នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ
TOP STORY | សម្ដេចធិបតី បានចាត់វិធានការចាំបាច់​ជាបន្ត​បន្ទា​ប់ចំ​ពោះកា​រ​វិល​ត្រឡប់​ទ្រង់ទ្រាយ​ធំរ​បស់​ពលករ​ខ្មែរ និងជនភៀសសឹក
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា

នយោបាយ​ និង ការអភិវឌ្ឍន៍

បណ្ដាអាជីវកម្មនៅអាហ្សង់ទីន ត្រូវបិទទ្វារ ដោយសារការភ័យខ្លាចពីការលួច

2023/08/24 12:46:04 pm        107
Facebook Telegram Linkin
អាហ្សង់ទីន៖ កាលពីថ្ងៃពុធ (២៣ សីហា) ម្ចាស់អាជីវកម្មនៅទីក្រុងនានា ដែលរងផលប៉ះពាល់ពីការចូលយកទំនិញនៅប្រទេសអាហ្សង់ទីន បានស្ទាក់ស្ទើរក្នុងការត្រឡប់មកបំពេញកាតព្វកិច្ចវិញ ដោយសារតែការភ័យខ្លាចនៃរលកថ្មីនៃការបំផ្លិចបំផ្លាញ។យោងតាមសាក្សីសារព័ត៌មាន រ៉យទ័រ ទូរទស្សន៍រដ្ឋ និងក្រុមមន្ត្រីបានឲ្យដឹងថា ការលួចតាមហាង និងផ្សារទំនើប ចាប់ពីទីក្រុង Patagonian ភាគខាងត្បូងតំបន់ Bariloche ទៅកាន់តំបន់ស្រា Mendoza និងជុំវិញរដ្ឋធានី Buenos Aires ប្រទេសអាហ្សង់ទីន បានឃើញមនុស្សមួយក្រុមតូចបានលួចចូលហាង លួចអាហារ និងរបស់របរផ្សេងៗទៀត។រដ្ឋមន្ត្រីក្រសួងសេដ្ឋកិច្ច លោក Sergio Massa បាននិយាយកាលពីថ្ងៃពុធ (២៣សីហា) ពីទីក្រុងវ៉ាស៊ីនតោនថា ជំនួយរដ្ឋាភិបាលរហូតដល់៧.០០០.០០០ប៉េសូ (១៩.១៥០ដុល្លារ) នឹងត្រូវបានផ្តល់ដល់ជនរងគ្រោះនៃការលួចនេះ។ក្រុមមន្ត្រីបាននិយាយថា មនុស្សជាង១០០នាក់ ត្រូវបានឃុំខ្លួននៅក្នុងតំបន់ផ្សេងៗគ្នា ហើយនគរបាលត្រូវបានប្រមូលផ្តុំដើម្បីយាមហាង។ ប្រទេសអាហ្សង់ទីន ដែលជាប្រទេសនាំចេញគ្រាប់ធញ្ញជាតិពិភពលោកដ៏សំខាន់មួយ កំពុងប្រឈមនឹងអតិផរណាប្រចាំឆ្នាំនៅកម្រិត១១៣% ដែលកំពុងបង្កឱ្យមានវិបត្តិថ្លៃចំណាយប្រចាំថ្ងៃក្នុងការរស់នៅ។ ការទម្លាក់តម្លៃរូបិយប័ណ្ណប៉េសូយ៉ាងខ្លាំងនាពេលថ្មីៗនេះ បានជំរុញឱ្យតម្លៃទំនិញប្រើប្រាស់កើនឡើងបន្ថែមទៀតក្នុងខែនេះផងដែរ៕

