នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ
សម្ដេ​ចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»
សម្តេចតេជោ ហ៊ុន សែន ថ្លែងថា អាវក្រោះ និងសម្ភារយោធាម៉ាក DSS សុទ្ធតែមានគុណភាពហើយអាវការពារនេះនាយករដ្ឋមន្រ្តីបានសាករួចហើយ
សម្ដេចតេជោ ហ៊ុន សែន អញ្ជើញពិនិត្យមើលរោងចក្រ ផលិតសម្ភារៈយោធា DSS និងសំណេះសំណាលជាមួយកម្មករ កម្មការិនី

នយោបាយ​ និង ការអភិវឌ្ឍន៍

ក្រសួងវប្បធម៌ និងសិល្បៈខ្មែរអមតៈ ​បន្តរួមគ្នាបណ្ដុះបណ្ដាល ផ្នែកសិល្បៈបុរាណ​ដល់​យុវជន​ជំនាន់​ក្រោយ

2022/01/21 12:26:25 pm        517
Facebook Telegram Linkin
ភ្នំពេញ៖ ក្រសួងវប្បធម៌ និងវិចិត្រសិល្បៈ បានចុះកិច្ចព្រមព្រៀម (MOU) ជាមួយអង្គការសិល្បៈខ្មែរអមមតៈ បានបន្តសហការគ្នា ក្នុងការស្វែងរកសិល្បករចាស់ៗ ដើម្បីឲ្យពួកគាត់ជួយបង្រៀនបណ្ដុះបណ្ដាល លើជំនាញសិល្បៈរៀងៗខ្លួនដល់យុវជន កុំឲ្យមានការបាត់បង់ និងស្ថិតនៅគង់វង្សបន្តដល់កូនចៅជំនាន់។ក្រោយពិធីចុះកិច្ចព្រមព្រៀង នៅព្រឹកថ្ងៃទី២១ ខែមករា ឆ្នាំ២០២២ លោក ឯក ប៊ុនថា អគ្គនាយក រងបច្ចេកទេស នៃក្រសួងវប្បធម៌ និងវិចិត្រសិល្បៈ បានលើកឡើងថា​ ចំពោះការងារនេះ ​ភាគីទាំងពីរ បានធ្វើរួមគ្នាអស់រយៈពេលជាង ២០ឆ្នាំមកហើយ ហើយMOUនេះ ដើម្បីបន្តការងារក្នុងការរក​សិល្បករ​ចាស់ៗ ​យកមកថែបំប៉ន ​ហើយបញ្ចេញ ​និងផ្ទេរចំណេះដឹងផ្សេងៗទៅយុវវ័យជំនាន់ក្រោយ នៅគ្រប់ទីកន្លែង ។លោក បានបន្តថា សម្រាប់ការងារនេះ គឺផ្ដោតទៅលើការផ្ដល់ជំនួយដល់សិល្បករចាស់ៗ ការ បង្រៀនសិល្បៈបែបអរូបី រួមទាំងការនាំយកតន្ត្រីបុរាណនានា ​ទៅផ្សព្វផ្សាយនៅតាមមូលដ្ឋាន ឬចាក់ បង្ហាញដល់ស្រទាប់មហាជនគ្រប់ទីកន្លែង ​ឲ្យបានដឹងពីសិល្បៈវប្បធម៌ខ្មែរដ៏សម្បូរបែប កុំឲ្យបាត់បង់។លោក ឯក ប៊ុនថា បានអះអាងថា ពាក់ព័ន្ធនឹងការសិក្សាផ្នែកសិល្បៈបុរាណនេះ យុវជនជំនាន់ ក្រោយ មានការចាប់អារម្មណ៍ច្រើន ទាំងការមកសិក្សាផ្ទាល់ និងចែករំលែកបន្ថែមទៅមិត្តភក្តិ ឬមហាជននានា តែយ៉ាងណា លោកបានធ្វើការអំពាវនាវដល់ពលរដ្ឋខ្មែរគ្រប់ស្រទាប់វណ្ណៈ ជួយ​ផ្សព្វផ្សាយបន្ថែមទៀត ពាក់ព័ន្ធនឹងវិស័យសិល្បៈវប្បធម៌នេះ ឲ្យកាន់តែទូលំទូលាយ ហើយចំពោះសិល្បករចាស់ៗ ក៏សូមជួយបង្ហាត់បង្រៀនដល់យុវជនជំនាន់ក្រោយ ដើម្បី​ឲ្យពួកគេ​បានចេះដឹង ​និងថែរក្សានូវសម្បត្តិសិល្បៈ ​បុរាណទាំងអស់៕អត្ថបទ៖ បាន សុខរិទ្ធិ

