BTV NEWS

សម្ដេចធិបតី៖ រាជរដ្ឋាភិបាល និងមហាគ្រួសារខ្មែរនៅជាមួយកងទ័ពជួរមុខគាំទ្រគ្រប់មធ្យោបាយទាំងអស់

សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក

សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្តពីព្រះបរមរតនកោដ្ឋក្នុងការពូនជ្រំទំនាក់ទំនងរវាងកម្ពុជា និងចិន

សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម

នយោបាយ និង ការអភិវឌ្ឍន៍

ប្រជាពលរដ្ឋ ទៅចាក់វ៉ាក់សាំងដូសទី៤ ដោយភាពសប្បាយរីករាយ

ភ្នំពេញ៖ ចាប់ពីថ្ងៃទី ១៤ ខែមករា ឆ្នាំ ២០២២មកន វត្តមានមន្រ្តីរាជការ និងប្រជាពលរដ្ឋជាច្រើន បានទៅទទួលការ ចាក់វ៉ាក់សាំងដូសទី៤ ដោយបង្ហាញនូវភាពសប្បាយរីករាយ ដែលអាចទទួលបានវ៉ាក់សាំងបន្ថែមដើម្បី ការពារខ្លួនពីកូវីដ-១៩។ចាប់ពីថ្ងៃទី ១៤ខែមករាមកនេះ មន្ទីរពេទ្យរដ្ឋ និងមណ្ឌលសុខភាពដែលផ្ដល់ការចាក់វ៉ាក់សាំង គឺកំពុងមានភាពមមាញឹកជាខ្លាំង ដោយមានកំណើនការចាក់វ៉ាក់សាំងដូសទី៤ ជាច្រើន។ ជាក់ស្ដែងមន្ទីរពេទ្យបង្អែកដង្កោនៅថ្ងៃច័ន្ទនេះ គឺមានវត្តមាន មន្រ្តីរាជការ ជាពិសេសវត្តមាន ប្រជាពលរដ្ឋជាច្រើនកំពុងអង្គុយរង់ចាំ ការចាក់វ៉ាក់សាំងដូសទី៤ និង ប្រជាជនជាច្រើនផ្សេងទៀត រង់ចាំការចាក់វ៉ាក់សាំងដូសទី១ ដូសទី២ និងដូសទី ៣។សម្រាប់ប្រជាពលរដ្ឋដែលទទួលបានការចាក់វ៉ាក់សាំងដូសទី៤នាថ្ងៃនេះ លើកឡើងថា ពួកគាត់មានភាពរីករាយជាខ្លាំង ដែលអាចទទួលបានការចាក់វ៉ាក់សាំងជាបន្តបន្ទាប់ដើម្បីការពារខ្លួន។ ពួកគាត់ ថ្លែងអរគុណដល់រាជរដ្ឋាភិបាលកម្ពុជា ដែលបានស្វះស្វែងរកវ៉ាក់សាំងចាក់ជូនប្រជាពលរដ្ឋគ្រប់រូប រហូតដល់ដូសទី ៤នាពេលនេះ។សម្រាប់ការចាក់វ៉ាក់សាំងដូសទី ៤នាពេលនេះ ប្រជាពលរដ្ឋ គឺគ្រាន់តែបង្ហាញកាតចាក់វ៉ាក់សាំង ដោយកំណត់ថា មានគម្លាតរយៈពេល ៤ខែបន្ទាប់ពីការចាក់វ៉ាក់សាំងដូសទី ៣។ កម្ពុជាជាប្រទេសដែលមានការឈានមុខ ក្នុងយុទ្ធនាការចាក់វ៉ាក់សាំង ដែលអាចមានលទ្ធផលចាក់វ៉ាក់សាំងដូសទី ៤ជូនប្រជាពលរដ្ឋ ខណៈពេលដែលប្រទេសជាច្រើនមិនទាន់មានលទ្ធភាពចាក់វ៉ាក់សាំងដូសទី ៤ ជូនប្រជាពលរដ្ឋនៅឡើយ។ផ្អែកតាមទិន្នន័យក្រសួងសុខាភិបាល គិតត្រឹមថ្ងៃទី ១៦ ខែមករា ឆ្នាំ ២០២២ម្សិលម៉ិញនេះ កម្ពុជាសម្រេចបានការចាក់វ៉ាក់សាំងជូនប្រជាពលរដ្ឋចំនួន ៨៩,៤៣% នៃចំនួនប្រជាពលរដ្ឋសរុប ១៦លាននាក់ ៕ អត្ថបទ៖ គឹមហុក

ពលករខ្មែរជាង ២០០នាក់បានវិលត្រឡប់ពីប្រទេសថៃ ចូលតាមច្រកខេត្តបាត់ដំបង នៅថ្ងៃនេះ

បាត់ដំបង៖ ពលករខ្មែរចំនួន ២៣០នាក់បានវិលត្រឡប់មកពីប្រទេសថៃចូលតាមច្រកតំបន់អូរអន្លក់ ស្ថិតក្នុងភូមិអូរអន្លក់ ឃុំតាសែន ស្រុកកំរៀង ខេត្តបាត់ដំបង នៅថ្ងៃទី១៧ ខែមករា ឆ្នាំ ២០២២នេះ។ដោយអនុវត្តន៍តាមបទបញ្ជារបស់លោកឧត្តមសេនីយ៍ទោ សាត គឹមសាន ស្នងការនគរបាលខេត្តបាត់ដំបង ជាប់ជាប្រចាំស្ដីពីការការពារសន្តិសុខតាមខ្សែបន្ទាត់ព្រំដែនកម្ពុជា-ថៃ ត្រួតពិនិត្យពលរដ្ឋឆ្លងដែន និងស្រាវជ្រាវរកមុខសញ្ញា មេខ្យល់នាំពលករចេញដោយមិនស្របច្បាប់ក្នុងភូមិសាស្រ្ត ក្រោមការបញ្ជាផ្ទាល់របស់លោកវរសេនីយ៍ឯក ម៉ង់ ស៊ី មេបញ្ជាការវរៈ៨១៩ បានចាត់កម្លាំងប៉ុស្តិ៍អូរអន្លក់សហការជាមួយកម្លាំងកងយោធពលខេរភូមិន្ទ និងក្រុមគ្រូពេទ្យ បានទទួលពលករវិលត្រឡប់មកស្រុកវិញ ដែលភាគីថៃបានបញ្ជូនមកតាមច្រកតំបន់អូរអន្លក់ ។បន្ទាប់ពីសាកសួរ កត់ឈ្មោះ ចុះកំណត់ហេតុនិងអប់រំណែនាំអំពីវិធានការការពារការឆ្លងជំងឺកូវី-១៩ ក្រុមគ្រូពេទ្យធ្វើតេស្តរហ័សលើពលករ ជាលទ្ធផលអវិជ្ជមានកូវីដ១៩ទាំងអស់។ពលករចំនួន ៤៤នាក់ ស្រី២២នាក់ និងក្មេង ៥នាក់ត្រូវបានបញ្ជូនទៅធ្វើចត្តាឡីស័កនៅមណ្ឌលគីឡូ៩ ស្រុកសំពៅលូន។ ចំណែកពលករដែលមានកាតចាក់វ៉ាក់សាំង ចំនួន ១៨៦នាក់ ក្រុមគ្រូពេទ្យអនុញ្ញាតឱ្យត្រឡប់ទៅស្រុកកំណើតរៀងៗខ្លួនវិញ៕

