នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ

នយោបាយ​ និង ការអភិវឌ្ឍន៍

ឯកឧត្តម ស៊ុន ចាន់ថុល អញ្ជើញពិនិត្យវឌ្ឍនភាព នៃការអភិវឌ្ឍតំបន់សេដ្ឋកិច្ច ពិសេសនៅខេត្តព្រះសីហនុ

2023/09/11 12:12:11 pm        254
Facebook Telegram Linkin
ព្រះសីហនុ៖ នាព្រឹកថ្ងៃទី១១ ខែកញ្ញា ឆ្នាំ២០២៣នេះឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា រួមដំណើរជាមួយ ឯកឧត្តម ជា វុទ្ធី អគ្គលេខាធិការ​គណៈកម្មាធិការវិនិយោគកម្ពុជា ​ប្រតិភូអមដំណើរ និងឯកឧត្តមអភិបាលនៃគណៈអភិបាល​ខេត្តព្រះសីហនុ ព្រមទាំងតំណាងអាជ្ញាធរដែនដី បានអញ្ជើញបំពេញទស្សនកិច្ចពិនិត្យវឌ្ឍនភាព​នៃការអភិវឌ្ឍតំបន់សេដ្ឋកិច្ចពិសេសនៅខេត្តព្រះសីហនុ ។ជាមួយគ្នានោះឯកឧត្តមឧបនាយករដ្ឋមន្ត្រី និងប្រតិភូអមដំណើរក៏បានពិនិត្យមើលសកម្មភាព​ផលិតកម្ម​របស់​ក្រុមហ៊ុនមួយចំនួននៅក្នុងតំបន់សេដ្ឋកិច្ចពិសេសផងដែរ។មន្ត្រីបានឱ្យដឹងថា តំបន់សេដ្ឋកិច្ចពិសេសកំពង់ផែក្រុងព្រះសីហនុ ចាប់ផ្តើមដំណើរការពីថ្ងៃទី០២ ខែកញ្ញា ឆ្នាំ២០០៩ ​មានទីតាំងស្ថិតក្នុងភូមិ៣ សង្កាត់លេខ៣ ក្រុងព្រះសីហនុ ​ខេត្តព្រះសីហនុ លើផ្ទៃដីទំហំ ៦៧៤.៩៣៧ ម៉ែត្រក្រឡា។ តំបន់សេដ្ឋកិច្ចពិសេសកំពង់ផែក្រុងព្រះសីហនុ មាន​គម្រោងវិនិយោគចំនួន ០៥គម្រោង ដែលវិនិយោគដូចជា ផលិតគ្រឿងសម្ភារៈថែរក្សាសម្ភស្ស កេសកាតុង ព្យ៉ាណូកែច្នៃ ឧបករណ៍សត្វចិញ្ចឹម គម្របប្លាស្ទិក និងដែកថែបគ្រប់ប្រភេទ។ តំបន់សេដ្ឋកិច្ចពិសេសកំពង់ផែក្រុងព្រះសីហនុ បានផ្តល់ការងារជូនដល់កម្មករនិយោជិត​ប្រមាណជាង ២០០ នាក់។មន្ត្រីបន្ថែមថា សម្រាប់តំបន់សេដ្ឋកិច្ចពិសេសក្រុងព្រះសីហនុ ​គឺចាប់ផ្តើមដំណើរការពីថ្ងៃទី១៧ ខែមីនា ឆ្នាំ២០០៨​ មានទីតាំងស្ថិតក្នុងភូមិពូធឿង ឃុំបិតត្រាង ​និងភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ លើផ្ទៃដីទំហំ ១.១១៣ ហិកតា។បច្ចុប្បន្ននៅក្នុងតំបន់សេដ្ឋកិច្ចពិសេសក្រុងព្រះសីហនុ ​មានគម្រោងវិនិយោគចំនួន ​២៣១គម្រោង ដែល​វិនិយោគមដូចជា ផលិតសម្ភារៈអេឡិចត្រូនិក ខ្សែបង្គុំអគ្គិសនី គ្រឿង​បន្លាស់រថយន្ត ស៊ុមទូរទស្សន៍ បន្ទះសូឡា គ្រឿងចក្រលើកដាក់ទំនិញ ​ដែកទីប បរិក្ខារពេទ្យ ​ក្តារប៉ាកេ ក្តារបន្ទះ គ្រឿង​សង្ហារឹម​ សម្ភារៈបរិក្ខារសម្រាប់កីឡាប្រណាំងសេះ ចំណីសត្វ ​សម្ភារៈការិយាល័យ វត្ថុអនុស្សាវរីយ៍ ​សម្ភារៈការពាររាងកាយ សម្ភារៈបរិក្ខារកីឡា ​សម្ភារៈប្រើប្រាស់ក្នុងផ្ទះ ស្រោមពូក សម្ភារៈការពារអគ្គីភ័យ ​សំលៀកបំពាក់ ស្បែកជើង កាបូបនិងវ៉ាលី និងសំបកវេចខ្ចប់ សំបកកង់រថយន្ត កាវ និងទឹកថ្នាំ។ តំបន់សេដ្ឋកិច្ចពិសេសក្រុងព្រះសីហនុ បានផ្តល់​ការងារជូនដល់កម្មករនិយោជិតប្រមាណជា​ ២៥.៦០០ នាក់។នៅក្នុងដំណើរបំពេញទស្សនកិច្ចនេះ ឯកឧត្តមឧបនាយករដ្ឋមន្ត្រី ស៊ុន ចាន់ថុល បានថ្លៃងអំណរ​គុណដល់ថ្នាក់ដឹកនាំអ្នកអភិវឌ្ឍន៍តំបន់សេដ្ឋកិច្ចពិសេស ​និងក្រុមហ៊ុន ដែលបានមកបណ្តាក់ទុន​វិនិយោគនៅព្រះរាជាណាចក្រកម្ពុជាកន្លងមក ​ទោះស្ថិតក្នុងកាលៈទេសៈដ៏លំបាក​នៃការរីករាល​ដាលនៃជំងឺកូវីដ១៩ក្តី ក៏ក្រុមហ៊ុននៅតែបន្តចង្វាក់ផលិតកម្មរបស់ខ្លួនរហូតមកដល់បច្ចុប្បន្ន ដែល​នេះជាការបង្ហាញពីជំនឿទុកចិត្តរបស់ក្រុមហ៊ុនមកលើរាជរដ្ឋាភិបាល ក្នុងការថែរក្សាសុខសន្តិភាព ស្ថិរភាពនយោបាយ និងម៉ាក្រូសេដ្ឋកិច្ច។ ឯកឧត្តមឧបនាយករដ្ឋមន្ត្រី ​ក៏បានបន្ថែមទៀតថា ក្រុមហ៊ុនទាំងអស់ដែលមកបណ្តាក់ទុន​នៅក្នុង​ព្រះរាជាណាចក្រកម្ពុជា គឺជាការចូលរួមចំណែកដ៏សំខាន់ដល់ការធ្វើពិពិធកម្មសេដ្ឋកិច្ចកម្ពុជា។ ឯកឧត្តម ឧបនាយករដ្ឋមន្ត្រី បានវាយតម្លៃខ្ពស់ចំពោះថ្នាក់ដឹកនាំ​អ្នក​អភិវឌ្ឍន៍តំបន់ ក៏ដូចជា​ថ្នាក់ដឹកនាំក្រុមហ៊ុនទាំងអស់ ​ដែលបានខិតខំ​ប្រឹងប្រែង​កន្លងមក និងទទួលបានលទ្ធផល​ផ្លែផ្កាគួរជាទីមោទនៈ៕អត្ថបទ ៖ ប្រាក់ វ៉ាន់ដា 

