នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចធិបតី បានចាត់វិធានការចាំបាច់​ជាបន្ត​បន្ទា​ប់ចំ​ពោះកា​រ​វិល​ត្រឡប់​ទ្រង់ទ្រាយ​ធំរ​បស់​ពលករ​ខ្មែរ និងជនភៀសសឹក
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ​ និង ការអភិវឌ្ឍន៍

សម្ដេចតេជោ ហ៊ុន សែន៖ សន្តិភាពគឺជាឱកាសមាស ឱកាសពេជ្រ សម្រាប់ការអភិវឌ្ឍ

2022/03/25 02:24:31 am        302
Facebook Telegram Linkin
ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV Newsភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានមានប្រសាសន៍ថា សន្តិភាព គឺជាឱកាសមាស ឱកាសពេជ្រ សម្រាប់ការអភិវឌ្ឍ ដូច្នេះត្រូវតែនាំគ្នាថែរក្សាសន្តិភាព​ដែលរកបានដោយលំបាកនេះឱ្យគង់វង្ស។ថ្លែងក្នុងពិធីសម្ពោធបើកឱ្យប្រើប្រាស់ជាផ្លូវការផ្លូវជាតិលេខ៥១ ប្រវែងជាង៣០គីឡូម៉ែត្រ តភ្ជាប់ពីឧត្តុង្គទៅថ្នល់ទទឹងផ្លូវជាតិលេខ៤ នាព្រឹកថ្ងៃទី២៥ ខែមីនា ឆ្នាំ២០២២នេះ សម្តេចតេជោ ហ៊ុន សែន បានប្រកាសថា បន្ទាប់ពីសង្គ្រាមផ្ទុះឡើងនៅអ៊ុយក្រែន លោកប្រធានាធិបតី អ៊ុយក្រែន បាននិយាយថា សន្តិភាព គឺជាអាទិភាពខ្ពស់បំផុត ដោយពាក្យពេចន៍នេះ ក៏ជាអ្វីដែលសម្តេចដែលតែងតែនិយាយជាញយៗថា សន្តិភាព គឺជាអាទិភាពខ្ពស់បំផុតរបស់កម្ពុជា។សម្ដេចតេជោ ហ៊ុន សែន បានកត់សម្គាល់ថា សង្គ្រាមរុស្ស៊ី-អ៊ុយក្រែន ប្រហែលជានឹងមិនឆាប់ចប់​នោះទេ បើទោះបីជាសេចក្តីសម្រេចរបស់មហាសន្និបាតអង្គការ​សហប្រជាជាតិ​បានសម្រេចម្ដងហើយ​ម្ដងទៀតក៏ដោយ ។សម្រាប់កម្ពុជារបស់យើងមកដល់ពេលនេះហើយ យើងមិនទាន់បំផ្លាញចោលគ្រាប់មីន និងគ្រាប់មិនទាន់ផ្ទុះអស់នៅឡើយទេ។ ចំណុចអស់ទាំងនេះហើយបានជាសម្ដេចនៅតែនិយាយម្ដងហើយម្ដងទៀតដោយគ្មានញញើតញញើម ហើយគ្មានអ្វីដែលត្រូវខ្លាចក្នុងការនិយាយនោះទេ អ្នកដែលចង់បង្កសង្គ្រាម គឺសង្រ្គាមនឹងងាយផ្ទុះ ប៉ុន្តែការពន្លត់សង្គ្រាមជារឿងលំបាកព្រោះសម្ដេចបានប្រើប្រាស់ជីវិតរបស់សម្ដេចជាងពាក់កណ្ដាលជីវិតហើយដើម្បីបញ្ចប់ភ្លើងសង្គ្រាមនៅក្នុងប្រទេសកម្ពុជា៕

សម្តេចតេជោ ហ៊ុន សែន អំពាវដល់អាជ្ញាធរ និងកម្លាំមានសមត្ថកិច្ច បង្កលក្ខណៈងាយស្រួលឲ្យប្រជាពលរដ្ឋកម្សាន្ត សប្បាយរីករាយក្នុងឱកាសបុណ្យចូលឆ្នាំថ្មី

2022/03/25 09:16:25 am        253
Facebook Telegram Linkin
ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV Newsភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី ប្រកាសដល់អាជ្ញាធរ និងកម្លាំងមានសមត្ថកិច្ច ការពារសន្តិសុខ សុវត្ថិភាព និងបង្កលក្ខណៈងាយស្រួល ដល់ប្រជាពលរដ្ឋបានកម្សាន្ត សប្បាយរីករាយ ក្នុងឱកាសបុណ្យចូលឆ្នាំថ្មី ប្រពៃណីជាតិ ដែលនឹងឈានចូលមកដល់ នាពេលឆាប់ៗខាងមុខមុខនេះ។ថ្លែងក្នុងពិធីសម្ពោធបើកឲ្យប្រើប្រាស់ជាផ្លូវការផ្លូវជាតិលេខ៥១ ប្រវែង ៣៧,៩៥ គីឡូម៉ែត្រ ចាប់ពីឧដុង្គ(ចំណុចប្រសព្វផ្លូវជាតិលេខ៥) ដល់ថ្នល់ទទឹង(ចំណុចប្រសព្វផ្លូវជាតិលេខ៤) ក្រោមហិរញ្ញប្បទានសម្បទាន ពីរដ្ឋាភិបាល នៃសាធារណរដ្ឋប្រជាមានិតចិន នៅព្រឹកថ្ងៃទី២៥ ខែមីនា ឆ្នាំ២០២២នេះ សម្តេចតេជោ ហ៊ុន សែន ក៏បានអំពាវនាវដល់ពលរដ្ឋរួមគ្នារក្សាវិធានការ ៣កុំ និង ៣ការពារ កាត់បន្ថយការឆ្លងរីករាលដាលជំងឺកូវីដ-១៩ ជាពិសេសមេរោគបំប្លែងខ្លួនថ្មី អូមីក្រុង។ទន្ទឹមនឹងនោះ សម្តេចតេជោ ហ៊ុន សែន នាយករដ្ឋមន្រ្តីកម្ពុជា ក៏បានប្រកាសដែរថា សម្តេចបានចុះហត្ថលេខារួចហើយ លើកញ្ចប់ថវិកាសម្រាប់ជូនបងប្អូន មន្រ្តីរាជការ​កងកម្លាំងប្រដាប់អាវុធ ដើម្បីឧបត្ថម្ភពួកគាត់ក្នុងឱកាសបុណ្យចូលឆ្នាំថ្មីខាងមុខនេះ៕

