BTV NEWS

សម្ដេចធិបតី៖ រាជរដ្ឋាភិបាល និងមហាគ្រួសារខ្មែរនៅជាមួយកងទ័ពជួរមុខគាំទ្រគ្រប់មធ្យោបាយទាំងអស់

សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក

សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្តពីព្រះបរមរតនកោដ្ឋក្នុងការពូនជ្រំទំនាក់ទំនងរវាងកម្ពុជា និងចិន

សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម

នយោបាយ និង ការអភិវឌ្ឍន៍

បេក្ខជនជាង ៦៥ភាគរយជាប់បាក់ឌុប ខណៈបេក្ខជនជាប់និទ្ទេស A កើនឡើងច្រើន គ្រប់រាជធានី-ខេត្ត

ភ្នំពេញ៖ ក្រសួងអប់រំ យុវជន និងកីឡា បានប្រកាសឱ្យដឹងថា បេក្ខជនជាង ៦៥ភាគរយ បានប្រឡងជាប់បាក់ឌុបនៅឆ្នាំ២០២១កន្លងមកនេះ ប៉ុន្តែ បេក្ខជនជាប់និទ្ទេស A កាន់តែច្រើន និងមាននៅគ្រប់រាជធានី-ខេត្តទាំងអស់។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងអប់រំ យុជន និងកីឡា បានឱ្យដឹងថា បេក្ខជនជាង ៧២,០១៦នាក់ ឬស្មើនឹង ៦៥.៦៥ភាគរយ បានប្រឡងជាប់បាក់ឌុប ដែលបានប្រព្រឹត្តទៅកាលពីខែធ្នូកន្លងមកនេះ។ក្រសួងអប់រំ យុវជន និងកីឡា បានឱ្យដឹងផងដែរថា បេក្ខជនរហូតដល់ទៅ ១,៧៥៣នាក់ បានប្រឡងជាប់ជាមួយចំណាត់ថ្នាក់និទ្ទេស A ឬកើនឡើងជាង ៤ដងបើធៀបនឹងឆ្នាំ២០១៩កន្លងមកដែលមានបេក្ខជនប្រឡងជាប់និទ្ទេសត្រឹម ៤៤៣នាក់។ចំណែកបេក្ខជនប្រឡងជាប់និទ្ទេស B ក្រសួងអប់រំបញ្ជាក់ថា មានចំនួនដល់ទៅ ៥,២១៥នាក់ ឬកើនឡើងជាង ២ដង បើធៀបនឹងឆ្នាំ២០១៩ ដែលមានចំនួនត្រឹមតែ ២,៤៣០នាក់ប៉ុណ្ណោះ។បើតាមក្រសួងអប់រំ រាជធានីភ្នំពេញ មានបេក្ខជនប្រឡងជាប់និទ្ទេស A ច្រើនជាងគេងរហូតដល់ ៥៦៥នាក់ បន្ទាប់មកខេត្តសៀមរាបស្ថិតនៅលំដាប់ទី២ ដែលមានបេក្ខជនប្រឡងជាប់និទ្ទេស A ចំនួន ១៥៣នាក់ ខណៈដែលខេត្តកណ្ដាលមានចំនួន ១២៧នាក់ ខេត្តបាត់ដំបង ១២៣នាក់ ខេត្តកំពង់ចាម ១១៨នាក់។ក្រសួងអប់រំ បានឱ្យដឹងទៀតថា ខេត្តបន្ទាយមានជ័យ មានបេក្ខជនជាប់និទ្ទេស A ចំនួន ៩៩នាក់ និងខេត្តតាកែវ មានបេក្ខជនជាប់និទ្ទេស A ចំនួន ៩៩នាក់ដូចគ្នា។បន្ទាប់មក ខេត្តព្រៃវែង មានបេក្ខជនជាប់និទ្ទេស A ចំនួន ៨៧នាក់ ខេត្តកំពត ៧៥នាក់ ខេត្តត្បូងឃ្មុំ ៥៤នាក់ ខេត្តក្រចេះ ៤៥នាក់ ខេត្តកំពង់ធំ ១៤នាក់ ខេត្តកំពង់ស្ពឺ ៣៣នាក់ ខេត្តពោធិ៍សាត់ ២៨នាក់ ខេត្តស្វាយរៀង ២៦នាក់ ខេត្តកំពង់ឆ្នាំង ២២នាក់ ខេត្តព្រះសីហនុ ២០នាក់ ខេត្តរតនគិរី ៩នាក់ ខេត្តស្ទឹងត្រែង ៦នាក់ ខេត្តប៉ៃលិន ៦នាក់ ខេត្តឧត្ដរមានជ័យ ៥នាក់ ខេត្តកោះកុង ៤នាក់ ខេត្តព្រះវិហារ ៤នាក់ ខេត្តកែប ៣នាក់ និងខេត្តមណ្ឌលគិរី ១នាក់។ក្រសួងអប់រំ បានរៀបចំការប្រឡងបាក់ឌុបកាលពីថ្ងៃទី២៧ និង ២៨ ខែធ្នូកន្លងមកនេះ ដោយមានបេក្ខជនសរុប ១១៤,១៨៧នាក់ បានចុះឈ្មោះប្រឡងទូទាំងប្រទេស៕

អាជ្ញាធរជាតិអប្សរាបញ្ចប់ការងារជួសជុលផ្នែកខាងត្បូង នៃខ្លោងទ្វារខាងកើតប្រាសាទប្រែរូប នាចុងឆ្នាំ២០២១

សៀមរាប៖ ការងារជួសជុលសង្រ្គោះផ្នែកខាងត្បូង នៃខ្លោងទ្វារខាងកើតប្រាសាទប្រែរូប រងនូវការខូចខាតធ្ងន់ធ្ងរ ដែលចាប់ផ្តើមពីខែកុម្ភៈ ឆ្នាំ២០២១មកនោះ បានបញ្ចប់រួចរាល់១០០ភាគរយហើយ នាដំណាច់ខែធ្នូ ឆ្នាំ២០២១នេះ។ ក្នុងរយៈពេលជិត១ឆ្នាំនៃដំណើរការជួសជុល ក្រុមអ្នកបច្ចេកទេសបានអនុវត្ត នូវការងារសំខាន់ៗមួយចំនួនដូចជា ពង្រឹងរចនាសម្ពន្ធផ្នែកខាងក្រោម ផ្នែកទប់ជំហរជញ្ជាំង និងជួសជុលជញ្ជាំងដែលប្រេះស្រាំ និងពុកផុយ ។បច្ចុប្បន្នក្រុមការងារធ្វើការសម្អាតទូទៅក្នុងការដ្ឋាន និងពិនិត្យមើលបណ្តាចំណុចពាក់ព័ន្ធដែលប្រឈមនឹងហានិភ័យខ្ពស់៕

