BTV NEWS

សម្ដេចធិបតី៖ ភាពជោគជ័យរបស់អ្នកដឹកនាំអង្គភាពមួយ គឺការធានាឱ្យអង្គភាពនោះមានសមត្ថភាពបន្តដំណើរការ និងការរីកចម្រើន ទោះបីជាក្នុងពេលអវត្តមានរបស់ខ្លួនក៏ដោយ

សម្ដេចតេជោ គាំទ្រកម្ពុជា-វៀតណាម ចៀសវាងកុំឱ្យមានការប្រើប្រាស់កម្លាំងនៅក្នុងប្រទេសមួយ ប្រឆាំងនឹងប្រទេសណាមួយទៀត

សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីសន្តិសុខសាធារណៈវៀតណាម ចូលជួបសម្តែងការគួរសម

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

នយោបាយ និង ការអភិវឌ្ឍន៍

ប្រមុខការពារជាតិកម្ពុជា ចាត់ទុកការរិះគន់របស់ជនអគតិមួយក្តាប់តូចថា គ្មានប្រយោជន៍និងហេតុផល

ភ្នំពេញ ៖ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិកម្ពុជា បានចាត់ទុកការរិះគន់របស់ជនអគតិមួយចំនួន ជាពិសេសពួកឧទ្ទាមក្រៅច្បាប់ថា គ្មានប្រយោជន៍ និងគ្មានហេតុផល អ្វីនោះឡើយ ខណៈការរិះគន់របស់ពួកទាំងនោះ វាជាចេតនាចង់បំផ្លិចបំផ្លាញសុខសន្តិភាព ដែលប្រទេសកម្ពុជា កំពុងមានសព្វថ្ងៃនេះ។ការលើកឡើងរបស់ប្រមុខការពារជាតិកម្ពុជារូបនេះ គឺបានធ្វើឡើងបន្ទាប់ពីមានការរិះគន់អំពីការ ដាក់តាំងនូវកែវផ្ទុកដំណក់ប្រេងរបស់កម្ពុជា ជាលើកដំបូងយកមកដាក់តាំងបង្ហាញនៅសារមន្ទីរ នៃវិមាន ឈ្នះ ឈ្នះ នៃរាជធានីភ្នំពេញ នាព្រឹកថ្ងៃទី៩ ខែមិថុនា ឆ្នាំ២០២១នេះ។សម្តេចពិជ័យសេនា ទៀ បាញ់ បានលើកឡើងថា វាជារឿងធម្មតានោះទេ ចំពោះការរិះគន់របស់ ជនមួយក្តាប់តូចតែងតែលើកមកនិយាយ និងធ្វើការរិះគន់គ្រប់បែបយ៉ាងមកលើរាជរដ្ឋាភិបាលរបស់យើង ហើយការរិះគន់របស់ពួកគេទាំងនោះ វាគ្មានប្រយោជន៍អ្វី និងគ្មានបានផលអ្វីឲ្យប្រទេសជាតិកម្ពុជាយើង មានការរីកចំរើននោះទេ។សូមបញ្ជាក់ថា រាជរដ្ឋាភិបាលកម្ពុជាបានយកកែវផ្ទុកតំណក់ប្រេងដំបូងរបស់ខ្លួន យកមកដាក់ តាំងបង្ហាញនូវសារមន្ទីរនៃវិមានឈ្នះ ឈ្នះ ដែលតំណក់ប្រេងដំបូងនេះ ត្រូវបានរហ័សនាមថា«បឋមតេលពិន្ទុ)។ សម្តេចពិជ័យសេនា ទៀ បាញ់ បានថ្លែងថា ការដាក់តាំងនូវតំណក់ប្រេងដំបូងនៅក្នុងសារមន្ទីរ នៃ វិមានឈ្នះ ឈ្នះ នេះគឺដើម្បីទុកបង្ហាញដល់កូនខ្មែរជំនាន់ក្រោយៗ ហើយសម្រាប់ទុកធ្វើជាប្រវត្តិសាស្ត្រ របស់កម្ពុជាផងដែរ។ប្រទេសកម្ពុជា បានចាប់ផ្តើមដំណើរការបូមប្រេងរបស់ខ្លួនដំបូងក្នុងប្រវត្តិសាស្ត្រ កាលពីថ្ងៃទី ២៩ ខែធ្នូ ឆ្នាំ ២០២០ ស្ថិតនៅតំបន់ប្លុក A នៃឈូងសមុទ្រកម្ពុជា ដោយក្រុមហ៊ុន Kris Energy ដែលបានខួងប្រេងចេញពីបាតសមុទ្រ ក្នុងខេត្តព្រះសីហនុ ។ ថ្ងៃដែលកម្ពុជាទទួលបានដំណក់ប្រេងដំបូងនេះ គឺចំថ្ងៃខួប ២២ ឆ្នាំ នៃការដាក់ចេញនយោបាយឈ្នះ ឈ្នះ របស់សម្តេចតេជោ កាលពីថ្ងៃទី២៩ ខែធ្នូ ឆ្នាំ ១៩៩៨។បើតាមអគ្គនាយកនៃអគ្គនាយកដ្ឋានប្រេងកាត បច្ចុប្បន្ននេះ ក្រុមហ៊ុន Kris Energy កំពុងដំណើរការផលិតកម្មបូមប្រេង នៅលើអណ្តូងទាំង៥ កន្លែង ដោយផលិតកម្មប្រចាំថ្ងៃ ក្នុងរង្វង់ ២ពាន់ប៉ារ៉ែលក្នុងមួយថ្ងៃ ហើយនៅក្នុងពេលឆាប់ៗខាងមុខនេះ ក្រុមហ៊ុននេះ នឹងនាំចេញប្រេងឆៅ ទៅទីផ្សារអន្តរជាតិ ខណៈដែលពេលនេះ ក្រុមហ៊ុនកំពុងរៀបចំសំណុំបែបបទ ដើម្បីសុំគោលការណ៍នៃការនាំចេញ៕អត្ថបទ ៖ បាន ចក់

ប្រទេសឆែកសន្យា នឹងពង្រឹងកិច្ចសហប្រតិបត្តិការទ្វេភាគីជាមួយកម្ពុជាឲ្យកាន់តែប្រសើរបន្ថែមទៀត