ប្រសាសន៍សំខាន់ៗរបស់សម្ដេចតេជោ នាយករដ្ឋមន្ត្រីក្នុងពិធីសម្ពោធបើកឲ្យប្រើប្រាស់ជាផ្លូវការ ផ្លូវជាតិលេខ៥១ ចាប់​ពី​ឧដុង្គ​ ដល់ថ្នល់ទទឹង

2022/03/25 09:06:30 am        541
Facebook Telegram Linkin
នៅព្រឹកថ្ងៃទី២៥ ខែមីនា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រ​កម្ពុជា បាន​អញ្ជើញ​ជា​អធិបតីភាព​ក្នុង​ពិធី​សម្ពោធ​បើក​ឲ្យប្រើប្រាស់​ជាផ្លូវការ ផ្លូវជាតិលេខ៥១ ប្រវែង ៣៧,៩៥ គីឡូម៉ែត្រ ចាប់​ពី​ឧដុង្គ​(ចំណុចប្រសព្វផ្លូវជាតិលេខ៥) ដល់ថ្នល់ទទឹង(ចំណុចប្រសព្វផ្លូវជាតិលេខ៤) ក្រោម​ហិរញ្ញប្បទានសម្បទាន ពីរដ្ឋាភិបាល នៃសាធារណរដ្ឋប្រជាមានិតចិន។ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV News ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន​ សែន​ នាយករដ្ឋមន្ត្រី៖- សម្តេចតេជោ ហ៊ុន សែន បញ្ជាក់ថា ផ្លូវជាតិលេខ៥១ បានដើរតួនាទីយ៉ាងសំខាន់​ក្នុងការលើកកម្ពស់វិស័យដឹកជញ្ជូន និងឧស្សាហកម្ម ដោយសារនៅតំបន់នេះ សម្បូរទៅដោយរោងចក្រឧស្សាហកម្ម សិប្បកម្ម និងសហគ្រាសខ្នាតធំ ព្រមទាំងជាតំបន់ទីប្រជុំជន។- សម្តេចតេជោ ហ៊ុន សែន មានប្រសាសន៍ថា ផ្លូវជាតលេខ៥១ គឺជាផ្លូវវាងក្រុងដ៏សំខាន់ ចំណេញពេលវេលា និងចំណេញថវិកា ព្រមទាំងមានទិសដៅទៅតំបន់ស្ទើរពាក់កណ្តាលប្រទេស ហើយជាផ្លូវជាតិ ដែលមានអំណោយផលសម្រាប់គម្រោងអភិវឌ្ឍន៍វិស័យអចលនទ្រព្យ ដែលបង្កើតមុខរបរ និងបង្កើនប្រាក់ចំណូលសម្រាប់ប្រជាពលរដ្ឋ ដែលរស់តាមបណ្តោយខ្សែផ្លូវនេះផងដែរ។- សម្តេចតេជោ ហ៊ុន  សែន បានបញ្ជាក់ថា ផ្លូវជាតិលេខ៥១ គឺជាផ្លូវឆ្ពោះទៅកំពង់ផែសមុទ្រទឹកជ្រៅ ខេត្តព្រះសីហនុ ហើយអាចតភ្ជាប់តាមរយៈផ្លូវជាតិលេខ៤១ ផ្លូវជាតិលេខ៣ និងផ្លូវជាតិលេខ៣៣ ទៅកាន់ខេត្តកំពត និងខេត្តកែប ដែលជាខេត្តគោលដៅទេសចរណ៍ ធម្មជាតិ និង តំបន់ឆ្នេរដ៏ស្រស់ត្រកាលរបស់កម្ពុជា។- សម្តេចតេជោ ហ៊ុន សែន បានបញ្ជាក់ថា អ្វីដែលមាននៅកម្ពុជានៅពេលនេះ គឺបានកើតមានដោយសារកម្ពុជាមានសុខសន្តិភាព ហើយសុខសន្តិភាពនេះ គឺជាកត្តាចម្បងជាងអ្វីៗទាំងអស់ មុននឹងយើងនិយាយដល់សិទ្ធិមនុស្ស សិទ្ធិរស់រានមានជីវិត និងសិទ្ធិមនុស្ស។- សម្តេចតេជោ ហ៊ុន សែន បានបញ្ជាក់ថា ពិភពលោកកំពុងអោយតម្លៃខ្ពស់ និងភាពចាំបាច់លើកត្តាសុខសន្តិភាព ដូចអ្វីដែលប្រធានាធិបតី អ៊ុយក្រែន បានប្រកាសទៅកាន់ពិភពលោកថា អ្វីដែលចាំបាច់ និងមានតម្លៃបំផុតសម្រាប់អ៊ុយក្រែននៅពេលនេះ គឺសន្តិភាព។- សម្តេចតេជោ ហ៊ុន សែន បានបញ្ជាក់ពីវិនាសកម្មដោយសង្គ្រាមនៅប្រទេសអ៊ុយក្រែន ដែលជាការខូចខាតមានទំហំធំ មិនងាយនឹងស្តារឡើងវិញបានឡើយ នេះមិនរាប់ដល់​ភាពដែលអាចទៅរួច ដើម្បីរកសន្តិភាព ចរចាបញ្ចប់សង្គ្រាមផងទេ។ ជាក់ស្តែងនៅកម្ពុជា ភ្លើងសង្គ្រាមបានរលត់មែន តែផលលំបាកដោយបញ្ហានេះ រួមទាំងគ្រាប់មីន និងយុទ្ធភ័ណ្ឌមិនទាន់ផ្ទុះ នៅកប់ក្នុងដីតែងបំផ្លាញអាយុជីវិតមនុស្សស្ទើរគ្មានលុះពេល។- សម្តេចតេជោ ហ៊ុន សែន អំពាវនាវអោយអាជ្ញាធរមានការប្រុងប្រយ័ត្នខ្ពស់ចំពោះតំបន់ព្រំប្រទល់រដ្ឋបាល នៃការគ្រប់គ្រង ដែលអាជ្ញាធរតែងមើលបំណាំគ្នា ហើយបទល្មើសគ្រឿងញៀន និងចោរកម្ម តែងតែកើតមានចំពោះការឆកល្វែងទាំងនោះ។-សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានប្រកាសថា នៅក្នុងឆ្នាំ២០២៣ខាងមុខនេះសម្តេចនឹងបន្តឈរឈ្មោះជាបេក្ខជនធ្វើជានាយករដ្ឋមន្រ្តីដដែល- សម្តេចតេជោ ហ៊ុន សែន បានបញ្ជាក់ថា ក្នុងការតែងតាំងមន្ត្រី សូមកុំគិតពីអាយុពេក សំខាន់តើគេអាចបំពេញកិច្ចការនោះបានឬទេ? អ្វីដែលសំខាន់ គឺការគោរព និងអោយតម្លៃគ្នារវាងមនុស្សចាស់ និងក្មេង។-សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានប្រកាសថា សម្តេចបានចុះហត្ថលេខារួចហើយ ចំពោះថវិកាសម្រាប់ជូនបងប្អូន មន្រ្តីរាជកា កងកម្លាំងប្រដាប់អាវុធ ដើម្បីឧបត្ថម្ភពួកគាត់ក្នុងឱកាសបុណ្យចូលឆ្នាំថ្មីខាងមុខនេះ។-សម្តេចតេជោ ហ៊ុន សែន នាយករដ្ឋមន្រ្តីបានបញ្ជាក់ជាថ្មីម្តងទៀតថា ឆ្នាំនេះត្រូវតែប្រារព្ធពិធីចូលឆ្នាំឲ្យបាន ប៉ុន្តែនៅតែបន្តអំពាវនាវដល់បងប្អូនជនរួមជាតិឲ្យមានការប្រុងប្រយ័ត្នផងដែរ ចំពោះវិធានការសុខាភិបាល បើទោះបីជាស្ថានការណ៍នៃការរីករាលដាលនូវមេរោគកូវីដ១៩មានលក្ខណៈធូស្រាលក៏ដោយនោះ- សម្តេចតេជោ ហ៊ុន សែន ប្រកាសសម្រាកលំហែកាយរយៈពេល៣ថ្ងៃជាប់គ្នា ក្នុងឱកាសបុណ្យចូលឆ្នាំ ប្រពៃណីជាតិ នៅខេត្តព្រះសីហនុ។- សម្តេចតេជោ ហ៊ុន សែន ប្រកាសថា តម្លៃប្រេងឥន្ធនៈ យើងលែងគ្រប់គ្រងបានទៀតហើយ ហើយយើងក៏មិនដឹងថា នៅពេលបុណ្យចូលឆ្នាំថ្មី ប្រពៃណីជាតិ ដែលនឹងឈានចូលមកដល់នាពេលឆាប់ៗខាងមុខនេះ ប្រេងសាំងនឹងឡើងដល់តម្លៃប៉ុន្មាននោះដែរ។ សម្តេចបញ្ជាក់ថា បញ្ហាប្រេងសាំងនេះ ក៏វាពាក់ព័ន្ធនឹងការសប្បាយរីករាយរបស់ប្រជាពលរដ្ឋផងដែរ។- សម្តេចតេជោ ហ៊ុន សែន ប្រកាសដល់អាជ្ញាធរការពារសន្តិសុខ សុវត្ថិភាព និងបង្កលក្ខណៈងាយស្រួល ដល់ប្រជាពលរដ្ឋបានកម្សាន្ត សប្បាយរីករាយ ក្នុងឱកាសបុណ្យចូលឆ្នាំថ្មី ប្រពៃណីជាតិ ដែលនឹងឈានចូលមកដល់ នាពេលឆាប់ៗខាងមុខមុខនេះ ព្រមទាំងរក្សាវិធានការ ៣កុំ និង ៣ការពារ កាត់បន្ថយការឆ្លងរីករាលដាលជំងឺកូវីដ-១៩ ជាពិសេសមេរោគបំប្លែងខ្លួនថ្មី អូមីក្រុង។ សង្កថាសម្តេចចប់នៅវេលាម៉ោង ៨ និង ៥៥នាទី

