BTV NEWS

សម្ដេចតេជោ៖ ឪពុកម្តាយគ្មានសេចក្តីសុខឬការសប្បាយណាជាងឃើញកូន និងចៅចេះស្រឡាញ់គ្នា និងក្លាយជាពលរដ្ឋល្អក្នុងសង្គមនោះឡើយ

TOP STORY | សម្ដេចតេជោ ហ៊ុន សែន រម្លឹកពីប្រវត្តិនៃការលះបង់របស់សម្ដេចប្ដូរយក ការរស់រានរបស់ប្រជាជន សន្តិភាព និងការអភិវឌ្ឍប្រទេសជាតិ

រាជរដ្ឋាភិបាលសម្រេចប្រសិទ្ធនាមស្ពានខ្ពស់ជាងគេនៅកម្ពុជាថា «ស្ពានតេជោសន្តិភាពឫស្សីជ្រុំ»

សម្ដេចតេជោ ហ៊ុន សែន ជំរុញឱ្យប្រទេសបង់ក្លាដេសបង្កើនការវិនិយោគ ជាពិសេសវិស័យកសិកម្មជាមួយកម្ពុជា

នយោបាយ និង ការអភិវឌ្ឍន៍

សម្តេចតេជោ ហ៊ុន សែន អញ្ជើញទៅគោរពវិញ្ញាណក្ខន្ធសពនាយឧត្តមសេនីយ៍ សុខ សារឿន

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៅរសៀលថ្ងៃទី២៤កុម្ភៈនេះ បានអញ្ជើញដឹកនាំប្រតិភូរាជរដ្ឋាភិបាលមួយចំនួន ទៅគោរពវិញ្ញាណក្ខន្ធសពរបស់ នាយឧត្តមសេនីយ៍ សុខ សារឿន រដ្ឋលេខាធិការក្រសួងការពារជាតិ ដែលទទួលមរណភាព កាលពីថ្ងៃទី២៣កុម្ភៈម្សិលមិញនេះ ដោយរោគាពាធ។គួរបញ្ជាក់ដែរថា ភ្លាមៗនោះ សម្តេចតេជោ នាយករដ្ឋមន្ត្រី ក៏បានផ្ញើលិខិតសំដែងនូវការក្ដុកក្ដួលនិងសោកស្តាយជាមួយក្រុមគ្រួសារ នៃសពគឺលោកជំទាវ សុខ លាង ។លិខិតមានខ្លឹមសារយ៉ាងដូច្នេះ៖ លោកជំទាវជាទីរាប់អាន! ភរិយាខ្ញុំ និងរូបខ្ញុំបានទទួលដំណឹងដ៏ក្រៀមក្រំ និងសោកស្ដាយរកអ្វីមកប្រៀបផ្ទឹមពុំបាន ដោយទទួលដំណឹងថា ឯកឧត្តមនាយឧត្តមសេនីយ៍ សុខ សារឿន រដ្ឋលេខាធិការក្រសួងការពាជាតិ ដែលត្រូវជា ស្វាមីលោកជំទាវបានទទួលមរណភាព នាវេលាម៉ោង ១០:៤៥ នាទីព្រឹក នៅថ្ងៃពុធ ៧រោច ខែមាឃ ឆ្នាំឆ្លូវ ត្រីស័ក ពស ២៥៦៥ ត្រូវ នឹងថ្ងៃទី២៣ ខែ កុម្ភៈ ឆ្នាំ២០២២ ក្នុងជន្មាយុ ៧៩ ឆ្នាំ ដោយរោគាពាធ ។មរណភាពរបស់ឯកឧត្តម គឺជាការបាត់បងស្វាមី បិតា ជីតាដែលប្រកបដោយព្រហ្មវិហារធម៌ និងជាការបាត់បង់នូវមិត្តរួមអាវុធតស៊ូរំដោះជាតិចេញពីរបបប្រល័យពូជសាសន៍ ប៉ុល ពត និងបានរួមសុខរួមទុក្ខជាមួយគ្នាក្នុងការបំរើជាតិ និងប្រជាជនកម្ពុជារហូតដល់ថ្ងៃអវសាននៃជីវិត ។ក្នុងឱកាសប្រកបដោយសមានទុក្ខដ៏ក្រៀមក្រំបំផុតនេះ ភរិយា និងរូបខ្ញុំ សូមចូលរួមចែករំលែក នូវមរណទុក្ខដោយក្តីស្រណោះ និងការអាឡោះអាល័យជាមួយលោកជំទាវ និងបុត្រាបុត្រី ព្រមទាំងបងប្អូន កូនក្មួយទាំងអស់នៃសព ដោយសេចក្តីសង្វេគជាទីបំផុត ។ភរិយា និងរូបខ្ញុំ សូមឧទ្ទិសបួងសួងដល់ដួងវិញ្ញាណក្ខន្ធឯកឧត្តមនាយឧត្តមសេនីយ៍ សុខ សារឿន បានឆាប់ចាប់កំណើតក្នុងសុគតិភពគ្រប់ៗជាតិកុំបីឃ្លៀងឃ្លាតឡើយ ។ សូមលោកជំទាវទទួលនូវការរំលែកទុក្ខដ៏ក្រៀមក្រំបំផុតពីភរិយាខ្ញុំ និងរូបខ្ញុំ ។គួររម្លឹកផងដែរថា ឯកឧត្តម សុខ សារឿន អតីតគឺជាមេរបស់សម្តេចតេជោ នៅក្នុងសម័យតស៊ូ៕អត្ថបទ៖ មុត សុទ្ធ

ក្រសួងបរិស្ថាន ថ្លែងអំណរគុណចំពោះលោកស្រី Angelina Jolie ក្នុងការអភិរក្សធនធានធម្មជាតិ នៅតំបន់ប្រើប្រាស់ច្រើន យ៉ាងសំឡូត

បាត់ដំបង៖ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន បានថ្លែងអំណរ គុណចំពោះលោកស្រី Angelina Jolie តារាភាពយន្តហូវីដដ៏ល្បីល្បាញដែលបានចូលរួមជាមួយរាជរដ្ឋាភិបាលកម្ពុជា ក្នុងការការពារ និងអភិរក្សធនធានធម្មជាតិនៅតំបន់ប្រើប្រាស់ច្រើនយ៉ាងសំឡូត និងការសហការលើផ្នែកផ្សេងៗទៀត។ការថ្លែងអំណរគុណនេះ បានធ្វើឡើងក្នុងជំនួបគួរសមមួយរវាងឯកឧត្តមរដ្ឋមន្ត្រីក្រសួងបរិស្ថាន និងលោកស្រី Angelina Jolie នៅព្រឹកថ្ងៃទី២៤ ខែកុម្ភៈ ឆ្នាំ២០២២ នៅទីស្តីការក្រសួងបរិស្ថាន នៅអំឡុងលោកស្រីធ្វើទស្សនកិច្ចនៅព្រះរាជាណាចក្រកម្ពុជា។ឯកឧត្តមរដ្ឋមន្ត្រី សាយ សំអាល់ បានគូសបញ្ជាក់ពីការបន្តកិច្ចសហការ និងការគាំទ្ររបស់ក្រសួងបរិស្ថាន ចំពោះគម្រោងអភិរក្សដែលផ្តួចផ្តើមដោយលោកស្រី Angelina Jolie។

កម្ពុជា-ម៉ាឡេស៊ី រីករាយនឹងកិច្ចសហការដែលមានស្រាប់ហើយប្តេជ្ញាបន្តពង្រីកលើវិស័យថ្មីៗថែមទៀត

