BTV NEWS

សម្ដេចធិបតី ហ៊ុន ម៉ាណែត តែងប្រាប់មិត្តបរទេសថាកម្ពុជាប្រើយន្តការ UNCLOS មកពីថៃដកខ្លួនឯកតោភាគីពី MoU 2001

កម្ពុជា-ហ្វីលីពីន វាយតម្លៃខ្ពស់ចំពោះភាពរីកចម្រើននៃកិច្ចសហប្រតិបត្តិទ្វេភាគី

ICRC ប្ដេជ្ញាបន្តគាំទ្រ និងពង្រឹងកិច្ចសហប្រតិបត្តិការជាមួយកម្ពុជា បន្ថែមទៀត

សម្ដេចធិបតី៖ ភាពជោគជ័យរបស់អ្នកដឹកនាំអង្គភាពមួយ គឺការធានាឱ្យអង្គភាពនោះមានសមត្ថភាពបន្តដំណើរការ និងការរីកចម្រើន ទោះបីជាក្នុងពេលអវត្តមានរបស់ខ្លួនក៏ដោយ

នយោបាយ និង ការអភិវឌ្ឍន៍

រដ្ឋបាលខេត្តកំពត ទទួលអំណោយមនុស្សធម៌ ដើម្បីរួមចំណែកបង្ការទប់ស្កាត់កូវីដ-១៩

កំពត ៖ កាលពីម្សិលមិញ រដ្ឋបាលខេត្តកំពត បានទទួលអំណោយសប្បុរសពីក្រុមហ៊ុនផលិតថ្មកំបោរ និងម្សៅ បៀកភ្នំមាស ដែលមានគោលបំណងរួមចំណែកក្នុងយុទ្ធនាការប្រយុទ្ធឆាំងនឹងជំងឺកូវីដ១៩។ឯកឧត្តម ជាវ តាយ អភិបាលខេត្ត បានលើកឡើងថា បញ្ហាជំងឺកូវីដ១៩ គឺជាបញ្ហាសកល ដោយ ឡែកសម្រាប់កម្ពុជា បច្ចុប្បន្ន ក៏កំពុងរងផលប៉ះពាល់យ៉ាងធ្ងន់ធ្ងរដល់សេដ្ឋកិច្ច និងសុខភាពប្រជាជន ។ បញ្ហានេះ ត្រូវបានប្រមុខរាជរដ្ឋាភិបាល សម្ដេចតេជោ ហ៊ុន សែន តែងតែគិតគូរ និងជួយឧបត្ថម្ភគាំទ្រ ដល់ ពលរដ្ឋគ្រប់ទីកន្លែងដែលមានការលំបាកខ្វះខាត។ឯកឧត្ដម បានបញ្ជាក់ថា ដូចគ្នានេះដែរ ខេត្តកំពត រយៈពេលកន្លងមក មានសប្បុរសជន និងក្រុម ហ៊ុននានា បានចូលរួមបរិច្ចាគធនធាន ថវិកា និងសម្ភារ ជាមួយរដ្ឋបាលខេត្ត និងកាកបាទក្រហមខេត្ត ជាបន្តបន្ទាប់ ដើម្បីជួយដល់ពលរដ្ឋខ្វះខាតក្នុងខេត្តកំពត។ឯកឧត្តម បានថ្លែងអំណរគុណសប្បុរសជនម្ចាស់អំណោយ ដែលតែងតែបានជួយឧបត្ថម្ភគាំទ្រ ដល់រដ្ឋបាលខេត្តកំពត ដើម្បីរួមគ្នាប្រយុទ្ធប្រឆាំង និងបង្ការទប់ស្កាត់ជំងឺកូវីដ-១៩ ពិសេសការពារកុំឱ្យ មានការឆ្លងនៅក្នុងសហគមន៍ខេត្តកំពត បន្តទៀត ហើយអំណោយទាំងអស់នេះរដ្ឋបាលខេត្ត នឹងចាត់ចែង ផ្ដល់ជូនបន្តទៅជួយពលរដ្ឋតាមមូលដ្ឋាន បានប្រើប្រាស់ ដើម្បីការពារខ្លួនស្របតាមវិធានការសុខាភិបាល ក៏ដូចជាគោលការណ៍ណែនាំរបស់រាជរដ្ឋាភិបាលឲ្យមានប្រសិទ្ធភាពខ្ពស់៕អត្ថបទ ៖ អន សារឹម

មេបញ្ជាការបញ្ជាការដ្ឋានទ័ពពិសេស អំពាវនាវឱ្យគ្រួសារកងទ័ពចូលរួមទប់ស្តាត់ជំងឺកូវីដ-១៩