ថ្នល់កៅស៊ូប្រវែងជាង២គីឡូម៉ែត្រ នឹងលេចរូបរាងបម្រើដល់ពលរដ្ឋនៅឃុំថ្មសឆាប់ៗនេះ

កោះកុង៖ ផ្លូវកៅស៊ូប្រភេទDBSTប្រវែងជាង ២គីឡូម៉ែត្រ ទទឹង៨ម៉ែត្រ ដែលកំពុងស្ថាបនាដោយមន្ទីរសាធារណការ និងដឹកជញ្ជូនខេត្តកោះកុង នឹងលេចរូបរាងជាបណ្តើរហើយ សម្រាប់បម្រើដល់ប្រយោជន៍ជូនប្រជាពលរដ្ឋនៅឃុំថ្មស នាបំណាច់ខែមីនាខាងមុខនេះ។គម្រោងស្ថាបនាផ្លូវកៅស៊ូ ប្រភេទស្រទាប់២ស្តើង DBST ស្ថិតនៅភូមិថ្មស ឃុំថ្មស ស្រុកបូទុមសាគរ ផ្តើមស្ថាបនាប្រមាណ២ខែមកហើយ គិតមកដល់ថ្ងៃទី ១៤ខែមករាឆ្នាំ២០២២នេះ ក្នុងគោលបំណងសម្រួលដល់ប្រព័ន្ធចរាចរណ៍ធ្វើដំណើរដឹកជញ្ជូនកសិកម្ម ព្រមទាំងធនធានជលផលទៅកាន់ទីផ្សារបានឆាប់រហ័ស។ លោក អន ដាវុធ ប្រធានមន្ទីរសាធារណការ និងដឹកជញ្ជូនខេត្តកោះកុង ឱ្យដឹងនៅថ្ងៃទី១៣ ខែមករា ថា សកម្មភាពស្ថាបនាផ្លូវកៅស៊ូ ទទឹង៨ម៉ែត្រនេះ សម្រេចបានជិត៥០ភាគរយហើយ ដោយតាមផែនការគ្រោងបញ្ចប់នៅបំណាច់ខែមីនា ឆ្នាំ២០២២ខាងមុខ។ អ្វីដែលអាចធ្វើឱ្យដំណើរការសាងសង់ផ្លូវកៅស៊ូ១ខែនេះ ក៏ព្រោះតែភាពយឺតយ៉ាវដឹកជញ្ជូនគ្រួសមកពីខេត្តកំពង់ស្ពឺប៉ុណ្ណោះ ដែលមានរយៈចម្ងាយឆ្ងាយពីតំបន់គម្រោង។បើតាមលោក អន ដាវុធ មែនទែនទៅមន្រ្តីជំនាញធ្លាប់លើគម្រោងស្នើសុំស្ថាបនាប្រវែង ១៧គីឡូម៉ែត្រ ប៉ុន្តែត្រូវកាត់បន្ថយថវិកាអភិវឌ្ឍន៍មួយចំនួនធំ អំឡុងការរីករាលដាលជំងឺកូវីដ១៩។ ដូច្នេះទើបតែធ្វើប្រវែង២គីឡូម៉ែត្រតែម្តង។លោក អិក គួន មេឃុំថ្មស និងប្រជាពលរដ្ឋទាំងមូលក្នុងភូមិថ្មស ពេញចិត្តនឹងសមិទ្ធផលមានជាផ្លូវកៅស៊ូបែបនេះ កើតមានឡើងនៅក្នុងសហគមន៍ ទោះបីជាពុំបានប្រវែងច្រើនក៏ដោយ ចៀសវាងអត់មាន។ មុននឹងមានគម្រោងធ្វើផ្លូវនេះ កាលនៅជាផ្លូវគ្រួសក្រហមវាតែងរងការខូចខាតស្ទើរតែរាល់ឆ្នាំពេលរដូវវស្សា។ទាំងលោកមេឃុំថ្មស និងពលរដ្ឋ រំពឹងទុកជាមុនថា នៅពេលផ្លូវថ្នល់កៅស៊ូបញ្ចប់គម្រោងសាងសង់រួចរាល់ ការធ្វើដំណើរចរាចរណ៍ និងដឹកជញ្ជូនទំនិញពាណិជ្ជកម្មផ្សេងៗទៅកាន់ទីផ្សារបានឆាប់រហ័ស បន្ថយការចំណាយ ហើយចំណេញពេលវេលាច្រើន។ រាល់ផ្លូវធ្វើដំណើរទៅកាន់ឃុំថ្មស ជាផ្លូវលំគ្រួសក្រហមប្រវែងជាង ២០គីឡូម៉ែត្រ ប្រសិនផ្តើមចរាចរណ៍ចេញពីមហាវិថី សាយ ភូថង ដោយសព្វថ្ងៃវាមានលក្ខណៈងាយស្រួលធ្វើដំណើរបន្តិចជាងពេលរដូវវស្សា៕ អត្ថបទ ឈឹម មករា

អគ្គរដ្ឋទូតបារាំងប្រចាំកម្ពុជា គាំទ្រសម្តេចតេជោ ចំពោះកិច្ចខិតខំប្រឹងប្រែងស្វែងរកដំណោះស្រាយសន្តិភាពមីយ៉ាន់ម៉ា

