នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចតេជោ៖ ឪពុកម្តាយគ្មានសេចក្តីសុខឬការសប្បាយណាជាងឃើញកូន និងចៅចេះស្រឡាញ់គ្នា និងក្លាយជាពលរដ្ឋល្អក្នុងសង្គមនោះឡើយ
TOP STORY | សម្ដេចតេជោ ហ៊ុន សែន រម្លឹកពីប្រវត្តិនៃការលះបង់របស់សម្ដេចប្ដូរយក ការរស់រានរបស់ប្រជាជន សន្តិភាព និងការអភិវឌ្ឍប្រទេសជាតិ
រាជរដ្ឋាភិបាលសម្រេចប្រសិទ្ធនាមស្ពានខ្ពស់ជាងគេនៅកម្ពុជាថា «ស្ពាន​តេជោសន្តិភាពឫស្សីជ្រុំ»
សម្ដេចតេជោ ហ៊ុន សែន ជំរុញឱ្យប្រទេសបង់ក្លាដេសបង្កើនការវិនិយោគ ជាពិសេសវិស័យកសិកម្មជាមួយកម្ពុជា

នយោបាយ​ និង ការអភិវឌ្ឍន៍

បក្សកម្មុយនីស្តវៀតណាម កោតសរសើរតួនាទីដឹកនាំរបស់គណបក្សប្រជាជនកម្ពុជា បង្ហាញពីការជឿជាក់ និងការគាំទ្រខ្លាំងក្លារបស់ប្រជាជនចំពោះគណបក្ស

