BTV NEWS

សមត្ថកិច្ចខេត្តមណ្ឌលគិរី និងខេត្តសៀមរាប ឃាត់ខ្លួនជនបរទេសចំនួន១៦២នាក់ ក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យា

ជនបរទេស១៣នាក់ត្រូវបានឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យានៅសៀមរាប

ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ

ត្រឹមថ្ងៃទី១៩កក្កដា សមត្ថកិច្ចរាជធានី-ខេត្ត បង្រ្កាបករណីឆបោកតាមប្រព័ន្ធបច្ចេកវិទ្យា ៥២ទីតាំង ឃាត់ខ្លួនជនសង្ស័យ ២.៧៦៧ នាក់ មានជនជាតិចិនចំនួន ៨៤៣នាក់

សន្តិសុខ និង សង្គម

នគរបាលមន្ទីរប្រឆាំងបទល្មើសគ្រឿងញៀន ចុះបង្គ្រាបដកហូតគ្រឿងញៀន ជាង៣២គីឡូ និងឃាត់ខ្លួនមនុស្សម្នាក់

ភ្នំពេញ៖ នគរបាលមន្ទីរប្រឆាំងបទល្មើសគ្រឿងញៀន អគ្គស្នងការនគបាលជាតិ បានចុះបង្គ្រាបករណីជួញដូរសារធាតុញៀនខុសច្បាប់ឃាត់ខ្លួនមនុស្សម្នាក់និងដកហូតថ្នាំញៀន៣២គីឡូក្រាម។ ប្រតិបត្តិការនេះបានធ្វើឡើងកាលពីវេលាម៉ោង១១យប់ថ្ងៃទី២៦ ខែមីនា ឆ្នាំ២០២៣ នៅចំណុច ផ្ទះលេខ៤៦៣អឺ ផ្លូវលេខ៦ ភូមិបុរីសន្តិភាព២ សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ។ដោយក្រោមការដឹកនាំចង្អុលបង្ហាញ និងអនុវត្តតាមបញ្ជារបស់ នាយឧត្ដមសេនិយ៍សន្តិបណ្ឌិត នេត សាវឿន អគ្គស្នងការនគរបាលជាតិ និងនាយឧត្ដមសេនិយ៍ ម៉ក់ ជីតូ អគ្គស្នងការរង ទទួលផែនប្រឆាំងបទល្មើសគ្រឿងញៀន ក្រោមមានការបញ្ជាដឹកនាំផ្ទាល់ពី ឯកឧត្តម ឧត្ដមសេនីយ៍ឯក ឃឹង សារ៉ាត់ នាយកមន្ទីរប្រឆាំងបទល្មើសគ្រឿងញៀន និងមានការដឹកនាំសម្របសម្រួលពី លោក លឹម ប៊ុនហេង ព្រះរាជអាជ្ញារង នៃអយ្យការអមសសាលាដំបូងរាជធានីភ្នំពេញ កម្លាំងជំនាញមន្ទីរប្រឆាំងគ្រឿងញៀន បានសហការជាមួយកម្លាំងនៃស្នងការដ្ឋាននគរបាលរាជធានីភ្នំពេញ ធ្វើការបង្ក្រាបករណីជួញដូរ គ្រឿងញៀនខុសច្បាប់។ក្នុងរង្វង់ប្រតិបត្តិការនៃការបង្ក្រាបកម្លាំងជំនាញបានឃាត់ខ្លួនជនសង្ស័យម្នាក់ វី វ៉ាន់នុត ភេទប្រុស អាយុ២៥ឆ្នាំ។ ចំណែកគ្រឿងញៀន ដែលដកហូតបានរួមមាន ប្រភេទកេតាមីន(Ketamine)ទម្ងន់ ១១៨៩២ក្រាម (១១គីឡូ ៨៩២ក្រាម)។ សារធាតុញៀន ប្រភេទមេតំហ្វេតាមីន (គ្រាប់បៃតង) ទម្ងន់ ៩៧៨៨ក្រាម (៩គីឡូ ៧៨៨ក្រាម)។ សារធាតុញៀន ប្រភេទមេតំហ្វេតាមីន (ICE) ទម្ងន់ ១៦៥៤ក្រាម (១គីឡូ ៦៥៤ក្រាម)។ សារធាតុញៀន ប្រភេទអ៊ិចស្តាស៊ី (MDMA) ទម្ងន់ ៩៣៤២ក្រាម (៩គីឡូ ៣៤២ក្រាម) និងសារធាតុគីមីមិនអាចកំណត់អត្តសញ្ញាណ ទម្ងន់ ៤៥៣៤ក្រាម។ សរុបសារធាតុញៀន ទម្ងន់ ៣២៦៧៦ក្រាម (៣២គីឡូ ៦៧៦ក្រាម)។បច្ចុប្បន្នជនសង្ស័យ និងវត្ថុតាងត្រូវបានសមត្ថកិច្ចជំនាញកសាងសំណុំរឿង បញ្ជូនទៅអយ្យអមសាលាដំបូងរាជធានីភ្នំពេញ ដើម្បីបន្តតាមនីតិវិធី៕ អត្ថបទ៖ កុម្ភៈ

អាជ្ញាធររាជធានីភ្នំពេញ ចុះពិនិត្យមើលម៉ូតូជាង ១.០០០គ្រឿង នៅឃ្លាំងOCIC ក្រោយដករហូតពីកុងស៊ីបញ្ចាំនៅឃ្លាំងរំសេវ