ភ្នំពេញ ៖ លោក Martin Vávra ឯកអគ្គរដ្ឋទូតនៃសាធារណរដ្ឋឆែកថ្មី ប្រចាំនៅកម្ពុជា បានសន្យាពង្រឹងកិច្ចសហប្រតិបត្តិការទ្វេភាគីជាមួយកម្ពុជា ឲ្យកាន់តែល្អប្រសើបន្ថែមទៀត លើគ្រប់វិស័យ ជាពិសេសផ្នែកវិនិយោគ និងទេសចរណ៍ ខណៈទំនាក់ទំនងទ្វេភាគីរវាងប្រទេសទាំងពីររយៈពេលជាង៦០ឆ្នាំកន្លងទៅ នៅមានកម្រិតនៅឡើយ។ថ្លែងនៅក្នុងកិច្ចជំនួបជាមួយសម្តេច វិបុលសេនាភក្តី សាយ ឈុំ ប្រធានព្រឹទ្ធសភានៃព្រះរាជាណាចក្រកម្ពុជា លោក Martin Vávra បានលើកឡើងថា នៅក្នុងបេសកកម្មការទូតរបស់នៅព្រះរាជាណាចក្រកម្ពុជា លោកនឹងខិតខំប្រឹងប្រែងអស់ពីកម្លាំងកាយចិត្តក្នុងការពង្រឹងពង្រីកទំនាក់ទំនង និងកិច្ចសហប្រតិបត្តិការនៃប្រទេសកម្ពុជា និងឆែកឲ្យកាន់តែល្អប្រសើរបន្ថែមទៀត ជាពិសេសលើវិស័យសេដ្ឋកិច្ច ការផ្លាស់ប្តូរដំណើរទស្សនកិច្ចគ្នាទៅវិញទៅមក និងការជំរុញអ្នកទេសចរឆែក មកទស្សនានៅប្រទេសកម្ពុជាឱ្យកាន់ច្រើនថែមទៀតជាដើមនោះ។ថ្លែងនៅក្នុងកិច្ចជំនួបនោះដែរ សម្តេចសាយ ឈុំ បានលើកឡើងថា ប្រទេសកម្ពុជា និងឆែកបានបង្កើតទំនាក់ទំនងការទូតនៅឆ្នាំ១៩៥៦ ក្រោមស្នាព្រះហស្តរបស់ព្រះករុណាព្រះបាទសម្តេចព្រះ នរោត្តម សីហនុ “ព្រះបរមរតនកោដ្ឋ” ជាមួយអតីតថ្នាក់ដឹកនាំឆែកជំនាន់មុន។ រហូតមកដល់ពេលនេះនាក់ទំនងការទូតប្រទេសទាំងពីរមានរយៈពេល ៦៥ឆ្នាំ ហើយឆ្នាំនេះ គឺជាខួបលើកទី៦៥ នៃថ្ងៃបង្កើតទំនាក់ទំនងការទូតកម្ពុជា-ឆែក។សម្តេច សាយ ឈុំ បានថ្លែងអំណរគុណចំពោះប្រជាជន និងរដ្ឋាភិបាលសាធារណរដ្ឋឆែក ដែលបានរួមចំណែកដ៏ថ្លៃថ្លា ជួយអភិវឌ្ឍសេដ្ឋកិច្ច-សង្គមរបស់ព្រះរាជាណាចក្រកម្ពុជា តាមរយៈនៃការផ្តល់ជំនួយខាងលើវិស័យសុខាភិបាល វិស័យអប់រំ មនុស្សធម៌ និងវិស័យថាមពលកកើតឡើងវិញហើយក្នុងនោះដែរ រដ្ឋាភិបាលនៃសាធារណរដ្ឋឆែកក៏បានជួយបណ្តុះបណ្តាលធនធានមនុស្សដល់ព្រះរាជាណាចក្រកម្ពុជា តាមរយៈការផ្តល់អាហារូបករណ៍ដល់និស្សិតកម្ពុជា បានទៅសិក្សានៅសាធារណរដ្ឋឆែកចាប់តាំងពីឆ្នាំ១៩៧៩ មាននិស្សិតកម្ពុជាប្រមាណ៣០០នាក់ ហើយនិស្សិតទាំងអស់នោះបានកំពុងក្លាយជាកម្លាំងដ៏រឹងមាំ ក្នុងការកសាងសង្គម-សេដ្ឋកិច្ចកម្ពុជាតាំងពីពេលមុនរហូតបច្ចុប្បន្ន និងតទៅពេលអនាគតទៀត៕អត្ថបទ ៖ បាន ចក់

ក្រសួងអប់រំប្រកាសដាក់ឱ្យដំណើរការកម្មវិធីទូរស័ព្ទដែលមានឈ្មោះថា កម្មវិធីស្វ័យសិក្សា

