BTV NEWS

រដ្ឋមន្ត្រីក្រសួងអភិវឌ្ឍន៍ជនបទចុះពិនិត្យវឌ្ឍនភាពការងារសាងសង់ស្ពានភ្នំក្រវាញ និងផ្លូវកៅស៊ូក្នុងខេត្តពោធិ៍សាត់

BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់

សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់

ឯកឧត្តម ចាន់ ដារ៉ុង ដឹកនាំគណៈកម្មការអន្តរក្រសួងចុះពិនិត្យវាយតម្លៃបញ្ចប់សុពលភាពការងារថែទាំផ្លូវខួបចំនួន ៣កំណាត់ ក្នុងខេត្តពោធិ៍សាត់

នយោបាយ និង ការអភិវឌ្ឍន៍

ឯកឧត្តម សួស យ៉ារ៉ា៖ ដំណើរការបោះឆ្នោតឃុំ-សង្កាត់ បង្ហាញពីលទ្ធិប្រជាធិបតេយ្យរបស់កម្ពុជា

ភ្នំពេញ៖ ឯកឧត្តម សួស យ៉ារ៉ា ប្រធានគណៈកម្មការកិច្ចការបរទេស និងសហប្រតិបត្តិការអន្តរជាតិ នៃរដ្ឋសភា បញ្ជាក់ថា គណបក្សនយោបាយចំនួន៧ដែលទទួលអាសនៈ ក្នុងដំណើរការបោះឆ្នោត ពោលដូចជា គណបក្សទើបបង្កើតថ្មីហើយទទួលបានលទ្ធផលល្អដែរ នេះបង្ហាញពីជ័យជម្នះ នៃលទ្ធិប្រជាធិបតេយ្យរបស់កម្ពុជា។ការថ្លែងរបស់ឯកឧត្តម សួស យ៉ារ៉ា ធ្វើឡើងក្នុងកិច្ចប្រជុំពិគ្រោះយោបល់ជាមួយ ឯកអគ្គរាជទូត-រដ្ឋទូត ប្រចាំព្រះរាជាណាចក្រកម្ពុជា ស្តីពី ដំណើរការប្រជាធិបតេយ្យក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ នៅវិមានរដ្ឋសភា នារសៀលថ្ងៃទី៨ ខែមិថុនា ឆ្នាំ២០២២ នៅវិមានរដ្ឋសភា។កិច្ចប្រជុំពិគ្រោះយោបល់នេះ មានការអញ្ជើញចូលរួមពី សមាជិកាសមាជិការដ្ឋសភា តំណាងឯកអគ្គរាជទូត-រដ្ឋទូត ប្រចាំព្រះរាជាណាចក្រកម្ពុជា ចំនួន ៣១ប្រទេស រួមនឹងអង្គការអន្តរជាតិ រួមមាន UNDP និង World Bank ហើយក៏មានការចូលរួមពីតំណាង ក្រសួងការបរទេស ក្រសួងមហាផ្ទៃ ក្រសួងព័ត៌មាន និងគណៈកម្មាធិការជាតិរៀបចំការបោះឆ្នោត៕

សម្តេច សាយ ឈុំ ប្រធានព្រឹទ្ធសភា អនុញ្ញាតឱ្យឯកអគ្គរាជទូតតែងតាំងថ្មី នៃសាធារណរដ្ឋរវ៉ាន់ដា ចូលជួបសម្តែងការគួរសម

ភ្នំពេញ៖ សម្តេចវិបុលសេនាភក្តី សាយ ឈុំ ប្រធានព្រឹទ្ធសភានៃព្រះរាជាណាចក្រកម្ពុជា នៅព្រឹកថ្ងៃពុធ ទី០៨ ខែមិថុនា ឆ្នាំ២០២២ បានអនុញ្ញាតឱ្យលោកជំទាវ Dalila Yasmin AMRI SUED ឯកអគ្គរាជទូតតែងតាំងថ្មី នៃសាធារណរដ្ឋរវ៉ាន់ដា ប្រចាំព្រះរាជាណាចក្រកម្ពុជា ចូលជួបសម្តែងការគួរសម នៅវិមានព្រឹទ្ធសភា។ក្នុងនាមព្រឹទ្ធសភា និងក្នុងនាមសម្តេចផ្ទាល់ សម្តេចប្រធានព្រឹទ្ធសភាបានស្វាគមន៍ និងអបអរសាទរចំពោះលោកជំទាវ ដែលត្រូវបានតែងតាំងជាឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋរវ៉ាន់ដា ប្រចាំព្រះរាជាណាចក្រកម្ពុជា។ សម្តេច មានជំនឿជាក់ថា ក្នុងអាណត្តិបេសកកម្មការទូតរបស់លោកជំទាវ លោកជំទាវនឹងខិតខំលើកកម្ពស់ទំនាក់ទំនង និងកិច្ចសហប្រតិបត្តិការរវាងប្រទេសទាំងពីរឱ្យកាន់តែល្អប្រសើរជាងទៀត ដើម្បីជាគុណប្រយោជន៍ដ៏ធំធេងសម្រាប់ប្រជាជន និងប្រទេសទាំងពីរ ទាំងពេលបច្ចុប្បន្ន និងពេលអនាគត។ក្នុងឱកាសនោះ លោកជំទាវឯកអគ្គរដ្ឋទូត បានថ្លែងអំណរគុណចំពោះសម្តេចប្រធានព្រឹទ្ធសភា ដែលបានចំណាយពេលដ៏មានតម្លៃ អនុញ្ញាតឱ្យលោកជំទាវបានចូលជួបសម្តែងការគួរសមនាពេលនេះ។ លោកជំទាវ បានប្តេជ្ញាថា តាមរយៈបេកសកកម្មការទូតរបស់លោកជំទាវនៅព្រះរាជាណាចក្រកម្ពុជា លោកជំទាវនឹងខិតខំប្រឹងប្រែងលើកកម្ពស់ទំនាក់ទំនង និងកិច្ច សហប្រតិបត្តិការរវាងប្រទេសទាំងពីរបន្ថែមទៀត៕