អាជ្ញាធរខណ្ឌទួលគោក បន្តចុះរៀបចំសណ្ដាប់ធ្នាប់ តាមបណ្ដោយផ្លូវលេខ២៣០ ជាប់របងម៉ុងឌីយ៉ាល់

2023/09/11 11:59:04 am        398
Facebook Telegram Linkin
ភ្នំពេញ៖ កម្លាំងគណៈបញ្ជាការឯកភាពខណ្ឌលគោក បានបន្តចុះរៀបចំសណ្ដាប់ធ្នាប់ និងចងខ្សែ​មិនអនុញ្ញាតឲ្យអាជីវករលក់ដូរ តាមបណ្ដោយផ្លូវលេខ២៣០ ដែលកន្លងមក​អាជីវករលក់ដូរ​បន្លែផ្លែឈើ ​បានតាំងលក់លើផ្លូវ ​បង្កឲ្យមានការកកស្ទះចរាចរណ៍ និងទុកដាក់សំរាមមិនបាន ត្រឹមត្រូវ​ហូរចូលមាត់លូ បង្កមានការកក់ស្ទះ និងជនលេចពេលមានភ្លៀងម្ដងៗ។ប្រតិបត្តិការនេះបានធ្វើឡើងនៅព្រឹកថ្ងៃទី ១១ ខែកញ្ញាឆ្នាំ ២០២៣ ដោយមានការ​ណែនាំ​ពី​ឯកឧត្តម ឃួង ស្រេង អភិបាលរាជធានីភ្នំពេញ និងមានការចង្អុលបង្ហាញដោយលោក ជា ពិសី អភិបាលខណ្ឌទួលគោក ចាត់ឲ្យលោកអភិបាលរងទទួលបន្ទុក បរិស្ថាន អនាម័យ សន្តិសុខ​សណ្ដាប់ធ្នាប់សាធារណៈ ដឹកនាំកម្លាំងគណៈបញ្ជាការឯកភាពខណ្ឌ ចុះបាញ់ទឹកលាងសម្អាត​និងចងខ្សែ មិនអនុញ្ញាត​ឲ្យអាជីវករលក់ដូរបន្លែផ្លែឈើបន្តលក់នៅលើផ្លូវ ២៣០ នេះបន្តទៀត​ឡើយ។លោក ស៊ឹម សុផង់ អភិបាលរង ទទួលបន្ទុក បរិស្ថាន អនាម័យ សន្តិសុខសណ្ដាប់ធ្នាប់សាធារណៈ នៃអភិបាលខណ្ឌទួលគោក ​បានឲ្យBTV ដឹងថា ​កន្លងមកអាជីវករលក់ដូរទៅតាមបណ្ដោយផ្លូវលេខ ២៣០ នេះបានតាំងលក់លើទ្រូងផ្លូវបង្ករឲ្យមានការកកស្ទះ​ ចរាចរណ៍ និងជាពិសេសនោះ អ្នកលក់​បន្លែផ្លែឈើ មិនបានវេចខ្ចប់ទុកដាក់សំរាម​ឲ្យបានត្រឹមត្រូវបណ្ដាលឲ្យហូរ សំរាមទាំងនោះចូល​មាត់លូ កកស្ទះប្រព័ន្ធទឹកហូរចូលលូ និងមានការជនលេចពេលភ្លៀងធ្លាក់ខ្លាំងម្ដងៗ​នៅចំណុចផ្លូវ ២៣០ កែង​នឹងមហាវិថីម៉ៅសេទុងនេះ។លោកអភិបាលរង បានបន្ថែមថា ការលក់ដូរតាមបណ្ដោយផ្លូវលេខ ​២៣០ ​នេះពេលថ្ងៃគឺដាច់​ខាតមិន​អនុញ្ញាត​ឲ្យអាជីវករលក់បន្លែផ្លែឈើបន្តទៀតឡើយ។​ដោយឡែកពេលយប់គឺ​អនុញ្ញាត​ឲ្យលក់ជាបណ្ដោះអាសន្ន ក៏ប៉ុន្តែមិនឲ្យតាំងលក់លើទ្រង់ផ្លូវនោះទេ ដើម្បីពលរដ្ឋងាយស្រួល​ធ្វើដំណើរ ​នឹងធ្វើយ៉ាងណាពេលព្រឹកព្រលឹមម៉ោង ​៦កន្លះទៅម៉ោង៧ ព្រឹក បរិស្ថានអនាម័យ​ត្រូវតែស្អាត។ជាចុងក្រោយ លោកអភិបាលរង បានសង្កត់ធ្ងន់ថា ​ក្រោយមានការបាញ់ទឹកលាងសម្អាត និងចង​ខ្សែមិន​អនុញ្ញាត​ឲ្យអាជីវករលក់​បន្លែផ្លែឈើនោះ ​អាជ្ញាធរ​និងបាន​ដាក់កម្លាំង​សណ្ដាប់ធ្នាប់​ប្រចាំ​ការក្នុងករណី​អាជីវករនៅតែមិនអនុវត្តតាមការណែនាំ​របស់អាជ្ញាធរ​ នៅតែរំលោភបំពានតាំងលក់ ឬកាត់ខ្សែ ​អាជ្ញាធរវិធានអនុវត្តរដ្ឋបាល​ និងចាត់ការតាមនីតិវិធី៕អត្ថបទ៖ កុម្ភៈ

