នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចធិបតី បានចាត់វិធានការចាំបាច់​ជាបន្ត​បន្ទា​ប់ចំ​ពោះកា​រ​វិល​ត្រឡប់​ទ្រង់ទ្រាយ​ធំរ​បស់​ពលករ​ខ្មែរ និងជនភៀសសឹក
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ​ និង ការអភិវឌ្ឍន៍

អ្នករួចពីគ្រោះថ្នាក់នៃគ្រោះមហន្តរាយទូកដឹកជនអន្តោប្រវេសន៍ ចេញពីតំបន់ Cape Verde ឆ្ពោះទៅសេណេហ្គាល់

2023/08/22 02:16:52 pm        77
Facebook Telegram Linkin
សេណេហ្គាល់៖ អ្នករួចផុតពីគ្រោះថ្នាក់ពីការធ្វើដំណើរតាមទូកដឹកជនអន្តោប្រវេសន៍ដ៏គ្រោះថ្នាក់ ដែលមនុស្សជាង៦០នាក់បានស្លាប់ បានចេញដំណើរពីកោះ Cape Verde ទៅកាន់ប្រទេសសេណេហ្គាល់ មានរយៈពេល១សប្តាហ៍បន្ទាប់ពីពួកគេត្រូវបានជួយសង្គ្រោះនៅសមុទ្រនិងបានចំណាយពេលជាង១ខែ នៃការរសាត់អណ្តែត។ មនុស្សជាង១០០នាក់ បានជិះនៅលើទូកនេសាទមួយគ្រឿង នៅក្នុងភូមិ Fass Boye ប្រទេសសេណេហ្គាល់ កាលពីថ្ងៃទី១០ ខែកក្កដា ក្នុងផ្លូវធ្វើដំណើរ ដែលពួកគេសង្ឃឹមថាបានទៅដល់អឺរ៉ុប។ ទូកត្រូវបានរកឃើញដោយទូកនេសាទជនជាតិអេស្បាញនៅជិតប្រជុំកោះ Cape Verde កាលពីថ្ងៃទី១៥ ខែសីហា ដែលមានចម្ងាយរាប់រយម៉ាយស៍។ មនុស្សប្រមាណ៣៨នាក់ ត្រូវបានជួយសង្គ្រោះ ប៉ុន្តែមនុស្សជាង៦០នាក់នៅបាត់ខ្លួន ដែលត្រូវបានសន្និដ្ឋានថាស្លាប់។ ការធ្វើអន្តោប្រវេសន៍ទៅកាន់អឺរ៉ុបពីអាហ្វ្រិកខាងលិចគឺជាការធ្វើដំណើរមានការគំរាមកំហែងដល់ជីវិត ទោះបីតាមរថយន្តដឹកទំនិញនៅវាលខ្សាច់សាហារ៉ា ឬតាមទូកឆ្លងកាត់សមុទ្រម៉េឌីទែរ៉ាណេ។ អ្នកជំនាញអន្តោប្រវេសន៍និយាយថា ផ្លូវទៅកាន់កោះ Canary ប្រទេសអេស្បាញ ក្លាយជាទីពេញនិយមខ្លាំងព្រោះតែការឆ្លងកាត់តាមប្រទេសលីប៊ី ត្រូវបានការពារយ៉ាងតឹងរ៉ឹង។កាលពីថ្ងៃចន្ទ អាជ្ញាធរប្រទេសសេណេហ្គាល់ បាននាំយកជនអន្តោប្រវេសន៍៣៧នាក់ ជាអ្នកដែលត្រូវបានជួយសង្គ្រោះនៅឆ្នេរកោះ Cape Verde កាលពីសប្តាហ៍មុន បន្ទាប់ពីទូករបស់ពួកគេបានគាំងដំណើរដោយគ្មានប្រេងនៅលើសមុទ្រទ្រអាត្លង់ទិករយៈពេលច្រើនសប្តាហ៍៕

ប្រមុខកងរក្សាសន្តិភាពUNលើកទឹកចិត្តឲ្យមានកិច្ចសហប្រតិបត្តិការដ៏ឆាប់រហ័សនិងប្រកបដោយសុវត្ថិភាពសម្រាប់ការដកទ័ពចេញពីប្រទេសម៉ាលី