ភ្នំពេញ ៖ នៅពេលប្រគល់អំណោយជូនគ្រួសារកងទ័ព២៩៣គ្រួសារ នាថ្ងៃទី១២ ឧសភា ២០២១ ម្សិលមិញនេះ ឯកឧត្តម ឧត្តមសេនីយ៍ឯក ចាប ភក្តី មេបញ្ជាការរងកងទ័ពជើងគោក និងជាមេបញ្ជាការ បញ្ជាការដ្ឋានទ័ពពិសេស បានអំពាវនាវ ឱ្យគ្រួសារកងទ័ពក្នុងទីបញ្ជាការទ័ពពិសេស ទាំងអស់ មេត្តា ចូលរួមអនុវត្តឲ្យបានខ្ជាប់ខ្ជួនតាមការណែនាំរបស់ក្រសួងសុខាភិបាល ក៏ដូចជាអនុសាសន៍ ដ៏ខ្ពង់ខ្ពស់របស់សម្ដេចតេជោ ហ៊ុន សែន ៣កុំ និង៣ការពារ ដើម្បីចូលរួមទប់ស្កាត់ទាំងអស់គ្នា ពិសេស ក្នុងអំឡុងពេលនៃការបិទខ្ទប់ទីបញ្ជាការ មិនឲ្យចេញចូលនៅពេលនេះ។ឯកឧត្តមមេបញ្ជាការ បានបន្ថែមទៀតថា សម្ដេចតេជោហ៊ុន សែន នាយករដ្ឋមន្ត្រី ក៏ដូចជាថ្នាក់ដឹកនាំក្រសួងការពារជាតិ អគ្គបញ្ជាការ តាមរយៈមេបញ្ជាការកងទ័ពជើងគោក បានគិតគូរនិងព្រួយបារម្ភខ្លាំងបំផុតចំពោះ សុខទុក្ខ បងប្អូន គ្រួសារកងទ័ព ក៏ដូចជា ប្រជាពលរដ្ឋទូទៅ ពិសេសក្នុងដំណាក់កាលកូវីដ-១៩នេះ ដោយសម្ដេច បានចេញនូវសេចក្តីសម្រេចជាច្រើនលើក ច្រើនសារ ក្នុងការបិទខ្ទប់រាជធានីភ្នំពេញ និងតំបន់មួយចំនួនទៀតដើម្បីបង្ការ និងទប់ ស្កាត់នូវជំងឺដ៏កាចសាហាវនេះ ។ឯកឧត្តម ក៏បានថ្លែងអំណរគុណចំពោះគណៈកម្មាធិការជាតិគ្រប់គ្រងគ្រោះមហន្តរាយដែលបានផ្តល់អំណោយឧបត្ថម្ភហើយការផ្តល់អំណោយនេះទៀតសោតគឺជាការរួមចំណែកជាមួយរាជរដ្ឋាភិបាល ក្នុងការកាត់បន្ថយការលំបាករបស់បងប្អូនគ្រួសារកងទ័ពក្នុងគ្រាបិទខ្ទប់ទីបញ្ជាការក៏ដូចជាការបិទខ្ទប់តំបន់មួយចំនួនក្នុងរាជធានីភ្នំដែលរងការវាយលុក នៃមេរោគកូវីដ.១៩។ឯកឧត្តម ក៏បានថ្លែងអំណរគុណដល់គ្រួសារកងទ័ពទាំងអស់ដែលបានលះបង់ស្វាមី ប្តីជាទីស្រលាញ់ បានចូលរួមបំរើកិច្ចការសង្គមជាមួយ និងរាជរដ្ឋាភិបាល ក្នុងការចូលរួមលើកដាក់ និងដឹកជញ្ជូនស្បៀងរបស់ប្រមុខរាជរដ្ឋាភិបាលជូនប្រជាពលរដ្ឋដែលជាប់ការបិទខ្ទប់ និងបានចូលរួមក្នុងការងារចាក់វ៉ាក់សាំងជូនប្រជាពលរដ្ឋ និងកម្មករ កម្មការិនី តាមគោលការរបស់ប្រមុខរាជរដ្ឋាភិបាល ក្រសួងការពារជាតិអគ្គបញ្ជាការ នៅក្នុងរាជធានីភ្នំពិសេសគឺតំបន់ងាយរងគ្រោះ ដើម្បីបង្ការ និងទប់ស្កាត់ការរីករាលដាលនៃជំងឺកូវីដ ១៩ និងមួយភាគទៀតបំរើការងារស្នូលនៅក្នុងអង្គភាព ហើយអ្នកទាំងនោះទាំងពេលកំពុងបំពេញការងារ និងបញ្ចប់ការងារត្រូវធ្វើចត្តាឡីស័ករយៈពេល១៤ទើបអនុញ្ញាត ឲ្យទៅជួបជុំក្រុមគ្រួសារ។ ឯកឧត្តម ក៏សូមសំណូមពរឲ្យបងប្អូនត្រូវមើលថែកូនចៅឲ្យបានល្អ និងអត់ធ្មត់ ទ្រាំការលំបាកក្នុងរយៈពេលខ្លី ជាជាងរងនូវការលំបាកក្នុងរយៈពេលយូរ។អំណោយជាគ្រឿងឧបភោគ បរិភោគរបស់ឯកឧត្តម នាយឧត្តមសេនីយ៍ គន់ គីម ទេសរដ្ឋមន្ត្រី អនុប្រធានទី១ គណៈកម្មាធិការជាតិគ្រប់គ្រងគ្រោះ មហន្តរាយដែលផ្តល់ជូនតាមរយៈឯកឧត្តម គីម វីរៈ ទីប្រឹក្សាគណៈកម្មាធិការជាតិគ្រប់គ្រងគ្រោះមហន្តរាយ មាន អង្ករ៣០០បាវ មី៣០០កេះ ទឹកស៊ីអីវ៣០០យួរ ទឹកត្រី៣០០យួរ និងម៉ាស់១០កេះធំ៕អត្ថបទ ៖ គង់ ហួន

ពលរដ្ឋនៅតំបន់បិទខ្ទប់ជិត ៤០ម៉ឺនគ្រួសារហើយ បានទទួលអំណោយគាំពារសង្គមពីរាជរដ្ឋាភិបាល

ភ្នំពេញ៖ គិតមកដល់ពេលនេះ ប្រជាពលរដ្ឋរស់នៅតំបន់បិទខ្ទប់ក្នុងរាជធានីភ្នំពេញចំនួនជិត ៤០ម៉ឺនគ្រួសារហើយ បានទទួលស្បៀងអាហារពីរាជរដ្ឋាភិបាលតាមរយៈអាជ្ញាធររាជធានីភ្នំពេញ។អាជ្ញាធររាជធានីភ្នំពេញនៅថ្ងៃទី១២ ខែឧសភា ឆ្នាំ២០២១នេះ បានបន្តដឹកជញ្ជូនស្បៀងអាហារទៅចែកជូនប្រជាពលរដ្ឋនៅតំបន់បិទខ្ទប់ចំនួន ២ម៉ឺនគ្រួសារបន្ថែមទៀត ហើយបើគិតមកដល់ថ្ងៃនេះ ប្រជាពលរដ្ឋដែលរស់នៅក្នុងតំបន់បិទខ្ទប់ ដោយជំងឺកូវីដ-១៩ ចំនួនជិត៤០ម៉ឺនគ្រួសារហើយ ដែលទទួលបានស្បៀងអាហាររបស់សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។ នេះបើតាមការបញ្ជាក់របស់មន្ត្រីរដ្ឋបាលរាជធានីភ្នំពេញ។មន្ត្រីរដ្ឋបាលរាជធានីភ្នំពេញ បានឱ្យដឹងថា ប្រជាពលរដ្ឋទាំង ២ម៉ឺនគ្រួសារដែលទទួលអំណោយនៅថ្ងៃទី១២ ឧសភានេះ រួមមាន នៅខណ្ឌមានជ័យចំនួន ៤០០០គ្រួសារ ខណ្ឌពោធិសែនជ័យចំនួន៨០០០គ្រួសារ ខណ្ឌដង្កោចំនួន ៥០០គ្រួសារ ខណ្ឌឬស្សីកែវចំនួន៤៤០០គ្រួសារ ខណ្ឌជ្រោយចង្វារចំនួន៥០០គ្រួសារ ខណ្ឌ៧មករាចំនួន៣០០គ្រួសារ ខណ្ឌទួលគោកចំនួន១០០០គ្រួសារ ខណ្ឌច្បារអំពៅចំនួន ៥០០គ្រួសារ និងខណ្ឌកំបូលចំនួន៨០០គ្រួសារ។មន្ត្រីដដែលបន្តថា អាជ្ញាធររាជធានីភ្នំពេញ ក្រោមការដឹកនាំរបស់ឯកឧត្ដម ឃួង ស្រេង បានសហការជាមួយឯកឧត្ដម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការង នៃកងយោធពលខេមរភូមិន្ទ និងជាមេបញ្ជាការកងទ័ពជើងគោក ដោយបានប្រើប្រាស់កងទ័ពជើងគោកចំនួន២០៦នាក់ និងរថយន្ត៦២គ្រឿង ចេញយុទ្ធនាការដឹកជញ្ជូនស្បៀងអាហារ ដែលជាអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន យកទៅចែកជូនប្រជាពលរដ្ឋក្នុងតំបន់បិទខ្ទប់នៅរាជធានីភ្នំពេញចាប់តាំងពីថ្ងៃទី១៩ ខែមេសា ដល់ថ្ងៃ១២ ខែ ឧសភានេះ បានចំនួន ៣៩៤.៦៥២គ្រួសារហើយ៕ អត្ថបទ ៖ ប្រាក់ វ៉ាន់ដា