ភ្នំពេញ៖ ប្រមុខរាជរដ្ឋាភិបាលកម្ពុជា និងម៉ាឡេស៊ី បានសម្ដែងនូវក្ដីរីករាយចំពោះកិច្ចសហការរវាងគ្នានឹងគ្នា ដែលមានស្រាប់ និងបានប្ដេជ្ញាបន្តពង្រីកលើវិស័យថ្មីៗថែមទៀត ពិសេសលើវិស័យសេដ្ឋកិច្ចពាណិជ្ជកម្ម និងសុខភាពសាធារណៈ ជាដើម។នៅថ្ងៃទី២៤ ខែកុម្ភៈ នេះ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានទទួលបដិសណ្ឋារកិច្ច និងជួបសន្ទនាពិភាក្សាការងារជាមួយឯកឧត្តម ដាតុ ស្រ៊ី អ៊ីស្មាអែល សាប្រ៊ី ប៊ីន យ៉ាកុប នាយករដ្ឋមន្រ្តីម៉ាឡេស៊ី ខណៈឯកឧត្តម បានអញ្ជើញមកបំពេញទស្សនកិច្ចផ្លូវការនៅកម្ពុជា រយៈពេលពីរថ្ងៃ។ក្នុងសន្និសីទសារព័ត៌មាន សម្ដេចតេជោ ហ៊ុន សែន បានបញ្ជាក់ថា ដំណើរទស្សនកិច្ចរបស់នាយក រដ្ឋមន្ត្រីម៉ាឡេស៊ី នៅពេលនេះ ជាព្រឹត្តិការណ៍ប្រវត្តិសាស្រ្តមួយ ដែលនឹងរួមចំណែកដល់ការពង្រឹងទំនាក់ទំនងទ្វេភាគីដែលមានស្រាប់ និងការបង្កើនទំនុកចិត្តផ្នែកនយោបាយ និងសាមគ្គីភាព រវាងប្រជាជាតិទាំងពីរ ស្របពេលខួបលើកទី៦៥ឆ្នាំ នៃទំនាក់ទំនងការទូត (១៩៥៧- ២០២២)។ ភាគីទាំងពីរ បានផ្តោតការពិភាក្សាទៅលើការប្រយុទ្ធប្រឆាំងកូវីដ-១៩ ហើយប្ដេជ្ញាជំរុញបន្ថែមទៀតនូវពាណិជ្ជកម្មទ្វេភាគី វិនិយោគ សុខុមាលភាពសាធារណៈ វិទ្យាសាស្ត្រ បច្ចេកវិទ្យា អប់រំ ការអភិវឌ្ឍធនធានមនុស្ស ការតភ្ជាប់ទេសចរណ៍និងទំនាក់ទំនងប្រជាជន និងប្រជាជន ក្នុងបំណងពន្លឿនការស្តារសេដ្ឋកិច្ចក្រោយវិបត្តិកូវីដ-១៩។សម្ដេចតេជោ បានបញ្ជាក់ទៀតថា ភាគីទាំងពីរ បានសម្ដែងនូវការកោតសរសើរទៅវិញទៅមកចំពោះការអភិវឌ្ឍប្រទេស ការដាក់ចេញនូវវិធានការឆ្លើយតបនានាទៅនឹងវិបត្តិសុខភាពពិភពលោក ក៏ដូចជាគោលនយោបាយស្ដារឡើងវិញក្រោយវិបត្តិជំងឺរាតត្បាតកូវីដ-១៩។នាយករដ្ឋមន្រ្តីម៉ាឡេស៊ី បានសម្ដែងនូវមោទកភាពចំពោះកម្ពុជា ដ៏ស្រស់ប្រិមប្រិយ និងមានវិបុលភាព និងរីករាយចំពោះការអភិវឌ្ឍដ៏រស់រវើករបស់រាជធានីភ្នំពេញ និងបានបញ្ជាក់ថា ចំពោះម៉ាឡេស៊ី កម្ពុជា គឺជាអ្នកជិតខាង និងជាសមាជិកអាស៊ានដ៏មានសារសំខាន់។ ម៉ាឡេស៊ី និងកម្ពុជា តែងតែធ្វើការជាមួយគ្នាក្នុងស្ថានការណ៍ណាក៏ដោយ ទាំងពេលវេលាលំបាក និងងាយស្រួល ដោយរាប់ទាំងសម័យអ៊ុនតាក់ បន្ទាប់ពីមានកិច្ចព្រមព្រៀងសន្តិភាពទីក្រុងប៉ារីស ឆ្នាំ១៩៩១។ ឯកឧត្តម ក៏បានបង្ហាញការរីករាយ ដែលម៉ាឡេស៊ី បានចូលរួមចំណែកក្នុងការរកសន្តិភាពនៅកម្ពុជា ហើយឆ្នាំនេះ គឺជាខួបទី៦៥ នៃការបង្កើតទំនាក់ទំនងការទូត រវាងម៉ាឡេស៊ី និងកម្ពុជា ហើយមានជំនឿថា ប្រទេសទាំងពីរ នឹងបន្តធ្វើការរួមគ្នា ដើម្បីពង្រឹងសហប្រតិបត្តិការលើកកម្ពស់សន្តិភាព ស្ថិរភាព និងវិបុលភាព ដើម្បីប្រជាជននៅក្នុងតំបន់ និងប្រទេសទាំងពីរ៕អត្ថបទ មុត សុទ្ធ

រដ្ឋមន្ត្រីទេសចរណ៍៖ តារាហូលីវូត អេនជេលីណា មកទស្សនាកម្ពុជាបង្ហាញថា កម្ពុជាជាគោលដៅមានសុវត្ថិភាព

ភ្នំពេញ៖ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ បានថ្លែងថា ការអញ្ជើញមកទស្សនាតំបន់អង្គរនៅខេត្តសៀមរាប របស់លោកស្រី អេនជេលីនណា ជូលី តារាភាពយន្តសម្តែងហូលីវូតស្រី ដ៏ល្បីរបស់ពិភពលោក គឺជាទូតនាំសារថា ខេត្តសៀមរាបអង្គរ គឺជាគោលដៅទេសចរណ៍សុវត្ថិភាពទៅភ្ញៀវទេសចរលើពិភពលោក។ក្នុងកិច្ចប្រជុំលើកទី២ ក្រុមការងារប្រតិបត្តិ ដើម្បីវាយតម្លៃ និងគ្រប់គ្រងតំបន់គោលដៅទេសចរណ៍សុវត្ថិភាពខេត្តសៀមរាប ឯកឧត្តម ថោង ខុន ប្រសាសន៍ថា តារាភាពយន្តហូលីវូតដ៏ល្បី លោកស្រី អេជេលីនណាជូលី អញ្ជើញមកចូលទស្សនា នៅតំបន់អង្គរខេត្តសៀមរាប និងរាជធានីភ្នំពេញ និងការបន្តទៅទស្សនាខេត្តបាត់ដំបងជាទៀតជាដើមនោះ គឺបានបង្ហាញប្រទេសកម្ពុជាទាំងមូល គឺជាគោលដៅទេសចរណ៍ដែលសុវត្ថិភាព ពីការរាតត្បាតនៃមេរោគកូវីដ១៩។ឯកឧត្តមរដ្ឋមន្ត្រី ថោង ខុន បន្តថា សម្រាប់ភ្ញៀវទេសចរអន្តរជាតិ ដែលបានអញ្ជើញមកទស្សនាកម្ពុជា ជាទូទៅត្រូវបានប្រមុខរាជរដ្ឋាភិបាលបានប្រកាសបើកទទួលតែភ្ញៀវទេសចរវ៉ាក់សាំងនិងមិនមានការធ្វើចត្តាឡីស័ក ក្នុងករណីភ្ញៀវនោះ បានធ្វើតេស្តិ៍អវិជ្ជមានកូវីដ១៩ ប៉ុន្តែសម្រាប់ភ្ញៀវទេសចរអន្តរជាតិធ្វើតេស្តវិជ្ជមានកូវីដ គឺយើងតម្រូវអោយគាត់ព្យាបាលអោយជាសះស្បើយមុននឹងចេញដើរកម្សាន្ត។ទោះយ៉ាងណាក៏ដោយនៅក្នុងកិច្ចប្រជុំនោះ ឯកឧត្តម ថោង ខុន បានស្នើអោយអាជ្ញាធរមូលដ្ឋានរាជធានីខេត្តបង្កើនការផ្សព្វផ្សាយគោលដៅទេសចរណ៍សុវត្ថិភាពរបស់ខ្លួនទៅកាន់មជ្ឈដ្ឋានជាតិអន្តរជាតិ និងរៀបចំផ្តល់សេវាទេសចរណ៍ប្រកបដោយគុណភាពនៅតាមគោលដៅទេសចរណ៍នានានោះអោយបានល្អប្រសើរ ជាពិសេសបណ្តាគោលដៅទេសចរណ៍ដែលមានសុវត្ថិនៅខេត្តសៀមរាប ដោយធ្វើយ៉ាងណាជម្រុញបង្កើនការផ្តល់សេចក្តីទំនុកចិត្តជូនភ្ញៀវទេសចរក្នុងស្រុកដែលបានចេញដើរកម្សាន្តនៅរៀងរាល់ចុងសប្តាហ៍មានកំណើនឡើងជាបន្តបន្ទាប់ និងជូនបណ្តាភ្ញៀវទេសចរណ៍អន្តរជាតិនានាទៀត។សូមបញ្ជាក់ថា នៅក្នុងដំណើរមកទស្សនាកម្ពុជា របស់លោកស្រី Angelina Jolie ចាប់ពីថ្ងៃទី២០ រហូតថ្ងៃទី២៤ ខែកុម្ភៈ បានចូលរួមសហការអង្គការយូណេស្កូ និងសម្របសម្រួលដោយអាជ្ញាធរជាតិអប្សរា បើកសម្ពោធជាផ្លូវការនៃកម្មវិធីចិញ្ចឹមឃ្មុំសម្រាប់ស្ត្រី(Women for Bees) គោលបំណងជួយអភិរក្សប្រភេទឃ្មុំ Apis cerana និង Apis dorsata ដែលមានដើមកំណើតនៅក្នុងឧទ្យានអង្គរ លើកកម្ពស់ការចិញ្ចឹមឃ្មុំប្រកបដោយចីរភាព និងពង្រឹងសមត្ថភាពស្ត្រីក្នុងការរកប្រាក់ចំណូលសម្រាប់ផ្គត់ផ្គង់ក្នុងគ្រួសារ និងសហគមន៍របស់ពួកគេ៕អត្ថបទ៖ ស៊ុម សុខជា

