BTV NEWS

សម្តេចតេជោ ហ៊ុន សែន ថ្លែងថា អាវក្រោះ និងសម្ភារយោធាម៉ាក DSS សុទ្ធតែមានគុណភាពហើយអាវការពារនេះនាយករដ្ឋមន្រ្តីបានសាករួចហើយ

សម្ដេចតេជោ ហ៊ុន សែន អញ្ជើញពិនិត្យមើលរោងចក្រ ផលិតសម្ភារៈយោធា DSS និងសំណេះសំណាលជាមួយកម្មករ កម្មការិនី

សម្ដេចតេជោឱ្យបើកការស៊ើបអង្កេតអ្នកពាក់ព័ន្ធនាំសាច់បង្កកពីថៃចូលមកម្ពុជាមិនឱ្យរួចខ្លួនឡើយ

សម្ដេចតេជោ៖កម្ពុជាមិនមានទម្លាប់ទៅឈ្លានពានប្រទេសណាទេ មានតែនាំទ័ពចេញទៅរក្សាសន្ដិភាព

នយោបាយ និង ការអភិវឌ្ឍន៍

សម្តេចតេជោ៖ គណបក្សប្រជាជនកម្ពុជា គ្មានថ្ងៃបោះបង់ចោលការប្រារព្ធខួបជ័យជំនះ៧មករាឡើយ

ភ្នំពេញ៖ ក្នុងឱកាសអញ្ជើញជាអធិបតីដ៏ខ្ពង់ខ្ពស់ ក្នុងពិធីបើកការដ្ឋានសាងសង់ស្ពានអាកាសថ្មីនៅលើបណ្តោយផ្លូវជាតិលេខខ៥ ក្នុងខណ្ឌឫស្សីកែវ រាជធានីភ្នំពេញ ត្រង់ចំណុចប្រសប់ផ្លូវតភ្ជាប់ពីស្ពានខ្សែកាបឫស្សីកែវឆ្លងកាត់ទន្លេសាប ដែលតភ្ជាប់រវាងផ្លូវជាតិលេខ៥ និងទីក្រុងរណបជ្រោយចង្វា នាព្រឹកថ្ងៃទី៣១មករានេះ សម្តេចតេជោ ហ៊ុន សែន នាយករដ្ឋមន្ត្រី បានមានប្រសាសន៍តបទៅក្រុមវិភាគនយោបាយមួយចំនួនដែលថា គណបក្សប្រជាជនកម្ពុជា គឺពុំមានថ្ងៃដែលបោះបង់ចោលថ្ងៃ៧មករានោះឡើយ ។ការដែលសម្តេចបានមានប្រសាសន៍យ៉ាងដូច្នេះ ដោយឃើញមានក្រុមអ្នកវិភាគនយោបាយខ្លះ បានលើកឡើងថា ការដែលកន្លងមកគណបក្សប្រជាជនកម្ពុជា មិនបានប្រារព្ធខួបអនុស្សាវរីយ៍ថ្ងៃជ័យជំនះ៧មករា លើរបបប្រល័យពូជសាសន៍ដោយចង់បន្ថយឥទ្ធិពលពីវៀតណាម ជាដើមនោះ។ សម្តេចបានប្រតិកម្មតបយ៉ាងដូច្នេះថា ៧មករា បើទោះបីជាវៀតណាមមកជួយ ប៉ុន្តែជាអាយុជីវិតរបស់ប្រជាជនកម្ពុជា។ដូច្នេះគណបក្សប្រជាជនកម្ពុជា គឺគ្មានថ្ងៃដែលត្រូវបោះបង់ចោល៧មករានោះទេ។សូមបញ្ជាក់ថា៖ ការរំលឹកខួបអនុស្សាវរីយ៍នៃថ្ងៃជ័យជន្នះ ៧មករា លើរបបប្រល័យពូជសាសន៍ ត្រូវបានគណបក្សប្រជាជនកម្ពុជា តែងតែប្រារព្ធមិទ្ទិញយ៉ាងឧឡារិក ជារៀងរាល់ឆ្នាំមិនដែលខានឡើយដើម្បីជាការរំលឹករំលឹកចងចាំពីគុណូបការៈ នៃការតស៊ូរបស់ វីរៈកម្មាភិបាល យុទ្ធជននៃកងទ័ពរណសិរ្សសាមគ្គីសង្គ្រោះជាតិកម្ពុជាក៏ដូចជាវីរៈកម្មាភិបាល យុទ្ធជន កងទ័ពស្ម័គ្រចិត្តវៀតណាម ដែលបានលះបង់បូជាជីវិត សាច់ស្រស់ ឈាមស្រស់ ដើម្បីបុព្វហេតុនៃការរំដោះប្រទេសកម្ពុជាឱ្យរួចផុតពីគ្រោះមហន្តរាយប្រល័យពូជសាសន៍ប៉ុលពត ដែលបានកាប់សម្លាប់ប្រជាជនឯងអស់ជិត៣លាននាក់គ្រាន់តែត្រឹមរយៈពេល៣ឆ្នាំ និង៨ខែនិង២០ថ្ងៃ។ ប៉ុន្តែការអាក់ខានមិនបានប្រារព្ធទិវាជាប្រវត្តិសាស្ត្រកាលពីដើមឆ្នាំកន្លងមកនេះ គឺដោយសារតែរាជរដ្ឋាភិបាលក៏ដូជជាគណបក្សបានគិតគូរនិងយកចិត្តទុកដាក់បង្ការ និងទប់ស្កាត់ការឆ្លងរីករាលដាលនៃជំងឺកូវីដ-១៩ ដែលបាននិងកំពុងឆ្លងមិនទាន់ផុតរលត់អស់នៅឡើង៕អត្ថបទ៖ មុត សុទ្ធ

ប្រសាសន៍សំខាន់ៗរបស់សម្តេចតេជោ ហ៊ុន សែន ក្នុងពិធីបើកការដ្ឋានសាងសង់ ស្ពានអាកាសលើផ្លូវជាតិលេខ៥