សម្ដេចតេជោ ស្នើអគ្គលេខាធិការអាស៊ាន ចូលរួមសហការពាក់ព័ន្ធបញ្ហាមីយ៉ាន់ម៉ា និងសមុទ្រចិនខាងត្បូង

ភ្នំពេញ៖ នៅវិមានសន្តិភាពព្រឹកថ្ងៃទី១៧មករា សម្តេចតេជោ ហ៊ុន សែន នាយក រដ្ឋមន្ត្រីនៃព្រះ រាជាណាចក្រកម្ពុជា បានអនុញ្ញាតឱ្យឯកឧត្តម លឹម ចុកហ៊ុយ អគ្គលេខាធិការអាស៊ាន ចូលជួបសំដែងការគួរសម និងពិភាក្សាការងារ។ឯកឧត្តម កៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រី បានឱ្យដឹងថា នៅក្នុង ជំនួបព្រឹកនេះ សម្តេចតេជោ បានលើកនូវចំណុចមួយចំនួនដោយបានស្វាគមន៍វត្តមានអញ្ជើញមកចូលរួមរបស់ឯកឧត្តម អគ្គលេខាធិការអគ្គលេខាធិការរងអាស៊ាន ដែលមកចូលរួមវេទិកាទេសចរណ៍អាស៊ានផងនឹងមានជំនួបជាមួយសហគមន៍ផ្សេងទៀត នៃសសរស្ដម្ភទាំង៣ របស់អាស៊ានគឺនយោបាយសន្តិសុខអាស៊ាន សហគមន៍សេដ្ឋកិច្ចអាស៊ាន និងសហគមន៍សង្គមវប្បធម៌អាស៊ាននៅក្នុងប្រទេសកម្ពុជា។សម្ដេចតេជោ បានបញ្ជាក់អំពីការងារសំខាន់ៗដូចជាការងារប្រឈមមួយចំនួនដែលអាស៊ានកំពុងតែមាននៅពេលនេះ ហើយសម្ដេច មានប្រសាសន៍ថា ការប្រឈមមួយចំនួនគឺមិនធម្មតាទេដូច្នេះគឺត្រូវការការខិតខំដើម្បីជំរុញការងារនេះ ជាពិសេសការតភ្ជាប់អាស៊ានដោយសារការតភ្ជាប់បានរំខានដោយកូវីដ-១៩នៅឆ្នាំ ២០២១ និង២០២២ដូចដែលយើងបានឃើញ ជាក់ស្ដែងហើយអំពីវិធានការដែលសមាជិកអាស៊ាននីមួយៗ មានចំណាត់ការពាក់ព័ន្ធនឹងការឆ្លើយតបទៅ នឹងការរាតត្បាតជំងឺកូវីដ-១៩នេះ។សម្ដេចថា យើងត្រូវខិតខំធ្វើយ៉ាងណាជំរុញរៀបចំការអនុវត្តរបាំងការធ្វើដំណើរទេសចរណ៍អាស៊ាននេះ ដើម្បីឱ្យក្របខណ្ឌអាស៊ានអាចជំរុញជាពិសេសប្រជាពលរដ្ឋអាចធ្វើដំណើរទៅវិញទៅមកនៅក្នុងតំបន់អាស៊ានក៏ដូចជាធុរកិច្ចពាណិជ្ជកម្មនៅក្នុងអាស៊ានផងដែរ ហើយសម្ដេចមានប្រសាសន៍ថា នៅដើមឆ្នាំខែមករានេះ សំខាន់ណាស់គឺកិច្ចព្រមព្រៀងដៃគូសេដ្ឋកិច្ចគ្រប់ជ្រុងជ្រោយនៅក្នុងតំបន់នេះត្រូវបានចូលជាធរមានដូច្នេះធ្វើយ៉ាងម៉េចត្រូវខិតខំជាមួយការងារនេះ។សម្ដេច បានមានប្រសាសន៍ផងដែរអំពីកូវីដ-១៩ នៅប្រទេសកម្ពុជាដែលមានការធូរស្រាលបើទោះបីមានការនាំចូលអូមីក្រុងក៏ពិតមែន ប៉ុន្តែទោះជាយ៉ាងណាក៏ដោយនឹងខិតខំតទៅទៀត។សម្តេច បានគូសបញ្ជាក់អំពីចំណុចក្តៅដែលពាក់ព័ន្ធស្ថានភាពនៅមីយ៉ាន់ម៉ាដោយបានមានប្រសាសន៍អំពីលទ្ធផលនៃទស្សនកិច្ចរបស់សម្តេចទៅកាន់មីយ៉ាន់ម៉ាដែលមានគោលបំណងគឺជួយប្រទេសមីយ៉ាន់ម៉ាជាពិសេសគោលបំណងបីសំខាន់ៗ គឺធ្វើយ៉ាងណាឲ្យមានបទឈប់បាញ់បញ្ឈប់ហិង្សា និងផ្ដល់ជំនួយមនុស្សធម៌ឱ្យដល់មានណាដែលត្រូវការជាចាំបាច់និងបើកច្រកទ្វារនៃការធ្វើការសម្រាប់ប្រេសិតពិសេសរបស់ប្រធានអាស៊ានដែលនេះជាគោលបំណងសុទ្ធរបស់កម្ពុជា។សម្ដេច ក៏បានគួរបញ្ជាក់ផងដែរអំពីគំនិតផ្ដួចផ្ដើមរបស់សម្ដេចក្នុងការជំរុញតទៅមុខទៀតជាពិសេសជំរុញយន្តការក្នុងការជួយដល់មីយ៉ាន់ម៉ា ទី១.គឺអាស៊ានត្រយការ.ទី២យន្តការធ្វើយ៉ាងណាដើម្បីផ្ដល់ជំនួយដល់មីយ៉ាន់ម៉ាក្នុងស្ថានភាពដ៏លំបាកនេះ។យន្តការអាស៊ានត្រយកានេះ ចាំបាច់ត្រូវតែមានប្រធានអាស៊ានបច្ចុប្បន្នប្រធានអាស៊ានកាលពីឆ្នាំមុននិងប្រធានអាស៊ានដែលនឹងចូលមកកាន់តំណែងនៅឆ្នាំបន្ទាប់ពីកម្ពុជាបូកនិងអគ្គលេខាធិការអាស៊ានដើម្បីធ្វើការជាមួយគ្នាសំដៅធ្វើយ៉ាងណាជំរុញតាមដានបទឈប់បាញ់នៅមីយ៉ាន់ម៉ា នៅពេលខាងមុខជាបន្តទៀតជាពិសេសវាយតម្លៃអំពីវឌ្ឍនភាពនៃការវិវត្តតាមកុងសុងស៊ីសទាំង៥ចំណុចដែលប្រមុខរដ្ឋាភិបាលអាស៊ានបានឯកភាពគ្នាតាំងពីខែ មេសាឆ្នាំ ២០២១។ឆ្លៀតឱកាសនេះ សម្ដេចក៏បានលើកឡើងអំពីសមុទ្រចិនខាងត្បូងដោយសារឆ្នាំនេះជាខួបលើកទី ២០ នៃDOCទោះបីជាមាន កូវីដ-១៩ក៏ដោយ គឺមិនត្រូវភ្លេចអំពីការងារនេះឡើយ ត្រូវបង្កើនល្បឿននៃការចរចាដោយសារការងារនេះជាការងារចាំបាច់សម្រាប់តំបន់ហើយឆ្នាំនេះសម្ដេចតេជោក៏បានអរគុណអគ្គលេខាធិការអាស៊ាន និងភាគីពាក់ព័ន្ធទាំងអស់ដែលបានឯកភាពគ្នាក្នុងការរៀបចំឲ្យមានការប្រារព្ធខួបលើកទី ២០នៃ DOC។សម្ដេចបានស្នើសុំឲ្យអគ្គលេខាធិការអាស៊ានជួយចូលរួមចំណែកក្នុងការលើកទឹកចិត្តក្នុងការចរចា បញ្ហាសមុទ្រចិនខាងត្បូងបានដំណើរការទៅមុខ។សម្តេចក៏មានប្រសាសន៍ពាក់ព័ន្ធទៅនឹងឥណ្ឌូប៉ាស៊ីហ្វិកដោយសារនៅក្នុងតំបន់យើងមានគំនិតផ្ដួចផ្ដើមច្រើន និងចូលរួមដូចជាអាមេរិក អឺរ៉ុប ជប៉ុន អូស្រ្តាលី ឥណ្ឌា កូរ៉េចិនជាដើម ដូច្នេះចំណុចសំខាន់សម្ដេចបានស្នើធ្វើយ៉ាងណាឲ្យអគ្គលេខាធិការអាស៊ានជួយជំរុញការរៀបចំផែនការសកម្មភាពនៃការអនុវត្តនូវអ្វីដែលជាទស្សនទានរបស់អាស៊ានស្ដីពីឥណ្ឌូប៉ាស៊ីហ្វិក ហើយកន្លងមកយើងមានគំនិតផ្តួចផ្តើមច្រើនប៉ុន្តែ។សម្ដេច បានជំរាបអគ្គលេខាធិការអាស៊ានថា យើងធ្វើយ៉ាងណាឱ្យគំនិតផ្ដើមពីបណ្ដាប្រទេសគាំទ្រនូវសន្តិភាពនិងការអភិវឌ្ឍក្នុងតំបន់ដោយមិនប្រើប្រាស់ឥណ្ឌូប៉ាស៊ីហ្វិកប្រឆាំងនឹងប្រទេសណាមួយឡើយនិងទី៣ ធ្វើយ៉ាងណាឲ្យសកម្មភាពទាំងឡាយនៃឥណ្ឌូប៉ាស៊ីហ្វិកគាំទ្រដល់មជ្ឈភាពអាស៊ានក៏ដូចជាទស្សនៈវិស័យរបស់អាស៊ានស្ដីពីឥណ្ឌូប៉ាស៊ីហ្វិក៕