កុមារ និងយុវវ័យ៖ ការចាក់វ៉ាក់សាំងដូសទី៣ ជួយបង្កើនទំនុកចិត្តពេលនៅសាលារៀន

2022/01/21 12:16:30 pm        789
Facebook Telegram Linkin
ភ្នំពេញ៖ កុមារ និងយុវវ័យអាយុពី១២ ដល់ក្រោម១៨ឆ្នាំ រស់នៅក្នុងរាជធានីភ្នំពេញ សម្រុកទៅចាក់វ៉ាក់សាំងដូសទី៣ ដើម្បីបង្កើនកងការពារបន្ថែមទៀត ទប់ទល់នឹងការវាយលុកពីជំងឺកូវីដ-១៩ ស្របពេលពួកគេត្រូវ ទៅសាលារៀនជារៀងរាល់ថ្ងៃផងដែរ។កុមារ និងយុវវ័យ អាយុពី១២ ដល់ក្រោម១៨ ឆ្នាំ រស់នៅរាជធានីភ្នំពេញ បានប្រាប់BTVឲ្យដឹងថា ការចាក់វ៉ាក់សាំងដូសទី៣ គឺអាចជួយបង្កើនទំនុកចិត្តបន្ថែមទៀត ការពារជំងឺកូវីដ-១៩ ជា​ពិសេសពេល នៅសាលារៀន និងទីតាំងផ្សេងៗទៀត។ តែបើទោះបីចាក់វ៉ាក់សាំង៣ដូសរួចក្តី នៅតែបន្តអនុវត្តវិធាន សុខាភិបាល ៣កុំ ៣ការពារ។គ្រូបង្រៀន បានលើកឡើងដែរថា ដើម្បីការការពារកូនសិស្សមិនឲ្យឆ្លងជំងឺកូវីដ-១៩ ពេលទៅសា លារៀន គឺសាលាបានរៀបចំតាមការណែនាំរបស់ក្រសួងអប់រំ យុវជន និងកីឡា ពីស្តង់ដា​សុវត្ថិភាព​។បើតាមរបាយការណ៍ កុមារ និងយុវវ័យ អាយុពី១២ ដល់ក្រោម១៨ឆ្នាំ មានជិត២លាននាក់ នៅ ទូទាំងប្រទេសកម្ពុជា ក្នុងនោះមានជាង២៣ម៉ឺននាក់ រស់នៅរាជធានីភ្នំពេញ៕អត្ថបទ៖ ទូច សោភ័ណ

សហភាពអឺរ៉ុប សម្ដែងការព្រួយបារម្ភ ចំពោះវិបត្តិមីយ៉ាន់ម៉ា និងស្វែងរកផែនការ​របស់​កម្ពុជា​ដើម្បី​ដោះស្រាយ

2022/01/21 12:09:31 pm        433
Facebook Telegram Linkin
ភ្នំពេញ៖ សហភាពអឺរ៉ុប បានសម្ដែងនូវការព្រួយបារម្ភ ចំពោះវិបត្តិនៅក្នុងប្រទេសមីយ៉ាន់ម៉ា និងបានស្វែងរកផែនការរបស់កម្ពុជា ដើម្បីជួយដោះស្រាយស្ថានការណ៍ ដែលកំពុងកើតឡើងនៅប្រទេសមីយ៉ាន់ម៉ា ហើយចាត់ទុកថាជារឿងស្មុគស្មាញ ។យោងតាមលទ្ធផលនៃកិច្ចសន្ទនាតាមទូរស័ព្ទជាមួយឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ កាលពីថ្ងៃទី២០ ខែមករា ឆ្នាំ២០២២ ឯកឧត្តម ចូសេព បូរ៉េល វុនតេលេស តំណាងជាន់ខ្ពស់នៃសហភាពអឺរ៉ុបទទួលបន្ទុកកិច្ចការបរទេស និងសន្តិសុខគោលនយោបាយ និងជាអនុប្រធានគណៈកម្មការអឺរ៉ុប បាន​អបអរ​សាទរ​កម្ពុជា ដែល​បាន​ចូលកាន់តំណែងជាប្រធានអាស៊ាន សម្រាប់ឆ្នាំ២០២២ ​និងការតែងតាំងឯកឧត្តម ប្រាក់ សុខុន ជាប្រេសិតពិសេសរបស់ប្រធានអាស៊ានស្តីពីមីយ៉ាន់ម៉ា ។ឯកឧត្តម បានទទួលស្គាល់ថា ស្ថានការណ៍នៅក្នុងប្រទេសមីយ៉ាន់ម៉ាមានភាពស្មុគស្មាញ និងពិបាក ហើយសម្ដែងនូវការព្រួយបារម្ភពាក់ព័ន្ធនឹងវិបត្តិ ​ដែលកំពុងកើតឡើងនៅក្នុងប្រទេសមួយនេះ និង​បានស្វែងរកផែនការរបស់កម្ពុជាដើម្បីដោះស្រាយស្ថានការណ៍ ។ក្នុងជំនួបតាមទូរស័ព្ទនោះ ឯកឧត្តម ប្រាក់ សុខុន បានជំរាបទៅតំណាងសហភាពអឺរ៉ុប ពី​លទ្ធផល​នៃដំណើរទស្សនកិច្ចរបស់សម្ដេចតេជោនាយករដ្ឋមន្ត្រី ​កាលពីថ្ងៃទី៧ ​និងទី៨ ខែមករា ឆ្នាំ២០២២ ដែលជាការបោះមួយជំហានទៅមុខ ក្នុងការព្យាយាមរក​ផលចំណេញ​លើការអនុវត្តការព្រមព្រៀង​ជា​ឯកច្ឆន្ទប្រាំចំណុច (5PC) ។ឯកឧត្តមឧបនាយករដ្ឋមន្ត្រី បន្ថែមថា ដំណើរទស្សនកិច្ចលើកដំបូងរបស់ប្រេសិតពិសេស ស្តីពី​មីយ៉ាន់ម៉ា និងសំណើគំនិត​ផ្ដួចផ្ដើម​ចំនួនពីរ​ ដែលសម្ដេចតេជោ​ បានប្រកាសថា ជា​សកម្មភាព​តាមដានបន្ត ​ពីដំណើរទស្សនកិច្ចរបស់សម្ដេច ​ទៅកាន់មីយ៉ាន់ម៉ា​ នាពេលថ្មីៗនេះ រួមមាន​ការបង្កើនយន្តការមួយ​ ដែល​មានសមាសភាពមកពីអាស៊ាន Troika និង អគ្គលេខាធិការ​អាស៊ាន ដើម្បី​សម្របសម្រួល និងត្រួតពិនិត្យការអនុវត្តការព្រមព្រៀងជាឯកច្ឆន្ទប្រាំចំណុច និង​កិច្ចប្រជុំពិគ្រោះ​យោបល់ ដើម្បីពិភាក្សាអំពីមធ្យោបាយចែកចាយជំនួយមនុស្សធម៌នៅមីយ៉ាន់ម៉ា ។ឯកឧត្តម ប្រាក់ សុខុន ក៏បានជំរាបជូនអំពីផែនការបង្កើតក្រុម ​មិត្តរបស់មីយ៉ាន់ម៉ា ដែលជា​ការ​ផ្ដួចផ្ដើម​របស់ប្រទេសព្រុយណេដារូស្សាឡាម​ ដោយផ្ដោតលើជំនួយមនុស្សធម៌ និងស្វែងរក​ការ​គាំទ្រ ​និងការចូលរួមពីសហភាពអឺរ៉ុប ។ ឯកឧត្តម បានបញ្ជាក់ថា ​កិច្ចខិតខំប្រឹងប្រែងរបស់កម្ពុជា ​ដើម្បីដោះស្រាយវិបត្តិនៅមីយ៉ាន់ម៉ា ត្រូវបាន​អនុវត្តស្របតាមការព្រមព្រៀង​ជាឯកច្ឆន្ទប្រាំចំណុច​ និង​ធម្មនុញ្ញ​អាស៊ាន​ (ASEAN Charter) ហើយ​និងផ្អែក​លើ​បទ​ពិសោធន៍​ពី​អតីត​កាល​របស់​កម្ពុជា ៕ អត្ថបទ៖ បាន សុខ​រិទ្ធ