សម្តេចតេជោ ហ៊ុន សែន នាយករដ្ឋមន្ត្រី​ អញ្ជើញសម្ពោធបើកឲ្យប្រើប្រាស់ជាផ្លូវការផ្លូវជាតិលេខ៥១

2022/03/25 01:50:22 am        508
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៅព្រឹកថ្ងៃទី២៥ ខែមីនា ឆ្នាំ២០២២នេះបានអញ្ជើញជាអធិបតីភាពក្នុងពិធីសម្ពោធបើកឲ្យប្រើប្រាស់ជាផ្លូវការ ផ្លូវជាតិលេខ៥១ ប្រវែង ៣៧,៩៥ គីឡូម៉ែត្រ ចាប់ពីឧដុង្គ(ចំណុចប្រសព្វផ្លូវជាតិលេខ៥) ដល់ថ្នល់ទទឹង(ចំណុចប្រសព្វផ្លូវជាតិលេខ៤) ក្រោមហិរញ្ញប្បទានសម្បទាន ពីរដ្ឋាភិបាល នៃសាធារណរដ្ឋប្រជាមានិតចិន ។គម្រោងសាងសង់ផ្លូវជាតិលេខ៥១ បានស្ថាបនាដោយក្រាលបេតុងកៅស៊ូ AC កម្រាស់៩សង់ទីម៉ែត្រ មានទទឹងតួផ្លូវសរុប ១២ម៉ែត្រ។ ក្នុងនោះផ្លូវសម្រាប់រថយន្តធ្វើចរាចរណ៍មាន ២គន្លង(១គន្លងទៅ ១គន្លងមក) គន្លងនីមួយៗមានទទឹង ៣.៧៥ម៉ែត្រ និងផ្លូវសម្រាប់ទោចក្រយានយន្តមាន ២គន្លង (១គន្លងទៅ ១គន្លងមក) គន្លងនីមួយៗមានទទឹង ១.៧៥ម៉ែត្រ និងចិញ្ចើមផ្លូវសងខាងក្រាលក្រួសក្រហមទទឹង ០.៥០ម៉ែត្រ។ គម្រោងនេះ អនុវត្ដការសាងសង់ដោយក្រុមហ៊ុនសាជីវកម្មស្ពាន និងថ្នល់ចិន(CRBC) និងត្រួតពិនិត្យបច្ចេកទេសដោយក្រុមហ៊ុនទីប្រឹក្សាបច្ចេកទេសក្វាងចូវវ៉ានអាន បានប្រើប្រាស់រយៈពេលសាងសង់ចំនួន២៧ខែ គិតចាប់ពី ខែមិថុនា ឆ្នាំ២០១៧ ដល់ខែសីហា ឆ្នាំ២០១៩ បានចំណាយថវិកាសរុបជិត ៤១លានដុល្លារអាមេរិក ដែលជាហិរញ្ញប្បទានសម្បទានពីរដ្ឋាភិបាលនៃសាធារណរដ្ឋប្រជាមានិតចិន រួមជាមួយនឹងថវិកាបដិភាគរបស់រាជរដ្ឋាភិបាលកម្ពុជា សម្រាប់ការដោះស្រាយផលប៉ះពាល់ ការបោសសម្អាតគ្រាប់មីន យុទ្ធភ័ណ្ឌមិនទាន់ផ្ទុះ និងពន្ធអាករផ្សេងៗ។ ផ្លូវជាតិលេខ៥១ គឺជាខ្សែផ្លូវស្ថិតនៅក្នុងភូមិសាស្រ្តរវាងខេត្តកណ្តាល និងខេត្តកំពង់ស្ពឺ ដែលប្រទាក់ក្រឡាគ្នាជាមួយបណ្តាញខ្សែផ្លូវសំខាន់ៗ រួមមានដូចជា៖ ផ្លូវជាតិលេខ៤, ផ្លូវជាតិលេខ៥, ផ្លូវជាតិលេខ៤១ និងតភ្ជាប់ទៅផ្លូវជាតិលេខ៣, ផ្លូវជាតិលេខ៤២ ទៅរាជធានីភ្នំពេញ, និងផ្លូវលេខ១៤៤០ ទៅក្រុងច្បារមន ខេត្តកំពង់ស្ពឺ។ ខ្សែផ្លូវនេះ បាននិងកំពុងដើរតួនាទីយ៉ាងសំខាន់ក្នុងការលើកកម្ពស់វិស័យដឹកជញ្ជូន និងឧស្សាហកម្ម ដោយសារនៅតំបន់នេះ សម្បូរទៅដោយរោងចក្រឧស្សាហកម្ម សិប្បកម្ម និងសហគ្រាសខ្នាតធំ ព្រមទាំងជាតំបន់ទីប្រជុំជន ដែលមានអំណោយផលសម្រាប់គម្រោងអភិវឌ្ឍន៍វិស័យអចលនទ្រព្យ ដូចជា លំនៅឋាន និងបុរីជាច្រើន ដែលបានចូលរួមបង្កើតមុខរបរ និងបង្កើនប្រាក់ចំណូលសម្រាប់ប្រជាពលរដ្ឋ ដែលរស់តាមបណ្តោយខ្សែផ្លូវនេះ។ផ្លូវជាតិលេខ៥១ ក៏ជាខ្សែផ្លូវយុទ្ធសាស្រ្តតភ្ជាប់ជាមួយផ្លូវអាស៊ានហាយវ៉េ លេខ១ (AH-1) នៃរបៀងសេដ្ឋកិច្ចខាងត្បូង ឆ្ពោះទៅច្រកព្រំដែនកម្ពុជា-ថៃ (ប៉ោយប៉ែត) និងផ្លូវអាស៊ានហាយវ៉េលេខ១១ (AH-11) ឆ្ពោះទៅកំពង់ផែសមុទ្រទឹកជ្រៅ ខេត្តព្រះសីហនុ ហើយអាចតភ្ជាប់តាមរយៈផ្លូវជាតិលេខ៤១ ផ្លូវជាតិលេខ៣ និងផ្លូវជាតិលេខ៣៣ ទៅកាន់ខេត្តកំពត និងខេត្តកែប ដែលជាខេត្តគោលដៅទេសចរណ៍ ធម្មជាតិ និង តំបន់ឆ្នេរដ៏ស្រស់ត្រកាលរបស់កម្ពុជា៕

គ.ជ.ប បើកសវនាការលើបណ្តឹងរបស់បក្សភ្លើងទៀនជុំវិញបញ្ជីបេក្ខជនរបស់ខ្លួន

2022/03/24 03:22:22 pm        983
Facebook Telegram Linkin
ភ្នំពេញ៖ នៅថ្ងៃទី២៤ ខែមីនានេះ គណៈកម្មាធិការជាតិរៀបចំការបោះឆ្នោត ហៅកាត់ (គជប) បានបើកសវនាលើបណ្តឹងរបស់គណបក្សភ្លើងទៀន ប្តឹងតវ៉ានឹងសេចក្តីសម្រេចរបស់គណៈកម្មការរៀបចំការបោះឆ្នោតខេត្តកំពង់ចាម ពាក់ព័ន្ធនឹងបញ្ជីបេក្ខជនរបស់ខ្លួន។ឯកឧត្តម ប្រាជ្ញ ចន្ទ ប្រធានគណៈកម្មាធិការជាតិរៀបចំការបោះឆ្នោត ហៅកាត់ (គជប) និង​ជា​ប្រធាន​ក្រុមប្រឹក្សាជំនុំជម្រះ បាន​បើកសវនាការជាសាធារណៈជំនុំជម្រះលើ​បណ្តឹង​របស់​គណបក្សភ្លើងទៀន ប្តឹងតវ៉ា​នឹងសេចក្តីសម្រេចរបស់គណៈកម្មការរៀបចំការបោះឆ្នោត​ខេត្តកំពង់ចាម ​ពាក់ព័ន្ធពាក្យសុំចុះបញ្ជីបេក្ខជនរបស់ខ្លួន ​ដែល​មានដើម​បណ្តឹងឈ្មោះ វ៉ាត់ ធារិត។ ក្នុងដំណើរការសួរដេញដោលអស់រយៈពេលមួយព្រឹកនេះពីប្រធានក្រុមប្រឹក្សាជំនុំជម្រះ បានផ្តោត​ទៅលើបេក្ខជនដែលបានចុះបញ្ជី ​ទាំង​អត្ដសញ្ញាណផ្ទាល់ខ្លួន​ ចំណេះដឹង និង​ភាព​ជាម្ចាស់​ដែល​សម្រេចចិត្តចុះឈ្មោះជាបេក្ខជនចូលរួមការប្រកួតប្រជែងការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណ្ណត្តិទី៥ ឆ្នាំ២០២២។ យ៉ាងណាមិញ ក្នុងដំណើរការជំនុំជម្រះ មានបេក្ខរបស់គណបក្សភ្លើងទៀន មួយចំនួន​បាន​អវត្តមាន​ក្នុងសវនាការ ​ដោយ​សារហេតុផលបញ្ហាសុខភាព។ ​ទន្ទឹមគ្នានោះ​ ក្រោយពីការសាកសួរ​បានបញ្ចប់​ ឯកឧត្តម ប្រាជ្ញ ចន្ទ បានប្រកាសថា សេចក្តីសម្រេច​របស់ក្រុមប្រឹក្សាជំនុំជម្រះទៅលើបណ្តឹងគណបក្សភ្លើងទៀន​ នឹងប្រកាស​នៅរសៀល ថ្ងៃទី២៤ ខែមីនានេះ។កាលពីថ្មីៗនេះ គ.ជ.ប បានសម្រេច​លុបបេក្ខជនឈរឈ្មោះបោះឆ្នោត​នៃ​គណបក្សភ្លើងទៀន នៅ​សង្កាត់ទួលស្វាយព្រៃ១ ​ខណ្ឌបឹងកេងកង ​ពាក់ព័ន្ធករណីក្លែងឯកសារ ​ដែល​ឲ្យអ្នកផ្សេងបំពេញ និង​ចុះហត្ថលេខាជំនួស។ការរៀចចំបញ្ជីចុះឈ្មោះបេក្ខជនរបស់គណបក្សនយោបាយធ្វើឡើង ដើម្បីឈានទៅរកការប្រកាស​អំពី​សុពលភាព​របស់បញ្ជីបេក្ខជនផ្លូវការ​ នាថ្ងៃទី២៤​ ខែមេសា ខាងមុខ ខណៈការបោះឆ្នោតជ្រើស​រើស​ក្រុមប្រឹក្សាឃុំ-សង្កាត់ ​នឹងប្រព្រឹត្តទៅ នាថ្ងៃទី៥​ ខែមិថុនា ឆ្នាំ២០២២ ៕ អត្ថបទ សេក ឧត្តម 

