នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមការងារបច្ចេកទេសអន្តរក្រសួងបន្តចុះកំណត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ សម្រាប់កំណាត់ទី២ ក្នុងភូមិសាស្រ្តខេត្តកំពត
សម្ដេចតេជោ ជំរុញឱ្យកម្ពុជា-កូរ៉េខាងត្បូងលើកកម្ពស់ទំនាក់ទំនងភាពជាដៃគូយុទ្ធសាស្រ្តគ្រប់ជ្រុងជ្រោយក្នុងឱកាសខួប៣០ឆ្នាំនៃទំនាក់ទំនងប្រទេសទាំងពីរ
ទូតកូរ៉េខាងត្បូងជម្រាបសម្ដេចតេជោថា ស្ពានមិត្តភាពកម្ពុជា-កូរ៉េខាងត្បូងនឹង​បើកការដ្ឋាន​សាង​សង់​នៅ​ឆ្នាំ២០២៦
គណៈកម្មការអន្តរក្រសួងចុះពិនិត្យវាយតម្លៃការងារថែទាំផ្លូវចំនួន៨ខ្សែ ក្នុងខេត្តពោធិ៍សាត់

នយោបាយ​ និង ការអភិវឌ្ឍន៍

ជនបរទេសថា ការជួយសង្គ្រោះមនុស្សលើនាវា MS Westerdam ក្លាយជាការចងចាំក្នុងចិត្តជានិច្ច

2022/02/14 12:26:01 pm        582
Facebook Telegram Linkin
ភ្នំពេញ៖ ព្រឹត្តិការណ៍ដ៏សំខាន់ក្នុងជួយសង្រ្គោះរបស់រាជរដ្ឋាភិបាលកម្ពុជា ចំពោះការអនុញ្ញាតឲ្យនាវា MS Westerdam ចូលចត ក្រោយប្រទេសជាច្រើនបដិសេធ គិតត្រឹមថ្ងៃទី១៤ ខែកុម្ភៈ ឆ្នាំ២០២២ មានរយៈពេល២ឆ្នាំកន្លងផុតក៏ពិតមែន ក៏មានជនបរទេស បានលើកឡើងថា ការជួយសង្គ្រោះមនុស្សលើនាវានេះ ជាទ្វើមនុស្សធម៌ និងក្លាយជាការចងចាំក្នុងចិត្តរបស់អ្នកទេសចរណ៍ជានិច្ច។ស្របពេលថ្ងៃនេះ ជាខួបពីរឆ្នាំនៃព្រឹត្តិការណ៍នាវាខ្នាតយក្សMS Westerdam ត្រូវបានសម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា អនុញ្ញាតឲ្យនាវាទេសចរណ៍ខ្នាតយក្សរបស់អាមេរិក ចូលសំចតនៅកំពង់ផែសមុទ្រប្រទេសកម្ពុជា បន្ទាប់ពីនាវានេះ មានអ្នកទេសចរណ៍ជាងពីរពាន់នាក់ ដែលមកពីចម្រុះជាតិសាសន៍ត្រូវបានបណ្តាប្រទេសនៅក្នុងតំបន់ ក៏ដូចជាពិភពលោក បានបដិសេធ​មិនឲ្យចូលសំចត ​ដោយសារតែមានភាពភ័យខ្លាចមេរោគកូវីដ១៩នោះ មានជនបរទេសដែលមកកម្សាន្តនៅកម្ពុជា ​បានលើកឡើងចំពោះទង្វើដែល​គិតគូរ និង​ខ្វល់ខ្វាយ​ចំពោះ​អ្នកទេសចរណ៍លើនាវាខ្នាតយក្ស គឺជា​គំរូ​ឆ្លុះបញ្ចាំង​អំពីការជួយគ្នាទៅវិញទៅ​មក​របស់កម្ពុជា​ ចំ​ពោះជាតិសាសន៍ដ៏ទៃទោះក្នុងស្ថានភាពរាតត្បាតជាសកលនៃជំងឺកូវីដ១៩។ពួកគេ បានលើកឡើងថា ប្រសិនមិនមានការជួយជ្រោមជ្រែងពីរាជរដ្ឋាភិបាលកម្ពុជាទេ គឺ​អ្នកទេសចរណ៍ទាំងនោះមិនអាចមានលទ្ធភាពត្រឡប់ទៅកាន់ស្រុកកំណើតរបស់ខ្លួនឡើយ។ ពួកគេ បន្តថា ការ​សម្រេចចិត្តដ៏ត្រឹមត្រូវរបស់រាជរដ្ឋាភិបាល​ចំពោះនាវាខ្នាត​យក្សនេះ​នឹង​ក្លាយ​ជាការចងចាំចំពោះអ្នកទេសចរណ៍ជានិច្ច។គួរបញ្ជាក់ថា​ តាមរយៈកាយវិការរបស់រាជរដ្ឋាភិបាលកម្ពុជា បាន​បង្ហាញ​ពី​សមានចិត្តដ៏ជ្រាលជ្រៅ​បំផុត​លើផ្នែកការ​ងារមនុស្សធម៌របស់ប្រមុខរាជរដ្ឋាភិបាលកម្ពុជា​ ជាពិសេស​ សម្តេចតេជោ ហ៊ុន សែន​ ដែលកាយវិការនេះ​បានបង្ហាញផងដែរថា ទោះបី​ក្នុង​កាលៈទេសៈណាក៏ដោយរាជរដ្ឋាភិបាល​កម្ពុជា ដែលដឹកនាំ​ដោយសម្តេចតេជោ មាន​ស្មារតីខ្ពស់​បំផុត​ក្នុងការចូលរួមដោះស្រាយ​បញ្ហា​របស់​ពិភពលោក និងគ្មានការរើសអើងពូជសាសន៍ ​និងជាតិសាសន៍ដទៃនោះឡើយ។ ក្នុងនោះ ការអនុញ្ញាតឲ្យនាវាទេសចរណ៍ខ្នាតយក្សនេះ​ចូលចតនៅកម្ពុជា ក៏មានអតីត​ប្រធានាធិបតីអាមេរិក​ លោក ដូណាល់ ត្រាំ, ប្រធានអង្គការសុខភាពពិភពលោក លោក អាដាណម ហ្គែប្រេយេសឹស, អគ្គលេខាធិការនៃអង្គការទេសចរណ៍ពិភពលោក​ (UNWTO) លោក ហ៊្សូរ៉ាប់ ប៉ូឡូលីកាស់វីលី, និងអង្គទូតនានា​ប្រចាំនៅកម្ពុជា​សុទ្ធតែបានថ្លែងអំណរគុណដល់សម្តេចតេជោ ហ៊ុន សែន ​និងប្រកាសចងចាំ​ចំពោះកាយវិការ ប្រកបដោយមនុស្សធម៌មួយ​នេះ​យ៉ាង​ជ្រាលជ្រៅ​ផងដែរ៕ អត្ថបទ៖ សេក ឧត្តម