ចំនួនការកក់បន្ទប់ក្នុងអំឡុងពេលកម្សាន្តបុណ្យចូលឆ្នាំចិន កើនឡើង​នៅ​តាម​បណ្តាខេត្ត​គោលដៅ​ទេសចរណ៍

2022/01/21 10:57:39 am        307
Facebook Telegram Linkin
ភ្នំពេញ៖ មន្រ្តីអ្នកនាំពាក្យនៃក្រសួងទេសចរណ៍ នៅព្រឹកថ្ងៃសុក្រនេះបានបញ្ជាក់ថា ចំនួនការកក់បន្ទប់សណ្ឋាគារ រីស៊ត និងផ្ទះសំណាក់ជាដើមនៅតាមបណ្តាខេត្តគោលដៅទេសចរណ៍ ក្នុងអំឡុងថ្ងៃបុណ្យចូលឆ្នាំចិនខាងមុខ មានជាបណ្តើរៗហើយនៅទូទាំងប្រទេស។មានប្រសាសន៍ប្រាប់ទូរទស្សន៍ព័ត៌មានប៊ីធីវី នៅព្រឹកថ្ងៃទី២១ មករា ឆ្នាំ២០២២នេះ ឯកឧត្តម តុប សុភក្រ មន្រ្តីអ្នកនាំពាក្យក្រសួងទេសចរណ៍ បានឲ្យដឹងថា ក្រសួងមិនទាន់ទទួលទទួលព័ត៌មាន​គ្រប់​គោលដៅទេសចរណ៍នៅឡើយទេ ​ប៉ុន្តែគោលដៅទេសចរណ៍មួយចំនួន គឺមានការកក់បន្ទប់​ខ្លះៗ​ហើយ។ឯកឧត្តម បាន​ឲ្យដឹងទៀតថា ទាក់ទងនឹងតម្លៃស្នាក់នៅវិញ មិនថា សម្រាប់ថ្ងៃឆ្លងឆ្នាំសកល​នាពេល​កន្លងមក ​ក៏ដូចជាបុណ្យចូលឆ្នាំចិននេះ​ ក្រសួងបានធ្វើផ្សព្វផ្សាយដល់មន្ទីរទេសចរណ៍រាជធានី-ខេត្តចុះណែនាំឱ្យអ្នកប្រកបរបរក្នុងវិស័យទាំងអស់ ​សុំកុំឱ្យដំឡើងថ្លៃ ទោះបីជាការងើបឡើងវិញ​នៃ​ចំនួនទេសចរណ៍​មានភាពល្អប្រសើរក៏ដោយ។ទន្ទឹមនឹងនេះ ឯកឧត្តមអ្នកនាំពាក្យ ក៏បានអំពាវនាវទៅដល់ម្ចាស់សណ្ឋាគារ​ ផ្ទះសំណាក់ អាហារដ្ឋាន ​និង​ភោជនីយដ្ឋាន​ ក៏ដូចជាភ្ញៀវទេសចរណ៍ទាំងអស់ ​សូមកុំភ្លេចខ្លួន ក្នុង​ការការពារពីវីរុសកូវីដ១៩​ ដោយកុំទៅកន្លែងប្រមូលផ្តុំដោយមនុស្សច្រើនកុះករ​ ឬជាក្រុមៗ ដោយ​ត្រូវ​បង្កើនការប្រុងប្រយ័ត្នខ្ពស់​ ជាពិសេសត្រូវប្រកាន់ខ្ជាប់អនាម័យបរិស្ថាន ខ្លួនប្រាណឱ្យបានស្អាត​ជានិច្ច​ចៀសវាង​ការចម្លងមេរោគ។សូមបញ្ជាក់ថា បុណ្យចូលឆ្នាំចិន ឆ្នាំ២០២០នេះ ត្រូវនឹងថ្ងៃទី១ ដល់ទី៣ ខែកុម្ភៈ និងថ្ងៃសែនចិន គឺនៅថ្ងៃទី៣១ខែមករានេះ៕ អត្ថបទ៖ បូរ៉ាវី+ណាក់

មន្ត្រីជំនាញខេត្តឧត្តរមានជ័យ គ្រោងធ្វើការកែលម្អសោភ័ណភាពស្ពានទ័ព ដើម្បីទាក់ទាញទេសចរ

