នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាល​ដែលកំពុង​ធ្វើកិច្ច​ការងារ​យ៉ាង​សកម្ម​ស្វែង​រក​ដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស
សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥
សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល
ប្រជាពលរដ្ឋត្រេកអរនឹងសមិទ្ធផលអាកាសយានដ្ឋានថ្មីដែលត្រៀមបើកដំណើរការ

នយោបាយ​ និង ការអភិវឌ្ឍន៍

លោក Trump អបអរការសម្រេចចិត្តរបស់លោក DeSantis ក្នុងការបោះបង់មិនប្រជែងតំណែងប្រធានាធិបតីអាមេរិក

2024/01/22 12:09:09 pm        138
Facebook Telegram Linkin
លោក ដូណាល់ ត្រាំ (Donald Trump) បានទុកចោលការរិះគន់ និងការចំអកជាច្រើនខែលើលោក រ៉ន ដឺសេនធីស (Ron DeSantis) មួយឡែកកាលពីយប់ថ្ងៃអាទិត្យ (២១ មករា) ហើយបានប្រារព្ធពិធីអបអរសាទរគូប្រជែងមកពីគណបក្សសាធារណរដ្ឋរូបនេះ ដែលបានក្លាយជាអ្នកគាំទ្រថ្មីបំផុតរបស់លោក បន្ទាប់ពីលោកអភិបាលរដ្ឋ ហ្វ្លរីដា (Florida) រូបនេះបានបញ្ចប់យុទ្ធនាការប្រធានាធិបតីរបស់ខ្លួន និងងាកទៅគាំទ្រអតីតប្រធានាធិបតីអាមេរិក លោក ដូណាល់ ត្រាំ។សម្រាប់លោក ត្រាំ ការអបអរនេះបានក្លាយជាពិធីដដែលៗក្នុងការស្វាគមន៍ការគាំទ្រពីនរណាម្នាក់ដែលធ្លាប់ព្យាយាមយកឈ្នះលោក។ ទោះជាយ៉ាងណាក៏ដោយ នេះជារឿងគួរឱ្យភ្ញាក់ផ្អើលនៅក្នុងការប្រមូលផ្តុំកាលពីថ្ងៃអាទិត្យនៅរដ្ឋ ញ៉ូវ ហែមសៀរ (New Hampshire) ក្នុងការមើលឃើញលោក ត្រាំ សរសើរលោក ដឺសេនធីស ដោយមិនហៅលោកថា «មនុស្សអត្មានិយម» ឬ «មនុស្សគិតតែពីខ្លួនឯង» ដែលនោះបានបញ្ចប់ការប្រជែងគ្នាដ៏ជូរចត់បំផុតនៃយុទ្ធនាការបោះឆ្នោតឆ្នាំ២០២៤ របស់គណបក្សសាធារណរដ្ឋ។លោក ត្រាំ បាននិយាយនៅក្នុងសុន្ទរកថារបស់ខ្លួនថា «ខ្ញុំចង់អរគុណដល់លោក រ៉ន និងអបអរសាទរលោកដែលធ្វើបានល្អខ្លាំងណាស់ក្នុងការគាំទ្រខ្ញុំ ហើយខ្ញុំពេញចិត្តណាស់ និងទន្ទឹងរង់ចាំធ្វើការជាមួយលោក រ៉ន ព្រោះលោកជា «មនុស្សដ៏អស្ចារ្យ» ម្នាក់។កាលពីព្រឹកថ្ងៃដដែលនោះ លោក ដឺសេនធីស បាននិយាយតាមរយៈវីដេអូថា លោកនឹងបញ្ចប់យុទ្ធនាការរបស់ខ្លួន រយៈពេលពីរថ្ងៃមុនការបោះឆ្នោតបឋមរបស់បក្សសាធារណរដ្ឋដំបូងបង្អស់របស់រដ្ឋ ញ៉ូវ ហែមសៀរ ប៉ុន្តែការរីករាយរបស់លោក ត្រាំ កាលពីរាត្រីថ្ងៃអាទិត្យចំពោះការបោះបង់របស់លោក ដឺសេនធីស មិនមែនជាការគាំទ្រដ៏កក់ក្តៅបំផុតនោះទេ៕

អ៊ុយក្រែនពឹងផ្អែកលើជំនួយផ្នែកការពារលោកខាងលិចបន្ថែមទៀត ក្នុងរយៈពេលពីរខែខាងមុខ

2024/01/22 11:24:40 am        185
Facebook Telegram Linkin
ប្រធានាធិបតីអ៊ុយក្រែន លោក វ្ល៉ូឌីមី ហ៊្សេឡិនស្គី (Volodymyr Zelenskiy) បាននិយាយកាលពីថ្ងៃសៅរ៍ (២០ មករា) ថាលោករំពឹងថាកញ្ចប់ការពារពីលោកខាងលិចថ្មីមួយចំនួនសម្រាប់អ៊ុយក្រែន នឹងត្រូវបានចុះហត្ថលេខាក្នុងខែនេះនិងខែក្រោយ។លោក ហ៊្សេឡិនស្គី បាននិយាយនៅក្នុងសុន្ទរកថាវីដេអូនៅពេលយប់របស់ខ្លួនថា «យើងកំពុងរៀបចំកិច្ចព្រមព្រៀងថ្មីជាមួយដៃគូ ដែលជាកិច្ចព្រមព្រៀងទ្វេភាគីដ៏រឹងមាំ ។ នៅខែមករា និងខែកុម្ភៈ គួរតែនាំមកនូវលទ្ធផលដែលត្រូវគ្នា។ មានកាលបរិច្ឆេទជាក់លាក់រួចហើយ នៅពេលដែលឯកសារថ្មី និងរឹងមាំអាចត្រូវបានគេរំពឹងទុក»។បន្ទាប់ពីរុស្ស៊ីបានចាប់ផ្តើមការលុកលុយពេញលេញរបស់ខ្លួនលើអ៊ុយក្រែន ក្នុងខែកុម្ភៈ ឆ្នាំ២០២២ សម្ព័ន្ធមិត្តលោកខាងលិចរបស់ទីក្រុងគីវ បានរួបរួមក្នុងការផ្តល់ជំនួយយោធាដែលមិនធ្លាប់មានពីមុនមក និងជំនួយផ្សេងទៀតដើម្បីជួយលោក ហ៊្សេឡិនស្គី ការពារប្រទេសរបស់លោក។ប៉ុន្តែជាមួយនឹងសង្គ្រាមឥឡូវនេះអូសបន្លាយដល់ឆ្នាំទី៣ របស់ខ្លួន ការផ្លាស់ប្តូរតិចតួចនៅតាមសមរភូមិជួរមុខក្នុងរយៈពេល ១២ខែកន្លងមក និងការប្រឆាំងកាន់តែខ្លាំងឡើងចំពោះជំនួយបន្ថែមទៀតនៅក្នុងសហរដ្ឋអាមេរិក ធ្វើឲ្យជំនួយមូលនិធិ និងគ្រឿងយុទ្ធោបករណ៍ក្នុងប៉ុន្មានខែថ្មីៗនេះមានការយឺតយ៉ាវខ្លាំងសម្រាប់អ៊ុយក្រែន៕