ពលរដ្ឋបន្តមកតេស្តPCR រកកូវីដ១៩ មានកំណើនកើនឡើង ខណៈព្រួយបារម្ភពីការឆ្លងអូមីក្រុង

2022/02/14 12:14:33 pm        372
Facebook Telegram Linkin
ភ្នំពេញ៖ បច្ចុប្បន្នចំនួនប្រជាពលរដ្ឋដែលមានបញ្ហាសុខភាព ទៅធ្វើតេស្ត PCR នៅរាជធានីភ្នំពេញកំពុងមានការកើនឡើង។ ជាក់ស្ដែងសម្រាប់មន្ទីរពេទ្យមិត្តភាពខ្មែរ-សូវៀត គឺមានចំនួនប្រជាពលរដ្ឋទៅធ្វើតេស្តរហូតដល់ក្នុងរង្វង់ ៣០០នាក់ក្នុងមួយថ្ងៃ។ ការកើនឡើងនេះ គឺចាប់ផ្ដើមតាំងពីខែដើមខែកុម្ភៈមកម្ល៉េះ។សម្រាប់មន្ទីរពេទ្យមិត្តភាពខ្មែរ-សូវៀត គឺមានប្រជាពលរដ្ឋទៅធ្វើតេស្តរហូតដល់ប្រមាណ ៣០០នាក់ក្នុងមួយថ្ងៃចាប់តាំងពីដើមខែកុម្ភៈមក ដោយកន្លងទៅចំនួនប្រជាពលរដ្ឋទៅធ្វើតេស្ត​ច្រើន​បំផុតត្រឹម ៥០នាក់ ក្នុងមួយថ្ងៃប៉ុណ្ណោះ។ ចំនួននេះអាចលើសពី ៣០០នាក់ទៅទៀត បើសិន​ជា​មន្ទីរពេទ្យពុំមានកំណត់ចំនួនមនុស្ស។ នេះជាការលើកឡើងរប់សវេជ្ជបណ្ឌិត ឆន សុធារី អនុប្រធាន​មណ្ឌលកូវីដ-១៩ នៃមន្ទីរពេទ្យមិត្តភាពខ្មែរ-សូវៀត។ សម្រាប់ភូមិសាស្រ្តរាជធានីភ្នំពេញ គឺអនុញ្ញាត​ឱ្យប្រជាពលរដ្ឋអាចទៅធ្វើតេស្ត PCR ដោយ​មិនគិត​ថ្លៃនៅទីតាំងចំនួន ៣ គឺនៅទីតាំង កោះពេជ្រ វិហារយេស៊ូគ្រឹះស្ទឹងមានជ័យ និង​ក្នុងមនី្ទរពេទ្យ​មិត្តភាព​ខ្មែរ-សូវៀត។ ចំណែកឯកទីតាំងព្យាបាលជំងឺកូវីដ-១៩ គឺមានចំនួន ២ទីតាំង គឺមនី្ទរពេទ្យ​មិត្តភាពខ្មែរ-សូវៀត និងមណ្ឌលព្យាបាលជំងឺកូវីដ-១៩ ស្តាតអូឡាំពិក។ នេះបើផ្អែកលើការបញ្ជាក់របស់លោក ​វេជ្ជបណ្ឌិត ងី មានហេង ជាមួយក្រុមការងារ BTV កាលពីសប្ដាហ៍មុន។ក្នុងពេលបច្ចុប្បន្ននេះ ការឆ្លងកូវីដ-១៩ ជាពិសេសវីរុសបំប្លែងថ្មី អូមីក្រុង នៅកម្ពុជា ក៏កើនឡើងជា​បន្តបន្ទាប់ផងដែរ។ ជាក់ស្ដែងសម្រាប់ថ្ងៃទី ១១ កុម្ភៈ ក្រសួងសុខាភិបាល ប្រកាស​ករណីវិជ្ជមាន ៣០០ករណី និងថ្ងៃទី ១២ ​កុម្ភៈមានការរកចំនួន ៤០១ករណី ជាប្រភេទអូមីក្រុងទាំងអស់។ជាវិធានការបន្ទាន់រាជធានីភ្នំពេញ​ ក៏បានចេញសេចក្ដីណែនាំជាបន្តបន្ទាប់ ដោយបញ្ជាក់ពីការផាក​ពិន័យ តាមមាត្រា២ នៃប្រកាសអន្តរក្រសួង ចុះថ្ងៃទី ១៩ ខែមីនា ឆ្នាំ២០២១របស់ក្រសួងសេដ្ឋកិច្ច និង​ក្រសួងសុខាភិបាល ​ស្ដីពីការពិន័យជាប្រាក់ចំពោះបុគ្គល ឬនីតិបុគ្គលដែលប្រព្រឹត្តិអំពើ​ល្មើស​នឹងវិធានការសុខាភិបាល ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវ​និងប្រកប​ដោយគ្រោះថ្នាក់ធ្ងន់ធ្ងរផ្សេងទៀត។ លើសពីនេះ គឺការដាក់ពន្ធនាគារ ស្របតាមមាត្រា ១០មាត្រា ១១ នៃច្បាប់ស្ដីពីវិធាន​ការទប់ស្កាត់​ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់​ធ្ងន់ធ្ងរ​ផ្សេង​ទៀត។ រដ្ឋបាលរាជធានីភ្នំពេញ​ ក៏បានចេញសេចក្ដីណែនាំបន្ថែម ដោយ​មាន​ចំណុច​មួយបញ្ជាក់​ការ​កំណត់​ចំនួនមនុស្សនៅតាមទីតាំងប្រមូលផ្ដុំ ដូចជាពិធីមង្គលការ ​ភោជនីយដ្ឋាន​ ពិធីបុណ្យទាន ដោយត្រូវ​កំណត់ចំនួនមនុស្សមិនឱ្យលើស ៧នាក់ក្នុង ១ តុនោះទ្បើយ៕ អត្ថបទ៖ គឹមហុក

មនុស្សវ័យចាស់សម្រុកទៅចាក់វ៉ាក់សាំងដូសទី៤ ខណៈអូមីក្រុងកំពុងរីករាលដាលក្នុងសហគមន៍

2022/02/14 11:39:12 am        202
Facebook Telegram Linkin
ភ្នំពេញ៖ ខណៈមេរោគបំប្លែងអូមីក្រុង កំពុងរីករាលដាលក្នុងសហគមន៍ ពលរដ្ឋរស់នៅក្នុងរាជធានីភ្នំពេញ ដែលមានអាយុពី៦០ឆ្នាំឡើងទៅ នៅថ្ងៃនេះ សម្រុកទៅចាក់វ៉ាក់សាំងដូសទី៤ ដើម្បីទប់ទល់នឹងការវាយ លុកពីជំងឺកូវីដ-១៩។ពលរដ្ឋអាយុពី៦០ឆ្នាំឡើងមកទទួលការចាក់វ៉ាក់សាំងកូវីដ នៅមន្ទីរពេទ្យបង្អែកច្បារអំពៅ រាជធានីភ្នំពេញ នៅថ្ងៃទី១៤ ខែកុម្ភៈនេះ បានប្រាប់BTVឱ្យដឹងថា បន្ទាប់ពីចាក់វ៉ាក់សាំងដូសទី៤រួច គឺបានរួមចំណែកកាត់បន្ថយការភ័យខ្លាចឆ្លងជំងឺកូវីដ-១៩ ជាពិសេសមេរោគបំប្លែងថ្មី អូមីក្រុង ដែលកំពុងរីករាលដាលក្នុងសហគមន៍។ បើទោះបីភាគច្រើនពួកគាត់នៅផ្ទះក្តី តែការចាក់វ៉ាក់សាំងកូវីដ-១៩ មានសារសំខាន់ណាស់ ដោយពួគេ បានបញ្ជាក់ថា ជំងឺកូវីដ-១៩ ប្រៀបដូចជាស្រមោលអន្ទោលតាមប្រាណ មានតែវ៉ាក់ សាំង និងវិធានការសុខាភិបាល ៣កុំ ៣ការពារ ទើបអាចទប់ទល់បាន។បច្ចុប្បន្នយុទ្ធនាការចាក់វ៉ាក់សាំងកូវីដ-១៩ ប្រភេទPfizer ដូសទី៤ ជូនក្រុមអាទិភាព និងពលរដ្ឋ អាយុ១៨ឆ្នាំឡើង គឺអនុវត្តនៅតែរាជធានីភ្នំពេញប៉ុណ្ណោះ ព្រោះវ៉ាក់សាំងនេះ ត្រូវផ្ទុកក្នុង​សីតុណ្ហភាពត្រជាក់ដក៨០អង្សាសេ។ សម្រាប់បណ្តារាជធានី-ខេត្តផ្សេងទៀត ​នឹងចាប់ផ្តើមអនុវត្តនៅពេលខាងមុខ បន្ទាប់ពីកម្ពុជា​ទទួល​បាន​ប្រព័ន្ធ​ត្រជាក់​ពីអង្គការUnicef ជាផ្គត់ផ្គង់។រាជរដ្ឋាភិបាលកម្ពុជា បានចាត់ទុកការចាក់វ៉ាក់សាំងកូវីដ-១៩ ​គឺជាមធ្យោបាយមួយ ក្នុងចំណោម វិធានការ​សុខាភិបាលចាំបាច់ដទៃទៀត ​ដែលនឹងបង្ការការរាតត្បាត ​ការចម្លងជំងឺកូវីដ-១៩ និង​កាត់បន្ថយ ​ផលប៉ះពាល់នៃជំងឺកូវីដ-១៩ ​ទៅលើវិស័យសេដ្ឋកិច្ច និងសង្គម។ បច្ចុប្បន្នកម្ពុជា រកវ៉ាក់សាំងកូវីដ-១៩ បានជាង៤៣លានដូស រាប់​បញ្ចូល​ទាំង​ការ​បញ្ជាទិញពី​ប្រទេសចិន​ ជំនួយតាមយន្តការកូវ៉ាក់ ​និងបណ្តាប្រទេសផ្សេងៗមួយចំនួនទៀត៕អត្ថបទ៖ ទូច សោភ័ណ

