BTV NEWS

BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់

សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់

ឯកឧត្តម ចាន់ ដារ៉ុង ដឹកនាំគណៈកម្មការអន្តរក្រសួងចុះពិនិត្យវាយតម្លៃបញ្ចប់សុពលភាពការងារថែទាំផ្លូវខួបចំនួន ៣កំណាត់ ក្នុងខេត្តពោធិ៍សាត់

BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យនូវកិច្ចប្រជុំវិសាមញ្ញ នៃគណៈកម្មាធិការព្រំដែនទូទៅកម្ពុជា-ថៃ

នយោបាយ និង ការអភិវឌ្ឍន៍

រាជរដ្ឋាភិបាលនឹងបន្តជួយឧបត្ថម្ភដល់ជនងាយរងគ្រោះ ទោះកម្មវិធីជួយគ្រួសារក្រីក្រនឹងត្រូវបិទបញ្ចប់

ភ្នំពេញ៖ បច្ចុប្បន្នរាជរដ្ឋាភិបាលកម្ពុជា កំពុងបន្តអនុវត្តកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះកំឡុងពេលប្រយុទ្ធប្រឆាំងកូវីដ-១៩ ជារៀងរាល់ខែ។ យ៉ាងណាម៉ិញកម្មវិធីនេះ នឹងបិទបញ្ចប់នៅពេលដែលស្ថានភាពកូវីដ-១៩ លែងមានភាពប៉ះពាល់ ព្រោះវាពុំមែនជាកម្មវិធីអចិន្រ្តៃយ៍នោះទេ។ ទោះថ្ងៃខាងមុខកម្មវិធីនេះ នឹងបិទបញ្ចប់ក្ដី ក៏រាជរដ្ឋាភិបាលកម្ពុជា នៅតែបន្តឧបត្ថម្ភជួយដល់ជនងាយរងគ្រោះដោយចាប់ផ្ដើមអនុវត្តនូវកម្មវិធីជំនួយសង្គមថ្មីមួយទៀត គឺកម្មវិធីកញ្ចប់គ្រួសារ។កម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះកំឡុងពេលប្រយុទ្ធប្រឆាំងកូវីដ-១៩ ជាកម្មវិធីមិនអចិន្ត្រៃយ៍ ដែលនឹងបិទបញ្ចប់នៅពេលដែលស្ថានភាពកូវីដ-១៩ លែងបង្ករផលប៉ះពាល់ដល់ការរស់នៅរបស់ប្រជាពលរដ្ឋ។យ៉ាងណាម៉ិញរាជរដ្ឋាភិបាលកម្ពុជា នឹងនៅតែបន្តគាំទ្រជួយឧបត្ថម្ភថវិកាដល់ជនងាយរងគ្រោះ តាមរយៈកម្មវិធីជំនួយសង្គមថ្មីមួយទៀត គឺកម្មវិធីកញ្ចប់គ្រួសារ។ នេះជាការលើកឡើងរបស់លោក ឈួរ សុបញ្ញា ប្រធានាយកដ្ឋានសុខុមាលភាពស្គម នៃក្រសួងសង្គមកិច្ចដែលកំពុងអនុវត្តកម្មវិធីជំនួយសង្គម។ លោកប្រធាននាយកដ្ឋាន បន្តថា កម្មវិធីកញ្ចប់គ្រួសារ គឺនឹងដាក់អោយអនុវត្តភ្លាមៗក្រោយពេលដែលកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះកំឡុងពេលប្រយុទ្ធប្រឆាំងកូវីដ-១៩ បិទបញ្ចប់ភ្លាមៗ។កម្មវិធីកញ្ចប់គ្រួសារនេះ គឺគ្របដណ្ដប់លើក្រុមងាយរងគ្រោះ ជាច្រើនក្រុមដូចជា ក្រុមមានពិការភាព មនុស្សវ័យចាស់ សិស្ស ស្ត្រីមានផ្ទៃពោះ ដែលពួកគាត់ទាំងអស់ត្រូវតែស្ថិតនៅក្នុងគ្រួសារក្រីក្រ។ចំពោះគ្រួសារក្រីក្រដែលសព្វថ្ងៃមានមនុស្សចាស់រស់នៅជាមួយ យល់ឃើញថាអនាគតដែលរាជរដ្ឋាភិបាលនឹងបន្តជួយក្រុមងាយរងគ្រោះនេះ ជារឿងប្រសើរ ព្រោះវាអាចជួយសម្រួលបន្ទុករស់នៅរបស់ពួកគាត់មួយចំណែកផងដែរ។ កម្ពុជាក្នុងកំឡុងពេលប្រយុទ្ធប្រឆាំងកូវីដ-១៩ តាំងពីឆ្នាំ ២០២០មកនេះ គឺរាជរដ្ឋាភិបាល បានអនុវត្តនូវកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះរហូតមកដល់ពេលបច្ចុប្បន្ន។ រាជរដ្ឋាភិបាលកម្ពុជាបានសម្រេចបញ្ចេញកញ្ចប់ថវិកាជាតិ ប្រមាណ៥៩២ លានដុល្លារ ដើម្បីជួយដល់ប្រជាពលរដ្ឋមាន ជីវភាពក្រីក្រ និងងាយរងគ្រោះប្រមាណជា ៧០ម៉ឺនគ្រួសារនៅទូទាំងប្រទេស ដែលរហូតមកដល់ពេលនៃការអនុវត្តបានរយៈពេល២០លើក រួចមកហើយ ៕អត្ថបទ៖ គឹមហុក

