នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ
TOP STORY | សម្ដេចធិបតី បានចាត់វិធានការចាំបាច់​ជាបន្ត​បន្ទា​ប់ចំ​ពោះកា​រ​វិល​ត្រឡប់​ទ្រង់ទ្រាយ​ធំរ​បស់​ពលករ​ខ្មែរ និងជនភៀសសឹក
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា

នយោបាយ​ និង ការអភិវឌ្ឍន៍

កម្មករ-កម្មការិនីរំពឹងថា រាជរដ្ឋាភិបាលថ្មីនឹងបន្តជំរុញវិស័យកាត់ដេរឱ្យប្រសើរនិងមានការដំឡើងប្រាក់ ឈ្នួល

2023/08/24 11:49:57 am        153
Facebook Telegram Linkin
ភ្នំពេញ៖ កម្មករ-កម្មារិនីរោងចក្រ បានបង្ហាញជំនឿលើការដាក់ដឹកនាំរបស់នាយករដ្ឋមន្រ្តី អាណិត្តទី៧នេះ នឹងបន្តអភិវឌ្ឍវិស័យកាត់ដេរឱ្យកាន់តែរីកចម្រើនថែមទៀត និងមានការដំឡើង​ប្រាក់ឈ្នួលកាន់តែខ្ពស់ ដើម្បីលើកស្ទួយជីវភាពកម្មករ-និយោជិត ។បន្ទាប់ពីការប្រកាសក្នុងកិច្ចប្រជុំគណៈរដ្ឋមន្ត្រីដំបូង ​របស់រាជរដ្ឋាភិបាលអាណត្តិទី៧ នៅព្រឹកថ្ងៃទី ២៤ ខែសីហានេះ របស់ឯកឧត្ដមកិត្តិទេសាភិបាល ហ៊ុន ម៉ាណែត អំពីការគិតគូរបន្តដំឡើងប្រាក់​ឈ្នួលអប្បបរមា និងប្រាក់អត្ថប្រយោជន៍ផ្សេងទៀត ​ព្រមជាមួយនឹងការកែលម្អលក្ខខណ្ឌការងារ និងការការពារ អាជីពជូនកម្មករនិយោជិត បានធ្វើឱ្យកម្មករ-កម្មការិនី ដែលកំពុងបម្រើការងារនៅ​តាម​បណ្ដារោងចក្រ ក្នុងខេត្តកណ្ដាល រីករាយសប្បាយចិត្ត ​និងរំពឹងថា ​វិស័យកាត់ដេរ ក្នុង​រាជរដ្ឋាភិបាលថ្មីនេះ ​នឹងកាន់តែមានការីកចម្រើន និងជាពិសេស​ប្រាក់​ឈ្នួល​អប្បបរមា​សម្រាប់​ឆ្នាំ២០២៤ ​នឹងត្រូវដំឡើងបន្ថែម ។គួរបញ្ជាក់ថា កិច្ចប្រជុំក្រុមប្រឹក្សាជាតិប្រាក់ឈ្នួល​អប្បបរមា​សម្រាប់វិស័យ​វាយនភណ្ឌ​កាត់ដេរ សំលៀកបំពាក់ ស្បែកជើង ​និងផលិតផលធ្វើដំណើរ ​និងកាបូប ​អាណត្តិទី៣ ​លើកទី២​ នឹងចាប់ផ្តើម នៅថ្ងៃទី២៨ខែសីហានេះ ជាលក្ខណៈត្រីភាគី រួមមាន៖ ភាគីសហជីព តំណាងឲ្យកម្មករនិយោជិត, ភាគី និយោជក និងភាគីរដ្ឋាភិបាល ។ ​មកដល់ឆ្នាំនេះ ​ប្រាក់ឈ្នួលអប្បរមារបស់កម្មករនិយោជិត ក្នុងវិស័យកាត់ដេរ មានចំនួន២០០ដុល្លារ ក្នុងមួយខែ ៕អត្ថបទ៖ ទូច សោភ័ណ

សហរដ្ឋអាមេរិកស្វែងរកការបន្តកិច្ចព្រមព្រៀងវិទ្យាសាស្ត្រដ៏ចម្រូងចម្រាសជាមួយប្រទេសចិន

