ន ខាងមន្ត្រីបសុពេទ្យកំពុងជួយពិនិត្យគ្រប់ទីកន្លែងផងដែរ។ទោះបីទឹកភ្លៀងធ្លាក់គ្រប់គ្រាន់ និងស្ថិតក្នុងបរិបទ នៃការឆ្លងរាលដាលជំងឺកូវីដ-១៩ ក្នុងសហគមន៍ក៏ពិតមែន តែប្រជាកសិករ កំពុងសស្រាក់សស្រាំខិតខំបង្កបង្កើនផលនៅគ្រប់ទីកន្លែង។ មន្ទីរកសិកម្ម និងមន្ទីរធនធានទឹក កំពុងត្រៀមចុះ ជួយប្រជាពលរដ្ឋណា ដែលជួបនូវការខ្វះខាតទឹក នៅគ្រប់ទីកន្លែង តាមគោលការណ៍ ដោយមិនប្រកាន់និន្នាការអ្វី ឡើយ៕អត្ថបទ៖ ហុង វាស្នា

ខេត្តកណ្តាល ចាប់ផ្តើមចាក់វ៉ាក់សាំងកូវីដ១៩ ដូសទី១ ជូនពលរដ្ឋទូទៅចាប់ពីថ្ងៃទី១០ ខែមិថុនាតទៅ

កណ្ដាល ៖ រដ្ឋបាលខេត្តកណ្តាល ប្រកាសបើកយុទ្ធនាការចាក់វ៉ាក់សាំងការពារកូវីដ-១៩ នៅទូទាំងខេត្ត ចាប់ពីថ្ងៃទី១០ ខែមិថុនា ស្អែកនេះតទៅ ។ សម្រាប់ការយុទ្ធនាការចាក់វ៉ាក់សាំងនេះ គេសង្កេតឃើញថា អាជ្ញាធរនៅតាមឃុំសង្កាត់ទូទាំងខេត្តកណ្តាល បាននឹងកំពុងមមាញឹក ចុះចែកលិខិត ឬប័ណ្ណអញ្ជើញពលរដ្ឋទៅចាក់វ៉ាក់សាំងទៅតាមពេលវេលា និងទីតាំងដែលបានកំណត់ទៅតាមការណែនាំពីក្រុមពេទ្យចាក់វ៉ាក់សាំង។បើតាមលោក យ៉ាវ ឡេង ចៅសង្កាត់កំពង់សំណាញ់ ក្រុងតាខ្មៅខេត្តកណ្តាល បានថ្លែងថា មកដល់ថ្ងៃនេះសង្កាត់កំពង់សំណាញ់ ក៏ដូចឃុំសង្កាត់នានាទៀត នៅទូទាំងខេត្តកណ្តាល គឺបាននិងកំពុងចុះចែកលិខិតអញ្ជើញពលរដ្ឋនៅតាមបណ្តាភូមិមកចាក់វ៉ាក់សាំងនៅថ្ងៃស្អែកនេះរួចហើយ ហើយនៅព្រឹកថ្ងៃនេះដែរ អាជ្ញាធរក៏កំពុងរៀបចំទីតាំងចាក់នៅអនុវិទ្យាល័យ ហ៊ុន សែន ខ្ពបវែង ក៏ជិតរួចរាល់ដែរ ។លោក យ៉ាវ ឡេង បន្តថា សម្រាប់ការចាក់វ៉ាក់សាំងការពារកូវីដ-១៩នេះគឺយើងបានរៀបចំតាមណែនាំរបស់ក្រុមគ្រូពេទ្យចាក់វ៉ាក់សាំង ចៀសវាងការប្រជ្រៀតគ្នា ត្រូវរក្សាគន្លាតត្រឹមត្រូវ ហើយសម្រាប់ការចាក់នេះ គឺយើងចាក់ជូនចំពោះពលរដ្ឋណាដែលមានលិខិត ឬប័ណ្ណអញ្ជើញនៅក្នុងដៃតែប៉ុណ្ណោះ ហើយសម្រាប់ពលរដ្ឋមិនទាន់មានប័ណ្ណអញ្ជើញ ឬមិនទាន់ដល់ថ្ងៃណាត់ គឺត្រូវរង់ចាំចាក់នៅពេលក្រោយ។ឯកឧត្តម គីម រិទ្ធី អភិបាលរងខេត្តកណ្តាល បានថ្លែងបញ្ជាក់ថា យុទ្ធនាការចាក់វ៉ាក់សាំងការពារកូវីដ១៩នេះ គឺយើងគ្រោងនឹងបើកការចាក់ទៅមនុស្សប្រមាណជាង៩០ម៉ឺននាក់ ដែលមានអាយុចាប់ពី១៨ឆ្នាំឡើងទៅ ដែលមានពលរដ្ឋទូទៅក្នុងខេត្តកណ្តាល និងបណ្តាកម្មករ កម្មការិនីរោងចក្រនៅខេត្តកណ្តាល ហើយកម្មករកម្មការិនីមកពីបណ្តាខេត្តរាជធានីនានា មកធ្វើការងារនៅក្នុងខេត្តកណ្តាល ក៏អាចអញ្ជើញទៅចាក់បានដែរ តែត្រូវមានលិខិត ឬប័ណ្ណអញ្ជើញពីអាជ្ញាធរ។ឯកឧត្តម បន្តថា កាលពីមុនយើងមានគំរោងចាក់តែនៅក្នុងក្រុងតាខ្មៅមួយទេ ប៉ុន្តែដោយសារមុននេះ យើងទទួលដំណឹងថា ខេត្តកណ្តាល ទទួលបានវ៉ាក់សាំងច្រើនលើសលប់ពីសម្តេចតេជោ ទើបនៅថ្ងៃនេះយើងជំរុញអោយអាជ្ញាធរគ្រប់ក្រុងស្រុកទាំងអស់ក្នុងខេត្តកណ្តាល រៀបចំមណ្ឌលចាក់ជាច្រើន ដោយក្នុង១ស្រុកក្រុងត្រូវរៀបចំមណ្ឌលចាក់ប្រមាណ៨ទៅ១០កន្លែង ហើយការចាក់នេះនៅថ្ងៃដំបូងអាចមានភាពរអាក់រអួលបន្តិច។បន្ថែមពីនេះ បើតាមការបញ្ជាក់របស់ ឯកឧត្តម គង់ សោភ័ណ្ឌ អភិបាលខេត្តកណ្តាល បានលើកឡើងដែរថា ៖ នៅពេលនេះ ខេត្តកណ្តាល បានត្រៀមរួចរាល់ហើយបើកយុទ្ធនាការចាក់វ៉ាក់សាំងជូនពលរដ្ឋខេត្តកណ្តាលទ្រង់ទ្រាយធំនេះ សម្រាប់ការចាក់នេះ ក្រៅពីចាក់នៅតាមមន្ទីរពេទ្យបង្អែកក្រុងស្រុក ខេត្តក៏បានរៀបចំអោយមានការចាក់នៅតាមសាលារៀន និងវត្តអារ៉ាមតាមក្រុងស្រុកឃុំសង្កាត់នានាទូទាំងខេត្តកណ្តាល ដែលអាជ្ញាធរមូលដ្ឋានរៀបចំអញ្ជើញ ខណៈការចាក់យើងរៀបចំក្រុមគ្រូពេទ្យចំនួន ៧០០នាក់ ស្មើនឹង ៧០ក្រុម ហើយរដ្ឋបាលខេត្ត គ្រោងនឹងបន្ថែមគ្រូពេទ្យចំនួន ១៨០០ នាក់ទៀតផងដែរ ដើម្បីធ្វើឲ្យយុទ្ធនាការនេះប្រព្រឹត្តទៅប្រកបដោយភាពរលូន និងអាចចាក់វ៉ាក់សាំងបានឆាប់រហ័សជូនប្រជាពលរដ្ឋនៅទូទាំងខេត្តកណ្តាល៕ អត្ថបទ សុខជា