2023/08/05 06:10:38 pm        318
Facebook Telegram Linkin
ភ្នំពេញ៖ នៅរសៀលថ្ងៃទី៥ ខែសីហា ឆ្នាំ២០២៣ សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជាបានជួបពិភាក្សាការងារជាមួយ ឯកឧកុម ង្វៀន ហ្វូចុង អគ្គលេខាធិការនៃគណៈកម្មាធិការមជ្ឈិមបក្សកម្មុយនីស្តវៀតណាម តាមប្រព័ន្ធវីដេអូ។នៅក្នុងជំនួបនោះ លោកអគ្គលេខាធិការ ង្វៀន ហ្វូចុង បានអបអរសាទរយ៉ាងកក់ក្ដៅ ចំពោះជ័យជម្នះដ៏ធំធេងរបស់គណបក្សប្រជាជនកម្ពុជា ក្នុងការបោះឆ្នោតជ្រើសតាំងតំណាងរាស្ត្រ នីតិកាលទី៧នៃរដ្ឋសភានឹងបានកោតសរសើរអំពីតួនាទីដឹកនាំរបស់គណបក្សប្រជាជនកម្ពុជា ដែលមានសម្ដេចតេជោ ហ៊ុន សែន ជាមគ្គុទេសក៍ដ៏ឆ្នើមដែលបង្ហាញពីការជឿជាក់ និងការគាំទ្រខ្លាំងក្លារបស់ប្រជាជនចំពោះគណបក្សប្រជាជនកម្ពុជា។លោកក៏បានវាយតម្លៃខ្ពស់ចំពោះសមិទ្ធផលដែលកម្ពុជាសម្រេចបានក្រោមការដឹកនាំរបស់ សម្ដេចតេជោ ហើយជឿ ជាក់ថាកម្ពុជានឹងបន្តទទួលបានជ័យជម្នះថ្មីៗថែមទៀត ក្រោមការដឹកនាំរបស់កណបក្សប្រជាជនកម្ពុជា និងរាជរដ្ឋាភិបាលថ្មីដែលនឹង នៅដោយឯកឧត្តមបណ្ឌិត ហ៊ុន ម៉ាណែត។លោកអគ្គលេខាធិការ ក៏បានសម្ដែងនូវការគាំទ្រយ៉ាងពេញទំហឹងនូវដំណើរការកសាង និងអភិវឌ្ឍន៍ ប្រទេសកម្ពុជា ព្រមទាំងប្តេជ្ញារួមគ្នារក្សា ពួនាជុំ និងបង្គន់ទាក់ទំនងដ៏ល្អប្រសើរ​ រវាងគណបក្ស រដ្ឋាភិបាល និងប្រជាជននៃប្រទេសទាំងពីរ។សម្ដេចតេជា ប្រធានគណបក្ស បានថ្លែងអំណរគុណយ៉ាងជ្រាលជ្រៅបំផុតចំពោះ លោក ង្វៀន ហ្វូចុង ដែលបានផ្ញើលិខិតអបអ្វីរសាទរ ​និងជូនពរតាមទូរស័ព្ទ ចំពោះសម្ដេចតេជោ និងគណបក្ស​ប្រជាជនកម្ពុជា ដែលបានទទួលជ័យជម្នះក្នុងការបោះឆ្នោតជ្រើសតាំងតំណាង​រាស្រ្តមកកាលទី៧ ឆ្នាំ២០២៣ ដែលជាសន្តិភាព នៃសាមគ្គីភាព និងការតភាពដ៏រឹងមាំ និងកិច្ចសហប្រតិបត្តិការប្រយ ជ្រុងជ្រោយ និងយូរអង្វែងរវាងប្រទេសទាំងពីរ។សម្ដេចតេជោ ​បានវាយតម្លៃខ្ពស់ចំពោះសមិទ្ធផលដ៏ធំធេង ដែលប្រជាជនវៀតណាមសម្រេច​បានជាបន្តបន្ទាប់ក្រោមការដឹកនាំរបស់គណបក្សកម្មុយនិស្តវៀតណាម ក្រោមការដឹកនាំ របស់លោក ង្វៀន ហ្វូចុង ជាអគ្គលេខាធិការ បាននាំមកនូវការរីកចម្រើនឥតឈប់ឈរក្នុងការ អភិវឌ្ឍសេដ្ឋកិច្ច-សង្គមព្រមទាំងបានលើកកម្ពស់កិត្យាខុភាព នឹងតួនាទីកាន់តែមានសារះសំខាន់​របស់​វៀតណាមក្នុងវេទិកាជាតិ និងអន្តរជាតិ។សម្ដេចតេជោ បានថ្លែងអំណរគុណយ៉ាងជ្រាលជ្រៅចំពោះលោកអគ្គលេខាធិការដែល​បានសម្តែង​អំពីការជឿជាក់ និងគាំទ្រយ៉ាងមុះមុតរបស់វៀតណាម ចំពោះគណបក្សប្រជាជនកម្ពុជា និង​រាជរដ្ឋាភិបាលថ្មីដែល​នឹង​ដឹកនាំដោយលោកបណ្ឌិត​ ហ៊ុន ម៉ាណែត បេក្ខភាពនាយករដ្ឋមន្ត្រីថ្មី​ដែលទទួលបានសំឡេង​ឆ្នោត​គាំទ្រយ៉ាងច្រើនលើសលុបពីប្រជាជនកម្ពុជា។ភាគីទាំងពីរបានវាយតម្លៃខ្ពស់ចំពោះកិច្ចសហប្រតិបត្តិការដ៏​ជិតស្និទ្ធ​ និងប្រកបដោយផ្លែ ផ្កា ទាំងនៅ​ក្រុងក្របខ័ណ្ឌបក្ស នឹងរដ្ឋាភិបាល ទោះបីស្ថិតក្នុងស្ថានការណ៍ពិភពលោកមានការប្រកួតប្រជែង​ភូមិសាស្ត្រ​នយោបាយដែលមានលក្ខណ:កាន់តែស្រួចស្រាល់ មិនប្រាកដប្រដា (ដូចជាការ​ទទួលរងនូវផលប៉ះពាល់យ៉ាងខ្លាំងនៃជំងឺកូវីដ-១៩ ​និងបានគូសបញ្ជាក់អំពីសារះសំខាននៃ ការបន្តកិច្ច​សហប្រតិបត្តិការឱ្យកាន់តែស៊ីជម្រៅ ដើម្បីផលប្រយោជន៍ទៅវិញទៅមករបស់​ប្រជាជនទាំងពីរ ដោយផ្អែកលើស្មារតីភាពជាអ្នកជិតខាងល្អមិត្តភាពជាប្រពៃណីកិច្ច​សហប្រតិបត្តិការ​គ្រប់ជ្រុងជ្រោយ និងស្ថិរភាពយូរអង្វែង។ថ្នាក់ដឹកនាំទាំងពីរបានផ្ដល់សារៈសំខាន់ចំពោះសាមគ្គីភាព និងការជួយគ្នាទៅវិញទៅមក​ដោយប្រពៃណី​ដែលជាកត្តាចាំបាច់បំផុត ក្នុងបុព្វហេតុនៃការបង្រួបបង្រួមជាតិ បូរណភាពទឹកដី និងការំដោះប្រជាជន ព្រមទាំងការកសាង និងអភិវឌ្ឍន៍​ប្រទេសទាំងពីរ។ទន្ទឹមនេះដែរថ្នាក់ដឹកនាំទាំងពីរ បានសង្កត់ធ្ងន់លើសារៈប្រយោជន៍ក្នុងការបណ្ដុះបណ្តាល​យុវជនបន្តវេន ​ដើម្បីវៀនសូត្រ និងដកស្រង់បទពិសោធន៍គ្នាទៅវិញទៅមក ជាពិសេសការបញ្ជ្រាប​ការយល់ដឹងអំពីសច្ចភាពប្រវត្តិសាស្រ្ត ដែលនឹងរួមចំណែកដល់ការបន្តពូនជ្រុំទំនាក់ទំនងមិត្តភាព​ដ៏រឹងមាំរវាងប្រទេសទាំងពីរ។ភាគីទាំងពីរក៏បានឯកភាពពង្រឹងកិច្ចសហប្រតិបត្តិការ ក្នុងក្របខណ្ឌពហុភាគីរួមមាន អ.ស.ប និងអាស៊ាន​ ព្រមទាំងបន្តលើកកម្ពស់កិច្ចសហការជិតស្និទ្ធជាមួយគ្នា​ ជាពិសេសក្របខណ្ឌបីប្រទេស កម្ពុជា-វៀតណាម-ឡាវ ​និងកិច្ចសហប្រតិបត្តិការអនុតំបន់មេគង្គ ដែលនឹងរួមចំណែកដល់សន្ដិភាព ស្ថិរភាព និងវិបុលភាព។នៅចុងបញ្ចប់សម្តេចតេជា ប្រធានគណបក្សប្រជាជនកម្ពុជា បានអញ្ជើញលោក ង្វៀន ហ្វូចុង អគ្គលេខាធិការ និងថ្នាក់ដឹកនាំ​ដទៃទៀត​នៃបក្សកម្មុយនិស្តវៀតណាម មកប់ពេញទស្សនកិច្ច​នៅកម្ពុជាតាមពេលវេលាសមស្រប ទន្ទឹមនោះដែរលោក ង្វៀន ហ្វូចុង បានទទួលយកការអញ្ជើញ និងបាន​អញ្ជើញសម្ដេចតេជោ នាយករដ្ឋមន្ត្រី ប្រធានគណបក្សប្រជាជនកម្ពុជា និងបណ្តាថ្នាក់ដឹកនាំ ​កម្ពុជាទៅបំពេញទស្សនកិច្ចនៅប្រទេសវៀតណាម តាមពេលវេលាសមស្របផងដែរ៕