ក្រុមគ្រូពេទ្យខេត្តកណ្តាល អំពាវនាវអាណាព្យាបាលនាំកូនអាយុ៣ទៅក្រោម៥ឆ្នាំ ចាក់វ៉ាក់សាំងដូសទី២

2022/03/24 02:55:09 pm        593
Facebook Telegram Linkin
កណ្ដាល៖ នៅថ្ងៃទី២៤ ខែមីនានេះ គឺថ្ងៃទី២ ដែលក្រុមពេទ្យនៅខេត្តកណ្តាល បាននឹងកំពុងបើកដំណើរការចាក់វ៉ាក់សាំងការពារកូវីដ១៩ ដូសទី២ ជូនកុមារអាយុ៣ឆ្នាំទៅក្រោម៥ឆ្នាំ។ សម្រាប់ការចាក់វ៉ាក់សាំងដូសទី២នេះ សង្កេតឃើញថា នៅតាមមន្ទីរពេទ្យបង្អែក និង​តាម​មណ្ឌលសុខភាពនានា ​នៅខេត្តកណ្តាល មានពលរដ្ឋនាំកូនក្មួយទៅចាក់វ៉ាក់សាំងជាហូរហែរ តែហាក់មិនសូវមានភាព​មមាញឹក​ ដូចការចាក់ដូសទី១នោះទេ។លោក ប្រាក់ វិរក្ស ប្រធានមណ្ឌលសុខភាពស្វាយរលំ​ បានថ្លែងថា នៅក្នុងដំណើរការចាក់វ៉ាក់សាំង​ដូសទី២ ​ជូនក្មេងអាយុ៣ឆ្នាំទៅអាយុក្រោម៥ឆ្នំានេះ អាណាព្យាបាល​ហាក់​មាន​ភាព​យឺតយ៉ាវ​ក្នុង​ការនាំកូនតូចមកចាក់វ៉ាក់សាំង ​ដោយសារខ្លះអាចជាប់​រវល់ការងារ និងខ្លះទៀតអាចភ្លេច​ដែល​បញ្ហានេះ ​លោក ក៏សូមអំពាវនាវឲ្យគ្រប់អាណាព្យាបាលដែលបាននាំកូនមកចាក់វ៉ាក់សាំងដូសទី១ បានគ្រប់ចំនួនពី ២៨ថ្ងៃទៅ៣០ថ្ងៃ ​ត្រូវនាំកូនតូចនោះមក​ចាក់​ដូស​ទី​ ២ទៀត។ពលរដ្ឋដែលនាំកូនទៅចាក់វ៉ាក់សាំងនៅមណ្ឌលសុខភាពនៅថ្ងៃនេះ​ បានថ្លែងថា ការនាំកូន​មក​ចាក់វ៉ាក់សាំងកូវីដដូសទី២​ គឺដូសសំខាន់ ​ដែល​ត្រូវតែចាក់​ដើម្បី​ពង្រឹង​ភាព​ស៊ាំការពារ​មេរោគ​កូវីដ១៩ ជាពិសេសមេរោគអូមីក្រុងដែលកំពុងរាតត្បាត​និងមានឆ្លងលឿន​នៅក្នុងសហគមន៍ ហើយ​ក្រោយ​ការចាក់វ៉ាក់សំាងនេះ ​យើងក៏ត្រូវបន្តប្រុងប្រយ័ត្ន អនាម័យ​ការពារ​ខ្លួនដោយ​ត្រូវ​អនុវត្តវិធាន៣កុំ ៣ការពារ ដើម្បីការពារមេរោគកូវីដផង និងមេរោគឆ្លងនានាទៀត។សូមបញ្ជាក់ថា នៅទូទាំងខេត្តកណ្តាល ​មានកុមារអាយុចាប់ពី៣ឆ្នាំ​ ដល់អាយុក្រោម៥ឆ្នាំ ត្រូវចាក់វ៉ាក់សំាងការពារកូវីដ១៩នេះ ​មានប្រមាណ៤ម៉ឺន៤ពាន់នាក់ ​រហូតដល់ថ្ងៃនេះ ការចាក់ដូសទី១​ បានចលើសពីកម្រិត១០០% ។ ​បើតាមប្រធានមន្ទីរសុខាភិបាលខេត្តកណ្តាល បច្ចុប្បន្ននៅតាមបណ្តាមន្ទីរពេទ្យបង្អែក និង​មណ្ឌលសុខភាពឃុំសង្កាត់ទូទាំងខេត្តកណ្តាលជា ១០០កន្លែង គឺបានបើកដំណើរការ​ការ​ចាក់​ជូនក្មេងៗ​ និងពលរដ្ឋទូទៅចាប់ពីដូសទី១ រហូតដល់ដូសទី៤ជាធម្មតា៕ អត្ថបទ ស៊ុម សុខជា