ក្រសួងយុត្តិធម៌ និងក្រសួងការបរទេសកំពុងរៀបចំការផ្ដល់ព្រឹត្តិបត្រថ្កោលទោស បែបឌីជីថលដល់ពលរដ្ឋ

2023/09/11 11:46:36 am        147
Facebook Telegram Linkin
ភ្នំពេញ៖ ក្រសួងយុត្តិធម៌ និងក្រសួងការបរទេស ​និងសហប្រតិបត្តិការអន្តរជាតិ កំពុងពិភាក្សារៀបចំបែបបទ និងនីតិវិធីសម្រាប់ការស្នើសុំព្រឹត្តិបត្រថ្កោលទោស​តាមរយៈស្ថានតំណាងកម្ពុជា នៅតាមបណ្ដាប្រទេសនានា ​តាមបែបឌីជីថល ខណៈពេលវេលាជាក់​លាក់ចំពោះការដាក់ឱ្យដំណើការសេវានេះក្រសួង នឹងជូនដំណឹងនាពេលខាងមុខ។ យោងតាមសេចក្ដីជូនដំណឹងរបស់ក្រសួងយុត្តិធម៌ បានឱ្យដឹងថា កន្លងមកនេះ ក្រសួងយុត្តិធម៌​បានធ្វើការអភិវឌ្ឍសេវាព្រឹត្តិបត្រថ្កោលទោសឌីជីថល ដើម្បីផ្តល់នូវសេវាឆាប់រហ័ស និងភាពងាយ​ស្រួលជូនដល់សាធារណជន ដែលមានតម្រូវការស្នើសុំព្រឹត្តិបត្រថ្កោលទោស ដោយបានដាក់​ឱ្យដំណើរការ ជំហានទី១ លើការផ្តល់សេវាព្រឹត្តិបត្រថ្កោលទោសតាមប្រព័ន្ធឌីជីថល កាលពីខែកុម្ភៈ ឆ្នាំ២០២៣។ជាមួយគ្នានេះ ក្រសួងយុត្តិធម៌ក៏បាននិងកំពុងបន្តធ្វើការអភិវឌ្ឍសេវាព្រឹត្តិបត្រថ្កោលទោសឌីជីថល ក្នុងជំហានទី២ ដើម្បីផ្តល់ នូវភាពឆាប់រហ័ស ​និងភាពងាយស្រួលជូនដល់សាធារណជនបន្ថែមទៀត ក្នុងគោលដៅកាត់បន្ថយការ ​ចំណាយលើពេលវេលា និងថវិកា ជូនសាធារណជនក្នុង​ការស្នើ​សុំព្រឹត្តិបត្រថ្កោលទោស ស្របតាមយុទ្ធសាស្ត ​បញ្ចកោណ-ដំណាក់កាលទី១ របស់រាជរដ្ឋាភិបាលកម្ពុជា នីតិកាលទី៧ នៃរដ្ឋសភា។ចំពោះប្រជាពលរដ្ឋនៅក្រៅប្រទេស ​ដែលមានតម្រូវការស្នើសុំព្រឹត្តិបត្រថ្កោលទោស ក្រសួងយុត្តិធម៌ បាននិងកំពុងសហការជាមួយក្រសួងការបរទេស ​និងសហប្រតិបត្តិការអន្តរជាតិ ដើម្បីពិភាក្សារៀបចំបែបបទ និងនីតិវិធីសម្រាប់ការស្នើសុំព្រឹត្តិបត្រថ្កោលទោសតាម​រយៈស្ថាន​តំណាងកម្ពុជា នៅតាមបណ្តាប្រទេសនានា ហើយក្រសួងយុត្តិធម៌នឹងធ្វើការជូនដំណឹងអំពីបែបបទ និងនីតិវិធីនៃការស្នើសុំព្រឹត្តិបត្រថ្កោលទោស​សម្រាប់​ ប្រជាពលរដ្ឋខ្មែរនៅក្រៅប្រទេស នាពេល​ខាងមុខ។ក្រសួងបញ្ជាក់ថា៖‍«ក្រសួងយុត្តិធម៌ ​នឹងជូនដំណឹងអំពីពេលវេលាជាក់លាក់នៃការដាក់ឱ្យដំណើរការ​សេវា​ព្រឹត្តិបត្រថ្កោលទោស ​ឌីជីថល ក្នុងជំហានទី២ ​នាពេលឆាប់ៗខាងមុខនេះ»៕

សភាប្រជុំអនុម័តសេចក្តីព្រាងច្បាប់ ស្តីពីការបង្កើតក្រសួងអធិការកិច្ច និងរដ្ឋលេខាធិការដ្ឋានកិច្ចការព្រំដែន