ពលរដ្ឋ លើកឡើងថា ឱសថស្ថានមួយចំនួនលក់ថ្នាំព្យាបាលកូវីដ លើសតម្លៃកំណត់របស់ក្រសួង

ភ្នំពេញ៖ ប្រជាពលរដ្ឋ អះអាងថា ឱសថស្ថានមួយចំនួន លក់ថ្នាំព្យាបាលជំងឺកូវីដ១៩ លើសតម្លៃកំណត់របស់ក្រសួង ទោះបីជាការចុះត្រួតពិនិត្យពីមន្រ្តីជំនាញសុខាភិបាល និងមានការលើកឡើងដោយផ្ទាល់ពីនាយករដ្ឋមន្រ្តីយ៉ាងណាក្ដី។នៅរសៀលថ្ងៃពុធទី២៣ ខែកុម្ភៈ ម្សិលម៉ិញនេះ ភ្នាក់ងារត្រួតពិនិត្យឱសថ នៃនាយកដ្ឋានឱសថ ចំណីអាហារ បរិក្ខារពេទ្យ និងគ្រឿងសំអាង នៃក្រសួងសុខាភិបាល បានចុះណែនាំម្ចាស់ឱសថស្ថានឱ្យលក់ឱសថព្យាបាលជំងឺកូវីដ-១៩ ប្រភេទ Molnupiravir ដែលមានលេខទិដ្ឋាការ ឬបញ្ជិកាពីក្រសួងសុខាភិបាល តាមតម្លៃកំណត់ និងស្រាវជ្រាវរកឱសថខុសច្បាប់នៅតាមឱសថស្ថាន ក្នុងភូមិសាស្រ្តមួយចំនួន នៅរាជធានីភ្នំពេញ។ពាក់ព័ន្ធនឹងបញ្ហានេះ លោកជំទាវ ឱ វណ្ណឌីន អ្នកនាំពាក្យក្រសួងសុខាភិបាល បានអំពាវនាវឱ្យបណ្ដាឱសថស្ថានត្រូវគោរពតាមច្បាប់ និងបទដ្ឋានគតិយុត្តិ និងមិនត្រូវកេងចំណេញលក់ដំឡើងថ្លៃហួសហេតុនោះទេ។ លោកជំទាវ បញ្ជាក់ថា អ្នកប្រព្រឹត្តិល្មើសពីច្បាប់គ្រប់គ្រងឱសថរបស់ព្រះរាជាណាចក្រកម្ពុជា គឺត្រូវទទួលទោសតាមច្បាប់ដែលមានជាធរមាន ។ការចុះត្រួតពិនិត្យនេះ ធ្វើឡើងភ្លាមៗបន្ទាប់ពីសម្ដេច នាយករដ្ឋមន្រ្តី បញ្ជាក់ឱ្យមានការត្រួតពិនិត្យឱ្យបានច្បាស់លាស់ ចំពោះថ្នាំព្យាបាលក្លែងក្លាយ និងឱកាសរបស់ឱសថស្ថានមួយចំនួន បានដំឡើងថ្លៃថ្នាំហួសហេតុ ខណៈតម្រូវការមានការកើនឡើងក្នុងកាលទសៈនេះ។ពាក់ព័ន្ធនឹងការកំណត់តម្លៃថ្នាំព្យាបាលកូវីដ១៩ ក្រសួងប្រៃសណីយ៍ និងទូរគមនាគមន៍ ជាក្រសួងដែលបានដាក់លក់ថ្នាំព្យាបាលកូវីដ-១៩ Molnatris ជូនប្រជាពលរដ្ឋ និងបណ្ដាឱសថស្ថានឯកជន លក់ក្នុងតម្លៃ ៥៥ដុល្លារតែប៉ុណ្ណោះ។ ក្រសួង ក៏បានកំណត់ឱ្យបណ្ដាឱសថស្ថានត្រូវលក់ថ្នាំព្យាបាលនេះបន្ត មិនឱ្យលើសពី ៦៥ដុល្លារ ក្នុងមួយដូសនោះទេ។យ៉ាងណាក៏ដោយចុះ ទោះមានការចុះត្រួតពិនិត្យពីមន្រ្តីជំនាញក្រសួងសុខាភិបាល និងមានការកំណត់ថ្លៃពីក្រសួងប្រៃសណីយ៍យ៉ាងណាក្ដី ក៏ប្រជាពលរដ្ឋមួយចំនួន អះអាងថា ឱសថស្ថានមួយចំនួនក្នុងរាជធានីភ្នំពេញ លក់ក្នុងតម្លៃខ្ពស់ដល់ ៨៥ដុល្លារក្នុងមួយដូស ខ្ពស់ជាងតម្លៃកំណត់របស់ក្រសួង។បច្ចុប្បន្ន ប្រជាពលរដ្ឋ ទិញថ្នាំព្យាបាលកូវីដ១៩ ពីក្រសួប្រៃសណីយ៍ ដោយមានការតម្រង់ជួររង់ចាំទិញជាច្រើនរៀងរាល់ថ្ងៃ។ ពាក់ព័ន្ធនឹងការលក់លើសតម្លៃកំណត់ ៦៥ដុល្លារ នៅតាមឱសថស្ថានខាងក្រៅនេះ មន្រ្តីមួយរូបនៅក្រសួងប្រៃសណីយ៍ ដែលសុំមិនបង្ហាញអត្តសញ្ញាណ បញ្ជាក់ថា ក្រសួងនឹងមានមន្រ្តីជំនាញចត្រួតពិនិត្យផងដែរ ក្នុងករណីរកឃើញ គឺនឹងមានការរឹបអូសថ្នាំព្យាបាលកូវីដទាំងនោះ៕ អត្ថបទ៖ គឹមហុក