ពលរដ្ឋ​មាន​មោទនភាព​សម្តេចតេជោ ទទួលពានសន្តិភាពស៊ុនហាក់ ជានិមិត្តរូប​សន្តិភាព​សម្រាប់​ពិភពលោក

2022/02/14 11:19:46 am        240
Facebook Telegram Linkin
ភ្នំពេញ៖ ប្រជាពលរដ្ឋ បានបង្ហាញពីទឹកចិត្តរំភើបសប្បាយរីករាយ និងមានមោទនភាពចំពោះសម្តេចតេជោ ដែលទទួលបានពានរង្វាន់សន្តិភាពស៊ុនហាក់ ឆ្នាំ២០២២ ដែលជាពានអន្តរជាតិ សម្រាប់បុគ្គលបានលះបង់ ដើម្បីបុព្វហេតុសន្តិភាព និងបំផុសគំនិតមនុស្សជាតិស្វែងរកសន្តិភាពពិភពលោក។ពលរដ្ឋបានថ្លែងប្រាប់ BTV ថា នៅថ្ងៃទី១៤ ខែកុម្ភៈ យើងទាំងអស់គ្នាពិតជាមានការគាំទ្រ និង​មាន​ការគោ​រព​ស្រឡាញ់​សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជាខ្លាំងណាស់ ខណៈ​សម្តេចតេជោ ត្រូវបានមេដឹកនាំ អតីតមេដឹកនាំប្រទេស ក៏ដូចបណ្តាប្រជាជនបណ្តា​ប្រទេស​លើពិភពលោក ​បាន​ផ្តល់កិត្តិយសយកសម្តេច ធ្វើជា​និមិត្តរូប​នៃសន្តិភាពសម្រាប់​ពិភព​លោក​ទាំងមូល ហើយ​ស័ក្ដិសម​ទទួលពានរង្វាន់សន្តិភាពស៊ុនហាក់ឆ្នាំ២០២២នេះ។សូមបញ្ជាក់ថា នៅក្នុងដំណើរចូលរួមបំពេញទស្សនកិច្ចផ្លូវការរបស់សម្តេចតេជោ ​ហ៊ុន សែន នាយករដ្ឋមន្ត្រីកម្ពុជា ទៅកាន់នៅទីក្រុងសេអ៊ូល ​សាធារណៈកូរ៉េចាប់​ពីថ្ងៃទី១​០ដល់ថ្ងៃទី១៣ ខែកុម្ភៈឆ្នាំ២០២២ ដើម្បីធ្វើ​ជា​សហប្រធាននៃកិច្ចប្រជុំកំពូល​ពិភពលោក​ឆ្នាំ២០២២​ ដែល​ផ្តោត​ពី​សន្តិភាពនៅឧបទ្វីបកូរ៉េ ​ជាមួយឯកឧត្តម ​បាន គីមូន ​អតីតអគ្គលេខាធិការ​អង្គការ​សហប្រជាជាតិ នោះ គឺ​មាន​មេដឹកនាំ ​អតីតមេដឹកនាំប្រទេស ​និងអ្នកជំនាញ​មកពីបណ្តាប្រទេស ចំនួន​ប្រមាណ១០០ប្រទេស អញ្ជើញចូលរួមផងដែរ៕ អត្ថបទ៖ ស៊ុម សុខជា