អារ៉ាប៊ីសាអ៊ូឌីត ចាប់ផ្ដើមពិភាក្សាសង្គ្រាមអ៊ុយក្រែន ដោយគ្មានវត្តមានរបស់ប្រទេសរុស្ស៊ី

2023/08/05 04:47:25 pm        303
Facebook Telegram Linkin
ប្រទេសអារ៉ាប៊ីសាអ៊ូឌីត បានចាប់ផ្ដើមកិច្ចប្រជុំកំពូលចុងសប្ដាហ៍នេះក្នុងទីក្រុង ជេដា (Jeddah) ដែលមានការចូលរួមពីក្រុមមន្ត្រីជាន់ខ្ពស់មកពីប្រទេសចំនួន៤០ ប៉ុន្តែពុំមានរុស្ស៊ីទេ ក្នុងគោលបំណងពង្រាងគោលការណ៍សំខាន់ៗ ពីមធ្យោបាយ​ធ្វើយ៉ាងណាអាចបញ្ចប់ការវាយលុករបស់រុស្ស៊ី នៅក្នុងប្រទេសអ៊ុយក្រែនបាន។ លោកប្រធានាធិបតី Volodymyr Zelenskyy បានស្វាគមន៍កាលពីថ្ងៃសុក្រ ចំពោះជំហររបស់ប្រទេសជាច្រើន ដែលបានចូលរួមក្នុងការពិភាក្សា ដែលបានចាប់ផ្ដើមនៅថ្ងៃសៅរ៍នេះ រួមទាំងបណ្ដាប្រទេសកំពុងអភិវឌ្ឍន៍ ដែលត្រូវបានរងផលប៉ះពាល់ដោយការហក់ឡើងតម្លៃស្បៀងអាហារបង្កឡើងដោយសារសង្គ្រាមនេះ ។លោកថា កិច្ចប្រជុំនេះ ពិតជាមានសារៈសំខាន់ណាស់ព្រោះផ្ដោតលើបញ្ហាជាច្រើនដូចជា​សន្តិសុខ​ស្បៀង ជោគវាសនារបស់មនុស្សរាប់លាននាក់នៅអាហ្រ្វិក អាស៊ី និងបណ្ដាប្រទេសផ្សេងទៀត របស់ពិភពលោក ដែលបានពឹងផ្អែកដោយផ្ទាល់ ថាតើ ពិភពលោកនឹងអនុវត្តន៍រូបមន្តសន្តិភាព​បានឆាប់រហ័សប៉ុណ្ណា។ កាលពីខែមុន ប្រទេសរុស្ស៊ី បានបញ្ឈប់ការចូលរួមរបស់ខ្លួននៅក្នុងកិច្ចព្រមព្រៀង​ដែលត្រូវបាន​សម្របសម្រួលដោយអង្គការសហប្រជាជាតិ ​ដែលអាចដឹកជញ្ជូនផលិតផលរបស់អ៊ុយក្រែន ឆ្លងកាត់សមុទ្រខ្មៅ ​ទៅកាន់ប្រទេសនានា​ របស់ពិភពលោក ​ ដែលកំពុង ​ជួបប្រទះភាពអត់ឃ្លាន៕