មន្រ្តីសុខាភិបាល៖ ការចាក់វ៉ាក់សាំងជូនកុមារ ត្រូវមានភាពអត់ធ្មត់ជាងមនុស្សធំ

ភ្នំពេញ៖ មន្ត្រីសុខាភិបាល បាននិយាយថា ការចាក់វ៉ាក់សាំងជូនកុមារអាយុ ៣ឆ្នាំដល់ក្រោម ៥ឆ្នាំ គឺត្រូវមានបច្ចេកទេសច្បាស់ និងភាពអត់ធ្មត់ច្រើនជាងមនុស្សធំ។អ្នកគ្រូពេទ្យ ហ៊ាង មករា ប្រធានមណ្ឌលសុខភាពស្ទឹងមានជ័យ ក្នុងខណ្ឌមានជ័យ រាជធានីភ្នំពេញ នៅថ្ងៃទី២៤ ខែកុម្ភៈ នេះ បានប្រាប់BTVថា បន្ទាប់ពីចាប់ផ្តើមយុទ្ធនាការចាក់វ៉ាក់សាំង ប្រភេទស៊ីណូវ៉ាក់ ជូនកុមារអាយុ៣ឆ្នាំ ដល់ក្រោម៥ឆ្នាំ ពីថ្ងៃទី២៣ រហូតដល់ថ្ងៃនេះ អាណាព្យាលបាល បានសម្រុកនាំក្មេងៗ មកទទួលការចាក់វ៉ាក់សាំងដូសទី១ ហើយក្រុមគ្រូពេទ្យមមាញឹកច្រើនក្នុងការបំពេញការងារ ហើយការចាក់វ៉ាក់សាំងជូនក្មេងៗនេះ គឺត្រូវមានបច្ចេកទេសច្បាស់ និងភាពអត់ធ្មត់ច្រើនជាងមនុស្សធំ ដោយសារ ក្មេងៗមួយចំនួនខ្លាចម្ជុល។អាណាព្យាបាល ដែលនាំកូនមកចាក់វ៉ាក់សាំង នៅមណ្ឌលសុខភាពស្ទឹងមានជ័យ បាននិយាយថា បន្ទាប់ពីកូនៗបានចាក់វ៉ាក់សាំងរួច បានជួយបង្កើនទំនុកចិត្តជាងមុន ក្នុងរស់នៅតាមបែបគន្លងថ្មី ជាមួយជំងឺកូវីដ-១៩ ជាពិសេសបច្ចុប្បន្ន មេរោគបំប្លែងថ្មី អូមីក្រុង កំពុងរីករាលដាលក្នុងសហគមន៍។ ពួកគេ បានអរគុណរាជរដ្ឋាភិបាល ដែលបានខិតខំស្វែងរកវ៉ាក់សាំងចាក់ជូនប្រជាពលរដ្ឋរាប់ពីដូសទី១ ដល់ដូសទី៤។សម្រាប់អាណាព្យាបាល ដែលនាំកុមារទៅចាក់វ៉ាក់សាំងបង្កាជំងឺកូវីដ-១៩ នៅទីតាំងសុខាភិបាល សាធារណៈ ដែលរៀបចំដោយអាជ្ញាធរមូលដ្ឋាន ត្រូវភ្ជាប់ជាមួយនូវឯកសារដូចជា៖ សំបុត្រកំណើត សៀវភៅគ្រួសារ សៀវភៅស្នាក់នៅ ឬលិខិតឆ្លងដែន និងចំពោះកូនចៅមន្រ្តីរាជការ ថ្នាក់ជាតិវិញ ត្រូវភ្ជាប់ឯកសារ ដូចជាប័ណ្ណសម្គាល់ខ្លួនមន្រ្តីរាជការ ឬប័ណ្ណសម្គាល់មន្រ្តីជាប់កិច្ច សន្យា៕ អត្ថបទ៖ ទូច សោភ័ណ

សម្ដេចតេជោ៖ រាជរដ្ឋាភិបាលកម្ពុជាប្ដេជ្ញាបន្តយកចិត្តទុកដាក់ដោះស្រាយបញ្ហាបង្កឡើងដោយសារមីន

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានថ្លែងថា រាជរដ្ឋាភិបាលកម្ពុជា ប្ដេជ្ញាបន្តយកចិត្តទុកដាក់ដោះស្រាយបញ្ហា ដែលបង្កឡើងដោយសារមីន គ្រាប់បែកចង្កោម និងសំណល់ ជាតិផ្ទុះពីសង្គ្រាម ដើម្បីលុបបំបាត់អ្នកស្លាប់ និងពិការ ។សម្ដេចតេជោ ហ៊ុន សែន បានថ្លែងថា រាជរដ្ឋាភិបាលកម្ពុជា ប្ដេជ្ញាបន្តយកចិត្តទុកដាក់ដោះស្រាយបញ្ហា ដែលបង្កឡើងដោយសារមីន គ្រាប់បែកចង្កោម និងសំណល់ ជាតិផ្ទុះពី សង្គ្រាមដោយអនុវត្តឱ្យបានត្រឹមត្រូវតាមគោលដៅអភិវឌ្ឍន៍ប្រកបដោយចីរភាពកម្ពុជា ២០១៦-២០៣០ ផែនការយុទ្ធសាស្ត្រអភិវឌ្ឍន៍ជាតិ ២០១៩-២០២៣ យុទ្ធសាស្តចតុកោណដំណាក់កាលទី៤ ២០១៨-២០២៣ និងផែនការយុទ្ធសាស្ត្រជាតិ សកម្មភាពមីន២០១៨-២០២៥។ នេះបើយោងតាមសារលិខិត របស់សម្ដេចតេជោ ក្នុងឱកាសប្រារព្ធខួបលើកទី២៣ នៃទិវាជាតិយល់ដឹងអំពីមីន ២៤ កុម្ភៈ ឆ្នាំ២០២២។សម្ដេចតេជោ បានអំពាវនាវទៅកាន់ជនរួមជាតិ ជាពិសេសតាមរយៈក្រសួង ស្ថាប័ន អាជ្ញាធរផ្នែក ពាក់ព័ន្ធទាំងអស់ ឱ្យចូលរួមអប់រំផ្សព្វផ្សាយការយល់ដឹងអំពីគ្រោះថ្នាក់ដោយសារមីន យុទ្ធភណ្ឌមិនទាន់ផ្ទុះ និងសំណល់ជាតិផ្ទុះពីសង្គ្រាម។សម្ដេចតេជោ បានធ្វើការអំពាវនាវដល់ក្រសួង ស្ថាប័នពាក់ព័ន្ធ អាជ្ញាធរដែនដីគ្រប់លំដាប់ថ្នាក់ កង កម្លាំងប្រដាប់អាវុធគ្រប់ប្រភេទ ប្រតិបត្តិករជាតិ និងអន្តរជាតិ ត្រូវចូលរួមឱ្យបានខ្លាំងក្លាថែមទៀត ក្នុងការផ្សព្វផ្សាយការយល់ដឹងពីគ្រោះថ្នាក់ដោយសារមីន គ្រាប់បែកចង្កោម និងសំណល់ជាតិផ្ទុះពីសង្គ្រាមដល់ ប្រជាពលរដ្ឋ នៅតាមសហគមន៍ ដែលរងផលប៉ះពាល់ តាមរយៈសកម្មភាពអប់រំដោយផ្ទាល់។ អាជ្ញាធរមីន ត្រូវបន្តសម្របសម្រួលជាមួយប្រតិបត្តិករជាតិ និងអន្តរជាតិ និងភាគីពាក់ព័ន្ធ ដើម្បីកំណត់ឱ្យបានជាក់ លាក់នូវតំបន់ ឬទីតាំង ដែលរងការប្រឈមគ្រោះថ្នាក់ដោយសារមីន គ្រាប់បែក ចង្កោម និងសំណល់ជាតិ ផ្ទុះពីសង្គ្រាម ដើម្បីធ្វើការអប់រំទប់ស្កាត់គ្រោះថ្នាក់បានទាន់ពេលវេលា។ ម្ចាស់ជំនួយ និងដៃគូអភិវឌ្ឍ សូម បន្តគាំទ្រដល់សកម្មភាពបោសសម្អាតមីន គ្រាប់បែកចង្កោម និងសំណល់ជាតិផ្ទុះពីសង្គ្រាម អប់រំកាត់ បន្ថយគ្រោះថ្នាក់ និងសង្គ្រោះជនពិការដោយសារគ្រឿងផ្ទុះទាំងនេះ និងគួរបន្តស្រាវជ្រាវ វិធីសាស្ត្រកៀរគរ ធនធានប្រកបដោយនវានុវត្តន៍ ជាពិសេសជំរុញការចូលរួមពីវិស័យឯកជន ក្នុងដំណើរឆ្ពោះទៅរកការ សម្រេចបានចក្ខុវិស័យ “កម្ពុជាមួយគ្មានមីនឆ្នាំ២០២៥» ។រយៈពេល២៩ឆ្នាំកន្លងមកនេះ (១៩៩២-២០២១) ផ្ទៃដីទំហំ២៣២៥គីឡូម៉ែត្រក្រឡា ត្រូវបាន បោសសម្អាតសម្រាប់យកទៅប្រើប្រាស់ និងបង្កបង្កើនផល ដោយមានប្រជាពលរដ្ឋចំនួនជាង ៧លាននាក់ បានទទួលផល៕ អត្ថបទ៖ មុត សុទ្ធ