ភ្នំពេញ ៖ ក្រសួងអប់រំយុវជន និងកីឡា បានប្រកាសដាក់ឱ្យដំណើរការកម្មវិធីទូរស័ព្ទ ដែលមានឈ្មោះថា កម្មវិធីស្វ័យសិក្សា (អឹមអូអ៊ីវ៉ាយអេស «MoEYS E-Learning » ចាប់ពីថ្ងៃទី០៧ ខែឧសភា ឆ្នាំ២០២១នេះ។តាមរយៈទំព័រសង្គមហ្វេសប៊ុក នៅថ្ងៃទី០៨ ខែមិថុនា នេះ ក្រសួងអប់រំ បានឱ្យដឹងថា ក្រសួងអប់រំ យុវជន និងកីឡា និង សហភាពសហព័ន្ធយុវជនកម្ពុជា បានផ្តល់ការគាំទ្រដល់ដំណើរការអប់រំតាមបែប «ស្វ័យសិក្សា» សម្រាប់សិស្សានុសិស្សនៅគ្រប់ភូមិសិក្សា និងគ្រប់កម្រិតសិក្សាទៅតាមពេលវេលា និងទីកន្លែងដែលសមប្រកប។ លើសពីនេះ សិស្សានុសិស្សអាចទទួលបានព័ត៌មានសំខាន់ៗ វីដេអូមេរៀនពីថ្នាក់ទី១ ដល់ថ្នាក់ទី១២ កម្រងសៀវភៅសិក្សាចាំបាច់សម្រាប់កម្មវិធីសិក្សាចំណេះទូទៅ និងលំហាត់សាកល្បងសមត្ថភាព រួមជាមួយមុខងារល្អៗជាច្រើនទៀត។ មាតិកាឌីជីថល ដែលមានដាក់បង្ហាញក្នុងកម្មវិធីនេះ បានកើតចេញពីការខិតខំប្រឹងប្រែង និងមនសិការវិជ្ជា របស់លោកគ្រូ អ្នកគ្រូ និងក្រុមការងារបច្ចេកទេសជាមួយពេលវេលា និងធនធាននៃលទ្ធភាពដែលកំពុងមាន។ក្រសួង បានឱ្យដឹងទៀតថា ដើម្បីទទួលបាន និងអាចប្រើប្រាស់កម្មវិធីស្វ័យសិក្សានេះ សិស្សានុសិស្ស លោកគ្រូ អ្នកគ្រូ អាណាព្យាបាល និងសាធារណជន ត្រូវទាញយកកម្មវិធីនេះ ដោយចូលទៅកាន់ PlayStore សម្រាប់ទូរស័ព្ទ ដំណើរការដោយប្រព័ន្ធ Andriod ឬ AppStore សម្រាប់ទូរស័ព្ទដំណើរការដោយប្រព័ន្ធ iOS និង App Gallery ហើយវាយពាក្យថា «MoEYS» រួចទាញយក បន្ទាប់មកចុះឈ្មោះចូលប្រើប្រាស់កម្មវិធី តាមការណែនាំ ដែលមានក្នុងកម្មវិធី៕ អត្ថបទ៖ មុត សុទ្ធ

មន្ទីរកសិកម្មខេត្តស្ទឹងត្រែង ផ្តល់ពូជដំណាំបីប្រភេទនិងពូជស្រូវរំដួលដល់កសិករ១៥០គ្រួសារ

ស្ទឹងត្រែង ៖ មន្ទីរកសិកម្ម ខេត្តស្ទឹងត្រែង បានផ្ដល់ពូជដំណាំចំនួនបីប្រភេទ និងពូជស្រូវរំដួល ដល់កសិករ ចំនួន១៥០គ្រួសារ ក្នុងស្រុកថាឡាបរិវ៉ាត់ ដើម្បីពង្រីកការដាំដុះ បង្កើនសេដ្ឋកិច្ចគ្រួសារ។ក្នុងពិធីផ្តល់ពូជដំណាំ និងពូជស្រូវរំដួល ដល់កសិករនៅក្នុងស្រុកថាឡាបរិវ៉ាត់ កាលពីម្សិលមិញ ឯកឧត្តម ម៉ុម សារឿន អភិបាលខេត្តស្ទឹងត្រែង បានបញ្ជាក់ថា រដូវវស្សាមកដល់ហើយ ដូច្នេះការផ្តល់ពូជ ដំណាំ និងពូជស្រូវ ជូនប្រជាកសិករ ជាធនធានមួយ ព្រោះនៅពេលដែលដាំលូតលាស់ល្អ នឹងអាចរៀបចំ បណ្តុះពូជ ចែករំលែកបន្តទៅដល់កសិករផ្សេងៗទៀត។ឯកឧត្តម បានស្នើឲ្យមន្ត្រីជំនាញផ្នែកបច្ចេកទេសកសិកម្ម ជួយពន្យល់ពីបច្ចេកទេសដាំដុះបន្ថែម ដល់កសិករ ឱ្យបានយល់ច្បាស់ ដើម្បីដាំដុះទទួលបានទិន្នផលខ្ពស់។លោក ទំ នីរ៉ូ ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តស្ទឹងត្រែង បានបញ្ជាក់ថា ទាំងជី និងពូជកូនស្វាយចន្ទី ក្រូចពោធិ៍សាត់ ពូជឫស្សីផ្អែម និងពូជស្រូវរំដួលនេះ មន្ត្រីជំនាញ បានផ្ដល់បច្ចេកទេសដាំដុះរួចហើយ។លោក ឆិល វិបុល មន្ត្រីបច្ចេកទេសផ្នែកកសិកម្ម បានបញ្ជាក់បន្ថែមថា ការដាំដុះ កសិករ ត្រូវតែ អនុវត្តតាមបច្ចេកទេស ដូចជា ការជ្រើសរើសទីតាំង ការជីករណ្តៅ ការថែទាំ និងរបៀបធ្វើដី និងប្រើប្រាស់ជី ធម្មជាតិ ជាដើម៕អត្ថបទ៖ មាស ផល្លា

ក្រសួងទេសចរណ៍ ជំរុញការបណ្តុះបណ្តាលចម្អិនម្ហូបខ្មែរជាអត្តសញ្ញាណដើម្បីទាក់ទាញទេសចរអន្តរជាតិ