ភ្នំពេញ៖ លោក ហ្សាក់ ប៉ឺឡេ ឯកអគ្គរដ្ឋទូតបារាំងប្រចាំកម្ពុជា បានសម្តែងការគាំទ្រចំពោះដំណើរទស្សនកិច្ចរបស់សម្តេចតេជោ ហ៊ុន សែន ទៅកាន់ប្រទេសមីយ៉ាន់ម៉ា និងបេសកជនពិសេសកម្ពុជា ដើម្បីស្វែងរកសន្តិភាពជូនប្រជាជន និងប្រទេសមីយ៉ាន់ម៉ា ខណៈដំណើរទស្សនកិច្ចរបស់ប្រមុខរាជរដ្ឋាភិបាលកម្ពុជានេះ គឺសមស្របទៅនឹងផែនការសកម្មភាពរបស់សហគមអន្តរជាតិ ជាមួយប្រទេសមីយ៉ាន់ម៉ា។ក្នុងកិច្ចសម្ភាសន៍ជាមួយអ្នកសារព័ត៌មាន បន្ទាប់ពីប្រារព្ធពិធីស្វាគមន៍និស្សិតពេទ្យកម្ពុជាដែលបានបញ្ចប់កម្មសិក្សានៅប្រទេសបារាំង ក្នុងរយៈពេលមួយឆ្នាំ នាល្ងាចថ្ងៃទី១៣ ខែមករា ឆ្នាំ២០២២នេះ នៅក្នុងបរិវេណស្ថានទូតបារាំង លោក ហ្សាក់ ប៉ឺឡេ បានលើកឡើងថា បារាំងបានតាមដានអំពីដំណើរទស្សនកិច្ចរបស់សម្តេចតេជោ ហ៊ុន សែន ទៅកាន់ប្រទេសមីយ៉ាន់ម៉ា ដើម្បីស្វែងរកការចរចាសម្រាប់ប្រជាជន និងប្រទេសមីយ៉ាន់ម៉ា ។ លោកសង្ឃឹមថា វិបត្តិនៅប្រទេសនេះនឹងត្រូវបានដោះស្រាយតាមរយៈការចរចារនយោបាយដោយបើកចំហ និងប្រកបដោយបរិយាប័ន្នជាមួយគ្រប់ភាគីពាក់ព័ន្ធទាំងអស់ ព្រមជាមួយការបញ្ជូនជំនួយមនុស្សធម៌ជាដើមនោះ។សូមបញ្ជាក់ថា ក្នុងដំណើរទស្សនកិច្ចរបស់សម្តេចតេជោ ហ៊ុន សែន នាយករដ្ឋមន្រ្តីទៅកាន់ប្រទេសមីយ៉ាន់ម៉ា នាកាលកន្លងទៅនេះ ទទួលបានជោគជ័យជាច្រើនក្នុងកិច្ចការសន្ទនា ដើម្បីស្វែងរកដំណោះស្រាយសន្តិភាពប្រទេសនេះ ខណៈលទ្ធផលទទួលបានគឺថ្នាក់ដឹកនាំរបបយោធារបស់មីយ៉ាន់ម៉ា គឺលោក មីន អោងឡាំង សម្រេចទទួលយកការស្នើសុំរបស់សម្តេចតេជោ ពន្យាពេលក្នុងការឈប់បាញ់គ្នា ទទួលយករាល់ជំនួយសម្រាប់ជួយដល់ពលរដ្ឋរបស់ខ្លួន គាំទ្រប្រេសិតពិសេសរបស់ប្រធានអាស៊ានលើ បញ្ហានៅប្រទេសមីយ៉ាន់ម៉ា និងលទ្ធផលជាច្រើនទៀត។យ៉ាងណាក៏ដោយក្នុងដំណើរទស្សនកិច្ចរបស់សម្តេច ទៅកាន់ប្រទេសមីយ៉ាន់ម៉ានេះ គឺមានគោលដៅតែ២គត់ដែលសំខាន់ គឺទី១.ស្វែងរកការចរចាឲ្យមានការឈប់បាញ់ និងទី២.គឺដើម្បីផ្តល់ជំនួយមនុស្សធម៌ដល់ជនជាតិមីយ៉ាន់ម៉ា ដែលកំពុងរងគ្រោះដោយសារការប្រឈមនឹងអត់អាហារជាដើមនោះ។ជាមួយនឹងដំណើរទស្សនកិច្ចរបស់ប្រមុខរាជរដ្ឋាភិបាលទៅកាន់ប្រទេសមីយ៉ាន់ម៉ានេះ មានបណ្តា ប្រទេសមហាអំណាចមួយចំនួន ដូចជាប្រទេសចិន អាមេរិក ជប៉ុន បារាំងបានសម្តែងការគាំទ្រ និងរំពឹងថាកិច្ចចរចារបស់សម្តេចតេជោ ជាមួយនឹងរបបសឹកយោធាមីយ៉ាន់ម៉ានេះនឹងទទួលបានលទ្ធផលល្អដើម្បីផលប្រយោជន៍របស់ប្រជាជន និងប្រទេសមីយ៉ាន់ម៉ានោះ៕ អត្ថបទ៖ បាន ចក់