2023/08/22 02:13:32 pm        97
Facebook Telegram Linkin
UN៖ អ្នកនាំពាក្យUN បាននិយាយកាលពីថ្ងៃចន្ទថា ប្រមុខកងរក្សាសន្តិភាពរបស់អង្គការសហប្រជាជាតិ បានជំរុញបេសកកម្មនៅក្នុងប្រទេសម៉ាលីឲ្យផ្ទេរភារកិច្ចទៅឲ្យអាជ្ញាធរ និងដៃគូឲ្យបានឆាប់រហ័សសម្រាប់ការដកខ្លួនចេញពីប្រទេសនេះដោយសុវត្ថិភាព។លោក ស្ទេហ្វែន ឌូចារិក ( Stephane Dujarric) ប្រធានអ្នកនាំពាក្យរបស់អគ្គលេខាធិការអង្គការសហប្រជាជាតិ លោក អង់តូនីញ៉ូ ហ្គុយតឺរេស (Antonio Guterres) បានថ្លែងថា៖«លោក ហ្សង់ព្យែរ  ឡាកគ្រ័រ (Jean-Pierre Lacroix) បានបញ្ចប់ដំណើរទស្សនកិច្ចរបស់គាត់ទៅកាន់ប្រទេសនេះ បន្ទាប់ពីកិច្ចប្រជុំជាបន្តបន្ទាប់ជាមួយមន្ត្រីជាន់ខ្ពស់នៃរដ្ឋាភិបាលអន្តរកាល រួមទាំងនាយករដ្ឋមន្ត្រី លោក ចូហ្គែល កូកាឡា ម៉ៃហ្គា (Choguel Kokalla Maiga) នៅចុងបញ្ចប់នៃដំណើរទស្សនកិច្ចរយៈពេលពីរថ្ងៃរបស់លោកឡាគ្រ័រ (Lacroix)។លោក ឌូចារិក បាននិយាយថា លោកឡាក្រូអ៊ីក បានពិភាក្សាអំពីមេរៀនដែលបានរៀនក្នុងអំឡុង ដំណាក់កាលទី១នៃការដកខ្លួនចេញរបស់បេសកកម្មនេះដែលរំពឹងថា នឹងត្រូវបញ្ចប់នៅចុងខែនេះ។កងរក្សាសន្តិភាពបានរាយការណ៍ថា កាលពីសប្តាហ៍មុន សមាជិកនៃបេសកកម្មដែលគេស្គាល់ថា បេសកកម្មរក្សាស្ថិរភាពរួមបញ្ចូលគ្នាពហុភាគីរបស់អង្គការសហប្រជាជាតិនៅប្រទេសម៉ាលី(MINUSMA) បានដកចេញពីមូលដ្ឋានតូចៗមួយចំនួនរបស់ពួកគេ នៅក្នុងតំបន់Timbuktu ភាគខាងជើង៕

ខ្មែរឥស្លាមជឿជាក់លើសមត្ថភាពឯកឧត្តមបណ្ឌិត ហ៊ុន ម៉ាណែត ដឹកនាំប្រទេសឱ្យមានភាពសុខដុម

2023/08/22 02:12:15 pm        59
Facebook Telegram Linkin
ភ្នំពេញ៖ ប្រជាពលរដ្ឋខ្មែរឥស្លាម បានបង្ហាញនូវការគាំទ្រចំពោះឯកឧត្តមកិត្តិទេសភិបាលបណ្ឌិត ហ៊ុន ម៉ា ណែត ជានាយករដ្ឋមន្ត្រីថ្មី នៃព្រះរាជាណាចក្រកម្ពុជា ហើយសង្ឃឹមជឿជាក់ថា ឯកឧត្តមបណ្ឌិត នឹងបន្តដឹកនាំប្រទេសជាតិ ឲ្យមានភាពសុខដុម ដូចការដឹកនាំរបស់សម្ដេចតេជោ ហ៊ុន សែន ។ក្រុមគណៈជាន់ខ្ពស់ នៃសហគមន៍ខ្មែរឥស្លាម រស់នៅភូមិគីឡូម៉ែត្រលេខ៨ ស្ថិតនៅក្នុងសង្កាត់ ឫស្សីកែវ បានលើកឡើងថា ឯកឧត្តមបណ្ឌិត ហ៊ុន ម៉ាណែត ពិតជាស័ក្តិសមណាស់ ក្នុងការធ្វើជានាយក រដ្ឋមន្ត្រីរបស់កម្ពុជា ព្រោះឯកឧត្តម មានចំណេះដឹងខ្ពង់ខ្ពស់ មានសមត្ថភាព មានប្រជាប្រិយភាព ​និងមាន ភាពជាអ្នកដឹកនាំ ។ពួកគេបានបន្តថា មួយវិញទៀត កាលមិនទាន់ឡើងជានាយករដ្ឋមន្ត្រី ឯកឧត្តម បានបង្ហាញនូវ សកម្មភាពជាច្រើន ក្នុងការដឹកនាំស្ថាប័ន ក៏ដូចជាការចូលរួមកម្មវិធីនានា ​ជាពិសេសសម្រាប់កម្មវិធី នៃ សហគមន៍ខ្មែរឥស្លាម បានចូលរួមដោយគ្មានការរើសអើង ​ដែលនេះបញ្ជាក់ថា ​ឯកឧត្តមបណ្ឌិត ហ៊ុន ម៉ាណែត នឹងដឹកនាំ​ប្រទេសជាតិ ​កាន់តែមានភាពរីកចម្រើន ហើយពលរដ្ឋរស់នៅប្រកប​ដោយភាពសុខដុម ។ពលរដ្ឋខ្មែរឥស្លាម ក៏បានបង្ហាញនូវសេចក្តីសង្ឃឹមថា រាជរដ្ឋាភិបាលកម្ពុជា ក្រោមការ ដឹកនាំរបស់ឯកឧត្តមបណ្ឌិត ហ៊ុន ម៉ាណែត នឹងបន្តផ្ដល់នូវក្របខណ្ឌគ្រូបង្រៀន ជូនគ្រូបង្រៀនខ្មែរឥស្លាម ក៏ដូចជាអនុញ្ញាតឲ្យចូលបម្រើការងារ ក្នុងក្របខណ្ឌមន្ត្រីរាជការ តាមក្រសួងស្ថាប័ននានាផងដែរ ជាមួយ នឹងការផ្ដល់នូវសិទ្ធិគោរប្រតិបត្តិតាមសាសនា បានតាមប្រក្រតី ៕អត្ថបទ៖ បាន សុខរិទ្ធិ