ភ្នំពេញ ៖ បន្ទាប់ពីផ្តល់ការបណ្តុះបណ្តាលគ្រូបង្គោលផ្តល់សេវាកម្មម្ហូបអាហារ និងភេសជ្ជៈជូនតំណាងម្ចាស់អាជីវកម្មទេសចរណ៍នានា នៅតាមបណ្តាខេត្តភាគឦសាន រួចមក ក្រសួងទេសចរណ៍នឹងបន្តជំរុញបើកវគ្គបណ្តុះបណ្តាលជំនាញចុងភៅ ដើម្បីជំរុញឱ្យអ្នកជំនាញចេះរៀបចំចម្អិនម្ហូបអាហារបែបប្រពៃណីខ្មែរមានរសជាតិឆ្ងាញ់ និងជំរុញទាក់ទាញភ្ញៀវបរទេសស្គាល់ពីអត្តសញ្ញាណអាហារបែបប្រពៃណីវប្បធម៌ខ្មែរ។បើតាមលោក ជួប រតនា ប្រធាននាយកដ្ឋានផែនការអភិវឌ្ឍន៍ទេសចរណ៍ និងជាប្រធានលេខាធិការគ្រប់គ្រងគម្រោង «ហូការ» បានថ្លែងថា ចាប់ពីថ្ងៃទី៧ ដល់ថ្ងៃទី១២ ខែមិថុនា ក្រសួងទេសចរណ៍បាននិងកំពុងធ្វើការបណ្តុះបណ្តាលគ្រូបង្គោលផ្នែកសេវាកម្មម្ហូបអាហារ និងភេសជ្ជៈចំនួនជិត៤០នាក់ ដែលមានសិក្ខាកាមខ្លះគឺជាម្ចាស់អាជីវកម្មក្នុងវិស័យទេសចរណ៍ ខ្លះបុគ្គលិកជំនាញ និងខ្លះជាអ្នកជំនាញមកពីខេត្តព្រះវិហារ ស្ទឹងត្រែង រតនគិរី មណ្ឌលគិរី និងខេត្តក្រចេះ ដើម្បីជម្រុញអោយពួកគាត់បណ្តុះបណ្តាលបន្តជូនបុគ្គលិកខ្លួន ជូនយុវជនក្រីក្រ និងយុវជនបាត់បង់ឱកាសការងារជាដើម។លោក បន្តថា បន្ទាប់ពីការបណ្តុះបណ្តាលគ្រូបង្គោលសេវាកម្មម្ហូបអាហារ និងភេសជ្ជៈនេះទៀត ក្រសួងតាមរយៈគម្រោង «ហូការ» និងអង្គការ «ស្វីស ខនថាក់កម្ពុជា» នឹងបន្តបើកវគ្គបណ្តុះបណ្តាលគ្រូបង្គោលជំនាញចុងភៅមួយទៀត ដើម្បីជំរុញឱ្យចុងភៅខ្មែរចេះធ្វើម្ហូបអាហារបែបប្រពៃណីខ្មែរ អាហារប្រចាំតំបន់ កែច្នៃអោយមានឱជារសឆ្ងាញ់ ដើម្បីបង្កើតភាពទាក់ទាញភ្ញៀវទេសចរជាតិអន្តរជាតិ ស្គាល់អត្តសញ្ញាណវប្បធម៌ម្ហូបអាហារខ្មែរផង និងទាក់ទាញភ្ញៀវមកទស្សនាម្តងហើយចង់មកទស្សនាម្តងទៀត។ឯកឧត្តម ប៉ាក់ សុខុម រដ្ឋលេខាធិការក្រសួងទេសចរណ៍ មានប្រសាសន៍ថា នៅក្នុងអំឡុងពេលដែលទេសចរណ៍កម្ពុជា កំពុងជួបរងការប៉ះពាល់ខ្លាំងពីវិបត្តិការរាតត្បាតកូវីដ-១៩ ក្រសួងទេសចរណ៍បាននិងកំពុងជំរុញបណ្តុះបណ្តាលពង្រឹងសមត្ថកិច្ចជំនាញទេសចរណ៍ជូនអ្នកជំនាញដែលយើងមានស្រាប់ និងបណ្តុះបណ្តាលជំនាញទេសចរណ៍ជូនយុវជនថ្មីៗទៀត ហើយការបណ្តុះបណ្តាលនោះ គឺធ្វើអោយយុវជនយើងធ្វើការងារផ្តល់សេវាល្អប្រសើរស្របតាមបរិបទកូវីដ-១៩។ឯកឧត្តម ប៉ាក់ សុខុម បញ្ជាក់ថា នៅក្នុងឆ្នាំ២០២១ នឹងស្ថានភាពទេសចរណ៍នឹងមិនទាន់មានកំណើនល្អប្រសើរទេសចរណ៍ ប៉ុន្តែនៅឆ្នាំ២០២២ឆ្នាំក្រោយនេះ ទេសចរណ៍កម្ពុជា នឹងមានកំណើនក្នុងចន្លោះពី២០ទៅ៣០% ខណៈរាជរដ្ឋាភិបាលកម្ពុជា ដែលមានក្រសួងទេសចរណ៍ជាសេនាធិការ បានប្រកាសជាផ្លូវការពីគម្រោងបើកទទួលកញ្ចប់ទេសចរអន្តជាតិចាក់វ៉ាក់សាំងការពារកូវីដ-១៩ មកទស្សនាតំបន់សៀមរាបអង្គរ នៅត្រីមាសទី៤ ចុងឆ្នាំ២០២១នេះ ហើយទេសចរអន្តរជាតិនឹងបន្តកើនឡើងពី៣០ទៅ៣៥% នៅឆ្នាំ២០២៣ ខណៈកម្ពុជាធ្វើជាម្ចាស់ផ្ទះរៀបចំSEA GAME ឆ្នាំ២០២៣៕អត្ថបទ ៖ ស៊ុម សុខជា

ប្រមុខការពារជាតិកម្ពុជា អគុណអាមេរិកដែលជួយបណ្តុះបណ្តាលជំនាញយោធាកម្ពុជា នាពេលកន្លងទៅ