ទាហានអាមេរិកនិងកូរ៉េខាងត្បូង ធ្វើសមយុទ្ធសង្គ្រាមរួមគ្នានៅក្នុងទីក្រុងនិមិត្ត

2023/08/24 12:24:59 pm        134
Facebook Telegram Linkin
កូរ៉េខាងត្បូង៖ ទាហានអាមេរិក និងកូរ៉េខាងត្បូង កាលពីថ្ងៃពុធ (២៣ សីហា) បានធ្វើសមយុទ្ធហ្វឹកហ្វឺននៅក្នុងទីតាំងនានា ដែលត្រូវបានរចនាឡើងដើម្បីប្រៀបប្រដូចការពិតនៃបរិយាកាសទីក្រុងមានប្រជាជនច្រើន ដែលជាផ្នែកមួយនៃសមយុទ្ធឈ្មោះខែលការពារសេរីភាពអ៊ុលឈី (Ulchi Freedom Shield) ប្រចាំឆ្នាំ។សមយុទ្ធរួម ដែលបានចាប់ផ្តើមកាលពីថ្ងៃចន្ទ (២១ សីហា) ត្រូវបានរៀបចំឡើងដើម្បីបង្កើន និងកែលម្អការឆ្លើយតបទៅនឹងការគំរាមកំហែងមីស៊ីល ឬនុយក្លេអ៊ែររបស់កូរ៉េខាងជើង។ កងទ័ពកូរ៉េខាងត្បូងបាននិយាយថា សមយុទ្ធនេះក៏មានគោលបំណងធ្វើឱ្យប្រសើរឡើងនូវជំនាញប្រយុទ្ធជាក់ស្តែង និងបង្កើនសមត្ថភាពរបស់កងកម្លាំងរួម ក្នុងការអនុវត្តប្រតិបត្តិការបង្រួបបង្រួមក្នុងតំបន់ទីក្រុងផងដែរ។យោធាកូរ៉េខាងត្បូងបាននិយាយថា សមយុទ្ធនៅឆ្នាំនេះនឹងត្រូវបានធ្វើឡើងនៅលើ «ទ្រង់ទ្រាយធំបំផុតមិនធ្លាប់មាន» ដោយមានការចូលរួមពីទាហានរាប់ម៉ឺននាក់មកពីភាគីទាំងពីរ។ រដ្ឋធានីព្យុងយ៉ាង បានរិះគន់សមយុទ្ធយោធារបស់សម្ព័ន្ធមិត្តទាំងពីរនេះថា ជាការហាត់សមសម្រាប់សង្គ្រាមនុយក្លេអ៊ែរ៕

មនុស្សម្នានាំគ្នាដាក់បាច់ផ្កានៅទីក្រុង St.Petersburg ប្រទេសរុស្ស៊ី សម្រាប់មរណភាពមេដឹកនាំក្រុម Wagner

2023/08/24 12:21:18 pm        82
Facebook Telegram Linkin
រុស្ស៊ី៖ បាច់ផ្កាជាច្រើនត្រូវបានគេយកទៅដាក់ជាការគោរព ហើយទៀនត្រូវបានបំភ្លឺនៅជិតការិយាល័យទីក្រុង St. Petersburg នៃក្រុមទាហានស៊ីឈ្នួល Wagner នៅព្រលឹមថ្ងៃព្រហស្បតិ៍ (២៤ សីហា)នេះ បន្ទាប់ពីមានព័ត៌មានថា មេដឹកនាំក្រុមទាហានស៊ីឈ្នួលដ៏មានឥទ្ធិពលបំផុតរបស់រុស្ស៊ី លោក Yevgeny Prigozhin បានស្ថិតនៅលើយន្តហោះដែលបានធ្លាក់កាលពីល្ងាចថ្ងៃពុធ (២៣ សីហា) នៅភាគខាងជើងនៃទីក្រុងម៉ូស្គូ ដោយគ្មានអ្នករស់រានមានជីវិតនោះទេ។អាជ្ញាធរអាកាសចរណ៍ស៊ីវិលរុស្ស៊ីបាននិយាយថា មេដឹកនាំទាហានស៊ីឈ្នួលរុស្ស៊ី Yevgeny Prigozhin ស្ថិតនៅក្នុងបញ្ជីអ្នកដំណើរនៃយន្តហោះដែលបានធ្លាក់ក្នុងប្រទេសរុស្ស៊ី ដោយបានសម្លាប់មនុស្សទាំងអស់នៅលើយន្តហោះនោះ។ បណ្តាញសង្គមតេឡេក្រាមដែលភ្ជាប់ទៅតំបន់ប្រផេះក្រុម Wagner បានប្រកាសថា លោក Prigozhin បានស្លាប់ហើយ ហើយបានសាទរលោកថាជាវីរៈបុរស និងជាអ្នកស្នេហាជាតិ ដែលបានស្លាប់នៅក្នុងដៃរបស់មនុស្សមិនស្គាល់អត្តសញ្ញាណ។ការស្លាប់របស់លោក Prigozhin នឹងធ្វើឲ្យក្រុម Wagner Group ដែលបង្កការខឹងសម្បារដល់លោកប្រធានាធិបតី វ្លាឌីមៀរ ពូទីន ក្នុងខែមិថុនា ដោយរៀបចំឱ្យមានបះបោរប្រដាប់អាវុធប្រឆាំងនឹងមេដឹកនាំកំពូលរបស់កងទ័ពមួយនេះ មិនមានអ្នកដឹកនាំ និងមានការចោទជាសំណួរអំពីប្រតិបត្តិការនាពេលអនាគតរបស់ក្រុមនេះនៅអាហ្វ្រិក និងកន្លែងផ្សេងទៀតផងដែរ៕