សាលារាជធានីភ្នំពេញ បិទខ្ទប់ផ្នែកខ្លះនៃភូមិចំនួន៤នៅខណ្ឌពោធិ៍សែនជ័យ ក្រោយមើលឃើញកំណើនករណីឆ្លងឡើងវិញ

ភ្នំពេញ៖ សាលារាជធានីភ្នំពេញ បានបិទខ្ទប់ផ្នែកខ្លះនៃភូមិចំនួន៤នៅក្នុងខណ្ឌពោធិ៍សែនជ័យឡើងវិញ ចាប់ពីថ្ងៃស្អែកនេះទៅ ដើម្បីទប់ស្កាត់ការឆ្លងរីករាលដាលនៃមេរោគកូវីដ-១៩។ក្នុងសេចក្ដីសម្រេចនៅថ្ងៃនេះ រដ្ឋបាលរាជធានីភ្នំពេញ បានកំណត់ជាតំបន់លឿងទុំនូវផ្នែកខ្លះនៃភូមិចោមចៅ៣ ស្ថិតក្នុងសង្កាត់ចោមចៅទី២ និងផ្នែកខ្លះនៃភូមិត្រពាំងពោធិ៍ ភូមិព្រៃព្រីងខាងជើង២ និងភូមិជម្ពូវ័ន២ នៅក្នុងសង្កាត់ចោមចៅទី៣ ជា«តំបន់លឿងទុំ»។បើតាមសេចក្ដីសម្រេចនេះ វិធានការបិទខ្ទប់នេះ នឹងត្រូវចាប់ផ្ដើមអនុវត្តចាប់ពីម៉ោងសូន្យឈានចូលថ្ងៃស្អែកនេះ រហូតដល់ថ្ងៃទី២៣ ខែមិថុនាខាងមុខនេះ។នៅក្រោមវិធានការបិទខ្ទប់នេះ អាជ្ញាធររាជធានីភ្នំពេញសម្រេចហាមឃាត់ការធ្វើដំណើរចាកចេញពីលំនៅឋាន ឬទីស្នាក់អាស្រ័យរបស់ប្រជាពលរដ្ឋ។ចំណែកឯសកម្មភាពខាងមុខរបរ ការងារ និងអាជីវកម្ម ដែលមិនមែនជាតម្រូវការចាំបាច់ ក៏ត្រូវបានហាមឃាត់ផងដែរ។ទោះជាយ៉ាងណា សាលារាជធានីភ្នំពេញក៏បានផ្ដល់ការលើកលែងសម្រាប់ការធ្វើដំណើរមួយចំនួន និងសកម្មភាពអាជីវកម្ម ការងារ ឬមុខរបរមួយចំនួនផងដែរ។សាលារាជធានីភ្នំពេញ បានបញ្ជាក់ក្នុងសេចក្ដីសម្រេចនោះថា វិធានការនេះ គឺដើម្បីទប់ស្កាត់ការឆ្លងរីករាលដាលនៃមេរោគកូវីដ-១៩ បន្ទាប់ពីខណ្ឌពោធិ៍សែនជ័យ បានមើលឃើញកំណើនឡើងវិញនៃចំនួនពលរដ្ឋឆ្លងមេរោគកូវីដ-១៩រយៈពេលប៉ុន្មានថ្ងៃចុងក្រោយនេះ៕