រុស្ស៊ី បន្តឃុំខ្លួនមេដឹកនាំបក្សប្រឆាំងលោក Alexei Navalny ចំនួន១៩ឆ្នាំបន្ថែមទៀត

2023/08/05 03:41:43 pm        232
Facebook Telegram Linkin
មេដឹកនាំបក្សប្រឆាំងរុស្ស៊ី លោក អាឡិចស៊ី ណាវ៉ាលនី (Alexei Navalny) ដែលកំពុងជាប់ពន្ធនាគារ បានប្រាប់ក្រុមអ្នកគាំទ្រកុំឲ្យបាត់បង់ឆន្ទៈក្នុងការតស៊ូបន្ទាប់ពីការជាប់ពន្ធនាគាររបស់លោកត្រូវបានពន្យារដល់១៩ ឆ្នាំបន្ថែមទៀត ។លោក Navalny ត្រូវបានរកឃើញថាមានទោសក្នុងការបង្កើត និងផ្តល់មូលនិធិដល់អង្គការ​ជ្រុលនិយម ហើយ លោកបដិសេធការចោទប្រកាន់នោះ។ លោកបានជាប់ទោសចំនួន៩ឆ្នាំរួចទៅហើយចំពោះការបំពានច្បាប់ ការក្លែងបន្លំ និងការប្រមាថតុលាការ។ ការចោទប្រកាន់ត្រូវបានគេមើលឃើញយ៉ាងទូលំទូលាយថាមានហេតុផលនយោបាយ។ ការកាត់ទោសត្រូវបានធ្វើឡើងនៅក្នុងពន្ធនាគារព្រហ្មទណ្ឌដាច់ស្រយាលមួយ ជាទីដែលលោកបានជាប់ពន្ធនាគារចាប់តាំងពីឆ្នាំ ២០២១ មក ។ទោះមានការរឹតត្បិតជាងពន្ធនាគារឧក្រិដ្ឋដែលមានសន្តិសុខយាមកាមតឹងរ៉ឹង ពន្ធនាគារបែបនេះជាធម្មតាត្រូវបានបម្រុងទុកសម្រាប់ឧក្រិដ្ឋជនគ្រោះថ្នាក់ ជនល្មើសត្រូវបានផ្ដន្ទាទោសឡើងវិញ និងអ្នកទាំងឡាយដែលមានទោសជាប់ពន្ធនាគារអស់មួយជីវិត។ នៅទីនោះ លោកទំនងជាប្រឈមនឹងភាពឯកោកាន់តែខ្លាំង ដោយមានការរឹតត្បិតបន្ថែមទៀតលើទំនាក់ទំនងជាមួយពិភពខាងក្រៅ។លោកក៏អាចទទួលភ្ញៀវតិចជាងមុនដែរ រួមទាំងក្រុមគ្រួសារ និងក្រុមការពាររបស់លោក ហើយអាចប្រឈមនឹងការឃុំឃាំងនៅដាច់ដោយឡែកកាន់តែយូរថែមទៀត ៕

គណៈកម្មាធិការជាតិគ្រប់គ្រងគ្រោះមហន្តរាយ កំពុងតាមដានស្ថានភាពទឹកទន្លេមេគង្គ កំពុងហក់ឡើង

2023/08/05 12:41:40 pm        423
Facebook Telegram Linkin
ភ្នំពេញ៖ ឯកឧត្តម សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ បានឱ្យដឹងថា គិតត្រឹមថ្ងៃទី៤ ខែសីហា ម្សិលមិញ ស្ថានភាពជំនន់ទឹកភ្លៀងនៅទូទាំងប្រទេសកម្ពុជា បានស្រកទៅវិញអស់ហើយ ​ដែលស្ថិតក្នុងសភាពមួយមិនបង្កជាផលប៉ះពាល់ធ្ងន់ធ្ងរនោះទេ ប៉ុន្តែស្ថានភាព​ទឹកទន្លេមេង្គ បែរជាកំពុងហក់ឡើងក្នុងរយៈពេលប៉ុន្មានថ្ងៃមកនេះ។ឯកឧត្តម មានប្រសាសន៍ប្រាប់BTV នៅថ្ងៃទី៥ ខែសីហា នេះថា បច្ចុប្បន្ន ទឹកនៅតាមទន្លេមេគង្គ មានដូចជា៖ ខេត្តកំពង់ចាម ស្ទឹងត្រែង ក្រចេះ និងខេត្តត្បូងឃ្មុំ កំពុងហក់ឡើង ប៉ុន្តែមិនទាន់ដល់ចំណុចត្រូវប្រកាសអាសន្ននោះទេ។ ហើយ គណៈកម្មាធិការជាតិគ្រប់គ្រងគ្រោះមហន្តរាយពីថ្នាក់ជាតិរហូតដល់ថ្នាក់ក្រោមជាតិ កំពុងតាមដានយ៉ាង យកចិត្តទុកដាក់ជាទីបំផុត ។ ក្រៅពីនេះ គណៈកម្មាធិការជាតិគ្រប់គ្រងគ្រោះមហន្តរាយ បានណែនាំដល់ អាជ្ញាធរ និងស្ថាប័ន​ពាក់ព័ន្ធ ត្រូវរៀបចំទីទួលសុវត្ថិភាពសម្រាប់ជម្លៀសប្រជាពលរដ្ឋ និងកម្លាំងត្រៀមជួយ​អន្តរាគមន៍ផងដែរ។ដើម្បីបង្ការគ្រោះមហន្តរាយដែលអាចកើតឡើងជាយថាហេតុ គណៈកម្មាធិការជាតិគ្រប់គ្រងគ្រោះ មហន្តរាយ បានរៀបចំផែនការដូចជា៖ ពង្រឹងយន្តការគ្រប់គ្រងគ្រោះមហន្តរាយពីថ្នាក់ជាតិ រហូតដល់ថ្នាក់ មូលដ្ឋាន មានកងកម្លាំងប្រតិបត្តិការរុករក និងសង្គ្រោះ ចំនួន១៦កង និងត្រៀមសម្ភារៈផ្សេងៗទៀត ៕អត្ថបទ៖ ទូច សោភ័ណ