កម្ពុជានឹងធ្វើជាម្ចាស់ផ្ទះនៃកិច្ចប្រជុំអគ្គមេបញ្ជាការអាស៊ានលើកទី១៩ នៅថ្ងៃស្អែក

ភ្នំពេញ៖ នាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះ នៃកងយោធពលខេមរភូមិន្ទ បានឲ្យដឹងថា នៅថ្ងៃទី១៥ខែមីនា ស្អែកនេះ កម្ពុជាត្រៀមខ្លួនជាស្រេច ដើម្បីឱ្យដំណើរកិច្ចប្រជុំអគ្គមេបញ្ជាការអាស៊ានលើកទី១៩ ក្រោមមូលបទ «សាមគ្គី ដើម្បីសេចក្តីសុខប្រកបដោយភាពសុខដុម»។ ថ្លែងប្រាប់អ្នកសារព័ត៌មាន ក្នុងពេលចុះពិនិត្យទីតាំងសម្រាប់ដឹកនាំកិច្ចប្រជុំអគ្គមេបញ្ជាការកងទ័ពអាស៊ានលើកទី១៩ នៅថ្ងៃទី១៣ ខែមីនា ឆ្នាំ២០២២ នាយឧត្តមសេនីយ៍ ឥត សារ៉ាត់ មានប្រសាសន៍ថា កិច្ចប្រជុំអគ្គបញ្ជាការអាស៊ានលើកទី១៩ ធ្វើឡើងក្រោមមូលបទ «សាមគ្គី ដើម្បីសេចក្តីសុខប្រកបដោយភាពសុខដុម» ។ កិច្ចប្រជុំនេះនឹងប្រព្រឹត្តទៅដោយមានការអញ្ជើញចូលរួម ពីអគ្គមេបញ្ជាការកងទ័ពនៃបណ្តាប្រទេសអាស៊ាន អាស៊ានបូក ប្រទេសដៃគូសន្ទនា និងឥស្សរជនជាន់ខ្ពស់រាជរដ្ឋាភិបាល ចាប់ពីថ្ងៃទី១៤ ដល់ថ្ងៃទី១៨ ខែមីនា ឆ្នាំ២០២២។ នាយឧត្តមសេនីយ៍ ឥត សារ៉ាត់ បានបន្ថែមថា ព្រឹត្តិការណ៍ដ៏ប្រវត្តិសាស្រ្តនេះ ផ្តល់ឱកាសសម្រាប់ក្រសួងការពារជាតិ ក៏ដូចជាកងយោធពលខេមរភូមិន្ទទាំងមូល ក្នុងការបង្ហាញកិត្យានុភាព និងសមត្ថភាពនៃការត្រួសត្រាយផ្លូវ ដើម្បីរក្សាបាននូវឯកភាព សាមគ្គីភាព ភាពធន់ និងមជ្ឈភាពអាស៊ាន ជាដើម។នាឱកាសនោះដែរ នាយឧត្តមសេនីយ៍ ឥត សារ៉ាត់ បានបញ្ជាក់ថា សម្រាប់កិច្ចប្រជុំអគ្គមេបញ្ជាការអាស៊ានលើកទី១៩ ដែលកម្ពុជាធ្វើជាម្ចាស់ គឺបង្ហាញពីមោទនភាពរបស់ជាតិ កងយោធពលខេមរភូមិន្ទ និងជាប្រវត្តិសាស្ត្ររបស់ជាតិ ក្រោមការដឹកនាំដ៏ឈ្លាសវៃរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ជាពិសេសនាដំណាក់កាលពិភពលោកកំពុងតែរាតត្បាតនៃជំងឺកូវីដ១៩ ដែលបង្ហាញឱ្យអន្តរជាតិមើលឃើញថា កម្ពុជា មានលទ្ធគ្រប់គ្រាន់ក្នុងទប់ស្កាត់ជំងឺឆ្លងជាសកលនេះ។គួរបញ្ជាក់ថា ខ្លឹមសារកិច្ចប្រជុំរដ្ឋមន្ត្រីការពារជាតិអាស៊ានលើកទី១៦ និងកិច្ចប្រជុំពាក់ព័ន្ធឆ្នាំ២០២២ ដែលកម្ពុជា ធ្វើជាប្រធានរួមមាន៖ មូលបទអាទិភាព ពិនិត្យមើលឯកសារ ទស្សនៈទាន, ឯកសារពិភាក្សា និងតារាងប្រតិទិន សម្រាប់ការប្រុងប្រៀប កិច្ចប្រជុំរដ្ឋមន្ត្រីការពារជាតិអាស៊ានលើកទី១៦ និងកិច្ចប្រជុំពាក់ព័ន្ធ ឆ្នាំ២០២២៕ អត្ថបទ សេក ឧត្តម

ក្រុមការងារយុវជនគណបក្សប្រជាជនសង្កាត់អូរស្មាច់ សម្អាតអនាម័យនៅមុខច្រកទ្វារព្រំដែនអូរស្មាច់

ឧត្តរមានជ័យ៖ ក្រុមការងារយុវជនគណបក្សប្រជាជនកម្ពុជា សង្កាត់អូរស្មាច់ ដឹកនាំដោយលោក លី រដ្ឋា អភិបាលរងក្រុងសំរោង នឹងជាអនុប្រធានគណះពង្រឹងគណបក្សប្រជាជនក្រុងសំរោង ដឹកនាំក្រុមការងារ ចុះធ្វើការសម្អាតអនាម័យនៅមុខច្រកទ្វារព្រំដែនអូរស្មាច់ ដើម្បីឲ្យមានសោភ័ណភាពអនាម័យបរិស្ថានល្អប្រសើរឡើង នៅចំណុចបរិវេណច្រកទ្វារព្រំដែន។ក្នុងឱកាសនោះ លោក លី រដ្ឋា បានលើកឡើងថា ការធ្វើអនាម័យនៅទីធ្លាសាធារណៈនៅចំណុចបរិវេណមុខច្រកទ្វារព្រំដែនអូរស្មាច់ នៅពេលនេះដោយសារកន្លងមក នៅចំណុចនេះ ភាគច្រើនបងប្អូនអ្នកធ្វើដំណើរបានចោលសំរាមពាសវាលពាសកាល តាមរយះអ្នកធ្វើដំណើរនឹងអ្នកលក់ដូរតាមរទេះរុញរួមទាំងក្រុមតាស៊ីផងដែរ ហូបចុកចោលតាមទីសាធារណៈយ៉ាងអនាធិបតេយ្យ។លោក បន្តថា ដើម្បីធ្វើឲ្យចំណុចមុខច្រកទ្វារព្រំដែនអូរស្មាច់នេះមានអនាម័យស្អាតប្រកបដោយសោភ័ណល្អស្អាតគ្មានការចោលសំរាមនោះ គប្បីយើងទាំងអស់គ្នាត្រូវចូលរួមសហការណ៍គ្នាឲ្យបានប្រសើរក្នុងការសម្អាតអនាម័យមិនត្រូវចោលសំរាមពាសវាលពាសកាលនៅតាមដងផ្លូវនឹងសួនច្បារសាធារណៈនោះឡើយ។ក្នុងនាមក្រុមការងារយុវជន គណបក្សប្រជាជនក្រៅពីការងារស្នូលរបស់ខ្លួនបងប្អូនមានតួរនាទីដ៏មមាញឹកជួយដល់ការងារសង្គមក្នុងមូលដ្ឋានរបស់ខ្លួនផងដែរ ដើម្បីជួយសម្រាលការងារនានាក៏ដូចជាការសម្រាលការលំបាកដល់ប្រជាពលរដ្ឋ ក្នុងមូលដ្ឋានផងដែរ។យ៉ាងណាម៉ិញ លោកអភិបាលរងក្រុង បានសំណូមពរឲ្យប្រជាពលរដ្ឋរួមទាំងអាជីវករបងប្អូនអ្នកប្រកបរបររត់តាស៊ីទាំងអស់ ត្រូវចូលរួមគ្នាឲ្យបានល្អក្នុងការសម្អាតអនាម័យ ដោយហូបចុកត្រូវមានការវេចខ្ចប់សំរាមទុកដាក់ក្នុងធុងសំរាមឲ្យបានល្អប្រសើរ ដើម្បីឲ្យមានសោភ័ណបរិស្ថានល្អក្នុងមូលដ្ឋានយើងទាំងអស់គ្នា៕ អត្ថបទ៖ ឃិន សារិទ្ធ