ក្រសួងនឹងមិនរៀបចំចាក់វ៉ាក់សាំងជូនបុគ្គលិក នៃវិស័យអប់រំនៅរាជធានីភ្នំពេញ ដូចជំហានទី១ទេ

ភ្នំពេញ ៖ ក្រសួងអប់រំយុវជន និងកីឡា នឹងមិនរៀបចំការចាក់វ៉ាក់សាំងដាច់ដោយឡែក ជូនគ្រូបង្រៀនទាំងរដ្ឋ ឯកជន ព្រមទាំងបុគ្គលិកដៃគូរអភិវឌ្ឍន៍ក្នុងវិស័យអប់រំ ស្ថិតនៅក្នុងរាជធានីភ្នំពេញ ដូចកាលជំហានទី១ទៀតទេ ពោលគឺពួកគាត់អាចទាក់ទងទៅអាជ្ញាធរមូលដ្ឋានដែលកំពុងរស់នៅ ដើម្បីមានឈ្មោះអាចទៅចាក់វ៉ាក់សាំងបាន។មូលហេតុដែលក្រសួងអប់រំយុវជន និងកីឡា សម្រេចមិនរៀបចំការចាក់វ៉ាក់សាំងដាច់ដោយឡែក ជូនបុគ្គលិកអប់រំ បុគ្គលិកកិច្ចសន្យានៃគ្រឹះស្ថានរដ្ឋ និងឯកជន ព្រមទាំងបុគ្គលិកអង្គការដៃគូអភិវឌ្ឍន៍ក្នុងវិស័យអប់រំ ស្ថិតនៅរាជធានីភ្នំពេញ ដោយសារក្នុងពេលបច្ចុប្បន្ននេះ អនុគណៈកម្មការចាក់វ៉ាក់សាំងការពារជំងឺកូវីដ-19 ក្នុងក្របខណ្ឌក្រសួងការពារជាតិ បាននិងកំពុងដំណើរការចាក់វ៉ាក់សាំងនៅតាមខណ្ឌចំនួន៦រួមមាន ៖ ខណ្ឌកំបូល ឫស្សីកែវ មានជ័យ ពោធិ៍សែនជ័យ ទួលគោក និងខណ្ឌដង្កោ ដែលមានទីតាំងនៅគ្រប់បណ្តាសង្កាត់ក្នុងខណ្ឌ។ ម្យ៉ាងទៀតវ៉ាក់សាំងកូវីដ-19 បាននិងកំពុងមកដល់ជាបន្តបន្ទាប់ ដូចនេះយុទ្ធនាការការចាក់វ៉ាក់សាំងនៅរាជធានីភ្នំពេញ នឹងពង្រីកវិសាលភាពនៅគ្រប់ខណ្ឌ ដែលក្នុងខណ្ឌនីមួយៗ នឹងមានទីតាំងចាក់វ៉ាក់សាំងនៅគ្រប់សង្កាត់ទាំងអស់ ដើម្បីគ្របដណ្ដប់ ការចាក់វ៉ាក់សាំងដល់ប្រជាពលរដ្ឋទាំងអស់។នេះបើតាមសេចក្តីជូនដំណឹងរបស់ក្រសួងអប់រំស្តីពីផែនការចាក់វ៉ាក់សាំងវ៉ាក់សាំង សម្រាប់បុគ្គលិកអប់រំ បុគ្គលិកកិច្ចសន្យា និងបុគ្គលិកអង្គការដៃគូរអភិវឌ្ឍន៍ក្នុងវិស័យអប់រំមិនទាន់ចាក់វ៉ាក់សាំងកូវីដ-19 នៅរាជធានីភ្នំពេញ ដែលBTV ទទួលបាននៅថ្ងៃទី១២ ខែឧសភានេះ។ជាមួយគ្នានេះ លោករស់ សុវាចាអ្នកនាំពាក្យក្រសួងអប់រំ យុវជន និងកីឡា បានស្នើរដល់បុគ្គលិកអប់រំ បុគ្គលិកកិច្ចសន្យានៃគ្រឹះស្ថាប័នរដ្ឋ និងឯកជន ព្រមទាំងបុគ្គលិកអង្គការដៃគូអភិវឌ្ឍន៍ក្នុងវិស័យអប់រំ ដែលមិនទាន់ចាក់វ៉ាក់សាំងបង្ការជំងឺកូវីដ-19 សូមទៅទាក់ទងចៅសង្កាត់ រស់នៅបច្ចុប្បន្នក្នុងរាជធានីភ្នំពេញ ដើម្បីទទួលបានព័ត៌មាននៃការចាក់វ៉ាក់សាំង។ដោយឡែកនៅតាមបណ្តាលខេត្តវិញ គឺក្រសួងមិនទាន់មានផែនការនោះទេ ពោលកំពុងរង់ចាំ ការពិភាក្សាពីដៃគូរពាក់ព័ន្ធ។បើតាមបាយការណ៍របស់ក្រសួងអប់រំ យុវជន និងកីឡា គិតត្រឹមថ្ងៃទី០៣ ខែឧសភា ឆ្នាំ២០២១ ក្រសួង បានចាក់វ៉ាក់សាំងបង្ការជំងឺកូវីដ-19 ទាំងពីរដូសជូនបុគ្គលិកអប់រំ បុគ្គលិកកិច្ចសន្យា ដែលបម្រើការក្នុងអង្គភាពអប់រំនៅថ្នាក់ជាតិ ថ្នាក់ក្រោមជាតិ គ្រឹះស្ថានសិក្សាសាធារណៈ និងឯកជន ព្រមទាំងបុគ្គលិកនៃអង្គការដៃគូអភិវឌ្ឍក្នុងវិស័យអប់រំសរុបចំនួន ១១៦,៥៦៣នាក់ ត្រូវជា ៧៤% នៃចំនួនសរុប ១៥៨,០០០ នាក់៕អត្ថបទ ៖ ទូច សោភ័ណ