2023/08/24 11:49:51 am        128
Facebook Telegram Linkin
ចិន៖ ក្រសួងការបរទេស បាននិយាយកាលពីថ្ងៃពុធថា សហរដ្ឋអាមេរិកកំពុងស្វែងរកការបន្តរយៈពេល៦ខែនូវកិច្ចព្រមព្រៀងវិទ្យាសាស្ត្រនិងបច្ចេកវិទ្យាដែលមានអាយុកាលរាប់ទសវត្សរ៍ជាមួយប្រទេសចិន ដើម្បីឲ្យ ខ្លួនអាចធ្វើការចរចាជាមួយទីក្រុងប៉េកាំងដើម្បី«ពង្រឹង» កិច្ចព្រមព្រៀងនេះ។កិច្ចព្រមព្រៀងដ៏សំខាន់នេះ ដែលបានចុះហត្ថលេខា នៅពេលដែលទីក្រុងប៉េកាំង និងទីក្រុងវ៉ាស៊ីនតោនបានបង្កើតទំនាក់ទំនងការទូតក្នុងឆ្នាំ១៩៧៩ ហើយបានបន្តជាថ្មីរៀងរាល់៥ឆ្នាំម្តង ចាប់តាំងពីពេលនោះមក បានបង្ហាញថា គូប្រជែងភូមិសាស្ត្រនយោបាយនេះ អាចសហការគ្នាលើវិស័យវិទ្យាសាស្ត្រ និងបច្ចេកទេសជាបន្តបន្ទាប់។ប៉ុន្តែក្តីបារម្ភអំពីសមត្ថភាពយោធាដែលកំពុងកើនឡើងរបស់ប្រទេសចិន និងការលួចសមិទ្ធិផលផ្នែកវិទ្យាសាស្ត្រ និងពាណិជ្ជកម្មរបស់សហរដ្ឋអាមេរិក បានបង្កឲ្យមានសំណួរថាតើកិច្ចព្រមព្រៀងវិទ្យាសាស្ត្រ និង  បច្ចេកវិទ្យា (STA) ដែលនឹងត្រូវផុតកំណត់ នៅថ្ងៃទី២៧ ខែសីហានេះ គួរតែបន្តឬយ៉ាងណា? អ្នកនាំពាក្យក្រសួងការបរទេស បានថ្លែងប្រាប់សារព័ត៌មានរ៉យទ័រថា៖«ការបន្តរយៈពេល៦ខែដ៏ខ្លីនេះ នឹងរក្សាកិច្ចព្រមព្រៀងនេះ ឲ្យនៅជាធរមាន ខណៈពេលដែលយើងស្វែងរកសិទ្ធិអំណាច ដើម្បីធ្វើការចរចាដើម្បីកែប្រែនិងពង្រឹងលក្ខខណ្ឌរបស់STA។ វាមិនផ្តល់ឲ្យសហរដ្ឋអាមេរិកនូវការបន្តរយៈពេលវែងនោះទេ»៕

លោកនាយករដ្ឋមន្ត្រីថៃ សេដ្ឋា សន្យាបង្កើតឲ្យមានយុគសម័យថ្មីនៃការផ្លាស់ប្តូរ និងប្ដេជ្ញាបង្រួបបង្រួមប្រទេស

2023/08/24 11:46:35 am        111
Facebook Telegram Linkin
ថៃ៖ លោកសេដ្ឋាថាវីស៊ីន (Srettha Thavisin) នាយករដ្ឋមន្ត្រីថ្មីរបស់ប្រទេសថៃ កាលពីថ្ងៃពុធ បានប្ដេជ្ញានាំមកនូវឯកភាពសម្រាប់ប្រទេសរបស់លោក និងលើកកម្ពស់គោលនយោបាយអាចដែលដោះស្រាយវិបត្តិនានា និងដឹកនាំប្រទេសឲ្យកាន់តែរីកចម្រើនថែមទៀត។ នៅក្នុងសុន្ទរកថានៅតាមទូរទស្សន៍រដ្ឋ បន្ទាប់ពីត្រូវបានឡាយព្រះហស្តលេខាដោយព្រះមហាក្សត្រ របស់ប្រទេសថៃ លោក សេដ្ឋា ដែលជាមហាសេដ្ឋី អចលនទ្រព្យ រូបនេះ បានប្ដេជ្ញាជំរុញបរិយាប័ន និងយកចិត្តទុកដាក់ រាល់ផលប្រយោជន៍ទាំងអស់ប្រទេសប្រជាជនថៃ ដោយសន្យានាំមកនូវយុគសម័យថ្មីនៃការផ្លាស់ប្តូរ ។ លោកនិយាយថា រដ្ឋាភិបាលថៃនឹងធ្វើការដើម្បីផលប្រយោជន៍សាធារណៈ។លោកបានបញ្ជាក់ជាថ្មីថា រយៈពេល៤ឆ្នាំ ក្រោមការដឹកនាំរបស់លោក នឹងធ្វើឲ្យមានការផ្លាស់ប្ដូររយៈពេល៤ឆ្នាំ។ លោកក៏បាន និយាយផងដែរពីវិបត្តិនានាពាក់ព័ន្ធនឹងសេដ្ឋកិច្ច ប្រាក់ចំណូលជាតិ ការចំណាយ សុខមាលភាពប្រជាជន សន្តិសុខ សង្គម ការទូត បរិស្ថាន ច្បាប់ យុត្តិធម៌ និងអំពើពុករលួយ លោក Srettha ត្រូវបានជ្រើសរើសជានាយករដ្ឋមន្ត្រីទី៣០របស់ប្រទេសថៃ កាលពីថ្ងៃទី២២ខែសីហាសប្ដាហ៍នេះ ដោយទទួលបានសំឡេងឆ្នោតគាំទ្រ៤៨២សំឡេង ។ បន្ទាប់ពីទទួលបានព្រះរាជានុម័តពីព្រះមហាក្សត្រ លោកបានចូលរួមជាមួយក្រុមគណបក្សចម្រុះ១១គណបក្សដឹកនាំដោយគណបក្សភឿថៃ (Pheu Thai) ដើម្បីបង្កើតរដ្ឋាភិបាលថ្មី៕

មេដឹកនាំកូរ៉េខាងជើងលោក គីម ជុងអ៊ុន ទៅទស្សនកិច្ចរោងចក្រត្រាក់ទ័រ ចំពេលមានវិបត្តិស្បៀងអាហារ