អតីតសកម្មជនគណបក្សដទៃ សម្រេចចូលរួមជីវភាពនយោបាយជាមួយគណបក្សប្រជាជន ក្នុងស្រុកឱរ៉ាល់

2022/02/14 10:42:47 am        167
Facebook Telegram Linkin
កំពង់ស្ពឺ៖ អតីតសកម្មជនគណបក្សនយោបាយនានាជាង១០០នាក់ នៅឃុំតាសាល ស្រុកឱរ៉ាល់ ខេត្តកំពង់ស្ពឺ បានសម្រេចចូលរួមជីវភាពនយោបាយជាមួយគណបក្សប្រជាជនកម្ពុជា បន្ទាប់ពីពួកគេទាំងនោះ អស់ជំនឿចំពោះមេដឹកនាំគណបក្សរបស់ខ្លួនពូកែតែនិយាយ និងសន្យាតែមិនពូកែធ្វើ ខណៈបក្សប្រជាជនកម្ពុជា បានសន្យាហើយធ្វើ និងអភិវឌ្ឍន៍ពិតនៅក្នុងភូមិ ឃុំរបស់ពួកគេជាបន្តបន្ទាប់។នៅក្នុងពិធីប្រកាស​បញ្ចូល​សមាជិកថ្មី របស់គណបក្សប្រជាជនកម្ពុជាចំនួន១១៨នាក់ នាថ្ងៃទី១៣ ខែកុម្ភៈ ម្សិលមិញនេះ ឯកឧត្តម យឿន យឿត អនុប្រធានក្រុមការងារចុះជួយស្រុកឱរ៉ាល់ និងជាប្រធានក្រុមការងារចុះជួយឃុំតាសាល បានថ្លែថា បងប្អូនដែលជាអតីត​សកម្មជន​របស់​គណបក្សសង្រ្គោះជាតិ គណបក្សសម្ព័ន្ធដើម្បីប្រជាធិបតេយ្យ (LDP) គណបក្សហ៊្វុនស៊ិនប៉ិច និង​គណបក្សមួយចំនួនទៀត ​បានសម្រេចចូលជាសមាជិកគណបក្សប្រជាជនកម្ពុជា បន្ទាប់ពីពួកគេ​មើលឃើញ​ពីភាពដឹកនាំពិតប្រាកដរបស់គណបក្សប្រជាជន។ឯកឧត្តម បានបន្តទៀតថា ក្នុងរយៈពេលប៉ុន្មានឆ្នាំចុងក្រោយនេះ នៅក្នុងស្រុកឱរ៉ាល់ខេត្តកំពង់ស្ពឺ មានមន្រ្តី និងសកម្មជនគណបក្សដទៃទៀត បានសម្រេចចូលរួមជីវភាពនយោបាយជាមួយ គណបក្ស​ប្រជាជនកម្ពុជា​ជាបន្តបន្ទាប់ ​ជាក់ស្តែងដូចថ្ងៃនេះជាដើម ពួកគេបានមកដោយស្រេច​តែចិត្ត​ដោយ​គ្មាន​ការ​បង្ខិតបង្ខំ​នោះឡើយ ​ដោយសារតែពួកគាត់បានឃើញការសន្យាពិត និយាយពិត និងធ្វើពិត ជាពិសេសថ្នាក់ដឹកនាំគ្រប់លំដាប់ថ្នាក់ បានរស់នៅជាមួយប្រជាជនជានិច្ច ខណៈប្រទេសជាតិមានទុក្ខលំបាកដូចករណីជួបប្រទះ និងបញ្ហាកូវីដ១៩ ជាដើមនោះ។ឯកឧត្តម យឿន យឿត បានលើកឡើងថា ​តាមរយៈ​សមិទ្ធផល​ដែល​គណបក្សបន្សល់​ទុក​រយៈពេល ៤៣ ឆ្នាំកន្លងមកនេះ ​គឺផ្ដើមពីជ័យជម្នះ៧មករា ដែលគណបក្សប្រជាជនកម្ពុជា​ បាន​សម្រេចនូវ​ការផ្លាស់ប្តូរសង្គមយ៉ាងធំធេង ​ដោយពុំអាចនឹកស្មានដល់។ ឯកឧត្តម បានបន្តថា កម្ពុជាបានប្រែក្លាយពីវាលពិឃាតនៃរបបប្រល័យពូជសាសន៍ ពី​សមរភូមិ​នៃសង្គ្រាមដ៏​រ៉ាំរ៉ៃ​ ពីការ​បែកបាក់ជាតិ​ និងការបែងចែកទឹកដី ​ពីគំនរផេះផង់ ទៅជាទឹកដីដែល​មាន​សន្តិភាព ឯកភាព ស្ថិរភាព សេរីភាព ប្រជាធិបតេយ្យ នីតិរដ្ឋ និងអភិវឌ្ឍន៍លើគ្រប់វិស័យ ដែលធ្វើ​ឱ្យប្រជាជនគ្រប់រូបបានរស់នៅយ៉ាង​សុខដុមរមនា​ ក្រោម​ដំបូល​នៃ​រដ្ឋធម្មនុញ្ញតែ​មួយ និ​ង​ម្លប់​ដ៏​ត្រជាក់​នៃអង្គព្រះមហាក្សត្រ។ឯកឧត្តម បានបញ្ជាក់ថា ការ​បញ្ចូល​សមាជិកថ្មីនេះ ​ដើម្បី​ព​ង្រឹង និងបង្កើន​ការ​ត្រៀម​លក្ខណៈ​សម្រាប់​ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ​នៅថ្ងៃទី៥ ខែមិថុនា ឆ្នាំ២០២២ ខាងមុខ៕អត្ថបទ៖ បាន ចក់

សម្ដេចតេជោ និងសហប្រធាននៃកិច្ចប្រជុំកំពូលសន្តិភាពពិភពលោកឆ្នាំ២០២២ អញ្ជើញចុះហត្ថលេខាលើសេចក្តីប្រកាសនៃមហាសន្និបាត

2022/02/13 02:24:17 pm        527
Facebook Telegram Linkin
ភ្នំពេញ៖ នៅព្រឹកថ្ងៃទី១៣ ខែកុម្ភៈ នេះ បន្ទាប់ពីពិធីបើកសន្និបាតនៃក្រុមប្រឹក្សា កិច្ចប្រជុំកំពូលពិភពលោកដើម្បីសន្តិភាពនៃសម័យកិច្ចប្រជុំពិភពលោកឆ្នាំ២០២២ ស្ដីអំពីសន្តិភាព នៅឧបទ្វីបកូរ៉េរួចហើយនោះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃកម្ពុជា រួមជាមួយនឹងសហប្រធាននៃកិច្ចប្រជុំកំពូលសន្តិភាពពិភពលោក និងបណ្ដាមេដឹកនាំជាច្រើនទៀត បានចុះហត្ថលេខាលើសេចក្តីប្រកាសស្ដីពីលទ្ធផល នៃមហាសន្និបាតសកល នៃក្រុមប្រឹក្សាកិច្ចប្រជុំកំពូលពិភពលោក ដើម្បីសន្តិភាព (ISCP) និងមហាសន្និបាត នៃក្តីសង្ឃឹមមួយលាននាក់ នៃសន្តិភាពនៅ ឧបទ្វីបកូរ៉េ។ក្នុងនោះ ប្រមុខរដ្ឋ ប្រមុខ​រដ្ឋាភិបាលពេល​បច្ចុប្បន្ន និងអតីតប្រមុខរដ្ឋ រដ្ឋាភិបាលសមាជិកសភា អ្នកតំណាងជាន់ខ្ពស់ មេដឹកនាំសាសនា អ្នកសិក្សា អ្នកដឹកនាំធុរកិច្ច​ និងសារព័ត៌មាន ស្ត្រីទីមួយ ថ្នាក់ដឹកនាំស្ត្រី និងសិល្បករ ដែលបានចូលរួមក្នុងកិច្ចប្រជុំកំពូលពិភពលោកឆ្នាំ ២០២២នេះ បានសម្រេចធ្វើការរួមគ្នាដើម្បី៖ ១/ជំរុញប្រទេសកូរ៉េទាំង២ និងសហគមន៍អន្តរជាតិឲ្យស្វែងរកយន្តការ ការទូតទ្វេភាគី និងពហុភាគី ដើម្បីជៀសវាងជម្លោះយោធា ពង្រឹង ស្ថិរភាព និងភាពអាចព្យាករណ៍បាន ព្រមទាំងបង្កើន​ការ​យល់​គ្នា​ទៅវិញទៅមក និងការទុកចិត្តគ្នាទៅវិញទៅមក ដើម្បីកសាងឲ្យបានសម្រេចនូវសន្តិភាព​នៅឧបទ្វីបកូរ៉េ ដោយគ្មាននុយក្លេអ៊ែ ​និងសន្តិភាពពេញលេញ។២/អំពាវនាវឲ្យភាគីពាក់ព័ន្ធបន្តជជែកពិភាក្សាគ្នា ក្នុងន័យស្ថាបនាដោយគោរពគ្នាទៅវិញទៅមក និងទទួលស្គាល់ផលប្រយោជន៍ផ្នែកសន្តិសុខ ​និងកង្វល់របស់គ្នាទៅវិញទៅមក ដោយផ្អែកលើ​បេតិកភណ្ឌវប្បធម៌​រួមរបស់កូរ៉េទាំងពីរ។៣/លើកកម្ពស់វិធានការកសាងទំនុកចិត្ត កម្មវិធីកសាងទំនុកចិត្តនិងការការពារការទូតដែលពាក់ព័ន្ធ​នឹង​ភាគីពាក់ព័ន្ធសំខាន់ៗ ដែលកំពុងធ្វើការលើបញ្ហាឧបទ្វីបកូរ៉េ។៤/អំពាវនាវឲ្យភាគីពាក់ព័ន្ធទាំងអស់បញ្ចប់ជាផ្លូវការនូវផ្នត់គំនិតសង្គ្រាម និងការធ្វើការរួមគ្នា​ ដើម្បីគាំទ្រ​ការអំពាវនាវរបស់ប្រធានាធិបតី មូន ចេអ៊ីន​ ដើម្បីបញ្ចប់សង្រ្គាមកូរ៉េ សំដៅបើកទំព័រថ្មី​សម្រាប់វប្បធម៌សន្តិភាព និងគ្មានអំពើហិង្សា។៥/លើកសំណើ និងវេទិកាសម្រាប់ការ​សន្ទនា​ និងការពិគ្រោះយោបល់បែបស្ថាបនា ដោយផ្អែក​លើ​ស្មារតីនៃមិត្តភាព ​និងភាតរភាព​ ដែលបម្រើឲ្យផលប្រយោជន៍របស់ប្រជាជនកូរ៉េ និង​កសាងមាគ៌ា​ឆ្ពោះទៅរកសន្ធិសញ្ញាសន្តិភាពនៅឧបទ្វីបកូរ៉េ។៦/រិះរកមធ្យោបាយដើម្បីប្រែក្លាយតំបន់គ្មានយោធា(DMZ)ទៅជាឧទ្យានសន្តិភាព តាមរយៈការដាក់​ពង្រាយអ្នកយាមដែលមិនមែនជាកងទ័ព​ និងការអភិវឌ្ឍរបៀងវប្បធម៌ ​និងគម្រោងទេសចរណ៍រួមគ្នា ដើម្បីលើកកម្ពស់វិបុលភាពរួមនៅកូរ៉េទាំងពីរ។៧/លើកទឹកចិត្តភាគីពាក់ព័ន្ធឲ្យបង្កើតគម្រោងសហប្រតិបត្តិការក្នុងវិស័យទេសចរណ៍​ កីឡាវប្បធម៌ និងការអប់រំ នៅកូរ៉េខាងជើង ​និងបណ្ដាលប្រទេសផ្សេងទៀត។៨/បង្កើតកិច្ចសហប្រតិបត្តិការពហុវិស័យ ​ដើម្បីជំរុញកិច្ចសហប្រតិបត្តិការសន្តិសុខស្បៀង និង​សុខភាពសាធារណៈ ជាពិសេសរវាងឧបទ្វីបកូរ៉េ ​និងតំបន់ទន្លេមេគង្គ និងបណ្ដាលប្រទេសផ្សេង​ទៀត​តាមរយៈគម្រោងឧទ្យានសន្តិភាពមេគង្គ។៩/ធ្វើកិច្ចការឆ្ពោះទៅរកភាពប្រក្រតី នៃទំនាក់ទំនងរវាងកូរ៉េទាំងពីរ ដើម្បីអនុញ្ញាតឲ្យប្រជាជនទទួល​បាន​ផលប្រយោជន៍ជាអតិបរមា ​ពីសក្តានុពលមិនអាចកាត់ថ្លៃបានដែលរដ្ឋទាំងពីរត្រូវផ្ដល់ជូន ជាពិសេសក្នុងវិស័យនយោបាយ សេដ្ឋកិច្ច វប្បធម៌មនុស្សធម៌ ​ការថែទាំសុខភាព អប់រំ​សង្គម(យុវជន និងកីឡា) និងវិស័យហេដ្ឋារចនាសម្ព័ន្ធ។១០/ពង្រឹងកិច្ចសន្ទនា និងកិច្ចសហប្រតិបត្តិការពហុភាគី ​លើការតភ្ជាប់វប្បធម៌ និងឧស្សាហកម្ម​ឌីជីថល និងនាវានុវត្តន៍ ដើម្បីប្រើប្រាស់តួនាទីសំខាន់របស់សហគមន៍អន្តរជាតិ​ក្នុងការលើក​កម្ពស់​សន្តិភាពស្ថេរភាព ​និងវិបុលភាពនៅឧបទ្វីបកូរ៉េ។១១/លើកទឹកចិត្តឲ្យសហគមន៍អន្តរជាតិគាំទ្រគោលការណ៍មិនអត់អោនដាច់ខាតចំពោះសង្គ្រាមការធានាសន្តិសុខទៅវិញទៅមកនិងវិបុលភាពរួម និងធ្វើឲ្យកិច្ចខិតខំប្រឹងប្រែងបន្តឆ្ពោះទៅរកដំណោះ​ស្រាយសន្តិភាព​ និងវប្បធម៌ថ្មី ​នៃការផ្សះផ្សានៅឧបទ្វីបកូរ៉េ៕