កោះតៃវ៉ាន់និយាយថា ខ្លួនបានប្រទះឃើញបាឡុងរបស់ចិន ចំនួន ៦គ្រឿង

2024/01/22 11:17:55 am        175
Facebook Telegram Linkin
អាជ្ញាធរការពារជាតិកោះតៃវ៉ាន់បាននិយាយថា ខ្លួនបានរកឃើញបាឡុងរបស់ចិនចំនួន ៦គ្រឿងទៀតដែលហោះហើរលើច្រកសមុទ្រតៃវ៉ាន់កាលពីថ្ងៃអាទិត្យ (២១ មករា) ដែលមួយក្នុងចំណោមនោះបានឆ្លងកាត់លើកោះនេះ ហើយនោះជាភាពតានតឹងចុងក្រោយបំផុតនៅក្នុងបញ្ហាបាឡុងបែបនេះ ដែលអាជ្ញាធរការពារជាតិនិយាយថាបានមើលឃើញក្នុងរយៈពេលមួយខែកន្លះកន្លងមកនេះ។នៅដើមខែនេះ អាជ្ញាធរតៃវ៉ាន់នៅក្នុងសេចក្តីថ្លែងការណ៍ដែលប្រើពាក្យពេចន៍ដ៏ខ្លាំងក្លាមួយ បានចោទប្រកាន់ប្រទេសចិនពីការគំរាមកំហែងសុវត្ថិភាពអាកាសចរណ៍ និងធ្វើសង្គ្រាមចិត្តសាស្ត្រលើប្រជាជននៅលើកោះនេះជាមួយនឹងការបង្ហោះបាឡុង នៅប៉ុន្មានថ្ងៃមុនការបោះឆ្នោតកោះតៃវ៉ាន់ កាលពីថ្ងៃទី១៣ ខែមករា។លទ្ធភាពដែលប្រទេសចិន ប្រើប្រាស់បាឡុងសម្រាប់ចារកម្មបានក្លាយជាបញ្ហាសកលកាលពីខែកុម្ភៈ ឆ្នាំមុន នៅពេលដែលសហរដ្ឋអាមេរិកបានបាញ់ទម្លាក់នូវអ្វីដែលខ្លួនបាននិយាយថាជាបាឡុងឃ្លាំមើលរបស់ចិន ប៉ុន្តែប្រទេសចិនបាននិយាយថា បាឡុងនោះជាយានស៊ីវិលដែលបានរសាត់ដោយចៃដន្យប៉ុណ្ណោះ។នៅក្នុងឧបទ្ទវហេតុចុងក្រោយបំផុតដែលត្រូវបានបង្ហាញដោយអាជ្ញាធរតៃវ៉ាន់នៅថ្ងៃចន្ទ (២២ មករា) នេះនៅក្នុងរបាយការណ៍ប្រចាំថ្ងៃរបស់ខ្លួនស្តីពីសកម្មភាពយោធារបស់ចិនក្នុងរយៈពេល ២៤ម៉ោងកន្លងមក បាននិយាយថា បាឡុងងចំនួន ៦គ្រឿង បានហោះកាត់ខ្សែបន្ទាត់មេដ្យានដ៏រសើបរបស់ច្រកសមុទ្រកាលពីថ្ងៃអាទិត្យ។ ទោះជាយ៉ាងណាក៏ដោយ មានតែបាឡុងមួយប៉ុណ្ណោះដែលឆ្លងកាត់កោះតៃវ៉ាន់ នៅចុងភាគខាងត្បូងរបស់កោះស្វ័យគ្រប់គ្រងនេះ៕