2023/08/24 11:43:00 am        110
Facebook Telegram Linkin
កូរ៉េខាងជើង៖ ប្រព័ន្ធផ្សព្វផ្សាយរដ្ឋKCNA បានរាយការណ៍នៅថ្ងៃព្រហស្បតិ៍នេះថា មេដឹកនាំកូរ៉េខាងជើង លោក គីម ជុងអ៊ុន បានទៅទស្សនកិច្ចរោងចក្រត្រាក់ទ័រ Kumsong កាលពីថ្ងៃពុធជាមួយនឹងប្អូនស្រីដ៏មានឥទ្ធិពលរបស់លោក គឺលោកស្រី គីម យ៉ូចុង (Kim Yo Jong )ចំពេលមានវិបត្តិស្បៀងអាហារដែលកំពុងបន្ត។ដំណើរទស្សនកិច្ចនេះដែលអមដោយក្រុមមន្ត្រីជាន់ខ្ពស់ បានមើលឃើញថា មេដឹកនាំរូបនេះ ជំរុញឲ្យរោងចក្រដើរតួនាទីយ៉ាងសំខាន់ក្នុងការដោះស្រាយវិបត្តិស្បៀងអាហារ ដែលលោកចាត់ទុកថា ជាអាជីវកម្មដ៏សំខាន់សម្រាប់អនាគតរបស់ប្រទេសនេះ។របាយការណ៍ បាននិយាយថា លោកគីម ក៏បានអំពាវនាវឲ្យមានគោលដៅកំណត់ ដើម្បីធ្វើទំនើបកម្មដំណើរការផលិតគ្រឿងយន្តកសិកម្មរបស់ប្រទេស ហើយដើម្បីឲ្យវាឈានដល់កម្រិត«លំដាប់ពិភពលោក។ប្រទេសកូរ៉េខាងជើង បាននិងកំពុងជំរុញវិស័យកសិកម្ម ចំពេលមានការព្រួយបារម្ភអំពីការខ្វះខាតស្បៀងអាហារ។ អ្នកវិភាគមួយចំនួន បាននិយាយថា រោងចក្រnនេះ ក៏អាចផលិតគ្រឿងបន្លាស់សម្រាប់យានបាញ់មីស៊ីលផងដែរ។រដ្ឋមន្ត្រីបង្រួបបង្រួមកូរ៉េខាងត្បូង ដែលត្រូវបានគេចោទប្រកាន់ពីបទចាត់ចែងទំនាក់ទំនងជាមួយប្រទេសជិតខាងរបស់ខ្លួន បាននិយាយកាលពីដើមឆ្នាំនេះថា ស្ថានភាពស្បៀងអាហារនៅកូរ៉េខាងជើង«នៅតែអាក្រក់» ទោះបីជាមានការកើនឡើងតិចតួចនៃពាណិជ្ជកម្មជាមួយប្រទេសចិនក៏ដោយ។

ពលរដ្ឋអារ៉ាប់នៅអ៊ីស្រាអែលតវ៉ាចំពោះឧក្រិដ្ឋកម្មគ្មានការរារាំង ខណៈលោក Netanyahu សន្យាបង្ក្រាប

2023/08/24 11:39:24 am        62
Facebook Telegram Linkin
អារ៉ាប់៖ ពលរដ្ឋអារ៉ាប់រាប់រយនាក់ បានចេញធ្វើបាតុកម្ម កាលពីថ្ងៃពុធនៅក្នុងបុណ្យសពរបស់មេដឹកនាំសហគមន៍ដែលបានស្លាប់ ដោយបង្ហាញពីកំហឹងជាអ្វីដែលពួកគេនិយាយថា ជាការបរាជ័យរបស់រដ្ឋាភិបាលអ៊ីស្រាអែល ដើម្បីទប់ស្កាត់ការកើនឡើងអំពើហិង្សាឧក្រិដ្ឋកម្មដែលកំពុងរាលដាលនៅសហគមន៍របស់ពួកគេ។ ក្រុមអ្នកកាន់ទុក បានក្រវីទង់ជាតិព័ណ៌ខ្មៅ និងពាក់អាវយឺតព័ណ៌ខ្មៅ មានរូបថតលោក Abdelrahman Kashua អាយុ៥៥ ជានាយកនៅក្រុង Tira នៅអ៊ីស្រាអែលភាគកណ្តាល និងជាឪពុកមានកូន៥នាក់ ដែលពួកគេបាននិយាយថា ជា«ជនរងគ្រោះនៃកំណែទម្រង់» ដែលការស្លាប់របស់លោកនៅមិនទាន់បានដោះស្រាយនៅឡើយ។ពលរដ្ឋអារ៉ាប់យ៉ាងហោចណាស់១៥០នាក់ នៅក្នុងប្រទេសអ៊ីស្រាអែល ត្រូវបានសម្លាប់ចាប់តាំងពី ខែមករា ដែលមានអ្នកស្លាប់និងរងរបួសច្រើនជាងទ្វេរដងនៅអំឡុងពេលដូចគ្នាកាលពីឆ្នាំមុន និងជាចំនួនខ្ពស់បំផុតចាប់តាំងពីឆ្នាំ២០១៤។ នគរបាល និយាយថា ពួកគេបានបង្កើនកិច្ចប្រឹងប្រែងដើម្បីប្រយុទ្ធប្រឆាំងឧក្រិដ្ឋកម្មនៅក្នុងសហគមន៍អារ៉ាប់។ សមាជិកសភាលោក Iman Khatib-Yasin នៅក្នុងបញ្ជីអារ៉ាប់រួមនៃសាសនាអ៊ីស្លាម បានប្រាប់សារព័ត៌មានរ៉យទ័រថា គ្មាននណាម្នាក់សុវត្ថិភាពនោះទេ កូនៗរបស់យើងគ្មានសុវត្ថិភាពឡើយ។ អារម្មណ៍នោះ បានគ្របដណ្តប់លើសហគមន៍របស់យើងដែលខ្វះសុវត្ថិភាព។ នាយករដ្ឋមន្ត្រីលោក Benjamin Netanyahu កាលពីថ្ងៃអង្គារ បាននិយាយថា ការស្លាប់របស់លោក Kashua's បានឆ្លងកាត់ខ្សែបន្ទាត់មួយ និងបាននិយាយឡើងវិញពីការសន្យារបស់លោក ចំពោះការជាប់ពាក់ព័ន្ធទីភ្នាក់ងារស៊ើបអង្កេតក្នុងស្រុក Shin Bet ដើម្បីបំបាត់ឧក្រិដ្ឋកម្មនៅក្នុងសហគមន៍អារ៉ាប់៕