ស្ពានបេតុងឆ្លងស្ទឹងសែនប្រវែង១៨០ម៉ែត្រ តភ្ជាប់ស្រុកសន្ទុក និងស្រុកកំពង់ស្វាយ នឹងសាងសង់រួចស្ថាពរនៅចុងឆ្នាំ២០២៣

2022/02/13 02:07:31 pm        927
Facebook Telegram Linkin
កំពង់ធំ៖ នៅព្រឹកថ្ងៃទី១៣ ខែកុម្ភៈ ឆ្នាំ២០២២ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច អញ្ជើញបើកការដ្ឋានសាងសង់ស្ពានសម្តេចជោតេ ស្ថិតនៅភូមិកាល់មេឃ ឃុំត្បូងក្រពើ ស្រុកសន្ទុក។ ក្នុងឱកាសនេះដែរ លោកជំទាវកិត្តិសង្គហបណ្ឌិត លើកឡើងថា ស្ពាននេះគឺជាការឆ្លើយតបតាម​សំណូមពររបស់ប្រជាពលរដ្ឋ ដែលបានស្នើសុំសម្តេចតេជោ នាយករដ្ឋមន្ត្រី ក្នុងអំឡុងពេលដែល សម្តេចបានអញ្ជើញជាអធិបតីក្នុងពិធីសម្ពោធដាក់ឲ្យប្រើប្រាស់ជាផ្លូវការនូវ មជ្ឈមណ្ឌល សាសនា វប្បធម៌ ទេសចរណ៍ សំពៅត្រៃលោក សំពៅត្រៃលក្ខណ៍កាលពីឆ្នាំ២០១៣។ដើម្បីឆ្លើយតបសំណូមពររបស់ប្រជាពលរដ្ឋ សម្តេចតេជោ បានប្រគល់ជូន លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនង​ជាមួយរដ្ឋសភា ព្រឹទ្ធសភា និងអធិការកិច្ច និងលោកជំទាវឧកញ៉ា អ៊ឹង ស៊ីស៊្រុន ព្រមទាំង ឯកឧត្តម លោកជំទាវ ឧកញ៉ា លោក លោកស្រី សប្បុរសជននានា ដើម្បីជាជំហរក្នុងការ សាងសង់​ស្ពាននេះឡើងជូនប្រជាពលរដ្ឋបានប្រើប្រាស់តាមតម្រូវការ។ លោកជំទាវ បន្តថា ស្ពាននេះមានប្រវែង ១៨០ម៉ែត្រ ទទឹង ៨,៨ម៉ែត្រ កំពស់កណ្ដាលស្ពានដល់​ធ្នឹម​បណ្តោយ ១២២ម៉ែត្រ សសរស្ពានមានចំនួន ៣០ដើម ​សសរបង្កាន់ដៃស្ពាន ​ចំនួន ១៣២ដើម និង​កំពស់បង្កាន់ដៃស្ពាន១.៣ម៉ែត្រ (បូកទាំងឃឿន) ហើយគ្រោងនឹងសាងសង់រួចរាល់​ជាស្ថាពរ​ចំណាយ​ពេល ២៤ខែ គឺត្រឹមចុងឆ្នាំ២០២៣ខាងមុខនេះ។ សារៈសំខាន់នៃការតភ្ជាប់រវាងស្រុកទាំងពីរ បានជួយសម្រួលដល់ការធ្វើដំណើរក្នុងជីវភាពប្រចាំថ្ងៃ​របស់ប្រជាពលរដ្ឋ សិស្សានុសិស្ស សម្រួលដល់ការដឹកកសិផលរបស់បងប្អូនប្រជាកសិករ ការ​ដោះដូរ​ទំនិញ ទៅកាន់ទីផ្សារ ដែលចំណេញពេលវេលា​ ចំណេញថវិកា ក្នុងការធ្វើដំណើរមក​កាន់ទីរួមខេត្ត ក៏ដូចជា ជំរុញឲ្យទេសចរណ៍ចូលមកកាន់មជ្ឈមណ្ឌល ​សាសនា វប្បធម៌ ទេសចរណ៍​សំពៅត្រៃលោកត្រៃលក្ខណ៍ផងដែរ ។លោកជំទាវក៏បានគោរពអបអរសាទរយ៉ាងស្មោះអស់ពីដួងចិត្ត ក្នុងឱកាសដែលសម្តេចតេជោ ហ៊ុន សែន ​នាយករដ្ឋមន្ត្រីកម្ពុជា ទទួលបានពានរង្វាន់ ​«សន្តិភាពស៊ុនហាក់ - SUNHAK PEACE PRIZE 2022) ពីមូលនិធិសន្តិភាពស៊ុនហាក់ ​របស់ប្រទេសកូរ៉េខាងត្បូង ​កាលពីព្រឹកថ្ងៃទី១២ ខែកុម្ភៈ ឆ្នាំ២០២២ ​នៅទីក្រុងសេអ៊ូល ប្រទេសកូរ៉េខាងត្បូង។លោកជំទាវ ក៏បានផ្តាំផ្ញើរដល់ក្រុមជាង ត្រូវបំពេញការងារឲ្យបានហ្មត់ចត់ ត្រូវគោរពតាម​បទដ្ឋាន​នៃសំណង់​ ក្នុងការសាងសង់ស្ពាន ​សាងសង់ឲ្យមានភាពរឹងមាំ ​ជាប់ល្អ ​និងធ្វើការដោយប្រុងប្រយ័ត្ន ជៀសវាង​គ្រោះថ្នាក់ដែលកើតមានជាយថាហេតុ ។លោកជំទាវ ក៏បានអំពាវនាវឲ្យបងប្អូនទាំងអស់គ្នាត្រូវបង្កើនការប្រុងប្រយ័ត្នខ្ពស់ ការរៀនរស់នៅ ធ្វើការ​ជាមួយកូវីដ ១៩ តាមគន្លងថ្មី ​ដោយរក្សារគម្លាត និងគោរពតាមវិធានការរបស់ក្រសួង​សុខាភិបាល​ គឺ ៣ការពារ ៣កុំ ខណៈដែល វីរ៉ុសប្រភេទ អូមីក្រុង បាននឹងកំពុងបន្តកើនឡើង​ជាលំដាប់៕