អាជ្ញាធរក្រុងស្ទឹងសែន ប្រជុំផ្ទៀងផ្ទាត់ផ្ទៃដីតំបន់ក្នុងភូមិសាស្រ្តក្នុងស្ទឹងសែន

កំពង់ធំ៖ អាជ្ញាធរក្រុងស្ទឹងសែន បញ្ជាក់ថា ផ្ទៃដីតំបន់ក្នុងភូមិសាស្រ្តក្រុងស្ទឹងសែន ខេត្តកំពង់ធំ មានពីរសង្កាត់ គឺសង្កាត់អូរកន្ធរ និងសង្កាត់ស្រយ៉ូវ សរុបមានចំនួនជាង៥ ៥៦៩ហិកតា។នៅថ្ងៃទី១៤ ខែមករាឆ្នាំ២០២២ រដ្ឋបាលក្រុងស្ទឹងសែន រៀបចំកិច្ចប្រជុំផ្ទៀងផ្ទាត់ដីតំបន់បីឡើងវិញ។ តាមឯកសារបញ្ជាក់របស់រដ្ឋបាលក្រុងស្ទឹងសែន បញ្ជាក់ថា ផ្ទៃដីតំបន់បីក្នុងភូមិសាស្រ្តក្រុងក្រុងស្ទឹងសែនទាំងមូល មានសរុបរួមចំនួនជាង ៥ ៥៦៩ហិកតា ក្នុងនោះ ផ្ទៃដីដែលបានអាស្រ័យផល សរុបរួមប្រមាណ ៣ ៥៤២ហិកតា ផ្ទៃដីអាងទឹកសរុបជាង ៥៧៣ហិកតា ផ្ទៃដីបឹងបួ ទំបន់ ប្រឡាយទឹក និងផ្លូវ សរុបចំនួនជាង២៣៧ ហិកតា និងផ្ទៃដីព្រៃលិចទឹកដែលនៅសេសសល់ ក្នុងដែនសមត្ថកិច្ចរដ្ឋបាលជលផល មានចំនួនសរុបជាង ១ ២១៥ហិកតា។ ជាមួយគ្នានេះដែរ លោក ឆូយ កុសល អភិបាលរងក្រុងស្ទឹងសែន បញ្ជាក់ថា ព្រៃលិចដែលនៅសេសសល់ជាង១ ២១៥ហិកតា ជាដីដែលធ្លាប់មានការទន្ទ្រាន ធ្វើស្រែមួយចំនួន ប៉ុន្តែមិនមានទឹក ប្រើប្រាស់សម្រាប់អាស្រ័យផលទើបធ្វើមានឲ្យមានព្រៃលិចទឹកដុះឡើងវិញ ដែលមានប្រភេទព្រៃភាគច្រើន មានព្រៃអញ្ជាញ ព្រៃស្បូវ ព្រៃត្រែង ដើមខ្ទំ និងប្រភេទព្រៃជំរកត្រីពងផ្សេងទៀត។ លោកបញ្ជាក់ថា ក្នុងចំណោមផ្ទៃដីសរុបទាំងអស់នេះ មានចំនួន១១២ក្បាលដី និងអ្នកតំណាងចំនួន ១១២នាក់។ ទន្ទឹមជាមួយគ្នានេះផងដែរ លោក ខ្ចៅ ប៊ុនហ៊ីម អភិបាលរងក្រុងបញ្ជាក់ដែរថា របាយការណ៍ដែលរដ្ឋបាលក្រុងស្ទឹងសែនចងក្រងឡើង គឺផ្អែកលើលទ្ធផលជាក់ស្តែង ស្ថានភាពពិតបច្ចុប្បន្ន ក្នុងភូមិសាស្រ្ត ដែលរដ្ឋបាលក្រុងកំពុងយកចិត្តទុកដាក់ខ្លាំងបំផុត។ ជាពិសេសកំពុងអនុវត្តន៍យ៉ាងម៉តចត់តាមអនុសាស្រ្តរបស់ប្រមុខរាជរដ្ឋាភិបាល ក្នុងការរក្សាទុកដី ព្រៃលិច តំបន់បីឡើងវិញ។គួរបញ្ជាក់ថា ឈ្មោះ១១២នាក់ ដែលកាន់កាប់លើផ្ទៃដីតំបន់បី ក្នុងភូមិសាស្រ្តក្រុងស្ទឹងសែន មានប្រជាពលរដ្ឋឈរឈ្មោះឲ្យសរុប ៣៣០គ្រួសារ ដែលដីទាំងអស់នេះ ក្នុងឆ្នាំ ២០១៥ និងឆ្នាំ២០១៦ ការអនុញ្ញាតឲ្យកាន់កាប់ និងអាស្រ័យផលម្នាក់ចំនួន៥ហិកតា តែប៉ុន្តែ! ដូច្នេះ ឈ្មោះប្រជាពលរដ្ឋ ដែលអាស្រ័យផល ប្រមាណជាង ៣៣០គ្រួសារ ក្នុងបញ្ជីភាពច្រើនជាមនុស្សក្លែងក្លាយ មានការឃុបឃិតគ្នាជាប្រព័ន្ធដាក់ឈ្មោះ ដើម្បីបានប្រើប្រាស់ដីតែប៉ុណ្ណោះ៕

លោកជំទាវ ឃួន សុដារី ជំរុញអាជ្ញាធរកត់ត្រាទុកសំណូមពរពលរដ្ឋឲ្យច្បាស់លាស់ ដើម្បីដោះស្រាយ

កណ្ដាល៖ លោកជំទាវកិត្តិសង្គហបណ្ឌិត ឃួន សុដារី អនុប្រធានទី២រដ្ឋសភាជាតិ និងជាប្រធានគណៈអចិន្ត្រៃក្រុមការងារថ្នាក់កណ្ដាលចុះជួយស្រុកលើកដែក ខេត្តកណ្ដាល បានជំរុញទៅដល់អាជ្ញាធរមូលដ្ឋានទាំងអស់ ពិសេសក្រុមប្រឹក្សាឃុំសង្កាត់ ត្រូវកត់ត្រានូវសំណូមពរ របស់ពលរដ្ឋឲ្យបានច្បាស់លាស់ ដើម្បីដោះស្រាយជូនពួកគាត់ ។ក្នុងសន្និបាតគណៈកម្មាធិការគណបក្សប្រជាជនកម្ពុជា ឃុំព្រែកដាច់ ស្រុកលើកដែក នៅថ្ងៃទី១៤ ខែមករា ឆ្នាំ២០២២ លោកជំទាវកិត្តិសង្គហបណ្ឌិត មានប្រសាសន៍ថា បើតាមការពិនិត្យ ឃើញ ក្នុងពេលក្រុមការងារចុះសាកសួរសុខទុក្ខពលរដ្ឋដោយផ្ទាល់ គ្រប់កាលៈទេសៈ ឃើញថាពួកគាត់គ្រប់ស្រទាប់ មានទឹកចិត្តស្រលាញ់គណបក្សប្រជាជនកម្ពុជា និងចូលរួមយ៉ាងសស្រាក់សស្រាំរាល់ទុក្ខលំបាក និងភាពសប្បាយរីករាយនានា ។លោកជំទាវបន្តថា ពាក់ព័ន្ធការចុះសួរសុខទុក្ខនេះ អាជ្ញាធរមូលដ្ឋាន ត្រូវបន្តចុះនៅតាមខ្នងផ្ទះរបស់ប្រជាពលរដ្ឋឲ្យបានញឹកញាប់ ក្នុងមូលដ្ឋានរបស់ខ្លួន ដើម្បីស្វែងយល់ពីតម្រូវរបស់ពួកគាត់ និងសំណូមពរផ្សេងៗ ហើយប្រមូលកត់ត្រាទុក នូវរាល់សំណូមពររបស់ពលរដ្ឋ ដើម្បីដោះស្រាយ និងចងក្រងជាគំនិតក្នុងការបំផុសចេញជាគោលនយោបាយ និងផែនការអភិវឌ្ឍ ។ជាមួយគ្នានេះ លោកជំទាវកិត្តិសង្គហបណ្ឌិត ឃួន សុដារី ក៏បានអំពាវនាវទៅដល់ពលរដ្ឋទាំងអស់ត្រូវនាំគ្នាទៅចាក់វ៉ាក់សាំងកូវីដ១៩ ឲ្យគ្រប់ចំនួនដូស ដែលរាជរដ្ឋាភិបាលបានអំពាវនាវជាបន្តបន្ទាប់ និងរួមគ្នាបន្តអនុវត្តនូវវិធានការសុខាភិបាល ៣កុំ ៣ការពារ ឲ្យបានខ្ជាប់ខ្ជួន ដើម្បីកុំឲ្យកម្ពុជា មានការឆ្លងរាលដាលខ្លាំងជាថ្មី នៃជំងឺកូវីដ១៩ ពិសេសប្រភេទបម្លែងថ្មីអូមីក្រុង ។គួរបញ្ជាក់ថា សម្រាប់ការបោះឆ្នោតជ្រើសរើសក្រុមប្រឹក្សាឃុំសង្កាត់ នៅអាណត្តិទី៥ ឆ្នាំ២០២២នេះ សមាសភាពបេក្ខជនគណបក្សប្រជាជនកម្ពុជា ឈរក្រុមប្រឹក្សាឃុំព្រែកដាច់ ស្រុកលើកដែល ពេញសិទ្ធិមានចំនួន ៧រូប និងបម្រុងមានចំនួន ៩រូប ៕

