នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចធិបតី បានចាត់វិធានការចាំបាច់​ជាបន្ត​បន្ទា​ប់ចំ​ពោះកា​រ​វិល​ត្រឡប់​ទ្រង់ទ្រាយ​ធំរ​បស់​ពលករ​ខ្មែរ និងជនភៀសសឹក
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ​ និង ការអភិវឌ្ឍន៍

កម្មវីធីកម្ចាត់រោគរបេងព្យាបាលអ្នកជំងឺបានជាង ៩០ភាគរយ លើសផែនការកំណត់ក្នុងឆ្នាំ២០២១

2022/03/24 12:01:24 pm        1099
Facebook Telegram Linkin
ភ្នំពេញ៖ របាយការណ៍មណ្ឌលជាតិកម្ចាត់រោគរបេង និងហង់សិន បានបង្ហាញថា កម្មវីធីកម្ចាត់រោគរបេងព្យាបាលអ្នកជំងឺបាន ៩៥.៦ភាគរយ ក្នុងឆ្នាំ២០២១ លើសពីគោលដៅដែលកំណត់ត្រឹមតែ ៩០ភាគរយ។ក្រសួងសុខាភិបាល នៅថ្ងៃទី២៤ ខែមីនានេះ បានរៀបចំពិធីអបអរសាទរទិវាពិភពលោកកម្ចាត់ រោគរបេង ២៤ មីនា ឆ្នាំ២០២២ ក្រោមប្រធានបទ វិនិយោគ ដើម្បីបញ្ចប់ការរាតត្បាលជំងឺរបេង គឺសង្គ្រោះជីវិត។លោកវេជ្ជបណ្ឌិត ហួត ចាន់យុដា ប្រធានមណ្ឌលជាតិកម្ចាត់រោគរបេង និងហង់សិន បានឱ្យដឹងថា គោលបំណងសំខាន់ៗ សម្រាប់ទិវាពិភពលោកកម្ចាត់រោគរបេងរួមមាន៖ ផ្សព្វផ្សាយពីស្ថានភាព និងទំហំបញ្ហានៃជំងឺរបេងនៅក្នុងប្រទេស និងអន្តរជាតិ ជំរុញការលើកកម្ពស់បន្ថែមពីចលនា​ទាក់​ទាញ​ការគាំទ្រ ​ផ្នែកនយោបាយ ​និងថវិកា​ ក្នុងការប្រយុទ្ធនឹងជំងឺរបេងនៅទូទាំងពិភពលោក រួមទាំង​ប្រទេសកម្ពុជាផងដែរ ​សហការសម្របសម្រួល ដើម្បីឱ្យមានការចូលរួមយ៉ាង​ជិតស្និទ្ធ​ថែមទៀត ពី​សំណាក់គ្រប់ភាគីទាំងអស់ រាប់បញ្ចូលទាំងអ្នកផ្តល់ជំនួយ ​សហគមន៍មូលដ្ឋាន ស្ថាប័ន​សុខាភិបាល​ពាក់ព័ន្ធ ​និងស្ថាប័នមិនមែនសុខាភិបាល ដើម្បីធានានូវកិច្ចខិតខំប្រឹងប្រែងថែមទៀត សំដៅជំរុញ​ការងារ​ប្រយុទ្ធ​នឹងជំងឺរបេង​ឱ្យបានខ្លាំងក្លាថែមទៀត។លោកវេជ្ជបណ្ឌិត បានបញ្ជាក់ថា ​នៅក្នុងឆ្នាំ២០២១ ដោយមាន​ជំនួយឧបត្ថម្ភគាំទ្រ​យ៉ាងខ្លាំងក្លាពី រាជរដ្ឋាភិបាល ​អង្គការដៃគូ​ ព្រមទាំងកិច្ចសហប្រតិបត្តិការពីដៃគូពាក់ព័ន្ធផ្សេងៗទៀត កម្មវីធី​កម្ចាត់រោគរបេង ព្យាបាលអ្នកជំងឺ បាន៩៥.៦ភាគរយ ​ក្នុងឆ្នាំ២០២១ ​លើសពីគោលដៅចំណុចប្រចាំ ដែលកំណត់ត្រឹមតែ៩០ភាគរយ។កម្ពុជាប្រារព្ធទិវាពិភពលោកកម្ចាត់រោគរបេង ជាលើកដំបូង នៅឆ្នាំ១៩៩៩ ហើយលើកនេះ គឺជា ឆ្នាំទី២៤ ​ដែលមជ្ឈមណ្ឌលជាតិកម្ចាត់រោគរបេង ​និងហង់សិន ​នៃក្រសួងសុខាភិបាល បានរៀបចំ​ប្រារព្ធធ្វើទិវានេះយ៉ាង​អធិកអធម​៕អត្ថបទ៖ ទូច សោភ័ណ

រដ្ឋមន្រ្តីពាណិជ្ជកម្មទទួលជួបការងារជាមួយប្រធានវិទ្យាស្ថានស្រាវជ្រាវសេដ្ឋកិច្ចអាស៊ាន និងអាស៊ីបូព៌ា