ភ្នំពេញ ៖ លោក ឃ្លាំង ហួត អភិបាលរងរាជធានីភ្នំពេញ បានដឹកនាំមន្ត្រីជំនាញ សហការជាមួយនិយ័តករអាជីវកម្មអចលនវត្ថុ និងបញ្ចាំ ចុះធ្វើការត្រួតពិនិត្យមើលម៉ូតូ ដែលបានដកហូតពីឃ្លាំងបញ្ចាំកន្លងមក និងបែងចែកម៉ូតូណាស្របច្បាប់ ឬមិនស្របច្បាប់ ដើម្បីរកនីតិវិធីដោះស្រាយ ជូនដល់ម្ចាស់វិញ។ ប្រតិបត្តិការចុះត្រួតពិនិត្យនេះធ្វើឡើង នៅព្រឹកថ្ងៃទី២៨ ខែមីនា ឆ្នាំ២០២៣។លោក ឃ្លាំង ហួត បានលើកឡើងថា នៅពេលនេះ មានការចូលរួមសហការជាមួយនិយ័តករអាជីវកម្មអចលនវត្ថុ និងបញ្ចាំ ដើម្បីត្រួតពិនិត្យមើលថា តើម៉ូតូណាមួយសមស្របតាមច្បាប់ ឬក៏មិនសមស្របតាមផ្លូវច្បាប់ ដើម្បីដោះស្រាយបញ្ចប់ រឿងទាំងនេះអស់ ហើយចាប់ផ្តើមបន្តការចុះពិនិត្យមើលឃ្លាំងបញ្ចាំខុសច្បាប់បន្តទៀត។ លោកអភិបាលរងរាជធានីភ្នំពេញ បានបញ្ជាក់ផងដែរថា ចំពោះម៉ូតូណាដែលមានច្បាប់ ឬមិនមានច្បាប់ អាជ្ញាធរនឹងធ្វើការញែកដាច់ដោយឡែកពីគ្នា ក្នុងនោះ យើងបានប្រគល់ជូននិយ័តករអាជីវកម្មអចលនវត្ថុ និងបញ្ចាំ ដោយឲ្យម្ចាស់ទីតាំងឃ្លាំង បញ្ចាំទាំងអស់យកឯកសារពាក់ព័ន្ធមកជាមួយ ក្នុងករណីម៉ូតូទាំងនោះមិនមានឯកសារត្រឹមត្រូវ និងបន្តធ្វើនីតិវិធីមួយទៀត។លោកបានសំណូមពរដល់បងប្អូនប្រជាពលរដ្ឋដែលបានបាត់ម៉ូតូ សូមអញ្ជើញមកពិនិត្យមើលម៉ូតូរបស់ខ្លួននៅឃ្លាំងស្តុបទុកម៉ូតូ OCIC ជ្រោយចង្វារ ដែលស្ថិតនៅសង្កាត់ជ្រោយចង្វារ ខណ្ឌជ្រោយចង្វារ ដោយត្រូវកាន់ឯកសារពាក់ព័ន្ធ មកជាមួយដូចជា៖ ពាក្យបណ្ដឹង, កាតគ្រីម៉ូតូ និងអត្តសញ្ញាណប័ណ្ណ ចំពោះទីតាំងនៅOCICនេះ អាជ្ញាធរបានបើកទ្វាររង់ចាំបងប្អូនប្រជាពលរដ្ឋមកពិនិត្យមើលម៉ូតូ ជាប់ជាប្រចាំ៕អត្ថបទ៖ កុម្ភៈ

នាវាផ្ទុកយន្ដហោះអាមេរិកធន USS Nimitz បានចាប់ផ្ដើមធ្វើសមយុទ្ធរួមគ្មាជាមួយកូរ៉េខាងត្បូង

អាមេរិក៖ នាវាផ្ទុកយន្ដហោះសហរដ្ឋអាមេរិក USS Nimitz បានចាប់ផ្ដើមធ្វើសមយុទ្ធកងនាវាចរណ៍រួមជាមួយប្រទេសកូរេខាងត្បូងនៅក្នុងដែនទឹកអន្ដរជាតិ ជិតកោះចេយូភាគខាងត្បូងកាលពីថ្ងៃចន្ទ មួយថ្ងៃបន្ទាប់ពីកូរ៉េខាងជើងបានបាញ់មីស៊ីលបាលីស្ទិករយៈចម្ងាយខ្លីចំនួន ២គ្រាប់នៅជិតឆ្នេរសមុទ្រខាងកើតរបស់ខ្លួនមក។ ក្រសួងការពារជាតិក្នុងក្រុងសេអ៊ូលបាននិយាយថា នាវាផ្ទុកយន្ដហោះនេះគ្រោងនឹងទៅដល់មូលដ្ឋានទាហានជើងទឹកកូរ៉េខាងត្បូងក្នុងក្រុងប៊ូសាននៅថ្ងៃអង្គារ ទី២៨មិនា នៅក្នុងការឈប់សំចតលើកដំបូងរបស់ខ្លួនក្នុងប្រទេសកូរេខាងត្បូងក្នុងរយៈពេលជិត ៦ឆ្នាំមិនធ្លាប់មាន ដែលជាផ្នែកមួយដើម្បីរំលឹកខួបលើកទី៧០ នៃសម្ព័ន្ធភាពប្រទេសទាំងពីរ។ កាលពីខែកញ្ញាឆ្នាំកន្លងទៅ នាវាផ្ទុកយន្ដហោះ USS Ronald Reagan ក៏មកទស្សនកិច្ចសំចតកំពង់ផែនេះផងដែរ។ ឧត្ដមនាវីឯក គ្រីស្ដូហ្វើរ ស្វីននី មេបញ្ជាការក្រុមប្រយុទ្ធមិនបានបញ្ជាក់ពីមធ្យោបាយត្រូវរាវរកគោលដៅ និងឆ្លើយតបទៅនឹងការសាកល្បងមីស៊ីលរបស់កូរ៉េខាងជើង ប៉ុន្ដែបាននិយាយថា ខ្លួនត្រូវបានគេផ្ដល់ពត៌មានបានច្បាស់អំពីសកម្មភាពនានាជាមួយនាវាដែលបំពេញតួនាទីជាទីបញ្ជាការ និងជាការគ្រប់គ្រងដែលប្រមូលព័ត៌មានទូទាំងតំបន់គ្រប់គ្រងចាប់ពីអវកាសរហូតដល់បាតសមុទ្រ។ មន្រ្ដីទាហានជើងទឹកកូរ៉េខាងត្បូងបាននិយាយថា សមយុទ្ធនេះត្រូវបានរៀបចំឡើងក្នុងបំណងធ្វើឲ្យប្រសើរឡើង នូវការអនុវត្តន៍សន្ធិសញ្ញាការពារសម្ព័ន្ធមិត្តរបស់សហរដ្ឋអាមេរិក និងសមត្ថភាពយោធារបស់ខ្លួន ជាពិសេសកម្លាំងនុយក្លេអ៊ែរ ដើម្បីរារាំងការវាយប្រហាណាមួយមកលើសម្ព័នមិត្ដរបស់ខ្លួន ដោយពង្រាយគ្រឿងយុទ្ធោករណ៍យុទ្ធសាស្រ្ដរបស់អាមេរិក ស្របពេលការគំរាមកំហែងកើនឡើងពីកូរ៉េខាងជើង៕