ប្រធានាធិបតីចិន លោក ស៊ី ប្តេជ្ញាគាំទ្រប្រទេសគុយបាក្នុងការការពារអធិបតេយ្យភាពជាតិរបស់ខ្លួន

2023/08/24 11:34:39 am        102
Facebook Telegram Linkin
ចិន៖ ប្រធានាធិបតីចិនលោក ស៊ី ជីនពីង (Xi Jinping) បានសន្យាគាំទ្រប្រទេសគុយបាលើការការពារអធិបតេយ្យភាពជាតិរបស់ខ្លួនប្រឆាំងនឹងការជ្រៀតជ្រែកពីបរទេសនិងការបិទផ្លូវសេដ្ឋកិច្ចរបស់សហរដ្ឋអាមេរិកហើយនឹងពង្រីកការសម្របសម្រួលជាយុទ្ធសាស្ត្រជាមួយទីក្រុងឡាហាវ៉ាន(Havana)។លោកស៊ី បានធ្វើការធិប្បាយនៅក្នុងកិច្ចប្រជុំជាមួយប្រធានាធិបតីគុយបា លោក មីហ្គែល ឌូយ៉ាស កាណែល (Miguel Diaz-Canel) នៅខាងក្រៅវេទិកាកិច្ចប្រជុំកំពូលBRICS នៅទីក្រុងចូហានណេសប៊ឺក (Johannesburg) កាលពីថ្ងៃពុធ នេះបើយោងតាមសេចក្តីថ្លែងការណ៍របស់ក្រសួងការបរទេសចិននៅ ពីថ្ងៃព្រហស្បតិ៍នេះ។លោកស៊ី បាននិយាយនៅក្នុងកិច្ចប្រជុំនោះថា៖«ប្រទេសចិនវាយតម្លៃខ្ពស់ចំពោះការគាំទ្រយ៉ាងម៉ឺងម៉ាត់របស់គុយបាចំពោះប្រទេសចិនលើបញ្ហាពាក់ព័ន្ធនឹងផលប្រយោជន៍ស្នូលរបស់ចិន ហើយនឹងបន្តគាំទ្រយ៉ាងម៉ឺងម៉ាត់ចំពោះគុយបាក្នុងការការពារអធិបតេយ្យភាពជាតិរបស់ខ្លួនប្រឆាំងនឹងការជ្រៀតជ្រែក និង រាំងខ្ទប់ពីបរទេស ហើយនឹងខិតខំប្រឹងប្រែងឲ្យអស់ពីសមត្ថភាព ដើម្បីផ្តល់ការគាំទ្រដល់ការអភិវឌ្ឍសេដ្ឋកិច្ច និងសង្គមរបស់ប្រទេសគុយបា នេះបើយោងតាមសេចក្តីថ្លែងការណ៍។ ក្នុងអំឡុងពេលកិច្ចពិភាក្សា លោកឌីយ៉ាស កាណែល បានចាត់ទុកទំនាក់ទំនងគុយបា-ចិនថាជា«កម្រិតខ្ពស់គ្រប់ពេលវេលា»។លោក ឌីយ៉ាស កាណែល បានថ្លែងនៅក្នុងកិច្ចប្រជុំនេះដែលត្រូវបានចូលរួមដោយរដ្ឋមន្ត្រីការបរទេសចិន លោក វ៉ាង យី (Wang Yi)ថា៖«ប្រជាជនគុយបាកោតសរសើរយ៉ាងខ្លាំងចំពោះប្រធានាធិបតីលោក ស៊ី ជីនពីង ហើយសូមអរគុណដោយស្មោះចំពោះប្រទេសចិនសម្រាប់ការយោគយល់ និងការគាំទ្រដ៏មានតម្លៃសម្រាប់បុព្វហេតុដ៏ត្រឹមត្រូវរបស់ប្រទេសគុយបា»។

អាមេរិក អនុម័តការលក់ឧបករណ៍ដើម្បីធ្វើឲ្យប្រសើរឡើងការតាមដានដែនអាកាសយន្តហោះចម្បាំង កោះតៃវ៉ាន់