បារាំងនៅបន្តផ្តល់អាហារូបករណ៍ដល់និស្សិតកម្ពុជាជានិច្ច បើទោះបីខ្លួនជួបវិបត្តិកូវីដ១៩ក្តី

ភ្នំពេញ៖ ឯកអគ្គរដ្ឋទូតបារាំងប្រចាំនៅកម្ពុជា បានថ្លែងថា រដ្ឋាភិបាលបារាំងនៅតែបន្តផ្តល់អហារូបករណ៍ដល់សិស្ស និស្សិតកម្ពុជាដដែល បើទោះបីខ្លួនកំពុងជួបនូវវិបត្តិកូវីដ១៩ក្តី ខណៈការផ្តល់នេះ គឺជាការរួមចំណែករបស់បារាំងក្នុងការជួយលើកកម្ពស់វិស័យអប់រំនៅកម្ពុជា ឲ្យកាន់តែខ្លាំងក្លាឡើងបន្ថែមទៀត។ថ្លែងប្រាប់អ្នកសារព័ត៌មានបន្ទាប់ពីរៀបចំពិធីទទួលស្វាគមន៍គ្រូពេទ្យវ័យក្មេងកម្ពុជា ចំនួន៧៩នាក់ ដែលបានបញ្ចប់កម្មសិក្សារយៈពេលមួយឆ្នាំនៅតាមមន្ទីរពេទ្យនានា នៅប្រទេសបារាំង នាល្ងាចថ្ងៃទី ១៣ ខែមករា ឆ្នាំ២០២២នេះ នៅក្នុងស្ថានទូតបារាំងប្រចាំនៅកម្ពុជា លោក ហ្សាក់ ប៉ឺឡេ ឯកអគ្គរដ្ឋទូតបារាំងប្រចាំនៅកម្ពុជា បានលើកឡើងថា គោលនយោបាយរបស់រដ្ឋាភិបាលបារាំងគ្មានអ្វីប្រែប្រួលនោះទេ ចំពោះការផ្តល់អាហារូបករណ៍ ដល់សិស្ស និស្សិតកម្ពុជាបើទោះបីនាពេលបច្ចុប្បន្នបារាំងកំពុងជួបនូវបញ្ហាផ្នែកសុខាភិបាល ឬហៅថាបញ្ហាមេរោគកូវីដ១៩ក្តី បារាំងនៅតែបន្តផ្តល់ជានិច្ច ពោលគឺនៅតែបន្តផ្តល់ចាប់ពី ១៥០ទៅ២០០ដដែលជាមធ្យមក្នុងមួយឆ្នាំៗនោះ។លោក ហ្សាក់ ប៉ឺឡេ បានបញ្ជាក់ទៀតថា និស្សិតកម្ពុជា ដែលបានទៅសិក្សានៅប្រទេសបារាំង តាមរយៈអាហារូបករណ៍ដែលរដ្ឋាភិបាលបារាំងបានផ្តល់ជូននេះ គឺមានជំនាញទូទៅ ដូចជាផ្នែកច្បាប់ អក្សរសាស្ត្រ ពេទ្យ វិស័យអប់រំ ពាណិជ្ជកម្ម សេដ្ឋកិច្ច និងវិស័យជាច្រើនទៀត។លោក ហ្សាក់ ប៉ឺឡេ បានលើកឡើងទៀតថា សុខាភិបាលស្ថិតនៅក្នុងចំណោមវិស័យនានា នៃភាពជាដៃគូដែលមានតាំងពីយូរលង់ណាស់មកហើយរវាងបារាំង និងកម្ពុជា ហើយក៏ជាវិស័យដ៏រស់រវើក និងសំខាន់បំផុតមួយផងដែរ។ ចាប់តាំងពីឆ្នាំ១៩៩៦មក និស្សិតកម្ពុជាផ្នែកវេជ្ជសាស្រ្ត និងឱសថសាស្រ្តជិតមួយពាន់នាក់ បានទៅបន្តការសិក្សានៅប្រទេសបារាំង ដើម្បីចាប់យកជំនាញវេជ្ជសាស្រ្ត ផ្សេងៗក្នុងក្របខ័ណ្ឌកម្មវិធី DFMS/A (សញ្ញាប័ត្របណ្តុះបណ្តាលវេជ្ជសាស្រ្តជំនាញ/វេជ្ជសាស្រ្តជាន់ខ្ពស់)។ក្នុងចំណោម ៤៤ប្រទេសកម្ពុជាស្ថិតក្នុងលំដាប់ទី៤នៃប្រទេសដែលបញ្ជូននិស្សិតទៅសិក្សាផ្នែកសុខាភិបាលនៅបារាំងច្រើនជាងគេ។ ក្រៅពីការបណ្តុះបណ្តាល ប្រទេសបារាំងក៏ផ្តល់ការគាំទ្រផងដែរដល់ការស្រាវជ្រាវផ្នែកវេជ្ជសាស្រ្តនៅកម្ពុជា តាមរយៈការផ្តល់ជំនួយដល់គម្រោងនានា និងការបញ្ជូនមន្ត្រីជំនាញឱ្យមកបំពេញការងារនៅកម្ពុជា ដូចជាអ្នកជំនាញរបស់ទីភ្នាក់ងារ ANRS (ទីភ្នាក់ងារជាតិបារាំងសម្រាប់ការស្រាវជ្រាវវិស័យសុខាភិបាល)។ប្រទេសបារាំងក៏ជាអ្នកផ្តល់ជំនួយធំទី២ ដល់មូលនិធិសាកលសម្រាប់ប្រយុទ្ធប្រឆាំង នឹងជំងឺអេដស៍ របេង និងគ្រុនចាញ់ ដែលផ្តល់ជំនួយដល់ប្រទេសកម្ពុជាយ៉ាងហោចណាស់ ១០៨លានដុល្លារសម្រាប់ឆ្នាំ២០២១-២០២៣៕ អត្ថបទ៖ បាន ចក់