ចំហេះព្រៃនៅតែបន្តខាងក្រៅក្រុងអាតែន ខណៈចំហេះរាប់រយករណីបានឆាបឆេះទូទាំងប្រទេសក្រិក

2023/08/24 12:17:49 pm        76
Facebook Telegram Linkin
ក្រិក៖ ក្រុមពន្លត់អគ្គិភ័យប្រទេសក្រិកគាំទ្រដោយយន្តហោះជំនួយ បានទប់ទល់ជាមួយនឹងចំហេះដែលឆេះរាលដាលនៅខាងក្រៅទីក្រុងអាថែន សម្រាប់ថ្ងៃទីពីរកាលពីថ្ងៃពុធ ដោយនោះជាចំហេះមួយក្នុងចំណោមចំហេះរាប់រយករណី ដែលបានបង្កការបំផ្លាញទូទាំងប្រទេសក្រិក ដោយករណីចំហេះព្រៃបានសម្លាប់មនុស្សយ៉ាងហោចណាស់២០នាក់ក្នុងសប្តាហ៍នេះ។មនុស្សរាប់រយនាក់បានភៀសខ្លួនចេញពីផ្ទះសម្បែងរបស់ពួកគេទូទាំងប្រទេស ចាប់តាំងពីចំហេះបានផ្ទុះឡើងនៅភាគខាងជើងនៃប្រទេសក្រិកកាលពីថ្ងៃសៅរ៍ ដែលបណ្តាលមកពីកម្ដៅ និងខ្យល់បក់ខ្លាំងនៅក្នុងចំហេះព្រៃធំទីពីរនៃរដូវក្តៅនេះ។ ទីភ្នាក់ងារវិបត្តិអាកាសធាតុ និងរដ្ឋមន្ត្រីការពារជនស៊ីវិល លោក Vassilis Kikilias បាននិយាយថា ចំហេះព្រៃចំនួន៣៥៥ករណីបានកើតឡើងចាប់តាំងពីថ្ងៃសុក្រ រួមទាំងចំហេះចំនួន២០៩ករណីដែលកើតឡើងក្នុងរយៈពេល៤៨ម៉ោងចុងក្រោយនេះ។លោក Kikilias បាននិយាយថា ក្រុមពន្លត់អគ្គិភ័យកំពុងខិតខំប្រឹងប្រែងយ៉ាងសស្រាក់សស្រាំ ដើម្បីទប់ស្កាត់ចំហេះទាំងនោះ។ កងកម្លាំងពន្លត់អគ្គិភ័យបានព្រមានថា ចំហេះអាចផ្ទុះឡើងកាន់តែច្រើន ហើយអ្នកនាំពាក្យកងកម្លាំងពន្លត់អគ្គិភ័យ Ioannis Artopios បាននិយាយថា លក្ខខណ្ឌចំហេះនៅតែពិបាកគ្រប់គ្រង ហើយមានករណីចំហេះធ្ងន់ធ្ងរច្រើនខ្លាំងពេក។រដ្ឋធានីប្រទេសក្រិកមួយនេះ ត្រូវបានគ្របដណ្ដប់ដោយផ្សែង និងផេះ ចាប់តាំងពីចំហេះបានផ្ទុះឡើងកាលពីថ្ងៃអង្គារមក។ គិតត្រឹមថ្ងៃពុធ មនុស្សប្រហែល១៥០នាក់ត្រូវបានជម្លៀសដោយរថយន្តក្រុងពីមណ្ឌលថែទាំបីនៅតំបន់ Menidi ទៅកាន់សណ្ឋាគារ ឬកន្លែងថែទាំផ្សេងទៀត។ នគរបាលបានបញ្ជាឲ្យអ្នកស្រុកផ្សេងទៀតចាកចេញ ខណៈឧទ្ធម្ភាគចក្រពន្លត់អគ្គិភ័យបានប្រតិបត្តិការយ៉ាងសកម្ម ដោយទម្លាក់ទឹកដើម្បីពន្លត់អណ្តាតភ្លើងដ៏សន្ធោសន្ធៅនោះ៕

ការប្រកួតកម្មវិធីយុវជន២១ «សហគ្រិនឌីជីថលនវានុវត្តន៍អាជីវកម្ម» វគ្គពាក់កណ្ដាលផ្ដាច់ព្រ័ត្រ