មនី្ទរពេទ្យបង្អែករាជធានីភ្នំពេញ បង្កើនការចាក់វ៉ាក់សាំងដូសទី៤ និងដូសជំរុញ ជូនកុមារ យុវវ័យ ប្រជាពលរដ្ឋ

ភ្នំពេញ៖ មនី្ទរពេទ្យបង្អែករាជធានីភ្នំពេញ ខណ្ឌ៧មករា រាជធានីភ្នំពេញ ព្រឹកថ្ងៃទី១៧ ខែមករា ឆ្នាំ២០២២នេះ បានបង្កើនការចាក់វ៉ាក់សាំងបង្ការជំងឺកូវីដ-១៩ ដូសទី៤ ដូសជំរុញ ឬដូសទី៣ និងដូសមូលដ្ឋានជូនកុមារ យុវវ័យ ប្រជាពលរដ្ឋ ដើម្បីទប់ស្កាត់ និងកាត់ផ្តាច់ការចម្លងមេរោគកូវីដ១៩ បំប្លែងថ្មី ប្រភេទអូមីក្រុង។បើតាមលោកវេជ្ជបណ្ឌិត ឃុន ទ្រី អនុប្រធានមនី្ទរពេទ្យបង្អែករាជធានីភ្នំពេញ បានឲ្យដឹងថា ថ្ងៃនេះមនី្ទរពេទ្យ បានបន្តយុទ្ធនាការចាក់វ៉ាក់សាំងបង្ការជំងឺកូវីដ-១៩ ជូនកុមារ យុវវ័យ ប្រជាពលរដ្ឋ តាមរយៈការចាក់វ៉ាក់សាំងដូសទី១ ដូសទី២ ដូសទី៣ និងដូសទី៤ ដើម្បីទប់ស្កាត់ និងកាត់ផ្តាច់ការចម្លងមេរោគកូវីដ-១៩ បំប្លែងថ្មី ប្រភេទអូមីក្រុង។ជាពិសេសការចាក់វ៉ាក់សាំងជូនប្រជាពលរដ្ឋក្នុងមូលដ្ឋានខណ្ឌ៧មករា បានដំណើរការទៅយ៉ាងល្អប្រសើរ ដោយមានការសហការជាមួយអាជ្ញាធរភូមិ សង្កាត់ ខណ្ឌ ព្រមទាំងមានការចូលរួមពីសំណាក់របស់ប្រជាពលរដ្ឋ ស្វែងយល់បន្ថែមពីការចាក់វ៉ាក់សាំងបង្ការជំងឺកូវីដ-១៩ ដើម្បីជៀសផុតពីមេរោគរាតត្បាតដ៏កាចសាហាវនេះ។ជាមួយគ្នានោះដែរ ប្រជាពលរដ្ឋមកទទួលការចាក់វ៉ាក់សាំងបង្ការជំងឺកូវីដ-១៩ ពីក្រុមការងារគ្រូពេទ្យ នៃមនី្ទរពេទ្យបង្អែករាជធានីភ្នំពេញ បានបង្ហាញកី្តរំភើបសប្បាយរីករាយ ដែលពួកគាត់បានមកទទួលវ៉ាក់សាំងការពារជំងឺកូវីដ-១៩ និងសូមគោរពថ្លែងអំណរគុណយ៉ាងជ្រាលជ្រៅចំពោះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រី្តនៃព្រះរាជាណាចក្រកម្ពុជា ដែលស្ថិតក្នុងកាលៈទេសៈដ៏លំបាកនេះ សម្តេចបានស្វះស្វែងរកជំនួយវ៉ាក់សាំង និងការបញ្ជាទិញវ៉ាក់សាំង មកចាក់ជូនប្រជាពលរដ្ឋទូទាំងប្រទេស ដោយមិនគិតថ្លៃថវិកា។ជាមួយគ្នានោះដែរ ក្នុងនាមលោកវេជ្ជបណ្ឌិត តំណាងឲ្យលោកវេជ្ជបណ្ឌិត នេត សុវិរៈ ប្រធានមនី្ទរពេទ្យបង្អែករាជធានីភ្នំពេញ បានអំពាវនាវដល់ប្រជាពលរដ្ឋដែលរស់នៅក្នុងមូលដ្ឋានរាជធានីភ្នំពេញ ដែលមិនទាន់បានទទួលការចាក់វ៉ាក់សាំងបង្ការជំងឺកូវីដ-១៩ សូមអញ្ជើញមកទទួលសេវានៅក្នុងមនី្ទរពេទ្យបង្អែករាជធានីភ្នំពេញ ដោយយើងមានរៀបចំចាត់ចែងកម្លាំងក្រុមការងារគ្រូពេទ្យចំនួន០៨ក្រុម ដើម្បីផ្តល់ការចាក់វ៉ាក់សាំង ជូនបងប្អូនប្រជាពលរដ្ឋ។ក្រៅពីនោះ មនី្ទរពេទ្យបង្អែករាជធានីភ្នំពេញ ក៏ដំណើរការជាធម្មតា ក្នុងការពិនិត្យព្យាបាលជំងឺជូនប្រជាពលរដ្ឋ ដូចជាផ្នែកសង្រ្គោះបន្ទាន់ សេវាសម្រាលកូន សេវារោគស្រី្ត សេវាវៈកាត់ សេវាពិនិត្យ ព្យាបាលជំងឺទូទៅ ត្រចៀក ច្រមុះ បំពង់ក សើស្បែក ជំងឺកុមារ ភ្នែក ជំងឺផ្លូវចិត្ត និងសេវាអមវេជ្ជសាស្រ្តផ្សេងៗទៀត (ពិនិត្យឈាម អ៊ិចសារ៉េ វិទ្យុសាស្រ្ត និងអេកូសាស្រ្ត)ផងដែរ៕ អត្ថបទ រដ្ឋា