2022/03/24 11:41:06 am        401
Facebook Telegram Linkin
ភ្នំពេញ៖ ឯកឧត្តម ប៉ាន សូរស័ក្ដិ រដ្ឋមន្រ្ដីក្រសួងពាណិជ្ជកម្ម នៅថ្ងៃទី២៣ មីនា ឆ្នាំ២០២២កន្លងទៅ បានដឹកនាំគណៈប្រតិភូក្រសួង ទទួលជួបពិភាក្សាការងារជាមួយលោកសាស្រ្តាចារ្យ ហ៊ីដេតូស៊ី នីស៊ីម៉ូរ៉ា (HIDETOSHI NISHIMURA) ប្រធានវិទ្យាស្ថានស្រាវជ្រាវសេដ្ឋកិច្ចអាស៊ាន និងអាស៊ីបូព៌ា (ERIA) និងសហការី តាមប្រព័ន្ធវីដេអូ។ក្នុងជំនួបការងារនេះ ឯកឧត្តមរដ្ឋមន្រ្តី បានសម្តែងការស្វាគមន៍យ៉ាងកក់​ក្តៅចំពោះភ្ញៀវ និង​បាន​ថ្លែង​អំណរគុណសម្រាប់ការគាំទ្ររបស់វិទ្យាស្ថានស្រាវជ្រាវសេដ្ឋកិច្ចអាស៊ាន និងអាស៊ីបូព៌ា ដល់​ក្រសួង​នាពេលកន្លងមក ​ក្នុងការពង្រឹងសមត្ថភាពមន្រ្តីរាជការ តាមរយៈការរៀបចំវគ្គ​បណ្តុះ​បណ្តាល​សិក្ខាសាលា​ផ្សព្វផ្សាយ និង​ព្រឹត្តិកាណ៍​នានា​ពាក់ព័ន្ធ​នឹង​ការស្រាវជ្រាវ ​ជាពិសេស​ការ​គាំទ្រ​ដល់​សមិទ្ធផល​អាទិភាពសេដ្ឋកិច្ច ​ក្រោមភាពជាប្រធានអាស៊ាន​របស់កម្ពុជាក្នុងឆ្នាំ២០២២ផងដែរ។ជាការឆ្លើយតប​ លោកសាស្រ្តាចារ្យ​ បានអបអរសាទរឯកឧត្តមរដ្ឋមន្រ្តី ក្នុង​ការ​ទទួល​តួនាទីជា​ប្រធាន​នៃកិច្ចប្រជុំមន្ត្រីសេដ្ឋកិច្ចអាស៊ានឆ្នាំ២០២២ ព្រមទាំងភាពជោគជ័យក្នុងការដឹកនាំកិច្ចប្រជុំ​ចង្អៀត​រដ្ឋមន្ត្រីសេដ្ឋកិច្ចអាស៊ានលើកទី២៨ កាលពីថ្មីៗនេះ។ជាមួយគ្នានេះ ​លោកក៏បានបញ្ជាក់ពីការប្តេជ្ញាចិត្តខ្ពស់របស់វិទ្យាស្ថាន ក្នុងការផ្តល់​កិច្ច​សហ​ប្រតិបត្តិ​ការ​យ៉ាង​ជិតស្និទ្ធ ដើម្បីគាំទ្រកម្ពុជា​ឱ្យទទួលបានជោគជ័យ​នាពេលដែលកម្ពុជា​ធ្វើជា​ប្រធានអាស៊ាន​ក្នងឆ្នាំ២០២២។ក្នុងឱកាសនោះ ដោយមានការអនុញ្ញាតពីឯកឧត្តមរដ្ឋមន្រ្តី ក្រុមការងារឧត្តមមន្រ្តីសេដ្ឋកិច្ចអាស៊ាន​សម្រាប់កម្ពុជា ​បានធ្វើបទបង្ហាញដោយ​សង្ខេប​អំពី​សមិទ្ធផល​សេដ្ឋកិច្ចអាទិភាព​ក្រោម​សសរស្តម្ភ​សេដ្ឋកិច្ច​របស់កម្ពុជា​ក្នុងនាមជាប្រធានអាស៊ានឆ្លាស់វេនសម្រាប់ឆ្នាំ២០២២ ដែល​ទទួល​បានការ​អនុម័ត ​និងកត់សម្គាល់ក្នុងកិច្ចប្រជុំចង្អៀតថ្នាក់រដ្ឋមន្រ្តីសេដ្ឋកិច្ច​អាស៊ានលើកទី២៨​ កន្លងទៅ។ទន្ទឹមនឹងនេះ ​ក្រុមការងារវិទ្យាស្ថាន​ បានកត់សម្គាល់អំពីគោលបំណងវិទ្យាស្ថានស្រាវជ្រាវ​សេដ្ឋកិច្ច​អាស៊ាន​និងអាស៊ីបូព៌ា ​និងសារៈសំខាន់នៃសមិទ្ធផលសេដ្ឋកិច្ចអាទិភាព​របស់កម្ពុជា ជាពិសេស​គូសបញ្ជាក់​អំពីភាពចាំបាច់ ​និងជំហរគាំទ្រដល់ការសម្រេចបាននូវសមិទ្ធផលទំាងនេះ ក្នុងកិច្ចខិតខំ​ប្រឹងប្រែង​កសាង​សហគមន៍​សេដ្ឋកិច្ចអាស៊ាន និងស្តារសេដ្ឋកិច្ចតំបន់ឡើងវិញ​ក្នុងបរិបទ​ជំងឺកូវីដ១៩។ភាគីទាំងពីរ បានប្តេជ្ញាចិត្តបន្តកិច្ចសហប្រតិបត្តិការបន្ថែមទៀត​ ក្នុងការរៀបចំវគ្គបណ្តុះបណ្តាល សិក្ខាសាលា​ និងព្រឹត្តិកាណ៍នានា​ពាក់ព័ន្ធនឹងការស្រាវជ្រាវ និងជាពិសេសការសម្រេចបាន​នូវសមិទ្ធផល​អាទិភាពសេដ្ឋកិច្ចក្នងឆ្នាំ២០២២ ក្រោមសសរស្ដម្ភសហគមន៍សេដ្ឋកិច្ចអាស៊ាន ក្នុងអំឡុងពេលដែលកម្ពុជាធ្វើជាប្រធានអាស៊ានក្នុងឆ្នាំ២០២២៕អត្ថបទ៖ ឈិត បូរ៉ាវី