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានអញ្ជើញជាអធិបតីភាពក្នុងពិធីបើកការដ្ឋានសាងសង់ ស្ពានអាកាសលើផ្លូវជាតិលេខ ៥ ក្បែរទីលានប្រជាធិបតេយ្យ នៅព្រឹកថ្ងៃទី ៣១ ខែមករា ឆ្នាំ ២០២២នេះ។ នៅក្នុងឱកាសនោះសម្តេចតេជោ ហ៊ុន សែន លើកឡើងថា កត្តាសន្តិភាពធ្វើឲ្យប្រជាពលរដ្ឋធ្វើដំណើរទាំងយប់ទាំងថ្ងៃកំសាន្តសប្បាយតាមចំណង់ចំណូលចិត្ត។សម្តេចតេជោ បានបញ្ជាក់ថា នៅទីក្រុងភ្នំពេញប៉ុន្មានថ្ងៃនេះមាននិន្នាការទំនិញឡើងថ្លៃ នេះគឺជាក្រឹត្យក្រមធម្មតារវាងសេចក្តីត្រូវការនិងការផ្គត់ផ្គង់ដែលមានការស៊ីសង្វាក់គ្នា ខណៈពលរដ្ឋមួយចំនួនមានតម្រូវការក្នុងអំឡុងចូលឆ្នាំប្រពៃណីចិននិងវៀតណាម។សម្តេចតេជោ ហ៊ុន សែន ចំអកឲ្យពួកប្រឆាំងទាំងឡាយ ដែលបានរិះគន់ថា ក្រោមការដឹកនាំរបស់សម្តេចតេជោ ហ៊ុន សែន ប្រមុខនៃរាជរដ្ឋាភិបាលប្រទេសជាតិក្រទៅៗ ខណៈដែលពួកគេពីមុនដើរគ្មានស្បែកជើងពាក់ និងគ្មានកង់ជិះ តែឥលូវជិះសុទ្ធតែឡានទំនើប និងផ្ទះវីឡា។សម្តេចតេជោ ហ៊ុន សែន ប្រកាសថា គណបក្សប្រជាជនកម្ពុជាមិនអាចបំភ្លេច៧មករាដាច់ខាត ព្រោះវាជាស្នូលនៃការរស់រានមានជីវិតរបស់ប្រជាពលរដ្ឋខ្មែរ។ កម្ពុជាមិនបានប្រារព្ធពិធីធំនៅឆ្នាំនេះ ដោយសារកម្ពុជាកំពុងបន្តយុទ្ធនាការកាត់បន្ថយការជួបជុំទ្រង់ទ្រាយធំ ទប់ស្កាត់ការឆ្លងរីករាលដាលជំងឺកូវីដ-១៩ ជាពិសេសមេរោគបំប្លែងខ្លួនថ្មី អូមីក្រុង។សម្ដេចតេជោ នាយករដ្ឋមន្ត្រី អំពាវនាវប្រជាពលរដ្ឋចូលរួមបន្តអនុវត្តនូវវិធានការការពារទប់ស្កាត់ការឆ្លងកូវីដ១៩ ប្រភេទបំប្លែងខ្លួនថ្មី អូមីក្រុង ខណៈមកដល់ពេលនេះមានករណីឆ្លងអូមីក្រុងជាង៨០០នាក់ ដោយមួយចំនួនបានជាសះស្បើយ និងមួយចំនួនទៀតបានឲ្យអនុញ្ញាតឲ្យព្យាបាលនៅផ្ទះ។សម្តេចតេជោ បានបញ្ជាក់ថា វ៉ាក់សាំងកូវីដ១៩ នឹងមកដល់ចំនួន ៨លានដុល្លារបន្ថែមទៀតនៅក្នុងឆមាសទី១នេះ ខណៈដែលចិននឹងផ្ដល់ជូនបន្ថែមចំនួន៥លានដូស និងកម្ពុជាបញ្ជាទិញចំនួន ៣លានដុល្លារបន្ថែមទៀតផងដែរ។សម្តេចតេជោ ហ៊ុន សែន ប្រកាសថា នៅពេលនេះកម្ពុជាមិនអាចនិយាយរឿងខ្វះវ៉ាក់សាំងទៀតនោះទេ ហើយយុទ្ធនាការចាក់ស្រោចវ៉ាក់សាំងកូវីដ-១៩ ទាំងដូសមូលដ្ឋាននិងដូសជំរុញ នៅតែបន្តដើម្បីធានាការបើកប្រទេសឡើងវិញ មិនងាកថយក្រោយនោះទេ។

កម្ពុជាបន្ដរកឃើញករណីឆ្លងជំងឺកូវីដ-១៩ ចំនួន៥៧នាក់ ជាប្រភេទអូមីក្រុងទាំងអស់

ភ្នំពេញ៖ នៅថ្ងៃនេះ ក្រសួងសុខាភិបាលបញ្ជាក់ថា លទ្ធផលតេស្តដោយម៉ាស៊ីន PCR រកឃើញថា មនុស្ស ៥៧នាក់ទៀត ត្រូវបានឆ្លងមេរោគកូវីដ-១៩ ជាប្រភេទអូមីក្រុងទាំងអស់ ក្នុងនោះ ៤៤ករណីឆ្លងក្នុងសហគមន៍។ក្រសួងបានឱ្យដឹងបន្ថែមថា ថ្ងៃនេះករណីស្លាប់គឺគ្មាននោះទេ ។បើតាមក្រសួងសុខាភិបាល ចំនួនមនុស្សស្លាប់ដោយសារជំងឺកូវីដ-១៩ បានកើនឡើងរហូតដល់ ៣,០១៥នាក់ ហើយគិតត្រឹមថ្ងៃនេះ ខណៈចំនួនអ្នកឆ្លងជំងឺនេះសរុបបានកើនឡើងដល់ ១២១,២៩៩នាក់នៅទូទាំងប្រទេស។ប៉ុន្តែក្រសួងសុខាភិបាលបញ្ជាក់ថា អ្នកជំងឺកូវីដ-១៩ សរុបរហូតដល់ ១១៧,៤២៨នាក់ហើយ ត្រូវបានព្យាបាលជាសះស្បើយឡើងវិញ៕

សម្ដេចតេជោ៖ កម្ពុជាចាត់ទុកការចាក់វ៉ាក់សាំងបង្ការជំងឺកូវីដ-១៩ ជាអាទិភាពយុទ្ធសាស្ត្រ