2023/08/24 12:14:55 pm        46
Facebook Telegram Linkin
ភ្នំពេញ៖ ការប្រកួតកម្មវិធីយុវជន២១ រៀបចំដោយក្រសួងអប់រំ យុវជន និងកីឡា លើប្រធានបទ “សហគ្រិនឌីជីថល៖ នវានុវត្តន៍អាជីវកម្ម” បានឈានដល់ការប្រកួតវគ្គពាក់កណ្ដាលផ្ដាច់ព្រ័ត ដោយមានសិស្សនិស្សិត ​នៃគ្រឹះស្ថានអប់រំ ​និងសាកលវិទ្យាល័យចំនួន១០ក្រុម ចូលរួមប្រកួត បន្ទាប់ពីធ្វើការជម្រុះជាបន្តបន្ទាប់ ។ក្នុងពិធីបើកការប្រការប្រកួតវគ្គពាក់កណ្ដាលផ្ដាច់ព្រ័ត ​នៃកម្មវិធីនេះ​ នៅថ្ងៃទី២៤ ខែសីហា ឆ្នាំ២០២៣ លោក ម៉ិល ផនសីហា ប្រធាននាយកដ្ឋានយុវជន ​នៃក្រសួងអប់រំ យុវជន និងកីឡា បានលើកឡើងថា ​ការប្រកួតប្រជែងនេះ ​មានទាំងការផ្ដល់នូវវេទិកាបណ្ដុះបណ្ដាលដល់យុវជន ពាក់ព័ន្ធនឹងធុរៈកិច្ច សហគ្រិនភាព ​និងផ្ដល់ជាវេទិកាប្រកួតប្រជែង តាមរយៈការរៀបចំផែនការ​អាជីវកម្ម ការធ្វើបទបង្ហាញដើម្បីធ្វើការជម្រុះទៅកាន់យកក្រុមជើងឯក ។លោក បានបន្តថា ចំពោះសមត្ថភាព នៃសិស្សនិស្សិត ដែលបានចូលរួមប្រកួតប្រជែង សុទ្ធសឹង​តែមានសមត្ថភាពប្រហាក់ប្រហែលគ្នា ​ហើយដើម្បីបង្ហាញពីសុក្រឹតភាព​ តម្លាភាពនោះ ក្រសួង​បានអញ្ជើញគណៈកម្មការមកពីតាមក្រសួងស្ថាប័ន ​និងវិស័យឯកជនមួយចំនួន ដែលមាន​ជំនាញលើវិធានបទ ដើម្បីធ្វើការវាយតម្លៃ និងឲ្យពិន្ទុ ។ក្នុងឱកាសនោះ ឯកឧត្តម សេរី ជំនះ រដ្ឋលេខាធិការក្រសួងអប់រំ យុវជន និងកីឡា មាន​ប្រសាសន៍ថា កម្មវិធីយុវជន២១ រៀបចំឡើងក្នុងគោលណបងអភិវឌ្ឍន៍សមត្ថភាព និងប្រែក្លាយ​យុវជនកម្ពុជា នៅក្នុងសតវត្សទី២១ និងបរិបទបដិវត្តឧស្សាហកម្ម៤.០ ​ឲ្យមានជំនាញ និង​បំណិនប្រចាំជីវិត យ៉ាងហោចណាស់ចំនួន៣ គឺវិជ្ជាសម្បទា ​បំណិនសម្បទា និងចរិយាសម្បទា ។ឯកឧត្តម បានបន្តថថា កម្មវិធីនេះក៏រៀបចំឡើងក្នុងទម្រង់បណ្ដុះបណ្ដាលជំនាញ និងបំណិន​ស្តីពីការរៀបចំគម្រោងអាជីវកម្មបែបឌីជីថល​ និងទម្រង់ប្រកួតប្រជែងដណ្ដើមយកជ័យលាភី ដែលតម្រូវឲ្យសិក្ខាកាមចុះអនុវត្ត ​និងសិក្សាស្រាវជ្រាវជាក់ស្ដែង​ នៅតាមបណ្ដាលសហគ្រាស និងក្រុមហ៊ុនឯកជននានា ដែលកំពុងធ្វើអាជីវកម្មបែបឌីជីថល ។គួរបញ្ជាក់ថា ការប្រកួតកម្មវិធីយុវជន២១ លើប្រធានសហគ្រិនឌីជីថល៖ ​នវានុវត្តន៍អាជីវកម្ម បាន​ចាប់ផ្ដើមកាលពីខែឧសភា ​ដែលមានគ្រឹះស្ថានអប់រំ និងសាកលវិទ្យាល័យជាង២០​ក្រុមចូលរួម​ប្រកួត បច្ចុប្បន្នជម្រុះនៅសល ១០ក្រុម ហើយនៅវគ្គពាក់កណ្ដាលផ្ដាច់ព្រ័តនេះ ​ជម្រុះយក៣ក្រុម ប្រកួតគ្នាជ្រើសយកជើងឯក ​១ក្រុម នៅថ្ងៃទី២ ខែតុលា​ ឆ្នាំ២០២៣ខាងមុខ ខណៈនេះ​ជាឆ្នាំទី៣ហើយ នៃព្រឹត្តិការប្រកួតប្រជែងនេះ ៕អត្ថបទ បាន សុខរិទ្ធិ

កូរ៉េខាងជើង៖ ការបាញ់បង្ហោះផ្កាយរណបចារកម្មចុងក្រោយបានបរាជ័យ ប៉ុន្តែនឹងព្យាយាមម្តងទៀត