2022/01/20 04:23:54 pm        991
Facebook Telegram Linkin
ឧត្តរមានជ័យ៖ មន្ត្រីជំនាញ ក្នុងខេត្តឧត្ដរមានជ័យ គ្រោងនឹងរៀបចំកែលម្អស្ថានភាពស្ពានទ័ពឡើងវិញ ដើម្បីឲ្យមានសោភ័ណភាពស្រស់ស្អាត បរិស្ថានល្អដើម្បីទាក់ទាញទេសចរក្នុងស្រុក ឱ្យទៅទស្សនាកម្សាន្តតំបន់នេះ។លោក ហុង យឿន ប្រធានមន្ទីរវប្បធម៌ និងវិចិត្រសិល្បៈ ខេត្តឧត្តរមានជ័យ បានឱ្យដឹងថា កន្លងមក ស្ពានទ័ព (ឬស្ពានអូរជីក) ដែលមានទីតាំងក្នុងស្រុកចុងកាល់ និងមានអាយុកាលរាប់រយឆ្នាំហើយ នោះ ដោយត្រូវបានកសាងឡើងតាំងពីសម័យអង្គរមកម៉្លេះ ក៏ជាស្ពានបុរាណមួយ ដែលប្រជាពលរដ្ឋសម័យកាលនោះ បានប្រើប្រាស់ធ្វើដំណើរ ដឹកកសិផល ឆ្លងកាត់ពីស្រុកចុងកាល់ ទៅស្រុកស្រីស្នំ ខេត្តសៀមរាប ។លោកបានបន្តថា បច្ចុប្បន្ន ស្ពានបុរាណមួយនេះ គេពុំសូវធ្វើដំណើរឆ្លងកាត់នោះឡើយ ដោយតែ មានផ្លូវស្ពានថ្មីផ្សេងទៀត ហើយមកដល់បច្ចុប្បន្ននេះ ស្ពានទ័ពនេះ ត្រូវបានប្រែក្លាយ​ទៅជា​តំបន់ទេស ចរណ៍ប្រវត្តិសាស្រ្តមួយវិញ ដែលបានទាក់ទាញទេសចរជាតិ និងអន្តរជាតិ ឱ្យទៅ​ទស្សនាកម្សាន្ត និង សិក្សាស្វែងយល់ ស្រាវជ្រាវ នាពេលកន្លងមកផងដែរ។គម្រោងកែលម្អស្ពានទ័ព គឺជា​កញ្ចប់​ថវិការដ្ឋបាលខេត្តឧត្តរមានជ័យ ក្រោមជំនួយកិច្ចសហប្រតិបត្តិការរបស់អាល្លឺម៉ង់ (GIZ) ក្នុងកម្មវិធីអភិវឌ្ឍសេដ្ឋកិច្ចមូលដ្ឋាន របស់ខេត្ត លើគម្រោងស្តារជីវភាពរស់នៅរបស់ប្រជាពលរដ្ឋក្នុងតំបន់នេះ ឲ្យមានភាព​ល្អប្រសើរឡើងវិញ។ពលរដ្ឋដែលបានវិលត្រលប់មកពីប្រទេសថៃ ដែលរងផលប៉ះពាល់ដោយសារវិបត្តិកូវីដ-១៩នោះ អាចនឹងមាននឹងការងារធ្វើគ្រប់គ្នាដោយសារគម្រោងមួយនេះ៕អត្ថបទ៖ ឃិន សារិទ្ធ

ពលរដ្ឋនិងក្រុមអាទិភាពរស់នៅភ្នំពេញ បន្តសម្រុកទៅចាក់វ៉ាក់សាំងដូសទី៣និងទី៤ ទប់ទល់អូមីក្រុង

2022/01/20 04:13:44 pm        364
Facebook Telegram Linkin
ភ្នំពេញ៖ ប្រជាពលរដ្ឋ និងក្រុមអាទិភាពរស់នៅក្នុងរាជធានីភ្នំពេញ នៅថ្ងៃទី២០ ខែមករានេះ បានបន្តសម្រុកទៅចាក់វ៉ាក់សាំងដូសទី៣ និងទី៤នៅមណ្ឌលសុខភាពផ្សារដើមថ្កូវ ក្នុងខណ្ឌចំការមន។ ការចាក់វ៉ាក់សាំងនេះ គឺដើម្បីបង្កើនកងការពារទប់ទល់នឹងជំងឺកូវីដ-១៩ ជាពិសេសមេរោគបំប្លែងថ្មី អូមីក្រុង។ស្ថិតក្នុងបរិបទនៃការបន្តឆ្លងរាលដាលនៃជំងឺកូវីដ-១៩ ក្នុងសហគមន៍កម្ពុជា ពិសេសមេរោគបំប្លែង ខ្លួនថ្មីអូមីក្រុងក្រុមអាទិភាព និងពលរដ្ឋទូទៅ រស់នៅក្នុងរាជធានីភ្នំពេញ បាន​រួសរាន់​សម្រុកទៅ​ទទួល​ការចាក់វ៉ាក់សាំងដូសទី៣ និងទី៤ ដើម្បីទប់ទល់នឹងការឆ្លងជំងឺនេះ។ការសម្រុកទៅចាក់វ៉ាក់សាំងនេះ ដោយសារពួកគេ បានយល់ដឹងថា វានឹងជួយបង្កើនភាព​ស៊ាំ​ក្នុងខ្លួន​ក្នុងការប្រយុទ្ធប្រឆាំងទៅនឹងជំងឺកូវីដ-១៩ ជាពិសេសមេរោគបំប្លែងថ្មី អូមីក្រុង។ពួកគេ បានថ្លែងអំណរគុណចំពោះសម្តេចតេជោ ហ៊ុន សែន នាយករដ្ឋមន្រ្តី ដែលបាន​ខិតខំ​ស្វះ​ស្វែង​រកវ៉ាក់សាំងមកចាក់ជូនប្រជាពលរដ្ឋ ដោយឥតគិតថ្លៃ ដើម្បីការពារអាយុជីវិតប្រជាពលរដ្ឋ ខណៈពួកគេសន្យានឹងចូលរួមជាមួយរាជរដ្ឋាភិបាល ក្នុងការប្រយុទ្ធប្រឆាំងនឹងការរីករាលដាល​ជំងឺកូវីដ-១៩នេះដែរ។របាយការណ៍របស់គណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស ដែលBTVទទួលបាននៅថ្ងៃនេះ ​បានបង្ហាញថា ​គិតត្រឹមថ្ងៃទី១៩​ ខែមករានេះ ពលរដ្ឋអាយុ១៨ឆ្នាំឡើង ​រស់នៅក្នុងរាជធានីភ្នំពេញ ​បានទទួលការចាក់វ៉ាក់សាំងដូសទី៣ មានជាង ១លាននាក់​ និង​ក្រុមអាទិភាព​ជួរមុខ ​បានទទួលការចាក់វ៉ាក់សាំងដូសទី៤​ មានជាង១សែននាក់។បច្ចុប្បន្នកម្ពុជា រកបានវ៉ាក់សាំងកូវីដ-១៩ ចំនួនជាង៤៣លានដូស រាប់​បញ្ចូល​ទាំង​ការបញ្ជាទិញពី​ប្រទេសចិន​ ជំនួយពីមជ្ឈមណ្ឌលកូវ៉ាក់ ​និងបណ្តាប្រទេសផ្សេងៗមួយចំនួនទៀត។ រាជរដ្ឋាភិបាលបានចាត់ទុកការចាក់វ៉ាក់សាំង ​គឺជាមធ្យោបាយមួយ ក្នុងចំណោមវិធានការ​សុខា​ភិបាល​ចាំបាច់ដទៃទៀត ​ដែលនឹងបង្ការការរាតត្បាត ​ការចម្លងជំងឺកូវីដ-១៩ និងកាត់បន្ថយផល​ប៉ះពាល់នៃជំងឺកូវីដ-១៩ ​ទៅលើវិស័យសេដ្ឋកិច្ច និងសង្គម៕ អត្ថបទ៖ទូច សោភ័ណ