ប្រទេសប៉ូឡូញទទួលបានភ្លើងខៀវក្នុងការទិញឧទ្ធម្ភាគចក្រ Apache (អាប៉ាឆេ)ពីសហរដ្ឋអាមេរិក

2023/08/22 02:09:49 pm        169
Facebook Telegram Linkin
ប៉ូឡូញ៖ ទីភ្នាក់ងារសហប្រតិបត្តិការសន្តិសុខការពារជាតិ បានប្រកាសកាលពីថ្ងៃទី២១ ខែសីហាថា ក្រសួងការបរទេស បានបញ្ជាក់ច្បាស់ពីការលក់ឧទ្ធម្ភាគចក្រប្រយុទ្ធ AH-64E Apache ចំនួន៩៦គ្រឿងដែលមានតម្លៃប្រហែល១២ពាន់លានដុល្លារទៅឲ្យប្រទេសប៉ូឡូញ។ការសម្រេចចិត្តនេះ ធ្វើឡើងបន្ទាប់ពីក្រសួងការពារជាតិប៉ូឡូញ បានផ្ញើលិខិតស្នើសុំទៅរដ្ឋាភិបាលសហរដ្ឋអាមេរិក កាលពីជិតមួយឆ្នាំមុន ដើម្បីទិញឧទ្ធម្ភាគចក្រផលិតដោយក្រុមហ៊ុន Boeing សម្រាប់កងកម្លាំងប្រដាប់អាវុធរបស់ខ្លួន។ឧបនាយករដ្ឋមន្ត្រី និងរដ្ឋមន្ត្រីការពារជាតិប៉ូឡូញ លោក Mariusz Błaszczak ( ម៉ារីអ៊ូស ប្លាសាក់) បាននិយាយនៅក្នុងសេចក្តីថ្លែងការណ៍មួយដែលចេញផ្សាយដោយក្រសួងនៅពេលនោះថា ឧទ្ធម្ភាគចក្រដំបូងនឹងត្រូវបានដាក់ពង្រាយទៅកាន់កងពលយន្តកម្មលេខ១៨ ពុំមែនទាំងអស់នោះទេ ប៉ុន្តែជាច្រើនគ្រឿង   ដំបូង។ នេះគឺដោយសារតែកងពលលេខ១៨ នឹងត្រូវបានបំពាក់ដោយរថក្រោះAbrams។ ឧទ្ធម្ភាគចក្រទាំងនេះ ដំណើរការយ៉ាងល្អជាមួយរថក្រោះAbrams។ «រួមគ្នា ពួកវាបង្កើតបានជាកម្លាំងដ៏ធំសម្បើម កម្លាំងតស៊ូ…យើងចង់ប្រើពួកវា ដើម្បីរារាំងគូប្រជែងរបស់យើង»៕

រាជរដ្ឋាភិបាលអាណត្តិថ្មីសន្យារកទីផ្សារជូនកសិករ ឱ្យបានសមរម្យ បន្តដំឡើងប្រាក់ខែជូនកម្មករ និងមន្រ្តីរាជការ