ករណីកាប់ប្លន់ម៉ូតូនៅសង្កាត់ស្រះចកសមត្ថកិច្ចស្រាវជ្រាវចាប់ខ្លួនជនសង្ស័យ២នាក់

ភ្នំពេញ ៖ កម្លាំងការិយាល័យនគរបាលព្រហ្មទណ្ឌកំរិតស្រាល នៃ ស្នងការដ្ឋាននគរបាលរាជធានីភ្នំពេញ ស្រាវជ្រាវចាប់ឃាត់ខ្លួនជនសង្ស័យ ២នាក់ ក្នុងចំណោមបក្ខពួក ៣នាក់ ពាក់ព័ន្ធករណីកាប់ប្លន់ម៉ូតូ នៅសង្កាត់ស្រះចក ខណ្ឌដូនពេញ ។ជនសង្ស័យទាំង ២នាក់ ដែលត្រូវសមត្ថកិច្ចឃាត់ខ្លួន ១-ឈ្មោះ ឈុន ដេវីត ហៅ វីត ភេទ ប្រុស អាយុ ៣៦ ឆ្នាំ ជនជាតិ ខ្មែរ មុខរបរ មិនពិតប្រាកដ ស្នាក់នៅមិនពិតប្រាកដ ។ ២-ឈ្មោះ សេង សិលា ហៅ ខ្លា ភេទ ប្រុស អាយុ ៤១ ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅមិនពិតប្រាកដ ។ ចំណែកជនរងគ្រោះឈ្មោះ សុក សាវី ភេទ ប្រុស អាយុ ៣១ ឆ្នាំ ជនជាតិ ខ្មែរ មានទីលំនៅផ្ទះជួល សង្កាត់ បឹងសាឡាង ខណ្ឌទួលគោក រាជធានីភ្នំពេញ មុខរបរ កម្មករសំណង់ ។លោកវរសេនីយ៍ឯក ប៊ុន សត្យា នាយកម្លាំងការិយាល័យនគរបាលព្រហ្មទណ្ឌកំរិតស្រាល នៃ ស្នងការដ្ឋាននគរបាលរាជធានីភ្នំពេញ ប្រាប់អោយដឹងថា រយះពេល ២ ថ្ងៃ គឺថ្ងៃទី២១ និង ថ្ងៃទី២២ ខែមីនា ឆ្នាំ២០២៣ កម្លាំងការិយាល័យស្រាវជ្រាវឃាត់ខ្លួនជនសង្ស័យ ២នាក់ ពាក់ព័ន្ធករណី លួចមានស្ថានទម្ងន់ទោសដោយសារការប្រើអំពើហិង្សា (យកកាំបិតកែច្នៃកាប់ទៅលើជនរងគ្រោះប្លន់យកម៉ូតូ ១គ្រឿង ម៉ាក ហុងដា សេ១២៥ ពណ៌ខ្មៅ សេរីឆ្នាំ២០១៨ ពាក់ផ្លាកលេខ តាកែវ ១O-៨៨៦០ កាលពីវេលាម៉ោង ០៣ ទៀបភ្លឺ ថ្ងៃទី២១ ខែមីនា ឆ្នាំ២០២៣ នៅចំណុចមុខផ្ទះលេខ២អាបេ១៣ ផ្លូវសហព័ន្ធរុស្សី ភូមិ៣ សង្កាត់ស្រះចក ខណ្ឌដូនពេញ រាជធានីភ្នំពេញ ។ ក្រុមជនសង្ស័យមានបក្ខពួក ៣នាក់ ចាប់ខ្លួន ២នាក់ គេចខ្លួនម្នាក់ប្រដាប់ដោយដាវ កែច្នៃចំនួន ០២ ដើម ។ ជនសង្ស័យ និងវត្ថុតាង ការិយាល័យកំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីផ្តន្ទាទោសតាមនីតិវិធី ៕ ដោយ ៖ តារាវុទ្ធី