2023/09/11 11:37:23 am        173
Facebook Telegram Linkin
ភ្នំពេញ៖ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា នាព្រឹកថ្ងៃទី១១​ ខែកញ្ញា ឆ្នាំ២០២៣ បានដឹកនាំកិច្ចប្រជុំគណៈកម្មាធិការអចិន្រ្តៃយ៍រដ្ឋសភា នៅ​វិមានរដ្ឋសភា ដើម្បីអនុម័ត​បញ្ចូល​សេចក្តីព្រាងច្បាប់ស្តីពី ​ការបង្កើតក្រសួងអធិការកិច្ច និងសេចក្តីព្រាង​ច្បាប់ស្តីពី ​ការបង្កើតរដ្ឋលេខាធិការដ្ឋានកិច្ចការព្រំដែន ក្នុងរបៀបវារៈបន្ត​សម័យប្រជុំរដ្ឋសភា​លើកទី១ នីតិកាលទី៧។កិច្ចប្រជុំគណៈកម្មាធិការអចិន្រ្តៃយ៍រដ្ឋសភា បានអនុម័តបញ្ចូល សេចក្តីព្រាងច្បាប់ស្តីពី ការ​បង្កើតក្រសួង​អធិការកិច្ច និងសេចក្តីព្រាងច្បាប់ស្តីពី​ ការបង្កើតរដ្ឋលេខាធិការដ្ឋានកិច្ចការព្រំដែន ក្នុងរបៀបវារៈបន្តសម័យប្រជុំរដ្ឋសភា ​លើកទី១ នីតិកាលទី៧ ​នាព្រឹកថ្ងៃព្រហស្បតិ៍ ទី១៤ ខែកញ្ញា ឆ្នាំ២០២៣ ខាងមុខ ​បន្ទាប់ពីសេចក្តីព្រាងច្បាប់ទំាងពីរនេះ ត្រូវបានគណៈកម្មការជំនាញរដ្ឋសភា​បានពិនិត្យ​សិក្សាចប់សព្វគ្រប់តាមនីតិវិធី។ជាមួយគ្នានេះ កិច្ចប្រជុំគណៈកម្មាធិការអចិន្រ្តៃយ៍រដ្ឋសភា ក៏បានអនុម័តលើគម្រោងចំណាយ​ថវិកា​របស់រដ្ឋសភា ឆ្នាំ២០២៤ ​ដើម្បីបញ្ជូនទៅក្រសួងសេដ្ឋកិច្ច និងហិរញ្ញវត្ថុ ដាក់​បញ្ចូលទៅគម្រោង​ថវិកា​ជាតិ ក្នុងសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៤ ផងដែរ៕

ឯកឧត្តម អៀង មូលី ជួបពិភាក្សាការងារជាមួយនាយិកា យូអិនអេដស៍ ប្រចាំប្រទេសកម្ពុជា ឡាវ និងម៉ាឡេស៊ី

2023/09/11 11:29:18 am        161
Facebook Telegram Linkin
ភ្នំពេញ៖ ឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ បានទទួលជួបសន្ទនាការងារជាមួយលោកស្រី ប៉ាទ្រីស្យា អុងពីន (Patricia Ongpin) នាយិកាអង្គការយូអិនអេដស៍ ប្រចាំប្រទេសកម្ពុជា ឡាវ និងម៉ាឡេស៊ី, នាព្រឹកថ្ងៃទី១១ ខែកញ្ញា ឆ្នាំ២០២៣នេះ នៅអាជ្ញាធរជាតិប្រយុទ្ធ នឹងជំងឺអេដស៍។ប្រធានបទនៃកិច្ចពិភាក្សាបានផ្តោតលើចំណុចសំខាន់ៗដូចតទៅ ៖-ការចូលរួមរបស់ព្រះរាជាណា​ចក្រ​កម្ពុជា ក្នុងកិច្ចប្រជុំក្រុមប្រឹក្សាសម្របសម្រួលកម្មវិធីរបស់អង្គការយូអិនអេដស៍​ (UNAIDS PCB) នៅទីក្រុងហ្សឺណែវ ប្រទេសស្វ៊ីស, -សេចក្តីប្រកាសរបស់ប្រទេសអាស៊ាន​ស្តីពីជំងឺអេដស៍,-គោល​នយោបាយបញ្ចប់អេដស៍ និងចីរភាពកម្មវិធីអេដស៍, -ការអង្កេតថ្នាក់ជាតស្តីអំពីការចំណាយ​ក្នុងការឆ្លើយតប នឹងមេរោគអេដស៍ និងជំងឺអេដស៍ និងផែនការយុទ្ធសាស្រ្តជាតិទូលំទូលាយ និងពហុវិស័យឆ្លើយតប ​នឹងមេរោគអេដស៍ និងជំងឺអេដស៍ លើកទី៦​និងយន្តការសម្របសម្រួលការ​ឆ្លើយតបជាពហុវិស័យទៅនឹងជំងឺអេដស៍។ជាកិច្ចចាប់ផ្តើម លោកស្រី ប៉ាទ្រីស្យា អុងពីន