អាជ្ញាធរជាតិអប្សរា និងវិស័យឯកជនបន្តសហការរួមគ្នាលើកតម្លៃបរិវេណប្រាសាទតាកែវ

សៀមរាប៖ អាជ្ញាធរជាតិអប្សា បានបញ្ជាក់ឲ្យដឹងនៅថ្ងៃទី១៦ ខែមករានេះថា អាជ្ញាធរជាតិអប្សរា បាននឹងកំពុងអនុវត្តគម្រោង ដើម្បីលើកតម្លៃបរិវេណប្រាសាទតាកែវ ។ឯកឧត្ដម យិត ចាន់ដារដ្ឋ អគ្គនាយករងអាជ្ញាធរជាតិអប្សា បានបន្ថែមថា ដោយពិនិត្យឃើញថា ផ្លូវដែលភ្ជាប់ពីប៉ែកខាងត្បូងទៅខាងលិចនៅប្រាសាទតាកែវ បានសាងសង់លើកសិន្ធុនៃប្រាសាទ ដែលធ្វើឱ្យបាត់បង់តម្លៃបុរាណវិទ្យា ប្រវត្តិសាស្រ្ត និងភាពអស្ចារ្យនៃបរិវេណនោះ និងក្នុងគោលបំណងផ្ដល់ឱ្យភ្ញៀវទេសចរ មានឱកាសទស្សនាប្រាសាទផ្សេងៗ នៅក្បែរនោះដូចជា ប្រាសាទរមាស់ ប្រាសាទតានៃ និងអ័ក្សផ្លូវបុរាណដ៏សំខាន់មួយ ដែលភ្ជាប់ពីខ្លោងទ្វារជ័យនៃអតីតរាជធានីអង្គរធំ មកកាន់កំពង់ទឹកបុរាណនៃបារាយណ៍ខាងកើតជាដើម។អាជ្ញាធរជាតិអប្សរា បាននិងកំពុងរៀបចំអនុវត្តផ្លូវទស្សនា ស្ថិតនៅប៉ែកខាងកើតភ្ជាប់ទៅខាងជើងនៃប្រាសាទតាកែវជំនួសវិញ។ដោយសារលទ្ធភាពថវិការបស់អាជ្ញាធរជាតិអប្សរាមានត្រឹមតែអ៊ុតបេតុងកៅស៊ូ(AC)ពីលើប៉ុណ្ណោះ ទើបលោកជំទាវឧកញ៉ាកិត្តិបណ្ឌិត សៀង ចាន់ហេង អគ្គនាយិកាក្រុមហ៊ុនហេងអភិវឌ្ឍន៍ បានចំណាយធនធានផ្ទាល់ខ្លួនរួមចំណែកជាមួយអាជ្ញាធរជាតិអប្សរាក្នុងការធ្វើគ្រឹះផ្លូវថ្មីនេះ ដែលមានប្រវែងជាង ៧០០ម៉ែត្រនិងទទឹង៦ម៉ែត្រ។បច្ចុប្បន្នការងារខាងលើនេះ សម្រេចបានប្រហែល ៨០%ហើយ។ឯកឧត្ដម បានបញ្ជាក់ថា សមិទ្ធផលកសាងកន្លងមក រួមមាន ការជួសជុលរហាត់ទឹក ប្រាសាទស្រះស្រង់ ខ្លោងទ្វារតាកាវ ព្រះពុទ្ធបដិមាលើរួតបាកាណលើកំពូលប្រាសាទអង្គរវត្ត ផ្តល់ថ្មបាយក្រៀមចំនួនមួយម៉ឺនដុំ ចូលរួមរៀបចំបរិវេណមុខភ្នំបាខែង ស្តារពើកនៅកសិន្ធុអង្គរធំ ចូលរួមដាំ និងចែកដើមឈើ។ល៕

ឯកឧត្តម ហ៊ុន ម៉ាណែត៖ យុវជនបន្តវេនរបស់គណបក្សប្រជាជន ត្រូវមានជំហររឹងមាំ ក្នុងការតម្កល់ផលប្រយោជន៍ជាតិជាធំ