2023/08/22 01:34:37 pm        1702
Facebook Telegram Linkin
ភ្នំពេញ៖ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្រ្តីបន្តវេន នៃ​ព្រះរាជាណា​ចក្រ​កម្ពុជា បានសន្យាថា ក្រោមការដឹកនាំរាជរដ្ឋាភិបាលរបស់ឯកឧត្តម ក្នុងអាណត្តិទី៧នេះ សន្យា​ធានាបន្តជំរុញ លើកកម្ពស់ ​និងកែលម្អជីវភាពរបស់ប្រជាជន​ឲ្យបានកាន់តែល្អ តាមរយៈរកទីផ្សារ​សម្រាប់កសិផលឲ្យមាន តម្លៃសមរម្យ និងបន្តដំឡើងប្រាក់ឈ្នួលកម្មករ ​និងយោជិត និងប្រាក់បៀវត្សរ៍​មន្រ្តីរាជការគ្រប់លំដាប់ ថា្នក់ទាំងអស់ ។នៅក្នុងកិច្ចប្រជុំ នៃរដ្ឋសភា នីតិកាលទី៧ ដើម្បីបោះឆ្នោតជ្រើសតាំងប្រធាន និងអនុប្រធាន នៃ​រដ្ឋសភា ប្រធាន និងអនុប្រធានគណៈកម្មការជំនាញ ​នៃរដ្ឋសភា ​និងផ្តល់សេចក្តីទុកចិត្ត ​ចំពោះរាជ​រដ្ឋាភិបាល​កម្ពុជា នាថ្ងៃទី២២ ខែសីហានេះ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បាន​សន្យា ចំពោះអង្គរដ្ឋសភា ក៏ដូចជាជនរួមជាតិទាំងមូលថា រាជរដ្ឋាភិបាល ធានានឹងធ្វើការការពារ​ឲ្យបានដាច់ខាត នូវសន្តិភាព ស្ថិរភាព សន្តិសុខ និងសុវត្ថិភាព សម្រាប់ការរស់នៅដោយ​ក្សេមក្សាន្ត​របស់ប្រជាជន នៅគ្រប់ទិសទីក្នុងផ្ទៃប្រទេស ​ព្រមទាំងការការពារឯករាជ្យ អធិបតេយ្យ និង​បូរណភាពទឹកដី ឲ្យបានគង់វង្ស​មិនឲ្យកម្លាំងណាមកបំពាន​ ឬបំផ្លាញបាននោះឡើយ។ឯកឧត្តម ហ៊ុន ម៉ាណែត ​នាយករដ្ឋមន្រ្តី ​ក៏បានសន្យាផងដែរថា​ នាយករដ្ឋមន្រ្តីថ្មីរបស់ឯកឧត្តម ក៏មាន​ការធានា​នូវសុវត្ថិភាពសង្គម ​និងលំនឹងរស់នៅរបស់ប្រជាជនទាំងបច្ចុប្បន្ន ​និងអនាគតផងដែរ តាម រយៈការអភិវឌ្ឍ ​និងការ​ពង្រឹង​ប្រព័ន្ធ​គាំពារ​សង្គម ​ដែល​រួមបញ្ចូល​នូវ​របប​ជំនួយ​សង្គម និង​របបសន្តិសុខ សង្គម ប្រកបដោយប្រសិទ្ធភាព​ និងចីរភាព ​ដែលជួយគាំទ្រប្រជាជនគ្រប់រូប ជា​ពិសេសគ្រួសារក្រីក្រ ក្រុម ជនងាយរងគ្រោះ ​និងគ្រួសារងាយរងហានិភ័យ ​ពីគ្រោះអាសន្ន និងវិបត្តិនានា ​ដោយមិនទុកឲ្យប្រជាជនណាម្នាក់​ទទួលរងគ្រោះ​ដោយសារមិនមានការ​យក​ចិត្តទុកដាក់​ពី​សំណាក់រាជរដ្ឋាភិបាលនោះឡើយ ៕អត្ថបទ៖ បាន ចក់ 