ប្រសាសន៍សំខាន់ៗរបស់សម្តេចតេជោ ហ៊ុន សែន ថ្លែងក្នុងឱកាសទទួល​ពាន​រង្វាន់​សន្តិភាព​ស៊ុនហាក់ ឆ្នាំ២០២២

2022/02/12 01:20:01 pm        735
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅថ្ងៃទី១២ ខែកុម្ភៈ ឆ្នាំ២០២២នេះ បានអញ្ជើញទទួលពានរង្វាន់កិត្តិយសពិសេសនៃស្ថាបនិក( Founders’ Special Honorary Award )នៃពានរង្វាន់សន្តិភាពស៊ុនហាក់ ឆ្នាំ២០២២ នាទីក្រុងសេអ៊ូល សាធារណរដ្ឋកូរ៉េ។ ក្នុងឱកាសអញ្ជើញទទួលពានរង្វាន់សន្តិភាពស៊ុនហាក់ សម្ដេចតេជោ ហ៊ុន សែន នាយករដ្ឋមន្ត្រី បានថ្លែងថា «គ្មានសន្តិភាព គ្មានក្តីសង្ឃឹម , គ្មានសន្តិភាព គ្មានការអភិវឌ្ឍ , គ្មានសន្តិភាព គ្មានការគោពសិទ្ធមនុស្ស និងគ្មានលទ្ធិប្រជាធិបតេយ្យ»នោះដែរ។ -សម្តេចតេជោ បញ្ជាក់ថា សម្រាប់សម្តេច «សន្តិភាពមានតម្លៃជាងអ្វីៗទាំងអស់ , សន្តិភាពគឺជាអ្វីដ៏ស្រស់ស្អាតបំផុត, សន្តិភាពផ្តល់ក្តីសង្ឃឹមនិងស្នាមញញឹមដល់មនុស្សគ្រប់រូប»។ - សម្តេចតេជោ ហ៊ុន សែន ថ្លែងថា ពានរង្វាន់សន្តិភាពស៊ុនហាក់នេះ មិនមែនបានដោយសារ​តែ​សម្តេចម្នាក់​ឯងនោះទេ ហើយក៏មានមនុស្សជាច្រើនរូបផ្សេងទៀត ដែលសាកសម​នឹងទទួលបាន​នូវ​ពានរង្វាន់​សន្តិភាពនេះ ដោយពួកគេបានចូលរួមគាំទ្រយ៉ាង​សកម្មដល់ការខិតខំប្រឹងប្រឹង​របស់​សម្តេច​នៅក្នុងដំណើរការនៃការកសាង​សន្តិភាពនៅកម្ពុជា។ - សម្តេចតេជោ រំលឹកដឹងគុណដ៏ជ្រាលជ្រៅចំពោះអតីតព្រះមហាក្សត្រ សម្តេចព្រះនរោត្តម សីហនុ , សម្តេចព្រះវររាជមាតាជាតិខ្មែរ និងព្រះមហាក្សត្រកម្ពុជានាពេលបច្ចុប្បន្ន ដែលបានបំពេញ​ព្រះរាជតួនាទី ក្នុងការលើកកម្ពស់នូវស្មារតីសាមគ្គីភាពជាតិរវាង​ប្រជាជនកម្ពុជា​ក្នុង​ឋានៈជា​មហាគ្រួសារតែមួយ។ - សម្តេចតេជោ បញ្ជាក់ថា រដ្ឋាភិបាលរបស់សម្តេច បានយកសន្តិភាពជាអាទិភាពខ្ពស់ ដោយបានបញ្ជូនកងទ័ពកម្ពុជារាប់ពាន់នាក់ ទៅចូលរួមក្នុងប្រតិបត្តិការរក្សាសន្តិភាព និង​បោសសម្អាតមីន របស់អង្គការសហប្រជាជាតិនៅអាហ្វ្រិក និង​មជ្ឈិម​បូព៌ា​ ដោយសង្ឃឹមថា នឹងអាចចូលរួមចំណែកក្នុងការស្តារសន្តិភាពនៅក្នុងតំបន់ទាំងនោះ។ - សម្តេចតេជោ ថ្លែងថា​ បើទោះជាកម្ពុជាតូចក៏ដោយ ​ក៏កម្ពុជា​បានចូលរួមចំណែក ដល់​ដំណើរការនៃការស្វែងរកសន្តិភាព​នៅក្នុងតំបន់និងពិភពលោក ​ប្រកប​ដោយសុច្ឆន្ទៈ , ការ​ទទួល​ខុសត្រូវ ​និងភាពស្មោះត្រង់ផងដែរ។ -សម្តេចតេជោលើកឡើងថា សន្តិភាពនៅក្នុងតំបន់ និងពិភពលោកនៅតែមានភាពផុយស្រួយ និង​ស្ថិតក្រោមភាព​តានតឹង ដោយសារបញ្ហារួមផ្សំ ​ដូចជាការប្រកួតប្រជែងរវាងមហាអំណាច ការកើនឡើងនៃគំនិត​ជាតិនិយម​ អំពើភេរវកម្ម ភាពក្រីក្រ និងអសន្តិសុខស្បៀង ដែលបង្កឡើង​ដោយ​សារការប្រែប្រួល​អាកាសធាតុ​ និងជំងឺរាតត្បាតកូវីដ១៩​ ដែលបញ្ហាទាំងនេះ អាចនឹង​បំផ្លិច​បំផ្លាញ​វឌ្ឍនភាពរបស់មនុស្ស និងជាតិសាសន៍ទាំងមូល ​ប្រសិនបើមិនរួមគ្នាដោះស្រាយ។-សម្តេចតេជោ ជំរុញការបង្កើន និងធ្វើពិពិធកម្មកិច្ចសហការ និងភាពជាដៃគូ ដើម្បីកាត់​បន្ថយ​ផលប៉ះពាល់អវិជ្ជមាននានា ដែលបណ្តាលមកពីការ​គំរាមកំហែង​នៃ​បញ្ហានានា ព្រមទាំង​ពង្រឹងនូវប្រព័ន្ធអេកូឡូស៊ីសន្តិភាពឲ្យកាន់តែរឹងមាំ។