ទីតាំងទេសចរណ៍ច្រើនទៀត ក្នុងខេត្តមណ្ឌលគិរី ត្រូវបានបង្កើតឡើងសម្រាប់បម្រើបំពេញចិត្តទេសចរ

មណ្ឌលគិរី៖ ខេត្តមណ្ឌលគិរី ភូមិភាគឦសាន នៃប្រទេសកម្ពុជា មានឈ្មោះល្បីល្បាញជាខ្លាំងលើវិស័យទេសចរណ៍ មានតំបន់ប្រជុំភ្នំ វាលស្មៅ ព្រៃព្រឹក្សា ទឹកអូរ ទឹកជ្រោះ ជាច្រើនកន្លែង។ បច្ចុប្បន្នទីតាំងទេសចរណ៍តូចៗ ជាច្រើនបន្ថែមទៀត ត្រូវបានបង្កើតឡើងដើម្បីបំពេញទៅតាមចំណង់ចំណូលចិត្តទេសចរ។នៅឆ្នាំ២០២២នេះ វិស័យទេសចរណ៍ក្នុងខេត្តមណ្ឌលគិរី បានកម្រើកឡើងវិញ ក្រោយស្ថានភាពជំងឺកូវីដ-១៩ ធូរស្រាល។ ជារៀងរាល់សប្ដាហ៍ ទេសចរ តែងទៅកម្សាន្តជាហូរហែរ ហើយតំបន់ដែលអ្នកទេសចរគួរទស្សនាកម្សាន្ត មានដូចជាតំបន់ភូមិពូតាំង តំបន់ភូមិដំណាក់នាគ ដែលទីនោះសម្បូរទៅដោយរីសតស្នាក់នៅយ៉ាងសម្បូរបែប។ អ្នកទេសចរអាចសម្រាកនៅរីសតទាំងនោះ និងលេងកម្សាន្តគយគន់ទេសភាពដ៏ល្អឯកពីកន្លែងនោះតែម្ដង។ក្រៅពីនេះ នៅក្នុងស្រុកអូររាំង គេតែងតែស្គាល់ភ្នំអណ្ដូងស្នេហ៍ ប៉ុន្តែកន្លែងដ៏ស្រស់ស្អាតផ្សេងទៀត មានដូចជាវាល ភ្នំស្មៅនៅទីតាំងព្រលានយន្តហោះ ដែលនៅទីនោះ អ្នកទេសចរ នឹងបានឃើញភ្នំវាលស្មៅដាច់កន្ទុយភ្នែក ជាមួយនឹងខ្យល់ អាកាសយ៉ាងត្រជាក់ គឺពិតជាមានទេសភាពប្លែកភ្នែកខ្លាំងណាស់ មិនតែប៉ុណ្ណោះនៅក្បែរនោះ មានរមណីយដ្ឋានទឹកធ្លាក់លែងអង លែងឃិន ដែលកំពុងល្បីល្បាញ អ្នកទេសចរនិយមទៅកម្សាន្ត។ចំណែកនៅស្រុកពេជ្រាដា មានភ្នំណាមលៀ ជាភ្នំថ្មម៉ាបមួយដុំដ៏មហិមា មានចម្ងាយប្រហែលជាង ២០គីឡូម៉ែត្រ ពីរមណីយដ្ឋានទឹកជ្រោះប៊ូស្រា ហើយឡើងដល់លើកំពូលភ្នំ មានទេសភាពស្អាត និងជាកន្លែងទេសចរណ៍ស្ទើរតែគ្មានពីរ។ ស្រុកពេជា្រដានេះដែរ ក្នុងឃុំពូជ្រៃ ទើបតែមានការបង្កើតឡើងនូវកន្លែងទេសចរណ៍ថ្មីមួយ ដែលសូម្បីពលរដ្ឋនៅខេត្ត មណ្ឌលគិរី ក៏មិនសូវបានស្គាល់ ប៉ុន្តែទីនោះពិតជាប្លែកខុសកន្លែងដទៃ ព្រោះអ្នកទេសចរ អាចកម្សាន្តបានជាមួយការចែវទូកលេង មើលព្រៃលិចទឹក តាមជ្រលងដងអូរដ៏ស្រស់ស្អាត។ ក្នុងឃុំពូជ្រៃនេះ ក៏មានសួនសត្វមួយកន្លែង ដែលមានសត្វ ព្រៃជាច្រើនប្រភេទ សម្រាប់អ្នកទេសចរទស្សនា ឬលេងកម្សាន្តជាមួយ។ខេត្តមណ្ឌលគិរី នៅមានទីតាំងទេសចរណ៍ជាច្រើនទៀតសម្រាប់ទេសចរទៅទស្សនាលេងកម្សាន្ត ប៉ុន្តែអ្នកទេសចរ មិនអាចរកផ្លូវទៅតាមប្រព័ន្ធ Google Maps ឃើញនោះទេ លុះត្រាតែមកដល់ខេត្តមណ្ឌលគិរី ហើយសាកសួរព័ត៌មានអំពី កន្លែងទេសចរណ៍ពីប្រជាពលរដ្ឋនៅទីនេះ។ប្រធានមន្ទីរទេសចរណ៍ខេត្តមណ្ឌលគិរី លោក ងិន សុវិមាន បានឱ្យដឹងថា ឆ្នាំនេះ មានទីតាំងទេសចរណ៍តូចៗជាច្រើន ត្រូវបានបង្កើតឡើង ប៉ុន្តែកន្លែងដែលមានការវិនិយោគធំៗ មិនទាន់មាននោះទេ៕អត្ថបទ៖ អ៊ិត ភីរុណ