រដ្ឋមន្ត្រីការបរទេសកម្ពុជា ច្រានចោលការចោទប្រកាន់អំពីមូលដ្ឋានកងទ័ពជើងទឹករាម

ភ្នំពេញ៖ ឆ្លើយតបចំពោះការសាកសួររបស់លោកជំទាវ Penny Wong រដ្ឋមន្ត្រីការបរទេស អូស្ត្រាលី ជុំវិញព័ត៌មានថ្មីៗ ដែលត្រូវបានផ្សព្វផ្សាយដោយបណ្ដាញ សារព័ត៌មានមួយចំនួន ពាក់ព័ន្ធនឹងមូលដ្ឋានកងទ័ពជើងទឹករាម ឯកឧត្ដមឧបនាយករដ្ឋមន្ត្រី ប្រាក់ សុខុន បានច្រាន ចោលការចោទប្រកាន់ដោយគ្មាន មូលដ្ឋានទាំងនោះមកលើកម្ពុជា ដោយបញ្ជាក់ជាថ្មីនូវការប្រកាន់យ៉ាងខ្ជាប់ខ្ជួនរបស់កម្ពុជាចំពោះ រដ្ឋធម្មនុញ្ញរបស់ខ្លួនដែលមិនអនុញ្ញាតឱ្យមានមូលដ្ឋាន ឬវត្តមានកងទ័ពបរទេសណាមួយនៅលើ ទឹកដីកម្ពុជាឡើយ ។ រដ្ឋមន្ត្រីការបរទេសកម្ពុជាបានគូសបញ្ជាក់ថា ការកែលំអមូលដ្ឋានកងទ័ពជើងទឹករាមនេះ គឺធ្វើឡើង ដើម្បីពង្រឹងសមត្ថភាពកងទ័ពជើងទឹករបស់កម្ពុជា ដើម្បីការពារបូរណភាពដែនសមុទ្ររបស់ខ្លួន និងដើម្បីប្រយុទ្ធប្រឆាំងនឹងឧក្រិដ្ឋកម្មតាមដែនសមុទ្រ។ ការច្រានចោលនេះ នៅក្នុងជំនួបសន្ទនាតាមទូរស័ព្ទ នៅថ្ងៃទី០៧ ខែមិថុនា ឆ្នាំ២០២២។

លទ្ធផលបណ្តោះអាសន្នការបោះឆ្នោតឃុំ-សង្កាត់ នឹងបញ្ចប់ការបិទផ្សាយជាសាធារណៈនាថ្ងៃនេះ

ភ្នំពេញ៖ ឯកឧត្តម ហង្ស ពុទ្ធា អ្នកនាំពាក្យ គណៈកម្មាធិការជាតិរៀបចំការបោះឆ្នោត(គ.ជ.ប ) បានឲ្យដឹងថា ការបិទផ្សាយជាសាធារណៈជុំវិញលទ្ធផលបណ្តោះអាសន្ន នៃការបោះឆ្នោតឃុំ-សង្កាត់នឹងត្រូវបញ្ចប់នៅថ្ងៃទី៨ ខែមិថុនា នេះ។ ឯកឧត្តម ហង្ស ពុទ្ធា បញ្ជាក់ថា ការបិទផ្សាយជាសាធារណៈអំពីលទ្ធផលបណ្តោះអាសន្ន នៃការបោះឆ្នោតជ្រើសរើសក្រុមប្រឹក្សាឃុំ-សង្កាត់ ធ្វើឡើងរយៈពេល៣ថ្ងៃ ចាប់ពីថ្ងៃទី៦ ដល់ថ្ងៃទី៨ ខែមិថុនា ឆ្នាំ២០២២ ដោយការបិទផ្សាយនេះគ្រប់តាមបណ្តាគណៈកម្មការឃុំ-សង្កាត់ រៀបចំការបោះឆ្នោត។ ឯកឧត្តម ហង្ស ពុទ្ធា ឲ្យដឹងទៀតថា បន្ទាប់ពីការបិទផ្សាយលទ្ធផលបណ្តោះអាសន្ននឹងបញ្ចប់នៅថ្ងៃនេះ គ.ជ.ប នឹងប្រកាសលទ្ធផលជាផ្លូវការនៅថ្ងៃទី២៦ មិថុនាខាងមុខ ខណៈការប្រកាសលទ្ធផលផ្លូវការអាចនឹងចាប់ផ្តើមមុនថ្ងៃទី២៦ ក្នុងករណីមិនមានបណ្តឹងតវ៉ា៕