អាជ្ញាធរខេត្តបាត់ដំបង ពង្រីកទីតាំងព្យាបាល ខណៈមានកំណើនអ្នកជំងឺកូវីដ-១៩

បាត់ដំបង ៖ មន្ទីរសុខាភិបាលខេត្ត បានសម្រេចរៀបចំពង្រីកទីតាំងព្យាបាលបន្ថែមទៀត នៅតាមបណ្ដាស្រុកមួយចំនួន ជាប់ព្រំដែនជាមួយប្រទេសថៃ ខណៈមានការរកឃើញអ្នកវិជ្ជមាន ជំងឺកូវី-១៩ ចាប់តាំងពីដើមខែមិថុនានេះមក ជាបន្តបន្ទាប់ ពិសេសនៅក្នុងស្រុកកំរៀង។ក្នុងឱកាសចុះពិនិត្យមើលទីតាំងសម្រាកព្យាបាលថ្មី នៃអ្នកជំងឺកូវីដ-១៩ លោក សឿម ប៊ុនរិទ្ធ អភិ បាលរងខេត្តបាត់ដំបង បានឱ្យដឹងថា សម្រាប់ទីតាំងព្យាបាលជំងឺកូវីដ-១៩ បន្ថែមថ្មី មានចំនួន២កន្លែង គឺ វិទ្យាល័យកំរៀង ស្ថិតនៅឃុំអូរដា ស្រុកកំរៀង និងត្រៀម១កន្លែងទៀត នៅសាលាបឋមសិក្សាសម្តេចតេជោ ហ៊ុន សែន ជ្រៃសីមា ស្ថិតនៅឃុំជ្រៃសីមា ស្រុកសំពៅលូន ។លោក បានបន្តថា សម្រាប់អ្នកជំងឺកូវីដ-១៩ ដែលសម្រាកព្យាបាលនៅក្នុងទីតាំងបន្ថែមនេះ គឺជា អ្នកកម្រិតស្រាលប៉ុណ្ណោះ ខណៈអ្នកមានសភាពធ្ងន់ធ្ងរ នឹងត្រូវបញ្ជូនទៅព្យាបាលនៅក្នុងមន្ទីរពេទ្យបង្អែកខេត្ត។ បច្ចុប្បន្ន នៅតាមស្រុកជាប់ព្រំដែន មានអ្នកជំងឺកូវីដ-១៩ ជាង១០០នាក់ហើយ ។លោក សុខ គឹមខុន អភិបាលស្រុកកំរៀង បានឲ្យដឹងថា នៅទីតាំងព្យាបាលអ្នកជំងឺកូវីដ-១៩ ក្នុងវិទ្យាល័យកំរៀង គិតត្រឹមថ្ងៃទី៧ ខែមិថុនា នេះ មានអ្នកជំងឺ ចំនួន១០៧នាក់ ភាគច្រើនអ្នកជាប់ពាក់ ព័ន្ធព្រឹត្តិការណ៍២០កុម្ភៈ មកពីខេត្តប៉ៃលិន ខណៈវិទ្យាល័យនេះ អាចដាក់អ្នកជំងឺកូវីដ-១៩ បានចំនួនជិត ២០០នាក់ ។បន្ទាប់មានការរៀបចំនូវទីតាំងកន្លែងសម្រាកព្យាបាល នៃអ្នកជំងឺកូវីដ-១៩ បន្ថែមនេះ អាជ្ញាធរថៃ ក៏ បានផ្ដល់សម្ភារបរិក្ខារៈ ទប់ទល់ជំងឺកូវីដ-១៩មួយចំនួន មានដូចជា ៖ ម៉ាស់ អាវពេទ្យ អាល់កុល និងស្រោម ជើងពេទ្យ ដែលសម្ភារបរិក្ខារពេទ្យទាំងនេះ ត្រូវបានលោក សឿម ប៊ុនរិទ្ធ ប្រគល់ជូនដល់ទៅមន្ទីរពេទ្យ បង្អែកស្រុកកំរៀង ដើម្បីទុកប្រើប្រាស់ចាំបាច់នៅក្នុងអង្គភាពរបស់ខ្លួន។ចាប់ពីមានការផ្ទុះឆ្លងជំងឺកូវីដ-១៩ នៅក្នុងប្រទេសកម្ពុជា សម្រាប់ខេត្តបាត់ដំបង មានអ្នកឆ្លង ចំនួន៤៤៣នាក់ តែត្រូវបានព្យាបាលជាសះស្បើយ ចំនួន១៦២នាក់ ស្លាប់ចំនួន២នាក់ និងកំពុងព្យាបាល ចំនួន២៧៩នាក់៕អត្ថបទ៖ បាន សុខរិទ្ធ

ស្ថានទូតរុស្ស៊ីប្រចាំកម្ពុជា នាំយកសម្ភារៈការពារជំងឺកូវីដ-១៩ មួយចំនួនជូនដល់មន្ទីរមិត្តភាពខ្មែរ-សូវៀត