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅតែអះអាងថា កម្ពុជាចាត់ទុកការចាក់វ៉ាក់សាំងបង្ការជំងឺកូវីដ-១៩ ជាអាទិភាពយុទ្ធសាស្ត្រ និងបានវាយតម្លៃខ្ពស់ចំពោះការជួយចែករំលែកវ៉ាក់សាំងគ្នាទៅវិញ ទៅមកជាហូរហែ ក្នុងគោលដៅពន្លឿនការចាក់វ៉ាក់សាំងនៅទូទាំងសាកលលោក។ក្នុងឱកាសអញ្ជើញជាធិបតីដ៏ខ្ពង់ខ្ពស់ក្នុងពិធីប្រគល់-ទទួលអំណោយដ៏ថ្លៃថ្លាវ៉ាក់សាំងកូវីដ-១៩ (AstraZeneca) ចំនួន ៣០ម៉ឺនដូសពីប្រជាជន និងរដ្ឋាភិបាលនៃសាធារណរដ្ឋប៉ូឡូញ ជូនប្រជាជន និងរាជរដ្ឋាភិបាល នៃព្រះរាជាណាចក្រកម្ពុជា ធ្វើឡើងនៅវិមានសន្តិភាព ទីស្តីការនាយករដ្ឋមន្ត្រី នាព្រឹកថ្ងៃទី៣០ខែមករានេះ ដែលមានការអញ្ជើញចូលរួមពីលោកជំទាវ ម៉ារៀ ឌែល ខាមិន ម៉ូរ៉េណូ ឯកអគ្គរដ្ឋទូតវិសាមញ្ញ និងពេញសមត្ថភាពនៃសហភាពអឺរ៉ុបប្រចាំនៅកម្ពុជា ដែលជាតំណាងដ៏ខ្ពង់ខ្ពស់នៃសាធារណរដ្ឋប៉ូឡូញ ។ក្នុងឱកាសនោះដែរ សម្តេចបានសំដែងនូវសេចក្តីសោមនស្ស ក្នុងការអញ្ជើញមកចូលរួមទទួលវ៉ាក់សាំងដែលជាជំនួយដ៏ថ្លៃថ្លានេះ ។សម្ដេចតេជោ បានមានប្រសាសន៍ បញ្ជាក់ជាថ្មីថា កម្ពុជាចាត់ទុកការចាក់វ៉ាក់សាំងបង្ការជំងឺកូវីដ-១៩ គឺជាអាទិភាពយុទ្ធសាស្ត្រ។សម្តេចមានប្រសាសន៍ថា ជាការពិត ការចាក់វ៉ាក់សាំងជាវិធានការគន្លឹះក្នុងការគ្រប់គ្រងការឆ្លងរាលដាលនិងឈានទៅបញ្ចប់វិបត្តិនៃជំងឺកូវីដ-១៩ នឹងបើកដំណើរការសកម្មភាពសង្គម-សេដ្ឋកិច្ចឡើងវិញ តាមគន្លងប្រក្រតីភាពថ្មីប្រកបដោយសុវត្ថិភាព។សម្ដេច បានលើកជាឧទាហរណ៍ជាក់ស្ដែងថា ជាមួយនឹងការចាក់វ៉ាក់សាំងបានប្រមាណ ៩០ភាគរយ នៃប្រជាជនសរុបប្រមាណ ១៦ លាននាក់ គិតត្រឹមថ្ងៃទី ២០ខែមករា ឆ្នាំ២០២២ នេះ កម្ពុជាអាចគ្រប់គ្រងការឆ្លងរាលដាល កាត់បន្ថយការសម្រាកព្យាបាលនៅមន្ទីរពេទ្យ និងអត្រាមរណភាពឲ្យស្ថិតនៅក្នុងកម្រិតទាប និងអាចរក្សាបាននូវដំណើរការសកម្មភាពសង្គម-សេដ្ឋកិច្ច។ទោះជាយ៉ាងណាក៏ដោយកម្ពុជាក៏ដូចជាសកលលោកទាំងមូលបាននិងកំពុងទទួលរងនូវការឆ្លងរាលដាលនៃមេរោគបំប្លែងខ្លួនថ្មីជាពិសេសប្រភេទអូមីក្រុង ដែលទាមទារឲ្យមានការប្រុងប្រយ័ត្នខ្ពស់ ដោយមិនមានការភិតភ័យនិងស្លន់ស្លោ។សម្តេច ក៏បានអំពាវនាវឱ្យប្រជាជនកម្ពុជា មិនត្រូវភ្លេចខ្លួន និងត្រូវបន្តអនុវត្តឱ្យបានខ្ជាប់ខ្ជួននូវ វិធានការសុខាភិបាល ជាពិសេសវិធានការ “៣-ការពារ និង ៣-កុំ”និងនាំគ្នាទៅទទួលការចាក់វ៉ាក់សាំង ដូសជំរុញឱ្យបានគ្រប់គ្នា តាមការណែនាំរបស់ក្រសួងសុខាភិបាល ដើម្បីបន្តរក្សាឱ្យបាននូវភាពស៊ាំសហគមន៍ និងធានាបាននូវកិច្ចដំណើរការនៃសកម្មភាពសង្គម-សេដ្ឋកិច្ចពេញលេញ ប្រកបដោយសុវត្ថិភាព និងមិនត្រឡប់ថយក្រោយវិញ ។ ជាទីបញ្ចប់សម្ដេច ក៏បានលើកទឹកចិត្តឲ្យសាធារណរដ្ឋប៉ូឡូញ និងសហភាពអឺរ៉ុបបន្តផ្ដល់ការគាំទ្រដល់កម្ពុជានិងអាស៊ាននិងលើកទឹកចិត្តឲ្យធុរជនវិនិយោគិនប៉ូឡូញក៏ដូចជាសហភាពអឺរ៉ុបបង្កើនការធ្វើធុរកិច្ចពាណិជ្ជកម្ម និងការវិនិយោគ ជាពិសេសលើវិស័យ កសិ-ឧស្សាហកម្ម អប់រំនិងទេសចរណ៍នៅកម្ពុជាក៏ដូចជានៅក្នុងតំបន់អាស៊ានទាំងមូល៕ អត្ថបទ មុត សុទ្ធ

ឯកឧត្តម ហ៊ុន ម៉ានី អបអរសាទរចំពោះសម្តេចតេជោ ដែលត្រូវបានជ្រើសរើសជាជ័យលាភីពានរង្វាន់សន្តិភាព ស៊ុនហាក់ ប្រចាំឆ្នាំ២០២២

ភ្នំពេញ៖ ឯកឧត្តម ហ៊ុន ម៉ានី ក្នុងនាមជាប្រជាពលរដ្ឋខ្មែរម្នាក់ បានសម្តែងនូវការអបអរសាទរយ៉ាងក្លៀវក្លា ជូនចំពោះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ដែលត្រូវបានគណៈកម្មាធិការមូលនិធិ ពានរង្វាន់សន្តិភាព ស៊ុនហាក់ សាធារណរដ្ឋកូរ៉េ ជ្រើសរើសជាជ័យលាភីពានរង្វាន់សន្តិភាព ស៊ុនហាក់ ប្រចាំឆ្នាំ២០២២ ។សេចក្តីសម្រេចក្នុងការកំណត់បេក្ខភាពរបស់សម្តេច ផ្អែកលើភាពជាដឹកនាំប្រកបដោយគតិបណ្ឌិតក្នុងការថែរក្សាសន្តិភាព ស្ថិរភាព និងការអភិវឌ្ឍសេដ្ឋកិច្ច ក្នុងព្រះរាជាណាចក្រកម្ពុជា ក៏ដូចជាក្នុងតំបន់អាស៊ីអាគ្នេយ៍ទាំងមូល។ឯកឧត្តម បានបន្ថែមទៀតថា នេះសរបញ្ជាក់ឱ្យឃើញច្បាស់នូវការទទួលស្គាល់ពីស្ថាប័នសន្តិភាពលើពិភពលោក មកលើការលះបង់ ការប្តេជ្ញាចិត្ត និងស្នាដៃរបស់សម្តេចក្នុងនាមជាមេដឹកនាំមួយរូប ដែលបានបូជាកម្លាំងកាយចិត្ត ដើម្បីបុព្វហេតុសន្តិភាព ស្ទើរពេញមួយជីវិតរបស់លោក។ឯកឧត្តម ហ៊ុន ម៉ានី បានបញ្ជាក់ថា ពានរង្វាន់នេះ មិនត្រឹមតែជាការទទួលស្គាល់នូវគុណូបការៈរបស់សម្តេចចំពោះសន្តិភាពប៉ុណ្ណោះទេ តែក៏ជាការបង្ហាញពីសមិទ្ធផលសន្តិភាពដ៏បរិបូណ៌ផូរផង់ដែលព្រះរាជាណាចក្រកម្ពុជាកំពុងមានសព្វថ្ងៃផងដែរ៕រូបភាព៖ ឯកសារ