កូរ៉េខាងជើង ការពារការបង្កើនវិធានការយោធារបស់ខ្លួន នៅវេទិកាអន្តរជាតិ

2024/01/22 11:12:10 am        146
Facebook Telegram Linkin
ប្រព័ន្ធផ្សព្វផ្សាយរដ្ឋ បានរាយការណ៍នៅថ្ងៃចន្ទនេះថា ប្រទេសកូរ៉េខាងជើង បានការពារវិធានការរបស់ខ្លួនក្នុងការពង្រឹងសមត្ថភាពយោធា ដែលជាការអនុវត្តត្រឹមត្រូវនៃសិទ្ធិអធិបតេយ្យប្រឆាំងនឹងការប្រឈមមុខដាក់គ្នាដោយយោធាដឹកនាំដោយទីក្រុងវ៉ាស៊ីនតោន នៅឯកិច្ចប្រជុំកំពូលនៃចលនាមិនចូលបក្សសម្ព័ន្ធ (NAM)ក្នុងប្រទេសអ៊ូហ្គង់ដា។ប្រទេសកូរ៉េខាងជើង បានអះអាងថា ថ្មីៗនេះ ខ្លួនបានធ្វើការសាកល្បងយានដ្រូនប្រហារនុយក្លេអ៊ែរក្រោមទឹក ដែលមានឈ្មោះថា Haeil-5-23 នៅសមុទ្រខាងកើត ដើម្បីឆ្លើយតបទៅនឹងសមយុទ្ធកងទ័ពជើងទឹកចុងក្រោយបង្អស់ ដែលមានការចូលរួមពីកូរ៉េខាងត្បូង សហរដ្ឋអាមេរិក និងជប៉ុន។ សមយុទ្ធនេះ បានកើតឡើង បន្ទាប់ពីកូរ៉េខាងជើង បានបាញ់សាកល្បងមីស៊ីលបាលិស្ទិកលឿនជាងសំឡេងប្រើថាមពឡឥន្ធនៈរឹង កាលពីថ្ងៃទី ១៤ ខែមករា។ប្រធានប្រតិភូកូរ៉េខាងជើង លោក Kim Son-kyong បាននិយាយថា ប្រទេសរបស់ខ្លួន បាននិងកំពុងពង្រឹងសមត្ថភាពការពារជាតិ ដើម្បីឆ្លើយតបទៅនឹង «ចលនាយោធាដ៏គ្រោះថ្នាក់» របស់សហរដ្ឋអាមេរិក និងសម្ព័ន្ធមិត្ត ហើយចំណាត់ការនេះ គឺជាការអនុវត្តត្រឹមត្រូវនៃសិទ្ធិអធិបតេយ្យភាពរបស់ប្រទេស។លោក Kim Son-kyong បានអះអាងនៅក្នុងកិច្ចប្រជុំកំពូល NAM ដែលធ្វើឡើង នៅចន្លោះថ្ងៃសុក្រ និងថ្ងៃសៅរ៍ នៅទីក្រុងKampalaថា៖«បាតុភូតដែលសិទ្ធិរបស់ប្រទេសអធិបតេយ្យភាព ក្នុងឯករាជ្យភាព ជីវិត និងការអភិវឌ្ឍ កំពុងត្រូវបានគំរាមកំហែងយ៉ាងធ្ងន់ធ្ងរ គឺផ្តោតទៅលើឧបទ្វីបកូរ៉េ»។ អនុរដ្ឋមន្ត្រីការបរទេសកូរ៉េខាងជើងទទួលបន្ទុកអង្គការអន្តរជាតិ បាននិយាយថា ការតស៊ូរបស់កូរ៉េខាងជើង ដើម្បីការពារសិទ្ធិអធិបតេយ្យភាពរបស់ខ្លួន ត្រូវនឹងមនោគមន៍វិជ្ជារបស់ NAM ដែលបដិសេធរាលទម្រង់នៃការរំលោភលើសិទ្ធិអធិបតេយ្យភាពរបស់ប្រទេសមួយ និងការជ្រៀតជ្រែកក្នុងកិច្ចការផ្ទៃក្នុង នេះបើយោងតាមសារព័ត៌មានKCNA។

លោក Ron DeSantis ដែលជាការគំរាមកំហែងដ៏ធំបំផុតរបស់លោក Trump ដកខ្លួនពីការដណ្ដើមកៅអីសេតវិមាននៅឆ្នាំ២០២៤

2024/01/22 10:46:16 am        156
Facebook Telegram Linkin
គូប្រជែងដណ្ដើមតំណែងប្រធានាធិបតីអាមេរិកលោក Ron DeSantis ដែលធ្លាប់ត្រូវបានគេមើលឃើញថាជាបុគ្គលដ៏សក្ដិសមបំផុតរបស់គណបក្សសាធារណរដ្ឋក្នុងកាប្រកួតប្រជែងជាមួយលោក Donald Trump បានទម្លាក់ចោលការប្រណាំងប្រជែងបឋមកាលពីថ្ងៃអាទិត្យ ទី២១ មករា ជាការដកខ្លួនដំបូងដែលបង្ហាញសក្ដានុពលកាន់តែខ្លាំង សម្រាប់អតីតប្រធានាធិបតរូបនេះ នៅក្នុងគណបក្សនេះ។ លោក DeSantis វ័យ៤៥ ឆ្នាំបានគាំទ្រ លោក Trump នៅក្នុងវីដេអូដែលបានបង្ហោះនៅលើប្រព័ន្ធផ្សព្វផ្សាយសង្គម X ។ លោក DeSantis ត្រូវគេមើលឃើញយ៉ាងទូលំទូលាយថាជាអ្នកប្រកួតប្រជែងដ៏សំខាន់បំផុតសម្រាប់ការតែងតាំងក្នុងគណបក្សសាធារណរដ្ឋឆ្នាំ២០២៤នេះ និងជាអ្នកស្នងតំណែងបន្តពីលោក Trump ដោយសារតែរបៀបប្រយុទ្ធ និងទស្សនៈអភិរក្សយ៉ាងជ្រាលជ្រៅរបស់លោក។កាលពីដើមឆ្នាំ២០២៣ លោកបាននាំមុខក្នុងការស្ទង់មតិទល់នឹងលោក Trump ។ ប៉ុន្តែការគាំទ្ររបស់អភិបាលរដ្ឋផ្លរីដារូបនេះ បាននឹងកំពុងធ្លាក់ចុះអស់រយៈពេលជាច្រើនខែ ដោយសារយុទ្ធសាស្ត្រយុទ្ធនាការមានកំហុស ដែលទំនងជាខ្វះភាពងាយស្រួលជាមួយអ្នកបោះឆ្នោតនៅលើផ្លូវនៃយុទ្ធនាការ ហើយរហូតមកដល់ពេលនេះ ជំហរមិនអាចរង្គោះរង្គើរបស់លោក Trump បានយកឈ្នះការគាំទ្រភាគច្រើនរបស់គណបក្សនេះ។ ការបញ្ចប់ការប្រកួតប្រជែងរបស់លោក DeSantis មានន័យថា អតីតឯកអគ្គរដ្ឋទូតសហរដ្ឋអាមេរិកប្រចាំអង្គការសហប្រជាជាតិ លោកស្រី Nikki Haley ឥឡូវនេះគឺជាសមាជិកគណបក្សសាធារណរដ្ឋចុងក្រោយក្នុងការប្រជែងជាមួយលោក Trump ។ អ្នកឈ្នះការប្រកួតជ្រើសរើសបេក្ខជនមកពីគណបក្សសាធារណរដ្ឋ នឹងត្រូវជួបលោកប្រធានាធិបតី Joe Biden ដែលជាបេក្ខភាពគណបក្សប្រជាធិបតេយ្យនៅក្នុងការបោះឆ្នោតសកលនៅក្នុងខែវិច្ឆិកាឆ្នាំ២០២៤នេះ៕