កម្ពុជាផ្ដល់រថយន្តដឹកវ៉ាក់សាំង ១០គ្រឿងទៀតជូនប្រទេសឡាវ

ស្ទឹងត្រែង៖ លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស តំណាងសម្តេចតេជោនាយករដ្ឋមន្រ្តី នៃព្រះរាជាណាចក្រកម្ពុជា នៅថ្ងៃទី១២ខែមីនានេះ បន្តនាំអំណោយរថយន្តដឹកវ៉ាក់សាំងចំនួន ១០គ្រឿង របស់រាជរដ្ឋាភិបាលនិងប្រជាជនកម្ពុជា ប្រគល់ជូនរដ្ឋាភិបាល និងប្រជាជននៃសាធារណរដ្ឋប្រជាធិបតេយ្យប្រជាមានិតឡាវ នៅច្រកព្រំដែនអន្តរជាតិត្រពាំងក្រៀល ស្ថិតនៅក្នុងខេត្តស្ទឹងត្រែង ជាប់ព្រំដែនខេត្តចម្ប៉ាស័កនៃប្រទេសឡាវ។ពិធីប្រគល់-ទទួលនេះ មានការអញ្ជើញចូលរួមពីរដ្ឋមន្រ្តីក្រសួងសុខាភិបាលឡាវ តំណាងរដ្ឋាភិបាលឡាវ និងមន្រ្តីពាក់ព័ន្ធផ្សេងៗមួយចំនួនទៀតផងដែរ។ កន្លងទៅ កម្ពុជាធ្លាប់ផ្តល់អំណោយ រថយន្តដឹកវ៉ាក់សាំងចំនួន៣គ្រឿង ថវិការជាង១០លានដុល្លា វ៉ាក់សាំងកូវីដ និងសំភារៈវេជ្ជសាស្រ្តជាច្រើនទៀត។

ពលរដ្ឋនៅរាជធានីភ្នំពេញ បន្តទៅចាក់វ៉ាក់សាំងដូសជំរុញទី៤ ប្រភេទ Pfizer

ភ្នំពេញ៖ ប្រជាពលរដ្ឋរស់នៅក្នុងរាជធានីភ្នំពេញ កំពុងបន្តទៅចាក់វ៉ាក់សាំងដូសជំរុញទី៤ ប្រភេទ Pfizer តាមទីតាំងនានា ដែលអាជ្ញាធរបានរៀបចំរួចរាល់ ខណៈដំណើរការចាក់វាក់សាំងដូសផ្សេងៗ នៅតែបន្តដោយ រលូនទូទាំងប្រទេស ។បើតាមលោកវេជ្ជបណ្ឌិត មៀច សិរីវឌ្ឍនា ប្រធានមណ្ឌលសុខភាពព្រែកកំពឹស ស្ថិតក្នុងខណ្ឌដង្កោ បានលើកឡើងថា នៅមណ្ឌលសុខភាពនេះ គឺមានពលរដ្ឋមកចាក់វ៉ាក់សាំងចាប់ពីអាយុ៣ឆ្នាំឡើងទៅ ដែលមានដូសទី១ ទី២ ទី៣ និងដូសទី៤ ប៉ុន្តែនារយៈពេលចុងក្រោយនេះ ចាប់ផ្ដើមស្បើយពលរដ្ឋមកចាក់ ហើយ ព្រោះពួកគេបានមកចាក់ច្រើន និងខ្លះទៀតមិនទាន់ដល់ពេលត្រូវចាក់ដូសបន្ត។លោកវេជ្ជបណ្ឌិត បានបន្តថា កាលពីមុន ពលរដ្ឋមកចាក់ក្នុងមួយថ្ងៃប្រមាណពី ២០០ទៅ៣០០ នាក់ តែបច្ចុប្បន្នមានត្រឹមជាង ១០០នាក់ប៉ុណ្ណោះ ខណៈដែលថ្ងៃខ្លះ មិនដល់១០០នាក់ផង តែយ៉ាងណា អាជ្ញាធរសង្កាត់ព្រែកកំពឹស និងក្រុមគ្រូពេទ្យក្នុងមណ្ឌលសុខភាពនេះ នៅតែបន្តអំពាវនាវ និងផ្សព្វផ្សាយ ដល់ពលរដ្ឋ ឱ្យមកចាក់វ៉ាក់សាំងឲ្យបានគ្រប់គ្នា ដើម្បីទប់ស្កាត់ការឆ្លងរាលដាលនៃជំងឺកូវីដ១៩ ពិសេស ប្រភេទបំប្លែងថ្មីអូមីក្រុង ។ លោកវេជ្ជបណ្ឌិត មៀច សិរីវឌ្ឍនា បានបញ្ជាក់ថា សម្រាប់មណ្ឌលសុខភាពព្រឹកកំពឹស មិនមាន ការចាក់វ៉ាក់សាំងកូវីដ-១៩ ដូសទី១ ដល់មនុស្សចាស់ចាប់ពី១៨ឆ្នាំឡើងនោះទេ ហើយបើមានពលរដ្ឋ ត្រូវការចាក់ដូសទី១ សូមទៅចាក់នៅមន្ទីរពេទ្យបង្អែកខណ្ឌដង្កោ ៕ អត្ថបទ៖ បាន សុខរិទ្ធិ

អ្នកនាំពាក្យសិទ្ធិមនុស្សកម្ពុជា៖ ការចាត់វិធានការច្បាប់ត្រូវបានអនុវត្តទូទៅលើបុគ្គលប្រព្រឹត្តផ្ទុយពីច្បាប់