ភ្នំពេញ ៖ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិកម្ពុជា បានថ្លែងអំណរគុណចំពោះសមានចិត្តរបស់អាមេរិក ដែលបានជួយបណ្តុះបណ្តាលជំនាញយោធាកម្ពុជា នាពេលកន្លងទៅ ជាពិសេសការហ្វឹកហ្វឺនដល់កងកម្លាំងរក្សាសន្តិភាពកម្ពុជាក្រោមឆត្រអង្គការសហប្រជាជាតិ ដែលជំនាញនេះ បានធ្វើឲ្យកម្ពុជាមានមុខមានមាត់លើឆាកអន្តរជាតិនោះ។ការថ្លែងអំណរគុណរបស់ប្រមុខការពារជាតិកម្ពុជានេះ គឺបានធ្វើឡើងនៅក្នុងកិច្ចជំនួបជាមួយលោក វរសេនីយ៍ឯក ម៉ាកូស ហ្វេរ៉ារ៉ា នាយការិយាល័យអនុព័ន្ធយោធាអាមេរិក ដែលត្រូវបានចប់អាណត្តិបេសកកម្មនៅកម្ពុជា និងនាយការិយាល័យអនុព័ន្ធយោធាអាមេរិកប្រចាំនៅកម្ពុជាថ្មី នារសៀលថ្ងៃទី៧ ខែ មិថុនា ឆ្នាំ២០២១នេះ នៅវិមានសន្តិភាព។សម្តេចពិជ័យសេនាទៀ បាញ់ បានលើកឡើងថាក្នុងអំឡុងបេសកកម្មរបស់លោកម៉ាកូស ហ្វេរ៉ារ៉ា នាពេលកន្លងទៅមានលទ្ធផលជាផ្លែផ្កា រក្សាបាននូវចំណងមិត្តភាព និងកិច្ចសហប្រតិបត្តិការលើគ្រប់វិស័យ រវាងកងទ័ពនៃប្រទេសទាំងពីរ(កម្ពុជា-កងទ័ពអាមេរិក)។នៅក្នុងកិច្ចជំនួបនោះ សម្តេចពិជ័យសេនា ទៀ បាញ់ បានថ្លែងអំណរគុណចំពោះសមានចិត្ត និងសកម្មភាពជាច្រើនរបស់អាមេរិក ដែលបានជួយគាំទ្រដល់ប្រទេសកម្ពុជា នាពេលកន្លងមក ដូចជា ដំណើរស្វែងរកសន្តិភាព ការទទួលនាយទាហានកម្ពុជាទៅបណ្តុះបណ្តាលនៅអាមេរិក ដើម្បីលើកកម្ពស់ផ្នែកធនធានមនុស្សក្នុងជូរកងទ័ព និងធ្វើឲ្យកងទ័ពកម្ពុជាបានទទួលបទពិសោធន៍ល្អៗលើជំនាញនានាជាដើម។សម្តេចពិជ័យសេនា បានលើកឡើងទៀតថា«សូមថ្លែងអំណរគុណចំពោះអាមេរិក ជួយគាំទ្រដល់កងយោធពលខេមរភូមិន្ទ នាពេលកន្លងមក ដូចជា ការហ្វឹកហ្វឺនពហុសាសន៍នៅទីលានបាញ់គ្រាប់ពិត អាស៊ីអូ ការរៀបចំលំហាត់ហ្វឹកហ្វឺនពហុសាសន៍ GPOI ការបញ្ជូនយោធាចារ្យជួយហ្វឹកហ្វឺនដល់កងកម្លាំងរក្សាសន្តិភាពកម្ពុជាក្រោមឆត្រអង្គការសហប្រជាជាតិ ដែលជំនាញទាំងនេះបានធ្វើឲ្យកងទ័ពកម្ពុជា មានភាពល្បីល្បាញ និងមានមុខមានមាត់លើឆាកអន្តរជាតិរហូតដល់នាពេលបច្ចុប្បន្ននេះ»។ថ្លែងនៅក្នុងកិច្ចជំនួបនោះដែរលោក វរសេនីយ៍ឯក ម៉ាកូស ហ្វេរ៉ារ៉ា បានសម្ដែងអំណរគុណចំពោះ សម្តេចពិជ័យសេនាទៀ បាញ់ ដែលបានអនុញ្ញាតឲ្យលោក និងក្រុមការងារចូលជួបសម្តែងការគួរសម និងជម្រាបលា រួមទាំងបង្ហាញមុខអនុព័ន្ធយោធាអាមេរិកថ្មីនាពេលនេះ។លោកម៉ាកូស ហ្វេរ៉ារ៉ា ក៏បានថ្លែងអំណរគុណចំពោះក្រសួងការពារជាតិកម្ពុជា ក៏ដូចជាយោធិនកម្ពុជាទាំងអស់ ដែលបានគាំទ្រកិច្ចសហប្រតិបត្តិការការងារបានយ៉ាងល្អជាមួយកងទ័ពអាមេរិកនាពេលកន្លងទៅ ហើយតាមរយៈកិច្ចសហការនេះបានរក្សានូវចំណងមិត្តភាពរវាងកងទ័ពកម្ពុជា និងអាមេរិកកាន់តែល្អប្រសើបន្ថែមទៀតផងដែរ។យ៉ាងណាក៏ដោយនៅក្នុងកិច្ចជំនួបរបស់ប្រមុខការពារជាតិកម្ពុជា ជាមួយលោកម៉ាកូស ហ្វេរ៉ារ៉ា អនុព័ន្ធយោធាអាមេរិកនេះ ពុំបាននិយាយអំពីកាលកំណត់វេលា នៃដំណើរទស្សនកិច្ចរបស់យោធាអាមេរិក ឬមន្ត្រីទូតអាមេរិកប្រចាំនៅកម្ពុជា នៅក្នុងតំបន់មួយចំនួននៃសមុទ្ររាមកម្ពុជានោះឡើយ ខណៈនៅក្នុងកិច្ចជំនួបភាគីទាំងពីរបាន អះអាងថា កិច្ចសហប្រតិបត្តិការទ្វេភាគីរវាងកងទ័ពកម្ពុជា និងអាមេរិក នឹងកាន់តែល្អប្រសើរបន្ថែមទៀត នៅក្នុងអាណត្តិថ្មីរបស់អនុព័ន្ធយោធាអាមេរិកប្រចាំនៅកម្ពុជានេះ៕អត្ថបទបាន ចក់

ខណ្ឌច្បារអំពៅដំណើរការចាក់វ៉ាក់សាំងបង្ការកូវីដ-១៩ដូសទី២ ខណៈពលរដ្ឋដែលនឹងត្រូវចាក់ប្រមាណជាង៩ម៉ឺននាក់