កំពង់ឆ្នាំង៖ ឯកឧត្តម ហ៊ុន ម៉ាណែត បានបញ្ជាក់ថា យុវជនបន្តវេនរបស់គណបក្សប្រជាជនកម្ពុជា ត្រូវមានជំហររឹងមាំ ក្នុងការតម្កល់ផលប្រយោជន៍ជាតិជាធំ ពង្រឹងការឯកភាពផ្ទៃក្នុង ព្រមទាំងបង្កើនការយល់ដឹងឱ្យបានច្បាស់លាស់នូវរបត់ នៃភូមិសាស្ត្រនយោបាយក្នុងតំបន់ និងសកលលោក ដើម្បីធានាបាននូវការ ថែរក្សា ការពារសុខសន្តិភាពលើទឹកដីកម្ពុជា នាពេលបច្ចុប្បន្ន ។ឯកឧត្តម ហ៊ុន ម៉ាណែត សមាជិកគណៈអចិន្ត្រៃយ៍នៃគណៈកម្មាធិការកណ្តាល និងជាប្រធានយុវជនគណបក្សប្រជាជនកម្ពុជាថ្នាក់កណ្តាល ថ្លែងក្នុងពិធីប្រកាស សមាសភាពក្រុមការងារយុវជនគណបក្សខេត្តកំពង់ឆ្នាំង កាលពីថ្ងៃទី១៥ ខែមករា ម្សិលមិញនេះ។ក្នុងឱកាសនោះ ឯកឧត្តម ហ៊ុន ម៉ាណែត បានធ្វើការរំលឹកថា គណបក្សប្រជាជនកម្ពុជា ក្រោមការដឹកនាំរបស់សម្តេចតេជោ រួមជាមួយថ្នាក់ដឹកនាំ សមាជិកសមាជិកា បានស្រោចស្រង់ជីវិតរបស់ពលរដ្ឋកម្ពុជា បានចំនួនបីដងធំៗរួចមកហើយរួមមាន៖ ទី១.ការរំដោះប្រជាពលរដ្ឋចេញពីការសម្លាប់រង្គាលរបស់របបប៉ុលពត ទី២.ការជួយពលរដ្ឋឱ្យចាកចេញពីសង្គ្រាមបង្ហូរឈាមរវាងខ្មែរ និងខែ្មរ តាមរយៈការបង្កើតនូវនយោបាយឈ្នះ ឈ្នះ បញ្ចប់សង្គ្រាមផ្ទៃក្នុងទូទាំងប្រទេស ដោយនាំមកនូវសន្តិភាពពេញលេញពាសពេញផ្ទៃប្រទេស និងទី៣.ការយកឈ្នះលើសមរភូមិកូវីដ-១៩ ដែលបានឆក់យកជីវិតប្រជាពលរដ្ឋជាច្រើនក្នុងរយៈពេលដ៏ខ្លី ដោយសម្តេចតេជោបានធ្វើការសម្រចចិត្តជាយុទ្ធសាស្ត្រត្រឹមត្រូវ តាមរយៈការពិចារណាវិនិច្ឆ័យ និងសម្រេចអារកាត់រហ័ស ទាន់ ពេលវេលា ទាំងក្នុងការទិញវ៉ាក់សាំង និងការចំណាយថវិកាព្យាបាលប្រជាពលរដ្ឋ រហូតបង្កលក្ខណៈឱ្យមានការបើកដំណើការប្រទេសឡើងវិញលើគ្រប់វិស័យព្រមទាំងបន្តស្រោចស្រព វ៉ាក់សាំងដូសជំរុញទីបី និងទីបួន ដើម្បីធានាការពារអាយុជីវិតប្រជាពលរដ្ឋពីជំងឺដ៏កាច សាហាវនេះ។ ទាំងនេះគឺជាសមិទ្ធផលដ៏មិនអាចកាត់ថ្លៃពុំបានដែលប្រមុខដឹកនាំគណបក្សប្រជាជននិងសមាជិក សមាជិកាបានខិតខំប្រឹងប្រែងលើសពីការងារស្នូលរបស់ខ្លួនក្នុងបុព្វហេតុការពារអាយុជីវិត ពលរដ្ឋ ធានាបាននូវភាពសុខសាន្តជូនប្រជាពលរដ្ឋនិងសង្គមជាតិ។ឯកឧត្តម ប្រធានយុវជនថ្នាក់កណ្តាល បានគោរព និងកោតសរសើរនូវគំរូវីរភាពរបស់យុវជន ជំនាន់មុនដែលជាគំរូពោរពេញដោយភាពអំណត់អត់ធន់ព្យាយាម និងក្តីសង្ឃឹម ព្រមទាំងមានចក្ខុវិស័យ និងការផ្តួចផ្តើមខ្ពស់ក្នុងការតស៊ូរំដោះជាតិ ចេញពីរបបខ្មៅងងឹតបែកបាក់ខ្ទេចខ្ទាំ ឱ្យមកជាមានការរៀបចំដឹកនាំគ្រប់គ្រងលើគ្រប់វិស័យ និងមានការអភិវឌ្ឍជាតិគួរជាទីមោទនៈ ដូច្នេះ ជាយុវជនជំនាន់ក្រោយត្រូវចង់ចាំ និងអនុវត្តតាមគំរូវីរភាពដ៏ប្រពៃថ្លៃថ្លាល្អផូរផង់នៃអ្នកដឹកនាំ ជំនាន់មុនដើម្បីពង្រឹងនិងពង្រីកចក្ខុវិស័យក្នុងការលើកកម្ពស់នូវសមត្ថភាពប្រកាន់ខ្ជាប់នូវគុណតម្លៃ ជាបុគ្គល ស្មោះត្រង់ មានគុណធម៌ សីលធម៌ និងការតស៊ូប្តូរផ្តាច់ក្នុងបុព្វហេតុរបស់គណបក្ស បម្រើជាតិ និងប្រជាជនព្រមទាំងការពារនិងថែរក្សាឱ្យបាននូវតម្លៃសុខសន្តិភាព ដែលជាមូលដ្ឋានគ្រឹះនៃការអភិវឌ្ឍគ្រប់វិស័យ ជូនជាតិមាតុភូមិ និងប្រជាជន៕

ក្រុមអាទិភាព៖ ការចាក់វ៉ាក់សាំងដូសទី៤ ជួយបង្កើនទំនុកចិត្តបន្ថែមទៀត ក្នុងការរស់នៅតាមបែបគន្លងថ្មី

ភ្នំពេញ៖ ស្ថិតក្នុងបរិបទជំងឺកូវីដ-១៩ ក្រុមអាទិភាពរស់នៅក្នុងរាជធានីភ្នំពេញ នាថ្ងៃទី១៥ ខែមករានេះ បន្តទៅទទួលការចាក់វ៉ាក់សាំងបង្ការជំងឺកូវីដ-១៩ ដូសទី៤ ប្រភេទPfizer ដែលកម្ពុជាទទួលបានជំនួយពីប្រទេសអូស្រ្តាលីជាង ២លាន៣សែនដូស។ក្រុមអាទិភាពជួរមុខ នៅថ្ងៃទី១៥ខែមករានេះ មកទទួលការចាក់វ៉ាក់សាំងបង្ការជំងឺកូវីដ-១៩ ដូសទី៤ ស្ថិតនៅមន្ទីរពេទ្យបង្អែកច្បារអំពៅ បានប្រាប់BTVឲ្យដឹងថា ក្រោយពីបានចាក់វ៉ាក់សាំងដូសទី៤រួច គឺជួយបង្កើនទំនុកចិត្តមិនសូវភ័យខ្លាច ក្នុងការរស់នៅតាមបែបគន្លថ្មីជាមួយជំងឺកូវីដ-១៩ ជាពិសេសមេរោគបំប្លែងថ្មី អូមីក្រុង។ក្រៅពីនេះ ពួកគាត់បានអរគុណចំពោះសម្តេចតេជោ ហ៊ុន សែន នាយករដ្ឋមន្រ្តីកម្ពុជា តែងតែយកចិត្តទុកចំពោះប្រជាពលរដ្ឋ ជាពិសេសក្រុមទិភាពជួរមុខ ដែលប្រឈមនិងការឆ្លងជំងឺកូវីដ-១៩ ជាងប្រជាពលរដ្ឋទូទៅ។បើតាមសេចក្តីជូនដំណឹងរបស់គ.វ.ក.១៩ ចេញផ្សាយនៅពេលថ្មីៗនេះ បានបង្ហាញថា យុទ្ធនាចាក់វ៉ាក់សាំងកូវីដ-១៩ ដូសទី៤ ប្រភេទPfizer ជូនក្រុមអាទិភាព និងពលរដ្ឋអាយុពី ៦០ឡើងទៅ បច្ចុប្បន្នគឺអនុវត្តនៅតែរាជធានីភ្នំពេញ ព្រោះវ៉ាក់សាំងនេះ ត្រូវផ្ទុកក្នុងសីតុណ្ហភាពត្រជាក់ -៨០អង្សាសេ។សម្រាប់បណ្តារាជធានី-ខេត្ត ២៤ផ្សេងទៀត នឹងចាប់ផ្តើមអនុវត្តនៅពេលខាងមុខ បន្ទាប់ពីកម្ពុជាទទួលបានប្រព័ន្ធត្រជាក់ពីអង្គការ Unicef ជាផ្គត់ផ្គង់។កន្លងទៅសម្តេចតេជោ ធ្លាប់មានប្រសាសន៍ថា យុទ្ធនាការចាក់វ៉ាក់សាំងកូវីដ-១៩ ដូសទី៤ ធ្វើឡើងដើម្បីទប់ស្កាត់ការឆ្លងជំងឺកូវី-១៩ ជាពិសេសមេរោគបំប្លែងថ្មី ប្រភេទអូមីក្រុង ដែលមានការឆ្លងលឿនជាងប្រភេទមុនៗ បង្ករផលប៉ះពាល់ដល់រស់នៅប្រជាពលរដ្ឋ និងសេដ្ឋកិច្ចជាតិ។ក្រៅពីនេះ សម្តេចតេជោបានក្រើនរំលឹកដល់ពលរដ្ឋ កុំភ័យស្លន់ស្លោ ត្រូវបន្តអនុវត្តវិធានការ៣កុំ ៣ការពារ បូករួមនិងការទៅទទួលការចាក់វ៉ាក់សាំងកូវីដឲ្យគ្រប់ចំនួនដូស តាមការកំណត់របស់គ្រូពេទ្យ។បច្ចុប្បន្នកម្ពុជាបានបើកដំណើរការប្រទេសឡើងវិញតាមបែបគន្លងថ្មី បន្ទាប់ពីទទួលបានជោគជ័យលើនយោបាយចាក់វ៉ាក់សាំងកូវីដ ជូនពលរដ្ឋបានជាច្រើនលាននាក់៕ អត្ថបទ៖ ទូច សោភ័ណ