ជប៉ុនបន្តសហការជានិច្ច ជាមួយកម្ពុជា លើវិស័យបោសសម្អាតគ្រាប់មីន និងយុទ្ធភណ្ឌមិនទាន់ផ្ទុះ

ភ្នំពេញ ៖ រដ្ឋាភិបាលជប៉ុន តាមរយៈអង្គការ JMAS ប្រចាំព្រះរាជាណាចក្រកម្ពុជា បានសន្យាថា ខ្លួននៅតែបន្តសហការ និងជួយដល់កម្ពុជាជានិច្ច លើវិស័យបោសសម្អាតគ្រាប់មីន និងគ្រាប់មិនទាន់ផ្ទុះ ខណៈកិច្ចសហប្រតិបត្តិការនាពេលកន្លងទៅ បានល្អប្រសើរ ហើយបានជួយរំដោះផ្ទៃដី និងអាយុជីវិតពលរដុ្ឋខ្មែរបានយ៉ាងច្រើនចេញពីគ្រាប់យុទ្ធភណ្ឌទាំងនោះ។នៅក្នុងកិច្ចជំនួប នាព្រឹកថ្ងៃទី១២ ខែឧសភា ឆ្នាំ២០២១នេះ រវាងឯកឧត្តម ហេង រតនា ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយកស៊ីម៉ាកកម្ពុជា ជាមួយលោក SUENAGA Noriyoshi ប្រធានអង្គការ JMAS ប្រចាំព្រះរាជាណាចក្រកម្ពុជា ដែលនឹងត្រូវបានបញ្ចប់បេសកកម្មរបស់លោកនៅកម្ពុជានោះ ឯកឧត្តម ហេង រតនា បានលើកឡើងថា រយៈពេលជាង២ឆ្នាំ ក្នុងអាណត្តិរបស់លោក SUENAGA Noriyoshi នេះអង្គភាពស៊ីម៉ាក់ និង អង្គការជេម៉ាស បានសហការគ្នាយ៉ាងល្អ ដើម្បីរំដោះដីចម្ការមីន និងគ្រាប់យុទ្ធភណ្ឌជូនប្រជាពលរដ្ឋ ក៏ដូចជាគាំទ្រគម្រោងអភិវឌ្ឍន៍ សហគមន៍ផងដែរនោះ។ ឯកឧត្តម បានបន្តថា សមិទ្ធផលគម្រោងសំខាន់ៗ ត្រូវបានសហការប្រកបដោយជោគជ័យជាពិសេសគម្រោងថ្មីៗនេះ ដែលមានរយៈពេល៣ឆ្នាំ ២០២១-២០២៣ (០១ មីនា២០២១-២៨ កុម្ភៈ ២០២៤) ហើយគម្រោងនៅខេត្តបន្ទាយមានជ័យ សំរាប់គាំទ្រកម្លាំងស៊ីម៉ាក់ ធ្វើការបោសសំអាតគ្រាប់មីន និងនៅខេត្តស្ទឹងត្រែង គាំទ្រ កម្លាំងស៊ីម៉ាក់ធ្វើការបោសសំអាតគ្រាប់បែកចង្កោមជាដើមនោះបានកំពុង បន្តនិងទទួលបានជោគជ័យជាបន្តបន្ទាប់ផងដែរ។ជាមួយគ្នានោះដែរឯកឧត្តម ហេង រតនា ក៏បានសំដែងអំណរគុណយ៉ាងជ្រាលជ្រៅចំពោះរដ្ឋាភិបាល និងប្រជាជនជប៉ុន ក៏ដូចជាឯកឧត្តម ឯកអគ្គរដ្ឋទូតជប៉ុនប្រចាំនៅកម្ពុជា និងថ្នាក់ដឹកនាំអង្គការJMAS ដែលបានខិតខំប្រឹងប្រែងដើម្បីជួយប្រជាជនកម្ពុជា ទោះបីជាក្នុងពេលវេលាដ៏លំបាកដោយសារជំងឺឆ្លងកូវីត១៩ ក៏ដោយ។លោក SUENAGA Noriyoshi ក៏បានលើកឡើងផងដែរថា រដ្ឋាភិបាលជប៉ុននៅតែបន្តជួយប្រទេសកម្ពុជា លើវិស័យបោសសម្អាតគ្រាប់មីន និងគ្រាប់មិនទាន់ផ្ទុះ នេះដដែល ពោលគឺនឹងជួយរហូតដល់ប្រទេសកម្ពុជាគ្មានគ្រាប់មីន និងគ្រាប់មិនទាន់ផ្ទុះ ដែលជាផែនការគម្រោងក្នុងឆ្នាំ២០២៥នោះ៕អត្ថបទ ៖ បាន ចក់

បច្ចុប្បន្នភ្នំពេញមានមន្ទីរពេទ្យ មណ្ឌលព្យាបាលជំងឺកូវីដ និងមណ្ឌលចត្តាឡីស័ក ចំនួន១៧ទីតាំង