ក្រសួងសាធារណការ និងដឹកជញ្ជូន និងសម្ព័ន្ធក្រុមហ៊ុនម៉ៅការសាងសង់ ចុះហត្ថលេខាលើកកិច្ចសន្យាសាងសង់គម្រោងធ្វើឱ្យប្រសើរឡើងវិញកំណាត់ផ្លូវជាតិលេខ៥ភាគកណ្តាល

2022/03/24 08:07:04 am        772
Facebook Telegram Linkin
ភ្នំពេញ៖ ក្រសួងសាធារណការ និងដឹកជញ្ជូន និងសម្ព័ន្ធក្រុមហ៊ុនម៉ៅការសាងសង់ នៅរសៀលថ្ងៃទី២៤ ខែមីនា ឆ្នាំ២០២២នេះ បាន ចុះហត្ថលេខាលើកកិច្ចសន្យាសាងសង់គម្រោងធ្វើឱ្យប្រសើរឡើងវិញកំណាត់ផ្លូវជាតិលេខ៥ភាគកណ្តាល(ធ្លាម្អម-បាត់ដំបង និងសិរិសោភ័ណ-ប៉ោយប៉ែត)កញ្ចប់ការងារទី៤។

CHRC នឹងនាំយកអនុសាសន៍ ៣៨ចំណុចទៅUNពាក់ព័ន្ធបញ្ហាសិទ្ធិមនុស្សនៅកម្ពុជា

2022/03/24 01:08:17 pm        576
Facebook Telegram Linkin
ភ្នំពេញ៖ គណៈកម្មាធិការសិទ្ធិមនុស្សកម្ពុជា (CHRC) នឹងនាំយកអនុសាសន៍ចំនួន ៣៨ចំណុច ពាក់ព័ន្ធ នឹងបញ្ហាសិទ្ធិមនុស្សនៅកម្ពុជា ដើម្បីធ្វើរបាយការណ៍ទៅអង្គការសហប្រជាជាតិ (UN) ដែលជារបាយការណ៍ ពាក់កណ្ដាលអាណត្តិរបស់រាជរដ្ឋាភិបាល ដែលត្រូវបានបញ្ចប់ការពិនិត្យជាសាកលនៅឆ្នាំ២០១៩។ក្នុងកិច្ចពិគ្រោះយោបល់លើរបាយការណ៍ពាក់កណ្ដាលអាណត្តិ នៃការត្រួតពិនិត្យជាសាកលតាម កាលកំណត់ដែលរៀបចំដោយរាជរដ្ឋាភិបាលកម្ពុជា បន្ទាប់ពីត្រួតពិនិត្យវដ្ដទី៣ កាលពីម្សិលមិញ ឯកឧត្តម កត្តា អ៊ន សាមាជិកគណៈកម្មាធិការសិទ្ធិមនុស្សកម្ពុជា បានឱ្យដឹងថា នៅឆ្នាំ២០១៩ រាជ​រដ្ឋាភិបាលកម្ពុជា បានទទួលអនុសាសន៍ចំនួន ១៧៣ចំណុច ​ក្នុងចំណោម ១៩៨ចំណុច ផ្ដល់​ដោយ​ប្រទេសចំនួន ៧៣ ក្នុងការត្រួតពិនិត្យ​ និងបានកត់សម្គាល់អនុសាសន៍ចំនួន២៥ ដែល​ក្នុងរយៈពេល​ពីរឆ្នាំមកនេះ បាន​បែងចែក​អនុសាសន៍ទៅក្រសួង​ស្ថាប័នពាក់ព័ន្ធ ​និងបានប្រមូលចងក្រងធ្វើ​របាយ​កាណ៍​ពាក់​កណ្ដាលអាណត្តិ ។ឯកឧត្តម បានបន្តថា របាយការណ៍ពាក់កណ្ដាលអាណត្តិនេះ ​ជាការផ្សព្វផ្សាយទៅក្រសួងស្ថាប័ន ពាក់ព័ន្ធ ​អំពីសមិទ្ធផលរបស់រាជរដ្ឋាភិបាល ​បានអនុវត្តកន្លងមក ​ក៏ដូចជាសាធារណជន អង្គការ​សង្គមស៊ីវិល និងតំណាងអង្គទូតនានា ​ដែលជាម្ចាស់ផ្ដល់អនុសាសន៍ ​បានយល់ បានឃើញ​នូវ​សមិទ្ធផល​ក្នុងការ ​អនុវត្តអនុសាសន៍សិទ្ធិមនុស្ស ​ដែលកម្ពុជា​ទទួលយក ​រយៈពេលពីរឆ្នាំមកនេះ។ឯកឧត្តម ​កត្តា អ៊ន ​បានបញ្ជាក់ថា​ រាជរដ្ឋាភិបាល ​បានអនុវត្តនូវអនុសាសន៍ទាំង១៧៣ ដោយ មួយ​ចំនួន​សម្រេចបានជោគជ័យ​ និងមួយចំនួន​ កំពុងបន្តបំពេញនូវភាពខ្វះខាត ​ហើយកម្ពុជា នឹងធ្វើ របាយ​ការណ៍​អនុសាសន៍ចំនួន ៣៨ចំណុច ទៅUN ។ឧទាហរណ៍​ កិច្ចសហប្រតិបត្តិការជាមួយUN ពាក់ព័ន្ធនឹងការបង្កើតស្ថាប័នសិទ្ធិមនុស្សជាតិ បញ្ហាដីធ្លី ស្ត្រី កុមារ ជនមានពិការភាព​ ជនជាតដើមភាគតិច ​គ្រោះមហន្តរាយ ប្រឆាំង​អំពើ​ពុករលួយជាដើម ​ហើយនឹងធ្វើការបកស្រាយទៅលើចំណុចទាំងអស់នោះ។ក្នុងកិច្ចពិគ្រោះយោយល់នោះ​ ឯកឧត្តម កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា បានបញ្ជាក់ថា ​ការធ្វើរបាយការណ៍នេះ​ គឺជាតួនាទីភារកិច្ចរបស់រាជរដ្ឋាភិបាលកម្ពុជា ដែល​ជា​សមាជិក នៃកតិការសញ្ញា ជាសមាជិកUN ​ចាំបាច់ត្រូវតែឡើងទៅការពារ ឬផ្ញើរបាយការណ៍​ជារៀងរាល់​៤ឆ្នាំឬ៥ឆ្នាំម្ដង។ ​សម្រាប់ការទៅការពារនេះ​ គឺធ្វើនៅមុខក្រុមប្រឹក្សាសិទ្ធិមនុស្ស ក្នុងក្រុងសឺណែ​វ ហើយការធ្វើនេះ មិនមែនតែកម្ពុជាទេ ​គឺគ្រប់ប្រទេសទាំងអស់ ខណៈកម្ពុជា បានឡើងការពារដល់ជុំទី៣​ ដែលលើកទី១​ នៅឆ្នាំ ២០០៩ លើកទី២ ឆ្នាំ២០១៤ និងជុំទី៣ នៅឆ្នាំ២០១៩ ៕ អត្ថបទ៖ បាន សុខរិទ្ធ 