គ.ជ.ប ៖ ការលើកឡើងរបស់គណបក្សភ្លើងទៀនខុសពីច្បាប់ បទបញ្ជានិងនីតិវិធី

ភ្នំពេញ៖ លទ្ធផលនៃការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២ ត្រូវបានអបអរសាទរពីគ្រប់ភាគីពាក់ព័ន្ធ នឹងការបោះឆ្នោត មានគណបក្សនយោបាយចូលរួមប្រកួតប្រជែង ក្នុងការបោះឆ្នោត រួមទាំងអ្នកសង្កេតការណ៍ជាតិ អន្តរជាតិ។គណបក្សនយោបាយ និងអ្នកសង្កេតការណ៍ បានវាយតម្លៃថា ការបោះឆ្នោតបានប្រព្រឹត្តទៅដោយរលូនល្អ សេរី យុត្តិធម៌ តម្លាភាព គ្មានការគំរាមកំហែង គ្មានអំពើហិង្សា ឬភាពមិនប្រក្រតីណាមួយកើតឡើងឡើយ។គ.ជ.ប បន្តថា ដោយឡែកមានតែគណបក្សភ្លើងទៀនមួយប៉ុណ្ណោះ ដែលបានធ្វើការវាយតម្លៃផ្ទុយពីការអបអរសាទររបស់ភាគីពាក់ព័ន្ធ នឹងការបោះឆ្នោតខាងលើ។ មិនត្រឹមតែប៉ុណ្ណោះ គណបក្សភ្លើងទៀន បានលើកឡើងខុសពីច្បាប់ បទបញ្ជា និងនីតិវិធីរបស់ គ.ជ.ប ថែមទៀត ដើម្បីបំភាន់សាធារណៈមតិឱ្យយល់ខុស មកលើ គ.ជ.ប ក៏ដូចជាការរៀបចំការបោះឆ្នោតទាំងមូល៕

ប្រធានគណ:កម្មាធិការសិទ្ធិមនុស្សកម្ពុជាថា ការបោះឆ្នោត គ្មាននរណាអាចបង្ខំឆន្ទៈពលរដ្ឋនោះឡើយ

ភ្នំពេញ៖ ឯកឧត្តម កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា ថ្លែងថា ចំពោះដំណើរការបោះឆ្នោយឃុំ-សង្កាត់ ដែលទើបបានបញ្ចប់ទៅ គឺគ្មាននរណាអាចបង្ខំឆន្ទៈពលរដ្ឋនោះឡើយ។ថ្លែងប្រាប់អ្នកសារព័ត៌មានក្រោយជំនួបជាមួយអ្នកស្រី រួអេដា អិល ហាច តំណាងការិយាល័យឧត្តមស្នងការទទួលបន្ទុកសិទ្ធិមនុស្សរបស់អង្គសហប្រជាជាតិប្រចាំកម្ពុជា នៅថ្ងៃទី៧ ខែមិថុនា ឆ្នាំ២០២២ ឯកឧត្តម កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា ថ្លែងថា ជំនួបនាពេលនេះ ដើម្បីស្វែងយល់ពីកិច្ចការស្នូលរបស់គណៈកម្មាធិការសិទ្ធិមនុស្សកម្ពុជា និងបន្តកិច្ចសហការគ្នាឲ្យកាន់តែមានប្រសិទ្ធភាពក្នុងការការពារ និងលើកស្ទួយសិទ្ធិមនុស្ស។ ឯកឧត្តម បានបដិសេធ ទាក់ទងនឹងការចោទប្រកាន់អំពីការគំរាមគំហែងសិទ្ធិប្រជាពលរដ្ឋ ដោយឯកឧត្តម បញ្ជាក់ថា មិនមាននរណាម្នាក់អាចបង្ខំឆន្ទៈប្រជាជាពលរដ្ឋនោះទេ។ឯកឧត្តម កែវ រ៉េមី លើកឡើងទៀតថា ដំណើរការការបោះឆ្នោតឃុំ-សង្កាត់ បានឆ្លើយតបនៃភាពត្រឹមត្រូវអំពីសិទ្ធិសេរីភាពរបស់ប្រជាពលរដ្ឋ ដើម្បីចូលរួមការបោះឆ្នោត និងធានាដល់ការបោះឆ្នោតរៀងរាល់៥ឆ្នាំម្តង។ការបោះឆ្នោតឃុំ-សង្កាត់ អាណ្ណត្តិទី៥ មានប្រជាពលរដ្ឋចូលរួមបោះឆ្នោតចំនួនជាង ៧លាន៣សែន ក្នុងចំណោមប្រជាពលរដ្ឋសរុបជាង ៩លាននាក់។ ការបោះឆ្នោតនេះ មានការចូលរួមសង្កេតការណ៍ដោយបណ្តាស្ថាប័ន អង្គការ សហគមន៍ចំនួន៧២ និងសហគមន៍អន្តរជាតិចំនួន១៩ ព្រមទាំងមានភ្ញៀវពិសេសចំនួន៥ស្ថាប័នផងដែរ ក្នុងនោះមានស្ថានទូតជប៉ុន អូស្រ្តាលី និងរុស្ស៉ីជាដើម ខណៈអ្នកសង្កេតការណ៍ដែល គ.ជ.ប អនុញ្ញាតចូលរួមសរុបចំនួនជាង ៧ម៉ឺននាក់៕ អត្ថបទ សេក ឧត្តម