ភ្នំពេញ៖ ឯកឧត្តម ជិន ម៉ាលីន អ្នកនាំពាក្យគណៈកម្មាធិការសិទ្ធិមនុស្សកម្ពុជា ថ្លែងថា ការចាត់វិធានការច្បាប់ចំពោះបុគ្គលត្រូវបានអនុវត្តទូទៅគ្រប់បុគ្គលប្រព្រឹត្តផ្ទុយពីច្បាប់ និងមិនបានកំណត់អំពីនិន្នាការរបស់បុគ្គលណាម្នាក់ឡើយ។បើតាមសេចក្តីប្រកាសព័ត៌មានរបស់គណៈកម្មាធិការសិទ្ធិមនុស្សកម្ពុជា ក្រោយកិច្ចប្រជុំអំពីការពិនិត្យរបាយការណ៍ជាតិពាក់ព័ន្ធនឹងការអនុវត្តកតិកាសញ្ញាអន្តរជាតិស្តីពីសិទ្ធិពលរដ្ឋ និងសិទ្ធិនយោបាយ (ICCPR) ជុំទី៣ ពីថ្ងៃទី៩-១១ ខែមីនា ឆ្នាំ២០២២ ក្នុងសម័យប្រជុំលើកទី១៣៤ របស់គណៈកម្មាធិការសិទ្ធិមនុស្សអង្គការសហប្រជាជាតិ ឯកឧត្តម ជិន ម៉ាលីន អនុប្រធាន និងជាអ្នកនាំពាក្យគណៈកម្មាធិការសិទ្ធិមនុស្សកម្ពុជា នៅក្នុងកិច្ចសន្ទនារយះពេលបីថ្ងៃនេះ សមាជិក សមាជិកានៃគណៈកម្មាធិការបានសម្តែងនូវការកោតសរសើរចំពោះវឌ្ឍនភាពនានាដែលកម្ពុជាសម្រេចបាន ក្នុងការអនុវត្តបទប្បញ្ញត្តិនៃ ICCPR ព្រមទាំងលើកជាសំណួរ ដើម្បីទទួលបានព័ត៌មាន ការបំភ្លឺ ការបកស្រាយ និងការពន្យល់បន្ថែមពាក់ព័ន្ធនឹងវិស័យមួយចំនួនដូចជា ក្របខណ្ឌច្បាប់ជាតិ ការបង្កើតស្ថាប័នសិទ្ធិមនុស្សជាតិ ការប្រឆាំងអំពើពុករលួយ ច្បាប់គ្រប់គ្រងប្រទេសក្នុងគ្រាអាសន្ន ច្បាប់កូវីដ-១៩ វិធានការច្បាប់ក្នុងស្ថានភាពកូវីដ បញ្ហានិទណ្ឌភាព ការមិនរើសអើង អំពើហឹង្សាប្រឆាំងនារីភេទ ការសម្លាប់មនុស្សក្រៅប្រព័ន្ធតុលាការ អំពើទារុណកម្ម ការដកហូតសេរីភាព ការជួញដូរមនុស្ស និងការកេងប្រវ័ញ្ចការងារឯករាជ្យភាពតុលាការ សេរីភាពបញ្ចេញមតិ សមាគមនិងការជួបជុំ លំហរប្រជាធិបតេយ្យ និងយុត្តិធម៌សង្គម បញ្ហាដីធ្លី និងសិទ្ធិជនជាតិដើមភាគតិចជាដើម។ជាការឆ្លើយតប គណៈប្រតិភូកម្ពុជាបានរួមសហការគ្នាដោយមានភាពម្ចាស់ការ និងការទទួលខុសត្រូវខ្ពស់ក្នុងនាមជាតំណាងរដ្ឋអធិបតេយ្យធ្វើការឆ្លើយតប បកស្រាយ និងបំភ្លឺលើបញ្ហាដែលបានលើកឡើងទាំងអស់នោះ ដោយផ្អែកលើទិដ្ឋភាពច្បាប់ជាតិ និងអន្តរជាតិ ការអនុវត្តជាអន្តរជាតិ ទិដ្ឋភាពនយោបាយ និងបច្ចេកទេសពាក់ព័ន្ធ នឹងបញ្ហាសិទ្ធិមនុស្ស និងការអនុវត្តច្បាប់ព្រមទាំងធ្វើការបង្ហាញពីវឌ្ឍនភាព និងកិច្ចខិតខំប្រឹងប្រែងនានារបស់រាជរដ្ឋាភិបាល ក្នុងការលើកស្ទួយ និងការពារសិទ្ធិមនុស្ស ជាពិសេសក្នុងស្ថានភាពកូវីដ និងការកសាងថែរក្សាបាននូវសន្តិភាពដែលជាមូលដ្ឋានគ្រឹះនៃសិទ្ធិមនុស្ស និងការអភិវឌ្ឍ។ ពាក់ព័ន្ធបញ្ហាខាងលើ ឯកឧត្តម ជិន ម៉ាលីន ប្រាប់BTV News ឲ្យដឹងថា រយះពេលបីថ្ងៃក្នុងកិច្ចប្រជុំមានភាពចម្រូងចម្រាសច្រើនជាងគេទៅលើការអនុវត្តវិធានការច្បាប់របស់កម្ពុជាពីសំណាក់គណៈកម្មាធិការសិទ្ធិមនុស្សអង្គការសហប្រជាជាតិ បន្ទាប់ពីទទួលបានរបាយការណ៍របស់អង្គការសង្គមស៊ីវិលនៅកម្ពុជា។ យ៉ាងណាមិញឯកឧត្តម ជិន ម៉ាលីន អះអាងថា ការអនុវត្តវិធានការច្បាប់ត្រូវបានអនុវត្តទូទៅ និងមិនមានការរិតត្បិតទៅលើបុគ្គលិកដែលប្រកាន់និន្នាការណាមួយឡើយ។ការពិនិត្យរបាយការណ៍ជាតិ ជាយន្តការមួយរបស់គណៈកម្មាធិការសិទ្ធិមនុស្សកម្ពុជាអង្គការសហប្រជាជាតិ ដែលធ្វើឡើងដើម្បីតាមដានការអនុវត្តបទប្បញ្ញត្តិទាំងឡាយដែលមានចែងនៅក្នុង ICCPR ដោយរដ្ឋភាគី។ ការពិនិត្យរបាយការណ៍នេះ មិនមែនជាវេទិកាបន្តុះបង្អាប់ រិះគន់ ឬវាយប្រហារគ្នាអំពីបញ្ហាសិទ្ធិមនុស្សនោះទេ តែប្រព្រឹត្តទៅក្នុងទម្រង់មួយជាកិច្ចសន្ទនាបែបស្ថាបនារវាងគណៈប្រតិភូនៃរដ្ឋភាគី និងសមាជិក សមាជិកានៃគណៈកម្មាធិការ ក្នុងគោលដៅចែករំលែក ឬផ្លាស់ប្តូរគ្នាទៅវិញទៅមកនូវការអនុវត្តល្អៗ បទពិសោធន៍ ចំណុចខ្វះខាត កង្វល់ ឬបញ្ហាប្រឈមផ្សេងៗ ព្រមទាំងទិសដៅការងារទៅថ្ងៃអនាគត ដើម្បីធានានូវការអនុវត្ត និងការគោរពតាមបទប្បញ្ញតិ្តនៃ ICCPR នៅក្នុងរដ្ឋភាគី។ជាគោលការណ៍រួម ក្រោយបញ្ចប់កិច្ចសន្ទនាគណៈកម្មាធិការសិទ្ធិមនុស្សអង្គការសហប្រជាជាតិ នឹងចេញអនុសាសន៍ផ្សេងៗសម្រាប់ឲ្យរដ្ឋភាគីពិនិត្យ និងពិចារណាក្នុងការអនុវត្តបន្តទៀត ដើម្បីបំពេញនូវចំណុចខ្វះខាត និងធ្វើឲ្យស្ថានភាពពលរដ្ឋ និងសិទ្ធិនយោបាយកាន់តែមានភាពល្អប្រសើរឡើងថែមទៀត៕ អត្ថបទ សេក ឧត្តម

មនី្ទរពេទ្យព្រះអង្គឌួង នឹងសម្ពោធដាក់ឲ្យប្រើប្រាស់ជាផ្លូវការអគារព្យាបាលត្រចៀក ច្រមុះ បំពង់ក មិត្តភាពកម្ពុជា-កូរ៉េចុងខែមីនា ឆ្នាំ២០២២ខាងមុខនេះ