2023/08/24 12:14:42 pm        85
Facebook Telegram Linkin
កូរ៉េខាងជើង៖ ប្រព័ន្ធផ្សព្វផ្សាយរដ្ឋរបស់កូរ៉េខាងជើងបានរាយការណ៍ថា ការប៉ុនប៉ងលើកទីពីររបស់កូរ៉េខាងជើង ក្នុងការដាក់ផ្កាយរណបចារកម្មនៅក្នុងគន្លងតារាវិថី បានបរាជ័យនៅថ្ងៃព្រហស្បតិ៍ (២៤សីហា) នេះ បន្ទាប់ពីឧបករណ៍ជំរុញគ្រាប់រ៉ុកែត បានជួបប្រទះបញ្ហាក្នុងដំណាក់កាលទីបីរបស់ខ្លួន ខណៈដែលក្រុមអាជ្ញាធរអវកាសបានប្តេជ្ញាថា នឹងព្យាយាមម្តងទៀតនៅក្នុងខែតុលា។ការសាកល្បងលើកដំបូងរបស់កូរ៉េខាងជើង នៅក្នុងខែឧសភា ក៏បានបញ្ចប់ដោយការបរាជ័យនៅពេលដែលរ៉ុកែតប្រភេទ Chollima-1 ថ្មី បានធ្លាក់ចូលទៅក្នុងសមុទ្រ។ ការបាញ់បង្ហោះមុនពេលព្រលឹម បានកើតឡើងក្នុងម៉ោងដំបូងនៃរយៈពេលប្រាំបីថ្ងៃ ដែលកូរ៉េខាងជើងបានកំណត់ឱ្យសម្រាប់ការបាញ់បង្ហោះនេះ។ការបាញ់បង្ហោះនេះ បានជំរុញឱ្យមានការព្រមានជាបន្ទាន់នៅក្នុងប្រទេសជប៉ុននៅមុនម៉ោង៤ព្រឹកម៉ោងក្នុងស្រុក លើប្រព័ន្ធផ្សព្វផ្សាយ J-alert ដោយប្រាប់អ្នកស្រុកនៃខេត្តភាគខាងត្បូងអូគីណាវ៉ា ឱ្យការពារខ្លួននៅក្នុងលំនៅឋាន។ ក្រុមប្រឹក្សាសន្តិសុខជាតិរបស់កូរ៉េខាងត្បូង បានថ្កោលទោសការបាញ់បង្ហោះនេះថាជាការញុះញង់ និងរំលោភលើសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ ដែលហាមឃាត់ការប្រើប្រាស់បច្ចេកវិទ្យាមីស៊ីលបាលិស្ទិករបស់កូរ៉េខាងជើង។រដ្ឋបាលអភិវឌ្ឍន៍លំហអាកាសជាតិរបស់កូរ៉េខាងជើង (NADA) បាននិយាយថា ខ្លួននឹងស៊ើបអង្កេត និងចាត់វិធានការដើម្បីកែតម្រូវមូលហេតុនៃការបរាជ័យនៅថ្ងៃព្រហស្បតិ៍នេះ ប៉ុន្តែទីភ្នាក់ងារនេះបន្ថែមថា នេះ «មិនមែនជាបញ្ហាធំទេ» ទាក់ទងនឹងភាពជឿជាក់រួមនៃប្រព័ន្ធរ៉ុកែត៕

អគារនៅជិតបំណាក់ដីរៀបនឹងបាក់ស្រុតក្រោយភ្លៀងធ្លាក់ខ្លាំងនៅប្រទេសឈីលី

2023/08/24 12:06:36 pm        70
Facebook Telegram Linkin
ឈីលី ៖  រូបភាពវីដេអូឃ្លីបឃើញអគារផ្ទះល្វែងនៅក្នុងប្រទេសឈីលីដែលស្ថិតនៅលើគេមបំណាក់ដីកាលពីថ្ងៃពុធ ក្រោយភ្លៀងធ្លាក់ខ្លាំង វាយប្រហារតំបន់ភាគកណ្តាលប្រទេសមួយនេះ កាលពីពេលយប់កន្លងទៅ ។  ក្រុមអាជ្ញាធរក្នុងស្រុកនៅទីក្រុង Vina Del Mar និយាយថា ជើងភ្នំ និងផ្លូវដែលបានបាក់ស្រុត ធ្វើឲ្យអគារផ្ទះល្វែងដ៏ប្រណីតនេះ ស្ថិតនៅចម្ងាយប្រហែល ១៥ម៉ែត្រប៉ុណ្ណោះ ពីបំណាក់ដី ។  មនុស្ស ២៥នាក់ដែលរស់នៅក្នុងអគារ ត្រូវបានជម្លៀសចេញកាលពីព្រឹកថ្ងៃពុធ ហើយក្រុមអាជ្ញាធរបានរាយការណ៍ថា គ្មានករណីស្លាប់មនុស្ស ឬរងរបួសនោះទេ ។  កាលពីថ្ងៃចន្ទកន្លងទៅ ប្រធានាធិបតីឈីលីលោក Gabriel Boricបានប្រកាសដាក់រដ្ឋក្នុងគ្រាអាសន្ននៅតំបន់ចំនួន ៤ ស្របពេលដែលភ្លៀងធ្លាក់ខ្លាំង បានវាយប្រហារតំបន់ភាគកណ្តាលឈាងខាងត្បូងប្រទេស ធ្វើឲ្យប៉ះពាល់ដល់មនុស្សរាប់ម៉ឺននាក់ ។  អភិបាលក្រុង Vina Del Mar លោក Macarena Ripamonti និយាយថា ពួកយើងមិនអាចបណ្តោយឲ្យជីវិតមនុស្សស្ថិតក្នុងហានិភ័យនោះទេ ។ ពួកយើងនឹងតាមដានទាំងថ្ងៃ ទាំងយប់នូវអ្វីដែលនឹងកើតឡើងលើកំណាត់ផ្លូវមួយនេះ ដើម្បីការពារការបាត់បង់ជីវិត និងហានិភ័យចំពោះអ្នកជិតខាង ។  លោកបន្តថា ពួកយើងនឹងជម្លៀសមនុស្សចេញ ហើយនិងយករថយន្តចេញ ។ គ្មានអ្វីកើតឡើងចំពោះអគារនេះទេ ប៉ុន្តែផ្លូវនឹងបាក់ស្រុត ៕