ភ្នំពេញ ៖ នៅថ្ងៃទី៨ខែមិថុនានេះ ជាថ្ងៃចាប់ផ្ដើមការចាក់វ៉ាក់សាំងដូសទី២ ជូនប្រជាពលរដ្ឋដែល មានអាយុចាប់ពី១៨ឆ្នាំឡើងទៅ នៅខណ្ឌច្បារអំពៅ រាជធានីភ្នំពេញ។ សម្រាប់ការចាក់វ៉ាក់សាំងបង្ការកូវីដ-១៩ ដូសទី ២នៅទីតាំងខណ្ឌច្បារអំពៅ ប្រជាពលរដ្ឋសរុបដែលត្រូវមកទទួលដូសទី២ គឺមានចំនួន ៩៦ ០៥១នាក់ ក្រោយបានទទួលការចាក់លើកទី១រួចនោះ។ នេះជាចំនួនដែលបង្ហាញដោយរដ្ឋបាលខណ្ឌច្បារអំពៅ។សម្រាប់ការចាក់វ៉ាក់សាំងបង្ការកូវីដ-១៩ដូសទី២ នៅខណ្ឌច្បារអំពៅ បានចាប់ផ្ដើមឡើងនៅថ្ងៃទី ៨ រហូតដល់ថ្ងៃទី២១ ខែមិថុនាឆ្នាំ២០២១ខាងមុខ ដោយមានប្រជាពលរដ្ឋដែលត្រូវទទួលការចាក់សរុបចំនួន ៩៦ ០៥១នាក់។ សម្រាប់ការចាក់វ៉ាក់សាំងដូសទី ២នេះ ខណ្ឌច្បារអំពៅ នៅបន្តរៀបចំឡើងលើ ១០ទីតាំងដដែល ដើម្បីបញ្ចៀសការប្រមូលផ្ដុំ និងពន្លឿនសកម្មភាពការងារឱ្យបានឆាប់រហ័ស។ សម្រាប់ទីតាំងទាំង១០នេះ រួមមាន សាលាបឋមសិក្សាច្បារអំពៅទី១ វត្តពោធិ៍ព្រះបាត្រ ទីលានកីឡា បុរីប៉ែងហួត សាលាបឋមសិក្សាឬស្សីស្រស់ សាលាបឋមសិក្សាបឹងឈូកប្រជុំវង្ស អនុវិទ្យាល័យព្រែកប្រាលើ សាលាបឋមសិក្សាវាលស្បូវ វិទ្យាល័យព្រែកឯង សាលាបឋមសិក្សាយកបាត្រ និងទីតាំងទី ១០ គឺនៅវិទ្យាល័យព្រែកថ្មី។សម្រាប់ការមកទទួលចាក់វ៉ាក់សាំងដូសទី២ នៅថ្ងៃនេះ ប្រជាពលរដ្ឋបានបង្ហាញនូវការត្រេកអរ ហើយពួកគាត់លើកឡើងថា ការវ៉ាក់សាំងរួចរាល់ទាំងពីរដូស ធ្វើឱ្យពួកគាត់មានភាពកក់ក្ដៅកាន់តែខ្ពស់ ដោយភ្ជាប់ជាមួយវិធានការ ៣ការពារ ៣កុំ។ ពួកគាត់សង្ឃឹមថា ការចាក់វ៉ាក់សាំងជូនពលរដ្ឋបានកាន់តែច្រើន នឹងធ្វើឱ្យស្ថានភាពសង្គម ការប្រកបរបរចិញ្ចឹមជីវិតវិលទៅភាពល្អប្រសើរ។ ពួកគាត់សប្បាយចិត្តជាខ្លាំង ដែលរាជរដ្ឋាភិបាល ស្វះស្វែងរកជំនួយនិងទិញវ៉ាក់សាំងជូនពលរដ្ឋដោយមិនគិតថ្លៃ។ជុំវិញដំណើរការចាក់វ៉ាក់សាំង គិតត្រឹមថ្ងៃទី ៧ខែមិថុនាម្សិលម៉ិញនេះ ប្រជាពលរដ្ឋកម្ពុជាចំនួនជាង ២លាន៧សែននាក់ បានចាក់វ៉ាក់សាំងរួចរាល់ ដោយគិតជាភាគរយស្មើនឹង ២៧,៦៦% នៃចំនួនប្រជាពលរដ្ឋគោលដៅសរុប ១០លាននាក់៕អត្ថបទ៖គឹមហុក

សហជីព ស្នើសុំអន្តរាគមន៍ពីក្រសួងការងារលើគម្រោងកាត់បន្ថយបុគ្គលិករបស់ក្រុមហ៊ុនណាហ្គាវើលដ៍