ភ្នំពេញ ៖ នៅព្រឹកថ្ងៃទី៩ខែមិថុនានេះ ស្ថានទូតរុស្សីប្រចាំកម្ពុជា បាននាំយកនូវសម្ភារៈការពារជំងឺ កូវីដ-១៩ មួយចំនួន ដើម្បីជួយឧបត្ថម្ភដល់មន្ទីរពេទ្យមិត្តភាពខ្មែរ-សូវៀត ដែលជាមន្ទីរពេទ្យសំខាន់មួយ ក្នុងការប្រយុទ្ធប្រឆាំងជំងឺរាតត្បាតកូវីដ-១៩ តាំងពីដំបូងមកទល់ពេលនេះ។សម្រាប់ការផ្ដល់ជូននូវ សម្ភារៈការពារកូវីដ-១៩ នាព្រឹកនេះ ធ្វើឡើងដោយមានវត្តមានរបស់ ឯកឧត្តម Anatoly Borovik ឯកអគ្គរដ្ឋទូតនៃប្រទេសរុស្ស៊ីប្រចាំកម្ពុជា រួមទាំងវត្តមានរបស់លោកវេជ្ជបណ្ឌិត ងី ម៉េង ប្រធានមន្ទីរពេទ្យមិត្តភាពខ្មែរ-សូវៀត ។ ការប្រគល់ជូននូវសម្ភារៈការពារកូវីដ-១៩ នេះ រួមមានសំលៀកបំពាក់ការពារ ម៉ាសN95 និងស្រោមដៃមួយចំនួន ដែលជាការ ចូលរួមចំណែក របស់បុគ្គលិក និងមន្ត្រីការទូត នៃស្ថានទូតរុស្ស៊ី។ក្នុងឱកាសផ្ដល់នូវសម្ភារៈទាំងអស់នេះ ឯកឧត្តម Anatoly Borovik ឯកអគ្គរដ្ឋទូតនៃប្រទេសរុស្ស៊ីប្រចាំកម្ពុជា បានលើកឡើងនូវការកោតសរសើរ នូវកិច្ចប្រឹងប្រែងរបស់មន្ទីរពេទ្យ ក៏ដូចជាបុគ្គលិកមន្ទីរពេទ្យ មិត្តភាពខ្មែរ-សូវៀតទាំងអស់ ដែលបានបំពេញការងារយ៉ាងសកម្ម ក្នុងការផ្ដល់ការព្យាបាលជំងឺទូទៅ និងជាពិសេសគឺព្យាបាលអ្នកជំងឺកូវីដ-១៩។ ឯកឧត្តម បន្តថា ការងាររបស់ក្រុមគ្រូពេទ្យទាំងអស់ គឺគួរឱ្យគោរព ហើយឯកឧត្តម សង្ឃឹមជឿជាក់ថា ការខិតខំប្រឹងប្រែងរួមគ្នា នឹងធ្វើឱ្យកម្ពុជា ឈ្នះលើជំងឺដ៏កាចសាហាវនេះ។សម្រាប់ការទទួលបានសម្ភារៈមួយចំនួននាពេលនេះ លោកវេជ្ជបណ្ឌិត ងី ម៉េង ប្រធានមន្ទីរពេទ្យមិត្តភាពខ្មែរ-សូវៀត ក៏បានថ្លែងអំណរគុណ ដល់ក្រុមការងារនៃស្ថានទូតរុស្ស៊ីប្រចាំកម្ពុជា។ លោកវេជ្ជបណ្ឌិតលើកឡើងថា ការផ្ដល់ជូនសម្ភារៈទាំងនេះ ជាការរួមចំណែកមួយដើម្បីប្រយុទ្ធប្រឆាំងជំងឺកូវីដ-១៩នៅកម្ពុជា ហើយវាក៏ជាការលើកទឹកចិត្តដល់ក្រុមគ្រូពេទ្យទាំងអស់ នៅក្នុងមន្ទីរពេទ្យមិត្តភាពខ្មែរ-សូវៀតផងដែរ។ លោកវេជ្ជបណ្ឌិត ក៏បានថ្លែងអំណរគុណដល់ សហភាពសូវៀត ដែលបានយកចិត្តទុកដាក់ និងជួយកសាងមន្ទីរពេទ្យនេះឡើង តាំងពីជាង៦០ឆ្នាំមុន។ លោកថា មន្ទីរពេទ្យនេះ ជាមរតកមួយសម្រាប់រាជរដ្ឋាភិបាលកម្ពុជា ក៏ដូចជា ប្រជាជនកម្ពុជា។ ហើយបច្ចុប្បន្ន មន្ទីរពេទ្យមិត្តភាពខ្មែរ-សូវៀត ក៏បានចូលរួមចំណែកយ៉ាងសំខាន់ ក្នុងការព្យាបាលអ្នកជំងឺកូវីដ-១៩ផងដែរ៕អត្ថបទ៖ គឹមហុក

ពលរដ្ឋចំនួន១០៣គ្រួសារ ដែលមានជីវភាពខ្វះខាត នៅសង្កាត់ទឹកល្អក់ទី៣ ទទួលអំណោយពីអាជ្ញាធរជាតិប្រយុទ្ធប្រឆាំងគ្រឿងញៀន

ភ្នំពេញ៖ ឯកឧត្តម ឌូ ដាលីតូ ទីប្រឹក្សាឯកឧត្តម ឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន បានអញ្ជើញចុះសួរសុខទុក្ខ និងនាំយកអំណោយដើម្បីចែកជូនដល់ប្រជាពលរដ្ឋរស់នៅភូមិ១៣(សំណង់) សង្កាត់ទឹកល្អក់ទី៣ ដែលមានជីវភាពខ្វះខាតក្នុងដំណាក់កាលរីករាលដាលជំងឺកូវីដ-១៩ ចំនួន ១០៣គ្រួសារ នៅថ្ងៃទី០៩ ខែមិថុនា នេះ។ក្នុងនោះដែរឯកឧត្តម ក៏សូមអំពាវនាវដល់លោកតាលោកយាយ បងប្អូនទាំងអស់ យកចិត្តទុកដាក់ពីសុខភាព ជាពិសេសបន្តការពារ និងរក្សាអនាម័យជានិច្ចតាមការណែនាំរបស់ក្រសួងសុខាភិបាលដើម្បីចូលរួមទប់ស្កាត់ បង្ការហានិភ័យពីការឆ្លងជំងឺកូវីដ-១៩ ទាំងអស់គ្នា សូមមេត្តាអនុវត្តវិធានការពាររបស់រាជរដ្ឋាភិបាល ៣ការពារ ៣កុំ។គួរបញ្ជាក់ថា អំណោយដែលត្រូវប្រគល់នាពេលនេះ ក្នុងមួយៗ គ្រួសារ ទទួលបានអំណោយ អង្ករ២៥គីឡូ ត្រីខ១០កំប៉ុង មី១២កញ្ចប់ ទឹកត្រី២ដប ទឹកស៊ីអ៊ីវ២ដប ប៊ីចេង១កញ្ចប់ អំបិល១កញ្ចប់ ៕អត្ថបទ៖ កុម្ភះ

រដ្ឋបាលខេត្តពោធិ៍សាត់ និងសប្បុរសជននានាផ្ដល់អំណោយជូនជនក្រីក្រជាច្រើនគ្រួសារនៅស្រុកក្រគរ