ប្រធានអវកាសរុស្ស៊ី៖ ការប្រកួតប្រជែងស្វែងរកធនធាននៅឋានព្រះចន្ទបានចាប់ផ្តើមហើយ

2023/08/22 01:00:31 pm        203
Facebook Telegram Linkin
មូស្គូ៖ ការប្រកួតប្រជែងដើម្បីរុករក និងអភិវឌ្ឍធនធានរបស់ថានព្រះច័ន្ទបានចាប់ផ្តើមហើយ ហើយរុស្ស៊ីត្រូវតែនៅតែជាអ្នកនាំមុខសកម្ម ទោះបីជាបានបរាជ័យក្នុងបេសកកម្មព្រះចន្ទលើកដំបូងក្នុងរយៈពេល៤៧ឆ្នាំក៏ដោយ នេះបើយោងតាមប្រធានទីភ្នាក់ងារអវកាសរុស្ស៊ី Roskosmos បាននិយាយកាលពីថ្ងៃចន្ទ (២១ សីហា) ។យានអវកាស Luna-25 របស់រុស្សីបានវិលចេញពីការគ្រប់គ្រង និងធ្លាក់ចូលទៅក្នុងឋានព្រះចន្ទកាលពីថ្ងៃសៅរ៍ បន្ទាប់ពីមានបញ្ហាក្នុងការរៀបចំសម្រាប់ត្រៀមចុះចតនៅក្នុងគន្លង ដោយបញ្ជាក់ពីការធ្លាក់ចុះសម័យក្រោយសូវៀត នៃកម្មវិធីអវកាសដែលធ្លាប់តែខ្លាំងក្លាមួយ។ ប្រធានទីភ្នាក់ងារ Roskosmos លោក Yury Borisov ដែលហាក់ដូចជាមានការខកចិត្តក្នុងអំឡុងពេលសម្ភាសន៍ជាមួយស្ថានីយ៍ទូរទស្សន៍រដ្ឋ Russia-24 បាននិយាយថា បេសកម្មអាវកាសស្ថិតនៅក្នុងផលប្រយោជន៍ជាតិដ៏សំខាន់របស់រុស្ស៊ី ក្នុងការបន្តប្តេជ្ញាចិត្តចំពោះការរុករកឋានព្រះចន្ទ។រុស្ស៊ីបាននិយាយថា ខ្លួននឹងចាប់ផ្តើមបេសកកម្មព្រះចន្ទបន្ថែមទៀត ហើយបន្ទាប់ស្វែងរកលទ្ធភាពនៃបេសកកម្មគ្រប់គ្រងដោយអវកាសយានិករួមរុស្ស៊ី-ចិន និងសូម្បីតែបង្កើតមូលដ្ឋានព្រះចន្ទ។ អង្គការ ណាសា បាននិយាយអំពី «ការប្រញាប់ប្រញាល់ស្វែងរកមាសនៅឋានព្រះចន្ទ» និងស្វែងរកសក្តានុពលនៃការជីកយករ៉ែនៅលើព្រះចន្ទ របស់រុស្ស៊ី។សហរដ្ឋអាមេរិកកាលពីឆ្នាំ២០២០ បានប្រកាសកិច្ចព្រមព្រៀង Artemis ដោយដាក់ឈ្មោះតាមកម្មវិធីស្រាវជ្រាវព្រះចន្ទ Artemisរបស់អង្គការណាសា ដើម្បីស្វែងរកការកសាងច្បាប់អវកាសអន្តរជាតិដែលមានស្រាប់ដោយបង្កើត «តំបន់សុវត្ថិភាព» នៅលើព្រះចន្ទ ហើយរុស្ស៊ី និងចិនមិនបានចូលរួមក្នុងកិច្ចព្រមព្រៀងនេះទេ៕

ប្លុក ECOWAS ច្រានចោលសំណើរបស់របបសឹកនីហ្សេ ជុំវិញការរៀបចំបោះឆ្នោតក្នុងរយៈពេលបីឆ្នាំ

2023/08/22 12:57:52 pm        193
Facebook Telegram Linkin
នីហ្សេ៖ ប្លុកតំបន់សំខាន់របស់អាហ្រ្វិកខាងលិច ECOWAS បានច្រានចោលសំណើរបស់របបសឹកនីហ្សេ ជុំវិញការរៀបចំការបោះឆ្នោតក្នុងរយៈពេលបីឆ្នាំ ដោយពង្រីកការជាប់គាំងនយោបាយដែលអាចបង្កឱ្យមានអន្តរាគមន៍យោធា ប្រសិនបើគ្មានកិច្ចព្រមព្រៀងណាមួយត្រូវបានសម្រេចបន្ទាប់ពីរដ្ឋប្រហារខែកក្កដានោះទេ។ប្លុក ECOWAS និងមហាអំណាចអន្តរជាតិផ្សេងទៀត បាននឹងកំពុងស្វែងរកដំណោះស្រាយការទូតចំពោះរដ្ឋប្រហារកាលពីថ្ងៃទី២៦ ខែកក្កដានៅនីហ្សេ ដែលជារដ្ឋប្រហារទី៧ នៅអាហ្វ្រិកខាងលិច និងកណ្តាល ក្នុងរយៈពេលបីឆ្នាំមកនេះ។ ប៉ុន្តែបន្ទាប់ពីការប៉ុនប៉ងជាច្រើនសម្រាប់ការសន្ទនាត្រូវបានច្រានចោល ប្លុកនេះបានដំណើរការកងកម្លាំងក្នុងតំបន់ ដែលប្រមុខយោធាប្លុកបាននិយាយថា ត្រៀមខ្លួនរួចជាស្រេចក្នុងការដាក់ពង្រាយ ប្រសិនបើការចរចាបរាជ័យ។ប្លុកនេះបានបង្កើនការគំរាមកំហែងរបស់ខ្លួនទ្វេដងកាលពីថ្ងៃសុក្រ គឺមួយថ្ងៃមុនរបបសឹកយល់ព្រមជួបគណៈប្រតិភូ ECOWAS នៅរដ្ឋធានីនីញ៉ាម៉េ ដោយបង្ហាញពីឆន្ទៈថ្មីក្នុងកិច្ចសហប្រតិបត្តិការ។ស្នងការរបស់ប្លុក ECOWAS លោក Abdel-Fatau Musah បានប្រាប់សារព័ត៌មាន រ៉យទ័រ កាលពីថ្ងៃចន្ទថា ជំហររបស់ប្លុកនេះនៅតែច្បាស់លាស់។ លោកបានបន្ថែមថា លទ្ធផលនៃការពិភាក្សាក្រៅផ្លូវការដែលកំពុងបន្ត នឹងកំណត់ថាតើប្លុក ECOWAS នឹងបញ្ជូនបេសកកម្មសម្របសម្រួលមួយផ្សេងទៀតទៅកាន់ប្រទេសនីហ្សេរីយ៉ា ឬយ៉ាងណា៕