2023/08/24 11:32:18 am        103
Facebook Telegram Linkin
អាមេរិក៖ សហរដ្ឋអាមេរិក បានិយាយកាលពីថ្ងៃពុធថា ខ្លួនបានអនុម័តការលក់ទៅឲ្យកោះតៃវ៉ាន់នូវឧបករណ៍សេនស័រទំនើបសម្រាប់យន្តហោះចម្បាំងរបស់កោះនេះ ជាការធ្វើឲ្យប្រសើរឡើងចុងក្រោយ ខណៈការព្រួយបារម្ភកើនឡើងជុំវិញប្រទេសចិន។ ក្រសួងការបរទេស បាននិយាយថា ក្រសួងបានជូនដំណឹងដល់សភានូវការលក់ប្រព័ន្ធតាមដាននិងស្វែងរករបស់យន្តហោះ F-16 និងឧបករណ៍ពាក់ព័ន្ធដើម្បីជួយកោះតៃវ៉ាន់រក្សាសមត្ថភាពការពារអាចទុកចិត្តបាន។ ការលក់ឧបករណ៍នេះ នឹងជួយកោះតៃវ៉ាន់ ទប់ទល់បាននូវការគំរាមកំហែងនៅពេលបច្ចុប្បន្ននិងអនាគត ដោយការរួមចំណែកដល់សមត្ថភាពអ្នកទទួលដើម្បីការពារដែនអាកាសរបស់ខ្លួន ផ្តល់សន្តិសុខប្រចាំតំបន់ និងបង្កើនសមត្ថភាពការងារផ្លាស់ប្តូរព័ត៌មានជាមួយសហរដ្ឋអាមេរិក តាមរយៈកម្មវិធីយន្តហោះ F-16 របស់ខ្លួន។ប្រព័ន្ធថ្មីនេះ ត្រូវបានកសាងដោយក្រុមហ៊ុន Lockheed Martin ធ្វើឲ្យប្រសើរឡើងសមត្ថភាពយន្តហោះប្រយុទ្ធ ដើម្បីការពារការគំរាមកំហែងនៅដែនអាកាស ដែលបង្កើនឱកាសជាច្រើននៃការនៅគង់វង្សរបស់យន្តហោះ F-16 អំឡុងពេលប្រយុទ្ធ។សហរដ្ឋអាមេរិក ទទួលស្គាល់ពីការអះអាងរបស់ទីក្រុងប៉េកាំង ប៉ុន្តែ រយៈកាលពីជាង៤ទសវត្សរ៍មកនេះ បានលក់អាវុធទៅឲ្យកោះតៃវ៉ាន់ដើម្បីធានាបាន ស្វ័យការពាររបស់កោះនេះ៕

ព្យុះ Franklin វាយបក់មកលើសាធារណរដ្ឋដូមីនិក ដោយមានទឹកកម្ពស់ត្រឹមចង្កេះ

2023/08/24 11:29:36 am        75
Facebook Telegram Linkin
ដូមីនិក៖ ព្យុះត្រូពិក Franklin បានវាយបក់បោកមកលើសាធារណៈរដ្ឋដូមីនិក កាលពីថ្ងៃពុធ បណ្តាលឲ្យតាមដងផ្លូវនានាមានទឹកជន់លិចខ្លាំង។នៅក្នុងទីក្រុង Santo Domingo ( សាំង ដូម៉ាំង) ទឹកកើនឡើងខ្ពស់ និងមានរលកខ្លាំងបោកបក់មកច្រាំង ខណៈពលរដ្ឋក្នុងតំបន់ ដើរកាត់ទឹកតាមដងផ្លូវដែលបានជន់លិច។មជ្ឈមណ្ឌលព្យុះកំណាចជាតិមានមូលដ្ឋាននៅសហរដ្ឋអាមេរិកបាននិយាយកាលពីល្ងាចថ្ងៃអង្គារថា ព្យុះដែលបាននាំមកខ្ល់បក់ក្នុងល្បឿន ៦៥គីឡូម៉ែត្រក្នុងមួយម៉ោង បានបក់ឆ្លងកាត់ឆ្នេរភាគខាងត្បូង កោះ Hispaniola កាលពីយប់ថ្អៃអង្គារនិងមានភ្លៀងធ្លាក់កម្រិត១០អ៊ិញ ឬ២៥សង់ទីម៉ែត្ររហូតដល់ថ្ងៃពុធ និងមានកម្រិត១៥អ៊ិញ នៅកន្លែងដាច់ស្រយ៉ាលមួយចំនួន ដែលការជន់លិចកំពុងបង្កការគំរាមកំហែងដល់អាយុជីវិត។ មជ្ឈមណ្ឌលប្រតិបត្តិការសង្គ្រោះបន្ទាន់ របស់សាធារណៈរដ្ឋដូមិនិក បាននិយាយនៅក្នុងសេចក្តីថ្លែងការណ៍ ថា មនុស្ស៣១២នាក់ ត្រូវបានជម្លៀសទៅកាន់ទីជម្រក ហើយខេត្តចំនួន២៥ កំពុងស្ថិតក្រោមការប្រកាសអាសន្នព័ត៌ក្រហម និងខេត្តចំនួន៧ទៀតក្រោមការប្រកាសអាសន្នព័ណ៌លឿង៕

លោក Biden មិនភ្ញាក់ផ្អើលចំពោះរបាយការណ៍ស្តីពីការស្លាប់របស់ប្រធានក្រុមហ៊ុនទាហានស៊ីឈ្នួលលោក Prigozhin ឡើយ