ឯកឧត្តម ឱម យិនទៀង បើកសន្និបាតបូកសរុបវាយតម្លៃអំពីសមិទ្ធផល បញ្ហាប្រឈម ក្នុងការបោះឆ្នោតជ្រើសរើសក្រុមប្រឹក្សាសង្កាត់ អាណត្តិទី៥

ភ្នំពេញ៖ គណៈអចិន្ត្រៃយ៍គណៈកម្មាធិការបក្សសង្កាត់ផ្សារដេប៉ូទី១ នៅព្រឹកថ្ងៃទី១៥ ខែមករា ឆ្នាំ២០២២នេះ បានប្រារព្ធសន្និបាតបូកសរុប វាយតម្លៃអំពីសមិទ្ធផល បញ្ហាប្រឈម និងសតិអារម្មណ៍ប្រជាពលរដ្ឋ ក្នុងការអនុវត្តគោលនយោបាយរបស់គណបក្ស សម្រាប់អភិវឌ្ឍន៍សង្កាត់ពីឆ្នាំ២០១៧ ដល់ឆ្នាំ២០២២ និងកំណត់គោលនយោបាយសម្រាប់បន្តអភិវឌ្ឍន៍សង្កាត់ឆ្នាំ២០២២ ដល់ឆ្នាំ២០២៧ ។សន្និបាតនេះ បានធ្វើឡើងក្រោមវត្តមានឯកឧត្តមកិត្តិនីតិកោសលបណ្ឌិត ឱម យិនទៀង ប្រធានក្រុមការងារចុះជួយខណ្ឌទួលគោក និងលោកស្រី ព្រំ រដ្ឋា តំណាងគណបក្សខណ្ឌទួលគោក នៅអគារសាលារៀនក្ខាងចាវនៅកម្ពុជា។លោកស្រី ពៅ សាមោច ប្រធានគណបក្សសង្កាត់ផ្សារដេប៉ូទី១ បានលើកឡើងថា គិតមកថ្ងៃនេះ ការអនុវត្តគោលនយោបាយរបស់គណបក្សសង្កាត់ផ្សារដេប៉ូទី១ ក្នុងអាណត្តិទី៤ បាននាំមកនូវសមិទ្ធិផល ជាច្រើនដែលធ្វើឲ្យសង្កាត់ផ្សារដេប៉ូទី១ មានការប្រែប្រួលរីកចម្រើនជាលំដាប់។ ភាពជោគជ័យទាំងនេះ គឺពិតជាបានមកពីការដឹកនាំតាមគោលនយោបាយដ៏ត្រឹមត្រូវរបស់គណបក្សសង្កាត់ការដឹកនាំដ៏ឈ្លាសវៃ និងជាប្រចាំរបស់គណបក្សថ្នាក់លើ ការសហការល្អជាមួយក្រុមការងារចុះជួយមូលដ្ឋាន ការចូលរួមរបស់សមាជិក សមាជិកា របស់គណបក្ស និងប្រជាពលរដ្ឋរបស់យើងបានល្អ។ ប៉ុន្តែទោះបីជាយ៉ាងណាក្តីគោលនយោបាយអភិវឌ្ឍនមូលដ្ឋានរបស់គណបក្សយើងក្នុងអាណត្តិទី៤នេះ មិនទាន់អនុវត្តចប់សព្វគ្រប់នៅឡើយទេ។ ជាមួយនេះ យើងក៏បានលើកឡើងនូវគោលនយោបាយរបស់គណបក្សសង្កាត់ សម្រាប់អភិវឌ្ឍមូលដ្ឋានសង្កាត់ផ្សារដេប៉ូទី១ អាណត្តិទី៥ (ឆ្នាំ២០២២-២០២៧) បន្តទៀតដើម្បីអនុវត្តឲ្យបានសម្រេចការងារដែលនៅសេសសល់ កំណត់ឲ្យបាននូវគោលនយោបាយមួយដែលមានភាពប្រាកដប្រជាឆ្លើយតបតាមសំណូមពររបស់ប្រជាជនមហាជន។ក្នុងឱកាសនោះ ឯកឧត្តមកិត្តិនីតិកោសលបណ្ឌិត ឱម យិនទៀង ក្នុងសន្និបាតនេះបានលើកឡើងថា សន្និបាតនេះធ្វើឡើងក្នុងគោលបំណងបង្ហាញពីចំណុចល្អនិងចំណុចមិនល្អ យកមកច្របាច់បញ្ចូលគ្នា ដើម្បីយើងឈានទៅរកចំណុចឲ្យកាន់តែល្អបន្ថែមទៀត។ ការងារធំៗ ដែលយើងអនុវត្តន៍បានល្អប្រសើរកន្លងមក មិនមែនធ្វើតែមួយថ្ងៃពីរថ្ងៃនោះទេ គឺយើងបានខិតខំប្រឹងប្រែងធ្វើវាជាយូរណាស់មកហើយ។ឯកឧត្តម បន្តថា ការងារដែលយើងបានសន្យាក្នុងឆ្នាំ២០១៧ ហើយយើងមិនទាន់អនុវត្តបាននោះ យើងត្រូវតែបន្តធ្វើ ឲ្យបានល្អប្រសើរ ដើម្បីយើងឈានទៅយកជ័យជំនះនៃការបោះឆ្នោតក្រុមប្រឹក្សាឃុំសង្កាត់នៅពេលដ៏ខ្លីខាងមុខនេះ។បន្ថែមពីនេះ ឯកឧត្តម ឱម យិនទៀង ក៏បានសម្តែងនូវការកោតសរសើរយ៉ាងខ្លាំងចំពោះលោកស្រី ពៅ សាមោច ប្រធានគណបក្សសង្កាត់ផ្សារដេប៉ូទី១ ដែលបានបំពេញការងារបក្សបានយ៉ាងល្អទាំងការកសាង ពង្រឹង និងពង្រីកសមាជិកបក្ស៕ អត្ថបទ៖ កុម្ភះ