ភ្ញៀវទេសចរអន្តរជាតិសម្ដែងការពេញចិត្ត ចំពោះការបើកទូលាយចូលមកកម្ពុជា

2022/03/24 11:26:55 am        584
Facebook Telegram Linkin
ភ្នំពេញ៖ ចំនួនភ្ញៀវទេសចរចាប់ផ្ដើមមានកំណើនជាថ្មី នៅតាមទីគោលដៅទេសចរណ៍ នានាទាំងតាមបណ្ដាខេត្តក៏ដូចជានៅរាជធានីភ្នំពេញ។ ការកើនឡើងជាថ្មី គឺសង្កេតឃើញក្រោយពេលដែលកម្ពុជា សម្រេចដកចេញរាល់រនាំងនានាសម្រាប់ការធ្វើដំណើរចូលកម្ពុជា។ថ្មីៗនេះ កម្ពុជាបានចាប់ផ្ដើមការបើកទទួលភ្ញៀវទេសចរដោយសេរីជាថ្មី ដោយលែងតម្រូវឱ្យ​មាន​ការ​ធ្វើតេស្ត PCR រយៈពេល ៧២ ​ម៉ោងមុនចូលមកកម្ពុជា ​និងការលុបចោលនូវការការធ្វើតេសត្ត​រហ័ស​ពេលមកដល់ ​ទឹកដីកម្ពុជា និងការបើកដំណើរការឡើងវិញនូវទិដ្ឋាការពេលមកដល់កម្ពុជា។បន្ទាប់ពីការបើកទទួលភ្ញៀវទេសចរដោយគ្មានរនាំងរឹតត្បឹតនេះ បានធ្វើឱ្យចំនួនភ្ញៀវបរទេសចាប់​ផ្ដើម​មានកំណើនជាថ្មី។ ​ជាក់ស្ដែងវត្តមានភ្ញៀវទេសចរអន្តរជាតិ បានបង្ហាញវត្តមានច្រើនជាង​មុន​ផងដែរ នៅទីតាំងផ្សារទួលទំពូង ជាទីផ្សារលក់វត្ថុអនុស្សាវរីយ៍ ​ពេញនិយមសម្រាប់ភ្ញៀវ​ទេសចរ​កន្លងមក។អំឡុងពេលដើរកំសាន្តទិញវត្ថុ​អនុស្សាវរីយ៍​ក្នុងផ្សារទួលទំពូងនេះ ​លោក Alex Shepherd ជាអ្នក​ធ្វើការ​ក្នុងវិស័យទេសចរណ៍មួយរូបមកពីប្រទេស ​អង់គ្លេស លើកឡើងថា កម្ពុជាជាប្រទេស​មួយ​ដែល​ផ្ដល់​ភាពងាយស្រួលច្រើនបំផុតសម្រាប់ភ្ញៀវទេសចរអាចធ្វើដំណើរចូល។ លោក បន្តថា តាមការសង្កេតរយៈពេលប៉ុន្មានថ្ងៃនៅកម្ពុជានេះ ​គឺកម្ពុជាពិតជាមានរួចរាល់ក្នុង​ការ​ទទួល​ស្វាគមន៍​ភ្ញៀវ​បរទេស។ចំពោះស្រ្តីជនជាតិ បង់ក្លាដេស ដែលកំពុងដើររកទិញរបស់របរក្នុងផ្សារទួលទំពូង​ដដែលនេះ លើក​ឡើងថា ​កម្ពុជាគឺជាប្រទេសជាប្រទេសដ៏ល្អសម្រាប់ជនបរទេសមកកំសាន្ត។ ជាក់ស្ដែង​គាត់​ពេញចិត្ត គ្រប់យ៉ាងនៅកម្ពុជា​ សម្រាប់កំឡុងពេលកំពុងស្នាក់នៅនេះ។វត្តមានភ្ញៀវទេសចរបរទេសកើនឡើងនេះ ​ក៏ផ្ដល់នូវក្ដីរីករាយ ​ក្ដីសង្ឃឹម ភាពប្រសើរឡើង​សម្រាប់​អាជីវករ ​នៅផ្សារទួលទំពូងផងដែរ។ នេះជាការលើកឡើងរបស់ លោកស្រី នី រតនា ជាអាជីវករលក់ គំនូរ។តាមការលើកឡើងរបស់លោក ចំរើន សុខលីម ​ជាប្រធានផ្សារទួលទំពូង ​លើកឡើងថា កំឡុង​ពេលនេះ ភ្ញៀវទេសចរអន្តរជាតិចាប់ផ្ដើមមានកំណើនជាថ្មី។ ​ជាក់ស្ដែងរៀងរាល់ថ្ងៃ មាន​ភ្ញៀវ​ទេសចរ​អន្តរជាតិប្រមាណ ​ជាង២០០នាក់ ​បានមកផ្សារ ​ទួលទំពូង ​ដែលកន្លងទៅ គឺមានជន​បរទេសប្រមាណតែ ២០ទៅ ៣០នាក់ ប៉ុណ្ណោះចូលមកផ្សារ ហើយពួកគាត់ជាជនបរទេសដែល​រស់​នៅ​ជុំវិញផ្សារប៉ុណ្ណោះ។ លោកសង្ឃឹមដែរថា ថ្ងៃខាងមុខ ​ជនបរទេសនឹងកើនឡើងរហូតដល់​ ចន្លោះពី ​១៥០០នាក់ទៅ ២០០០នាក់​ក្នុងមួយថ្ងៃ​ ដូចពេលមិនទាន់មានកូវីដ៕ អត្ថបទ៖ គឹមហុក

សម្តេចតេជោអំពាវនាវដល់ភាគីពាក់ព័ន្ធទាំងអស់បន្តរួមគ្នាលុបបំបាត់ជំងឺរបេង បើទោះបីសព្វថ្ងៃមានការធ្លាក់ចុះក្តី