លោកប្រធានាធិបតីស៊ីស៊ី៖ អេហ្ស៊ីបនឹងមិនអនុញ្ញាតឲ្យមានការគំរាមកំហែងដល់សូម៉ាលី ឬសន្តិសុខរបស់ខ្លួនឡើយ

2024/01/22 10:43:26 am        182
Facebook Telegram Linkin
លោកប្រធានាធិបតី អាប់ឌែល ហ្វាតា អាល់ស៊ីស៊ី (Abdel Fattah al-Sisi) បាននិយាយកាលពីថ្ងៃអាទិត្យថា ប្រទេសអេហ្ស៊ីប នឹងមិនអនុញ្ញាតឲ្យមានការគំរាមកំហែងណាមួយទៅលើប្រទេសសូម៉ាលីឡើយ បន្ទាប់ពីប្រទេសអេត្យូពីបាននិយាយថា ខ្លួននឹងពិចារណាលើការទទួលស្គាល់ការទាមទារឯករាជ្យដោយប្រទេសសូម៉ាឡែន នៅក្នុងកិច្ចព្រមព្រៀងដែលនឹងផ្តល់ឲ្យខ្លួននូវលទ្ធភាពចូលទៅកំពង់ផែសមុទ្រ។ការអធិប្បាយនេះ គឺខ្លាំងបំផុតដែលត្រូវបានធ្វើឡើងលើបញ្ហាដោយអេហ្ស៊ីប ដែលមានទំនាក់ទំនងដ៏រង្គោះរង្គើ ជាមួយប្រទេសអេត្យូពី ហើយជាសញ្ញាមួយដែលទីក្រុងគែរ អាចចូលរួមក្នុងជម្លោះ ដែលបានបង្កើនភាពតានតឹងថ្មីនៅញកអាហ្វ្រិក(Horn of Africa)នេះ។សូម៉ាលីឡែន បានប្រកាសឯករាជ្យពីប្រទេសសូម៉ាលីក្នុងឆ្នាំ១៩៩១ ប៉ុន្តែមិនបានទទួលស្គាល់ពីប្រទេសណាមួយឡើយ។ កិច្ចព្រមព្រៀង ជួលកំពង់ផែ ដែលត្រូវបានព្រមព្រៀងកាលពីដើមខែនេះ ប៉ុន្តែមិនទាន់ត្រូវបានបញ្ចប់នៅឡើយ នឹងក្លាយជាអត្ថប្រយោជន៍មួយសម្រាប់ប្រទេសអេត្យូពីដែលមិនមានផ្លូវគោក ហើយបានធ្វើឲ្យប្រទេសសូម៉ាលី ខឹងសម្បា។លោកស៊ីស៊ី បាននិយាយនៅក្នុងសន្និសីទសារព័ត៌មានជាមួយលោក ហាសាន សៀកម៉ូហាមុដ (Hassan Sheikh Mohamud)ដែលកំពុងបំពេញទស្សនកិច្ចថា៖«ប្រទេសអេហ្ស៊ីប នឹងមិនអនុញ្ញាតឲ្យនរណាម្នាក់គំរាមកំហែងសូម៉ាលី ឬប៉ះពាល់ដល់សន្តិសុខរបស់ខ្លួនឡើយ» ។លោកបានបន្ថែមថា៖«កុំសាកល្បងជាមួយអេហ្ស៊ីប ឬព្យាយាមគំរាមកំហែងបងប្អូនរបស់ខ្លួន ជាពិសេសប្រសិនបើពួកគេសុំឲ្យប្រទេសនេះ ធ្វើអន្តរាគមន៍»។នៅក្នុងអនុស្សរណៈនៃការយោគយល់គ្នា កាលពីថ្ងៃទី១ ខែមករា ប្រទេសអេត្យូពី បាននិយាយថា ខ្លួននឹងពិចារណាលើការទទួលស្គាល់ឯករាជ្យភាពរបស់ប្រទេសសូម៉ាឡែន ជាថ្នូរនឹងការចូលទៅកាន់កំពង់ផែនេះ។ ប្រទេសនេះ នឹងជួល ឆ្នេរសមុទ្រប្រវែង២០គីឡូម៉ែត្រ ((១២ ម៉ាយ)ជុំវិញកំពង់ផែ Berbera នៅលើឈូងសមុទ្រ Aden សម្រាប់៥០ឆ្នាំសម្រាប់គោលបំណងយោធា និងពាណិជ្ជកម្ម។