ពលរដ្ឋអះអាងថា គ្មានការបង្ខិតបង្ខំ ឬការគំរាមកំហែងក្នុងអំឡុងពេលបោះឆ្នោត

កណ្ដាល៖ ប្រជាពលរដ្ឋ ដែលបានទៅបោះឆ្នោតជ្រើសរើសក្រុមប្រឹក្សា ឃុំ-សង្កាត់ អាណត្តិទី៥ កាលពីថ្ងៃទី៥ ខែមិថុនានេះ បានអះអាងថា ពួកគេទៅបោះឆ្នោតដោយស្ម័គ្រចិត្ត គ្មានការបង្ខិតបង្ខំ និងគំរាមកំហែង ពីភាគីណាទាំងអស់ ចំណែកនីតិវិធីនៃការបោះឆ្នោត កាន់តែងាយស្រួលជាងពេលមុនៗ និងបរិយាកាស នៃការបោះឆ្នោតប្រព្រឹត្តិទៅដោយល្អ។ប្រជាពលរដ្ឋរស់នៅឃុំកំពង់ស្វាយ ស្រុកកៀនស្វាយ ខេត្តកណ្ដាល បាននិយាយថា ពួកគេ បានយល់ដឹងកាន់តែច្រើនពីរបៀបរបប នៃការឆ្នោត ពីមួយអាណត្តិទៅមួយអាណត្តិ ហើយតាមមណ្ឌលបោះឆ្នោត ក៏កាន់តែមានភាពល្អប្រសើរ ព្រោះគណៈកម្មការជាតិរៀបចំការបោះឆ្នោតក្នុងឃុំ រៀបចំបានល្អ អ្នកបោះឆ្នោត បោះដោយសេរី និងយុត្តិធម៌ ។ពលរដ្ឋ បានបន្តថា នៅក្នុងមណ្ឌលពួកគេបោះឆ្នោត គ្មានសកម្មភាពបំភិតបំភ័យ ឬបង្កការរំខាន អ្វី ឡើយ ដោយពលរដ្ឋបោះឆ្នោតជូនគណបក្សនយោបាយ ដែលខ្លួនស្រឡាញ់ គ្មានការបង្ខិតបង្ខំ ស្ថិតក្នុង បរិយាកាសរៀបចំការពារសន្តិសុខ សណ្ដាប់ធ្នាប់បានល្អ និងមានអ្នកទៅបោះឆ្នោច្រើន ពីមួយអាណត្តិទៅ មួយអាណត្តិផងដែរ ។ប្រជាពលរដ្ឋបានស្នើទៅក្រុមប្រឹក្សាឃុំកំពង់ស្វាយ ដែលបានជាប់ឆ្នោត បន្តជួយអភិវឌ្ឍមូលដ្ឋាន ក៏ដូចជាបម្រើសេវាសាធារណៈនានា ឲ្យទាន់ពេលវេលា ឆាប់រហ័ស និងកាន់តែល្អប្រសើរ ព្រោះពួកគេមានជំនឿទុកចិត្ត ទើបនាំគ្នាបោះឆ្នោតជូន ។ការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥ បានប្រព្រឹត្តិទៅកាលពីថ្ងៃទី៥ ខែមិថុនា ឆ្នាំ២០២២ មានគណបក្សនយោបាយចូលរួមចំនួន១៧ ដោយមានអ្នកចេញទៅបោះឆ្នោតជាង ៨០ភាគរយ ហើយគណៈកម្មាធិការជាតិរៀបចំការបោះឆ្នោត (គជប) គ្រោងនឹងប្រកាសលទ្ធផលផ្លូវការ នៅថ្ងៃទី ២៦ ខែមិថុនា ខាងមុននេះ ។ចំពោះលទ្ធផលនៃការបោះឆ្នោត ទោះ គ.ជ.ប ទើបប្រកាសជាបណ្ដោះអាសន្ន ប៉ុន្តែមានការប្រកាសគាំទ្រពីគណបក្សនយោបាយផ្សេងៗ រួមទាំងអ្នកសង្កេតការណ៍ជាតិ និងអន្តរជាតិ ដោយលើកឡើង ប្រហាក់ប្រហែលគ្នាថា ប្រព្រឹត្តិទៅដោយរលូនសេរីពហុបក្ស យុត្តិធម៌ គ្មានការគំរាមកំហែង គ្មានអំពើហិង្សា ធ្វើឡើងតាមបែបលទ្ធិប្រជាធិបតេយ្យ ៕អត្ថបទ បាន សុខរិទ្ធិ