ពលរដ្ឋគាំទ្រលទ្ធផលផ្លូវការនៃការបោះឆ្នោតជ្រើសតាំងតំណាងរាស្ត្រ នីតិកាលទី៧

2023/08/05 12:37:20 pm        124
Facebook Telegram Linkin
ភ្នំពេញ៖ ប្រជាពលរដ្ឋ នៅក្នុងមូលដ្ឋានរាជធានីភ្នំពេញ នៅថ្ងៃនេះ បានបង្ហាញនូវការគាំទ្រចំពោះលទ្ធផលផ្លូវការ នៃការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ ​ដែលគណៈកម្មាធិការជាតិរៀប​ ចំការបោះឆ្នោត (គ.ជ.ប) បានប្រកាស នៅព្រឹកថ្ងៃទី៥ ខែសីហា នេះ ។ពលដ្ឋថ្លែងថា យើងទាំងអស់គ្នាបានមើលឃើញថា នៅក្នុងដំណើរការរៀបចំការបោះឆ្នោត​ជ្រើសតាំង​តំណាងរាស្ត្រនីតិកាលទី៧ កាលពីថ្ងៃទី២៣ ខែកក្កដាកន្លងមកនេះ គឺមាន​ពលរដ្ឋនាំគ្នា​ទៅបោះឆ្នោតច្រើនលើសលុប ហើយ គ.ជ.ប រៀបចំបានល្អប្រសើរ ស្របតាមឆន្ទៈ និងការចង់​បានរបស់ពលរដ្ឋ ហើយដំណើការប្រកាសលទ្ធផលបណ្តោះអាសន្ននេះទៀត គ.ជ.ប ក៏បាន​ទុករយៈពេល ៧២ ម៉ោង ឲ្យបណ្តាគណៈបក្សនយោបាយដាក់ពាក្យបណ្តឹងជំទាស់​ទៅនឹង​លទ្ធផល​បណ្តោះអាសន្ននោះដែរ ប៉ុន្ដែក្រោយរយៈពេល ៧២ ម៉ោងមកនេះ មិនមានគណបក្ស​នយោបាយ​ណាបានដាក់ពាក្យបណ្តឹងជំទាស់នោះទេ ដូច្នេះ ​យើងសូមប្រកាសគាំទ្រ និងសូមឲ្យការ​បោះឆ្នោតលើកក្រោយៗ មានដំណើរការរលូនល្អ ដូចការបោះឆ្នោតអាណត្តិទី៧នេះទៀត។ សូមបញ្ជាក់ថា នៅក្នុងដំណើរការប្រកាសលទ្ធផលផ្លូវការ ការបោះឆ្នោតជ្រើសតាំងតំណាងរាស្ត្រ​នីតិកាលព្រឹកមិញនេះ គឺ គ.ជ.ប បានប្រកាសលទ្ធផលផ្លូវការ ​ការបែងចែកចំនួនអាសនៈ និងការកំណត់​បេក្ខជនជាប់ឆ្នោតនៅតាមមណ្ឌលរាជធានី-ខេត្តនានាទូទាំងប្រទេស ​ដោយក្នុងនោះ គណបក្សប្រជាជន​កម្ពុជា ​បានទទួលចំនួន១២០អាសនៈ ​និងគណបក្សហ៊ុនស៊ិនប៉ិច បាន​ទទួលមាន៥អាសនៈ នៅក្នុងចំណោមគណបក្សនយោបាយឈរឈ្មោះបោះឆ្នោត​ចំនួន១៨គណបក្ស៕ អត្ថបទ ស៊ុម សុខជា

ប្រធានាធិបតីប្រេស៊ីល និយាយថា អ្នកដែលមានផែនការវាយប្រហារលោកនៅរដ្ឋ Para ត្រូវបានឃុំខ្លួន

2023/08/05 12:07:01 pm        84
Facebook Telegram Linkin
ប្រធានាធិបតីប្រេស៊ីល លោក Luiz Inacio Lula Da Silva បាននិយាយកាលពីថ្ងៃសុក្រថា បុរសម្នាក់ដែលសង្ស័យថា មានផែនការបាញ់ប្រហារលោកត្រូវបានចាប់ខ្លួន។ លោក Lula បានបង្ហាញករណីនេះនៅក្នុងអំឡុងពេលព្រឹត្តិការណ៍សាធារណៈមួយ នៅភាគខាងជើងទីក្រុង Parintins រដ្ឋ Amazonas ។ ជនសង្ស័យដែលមិនបញ្ចេញឈ្មោះត្រូវ ​បាន​នគរបាលសហព័ន្ធ ចាប់ខ្លួនកាលពីថ្ងៃព្រហស្បតិ៍ ទី៣ ខែសីហា នៅរដ្ឋ Para ក្នុងក្រុង Santarem។នគរបាលសហព័ន្ធ បាននិយាយនៅក្នុងសេចក្តីថ្លែងការណ៍ថា ការគំរាមកំហែងនេះត្រូវបានធ្វើឡើង កាលពីថ្ងៃពុធនៅហាងស្រាមួយកន្លែងដែលតាមការចោទប្រកាន់ជនសង្ស័យបាននិយាយថា នឹងបាញ់ ប្រធានាធិបតីឲ្យចំពោះរបស់។ ជនសង្ស័យបានប្រាប់នគរបាលថា ខ្លួនបានចូលរួមក្នុងកុប្បកម្មកាលពីថ្ងៃទី ៨ ខែមករា ប្រឆាំងស្ថាប័នប្រជាធិបតេយ្យនៅទីក្រុង Brasilia ដោយសម្រុកចូលសភាតំណាងរាស្រ្ត។