សម្តេចតេជោ ហ៊ុន សែន ទទួលបានពានរង្វាន់សន្តិភាពស៊ុនហាប់ឆ្នាំ២០២២ ពីមូលនិធិស៊ុនហាប់

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា ទទួលបានពានរង្វាន់សន្តិភាពស៊ុនហាប់ឆ្នាំ២០២២ ពីមូលនិធិសន្តិភាពស៊ុនហាប់ ដែលមានមូលដ្ឋាននៅប្រទេសកូរ៉េខាងត្បូង ដោយការផ្តល់នូវពានរង្វាន់នេះ បន្ទាប់ពីមើលឃើញ ការដឹកនាំរបស់សម្តេចតេជោ ហ៊ុន សែន បានធ្វើឲ្យប្រទេសមានសុខសន្តិភាព និងការអភិវឌ្ឍជាបន្តបន្ទាប់។យោងតាមលិខិតរបស់បណ្ឌិត Thomas G. Walsh ប្រធានមូលនិធិសន្តិភាពស៊ុនហាប់ ដែលបានចេញកាលពីថ្ងៃទី២៩ ខែមករា ឆ្នាំ២០២២ម្សិលមិញនេះ បានឲ្យដឹងថា ពិធីប្រគល់ពានរង្វាន់នេះ នឹងត្រូវធ្វើឡើងនៅថ្ងៃទី១២ ខែកុម្ភៈ ឆ្នាំ២០២២ នៅទីក្រុងសេអ៊ូល ប្រទេសកូរ៉េ ហើយការផ្តល់ពានរង្វាន់នេះ ដោយសារតែការដឹកនាំដ៏ខ្ជាប់ខ្ជួន ក្នុងរយៈពេលជាច្រើនឆ្នាំកន្លងមកនេះ ក្នុងនាមជានាយករដ្ឋមន្ត្រីកម្ពុជា ហើយការដឹកនាំរបស់សម្តេចតេជោ ពិតជាបានរួមចំណែកដល់ការកសាងសន្តិភាព ការអភិវឌ្ឍសេដ្ឋកិច្ច និងសន្តិភាពនៅក្នុងប្រទេសកម្ពុជា និងនៅក្នុងតំបន់អាស៊ីអាគ្នេយ៍ទាំងមូល។ក្នុងលិខិត បានលើកឡើងទៀតថា គណៈកម្មាធិការ បានទទួលស្គាល់លើកិច្ចខិតខំប្រឹងប្រែងរបស់សម្តេចតេជោ ក្នុងការលើកកម្ពស់សន្តិភាពនៅក្នុងតំបន់អាស៊ីប៉ាស៊ីហ្វិកដ៏ទូលំទូលាយ រួមទាំងការអំពាវនាវឱ្យបង្កើតសហភាពអាស៊ីប៉ាស៊ីហ្វិកផងដែរ។ តាមរយៈលិខិតនេះ លោកបណ្ឌិត Thomas G. Walsh បានបញ្ជាក់ថា «មូលនិធិពានរង្វាន់សន្តិភាពស៊ុនហាក់សូមផ្ដល់ដោយក្តីគោរពដ៏ខ្ពង់ខ្ពស់ជូន សម្តេចតេជោ នូវពានរង្វាន់ស្ថាបនិកសន្តិភាពស៊ុនហាក់ ជាសក្ខីភាពនៃការទទួលស្គាល់លើការរួមចំណែករបស់ សម្តេចតេជោ ក្នុងការកសាងសន្តិភាព និងការអភិវឌ្ឍមនុស្សជាតិ។ពានរង្វាន់នេះ ត្រូវបានបង្កើតឡើងដើម្បីទទួលស្គាល់ឥស្សរជន និងស្ថាប័ននានា ដែលបានបម្រើមនុស្សជាតិដែលអាចជាគំរូមួយ ធ្វើឱ្យពិភពលោកកាន់តែមានភាពប្រសើរឡើងសម្រាប់មនុស្សជំនាន់ក្រោយ»។លោកបណ្ឌិត Thomas G. Walsh បានឱ្យដឹងទៀតថា គណៈកម្មាធិការជ្រើសរើសជ័យលាភី ពិតជាមានកិត្តិយសយ៉ាងក្រៃលែងចំពោះដែលសម្តេចតេជោ យល់ព្រមទទួលយកពានរង្វាន់នេះ និងផ្តល់កិត្តិយសអញ្ជើញចូលរួមក្នុងពិធីប្រគល់រង្វាន់ដោយផ្ទាល់ ព្រមទាំងនឹងថ្លែងសារនៃក្ដីសង្ឃឹមសម្រាប់អនាគតដ៏សុខសាន្តរបស់មនុស្សជាតិ។គណៈកម្មការពានរង្វាន់សន្តិភាពស៊ុនហាក់សង្ឃឹមថា នឹងបានធ្វើកិច្ចសហប្រតិបត្តិការជាមួយសម្តេចតេជោ ដោយផ្ទាល់ក្នុងការកសាងពិភពលោកមួយពោរពេញដោយសន្តិភាពសម្រាប់មនុស្សជំនាន់ក្រោយ។បើតាមលិខិតដដែលបាននេះ បានលើកឡើងទៀតថា ពានរង្វាន់សន្តិភាពស៊ុនហាក់ គឺជាពានរង្វាន់សន្តិភាពអន្តរជាតិ ដែលត្រូវបានបង្កើតឡើងក្នុងឆ្នាំ២០១៥ ដើម្បីរំលឹកដល់ទស្សនវិស័យសន្តិភាពរបស់ស្ថាបនិក គឺលោក ស៊ុន យ៉ុនមូន និងលោកស្រីបណ្ឌិត ហាក់ ចា ហាន់ មូន។ពិធីប្រគល់រង្វាន់លើកទីមួយ ដែលផ្តោតលើបញ្ហា «បម្រែបម្រួលអាកាសធាតុ» ត្រូវបានប្រគល់ជូនអតីតប្រធានាធិបតីប្រទេសគីរីបាទី គឺលោក Anote Tong និងបណ្ឌិត Modadugu Gupta អ្នកវិទ្យាសាស្ត្រជលផលមកពីប្រទេសឥណ្ឌា។ពិធីប្រគល់ពានរង្វាន់លើកទីពីរ បានផ្តោតលើបញ្ហា «វិបត្តិជនភៀសខ្លួនជាសាកល» ហើយម្ចាស់ជ័យលាភី គឺលោកបណ្ឌិត Gino Strada ស្ថាបនិកនៃអង្គការផ្តល់ជំនួយសង្គ្រោះបន្ទាន់ និងបណ្ឌិត Sakena Yacoobi អ្នកអប់រំនៅប្រទេសអាហ្គានីស្ថាន។ពិធីប្រគល់រង្វាន់លើកទីបី បានផ្តោតលើ «សិទ្ធិមនុស្ស និងការអភិវឌ្ឍនៅអាហ្វ្រិក» ហើយអ្នកទទួលជ័យលាភី គឺលោកបណ្ឌិតAkinwumi Adesina ប្រធានធនាគារអភិវឌ្ឍន៍អាហ្វ្រិក ដែលបានធ្វើឱ្យការអភិវឌ្ឍវិស័យកសិកម្មនៅទ្វីបអាហ្វ្រិកមានការរីកចម្រើនយ៉ាងខ្លាំង និងលោកស្រី Waris Dirie សកម្មជនសិទ្ធិស្ត្រីដែលបានលើកកម្ពស់ឱ្យសហគមន៍អន្តរជាតិការយល់ដឹងអំពីការវះកាត់ផ្លូវភេទស្ត្រី។នៅឆ្នាំ២០២០ ប្រធានាធិបតីសេនេហ្គាល់ លោក Macky Sall ត្រូវបានទទួលស្គាល់លើការរួមចំណែកឆ្ពោះទៅរកការបង្កើតគោលការណ៍នៃអភិបាលកិច្ចល្អនៅក្នុងទ្វីបអាហ្វ្រិក និងអាចារ្យបណ្ឌិត Munib A. Younanអតីតប្រធានសហព័ន្ធព្រះវិហារ Lutheran ពិភពលោក សម្រាប់ការរួមចំណែកចំពោះការធ្វើឱ្យចុះសម្រុងគ្នារវាងសាសនានៅមជ្ឈិមបូព៌ា និងពិភពខាងក្រៅ។ មួយទៀតក្នុងការរំលឹកខួបលើកទី១០០ឆ្នាំ នៃខួបកំណើតរបស់ស្ថាបនិកពានរង្វាន់ស្ថាបនិកត្រូវបានប្រគល់ជូន លោក បាន គីមូន អតីតអគ្គលេខាធិការអង្គការសហប្រជាជាតិ៕អត្ថបទ៖ បាន ចក់រូបភាព៖ ឯកសារ