ឯកឧត្តម យឿន យឿត ថ្លែងអំណរគុណដល់ពលរដ្ឋឃុំតាសាលដែលបានបោះឆ្នោតជូនគណបក្សប្រជាជនកម្ពុជា

កំពង់ស្ពឺ៖ អនុប្រធានក្រុមការងារគណបក្សប្រជាជនកម្ពុជាចុះមូលដ្ឋានស្រុកឱរ៉ាល់ និងជាប្រធានក្រុមការងារចុះមូលដ្ឋានឃុំតាសាល ស្រុកឱរ៉ាល់ ខេត្តកំពង់ស្ពឺ ឯកឧត្តម យឿន យឿត បានគោរពថ្លែងអំណរគុណយ៉ាងជ្រាលជ្រៅជូនចំពោះសមាជិក-សមាជិកា គណបក្សប្រជាជនកម្ពុជា និងប្រជាពលរដ្ឋទាំងមូលនៅស្រុកឱរ៉ាល់ ជាពិសេសនៅឃុំតាសាល ដែលបានសម្រេចចិត្តដ៏ត្រឹមត្រូវជ្រើសរើសគណបក្សប្រជាជនកម្ពុជាឱ្យបន្តបម្រើបងប្អូន ក្នុងមូលដ្ឋាន ឃុំ-សង្កាត់ សម្រាប់អាណត្តិថ្មីនេះបន្តទៀត។ ឯកឧត្តមបានថ្លែងនៅព្រឹកថ្ងៃទី៧ ខែមិថុនានេះថា ក្នុងចំណោមគណបក្សទាំង៥ ដែលបានចូលរួមប្រកួតប្រជែងនៅក្នុងឃុំតាសាល គឺមានតែគណបក្សប្រជាជនកម្ពុជាតែមួយគត់ឈានមុខគេ ដោយទទួលបាន៧អាសនៈ លើ៧អាសនៈ។នេះបើតាមលទ្ធផលបណ្តោះអាសន្នដែលគណៈកម្មាធិការជាតិរៀបចំការបោះឆ្នោត(គ.ជ.ប.)បានបង្ហាញ។ ឯកឧត្តមយឿន យឿត បានបន្តទៀតថា លទ្ធផលដែលបងប្អូនប្រជាពលរដ្ឋនៅឃុំតាសាល ផ្តល់ជូនដល់គណបក្សប្រជាជនកម្ពុជានេះ គឺជាទឡ្ហីករណ៍ដ៏សំខាន់មួយសម្រាប់មន្រ្តីគណបក្សប្រជាជនកម្ពុជានៅស្រុកឱរ៉ាល់ ជាពិសេសគឺនៅឃុំតាសាល ឱ្យខិតខំប្រឹងប្រែងទ្វេដង ដើម្បីបម្រើដល់បងប្អូនឲ្យកាន់តែល្អ និងបន្តការពារសុខសន្តិភាព ស្ថិរភាពបន្តទៅមុខទៀត សក្តិសមនឹងជំនឿជឿជាក់ និងទំនុកចិត្តដែលបានផ្តល់ជូនតាមរយៈសន្លឹកឆ្នោតនាពេលនេះ៕

ផ្សារទំនើប ព្រីនស៍ ថាមស៍ សឃ្វែរ ដែលជាមជ្ឈមណ្ឌលពាណិជ្ជកម្មដ៏ធំមួយនៅភ្នំពេញបានសម្ពោធដំណើរការជាផ្លូវការ