កិច្ចព្រមព្រៀងភាពជាដៃគូរវាងសាកលវិទ្យាល័យភូមិន្ទវិចិត្រសិល្បៈ និងវិទ្យាស្ថានបារាំងនៅកម្ពុជា ផ្តោតលើសកម្មភាពវប្បធម៌

2022/02/12 12:07:12 pm        913
Facebook Telegram Linkin
ភ្នំពេញ៖ កិច្ចព្រមព្រៀងភាពជាដៃគូរវាងសាកលវិទ្យាល័យភូមិន្ទវិចិត្រសិល្បៈ និងវិទ្យាស្ថានបារាំង នៅកម្ពុជា ផ្តោតលើសកម្មភាពវប្បធម៌សិល្បៈ និងការអប់រំ រយៈពេលយូរអង្វែង។កិច្ចព្រមព្រៀងខាងលើនេះ ធ្វើឡើងរវាងសាកលវិទ្យាល័យភូមិន្ទវិចិត្រសិល្បៈ(URBA) តំណាងដោយសាកលវិទ្យាធិការឯកឧត្តម បណ្ឌិត ហេង សុផាឌី និងវិទ្យាស្ថានបារាំងនៅកម្ពុជា (IFC) តំណាងដោយនាយកវិទ្យាស្ថាន លោក គ្រីស្តូហ្វ៍ ហ្សីហ្គូដូត៍, ដោយមានការអញ្ជើញចូលរួមពីសំណាក់លោកជំទាវ បណ្ឌិតសភាចារ្យ ភឿង សកុណា រដ្ឋមន្រី្តក្រសួងវប្បធម៌ និងវិចិត្រសិល្បៈ និងឯកឧត្តម ហ្សាក់ ប៉ឺឡេត (Jacques Pellet) ឯកអគ្គរដ្ឋទូតថ្មី នៃសាធារណរដ្ឋបារាំងប្រចាំព្រះរាជាណាចក្រកម្ពុជា, នាល្ងាចថ្ងៃទី១១ ខែកុម្ភៈ ឆ្នាំ២០២២ នៅសាកលវិទ្យាល័យភូមិន្ទវិចិត្រសិល្បៈ។កិច្ចព្រមព្រៀងនេះ កំណត់លក្ខខណ្ឌនៃកិច្ចសហប្រតិបតិ្តការដែលបានព្រមព្រៀងដោយហត្ថលេខី ដើម្បីអភិវឌ្ឍន៍សកម្មភាពរួមគ្នាក្នុងក្របខ័ណ្ឌនៃបេសកកម្មរៀងៗខ្លួន។ ក្នុងគោលបំណងជាពិសេសក្នុងការកសាងភាពជាដៃគូ ពង្រឹងទំនាក់ទំនងរវាងគ្រឹះស្ថានទាំងពីរ ដើម្បីគាំទ្រ និងលើកកម្ពស់គម្រោងអប់រំទាក់ទងនឹងវប្បធម៌ និង​អរិយធម៌​ តាមរយៈការរៀបចំ​ព្រឹតិ្តការណ៍រួមគ្នា និងការអញ្ជើញភ្ញៀវកិតិ្តយស ដើម្បីធ្វើ​បទអន្តរាគមន៍ ​ចែករំលែកចំណេះដឹង និងបទពិសោធន៍ទៅវិញទៅមករវាងស្ថាប័នទាំងពីរ។ លើសពីនេះ កិច្ចព្រមព្រៀងនេះ ក៏រួមចំណែកដល់ការជំរុញភាពជាដៃគូក្នុងវិស័យផ្សេងៗទៀត នៃឯកទេសជំនាញរៀងៗខ្លួន ដូចជាការបណ្តុះបណ្តាល កម្មសិក្សាសម្រាប់សិស្ស និសិ្សត ការផ្លាស់ប្តូរ​សិស្ស និសិ្សត ដំណើរទស្សនកិច្ចការចូល​បណ្ណាល័យ​ពហុឯកសារ​របស់​វិទ្យាស្ថានបារាំង។ កិច្ចព្រមព្រៀងនេះ មានសុពលភាពចាប់ពីពេលចុះហត្ថលេខាដោយភាគីទាំងពីរ រហូតដល់ថ្ងៃទី១ ខែវិចិ្ឆកា ឆ្នាំ២០២៦។ កិច្ចព្រមព្រៀងនេះ នឹងត្រូវបានបន្តថ្មីដោយស្វ័យប្រវតិ្តក្រោយថ្ងៃកំណត់ បើពុំមានភាគីណាមួយចង់សុំបញ្ចប់។ ភាគីហត្ថលេខីត្រូវខិតខំរួមគ្នា ជំរុញសកម្មភាពវប្បធម៌ ដើម្បីញ៉ាំងឲ្យសាធារណជនចូលរួម​សកម្មភាព​វប្បធម៌​កាន់តែទូលំទូលាយ​ ហើយភាគីទាំងពីរនឹងចូលរួមវិភាគទានចំណាយផ្សេងៗ ទៅតាមសមត្ថភាពរៀងៗខ្លួន ​និងទៅតាមប្រភេទប្រតិ្តបតិ្តការ ដោយមានកិច្ចព្រមព្រៀង​ហិរញ្ញវត្ថុ​បន្ថែម​ស្របតាមករណីជាក់ស្តែងនីមួយៗ។តាមរយៈនៃកិច្ចព្រមព្រៀងនេះ ដោយផ្តោតលើសកម្មភាពវប្បធម៌ សិល្បៈ និងការអប់រំ រយៈពេលយូរអង្វែង ដូចជា៖ ការតាំងពិព័រណ៍ ការប្រគុំតន្រី្ត ការរាំ/របាំ នៅវិទ្យាស្ថានបារាំង ការចូលរួមសកម្មភាពផ្សេងៗរបស់និសិ្សត និងការរៀបចំបង្កើតគម្រោងគរុកោសល្យ និងអប់រំ​នៅសាកលវិទ្យាល័យភូមិន្ទវិចិត្រសិល្បៈ។ ការរៀបចំតាំងពិព័រណ៍ នៅសាកលវិទ្យាល័យ និងវិទ្យាស្ថាន ឬនៅទីតាំងណាមួយដែលភាគីទាំង​ពីរបាន​ឯកភាព ការរៀបចំប្រកួតស្នាដៃ ស្ថាបត្យកម្ម តន្រី្ត របាំ។ ជំរុញការផ្លាស់ប្តូរវប្បធម៌រាល់​គ្រប់​ទម្រង់រូបភាព ​នៃសិល្បៈមើលឃើញ របាំ តន្រី្ត​ ការចូលរួមមតិពិភាក្សាអំពីគំនិត ស្តីពីវប្បធម៌ និងសិល្បៈ។ ជំរុញឲ្យមានការផ្លាស់ប្តូរបទពិសោធន៍គ្នាទៅវិញទៅមក ទាក់ទងនឹងប្រវតិ្តវិទ្យា បុរាណវិទ្យា និង​សារមន្ទីរវិទ្យា ការប្រើសាលបញ្ចាំងភាពយន្តវិទ្យាស្ថានបារាំងសម្រាប់ធ្វើការ​បញ្ចាំង​ភាពយន្ត និង​ការប្រគុំតន្រី្តដោយនិសិ្សតសាកលវិទ្យាល័យ គម្រោងរួមផ្សេងៗផ្នែកបណ្តុះបណ្តាលវិស័យភាពយន្ត និងការ​អញ្ជើញ​អ្នកនិពន្ធ សិល្បករ ស្ថាបត្យករ អ្នកជំនាញទេសភាពលំនៅស្ថាន អ្នកធ្វើបទបង្ហាញ និងការតាំងពិព័រណ៍រួមរវាងបណ្ណាល័យពហុឯកសារវិទ្យាស្ថានបារាំង និងបណ្ណាល័យ​សកល​វិទ្យាល័យ និងការទស្សនកិច្ចរបស់និសិ្សតសាកលវិទ្យាល័យ ​នៅពេលមានការតាំងពិព័រណ៍ និង​សកម្មភាពវប្បធម៌ផ្សេងៗរៀបចំដោយវិទ្យាស្ថានបារាំង​ និងការតាំងពិព័រណ៍ AJAP​ ជាលើកដំបូង នូវកម្រងស្នាដៃរបស់អ្នកជំនាញទេសភាពវ័យក្មេង ដែលនឹងប្រព្រឹត្តទៅនៅសាកលវិទ្យាល័យ ពីថ្ងៃទី២០ ខែមករា ឆ្នាំ២០២២ ដល់ថ្ងៃទី២៦ ខែកុម្ភះ ឆ្នាំ២០២២។ ការតាំងពិព័រណ៍មួយនេះ ​នឹងធ្វើឡើងក្នុងគោលបំណងលើកស្ទួយវិជ្ជាជីវៈអ្នកជំនាញ​ទេសភាព​នៅកម្ពុជា៕អត្ថបទ រដ្ឋា 