ក្រុមការងារចុះជួយឃុំព្រះផុស ជួបសំណេះសំណាលប្រជាពលរដ្ឋ និងឧបត្ថម្ភថវិកា មួយចំនួនដល់មន្ត្រីប្រចាំការស្នាក់ការបក្ស

បាត់ដំបង៖ លោក ពិត ភារក្ស អនុប្រធានក្រុមការងារតំណាងដ៏ខ្ពង់ខ្ពស់ឯកឧត្ដម ស្រេង វង្សហៀង ប្រធានក្រុមការងារគណបក្សប្រជាជនកម្ពុជាចុះជួយ ឃុំព្រះផុស រួមទាំងក្រុមការងារគណបក្ស បានចុះជួបសំណេះសំណាលសួរសុខទុក្ខប្រជាពលរដ្ឋប្រមាណ ២៤១នាក់ នៅឃុំព្រះផុស ។ក្នុងឱកាសនោះលោក ពិត ភារក្ស បានអំពាវនាវដល់ប្រជាពលរដ្ឋត្រូវបន្តអនុវត្តឲ្យបានខ្ជាប់ខ្ជួនតាមការណែនាំរបស់ក្រសួងសុខាភិបាល ដោយត្រូវលាងសម្អាតដៃឱ្យបានស្អាតជានិច្ច ពាក់ម៉ាសរាល់ពេលចេញក្រៅផ្ទះ រក្សាគម្លាតសុវត្ថិភាពគ្រប់ពេលវេលា បើទោះជាបានទទួលវ៉ាក់សាំងបង្ការកូវីដ-១៩ គ្រប់ដូសក្តី ។សូមយកចិត្តទុកដាក់ថែរក្សាសុខភាព ជាពិសេសចំពោះលោកយាយ លោកតា ដែលមានវ័យជរា និងជំងឺប្រចាំកាយព្រោះអាចងាយនឹងប្រឈមជាមួយជំងឺផ្សេងៗ ពិសេសផ្តាសាយ នៅក្នុងអំឡុងពេលចុះត្រជាក់នេះ ។ត្រូវយកចិត្តទុកដាក់ថែទាំកូនចៅ ពិសេសកុមារតូចៗ ឱ្យបានល្អ និងមានសុវត្ថិភាពពីការឆ្លង នៃជំងឺកូវីដ-១៩ ក៏ដូចជាជំងឺផ្សេងៗទៀត ។ជាពិសេសសូមបន្តយកចិត្តទុកដាក់អប់រំណែនាំកូនចៅ ឱ្យចៀសឆ្ងាយពីគ្រឿងញៀន និងល្បែងស៊ីសងគ្រប់ប្រភេទ និងត្រូវផ្តោតលើការសិក្សា ទាំងនៅសាលារៀន និងពេលមកដល់ផ្ទះវិញ ។លោក បានស្នើដល់អាជ្ញាធរពាក់ព័ន្ធសូមបន្តតាមដានរាល់ស្ថានភាពជីវភាព របស់បងប្អូនប្រជាពលរដ្ឋ ដោយកំណត់មុខសញ្ញាជនរងគ្រោះ និងជនងាយរងគ្រោះក្នុងបរិការណ៍ នៃវិបត្តិកូវីដ-១៩ អោយបានដើម្បីងាយស្រួលក្នុងការត្រៀមលក្ខណៈជួយអន្តរាគមន៍ បានទាន់ពេលវេលាដោយមិនត្រូវទុកឱ្យប្រជាពលរដ្ឋណាម្នាក់ ដែលមានបញ្ហា ឱ្យនៅរងាឯកា ដោយយើងមិនបានដឹងនោះទេ ជាពិសេសមិនត្រូវឲ្យមានការរើសអើងកើតឡើងឡើយ ។ សូមយកចិត្តទុកដាក់ថែរក្សាសន្តិសុខ សុវត្ថិភាព ជូនប្រជាពលរដ្ឋ ដោយអនុលោមទៅតាមគោលនយោបាយភូមិ ឃុំ មានសុវត្ថិភាព របស់ក្រសួងមហាផ្ទៃ៕