ស្លាប់២នាក់ និង១១នាក់ រងរបួសធ្ងន់ស្រាល ក្នុងហេតុការណ៍គ្រោះថ្នាក់ចរាចរណ៍នៅស្រុករលាប្អៀរ

កំពង់ឆ្នាំង ៖ គ្រោះថ្នាក់ចរាចរណ៍រវាងរថយន្តតូយោតាត្រៃតុន និងរថយន្តក្រុងដឹកអ្នកដំណើរក្នុងស្រុករលាប្អៀរ បានបណ្តាលឲ្យមនុស្ស២នាក់ស្លាប់ និង១១នាក់បានរងរបួសធ្ងន់ស្រាល។ ហេតុការណ៍នេះបានកើតឡើងនៅវេលាម៉ោង០០និង ១០នាទីរំលងអាធ្រាត្រឈាន ចូលថ្ងៃទី២១ ខែមីនាឆ្នាំ២០២៣ នៅចំណុចរង្វង់មូលនិមិត្តសញ្ញាឆ្នាំង ចន្លោះគីឡូម៉ែត្រលេខ ៨១ និងលេខ ៨២ ស្ថិតនៅក្នុងភូមិព្រៃខ្មែរ ឃុំរលាប្អៀរ ស្រុករលាបៀរ។ ប្រភពពីសមត្ថកិច្ចនគរបាលចរាចរណ៍ខេត្តកំពង់ឆ្នាំងបានឲ្យដឹងថាមុនពេលកើតហេតុមានរថយន្តមួយគ្រឿងម៉ាកតូយ៉ូតា ត្រាយតុន ពាក់ស្លាកលេខខេមរៈភូមិន្ទ 02 .0830 បើកបរដោយជនមិនស្គាល់ឈ្មោះក្នុងដំណើរពីជើងទៅត្បូងលុះដល់ចំណុចកើតហេតុបានបុកជាមួយនឹងរថយន្តក្រុងពណ៌ក្រហមពាក់សាកលេខសៀមរាប3A.1552 របស់ក្រុមហ៊ុនដឹកអ្នកដំណើរ។ក្នុងហេតុការនោះបណ្ដាលឱ្យមនុស្សដែលជិះលើរថយន្ត តូយ៉ូតា ត្រាយតុន ២នាក់បានស្លាប់ (ស្លាប់នៅនឹងកន្លែង ម្នាក់នៅមន្ទីរពេទ្យ) និង ១១ នាក់ទៀតរងរបួសធ្ងន់ និងស្រាល។ក្រោយពេលកើតហេតុសមត្ថកិច្ចនគរបាល បានត្រូវធ្វើការវាស់វែង និងយករថយន្ត ទាំង២គ្រឿងទៅរក្សាទុកដើម្បីរង់ចាំការដោះស្រាយតាមនីតិវិធី៕ ដោយ ៖ ហុង វាស្នា

សត្វផ្សោតឈ្មោលទំងន់ ១៦០គីឡូ ក្រាមបានងាប់ជាលើកដំបូងនៅឆ្នាំ២០២៣នេះ

ស្ទឹងត្រែង៖ សត្វផ្សោតឈ្មោលមួយក្បាលមានទំងន់ជាង ១៦០គីឡូក្រាម ប្រវែង ២ ម៉ែត្រ.៣៨ អាយុប្រមាណ២០ឆ្នាំ មានស្នាមជាប់មងនៅផ្នែកកន្ទុយព្រុយចំហៀង និងខាងក្រោមពោះ មានពាក់លេខសម្គាល់០៥៦បានងាប់ដោយសារជាប់មង ។ករណីងាប់សត្វផ្សោតនេះ ប្រជាពលរដ្ឋបានប្រទះឃើញ អណ្តែតទឹក នៅវេលាម៉ោង ៦ និង ៣០នាទីព្រឹកថ្ងៃទី១៩មីនា ឆ្នាំ២០២៣ស្ថិតនៅ តំបន់អភិរក្សអន្លុងសត្វផ្សោត កោះកាំងកូនសត្វ ឃុំកោះព្រះ ក្នុងស្រុកសៀមបូក ខេត្តស្ទឹងត្រែង ។មន្ត្រីឆ្នាំទន្លេ ប្រចាំការនៅអន្លុងត្បូងខ្លា បានបញ្ជាក់ថា មន្ត្រីជំនាញមិនទាន់កំណត់បានថា សត្វផ្សោតឈ្មោលដែលងាប់នេះ វារស់នៅក្នុងអន្លុងផ្សោតណាមួយពិតប្រាកដទេ ហើយផ្នែកជលផល បានទាក់ទងទៅអង្គការ WWF ដើម្បីឱ្យមន្ត្រីជំនាញមកស្រាវជ្រាវ និងមកធ្វើកោសល្យវិច័យ ហើយនាំយកសាកសពសត្វផ្សោតនេះទៅរក្សាទុក ។លោក ស្រី សំវិចិត្រ នាយខណ្ឌជលផលស្ទឹងត្រែង បានឱ្យបញ្ជាក់ថា សត្វផ្សោតជាធនធានដ៏កម្រត្រូវបានរាជរដ្ឋាភិបាលចេញអនុក្រិត្យលេខ៤៧ អន ក្រ ប កចុះថ្ងៃទី២៧កុម្ភៈ ឆ្នាំ២០២៣ ឱ្យធ្វើការអភិរក្ស ហើយខណ្ឌជលផលស្ទឹងត្រែង ក៏បានផ្សព្វផ្សាយអនុក្រិត្យនេះទៅដល់ប្រជាអ្នកនេសាទរួចមកហើយដែរ។ ចំពោះការងាប់សត្វផ្សោតឈ្មោលមួយក្បាលនេះ ប្រជាពលរដ្ឋ ស្នើសុំឱ្យមន្ត្រីជំនាញពាក់ព័ន្ធរឹតបន្តឹងច្បាប់ជលផល និងចុះធ្វើសកម្មភាព ល្បាតឱ្យបានញឹកញាប់តាមអន្លុងអភិរក្សនិងមិនអត់ឱនចំពោះជនសង្ស័យណា យកមងឬសន្ទូចទៅដាក់ក្នុងតំបន់ហាមឃាត់នោះទៀតឡើយ។សូមបញ្ជាក់ថា ខេត្តស្ទឹងត្រែង នៅមានអន្លុង អភិរក្សសត្វផ្សោតចំនួន៣ -ទីមួយកោះសន្ទក់- ទី២ អន្លង់កោះកាំងកូនសត្វ -និងទី៣អន្លង់ត្បូងខ្លា ដែលកំពុងអភិរក្ស និងការពារសត្វផ្សោតដែលនៅសេសសល់មិនដល់ទៅ៣០ក្បាល ហើយបច្ចុប្បន្នបានងាប់ជាបន្តបន្ទាប់ទៀត ៕