ពោធិ៍សាត់ ៖ លោក ចេង ឡៃ អភិបាលរងខេត្តតំណាង ឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ បាននាំយកអំណោយជាគ្រឿងឧបភោគ បរិភោគ របស់សប្បុរសនានាដែលដឹកនាំដោយក្រុមហ៊ុន អឹម ស៊ី ផ្តល់ជូនបងប្អូនប្រជាពលរដ្ឋដែលមានជីវភាពខ្វះខាត ជនចាស់ជរា និងស្ត្រីមេម៉ាយជាច្រើនគ្រួសារ មកពី ភូមិតាកែវក្រោម ឃុំបឹងកន្ទួត ស្រុកក្រគរ ខេត្តពោធិ៍សាត់ ខណៈអំណោយទាំងនោះ នឹងជួយសម្រាលទុក លំបាករបស់បងប្អូនបានមួយរយៈផងដែរ។ការផ្តល់នូវអំណោយសប្បុរសធម៌នេះ គឺបានធ្វើឡើងនាថ្ងៃទី៨ ខែមិថុនា ឆ្នាំ២០២១នេះ នៅបរិវេណវត្តសាមគ្គីរតនៈសោភ័ណ្ឌ (ហៅវត្តតាកែវក្រោម) នៅស្រុកក្រគរ ខេត្តពោធិ៍សាត់។ថ្លែងនៅក្នុងឱកាសចុះចែកអំណោយសប្បុរសធម៌នោះ លោក ចេង ឡៃ អភិបាលរងខេត្តពោធិ៍សាត់ បានលើកឡើងថា នាពេលកន្លងទៅក៏ដូចជា បច្ចុប្បន្ននេះ ថ្នាក់ដឹកនាំខេត្ត តែងតែយកចិត្តទុកដាក់អំពីសុខទុក្ខរបស់បងប្អូនប្រជាពលរដ្ឋក្នុងខេត្តពោធិ៍សាត់គ្រប់ពេលវេលា។ ជាក់ស្តែងដូចថ្ងៃនេះគឺខាងថ្នាក់ ដឹកនាំខេត្ត ជាមួយនិងអ្នកស្រី ចោម ខ្វាន់ អគ្គនាយិការ ក្រុមហ៊ុន ( អឹម ស៊ី ) បានជួយឧបត្ថម្ភអំណោយជាគ្រឿងឧបភោគបរិភោគ និងថវិកាមួយចំនួន ជូនដល់បងប្អូនប្រជាពលរដ្ឋ ដែលមានជីវភាពខ្វះខាត នេះ។លោកអភិបាលរងខេត្តក៏បាន ថ្លែងអំណរគុណចំពោះសប្បុរសជននានា ដែលបានជួយឧបត្ថម្ភ ជាស្បៀង និងថវិកាជួយដល់ជនក្រីក្រដែលកំពុងរស់នៅខេត្តពោធិ៍សាត់ ខណៈសកម្មភាពនៃការជួយនេះគឺ បញ្ជាក់ឱ្យឃើញពីទឹកចិត្តសប្បុរសធម៌ដ៏ធំធេងមួយ គឺខ្មែរចេះជួយខ្មែរ ក្នុងគ្រាមានទុក្ខលំបាក។នៅក្នុងពិធីចែកអំណោយនោះដែរលោកអភិបាលរងខេត្ត ក៏បានផ្ដាំផ្ញើឱ្យបងប្អូនប្រជាពលរដ្ឋទាំងអស់ត្រូវបន្តការការពារបង្ការទប់ស្កាត់ជំងឺកូវីដ-១៩ ដោយអនុវត្តន៍តាមវិធានការ ៣ការពារ និង៣កុំ របស់ប្រមុខរាជរដ្ឋាភិបាលកម្ពុជា និងក្រសួងសុខាភិបាលឱ្យបានខ្ជាប់ខ្ជួនផងដែរ ហើយលោកបានបន្តប្រាប់ដល់ អាជ្ញាធរមូលដ្ឋានទាំងអស់ ត្រូវបង្ការទប់ស្កាត់រាល់បទល្មើសចោរលួច ឆក់ប្លន់ ក្មេងទំនើង គ្រឿងញៀន ល្បែងស៊ីសងគ្រប់ប្រភេទ និងចូលរួមគោរពច្បាប់ចរាចរណ៍ទាំងអស់គ្នា។សូមបញ្ជាក់ថា អំណោយដែលបានផ្តល់ជូនដល់បងប្អូននាពេលនេះ ក្នុងមួយគ្រួសារៗ ទទួលបានអង្គ ២០គីឡូក្រាមមី ១កេះ ទឹកត្រី ១យួរ ទឹកស៊ីអ៊ីវ ១ យួរ ទឹកសុទ្ធ ១កេះ ម៉ាស់ ១ដុំ និងថវិកា ១០ម៉ឺនរៀល។ ទន្ទឹមនឹងនោះ លោកស្រីក៏បានប្រគេនបច្ច័យចំនួន ១លានរៀល ដល់ព្រះចៅអធិការវត្ត ដើម្បីទុកប្រើប្រាស់ក្នុងទីអារាមផងដែរ៕ អត្ថបទ៖ បាន ចក់

WHO ៖ មានមូលហេតុបួនយ៉ាងដែលនាំឱ្យកម្ពុជាមិនទាន់អាចគ្រប់គ្រងព្រឹត្តិការណ៍២០កុម្ភៈបាន