2022/03/24 10:46:50 am        536
Facebook Telegram Linkin
ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានធ្វើ​ការអំពាវនាវ​ដល់ស្ថាប័នពាក់ព័ន្ធទាំងអស់បន្តរួមគ្នាឲ្យកាន់តែសកម្មបន្ថែមទៀត ក្នុងការលុបបំបាត់នូវជំងឺរបេង បើទោះបីជាបច្ចុប្បន្ននេះប្រទេសកម្ពុជា មានការធ្លាក់ចុះច្រើនជាងប្រទេសដទៃ​ចំពោះអ្នកឆ្លងនូវមេរោគរបេងក៏ដោយ។តាមរយៈសាលិខិតក្នុងឱកាស នៃការប្រារព្ធទិវាពិភពលោកកំចាត់រោគរបេង ដែលប្រព្រឹត្តឡើងនាថ្ងៃទី២៤ ខែមីនា ឆ្នាំ២០២២នេះ ក្រោមប្រធានបទ “វិនិយោគ ដើម្បីបញ្ចប់ការរាតត្បាតជំងឺរបេង គឺសង្គ្រោះជីវិត” (Invest to End TB. Save Lives) សម្តេចតេជោ ហ៊ុន សែន បានថ្លែងថា សូមអំពាវនាវ និងជំរុញដល់គ្រប់ក្រសួង ស្ថាប័ន ភាគីពាក់ព័ន្ធ វិស័យឯកជន អង្គការជាតិ អន្តរជាតិ ដៃគូអភិវឌ្ឍ និងបងប្អូនប្រជាពលរដ្ឋទាំងអស់ ឱ្យមានការស្វែងយល់ និងជ្រួតជ្រាប ព្រមទាំងត្រូវបន្តចូលរួមចំណែក និងគាំទ្រដល់ការលើកកម្ពស់ការងារលុបបំបាត់ជំងឺរបេង ក្នុងបុព្វហេតុ មិនត្រឹមតែរួមចំណែកលើកកម្ពស់សុខុមាលភាពរស់នៅរបស់ប្រជាពលរដ្ឋប៉ុណ្ណោះទេ ប៉ុន្តែថែមទាំងលើកកម្ពស់សេដ្ឋកិច្ច សេចក្តីថ្លៃថ្នូរ ឧត្តមភាព និងកិត្យានុភាពរបស់កម្ពុជាទៀតផង។សម្តេចតេជោ បានមានប្រសាសន៍បន្តទៀតថា ក្នុងនាមរាជរដ្ឋាភិបាលសម្តេច «សូមសម្តែងនូវសេចក្តីរីករាយយ៉ាងខ្លាំង ដោយព្រះរាជាណាចក្រកម្ពុជា​បានសម្រេចសមិទ្ធផលគួរជាទីមោទនៈ ក្នុងការប្រយុទ្ធនឹងជំងឺរបេងក្នុងរយៈពេល ប៉ុន្មានឆ្នាំកន្លងមកនេះ ខណៈដែលកាលពី២០ឆ្នាំមុន ប្រទេសកម្ពុជាស្ថិតក្នុងចំណោមប្រទេសដែលមានអត្រា អ្នកកើតជំងឺរបេងខ្ពស់ជាងគេក្នុងពិភពលោក តែក្នុងរយៈពេលយ៉ាងខ្លីកម្ពុជាបានក្លាយជាប្រទេសគំរូមួយ សម្រាប់ពិភពលោកចំពោះការងារកំចាត់ជំងឺរបេងយ៉ាងសកម្ម និងប្រកបដោយប្រសិទ្ធភាព។ លទ្ធផលដ៏គាប់ប្រសើរនេះបានកើតចេញពីកិច្ចខិតខំប្រឹងប្រែងរួមគ្នារបស់ប្រជាជាតិយើង ដែលក្នុងនោះរាជរដ្ឋាភិបាលបាន ពង្រីកសេវាពិនិត្យ និងព្យាបាលជំងឺរបេងតាមយុទ្ធសាស្ត្រដូតស៍នៅគ្រប់មន្ទីរពេទ្យបង្អែក មណ្ឌលសុខភាព និង ប៉ុស្តិ៍សុខភាពទាំងអស់ រួមទាំងថ្នាក់សហគមន៍ផងដែរនៅទូទាំងប្រទេស»។សម្តេចតេជោ បានបញ្ជាក់បន្ថែមទៀតថា ខណៈដែលប្រទេសកម្ពុជាធ្វើការព្យាបាលជំងឺរបេងជូនប្រជាជនដោយឥតបង់ថ្លៃ ដែលកិច្ចការនេះ មានការរីកចម្រើនគួរឱ្យកត់សម្គាល់ និងជាហេតុធ្វើឱ្យអត្រាឈឺ និងស្លាប់ដោយសារជំងឺរបេង​ក្នុងប្រទេសកម្ពុជាយើងមានការធ្លាក់ចុះយ៉ាងខ្លាំង ច្រើនជាងប្រទេសដទៃ ជាក់ស្តែងអត្រាស្លាប់បានថយចុះពី ៤២ករណី ក្នុងចំណោមប្រជាជន ១០០ ០០០នាក់ នៅឆ្នាំ២០០០ មកត្រឹម ២០ករណី ក្នុងចំណោមប្រជាជន ១០០ ០០០នាក់ ក្នុងឆ្នាំ២០២០ ដែលមានអត្រាធ្លាក់ចុះស្មើនឹង៥២%។ រីឯអត្រាកើតមានជំងឺថ្មី (អាំងស៊ីដង់) បានធ្លាក់ចុះ ពី៥៧៩ករណី ក្នុងចំណោមប្រជាជន ១០០ ០០០នាក់ នៅឆ្នាំ២០០០ មកដល់ ២៧៤ករណី ក្នុងចំណោម ប្រជាជន ១០០ ០០០នាក់ នៅឆ្នាំ២០២០ ដែលស្មើនឹង ៥៣%។ កម្ពុជាបានសម្រេចគោលដៅអភិវឌ្ឍន៍ សហស្សវត្សពាក់ព័ន្ធនឹងការកាត់បន្ថយអត្រាឈឺ និងស្លាប់ដោយសារជំងឺរបេងនេះរួចហើយ នៅមុនកាលកំណត់ ៤ឆ្នាំ។ ជោគជ័យរបស់កម្ពុជាក្នុងការកំចាត់ជំងឺរបេង គឺជាស្នាដៃមួយដែលមានប្រទេសក្នុងចំនួនតិចតួចប៉ុណ្ណោះ អាចសម្រេចបាន។ទោះបីជាកម្ពុជាមានអត្រាធ្លាក់ចុះច្រើននូវជំងឺរបេងនេះក្តី សម្តេចតេជោ ហ៊ុន សែន នាយករដ្ឋមន្រ្តី នៅតែទាមទារឲ្យបងប្អូនជនរួមជាតិទាំងអស់រួមគ្នាបន្ថែមទៀត​ក្នុងការទប់ស្កាត់នៃជំងឺនេះ ខណៈប្រទេសកម្ពុជានៅមានអត្រាឈឺនិងស្លាប់ដោយសារជំងឺរបេងខ្ពស់នៅឡើយបើប្រៀបធៀបនឹងបណ្តាប្រទេស មួយចំនួនទៀត និងនៅមានមនុស្សច្រើននៅឡើយ ដែលនៅពុំទាន់បានទទួលសេវា។ បញ្ហានេះតម្រូវឱ្យជនរួមជាតិទាំងអស់ ត្រូវបង្កើនល្បឿននៃកិច្ចខិតខំប្រឹងប្រែងបំពេញកិច្ចការបន្ថែមទៀត ដើម្បីកាត់បន្ថយឱ្យបានកាន់តែច្រើនថែមទៀតនូវអត្រាឈឺនិងស្លាប់ដោយសារជំងឺរបេង ស្របតាមគោលដៅអភិវឌ្ឍន៍ប្រកបដោយចីរភាពនៃព្រះរាជា ណាចក្រកម្ពុជា និងសកលលោកនោះ៕ អត្ថបទ៖ បាន ចក់

សម្តេចតេជោ ហ៊ុន សែន នាយករដ្ឋមន្ត្រី ផ្ញើសារជូនជនរួមជាតិក្នុងឱកាសប្រារព្ធទិវាពិភពលោកកំចាត់រោគរបេង

2022/03/24 09:58:39 am        535
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានផ្ញើសារជូនជនរួមជាតិ ក្នុងឱកាសប្រារព្ធទិវាពិភពលោកកំចាត់រោគរបេង នៅថ្ងៃទី២៤ ខែមីនា ឆ្នាំ២០២២ ក្រោមប្រធានបទ “ការវិនិយោគដើម្បីបញ្ចប់ការរាតត្បាតជំងឺរបេង គឺសង្គ្រោះជីវិត”។