លោកបៃដិន រៀបចំផែនការសម្រាប់សកម្មភាពយោធាប្រកបនិរន្តរភាពប្រឆាំងនឹងក្រុមហ៊ួទី

2024/01/22 10:00:38 am        79
Facebook Telegram Linkin
រដ្ឋបាលលោកបៃដិន ត្រូវបានគេរាយការណ៍ថា កំពុងរៀបចំផែនការសម្រាប់សកម្មភាពយោធាប្រកបដោយ«និរន្តរភាព»ក្នុងប្រទេសយេម៉ែនប្រឆាំងនឹងក្រុមហ៊ួទី បន្ទាប់ពីការវាយប្រហាររបស់សហរដ្ឋអាមេរិក បរាជ័យក្នុងការបញ្ឈប់ការវាយប្រហាររបស់ក្រុមឧទ្ទាមលើនាវា។យោធាអាមេរិក បាននិយាយថា យន្តហោះចម្បាំងរបស់អាមេរិក បានវាយប្រហារម្ដងហើយម្ដងទៀតទៅលើទីតាំងរបស់ក្រុមហ៊ួទីនៅក្នុងប្រទេសយេម៉ែន ក្នុងរយៈពេល១០ថ្ងៃកន្លងទៅនេះ ដោយចុងក្រោយបំផុតកាលពីថ្ងៃសៅរ៍ បានបញ្ចេញនូវមីស៊ីលប្រឆាំងនាវា ដែលត្រៀមនឹងបាញ់នោះ។ ទោះបីជាមានប្រតិបត្តិការកម្ទេចរ៉ាដា មីស៊ីល និងយានដ្រូនក៏ដោយ ក៏ក្រុមដែលគាំទ្រដោយអ៊ីរ៉ង់ ដែលមានបទពិសោធន៍ជិតមួយទស្សវត្សរ៍ លាក់អាវុធរបស់ខ្លួនពីការវាយប្រហារតាមអាកាស ដែលគាំទ្រដោយលោកខាងលិច អារ៉ាប៊ីសាអ៊ូឌីត បានប្តេជ្ញាថា នឹងបន្តប្រយុទ្ធ ដោយកំណត់ការវាយប្រហាររបស់ពួកគេជាសកម្មភាពនៃសាមគ្គីភាព ជាមួយប៉ាឡេស្ទីនក្រោមការវាយប្រហាររបស់អ៊ីស្រាអែល នៅហ្កាហ្សា។កាលពីថ្ងៃសៅរ៍ សារព័ត៌មាន Washington Post បានរាយការណ៍ថា រដ្ឋបាលលោកបៃដិន កំពុងរៀបចំផែនការសម្រាប់យុទ្ធនាការប្រកបដោយនិរន្តរភាពប្រឆាំងនឹងក្រុមហ៊ួទី។សារព័ត៌មាននេះ បាននិយាយថា សេតវិមាន បានកោះប្រជុំមន្ត្រីជាន់ខ្ពស់ កាលពីថ្ងៃពុធ ដើម្បីពិភាក្សាអំពីវិធីដែលវាអាចរីកចម្រើនក្នុងការឆ្លើយតបរបស់ខ្លួនចំពោះការវាយប្រហារនេះ។

សម្តេចធិបតី ហ៊ុន ម៉ាណែត ក្រើនរំលឹកដល់កងទ័ពឲ្យបង្កើនការប្រុងប្រយ័ត្នខ្ពស់ និងត្រៀមវិធានការ​ទប់ស្កាត់​មហិច្ឆតា​របស់ជនក្បត់ជាតិ

2024/01/22 09:54:35 am        415
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានក្រើនរំលឹក និងប្រាប់​ដល់កងទ័ព​នៃ​កងយោធពលខេមរភូមិន្ទទាំងអស់ គប្បីត្រូវមានការប្រុងប្រយ័ត្នខ្ពស់ និង​ត្រៀមរាល់​វិធានការ​ទប់ស្កាត់​មហិច្ឆតារបស់ ជនក្បត់ជាតិ និងបញ្ហាសកលដូចការបញ្ហាអំពើរភេរវកម្មជាដើម។តាមរយៈសារលិខិតជូនពរ ជូនចំពោះនាយទាហាន នាយទាហានរង