ភ្នំពេញ ៖ តំណាងអង្គការសុខភាពពិភពលោកប្រចាំនៅកម្ពុជា បានបង្ហាញទឡ្ហីករណ៍បួនយ៉ាង ដែលនាំឱ្យកម្ពុជា មិនទាន់អាចគ្រប់គ្រងជំងឺកូវីដ-១៩ នៃព្រឹត្តិការណ៍២០កុម្ភៈ បានដូចឆ្នាំ២០២០។អំឡុងពិធីប្រគល់អំណោយថេបប្លេត របស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា និង សម្ភារវេជ្ជសាស្ត្រមួយចំនួនទៀត ជូនដល់ក្រុមគ្រូពេទ្យចាក់វ៉ាក់សាំងក្នុងខេត្តចំនួន៥ ដែលបានធ្វើឡើង នៅខេត្តពោធិ៍សាត់ កាលពីម្សិលមិញ លោកស្រីវេជ្ជបណ្ឌិត លី អាយលែន តំណាងអង្គការសុខភាពពិភព លោកប្រចាំប្រទេសកម្ពុជា បានប្រាប់BTVថា មានហេតុផល៤យ៉ាង ដែលធ្វើឱ្យកម្ពុជា មិនទាន់អាចគ្រប់ គ្រងការឆ្លងរីករាលដាលនៃជំងឺកូវីដ-១៩បាន ដូចកាលពីឆ្នាំមុន គឺទី១. ការបំប្លែងខ្លួនថ្មី នៃមេរោគកូវីដ-១៩ ដែលនាំឱ្យមានការចម្លងលឿន ទី២. លក្ខណៈធម្មជាតិ នៃមេរោគ គឺចេញរោគសញ្ញាតិចតួច ឬមិន ចេញរោគសញ្ញា ទី៣. ភាពនឿយណាយរបស់ក្រុមឆ្លើយតបបន្ទាន់ និងប្រជាពលរដ្ឋមួយចំនួន មិនអនុវត្ត វិធានការសុខាភិបាល និងទី៤. ភាពសុទិដ្ឋិនិយមខ្លាំងពេក ដោយផ្អែកលើវ៉ាក់សាំង។យ៉ាងណាក៏ដោយ ដើម្បីកម្ពុជាអាចគ្រប់គ្រងស្ថានការណ៍បាន តំណាងអង្គការសុខភាពពិភព លោក បានផ្តល់អនុសាសន៍មួយចំនួនដូចជា ចៀសវាងកុំទៅកន្លែង៣កុំ ដែលរាជរដ្ឋាភិបាលបានដាក់ចេញ ត្រូវកាត់បន្ថយហានិភ័យនៅកន្លែងប្រកបអាជីវកម្ម កន្លែងធ្វើការ និងពលរដ្ឋ ត្រូវចូលរួមអនុវត្តវិធានការសុខាភិបាលឱ្យបានខ្ជាប់ខ្ជួន។បច្ចុប្បន រាជរដ្ឋាភិបាលកម្ពុជា បានចេញវិធានការជាច្រើន ដើម្បីអាចគ្រប់គ្រងព្រឹត្តិការណ៍សហគមន៍ ២០កុម្ភៈ កុំឱ្យមានការរីករាលដាលកាន់តែច្រើន។ វិធានការទាំងអស់នេះ អាចទទួលបានជោគជ័យ លុះត្រាតែមានការចូលរួមពីប្រជាពលរដ្ឋផងដែរ៕អត្ថបទ៖ ទូច សោភ័ណ

សកម្មភាពក្រុមការងារថែទាំ សម្អាតអនាម័យ-បរិស្ថាន ដើម្បីសោភ័ណភាពរមណីយដ្ឋានអង្គរមានភាពស្រស់ត្រកាលជានិច្ច

សៀមរាប ៖ តាមរយៈនៃរូបថតរបស់នាយកដ្ឋានសណ្តាប់ធ្នាប់ នឹងសំណេររបស់នាយកដ្ឋានផ្សព្វផ្សាយរបស់អាជ្ញាធរជាតិអប្សរា បានបង្ហាញអំពីសកម្មភាពនៃក្រុមការងារថែទាំ សម្អាតអនាម័យ-បរិស្ថាន ដើម្បីនិរន្តរភាពសម្រស់អង្គរ ហើយអ្វីដែលជាបំណងនៃការចេញបង្ហាញរូបថត និងសំណេរទាំងនោះ គឺសំដៅទៅរកការអំពាវនាវ ស្វាគមន៍ជាថ្មីទៀត ការចូលរួមពីសំណាក់សាធារណជនទូទៅ និងភ្ញៀវទេសចរ !។នៅរសៀលថ្ងៃ០៨ ខែមិថុនា ម្សិលមិញនេះ នាយកដ្ឋានផ្សព្វផ្សាយនៃអាជ្ញាធរជាតិអប្សរាបានឲ្យដឹងថា ការថែទាំ និងសម្អាតអនាម័យរបស់ក្រុមការងារសម្អាតប្រាសាទ បានធ្វើឱ្យតំបន់រមណីយដ្ឋានអង្គរ មានភាពស្រស់បំព្រងទាំងរដូវប្រាំង និងរដូវវស្សា ។ ជាការកត់សម្គាល់ក្នុងរយៈពេលកន្លងមកហើយ អ្វីដែលសំខាន់ដើម្បីនិរន្តរភាពអនាម័យបរិស្ថានស្អាតនៅក្នុងតំបន់នេះ គឺមិនអាចខ្វះបាននោះទេ ការចូលរួមរបស់ប្រជាពលរដ្ឋ ។ជារៀងរាល់ថ្ងៃក្រុមការងារថែទាំ សម្អាតអនាម័យ ពួកគាត់បានបែងចែកជាក្រុមៗ ធ្វើសកម្មភាពតាមមុខព្រួញគោលដៅដែលបានរៀបចំទុក រួមមាន ក្រុមបោសស្លឹកឈើ បោសដី ស្រោចស្មៅ កាត់រុក្ខជាតិក្នុងនិងក្រៅតំបន់ប្រាសាទ បារស្លែនិងរុក្ខជាតិក្នុងទឹកជាដើម។ សកម្មភាពទាំងនេះ មិនត្រឹមតែធ្វើឱ្យតំបន់ប្រាសាទមានសោភ័ណភាពស្រស់បំព្រងគ្រប់រដូវកាលប៉ុណ្ណោះទេ តែវាជាកិច្ចការអភិរក្សដែលអាជ្ញាធរជាតិអប្សរា បាននិងកំពុងធ្វើជាប្រចាំ។នាយកដ្ឋានផ្សព្វផ្សាយនៃអាជ្ញាធរជាតិអប្សរាបានសង្កត់ធ្ងន់លើសំណេររបស់ខ្លួនថា ច្បាស់ណាស់ កិច្ចការទាំងនេះមិនអាចខ្វះបានទេ ការចូលរួមពីសាធារណជន ក៏ដូចជាភ្ញៀវទេសចរផងដែរ ហើយយើងទាំងអស់គ្នាមានស្មារតីដូចគ្នា ក្នុងការធ្វើឱ្យបរិស្ថានក្នុងតំបន់រមណីយដ្ឋានអង្គរមានភាពស្រស់ស្អាតជានិច្ច ទាក់ទាញភ្ញៀវទេសចរ ពិសេសស័ក្ដិសមជាមួយគុណតម្លៃមិនអាចកាត់ថ្លៃបាន នៃរមណីយដ្ឋានអង្គរ៕អត្ថបទ ៖ គឹម ឡេង