សម្តេចតេជោ ហ៊ុន សែន ព្រមានដល់រដ្ឋមន្រ្តីក្រសួងកសិកម្ម ទាក់ទងនឹងបញ្ហាជ្រូកឡើងថ្លៃ

ភ្នំពេញ៖ សម្តេចតេជោ ហ៊ុន សែន ព្រមាននិងប្រតិកម្មយ៉ាងខ្លាំងចំពោះរដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ត្រូវចេះធ្វើការសហការជាមួយស្ថាប័នដទៃ ជាពិសេសគឺករណីជ្រូកនេះតែម្តង ដោយនាពេលកន្លងទៅ រដ្ឋមន្រ្តីក្រសួងរូបនេះ បានធ្វើការ មិនចេះស្តាប់គេស្តាប់ឯង ដោយបណ្តោយឲ្យដំឡើងថ្លៃស្រេចតែចិត្ត ធ្វើឲ្យបងប្អូនប្រជាពលរដ្ឋមានការថ្នាំងថ្នាក់ជាដើមនោះ។ការព្រមានរបស់សម្តេចតេជោ ហ៊ុន សែន នាយករដ្ឋមន្រ្តី ធ្វើឡើងនៅក្នុងពិធីអញ្ជើញជាអធិបតីភាព ក្នុងពិធីបិទសន្និបាតត្រួតពិនិត្យលទ្ធផលការងារឆ្នាំ២០២១ និងលើកទិសដៅការងារឆ្នាំ២០២២ របស់ក្រសួងមហាផ្ទៃ នារសៀលថ្ងៃទី២៣ ខែកុម្ភៈ ឆ្នាំ២០២២នេះនៅសណ្ឋាគារសុខាភ្នំពេញ។សម្តេចតេជោ បានលើកឡើងថា តាមរយៈលិខិតឆ្លើយឆ្លងគ្នារវាងរដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ គឺឯកឧត្តម វេង សាខុន និងរដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុឯកឧត្តមឧបនាយករដ្ឋមន្រ្តី អូន ព័ន្ធមុន្នីរ័ត្ន នាពេលកន្លងទៅនោះ បានធ្វើឲ្យសម្តេចក្រៅក្រហាយខ្លាំងដោយសារតែរដ្ឋមន្រ្តីក្រសួងសិកម្ម មិនព្រមធ្វើការជាមួយគេដោយបានបណ្តោយឲ្យសាច់ជ្រូកឡើងថ្លៃស្រេចតែចិត្តរបស់ឈ្មួញ។ជាមួយគ្នានោះដែរ សម្តេចតេជោ ហ៊ុន សែន នាយករដ្ឋមន្រ្តី បានស្នើដល់រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទរូបនេះ ត្រូវបង្កើតគណៈកម្មការជាមួយក្រសួងនានា ជាបន្ទាន់ដើម្បីធ្វើការដោះស្រាយឲ្យបានសមស្របលើករណីតម្លៃជ្រូក ដែលកំពុងមានបញ្ហានាពេលបច្ចុប្បន្ននេះផងដែរ ដើម្បីធ្វើយ៉ាងណាកុំឲ្យបងប្អូនប្រជាពលរដ្ឋ មានការធុញទ្រាន់បន្តទៀតនោះ៕អត្ថបទ៖ បាន ចក់