និងពលទាហាន កងទ័ព​ជើង​គោក នៃកងយោធពលខេមរភូមិន្ទ នៅក្នុងឱកាស ខួបអនុស្សាវរីយ៍លើកទី២៥ ថ្ងៃ​បង្កើត​បញ្ជា​ការដ្ឋាន កងទ័ពជើងគោក(២៤មករា ១៩៩៩-២៤មករា ២០២៤) សម្តេចធិបតី ហ៊ុន ម៉ាណែត បានសង្កត់ធ្ងន់ថា «បើទោះជាបច្ចុប្បន្ន យើងកំពុងមានមោទនភាព​ ចំពោះស្នាដៃ និង​សមិទ្ធ​ផល​ជាច្រើន ដែលសម្រេចបានមកហើយ យ៉ាងណាក្តី ប៉ុន្តែយើង​ទាំង​អស់​គ្នា​សុទ្ធ​តែ​បាន​ជ្រួត​ជ្រាប​ថា ឆ្នាំ២០២៤នេះ បើទោះបីកម្ពុជាទទួលរងឥទ្ធិពលតិចតួច ឬ​ដោយ​ប្រយោល​ពី​ស្ថានការណ៍​អសន្តិសុខរបស់ពិភពលោកក៏ដោយ បញ្ហាអំពើរភេរវកម្ម និង​ឧក្រិដ្ឋ​កម្ម​ឆ្លង​ដែន​គ្រប់​ប្រភេទ នៅជាកម្មវត្ថុដ៏សំខាន់ប្រកបដោយគ្រោះថ្នាក់ គួបផ្សំ​នឹង​ការ​ផុយ​ស្រួយ​ដែល​បង្ក​ឡើង​ដោយ​ការ​វិវត្តប្រែប្រួលនៃសភាពការណ៍អន្តរជាតិ ការប្រកួតប្រជែកផ្នែកភូមិសាស្រ្ត នយោបាយ និង​សេដ្ឋកិច្ចរបស់មហាអំណាច ការប៉ុនប៉ងជ្រៀតជ្រែក ចូលកិច្ចការផ្ទៃក្នុង បញ្ហាបដិវត្តន៍ ពណ៌ ព្រម​ទាំងការគំរាមកំហែងលើឯករាជ្យ អធិបតេយ្យ និងបូរណភាពទឹកដី ព្រមទាំងមហិច្ឆតារបស់ ជន​ក្បត់ជាតិ និងអ្នកនយោបាយមួយក្តាប់តូច ដែលចាំបាច់​ទាមទារ​ឲ្យ​យើង​បង្កើន​ការ​ប្រុង​ប្រយ័ត្ន​ខ្ពស់ ​ត្រៀមវិធានការទប់ស្កាត់ប្រកបដោយភាពបត់បែន និងម្ចាស់ការ»។តាមរយៈសារលិខិតនេះដែរ សម្តេចធិបតី នាយករដ្ឋមន្រ្តី ក៏បានថ្លែង កោតសរសើរ ដល់កងទ័ព ទាំង​អស់ ជាពិសេសកងទ័ពជើងគោក នៃកងយោធពលខេមរភូមិន្ទ ដែលបាន​ធ្វើ​ពលិកម្ម​យ៉ាង​ធំ​ធេង ​ដើម្បីជាតិមាតុភូមិ និងភាពសុខសាន្តរបស់ប្រជាជន ក្នុង​ខណៈ​ពេល​ដែល​ប្រទេស​មួយ​ចំនួន​ក្នុង​ពិភពលោក​កំពុងប្រឈម និងរងគ្រោះដោយសារសង្រ្គាម អំពើភេរវកម្ម និងព្រឹត្តិការណ៍​អន្តិសុខ​ផ្សេង​ៗ​ទៀតជាដើម។សម្តេចបានបន្ថែមទៀតថា គ្រប់ស្នាដៃ និងសមិទ្ធផលជាច្រើនដែលកងទ័ពជើងគោក សម្រេច បាន​នា​ពេលកន្លង​មកនេះ គឺពិតជាមិនអាចធ្វើបាននោះទេ ប្រសិនជាមិនមាន​ការ​ចូលរួម​ចំណែក​ពី​ថ្នាក់ដឹកនាំគ្រប់លំដាប់ថ្នាក់ យោធិនគ្រប់រូប ក្នុងការបំពេញភារកិច្ច ប្រកប​ដោយ​ភាព​អង់​អាច​ក្លាហាន ​មោះមុត វិន័យម៉ឺងម៉ាត់ និងការប្តេជ្ញាទទួលខុសត្រូវនៅគ្រប់កាលៈទេសៈ និងគ្រប់​ស្ថាន​ភាព​នោះ​៕ អត្ថបទ៖ បាន ចក់