គិលានុបដ្ឋាកយិកាអាមេរិកដែលត្រូវបានចាប់ជំរិតនៅប្រទេសហៃទី និយាយតាមរយៈវីដេអូជាលើកដំបូង ចាប់តាំងពីអ្នកស្រីត្រូវបានគេដោះលែង

2023/08/24 12:02:38 pm        77
Facebook Telegram Linkin
អាមេរិក៖ គិលានុបដ្ឋាយិកាអាមេរិកម្នាក់ដែលត្រូវបានចាប់ជំរិតនៅប្រទេសហៃទីកាលពីខែមុនជាមួយកូនស្រីតូចរបស់អ្នកស្រី បាននិយាយតាមរយៈវីដេអូក្នុងសប្តាហ៍នេះ ជាលើកដំបូង ចាប់តាំងពីអ្នកស្រីត្រូវបានដោះលែង។អ្នកស្រី អេលីក ឌ័រសេនវីល (Alix Dorsainvil) បានបង្ហាញខ្លួនតែម្នាក់ឯងនៅក្នុងវីដេអូ ហើយអង្គុយនៅក្នុងសួនច្បារដែលតុបតែង ដោយមានសំឡេងសត្វចង្រិតយំនៅពីខាងក្រោយ ដោយអរគុណមនុស្សដែលបានអធិស្ឋានសម្រាប់អ្នកស្រី។វីដេអូជិត៥នាទីដែលអ្នកស្រី ឌ័រសេនវីល បាននិយាយទាំងស្រុងជាភាសាហៃទី ត្រូវបានបង្ហោះកាលពីថ្ងៃចន្ទនៅលើគេហទំព័ររបស់ El Roi ដែលជាក្រុមគ្រិស្តសាសនិកត្រូវបានបង្កើតឡើងដោយប្តីរបស់អ្នកស្រី  ឌ័រសេនវីល ដែលផ្តល់ការថែទាំសុខភាព ការអប់រំ និងសេវាមូលដ្ឋានផ្សេងទៀត នៅក្នុងតំបន់ក្រីក្របំផុតរបស់ប្រទេសហៃទី។អ្នកស្រី បាននិយាយដោយសំឡេងដ៏ស្រទន់៖«សម្រាប់ក្រុមជនអន្ធពាល ខ្ញុំមានសារមួយសម្រាប់អ្នកៈខ្ញុំចង់ឲ្យអ្នកទាំងអស់គ្នាដឹងថា អ្វីគ្រប់យ៉ាងដែលខ្ញុំបាននិយាយក្នុងអំឡុងពេលដែលខ្ញុំកំពុងជាប់ឃុំ គឺស្មោះត្រង់ «វាមិនមែនជាពាក្យបោកបញ្ឆោតរបស់នរណាម្នាក់ដែលអស់សង្ឃឹមក្នុងការរត់គេចនោះទេ ប៉ុន្តែគ្រាន់តែជាការពិត ជាពិសេសនៅពេលដែលខ្ញុំ បានប្រាប់អ្នកថា ទ្វារគ្លីនិករបស់ខ្ញុំតែងតែបើកចំហសម្រាប់អ្នក ឬនរណាម្នាក់ដែលត្រូវការជំនួយ»៕

ជប៉ុនគ្រោងបញ្ចេញទឹកសំណល់វិទ្យុសកម្មពីរោងចក្រនុយក្លេអ៊ែរហ្វូគូហ្ស៊ីម៉ា ខណៈមានការរិះគន់ និងបម្រាមនាំចេញអាហារសមុទ្រ