ប្រសាសន៍សំខាន់ៗរបស់សម្តេចតេជោ នាយករដ្ឋមន្រ្តី ក្នុងពិធីបិទសន្និបាតក្រសួងមហាផ្ទៃ

ភ្នំពេញ៖ នារសៀលថ្ងៃទី២៣ ខែកុម្ភៈនេះ នៅសណ្ឋាគារសុខាភ្នំពេញ សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា អញ្ជើញជាអធិបតីភាព ក្នុងពិធីបិទសន្និបាតត្រួតពិនិត្យលទ្ធផលការងារឆ្នាំ២០២១ និងលើកទិសដៅការងារឆ្នាំ២០២២ របស់ក្រសួងមហាផ្ទៃ។ក្នុងពិធីបិទសន្និបាតសម្តេចតេជោ នាយករដ្ឋមន្រ្តី ប្រសាសន៍សំខាន់ៗដូចខាងក្រោម៖ -សម្តេចតេជោ ហ៊ុន សែម បានវាយតម្លៃខ្ពស់ចំពោះថ្នាក់ដឹកនាំក្រសួងមហាផ្ទៃ កម្លាំងនគរបាលជាតិ មន្ត្រីស៊ីវិល និងរដ្ឋបាលបាលថ្នាក់ក្រោមជាតិ ដែលបានប្រឹងប្រែងយ៉ាងខ្លាំងក្នុងពេលដែលកម្ពុជាកំពុងប្រយុទ្ធប្រឆាំងកូវីដ-១៩ ដែលផ្តល់លទ្ធភាពឲ្យរាជរដ្ឋាភិបាលបើកប្រទេសឡើងវិញ។-សម្តេចតេជោ ប្រកាសកោតសរសើរដល់នគរបាលជាតិ ក្នុងការប្រឆាំងនឹងក្រុមប្រឆាំងជ្រុលនិយម និងមជ្ឈដ្ឋានអគតិក្នុងនិងក្រៅប្រទេស បានប្រើឧបាយកល និងសកម្មភាពខុសច្បាប់ ដើម្បីប៉ុនប៉ងផ្ដួលរំលំរាជរដ្ឋាភិបាល និងរបបរាជានិយមនៅកម្ពុជា។-សម្តេចតេជោ ហ៊ុន សែន បានកោតសរសើរចំពោះកិច្ចខិតខំប្រឹងប្រែងរក្សាសន្តិសុខសណ្ដាប់ធ្នាប់សាធារណៈ និងការប្រឹងប្រែងរួមគ្នារក្សាការពារបានយ៉ាងរឹងមាំនូវសុខសន្តិភាព ស្ថិរភាពនយោបាយ ឯករាជ្យ អធិបតេយ្យជាតិ បូរណភាពទឹកដី សន្តិសុខជាតិ ដោយបញ្ចៀសបានអំពើភេវរកម្ម និងបង្ការទប់ស្កាត់បានទាន់ពេលវេលានូវឧក្រិដ្ឋកម្មឆ្លងដែនគ្រប់ប្រភេទ ធានារក្សាបានសន្តិសុខផ្ទៃក្នុងប្រទេសយ៉ាងល្អប្រសើរជាទូទៅ។-សម្តេចតេជោ ហ៊ុន សែន បានកោតសរសើរចំពោះកិច្ចខិតខំពុះពាររែកពន្ធ ការងារជាច្រើនប្រកបដោយការទទួលខុសត្រូវខ្ពស់ក្នុងការរក្សាសន្តិសុខ សណ្ដាប់ធ្នាប់សង្គម ចូលរួមអនុវត្តដោយផ្ទាល់នូវវិធានការរាជរដ្ឋាភិបាលក្នុងការប្រយុទ្ធនឹងជំងឺកូវីដ-១៩ ការជួយដោះស្រាយជីវភាពពលរដ្ឋទទួលរងផលប៉ះពាល់ដោយកូវីដ-១៩ និងគ្រោះធម្មជាតិនានា។-សម្តេចតេជោ ហ៊ុន សែន កោតសរសើរដល់ក្រសួងមហាផ្ទៃ ដែលប្រឹងប្រែងក្នុងយុទ្ធនាការប្រយុទ្ធប្រឆាំងគ្រឿងញៀនខុសច្បាប់ សកម្មភាពប្រយុទ្ធប្រឆាំងអំពើជួញដូរមនុស្ស និងផ្លូវភេទ ការប្រយុទ្ធប្រឆាំងផលិតផលក្លែងក្លាយ បទល្មើសសេដ្ឋកិច្ច និងបទល្មើសផ្សេងៗ ទោះជាកម្ពុជារងការរំខានខ្លះៗដោយជំងឺកូវីដ-១៩ក៏ដោយ។-សម្តេចតេជោ ហ៊ុន សែន ជំរុញឲ្យបង្កើនការយកចិត្តទុកដាក់ក្នុងការគ្រប់គ្រងការចេញចូលតាមបណ្ដាច្រកព្រំដែននានា ជាមួយនឹកការអនុវត្តវិធានការសុខាភិបាល ដើម្បីទប់ស្កាត់ការឆ្លងរាលដាលជំងឺនៃកូវីដ-១៩ និងការគ្រប់គ្រងវត្តមានស្នាក់នៅរបស់ជនបរទេសនៅក្នុងប្រទេសដោយយកចិត្តទុកដាក់ ការពង្រឹងសមត្ថភាពការងាររបស់មន្រ្តី ការបំពាក់មធ្យោបាយ និងប្រព័ន្ធបច្ចេកវិទ្យាព័ត៌មាន ដើម្បីលើកម្ពស់ប្រសិទ្ធភាពការងារ។-សម្តេចតេជោ ហ៊ុន សែន ជំរុញឲ្យយកចិត្តទុកដាក់បញ្ហាសន្តិសុខសណ្ដាប់ធ្នាប់ផ្ទៃក្នុងប្រទេស បញ្ហាប្រឈមដែលជាកង្វល់ក្នុងសង្គម គឺការចរាចរណ៍ ជួញដូរ និងប្រើប្រាស់គ្រឿងញៀនខុសច្បាប់ ក្នុងនោះរួមទាំងនិន្នាការនៃការលួចប្រើប្រាស់សាធាតុគីមីផ្សំដើម្បីផលិតគ្រឿងញៀនខុសច្បាប់ទ្រង់ទ្រាយធំ គ្រោះថ្នាក់ចរាចរណ៍ ការជួញដូរមនុស្ស អាជីវកម្មផ្លូវភេទ និងផលិតផលក្លែងក្លាយអន់គុណភាព។-សម្តេចតេជោ ហ៊ុន សែន បន្តជំរុញឲ្យមានការអនុវត្តកម្មវិធីកំណែទម្រង់វិមជ្ឈការ និងវិសហមជ្ឈការ ដោយត្រូវខិតខំសម្របសម្រួលជាមួយដៃគូអភិវឌ្ឍន៍ ដើម្បីសម្រេចនូវកម្មវិធីជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិរយៈពេល ១០ឆ្នាំដំណាក់កាលទីពីរ ២០២១-២០៣០។-សម្តេចតេជោ ហ៊ុន សែន ស្នើដល់អាជ្ញាធរគ្រប់រាជធានី-ខេត្តទាំងអស់ត្រូវតែងតាំងបងប្អូនខ្មែរឥស្លាមម្នាក់ជាអភិបាលរង ឬអាចធ្វើជាអភិបាលស្រុកម្នាក់ ខណៈខេត្តណា ឬស្រុកណាដែលសម្បូរបងប្អូនខ្មែរឥស្លាម ហើយស្នើឲ្យមានការរៀបចំបងប្អូនជនជាតិដើមភាគតិចធ្វើជាអភិបាលរងខេត្តម្នាក់ផងដែរ។-សម្តេចតេជោ ហ៊ុន សែន នាយករដ្ឋមន្រ្តីលើកឡើងថា គ្មានអ្នកក្រណាមានលុយទៅទិញឡានជិះនោះទេ ខណៈអ្នកមាន ឬពួកអ្នកធំមានលុយទិញឡានជិះហើយបែជាលួចពន្ធ និងមិនព្រមបង់ពន្ធចូលរដ្ឋទៅវិញ។-សម្តេចតេជោ ហ៊ុន សែន អំពាវនាវឲ្យមានស្មារតីបង់ពន្ធជូនរដ្ឋតាមច្បាប់ដែលបានកំណត់។ ទន្ទឹមនឹងនឹងនោះ កម្លាំងប្រដាប់អាវុធមានតួនាទីសំខាន់ណាស់សម្រាប់កិច្ចការមួយនេះ។ សម្តេច បញ្ជាក់ថា “បើមានលុយទិញឡានហើយ សូមទុកលុយដើម្បីបង់ពន្ធផង”។-សម្តេចតេជោ នាយករដ្ឋមន្រ្តី បានប្រកាសថា ក្រោមកណ្តាប់ដៃដឹកនាំរបស់សម្តេច គឺគ្មានគោលនយោបាយណាមួយយកពន្ធដីស្រែ ឬដីចំការពីបងប្អូងប្រជាកសិករនោះឡើយ ខណៈគោលនយោបាយបែបនេះ គឺបានចាប់ផ្តើមតាំងពីអំឡុងឆ្នាំ១៩៨០ មកម្ល៉េះ។-សម្តេចតេជោ ហ៊ុន សែន ប្រកាសថា ដរាបណាសម្តេចនៅដឹកនាំប្រទេស សម្តេចនឹងមិនយកពន្ធដីស្រែពីកសិករឡើយ ។ បើនរណាហ៊ានយក សម្តេចសូមដាក់បណ្តាសារចំពោះករណីនេះ។- សម្តេចតេជោ ហ៊ុន សែន ប្រកាសដល់ក្រសួងស្ថាប័ន ឲ្យផ្អាករាល់គម្រោងដែលមិនទាន់បានអនុម័ត និងអំពាវនាវដល់មន្ត្រីឲ្យមានការសន្សំសំចៃខ្ពស់ ព្រោះយើងត្រូវទុកថវិកាទាំងនោះ ដើម្បីចំណាយលើការទិញវ៉ាក់សាំងកូវីដ-១៩ និងយុទ្ធនាការប្រឆាំងកូវីដ-១៩ ព្រមទាំងផ្តល់ការគាំទ្រលើជីវភាពដល់ប្រជាពលរដ្ឋក្រីក្រ។-សម្តេចតេជោ ហ៊ុន សែន បញ្ជាក់ថា ចំណូលរបស់ជាតិខ្ទង់ជាង ៤០០លានដុល្លារអាមេរិកក្នុងមួយខែ គឺមិនគ្រប់លើចំណាយក្នុងបរិបថកូវីដ-១៩នោះទេ ហើយយើងក៏ពិបាកទុកថវិកាខ្លះសម្រាប់សន្សំបម្រុងទុកប្រើប្រាស់ផងដែរ។-សម្តេចតេជោ ហ៊ុន សែន អំពាវនាវដល់ក្រសួង ស្ថាប័ន សូមពិចារណាលើការចំណាយចរន្តដែលមិនចាំបាច់ និងមិនតម្រូវការ។ សម្តេចសូមអង្វរដ៏ទទូចឲ្យមើលព្រៃទាំងមូល សូមកុំមើលឈើតែមួយដើម។-សម្តេចតេជោ បានអំពាវនាវហើយអំពាវនាវទៀត អ្នកណាក៏ដោយដែលមិនទាន់ មកបង់ពន្ធរថយន្តប្រញាប់ប្រញាល់មកបង់ជាបន្ទាន់ ចាប់ពីពេលនេះតទៅ ហើយប្រសិនបើមិនព្រមបង់ទេ នឹងបញ្ជាឲ្យរឹបអូសរថយន្តនោះដល់ផ្ទះតែម្តង ខណៈបច្ចុប្បន្ននៅសល់រថយន្តប្រមាណ ៥ពាន់គ្រឿងទៀតនោះ។-សម្តេចតេជោ ហ៊ុន សែន អំពាវនាវដល់ម្ចាស់រថយន្តអត់ពន្ធទាំងឡាយ សូមមេត្តាចេញមកបង់ពន្ធឲ្យបានគ្រប់ៗគ្នា ហើយក៏គ្មានការអនុគ្រោះពន្ធ ១០ភាគរយទៀតដែរ។ សម្តេចព្រមានថា “ប្រយ័ត្នគេទៅរឹបអូសឡានដល់ក្នុងផ្ទះ និងយកកម្ទេចចោល ដូចពេលកន្លងទៅ”។- សម្តេចតេជោ ហ៊ុន សែន ប្រកាសអំពាវនាវដល់ប្រជាពលរដ្ឋឲ្យបន្តប្រុងប្រយ័ត្នខ្ពស់លើបញ្ហាកូវីដ-១៩ ទោះជាកូវីដ-១៩ បំប្លែងខ្លួនថ្មី អូមីក្រុង មិនបណ្តាលឲ្យមានបញ្ហាធ្ងន់ធ្ងរច្រើនក៏ពិតមែន តែករណីឆ្លងរីករាលប្រចាំថ្ងៃមានកម្រិតខ្ពស់ខ្លាំងណាស់។-សម្តេចតេជោ ហ៊ុន សែន ព្រមានរដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ត្រូវចេះធ្វើការសហការជាមួយស្ថាប័នដទៃ ជាពិសេសគឺករណីជ្រូកនេះតែម្តង ដោយនាពេលកន្លងទៅរដ្ឋមន្រ្តីក្រសួងរូបនេះ បានធ្វើការតែឯងមិនចេះស្តាប់គេស្តាប់ឯង ដោយបណ្តោយឲ្យដំឡើងថ្លៃស្រេចតែចិត្ត ធ្វើឲ្យបងប្អូនប្រជាពលរដ្ឋ មានការថ្នាំងថ្នាក់ជាដើមនោះ។