ក្រុមអាទិភាព និងពលរដ្ឋនៅតាមបណ្តាខេត្ត បន្តមកចាក់វ៉ាក់សាំងដូសទី៤ នៅភ្នំពេញ

ភ្នំពេញ៖ ស្ថិតក្នុងបរិបទជំងឺកូវីដ-១៩ ក្រុមអាទិភាព និងពលរដ្ឋនៅតាមបណ្តាខេត្ត នៅថ្ងៃទី២៩ ខែមករានេះ ធ្វើដំណើរមករាជធានីភ្នំពេញ ដើម្បីទទួលបានការចាក់វ៉ាក់សាំងដូសទី៤ ប្រភេទPfizer។ការចាក់វ៉ាក់សាំងដូសទី៤ គឺដើម្បីបង្កើនអង់ទីគ័រទប់ទល់ នឹងការវាយលុកពីជំងឺកូវីដ ជាពិសេសមេរោគបំប្លែងថ្មី អូមីក្រុង។ក្រុមអាទិភាព និងពលរដ្ឋរស់នៅតាមបណ្តាខេត្ត នៅថ្ងៃទី២៩ខែមករានេះ បានប្រាប់BTVឱ្យដឹងថា ការសម្រេចចិត្តធ្វើដំណើរពីខេត្តមកចាក់វ៉ាក់សាំងដូសទី៤ ប្រភេទ Pfizer នៅភ្នំពេញ គឺដើម្បីចង់ការពារខ្លួន កុំឱ្យឆ្លងជំងឺកូវីដ-១៩ ខណៈមេរោគបំប្លែងថ្មី អូមីក្រុង កំពុងមានវត្តមាននៅក្នុងប្រទេសកម្ពុជា។បន្ទាប់ពីចាក់វ៉ាក់សាំងដូសទី៤រួច គឺជួយបង្កើនទំនុកចិត្ត ក្នុងការរស់នៅតាមគន្លងថ្មី ជាមួយមេរោគកូវីដ។លើសពីនេះ ពួកគាត់បានអគុណចំពោះសម្តេចតេជោ ហ៊ុន សែន នាយករដ្ឋមន្រ្តីកម្ពុជាតែងតែយកចិត្តទុកចំពោះប្រជាពលរដ្ឋ ជាពិសេសក្រុមអាទិភាពជួរមុខដែលប្រឈម និងការឆ្លងជំងឺកូវីដ-១៩ ជាងប្រជាពលរដ្ឋទូទៅ។បច្ចុប្បន្នយុទ្ធនាការចាក់វ៉ាក់សាំងកូវីដ-១៩ ដូសទី៤ ប្រភេទPfizer ជូនក្រុមអាទិភាព និងពលរដ្ឋ គឺអនុវត្តនៅតែរាជធានីភ្នំពេញប៉ុណ្ណោះ ព្រោះវ៉ាក់សាំងនេះ ត្រូវផ្ទុកក្នុងសីតុណ្ហភាពត្រជាក់ដក៨០អង្សាសេ។ សម្រាប់បណ្តារាជធានី-ខេត្តផ្សេងទៀត នឹងចាប់ផ្តើមអនុវត្តនៅពេលខាងមុខ បន្ទាប់ពីកម្ពុជាទទួលបានប្រព័ន្ធត្រជាក់ ពីអង្គការUnicef ជាផ្គត់ផ្គង់។កន្លងទៅសម្តេចតេជោ បានគូសបញ្ជាក់ថា ដំណើរការចាក់ដូសទី៤ ឬដូសជំរុញ ត្រូវប្រើប្រាស់វ៉ាក់សាំងប្រភេទ Pfizer ដែលបច្ចុប្បន្នមាននៅក្នុងដៃប្រមាណជាង ២.៣លានដូស ត្រូវចាក់ក្រុមអាទិភាពមុនគេ ដែលមានប្រមាណត្រឹមតែជាង ៧០ម៉ឺននាក់ប៉ុណ្ណោះ។ក្រុមអាទិភាពដែលត្រូវចាក់វ៉ាក់សាំងដូសទី៤នោះ មានដូចជា៖ នគរបាល, អាវុធហត្ថ, កងទ័ព, គ្រូពេទ្យ, មន្ដ្រីរាជការ, សិល្បករ សិល្បការិនី ជាអ្នកសារព័ត៌មាន និងមនុស្សវ័យចាស់ជាដើម៕អត្ថបទ៖ទូច សោភ័ណ

កម្ពុជា និងអង្គការសហប្រជាជាតិប្តេជ្ញារធ្វើការរួមគ្នា ដើម្បីរកភាពល្អប្រសើឡើងវិញជូនមីយ៉ាន់ម៉ា

ភ្នំពេញ៖ ប្រមុខការទូតកម្ពុជា ក្នុងនាមជាប្រសិតពិសេសរបស់ប្រធានអាស៊ាន ដើម្បីដោះស្រាយបញ្ហានៅមីយ៉ាន់ម៉ា និងប្រេសិតពិសេសរបស់អគ្គលេខាធិការអង្គការសហប្រជាជាតិ បានប្តេជ្ញារួមគ្នា ដើម្បីសន្តិភាព និងភាពល្អប្រសើរឡើងវិញជូនប្រជាជន និងប្រទេសមីយ៉ាន់ម៉ា ។តាមរយៈផេកហ្វេសបុកផ្ទាល់ នាព្រឹកថ្ងៃទី២៩ ខែមករា ឆ្នាំ២០២២នេះ ឯកឧត្តមប្រាក់ សុខុន ឧបនាយករដ្ឋមន្រ្តី រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ បានលើកឡើងថា កាលពីយប់មិញថ្ងៃទី២៨ ឯកឧត្តម ជូនព័ត៌មានតាមប្រព័ន្ធវីឌីអូ ដល់ក្រុមប្រឹក្សាសន្តិសុខអង្គការសហប្រជាជាតិស្តីពីបញ្ហាមីយ៉ាន់ម៉ា រួមជាមួយនឹងលោកស្រីបណ្ឌិត ណូលីន ហេហ្សឺរ ប្រេសិតពិសេសរបស់អគ្គលេខាធិការអង្គការសហប្រជាជាតិ និងលោក រ៉ាម៉េស រ៉ាចាស៊ីងហេម អ្នកសម្របសម្រួលរងនៃជំនួយមនុស្សធម៌បន្ទាន់របស់អង្គការសហប្រជាជាតិ។ប្រមុខការទូតរូបនេះ បានបញ្ជាក់បន្ថែមទៀតថា« កិច្ចប្រជុំនេះគឺមានសារៈសំខាន់ដល់ការកៀរគរកិច្ចខិតខំប្រឹងប្រែងរបស់សហគមន៍អន្តរជាតិក្នុងការជួយមីយ៉ាន់ម៉ាឲ្យវិលមករកជីវភាពធម្មតាវិញ។ ជាថ្មីម្តងទៀត ការងារចម្បងរបស់យើងនាពេលនេះ គឺការបញ្ឈប់អំពើហិង្សា និងការធានាឱ្យបានថាការផ្តល់ជំនួយមនុស្សធម៌ដល់ប្រជាពលរដ្ឋមីយ៉ាន់ម៉ា នឹងមានលក្ខណៈបរិយាប័ន្ន និងគ្មានការរារាំង»។យ៉ាងណាក៏ដោយក្នុងនាមជាប្រេសិតពិសេសរបស់ប្រធានអាស៊ាន ប្រមុខការទូតរូបនេះ បានវាយតម្លៃខ្ពស់ដល់កិច្ចសហប្រតិបត្តិការយ៉ាងសកម្ម និងជិតស្និទ្ធជាមួយប្រេសិតពិសេសរបស់អគ្គលេខាធិការអង្គការសហប្រជាជាតិ ហើយភាគីទាំងពីរបានបន្តប្តេជ្ញាធ្វើការជាមួយភាគីទាំងឡាយដើម្បីសម្រេចគោលបំណងរួមរបស់ខ្លួន ជាពិសេសការអនុវត្តការព្រមព្រៀងជាឯកច្ឆន្ទ៥ចំណុចប្រកបដោយប្រសិទ្ធភាព។កាលពីដើមខែមករា ឆ្នាំ២០២២កន្លងទៅនេះ ប្រមុខរាជរដ្ឋាភិបាលកម្ពុជា និងត្រូវជាប្រធានអាស៊ានសម្រាប់ឆ្នាំ២០២២នេះ បានធ្វើដំណើរទស្សនកិច្ចទៅកាន់ប្រទេសមីយ៉ាន់ម៉ា ដើម្បីស្វែងរកសុខសន្តិភាពជូនប្រជាជន និងប្រទេសជាសមាជិកអាស៊ានមួយនេះ។ ឯកឧត្តមប្រាក់ សុខុន បានលើកឡើងថា ការដែលកម្ពុជាទៅកាន់ប្រទេសនេះយ៉ាងប្រថុយប្រថាន គឺចង់បង្ហាញឱ្យឃើញពីគោលបំណងរបស់កម្ពុជា ក្នុងការរួមចំណែកកសាងសន្តិភាពនៅមីយ៉ាន់ម៉ា ដែលនឹងទាមទារការបង្កើនទំនុកចិត្តទៅវិញទៅមក។យ៉ាងណាក៏ដោយឯកឧត្តមប្រាក់ សុខុន បានបញ្ជាក់ជាថ្មីម្តងទៀតថា ដំណើរការសន្តិភាពនៅប្រទេសមីយ៉ាន់ម៉ានេះ ត្រូវតែដឹកនាំដោយមីយ៉ាន់ម៉ាខ្លួនឯង ខណៈក្នុងនាមជាប្រធានអាស៊ាន កម្ពុជានឹងប្រឹងប្រែងសម្របសម្រួលដំណើរការនេះប៉ុន្តែជាក់ស្តែង ការគាំទ្រក្នុងលក្ខណៈស្ថាបនាពីគ្រួសារអាស៊ាន និងដៃគូរបស់យើង ព្រមទាំងតួអង្គពាក់ព័ន្ធទាំងអស់ពិតជាមានសារៈសំខាន់ណាស់៕អត្ថបទ៖ បាន ចក់