កម្ពុជា​រក​ឃើញ​ករណី​ឆ្លង​​កូវីដចំនួន៣០០នាក់ ខណៈឆ្លងក្នុងសហគមន៍អូមីក្រុងហក់ឡើងខ្ពស់​

2022/02/12 11:50:39 am        828
Facebook Telegram Linkin
ភ្នំពេញ៖ ​ក្រសួង​សុខាភិបាល​នៅ​ថ្ងៃ​នេះ បានប្រកាស​ថា លទ្ធផល​តេស្ត​ដោយ​ម៉ាស៊ីន PCR រក​ឃើញ​ថា មនុស្ស ៣០០នាក់​ទៀត ត្រូវ​បាន​​ឆ្លង​មេរោគ​កូវីដ-១៩ ​ជាប្រភេទអូមីក្រុងទាំងអស់​ ក្នុងនោះ ឆ្លងក្នុងសហគមន៍អូមីក្រុងហក់ឡើងខ្ពស់រហូតដល់២៩៥នាក់ ។ប៉ុន្ដែក្រសួង​ បាន​ឱ្យ​ដឹង​បន្ថែម​ថា ថ្ងៃនេះករណីស្លាប់គឺគ្មាននោះទេ ។បើ​តាម​ក្រសួង​សុខាភិបាល ចំនួន​មនុស្ស​​ស្លាប់​ដោយសារ​ជំងឺ​កូវីដ-១៩ បាន​កើន​ឡើង​រហូត​ដល់ ៣,០១៥នាក់​ ហើយ​​គិត​ត្រឹម​ថ្ងៃ​នេះ ខណៈ​ចំនួន​អ្នក​ឆ្លង​ជំងឺ​នេះ​សរុប​បាន​កើន​ឡើង​ដល់ ១២៣,០៤២នាក់​នៅ​ទូទាំង​ប្រទេស។ក្រសួង​សុខាភិបាល​បញ្ជាក់​ថា អ្នក​ជំងឺ​កូវីដ-១៩ ​សរុប​រហូត​ដល់ ១១៨,៦៦០នាក់​ហើយ ត្រូវ​បាន​ព្យាបាល​ជា​សះ​ស្បើយ​ឡើង​វិញ៕

បណ្ដាញសង្គម

ព័ត៌មានថ្មីៗ

សម្ដេចធិបតី ហ៊ុន ម៉ាណែត ដាក់ចេញបទបញ្ជា ៩ ចំណុច ស្តីពីយុទ្ធនាការបោសសម្អាតការឆបោកតាមប្រព័ន្ធបច្ចេកវិទ្យា
07/15/2025 10:07 PM
Facebook Telegram Linkin
សម្តេចប្រធានរដ្ឋសភាកម្ពុជាចែករំលែកអនុសាសន៍៥ចំនុច ក្នុងការលើកកម្ពស់វប្បធម៌សន្ទនា កសាងសុខសន្តិភាព ដល់កិច្ចប្រជុំ AIPA
07/15/2025 08:07 PM
Facebook Telegram Linkin
សហគមន៍ជនបទយេម៉ែនកំពុងជួបការលំបាកខ្លាំង ស្របពេលដែលគ្រោះរាំងស្ងួតកាន់តែធ្ងន់ធ្ងរទៅ
07/15/2025 08:07 PM
Facebook Telegram Linkin
ប៉េរ៉ូបើកឡើងវិញតំបន់បុរាណវិទ្យាអាយុកាល ៣.៨០០ឆ្នាំ Penico ដល់ភ្ញៀវទេសចរ
07/15/2025 08:07 PM
Facebook Telegram Linkin
រដ្ឋមន្ត្រីសុខាភិបាល បន្តរំលឹក «គំនិត ពេលវេលា និងសុចរិតភាព គឺជាកត្តាគន្លឹះឈានទៅរកភាពជោគជ័យយូរអង្វែង ទាំងក្នុងជីវិតការងារ ទាំងក្នុងជីវិតបុគ្គលម្នាក់ៗ»
07/15/2025 08:07 PM
Facebook Telegram Linkin
UN ៖ ជនប៉ាឡេស្ទីន ៨៧៥នាក់ ត្រូវបានសម្លាប់នៅជិតទីតាំងចែកចាយជំនួយក្នុងតំបន់ហ្កាហ្សា
07/15/2025 08:07 PM
Facebook Telegram Linkin
វិមានក្រឹមឡាំង៖ សេចក្តីថ្លែងការណ៍របស់លោក Trump ស្តីពីរុស្ស៊ី និងលោក Putin គឺធ្ងន់ធ្ងរ និងត្រូវការការវិភាគ
07/15/2025 08:07 PM
Facebook Telegram Linkin
បារាំង៖ សន្និសីទ UN នឹងពិភាក្សា អំពីហ្កាហ្សាក្រោយសង្គ្រាម និងការទទួលស្គាល់រដ្ឋប៉ាឡេស្ទីន
07/15/2025 07:07 PM
Facebook Telegram Linkin
កូរ៉េខាងត្បូងកោះអញ្ជើញមន្ត្រីអនុព័ន្ធការពារជាតិជប៉ុន ដើម្បីតវ៉ា ជុំវិញការអះអាងសិទ្ធិលើកោះ
07/15/2025 07:07 PM
Facebook Telegram Linkin
លោក Netanyahu ស្ថិតក្រោមសម្ពាធនយោបាយកាន់តែខ្លាំង ក្រោយមានគណបក្សដកខ្លួន
07/15/2025 07:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.