ភ្នំពេញ ៖ លោកសាស្ត្រាចារ្យ វេជ្ជបណ្ឌិត ងី មានហេង ប្រធានមន្ទីរសុខាភិបាល រាជធានីភ្នំពេញ ប្រាប់BTV ព័ត៌មាន នាព្រឹកថ្ងៃទី១២ ខែឧសភានេះថា ក្នុងក្របខណ្ឌរាជធានីភ្នំពេញគិតត្រឹមព្រឹកនេះ មានមន្ទីរពេទ្យរដ្ឋថ្នាក់ជាតិ មណ្ឌលថែទាំព្យាបាលជំងឺកូវីដ-១៩ កម្រិតស្រាល និងមណ្ឌលចត្តាឡីស័ក របស់រដ្ឋ មានចំនួន១៧ទីតាំង។លោកសាស្ត្រាចារ្យវេជ្ជបណ្ឌិត ងី មានហេង ឲ្យដឹងទៀតថា មន្ទីរពេទ្យរដ្ឋថ្នាក់ជាតិ មណ្ឌលថែទាំព្យាបាលជំងឺកូវីដ-១៩ កម្រិតស្រាល និងមណ្ឌលចត្តាឡីស័ក របស់រដ្ឋ ទាំង១៧ទីតាំង ដែលកំពុងដំណើរការនេះ រួមមាន ៖ ១.មនី្ទរពេទ្យមិត្តភាពខ្មែរ-សូវៀត, ២.មនី្ទរពេទ្យហ្លួងម៉ែ, ៣.មជ្ឈមណ្ឌលជាតិកំចាត់រោគរបេង និងហង់សិន, ៤.មណ្ឌលសុខភាពចាក់អង្រែ, ៥.មណ្ឌលថែទាំព្យាបាលជំងឺកូវីដ-១៩ វិទ្យាល័យ ជា ស៊ីម សាមគ្គី, ៦.មណ្ឌលថែទាំព្យាបាលជំងឺកូវីដ-១៩ អនុវិទ្យាល័យ ហ៊ុន សែន ពោធិ៍ចិនតុង, ៧.មណ្ឌលថែទាំព្យាបាលជំងឺកូវីដ-១៩ សណ្ឋាគារក្រេតឌុក រាជធានីភ្នំពេញ, ៨.មណ្ឌលថែទាំព្យាបាលជំងឺកូវីដ-១៩ ម៉ូឌើន២, ៩.មណ្ឌលថែទាំព្យាបាលជំងឺកូវីដ-១៩ កោះពេជ្រ, ១០.មណ្ឌលថែទាំព្យាបាលជំងឺកូវីដ-១៩ វិទ្យាល័យ ហ៊ុន សែន បូរី១០០ខ្នង, ១១.មណ្ឌលថែទាំព្យាបាលជំងឺកូវីដ-១៩ វិទ្យាល័យ ជម្ពូវ័ន, ១២.មណ្ឌលថែទាំព្យាបាលជំងឺកូវីដ-១៩ វិមានពិភពថ្មីសែនសុខ១, ១៣.មណ្ឌលថែទាំព្យាបាលជំងឺកូវីដ-១៩ វិមានដឺព្រេមៀ សេនធ័រ សែនសុខ២, ១៤.មណ្ឌលថែទាំព្យាបាលជំងឺកូវីដ-១៩ ពហុកីឡដ្ឋានជាតិអូឡាំពិក, ១៥.មណ្ឌលថែទាំព្យាបាលជំងឺកូវីដ-១៩ ទួលពង្រ និងមានមណ្ឌលចត្តាឡីស័ករបស់រដ្ឋចំនួន០២បន្ថែមពីលើនេះទៀត។លោកសាស្ត្រាចារ្យ វេជ្ជបណ្ឌិត ងី មានហេង បញ្ជាក់ថា ចំពោះអ្នកធ្វើដំណើរពីបរទេសចូលមកកាន់ព្រះរាជាណាចក្រកម្ពុជា ត្រូវធ្វើចត្តាឡីស័ក គឺនៅក្នុងរាជធានីភ្នំពេញ មានមណ្ឌលចត្តាឡីស័ករបស់រដ្ឋ ចំនួន២។ ដោយឡែកទីតាំងឯកជនធ្វើចត្តាឡីស័ក ដូចជា សណ្ឋាគារសម្រាប់ធ្វើមណ្ឌលចត្តាឡីស័ក មានចំនួនជាង៣០ទីតាំង។ លោក ថា ប្រសិនបើចំនួនភ្ញៀវជាតិ និងអន្តរជាតិ អ្នកត្រឡប់មកពីបរទេសចូលមកកាន់ប្រទេសកម្ពុជា មានចំនួនថយចុះ យើងក៏កាត់បន្ថយតាមស្ថានភាពជាក់ស្តែងផងដែរ៕អត្ថបទ ៖ រដ្ឋា

ឯកឧត្តម ហ៊ុន ម៉ានី សាកសួរសុខទុក្ខ និងជូនអំណោយដល់លោកគ្រូ-អ្នកគ្រូ និងសិល្បករ នៃក្រសួងវប្បធម៌ និងវិចិត្រសិល្បៈ

ភ្នំពេញ ៖ ឯកឧត្តម ហ៊ុន ម៉ានី បានផ្ដាំផ្ញើលោកគ្រូ-អ្នកគ្រូ និងសិល្បករ សិល្បការិនី ទាំងអស់គ្នា ឲ្យមានការយកចិត្តទុកដាក់ខ្ពស់ លើការរក្សាសុវត្ថិភាពក្នុងដំណាក់កាលការរីករាលដាលជំងឺកូវីដ១៩ ដោយត្រូវអនុវត្តឱ្យបានខ្ជាប់ខ្ជួន តាមការណែនាំរបស់ក្រសួងសុខាភិបាល និងរាជរដ្ឋាភិបាល។ឯកឧត្តម ហ៊ុន ម៉ានី ប្រធានគណៈកម្មការអប់រំយុវជនកីឡាធម្មការកិច្ចការសាសនាវប្បធម៌ និងទេសចរណ៍នៃរដ្ឋសភា រួមជាមួយឯកឧត្តម អនុប្រធាន ឯកឧត្តមលេខាធិការ និងសហការីនៃគណៈកម្មការ ថ្លែងក្នុងឱកាសអញ្ជើញជួបសំណេះសំណាល សួរសុខទុក្ខ លោកគ្រូអ្នកគ្រូជាសាស្ត្រាចារ្យសិល្បៈបុរាណ និងសិល្បករ សិល្បការិនី នៃក្រសួងវប្បធម៌ និងវិចិត្រសិល្បៈ នាព្រឹកថ្ងៃទី១២ ខែឧសភា ឆ្នាំ២០២១។ក្នុងនោះ ឯកឧត្តម ហ៊ុន ម៉ានី ក៏បានថ្លែងអំណរគុណ ចំពោះទំហំចិត្តនៃការលះបង់ ខិតខំប្រឹងប្រែងរបស់លោកគ្រូ អ្នកគ្រូ កន្លងមកក្នុងការបង្ហាត់បង្រៀន និងកិច្ចការរៀបចំចងក្រងឯកសារសិល្បៈបុរាណសម្រាប់ទុកជាមរតកចំណេះជំនាញបន្តដល់កូនចៅជំនាន់ក្រោយ ជាពិសេសសិល្បករ សិល្បការីនី។ ឯកឧត្តម ក៏បានបង្ហាញនូវការសហការ គាំទ្រ របស់គណៈកម្មការទី៧ ចំពោះក្រសួងវប្បធម៌ និងវិចិត្រសិល្បៈ លើការងារជំរុញលើកកម្ពស់ស្មារតី ឆន្ទៈ និងទឹកចិត្តយុវជនឱ្យមានការស្រលាញ់ ការពារសិល្បៈវប្បធម៌ខ្មែរ អោយគង់វង្សជានិរន្តរតទៅ។ទន្ទឹមនឹងការសួរសុខទុក្ខ ឯកឧត្តមប្រធានគណៈកម្មការ ក៏បានប្រគល់កញ្ចប់អំណោយជាសម្ភារៈ អនាម័យ គ្រឿងបរិភោគ ម៉ាស់ និងថវិកា ជូនដល់សាស្ត្រាចារ្យសិល្បៈ សិល្បករ សិល្បការិនី ដែលមានវត្តមានផ្ទាល់ក្នុងកម្មវិធី និងសិល្បករ សិល្បការិនីផ្សេងទៀតសរុបចំនួន ៣៦៨ នាក់ ផងដែរ៕