រដ្ឋមន្ត្រីការបរទេសវៀតណាម៖ ដំណើរទស្សនកិច្ចសម្តេចតេជោទៅមីយ៉ាន់ម៉ា​ជាកិច្ចប្រឹងប្រែង​ដ៏មានតម្លៃ

2022/01/20 03:05:43 pm        571
Facebook Telegram Linkin
ភ្នំពេញ៖ រដ្ឋមន្ត្រីការបរទេសវៀតណាម បានហៅដំណើរទស្សនកិច្ចរបស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ទៅកាន់ប្រទេសមីយ៉ាន់ម៉ា គឺជាកិច្ចការដ៏មានតម្លៃ និងមានសារសំខាន់សម្រាប់រក្សានូវសាមគ្គីភាព និងឯកភាពរបស់អាស៊ាន ហើយប្រទេសវៀតណាម គាំទ្រទាំងស្រុងចំពោះកិច្ចប្រឹងប្រែងរបស់សម្តេចតេជោនេះ។សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ​នៅព្រឹកថ្ងៃទី២០ ខែមករានេះ បានមានជំនួប​ពិភាក្សា​ជាមួយឯកឧត្ដម ប៊ូយ ថាញ់សឺន ​រដ្ឋមន្ត្រីការបរទេសវៀតណាម​ ដែលក្នុងជំនួបនេះ ឯកឧត្ដម ប៊ូយ ថាញ់សឺន បានបញ្ជាក់ថា វៀតណាម បានគាំទ្រទាំងស្រុងនូវប្រធានបទ និងការងារ​ទាំងឡាយ ដែលកម្ពុជាដាក់ចេញក្នុងនាមប្រធានអាស៊ាន និងបានចាត់ទុកដំណើរទស្សនកិច្ចរបស់​សម្តេចតេជោ ទៅកាន់មីយ៉ាន់ ម៉ា ជាដំណើរទស្សនកិច្ចដ៏មានសារសំខាន់ និងទទួលបានជោគជ័យ​ដ៏ប្រសើរ។ នេះបើតាមការឱ្យដឹងពី ឯកឧត្ដម កៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រី ។ឯកឧត្ដម បានឱ្យដឹងទៀតថា រដ្ឋមន្ត្រីការបរទេសវៀតណាម បានបញ្ជាក់ថា ដំណើរទស្សនកិច្ចរបស់​សម្តេចតេជោទៅមីយ៉ាន់ម៉ា ​ដើម្បីរក្សាសាមគ្គីភាព​ និងឯកភាពរបស់អាស៊ាន ដែលជារឿងដ៏សំខាន់​សម្រាប់អាស៊ានទាំងមូល»។កិច្ចប្រឹងប្រែងរបស់សម្តេចតេជោ​ទៅកាន់ប្រទេសមីយ៉ាន់ម៉ា កាលពីដើមខែនេះ ពិតជាមាតម្លៃខ្ពស់ និង​សារសំខាន់ណាស់ ​ជាពិសេសក្នុងការជំរុញរក្សាឱ្យមាននូវសាមគ្គីភាពផ្ទៃក្នុងរបស់អាស៊ាន ដែលត្រូវរក្សាឱ្យបាន»។ឯកឧត្ដម កៅ គឹមហួន បានឱ្យដឹងថែមទៀតថា សម្តេចតេជោ បានបញ្ជាក់ថា ក្នុងនាមជាប្រធាន​អាស៊ានថា កម្ពុជា ​បានខិតខំជំរុញការងារជាច្រើន ហើយដំណើរទស្សនកិច្ចរបស់សម្តេចទៅ​កាន់​មីយ៉ាន់ម៉ា គឺជាកិច្ចខិតខំមួយធ្វើយ៉ាងណាឱ្យស្ថានភាពរបស់មីយ៉ាន់ម៉ា មានភាពល្អប្រសើរ​ឡើងវិញ។ បច្ចុប្បន្នអាស៊ាន មានការងារធ្វើជាច្រើនមិនមែនមានតែការងាររបស់មីយ៉ាន់ម៉ាទេ។ មិនត្រូវយកមីយ៉ាន់ម៉ា ធ្វើជាចំណាប់ខ្មាំងរបស់អាស៊ានទេ។ មីយ៉ាន់ម៉ា នៅតែជួយហើយការងារ​ផ្សេង​ទៀត ក៏ត្រូវតែដោះស្រាយដែរ។សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានបង្ហាញបំណងយ៉ាងមុតមាំក្នុងការ​ដោះស្រាយ​បញ្ហារបស់មីយ៉ាន់ម៉ា ​ជាពិសេសការនាំមីយ៉ាន់ម៉ា ​មកកាន់វេទិកាអាស៊ាន ជាដើម។ តបតាមសំណើរបស់កម្ពុជា ​មេដឹកនាំយោធារបស់មីយ៉ាន់ម៉ា ​លោក អោង មីង ឡាំង បានយល់ព្រម​ពន្យារ​បទឈប់​បាញ់ ជាមួយភាគីពាក់ព័ន្ធនៅក្នុងប្រទេស។ មេដឹកនាំយោធារូបនេះ ​បានយល់ព្រមជួយសម្របសម្រួលឱ្យប្រេសិតពិសេសរបស់ប្រធានអាស៊ាន អាចចូលជួបជជែកជាមួយភាគីជម្លោះនៅក្នុងមីយ៉ាន់ម៉ា និងជួយសម្របសម្រួលដល់ការផ្តល់​ជំនួយ​ទៅ​កាន់ប្រជាពលរដ្ឋមីយ៉ាន់ម៉ាគ្រប់ភាគីទាំងអស់។លទ្ធផលកើតចេញពីដំណើរទស្សនកិច្ចរបស់សម្តេចតេជោ ហ៊ុន សែន ត្រូវបានគេមើលឃើញថា​ជា​ជំហ៊ាន និងពន្លឺក្នុងការឈានទៅរកការដោះស្រាយវិបត្តិនៅ​ក្នុងប្រទេសមីយ៉ាន់ម៉ា មាន​ប្រទេស​ជាច្រើនបានគាំទ្រលទ្ធផលនេះ៕ អត្ថបទ៖ មុត សុទ្ធ