បានថ្លែងអំណរសាទរចំពោះឯកឧត្តមទេសរដ្ឋមន្រ្តី ដែល​បានទទួលការទុកចិត្តពីថ្នាក់ដឹកនាំកម្ពុជា ឱ្យបន្តដឹកនាំអាជ្ញាធរជាតិប្រយុទ្ធនឹងជំងឺអេដស៍ ក្នុងរាជរដ្ឋាភិបាលថ្មី ​នីតិកាលទី៧ នៃរដ្ឋសភា ដែលមានសម្តេចមហាបវរធិបតី ហ៊ុន ម៉ាណែត ជានាយករដ្ឋមន្រ្តី។ លោកស្រីនាយិកាបានជូនពរឯកឧត្តមទេសរដ្ឋមន្រ្តីឱ្យបានទទួលជោគជ័យថ្មីៗ ថែមទៀតក្នុងការប្រយុទ្ធនឹងជំងឺអេដស៍ នៅក្នុងអាណត្តិថ្មីដែលទើបចាប់ផ្តើមនេះ។ ពាក់ព័ន្ធនឹងកិច្ចប្រជុំក្រុមប្រឹក្សាសម្របសម្រួលកម្មវិធីរបស់អង្គការយូអនិអេដស៍ ​លោកស្រី បានជម្រាបជូនឯកឧត្តមទេសរដ្ឋមន្រ្តីថា កិច្ចប្រជុំនេះនឹងធ្វើនៅទីក្រុងហ្សឺណែវ ប្រទេសស្វ៊ីស ចាប់ពីថ្ងៃទី១២ ដល់១៤ ខែធ្នូ ឆ្នាំ២០២៣។ នេះជាអង្គប្រជុំវគ្គទី២ បន្ទាប់ពីវគ្គទី១ ដែលបានប្រព្រឹត្តទៅកាលពីថ្ងៃទី២៦-២៨ ខែមិថុនា ឆ្នាំ២០២៣ ហើយដែលនឹងលើកយកប្រធានបទអំពីការធ្វើតេស្តឈាមរកមេរោគអេដស៍ និងអំពីមេរោគអេដស៍ (HIV)។ លោកស្រីនាយិកា បានសម្តែងការកោតសរសើរចំពោះគណៈប្រតិភូកម្ពុជា ដែលបានចូលរួមយ៉ាង​សកម្មនៅក្នុងកិច្ចប្រជុំវគ្គទី១ ដែលបានលើកមតិជួយតម្រង់ផ្លូវក្នុងការពង្រឹងការងារ​របស់អង្គការ​យូអិនអេដស៍ ក៏ដូចជាចែករំលែកបទពិសោធន៍ក្នុងការប្រយុទ្ធ នឹងជំងឺអេដស៍នៅព្រះរាជាណាចក្រ​កម្ពុជា។ ត្រង់ចំណុចនេះ ឯកឧត្តមទេសរដ្ឋមន្រ្តីបានជម្រាបជូនដៃគូសន្ទនាថា ឯកឧត្តមទេសរដ្ឋមន្រ្តីនឹងដឹកនាំផ្ទាល់នូវគណៈប្រតិភូកម្ពុជាចូលរួមក្នុងកិច្ចប្រជុំវគ្គទី២ នៅទីក្រុងហ្សឺណែវ។ទាក់ទងនឹងការអង្កេតថ្នាក់ជាតិស្តីអំពីការចំណាយក្នុងការឆ្លើយតបនឹងមេរោគអេដស៍ និងជំងឺអេដស៍ និងការរៀបចំផែនការយុទ្ធសាស្រ្តជាតិទូលំទូលាយ និងពហុវិស័យឆ្លើយតបនឹងមេរោគអេដស៍ និងជំងឺអេដស៍លើកទី៦ ឯកឧត្តមទេសរដ្ឋមន្រ្តី បានបញ្ជាក់ថា អាជ្ញាធរជាតិប្រយុទ្ធនឹងជំងឺអេដស៍ នឹងពិគ្រោះយោបល់ជាមួយអង្គការយូអិនអេដស៍ ដើម្បីរៀបចំឯកសារទាំង២នេះ។ ក៏ប៉ុន្តែកិច្ចការជាបន្ទាន់នោះ អាជ្ញាធរ ត្រូវរៀបចំឱ្យហើយនូវសេចក្តីព្រាងគោលនយោបាយជាតិ​លុបបំបាត់អេដស៍នៅឆ្នាំ២០២៥ និងចីរភាពនៃកម្មវិធីអេដស៍ ឆ្នាំ២០២៣-២០២៨ ដើម្បីជូន​គណៈរដ្ឋមន្រ្តីថ្មីអនុម័ត។ គោលនយោបាយជាតិលុបបំបាត់អេដស៍ និងចីរភាពកម្មវិធីអេដស៍ ជាមូលដ្ឋានគ្រឹះនៃការរៀបចំការវាយតម្លៃអំពីចំណាយ និងជាត្រីវិស័យនៃការរៀបចំផែនការ​យុទ្ធសាស្រ្ត​ជាតិឆ្លើយតប នឹងជំងឺអេដស៍ លើកទី៦។ ជាថ្មីម្តងទៀត លោកស្រី ប៉ាទ្រីស្យា អុងពីន បានបញ្ជាក់ថា អង្គការយូអិនអេដស៍ នឹងផ្តល់ការគាំទ្រ​បច្ចេកទេស និងកិច្ចសហការជិតស្និទ្ធជាមួយអាជ្ញាធរជាតិប្រយុទ្ធនឹងជំងឺអេដស៍ ដើម្បីជួយជំរុញការ​ប្រយុទ្ធនឹងជំងឺអេដស៍នៅកម្ពុជា​ឱ្យបានសម្រេចជោគជ័យតាមកាលកំណត់របស់រាជរដ្ឋាភិបាល៕អត្ថបទ រដ្ឋា