ថាមពលអគ្គិសនីប្រើប្រាស់ ដោយការដុតធ្យូងថ្ម ក្នុងស្រុកត្រពាំងប្រាសាទ គ្រោងនឹងដំណើរ ក្នុងពេលឆាប់ៗខាងមុខនេះ

ឧត្តរមានជ័យ ៖ រោងចក្រផលិត ថាមពលអគ្គិសនី ដោយការ ដុតធ្យូងថ្ម ដែលមានកម្លាំងរហូតដល់ទៅ២៦៥ មេហ្គាវ៉ាត់ របស់ក្រុមហ៊ុនHan Seng Coal Mine Co Ltd មានទីតាំងស្ថិតនៅក្នុងស្រុកត្រពាំងប្រាសាទ ខេត្តឧត្តរមានជ័យ គ្រោងនឹងដំណើរប្រើប្រាស់ក្នុងពេលឆាប់ៗខាងមុខនេះ ក្នុងការចែកចាយប្រភពចរន្តអគ្គិសនីជូនដល់ប្រជាពលរដ្ឋ ក្នុងខេត្តឧត្តរមានជ័យ។លោក ឌី រ៉ាដូ អភិបាលរងខេត្តឧត្តរមានជ័យទទួលបន្ទុករ៉ែថាមពល បានឲ្យដឹងថា ការវិនិយោគលើរោងចក្រផលិតថាមពលអគ្គិសនី ដោយការប្រើពីការដុតធ្យូងថ្ម ដែលមានកម្លាំង២៦៥ មេហ្គាវ៉ាត់ នៅក្នុងស្រុកត្រពាំងប្រាសាទខេត្តឧត្តរមានជ័យ ចំណាយថវិកាសាងសងរហូតដល់ទៅ២៩៤,៣ លាន ដុល្លារ គ្រោងដំណើរការនៅចុងឆ្នាំ២០២១ ដោយប្រើប្រាស់ប្រភេទរ៉ែ ធ្យូងថ្មដែលមានប្រភពនៅក្នុងស្រុកត្រពាំងប្រាសាទខេត្តឧត្តរមានជ័យស្រាប់។លោក បន្តថា គម្រោងរោងចក្រដុតធ្យូងថ្មនេះ គឺបានរួមចំណែកយ៉ាងសំខាន់ក្នុងការបង្កើនការងារ សម្រាប់ប្រជាពលរដ្ឋក្នុងខេត្តឧត្តរមានជ័យ នឹងអាចជួយដល់ការផ្គត់ផ្គង់ប្រភពថាមពល អគ្គិសនី ចូលទៅក្នុងបណ្តាញជាតិផងដែរ។ កត្តាទាំងអស់នេះហើយ ដែលធ្វើឲ្យយើងទទួលបានប្រភពថាមពលអគ្គិសនី ដែលប្រើប្រាស់ដោយការដុតធ្យូងថ្ម អាចប្រើប្រាស់បានគ្រប់គ្រាន់ សម្រាប់តម្រូវក្នុងស្រុក នឹងអាចផ្តល់ជាប្រយោជន៍ដល់ប្រជាពលរដ្ឋមានការងារធ្វើ ក្នុងស្រុកលើវិស័យមួយនេះបានយ៉ាងប្រសើរ ជៀសវាងការចំណាកស្រុកផងដែរ៕អត្ថបទ ៖ សារិទ្ធ

មន្ត្រីជំនាញល្បាត ប្រទះឃើញដើមភ្លៅនាង មានសាច់សរលោង ដ៏ទាក់ទាញ ក្នុងនៅដែនជម្រកសត្វព្រៃលំផាត

មណ្ឌលគិរី ៖ ដើមភ្លៅនាង ជាច្រើនដើមត្រូវបានមន្ត្រីឧទ្យានុរក្សល្បាតប្រទះឃើញនៅដែនជម្រកសត្វព្រៃលំផាតក្នុងស្រុកកោះញែក ខេត្តមណ្ឌលគិរី ដើមភ្លៅនាងមានភាពទាក់ទាញជាខ្លាំង ព្រោះដើមឈើប្រភេទនេះ មានសាច់សរលោង ស្រលូនឡើងទៅលើ ខុសប្លែកពីប្រភេទដើមឈើដទៃទៀត ។លោក កែវ សុភគ៌ ប្រធានមន្ទីរបរិស្ថានខេត្តមណ្ឌលគិរី បានឲ្យដឹងថា ដើមភ្លៅនាងជាប្រភេទរុក្ខជាតិក្នុងព្រៃដែលពើបប្រទះឃើញនៅក្នុងតំបន់ព្រៃអភិរក្សលំផាត់ស្ថិតនៅក្នុងស្រុកកោះញែក ខេត្តមណ្ឌលគិរី។ ប្រភេទឈើនេះ មានដុះដោយដុំដោយកន្លែងនៅក្នុងតំបន់ព្រៃអភិរក្សលំផាត់ ដែលកន្លែងខ្លះ មានប្រហែល២០ ឬ៣០ដើម និងកន្លែងខ្លះអាចមានដល់៥០ដើម ។ លោក ប្រធានមន្ទីរ បានបន្ថែមថា ដើមឈើនេះ វាទាក់ទាញអារម្មណ៍យើងត្រង់ថា វារលូននិងស្រលូនល្អប្រៀបដូចជាភ្លៅមនុស្ស ។លោកប្រធានមន្ទីរ បានបន្ថែមទៀតថា នៅពេលដែលយើងធ្វើដំណើរបានមកដល់ ឬជួបដើមភ្លៅនាងធ្វើឲ្យអារម្មណ៍យើងហាក់សប្បាយរីករាយ និងបាត់ភាពនឿយហត់បានមួយចំណែកផងដែរ។ ម្នាក់ៗតែងតែថតរូបដើមភ្លៅនាងដើម្បីយកទៅបង្ហាញឱ្យអ្នកផងបានស្គាល់ ឬក៏យកទៅចែករំលែកនៅក្នុងបណ្ដាញសង្គមហ្វេសប៊ុក ។ លោកប្រធានមន្ទីរ បន្ថែមថា មនុស្សជាច្រើនចង់ឃើញដោយផ្ទាល់អំពីដើមភ្លៅនាងនេះ។ លោក បន្តថា តំបន់អភិរក្សលំផាត់សំបូរទៅដោយធនធានធម្មជាតិ និងរុក្ខជាតិច្រើនប្រភេទ ហើយបច្ចុប្បន្ននេះ កំពុងត្រូវបានគាំពារនិងថែរក្សាដោយមន្ត្រីឧទ្យាននុរក្ស នៃមន្ទីរបរិស្ថានខេត្តមណ្ឌលគិរី ។ លោក កែវ សុភគ៌ ដែលតែងតែចំណាយពេលវេលានៅជាមួយធម្មជាតិនៃតំបន់ការពារលំផាត់ បាននិយាយថា ដើមភ្លៅនាងទាក់ទាញការចាប់អារម្មណ៍ពីប្រជាពលរដ្ឋក៏ដូចជាមហាជនទូទៅនៅពេលដែលឃើញសម្រស់របស់វា ។ លោកថា ស្ថិតនៅក្នុងតំបន់អភិរក្សលំផាត់នោះដើមភ្លៅនាងមានមិនច្រើនពេកទេ ។ យ៉ាងណាក៏ដោយក្រុមមន្ត្រីឧទ្យានុរក្សមន្ទីរ បរិស្ថានខេត្តមណ្ឌលគិរី នឹងថែរក្សាគាំពារដើមភ្លៅនាងនេះឱ្យមាននិរន្តរភាពដើម្បីជាប្រយោជន៍ឱ្យប្រជាពលរដ្ឋខ្មែរបានឃើញនៅពេលអនាគតពោលគឺហើយរំពឹងថា ដើមភ្លៅនាងមិនផុតពូជនោះឡើយ៕អត្ថបទ ៖ ភីរុណ