សម្តេចតេជោ ហ៊ុន សែន ទទួលជួបពិភាក្សាការងារជាមួយរដ្ឋមន្ត្រីការបរទេសវៀតណាម

2022/01/20 02:51:31 pm        432
Facebook Telegram Linkin
ភ្នំពេញ៖ នៅវិមានសន្តិភាពទីស្តីការនាយករដ្ឋមន្ត្រី នាព្រឹកថ្ងៃទី២០មករានេះ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអនុញ្ញាតឱ្យឯកឧត្តម ប៊ួយ ថាញ់សឺន រដ្ឋមន្ត្រីការបរទេសនៃសាធារណរដ្ឋសង្គមនិយមវៀតណាមចូលជួបសំដែងការគួរសមនិងពិភាក្សាការងារ។ក្នុងដំណើរទស្សនកិច្ចនេះ បើតាមសេចក្តីប្រកាសព័ត៌មានរបស់ក្រសួងការបរទេស​និង​សហប្រតិបត្តិការ​អន្តរជាតិ បានបញ្ជាក់ថា ខណៈដែលឆ្នាំ២០២២ ជាឆ្នាំរំលឹកខួប​អនុស្សាវរីយ៍​លើកទី៥៥ នៃការបង្កើតទំនាក់ទំនង​ការទូតនិងជា"ឆ្នាំមិត្តភាពកម្ពុជា-វៀតណាម២០២២" ដំណើរទស្សនកិច្ច​ផ្លូវការរបស់ឯកឧត្តម ប៊ួយ ថាញ់សឺន មកកាន់កម្ពុជា​នឹងបន្តពង្រឹងនិងធ្វើ​ឲ្យកាន់​តែ​ស៊ីជម្រៅបន្ថែមទៀតនូវទំនាក់ទំនងទ្វេភាគីដែលត្រូវបានកសាងឡើង​ដោយឈរ​លើ​ស្មារតី​មិត្តភាព​ជាប្រពៃណី ភាពជាអ្នកជិតខាងល្អនិងកិច្ចសហប្រតិបត្តិការ​គ្រប់ជ្រុងជ្រោយ​រវាង​កម្ពុជា​និងវៀតណាម​ ដើម្បី​ផល​ប្រយោជន៍​ទៅវិញទៅមកសម្រាប់ប្រជាជនទាំងពីរ៕

មនី្ទរពេទ្យមិត្តភាពខ្មែរ-សូវៀតសម្ពោធដាក់ដំណើរការផ្នែក​ឆ្លុះ​សរសៃ​ឈាម​បេះដូង និង​ផ្នែក​សង្រ្គោះ​បន្ទាន់​ជំងឺបេះដូង