UNESCOគ្រោងប្រកាសលទ្ធផល​សំណើរ​សុំចុះបញ្ជីតំបន់ប្រាសាទកោះកេរ នៅពាក់កណ្ដាលឆ្នាំនេះ

2022/03/23 04:48:41 pm        2312
Facebook Telegram Linkin
សៀមរាប៖ រដ្ឋមន្ត្រីក្រសួងវប្បធម៌ បានឱ្យដឹងថា អង្គការយូណេស្កូ គ្រោងនឹងប្រកាសលទ្ធផលនៃសំណើរសុំដាក់ តំបន់ប្រាសាទកោះកេរ ចូលក្នុងបញ្ជីបេតិកភណ្ឌពិភពលោក នៅក្នុងខែមិថុនា ឆ្នាំនេះ ខណៈដែលអាជ្ញាធរជាតិព្រះវិហារ បាននឹងកំពុងយកចិត្ដទុកដាក់ខ្ពស់ ក្នុងការអភិរក្ស និងអភិវឌ្ឍន៍ ក្នុងរមណីយដ្ឋានប្រាសាទ កោះកេរនោះ។លោកជំទាវសភាចារ្យ ភឿង សកុណា រដ្ឋមន្ដ្រីក្រសួងវប្បធម៌ និងវិចិត្រសិល្បៈ បន្ទាប់ពីបញ្ចប់កិច្ច ប្រជុំ អាយស៊ីស៊ីព្រះវិហារ កាលពីល្ងាចថ្ងៃទី២២​ ខែមីនា នេះ បានឱ្យដឹងថា ​អង្គការយូណេស្កូ គ្រោងនឹង ប្រកាសលទ្ធផលសម្រេចនៅក្នុងខែមិថុនា ខាងមុខនេះ ឬលើស​បន្ដិចបន្ដួច អាស្រ័យ​លើ​អង្គការ​យូណេស្កូ ​ប៉ុន្ដែស្ថិតនៅឆ្នាំ២០២២នេះ ។កិច្ចប្រជុំអាយស៊ីស៊ីព្រះវិហានេះ បានធ្វើបទបង្ហាញជាច្រើនអំពីតំបន់រមណីយដ្ឋានប្រាសាទកោះកេរ ដើម្បីឱ្យអង្គការយូណេស្កូ ​វាយតម្លៃលើការអភិរក្ស ​និងអភិវឌ្ឍន៍​ ដែលអាជ្ញាធរជាតិព្រះវិហារ បានអនុវត្ដកន្លងមក។ បទបង្ហាញត្រូវបានធ្វើលើការងារអភិរក្សប្រាសាទដងទង់ ប្រាសាទតាមែន ប្រាសាទធំ ប្រាសាទចិន ប្រាសាទក្រចាប់ និងប្រាសាទអណ្ដូងគុក ក្នុងតំបន់បេតិកភណ្ឌប្រាសាទកោះកេរ។ ការងារកំ ណាយបុរាណនៅប្រាសាទថ្មបាយក្រៀម ប្រាសាទក្រចាប់ និងប្រាសាទចិន ក្នុងតំបន់បេតិកភណ្ឌប្រាសាទ កោះកេរ។ក្រសួងវប្បធម៌ និងវិចិត្រសិល្បៈ បានបញ្ជូនឯកសារស្នើសុំចុះបញ្ជីតំបន់ប្រាសាទកោះកេរ ទៅអង្គ ការយូណេស្កូកាលពីខែមករា ឆ្នាំ២០២១។ តំបន់ប្រាសាទកោះកេរ ​ដែលស្នើទៅអង្គការយូណេស្កូ មានផ្ទៃ ដីទំហំជាង៨,៧០០ហិកតា ​នៅក្នុងភូមិសាស្ត្រឃុំស្រយ៉ង់ ក្នុងស្រុកគូលែន ខេត្តព្រះវិហារ បន្ទាប់ពីប្រាសាទព្រះវិហារ ត្រូវបានចុះបញ្ជីបេតិកភណ្ឌពិភពលោកកាលពីឆ្នាំ២០០៨៕ អត្ថបទ៖ ឈិត សាវី

សម្តេចតេជោ ហ៊ុន សែនបញ្ជាឲ្យត្រៀមឧទ្ធម្ភាគចក្រ សម្រាប់ដេញចាប់ពួកប្រព្រឹត្តិបទល្មើសនេសាទ

2022/03/23 10:21:41 am        3164
Facebook Telegram Linkin
ភ្នំពេញ ៖ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានចេញបទបញ្ជាយ៉ាងម៉ឺងម៉ាត់ ដោយឲ្យត្រៀមឧទ្ធម្ភាគចក្រគ្រប់ខេត្តទាំងអស់ដែលមានបទល្មើសនេសាទ សម្រាប់តាមចាប់ និងបាញ់ដល់ពួកប្រព្រឹត្តិបទល្មើសជលផល ខណៈការរាយការណ៍នាពេលកន្លងទៅ ឃើញចាប់បានតែប្រជានេសាទតូចតាច ហើយអ្នកប្រព្រឹត្តិបទល្មើសធំៗពុំដែលបាននោះ។  ការចេញបទបញ្ជាដាច់អាណាត់របស់សម្តេចតេជោ ហ៊ុន សែននាយករដ្ឋមន្រ្តីនេះ គឺបានធ្វើឡើង នៅរសៀលថ្ងៃទី២៣ ខែមីនា ឆ្នាំ២០២២នេះ ក្នុងឱកាសអញ្ជើញជាអធិបតីភាពក្នុងពិធីបិទសន្និបាតបូកសរុបការងារឆ្នាំ២០២១ និងលើកទិសដៅអនុវត្តការងារឆ្នាំ២០២២ របស់ក្រសួងកសិកម្ម រុក្ខាប្រមាញ់ និងនេសាទ។ សម្តេចតេជោ ហ៊ុន សែន បានបញ្ជាក់យ៉ាងធ្ងន់ៗថា ចាប់ពីពេលនេះតទៅ អាជ្ញាធរគ្រប់ខេត្តទាំង អស់ជាពិសេសខេត្តដែលនៅជាប់ជុំវិញបឹងទន្លេសាប ត្រូវតែតាមចាប់ពួកឈ្មួញ និងពួកប្រព្រឹត្តិបទល្មើស នេសាទធំៗឲ្យទាល់តែបាន ដោយមិនថាត្រូវប្រើគ្រប់វិធីណានោះឡើយ ហើយមួយវិញទៀតសម្តេចក៏បាន បញ្ជាឲ្យធ្វើការចាប់ដាក់គុកផងដែរ ប្រសិនបើអ្នកណានៅតែហ៊ានប្រឆាំងចំពោះបទបញ្ជានេះ។​ជាមួយគ្នានោះដែរ សម្តេចតេជោ ហ៊ុន សែន នាយករដ្ឋមន្រ្តីក៏បានរិះគន់ចំៗចំពោះអាជ្ញាធរមួយចំនួនថាអាចនឹងមានការឃុបឃិតគ្នាជាមួយពួកប្រព្រឹត្តិបទល្មើសទាំងនោះ ខណៈពេលដែលមានបទបញ្ជា ឲ្យធ្វើការបង្រ្កាបពួកគេ(ពួកប្រព្រឹត្តិបទល្មើសជលផល)ពួកទាំងនោះតែងតែដឹងមុន ហើយគេចខ្លួនបាត់ ដោយធ្វើការចាប់ពុំដែលបាន ឃើញបានតែប្រជានេសាទដែលមានទួកតូចៗទៅវិញនោះ។យ៉ាងណាក៏ដោយដើម្បី កុំឲ្យផលត្រីនៅប្រទេសកម្ពុជាកាន់តែខ្សោយទៅៗពីមួយឆ្នាំទៅមួយឆ្នាំនោះ សម្តេចតេជោ បានចេញបទបញ្ជាយ៉ាងដាច់ណាត់ ត្រូវតែធ្វើការបង្រ្កាប់ក្រុមប្រព្រឹត្តិបទល្មើសនេសាទ ខុសច្បាប់ទាំងនោះឲ្យខាងតែបាន ដោយមិនថាប្រើប្រាស់វិធីណានោះឡើយ៕​ អត្ថបទ ៖ ចក់