រោងចក្រក្នុងតំបន់លឿង អនុវត្តរបៀបធ្វើការងារតាមបែបថ្មីបានល្អ តាមការណែនាំរបស់អាជ្ញាធរមូលដ្ឋាន

កណ្ដាល ៖ បន្ទាប់ពីប្រមុខថ្នាក់ដឹកនាំរាជរដ្ឋាភិបាល បានប្រកាសបញ្ចប់ការបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅ ខេត្តកណ្តាល មកអាជ្ញាធរមូលដ្ឋានក៏បានប្រកាសអោយគ្រប់រោងចក្រ ទាំងអស់នៅក្នុងតំបន់លឿង គឺអាចបើកដំណើរការឡើងវិញបាន ប៉ុន្តែត្រូវអនុវត្តតាមគោលដៅណែនាំថ្មី របស់រាជរដ្ឋាភិបាល ដោយត្រូវប្តូរវេន កាត់បន្ថយកម្មករនិយោជិកចូលបម្រើអោយបានពាក់កណ្តាល ដើម្បីធានាបានការរក្សាកន្លាតទប់ស្កាត់ការឆ្លងកូវីដ១៩។បើតាមលោកស្រី អ៊ុក លីឡា ជំនួយការធនធានមនុស្ស នៅរោងចក្រ ប្រូពិសិដ្ឋ ក្រុងតាខ្មៅ ខេត្តកណ្តាល បានថ្លែងថា បន្ទាប់ពីរាជរដ្ឋាភិបាលបានបញ្ចប់ការបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅមក អាជ្ញាធរបានអនុវត្តអោយរោងចក្រចាប់ផ្តើមបើកដំណើរឡើងវិញបាន ហើយរោងចក្រប្រូពិសិដ្ឋនេះ គឺបានចាប់ផ្តើមតាំងពីថ្ងៃទី៦ ខែឧសភា មកដល់ពេលនេះគឺបានបើកដំណើរការបានចំនួន៥ថ្ងៃហើយ។លោកស្រី បន្តថា សម្រាប់ការងារបើកដំណើរការរោងចក្រគឺយើងត្រូវអនុវត្តរបៀបធ្វើការងារតាមបែបថ្មី តាមគោលការណ៍ណែនាំរបស់អាជ្ញាធរមូលដ្ឋាននេះ ថ្វីត្បិត តែមានការប៉ះពាល់ ដល់សង្វាក់ផលិតកម្មរោងចក្របន្តិចមែន តែការធ្វើការងារតាមរបៀបថ្មីនេះ គឺអាចធានាបានការទប់ស្កាត់ ការរាតត្បាតមេរោគកូវីដ១៩ ពោលគឺការប្តូរវេន និងអនុញ្ញាតអោយកម្មករនិយោជិតចូលបម្រើការងារនៅត្រឹម៥០% ចំនួន២សប្តាហ៍ម្តងនេះ គឺ បានធ្វើអោយកន្លែងធ្វើការងារមានការរក្សាគន្លាតពីកម្មករទៅកម្មករម្នាក់ទៀត ជាដើម។សម្រាប់ការបើកដំណើរការរោងចក្រឡើងវិញនេះ គ្រប់កម្មករកម្មការិនី ទាំងអស់ហាក់មានយល់ដឹងដោយខ្លួនឯងច្រើន ពោលគឺមានការផ្លាស់ប្តូរទំលាប់ចូលធ្វើការងារតាមរបៀបថ្មី ពោល គឺកម្មករកម្មការិនីម្នាក់ៗមានការប្រុងប្រយ័ត្ន មានដាក់ដបទឹកអាកុលជែលដាកជាប់នៅក្នុងខ្លួន មានការពាក់ម៉ាស់ត្រឹមត្រូវ មានការរក្សាគន្លាតគ្នា និងមានការវ៉ាស់កំដៅជាប់ជាប្រចាំផងដែរមុនពេលចូលនិងចេញពីធ្វើការងារ។សូមបញ្ជាក់ថា យោងតាមសេចក្តីជូនដំណឹងរបស់ក្រសួងការងារលេខ២២/២១នោះដែរ ក៏បានបញ្ជាក់ថា សម្រាប់ការបើកប្រាក់ឈ្នួលរបស់បងប្អូនកម្មករនិយោជិកនៅតាមរោងចក្រ ដែលបានបើកដំណើរការឡើងវិញនេះដែរ គឺគ្រប់ម្ចាស់ឬនាយករោងចក្រ សហគ្រាសត្រូវបើកប្រាក់ឈ្នួលសម្រាប់ខែមេសា ចំនួន៥០% និងប្រាក់ឧបត្ថម្ភនានាទៀតដែលបានពន្យាពេលនៅក្នុងអំឡុងពេលបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅ កន្លងទៅ គឺត្រូវចាប់ផ្តើមបើកជូនកម្មករនិយោជិកមិនអោយហួសថ្ងៃទី១៤ ខែឧសភានេះឡើយ ។ ចំពោះបងប្អូនកម្មករដែលកំពុងស្ថិតក្នុងតំបន់ក្រហម ឬ តំបន់លឿងទុំ គឺសូមម្ចាស់ ឬនាយករោងចក្រ ពិចារណារកវិធីបើកប្រាក់ឈ្នួល និងប្រាក់ឧបត្ថម្ភនោះតាមប្រព័ន្ធធនាគារជូនកម្មករនិយោជិកផងដែរ៕អត្ថបទ ស៊ុម សុខជា