ក្រុមគ្រូពេទ្យក្នុងខេត្តកំពង់ធំ ចាប់ផ្តើមចាក់វ៉ាក់សាំងជូនកុមារអាយុ៣ឆ្នាំដល់ក្រោម៥ឆ្នាំ

កំពង់ធំ ៖ ក្រុមគ្រូពេទ្យខេត្តកំពង់ធំ ចាប់ផ្តើមចាក់វ៉ាក់សាំងកូវីដ-១៩ ជូនកុមារអាយុ៣ឆ្នាំ ដល់ក្រោម៥ឆ្នាំ ដូសទី១ ដែលចំនួនជិត ៣ម៉ឺននាក់ ដែលត្រូវបានបែងមណ្ឌលចាក់វ៉ាក់សាំង ចំនួន៣៩ នៅតាមក្រុងស្រុក ទាំង៩។នៅថ្ងៃទី២៣ ខែកុម្ភៈ នេះ អាជ្ញាធរខេត្តកំពង់ធំ សហការជាមួយក្រុមគ្រូពេទ្យ នៃមន្ទីរសុខាភិបាល ខេត្តកំពង់ធំ ចាប់ផ្តើមបើកឲ្យដំណើរការចាក់វ៉ាក់សាំងបង្ការជំងឺកូវីដ-១៩ ដល់កុមារអាយុ៣ឆ្នាំ ដល់ ក្រោម អាយុ៥ឆ្នាំ ដែលលោក ញ៉ឹក បានខេង អភិបាលរងខេត្តកំពង់ធំ បានលើកឡើងថា ការចាក់វ៉ាក់សាំង ដូសទី១ សម្រាប់កុមារអាយុចាប់ពី៣ឆ្នាំ ដល់ក្រោម៥ឆ្នាំ គឺជាជំហានមួយផ្សេងទៀត ដែលរាជរដ្ឋាភិបាលកម្ពុជា បង្កើនការយកទុកដាក់បន្ថែមលើសុខុមាលភាពកុមារ ក៏ដូចជាប្រជាពលរដ្ឋទូទៅ។ ការផ្តល់វ៉ាក់សាំងនេះ នៅតែធ្វើទន្ទឹមគ្នាជាមួយដូសទី១ ដូសទី២ ដូសទី៣ និងដូសទី៤ ដល់កុមារ និងប្រជាពលរដ្ឋ អាយុពី១៨ឆ្នាំឡើងផងដែរ។មាតាបិតារបស់កុមារ បានសាទរចំពោះយុទ្ធនាកាចាក់វ៉ាក់សាំង ដែលក្នុងក្រុមគ្រួសាររបស់ ពួកគេ ភាគច្រើន បានចាក់វ៉ាក់សាំងទៅតាមដូស ដែលរាជរដ្ឋាភិបាលផ្តល់ជូន ទៅតាមដំណាក់កាលរួចរាល់។ ថ្ងៃនេះដែរ ពួកគេ បាននាំកូនៗរបស់ខ្លួន ដែលមានអាយុ៣ឆ្នាំ ដល់ក្រោម៥ឆ្នាំ មកទទួលការចាក់វ៉ាក់សាំង ដើម្បីបង្កើនសុវត្ថិភាពក្នុងការរស់ននៅ។លោកវេជ្ជបណ្ឌិត ស្រី ស៊ីន ប្រធានមន្ទីរសុខាភិបាលខេត្តកំពង់ធំ បានឱ្យដឹងថា គិតត្រឹមថ្ងៃទី២២ ខែកុម្ភៈ នេះ ប្រជាពលរដ្ឋអាយុ១៨ឆ្នាំងឡើង ចាក់ដូសទី១ សរុបចំនួនជិត៤៨ម៉ឺននាក់, ចាក់ដូសទី២ សរុបចំនួនជិត៤០ម៉ឺននាក់ ចាក់ដូសទី៣ (ដូសជំរុញ) មានចំនួនសរុបជិត១៥ម៉ឺននាក់ ដូសទី៤ ចំនួន ជាង១ម៉ឺននាក់។ កុមារអាយុ១២-១៧ឆ្នាំ ចាក់ដូសទី១ សរុបជាង៩ម៉ឺននាក់, ចាក់ដូសទី២ សរុបជាង៩ម៉ឺន នាក់ ចាក់ដូសទី៣ ជាង៤ម៉ឺននាក់។ កុមារអាយុ០៦-១១ឆ្នាំ ចាក់ដូសទី១ សរុបចំនួនជិត១០ម៉ឺននាក់ ចាក់ ដូសទី២ សរុបចំនួនជាង៩ម៉ឺននាក់។ កុមារអាយុ០៥ឆ្នាំ ចាក់ដូសទី១ សរុបចំនួនជិត២ម៉ឺននាក់ និង ចាក់ ដូសទី២ សរុបចំនួនជាង៩ពាន់នាក់៕អត្ថបទ៖ លី សាងស៊ីន

បណ្ដាញសង្គម

ព័ត៌មានថ្មីៗ

កម្ពុជា ចូលរួមកិច្ចប្រជុំក្រុមប្រឹក្សាសម្របសម្រួលកម្មវិធីអង្គកា UNAIDS លើកទី៥៦ នៅ ហ្សឺណែវ