សាកសព៤នាក់បន្ថែមទៀតត្រូវបានរកឃើញ បន្ទាប់ពីព្យុះបណ្តាលឲ្យអ្នកស្លាប់កើនដល់១៥នាក់

2023/09/11 11:15:54 am        63
Facebook Telegram Linkin
ក្រិក៖ ក្រុមអ្នកសង្គ្រោះរបស់ប្រទេសក្រិក បានរកឃើញសាកសពមនុស្ស៤នាក់បន្ថែមទៀត នៅប្រទេសក្រិកភាគកណ្តាលកាលពីថ្ងៃអាទិត្យ បណ្តាលឲ្យចំនួនអ្នកស្លាប់កើនឡើងដល់១៥នាក់ ដោយសារតែព្យុះភ្លៀងខ្លាំងបំផុតនៅប្រទេសនេះ ចាប់តាំងពីកំណត់ត្រា បានចាប់ផ្តើមក្នុងឆ្នាំ១៩៣០។ យោងតាមអាជ្ញាធរបានឲ្យដឹងថា មនុស្ស២នាក់ផ្សេងទៀតនៅបាត់ខ្លួននៅឡើយ។ ព្យុះ Daniel បានវាយបោកបក់មកលើប្រទេសក្រិករយៈពេល៣ថ្ងៃចាប់តាំងពីថ្ងៃអង្គារនៅចុងរដូវក្តៅដែលក្តៅបំផុតពុំធ្លាប់ត្រូវបានកត់ត្រា ខណៈ បន្សល់ទុកការអូសបន្លាយពេលកាលពីពេលថ្មីនៃការបំផ្លាញ បន្ទាប់ពីចំហេះព្រៃមានមនុស្សស្លាប់ច្រើន។ លំនៅឋាន និងស្ពាន បានបាក់រលំ សាលារៀន ផ្លូវថ្នល់ និងបង្គោលអគ្គិសនីត្រូវបានបំផ្លាញ សត្វពាហៈនៈលង់ទឹក ហើយដំណាំនៅទីវាលតំបន់ Thessaly ដីមានជីវជាតិ ត្រូវបានបំផ្លាញ។ ពលរដ្ឋដែលជាប់គាំងដោយទឹកជំនន់ ត្រូវបានដឹកជញ្ជូនតាមយន្តហោះ ឬផ្ទេរទៅក្នុងទូកសង្គ្រោះនៅទូទាំងតំបន់។អាជ្ញាធរនិយាយថា រហូតមកដល់ពេលនេះ មនុស្ស៤.២៥០ត្រូវបានជម្លៀស ខណៈកិច្ចប្រឹងប្រែងត្រូវបានផ្តោតទៅលើអ្នកភូមិ នៅជិតទីក្រុង Larissa និងនៅជិតទន្លេ Pineios ដែលផ្នែកជាច្រើនបានពេញហៀរបំផ្លាញភូមិជាច្រើនបន្ថែមទៀត។ នាយករដ្ឋមន្ត្រី លោក Kyriakos Mitsotakis បានចុះពិនិត្យ មជ្ឈមណ្ឌលប្រតិបត្តិការធំ ក្នុងតំបន់ Thessaly កាលពីល្ងាចថ្ងៃអាទិត្យ និងបានប្រកាសថា វិធានាការផ្តល់ជំនួយសង្គ្រោះបន្ទាន់ផ្នែកហិរញ្ញវត្ថុចម្រុះ នឹងត្រូវបានផ្តល់ឲ្យដល់អ្នកទាំងឡាយណា ដែលទទួលរងដោយដោយព្យុះ។ លោក Mitsotakis នឹងជួបជាមួយប្រធានគណៈកម្មាធិការអឺរ៉ុប លោកស្រី Ursula von der Leyen ក្នុងទីក្រុង Strasbourg ប្រទេសបារាំងនៅថ្ងៃអង្គារ។ លោកបាននិយាយថា លោក មានបំណងធានាបានថា ប្រទេសក្រិកអាចទទួលបានមូលនិធិបន្ថែមទៀតដើម្បីដោះស្រាយផលប៉ះពាល់ដោយសារព្យុះ ដែលទំហំនៃផលប៉ះពាល់លោកបាននិយាយថា ហួសពីការព្យាករណ៍៕

ការប៉ះទង្គិចគ្នា បានផ្ទុះឡើងនៅក្នុងការដើរក្បួនរំលឹកដល់ជនរងគ្រោះដោយរដ្ឋប្រហារនៅឈីលី

2023/09/11 11:13:23 am        106
Facebook Telegram Linkin
ឈីលី៖កាលពីថ្ងៃអាទិត្យ ការប៉ះទង្គិចគ្នា រវាងក្រុមអ្នកតវ៉ានិងនគរបាល បានផ្ទុះឡើង នៅក្នុងការដើរក្បួនរំលឹកខួបទី៥០ នៃរដ្ឋប្រហារនៅប្រទេសឈីលី។ ក្នុងការប្រឈមមុខដាក់គ្នាដ៏តានតឹងនៅទីបញ្ចុះសពមួយកន្លែង ដោយក្រុមអ្នកតវ៉ារាប់សិបនាក់ដែលភាគច្រើនស្លៀកពាក់ក្នុងសំលៀកបំពាក់ពណ៌ខ្មៅ ដោយមុខរបស់ពួកគេត្រូវបានបិទបាំង បានចូលរួមក្នុងការប្រឈមមុខដាក់គ្នាជាមួយកងកម្លាំងនគរបាលដោយមានគប់ដុំថ្ម និងគ្រាប់បែកភ្លើង។ ជាការឆ្លើយតប នគរបាល បានដាក់ពង្រាយការណុងបាញ់ទឹក និងនគរបាលបង្ក្រាបកុបកម្មដើម្បីបំបែកក្រុមអ្នកតវ៉ា។ ទន្ទឹមនឹងនេះ សមាជិកក្រុមគ្រួសារនៃអ្នកដែលត្រូវបានឃុំខ្លួន បានបាត់ខ្លួនឬត្រូវបានប្រហាជីវិត អំឡុងអំណាចផ្តាច់ការ បានទៅកាន់ទីបញ្ចុះសព ជាកន្លែងដែលព្រឹត្តិការណ៍ ត្រូវបានស្នើសុំឲ្យបញ្ចប់។ខណៈជាមេបញ្ជាការយោធាម្នាក់ លោក Pinochet បានដឹកនាំការផ្តួលរំលំប្រដាប់អាវុធប្រធានាធិបតីសង្គមនិយមដែលជាប់ឆ្នោតតាមបែបលទ្ធិប្រជាធិបរតេយ្យ លោក Salvador Allende នៅថ្ងៃទី១១ ខែកញ្ញា ឆ្នាំ១៩៧៣ ដែលអំឡុងពេលនោះមនុស្សជាង៣.០០០នាក់ត្រួវបានសម្លាប់ និង២៨.០០០ នាក់ត្រូវបានធ្វើទារុណកម្មក្នុងអំពើហិង្សានយោបាយ អំឡុងរបបផ្តាច់ការយោធាឆ្នាំ១៩៧៣ដល់ឆ្នាំ១៩៩០ របស់លោក Pinochet៕