សម្តេចធិបតី៖ រាជរដ្ឋាភិបាលនៅតែបន្តយកចិត្តទុកដាក់ខ្ពស់​ចំពោះជីវភាពដល់កងទ័ព​ស្របតាមស្ថានភាព នៃសេដ្ឋកិច្ចជាតិ

2024/01/22 09:36:16 am        285
Facebook Telegram Linkin
សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងអះអាងថា រាជ​រដ្ឋាភិបាល​នៅតែបន្តយកចិត្តទុកដាក់ខ្ពស់ ចំពោះជីវភាពរបស់កងទ័ពគ្រប់រូប ស្របតាម​ស្ថានភាព​នៃ​សេដ្ឋកិច្ច​ជាតិ និងថ្លែងអំណរគុណចំពោះកងយោធពលខេរភូមិន្ទ ដែលជានិច្ចកាល​បាន​ប្រកៀក​ស្មា​គ្នា​យ៉ាង​រឹងមាំ សាមគ្គីភាព និងសហការគ្នាបានយ៉ាងល្អ​ ក្នុងកិច្ចការពារនូវបូរណភាពទឹក អធិបតេយ្យភាព និងសន្តិសុខជូនជាតិ និង ប្រជាជនទាំងមូលនោះ។តាមរយៈសារលិខិតជូនពរ ជូនចំពោះនាយទាហាន នាយទាហានរង និងពលទាហាន កង​ទ័ព​ជើង​គោក នៃកងយោធពលខេមរភូមិន្ទ នៅក្នុងឱកាស ខួបអនុស្សាវរីយ៍លើកទី២៥ ថ្ងៃ​បង្កើត​បញ្ជា​ការដ្ឋាន កងទ័ពជើងគោក(២៤មករា ១៩៩៩-២៤មករា ២០២៤) សម្តេចធិបតី ហ៊ុន ម៉ាណែត បានបញ្ជាក់ថា «រាជរដ្ឋាភិបាលសូមថ្លែងនូវការគាំទ្រ និងនៅតែបន្តយកចិត្តទុកដាក់ខ្ពស់ លើការងារដោះស្រាយ ជីវភាព ថវិការបបឧបត្ថម្ភផ្សេងៗ និងការបំពាក់សម្ភារៈ​ស្រប​តាម​ស្ថានភាព​នៃ​សេដ្ឋកិច្ចជាតិ ព្រមទាំងការ ផ្តល់នូវកិត្តិយស និងការគោរពដោយ​សេចក្តីថ្លៃថ្នូរ​ចំពោះ​កង​យោពលខេមរភូមិន្ទ ក្នុងនៃការតបស្នងដល់គំ រូវីរភាព និងគុណូបការៈ​ដ៏​ឧត្តុង្គ​ឧត្តម​របស់​កង​យោធ​ពលខេមរភូមិន្ទនៃយើង»។តាមរយៈសារលិខិតជូនពរនេះដែរ សម្តេចធិបតីនាយករដ្ឋមន្រ្តី បានផ្ញើនូវសេចក្តីនឹករលឹក និង សេចក្តីស្រឡាញ់រាប់អានយ៉ាងជ្រាលជ្រៅបំផុតជូនចំពោះនាយទាហាន នាយទាហានរង និង​ពលទាហាន ទាំងអស់នៃកងទ័ពជើងគោក ហើយជាមួយគ្នានោះសម្តេចក៏បានថ្លែងកោតសរសើរ និង​លើកទឹកចិត្តដោយស្មោះចំពោះយោធិនទាំងអស់ ដែលជានិច្ចកាល​តែងតែ​បាន​ខិត​ខំ​ព្យាយាម​ជម្នះ​ឧបសគ្គតូចធំ ប្រ កៀកស្មាគ្នាយ៉ាងរឹងមាំ សាមគ្គីភាព ឯកភាពផ្ទៃក្នុង និងសហការបានល្អ ជា​មួយបណ្តាគ្រប់កងឯកភាពទូ ទាំងកងយោធពលខេមរភូមិន្ទ ក្នុងកិច្ចការពារបូរណភាពទឹកដី ហើយ​ក៏​បានសហការគ្នាយ៉ាងល្អប្រសើរ ជាមួយនិងអាជ្ញាធរមូលដ្ឋាន ព្រមទាំង​សមត្ថកិច្ច​ពាក់ព័ន្ធ​ទាំងអស់ ក្នុងបុព្វហេតុការពារសន្តិភាព អធិបតេយ្យភាព បូរណភាពទឹកដី និង​រួម​ចំណែក​ដល់​ដំណើរ​ការ​អភិវឌ្ឍជាតិនាពេលកន្លងមក ដែលពលិ កម្មយ៉ាងធំធេង ដើម្បីជាតិមាតុភូមិ និ​ង​ភាព​សុខសាន្ត​របស់ប្រជាជន ក្នុងខណៈពេលដែលប្រទេសមួយចំ នួនក្នុងពិភពលោក កំពុងប្រឈម និង​រងគ្រោះដោយសារសង្រ្គាម អំពើរភេរវកម្ម និងព្រឹត្តិការណ៍អសន្តិសុខ​ផ្សេងៗ​ទៀត​ជា​ដើម​នោះ​។​នៅក្នុងសារលិខិតនេះដែរ សម្តេចធិបតី ហ៊ុន ម៉ាណែត នាយករដ្ឋមន្រ្តី ក៏បានគូសបញ្ជាក់គោល ដៅដ៏​សំខាន់ចំនួន២ នៃគោលនយោបាយការពារជាតិរបស់រាជរដ្ឋាភិបាល គឺការធ្វើ​ឲ្យ​ប្រទេស​ជាតិ​មាន សុខសន្តិភាព ស្ថេរភាពយូរអង្វែង និងការកសាង​ឱកាស​សម្រាប់​ការ​អភិវឌ្ឍ​ជាតិ​ប្រកប​ដោយ​ចេរភាព​។ សុខសន្តិភាពស្ថិរភាពនយោបាយនិងភាពរីកលូតលាស់ផ្នែកសេដ្ឋកិច្ច ដែល​កម្ពុជា​កំពុង​មាន​ពេល​បច្ចុប្បន្ននេះ ជាពិសេស គឺយុទ្ធសាស្រ្តបច្ចកោណ-ដំណាក់កាលទី១ ដែល​រាជ​រដ្ឋាភិបាល អាណត្តិទី៧ បានដាក់ ចេញនេះក៏កំពុងតែផ្តល់ឱកាសមួយសម្រាប់ការកសាង និង​អភិវឌ្ឍ​សមត្ថភាពកងយោធពលខេមរភូមិន្ទ ផងដែរ។ក្នុងន័យនេះសម្តេចធិបតី ហ៊ុន ម៉ាណែត បានលើកឡើងទៀតថា ចំពោះកងទ័ពជើងគោក នៃកង យោធពលខេមរភូមិន្ទ ក៏ដូចជា​គ្រប់​បណ្តា​កង​ឯកភាព​ទូទាំង​កង​យោធ​ពល​ខេមរភូមិន្ទ​ត្រូវ​តែ​បន្ត​ជំរុ​ញ​យកចិត្តទុកដាក់លើការងារកែទម្រង់របស់ខ្លួន ដើម្បីឆ្លើយតបឲ្យមានប្រសិទ្ធភាព និង​ធ្វើ​យ៉ាង​ណា​កសាង ពង្រឹងអង្គភាពឲ្យបានរឹងមាំលើគ្រប់វិស័យ ដែលជា​មូលដ្ឋាន​ដ៏​ចាំ​បាច់​ធានា​ឲ្យ​ការ​ដឹកនាំ​បញ្ជាការកសាងកម្លាំង និងការពង្រឹងប្រៀបការពារជាតិរឹងមាំនោះ៕ អត្ថទប៖ បាន ចក់ 

រដ្ឋមន្ត្រីក្រសួងវប្បធ៌ម នឹងធ្វើជាអ្នកអានអត្ថបទដោយផ្ទាល់ក្នុងកម្មវិធីប្រកួតសំណេរអង្គរ