លោក ថាក់ស៊ីន ត្រូវបានតុលាការកាត់ទោសឲ្យជាប់ពន្ធនាគាររយៈពេល៨ឆ្នាំ ភា្លមៗបន្ទាប់ពីការមកដល់របស់លោក

2023/08/22 12:54:36 pm        865
Facebook Telegram Linkin
ថៃ៖ អតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត់ ត្រូវបានបញ្ជូនទៅតុលាការកំពូល ដើម្បីស្តាប់ការសម្រេចក្នុងសំណុំរឿងចំនួន៣ករណី ដែលលោកត្រូវបានកាត់ទោស មុនពេលលោកត្រូវបានបញ្ជូនទៅឱ្យជាប់ពន្ធនាគារ ខណៈលោកបានវិលត្រលប់មកប្រទេសកំណើតវិញនៅថ្ងៃអង្គារនេះ បន្ទាប់ពីការនិរទេសខ្លួនឯងរយៈពេល១៥ឆ្នាំ។តុលាការបាននិយាយក្នុងក្តីថ្លែងការណ៍នៅថ្ងៃអង្គារ (២២សីហា) នេះថា តុលារការកំពូលបានសម្រេចដាក់ពន្ធនាគារអតីតនាយករដ្ឋមន្រ្តីថៃរូបនេះ រយៈពេល៨ឆ្នាំ ពាក់ព័ន្ធនឹងបទឧក្រិដ្ឋចំនួន៣ករណី។ លោក ថាក់ស៊ីន បានគោរពព្រះមហាក្សត្រ ពេលលោកមកដល់ ហើយត្រូវបានចាប់ខ្លួនភ្លាមៗ និងបញ្ជូនតុលាការកំពូលទល់មុខព្រះរាជដំណាក់ Sanam Luang (សាណាម លួង)ដើម្បីស្តាប់ការសម្រេច ដោយមានតែលោក និងសមាជិកគ្រួសារប៉ុណ្ណោះ ដែលត្រូវបានអនុញ្ញាតឱ្យមានវត្តមាននៅទីនោះ ជាទីដែលលោកត្រូវបានចោទប្រកាន់ពីបទឧក្រិដ្ឋចំនួន៣ករណីនោះ។ សវនាការនោះ មិនត្រូវបានចាក់ផ្សាយទេ ហើយក្រុមសារព័ត៌មាន បានតម្រូវឲ្យនៅខាងក្រៅបរិវេណតុលាការដើម្បីធានាសណ្តាប់ធ្នាប់៕

លោក ដូណាល់ ត្រាំ គ្រោងនឹងចូលខ្លួនទៅកាន់តុលាការនៅថ្ងៃព្រហស្បតិ៍ ជុំវិញសំណុំរឿងបង្វែរលទ្ធផលឆ្នោត