ជំនួបកំពូលក្រុមប្រទេសG20 បិទបញ្ចប់ដោយឥណ្ឌា ប្រេស៊ីលនិងរុស្ស៊ីពោលសរសើរពីជោគជ័យ

2023/09/11 11:10:39 am        70
Facebook Telegram Linkin
ឥណ្ឌា៖ លោកនាយករដ្ឋមន្ត្រីឥណ្ឌាណារិន្ទ្រមូឌី (Narendra Modi)បានបិទបញ្ចប់ជំនួបកំពូល G20 កាលពីថ្ងៃអាទិត្យទី១០ខែកញ្ញា ដែលបានសម្រាលការបែកបាក់គ្នាយ៉ាងខ្លាំងជុំវិញសង្រ្គាមអ៊ុយក្រែន និងបម្រែបម្រួលអាកាសធាតុ ប៉ុន្តែបានផ្ដល់ឱកាសដល់រូបលោកក្នុងការដោះស្រាយបញ្ហាការទូត។ក្រុមប្រទេស G20 ត្រូវបានខ្វែងគំនិតគ្នាជុំវិញសង្រ្គាមអ៊ុយក្រែន ចាប់តាំងពីការវាយលុករបស់ទីក្រុងមូស្គូកាលពីឆ្នាំមុន ដោយប្រធានាធិបតីរុស្ស៊ី លោក Vladimir Putin ពុំបានចូលរួមកិច្ចប្រជុំកំពូលនេះឡើយជាការគេចពីបញ្ហានយោបាយ។ បណ្ដាមេដឹកនាំនៃក្រុមប្រទេសទាំង ២០ ដែលនាំឲ្យរុស្ស៊ី និងចិនជួបគ្នា ក៏ដូចជាក្រុមអ្នកគាំទ្រដ៏ធំបំផុតរបស់អ៊ុយក្រែន នាពេលថ្មីៗនេះ បានជួបការលំបាកក្នុងការឯកភាពលើបញ្ហាជាច្រើន ជាពិសេសអំពីការលុកលុយរយៈពេល ១៨ ខែមកនេះ ។ដោយប្រឈមនឹងភាពអាម៉ាស់ផ្នែកការទូត ម្ចាស់ផ្ទះឥណ្ឌាបានជំរុញសមាជិកទាំងអស់យល់ព្រមលើសេចក្តីថ្លែងការណ៍រួមមួយកាលពីថ្ងៃសៅរ៍ដែលបានរិះគន់ការប្រើប្រាស់កម្លាំងដណ្ដើមយកទឹកដី ប៉ុន្តែបានគេចចេញពីការរិះគន់ចំៗទៅលើរុស្ស៊ី។ ក្រុង Kyiv បាននិយាយថា ក្រុមប្រទេស G20 គ្មានអ្វីគួរឲ្យមានមោទនភាពឡើយ ប៉ុន្តែរដ្ឋមន្ត្រីការបរទេសរុស្ស៊ីលោកហ្សឺហ្គេ ឡារ៉ូហ្វ (Sergei Lavrov) ដែលឈរពាំងលោក Putin ក្នុងកិច្ចប្រជុំកាលពីថ្ងៃអាទិត្យ បានអះអាងទទួលជ័យជម្នះខាងការទូត។ អ្នកការទូតជើងចាស់រូបនេះ បាននិយាយថា យើងអាចទប់ស្កាត់ការប៉ុនប៉ងរបស់បស្ចិមប្រទេសដើម្បីការពារអ៊ុយក្រែនដែលជា របៀបវារៈនៃកិច្ចប្រជុំកំពូលនេះ ដោយហៅការជួបជុំគ្នារយៈពេលពីរថ្ងៃមកនេះថា ជាជោគជ័យ។ កាលពីថ្ងៃអាទិត្យ លោក Modi បានបិទបញ្ចប់ជំនួបនេះដោយប្រគល់ការរៀបចំឲ្យទៅប្រធានាធិបតីប្រេស៊ីល លោក លូស អ៊ីណាស៊ីយ៉ូ លូឡា ដាស៊ីលវ៉ា(Luiz Inacio Lula da Silva)  ដែលប្រទេសរបស់លោកនឹងធ្វើជម្ចាស់ផ្ទះជំនួប G20 នៅខែធ្នូ ឆ្នាំក្រោយ។លោកលើកឡើងថា យើងមិនអាចបណ្ដោយឲ្យជម្លោះភូមិសាស្ត្រនយោបាយក្លាយជារបៀបវារៈនៃកិច្ចពិភាក្សាក្នុងជំនួប G20 នោះទេ៕

អ៊ីរ៉ង់ និងអាមេរិក ជិតឈានដល់ការដោះដូរអ្នកទោស ក្រោមកិច្ចព្រមព្រៀងសម្របសម្រួលដោយប្រទេសកាតា

2023/09/11 11:08:22 am        75
Facebook Telegram Linkin
កាតា៖ នៅពេលដែលមូលនិធិអ៊ីរ៉ង់ចំនួន ៦ពាន់លានដុល្លារ ត្រូវបានភ្ជាប់ទៅធនាគារមួយចំនួននៅក្នុងប្រទេសកាតា នៅដើមសប្តាហ៍ក្រោយ វានឹងធ្វើឲ្យមានដំណើរការតាមលំដាប់លំដោយយ៉ាងប្រុងប្រយ័ត្ន ដែលនឹងឃើញជនជាតិអាមេរិកចំនួន៥នាក់ ដែលត្រូវបានឃុំឃាំង ចាកចេញពីប្រទេសអ៊ីរ៉ង់ និងអ្នកទោសអ៊ីរ៉ង់ចំនួនដូចគ្នា ដែលត្រូវបានឃុំខ្លួននៅសហរដ្ឋអាមេរិក ហោះទៅត្រឡប់ទៅប្រទេសមកវិញ នេះបើយោងតាមប្រភពជនជាតិអ៊ីរ៉ង់៨រូប និងប្រភពផ្សេងទៀតដែលដឹងច្បាស់អំពីការចរចា ដែលបាននិយាយជាមួយសារព័ត៌មានរ៉យទ័រ។ជាជំហានដំបូង ប្រទេសអ៊ីរ៉ង់កាលពីថ្ងៃទី១០ ខែសីហា បានដោះលែងពលរដ្ឋអាមេរិក៤នាក់ពីពន្ធនាគារ Evin នៃទីក្រុងតេអេរ៉ង់ ឲ្យទៅឃុំខ្លួននៅក្នុងផ្ទះ ជាកន្លែងដែលពួកគេចូលរួមជាមួយអ្នកទី៥នាក់ ដែលស្ថិតនៅក្រោមការឃុំខ្លួននៅក្នុងផ្ទះ។ ក្រោយមក នៅថ្ងៃនោះ រដ្ឋមន្ត្រីក្រសួងការបរទេសសហរដ្ឋអាមេរិក លោក អង់តូនី ប៊្លីនខិន (Antony Blinken) បានហៅចំណាត់ការនេះថា ជាជំហានដំបូងនៃដំណើរការដែលនឹងនាំទៅដល់ការវិលត្រឡប់របស់ពួកគេទៅកាន់ប្រទេសកំណើតវិញ។រដ្ឋបាលសហរដ្ឋអាមេរិក បាននិយាយថា ពួកគេរួមមានពាណិជ្ជករជាច្រើនរូប ដូចជាលោក Siamak Namazi មានវ័យ ៥១ ឆ្នាំ និងលោក Emad Sharqi មានវ័យ៥៩ ឆ្នាំ ក៏ដូចជាអ្នកបរិស្ថាន លោក Morad Tahbaz មានវ័យ៦៧ឆ្នាំ ដែលមានសញ្ជាតិអង់គ្លេសផងដែរ។ គ្រួសាររបស់លោក Tahbaz និង លោក Shargi ពុំបានឆ្លើយតបនឹងសំណើសុំការអត្ថាធិប្បាយទេ។ មេធាវីរបស់គ្រួសារលោក Namazi បានបដិសេធមិនធ្វើការអត្ថាធិប្បាយទេ៕