ភ្នំពេញ៖ អគារព្យាបាលត្រចៀក ច្រមុះ បំពង់ក នៃមនី្ទរពេទ្យព្រះអង្គឌួង មានកម្ពស់៥ជាន់ ដែលជាជំនួយរបស់រដ្ឋាភិបាលកូរ៉េខាងត្បូង នឹងសម្ពោធដាក់ឲ្យប្រើប្រាស់ជាផ្លូវការ នាចុងខែមីនា ឆ្នាំ២០២២នេះ។រដ្ឋមន្រី្តក្រសួងសុខាភិបាល ឯកឧត្តម សាស្រ្តាចារ្យ ម៉ម ប៊ុនហេង អមដំណើរដោយលោកសាស្រ្តាចារ្យ លូ លីឃាង នាយកមនី្ទរពេទ្យព្រះអង្គឌួង រួមនឹងថ្នាក់ដឹកនាំ កាលពីរសៀលថ្ងៃទី១១ ខែមីនា ឆ្នាំ២០២២ បានចុះពិនិត្យ និងវាយតម្លៃអំពីដំណើរការគម្រោងសាងសង់អគារព្យាបាលត្រចៀក ច្រមុះ បំពង់ក នៅក្នុងមនី្ទរពេទ្យព្រះអង្គឌួង ដែលត្រូវដាក់ឲ្យដំណើរការពិនិត្យ ព្យាបាលជំងឺជូនប្រជាពលរដ្ឋ ផ្នែកត្រចៀក ច្រមុះ បំពង់ក នៅថ្ងៃទី២៨ ខែមីនា ឆ្នាំ២០២២ខាងមុខនេះ។ឯកឧត្តមសាស្រ្តាចារ្យ ម៉ម ប៊ុនហេង បានថ្លែងថា អគារថ្មី ព្យាបាលត្រចៀក ច្រមុះ បំពង់ក នៅក្នុងមនី្ទរពេទ្យព្រះអង្គឌួងនេះ ជាជំនួយឥតសំណង់របស់សាធារណរដ្ឋកូរ៉េ ខាងត្បូង តាមរយៈទីភ្នាក់ងារសហប្រតិបតិ្តការអន្តរជាតិកូរ៉េ ហៅកាត់ថា កយកា (KOICA) ដែលជាចំណងមិត្តភាពសាមគ្គីភាពរបស់ភាគីកូរ៉េ និងកិច្ចខិតខំប្រឹងប្រែងរបស់បុគ្គលិកសុខាភិបាលរបស់យើងដែលបំពេញការងារនៅទីនេះហើយក៏ជាតម្រូវការមួយសម្រាប់ប្រជាពលរដ្ឋយើងមកទទួលការថែទាំផ្នែកត្រចៀក ច្រមុះ បំពង់ក(ENT)ផងដែរ។ ជាទូទៅមនី្ទរពេទ្យព្រះអង្គឌួងជាផ្នែកមួយនៃមនី្ទរពេទ្យមជ្ឈឹម ដែលទទួល និងផ្តល់សេវាសុខាភិបាលច្រើន ជូនទៅប្រជាពលរដ្ឋ ក៏ដូចជាកម្មករនិយោជិក ហើយក៏សូមជូនពរដល់បុគ្គលិកនៃមនី្ទរពេទ្យព្រះអង្គឌួង និងភាគីកូរ៉េ ទទួលបានសុខភាពល្អ និងជោគជ័យក្នុងការបំពេញភារកិច្ច ខាងសាងសង់ និងខាងបម្រើសុខភាពប្រជាពលរដ្ឋ សមស្របតាមគោលនយោបាយរបស់រាជរដ្ឋាភិបាល និងឆ្លើយតបតាមតម្រូវការរបស់ប្រជាពលរដ្ឋឲ្យបានគ្រប់គ្រាន់។ដោយឡែកបើតាមលោកសាស្ត្រាចារ្យ លូ លីឃាង នាយកមន្ទីរពេទ្យព្រះអង្គឌួង បានឲ្យដឹងថា អគារព្យាបាលត្រចៀក ច្រមុះ បំពង់ក ថ្មីនេះ បានចាប់ផ្តើមសាងសង់នៅខែមីនា ឆ្នាំ២០២០ ក្រោមហិរញ្ញប្បទានឥតសំណងរបស់សាធារណរដ្ឋកូរ៉េ ប្រមាណ ៨លានដុល្លារអាមេរិក ព្រមទាំងបំពាក់សម្ភារៈបរិក្ខារវេជ្ជសាស្រ្តទំនើប ដើម្បីពិនិត្យព្យាបាល និងវះកាត់ ធ្វើយ៉ាងណាបង្កើនគុណភាពសេវាកម្ម ក្នុងមន្ទីរពេទ្យព្រះ អង្គឌួង ឱ្យល្អប្រសើរមួយកម្រិតទៀត។សូមរំលឹកផងដែរថា នៅក្នុងបរិបទនៃការរីករាលដាលនៃជំងឺកូវីដ-១៩ ទីភ្នាក់ងារសហប្រតិបតិ្តការអន្តរជាតិកូរ៉េ ហៅកាត់ថា កយកា (KOICA) បាននិងកំពុងគាំទ្រយ៉ាងសកម្ម ដល់រាជរដ្ឋាភិបាលកម្ពុជាក្នុងការប្រយុទ្ធប្រឆាំងនឹងជំងឺកូវីដ-១៩ ក៏ដូចជាការដោះស្រាយផលប៉ះពាល់នៃជំងឺជំងឺ-១៩ ចាប់តាំងពីឆ្នាំ២០២០មក។ ដោយឡែកសម្រាប់ឆ្នាំ២០២២នេះ កយកា-KOICA ផ្តល់រថយន្តសង្គ្រោះ និងឧបករណ៍ធ្វើតេស្តរហ័ស ដល់ក្រសួងសុខាភិបាលកម្ពុជាផងដែរ៕អត្ថបទ រដ្ឋា

នាយឧត្តមសេនីយ៍ ឥត សារ៉ាត់ រំលឹកដល់ទាហានបន្តវេនត្រូវផ្សព្វផ្សាយបន្តពីសារៈសំខាន់នៃតម្លៃសន្តិភាព