ភ្នំពេញ៖ នៅថ្ងៃទី០៧ ខែមិថុនា ឆ្នាំ២០២២ ពិធីសម្ពោធជាផ្លូវការនៃផ្សារទំនើប ព្រីនស៍ ថាមស៍ សឃ្វែរ ត្រូវបានប្រារព្ធឡើង។ ផ្សារទំនើប ព្រីនស៍ ថាមស៍ សឃ្វែរ បានប្រមូលផ្តុំនូវម្ចាស់អាជីវកម្មចិន និងខ្មែរជាច្រើន និងជាអគារពាណិជ្ជកម្មខ្នាតធំដែលមានមុខងារពេញលេញនៅក្នុងទីក្រុងភ្នំពេញ ហើយក៏ជាមជ្ឈមណ្ឌលពាណិជ្ជកម្មដំបូងបង្អស់របស់ក្រុមហ៊ុន ព្រីនស៍ រៀល អ៊ីស្ទេត គ្រុប ដែលបានបើកដំណើរជាសាធារណៈ។ក្រុមហ៊ុន ព្រីនស៍ រៀល អ៊ីស្ទេត គ្រុប បានចាក់ឫសនៅក្នុងទឹកដីប្រទេសកម្ពុជា និងមានអាជីវកម្មគ្របដណ្ដប់លើវិស័យនានាដូចជា ផ្សារទំនើបលំនៅឋាន និងតំបន់ទេសចរណ៍ ហើយមានតួនាទីជាអ្នកចូលរួមក្នុងបុព្វហេតុជំរុញការអភិវឌ្ឍនគរូបនីយកម្ម និងទំនើបកម្មនៃប្រទេសកម្ពុជា។ ការបើកសម្ពោធនៃផ្សារទំនើប ព្រីនស៍ ថាមស៍ សឃ្វែរ បានបង្ហាញពីការប្តេជ្ញាចិត្តរបស់ក្រុមហ៊ុន ព្រីនស៍ រៀល អ៊ីស្ទេត គ្រុប ក្នុងការពង្រាយអាជីវកម្មរបស់ខ្លួន និងពង្រីកការវិនិយោគនៅកម្ពុជា។ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ បានអញ្ជើញចូលរួមក្នុងពិធីសម្ពោធនេះ និងមានប្រសាសន៍ថា កម្ពុជាកំពុងបើកដំណើរការសកម្មភាពសេដ្ឋកិច្ចសង្គមពេញលេញឡើងវិញលើគ្រប់វិស័យតាមគន្លងប្រក្រតីថ្មី ។ ហើយផ្សារទំនើបព្រីនស៍ ថាមស៍ សឃ្វែរ ដែលបានបើកសម្ពោធនៅពេលនេះ នឹងក្លាយទៅជាគោលដៅដើរទិញទំនិញ ការកម្សាន្ត និងទេសចរណ៍មួយ ដែលទទួលបានការគាំទ្រពីសំណាក់ប្រជាពលរដ្ឋ និងភ្ញៀវទេសចរ។ឯកឧត្តម ឃួង ស្រេង អភិបាលរាជធានីភ្នំពេញ បាន ប្រកាសថា កម្ពុជាបានត្រៀមខ្លួនរួចជាស្រេច ដើម្បីជាចលករជំរុញ និងគាំទ្រដល់ការវិនិយោគរបស់វិស័យឯកជន។ កម្ពុជាទទួលស្វាគមន៍ និងលើកទឹកចិត្តចំពោះការបណ្តាក់ទុនវិនិយោគ និងការធ្វើអាជីវកម្ម សេវាកម្មស្របច្បាប់គ្រប់ប្រភេទ ជាពិសេសការពង្រឹងសហគ្រិនភាព កិច្ចសហប្រតិបត្តិការពាណិជ្ជកម្ម ការបើកទូលាយបរិយាកាសវិនិយោគឱ្យកាន់តែមានភាពល្អប្រសើរ ប្រកបដោយភាពទាក់ទាញ និងផ្តល់ទំនុកចិត្តខ្ពស់ដល់ធុរជន និងសហគ្រិនទាំងអស់ ស្របតាមក្របខ័ណ្ឌពាណិជ្ជកម្មសកលលោក សម្រាប់ជំរុញកំណើនសេដ្ឋកិច្ច និងពង្រីកសក្តានុពលថ្មីៗ ប្រកបដោយគុណវុឌ្ឍន៍ខ្ពស់។លោក Edward Lee នាយកប្រតិបត្តិនៃក្រុមហ៊ុន ព្រីនស៍ រៀល អ៊ីស្ទេត គ្រុប បានថ្លែងអំណរគុណយ៉ាងស្មោះស្ម័គ្រចំពោះការគាំទ្រពីសំណាក់ស្ថាប័នរដ្ឋគ្រប់លំដាប់ថ្នាក់ក្នុងពេលកន្លងមក ក៏ដូចជាការគាំទ្រ និងការទទួលស្គាល់យ៉ាងពេញទំ ហឹងពីគ្រប់មជ្ឈដ្ឋាន និងពីសំណាក់ប្រជាជនកម្ពុជាផងដែរ។ លោកក៏បានលើកឡើងថា ក្រុមហ៊ុន ព្រីនស៍ រៀល អ៊ីស្ទេត គ្រុប បានអភិវឌ្ឍអាជីវកម្មរបស់ខ្លួននៅកម្ពុជា ដោយតែងតែប្រកាន់ខ្ជាប់នូវគោលការណ៍បម្រើកម្ពុជា កសាងកម្ពុជា និងតបស្នង កម្ពុជា។ ផ្សារទំនើប ព្រីនស៍ ថាមស៍ សឃ្វែរ គឺជាស្នាដៃថ្មីមួយទៀតរបស់ក្រុមហ៊ុន ព្រីនស៍ រៀល អ៊ីស្ទេត គ្រុប នៅកម្ពុជា ដែលមិនត្រឹមតែនាំមកនូវបទពិសោធន៍ពេញលេញថ្មីៗជូនប្រជាពលរដ្ឋ និងភ្ញៀវទេសចរ ថែមទាំងក៏នឹងបង្កើតការងារបន្ថែមទៀតនៅកម្ពុជា និងលើកកម្ពស់ការអភិវឌ្ឍសេដ្ឋកិច្ច និងសង្គមរបស់កម្ពុជាផងដែរ។ផ្សារទំនើប ព្រីនស៍ ថាមស៍ សឃ្វែរ មានទីតាំងស្ថិតនៅផ្នែកខាងត្បូងនៃមហាវិថីព្រះនរោត្តម ក្នុងខណ្ឌចំការមន រាជធានីភ្នំពេញ ដែលជាតំបន់ដែលមានភាពសក្ដានុពល និងរីកចម្រើនបំផុតមួយនៅភ្នំពេញ។ គម្រោងនេះបានទទួលការចាប់អារម្មណ៍យ៉ាងខ្លាំងពីគ្រប់មជ្ឈដ្ឋានតាំងពីពេលចាប់ផ្តើមបង្កើតគម្រោងមកម្ល៉េះ ហើយក្នុងអំឡុងពេលសាងសង់គម្រោងនេះ សាលារាជធានីភ្នំពេញ និងក្រសួងមន្ទីរពាក់ព័ន្ធបានផ្ដល់ការគាំទ្រយ៉ាងច្រើន ដែលធ្វើឱ្យគម្រោងនេះអាចអភិវឌ្ឍន៍ និងបើកដំណើរការតាមការរំពឹងទុក៕ អត្ថបទ ៖ ប្រាក់ វ៉ាន់ដា