មនុស្ស ៣នាក់ស្លាប់ ក្រោយអគ្គិភ័យឆាបឆេះរោងចក្រថង់ប្លាស្ទិកនៅរដ្ឋធានីញូវដែល្លី ប្រទេសឥណ្ឌា

ប្រព័ន្ធផ្សព្វផ្សាយ៖ អឺរ៉ុបគ្រោងនឹងដាក់ពង្រាយគ្រាប់មីនរាប់លានគ្រាប់ នៅតាមបណ្តោយព្រំដែនរុស្ស៊ី

បារាំងព្រមានអ៊ីរ៉ង់ថា ទណ្ឌកម្មនៅតែអាចកើតមាន ប្រសិនបើគ្មានកិច្ចព្រមព្រៀងនុយក្លេអ៊ែរ

អ៊ីស្រាអែល បានសម្លាប់អ្នកវិទ្យាសាស្ត្រយ៉ាងតិច ១៤នាក់ ក្នុងការវាយប្រហារទៅលើទីតាំងនុយក្លេអ៊ែររបស់អ៊ីរ៉ង់

អ៊ីរ៉ាក់ និងអារ៉ាប៊ីសាអ៊ូឌីត សង្កត់ធ្ងន់ពីតម្រូវការទប់ស្កាត់កុំឲ្យមានការកើនឡើងនៃជម្លោះនិងសកម្មភាពយោធា

លោក Rutte ជឿថា ណាតូនឹងឯកភាពគ្នាលើគោលដៅចំណាយខ្ពស់ជាងមុន អំឡុងកិច្ចប្រជុំកំពូលក្រុងឡាអេ

មន្ត្រីអ៊ីស្រាអែល៖ អ៊ីរ៉ង់បានបាញ់មីស៊ីលជាង ៥០០គ្រាប់ ទៅលើអ៊ីស្រាអែល ក្នុងអំឡុងពេលភាពតានតឹង កើនឡើង

ការស្តារប្រទេសលីបង់ឡើងវិញ ស្ថិតក្នុងស្ថានភាពមិនប្រាកដប្រជា ខណៈជម្លោះរវាងអ៊ីស្រាអែលនិងអ៊ីរ៉ង់នៅបន្ត

ប្រធានាធិបតី៖ អ៊ីរ៉ង់ត្រៀមដោះស្រាយបញ្ហានានា នៅតុចរចា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សម្តេចតេជោ ហ៊ុន សែន អញ្ជើញទៅគោរពវិញ្ញាណក្ខន្ធសពនាយឧត្តមសេនីយ៍ សុខ សារឿន

កម្ពុជា-ម៉ាឡេស៊ី រីករាយនឹងកិច្ចសហការដែលមានស្រាប់ហើយប្តេជ្ញាបន្តពង្រីកលើវិស័យថ្មីៗថែមទៀត

រដ្ឋមន្ត្រីទេសចរណ៍៖ តារាហូលីវូត អេនជេលីណា មកទស្សនាកម្ពុជាបង្ហាញថា កម្ពុជាជាគោលដៅមានសុវត្ថិភាព

ពលរដ្ឋ លើកឡើងថា ឱសថស្ថានមួយចំនួនលក់ថ្នាំព្យាបាលកូវីដ លើសតម្លៃកំណត់របស់ក្រសួង

មន្រ្តីសុខាភិបាល៖ ការចាក់វ៉ាក់សាំងជូនកុមារ ត្រូវមានភាពអត់ធ្មត់ជាងមនុស្សធំ

សម្ដេចតេជោ៖ រាជរដ្ឋាភិបាលកម្ពុជាប្ដេជ្ញាបន្តយកចិត្តទុកដាក់ដោះស្រាយបញ្ហាបង្កឡើងដោយសារមីន

សម្តេចតេជោ ហ៊ុន សែន ព្រមានដល់រដ្ឋមន្រ្តីក្រសួងកសិកម្ម ទាក់ទងនឹងបញ្ហាជ្រូកឡើងថ្លៃ

ប្រសាសន៍សំខាន់ៗរបស់សម្តេចតេជោ នាយករដ្ឋមន្រ្តី ក្នុងពិធីបិទសន្និបាតក្រសួងមហាផ្ទៃ

ក្រុមគ្រូពេទ្យក្នុងខេត្តកំពង់ធំ ចាប់ផ្តើមចាក់វ៉ាក់សាំងជូនកុមារអាយុ៣ឆ្នាំដល់ក្រោម៥ឆ្នាំ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

សម្តេចតេជោ ហ៊ុន សែន អញ្ជើញ​ទៅ​គោរព​វិញ្ញាណក្ខន្ធ​សពនាយឧត្តមសេនីយ៍ សុខ​ សារឿន

កម្ពុជា-ម៉ាឡេស៊ី រីករាយ​នឹងកិច្ចសហការ​ដែល​មាន​ស្រាប់​ហើយ​ប្តេជ្ញា​បន្ត​ពង្រីក​លើ​វិស័យថ្មីៗ​ថែមទៀត

រដ្ឋមន្ត្រីទេសចរណ៍៖ តារាហូលីវូត អេនជេលីណា មកទស្សនាកម្ពុជាបង្ហាញថា​ កម្ពុជាជា​គោលដៅ​មាន​សុវត្ថិភាព

ពលរដ្ឋ លើកឡើងថា​ ឱសថស្ថានមួយចំនួនលក់ថ្នាំព្យាបាលកូវីដ លើសតម្លៃកំណត់របស់ក្រសួង

មន្រ្តីសុខាភិបាល៖ ការចាក់វ៉ាក់សាំងជូនកុមារ ត្រូវមានភាពអត់ធ្មត់ជាងមនុស្សធំ

សម្ដេចតេជោ៖ រាជរដ្ឋាភិបាលកម្ពុជា​ប្ដេជ្ញា​បន្តយកចិត្តទុកដាក់ដោះស្រាយ​បញ្ហា​បង្កឡើង​ដោយ​សារមីន

សម្តេចតេជោ ហ៊ុន សែន ព្រមានដល់រដ្ឋមន្រ្តីក្រសួងកសិកម្ម ទាក់ទងនឹងបញ្ហាជ្រូកឡើងថ្លៃ

ប្រសាសន៍សំខាន់ៗរបស់​សម្តេចតេជោ នាយករដ្ឋមន្រ្តី​ ក្នុង​ពិធី​បិទ​សន្និបាត​ក្រសួងមហាផ្ទៃ

ក្រុមគ្រូពេទ្យក្នុងខេត្តកំពង់ធំ ចាប់ផ្តើមចាក់វ៉ាក់សាំងជូនកុមារអាយុ៣ឆ្នាំដល់ក្រោម៥ឆ្នាំ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

សម្តេចតេជោ ហ៊ុន សែន អញ្ជើញទៅគោរពវិញ្ញាណក្ខន្ធសពនាយឧត្តមសេនីយ៍ សុខ សារឿន

កម្ពុជា-ម៉ាឡេស៊ី រីករាយនឹងកិច្ចសហការដែលមានស្រាប់ហើយប្តេជ្ញាបន្តពង្រីកលើវិស័យថ្មីៗថែមទៀត

រដ្ឋមន្ត្រីទេសចរណ៍៖ តារាហូលីវូត អេនជេលីណា មកទស្សនាកម្ពុជាបង្ហាញថា កម្ពុជាជាគោលដៅមានសុវត្ថិភាព

ពលរដ្ឋ លើកឡើងថា ឱសថស្ថានមួយចំនួនលក់ថ្នាំព្យាបាលកូវីដ លើសតម្លៃកំណត់របស់ក្រសួង

សម្ដេចតេជោ៖ រាជរដ្ឋាភិបាលកម្ពុជាប្ដេជ្ញាបន្តយកចិត្តទុកដាក់ដោះស្រាយបញ្ហាបង្កឡើងដោយសារមីន

ប្រសាសន៍សំខាន់ៗរបស់សម្តេចតេជោ នាយករដ្ឋមន្រ្តី ក្នុងពិធីបិទសន្និបាតក្រសួងមហាផ្ទៃ