2023/08/22 12:47:41 pm        192
Facebook Telegram Linkin
អាមេរិក៖អតីតប្រធានាធិបតីសហរដ្ឋអាមេរិក លោក ដូណាល់ ត្រាំ គ្រោងនឹងចូលខ្លួននៅថ្ងៃព្រហស្បតិ៍ ខាងមុខនេះ នៅទីក្រុងអាត្លង់តា ពាក់ព័ន្ធនឹងការចោទប្រកាន់របស់ខ្លួននៅរដ្ឋ Georgia លើបទចោទប្រកាន់ដែលលោកបានព្យាយាមដង្វែរបោះឆ្នោតឆ្នាំ២០២០ នេះបើយោងតាមលោក ត្រាំ ដែលបាននិយាយនៅលើប្រព័ន្ធផ្សព្វផ្សាយសង្គមកាលពីថ្ងៃចន្ទ។លោក ត្រាំ ដែលកំពុងឈរឈ្មោះសម្រាប់ការបោះឆ្នោតនៅឆ្នាំ២០២៤ខាងមុខនេះ បាននិយាយនៅលើបណ្ដាញសង្គម Truth Social របស់ខ្លួនថា «ខ្ញុំនឹងទៅទីក្រុងអាត្លង់តា រដ្ឋ Georgia នៅថ្ងៃព្រហស្បតិ៍ ខាងមុខនេះ ដើម្បីចូលខ្លួន»។ លោកបានពណ៌នាការចោទប្រកាន់នេះថា ជាកិច្ចខិតខំប្រឹងប្រែងដែលមានហេតុផលនយោបាយនៅពីក្រោយ ដើម្បីបង្អាក់យុទ្ធនាការបោះឆ្នោតឡើងវិញរបស់លោក។នៅមុននេះ សារព័ត៌មាន CNN បានរាយការណ៍ថា លោក ត្រាំ គ្រោងនឹងបញ្ជូនខ្លួនឯងទៅពន្ធនាគារសហព័ន្ធ Fulton ក្នុងទីក្រុងអាត្លង់តា នៅថ្ងៃព្រហស្បតិ៍ខាងមុខនេះ។ កាលបរិច្ឆេទនេះត្រូវបានកំណត់ក្នុងអំឡុងពេលការចរចារវាងមេធាវីរបស់លោក ត្រាំ និងការិយាល័យមេធាវីសហព័ន្ធ Fulton កាលពីថ្ងៃចន្ទ ជុំវិញលក្ខខណ្ឌនៃការយល់ព្រមឲ្យមានការធានា និងការដោះលែងរបស់លោក ត្រាំ នេះបើយោងតាមសារព័ត៌មាន CNN ។នៅក្នុងការចោទប្រកាន់នៅរដ្ឋ Georgia មានកម្រាស់៩៨ទំព័រ ដែលបានបង្ហាញកាលពីសប្តាហ៍មុន បានឲ្យដឹងថា លោកត្រាំ និងចុងចោទ១៨នាក់ផ្សេងទៀត ត្រូវបានចោទប្រកាន់ពីបទឧក្រិដ្ឋសរុបចំនួន៤១ករណី ពាក់ព័ន្ធនឹងកិច្ចខិតខំប្រឹងប្រែងដើម្បីផ្លាស់ប្តូរការបរាជ័យរបស់លោក ត្រាំ នៅក្នុងការបោះឆ្នោតរដ្ឋឆ្នាំ២០២០៕

តើលោក សេដ្ឋា ថាវីស៊ីន ដែលអាចក្លាយជាអ្នកដឹកនាំប្រទេសថៃនោះ ជាអ្នកណា?

2023/08/22 12:36:23 pm        170
Facebook Telegram Linkin
ថៃ៖ លោក សេដ្ឋា ថាវីស៊ីន ដែលជាមហាសេដ្ឋីអចលនទ្រព្យមកពីគណបក្សភឿថៃ នឹងក្លាយជាបេក្ខជនតែមួយគត់ដើម្បីប្រឈមមុខនឹងការបោះឆ្នោតនៅក្នុងកិច្ចប្រជុំរួមទ្វេសភារបស់ប្រទេសថៃនៅថ្ងៃអង្គារ(២២សីហា)នេះ។បុរសវ័យ៦០ឆ្នាំ មានកម្ពស់១,៩១ម៉ែត្រ និងជាអ្នកនយោបាយមុខថ្មី ព្រមទាំងជាអ្នកគាំទ្រកីឡាបាល់ទាត់រូបនេះ មានការគាំទ្រពីសមាជិកសភាចំនួន៣១៤អសនៈនៅក្នុងសភាជាន់ទាប ប៉ុន្តែត្រូវការសំឡេងងបន្ថែមចំនួន៥៨អសនៈទៀត ដើម្បីធានាបាននូវតំណែងនាយករដ្ឋមន្រ្តីនេះ។ ដោយកើតនៅឆ្នាំ១៩៦៣ លោក សេដ្ឋា បានបញ្ចប់បរិញ្ញាបត្រផ្នែកវិស្វកម្មសំណង់ស៊ីវិលពីសាកលវិទ្យាល័យ ជូឡាឡុងកន (Chulalongkorn) ទីក្រុងបាងកក និងអនុបណ្ឌិតផ្នែកគ្រប់គ្រងពាណិជ្ជកម្មពីសាលា Claremont Graduate School នៅសហរដ្ឋអាមេរិក។លោក ធ្លាប់មានតួនាទីជាប្រធាន និងជានាយកប្រតិបត្តិក្រុមហ៊ុន Sansiri ដែលជាអាជីវកម្មអភិវឌ្ឍន៍អចលនទ្រព្យរបស់គ្រួសារលោក ហើយបច្ចុប្បន្នមានតម្លៃប្រហែល៨៨០លានដុល្លារនៅលើទីផ្សារហ៊ុនថៃ រហូតដល់លោកបានចុះចេញពីតំណែងកាលពីខែមេសាឆ្នាំនេះ នៅមុនការបោះឆ្នោតសកល។ ក្រោយពីការបង្ហាញខ្លួនក្នុងឆាកនយោបាយដំបូងរបស់ខ្លួន លោក សេដ្ឋា បានប្រាប់សារព័ត៌មានដែលមានមូលដ្ឋាននៅសហរដ្ឋអាមេរិកមួយថា មូលហេតុដែលនាំលោកឲ្យចូលប្រឡូកក្នុងនយោបាយ គឺដោយសារភាពអស់សង្ឃឹមចំពោះស្ថានភាពនៅក្នុងប្រទេសថៃ៕