អ្នកទិញផ្ទះល្វែងបុរី VIP ប្រមាណជា ៣០០នាក់ ផ្ទុះការតវ៉ាបិទផ្លូវជាថ្មី ដោយសារម្ចាស់បុរីមិនចេញប្លង់កម្មសិទ្ធិ

ភ្នំពេញ ៖ ប្រជាពលរដ្ឋដែលទិញផ្ទះល្វែងនៅក្នុងបុរី VIP ផ្លូវ២១៧ ភូមិម៉ឺនត្រា សង្កាត់ស្ពានថ្ម ខណ្ឌដង្កោ រាជធានីភ្នំពេញ នាព្រឹកថ្ងៃទី១៩ ខែមីនា ឆ្នាំ២០២៣ ប្រមាណជា ៣០០នាក់ បានផ្ទុះការតវ៉ាបិទផ្លូវជាថ្មី ដោយសារតែម្ចាស់បុរី មិនព្រមចេញប្លង់កម្មសិទ្ធិជូនពួកគាត់ប្រើប្រាស់តាមតម្រូវការ ។ជុំវិញការតវ៉ាបិទផ្លូវខាងលើនេះដែរ បានធ្វើអោយលំហូរចរាចរណ៍ មិនអាចធ្វើដំណើរបាននោះឡើយ ដោយសារផ្លូវត្រូវបានឈរបិទទាំងស្រុង ហើយបងប្អូនពលរដ្ឋដែលបានធ្វើដំណើរឆ្លងកាត់ដល់ចំណុចខាងលើ គឺត្រូវធ្វើដំណើរត្រឡប់ក្រោយវិញ។ ទន្ទឹមនឹងនោះ កងកម្លាំងសមត្ថកិច្ចអាជ្ញាធរសាធារណៈរាប់សិបនាក់ ក៏បានឈរត្រៀមនៅជុំវិញតំបន់នោះផងដែរ ដោយមិនទាន់មានដំណោះស្រាយចរចាណាមួយ ជាមួយបងប្អូនអ្នកតវ៉ា ដើម្បីអោយបើកផ្លូវ វិញនៅឡើយនោះទេ ។ គួរបញ្ជាក់ថា ការតវ៉ាបិទផ្លូវនេះ គឺធ្វើឡើងជាច្រើនលើកច្រើនសារហើយកន្លងទៅ ដើម្បីទារទាមអោយអាជ្ញាធរពាក់ព័ន្ធជួយរកដំណោះស្រាយជូនពួកគាត់ ។ តាមការរៀបរាប់ពីបងប្អូនប្រជាពលរដ្ឋដែលបានទិញផ្ទះល្វែងនៅក្នុង បុរី VIP ខាងលើ បានអោយដឹងថា ពួកគាត់ជួបបញ្ហានេះយូរដែរហើយ កន្លងទៅក៏មានអាជ្ញាធរខណ្ឌដង្កោបើកកិច្ចប្រជុំសម្របសម្រួលដោះស្រាយ ប៉ុន្តែរហូតពេលនេះនៅតែមិនទាន់មានដំណោះស្រាយ ទើបពួកគាត់លើកគ្នាផ្ទុះការតវ៉ាបិទផ្លូវបែបនេះជាបន្តបន្ទាប់ ដើម្បីសូមអោយអាជ្ញាធរខណ្ឌដង្កោ ក៏ដូចជា សាលារាជធានីភ្នំពេញ ស្ថាប័ន មន្ទីរ ពាក់ព័ន្ធ ជួយអន្តរាគមន៍ដោះស្រាយអោយបានលឿន ៕ តារាវុទ្ធី & លីហេង

កម្លាំងអាជ្ញាធរខណ្ឌ ៧មករា បានធ្វើការឃាត់រ៉ុម៉កកង់បី ចំនួន ១៨គ្រឿង បំពាក់ភ្លើងបំភ្លឺខុសបច្ចេកទេស