2023/08/24 11:23:12 am        87
Facebook Telegram Linkin
អាមេរិក៖ ប្រធានាធិបតីសហរដ្ឋអាមេរិក លោក Joe Biden កាលពីថ្ងៃពុធបាននិយាយថា លោកពុំមានការភ្ញាក់ផ្អើលពីរបាយការណ៍ដែលថា ប្រធានក្រុមហ៊ុនទាហានស៊ីឈ្នួលរុស្ស៊ីលោក Yevgeny Prigozhin បានស្លាប់នៅក្នុងការធ្លាក់យន្តហោះនោះទេ ដោយលោកនិយាយថាមិនមានរឿងកើតឡើងច្រើននោះទេនៅក្នុងប្រទេសនេះ ដែលថាប្រធានាធិបតីលោក Vladimir Putin មិនស្ថិតនៅពីក្រោយនោះ។ អ្នកវិភាគបាននិយាយថា ឧបទ្ទវហេតុ អាចជាវិធីមួយសម្រាប់លោក Putin ដើម្បីព្រមានអ្នកដ៏ទៃទៀតដែលអាចក្បត់លោក ឬដើម្បីបង្ហាញការគាំទ្ររបស់លោកចំពោះយោធារុស្ស៊ី ដែលលោក Prigozhin ធ្វើឲ្យអន្តរាយដោយការប៉ះបោប្រដាប់អាវុធមិនបានសម្រេច កាលពីខែមិថុនា។យោងតាមអាជ្ញាធររុស្ស៊ីបានឲ្យដឹងថា លោក Prigozhin ត្រូវបានចុះឈ្មោះជាអ្នកដំណើរម្នាក់នៅលើយន្តហោះឯកជនមួយគ្រឿង ដែលបានធ្លាក់ កាលពីល្ងាចថ្ងៃពុធ នៅភាគខាងជើងទីក្រុងមូស្គូ ដោយគ្មានអ្នកនៅរស់រានមានជីវិតឡើយ។ សារព័ត៌មានរ៉យទ័រ ពុំអាចអះអាងពីលោក Prigozhin ស្ថិតនៅលើយន្តហោះនោះទេ ទោះបីជាបណ្តាញតេឡេក្រាមភ្ញាប់ជាមួយក្រុមហ៊ុន Wagner បានប្រកាសថា លោកបានស្លាប់ក៏ដោយ។ សេតវិមាននិយាយថា លោក Biden បានថ្លែងសង្ខេបអំពីការធ្លាក់យន្តហោះនេះ និងបាននិយាយទៅកាន់អ្នកសារព័ត៌មានថាលោកមិនបានដឹងពីការពិតនូវអ្វីដែលបានកើតឡើងឡើយ។ លោក Biden និយាយថា ប៉ុន្តែខ្ញុំមិនភ្ញាក់ផ្អើលនោះទេ។ លោក Prigozhin អាយុ៦២ឆ្នំា ដែលបានដឹកនាំការប៉ះបោ ប្រឆាំងមន្ត្រីយោធាជាន់ខ្ពស់របស់រុស្ស៊ី កាលពីថ្ងៃទី២៣ និង២៤ខែមិថុនា ដែលលោក Putin និយាយថា អាចបណ្តាលឲ្យរុស្ស៊ីធ្លាក់ចូលក្នុងសង្គ្រាមស៊ីវិល។ លោក Biden និងនាយក CIA លោក Williams Burns បាននិយាយដាច់ដោយឡែកកាលពីខែមុនអំពីគ្រោះថ្នាក់ខ្លាំងចំពោះលោក Prigozhin បន្ទាប់ពីសកម្មភាពរបស់លោក ទោះបីបញ្ហាមួយចំនួនជាការនិយាយចំអកក៏ដោយ៕

នាយករដ្ឋមន្ត្រី ហ៊ុន ម៉ាណែត ប្រកាសគោលនយោយបាយ៦ចំណុច អាទិភាពដែលត្រូវអនុវត្តភ្លាមក្នុងឆ្នាំ២០២៣