មនី្ទរពេទ្យមិត្តភាពកម្ពុជា-ចិន ត្បូងឃ្មុំ នឹងសម្ពោធដាក់ដំណើរការនាខែមីនាឆ្នាំ២០២២ខាងមុខនេះ

ត្បូងឃ្មុំ៖ មនី្ទរពេទ្យមិត្តភាពកម្ពុជា-ចិន ត្បូងឃ្មុំ នៅខេត្តត្បូងឃ្មុំ តម្លៃជិត ៥០លានដុល្លារជាជំនួយឥតសំណងរបស់សាធារណរដ្ឋប្រជាមានិតចិន និងគ្រោងសម្ពោធដាក់ដំណើរការជាផ្លូវការ នាខែមីនាឆ្នាំ២០២២ខាងមុខនេះ។ក្នុងជួបសម្តែងការគួរសម និងពិភាក្សាការងារ នាទីសី្តការក្រសួងសុខាភិបាល ព្រឹកថ្ងៃទី២៨ ខែមករា ឆ្នាំ២០២២នេះ លោក ហ៊ូជីន ហាយ ប្រធានគម្រោងសាងសង់មនី្ទរពេទ្យមិត្តភាពកម្ពុជា-ចិន ត្បូងឃ្មុំ ខេត្តត្បូងឃ្មុំ បានរាយការណ៍ជូនលោកជំទាវវេជ្ជបណ្ឌិត យក់ សម្បតិ្ត រដ្ឋលេខាធិការក្រសួងសុខាភិបាល ដើម្បីរាយការណ៍អំពីលទ្ធផល នៃការសាងសង់មនី្ទរពេទ្យដែលជាជំនួយឥតសំណងរបស់សាធារណរដ្ឋប្រជាមានិតចិន ហើយគម្រោងនេះ តាមរបាយការណ៍របស់ក្រុមហ៊ុនសាងសង់នឹងបញ្ចប់កំឡុងខែកុម្ភះ ឆ្នាំ២០២២នេះ។លោកជំទាវវេជ្ជបណ្ឌិត យក់ សម្បតិ្ត រដ្ឋលេខាធិការក្រសួងសុខាភិបាល បានបញ្ជាក់ថា មនី្ទរពេទ្យមិត្តភាពកម្ពុជា-ចិន ត្បូងឃ្មុំ នឹងបញ្ចប់ការសាងសង់ក្នុងកំឡុងខែកុម្ភះ ឆ្នាំ២០២២ខាងមុខនេះ និងប្រគល់ជូនក្រសួងសុខាភិបាល ដើម្បីប្រារព្ធពិធីសម្ពោធ និងប្រកាសដាក់ឲ្យប្រើបា្រស់ជាផ្លូវការ និងប្រព្រឹតិ្តទៅនៅខែមីនា ឆ្នាំ២០២២ខាងមុខនេះ ក្រោមអធិបតីភាពដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រី្ត នៃព្រះរាជាណាចក្រកម្ពុជា។ តាមរយៈការវាយតម្លៃពីក្រុមការងារជំនាញ បានចុះពិនិត្យនោះ គឺសំណង់មនី្ទរពេទ្យមិត្តភាពកម្ពុជា-ចិន ត្បូងឃ្មុំ សម្រេចសឹងតែ៩៨%ហើយ នៅតែ២%ទៀតប៉ុណ្ណោះ ដូចជាការសម្អាត និងរៀបចំចាត់ចែងទីកន្លែងឲ្យមានសោភ័ណភាពល្អប្រសើរ។ ក្រោយពីសម្ពោធដាក់ដំណើរហើយនោះ ក្រសួងនឹងរៀបចំឲ្យក្លាយជាមនី្ទរពេទ្យថ្នាក់តំបន់ ដែលអាចគ្រប់ដណ្តប់ ដល់បណ្តាខេត្តនៅជុំវិញខេត្តត្បូងឃ្មុំ ដូចជាខេត្តកំពង់ចាម ខេត្តព្រៃវែង ខេត្តក្រចេះ និងខេត្តស្ទឹងត្រែងជាដើម។សូមបញ្ជាក់ផងដែរថា គម្រោងសាងសង់មនី្ទរពេទ្យមិត្តភាពកម្ពុជា-ចិន ត្បូងឃ្មុំ ស្ថិតក្នុងឃុំស្រឡប់ ស្រុកត្បូងឃ្មុំ ទីរួមខេត្តត្បូងឃ្មុំ បានបើកការដ្ឋានសាងសង់កាលពីខែមីនា ឆ្នាំ២០១៩ ដែលកំពុងដំណើរការសាងសង់លើផ្ទៃដី ២៤៣០០ម៉ែត្រក្រឡា (៧ហិចតា) ក្រោមជំនួយឥតសំណងក្នុងទំហំទឹកប្រាក់ប្រមាណជិត ៥០លានដុល្លារអាមេរិក របស់សាធារណរដ្ឋប្រជាមានិតចិន៕ អត្ថបទ៖ រដ្ឋា