ភ្នំពេញ៖ នាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះនៃកងយោធពលខេមរភូមិន្ទ បានក្រើនរំឮកដល់នាយទាហាន ពលទាហានបន្តវេននៅបញ្ជាការដ្ឋានពិសេស ត្រូវជួយផ្សព្វផ្សាយបនុ្តអំពីសារៈសំខាន់នៃសន្តិភាព ហើយត្រូវទប់ស្កាត់បុគ្គលណាដែលមានបំណងចង់បំផ្លាញសន្តិភាព។នៅក្នុងពិធីបិទវគ្គហ្វឹកហ្វឺនជំនាញឆត្រយោង ជំនាន់ទី៣២, វគ្គហ្វឹកហ្វឺនបំប៉នជំនាញឯកទេសមុជទឹក ជំនាន់ទី៥, វគ្គហ្វឹកហ្វឺនបំប៉នបាញ់គ្រាប់ពិតអាវុធថ្មើរជើង អាវុធ SNIPER និងបើកវគ្គហ្វឹកហ្វឺនបណ្តុះបណ្តាលជំនាញកុម៉្មង់ដូជំនាន់ទី១១ ស្ថិតនៅភូមិដូង ឃុំតាសាល ស្រុកឱរ៉ាល់ ខេត្តកំពង់ស្ពឺ នៅព្រឹកថ្ងៃទី១០ ខែមីនា ឆ្នាំ២០២២នេះ នាយឧត្តមសេនីយ៍ ឥត សារ៉ាត់ បានលើកឡើងថា«ទទួលបានប្រយោជន៍ពីសុខសន្តិភាព មានការអភិវឌ្ឍ យើងទាំងអស់គ្នា ត្រូវតែដឹងគុណសុខសន្តិភាព និងអរគុណសន្តិភាព យើងត្រូវតែបន្តរក្សាសុខសន្តិភាពនេះឱ្យបានគង់វង្សរហូត ហើយត្រូវប្រឆាំងដាច់ខាតចំពោះបុគ្គលណា ក្រុមណាដែលហ៊ានប្រព្រឹត្ត ឬមានមហិកតា បំផ្លាញសុខសន្តិភាព»។នៅក្នុងពិធីនេះដែរ នាយឧត្តមសេនីយ៍ បានលើកឡើងទៀតថា ដោយសារនយោបាយឈ្នះ ឈ្នះ របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជានេះហើយ បានធ្វើឱ្យប្រទេសជាតិ បញ្ចប់សង្រ្គាមស៊ីវិលទាំងស្រុងចាប់តាំងពីឆ្នាំ១៩៩៨ រហូតមកដល់បច្ចុប្បនេះ ហើយកត្តាសន្តិភាពនេះ ធ្វើឱ្យប្រជាជនខ្មែរទាំងអស់ រស់នៅដោយសុខក្សេមសាន្ត មានជីវភាពល្អប្រសើរ ប្រទេសជាតិមានការរីកចម្រើនលើគ្រប់វិស័យ។នាយឧត្តមសេនីយ៍ បានបន្តថា បើប្រទេសជាតិមិនមានសន្តិភាពទេនោះ ការរស់នៅរបស់ប្រជាជនក៏ពុំបានសុខ ប្រទេសជាតិក៏គ្មានការអភិវឌ្ឍរីកចម្រើនដូចសព្វថ្ងៃនេះ ដូច្នេះ ក្នុងនាមជាប្រជាពលដ្ឋគ្នាត្រូវរួមសាមគីគ្នាការពារឱ្យបាននូវសុខសន្តិភាព ដែលកម្ពុជារកបានដោយលំបាក ចាប់តាំងពីបាតដៃទទេរហូតមានការរីកចម្រើនមកដល់បច្ចុប្បន្ននេះ។ទន្ទឹមនឹងនេះដែរ នាយឧត្តមសេនីយ៍ ឥត សារ៉ាត់ បានថ្លែងទៅកាន់គណៈគ្រប់គ្រង យោធាចារ្យ អ្នកបម្រើការរួមទាំងនាយទាហានបន្តវេននៅបញ្ជាការដ្ឋានកងទ័ពពិសេស ដែលបានបញ្ចប់វគ្គបណ្តុះបណ្តាលទាំងអស់ត្រូវ «អរគុណសន្តិភាព អរគុណនយោបាយឈ្នះឈ្នះ និងដឹងគុណស្ថាបនិកមគ្គុទេសក៍ឯក នយោបាយ ឈ្នះ ឈ្នះ ដែលនាំមកនូវសន្តិភាព និងការឯកភាពជាតិពេញលេញ»។ ដោយសាតែនយោបាយឈ្នះ ឈ្នះ ទើបប្រទេសយើងមានសុខសន្តិភាព ពិតប្រាកដ និងមានការអភិវឌ្ឍរីកចម្រើនលើគ្រប់វិស័យរហូតមកដល់សព្វថ្ងៃនេះ៕អត្ថបទ៖ បាន ចក់

រដ្ឋបាលខណ្ឌទួលគោក បន្តចែកអំណោយជូនដល់បងប្អូនប្រជាពលរដ្ឋដែលខ្វះខាតចំនួន ៣០គ្រួសារ

ភ្នំពេញ៖ លោក ជា ពិសី អភិបាលនៃគណៈអភិបាលខណ្ឌទួលគោក និងលោក ហួរ ហួត អនុប្រធានគណៈកម្មាធិការអនុសាខាកាកបាទក្រហមខណ្ឌទួលគោក នៅថ្ងៃម្សិលមិញ បានចុះសួរសុខទុក្ខ និងចែកអំណោយដ៏ថ្លៃថ្លារបស់កាកបាទក្រហមកម្ពុជា ជូនបងប្អូនប្រជាពលរដ្ឋដែលខ្វះខាតចំនួន ៣០គ្រួសារ ក្នុងសង្កាត់ផ្ដារដេប៉ូទី១ ខណ្ឌទួលគោក រាជធានីភ្នំពេញ។ក្នុងឱកាសនោះដែរ លោក ជា ពិសី អភិបាលខណ្ឌទួលគោក បានណែនាំឲ្យបងប្អូនប្រជាពលរដ្ឋ ចូលរួមទប់ស្កាត់ការរីករាលដាលជំងឺកូវីដ-១៩ បំប្លែងថ្មី អូមីក្រុង ទាំងអស់គ្នា ដោយត្រូវអនុវត្តឲ្យបានខ្ជាប់ខ្ជូន នូវវិធានរបស់ក្រសួងសុខាភិបាល និងអនុវត្តន៍៣កុំ និង៣ការពារ ដូច្នេះយើងត្រូវចូលរួមទប់ស្កាត់ទាំងអស់គ្នា។អំណោយដែលត្រូវប្រគល់ជូនបងប្អូនប្រជាពលរដ្ឋ ដែលខ្វះខាតចំនួន ៣០គ្រួសារ ក្នុងមួយគ្រួសារទទួលបាន អង្ករ២៥គីឡូក្រាម ទឹកស៊ីអ៊ីវ១យួរ ត្រីខ១យួរ ជែលលាងដៃ១ដប ម៉ាស់១កញ្ចប់ ថ្នាំពេទ្យ១កញ្ចប់ និងថវិកាចំនួន៣០,០០០ រៀល៕ អត្ថបទ៖ កុម្ភះ