2024/01/20 06:35:02 pm        481
Facebook Telegram Linkin
លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ នឹង​ធ្វើ​ជា​អ្នក​អាន​អត្ថបទ​ដោយផ្ទាល់ក្នុងកម្មវិធី ប្រកួតសរសេរតាមអាន ឬ សំណេរអង្គរ ដែលនឹង​ត្រូវ​រៀបចំ​ឡើង​នៅ​ព្រឹកថ្ងៃទី២១ ខែមករា ឆ្នាំ២០២៤ នៅទីតាំង ស្ពានហាល ខាងមុខប្រាសាទអង្គរវត្ត។ នៅរសៀលថ្ងៃទី​២០ ខែមករា ឆ្នាំ២០១៤នេះ លោកជំទាវ បណ្ឌិតសភាចារ្យ ភឿង សកុណា និង​ក្រុម​ការងារ​រៀបចំ​កម្មវិធីសំណេរអង្គរ បានចុះពិនិត្យទីតាំង និង រៀបចំកៅអីត្រៀម​សម្រាប់​បេក្ខជន និងបេក្ខសមណៈសិស្ស ចំនួន ៨១៥អង្គ នាក់ ដែលនឹងត្រូវចូលរួមប្រកួតនៅព្រឹកស្អែក។ សូមបញ្ជា់ថា កម្មវិធី «សំណេរអង្គរ» គឺជា​ព្រឹត្តិការណ៍​ដ៏​មាន​សារៈ​សំខាន់​ក្នុង​ការ​លើក​កម្ពស់​អក្សរ​សាស្ត្រ​ខ្មែរ ពិសេសគឺជួយឱ្យប្រជាពលរដ្ឋ មហាជនទូទៅកែប្រែទម្លាប់ ក្នុងការសរសេរ និង អាន​ពាក្យ​ខ្មែរ​ឱ្យ​ត្រឹមត្រូវឡើងវិញ ខណៈមហាជនទូទៅ ក្រសួង ស្ថាប័ន ផ្នែកឯកជន​មាន​ការ​គាំទ្រ​យ៉ាង​ក្លៀវក្លា​ចំពោះកម្មវិធីដ៏មានសារសំខាន់នេះ។ យើងអាចហៅកម្មវិធីសំណេរអង្គរនេះថា ជាការប្រកួតសរសេរតាមអានអក្សរខ្មែរក៏បាន ព្រោះ​ជា​ការ​ចូលរួម​ប្រកួត​សរសេរអត្ថបទជាភាសាខ្មែរ ដែលបើកឱ្យមាន​ការ​ចូលរួម​ប្រកួត​ពី​សំណាក់​ប្រជាពលរដ្ឋ​គ្រប់​ស្រទាប់ មិនប្រកាន់អាយុ ភេទ ជាតិ សាសន៍ តួនាទី ដើម្បីជ្រើស​រើស​ជ័យ​លាភី​ដែល​សរសេរ​ពាក្យខ្មែរបានត្រឹមត្រូវជាងគេ។ កន្លងមក លោក លីម ប៊ុនហុក ដែលជាអ្នកផ្តួចផ្តើមកម្មវិធីនេះធ្លាប់បានបញ្ជាក់ប្រាប់BTVថា កម្មវិធីសំណេរអង្គរលើកទី១ ឬការប្រកួតសរសេរតាមអានអក្សរសាស្ត្រខ្មែរនេះ នឹងជួយ​លើក​ស្ទួយ​ភាសា​ខ្មែរ​ដែលជាអត្តសញ្ញាណជាតិមួយរបស់កម្ពុជា ព្រមទាំងលើក​ស្ទួយ​លើក​វិស័យ​ទេសចរណ៍​ក្នុង​ស្រុក ដោយហេតុថាការរៀបចំកម្មវិធីសំណេរអង្គរនេះ គឺធ្វើឡើង​នៅ​មុខ​ប្រាសាទ​អង្គរ​វត្ត (ខាងលិច) ខណៈតំបន់​អង្គរ​ជា​គោល​ដៅ​ទេសចរណ៍​ដ៏​សំខាន់​បំផុត​មួយ​របស់​ប្រទេស​កម្ពុជា​។ លោកលីម ប៊ុនហុក ចង់ឃើញអក្សរសាស្ត្រខ្មែរ​មាន​ភាព​ល្អប្រ​សើរ​ពី​ជំនាន់​មួយ​ទៅ​ជំនាន់​មួយ ពិសេសលើបញ្ហាអក្ខរាវិរុទ្ធ៕ អត្ថបទ៖ ​សូដាវណ្ណ

បណ្ដាញសង្គម

ព័ត៌មានថ្មីៗ

មេដឹកនាំពិភពលោកថ្កោលទោសការវាយប្រហាររបស់អ៊ីស្រាអែល លើមេដឹកនាំក្រុមហាម៉ាសនៅទីក្រុង Doha ប្រទេសកាតា
09/10/2025 09:09 AM
Facebook Telegram Linkin
ប្រតិភូក្រុមសភាជាតិកម្ពុជា នៃអ្នកនយោបាយសភាស្រ្តី អញ្ជើញចុះសួរសុខទុក្ខវីរកងទ័ព ដែល​កំពុង​សម្រាក​ព្យាបាល នៅមន្ទីរពេទ្យបង្អែកខេត្តសៀមរាប
09/10/2025 09:09 AM
Facebook Telegram Linkin
កាកបាទក្រហមអន្តរជាតិ៖ កងទ័ពកម្ពុជា១៨នាក់ ដែលថៃចាប់ទៅ គឺមានសុវត្ថិភាព និងមានសុខភាពល្អទាំងអស់គ្នា
09/10/2025 09:09 AM
Facebook Telegram Linkin
ការបញ្ជាជម្លៀសពីសំណាក់យោធាអ៊ីស្រាអែល បង្កឱ្យមានការភ័យស្លន់ស្លោ និងចលាចលនៅក្រុងហ្កាហ្សា
09/10/2025 09:09 AM
Facebook Telegram Linkin
គណៈកម្មការទី១ នៃរដ្ឋសភា នាំយកអំណោយជូនប្រជាពលរដ្ឋ នៅភូមិជោគជ័យ និងភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ
09/10/2025 09:09 AM
Facebook Telegram Linkin
ការតវ៉ាដោយហិង្សា នៅតែបន្តក្នុងប្រទេសនេប៉ាល់ ទោះបីជានាយករដ្ឋមន្ត្រីលាលែងពីតំណែងក៏ដោយ
09/10/2025 09:09 AM
Facebook Telegram Linkin
ក្រុមហាម៉ាសអះអាងថាមេដឹកនាំរបស់ខ្លួនរួចជីវិតពីការវាយប្រហាររបស់អ៊ីស្រាអែលនៅកាតា ខណៈអាមេរិកនិយាយថានេះជាការព្រមានតិចតួច
09/10/2025 08:09 AM
Facebook Telegram Linkin
ក្រុមហ៊ុន Apple របស់អាមេរិក បើកបង្ហាញទូរសព្ទ iPhone ថ្មី និងរក្សាតម្លៃឱ្យនៅដដែល
09/10/2025 08:09 AM
Facebook Telegram Linkin
លោក Macron បានតែងតាំងលោក Sebastien Lecornu ជានាយករដ្ឋមន្រ្តីបារាំងថ្មី
09/10/2025 08:09 AM
Facebook Telegram Linkin
សិប្បកម្មមួយនៅកំពង់ធំ គ្រោងពង្រីកការកែច្នៃផលនេសាទពីត្រឹម៤តោនក្នុង១ឆ្នាំ ទៅ៣០តោន ស្រប​នឹងសម្ទុះគាំទ្រសព្វថ្ងៃ
09/10/2025 08:09 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.