កំពង់ផែទេសចរណ៍កោះទន្សាយ សាងសង់រួចរាល់ឯការសម្ពោធនឹងធ្វើឡើងនៅសប្តាហ៍ក្រោយនេះ

កែប៖ ក្រោយពីដំណើរការសាងសង់អស់រយៈពេល២ឆ្នាំ ដោយក្រសួងសាធារណៈការ និងដឹកជញ្ជូន ពេលនេះកំពង់ផែទេសចរណ៍កោះទន្សាយ សម្រេចការសាងសង់ជាស្ថាពររួចរាល់១០០%ហើយ។ បើតាមអាជ្ញាធរខេត្តថា កំពង់ផែនេះ នឹងសម្ពោធដាក់អោយប្រើប្រាស់ជាផ្លូវការនៅសប្តាហ៍ក្រោយនេះ។វិស្វករសាងសង់គម្រោងកំពង់ផែកោះទន្សាយនេះ លោក លីប ជាង បានឲ្យដឹងថា ការសាងសង់កំពង់ផែទេសចរណ៍ (កោះទន្សាយ) មកដល់ពេលនេះអនុវត្តន៍តាមបទដ្ឋានបច្ចេកទេសរបស់ជំនាញនៅក្រសួងសាធារណការ និងដឹកជញ្ជូន។ក្នុងនោះយើងបានសាងសង់ផ្លូវបេតុងសរសៃដែក អគារលក់សំបុត្រ និងកន្លែងអង្គុយរង់ចាំ បន្ថែមពីនោះមានស្ពានចូលផែ តួផែដែលមានរាងស្នូកក្តាម និងដៃផែចំនួន៤ មានតូច២ ធំ២។ ហើយទីតាំងផែដែលទើបសាងសង់រួចនេះ ស្ថិតនៅកំពង់ផែចាស់ (កោះទន្សាយ) ក្រុងកែប ខេត្តកែប ដែលយើងបានប្រើរយៈពេលសាងសង់២៤ខែ ដោយគិតចាប់ពីថ្ងៃបើកការដ្ឋានថ្ងៃទី១២ ខែធ្នូ ឆ្នាំ២០១៩ រហូតដល់ ថ្ងៃទី២៧ ខែធ្នូ ឆ្នាំ២០២១។លោកបានបញ្ជាក់ថា កំពង់ផែទេសចរណ៍ កោះទន្សាយនេះ ចំណាយថវិការសាងសង់ប្រមាណជិត ៥ពាន់លានរៀល ដោយមានសណ្ឋានជារូបក្តាម ចម្ងាយពីដីគោកចូលទៅក្នុងសមុទ្រប្រមាណ ៣០៦ម៉ែត្រ ទទឹង៦៨ម៉ែត្រ មានផ្ទៃក្រឡាសរុបប្រមាណជាង ៤ពាន់ម៉ែត្រការ៉េ (៤៦៦១,៥០ម៉ែត្រការ៉េ)។ ឯកឧត្តម សោម ពិសិដ្ឋ អភិបាលខេត្តកែប មានប្រសាសន៍ឲ្យដឹងថា គម្រោងសាងសង់កំពង់ផែទេសចរណ៍កោះទន្សាយនេះ សម្រាប់ត្រៀមបម្រើដល់វិស័យទេសចរណ៍ ដែលមានលទ្ធភាពអាចទទួលចតនាវាផ្ទុកអ្នកដំណើរបានក្រោម ៣០០នាក់ ចំពោះទំនិញផ្សេងៗ អាចដឹកបាន មិនលើសពី ១៥តោននោះទេ ហើយនេះគឺជាការពង្រីកសក្តានុពលវិស័យទេសចរណ៍ និងសេដ្ឋកិច្ច របស់ខេត្តកែបតាមរយៈផ្លូវទឹកទ្វេភាគី ជាមួយប្រទេសក្នុងតំបន់ ដែលផែនេះអាចឈានទៅដល់ទទួលភ្ញៀវកម្រិតថ្នាក់អន្តរជាតិផងដែរសម្រាប់ថ្ងៃអនាគត ហើយការសម្ពោធដាក់ឲ្យប្រើប្រាស់ជាផ្លូវការនឹងធ្វើឡើងនៅសប្តាហ៍ក្រោយនេះ ៕

ប្រធានក្រុមការងារចុះជួយឃុំព្រះផុស អំពាវនាវដល់ពលរដ្ឋត្រូវបន្តអនុវត្ដន៍វិធានសុខាភិបាល ទោះចាក់វ៉ាក់សាំងគ្រប់ដូស

បាត់ដំបង៖ ក្រុមការងារគណបក្សប្រជាជន ចុះជួយឃុំព្រះផុស បានក្រើនរំលឹកដល់អាជ្ញាធរគ្រប់លំដាប់ថ្នាក់ រួមទាំងប្រជាពលរដ្ឋ ត្រូវបន្តអនុវត្ដន៍វិធានការរបស់ក្រសួងសុខាភិបាលឱ្យបានខ្ជាប់ខ្ជួន ទោះបីជាបានចាក់វ៉ាក់គ្រប់ដូសហើយក្ដី ខណៈបច្ចុប្បន្នប្រទេសកម្ពុជាក៏មានករណីឆ្លងកូវីដ១៩ ប្រភេទអូមីក្រុង ឆ្លងក្នុងសហគមន៍ហើយនោះ។ក្នុងឱកាសជួបសំណេះសំណាលជាមួយប្រជាពលរដ្ឋជាង ១១៤គ្រួសារក្នុងឃុំព្រះផុស នាព្រឹកថ្ងៃទី១៥ ខែមករា ឆ្នាំ២០២២ ឯកឧត្តម ស្រេង វង្សហៀង ប្រធានក្រុមការងារគណបក្សប្រជាជនកម្ពុជា ចុះជួយឃុំព្រះផុស បានអំពាវនាវដល់បងប្អូនប្រជាពលរដ្ឋទាំងអស់ បន្តអនុវត្តឲ្យបានខ្ជាប់ខ្ជួនតាមការណែនាំរបស់ក្រសួងសុខាភិបាល ដោយត្រូវលាងសម្អាតដៃឱ្យបានស្អាតជានិច្ច ពាក់ម៉ាសរាល់ពេលចេញក្រៅផ្ទះ រក្សាគម្លាតសុវត្ថិភាពគ្រប់ពេលវេលា បើទោះជាបានទទួលវ៉ាក់សាំងបង្ការកូវីដ-១៩ គ្រប់ដូសក្តី ។ សូមយកចិត្តទុកដាក់ថែរក្សាសុខភាព ជាពិសេសចំពោះលោកយាយ លោកតា ដែលមានវ័យជរា និងជំងឺប្រចាំកាយ ព្រោះអាចងាយនឹងប្រឈមជាមួយជំងឺផ្សេងៗ ក្នុងអំឡុងពេលចុះត្រជាក់នេះ ។ឯកឧត្ដម បន្ថែមថា ចំពោះអាជ្ញាធរពាក់ព័ន្ធសូមបន្តទប់ស្កាត់ការឆ្លងរាលដាលនៃជំងឺកូវីដ-១៩ នៅក្នុងសហគមន៍តាមរយៈវិធានការអប់រំផ្សព្វផ្សាយ និងការអនុវត្តរាល់វិធានការរដ្ឋបាល ក្នុងករណីចាំបាច់ ។ ឯកឧត្ដមបញ្ជាក់ថា ប្រជាពលរដ្ឋគ្រប់រូបត្រូវស្វែងរកកិច្ចអន្តរាគមន៍ជាបន្ទាន់ពីអាជ្ញាធរដែនដីក្នុងករណីត្រូវការជំនួយសង្គ្រោះបន្ទាន់នានា ជាចាំបាច់ ឬរាយការណ៍មកកាន់ក្រុមការងារនៅទីស្នាក់ការផ្ទាល់ក៏បាន ។អាជ្ញាធរពាក់ព័ន្ធទាំងអស់ត្រូវបន្តតាមដានរាល់ស្ថានភាពជីវភាព របស់បងប្អូនប្រជាពលរដ្ឋ ដោយកំណត់មុខសញ្ញាជនរងគ្រោះ និងជនងាយរងគ្រោះក្នុងបរិការណ៍នៃវិបត្តិកូវីដ១៩ ឱ្យបាន ដើម្បីងាយស្រួលក្នុងការត្រៀមលក្ខណៈជួយអន្តរាគមន៍បានទាន់ពេលវេលា ។មិនត្រូវទុកឱ្យប្រជាពលរដ្ឋណាម្នាក់ ដែលមានបញ្ហា ឱ្យនៅរងាឯកា ដោយយើងមិនបានដឹងនោះទេ ជាពិសេសមិនត្រូវឲ្យមានការរើសអើងកើតឡើងឡើយ៕