2022/01/20 02:20:38 pm        631
Facebook Telegram Linkin
ភ្នំពេញ៖ ឯកឧត្តមសាស្រ្តាចារ្យ ស៊ា ហួង រដ្ឋលេខាធិការក្រសួងសុខាភិបាល ព្រឹកថ្ងៃទី២០ ខែមករា ឆ្នាំ២០២២នេះ បានអញ្ជើញសម្ពោធដាក់ឲ្យដំណើរការផ្នែកឆ្លុះសរសៃឈាមបេះដូង និងផ្នែក សង្រ្គោះបន្ទាន់ជំងឺបេះដូង នៅអគារព្រះសីហនុរាជ មនី្ទរពេទ្យមិត្តភាពខ្មែរ-សូវៀត។ឯកឧត្តមសាស្រ្តាចារ្យ ងី ម៉េង ប្រធានមនី្ទរពេទ្យមិត្តភាពខ្មែរ-សូវៀត បានឲ្យដឹងថា មនី្ទរពេទ្យ​មិត្តភាពខ្មែរ-សូវៀត ​ជាមនី្ទរពេទ្យទូទៅ ​មានគ្រែអ្នកជំងឺ១០០០គ្រែ ​និង២៥ផ្នែក ដូចជា៖ ផ្នែកវះកាត់, ផ្នែកតម្រង់នោម, ផ្នែកលាងឈាម, ផ្នែកមហារីក, ផ្នែកផ្លូវចិត្ត, ផ្នែកជំងឺភ្នែក, ផ្នែកជំងឺសើស្បែក, ផ្នែករោគស្រី្ត, ផ្នែកសម្ពព, ផ្នែកប្រព័ន្ធប្រសាទ (សរសៃប្រសាទវះកាត់ និងសរសៃប្រសាទជំងឺទូទៅ), ផ្នែកមនី្ទរពិសោធន៍, ផ្នែកក្រពះពោះវៀន ​បានបំពាក់ឧបករណ៍វេជ្ជសាស្រ្តមិនចាញ់បរទេសឡើយ។ ហើយថ្ងៃនេះមនី្ទរពេទ្យដាក់ឲ្យប្រើបា្រស់ផ្នែកឆ្លុះសរសៃឈាមបេះដូង និងផ្នែក​សង្រ្គោះបន្ទាន់​ជំងឺ​បេះដូង ដែលជាផ្នែកមួយដ៏សំខាន់សម្រាប់ជួយសង្រ្គោះអាយុជីវិត​ប្រជាជនទាំងអស់ ដែល​មាន​បញ្ហាបេះដូង។ទន្ទឹមគ្នានោះដែរ ឯកឧត្តម ស៊ា ហួង បានថ្លែងថា ការដាក់ដំណើរការផ្នែកឆ្លុះសរសៃឈាមបេះដូង និងផ្នែកសង្រ្គោះបន្ទាន់ជំងឺបេះដូង ​នៅមនី្ទរពេទ្យមិត្តភាពខ្មែរ-សូវៀត ពិតជាមានមោទនភាព​ខ្ពស់​ណាស់ ព្រោះថា​បច្ចុប្បន្ន​តម្រូវការរបស់ប្រជាពលរដ្ឋត្រូវ​ការ​ព្យាបាល​ជំងឺបេះដូង​មាន​ការកើនឡើង។ ហើយយើងគ្រប់គ្នាក៏តែងតែឃើញថា ​ប្រជាជនមួយចំនួន​ ដែលមានលទ្ធភាពភាគច្រើន បានចេញ​ទៅ​ព្យាបាល​នៅក្រៅប្រទេស​ ដើម្បីដាក់ថ្មបេះដូង ចង្វាក់បេះដូង ​ឃើញថា​មានតែស្រុកគេទេ។ សម្រាប់ប្រទេសកម្ពុជាយើង ​គឺមាននៅមនី្ទរពេទ្យកាល់ម៉ែត ​ប៉ុន្តែមនី្ទរពេទ្យកាល់ម៉ែត មិនអាចធានា​ចំនួន​ប្រជាជន​យើងបាន​ទាំងអស់នោះទេ។ឯកឧត្តម រដ្ឋលេខាធិការក្រសួងសុខាភិបាល ​ក៏បានណែនាំដល់ប្រជាពលរដ្ឋថា វិស័យសុខាភិបាល​នាពេល​បច្ចុប្បន្ន ​យើងមានសមត្ថភាព លទ្ធភាពគ្រប់គ្រាន់ប្រហាក់ប្រហែល​ នឹងក្រៅប្រទេស ដើម្បី​ផ្តល់​សេវាជូនប្រជាជន ​ជាពិសេសជំងឺបេះដូងតែម្តង ហើយករណីស្លាប់ដោយសារជំងឺបេះ​ដូងនេះ ក៏មានច្រើនផងដែរ។ ដូច្នេះមនី្ទរពេទ្យមិត្តភាពខ្មែរ-សូវៀត បើកព្យាបាល ​និងសង្រ្គោះបន្ទាន់ជំងឺបេះដូង ពេលមានបញ្ហា គឺប្រជាជនយើងអាចមកទទួល​សេវា​នៅក្នុងមនី្ទរពេទ្យមិត្តភាពខ្មែរ-សូវៀត​ ទាន់ពេលវេលា និង​មានប្រសិទ្ធភាពខ្ពស់៕ អត្ថបទ៖ រដ្ឋា