បណ្ដាញសង្គម

ព័ត៌មានថ្មីៗ

កម្ពុជាស្នើឱ្យអាស៊ានត្រួតពិនិត្យលើការចោទប្រកាន់ច្រំដែលរបស់ថៃថាកម្ពុជាបំពាទបទឈប់បាញ់
08/02/2025 08:08 PM
Facebook Telegram Linkin
ក្រសួងការងារ បើកយុទ្ធនា​ការជា​ទ្រង់ទ្រា​យធំ​ជំហានទី២ ដើម្បីនាំឱកា​សការងា​រជូនពលក​រខ្មែរដែ​លទើប​ត្រឡប់​ពីថៃ
08/02/2025 07:08 PM
Facebook Telegram Linkin
ឯកឧត្តម ទេសរដ្ឋមន្ត្រី គន់ គីម នាំយកថវិការបស់សម្តេចធិបតី ហ៊ុន ម៉ាណែត ប្រគល់​ជូន​វីរភាព​កងទ័ព​ពលី ចំនួន៤រូប នៅខេត្តឧត្តរមានជ័យ
08/02/2025 07:08 PM
Facebook Telegram Linkin
គណៈប្រតិភូជាន់ខ្ពស់សភាកម្ពុជា អញ្ជើញនិវត្តន៍មកដល់មាតុ​ប្រទេស​វិញ​ដោយ​សុវត្ថិភាព និង​ជោគជ័យ ក្រោយបញ្ចប់បេសកកម្មការទូតសភា នៅទីក្រុងហ្សឺណែវ ប្រទេសស្វីស
08/02/2025 06:08 PM
Facebook Telegram Linkin
សេចក្ដីរាយការណ៍៖ ឥណ្ឌានឹងបន្តទិញប្រេងពីរុស្ស៊ី ទោះមានការគំរាមកំហែងពីលោក Trump
08/02/2025 05:08 PM
Facebook Telegram Linkin
អាមេនី និងសហរដ្ឋអាមេរិក នឹងធ្វើសមយុទ្ធយោធារួមគ្នា ពីថ្ងៃទី ១២ ដល់ទី២០ ខែសីហា
08/02/2025 05:08 PM
Facebook Telegram Linkin
មនុស្សយ៉ាងតិច ៦នាក់ស្លាប់ ខណៈព្យុះត្រូពិក Wipha បង្កឲ្យមានទឹកជំនន់ នៅថៃ
08/02/2025 05:08 PM
Facebook Telegram Linkin
ចិនចោទអាមេរិកថា បានឆ្លៀតយកចន្លោះប្រហោងរបស់ Microsoft ដើម្បីវាយប្រហារតាមប្រព័ន្ធអ៊ីនធឺណិត
08/02/2025 05:08 PM
Facebook Telegram Linkin
នាយឧត្តមសេនីយ៍ វង្ស ពិសេន អញ្ជើញចុះសួរសុខទុក្ខយុទ្ធជនរបួស កំពុង​សម្រាក​ព្យាបាល​នៅ​មន្ទីរ​ពេទ្យព្រះកេតុមាលា
08/02/2025 04:08 PM
Facebook Telegram Linkin
ឯកឧត្តម ហ៊ុន ម៉ានី​ បញ្ជាក់ពីនិតិវិធីនៃការតាក់តែងវិញ្ញាសា និងផ្តាំផ្ញើដល់បេក្ខជនឱ្យ​ផ្តោតអារម្មណ៍ យកចិត្តទុកដាក់ និងខិតខំប្រឹងប្រែងមកលើការប្រឡងប្រជែង ដោយបញ្ចេញ​ឱ្យអស់ពីសមត្ថភាព
08/02/2025 04:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.