2023/08/24 11:00:44 am        1428
Facebook Telegram Linkin
ភ្នំពេញ៖ ក្នុងឱកាសអញ្ជើញជាអធិបតីដ៏ខ្ពង់ខ្ពស់ បើកកិច្ចប្រជុំគណៈរដ្ឋមន្ត្រីលើកដំបូងសម្រាប់រាជរដ្ឋាភិបាល នីតិកាលទី៧នៃរដ្ឋសភា នៅព្រឹកថ្ងៃទី ២៤ ខែសីហា ២០២៣នេះ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្ត្រីកម្ពុជា បានប្រកាសដាក់ចេញនូវគោលនយោយបាយ៦ចំណុចអាទិភាពដែលត្រូវអនុវត្តភ្លាមក្នុងឆ្នាំ២០២៣។ឯកឧត្តមកិត្តិទេសាភិបាលបណ្ឌិត បានមានប្រសាសន៍ថា ក្នុងតួនាទីជារបៀបវារៈគោលនយោបាយ​សង្គម-សេដ្ឋកិច្ច កម្មវិធី នយោបាយរបស់រាជរដ្ឋាភិបាល នីតិកាលទី ៧ នៃរដ្ឋសភា, យុទ្ធសាស្ត្របញ្ចកោណ-ដំណាក់ កាលទី១ នឹងជំរុញការអនុវត្តកម្មវិធីគោលនយោបាយអាទិភាព ទាំង ៦ ដែលត្រូវចាប់អនុវត្ត ក្នុងឆ្នាំ ២០២៣ នេះតែម្ដង ។ផ្អែកលើ «កម្មវិធីនយោបាយ សម្រាប់ការកសាង និង ការការពារមាតុភូមិ ឆ្នាំ ២០២៣- ២០២៨» របស់គណបក្សប្រជាជនកម្ពុជា ដែលប្រជាពលរដ្ឋទូទាំងប្រទេសបានផ្ដល់ការគាំទ្រ ភ្លូកទឹកភ្លូកដី នៅក្នុងការបោះឆ្នោត ​នាថ្ងៃទី ២៣ ខែ កក្កដា កន្លងទៅនេះ,ឯកឧត្តមនាយករដ្ឋមន្ត្រី បានមាន​ប្រសាសន៍ថា រាជរដ្ឋាភិបាលបាន រៀបចំ «កម្មវិធីនយោបាយ» របស់ខ្លួន សម្រាប់នីតិកាលទី ៧ នៃរដ្ឋសភា។ ឈរលើមូលដ្ឋាននៃការវាយតម្លៃគ្រប់ជ្រុងជ្រោយ នៃលទ្ធផលការងារដែល​បាន​អនុវត្តក្នុងនីតិកាលមុនៗ ក៏ដូចជាបរិការណ៍ជាតិ និង អន្តរជាតិ នាបច្ចុប្បន្ន និង ទៅអនាគត ព្រមទាំង​ដោយយកចិត្តទុក ដាក់ឆ្លើយតបទៅនឹងបំណងប្រាថ្នាដ៏ពិសិដ្ឋរបស់ប្រជាជន។ «កម្មវិធីនយោបាយ» នេះ ​បានកំណត់ដាក់ចេញនូវគោលដៅជាយុទ្ធសាស្ត, គោលនយោបាយចម្បង​ជាអាទិភាព, គោលនយោបាយអភិវឌ្ឍតាមវិស័យ និង កម្មវិធីគោលនយោបាយជាអាទិភាព ដែល​ត្រូវចាប់អនុវត្តពីឆ្នាំ ២០២៣ តទៅ, ដែលជាក្របខ័ណ្ឌសម្រាប់តម្រង់ទិសការងាររបស់រាជរដ្ឋាភិបាល ក្នុងការបន្តបំពេញបេសកកម្មបម្រើជាតិ និង ប្រជាជន នៅក្នុងនីតិកាលទី ៧ នេះ ។ក្នុងនាមជា នាយករដ្ឋមន្ត្រី នៃព្រះរាជាណាចក្រកម្ពុជា, កាលពីថ្ងៃទី ២២ ខែ សីហា ឆ្នាំ ២០២៣, ឯកឧត្តមបាន ដាក់បង្ហាញ «កម្មវិធីនយោបាយ» នេះ ជូនអង្គរដ្ឋសភា, និងជូនដល់ប្រជាជនកម្ពុជា ទូទាំងប្រទេស តាមរយៈរដ្ឋសភា ។ឈរលើមូលដ្ឋាន «កម្មវិធីនយោបាយ» នេះ, រាជរដ្ឋាភិ បាលបានរៀបចំ «យុទ្ធសាស្ត្របញ្ចកោណ-ដំណាក់កាលទី ១» ដើម្បីកំណើន ការងារ សមធម៌ ប្រសិទ្ធភាព និងចីរភាព សំដៅកសាងមូលដ្ឋាន​គ្រឹះឆ្ពោះទៅសម្រេចបាននូវ ចក្ខុវិស័យកម្ពុជា ឆ្នាំ ២០៥០ ដែលជារបៀបវារៈគោល​នយោបាយ​សង្គម-សេដ្ឋកិច្ច សម្រាប់ជំរុញអនុវត្ត ប្រកបដោយប្រសិទ្ធភាពនូវ «កម្មវិធីនយោបាយ» របស់ខ្លួន និង ជាមគ្គុទេសក៍សម្រាប់ តម្រង់សកម្មភាព របស់គ្រប់តួអង្គទាំងអស់ ក្នុងគោលដៅ, ម៉្យាង, បន្តរក្សាឱ្យបានរឹងមាំនូវ​ចលនការ​នៃសុខសន្តិភាព​ ក៏ដូចជាពូនជ្រំ និង ពង្រឹងសមិទ្ធផល​នៃកិច្ចអភិវឌ្ឍដែលសម្​រេចបាននាពេលកន្លងមក; និងម៉្យាងទៀត, កសាង ​និងពង្រឹងមូលដ្ឋានគ្រឹះ សម្រាប់​ជំរុញសន្ទុះនៃ ​ការអភិវឌ្ឍប្រទេសជាតិ ​ក្នុងរយៈពេលមធ្យម ​និងវែងទៅមុខ តាមរយៈការកែទម្រង់មុតស្រួច លើគ្រប់វិស័យ ។ក្នុងនោះ គោលនយោយបាយ៦ចំណុច រួមមាន៖(១). ការពង្រីកសេវាថែទាំសុខភាព ឆ្ពោះទៅរកការគ្របដណ្តប់សុខភាពជាសកល។(២). ការបណ្ដុះបណ្តាលជំនាញវិជ្ជាជីវៈ និងបច្ចេកទេសជូនដល់យុវជនមកពីគ្រួសារ ក្រីក្រ និង គ្រួសារងាយរងហានិភ័យនៅទូទាំងប្រទេស។(៣). ការធ្វើស្ថាបនូបនីយកម្មកម្មវិធីជាតិជំនួយសង្គម សម្រាប់ គ្រួសារក្រីក្រ, ក្រុម ជនងាយរងគ្រោះនៅក្នុងគ្រួសារក្រីក្រ, និង គ្រួសារងាយរងហានិភ័យ នៅក្នុងគ្រាមានវិបត្តិ សេដ្ឋកិច្ច និង គ្រាមានគ្រោះអាសន្ន។(៤). ការដាក់ចេញ យុទ្ធសាស្ត្រស្តីពីការអភិវឌ្ឍសេដ្ឋកិច្ចក្រៅប្រព័ន្ធ ឱ្យមានលទ្ធភាព ចូលរួម​ក្នុងសេដ្ឋកិច្ចក្នុងប្រព័ន្ធ និងអាចទទួលបានផលប្រយោជន៍ពីប្រព័ន្ធគាំពារសង្គមផ្លូវការ។(៥). ការដាក់ចេញនូវយន្តការសម្របសម្រួល និង កម្មវិធីហិរញ្ញប្បទាន សំដៅលើក ស្ទួយផលិតកម្ម, រកទីផ្សារ និង រក្សាលំនឹងថ្លៃកសិផលសំខាន់ៗ ក្នុងកម្រិតសមរម្យ។(៦). ការដាក់ពង្រាយមន្ត្រីបច្ចេកទេសកសិកម្ម ទៅគ្រប់ឃុំ-សង្កាត់ ដែលមាន សកម្មភាពកសិកម្ម នៅទូទាំងប្រទេស និង ការរៀបចំឱ្យមានសមាគមកសិករនៅតាម ទីជនបទ ។