បណ្ដាញសង្គម

ព័ត៌មានថ្មីៗ

អ៊ីស្រាអែលសម្លាប់មនុស្ស ១២នាក់ក្នុងជំរំសំពត់តង់នៅភាគខាងលិចទីក្រុងហ្កាហ្សា

អគារ និងរថយន្តខូចខាត ត្រូវបានមើលឃើញនៅភូមិ al-Mazra'a ប្រទេសស៊ីរី បន្ទាប់ពីភាពរំជើបរំជួល

ភ្លៀងធ្លាក់ខ្លាំង បង្កការជន់លិចនៅតាមទីក្រុងជាច្រើនក្នុងប្រទេសឥណ្ឌា

ភ្លៀងធ្លាក់ខ្លាំងបង្កការរំខានដល់តំបន់ជនបទ និងជន់លិចដីកសិកម្មនៅចិន

មនុស្ស ៣៣នាក់ស្លាប់ដោយសារកង្វះអាហារូបត្ថម្ភក្នុងរយៈពេល ៤៨ម៉ោងនៅហ្កាហ្សា

អ្នកការទូតជាន់ខ្ពស់របស់ EU ប្រាប់អ៊ីស្រាអែលឲ្យបញ្ឈប់ការសម្លាប់អ្នកស្រុកហ្កាហ្សា នៅកន្លែងផ្ដល់ជំនួយ

លោក Zelenskyy៖ អតីតរដ្ឋមន្ត្រីការពារជាតិ នឹងដឹកនាំគណៈប្រតិភូ សម្រាប់កិច្ចចរចា ជាមួយរុស្ស៊ី

លោក Peskov៖ រុស្ស៊ីកំពុងតាមដានការធ្វើយោធូបនីយកម្មផ្នែកនុយក្លេអ៊ែរ នៅលោកខាងលិច

ចក្រភពអង់គ្លេស ដាក់ទណ្ឌកម្មលើនាវាជាង ១៣០គ្រឿង ដែលជាប់ពាក់ព័ន្ធនឹងរុស្ស៊ី

ក្រុមការងាររាជរដ្ឋាភិបាលចុះមូលដ្ឋានស្រុកព្រះនេត្រព្រះ ប្រជុំបូកសរុបលទ្ធផលការងារ និងលើកទិសដៅការងារត្រីមាសទី៣

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ប្រជាពលរដ្ឋ ទៅចាក់វ៉ាក់សាំងដូសទី៤ ដោយភាពសប្បាយរីករាយ

ពលករខ្មែរជាង ២០០នាក់បានវិលត្រឡប់ពីប្រទេសថៃ ចូលតាមច្រកខេត្តបាត់ដំបង នៅថ្ងៃនេះ

សម្ដេចតេជោ ស្នើអគ្គលេខាធិការអាស៊ាន ចូលរួមសហការពាក់ព័ន្ធបញ្ហាមីយ៉ាន់ម៉ា និងសមុទ្រចិនខាងត្បូង

មនី្ទរពេទ្យបង្អែករាជធានីភ្នំពេញ បង្កើនការចាក់វ៉ាក់សាំងដូសទី៤ និងដូសជំរុញ ជូនកុមារ យុវវ័យ ប្រជាពលរដ្ឋ

អាជ្ញាធរជាតិអប្សរា និងវិស័យឯកជនបន្តសហការរួមគ្នាលើកតម្លៃបរិវេណប្រាសាទតាកែវ

ឯកឧត្តម ហ៊ុន ម៉ាណែត៖ យុវជនបន្តវេនរបស់គណបក្សប្រជាជន ត្រូវមានជំហររឹងមាំ ក្នុងការតម្កល់ផលប្រយោជន៍ជាតិជាធំ

ក្រុមអាទិភាព៖ ការចាក់វ៉ាក់សាំងដូសទី៤ ជួយបង្កើនទំនុកចិត្តបន្ថែមទៀត ក្នុងការរស់នៅតាមបែបគន្លងថ្មី

កំពង់ផែទេសចរណ៍កោះទន្សាយ សាងសង់រួចរាល់ឯការសម្ពោធនឹងធ្វើឡើងនៅសប្តាហ៍ក្រោយនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ប្រជាពលរដ្ឋ​​​ ទៅចាក់វ៉ាក់សាំងដូសទី៤ ដោយភាពសប្បាយរីករាយ

ពលករខ្មែរជាង ២០០នាក់បានវិលត្រឡប់ពីប្រទេសថៃ ចូលតាមច្រកខេត្តបាត់ដំបង នៅថ្ងៃនេះ

សម្ដេចតេជោ ស្នើអគ្គលេខាធិការអាស៊ាន ចូលរួម​សហការ​ពាក់ព័ន្ធ​បញ្ហា​មីយ៉ាន់ម៉ា​ និង​សមុទ្រ​ចិន​ខាងត្បូង

មនី្ទរពេទ្យបង្អែករាជធានីភ្នំពេញ បង្កើនការចាក់វ៉ាក់សាំងដូសទី៤ និងដូសជំរុញ ជូនកុមារ យុវវ័យ ប្រជាពលរដ្ឋ

អាជ្ញាធរជាតិអប្សរា និងវិស័យឯកជនបន្តសហការរួមគ្នាលើកតម្លៃបរិវេណប្រាសាទតាកែវ

កំពង់ផែទេសចរណ៍កោះទន្សាយ សាងសង់រួចរាល់​ឯការ​សម្ពោធ​នឹង​ធ្វើ​ឡើង​នៅសប្តាហ៍ក្រោយនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ប្រជាពលរដ្ឋ ទៅចាក់វ៉ាក់សាំងដូសទី៤ ដោយភាពសប្បាយរីករាយ

សម្ដេចតេជោ ស្នើអគ្គលេខាធិការអាស៊ាន ចូលរួមសហការពាក់ព័ន្ធបញ្ហាមីយ៉ាន់ម៉ា និងសមុទ្រចិនខាងត្បូង

កំពង់ផែទេសចរណ៍កោះទន្សាយ សាងសង់រួចរាល់ឯការសម្ពោធនឹងធ្វើឡើងនៅសប្តាហ៍ក្រោយនេះ