សមាគមវារីវប្បកម្ម សាទរចំណាត់ការប្រមុខរាជរដ្ឋាភិបាល ទប់ស្កាត់​បទល្មើស​នេសាទ​នៅ​បឹងទន្លេសាប

2022/03/24 05:58:14 am        1064
Facebook Telegram Linkin
ភ្នំពេញ៖ សមាគមវារីប្បកម្ម បានសាទរចំណាត់ការរបស់ប្រមុខរាជរដ្ឋាភិបាលកម្ពុជា លើការ​ទប់ស្កាត់ឱ្យមានប្រសិទ្ធភាព បង្ក្រាបបទល្មើសនេសាទ នៅលើបឹងទន្លេសាប។ ការថែរក្សាសម្បត្តិធម្មជាតិ​មច្ឆាជាតិ​នៅបឹង​ទន្លេសាប​ មិនត្រឹមតែរក្សាពូជត្រីធម្មជាតិ សម្រាប់​ប្រជាពលរដ្ឋប៉ុណ្ណោះទេ ​ប៉ុន្តែជា​ការ​រក្សា​មរតក​ដល់​មនុស្សជំនាន់​ក្រោយ​ផងដែរ។​លោក សុខ រ៉ាដែន ប្រធានសមាគមវារីវប្បកម្មកម្ពុជា បានថ្លែងនៅថ្ងៃទី២៤នេះថា អ្នក​ចិញ្ចឹម​ត្រី​ទាំង​អស់​បាន​សាទរ​ចំណាត់​ការ​របស់សម្តេចតេជោ​ ហ៊ុន សែន ​នាយករដ្ឋមន្រ្តី លើការ​បង្រ្កាប​បទល្មើស​នេសាទ​ និងចាប់​ជនល្មើស​នេសាទ​មក​ផ្ដន្ទាទោស​តាមច្បាប់។លោក សុខ រ៉ាដែន ​លើកឡើងថា ​ចំណាត់ការរបស់ប្រមុខរាជរដ្ឋាភិបាល ​លើការពារធនធាន​ធម្មជាតិ​ និង​មច្ឆាជាតិ​ ក្នុងបឹងធម្មជាតិ គឺជាកាចូលរួម និង​គិតគូរ​ដល់ការអភិរក្សសម្រាប់​ប្រជា​ពលរដ្ឋទូទៅ អាស្រ័យផល​ និងទុកសម្រាប់អ្នកជំនាន់ក្រោយ។សម្ដេច ហ៊ុន សែន បញ្ជាឱ្យអភិបាលខេត្តជាប់បឹងទន្លេសាប និងមន្រ្តីពាក់ព័ន្ធដោះស្រាយ​បញ្ហា​នេសាទ​ខុសច្បាប់ ​ឱ្យបានដាច់ខាត។ ​នាពិធីបិទសន្និបាតបូកសរុបការងារឆ្នាំ២០២១ និង​លើកទិស​ដៅ​អនុវត្តការងារឆ្នាំ២០២២ ​របស់ក្រសួងកសិកម្ម រុក្ខាប្រមាញ់ និងនេសាទ នៅរសៀលថ្ងៃទី២៣ មីនា ​សម្ដេចនាយករដ្ឋមន្រ្តី ហ៊ុន សែន បានបញ្ជាឱ្យរដ្ឋមន្រ្តីក្រសួងកសិកម្ម ​បរិស្ថាន និង​អភិបាលខេត្ត ចាប់​ឈ្មួញ​ទុច្ចរិត ​នេសាទត្រីខុសច្បាប់ ​នៅលើបឹងទន្លេសាបទាំងអស់។កន្លងមក ​ក្រុមការងារស្រាវជ្រាវរបស់​រាជបណ្ឌិត្យសភា បាន​ចុះស្រាវជ្រាវបទល្មើស​នៅ​បឹងទន្លេសាប​ជាច្រើនលើក។​ក្រុមការងារស្រាវជ្រាវ ក៏បានផ្ដល់របាយការណ៍ ​ជុំវិញករណីបទល្មើសនេសាទ​ត្រី​ខុសច្បាប់ ដែល​អាចបំផ្លិចបំផ្លាញត្រីក្នុងបឹងទន្លេសាទ ​ជូនសម្ដេច ហ៊ុន សែន៕ អត្ថបទ៖ ឈិត បូរ៉ាវីរូបភាព៖ ឯកសារ

សម្ដេចតេជោ លើកទឹកចិត្តក្រុមហ៊ុន Huawei សហការធ្វើឱ្យកម្ពុជា ទទួល​បាន​បច្ចេកវិទ្យា​ចុងក្រោយ​ខ្ពស់​បំផុត