ភ្នំពេញ៖ ដោយអនុវត្តតាមការណែនាំរបស់ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ និងបទបញ្ជារបស់ ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានដាក់ផែនការជូនកម្លាំងជំនាញនគរបាលចរាចរណ៍ក៏ដូចជាកម្លាំង នៃអធិការដ្ឋាននគរបាលខណ្ឌទាំង១៤ ឱ្យធ្វើការឃាត់យានយន្តគ្រប់ប្រភេទដែលបំពាក់ភ្លើងខុសលក្ខណៈបច្ចេកទេសធ្វើឲ្យចាំង ដល់អ្នកបើកបរបញ្ច្រាសទិស និងសរសេរអក្សរ ឬបិទរូបភាព មិនសមរម្យ។សូមជម្រាបជូនថា កាលពីយប់ថ្ងៃទី១៧ រហូតដល់ព្រឹកថ្ងៃទី១៨ ខែមិនា ឆ្នាំ២០២៣នេះ កម្លាំងអាជ្ញាធរខណ្ឌ ៧មករា បានឃាត់រ៉ុម៉កកង់បី ចំនួន១៨គ្រឿង ដែលបានបំពាក់ភ្លើងបំភ្លឺខុសបច្ចេកទេស បំពងស៊ីផ្លេសំឡេងលឺខ្លាំង ដាក់ហ្វាំងដែលបន្លឺជាសម្លេងរំខាន កែច្នៃបំពងសម្លេង (ស៊ីមាំងប្រែន) ខុសលក្ខណៈបច្ចេកទេស និងសរសេរអក្សរ ឬបិទរូបភាព មិនសមរម្យ។ម្ចាស់រម៉កកង់បី (passapp) ដែលលេងខុសលក្ខណៈបច្ចេកទេសបានលើកឡើងថាកន្លងមកពួកគាត់តុបតែងលេងដោយសារតែការស្រឡាញ់ និងលេងតាមគ្នា ដោយពុំដឹងថាការតុបតែងលេងនេះខុសច្បាប់នោះឡើយ។ក្រោយមានការអប់រំណែនាំពីសំណាក់អាជ្ញាធរពួកគាត់បានសន្យាថាឈប់តុបតែងខុសពីលក្ខណៈបច្ចេកទេស និងជួយផ្សព្វផ្សាយប្រាប់គ្នាបន្ត ឲ្យឈប់លេងខុសលក្ខណៈបច្ចេកទេសបែបនេះទៀត។លោកវរសេនីយ៍ទោ ង៉ែត សារុន អធិការរងទទួលផែនចរាចរណ៍ នៃអធិការដ្ឋាននគរបាលខណ្ឌ ៧មករា បានឲ្យដឹងថា ក្រោយទទួលបទបញ្ជារបស់ឯកឧត្តមស្នងការរងទទួលផែនចរាចរណ៍ នៃស្នងការដ្ឋាននគរបាលរាជធានីភ្នំពេញ និងការណែនាំពី លោក ថេង សុថុល អភិបាលខណ្ឌ៧មករា កម្លាំងអធិការដ្ឋាននគរបាលខណ្ឌ ៧មករា បានធ្វើការឃាត់រម៉កកង់បីបានចំនួន ១៨ គ្រឿង ដែលមានលក្ខណៈខុសបច្ចេកទេស ដើម្បីយកមកធ្វើការអប់រំណែនាំនៅអធិការដ្ឋាន ដោយពុំមានការផាកពិន័យនោះទេដោយធ្វើកិច្ចសន្យានឹងធ្វើការអប់រំណែនាំព្រោះនេះជាលើកទីមួយ។ ក្នុងករណីមិនរាងចាលកម្លាំងសមត្ថកិច្ចធ្វើការឃាត់ម្ដងទៀតនឹងធ្វើការផាកវិន័យតាមនីតិវិធីច្បាប់។ក្រោយធ្វើការឃាត់បានរ៉ុម៉កកង់បី (passapp) បានចំនួន ១៨គ្រឿង កម្លាំងនគរបាលបាននាំយកមករក្សាទុកនៅអធិការដ្ឋាននគរបាលខណ្ឌ ៧មករាដើម្បីធ្វេីការអប់រំណែនាំ ធ្វេីកិច្ចសន្យា រួចឲ្យធ្វើការបកនិងដោះអ្វីដែលខុសបច្ចេកទេសចេញទើបអនុញ្ញាតឲ្យត្រឡប់ទៅផ្ទះវិញ៕ អត្ថបទ៖ កុម្ភៈ

ជិះម៉ូតូឆ្លងផ្លូវមិនប្រយ័ត្ន ត្រូវរថយន្តបើកលឿនជ្រុលបុកទាំងកំរោល បណ្តាលអោយស្លាប់ទាំងព្រឹក