បណ្ដាញសង្គម

ព័ត៌មានថ្មីៗ

ឯកឧត្តម ឆៃ ស៊ីណារិទ្ធ៖ បទល្មើសឆបោកតាមប្រព័ន្ធបច្ចេកវិទ្យាពុំមែនជាបទល្មើសឆ្លងដែនធម្មតាទេ ប៉ុន្តែជាបទល្មើសដែលមានអង្គការចាត់តាំងច្បាស់លាស់ត្រូវរួមសហការគ្នាទប់ស្កាត់

ឥណ្ឌា និងចិន គ្រោងចាប់ផ្តើមជើងហោះហើរត្រង់ឡើងវិញ ក្នុងសញ្ញានៃទំនាក់ទំនងកាន់តែជិតស្និទ្ធ

ថ្នាក់ដឹកនាំខេត្តពោធិ៍សាត់ នាំយកស្បៀងបានមកពីប្រជាជនខេត្តរួមនឹងសប្បុរជន ជូនជនភៀសសឹក និងកងទ័ពជួរមុខ ខេត្តព្រះវិហារ

ទាហានបម្រុងទ័ពអាកាសអ៊ីស្រាអែលនិងអាកាសយានិកចូលនិវត្តន៍ ប្រមូលផ្តុំគ្នាអំពាវនាវឱ្យបញ្ចប់សង្គ្រាមនៅហ្កាហ្សា

ប្រទេសកាតេម៉ាឡា កាត់ទោសមន្ត្រីច្រើនរូបជុំវិញអគ្គិភ័យឆេះទីជម្រកដែលបានបណ្តាលឲ្យក្មេងស្រី៤១នាក់ស្លាប់

រដ្ឋបាលរាជធានីភ្នំពេញ បានដឹកជញ្ជូនគ្រឿងឧបភោគបរិភោគ និងសម្ភារៈផ្សេងៗប្រមាណជាង ២០កុងតឺន័រជូនកងទ័ពជួរមុខ និងពលរដ្ឋភៀសសឹក

ការបុកគ្នានៃនាវារបស់ចិន រំពឹងថានឹងបង្កើនភាពតានតឹងនៅសមុទ្រចិនខាងត្បូង

ថវិកាប្រមាណ ៥០ម៉ឺនដុល្លារ ត្រៀមសម្រាប់ជួសជុលសាលា និងសង់អគារបណ្ដោះអាសន្នឱ្យបានមុនបើកបវេសនកាលថ្មី

៥ថ្ងៃ គ្រោះថ្នាក់ចរាចរណ៍ផ្លូវគោកផ្តាច់ជីវិតមនុស្ស៣១នាក់ និងរបួសជិត៤៦នាក់

ភាពអត់ការងារធ្វើរបស់អង់គ្លេសឡើងដល់កម្រិតខ្ពស់រយៈពេល ៤ ឆ្នាំ ស្របពេលសេដ្ឋកិច្ចធ្លាក់ចុះ និងសម្ពាធពន្ធរបស់អាមេរិក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

រាជរដ្ឋាភិបាលនឹងបន្តជួយឧបត្ថម្ភដល់ជនងាយរងគ្រោះ ទោះកម្មវិធីជួយគ្រួសារក្រីក្រនឹងត្រូវបិទបញ្ចប់

កម្ពុជានឹងធ្វើជាម្ចាស់ផ្ទះនៃកិច្ចប្រជុំអគ្គមេបញ្ជាការអាស៊ានលើកទី១៩ នៅថ្ងៃស្អែក

ក្រុមការងារយុវជនគណបក្សប្រជាជនសង្កាត់អូរស្មាច់ សម្អាតអនាម័យនៅមុខច្រកទ្វារព្រំដែនអូរស្មាច់

ទីតាំងទេសចរណ៍ច្រើនទៀត ក្នុងខេត្តមណ្ឌលគិរី ត្រូវបានបង្កើតឡើងសម្រាប់បម្រើបំពេញចិត្តទេសចរ

កម្ពុជាផ្ដល់រថយន្តដឹកវ៉ាក់សាំង ១០គ្រឿងទៀតជូនប្រទេសឡាវ

ពលរដ្ឋនៅរាជធានីភ្នំពេញ បន្តទៅចាក់វ៉ាក់សាំងដូសជំរុញទី៤ ប្រភេទ Pfizer

នាយឧត្តមសេនីយ៍ ឥត សារ៉ាត់ រំលឹកដល់ទាហានបន្តវេនត្រូវផ្សព្វផ្សាយបន្តពីសារៈសំខាន់នៃតម្លៃសន្តិភាព

រដ្ឋបាលខណ្ឌទួលគោក បន្តចែកអំណោយជូនដល់បងប្អូនប្រជាពលរដ្ឋដែលខ្វះខាតចំនួន ៣០គ្រួសារ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

រាជរដ្ឋាភិបាលនឹងបន្តជួយឧបត្ថម្ភដល់ជនងាយរងគ្រោះ ទោះកម្មវិធី​ជួយ​គ្រួសារ​ក្រីក្រ​នឹង​ត្រូវ​បិទ​បញ្ចប់

កម្ពុជានឹងធ្វើជាម្ចាស់ផ្ទះនៃកិច្ចប្រជុំអគ្គមេបញ្ជាការអាស៊ានលើកទី១៩ នៅថ្ងៃស្អែក

ក្រុមការងារយុវជនគណបក្សប្រជាជនសង្កាត់អូរស្មាច់ សម្អាតអនាម័យនៅមុខច្រកទ្វារព្រំដែនអូរស្មាច់

ទីតាំងទេសចរណ៍ច្រើនទៀត ក្នុងខេត្តមណ្ឌលគិរី ត្រូវបានបង្កើតឡើងសម្រាប់បម្រើបំពេញចិត្តទេសចរ

កម្ពុជាផ្ដល់រថយន្តដឹកវ៉ាក់សាំង ១០គ្រឿងទៀតជូនប្រទេសឡាវ

ពលរដ្ឋនៅរាជធានីភ្នំពេញ បន្តទៅចាក់វ៉ាក់សាំងដូសជំរុញទី៤ ប្រភេទ Pfizer

រដ្ឋបាលខណ្ឌទួលគោក បន្តចែកអំណោយជូនដល់បងប្អូនប្រជាពលរដ្ឋដែលខ្វះខាតចំនួន ៣០គ្រួសារ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

រាជរដ្ឋាភិបាលនឹងបន្តជួយឧបត្ថម្ភដល់ជនងាយរងគ្រោះ ទោះកម្មវិធីជួយគ្រួសារក្រីក្រនឹងត្រូវបិទបញ្ចប់