បណ្ដាញសង្គម

ព័ត៌មានថ្មីៗ

វិស័យរដ្ឋបញ្ជាក់ពីការប្តេជ្ញាចិត្តក្នុងការជួយពង្រឹងការយល់ដឹងអំពីច្បាប់ និងនីតិវិធីគយដល់វិស័យ SMEs

យោធាអ៊ីស្រាអែលព្រមានអំពីការវាយប្រហារជិតកើតមាន នៅភាគខាងត្បូងនៃប្រទេសលីបង់

ជប៉ុន និងឥណ្ឌូនេស៊ី សម្លឹងដល់ទំនាក់ទំនងកាន់តែជិតស្និទ្ធ តាមរយៈការចែករំលែកព័ត៌មានសម្ងាត់ និងការនាំចេញនាវាពិឃាត

មេដឹកនាំប្រឆាំងរបស់កោះតៃវ៉ាន់ ព្យាយាមសម្រាលក្តីបារម្ភរបស់អាមេរិក ជុំវិញជំហរជាមួយចិន

ចិនរិះគន់សហរដ្ឋអាមេរិកចំពោះការដាក់ស្លាក «យោធា» លើក្រុមហ៊ុនធំៗរបស់ខ្លួន

មហាសេដ្ឋីទ្រព្យសែនកោដិថ្មីថ្មោង លោក Musk រងការរិះគន់យ៉ាងខ្លាំង ជុំវិញកុបកម្ម នៅទីក្រុង Belfast

កិច្ចព្រមព្រៀងសន្តិភាពអ៊ីរ៉ង់លេចស្រមោលស្ទុងៗ ខណៈវិធានការយោធាថ្មីកើតឡើងនៅជិតច្រកសមុទ្រ Hormuz

លោក Trump៖ ការវាយប្រហារដោយអាមេរិក បានសម្លាប់មេក្រុមអន្ធពាល Tren de Aragua របស់វ៉េណេស៊ុយអេឡា

សមត្ថកិច្ចរាជធានីភ្នំពេញ បន្តត្រួតពិនិត្យទីតាំងស្នាក់នៅប្រមូលផ្ដុំ ដើម្បីស្វែងរក និងបោសសម្អាតបទល្មើស Online Scams

ប្រព័ន្ធផ្សព្វផ្សាយ៖ កូរ៉េខាងជើងថ្កោលទោសការអនុម័តលក់មីស៊ីលរបស់អាមេរិកទៅឲ្យកូរ៉េខាងត្បូង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សម្តេចតេជោ៖ គណបក្សប្រជាជនកម្ពុជា គ្មានថ្ងៃបោះបង់ចោលការប្រារព្ធខួបជ័យជំនះ៧មករាឡើយ

ប្រសាសន៍សំខាន់ៗរបស់សម្តេចតេជោ ហ៊ុន សែន ក្នុងពិធីបើកការដ្ឋានសាងសង់ ស្ពានអាកាសលើផ្លូវជាតិលេខ៥

កម្ពុជាបន្ដរកឃើញករណីឆ្លងជំងឺកូវីដ-១៩ ចំនួន៥៧នាក់ ជាប្រភេទអូមីក្រុងទាំងអស់

សម្ដេចតេជោ៖ កម្ពុជាចាត់ទុកការចាក់វ៉ាក់សាំងបង្ការជំងឺកូវីដ-១៩ ជាអាទិភាពយុទ្ធសាស្ត្រ

សម្តេចតេជោ ហ៊ុន សែន ទទួលបានពានរង្វាន់សន្តិភាពស៊ុនហាប់ឆ្នាំ២០២២ ពីមូលនិធិស៊ុនហាប់

ក្រុមអាទិភាព និងពលរដ្ឋនៅតាមបណ្តាខេត្ត បន្តមកចាក់វ៉ាក់សាំងដូសទី៤ នៅភ្នំពេញ

កម្ពុជា និងអង្គការសហប្រជាជាតិប្តេជ្ញារធ្វើការរួមគ្នា ដើម្បីរកភាពល្អប្រសើឡើងវិញជូនមីយ៉ាន់ម៉ា

មនី្ទរពេទ្យមិត្តភាពកម្ពុជា-ចិន ត្បូងឃ្មុំ នឹងសម្ពោធដាក់ដំណើរការនាខែមីនាឆ្នាំ២០២២ខាងមុខនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

សម្តេចតេជោ៖ គណបក្សប្រជាជនកម្ពុជា គ្មានថ្ងៃបោះបង់ចោលការប្រារព្ធខួបជ័យជំនះ៧មករាឡើយ

ប្រសាសន៍សំខាន់ៗរបស់សម្តេចតេជោ ហ៊ុន សែន ក្នុងពិធីបើកការដ្ឋានសាងសង់ ស្ពានអាកាសលើផ្លូវជាតិលេខ៥

កម្ពុជា​បន្ដ​រក​ឃើញ​ករណី​ឆ្លង​ជំងឺ​កូវីដ-១៩​ ចំនួន​៥៧នាក់ ជា​ប្រភេទ​អូមី​ក្រុង​ទាំងអស់

សម្ដេចតេជោ៖ កម្ពុជាចាត់ទុកការចាក់វ៉ាក់សាំងបង្ការជំងឺកូវីដ-១៩ ជាអាទិភាពយុទ្ធសាស្ត្រ

សម្តេចតេជោ ហ៊ុន សែន ទទួលបានពានរង្វាន់សន្តិភាពស៊ុនហាប់ឆ្នាំ២០២២ ពីមូលនិធិស៊ុនហាប់

ក្រុមអាទិភាព និងពលរដ្ឋនៅតាមបណ្តាខេត្ត បន្តមកចាក់វ៉ាក់សាំងដូសទី៤ នៅភ្នំពេញ

កម្ពុជា និងអង្គការសហប្រជាជាតិប្តេជ្ញារធ្វើការរួមគ្នា ដើម្បីរកភាពល្អប្រសើឡើងវិញជូនមីយ៉ាន់ម៉ា

មនី្ទរពេទ្យមិត្តភាពកម្ពុជា-ចិន ត្បូងឃ្មុំ នឹងសម្ពោធដាក់ដំណើរការនាខែមីនាឆ្នាំ២០២២ខាងមុខនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

កម្ពុជាបន្ដរកឃើញករណីឆ្លងជំងឺកូវីដ-១៩ ចំនួន៥៧នាក់ ជាប្រភេទអូមីក្រុងទាំងអស់