2023/08/24 11:57:04 am        71
Facebook Telegram Linkin
ជប៉ុន៖ ប្រទេសជប៉ុននឹងចាប់ផ្ដើមបញ្ចេញសំណល់ទឹកធ្វើប្រព្រឹត្តកម្មរួច ចេញពីរោងចក្រថាមពលនុយក្លេអ៊ែរដែលរងការបំផ្លិចបំផ្លាញ ចូលទៅក្នុងមហាសមុទ្រប៉ាស៊ីហ្វិក នៅថ្ងៃព្រហស្បតិ៍នេះ ជាផែនការមួយដែលនាំឲ្យមានការរិះគន់យ៉ាងខ្លាំងពីប្រទេសចិន និងបម្រាមការនាំចេញគ្រឿងសមុទ្រ។ រោងចក្រថាមពលអគ្គិសនីតូក្យូ និយាយថា ការបញ្ចេញទឹកចេញពីរោងចក្រហ្វូគូហ្ស៊ីម៉ា នឹងប្រព្រឹត្តទៅតាមការគ្រោងទុក។ ក្រុមអ្នកនេសាទជប៉ុន និយាយថា ពួកគេបារម្ភថាការបញ្ចេញសំណល់ទឹកនេះ នឹងបណ្ដាលឲ្យប៉ះពាល់កេរ្តិ៍ឈ្មោះ។ជប៉ុនបានសន្យាថា ការបញ្ចេញទឹកមានសុវត្ថិភាព។ ទីភ្នាក់ងារថាមពលអាតូមិកអន្តរជាតិ (IAEA) ដែលជាអ្នកឃ្លាំមើលនុយក្លេអ៊ែររបស់អង្គការសហប្រជាជាតិ ក៏បានបំភ្លឺផែនការនេះកាលពីខែកក្កដា ដោយនិយាយថា ប្រទេសនេះបានបំពេញតាមស្តង់ដារអន្តរជាតិ ហើយផលប៉ះពាល់ដែលអាចនឹងកើតមានមានលើមនុស្ស និងបរិស្ថានគឺ ជាការធ្វេសប្រហែស។ ទោះបីជាមានការធានាបែបនេះក៏ដោយ ទីក្រុងហុងកុង និងម៉ាកាវ ដែលជាតំបន់គ្រប់គ្រងដោយចិនទាំងពីរបាននិយាយថា ពួកគេនឹងអនុវត្តការហាមឃាត់អាហារសមុទ្ររបស់ជប៉ុនពីតំបន់នានា រួមទាំងរដ្ឋធានីតូក្យូ និងហ្វូគូហ្ស៊ីម៉ា ចាប់ពីថ្ងៃព្រហស្បតិ៍នេះតទៅ។ ក្រសួងការបរទេសបាននិយាយកាលពីថ្ងៃពុធថា ប្រទេសចិនក៏នឹងចាត់វិធានការចាំបាច់ដើម្បីការពារបរិស្ថានសមុទ្រ សុវត្ថិភាពចំណីអាហារ និងសុខភាពសាធារណៈផងដែរ៕

ប្រតិកម្មពិភពលោកចំពោះការស្លាប់របស់ប្រធានក្រុមហ៊ុនទាហានស៊ីឈ្នួល លោក Prigozhin

2023/08/24 11:53:35 am        120
Facebook Telegram Linkin
រុស្ស៊ី៖ អាជ្ញាធររុស្ស៊ីបាននិយាយថា ប្រធានក្រុមហ៊ុនទាហានស៊ីឈ្នួលរុស្ស៊ី លោក Yevgeny Prigozhin ដែលត្រូវបានចុះបញ្ជី ជាអ្នកដំណើរម្នាក់នៅលើយន្តហោះឯកជនមួយគ្រឿង បានធ្លាក់នៅភាគខាងជើងទីក្រុងមូស្គូ បណ្តាលឲ្យមនុស្សទាំងអស់១០នាក់បានស្លាប់។ ចាប់តាំងពីការប៉ះបោ ដោយកងកម្លាំងក្រុមហ៊ុនទាហានស៊ីឈ្នួល Wagner កាលពីខែមិថុនា លោក Prigozhin ត្រូវបានគេចាត់ទុកថាជាការប្រឈមធំបំផុតចំពោះអាជ្ញាធររបស់ប្រធានាធិបតីលោក Vladimir Putin ចាប់តាំងពីលោកឡើងកាន់តំណែង។ នេះជារបៀបដែលពិភពលោក បានប្រតិកម្មចំពោះការធ្លាក់យន្តហោះ និងបានរាយការណ៍ពីការស្លាប់របស់លោក Prigozhin។សហរដ្ឋអាមេរិកប្រធានាធិបតី Joe Biden និយាយថាលោកមិនភ្ញាក់ផ្អើលនោះទេចំពោះព័ត៌មានដែលថា លោក Prigozhin ស្លាប់ក្នុងការធ្លាក់យន្តហោះនៅរុស្ស៊ី។ ខ្ញុំមិនដឹងការពិតនូវអ្វីដែលបានកើតឡើង ប៉ុន្តែខ្ញុំមិនភ្ញាក់ផ្អើលនោះទេ ពុំមានច្រើនទេដែលកើតឡើងនៅរុស្ស៊ីដែលថាលោកPutin មិនស្ថិតនៅពីក្រោយនោះ។អ៊ុយក្រែនជំនួយការប្រធានាធិបតីលោក Mykhaylo Podolyak បានសរសេរនៅលើបណ្តាញផ្សព្វផ្សាយសង្គម ពីការធ្លាក់យន្តហោះនោះថា ជាសញ្ញាមួយមកពីវិមានក្រឹមឡាំងចំពោះនណាម្នាក់ដែលបានបង្ហាញភាពមិនស្មោះត្រង់។ប្រទេសប៉ូឡូញរដ្ឋមន្ត្រីការបរទេសប៉ូឡូញ លោក Zbigniew Rau នៅលើបណ្តាញព័ត៌មានរដ្ឋ TVP Info បាននិយាយថា អ្នកទាំងឡាយណាដែលបានគំរាមកំហែង អំណាចលោក Putin មិនស្លាប់តាមធម្មជាតិនោះទេ។ ប្រទេសអេស្តូនីនាយករដ្ឋមន្ត្រីប្រទេសអេស្តូនី លោកស្រី Kaja Kallas នៅក្នុងបទសម្ភាសន៍ជាមួយទូរទស្សន៍ CNN បាននិយាយថា លោក Putin នឹងបំបាត់អ្នកប្រឆាំង ហើយរឿងនេះ បានបំភ័យដល់អ្នកដែលកំពុងគិតពីការបញ្ចេញមតិខុសពីលោក។ចក្រភពអង់គ្លេសលោកស្រី Alicia Kearns សមាជិកសភា បាននិយាយថា ល្បឿនដែលរដ្ឋាភិបាលរុស្ស៊ី បានបញ្ជាក់ថាលោក Yevgeny Prigozhin នៅលើយន្តហោះដែលបានធ្លាក់ តាមេជើងហោះហើរពីទីក្រុងមូស្គូ ទៅទីក្រុង St Petersburg បានប្រាប់យើងគ្រប់យ៉ាងដែលយើងចាំបាច់ត្រូវដឹង។ របាយការណ៍នានា ដែលថា ប្រព័ន្ធការពារដែនអាកាសរបស់រុស្ស៊ី បានបាញ់ទម្លាក់យន្តហោះ បង្ហាញថា លោក Putin កំពុងបញ្ជូនសារមានសំឡេងលឺខ្លាំង៕