សភាពាណិជ្ជកម្ម EU សន្យាចូលរួមការងារបោសសម្អាតមីនមនុស្សធម៌នៅកម្ពុជា នៅខេត្តកំពង់ចាម

2022/03/23 02:52:56 pm        585
Facebook Telegram Linkin
កំពង់ចាម៖ សភាពាណិជ្ជកម្មសហគមន៍អឺរ៉ុបប្រចាំនៅកម្ពុជា បានសន្យាថា នឹងចូលរួមលើការងារបោសសម្អាត មីនមនុស្សធម៌នៅកម្ពុជា ដោយអនុវត្តនៅខេត្តកំពង់ចាម ខណៈរាជរដ្ឋាភិបាល បានកំណត់ផែនការ នៅឆ្នាំ២០២៥ កម្ពុជាគ្មានមីន ។ក្នុងជំនួបជាមួយឯកឧត្តម លី ធុជ ទេសរដ្ឋមន្ត្រី អនុប្រធានទី១ អាជ្ញាធរមីនកម្ពុជា នៅថ្ងៃទី២៣ ខែមីនា ឆ្នាំ២០២២ លោក Tassilo Brinzer ប្រធានសភាពាណិជ្ជកម្មសហគមន៍អឺរ៉ុបប្រចាំនៅកម្ពុជា (EuroCham Cambodia) បានសម្តែងការសោកស្តាយចំពោះប្រទេសកម្ពុជា ដែលបានទទួលរងគ្រោះ​យ៉ាង​ធ្ងន់ធ្ងរ​ដោយ​សារសង្រ្គាម ​ព្រមទាំង​បាន​បន្សល់ទុកគ្រាប់មីន ​និងគ្រាប់យុទ្ធភណ្ឌមិនទាន់ផ្ទុះ​យ៉ាងច្រើន​សន្ធឹកសន្ធាប់​ ពាសពេញផ្ទៃប្រទេស​ បានបង្កឲ្យមានការគ្រោះថ្នាក់​ ដល់ប្រជាពលរដ្ឋខ្មែរ ។លោកបន្តថា សភាពាណិជ្ជកម្មសហគមន៍អ៊ឺរ៉ុបប្រចាំនៅកម្ពុជា នឹងចូលរួមជាមួយរាជរដ្ឋាភិបាល​កម្ពុជា​ ក្នុងការងារបោសសម្អាតមីន​មនុស្សធម៌ ព្រមទាំងកៀរគរនូវធនធានហិរញ្ញវត្ថុពីបណ្តាវិស័យ​ឯកជននានា​ក្នុងក្របខណ្ឌសហគមន៍​អឺរ៉ុប សម្រាប់គាំទ្រដល់ការងារបោសសម្អាតមីន​នៅខេត្តកំពង់ចាម ផងដែរ។ជាមួយគ្នានេះ ប្រធានសភាពាណិជ្ជកម្ម បានកោតសរសើរ និងវាយតម្លៃខ្ពស់ចំពោះកិច្ចខិតខំ​ប្រឹង​ប្រែង ​និង​សមិទ្ធផល​សម្រេច​បាន​របស់រាជរដ្ឋាភិបាលកម្ពុជា​ ដែលមានអាជ្ញាធរមីន​ជា​សេនាធិការ ក្នុងការ​ដោះស្រាយបញ្ហាមីន ​និងសំណល់ជាតិផ្ទុះពីសង្រ្គាម​រយៈពេលកន្លងមក ។ក្នុងជំនួបនោះ ​ឯកឧត្តមទេសរដ្ឋមន្រ្តី ​មានប្រសាសន៍ថា​ រាជរដ្ឋាភិបាលកម្ពុជាបានខិតខំ និង​ទទួល​ជោគជ័យ​ក្នុងដោះស្រាយបញ្ហាមីន​ និង​សំណល់ជាតិផ្ទុះនៅកម្ពុជារយៈពេល ​៣០ឆ្នាំកន្លងទៅនេះ មាន​ការចូលរួមគាំទ្រពីដៃគូអភិវឌ្ឍន៍ ​និងប្រទេសជាមិត្ត នឹងបានដាក់ចេញនូវចក្ខុវិស័យយ៉ាង​ច្បាស់លាស់ ​ក្នុងការបញ្ចប់ការគម្រាមកំហែង​ដោយសារមីន ​នៅត្រឹមឆ្នាំ២០២៥ និងបន្ត​ដោះ​ស្រាយ​បញ្ហា​នៅសេសសល់ដោយសារសំណល់ជាតិផ្ទុះពីសង្រ្គាមក្រោយឆ្នាំ២០២៥ ។ឯកឧត្តម បានបន្តថា ដើម្បីគាំទ្រដល់ផែនការ​អាទិភាព​របស់​រាជរដ្ឋាភិបាល​ និងឈានទៅ​សម្រេច​បាន​នូវចក្ខុវិស័យ “កម្ពុជាមួយគ្មានមីនឆ្នាំ២០២៥” អាជ្ញាធរមីន ​បានរៀប​ចំគោលការណ៍ណែនាំ​ស្តីពីការ​អនុវត្តយន្តការភូមិអស់មីន​ ដែលនឹងធានាថា​ រាល់ចម្ការមីនទាំងអស់ ដែលមាននៅ​ក្នុង​ភូមិត្រូវបានបោសសម្អាត​ ក្នុងគោលដៅ​ជួយ​ពន្លឿន​ដល់ការបោសសម្អាតមីន និងទាក់ទាញនូវការ​ចូលរួម​គាំទ្រ​ពីដៃគូអភិវឌ្ឍន៍ ​និងសប្បុរសជននានា។ឯកឧត្តម លី ធុជ បានបន្ថែមថា ​ការអនុវត្តយន្តការនេះ នឹងចាប់ផ្តើមអនុវត្តចេញ​ពីភូមិមួយ​ទៅ​ភូមិមួយ​ និងខេត្តដែលមានផលប៉ះពាល់ដោយសារមីន​តិចតួច ​ជាក់ស្តែងអាជ្ញាធរមីន បាន​បញ្ចប់​ដោយជោគជ័យក្នុងខេត្តកែប​ និងគ្រោងបញ្ចប់ការងារបោសសម្អាតមីន ​នៅខេត្តព្រៃវែង ​ខាងមុខនេះ ក្រោមការចូលរួមជួយគាំទ្រពីសភាពាណិជ្ជកម្មអាមេរិក​ប្រចាំនៅកម្ពុជា ៕​អត្ថបទ បាន សុខរិទ្ធិ