លោក Trump រិះគន់ការចោទប្រកាន់ពីបទក្លែងបន្លំជុំវិញផែនការដើម្បីបង្វែរការចាញ់ការបោះឆ្នោត

2023/08/05 12:02:25 pm        70
Facebook Telegram Linkin
អតីតប្រធានាធិបតីសហរដ្ឋអាមេរិក លោក ដូណាល់ ត្រាំ បានរិះគន់ការចោទប្រកាន់ពីបទរៀបចំ​ផែនការ​បង្វែរលទ្ធផលបោះឆ្នោតឆ្នាំ​ ២០២០ថា ជា «រឿងក្លែងក្លាយ» មួយថ្ងៃបន្ទាប់ពីការចូលខ្លួនបំភ្លឺ​របស់លោកនៅទីក្រុងវ៉ាស៊ីនតោនឌីស៊ី។លោក Trump បាននិយាយនៅក្នុងពិធីជប់លៀងរបស់គណបក្សសាធារណរដ្ឋក្នុងរដ្ឋ Alabama កាលពីថ្ងៃសុក្រថា ការចោទប្រកាន់នេះគឺជា «ទង្វើនៃភាពអស់សង្ឃឹម» របស់ប្រធានាធិបតី​សហរដ្ឋអាមេរិក​មកពីគណបក្សប្រជាធិបតេយ្យ លោក Joe Biden ដោយដាក់គោលដៅ​មកលើលោកសម្រាប់ហេតុផលនយោបាយ។លោក Trump មានអាយុ ៧៧ ឆ្នាំបាននិយាយចំអកឱ្យទីប្រឹក្សាពិសេសលោក Jack Smith ដោយហៅលោកថា «វង្វេងស្មារតី» និង «គ្មានព្រលឹង» ។អតីតប្រធានាធិបតីរូបនេះ ប្រឈមមុខការចោទប្រកាន់ចំនួនបួនករណី រួមទាំងការរួមគំនិត​ក្នុងការ​បន្លំសហរដ្ឋអាមេរិក ​ដកហូតសិទ្ធិបោះឆ្នោតរបស់ពលរដ្ឋ ​និងរារាំងដំណើរការផ្លូវការ។ បទចោទប្រកាន់ធ្ងន់ធ្ងរ បំផុតអាចជាប់ពន្ធនាគារអតិបរមា២០ឆ្នាំ៕ 

គ.ជ.ប ប្រកាសលទ្ធផលបោះឆ្នោតផ្លូវការ និងបង្ហាញពីសមាភាពសមាជិកសភាថ្មី

2023/08/05 10:26:44 am        645
Facebook Telegram Linkin
ភ្នំពេញ៖ គណៈកម្មាធិការជាតិរៀបចំការបង្ខិត (គ.ជ.ប) នៅព្រឹកថ្ងៃទី៥ ខែសីហា ឆ្នាំ ២០២៣នេះ បានប្រកាសលទ្ធផលបោះឆ្នោតផ្លូវការ និងបង្ហាញពីសមាភាពសមាជិកសភាថ្មី។បើតាមឯកឧត្តម ហង្ស ពុទ្ធា សមាជិក និងជាអ្នកនាំពាក្យ គ.ជ.ប បានឲ្យដឹងថា នៅថ្ងៃប្រកាសលទ្ធផលផ្លូវការនេះ គ.ជ.ប បានប្រកាសនូវការបែងចែកអាសនៈ និងបេក្ខជនជាប់ឆ្នោតតំណាងរាស្រ្តនៃរដ្ឋសភា។ជាមួយគ្នាឯកឧត្តម បញ្ជាក់ថា ក្រោយប្រកាសលទ្ធផលផ្លូវការ គ.ជ.ប នឹងថ្វាយលទ្ធផលផ្លូវការ​ទៅព្រះមហាក្សត្រ ព្រឹទ្ធសភា រដ្ឋសភា និងទីស្តីការគណៈរដ្ឋមន្រ្តី ដើម្បីបន្តរៀបចំរាជរដ្ឋាភិបាល។បើតាម គ.ជ.ប គណបក្សប្រជាជនកម្ពុជា និងគណបក្សហ៊្វុនស៊ិនប៉ិច ដែលជាប់​ក្នុងការបោះឆ្នោត​ជ្រើសតាំងតំណាងរាស្ត្រអាណត្តិទី៧ នៃរដ្ឋសភាសរុបចំ១២៥រូប។យោងតាមបញ្ជីរាយនាមរបស់គណៈកម្មាធិការជាតិរៀបចំការបោះឆ្នោតនៅព្រឹកថ្ងៃទី ៥ ខែសីហា ឆ្នាំ ២០២៣នេះ បានបញ្ជាក់ថា សម្រាប់បេក្ខជនចំនួន៥រូបរបស់គណបក្សហ៊្វុនស៊ិនប៉ិច​ដែលបានជាប់ឆ្នោត​តំណាងរាស្រ្តនីតិកាលទី៧ថ្ងៃទី ២៣ ខែកក្កដា ឆ្នាំ ២០២៣ រួមមាន៖១.ព្រះអង្គម្ចាស់ នរោត្តម ចក្រាវុធ ២. លោក ភឹម រ៉ិង ៣.លោក គង់ ចំណូល ៤. នាង ចាន់ណាក់ និង៥.លោក ញឿន រ៉ាដែន។ក្រៅពីសមាជិកសភាគណបក្សហ៊្វុនស៊ិនប៉ិច ចំនួន៥រូបនេះ គឺ​សុទ្ធតែសមាជិកសភាមកពី​គណបក្ស​ប្រជាជនកម្ពុជា៕