បណ្ដាញសង្គម

ព័ត៌មានថ្មីៗ

Press Briefing - Update on the implementation of the immediate and unconditional ceasefire agreement between Cambodia and Thailand ( August 7, 2025 )
08/08/2025 10:08 AM
Facebook Telegram Linkin
ក្រសួងបរិស្ថានបន្តបានចែកកូនឈើដោយឥតគិតថ្លៃ ជូនប្រជាពលរដ្ឋដើម្បីយកទៅដាំនៅតាមទីតាំងនានា
08/08/2025 09:08 AM
Facebook Telegram Linkin
BREAKING NEWS ! សារព័ត៌មាន Axios និយាយថា គណៈរដ្ឋមន្ត្រីសន្តិសុខអ៊ីស្រាអែលបានអនុម័តផែនការរបស់លោក Netanyahu ដើម្បីកាន់កាប់តំបន់ហ្កាហ្សា
08/08/2025 09:08 AM
Facebook Telegram Linkin
សម្តេចព្រះមហាសុមេធាធិបតី កិត្តិបណ្ឌិត អំ លីមហេង យាងប្រារព្ធពិធីរំកិលព្រះពុទ្ធបដិមាតម្កល់ទុកក្នុងទីបរិវេណ អាកាសយានដ្ឋានអន្តរជាតិតេជោ
08/08/2025 09:08 AM
Facebook Telegram Linkin
ធ្លាក់យន្តហោះនៅប្រទេសកេនយ៉ា បណ្តាលឲ្យមនុស្សយ៉ាងហោចណាស់៦នាក់ស្លាប់ និងរបួស២នាក់
08/08/2025 09:08 AM
Facebook Telegram Linkin
សប្បុរសជន បន្តឧបត្ថម្ភដល់កងពលតូចដឹកជញ្ជូនលេខ៩៩ ដើម្បីយកទៅចែកជូនបងប្អូនវីរកងទ័ពជួរមុខ
08/08/2025 09:08 AM
Facebook Telegram Linkin
មន្រ្តីរុស្ស៊ីបញ្ជាក់ថា លោក Trump-Putin អាចជួបគ្នានៅសប្ដាហ៍ក្រោយ ប៉ុន្តែមិនដឹងពីជំនួបមេដឹកនាំអ៊ុយក្រែនទេ
08/08/2025 08:08 AM
Facebook Telegram Linkin
កម្ពុជា បន្តស្នើសុំយ៉ាងទទូចឲ្យថៃដោះលែងកងទ័ពទាំង១៨រូប ដែលថៃចាប់ទៅ ប្រគល់មកកម្ពុជាវិញឲ្យបានឆាប់
08/08/2025 08:08 AM
Facebook Telegram Linkin
បារាំង ប្រឹងប្រែងទប់ស្កាត់ចំហេះព្រៃ ខណៈរលកកម្ដៅកាន់តែខ្លាំងនៅទូទាំងទ្វីបអឺរ៉ុប
08/08/2025 08:08 AM
Facebook Telegram Linkin
លោក Netanyahu ប្រកាសពីបំណងក្នុងការឱ្យអ៊ីស្រាអែល គ្រប់គ្រងតំបន់ហ្កាហ្សា ទាំងមូល
08/08/2025 08:08 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.