ភ្នំពេញ ៖ សហជីពទ្រទ្រង់សិទ្ធិការងារបុគ្គលិកកម្មករខ្មែរ នៃក្រុមហ៊ុនណាហ្គាវើលដ៍ នៅព្រឹកថ្ងៃទី៨ មិថុនា ឆ្នាំ២០២១នេះ បានដាក់ញត្តិទៅក្រសួងការងារ និងបណ្តុះបណ្តាលវិជ្ជាជីវៈ ដើម្បីស្នើសុំអន្តរាគមន៍ ខណៈដែលក្រុមហ៊ុនប្រកាសនូវគម្រោងកាត់បន្ថយបុគ្គលិករហូតជាង ១ពាន់នាក់។អ្នកនាង ឈុន សុខា អនុប្រធានសហជីពទ្រទ្រង់សិទ្ធិការងារបុគ្គលិកកម្មករខ្មែរ នៃក្រុមហ៊ុនណាហ្គាវើលដ៍ បានឲ្យដឹងថា ការស្នើសុំអន្តរាគមន៍ពីក្រសួងការងារនិងបណ្តុះបណ្តាលវិជ្ជាជីវៈ ដើម្បីស្វែងរកដំណោះស្រាយនេះ គឺបានប្រមូលនូវស្នាមមេដៃរបស់កម្មករនិយោជិត និងសមាជិកសហជីពសរុបជាង ២ពាន់នាក់ ដើម្បីប្តឹងទាមទារពីនិយោជកនៃក្រុមហ៊ុនណាហ្គាវើលដ៍នូវចំណុចមួយចំនួន។លក្ខខ័ណ្ឌទាំងនោះ មានដូចជា គឺទី១ ទាមទារឲ្យក្រុមហ៊ុនបញ្ឈប់បន្ទាន់នូវគម្រោងកាត់បន្ថយបុគ្គលិក, ទីពីរទាមទារឲ្យក្រុមហ៊ុនបញ្ឈប់ការបំភិតបំភ័យបុគ្គលិកតាមរយៈកោះហៅកន្លងមក, និងទីបីទាមទារឲ្យក្រុមហ៊ុនផ្តល់ប្រាក់បំណាច់ផ្ដាច់កិច្ចសន្យាការងារឲ្យបានត្រឹមត្រូវស្របតាមច្បាប់។សហជីពក៏ទាមទារឲ្យក្រុមហ៊ុនបន្តផ្តល់ឡើងវិញនូវប្រាក់បំណាច់អតីតភាពការងារនិងប្រាក់រំលឹកបំណាច់អតីតភាពការងារជូនបុគ្គលិកទាំងអស់ដែលកំពុងបំរើការងារ និងទាមទារឲ្យក្រុមហ៊ុនអនុវត្តវិធានការសុខាភិបាលនៅកន្លែងការងារឲ្យបានត្រឹមត្រូវស្របតាមការណែនាំក្រសួងសុខាភិបាល និងអង្គការសុខភាពពិភពលោក ដើម្បីរួមចំណែកទប់ស្កាត់ការឆ្លងរាលដាលជំងឺកូវីដ-១៩ នៅក្នុងក្រុមហ៊ុន។ អ្នកនាងឲ្យដឹងទៀតថា ប្រសិនបើ នៅតែគ្មានដំណោះស្រាយឬផ្សះផ្សារបានទៀតនោះ ក្រុមកម្មករនិយោជិត និងសមាជិកសហជីព នឹងបន្តដាក់ពាក្យបណ្តឹងថែមទៀតទៅតាមផ្លូវច្បាប់។ឯកឧត្តម ហេង សួរ រដ្ឋលេខាធិការ និងជាអ្នកនាំពាក្យនៃក្រសួងការងារ និងបណ្តុះបណ្តាលវិជ្ជាជីវៈ បានមានប្រសាសន៍ថា ក្រសួងទទួលបានលិខិតរបស់សហជីពហើយ ជានីតិវិធី ក្រសួងនឹងអនុវត្តទៅតាមនីតិវិធីនៃការដោះស្រាយវិវាទនៅកម្ពុជា។ ឯកឧត្តម បន្ថែមថា ក្រសួងមិនអាចធ្វើអ្វីក្រៅនីតិវិធីនោះទេ ទោះជាជម្លោះនៅក្នុងវិស័យណាក៏ដោយ។សូមបញ្ជាក់ថា ការទាមទារខាងលើនេះ របស់កម្មករនិយោជិត និងសមាជិកសហជីព ធ្វើឡើងបន្ទាប់ពីក្រុមហ៊ុន ណាហ្គាវើលដ៍ បានចាប់ដំណើរការបញ្ឈប់បុគ្គលិកចំនួនជាង១ ៣០០នាក់ ក្នុងចំណោមកម្មករនិយោជិត និងបុគ្គលិកសរុបចំនួនប្រមាណ៨ពាន់នាក់ ដោយគ្រោងប្រើពេលពី៥ទៅ៦សប្តាហ៍ បន្ទាប់ពីប្រកាសកាលពីខែមេសា ក្រោមហេតុផលដើម្បីរក្សាស្ថិរភាពអាជីវកម្មដែលរងផលប៉ះពាល់ដោយសារជំងឺកូវីដ-១៩៕អត្ថបទ ឈិត បូរ៉ាវី

សម្តេចតេជោ ៖ ប្រទេសយើងក្រតែយើងមិនក្រខាងការគិតគូររកវិធីការពារជីវិតប្រជាជនយើងទេ

ភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសដែលសម្តេចបានអញ្ជើញទស្សនាការផ្សាយផ្ទាល់ចម្រៀងគ្រួសារខ្មែរកាលពីយប់មិញនេះ សម្តេចបានចូលទៅសរសេរបញ្ចេញនូវទស្សនប្រកបដោយគតិបណ្ឌិតដ៏ខ្ពង់ខ្ពស់ថា ប្រទេសយើងក្រ តែយើងមិនក្រ ខាងការគិតគូរនិងរកវិធីការពារអាយុជីវិតប្រជាជនយើងនោះឡើយ។ជាមួយនឹងការអរគុណ និងសរសើរកូនៗ ក្មួយៗក្រុមចម្រៀងគ្រួសារខ្មែរ ដែលបានតែងនិពន្ធ និងច្រៀងគាំទ្រ ដល់ចលនាជាតិ ប្រយុទ្ធជាមួយកូវីដ១៩ សម្តេចបានសរសេរថា ប្រសិនពុំមានអ្វីប្រែប្រួលទេ វ៉ាក់សាំងនឹងមកដល់ថែមទៀត។ ប្រទេសយើងក្រ តែយើងមិនក្រ ខាងការគិតគូរនិងរកវិធីការពារអាយុជីវិតប្រជាជនយើងនោះឡើយ។សម្តេចបានបញ្ជាក់ឱ្យដឹងដែរថា នៅថ្ងៃនេះ វ៉ាក់សាំងមកដល់១លានដូស ក្នុងនោះស៊ីណូវ៉ាក់៥០ម៉ឺនដូស និងស៊ីណូហ្វាម ៥០ម៉ឺនដូស សរុបចំនួន១លានដូស។ទន្ទឹមនេះសម្តេចក៏ធ្លាប់បញ្ជាក់ថា វ៉ាក់សាំងនឹងមកដល់កម្ពុជាជាបន្តបន្ទាប់ គឺនៅថ្ងៃទី១២មិថុនាខាងមុខនេះ ចំនួន១លានដូស ,និងថ្ងៃទី១៩មិថុនា ១លានដូស។សូមរម្លឹកថា សម្រាប់ការចាក់វ៉ាក់សាំងនៅក្នុងក្របខណ្ឌទូទាំងប្រទេស បើតាមក្រសួងសុខាភិបាលបានបញ្ចេញនូវព័ត៌មានថ្ងៃទី៨ មិថុនានេះ ការចាក់វ៉ាក់សាំងកូវីដ១៩ គិតត្រឹមថ្ងៃទី៧ខែមិថុនា ការចាក់ដូសទី១សម្រេចបាន២លាន៧សែន៦ម៉ឺន៦ពាន់១៩៨នាក់ និងដូសទី២បានចំនួន ២លាន ២សែន ៣ពាន់ ៧៤៤នាក់ហើយ៕អត្ថបទ៖ មុត សុទ្ធ