សម្តេចតេជោ និងសម្តេចកិត្តិព្រឹទ្ធបណ្ឌិត ទទួលការចាក់វ៉ាក់សាំងដូសទី៤ នៅថ្ងៃនេះ

ភ្នំពេញ៖ នៅព្រឹកនេះ សម្តេចតេជោ ហ៊ុន សែន នាយករដ្ឋមន្ដ្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអញ្ជើញចាក់វ៉ាក់សាំងដូសជំរុញ ដើម្បីការពារកូវីដ-១៩។ សម្តេចបញ្ជាក់ថា គ្មានជម្រើសអ្វីឱ្យល្អជាងការចាក់វ៉ាក់សាំងគួបផ្សំជាមួយវិធានការសុខាភិបាល៣ការពារ និង៣កុំនោះទេ។នេះបើយោងតាមហ្វេសប៊ុករបស់សម្ដេចតេជោ ហ៊ុន សែន បានបង្ហោះនៅព្រឹកថ្ងៃទី១៤ ខែមករាឆ្នាំ ២០២២នេះ ដោយសម្ដេចតេជោ មានប្រសាសន៍ថា ថ្ងៃនេះខ្ញុំ និងភរិយាចាក់វ៉ាក់សាំងដូសជំរុញដើម្បីការពារកូវីដ.១៩។ សម្ដេច បានបញ្ជាក់ទៀតថា គ្មានជម្រើសអ្វីឱ្យល្អជាងការចាក់វ៉ាក់សាំងគួបផ្សំជាមួយវិធានការសុខាភិបាល៣ការពារ និង៣កុំនោះទេ។សម្ដេច មានប្រសាសន៍ថា ខ្ញុំមានកម្លាំងការពារយ៉ាងរឹងមាំនៅគ្រប់ទីកន្លែងតែពួកគាត់មិនអាចការពារខ្ញុំមិនឱ្យឆ្លងកូវីដ.១៩បានឡើយ។ ប្រពន្ធនិងកូនៗព្រមទាំងចៅៗរបស់ខ្ញុំក៏មិនអាចការពារខ្ញុំបានដែរ។ និយាយរួមគ្មានអ្នកណាអាចការពារខ្ញុំបានឡើយគឺមានតែរូបខ្ញុំខ្លួនឯងប៉ុណ្ណោះទើបអាចការពារខ្លួនខ្ញុំបាន។សម្តេចតេជោ ហ៊ុន សែន ក៏សូមបងប្អូនជនរួមជាតិអញ្ជើញទៅចាក់វ៉ាក់សាំងឱ្យបានគ្រប់ៗគ្នាទាំងដូសមូលដ្ឋានទាំងដូសជំរុញដើម្បីការពារខ្លួនយើង គ្រួសារយើង ភូមិ ឃុំយើងនិងជាតិយើង៕

មន្ដ្រី ប.ស.ស អះអាងថា នៅតែបន្តផ្តល់ប្រាក់ឧបត្ថម្ភដល់ស្រ្តី និងកម្មការិនីពពោះ

ភ្នំពេញ៖ មន្រ្តីអ្នកនាំពាក្យបេឡាជាតិរបបសន្តិសុខសង្គម (ប.ស.ស) បានបញ្ជាក់នៅថ្ងៃនេះថា រាជរដ្ឋាភិបាលកម្ពុជានៅតែបន្តផ្តល់សាច់ប្រាក់ឧបត្ថម្ភជូនដល់កម្មករនិយោជិតជាស្រ្តីសម្រាលកូនរួច ខណៈរយៈពេលមួយឆ្នាំពេញ២០២១ រដ្ឋបានបើកប្រាក់ឧបត្ថម្ភដល់ស្រ្តីសម្រាលកូនរួច ចំនួនសរុបជាង ៦ម៉ឺន ៥ពាន់នាក់។ឯកឧត្តម ហេង សុផាន់ណារិទ្ធ អគ្គនាយករង និងជាអ្នកនាំពាក្យបេឡាជាតិរបបសន្តិសុខសង្គម នៃក្រសួងការងារ និងបណ្តុះបណ្តាលវិជ្ជាជីវៈ មានប្រសាសន៍ប្រាប់ទូរទស្សន៍ព័ត៌មាន ប៊ីធីវី នៅរសៀលថ្ងៃទី១៣ មករា ឆ្នាំ២០២២នេះថា គិតចាប់ពីខែមករា រហូតដល់ខែធ្នូ ឆ្នាំ២០២១កន្លងទៅ បេឡាជាតិរបបសន្តិសុខសង្គម បានបើកសាច់ប្រាក់ឧបត្ថម្ភរបស់រដ្ឋាភិបាលដល់ស្រ្តីសម្រាលកូនរួចចំនួនសរុបជាង ៦៥ ១០០នាក់ ក្នុងនោះចំនួនកូនមានជាង ៦៥ ៥០០នាក់ ដោយចំណាយទឹកប្រាក់អស់ប្រមាណជាង ១៤ពាន់លានរៀល ស្មើនឹងប្រមាណជាង ៣,៦លានដុល្លារអាម៉េរិក។ ឯកឧត្តម បានឲ្យដឹងទៀតថា ការផ្តល់ជូនប្រាក់ឧបត្ថម្ភនេះ បើធៀបទៅនឹងឆ្នាំ២០២០កន្លងទៅនេះឃើញថា ស្រ្តីសម្រាលកូនមានការថយចុះជាង ១១ ០០០នាក់ មានកូនជាង ១២ ០០០នាក់។ បន្ថែមពីលើនេះ ឯកឧត្តម បានបញ្ជាក់ដល់កម្មករ កម្មការិនីទាំងអស់ថា នៅពេលមានបញ្ហាសុខភាព ឬជួបគ្រោះថ្នាក់ដោយចៃដន្យ អាចទៅប្រើប្រាស់សេវាថែទាំសុខភាពនៅគ្រប់មូលដ្ឋានសុខាភិបាលដែលបានចុះកិច្ចព្រមព្រៀងជាមួយបេឡាជាតិរបបសន្តិសុខសង្គម បាន២៤លើ២៤ម៉ោង ហើយសម្រាប់ស្ត្រីដែលមានផ្ទៃពោះ ឬសម្រាលរួច អាចមកដាក់ពាក្យស្នើសុំប្រាក់ឧបត្ថម្ភ ឬមកបើកប្រាក់ឧបត្ថម្ភរបស់រដ្ឋាភិបាលបានដដែល ដោយបេឡាជាតិរបបសន្តិសុខសង្គមនៅតែចាំទទួល និងដោះស្រាយគ្រប់បញ្ហាដល់សមាជិកទាំងអស់គ្រប់ពេលវេលា។សូមបញ្ជាក់ថា ការផ្តល់ប្រាក់ឧបត្ថម្ភដល់ស្រ្តីសម្រាលកូន ក្នុងនោះសំរាប់ស្រ្តីសម្រាលកូនមួយ (ទោល) ទទួលបានប្រាក់ចំនួន៤០ម៉ឺនរៀល, កូនភ្លោះ២ (ពីរនាក់)ទទួលបាន៨០ម៉ឺនរៀល, កូនភ្លោះ៣ ទទួលបាន ១២០ម៉ឺនរៀល។ លើសពីនេះទៀត ចំពោះកូនភ្លោះ០៣នាក់ ជាកូនរបស់សម្តេចនាយករដ្ឋមន្រ្តីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ដោយទទួលបានប្រាក់ឧបត្ថម្ភចំនួន ៥លានរៀលបន្ថែមទៀតពីសម្តេចតេជោផ្ទាល់ផងដែរ៕អត្ថបទ៖ ឈិត បូរ៉ាវី