កងទ័ពប្តេជ្ញាចូលរួមអនុវត្តគ្រប់សកម្មភាពរបស់រាជរដ្ឋាភិបាល ដើម្បីផ្តល់ទំនុកចិត្តទុកជូនពលរដ្ឋ

2022/03/23 01:55:52 pm        925
Facebook Telegram Linkin
បាត់ដំបង៖ នៅថ្ងៃទី២៣ ខែមីនា ឆ្នាំ២០២២ ក្នុងសិក្ខាសាលាបូកសរុបលទ្ធផលការងារយោធាសន្តិសុខឆ្នាំ២០២១ និងទិសដៅអនុវត្តបន្តឆ្នាំ២០២២ នៅទីបញ្ជាការតំបន់ប្រតិបត្តិការសឹងរងខេត្តបាត់ដំបង លោក ឧត្តមសេនីយ៍ទោ សេង ធារិន មេបញ្ជាការរង នាយសេនាធិការ យោធភូមិភាគទី៥ ថ្លែងថា កងទ័ពប្តេជ្ញាចូលរួមអនុវត្តគ្រប់សកម្មភាពរបស់រាជរដ្ឋាភិបាល ដើម្បីផ្តល់ទំនុកចិត្តទុកជូនប្រជាពលរដ្ឋ។ក្នុងនោះដែរ លោកឧត្តមសេនីយ៍ទោ សេង ធារិន ក៏បានកោតសរសើរ និងវាយតម្លៃខ្ពស់​ចំពោះ​យោធិន​ទាំងអស់​គ្រប់កង​ឯកភាពចំណុះ ​ដែលកន្លងមក​ប្រឹងប្រែង​អនុវត្តសម្រេច​បាន​ជោគជ័យ​គ្រប់ភារកិច្ចដែលថ្នាក់លើដាក់ជូន ​និងការប្រកាសគាំទ្រ​ឯកឧត្តម ហ៊ុន ម៉ាណែត ជា​បេក្ខភាពនាយករដ្ឋមន្រ្តី នាពេលអនាគត ​របស់អង្គភាពតំបន់ប្រតិបត្តិការសឹករងបាត់ដំបង និងគ្រប់បណ្តាអង្គភាពចំណុះយោធភូមិភាគទី៥ទាំងអស់ ។លោកឧត្តមសេនីយ៍ទោ សេង ធារិន បានបន្តថា ​ក្នុងដំណាក់កាលការរាតត្បាតជំងឺកូវីដ-១៩ កម្លាំង​កងទ័ពរបស់តំបន់ប្រតិបតិ្តការសឹករងបាត់ដំបង បានចូលរួមចំណែកយ៉ាងសកម្មក្នុង​ការការពារ​ទប់ស្កាត់ ​ដោយបានអនុវត្តតាមបទបញ្ជា ​តាមសេចក្តីណែនាំរបស់ប្រមុខរាជរដ្ឋាភិបាល ក្រសួងការពារជាតិ អគ្គបញ្ជាការ កងទ័ពជើងគោក ​និងយោធភូមិភាគទី៥ ធ្វើឱ្យកងទ័ពកាន់​តែ​មានកិត្យានុភាព​ និងមានទំនុកចិត្តពីប្រជាពលរដ្ឋ ជាក់ស្តែងក្នុងយុទ្ធនាការចាក់វ៉ាក់សាំងជូន​ប្រជាពលរដ្ឋ ​ដោយ​ទទួលបានលទ្ធផលល្អប្រសើរ ​និងការទទួលខុសត្រូវខ្ពស់។ក្នុងឆ្នាំ២០២២នេះ ដោយឈរលើផែនការការងារកសាង ​ពង្រឹងអង្គភាពឱ្យរឹងមាំលើគ្រប់វិស័យ របស់​តំបន់ប្រតិបត្តិការសឹករងបាត់ដំបង​ ត្រូវធានា​អោយបានគ្រប់ភារកិច្ចដែលថ្នាក់លើប្រគល់ជូន គ្រប់កងឯកភាព ​និងត្រូវបន្តសហការជាមួយអាជ្ញាធរគ្រប់លំដាប់ថ្នាក់​ ក្នុងកិច្ចការងារសន្តិសុខ បន្ត​លើការងារហ្វឹកហ្វឺន អប់រំចិត្តសាស្ត្រ ប្រមូលផ្តុំគ្រប់គ្រងកម្លាំង ​ពង្រឹងប្រៀបការពារជាតិ ជំរុញ​ការងារ​បង្កបង្កើនផល ចិញ្ចឹមសត្វ ​បង្កើនធានាជីវភាពកងទ័ព ​មានផ្ទះបាយរួម មាន​ម្ហូបអាហារ​ហូបគ្រប់គ្រាន់ ​ប្រកបដោយសុខមាលភាព​ ត្រូវត្រៀមកម្លាំងអន្តរាគមន៍២៤ម៉ោង តាមបទ​បញ្ជា​របស់ថ្នាក់លើ ដើម្បីចុះជួយសង្រ្គោះប្រជាពលរដ្ឋជួបគ្រោះមហន្តរាយដោយកត្តាមនុស្ស និង​ធម្មជាតិជាយថាហេតុ។លោកឧត្តមសេនីយ៍ទោ សេង ធារិន បន្តថា ​កងទ័ពទាំងអស់មានមោទភាពចំពោះថ្នាក់ដឹកនាំ​ជំនាន់​ក្រោយ ​និងគាំទ្របេក្ខភាព ឯកឧត្តម ហ៊ុន ម៉ាណែត ​ជានាយករដ្ឋមន្រ្តីនាពេលអនាគត៕