វ៉ាក់សាំងបង្ការជំងឺកូវីដ-១៩ចំនួន ១លានដូសទៀត បានមកដល់កម្ពុជាហើយនៅព្រឹកថ្ងៃនេះ

ភ្នំពេញ៖ វ៉ាក់សាំងចំនួន ១លានដូស ត្រូវបានដឹកជញ្ជូនមកដល់កម្ពុជានៅព្រឹកថ្ងៃនេះហើយ ដែលជាផ្នែកមួយនៃកិច្ចខិតខំប្រឹងប្រែងរបស់រាជរដ្ឋាភិបាលកម្ពុជាដើម្បីផ្ដល់វ៉ាក់សាំងជូនប្រជាពលរដ្ឋឱ្យបាន ១០លាននាក់នៅក្នុងឆ្នាំនេះ។ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានបញ្ជាក់កាលពីយប់មិញថា វ៉ាក់សាំងបង្ការជំងឺកូវីដ-១៩ចំនួន ១លានដូស នឹងត្រូវដឹកជញ្ជូនមកដល់កម្ពុជានៅព្រឹកថ្ងៃនេះ ក្នុងនោះមានវ៉ាក់សាំងស៊ីណូវ៉ាក់ចំនួន ៥០ម៉ឺនដូស និងវ៉ាក់សាំងស៊ីណូហ្វាមចំនួន ៥០ម៉ឺនដូស។កម្ពុជាបានចាប់ផ្ដើមយុទ្ធនាការចាក់វ៉ាក់សាំងជូនប្រជាពលរដ្ឋទូទាំងប្រទេសចាប់តាំងពីថ្ងៃទី១០ ខែកុម្ភៈ ហើយបន្តរហូតមកដល់ថ្ងៃនេះ មានរយៈពេល ១១៨ថ្ងៃហើយ។បើតាមរបាយការណ៍របស់ក្រសួងសុខាភិបាល កម្ពុជាសម្រេចបានការចាក់វ៉ាក់សាំងជូនប្រជាពលរដ្ឋបានជាង ២៧ភាគរយហើយនៃគោលដៅរបស់រាជរដ្ឋាភិបាលចាក់វ៉ាក់សាំងជូនប្រជាពលរដ្ឋ ១០លាននាក់នៅត្រឹមឆ្នាំ២០២១នេះ៕

បណ្ដាញសង្គម

ព័ត៌មានថ្មីៗ

ព្រះសង្ឃថៃ ៨អង្គ សុគត បន្ទាប់ពីកុមារម្នាក់បើករថយន្តបុកចូលក្បួនធម្មយាត្រា

ប្រព័ន្ធផ្សព្វផ្សាយ៖ ការដឹកជញ្ជូនប្រេងឆ្លងកាត់ច្រកសមុទ្រហ័រមូស កើនឡើងដល់ ១០ លានបារ៉ែល ក្នុងមួយថ្ងៃ

អ៊ីរ៉ង់ ព្រមានអាមេរិក និងអ៊ីស្រាអែល ពីការវាយប្រហារមុនពិធីបុណ្យសពអតីតមេដឹកនាំកំពូលលោក Khamenei

រដ្ឋមន្ត្រីការបរទេសស៊ីរីទៅទស្សនកិច្ចនៅទីក្រុងបេរូត បន្ទាប់ពីលោក TRUMP លើកឡើងអំពីការប្រយុទ្ធប្រឆាំងនឹងក្រុមហេសបូឡា

លោកស្រី von der Leyen៖ EU នឹងផ្តល់ ២០០លានអឺរ៉ូ ដើម្បីជំរុញការតភ្ជាប់តំបន់កូកាសខាងត្បូង

សភាបារាំងអនុម័តគាំទ្រផែនការចំណាយយោធាជិត ៥០០ពាន់លានដុល្លារ

ក្រុមហ៊ុនអាកាសចរណ៍កូវ៉ែត ចាប់ផ្តើមជើងហោះហើរទៅកាន់ទីក្រុងដាម៉ាសជាលើកដំបូង ក្នុងរយៈពេល ១៤ ឆ្នាំ

សម្តេចធិបតី ហ៊ុន ម៉ាណែត ថ្លែងអបអរសាទរចំពោះកម្ពុជា ទទួលបានចំណាត់ថ្នាក់លេខ១ ជាប្រទេសដែលមាន និរន្តរភាពដី និងធនធាន ល្អបំផុតនៅលើពិភពលោកប្រចាំឆ្នាំ ២០២៦

UN៖ ប្រហែល ៤០% នៃជនភៀសខ្លួនជាង ១លាននាក់ នៅលីបង់ បានវិលត្រឡប់ទៅផ្ទះសម្បែងវិញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ​ និង ការអភិវឌ្ឍន៍

ក្រសួង​អប់រំ​ប្រកាស​ដាក់ឱ្យ​ដំណើរការ​កម្មវិធី​ទូរស័ព្ទ​ដែលមាន​ឈ្មោះថា កម្មវិធី​ស្វ័យ​សិក្សា​

មន្ទីរ​កសិកម្ម​ខេត្តស្ទឹងត្រែង​ ផ្តល់​ពូជ​ដំណាំ​បី​ប្រភេទ​និង​ពូជស្រូវ​រំដួល​ដល់​កសិករ​១៥០​គ្រួសារ​

ប្រមុខ​ការ​ពារជាតិ​កម្ពុជា ​អគុណ​អាមេរិក​ដែល​ជួយ​បណ្តុះបណ្តាល​ជំនាញ​យោធា​កម្ពុជា​ នាពេល​កន្លង​ទៅ

សហជីព ស្នើសុំ​អន្តរាគមន៍​ពី​ក្រសួង​ការងារ​លើ​គម្រោង​កាត់បន្ថយ​បុគ្គលិក​របស់​ក្រុមហ៊ុន​ណាហ្គា​វើ​លដ៍

សម្តេច​តេ​ជោ ៖ ប្រទេស​យើង​ក្រ​តែ​យើង​មិន​ក្រ​ខាង​ការ​គិតគូរ​រក​វិធី​ការពារ​ជីវិត​ប្រជាជន​យើង​ទេ​

វ៉ាក់សាំង​បង្ការ​ជំងឺ​កូវីដ-១៩​ចំនួន ១​លាន​ដូស​ទៀត បាន​មក​ដល់​កម្ពុជា​ហើយ​នៅ​ព្រឹក​ថ្ងៃ​នេះ