ពលរដ្ឋខេត្តតាកែវចំនួន៣៩ភាគរយហើយ ដែលទទួលបានការចាក់វ៉ាក់សាំងដូសជំរុញ ឬដូសទី៣

តាកែវ៖ ដំណើការចាក់វ៉ាក់សាំងដូសទី៣ ដែលជាដូសជម្រុញជូនបងប្អូនប្រជាពលរដ្ឋ នៅក្នុងខេត្តតាកែវ រហូតមកដល់ពេលនេះ សម្រេចបាន៣៩ភាគរយហើយ។ នេះបើយោងតាមរបាយការណ៍របស់មន្ទីរសុខាភិបាលខេត្តតាកែវ។លោកវេជ្ជបណ្ឌិត នុត ស៊ីណាត ប្រធានមន្ទីរសុខាភិបាលខេត្តតាកែវ បានថ្លែងឲ្យដឹងថា ប្រជាពលរដ្ឋចំនួនជាង ២០ម៉ឺននាក់ នៅក្នុងខេត្តតាកែវ ឬប្រមាណ ៣៩ភាគរយ បានចាក់ដូសទី៣ ឬដូសជម្រុញរួចរាល់ហើយ ហើយក្រុមគ្រូពេទ្យក៏កំពុងតែបន្តសកម្មភាពចាក់ជារៀងរាល់ថ្ងៃផងដែរ ។ដោយឡែកអាជ្ញាធពាក់ព័ន្ធរួម និងអាជ្ញាធមូលដ្ឋានកំពុងតែជម្រុញអោយបងប្អូនប្រជាពលរដ្ឋចូលមកចាក់ដូសទី៣ អោយបានគ្រប់គ្នាក្នុងពេលឆាប់ៗខាងមុខនេះ ដើម្បីធ្វើយ៉ាងណាទប់ស្កាត់ការឆ្លងរីករាលដាលជំងឺកូវីដ១៩ ជាពិសេសជំងឺបំលែងខ្លួនថ្មីអូមេក្រុង ដែលបានចាប់ផ្ដើមឆ្លងចូលសហគមន៍នៅក្នុងប្រទេសកម្ពុជាយើង។លោក កេត ម៉ៅ អភិបាលសំរោង បានថ្លែងប្រាប់ទូរទស្សន៍ប៊ីធីវីឲ្យដឹងថា សម្រាប់ស្រុកសំរោងដែលដំណើរការចាក់វ៉ាក់សាំងលើកទី៣ ដែលជាដូសជម្រុញជូនបងប្អូនប្រជាពលរដ្ឋអាយុ១៨ឆ្នាំឡើងទៅ ដោយក្រុមគ្រូពេទ្យទ័ពអាកាសរបស់ក្រសួងការពារជាតិ ក្នុងរយៈពេលប្រមាណ ២ខែកន្លងមកនេះ សម្រេចបានលទ្ធផលប្រមាណ ៩៥ភាគរយហើយ ។ ក្រុមគ្រូពេទ្យក៏កំពុងតែបន្តចាក់ជូនបងប្អូនប្រជាពលរដ្ឋជារៀងរាល់ថ្ងៃ បន្តទៀតផងដែរ។បើតាមលោកអភិបាលស្រុកសំរោង ក្រុមគ្រូពេទ្យ ក៏បានចាប់ផ្ដើមចាក់ដូសទី៣ ដែលជាដូសជម្រុញជូនដល់យុវជន និងកុមារអាយុ១២ឆ្នាំដល់១៧ ដែលដំណើរការបាន២ថ្ងៃ សម្រេចបានជាង ២ពាន់នាក់ ឬប្រមាណជាង ១០ភាគរយនៃយុវជននិងកុមារនៅក្នុងស្រុកសំរោងដែលត្រូវចាក់វ់ាក់សាំង។ គួរបញ្ជាក់ថា សម្រាប់ខេត្តតាកែវប្រជាពលរដ្ឋដែលបានចាក់វ់ាក់សាំងបង្កាជំងឺកូវីដ១៩ លើកទី១មានចំនួនជាង៨០ម៉ឺននាក់ ឬជាង៩៨ភាគរយ អ្នកដែលបានចាក់វ់ាក់សាំងដូសទី២ មានចំនួន៩១ភាគរយ និងការចាក់លើកទី៣ទើបតែបានចំនួន៣៩ភាគរយប៉ុណ្ណោះ៕

បណ្ដាញសង្គម

ព័ត៌មានថ្មីៗ

ចិនចាប់ផ្តើមសាងសង់ទំនប់វារីអគ្គិសនីធំជាងគេបំផុតរបស់ពិភពលោកនៅតំបន់ទីបេតិ៍

គណៈកម្មាធិការស្វែងរកការពិតស៊ីរី រាយការណ៍ថា មនុស្ស ១.៤២៦នាក់ ត្រូវបានសម្លាប់អំឡុងអំពើហិង្សាក្នុងខែមីនា