ប្រមុខការពារជាតិកម្ពុជា ចាត់ទុកការរិះគន់របស់ជនអគតិមួយក្តាប់តូចថា គ្មានប្រយោជន៍និងហេតុផល

ភ្នំពេញ ៖ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិកម្ពុជា បានចាត់ទុកការរិះគន់របស់ជនអគតិមួយចំនួន ជាពិសេសពួកឧទ្ទាមក្រៅច្បាប់ថា គ្មានប្រយោជន៍ និងគ្មានហេតុផល អ្វីនោះឡើយ ខណៈការរិះគន់របស់ពួកទាំងនោះ វាជាចេតនាចង់បំផ្លិចបំផ្លាញសុខសន្តិភាព ដែលប្រទេសកម្ពុជា កំពុងមានសព្វថ្ងៃនេះ។ការលើកឡើងរបស់ប្រមុខការពារជាតិកម្ពុជារូបនេះ គឺបានធ្វើឡើងបន្ទាប់ពីមានការរិះគន់អំពីការ ដាក់តាំងនូវកែវផ្ទុកដំណក់ប្រេងរបស់កម្ពុជា ជាលើកដំបូងយកមកដាក់តាំងបង្ហាញនៅសារមន្ទីរ នៃវិមាន ឈ្នះ ឈ្នះ នៃរាជធានីភ្នំពេញ នាព្រឹកថ្ងៃទី៩ ខែមិថុនា ឆ្នាំ២០២១នេះ។សម្តេចពិជ័យសេនា ទៀ បាញ់ បានលើកឡើងថា វាជារឿងធម្មតានោះទេ ចំពោះការរិះគន់របស់ ជនមួយក្តាប់តូចតែងតែលើកមកនិយាយ និងធ្វើការរិះគន់គ្រប់បែបយ៉ាងមកលើរាជរដ្ឋាភិបាលរបស់យើង ហើយការរិះគន់របស់ពួកគេទាំងនោះ វាគ្មានប្រយោជន៍អ្វី និងគ្មានបានផលអ្វីឲ្យប្រទេសជាតិកម្ពុជាយើង មានការរីកចំរើននោះទេ។សូមបញ្ជាក់ថា រាជរដ្ឋាភិបាលកម្ពុជាបានយកកែវផ្ទុកតំណក់ប្រេងដំបូងរបស់ខ្លួន យកមកដាក់ តាំងបង្ហាញនូវសារមន្ទីរនៃវិមានឈ្នះ ឈ្នះ ដែលតំណក់ប្រេងដំបូងនេះ ត្រូវបានរហ័សនាមថា«បឋមតេលពិន្ទុ)។ សម្តេចពិជ័យសេនា ទៀ បាញ់ បានថ្លែងថា ការដាក់តាំងនូវតំណក់ប្រេងដំបូងនៅក្នុងសារមន្ទីរ នៃ វិមានឈ្នះ ឈ្នះ នេះគឺដើម្បីទុកបង្ហាញដល់កូនខ្មែរជំនាន់ក្រោយៗ ហើយសម្រាប់ទុកធ្វើជាប្រវត្តិសាស្ត្រ របស់កម្ពុជាផងដែរ។ប្រទេសកម្ពុជា បានចាប់ផ្តើមដំណើរការបូមប្រេងរបស់ខ្លួនដំបូងក្នុងប្រវត្តិសាស្ត្រ កាលពីថ្ងៃទី ២៩ ខែធ្នូ ឆ្នាំ ២០២០ ស្ថិតនៅតំបន់ប្លុក A នៃឈូងសមុទ្រកម្ពុជា ដោយក្រុមហ៊ុន Kris Energy ដែលបានខួងប្រេងចេញពីបាតសមុទ្រ ក្នុងខេត្តព្រះសីហនុ ។ ថ្ងៃដែលកម្ពុជាទទួលបានដំណក់ប្រេងដំបូងនេះ គឺចំថ្ងៃខួប ២២ ឆ្នាំ នៃការដាក់ចេញនយោបាយឈ្នះ ឈ្នះ របស់សម្តេចតេជោ កាលពីថ្ងៃទី២៩ ខែធ្នូ ឆ្នាំ ១៩៩៨។បើតាមអគ្គនាយកនៃអគ្គនាយកដ្ឋានប្រេងកាត បច្ចុប្បន្ននេះ ក្រុមហ៊ុន Kris Energy កំពុងដំណើរការផលិតកម្មបូមប្រេង នៅលើអណ្តូងទាំង៥ កន្លែង ដោយផលិតកម្មប្រចាំថ្ងៃ ក្នុងរង្វង់ ២ពាន់ប៉ារ៉ែលក្នុងមួយថ្ងៃ ហើយនៅក្នុងពេលឆាប់ៗខាងមុខនេះ ក្រុមហ៊ុននេះ នឹងនាំចេញប្រេងឆៅ ទៅទីផ្សារអន្តរជាតិ ខណៈដែលពេលនេះ ក្រុមហ៊ុនកំពុងរៀបចំសំណុំបែបបទ ដើម្បីសុំគោលការណ៍នៃការនាំចេញ៕អត្ថបទ ៖ បាន ចក់

បណ្ដាញសង្គម

ព័ត៌មានថ្មីៗ

ប្រភព៖ អឺរ៉ុប នឹងបំពេញស្ទើរគ្រប់ចន្លោះបន្សល់ទុកដោយអាមេរិក ក្នុងផែនការការពារជាតិរបស់ណាតូ