ភ្នំពេញ៖ ស្ត្រីម្នាក់បានស្លាប់បាត់បង់ជីវិតទាំងព្រឹកព្រលឹម ក្នុងហេតុការណ៍គ្រោះថ្នាក់ចរាចរណ៍មួយ ខណ:ដែលរូបនាងជិះម៉ូតូធ្វើដំណើរឆ្លងផ្លូវ ហើយក៏ត្រូវរថយន្តព្រូសមួយគ្រឿងទៀត បើកលឿនជ្រុលបង្កូតទៅបុកចំពាក់ពាក់កណ្តាលម៉ូតូ បណ្តាលអោយខ្ទាតទាំងមនុស្ស និងម៉ូតូជាច្រើនម៉ែត្រ ហើយរថយន្តបង្កក៏រេចង្កូតបន្តទៅបុកនឹងក្បាលនាគពុះចែកទ្រូងផ្លូវ បណ្តាលអោយគៀកជាប់គ្នាមិនអាចបន្តដំណើរទៅមុខទៀតបាន។ដែលហេតុការណ៍គ្រោះថ្នាក់ខាងលើនេះ កើតឡើងនៅតាមបណ្តោយផ្លូវជាតិលេខ២ ក្នុងសង្កាត់ចាក់អង្រែក្រោម ខណ្ឌមានជ័យ បង្កការភ្ញាក់ផ្អើលកាលពីវេលាម៉ោង៥ ព្រឹកថ្ងៃទី១៨ ខែមិនា ឆ្នាំ២០២៣នេះ។ជនរងគ្រោះមានឈ្មោះ ធូ សុធារី ភេទស្រីអាយុ ៥៣ឆ្នាំ មុខរបរអាជីវករលក់នំគួឆាយនៅផ្សារអូឡាំពិក មានទីលំនៅក្បែរកន្លែងកើតហេតុ។ បច្ចុប្បន្នស្ត្រីខាងលើ មានកូនប្រុសស្រីចំនួន ០៣នាក់ និងជាស្ត្រីមេម៉ាយផងដែរ។យោងតាមប្រភពព័ត៌មានពីសាក្សីដែលបានឃើញហេតុការណ៍ បានអោយដឹងថា នៅមុនពេលកើតហេតុ គេសង្គេតឃើញ ស្ត្រីរងគ្រោះខាងលើជិះម៉ូតូមួយគ្រឿងម៉ាកហុងដាឌ្រ៊ីមសេ ១២៥ស៊េរីឆ្នាំ២០១៣ ពណ៌ខ្មៅ ពាក់ផ្លាកលេខ ភ្នំពេញ 1CB-2290 ជិះធ្វើដំណើរតែម្នាក់ឯង ដោយចេញពីផ្លូវប៉េតុងផ្សារក្រមួនចាក់អង្រែ ហើយបើកឆ្លងកាត់ផ្លូវជាតិលេខ២ បំណងឡើងសំដៅទៅស្ពានអាកាសក្បាលថ្នល់។ខណ:កំពុងឆ្លងផ្លូវនោះស្រាប់តែមានរថយន្តតូយូតាព្រូសមួយគ្រឿង ពណ៌ប្រផេះ ពាក់ផ្លាកលេខ ភ្នំពេញ 2BA-3203 បើកបរដោយបុរសម្នាក់ តាមបណ្តោយផ្លូវជាតិលេខ២ (ពីស្ពានអាកាសចូលទៅតាខ្មៅ) ក្នុងទិសដៅពីជើងទៅត្បូង និងក្នុងល្បឿនយ៉ាងលឿន ក៏បានជ្រុលចង្កូតទៅបុកចំពាក់កណ្តាលម៉ូតូរបស់ជនរងគ្រោះពេញទំហឹងតែម្តង បណ្តាលអោយទាំងម៉ូតូនឹងមនុស្ស ត្រូវប៉ើងខ្ទាតជាច្រើនម៉ែត្រ ហើយស្ត្រីជាម្ចាស់ម៉ូតូត្រូវបោកផ្ទប់ខ្លួននឹងដងផ្លូវស្លាប់ភ្លាមៗ នៅហ្នឹងកន្លែង។ចំណែកឯរថយន្តបង្ក នៅមិនទាន់អស់ល្បឿន ក៏រេចង្កូតទៅបុកផ្ទប់នឹងក្បាលនាគពុះចែកទ្រូងផ្លូវបន្តទៀត បណ្តាលអោយរថយន្តរងការខូចខាតផ្នែកខាងមុខធ្ងន់ធ្ងរមិនអាចបន្តដំណើរទៅមុខទៀតបាននោះឡើយ។ភ្លាមៗនោះ បុរសជាអ្នកបើករថយន្តបង្ក ក៏បានបើកទ្វាររថយន្តចេញទៅក្រៅ ហើយរត់គេចខ្លួនបាត់ស្រមោលតែម្តង។ក្រោយកើតហេតុ កម្លាំងនគរបាលមូលដ្ឋាន សហការជាមួយនគរបាលជំនាញ បានចុះអន្តរាគមន៍ធ្វើការវាស់វែងអូសយកទាំងរថយន្តបង្ក និងម៉ូតូជនរងគ្រោះ ទៅរក្សាទុកនៅការិយាល័យនគរបាលចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ រងចាំដោះស្រាយទៅតាមផ្លូវច្បាប់នៅពេលក្រោយ។ដោយឡែកសពស្ត្រីរងគ្រោះ កម្លាំងសមត្ថកិច្ចធ្វើការព្យាយាមទាក់ទងបន្តទៅកាន់ក្រុមគ្រួសារសាច់ញាតិ ដើម្បីទទួលយកទៅធ្វើបុណ្យតាមប្រពៃណី៕ អត្ថបទ៖ លីហេង

អគ្គិភ័យឆេះឃ្លាំងស្តុកគ្រឿងបន្លាស់រថយន្តមួយកន្លែង អស់ទាំងស្រុង ប្រើប្រាស់ទឹកអស់ចំនួន៧២ឡាន