អ្នកឃ្លាំមើលសហភាពអឺរ៉ុប៖ ផ្សែងពីចំហេះព្រៃ នៅកាណាដា បំបែកកំណត់ត្រាការបំភាយឧស្ម័ន

2023/08/04 03:46:31 pm        164
Facebook Telegram Linkin
អឺរ៉ុប៖ អ្នកឃ្លាំមើលអាកាសធាតុរបស់សហភាពអឺរ៉ុប កាលពីថ្ងៃព្រហស្បតិ៍ (ទី៣ ខែកក្កដា) បាននិយាយថា ចំហេះព្រៃដ៏ធំ នៅប្រទេសកាណាដា បានបញ្ចេញផ្សែង ២ដងច្រើនជាងកំណត់ត្រាពេញមួយឆ្នាំមុន ដោយរំពឹងថា ការឆេះនឹងបន្តដុតពេញទាំងព្រៃ ក្នុងរយៈជាច្រើនសប្តាហ៍ ឬជាច្រើនខែ។ចំហេះព្រៃដ៏មហន្តរាយ បានឆាបឆេះលើផ្ទៃដីប្រមាណ ១២លានហិកតា មកទល់ពេលនេះ នៅឆ្នាំនេះ ពោលគឺបានដុតបំផ្លាញផ្ទៃដី ដែលធំជាងទំហំផ្ទៃប្រទេសគុយបា ឬកូរ៉េខាងត្បូងទៅទៀត។សំណុំផ្សែងហុយដ៏ក្រាស់ឃ្មឹក បានធ្វើឲ្យមានសភាពថប់ខ្យល់ ក្នុងប្រទេសកាណាដា និងសហរដ្ឋអាមេរិកដែលនៅជិតខាង ដោយប៉ះពាល់ដល់មនុស្សជាង ១០០លាននាក់ ហើយជួនកាលរំខានដល់ជើងហោះហើរ និងបង្ខំឲ្យលុបចោលព្រឹត្តិការណ៍ ដែលរៀបចំ នៅទីវាលទៀតផង។សេវាកម្មត្រួតពិនិត្យបរិយាកាស CAMS របស់អឺរ៉ុប បាននិយាយថា អង្គភាពបានតាមដានការឆេះនេះ ចាប់តាំងពីរដូវ បានចាប់ផ្តើមនៅដើមខែឧសភា ខណៈភ្លើងបានឆាបឆេះពាសពេញតំបន់ធំៗនៃប្រទេស។គិតត្រឹមដំណាច់ខែកក្កដា អង្គភាព បាននិយាយថា ការបំភាយកាបូនសរុប តាំងពីដើមឆ្នាំរហូតមកដល់ពេលនេះ បានកើនឡើងដល់ទ្វេដងពីការបង្កកង្វក់នៃការសាយភាយផ្សែងពេញឆ្នាំ២០១៤ ដែលជាកំណត់ត្រាឆ្នាំមុនៗ។អ្នកវិទ្យាសាស្ត្រជាន់ខ្ពស់របស់ CAMS លោក Mark Parrington បាននិយាយថា៖ «ការបំភាយពីចំហេះ បាន«បន្តកើនឡើងជាលំដាប់ស្ទើរតែដល់កម្រិតមួយ ដែលខ្ពស់ជាងរួចហើយពីការបំភាយនៃការឆេះសរុបប្រចាំឆ្នាំមុនៗ សម្រាប់ប្រទេសកាណាដា នៅក្នុងសំណុំទិន្នន័យរបស់យើង»៕

នាយករដ្ឋមន្រ្តីអង់គ្លេសលោក Rishi Sunak និងគ្រួសារ បំពេញវិស្សមកាលរដូវក្តៅនៅសហរដ្ឋអាមេរិក