2022/03/24 12:41:30 pm        410
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានស្វាគមន៍ និងលើកទឹកចិត្តឲ្យ ប្រធានក្រុមហ៊ុនហួវ៉ៃ សហការជាមួយរដ្ឋមន្ត្រីក្រសួងប្រៃសណីយ៍ និងទូរគមនាគមន៍កម្ពុជា ដើម្បីធ្វើយ៉ាងណាឱ្យកម្ពុជា ទទួលបាននូវបច្ចេកវិទ្យាចុងក្រោយដែលខ្ពស់បំផុត។ក្នុងឱកាសអនុញ្ញាតឱ្យលោក លីន បៃហ្វេង (Lin Bai Feng) ប្រធានក្រុមហ៊ុនHuawei ប្រចាំតំបន់​ប៉ាស៊ីហ្វិក ​ចូលជួបសំដែងការគួរសម​ និងពិភាក្សាការងារ នៅព្រឹកថ្ងៃទី២៤ ខែមីនានេះ សម្តេចតេជោ ហ៊ុន សែន ​បានស្នើសុំឲ្យក្រុមហួវ៉ៃ​ បន្តសហការជាមួយរដ្ឋមន្ត្រីក្រសួងប្រៃសណីយ៍ និងទូរគមនាគមន៍​ ដើម្បីធ្វើយ៉ាងណាឱ្យកម្ពុជាទទួលបាននូវបច្ចេកវិទ្យាទំនើបចុងក្រោយបំផុត ដើម្បីប្រកួតប្រជែងលើពិភពលោក។លោក បៃហ្វេង បានគោរពថ្លែងអំណរគុណចំពោះសម្ដេចតេជោ ចំពោះការគាំទ្រក្រុមហ៊ុនរបស់ លោក ​រយៈពេលជាង២៣ឆ្នាំកន្លងមក ​និងផ្ដល់នូវការទុកចិត្តដល់ក្រុមហ៊ុន អនុញ្ញាត​ឲ្យ​ក្រុមហ៊ុន​ចូលរួមចំណែកក្នុងការអភិវឌ្ឍវិស័យបច្ចេកវិទ្យា ​ទាំងក្នុងវិស័យសុខាភិបាលប្រយុទ្ធប្រឆាំង​ការ​រីករាលដាលជំងឺកូវីដ-១៩ និងលើវិស័យដទៃទៀត។លោក បានបញ្ជាក់ថា សេដ្ឋកិច្ចឌីជីថលនៅកម្ពុជា ​មានការរីកចម្រើនយ៉ាងខ្លាំង ​ហើយ​កម្ពុជា មាន​ការ​ប្រើប្រាស់​ប្រព័ន្ធ​ព័ត៌មានវិទ្យាស្ទើរគ្រប់វិស័យ។ លោក បានស្នើសូមការគាំទ្រពីសម្ដេចតេជោ ចូលរួមចំណែកអភិវឌ្ឍន៍​វិស័យព័ត៌មានវិទ្យា តាម​រយៈការអភិវឌ្ឍធនធានមនុស្ស ​នាំមកនូវបច្ចេកវិទ្យាចុងក្រោយបំផុត​មកកម្ពុជា និងរៀបចំ​ហេដ្ឋា​រចនាសម្ព័ន្ធតភ្ជាប់បណ្ដាញព័ត៌មានវិទ្យា ​និងតភ្ជាប់រវាងប្រជាជន ​និងប្រជាជន ប្រកបដោយ​សុវត្ថិភាព​ និងអធិបតេយ្យភាព៕អត្ថបទ៖ មុត សុទ្ធ

បណ្ដាញសង្គម

ព័ត៌មានថ្មីៗ

សហគ្រាសក្នុងស្រុកកំពុងជំរុញផលិតយ៉ាងផុលផុស ផ្គត់ផ្គង់លើទីផ្សារ ខណៈកម្ពុជាកំពុងជួបវិបត្តិ
08/04/2025 08:08 PM
Facebook Telegram Linkin
ជនសង្ស័យស្ថិតក្នុងដំណើរការកាត់ទោស ពាក់ព័ន្ធនឹងការវាយប្រហារកន្លែងប្រគុំតន្ត្រីសម្លាប់មនុស្ស ១៤៩នាក់ នៅមូស្គូ
08/04/2025 08:08 PM
Facebook Telegram Linkin
អ៊ីរ៉ង់៖ ការទទួលខុសត្រូវរបស់អាមេរិក ចំពោះការវាយប្រហារលើទីតាំងនុយក្លេអ៊ែរ គឺជាផ្នែកនៃកិច្ចពិភាក្សា នាពេលអនាគត
08/04/2025 08:08 PM
Facebook Telegram Linkin
សម្តេចព្រះមហាក្សត្រី ព្រះវររាជមាតាជាតិខ្មែរ ប្រោសព្រះរាជទានព្រះរាជទ្រព្យ​១៥.០០០​ដុល្លារ រួមជាមួយស្បៀង​ និងសម្ភារមួយចំនួនទៀត ចំពោះកាកបាទក្រហមកម្ពុជា ​សម្រាប់ជួយដល់ប្រជារាស្ត្រភៀសសឹក...!!
08/04/2025 08:08 PM
Facebook Telegram Linkin
កងកម្លាំងអ៊ុយក្រែនវាយប្រហារមូលដ្ឋានអាកាសរុស្ស៊ី នៅគ្រីម៉ា ដោយយន្តហោះ ១គ្រឿង ត្រូវបានបំផ្លាញ ខណៈ ៤គ្រឿងខូចខាត
08/04/2025 07:08 PM
Facebook Telegram Linkin
ក្រសួងការងារនាំយកឱកាសការងារជាង ៧ពាន់កន្លែង សម្រាប់ប្រជាពលរដ្ឋនៅក្នុងខេត្តសៀមរាប
08/04/2025 07:08 PM
Facebook Telegram Linkin
ភាពអត់ឃ្លានកើនឡើង ហើយទីបញ្ចុះសពមានកាន់តែច្រើន នៅទីក្រុង Al-Fashir របស់ស៊ូដង់
08/04/2025 07:08 PM
Facebook Telegram Linkin
TOP STORY | សម្ដេចតេជោ៖«សូមកុំភ្លេចថា ខ្ញុំជានាយឧត្តមសេនីយ៍ផុតលេខផ្កាយមាស៥, នៅកម្ពុជាគ្មានការប្រជែងអំណាចរវាងរដ្ឋាភិបាលជាមួយកងទ័ពនោះឡើយ»!
08/04/2025 07:08 PM
Facebook Telegram Linkin
វិមានក្រឹមឡាំង៖ លោក Putinអាចជួបប្រេសិតពិសេសអាមេរិកក្នុងសប្តាហ៍នេះ
08/04/2025 07:08 PM
Facebook Telegram Linkin
ជំនន់ទឹកភ្លៀងបានសម្លាប់មនុស្ស ១៥នាក់នៅប្រទេសហ្គីណេ
08/04/2025 07:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.