ភ្នំពេញ៖ ទីតាំងឃ្លាំងស្តុកគ្រឿងបន្លាស់រថយន្តមួយកន្លែងត្រូវបានអគ្គិភ័យឆាបឆេះអស់ទាំងស្រុង។ កម្លាំងសមត្ថកិច្ចចេញរថយន្តជាច្រើនគ្រឿង ដើម្បីជួយអន្តរាគមន៍បាញ់ពន្លត់ តែមិនអាចគ្រប់គ្រងបានទាន់ពេលវេលា ដោយសារតែទីតាំងឃ្លាំងបិទ ជិត និងមានរបងថ្ម ព័ន្ធជុំវិញឃ្លាំង។ហេតុការណ៍គ្រោះអគ្គិភ័យនេះបានកើតឡើងនៅវេលាម៉ោង០៨ និង២០ នាទីព្រឹកថ្ងៃទី១៧ ខែមីនា ឆ្នាំ ២០២៣ នៅចំណុចទីតាំងឃ្លាំងស្តុកគ្រឿងបន្លាស់រថយន្ត ភូមិបាយ៉ាប តាមបណ្ដោយផ្លូវឧកញ៉ាម៉ុងរិទ្ធី មូលដ្ឋានសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ តាមប្រភពព័ត៌មានពីពលរដ្ឋនៅជិតឃ្លាំងដែលឆាបឆេះនេះ បានឱ្យដឹងថា នៅមុនពេលកើតហេតុឃើញមានផ្សែងហ៊ុយចេញពីខាងក្នុងឃ្លាំង ស្រាប់តែភ្លាមៗនោះអណ្ដាតភ្លើងខ្មួលខ្មាញ់កាន់តែខ្លាំងទៅខ្លាំងទៅ មិនអាចគ្រប់គ្រងបាន ក៏បានរាយការណ៍ទៅអាជ្ញាធរមូលដ្ឋាន រួចអាជ្ញាធរមូលដ្ឋានបានទំនាក់ទំនងទៅកម្លាំងនគរបាលការិយាល័យ បង្ការពន្លត់អគ្គិភ័យ នៃស្នងការដ្ឋាននគរបាលរាជធានីភ្នំពេញ ដើម្បីចេញរថយន្តជួយអន្តរាគមន៍។តាមប្រភពព័ត៌មានពីលោកវរសេនីយ៍ឯក ព្រហ្ម យ៉ន នាយការិយាល័យបង្ការពន្លត់អគ្គីភ័យនិងសង្គ្រោះនៃស្នងការដ្ឋាននគរបាលរាជធានីភ្នំពេញ បានឲ្យដឹងថា ក្រោយទទួលបានព័ត៌មានលោកបានបញ្ជារថយន្តគ្រប់គោលដៅនៃស្នងការដ្ឋាននគរបាលរាជធានីភ្នំពេញ ឲ្យចេញរថយន្ត ដើម្បីជួយបាញ់ពន្លត់ឲ្យទាន់ពេលវេលា។លោកបានឲ្យដឹងថាក្នុងការជួយអន្តរាគមន៍បាញ់ពន្លត់នេះ អាជ្ញាធរមានផលលំបាកដោយសារតែទីតាំងឃ្លាំងមានច្រកបាញ់តែមួយផ្លូវ និងទីតាំងមានការបិទជិតថែមទាំងមានរបងថ្មព័ទ្ធជុំវិញផងដែរ។ ធ្វើឲ្យកម្លាំងជំនាញលំបាកក្នុងការជួយអន្តរាគមន៍ឲ្យទាន់ពេលវេលា។ ក្នុងហេតុការណ៍គ្រោះអគ្គិភ័យនេះបណ្ដាលឲ្យឆេះខូចខាត ឃ្លាំងជញ្ជាំងថ្មប្រកស័ង្កសី ទំហំ ១៦ម៉ែត្រគុណ ៣០ម៉ែត្រ រថយន្តម៉ាក កាមរីបាឡែន១គ្រឿង សម្ភារៈគ្រឿងបន្លាស់រថយន្ត រួមមាន ប្រេងម៉ាស៊ីនជាដើម ត្រូវបានឆាបឆេះខូចខាតអស់ទាំងស្រុង។ រថយន្តពន្លត់អគ្គិភ័យមកដល់ទីតាំងចំនួន ៣៧គ្រឿង និងបានប្រើប្រាស់ទឹកអស់ចំនួន៧២ឡាន ទើបគ្រប់គ្រងទីតាំងឆេះបាន៕ អត្ថបទ៖ កុម្ភៈ

បណ្ដាញសង្គម

ព័ត៌មានថ្មីៗ

រលកកម្តៅធ្ងន់ធ្ងរនៅតំបន់បាល់កង់ បណ្តាលឲ្យមានភ្លើងឆេះព្រៃនៅប្រទេសប៊ុលហ្គារី និងអាល់បានី

ប្រេសិតពិសេសសហរដ្ឋអាមេរិកជួបជាមួយប្រធានសភាលីបង់នៅទីក្រុងបេរូត

រដ្ឋមន្រ្តីសុខាភិបាល «យុទ្ធសាស្ត្រមួយល្អ លុះត្រាតែយុទ្ធសាស្រ្តនោះត្រូវបានយកទៅអនុវត្តជាក់ស្តែងបាន ដេីម្បីសម្រេចគោលដៅតាមការគ្រោងទុក»

ទូតឥណ្ឌូនេស៊ីកោតសរសើរកម្ពុជា ចំពោះការគ្រប់គ្រងវិស័យព័ត៌មាន និង សោតទស្សន៍

គម្រោង Golden Dome របស់លោក Trump ស្វែងរកជម្រើសជំនួស SpaceX របស់លោក Musk

ប្រធានាធិបតីកូរ៉េខាងត្បូង លោក Lee ប្រកាសតំបន់គ្រោះមហន្តរាយ ក្រោយទឹកជំនន់

អ៊ីស្រាអែលសម្លាប់មនុស្ស ១២នាក់ក្នុងជំរំសំពត់តង់នៅភាគខាងលិចទីក្រុងហ្កាហ្សា

អគារ និងរថយន្តខូចខាត ត្រូវបានមើលឃើញនៅភូមិ al-Mazra'a ប្រទេសស៊ីរី បន្ទាប់ពីភាពរំជើបរំជួល

ភ្លៀងធ្លាក់ខ្លាំង បង្កការជន់លិចនៅតាមទីក្រុងជាច្រើនក្នុងប្រទេសឥណ្ឌា

ភ្លៀងធ្លាក់ខ្លាំងបង្កការរំខានដល់តំបន់ជនបទ និងជន់លិចដីកសិកម្មនៅចិន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877