បណ្ដាញសង្គម

ព័ត៌មានថ្មីៗ

ស្ថានទូតសហរដ្ឋអាមេរិក និងរដ្ឋបាលរាជធានីភ្នំពេញរៀបចំពិព័រណ៍ម្ហូបអាហារ និងផលិតផលអាមេរិក នៅផ្លូវថ្មើរជើងចតុមុខ ដើម្បីឆ្លុះបញ្ចាំងពីចំណងមិត្តភាព និងភាពជាដៃគូនូវទំនាក់ទំនងការទូត៧៦ឆ្នាំ

ការលើកកម្ពស់សុខភាពភ្នែកកុមារ គឺជាផ្នែកសំខាន់មួយនៃការអភិវឌ្ឍធនធានមនុស្ស

ប្រធានក្រុមការងារគណបក្សចុះមូលដ្ឋាន ដឹកនាំកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ នៅស្រុកប្រាសាទបល្ល័ង្ក

អនុប្រធានសភា៖ ប្រទេសចិននឹងអភិវឌ្ឍទំនាក់ទំនងជាមួយអ៊ីរ៉ង់ឲ្យកាន់តែរឹងមាំ

ក្រុងមូស្គូ៖ រដ្ឋបាល់ទិកអនុញ្ញាតឲ្យអ៊ុយក្រែនប្រើប្រាស់ដែនអាកាសសម្រាប់វាយប្រហារភាគពាយ័ព្យរុស្ស៊ី

ប្រភពនិយាយថា ក្រុមឧទ្ទាមបានវាយប្រហារទីក្រុងជាច្រើន នៅភាគខាងជើង និងកណ្តាលប្រទេសម៉ាលី

អភិបាលខេត្តកំពង់ស្ពឺ ណែនាំអាជ្ញាធរបន្តផ្សព្វផ្សាយដល់ពលរដ្ឋឱ្យបញ្ឈប់ការយកដីចំណីផ្លូវទៅប្រើប្រាស់ដោយខុសច្បាប់

កម្ពុជា និងជប៉ុន ដាំកូនឈើមួយម៉ឺនដើម នៅក្នុងឧទ្យានអង្គរ ដើម្បីការពារសម្បត្ដិបេតិភណ្ឌពិភពលោក

អ្នកស៊ើបអង្កេតសិទ្ធិមនុស្សរបស់UN ចាប់ផ្តើមការងារនៅប្រទេសលីបង់ ក្នុងបេសកកម្មលើកដំបូងរបស់ខ្លួន

ក្រឡាបញ្ជីតុលាការអន្តរជាតិបញ្ជូនឈ្មោះបេក្ខជនបីរូបឱ្យកម្ពុជានិងថៃ ជ្រើសជាប្រធានក្រុមអ្នកផ្សះផ្សា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

រដ្ឋបាលខេត្តកំពត ទទួលអំណោយមនុស្សធម៌ ដើម្បីរួមចំណែកបង្ការទប់ស្កាត់កូវីដ-១៩

មេបញ្ជាការបញ្ជាការដ្ឋានទ័ពពិសេស អំពាវនាវឱ្យគ្រួសារកងទ័ពចូលរួមទប់ស្តាត់ជំងឺកូវីដ-១៩

ពលរដ្ឋនៅតំបន់បិទខ្ទប់ជិត ៤០ម៉ឺនគ្រួសារហើយ បានទទួលអំណោយគាំពារសង្គមពីរាជរដ្ឋាភិបាល

ក្រសួងនឹងមិនរៀបចំចាក់វ៉ាក់សាំងជូនបុគ្គលិក នៃវិស័យអប់រំនៅរាជធានីភ្នំពេញ ដូចជំហានទី១ទេ

ជប៉ុនបន្តសហការជានិច្ច ជាមួយកម្ពុជា លើវិស័យបោសសម្អាតគ្រាប់មីន និងយុទ្ធភណ្ឌមិនទាន់ផ្ទុះ

បច្ចុប្បន្នភ្នំពេញមានមន្ទីរពេទ្យ មណ្ឌលព្យាបាលជំងឺកូវីដ និងមណ្ឌលចត្តាឡីស័ក ចំនួន១៧ទីតាំង

មន្ត្រីជំនាញល្បាត ប្រទះឃើញដើមភ្លៅនាង មានសាច់សរលោង ដ៏ទាក់ទាញ ក្នុងនៅដែនជម្រកសត្វព្រៃលំផាត

រោងចក្រក្នុងតំបន់លឿង អនុវត្តរបៀបធ្វើការងារតាមបែបថ្មីបានល្អ តាមការណែនាំរបស់អាជ្ញាធរមូលដ្ឋាន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

រដ្ឋបាល​ខេត្តកំពត​ ទទួល​អំណោយ​មនុស្សធម៌ ​ដើម្បី​រួមចំណែក​បង្ការ​ទប់ស្កាត់​កូ​វីដ​-១៩

មេបញ្ជាការ​បញ្ជាការដ្ឋាន​ទ័ព​ពិសេស ​អំពាវនាវ​ឱ្យ​គ្រួសារ​កងទ័ព​ចូលរួម​ទប់ស្តាត់​ជំងឺ​កូ​វីដ​-១៩

ពលរដ្ឋ​នៅ​តំបន់​បិទ​ខ្ទប់​ជិត ​៤០​ម៉ឺន​គ្រួសារ​ហើយ​ បានទទួល​អំណោយ​គាំពារ​សង្គម​ពី​រាជរដ្ឋាភិបាល​

ជប៉ុន​បន្ត​សហការ​ជានិច្ច​ ជាមួយ​កម្ពុជា ​លើ​វិស័យ​បោសសម្អាត​គ្រាប់មីន និង​យុទ្ធភណ្ឌ​មិនទាន់​ផ្ទុះ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

រដ្ឋបាលខេត្តកំពត ទទួលអំណោយមនុស្សធម៌ ដើម្បីរួមចំណែកបង្ការទប់ស្កាត់កូវីដ-១៩

មេបញ្ជាការបញ្ជាការដ្ឋានទ័ពពិសេស អំពាវនាវឱ្យគ្រួសារកងទ័ពចូលរួមទប់ស្តាត់ជំងឺកូវីដ-១៩

ពលរដ្ឋនៅតំបន់បិទខ្ទប់ជិត ៤០ម៉ឺនគ្រួសារហើយ បានទទួលអំណោយគាំពារសង្គមពីរាជរដ្ឋាភិបាល

ជប៉ុនបន្តសហការជានិច្ច ជាមួយកម្ពុជា លើវិស័យបោសសម្អាតគ្រាប់មីន និងយុទ្ធភណ្ឌមិនទាន់ផ្ទុះ