បណ្ដាញសង្គម

ព័ត៌មានថ្មីៗ

ក្រសួងការងារ ព្រមានចាត់វិធានការម៉ឺងម៉ាត់បំផុត ចំពោះបុគ្គលណាទារប្រាក់ពីពលរដ្ឋជាថ្នូរនឹងការទទួលបានការងារ
08/07/2025 09:08 PM
Facebook Telegram Linkin
កោះ Solomon Islands មិនអញ្ជើញអាមេរិក ចិន និងកោះតៃវ៉ាន់ ចូលរួមកិច្ចប្រជុំនយោបាយរបស់ប៉ាស៊ីហ្វិក
08/07/2025 08:08 PM
Facebook Telegram Linkin
ការិយាល័យនៃក្រុមហ៊ុនអាកាសចរណ៍អ៊ីស្រាអែល El Al នៅក្រុងប៉ារីស ត្រូវបានបំផ្លាញទ្រព្យសម្បត្តិ
08/07/2025 08:08 PM
Facebook Telegram Linkin
សម្ដេចធិបតី៖ស្របតាមសំណូមពរពលរដ្ឋខ្មែរគាំទ្របេក្ខភាពឯកឧត្តម Donald Trump សម្រាប់ពានរង្វាន់ណូបែលសន្តិភាព រាជរដ្ឋាភិបាលផ្ញើលិខិតជាផ្លូវការទៅគណៈកម្មការពានរង្វាន់ណូបែលសន្តិភាព
08/07/2025 08:08 PM
Facebook Telegram Linkin
សារព័ត៌មាន Ifax៖ លោក Putin នឹងទៅបំពេញទស្សនកិច្ច នៅឥណ្ឌា នាចុងឆ្នាំ២០២៥
08/07/2025 07:08 PM
Facebook Telegram Linkin
អាល្លឺម៉ង់នឹងពង្រីកការគ្រប់គ្រងព្រំដែន ពាក់ព័ន្ធនឹងវិធានការបង្ក្រាបជនអន្តោប្រវេសន៍
08/07/2025 07:08 PM
Facebook Telegram Linkin
សេចក្ដីរាយការណ៍៖ អគ្គិភ័យនៅរោងចក្រចម្រាញ់ប្រេង Afipsky របស់រុស្ស៊ី ត្រូវបានពន្លត់ ក្រោយត្រូវយានដ្រូនវាយប្រហារ
08/07/2025 06:08 PM
Facebook Telegram Linkin
ប្រព័ន្ធផ្សព្វផ្សាយរដ្ឋ៖ បុរសដែលត្រូវបានអ៊ីរ៉ង់ប្រហារជីវិតពីបទចារកម្ម គឺជាអ្នកវិទ្យាសាស្ត្រនុយក្លេអ៊ែរ
08/07/2025 06:08 PM
Facebook Telegram Linkin
មន្ត្រីជាន់ខ្ពស់ EU៖ ការសម្លាប់ នៅហ្កាហ្សា មើលទៅដូចអំពើប្រល័យពូជសាសន៍ខ្លាំងណាស់
08/07/2025 06:08 PM
Facebook Telegram Linkin
នាយករដ្ឋមន្ត្រីស៊ូដង់ ទៅបំពេញទស្សនកិច្ចអេហ្ស៊ីប ជាលើកដំបូង ចាប់តាំងពីឡើងកាន់តំណែង
08/07/2025 06:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.