លោកជំទាវ ម៉ែន សំអន ថ្លែងអំណរគុណដល់សមាជិកគណបក្សក្រោយទទួលលទ្ធផលការបោះឆ្នោតដ៏ត្រចះត្រចង់

ភ្នំពេញ៖ លោកជំទាវ កិត្តិសង្គហបណ្ឌិត ម៉ែន សំអន អនុប្រធានគណបក្សប្រជាជនកម្ពុជា និងជាប្រធានក្រុមកាងារគណបក្សខេត្តស្វាយរៀង បានថ្លែងនូវការកោតសរសើរ និងអំណរគុណដល់ថ្នាក់ដឹកនាំក្រុមការងារ និងថ្នាក់ដឹកនាំគណបក្សគ្រប់លំដាប់ថ្នាក់ទាំងអស់ នៅខេត្តស្វាយរៀង ដែលខិតខំអស់កម្លាំងកាយ និងស្មារតី ដណ្តើមជោគជ័យជូនបក្សក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណិត្តទី៥កន្លងទៅនេះ។

បណ្ដាញសង្គម

ព័ត៌មានថ្មីៗ

អ្នកនាំពាក្យក្រសួងការងារ៖ បងប្អូនដែលអត់ទាន់មានការងារធ្វើ សូមទូរសព្ទទៅលេខ ១២៩៧

អ៊ីស្រាអែលវាយប្រហារមន្ទីរពេទ្យ នៅហ្កាហ្សា ដោយបានសម្លាប់មនុស្សយ៉ាងតិច ១៥នាក់ រួមមានអ្នកសារព័ត៌មានផងដែរ

វៀតណាមប្រឈមនឹងការមកដល់របស់ព្យុះទីហ្វុង Kajiki ខណៈវាបោកបក់ជិតដល់តំបន់ឆ្នេរ

អតីតឯកអគ្គរដ្ឋទូតបារាំង៖ អឺរ៉ុបកំពុងបង្ហាញភាពអសមត្ថភាព ក្នុងជម្លោះ នៅអ៊ុយក្រែន

ឯកអគ្គរដ្ឋទូតឥណ្ឌាប្រចាំរុស្ស៊ីនិយាយថា ទីក្រុងញូវដែល្លី នឹងទិញប្រេងពីទីកន្លែងណាដែលអាចទទួលបានកិច្ចព្រមព្រៀងល្អបំផុត

ក្រុមសកម្មប្រយុទ្ធវាយប្រហារជំរុំសន្តិសុខ នៅភាគពាយព្យប៉ាគីស្ថាន ដោយបានសម្លាប់មន្ត្រី ៣នាក់ និងបង្កឲ្យរបួស ១៧នាក់

រលកកម្តៅចុងក្រោយ នៅអេស្ប៉ាញ គឺ «ក្ដៅខ្លាំងបំផុតក្នុងកំណត់ត្រា»

ឯកអគ្គរដ្ឋទូតអ៊ីរ៉ង់និយាយថា ប្រតិបត្តិការរបស់អ៊ីស្រាអែលដណ្តើមគ្រប់គ្រងហ្កាហ្សា នឹងក្លាយជាឧក្រិដ្ឋកម្មដ៏ធ្ងន់ធ្ងរ