អាណាព្យាបាលសម្រុកនាំកុមារអាយុក្រោម៥ឆ្នាំទៅចាក់វ៉ាក់សាំងដូសទី២

2022/03/23 12:25:09 pm        898
Facebook Telegram Linkin
ភ្នំពេញ៖ ដំណើរការចាក់វ៉ាក់សាំងដូសទី២ ជូនកុមារអាយុពី៣ឆ្នាំ ដល់ក្រោម៥ឆ្នាំ នៅរាជធានីភ្នំពេញ ចាប់ផ្តើមអនុវត្តនពីថ្ងៃនេះតទៅ ខណៈអាណាព្យាបាលសម្រុកនាំកូនៗ ទៅចាក់វ៉ាក់សាំង តាមការកំណត់របស់គ្រូពេទ្យ។អាណាព្យាបាលរស់នៅរាជធានីភ្នំពេញ នាំកុមារមកចាក់វ៉ាក់សាំងនៅមន្ទីរពេទ្យបង្អែកច្បារអំពៅ នៅថ្ងៃទី២៣ ខែមីនានេះ បានប្រាប់BTVឱ្យដឹងថា​បន្ទាប់ពីកូនៗដែលមានអាយុពី៣ឆ្នាំដល់ក្រោម៥ឆ្នាំ ចាក់វ៉ាក់សាំងដូសទី២រួចរាល់ហើយ បន្ថយការព្រួយបារម្ភឆ្លងជំងឺកូវីដ-១៩ ពេលពួកគេនៅសាលារៀន និងដើរលេងនៅកន្លែងផ្សេងៗ។ លើសពីនេះ ពួគគេបានអគុណចំពោះសម្តេចតេជោហ៊ុន សែន នាយករដ្ឋមន្រ្តី នៃកម្ពុជា ដែលបាន​ស្វះស្វែងរកវ៉ាក់សាំងកូវីដ-១៩មកចាក់ជូនពលរដ្ឋអាយុពី៣ឆ្នាំឡើង ​ដោយឥតគិតថ្លៃ ហើយពួកគេ​គាំទ្រ​យ៉ាងពេញទំហឹង ​ដល់គណបក្សប្រជាជនកម្ពុជា​បន្តដឹកនាំប្រទេសទៀត។យុទ្ធនាការចាក់វ៉ាក់សាំងបង្ការជំងឺកូវីដ-១៩​ ប្រភេទ​ Sinovac ដូសទី២ ជូនកុមារអាយុពី៣ឆ្នាំ ដល់ ក្រោម៥ឆ្នាំ ​នៅក្នុងប្រទេសកម្ពុជា​ ចាប់ផ្តើមអនុវត្តពីថ្ងៃទី២៣​ ខែកុម្ភៈ ឆ្នាំ២០២២ ហើយការចាក់​ដូសទី២ ​ត្រូវមានគម្លាត១ខែ ​បន្ទាប់ពីចាក់ដូសទី១រួចរាល់។ ​ការចាក់វ៉ាក់សាំងកូវីដ-១៩ គឺ​ដើម្បីបង្កើតអង់ទីគ័រទប់​ ទល់នឹងការវាយលុកពីជំងឺកូវីដ-១៩​ ជាពិសេសមេរោគបំប្លែងថ្មីអូមីក្រុង។បច្ចុប្បន្នកម្ពុជា រកវ៉ាក់សាំងកូវីដ-១៩ បានជាង៤៤លានដូស ​រាប់​បញ្ជូល​ទាំងការបញ្ជាទិញពី​ប្រទេសចិន ​ជំនួយតាមរយៈយន្តការកូវ៉ាក់​ និងបណ្តាប្រទេសផ្សេងៗមួយចំនួនទៀត សម្រាប់ប្រើប្រាស់ក្នុង ​យុទ្ធនាការចាក់វ៉ាក់សាំងបង្ការជំងឺកូវីដ-១៩ ជូនពលរដ្ឋពីដូសទី១ ដល់ដូសទី៤៕អត្ថបទ៖ សោភ័ណ 

បណ្ដាញសង្គម

ព័ត៌មានថ្មីៗ

លោក Trump គំរាមឥណ្ឌាម្តងទៀតជាមួយនឹងការដំឡើងពន្ធកាន់តែតឹងរ៉ឹង ជុំវិញការទិញប្រេងពីរុស្ស៊ី
08/05/2025 09:08 AM
Facebook Telegram Linkin
អ៊ីស្រាអែល នឹងសម្រេចជំហានបន្ទាប់នៅហ្កាហ្សា ក្នុងសប្ដាហ៍នេះ បន្ទាប់ពីកិច្ចពិភាក្សាបទឈប់បាញ់ដួលរលំ
08/05/2025 09:08 AM
Facebook Telegram Linkin
សហភាពអឺរ៉ុប នឹងផ្អាកវិធានការប្រឆាំងការដំឡើងពន្ធរបស់អាមេរិករយៈពេល ៦ ខែ
08/05/2025 08:08 AM
Facebook Telegram Linkin
ចំនួនអ្នកស្លាប់ក្នុងពេលទទួលជំនួយនៅហ្កាហ្សាកើនឡើង ខណៈនាយករដ្ឋមន្ត្រីអ៊ីស្រាអែលកំពុងពង្រីកការវាយលុក
08/05/2025 08:08 AM
Facebook Telegram Linkin
សប្បុរសជន បន្តឧបត្ថម្ភដល់កងពលតូចដឹកជញ្ជូនលេខ៩៩ ដើម្បីយកទៅចែកជូនបងប្អូនវីរកងទ័ពជួរមុខ
08/05/2025 08:08 AM
Facebook Telegram Linkin
PRESS BRIEFING – Update on the implementation of the immediate and unconditional ceasefire agreement between Cambodia and Thailand (07:00AM, August 5, 2025)
08/05/2025 07:08 AM
Facebook Telegram Linkin
PRESS BRIEFING – Update on the implementation of the immediate and unconditional ceasefire agreement between Cambodia and Thailand (07:00AM, August 5, 2025)
08/05/2025 07:08 AM
Facebook Telegram Linkin
ក្រសួងការបរទេសកម្ពុជា ថ្កោលទោសយ៉ាងខ្លាំងក្លាចំពោះទង្វើបង្ករឿងរបស់ទាហានថៃ មកលើកម្ពុជាជាថ្មី
08/05/2025 07:08 AM
Facebook Telegram Linkin
Press Briefing – Update on the implementation of the immediate and unconditional ceasefire agreement between Cambodia and Thailand
08/05/2025 07:08 AM
Facebook Telegram Linkin
សហគ្រាសក្នុងស្រុកកំពុងជំរុញផលិតយ៉ាងផុលផុស ផ្គត់ផ្គង់លើទីផ្សារ ខណៈកម្ពុជាកំពុងជួបវិបត្តិ
08/04/2025 08:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.