ជនប៉ាឡេស្ទីននៅទីក្រុងហ្កាហ្សានិយាយថា ពួកគេពុំបានបរិភោគអស់រយៈពេល ៥ថ្ងៃមកហើយ

រដ្ឋមន្ត្រីសុខាភិបាល «អ្នកដឹកនាំសុខាភិបាល ស្ថិតនៅជាប់ជានិច្ចជាមួយមន្រ្តីរបស់ខ្លួន ឈរលើគោលដៅសម្រេចឱ្យបានជោគជ័យក្នុងការបម្រើសេវាជូនប្រជាពលរដ្ឋ និងលើកកិត្តិយសវិជ្ជាជីវៈសុខាភិបាលទាំងមូល»

ផ្សារសមាគមខ្មែរកំពុងស្រូបយកផលិតផលកែច្នៃក្នុងស្រុក គាំទ្រដល់ការរីកចម្រើនរបស់សហគ្រិន

រលកកម្តៅធ្ងន់ធ្ងរនៅតំបន់បាល់កង់ បណ្តាលឲ្យមានភ្លើងឆេះព្រៃនៅប្រទេសប៊ុលហ្គារី និងអាល់បានី

ប្រេសិតពិសេសសហរដ្ឋអាមេរិកជួបជាមួយប្រធានសភាលីបង់នៅទីក្រុងបេរូត

រដ្ឋមន្រ្តីសុខាភិបាល «យុទ្ធសាស្ត្រមួយល្អ លុះត្រាតែយុទ្ធសាស្រ្តនោះត្រូវបានយកទៅអនុវត្តជាក់ស្តែងបាន ដេីម្បីសម្រេចគោលដៅតាមការគ្រោងទុក»

ទូតឥណ្ឌូនេស៊ីកោតសរសើរកម្ពុជា ចំពោះការគ្រប់គ្រងវិស័យព័ត៌មាន និង សោតទស្សន៍

គម្រោង Golden Dome របស់លោក Trump ស្វែងរកជម្រើសជំនួស SpaceX របស់លោក Musk

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

បេក្ខជនជាង ៦៥ភាគរយជាប់បាក់ឌុប ខណៈបេក្ខជនជាប់និទ្ទេស A កើនឡើងច្រើន គ្រប់រាជធានី-ខេត្ត

អាជ្ញាធរជាតិអប្សរាបញ្ចប់ការងារជួសជុលផ្នែកខាងត្បូង នៃខ្លោងទ្វារខាងកើតប្រាសាទប្រែរូប នាចុងឆ្នាំ២០២១

ថ្នល់កៅស៊ូប្រវែងជាង២គីឡូម៉ែត្រ នឹងលេចរូបរាងបម្រើដល់ពលរដ្ឋនៅឃុំថ្មសឆាប់ៗនេះ

អាជ្ញាធរក្រុងស្ទឹងសែន ប្រជុំផ្ទៀងផ្ទាត់ផ្ទៃដីតំបន់ក្នុងភូមិសាស្រ្តក្នុងស្ទឹងសែន

លោកជំទាវ ឃួន សុដារី ជំរុញអាជ្ញាធរកត់ត្រាទុកសំណូមពរពលរដ្ឋឲ្យច្បាស់លាស់ ដើម្បីដោះស្រាយ

បារាំងនៅបន្តផ្តល់អាហារូបករណ៍ដល់និស្សិតកម្ពុជាជានិច្ច បើទោះបីខ្លួនជួបវិបត្តិកូវីដ១៩ក្តី

សម្តេចតេជោ និងសម្តេចកិត្តិព្រឹទ្ធបណ្ឌិត ទទួលការចាក់វ៉ាក់សាំងដូសទី៤ នៅថ្ងៃនេះ

មន្ដ្រី ប.ស.ស អះអាងថា នៅតែបន្តផ្តល់ប្រាក់ឧបត្ថម្ភដល់ស្រ្តី និងកម្មការិនីពពោះ

ពលរដ្ឋខេត្តតាកែវចំនួន៣៩ភាគរយហើយ ដែលទទួលបានការចាក់វ៉ាក់សាំងដូសជំរុញ ឬដូសទី៣

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

បេក្ខជន​ជាង ៦៥​ភាគរយ​ជាប់​បាក់ឌុប ខណៈ​បេក្ខជន​ជាប់​និទ្ទេស​ A កើន​ឡើង​ច្រើន គ្រប់​រាជ​ធានី-ខេត្ត​

ថ្នល់កៅស៊ូប្រវែងជាង២គីឡូម៉ែត្រ នឹងលេចរូបរាងបម្រើដល់ពលរដ្ឋនៅឃុំថ្មសឆាប់ៗនេះ

អាជ្ញាធរក្រុងស្ទឹងសែន ប្រជុំផ្ទៀងផ្ទាត់ផ្ទៃដីតំបន់ក្នុងភូមិសាស្រ្តក្នុងស្ទឹងសែន

លោកជំទាវ ឃួន សុដារី ជំរុញអាជ្ញាធរកត់ត្រាទុកសំណូមពរពលរដ្ឋឲ្យច្បាស់លាស់ ដើម្បីដោះស្រាយ

បារាំងនៅបន្តផ្តល់អាហារូបករណ៍ដល់និស្សិតកម្ពុជាជានិច្ច បើទោះបីខ្លួនជួបវិបត្តិកូវីដ១៩ក្តី

សម្តេចតេជោ និងសម្តេចកិត្តិព្រឹទ្ធបណ្ឌិត ទទួលការចាក់វ៉ាក់សាំងដូសទី៤ នៅថ្ងៃនេះ

មន្ដ្រី ប.ស.ស អះអាងថា នៅតែបន្តផ្តល់ប្រាក់ឧបត្ថម្ភដល់ស្រ្តី និងកម្មការិនីពពោះ

ពលរដ្ឋខេត្តតាកែវចំនួន៣៩ភាគរយហើយ ​ដែលទទួលបានការចាក់វ៉ាក់សាំងដូសជំរុញ ឬដូសទី៣

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

បេក្ខជនជាង ៦៥ភាគរយជាប់បាក់ឌុប ខណៈបេក្ខជនជាប់និទ្ទេស A កើនឡើងច្រើន គ្រប់រាជធានី-ខេត្ត

ពលរដ្ឋខេត្តតាកែវចំនួន៣៩ភាគរយហើយ ដែលទទួលបានការចាក់វ៉ាក់សាំងដូសជំរុញ ឬដូសទី៣