2023/08/04 03:44:01 pm        139
Facebook Telegram Linkin
អាមេរិក៖  នាយករដ្ឋមន្រ្តីអង់គ្លេសលោក Rishi Sunak និងគ្រួសាររបស់លោក ត្រូវបានគេថតកាលពីថ្ងៃព្រហស្បតិ៍ម្សិលមិញ ពេលដែលពួកគេបំពេញវិស្សមកាលនៅសហរដ្ឋអាមេរិក ។  លោក Sunak ភរិយា Akshata Murty របស់លោក ហើយនិងកូនស្រី Anoushka និង Krishna បានឈរថតរូបនៅផែ Santa Monicaស្ថិតក្នុងរដ្ឋ California ។  នាយករដ្ឋមន្រ្តីរូបនេះ បាននិយាយប្រាប់អ្នកអត្ថាធិប្បាយរបស់វិទ្យុអង់គ្លេស LBCលោក Nick Ferrariថា រដ្ឋ Californiaពិតជាពិសេសខ្លាំងណាស់សម្រាប់ពួកយើង ពីព្រោះថាវាគឺជាកន្លែងដែលលោកបានជួបភរិយារបស់លោក ។  លោក Sunak បន្តថា ក្មេងៗពិតជារំភើបខ្លាំងណាស់ ដោយសារតែលោកបាននាំពួកគេទៅលេងសួនកម្សាន្ត Disneyland ។  ដោយឡែកនៅប្រទេសអង់គ្លេសវិញ ក្រុមបាតុករបរិស្ថាន ៥នាក់ ត្រូវបានចាប់ខ្លួន ក្រោយពួកគេយកកំណាត់ខ្មៅគ្របពីលើគេហដ្ឋានឯកជនរបស់គ្រួសារលោក Sunakនៅទីក្រុង Yorkshire ដោយព្យួរកំណាត់ដ៏ធំមួយពីលើដំបូលផ្ទះ ពេលដែលពួកគេចុះយុទ្ធនាការប្រឆាំងនឹងគោលនយោបាយរដ្ឋាភិបាលរបស់លោកលើការបូមប្រេង ៕

បណ្ដាញសង្គម

ព័ត៌មានថ្មីៗ

កិច្ចសន្ទនារវាងកម្ពុជា-កូរ៉េ ឆ្លុះបញ្ចាំងពីការយកចិត្តទុកលើការថែទាំគាំទ្រវិនិយោគបរទេសនៅកម្ពុជា
06/25/2025 09:06 PM
Facebook Telegram Linkin
ក្រុមហ៊ុននេប៉ាល់ ប្រើប្រាស់យានដ្រូន ដើម្បីដឹកជញ្ជូនសម្ភារៈ និងកាកសំណល់នៅលើភ្នំ Everest
06/25/2025 08:06 PM
Facebook Telegram Linkin
លោក Macron ៖ អឺរ៉ុបនឹងចំណាយបន្ថែមទៀតលើថ្លៃការពារ ដើម្បីប្រឈមការគំរាមកំហែងពីរុស្ស៊ី
06/25/2025 08:06 PM
Facebook Telegram Linkin
ពលរដ្ឋហ្កាហ្សាចូលរួមពិធីបុណ្យសពអ្នកកាសែតដែលត្រូវបានសម្លាប់ក្នុងការវាយប្រហាររបស់អ៊ីស្រាអែល
06/25/2025 07:06 PM
Facebook Telegram Linkin
អាកាសយានដ្ឋានក្រុងតែល អាវីវ ចាប់ផ្តើមជើងហោះហើរអន្តរជាតិឡើងវិញ ក្រោយមានបទឈប់បាញ់ជាមួយអ៊ីរ៉ង់
06/25/2025 07:06 PM
Facebook Telegram Linkin
លោក Medvedev របស់រុស្ស៊ី ហៅ EU ថា ជា «ការគំរាមដោយផ្ទាល់» និងថា ភាពជាសមាជិករបស់អ៊ុយក្រែន នឹងបង្កគ្រោះថ្នាក់
06/25/2025 07:06 PM
Facebook Telegram Linkin
សមាជិកសភារុស្ស៊ី ព្រមានថា ទីក្រុងមូស្គូ នឹងស្វែងរកការឆ្លើយតបចំពោះការគំរាមកំហែងណាមួយពី ណាតូ
06/25/2025 07:06 PM
Facebook Telegram Linkin
លោក Grossi៖ឱកាសសម្រាប់ដំណោះស្រាយការទូតចំពោះបញ្ហានុយក្លេអ៊ែរអ៊ីរ៉ង់បច្ចុប្បន្ន បានបើកចំហ
06/25/2025 07:06 PM
Facebook Telegram Linkin
សង្រ្គាមច្រកអាកាសអ៊ីស្រាអែល-អ៊ីរ៉ង់ធ្វើឲ្យក្រុមវិនយោគព្រួយបារម្ភពីច្រកសមុទ្រ Hormuz
06/25/2025 07:06 PM
Facebook Telegram Linkin
សារព័ត៌មាន Yonhap៖ តុលាការកូរ៉េខាងត្បូងបដិសេធមិនចេញដីកាចាប់ខ្លួនអតីតប្រធានាធិបតី
06/25/2025 07:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.