មន្ត្រីរុស្ស៊ី មើលឃើញវិបត្តិសេដ្ឋកិច្ចរបស់អាល្លឺម៉ង់ថា ជាលទ្ធផលនៃគោលនយោបាយមិនល្អ

អតីតយុទ្ធជន និងពលរដ្ឋភៀសសឹក ២៥គ្រួសារក្នុងខេត្តកំពង់ធំទទួលអំណោយពីសម្ដេចធិបតី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ឯកឧត្តម សួស យ៉ារ៉ា៖ ដំណើរការបោះឆ្នោតឃុំ-សង្កាត់ បង្ហាញពីលទ្ធិប្រជាធិបតេយ្យរបស់កម្ពុជា

រដ្ឋមន្ត្រីការបរទេសកម្ពុជា ច្រានចោលការចោទប្រកាន់អំពីមូលដ្ឋានកងទ័ពជើងទឹករាម

លទ្ធផលបណ្តោះអាសន្នការបោះឆ្នោតឃុំ-សង្កាត់ នឹងបញ្ចប់ការបិទផ្សាយជាសាធារណៈនាថ្ងៃនេះ

គ.ជ.ប ៖ ការលើកឡើងរបស់គណបក្សភ្លើងទៀនខុសពីច្បាប់ បទបញ្ជានិងនីតិវិធី

ប្រធានគណ:កម្មាធិការសិទ្ធិមនុស្សកម្ពុជាថា ការបោះឆ្នោត គ្មាននរណាអាចបង្ខំឆន្ទៈពលរដ្ឋនោះឡើយ

ពលរដ្ឋអះអាងថា គ្មានការបង្ខិតបង្ខំ ឬការគំរាមកំហែងក្នុងអំឡុងពេលបោះឆ្នោត

ឯកឧត្តម យឿន យឿត ថ្លែងអំណរគុណដល់ពលរដ្ឋឃុំតាសាលដែលបានបោះឆ្នោតជូនគណបក្សប្រជាជនកម្ពុជា

ផ្សារទំនើប ព្រីនស៍ ថាមស៍ សឃ្វែរ ដែលជាមជ្ឈមណ្ឌលពាណិជ្ជកម្មដ៏ធំមួយនៅភ្នំពេញបានសម្ពោធដំណើរការជាផ្លូវការ

លោកជំទាវ ម៉ែន សំអន ថ្លែងអំណរគុណដល់សមាជិកគណបក្សក្រោយទទួលលទ្ធផលការបោះឆ្នោតដ៏ត្រចះត្រចង់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ឯកឧត្តម សួស យ៉ារ៉ា៖ ដំណើរការបោះឆ្នោតឃុំ-សង្កាត់ បង្ហាញពីលទ្ធិប្រជាធិបតេយ្យរបស់កម្ពុជា

រដ្ឋមន្ត្រីការបរទេសកម្ពុជា ច្រានចោលការចោទប្រកាន់អំពីមូលដ្ឋានកងទ័ពជើងទឹករាម

លទ្ធផលបណ្តោះអាសន្នការបោះឆ្នោតឃុំ-សង្កាត់ នឹងបញ្ចប់ការបិទផ្សាយជាសាធារណៈ​នាថ្ងៃនេះ

គ.ជ.ប ៖ ការលើកឡើងរបស់គណបក្សភ្លើងទៀនខុសពីច្បាប់ បទបញ្ជានិងនីតិវិធី

ប្រធានគណ:កម្មាធិការសិទ្ធិមនុស្សកម្ពុជាថា ការបោះឆ្នោត គ្មាននរណាអាចបង្ខំឆន្ទៈពលរដ្ឋនោះឡើយ

ពលរដ្ឋអះអាងថា គ្មានការបង្ខិតបង្ខំ ឬការគំរាមកំហែងក្នុងអំឡុងពេលបោះឆ្នោត

ឯកឧត្តម យឿន យឿត ថ្លែងអំណរគុណដល់ពលរដ្ឋឃុំតាសាលដែលបានបោះឆ្នោតជូនគណបក្សប្រជាជនកម្ពុជា

ផ្សារទំនើប ព្រីនស៍ ថាមស៍ សឃ្វែរ ដែលជាមជ្ឈមណ្ឌលពាណិជ្ជកម្មដ៏ធំមួយនៅភ្នំពេញ​បានសម្ពោធដំណើរការជាផ្លូវការ

លោកជំទាវ ម៉ែន សំអន ថ្លែងអំណរគុណដល់សមាជិកគណបក្សក្រោយទទួលលទ្ធផលការបោះឆ្នោតដ៏ត្រចះត្រចង់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

លទ្ធផលបណ្តោះអាសន្នការបោះឆ្នោតឃុំ-សង្កាត់ នឹងបញ្ចប់ការបិទផ្សាយជាសាធារណៈនាថ្ងៃនេះ

ផ្សារទំនើប ព្រីនស៍ ថាមស៍ សឃ្វែរ ដែលជាមជ្ឈមណ្ឌលពាណិជ្ជកម្មដ៏ធំមួយនៅភ្នំពេញបានសម្ពោធដំណើរការជាផ្លូវការ