ក្រុមការងារអន្តរក្រសួងចុះពិនិត្យវាយតម្លៃលទ្ធផលការងារស្ថាបនាស្ពានបេតុងមួយខ្សែនៅខេត្តស្វាយរៀង

ក្រុមស្តាំនិយមជ្រុលបារាំង គិតក្រោយគ្មានលោកស្រី Le Pen ខណៈសេចក្ដីសម្រេចតុលាការឧទ្ធរណ៍ជិតមាន

ក្នុងជំនួបជាមួយមេដឹកនាំលើពិភពលោក, សម្ដេចធិបតីតែងលើកឡើងអំពីកម្មភាពកងទ័ពថៃចូលជ្រៅឈ្លានពានទឹកដីកម្ពុជា

សមាជិកព្រឹទ្ធសភា៖ អឺរ៉ុបកំពុងជួបការលំបាកក្នុងការស្វែងរកអ្នកចរចាដែលសមរម្យសម្រាប់ការចរចាជាមួយរុស្ស៊ី

បក្សកុម្មុយនីស្តចិន ប្រារព្ធខួបលើកទី១០៥ ដោយសង្កត់ធ្ងន់ខ្លាំង លើមនោគមវិជ្ជា និងភាពស្មោះត្រង់

ក្នុងបរិបទបច្ចុប្បន្ននយោបាយការបរទេសកម្ពុជាចាំបាច់ត្រូវតែបន្តមានឯករាជ្យ សំដៅទៅរកការរក្សាសន្ដិភាព

ក្តីសង្ឃឹមស្ទើរលែងមាន ហើយភាពអត់ឃ្លានកើតឡើង ១សប្តាហ៍ក្រោយរញ្ជួយដីនៅវ៉េណេស៊ុយអេឡា

តម្លៃប្រេងធ្លាក់ចុះដល់កម្រិតមិនធ្លាប់ឃើញ ចាប់តាំងពីការចាប់ផ្តើមសង្គ្រាមរបស់អាមេរិកនិងអ៊ីស្រាអែលលើអ៊ីរ៉ង់

អាជ្ញាធរនិងមន្ត្រីជំនាញខេត្តកំពង់ឆ្នាំងចុះរៀបចំសណ្ដាប់ធ្នាប់តាមដងផ្លូវជាតិលេខ៥ ក្នុងស្រុកកំពង់ត្រឡាច

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ខែមិថុនាឆ្នាំនេះ ខេត្តកំពង់ឆ្នាំង ទទួលបានទឹកភ្លៀងច្រើនជាងឆ្នាំមុន កសិករកំពុងចាប់ផ្តើមបន្តបង្កបង្កើនផល

ខេត្តកណ្តាល ចាប់ផ្តើមចាក់វ៉ាក់សាំងកូវីដ១៩ ដូសទី១ ជូនពលរដ្ឋទូទៅចាប់ពីថ្ងៃទី១០ ខែមិថុនាតទៅ

សាលារាជធានីភ្នំពេញ បិទខ្ទប់ផ្នែកខ្លះនៃភូមិចំនួន៤នៅខណ្ឌពោធិ៍សែនជ័យ ក្រោយមើលឃើញកំណើនករណីឆ្លងឡើងវិញ

អាជ្ញាធរខេត្តបាត់ដំបង ពង្រីកទីតាំងព្យាបាល ខណៈមានកំណើនអ្នកជំងឺកូវីដ-១៩

ស្ថានទូតរុស្ស៊ីប្រចាំកម្ពុជា នាំយកសម្ភារៈការពារជំងឺកូវីដ-១៩ មួយចំនួនជូនដល់មន្ទីរមិត្តភាពខ្មែរ-សូវៀត

រដ្ឋបាលខេត្តពោធិ៍សាត់ និងសប្បុរសជននានាផ្ដល់អំណោយជូនជនក្រីក្រជាច្រើនគ្រួសារនៅស្រុកក្រគរ

WHO ៖ មានមូលហេតុបួនយ៉ាងដែលនាំឱ្យកម្ពុជាមិនទាន់អាចគ្រប់គ្រងព្រឹត្តិការណ៍២០កុម្ភៈបាន

សកម្មភាពក្រុមការងារថែទាំ សម្អាតអនាម័យ-បរិស្ថាន ដើម្បីសោភ័ណភាពរមណីយដ្ឋានអង្គរមានភាពស្រស់ត្រកាលជានិច្ច

ប្រមុខការពារជាតិកម្ពុជា ចាត់ទុកការរិះគន់របស់ជនអគតិមួយក្តាប់តូចថា គ្មានប្រយោជន៍និងហេតុផល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

អាជ្ញាធរខេត្ត​បាត់ដំបង ​ពង្រីក​ទីតាំង​ព្យាបាល ខណៈ​មាន​កំណើន​អ្នកជំងឺ​កូ​វីដ​-១៩

រដ្ឋបាលខេត្ត​ពោធិ៍សាត់ ​និង​សប្បុរសជន​នានា​ផ្ដល់​អំណោយ​ជូន​ជន​ក្រីក្រ​ជាច្រើន​គ្រួសារ​នៅ​ស្រុក​ក្រគរ

WHO ៖ មាន​មូលហេតុ​បួន​យ៉ាង​ដែល​នាំឱ្យ​កម្ពុជា​មិនទាន់​អាច​គ្រប់គ្រង​ព្រឹត្តិការណ៍​២០​កុម្ភៈ​បាន​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

អាជ្ញាធរខេត្តបាត់ដំបង ពង្រីកទីតាំងព្យាបាល ខណៈមានកំណើនអ្នកជំងឺកូវីដ-១៩

រដ្ឋបាលខេត្តពោធិ៍សាត់ និងសប្បុរសជននានាផ្ដល់អំណោយជូនជនក្រីក្រជាច្រើនគ្រួសារនៅស្រុកក្រគរ

WHO ៖ មានមូលហេតុបួនយ៉ាងដែលនាំឱ្យកម្ពុជាមិនទាន់អាចគ្រប់គ្រងព្រឹត្តិការណ៍២០កុម្ភៈបាន