មនុស្ស៤នាក់ បានស្លាប់ក្នុងការបំផ្ទុះនៅកន្លែងជីកយកថ្មក្នុងប្រទេសហ្គាណា

2023/09/11 10:36:35 am        111
Facebook Telegram Linkin
ហ្គាណា៖ មន្ត្រីក្នុងតំបន់បាននិយាយកាលពីថ្ងៃអាទិត្យ (១០ កញ្ញា) ថា មនុស្សយ៉ាងហោចណាស់៤នាក់ ត្រូវបានស្លាប់ ក្នុងនោះមានជនជាតិចិនម្នាក់ ក្នុងការផ្ទុះមួយកាលពីល្ងាចថ្ងៃសៅរ៍ (៩ កញ្ញា) នៅកន្លែងជីកយកថ្មក្រានីត នៅភាគខាងលិចប្រទេសហ្គាណា ដែលជាកម្មសិទ្ធិរបស់ក្រុមហ៊ុនចិន Omni Quarries។មន្ត្រីគ្រប់គ្រងគ្រោះមហន្តរាយក្នុងតំបន់ លោក Michael Nyah បាននិយាយថា គេមិនច្បាស់ភ្លាមៗទេថា តើមូលហេតុអ្វីដែលបណ្តាលឱ្យមានការផ្ទុះ ដែលបានបំផ្លាញអគារនៅជិតការដ្ឋានយកថ្មនៅក្នុងស្រុក Shama និងបានបន្សល់ទុកនូវគំនរបាក់បែកនៅពាសពេញផ្ទៃដីកសិកម្មនេះ។ លោក Nyah បានប្រាប់សារព័ត៌មាន រ៉យទ័រ ថា មនុស្ស៤នាក់ទៀតនៅតែបាត់ខ្លួន ខណៈមនុស្ស២នាក់ស្ថិតក្នុងស្ថានភាពធ្ងន់ធ្ងរ ហើយកំពុងព្យាបាលនៅមន្ទីរពេទ្យក្នុងតំបន់៕

បណ្ដាញសង្គម

ព័ត៌មានថ្មីៗ

ប្រធានបទដាក់កងទ័ពនៅអ៊ុយក្រែន បានបង្កឱ្យមានភាពមិនស្រួលចិត្តក្នុងប្រទេសអាល្លឺម៉ង់
08/21/2025 02:08 PM
Facebook Telegram Linkin
ក្រសួងសុខាភិបាល បើកកិច្ចប្រជុំបូកសរុប ស្តីពីការពិនិត្យ និងវាយតម្លៃការអនុវត្តគម្រោងឆ្លើយតបបន្ទាន់នឹងការរីករាលដាលនៃជំងឺកូវីដ-១៩ នៅកម្ពុជា
08/21/2025 02:08 PM
Facebook Telegram Linkin
ប្រទេសអេហ្ស៊ីប បានបញ្ជូនរថយន្តជំនួយជិត ១.៣០០គ្រឿង ទៅកាន់តំបន់ហ្កាហ្សា ចាប់តាំងពីចុងខែ កក្កដា
08/21/2025 02:08 PM
Facebook Telegram Linkin
ទឹកជំនន់វាយប្រហារអូស្រា្តលី ខណៈទីក្រុងស៊ីដនី កត់ត្រាថ្ងៃមានភ្លៀងធ្លាក់ខ្លាំងបំផុតប្រចាំឆ្នាំ
08/21/2025 02:08 PM
Facebook Telegram Linkin
នូវែលសេឡង់ នឹងចាយប្រាក់រាប់ពាន់លានដុល្លារ ដើម្បីជំនួសកងយន្តហោះការពារដ៏ចំណាស់របស់ខ្លួន
08/21/2025 02:08 PM
Facebook Telegram Linkin
រដ្ឋមន្ត្រីក្រសួងប្រៃសណីយ៍ អញ្ជើញសំណេះសំណាលជាមួយមេឃុំ នាយកវិទ្យាល័យ ប្រធាន​និង​គ្រូប្រចាំ មជ្ឈមណ្ឌលបច្ចេកវិទ្យាសហគមន៍ទាំង១៨ វិទ្យាល័យ នៅខេត្តតាកែវ តាមប្រព័ន្ធ​អនឡាញ
08/21/2025 02:08 PM
Facebook Telegram Linkin
អ្នកវិទ្យាសាស្ត្រព្រមានថា ផ្សែងចំហេះព្រៃបង្កគ្រោះថ្នាក់ដល់សុខភាព ខ្លាំងជាងការគិតទៅទៀត
08/21/2025 02:08 PM
Facebook Telegram Linkin
ទឹកជំនន់ក្នុងរដូវមូសុងដ៏កម្រោល បានសម្លាប់មនុស្សយ៉ាងតិច ១.៨៦០នាក់ នៅឥណ្ឌា និងប៉ាគីស្ថាន
08/21/2025 02:08 PM
Facebook Telegram Linkin
[UPDATE] រញ្ជួយដីកម្រិត ៥,៤រ៉ិចទ័រ របស់មីយ៉ាន់ម៉ា រង្គើដល់ក្រុងបាងកក ដោយបង្កភាពភ័យស្លន់សោរ
08/21/2025 01:08 PM
Facebook Telegram Linkin
គណបក្សភឿថៃ បដិសេធពាក្យចចាមអារ៉ាមពីការវិលត្រលប់របស់លោក Prayut
08/21/2025 01:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.