រដ្ឋមន្ត្រីទេសចរអាស៊ាន ប្រកាសបើកទេសចរណ៍អាស៊ានផ្លូវការ អនុវត្តគោលការណ៍ណែនាំអាស៊ាន

2022/01/20 02:03:18 pm        358
Facebook Telegram Linkin
ភ្នំពេញ៖ បន្ទាប់ពីរដ្ឋមន្ត្រីបណ្តាប្រទេសអាស៊ាន បានបើកកិច្ចប្រជុំពិភាក្សាការងារគ្នាអស់រយៈពេលពេញមួយថ្ងៃមក នៅល្ងាចថ្ងៃទី១៩ ខែមករានេះ រដ្ឋមន្ត្រី និងតំណាងរដ្ឋមន្ត្រីទេសចរណ៍បណ្តាប្រទេសអាស៊ាន បានធ្វើការប្រកាសបើកទេសចរណ៍អាស៊ានជាផ្លូវការ ដែលពិធីបើកនោះ គឺបានធ្វើនៅឆ្នេរសុខា ខេត្តព្រះសីហនុ។បើតាមប្រសាសន៍ឯកឧត្តម ថោង ខុន រដ្ឋមន្ត្រីក្រសួងទេសចរណ៍កម្ពុជា នឹងប្រធានកិច្ចប្រជុំរដ្ឋមន្ត្រី​ទេសចរណ៍អាស៊ានលើកទី២៥ ​បានថ្លែងថា ការបើកទេសចរណ៍អាស៊ាន​ ដើម្បីស្តារសេដ្ឋកិច្ច-សង្គម​អាស៊ានឡើងវិញ នេះ អាស៊ានក៏ត្រូវធ្វើឡើងក្រោមប្រុងប្រយ័ត្ន និងមានការទប់ស្កាត់ការរាតត្បាតនៃ​មេរោគ​កូវីដ១៩ ដោយត្រូវអនុវត្តគោលការណ៍ណែនាំអាស៊ានមួយចំនួនរួមមាន៖ ១. អនុវត្តតាមគោលការណ៍ណែនាំអាស៊ានស្តីពីសុវត្ថិភាព និងអនាម័យសម្រាប់អ្នកបម្រើការងារ និងសហគមន៍ក្នុងឧស្សាហកម្មទេសចរណ៍ និងឡាប៊ែលអាស៊ាន៖ ភាពកក់ក្តៅ និងសុវត្ថិភាព (ASEAN Stamp: Warm & Safe) ​ដែលគោលការណ៍នេះ ដឹកនាំសម្របសម្រួលរៀបចំដោយកម្ពុជា ផងដែរ។២. ផែនការស្តារវិស័យទេសចរណ៍អាស៊ានឡើងវិញ៣. ត្រូវអនុវត្តតាមវិធានសុខាភិបាល និងស្តង់ដាប្រតិបត្តិនៃប្រទេសសមាជិកនីមួយៗ៤. តម្កល់​សុខុមាលភាព​សាធារណៈនៃប្រជាជាតិអាស៊ាននីមួយជាអាទិភាព ដោយរៀនរស់នៅក្នុងគន្លងប្រក្រតីភាពថ្មី នៃបរិបទកូវីដ-១៩។រដ្ឋមន្ត្រីទេសចរណ៍អាស៊ាន ក៏បានឯកភាពគ្នាក្នុងការជំរុញឲ្យមានចលនាទេសចរណ៍​ដោយ​ចាប់​ផ្តើម​ពីទេសចរផ្ទៃក្នុងអាស៊ាន៕ រូបអត្ថ៖ បទស៊ុម សុខជា

បណ្ដាញសង្គម

ព័ត៌មានថ្មីៗ

មន្ត្រីប៉ាឡេស្ទីន៖ អ្នកតាំងលំនៅអ៊ីស្រាអែលបានដុតបំផ្លាញវិហារឥស្លាមនៅតំបន់វេសបែង
06/17/2026 06:06 PM
Facebook Telegram Linkin
ការនាំចេញរបស់ជប៉ុន កើនឡើង​ខ្ពស់​បំផុត ក្នុងរយៈពេលជាង ៣ឆ្នាំ ដោយ​សារតម្រូវការបន្ទះឈីប និងរថយន្ត
06/17/2026 06:06 PM
Facebook Telegram Linkin
ប្រតិបត្តិការជួយសង្រ្គោះដ៏គួរភ្ញាក់ផ្អើលកើតឡើង ក្រោយធ្លាក់យន្តហោះខ្នាតតូចនៅរដ្ឋ Texas
06/17/2026 06:06 PM
Facebook Telegram Linkin
ទីភ្នាក់ងារជំនួយស្បៀងអាហាររបស់UN ទទួលបានជំនួយឥតសំណងចំនួន ៨០០លានដុល្លារ ពីអាមេរិកបន្ទាប់ពីកាត់បន្ថយថវិកា
06/17/2026 06:06 PM
Facebook Telegram Linkin
ប្រទេសយេម៉ែនអំពាវនាវដល់ UN ឲ្យចាត់វិធានការតឹងរ៉ឹងជាងមុនលើអ៊ីរ៉ង់ និងការផ្តល់មូលនិធិដល់ក្រុមហ៊ួទី
06/17/2026 06:06 PM
Facebook Telegram Linkin
ចិន​អំពាវនាវ​ឲ្យ​​មាន​សំឡេង​ប្រជាជាតិកំពុងអភិវឌ្ឍន៍សកលខាងត្បូងបន្ថែមទៀត​ ​នៅ UN
06/17/2026 06:06 PM
Facebook Telegram Linkin
មេដឹកនាំ G7ទាមទារឲ្យមានបទឈប់បាញ់នៅលីបង់ និងស្វាគមន៍កិច្ចព្រមព្រៀងសន្តិភាពអ៊ីរ៉ង់-អាមេរិក
06/17/2026 06:06 PM
Facebook Telegram Linkin
រដ្ឋមន្ត្រីការបរទេសអ៊ីរ៉ង់ និងរុស្ស៊ី ជួបពិភាក្សាតាមទូរស័ព្ទ ផ្ដោតលើអនុស្សរណៈនៃការយោគយល់គ្នាជាមួយអាមេរិក
06/17/2026 06:06 PM
Facebook Telegram Linkin
កិច្ចប្រជុំកំពូលនៅទីក្រុងព្រុចសែល នឹងផ្តោតសំខាន់លើការចង់បានសមាជិកភាព EU របស់អ៊ុយក្រែន
06/17/2026 06:06 PM
Facebook Telegram Linkin
ជប៉ុនផ្តល់ថវិកា ១,៣លានដុល្លារបន្ថែម ដើម្បីគាំទ្រគម្រោង «ការឆ្លើយតបទៅនឹងតម្រូវការបន្ទាន់របស់ជនទេសន្តរប្រវេសន៍ និងជនភៀសសឹកដែលងាយរងគ្រោះដោយសារវិបត្តិព្រំដែនកម្ពុជា-ថៃ និងការកសាងភាពធន់នឹងវិបត្តិនាពេលអនាគត»
06/17/2026 06:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.